← All bhajans
Aarti
हनुमान चालीसा · Hanuman Chalisa
The forty-verse devotional composition of Goswami Tulsidas in praise of Hanuman — invocation, forty chaupais, and closing doha · from the Satsang collection
हिन्दी
English
श्रीगुरु चरन सरोज रज, निज मनु मुकुरु सुधारि ।
बरनउं रघुबर बिमल जसु, जो दायकु फल चारि ॥
Śrīguru charan saroj raj, nij manu mukuru sudhāri,
baranauṅ Raghubar bimal jasu, jo dāyaku phal chāri.
बुद्धिहीन तनु जानिके, सुमिरौं पवन कुमार ।
बल बुद्धि विद्या देहु मोहिं, हरहु कलेस विकार ॥
Buddhihīn tanu jānike, sumirauṅ Pavan Kumār,
bal buddhi vidyā dehu mohiṅ, harahu kales vikār.
जय हनुमान ज्ञान गुन सागर । जय कपीस तिहुं लोक उजागर ॥
Jai Hanumān gyān gun sāgar, jai Kapīs tihuṅ lok ujāgar.
राम दूत अतुलित बल धामा । अंजनि पुत्र पवनसुत नामा ॥
Rām dūt atulit bal dhāmā, Añjani putra Pavansut nāmā.
महाबीर बिक्रम बजरंगी । कुमति निवार सुमति के संगी ॥
Mahābīr Bikram Bajraṅgī, kumati nivār sumati ke saṅgī.
कंचन बरन बिराज सुबेसा । कानन कुंडल कुंचित केसा ॥
Kañchan baran birāj subesā, kānan kuṇḍal kuñchit kesā.
हाथ बज्र औ ध्वजा बिराजै । काँधे मूँज जनेऊ साजै ॥
Hāth bajra au dhvajā birājai, kāṅdhe mūñj janeū sājai.
शंकर सुवन केसरीनंदन । तेज प्रताप महा जग वंदन ॥
Śaṅkar suvan Kesarīnandan, tej pratāp mahā jag vandan.
विद्यावान गुनी अति चातुर । राम काज करिबे को आतुर ॥
Vidyāvān gunī ati chātur, Rām kāj karibe ko ātur.
प्रभु चरित्र सुनिबे को रसिया । राम लखन सीता मन बसिया ॥
Prabhu charitra sunibe ko rasiyā, Rām Lakhan Sītā man basiyā.
सूक्ष्म रूप धरि सियहिं दिखावा । बिकट रूप धरि लंक जरावा ॥
Sūkṣma rūp dhari Siyahiṅ dikhāvā, bikaṭ rūp dhari Laṅk jarāvā.
भीम रूप धरि असुर सँहारे । रामचंद्र के काज सँवारे ॥
Bhīm rūp dhari asur sãhāre, Rāmchandra ke kāj sãvāre.
लाय सजीवन लखन जियाये । श्रीरघुबीर हरषि उर लाये ॥
Lāy sajīvan Lakhan jiyāye, Śrī Raghubīr haraṣi ur lāye.
रघुपति कीन्हीं बहुत बड़ाई । तुम मम प्रिय भरतहि सम भाई ॥
Raghupati kīnhīṅ bahut baḍāī, tum mam priya Bharatahi sam bhāī.
सहस बदन तुम्हरो जस गावैं । अस कहि श्रीपति कंठ लगावैं ॥
Sahas badan tumharo jas gāvaiṅ, as kahi Śrīpati kaṇṭh lagāvaiṅ.
सनकादिक ब्रह्मादि मुनीसा । नारद सारद सहित अहीसा ॥
Sanakādik Brahmādi Munīsā, Nārad Sārad sahit Ahīsā.
जम कुबेर दिगपाल जहां ते । कबि कोबिद कहि सके कहां ते ॥
Jam Kuber Digpāl jahāṅ te, kabi kobid kahi sake kahāṅ te.
तुम उपकार सुग्रीवहिं कीन्हा । राम मिलाय राजपद दीन्हा ॥
Tum upakār Sugrīvahiṅ kīnhā, Rām milāy rājpad dīnhā.
तुम्हरो मंत्र बिभीषन माना । लंकेस्वर भए सब जग जाना ॥
Tumharo mantra Bibhīṣan mānā, Laṅkeśvar bhae sab jag jānā.
जुग सहस्र जोजन पर भानू । लील्यो ताहि मधुर फल जानू ॥
Jug sahasra jojan par bhānū, līlyo tāhi madhur phal jānū.
प्रभु मुद्रिका मेलि मुख माहीं । जलधि लाँघि गये अचरज नाहीं ॥
Prabhu mudrikā meli mukh māhīṅ, jaladhi lāṅghi gaye acharaj nāhīṅ.
दुर्गम काज जगत के जेते । सुगम अनुग्रह तुम्हरे तेते ॥
Durgam kāj jagat ke jete, sugam anugrah tumhare tete.
राम दुआरे तुम रखवारे । होत न आज्ञा बिनु पैसारे ॥
Rām duāre tum rakhavāre, hot na āgyā binu paisāre.
सब सुख लहै तुम्हारी सरना । तुम रच्छक काहू को डर ना ॥
Sab sukh lahai tumhārī saranā, tum rachchhak kāhū ko ḍar nā.
आपन तेज सम्हारो आपै । तीनों लोक हांक तें कांपै ॥
Āpan tej samhāro āpai, tīnoṅ lok hāṅk teṅ kāṅpai.
भूत पिशाच निकट नहिं आवै । महाबीर जब नाम सुनावै ॥
Bhūt piśāch nikaṭ nahiṅ āvai, Mahābīr jab nām sunāvai.
नासै रोग हरै सब पीरा । जपत निरंतर हनुमत बीरा ॥
Nāsai rog harai sab pīrā, japat nirantar Hanumat bīrā.
संकट तें हनुमान छुड़ावै । मन क्रम बचन ध्यान जो लावै ॥
Saṅkaṭ teṅ Hanumān chhuḍāvai, man kram bachan dhyān jo lāvai.
सब पर राम तपस्वी राजा । तिन के काज सकल तुम साजा ॥
Sab par Rām tapasvī rājā, tin ke kāj sakal tum sājā.
और मनोरथ जो कोई लावै । सोइ अमित जीवन फल पावै ॥
Aur manorath jo koī lāvai, soi amit jīvan phal pāvai.
चारों जुग परताप तुम्हारा । है परसिद्ध जगत उजियारा ॥
Chāroṅ jug paratāp tumhārā, hai parasiddh jagat ujiyārā.
साधु संत के तुम रखवारे । असुर निकंदन राम दुलारे ॥
Sādhu sant ke tum rakhavāre, asur nikandan Rām dulāre.
अष्ट सिद्धि नौ निधि के दाता । अस बर दीन जानकी माता ॥
Aṣṭa siddhi nau nidhi ke dātā, as bar dīn Jānakī mātā.
राम रसायन तुम्हरे पासा । सदा रहो रघुपति के दासा ॥
Rām rasāyan tumhare pāsā, sadā raho Raghupati ke dāsā.
तुम्हरे भजन राम को पावै । जनम जनम के दुख बिसरावै ॥
Tumhare bhajan Rām ko pāvai, janam janam ke dukh bisrāvai.
अन्तकाल रघुबर पुर जाई । जहां जन्म हरिभक्त कहाई ॥
Antakāl Raghubar pur jāī, jahāṅ janma haribhakt kahāī.
और देवता चित्त न धरई । हनुमत सेइ सर्ब सुख करई ॥
Aur devatā chitt na dharaī, Hanumat sei sarb sukh karaī.
संकट कटै मिटै सब पीरा । जो सुमिरै हनुमत बलबीरा ॥
Saṅkaṭ kaṭai miṭai sab pīrā, jo sumirai Hanumat balabīrā.
जय जय जय हनुमान गोसाईं । कृपा करहु गुरुदेव की नाईं ॥
Jai jai jai Hanumān Gosāīṅ, kṛpā karahu gurudev kī nāīṅ.
जो सत बार पाठ कर कोई । छूटहि बंदि महा सुख होई ॥
Jo sat bār pāṭh kar koī, chhūṭahi bandi mahā sukh hoī.
जो यह पढ़ै हनुमान चालीसा । होय सिद्धि साखी गौरीसा ॥
Jo yah paḍhai Hanumān Chālīsā, hoy siddhi sākhī Gaurīsā.
तुलसीदास सदा हरि चेरा । कीजै नाथ हृदय मह डेरा ॥
Tulsīdās sadā Hari cherā, kījai nāth hṛdaya mah ḍerā.
पवनतनय संकट हरन, मंगल मूरति रूप ।
राम लखन सीता सहित, हृदय बसहु सुर भूप ॥
Pavantanay saṅkaṭ haran, maṅgal mūrati rūp,
Rām Lakhan Sītā sahit, hṛdaya basahu sur bhūp.