← All bhajans
Granth
२. अयोध्याकाण्ड · 2. Ayodhya Kand
Tulsidas's Ramcharitmanas — Book 2, the full text covering the exile of Rama, Sita, and Lakshman to the forest · Devanagari with English transliteration
हिन्दी
English
1 of 1432
॥ श्रीगणेशाय नम: ॥
श्रीजानकीवल्लभो विजयते
Śrī Gaṇeśāya namaḥ.
Śrī Jānakīvallabho vijayate.
2 of 1432
यस्याङ्के च विभाति भूधरसुता देवापगा मस्तके
भाले बालविधुर्गले च गरलं यस्योरसि व्यालराट्।
सोऽयं भूतिविभूषणः सुरवरः सर्वाधिपः सर्वदा
शर्वः सर्वगतः शिवः शशिनिभः श्रीशङ्करः पातु माम् ॥१॥
Yasyāṅke cha vibhāti bhūdharasutā devāpagā mastake,
bhāle bālavidhurgale cha garalaṃ yasyorasi vyālarāṭ.
So'yaṃ bhūtivibhūṣaṇaḥ suravaraḥ sarvādhipaḥ sarvadā
śarvaḥ sarvagataḥ śivaḥ śaśinibhaḥ śrīśaṅkaraḥ pātu mām. (1)
3 of 1432
प्रसन्नतां या न गताभिषेकतस्तथा न मम्ले वनवासदुःखतः।
मुखाम्बुजश्री रघुनन्दनस्य मे सदास्तु सा मञ्जुलमङ्गलप्रदा ॥२॥
Prasannatāṃ yā na gatābhiṣekatastathā na mamle vanavāsaduḥkhataḥ,
mukhāmbujaśrī Raghunandanasya me sadāstu sā mañjulamaṅgalapradā. (2)
4 of 1432
नीलाम्बुजश्यामलकोमलाङ्गं सीतासमारोपितवामभागम्।
पाणौ महासायकचारुचापं नमामि रामं रघुवंशनाथम् ॥३॥
Nīlāmbujaśyāmalakomalāṅgaṃ Sītāsamāropitavāmabhāgam,
pāṇau mahāsāyakachārucāpaṃ namāmi Rāmaṃ Raghuvaṃśanātham. (3)
5 of 1432
दो०—श्रीगुरु चरन सरोज रज निज मनु मुकुरु सुधारि।
बरनउँ रघुबर बिमल जसु जो दायकु फल चारि॥
Do—Śrīguru charan saroj raj nij manu mukuru sudhāri,
baranauṅ Raghubar bimal jasu jo dāyaku phal chāri.
6 of 1432
जब तें रामु ब्याहि घर आए।
नित नव मंगल मोद बधाए॥
भुवन चारिदस भूधर भारी।
सुकृत मेघ बरषहिं सुख बारी॥
Jab teṅ Rāmu byāhi ghar āe,
nit nav maṅgal mod badhāe.
Bhuvan chāridas bhūdhar bhārī,
sukṛt megh baraṣahiṅ sukh bārī.
7 of 1432
रिधि सिधि संपति नदीं सुहाई।
उमगि अवध अंबुधि कहुँ आई॥
मनिगन पुर नर नारि सुजाती।
सुचि अमोल सुंदर सब भाँती॥
Ridhi sidhi saṃpati nadīṅ suhāī,
umagi Avadh aṃbudhi kahuṅ āī.
Manigan pur nar nāri sujātī,
suchi amol suṅdar sab bhāṅtī.
8 of 1432
कहि न जाइ कछु नगर बिभूती।
जनु एतनिअ बिरंचि करतूती॥
सब बिधि सब पुर लोग सुखारी।
रामचंद मुख चंदु निहारी॥
Kahi na jāi kachhu nagar bibhūtī,
janu etania biraṅchi karatūtī.
Sab bidhi sab pur log sukhārī,
Rāmachaṅd mukh chaṅdu nihārī.
9 of 1432
मुदित मातु सब सखीं सहेली।
फलित बिलोकि मनोरथ बेली॥
राम रूपु गुन सीलु सुभाऊ।
प्रमुदित होइ देखि सुनि राऊ॥
Mudit mātu sab sakhīṅ sahelī,
phalit biloki manorath belī.
Rām rūpu gun sīlu subhāū,
pramudit hoi dekhi suni rāū.
10 of 1432
दो०—सब कें उर अभिलाषु अस कहहिं मनाइ महेसु।
आप अछत जुबराज पद रामहि देउ नरेसु ॥१॥
Do—Sab keṅ ur abhilāṣu as kahahiṅ manāi Mahesu,
āp achhat jubarāj pad Rāmahi deu naresu. (1)
11 of 1432
एक समय सब सहित समाजा।
राजसभाँ रघुराजु बिराजा॥
सकल सुकृत मूरति नरनाहू।
राम सुजसु सुनि अतिहि उछाहू॥
Ek samay sab sahit samājā,
rājasabhāṅ Raghurāju birājā.
Sakal sukṛt mūrati naranāhū,
Rām sujasu suni atihi uchhāhū.
12 of 1432
नृप सब रहहिं कृपा अभिलाषें।
लोकप करहिं प्रीति रुख राखें॥
तिभुवन तीनि काल जग माहीं।
भूरिभाग दसरथ सम नाहीं॥
Nṛp sab rahahiṅ kṛpā abhilāṣeṅ,
lokap karahiṅ prīti rukh rākheṅ.
Tibhuvan tīni kāl jag māhīṅ,
bhūribhāg Dasarath sam nāhīṅ.
13 of 1432
मंगलमूल रामु सुत जासू।
जो कछु कहिअ थोर सबु तासू॥
रायँ सुभायँ मुकुरु कर लीन्हा।
बदनु बिलोकि मुकुटु सम कीन्हा॥
Maṅgalmūl Rāmu sut jāsū,
jo kachhu kahia thor sabu tāsū.
Rāyaṅ subhāyaṅ mukuru kar līnhā,
badanu biloki mukuṭu sam kīnhā.
14 of 1432
श्रवन समीप भए सित केसा।
मनहुँ जरठपनु अस उपदेसा॥
नृप जुबराजु राम कहुँ देहू।
जीवन जनम लाहु किन लेहू॥
Śravan samīp bhae sit kesā,
manahuṅ jaraṭhapanu as upadesā.
Nṛp jubarāju Rām kahuṅ dehū,
jīvan janam lāhu kin lehū.
15 of 1432
दो०—यह बिचारु उर आनि नृप सुदिनु सुअवसरु पाइ।
प्रेम पुलकि तन मुदित मन गुरहि सुनायउ जाइ ॥२॥
Do—Yah bichāru ur āni nṛp sudinu suavasaru pāi,
prem pulaki tan mudit man gurahi sunāyau jāi. (2)
16 of 1432
कहइ भुआलु सुनिअ मुनिनायक।
भए राम सब बिधि सब लायक॥
सेवक सचिव सकल पुरबासी।
जे हमारे अरि मित्र उदासी॥
Kahai bhuālu sunia munināyak,
bhae Rām sab bidhi sab lāyak.
Sevak sachiv sakal purabāsī,
je hamāre ari mitra udāsī.
17 of 1432
सबहि रामु प्रिय जेहि बिधि मोही।
प्रभु असीस जनु तनु धरि सोही॥
बिप्र सहित परिवार गोसाईं।
करहिं छोहु सब रौरिहि नाई॥
Sabahi Rāmu priya jehi bidhi mohī,
prabhu asīs janu tanu dhari sohī.
Bipra sahit parivār gosāīṅ,
karahiṅ chhohu sab raurihi nāī.
18 of 1432
जे गुर चरन रेनु सिर धरहीं।
ते जनु सकल बिभव बस करहीं॥
मोहि सम यहु अनुभयउ न दूजें।
सबु पायउँ रज पावनि पूजें॥
Je gur charan renu sir dharahīṅ,
te janu sakal bibhav bas karahīṅ.
Mohi sam yahu anubhayau na dūjeṅ,
sabu pāyauṅ raj pāvani pūjeṅ.
19 of 1432
अब अभिलाषु एकु मन मोरें।
पूजिहि नाथ अनुग्रह तोरें॥
मुनि प्रसन्न लखि सहज सनेहू।
कहेउ नरेस रजायसु देहू॥
Ab abhilāṣu eku man moreṅ,
pūjihi nāth anugrah toreṅ.
Muni prasanna lakhi sahaj sanehū,
kaheu nares rajāyasu dehū.
20 of 1432
दो०—राजन राउर नामु जसु सब अभिमत दातार।
फल अनुगामी महिप मनि मन अभिलाषु तुम्हार ॥३॥
Do—Rājan Raur nāmu jasu sab abhimat dātār,
phal anugāmī mahip mani man abhilāṣu tumhār. (3)
21 of 1432
सब बिधि गुरु प्रसन्न जियँ जानी।
बोलेउ राउ रहँसि मृदु बानी॥
नाथ रामु करिअहिं जुबराजू।
कहिअ कृपा करि करिअ समाजू॥
Sab bidhi guru prasanna jiyaṅ jānī,
boleu rāu rahaṅsi mṛdu bānī.
Nāth Rāmu karia haiṅ jubarājū,
kahia kṛpā kari karia samājū.
22 of 1432
मोहि अछत यहु होइ उछाहू।
लहहिं लोग सब लोचन लाहू॥
प्रभु प्रसाद सिव सबइ निबाहीं।
यह लालसा एक मन माहीं॥
Mohi achhat yahu hoi uchhāhū,
lahahiṅ log sab lochan lāhū.
Prabhu prasād Siv sabai nibāhīṅ,
yah lālasā ek man māhīṅ.
23 of 1432
पुनि न सोच तनु रहउ कि जाऊ।
जेहिं न होइ पाछें पछिताऊ॥
सुनि मुनि दसरथ बचन सुहाए।
मंगल मोद मूल मन भाए॥
Puni na soch tanu rahau ki jāū,
jehiṅ na hoi pāchheṅ pachhitāū.
Suni muni Dasarath bachan suhāe,
maṅgal mod mūl man bhāe.
24 of 1432
सुनु नृप जासु बिमुख पछिताहीं।
जासु भजन बिनु जरनि न जाहीं॥
भयउ तुम्हार तनय सोइ स्वामी।
रामु पुनीत प्रेम अनुगामी॥
Sunu nṛp jāsu bimukh pachhitāhīṅ,
jāsu bhajan binu jarani na jāhīṅ.
Bhayau tumhār tanay soi svāmī,
Rāmu punīt prem anugāmī.
25 of 1432
दो०—बेगि बिलंबु न करिअ नृप साजिअ सबुइ समाजु।
सुदिन सुमंगलु तबहिं जब रामु होहिं जुबराजु ॥४॥
Do—Begi bilaṃbu na karia nṛp sājia sabui samāju,
sudin sumaṅgalu tabahiṅ jab Rāmu hohiṅ jubarāju. (4)
26 of 1432
मुदित महीपति मंदिर आए।
सेवक सचिव सुमंत्रु बोलाए॥
कहि जयजीव सीस तिन्ह नाए।
भूप सुमंगल बचन सुनाए॥
Mudit mahīpati maṅdir āe,
sevak sachiv Sumaṅtru bolāe.
Kahi jayajīv sīs tinh nāe,
bhūp sumaṅgal bachan sunāe.
27 of 1432
जौं पाँचहि मत लागै नीका।
करहु हरषि हियँ रामहि टीका॥
Jauṅ pāṅchahi mat lāgai nīkā,
karahu haraṣi hiyaṅ Rāmahi ṭīkā.
28 of 1432
मंत्री मुदित सुनत प्रिय बानी।
अभिमत बिरवँ परेउ जनु पानी॥
बिनती सचिव करहिं कर जोरी।
जिअहु जगतपति बरिस करोरी॥
Maṅtrī mudit sunat priya bānī,
abhimat biravaṅ pareu janu pānī.
Binatī sachiv karahiṅ kar jorī,
jiahu jagatapati baris karorī.
29 of 1432
जग मंगल भल काजु बिचारा।
बेगिअ नाथ न लाइअ बारा॥
नृपहि मोदु सुनि सचिव सुभाषा।
बढ़त बौंड़ जनु लही सुसाखा॥
Jag maṅgal bhal kāju bichārā,
begia nāth na lāia bārā.
Nṛpahi modu suni sachiv subhāṣā,
baḍhat bauṅḍ janu lahī susākhā.
30 of 1432
दो०—कहेउ भूप मुनिराज कर जोइ जोइ आयसु होइ।
राम राज अभिषेक हित बेगि करहु सोइ सोइ ॥५॥
Do—Kaheu bhūp munirāj kar joi joi āyasu hoi,
Rām rāj abhiṣek hit begi karahu soi soi. (5)
31 of 1432
हरषि मुनीस कहेउ मृदु बानी।
आनहु सकल सुतीरथ पानी॥
औषध मूल फूल फल पाना।
कहे नाम गनि मंगल नाना॥
Haraṣi munīs kaheu mṛdu bānī,
ānahu sakal sutīrath pānī.
Auṣadh mūl phūl phal pānā,
kahe nām gani maṅgal nānā.
32 of 1432
चामर चरम बसन बहु भाँती।
रोम पाट पट अगनित जाती॥
मनिगन मंगल बस्तु अनेका।
जो जग जोगु भूप अभिषेका॥
Chāmar charam basan bahu bhāṅtī,
rom pāṭ paṭ aganit jātī.
Manigan maṅgal bastu anekā,
jo jag jogu bhūp abhiṣekā.
33 of 1432
बेद बिदित कहि सकल बिधाना।
कहेउ रचहु पुर बिबिध बिताना॥
सफल रसाल पूगफल केरा।
रोपहु बीथिन्ह पुर चहुँ फेरा॥
Bed bidit kahi sakal bidhānā,
kaheu rachahu pur bibidh bitānā.
Saphal rasāl pūgaphal kerā,
ropahu bīthinh pur chahuṅ pherā.
34 of 1432
रचहु मंजु मनि चौकें चारू।
कहहु बनावन बेगि बजारू॥
पूजहु गनपति गुर कुलदेवा।
सब बिधि करहु भूमिसुर सेवा॥
Rachahu mañju mani chaukeṅ chārū,
kahahu banāvan begi bajārū.
Pūjahu Ganapati gur kuladevā,
sab bidhi karahu bhūmisur sevā.
35 of 1432
दो०—ध्वज पताक तोरन कलस सजहु तुरग रथ नाग।
सिर धरि मुनिबर बचन सबु निज निज काजहिं लाग ॥६॥
Do—Dhvaj patāk toran kalas sajahu turag rath nāg,
sir dhari munibar bachan sabu nij nij kājahiṅ lāg. (6)
36 of 1432
जो मुनीस जेहि आयसु दीन्हा।
सो तेहिं काजु प्रथम जनु कीन्हा॥
बिप्र साधु सुर पूजत राजा।
करत राम हित मंगल काजा॥
Jo munīs jehi āyasu dīnhā,
so tehiṅ kāju pratham janu kīnhā.
Bipra sādhu sur pūjat rājā,
karat Rām hit maṅgal kājā.
37 of 1432
सुनत राम अभिषेक सुहावा।
बाज गहागह अवध बधावा॥
राम सीय तन सगुन जनाए।
फरकहिं मंगल अंग सुहाए॥
Sunat Rām abhiṣek suhāvā,
bāj gahāgah Avadh badhāvā.
Rām Sīya tan sagun janāe,
pharakahiṅ maṅgal aṅg suhāe.
38 of 1432
पुलकि सप्रेम परसपर कहहीं।
भरत आगमनु सूचक अहहीं॥
भए बहुत दिन अति अवसेरी।
सगुन प्रतीति भेंट प्रिय केरी॥
Pulaki saprem parasapar kahahīṅ,
Bharat āgamanu sūchak ahahīṅ.
Bhae bahut din ati avaserī,
sagun pratīti bheṅṭ priya kerī.
39 of 1432
भरत सरिस प्रिय को जग माहीं।
इहइ सगुन फलु दूसर नाहीं॥
रामहि बंधु सोच दिन राती।
अंडन्हि कमठ हृदउ जेहि भाँती॥
Bharat saris priya ko jag māhīṅ,
ihai sagun phalu dūsar nāhīṅ.
Rāmahi baṅdhu soch din rātī,
aṅḍanhi kamaṭh hṛdau jehi bhāṅtī.
40 of 1432
दो०—एहि अवसर मंगलु परम सुनि रहँसेउ रनिवासु।
सोभत लखि बिधु बढ़त जनु बारिधि बीचि बिलासु ॥७॥
Do—Ehi avasar maṅgalu param suni rahaṅseu ranivāsu,
sobhat lakhi bidhu baḍhat janu bāridhi bīchi bilāsu. (7)
41 of 1432
प्रथम जाइ जिन्ह बचन सुनाए।
भूषन बसन भूरि तिन्ह पाए॥
प्रेम पुलकि तन मन अनुरागीं।
मंगल कलस सजन सब लागीं॥
Pratham jāi jinh bachan sunāe,
bhūṣan basan bhūri tinh pāe.
Prem pulaki tan man anurāgīṅ,
maṅgal kalas sajan sab lāgīṅ.
42 of 1432
चौकें चारु सुमित्राँ पूरी।
मनिमय बिबिध भाँति अति रूरी॥
आनँद मगन राम महतारी।
दिए दान बहु बिप्र हँकारी॥
Chaukeṅ chāru Sumitrāṅ pūrī,
manimay bibidh bhāṅti ati rūrī.
Ānaṅd magan Rām mahatārī,
die dān bahu bipra haṅkārī.
43 of 1432
पूजीं ग्रामदेबि सुर नागा।
कहेउ बहोरि देन बलिभागा॥
जेहि बिधि होइ राम कल्यानू।
देहु दया करि सो बरदानू॥
Pūjīṅ grāmadebi sur nāgā,
kaheu bahori den balibhāgā.
Jehi bidhi hoi Rām kalyānū,
dehu dayā kari so baradānū.
44 of 1432
गावहिं मंगल कोकिलबयनीं।
बिधुबदनीं मृगसावकनयनीं॥
Gāvahiṅ maṅgal kokilabayanīṅ,
bidhubadanīṅ mṛgasāvakanayanīṅ.
45 of 1432
दो०—राम राज अभिषेकु सुनि हियँ हरषे नर नारि।
लगे सुमंगल सजन सब बिधि अनुकूल बिचारि ॥८॥
Do—Rām rāj abhiṣeku suni hiyaṅ haraṣe nar nāri,
lage sumaṅgal sajan sab bidhi anukūl bichāri. (8)
46 of 1432
तब नरनाहँ बसिष्ठु बोलाए।
रामधाम सिख देन पठाए॥
गुर आगमनु सुनत रघुनाथा।
द्वार आइ पद नायउ माथा॥
Tab naranāhaṅ Basiṣṭhu bolāe,
Rāmadhām sikh den paṭhāe.
Gur āgamanu sunat Raghunāthā,
dvār āi pad nāyau māthā.
47 of 1432
सादर अरघ देइ घर आने।
सोरह भाँति पूजि सनमाने॥
गहे चरन सिय सहित बहोरी।
बोले रामु कमल कर जोरी॥
Sādar aragh dei ghar āne,
sorah bhāṅti pūji sanamāne.
Gahe charan Siya sahit bahorī,
bole Rāmu kamal kar jorī.
48 of 1432
सेवक सदन स्वामि आगमनू।
मंगल मूल अमंगल दमनू॥
तदपि उचित जनु बोलि सप्रीती।
पठइअ काज नाथ असि नीती॥
Sevak sadan svāmi āgamanū,
maṅgal mūl amaṅgal damanū.
Tadapi uchit janu boli saprītī,
paṭhaia kāj nāth asi nītī.
49 of 1432
प्रभुता तजि प्रभु कीन्ह सनेहू।
भयउ पुनीत आजु यहु गेहू॥
आयसु होइ सो करौं गोसाईं।
सेवकु लहइ स्वामि सेवकाई॥
Prabhutā taji prabhu kīnha sanehū,
bhayau punīt āju yahu gehū.
Āyasu hoi so karauṅ gosāīṅ,
sevaku lahai svāmi sevakāī.
50 of 1432
दो०—सुनि सनेह साने बचन मुनि रघुबरहि प्रसंस।
राम कस न तुम्ह कहहु अस हंस बंस अवतंस ॥९॥
Do—Suni saneh sāne bachan muni Raghubarahi prasaṅs,
Rām kas na tumh kahahu as haṅs baṅs avataṅs. (9)
51 of 1432
बरनि राम गुन सीलु सुभाऊ।
बोले प्रेम पुलकि मुनिराऊ॥
भूप सजेउ अभिषेक समाजू।
चाहत देन तुम्हहि जुबराजू॥
Barani Rām gun sīlu subhāū,
bole prem pulaki munirāū.
Bhūp sajeu abhiṣek samājū,
chāhat den tumhahi jubarājū.
52 of 1432
राम करहु सब संजम आजू।
जौं बिधि कुसल निबाहै काजू॥
गुरु सिख देइ राय पहिं गयऊ।
राम हृदयँ अस बिसमउ भयऊ॥
Rām karahu sab saṅjam ājū,
jauṅ bidhi kusal nibāhai kājū.
Guru sikh dei rāy pahiṅ gayū,
Rām hṛdayaṅ as bisamau bhayū.
53 of 1432
जनमे एक संग सब भाई।
भोजन सयन केलि लरिकाई॥
करनबेध उपबीत बिआहा।
संग संग सब भए उछाहा॥
Janame ek saṅg sab bhāī,
bhojan sayan keli larikāī.
Karanabedh upabīt biāhā,
saṅg saṅg sab bhae uchhāhā.
54 of 1432
बिमल बंस यहु अनुचित एकू।
बंधु बिहाइ बड़ेहि अभिषेकू॥
प्रभु सप्रेम पछितानि सुहाई।
हरउ भगत मन कै कुटिलाई॥
Bimal baṅs yahu anuchit ekū,
baṅdhu bihāi baḍehi abhiṣekū.
Prabhu saprem pachhitāni suhāī,
harau bhagat man kai kuṭilāī.
55 of 1432
दो०—तेहि अवसर आए लखन मगन प्रेम आनंद।
सनमाने प्रिय बचन कहि रघुकुल कैरव चंद ॥१०॥
Do—Tehi avasar āe Lakhan magan prem ānaṅd,
sanamāne priya bachan kahi Raghukul kairav chaṅd. (10)
56 of 1432
बाजहिं बाजने बिबिध बिधाना।
पुर प्रमोदु नहिं जाइ बखाना॥
भरत आगमनु सकल मनावहिं।
आवहुँ बेगि नयन फलु पावहिं॥
Bājahiṅ bājane bibidh bidhānā,
pur pramodu nahiṅ jāi bakhānā.
Bharat āgamanu sakal manāvahiṅ,
āvahuṅ begi nayan phalu pāvahiṅ.
57 of 1432
हाट बाट घर गलीं अथाईं।
कहहिं परसपर लोग लोगाईं॥
कालि लगन भलि केतिक बारा।
पूजिहि बिधि अभिलाषु हमारा॥
Hāṭ bāṭ ghar galīṅ athāīṅ,
kahahiṅ parasapar log logāīṅ.
Kāli lagan bhali ketik bārā,
pūjihi bidhi abhilāṣu hamārā.
58 of 1432
कनक सिंघासन सीय समेता।
बैठहिं रामु होइ चित चेता॥
सकल कहहिं कब होइहि काली।
बिघन मनावहिं देव कुचाली॥
Kanak siṅghāsan Sīya sametā,
baiṭhahiṅ Rāmu hoi chit chetā.
Sakal kahahiṅ kab hoihi kālī,
bighan manāvahiṅ dev kuchālī.
59 of 1432
तिन्हहि सोहाइ न अवध बधावा।
चोरहि चंदिनि राति न भावा॥
सारद बोलि बिनय सुर करहीं।
बारहिं बार पाय लै परहीं॥
Tinhahi sohāi na Avadh badhāvā,
chorahi chaṅdini rāti na bhāvā.
Sārad boli binay sur karahīṅ,
bārahiṅ bār pāy lai parahīṅ.
60 of 1432
दो०—बिपति हमारि बिलोकि बड़ि मातु करिअ सोइ आजु।
रामु जाहिं बन राजु तजि होइ सकल सुरकाजु ॥११॥
Do—Bipati hamāri biloki baḍi mātu karia soi āju,
Rāmu jāhiṅ ban rāju taji hoi sakal surakāju. (11)
61 of 1432
सुनि सुर बिनय ठाढ़ि पछिताती।
भइउँ सरोज बिपिन हिमराती॥
देखि देव पुनि कहहिं निहोरी।
मातु तोहि नहिं थोरिउ खोरी॥
Suni sur binay ṭhāḍhi pachhitātī,
bhaiuṅ saroj bipin himarātī.
Dekhi dev puni kahahiṅ nihorī,
mātu tohi nahiṅ thoriu khorī.
62 of 1432
बिसमय हरष रहित रघुराऊ।
तुम्ह जानहु सब राम प्रभाऊ॥
जीव करम बस सुख दुख भागी।
जाइअ अवध देवहित लागी॥
Bisamay haraṣ rahit Raghurāū,
tumh jānahu sab Rām prabhāū.
Jīv karam bas sukh dukh bhāgī,
jāia Avadh devahit lāgī.
63 of 1432
बार बार गहि चरन सँकोची।
चली बिचारि बिबुध मति पोची॥
ऊँच निवासु नीचि करतूती।
देखि न सकहिं पराइ बिभूती॥
Bār bār gahi charan saṅkochī,
chalī bichāri bibudh mati pochī.
Ūṅch nivāsu nīchi karatūtī,
dekhi na sakahiṅ parāi bibhūtī.
64 of 1432
आगिल काजु बिचारि बहोरी।
करिहहिं चाह कुसल कबि मोरी॥
हरषि हृदयँ दसरथ पुर आई।
जनु ग्रह दसा दुसह दुखदाई॥
Āgil kāju bichāri bahorī,
karihahiṅ chāh kusal kabi morī.
Haraṣi hṛdayaṅ Dasarath pur āī,
janu grah dasā dusah dukhadāī.
65 of 1432
दो०—नामु मंथरा मंदमति चेरी कैकइ केरि।
अजस पेटारी ताहि करि गई गिरा मति फेरि ॥१२॥
Do—Nāmu Maṅtharā maṅdamati cherī Kaikai keri,
ajas peṭārī tāhi kari gaī girā mati pheri. (12)
66 of 1432
दीख मंथरा नगरु बनावा।
मंजुल मंगल बाज बधावा॥
पूछेसि लोगन्ह काह उछाहू।
राम तिलकु सुनि भा उर दाहू॥
Dīkh Maṅtharā nagaru banāvā,
mañjul maṅgal bāj badhāvā.
Pūchhesi logaṅha kāh uchhāhū,
Rām tilaku suni bhā ur dāhū.
67 of 1432
करइ बिचारु कुबुद्धि कुजाती।
होइ अकाजु कवनि बिधि राती॥
देखि लागि मधु कुटिल किराती।
जिमि गवँ तकइ लेउँ केहि भाँती॥
Karai bichāru kubuddhi kujātī,
hoi akāju kavani bidhi rātī.
Dekhi lāgi madhu kuṭil kirātī,
jimi gavaṅ takai leuṅ kehi bhāṅtī.
68 of 1432
भरत मातु पहिं गइ बिलखानी।
का अनमनि हसि कह हँसि रानी॥
ऊतरु देइ न लेइ उसासू।
नारि चरित करि ढारइ आँसू॥
Bharat mātu pahiṅ gai bilakhānī,
kā anamani hasi kah haṅsi rānī.
Ūtaru dei na lei usāsū,
nāri charit kari ḍhārai āṅsū.
69 of 1432
हँसि कह रानि गालु बड़ तोरें।
दीन्ह लखन सिख अस मन मोरें॥
तबहुँ न बोल चेरि बड़ि पापिनि।
छाड़इ स्वास कारि जनु साँपिनि॥
Haṅsi kah rāni gālu baḍ toreṅ,
dīnha Lakhan sikh as man moreṅ.
Tabahuṅ na bol cheri baḍi pāpini,
chhāḍai svās kāri janu sāṅpini.
70 of 1432
दो०—सभय रानि कह कहसि किन कुसल रामु महिपालु।
लखनु भरतु रिपुदमनु सुनि भा कुबरी उर सालु ॥१३॥
Do—Sabhay rāni kah kahasi kin kusal Rāmu mahipālu,
Lakhanu Bharatu Ripudamanu suni bhā kubarī ur sālu. (13)
71 of 1432
कत सिख देइ हमहि कोउ माई।
गालु करब केहि कर बलु पाई॥
रामहि छाड़ि कुसल केहि आजू।
जेहि जनेसु देइ जुबराजू॥
Kat sikh dei hamahi kou māī,
gālu karab kehi kar balu pāī.
Rāmahi chhāḍi kusal kehi ājū,
jehi janesu dei jubarājū.
72 of 1432
भयउ कौसिलहि बिधि अति दाहिन।
देखत गरब रहत उर नाहिन॥
देखहु कस न जाइ सब सोभा।
जो अवलोकि मोर मनु छोभा॥
Bhayau Kausilahi bidhi ati dāhin,
dekhat garab rahat ur nāhin.
Dekhahu kas na jāi sab sobhā,
jo avaloki mor manu chhobhā.
73 of 1432
पूतु बिदेस न सोचु तुम्हारें।
जानति हहु बस नाहु हमारें॥
नीद बहुत प्रिय सेज तुराई।
लखहु न भूप कपट चतुराई॥
Pūtu bides na sochu tumhāreṅ,
jānati hahu bas nāhu hamāreṅ.
Nīd bahut priya sej turāī,
lakhahu na bhūp kapaṭ chaturāī.
74 of 1432
सुनि प्रिय बचन मलिन मनु जानी।
झुकी रानि अब रहु अरगानी॥
पुनि अस कबहुँ कहसि घरफोरी।
तब धरि जीभ कढ़ावउँ तोरी॥
Suni priya bachan malin manu jānī,
jhukī rāni ab rahu aragānī.
Puni as kabahuṅ kahasi gharaphorī,
tab dhari jībh kaḍhāvauṅ torī.
75 of 1432
दो०—काने खोरे कूबरे कुटिल कुचाली जानि।
तिय बिसेषि पुनि चेरि कहि भरतमातु मुसुकानि ॥१४॥
Do—Kāne khore kūbare kuṭil kuchālī jāni,
tiya biseṣi puni cheri kahi Bharatamātu musukāni. (14)
76 of 1432
प्रियबादिनि सिख दीन्हिउँ तोही।
सपनेहुँ तो पर कोपु न मोही॥
सुदिनु सुमंगल दायकु सोई।
तोर कहा फुर जेहि दिन होई॥
Priyabādini sikh dīnhiuṅ tohī,
sapanehuṅ to par kopu na mohī.
Sudinu sumaṅgal dāyaku soī,
tor kahā phur jehi din hoī.
77 of 1432
जेठ स्वामि सेवक लघु भाई।
यह दिनकर कुल रीति सुहाई॥
राम तिलकु जौं साँचेहुँ काली।
देउँ मागु मन भावत आली॥
Jeṭh svāmi sevak laghu bhāī,
yah dinakar kul rīti suhāī.
Rām tilaku jauṅ sāṅchehuṅ kālī,
deuṅ māgu man bhāvat ālī.
78 of 1432
कौसल्या सम सब महतारी।
रामहि सहज सुभायँ पिआरी॥
मो पर करहिं सनेहु बिसेषी।
मैं करि प्रीति परीछा देखी॥
Kausalyā sam sab mahatārī,
Rāmahi sahaj subhāyaṅ piārī.
Mo par karahiṅ sanehu biseṣī,
maiṅ kari prīti parīchhā dekhī.
79 of 1432
जौं बिधि जनमु देइ करि छोहू।
होहुँ राम सिय पूत पुतोहू॥
प्रान तें अधिक रामु प्रिय मोरें।
तिन्ह के तिलक छोभु कस तोरें॥
Jauṅ bidhi janamu dei kari chhohū,
hohuṅ Rām Siya pūt putohū.
Prān teṅ adhik Rāmu priya moreṅ,
tinh ke tilak chhobhu kas toreṅ.
80 of 1432
दो०—भरत सपथ तोहि सत्य कहु परिहरि कपट दुराउ।
हरष समय बिसमउ करसि कारन मोहि सुनाउ ॥१५॥
Do—Bharat sapath tohi satya kahu parihari kapaṭ durāu,
haraṣ samay bisamau karasi kāran mohi sunāu. (15)
81 of 1432
एकहिं बार आस सब पूजी।
अब कछु कहब जीभ करि दूजी॥
फोरै जोगु कपारु अभागा।
भलेउ कहत दुख रउरेहि लागा॥
Ekahiṅ bār ās sab pūjī,
ab kachhu kahab jībh kari dūjī.
Phorai jogu kapāru abhāgā,
bhaleu kahat dukh raurehi lāgā.
82 of 1432
कहहिं झूठि फुरि बात बनाई।
ते प्रिय तुम्हहि करुइ मैं माई॥
हमहुँ कहबि अब ठकुरसोहाती।
नाहिं त मौन रहब दिनु राती॥
Kahahiṅ jhūṭhi phuri bāt banāī,
te priya tumhahi karui maiṅ māī.
Hamahuṅ kahabi ab ṭhakurasohātī,
nāhiṅ ta maun rahab dinu rātī.
83 of 1432
करि कुरूप बिधि परबस कीन्हा।
बवा सो लुनिअ लहिअ जो दीन्हा॥
कोउ नृप होउ हमहि का हानी।
चेरि छाड़ि अब होब कि रानी॥
Kari kurūp bidhi parabas kīnhā,
bavā so lunia lahia jo dīnhā.
Kou nṛp hou hamahi kā hānī,
cheri chhāḍi ab hob ki rānī.
84 of 1432
जारै जोगु सुभाउ हमारा।
अनभल देखि न जाइ तुम्हारा॥
तातें कछुक बात अनुसारी।
छमिअ देबि बड़ि चूक हमारी॥
jārai jogu subhāu hamārā,
anabhal dekhi na jāi tumhārā.
tāteṅ kachhuk bāt anusārī,
chhami debi baṛi chūk hamārī.
85 of 1432
दो०—गूढ़ कपट प्रिय बचन सुनि तीय अधरबुधि रानि।
सुरमाया बस बैरिनहि सुहृद जानि पतिआनि ॥१६॥
gūṛh kapaṭ priya bachan suni tīy adharabudhi rāni,
suramāyā bas bairinahi suhṛd jāni patiāni. (16)
86 of 1432
सादर पुनि पुनि पूँछति ओही।
सबरी गान मृगी जनु मोही॥
तसि मति फिरी अहइ जसि भाबी।
रहसी चेरि घात जनु फाबी॥
तुम्ह पूँछहु मैं कहत डेराऊँ।
धरेहु मोर घरफोरी नाऊँ॥
सजि प्रतीति बहुबिधि गढ़ि छोली।
अवध साढ़साती तब बोली॥
प्रिय सिय रामु कहा तुम्ह रानी।
रामहि तुम्ह प्रिय सो फुरि बानी॥
रहा प्रथम अब ते दिन बीते।
समउ फिरें रिपु होहिं पिरीते॥
भानु कमल कुल पोषनिहारा।
बिनु जल जारि करइ सोइ छारा॥
जरि तुम्हारि चह सवति उखारी।
रूँधहु करि उपाउ बर बारी॥
sādar puni puni pūṅchhati ohī,
sabarī gān mṛgī janu mohī.
tasi mati phirī ahai jasi bhābī,
rahasī cheri ghāt janu phābī.
tumh pūṅchhahu maiṅ kahat ḍerāūṅ,
dharehu mor gharaphorī nāūṅ.
saji pratīti bahubidhi gaṛhi chholī,
avadh sāṛhasātī tab bolī.
priya Siy Rāmu kahā tumh rānī,
Rāmahi tumh priya so phuri bānī.
rahā pratham ab te din bīte,
samau phireṅ ripu hohiṅ pirīte.
bhānu kamal kul poṣanihārā,
binu jal jāri karai soi chhārā.
jari tumhāri chah savati ukhārī,
rūṅdhahu kari upāu bar bārī.
87 of 1432
दो०—तुम्हहि न सोचु सोहाग बल निज बस जानहु राउ।
मन मलीन मुह मीठ नृपु राउर सरल सुभाउ ॥१७॥
tumhahi na sochu sohāg bal nij bas jānahu rāu,
man malīn muh mīṭh nṛpu rāur saral subhāu. (17)
88 of 1432
चतुर गँभीर राम महतारी।
बीचु पाइ निज बात सँवारी॥
पठए भरतु भूप ननिअउरें।
राम मातु मत जानब रउरें॥
सेवहिं सकल सवति मोहि नीकें।
गरबित भरत मातु बल पी कें॥
सालु तुम्हार कौसिलहि माई।
कपट चतुर नहिं होइ जनाई॥
राजहि तुम्ह पर प्रेमु बिसेषी।
सवति सुभाउ सकइ नहिं देखी॥
रचि प्रपंचु भूपहि अपनाई।
राम तिलक हित लगन धराई॥
यह कुल उचित राम कहुँ टीका।
सबहि सोहाइ मोहि सुठि नीका॥
आगिलि बात समुझि डरु मोही।
देउ दैउ फिरि सो फलु ओही॥
chatur gaṅbhīr Rām mahatārī,
bīchu pāi nij bāt saṅvārī.
paṭhae Bharatu bhūp naniaureṅ,
Rām mātu mat jānab raureṅ.
sevahiṅ sakal savati mohi nīkeṅ,
garabit Bharat mātu bal pī keṅ.
sālu tumhār Kausilahi māī,
kapaṭ chatur nahiṅ hoi janāī.
rājahi tumh par premu biseṣī,
savati subhāu sakai nahiṅ dekhī.
rachi prapaṅchu bhūpahi apanāī,
Rām tilak hit lagan dharāī.
yah kul uchit Rām kahuṅ ṭīkā,
sabahi sohāi mohi suṭhi nīkā.
āgili bāt samujhi ḍaru mohī,
deu daiu phiri so phalu ohī.
89 of 1432
दो०—रचि पचि कोटिक कुटिलपन कीन्हेसि कपट प्रबोधु।
कहिसि कथा सत सवति कै जेहि बिधि बाढ़ बिरोधु ॥१८॥
rachi pachi koṭik kuṭilapan kīnhesi kapaṭ prabodhu,
kahisi kathā sat savati kai jehi bidhi bāṛh birodhu. (18)
90 of 1432
भावी बस प्रतीति उर आई।
पूँछ रानि पुनि सपथ देवाई॥
का पूँछहु तुम्ह अबहुँ न जाना।
निज हित अनहित पसु पहिचाना॥
भयउ पाखु दिन सजत समाजू।
तुम्ह पाई सुधि मोहि सन आजू॥
खाइअ पहिरिअ राज तुम्हारें।
सत्य कहें नहिं दोषु हमारें॥
जौं असत्य कछु कहब बनाई।
तौ बिधि देइहि हमहि सजाई॥
रामहि तिलक कालि जौं भयऊ।
तुम्ह कहुँ बिपति बीजु बिधि बयऊ॥
रेख खँचाइ कहउँ बलु भाषी।
भामिनि भइहु दूध कइ माखी॥
जौं सुत सहित करहु सेवकाई।
तौ घर रहहु न आन उपाई॥
bhāvī bas pratīti ur āī,
pūṅchh rāni puni sapath devāī.
kā pūṅchhahu tumh abahuṅ na jānā,
nij hit anahit pasu pahichānā.
bhayau pākhu din sajat samājū,
tumh pāī sudhi mohi san ājū.
khāi pahiri rāj tumhāreṅ,
satya kaheṅ nahiṅ doṣu hamāreṅ.
jauṅ asatya kachhu kahab banāī,
tau bidhi deihi hamahi sajāī.
Rāmahi tilak kāli jauṅ bhayaū,
tumh kahuṅ bipati bīju bidhi bayaū.
rekh khaṅchāi kahauṅ balu bhāṣī,
bhāmini bhaihu dūdh kai mākhī.
jauṅ sut sahit karahu sevakāī,
tau ghar rahahu na ān upāī.
91 of 1432
दो०—कद्रू बिनतहि दीन्ह दुखु तुम्हहि कौसिलाँ देब।
भरतु बंदिगृह सेइहहिं लखनु राम के नेब ॥१९॥
Kadrū Binatahi dīnh dukhu tumhahi Kausilāṅ deb,
Bharatu baṅdigṛh seihahiṅ Lakhanu Rām ke neb. (19)
92 of 1432
कैकयसुता सुनत कटु बानी।
कहि न सकइ कछु सहमि सुखानी॥
तन पसेउ कदली जिमि काँपी।
कुबरीं दसन जीभ तब चाँपी॥
कहि कहि कोटिक कपट कहानी।
धीरजु धरहु प्रबोधिसि रानी॥
फिरा करमु प्रिय लागि कुचाली।
बकिहि सराहइ मानि मराली॥
सुनु मंथरा बात फुरि तोरी।
दहिनि आँखि नित फरकइ मोरी॥
दिन प्रति देखउँ राति कुसपने।
कहउँ न तोहि मोह बस अपने॥
काह करौं सखि सूध सुभाऊ।
दाहिन बाम न जानउँ काऊ॥
Kaikayasutā sunat kaṭu bānī,
kahi na sakai kachhu sahami sukhānī.
tan paseu kadalī jimi kāṅpī,
Kubarīṅ dasan jībh tab chāṅpī.
kahi kahi koṭik kapaṭ kahānī,
dhīraju dharahu prabodhisi rānī.
phirā karamu priya lāgi kuchālī,
bakihi sarāhai māni marālī.
sunu maṅtharā bāt phuri torī,
dahini āṅkhi nit pharakai morī.
din prati dekhauṅ rāti kusapane,
kahauṅ na tohi moh bas apane.
kāh karauṅ sakhi sūdh subhāū,
dāhin bām na jānauṅ kāū.
93 of 1432
दो०—अपनें चलत न आजु लगि अनभल काहुक कीन्ह।
केहिं अघ एकहि बार मोहि दैअँ दुसह दुखु दीन्ह ॥२०॥
apaneṅ chalat na āju lagi anabhal kāhuk kīnh,
kehiṅ agh ekahi bār mohi daiaṅ dusah dukhu dīnh. (20)
94 of 1432
नैहर जनमु भरब बरु जाई।
जिअत न करबि सवति सेवकाई॥
अरि बस दैउ जिआवत जाही।
मरनु नीक तेहि जीवन चाही॥
दीन बचन कह बहुबिधि रानी।
सुनि कुबरीं तियमाया ठानी॥
अस कस कहहु मानि मन ऊना।
सुखु सोहागु तुम्ह कहुँ दिन दूना॥
जेहिं राउर अति अनभल ताका।
सोइ पाइहि यहु फलु परिपाका॥
जब तें कुमत सुना मैं स्वामिनि।
भूख न बासर नीद न जामिनि॥
पूँछेउँ गुनिन्ह रेख तिन्ह खाँची।
भरत भुआल होहिं यह साँची॥
भामिनि करहु त कहौं उपाऊ।
है तुम्हरीं सेवा बस राऊ॥
naihar janamu bharab baru jāī,
jiat na karabi savati sevakāī.
ari bas daiu jiāvat jāhī,
maranu nīk tehi jīvan chāhī.
dīn bachan kah bahubidhi rānī,
suni Kubarīṅ tiyamāyā ṭhānī.
as kas kahahu māni man ūnā,
sukhu sohāgu tumh kahuṅ din dūnā.
jehiṅ rāur ati anabhal tākā,
soi pāihi yahu phalu paripākā.
jab teṅ kumat sunā maiṅ svāmini,
bhūkh na bāsar nīd na jāmini.
pūṅchheuṅ guninh rekh tinh khāṅchī,
Bharat bhuāl hohiṅ yah sāṅchī.
bhāmini karahu ta kahauṅ upāū,
hai tumharīṅ sevā bas rāū.
95 of 1432
दो०—परउँ कूप तुअ बचन पर सकउँ पूत पति त्यागि।
कहसि मोर दुखु देखि बड़ कस न करब हित लागि ॥२१॥
parauṅ kūp tu bachan par sakauṅ pūt pati tyāgi,
kahasi mor dukhu dekhi baṛ kas na karab hit lāgi. (21)
96 of 1432
कुबरीं करि कबुली कैकेई।
कपट छुरी उर पाहन टेई॥
लखइ न रानि निकट दुखु कैसें।
चरइ हरित तिन बलिपसु जैसें॥
सुनत बात मृदु अंत कठोरी।
देति मनहुँ मधु माहुर घोरी॥
कहइ चेरि सुधि अहइ कि नाहीं।
स्वामिनि कहिहु कथा मोहि पाहीं॥
दुइ बरदान भूप सन थाती।
मागहु आजु जुड़ावहु छाती॥
सुतहि राजु रामहि बनबासू।
देहु लेहु सब सवति हुलासू॥
भूपति राम सपथ जब करई।
तब मागेहु जेहिं बचनु न टरई॥
होइ अकाजु आजु निसि बीतें।
बचनु मोर प्रिय मानेहु जी तें॥
Kubarīṅ kari kabulī Kaikeī,
kapaṭ chhurī ur pāhan ṭeī.
lakhai na rāni nikaṭ dukhu kaiseṅ,
charai harit tin balipasu jaiseṅ.
sunat bāt mṛdu aṅt kaṭhorī,
deti manahuṅ madhu māhur ghorī.
kahai cheri sudhi ahai ki nāhīṅ,
svāmini kahihu kathā mohi pāhīṅ.
dui baradān bhūp san thātī,
māgahu āju juṛāvahu chhātī.
sutahi rāju Rāmahi banabāsū,
dehu lehu sab savati hulāsū.
bhūpati Rām sapath jab karaī,
tab māgehu jehiṅ bachanu na ṭaraī.
hoi akāju āju nisi bīteṅ,
bachanu mor priya mānehu jī teṅ.
97 of 1432
दो०—बड़ कुघातु करि पातकिनि कहेसि कोपगृहँ जाहु।
काजु सँवारेहु सजग सबु सहसा जनि पतिआहु ॥२२॥
baṛ kughātu kari pātakini kahesi kopagṛhaṅ jāhu,
kāju saṅvārehu sajag sabu sahasā jani patiāhu. (22)
98 of 1432
कुबरिहि रानि प्रानप्रिय जानी।
बार बार बड़ि बुद्धि बखानी॥
तोहि सम हित न मोर संसारा।
बहे जात कइ भइसि अधारा॥
जौं बिधि पुरब मनोरथु काली।
करौं तोहि चख पूतरि आली॥
बहुबिधि चेरिहि आदरु देई।
कोपभवन गवनी कैकेई॥
बिपति बीजु बरषा रितु चेरी।
भुइँ भइ कुमति कैकई केरी॥
पाइ कपट जलु अंकुर जामा।
बर दोउ दल दुख फल परिनामा॥
कोप समाजु साजि सबु सोई।
राजु करत निज कुमति बिगोई॥
राउर नगर कोलाहलु होई।
यह कुचालि कछु जान न कोई॥
Kubarihi rāni prānapriya jānī,
bār bār baṛi buddhi bakhānī.
tohi sam hit na mor saṅsārā,
bahe jāt kai bhaisi adhārā.
jauṅ bidhi purab manorathu kālī,
karauṅ tohi chakh pūtari ālī.
bahubidhi cherihi ādaru deī,
kopabhavan gavanī Kaikeī.
bipati bīju baraṣā ritu cherī,
bhuiṅ bhai kumati kaikaī kerī.
pāi kapaṭ jalu aṅkur jāmā,
bar dou dal dukh phal parināmā.
kop samāju sāji sabu soī,
rāju karat nij kumati bigoī.
rāur nagar kolāhalu hoī,
yah kuchāli kachhu jān na koī.
99 of 1432
दो०—प्रमुदित पुर नर नारि सब सजहिं सुमंगलचार।
एक प्रबिसहिं एक निर्गमहिं भीर भूप दरबार ॥२३॥
pramudit pur nar nāri sab sajahiṅ sumaṅgalachār,
ek prabisahiṅ ek nirgamahiṅ bhīr bhūp darabār. (23)
100 of 1432
बाल सखा सुनि हियँ हरषाहीं।
मिलि दस पाँच राम पहिं जाहीं॥
प्रभु आदरहिं प्रेमु पहिचानी।
पूँछहिं कुसल खेम मृदु बानी॥
फिरहिं भवन प्रिय आयसु पाई।
करत परसपर राम बड़ाई॥
को रघुबीर सरिस संसारा।
सीलु सनेहु निबाहनिहारा॥
जेहिं जेहिं जोनि करम बस भ्रमहीं।
तहँ तहँ ईसु देउ यह हमहीं॥
सेवक हम स्वामी सियनाहू।
होउ नात यह ओर निबाहू॥
अस अभिलाषु नगर सब काहू।
कैकयसुता हृदयँ अति दाहू॥
को न कुसंगति पाइ नसाई।
रहइ न नीच मतें चतुराई॥
bāl sakhā suni hiyaṅ haraṣāhīṅ,
mili das pāṅch Rām pahiṅ jāhīṅ.
prabhu ādarahiṅ premu pahichānī,
pūṅchhahiṅ kusal khem mṛdu bānī.
phirahiṅ bhavan priya āyasu pāī,
karat parasapar Rām baṛāī.
ko Raghubīr saris saṅsārā,
sīlu sanehu nibāhanihārā.
jehiṅ jehiṅ joni karam bas bhramahīṅ,
tahaṅ tahaṅ īsu deu yah hamahīṅ.
sevak ham svāmī Siyanāhū,
hou nāt yah or nibāhū.
as abhilāṣu nagar sab kāhū,
Kaikayasutā hṛdayaṅ ati dāhū.
ko na kusaṅgati pāi nasāī,
rahai na nīch mateṅ chaturāī.
101 of 1432
दो०—साँझ समय सानंद नृपु गयउ कैकई गेहँ।
गवनु निठुरता निकट किय जनु धरि देह सनेहँ ॥२४॥
sāṅjh samay sānaṅd nṛpu gayau kaikaī gehaṅ,
gavanu niṭhuratā nikaṭ kiy janu dhari deh sanehaṅ. (24)
102 of 1432
कोपभवन सुनि सकुचेउ राऊ।
भय बस अगहुड़ परइ न पाऊ॥
सुरपति बसइ बाहँबल जाकें।
नरपति सकल रहहिं रुख ताकें॥
सो सुनि तिय रिस गयउ सुखाई।
देखहु काम प्रताप बड़ाई॥
सूल कुलिस असि अँगवनिहारे।
ते रतिनाथ सुमन सर मारे॥
सभय नरेसु प्रिया पहिं गयऊ।
देखि दसा दुखु दारुन भयऊ॥
भूमि सयन पटु मोट पुराना।
दिए डारि तन भूषन नाना॥
कुमतिहि कसि कुबेषता फाबी।
अनअहिवातु सूच जनु भाबी॥
जाइ निकट नृपु कह मृदु बानी।
प्रानप्रिया केहि हेतु रिसानी॥
kopabhavan suni sakucheu rāū,
bhay bas agahuṛ parai na pāū.
surapati basai bāhaṅbal jākeṅ,
narapati sakal rahahiṅ rukh tākeṅ.
so suni tiy ris gayau sukhāī,
dekhahu Kām pratāp baṛāī.
sūl kulis asi aṅgavanihāre,
te Ratināth suman sar māre.
sabhay naresu priyā pahiṅ gayaū,
dekhi dasā dukhu dārun bhayaū.
bhūmi sayan paṭu moṭ purānā,
die ḍāri tan bhūṣan nānā.
kumatihi kasi kubeṣatā phābī,
anaahivātu sūch janu bhābī.
jāi nikaṭ nṛpu kah mṛdu bānī,
prānapriyā kehi hetu risānī.
103 of 1432
छं०—केहि हेतु रानि रिसानि परसत पानि पतिहि नेवारई।
मानहुँ सरोष भुअंग भामिनि बिषम भाँति निहारई।
दोउ बासना रसना दसन बर मरम ठाहरु देखई।
तुलसी नृपति भवतब्यता बस काम कौतुक लेखई॥
kehi hetu rāni risāni parasat pāni patihi nevāraī,
mānahuṅ saroṣ bhuaṅg bhāmini biṣam bhāṅti nihāraī,
dou bāsanā rasanā dasan bar maram ṭhāharu dekhaī,
Tulasī nṛpati bhavatabyatā bas Kām kautuk lekhaī.
104 of 1432
सो०—बार बार कह राउ सुमुखि सुलोचनि पिकबचनि।
कारन मोहि सुनाउ गजगामिनि निज कोप कर ॥२५॥
bār bār kah rāu sumukhi sulochani pikabachani,
kāran mohi sunāu gajagāmini nij kop kar. (25)
105 of 1432
अनहित तोर प्रिया केइँ कीन्हा।
केहि दुइ सिर केहि जमु चह लीन्हा॥
कहु केहि रंकहि करौं नरेसू।
कहु केहि नृपहि निकासौं देसू॥
सकउँ तोर अरि अमरउ मारी।
काह कीट बपुरे नर नारी॥
जानसि मोर सुभाउ बरोरू।
मनु तव आनन चंद चकोरू॥
प्रिया प्रान सुत सरबसु मोरें।
परिजन प्रजा सकल बस तोरें॥
जौं कछु कहौं कपटु करि तोही।
भामिनि राम सपथ सत मोही॥
बिहसि मागु मनभावति बाता।
भूषन सजहि मनोहर गाता॥
घरी कुघरी समुझि जियँ देखू।
बेगि प्रिया परिहरहि कुबेषू॥
anahit tor priyā keiṅ kīnhā,
kehi dui sir kehi jamu chah līnhā.
kahu kehi raṅkahi karauṅ naresū,
kahu kehi nṛpahi nikāsauṅ desū.
sakauṅ tor ari amarau mārī,
kāh kīṭ bapure nar nārī.
jānasi mor subhāu barorū,
manu tav ānan chaṅd chakorū.
priyā prān sut sarabasu moreṅ,
parijan prajā sakal bas toreṅ.
jauṅ kachhu kahauṅ kapaṭu kari tohī,
bhāmini Rām sapath sat mohī.
bihasi māgu manabhāvati bātā,
bhūṣan sajahi manohar gātā.
gharī kugharī samujhi jiyaṅ dekhū,
begi priyā pariharahi kubeṣū.
106 of 1432
दो०—यह सुनि मन गुनि सपथ बड़ि बिहसि उठी मतिमंद।
भूषन सजति बिलोकि मृगु मनहुँ किरातिनि फंद ॥२६॥
yah suni man guni sapath baṛi bihasi uṭhī matimaṅd,
bhūṣan sajati biloki mṛgu manahuṅ kirātini phaṅd. (26)
107 of 1432
पुनि कह राउ सुहृद जियँ जानी।
प्रेम पुलकि मृदु मंजुल बानी॥
भामिनि भयउ तोर मनभावा।
घर घर नगर अनंद बधावा॥
रामहि देउँ कालि जुबराजू।
सजहि सुलोचनि मंगल साजू॥
दलकि उठेउ सुनि हृदउ कठोरू।
जनु छुइ गयउ पाक बरतोरू॥
ऐसिउ पीर बिहसि तेहिं गोई।
चोर नारि जिमि प्रगटि न रोई॥
लखहिं न भूप कपट चतुराई।
कोटि कुटिल मनि गुरू पढ़ाई॥
जद्यपि नीति निपुन नरनाहू।
नारिचरित जलनिधि अवगाहू॥
कपट सनेहु बढ़ाइ बहोरी।
बोली बिहसि नयन मुहु मोरी॥
puni kah rāu suhṛd jiyaṅ jānī,
prem pulaki mṛdu maṅjul bānī.
bhāmini bhayau tor manabhāvā,
ghar ghar nagar anaṅd badhāvā.
Rāmahi deuṅ kāli jubarājū,
sajahi sulochani maṅgal sājū.
dalaki uṭheu suni hṛdau kaṭhorū,
janu chhui gayau pāk baratorū.
aisiu pīr bihasi tehiṅ goī,
chor nāri jimi pragaṭi na roī.
lakhahiṅ na bhūp kapaṭ chaturāī,
koṭi kuṭil mani gurū paṛhāī.
jadyapi nīti nipun naranāhū,
nāricharit jalanidhi avagāhū.
kapaṭ sanehu baṛhāi bahorī,
bolī bihasi nayan muhu morī.
108 of 1432
दो०—मागु मागु पै कहहु पिय कबहुँ न देहु न लेहु।
देन कहेहु बरदान दुइ तेउ पावत संदेहु ॥२७॥
māgu māgu pai kahahu piy kabahuṅ na dehu na lehu,
den kahehu baradān dui teu pāvat saṅdehu. (27)
109 of 1432
जानेउँ मरमु राउ हँसि कहई।
तुम्हहि कोहाब परम प्रिय अहई॥
थाती राखि न मागिहु काऊ।
बिसरि गयउ मोहि भोर सुभाऊ॥
झूठेहुँ हमहि दोषु जनि देहू।
दुइ कै चारि मागि मकु लेहू॥
रघुकुल रीति सदा चलि आई।
प्रान जाहुँ बरु बचनु न जाई॥
नहिं असत्य सम पातक पुंजा।
गिरि सम होहिं कि कोटिक गुंजा॥
सत्यमूल सब सुकृत सुहाए।
बेद पुरान बिदित मनु गाए॥
तेहि पर राम सपथ करि आई।
सुकृत सनेह अवधि रघुराई॥
बात दृढ़ाइ कुमति हँसि बोली।
कुमत कुबिहग कुलह जनु खोली॥
jāneuṅ maramu rāu haṅsi kahaī,
tumhahi kohāb param priya ahaī.
thātī rākhi na māgihu kāū,
bisari gayau mohi bhor subhāū.
jhūṭhehuṅ hamahi doṣu jani dehū,
dui kai chāri māgi maku lehū.
Raghukul rīti sadā chali āī,
prān jāhuṅ baru bachanu na jāī.
nahiṅ asatya sam pātak puṅjā,
giri sam hohiṅ ki koṭik guṅjā.
satyamūl sab sukṛt suhāe,
bed purān bidit manu gāe.
tehi par Rām sapath kari āī,
sukṛt saneh avadhi Raghurāī.
bāt dṛṛhāi kumati haṅsi bolī,
kumat kubihag kulah janu kholī.
110 of 1432
दो०—भूप मनोरथ सुभग बनु सुख सुबिहंग समाजु।
भिल्लिनि जिमि छाड़न चहति बचनु भयंकरु बाजु ॥२८॥
bhūp manorath subhag banu sukh subihaṅg samāju,
bhillini jimi chhāṛan chahati bachanu bhayaṅkaru bāju. (28)
111 of 1432
सुनहु प्रानप्रिय भावत जी का।
देहु एक बर भरतहि टीका॥
मागउँ दूसर बर कर जोरी।
पुरवहु नाथ मनोरथ मोरी॥
तापस बेष बिसेषि उदासी।
चौदह बरिस रामु बनबासी॥
सुनि मृदु बचन भूप हियँ सोकू।
ससि कर छुअत बिकल जिमि कोकू॥
गयउ सहमि नहिं कछु कहि आवा।
जनु सचान बन झपटेउ लावा॥
बिबरन भयउ निपट नरपालू।
दामिनि हनेउ मनहुँ तरु तालू॥
माथें हाथ मूदि दोउ लोचन।
तनु धरि सोचु लाग जनु सोचन॥
मोर मनोरथु सुरतरु फूला।
फरत करिनि जिमि हतेउ समूला॥
अवध उजारि कीन्हि कैकेई।
दीन्हिसि अचल बिपति कै नेई॥
sunahu prānapriya bhāvat jī kā,
dehu ek bar Bharatahi ṭīkā.
māgauṅ dūsar bar kar jorī,
puravahu nāth manorath morī.
tāpas beṣ biseṣi udāsī,
chaudah baris Rāmu banabāsī.
suni mṛdu bachan bhūp hiyaṅ sokū,
sasi kar chhuat bikal jimi kokū.
gayau sahami nahiṅ kachhu kahi āvā,
janu sachān ban jhapaṭeu lāvā.
bibaran bhayau nipaṭ narapālū,
dāmini haneu manahuṅ taru tālū.
mātheṅ hāth mūdi dou lochan,
tanu dhari sochu lāg janu sochan.
mor manorathu surataru phūlā,
pharat karini jimi hateu samūlā.
avadh ujāri kīnhi Kaikeī,
dīnhisi achal bipati kai neī.
112 of 1432
दो०—कवनें अवसर का भयउ गयउँ नारि बिस्वास।
जोग सिद्धि फल समय जिमि जतिहि अबिद्या नास ॥२९॥
kavaneṅ avasar kā bhayau gayauṅ nāri bisvās,
jog siddhi phal samay jimi jatihi abidyā nās. (29)
113 of 1432
एहि बिधि राउ मनहिं मन झाँखा।
देखि कुभाँति कुमति मन माखा॥
भरतु कि राउर पूत न होंही।
आनेहु मोल बेसाहि कि मोही॥
जो सुनि सरु अस लाग तुम्हारें।
काहे न बोलहु बचनु सँभारें॥
देहु उतरु अनु करहु कि नाहीं।
सत्यसंध तुम्ह रघुकुल माहीं॥
देन कहेहु अब जनि बरु देहू।
तजहु सत्य जग अपजसु लेहू॥
सत्य सराहि कहेहु बरु देना।
जानेहु लेइहि मागि चबेना॥
सिबि दधीचि बलि जो कछु भाषा।
तनु धनु तजेउ बचन पनु राखा॥
अति कटु बचन कहति कैकेई।
मानहुँ लोन जरे पर देई॥
ehi bidhi rāu manahiṅ man jhāṅkhā,
dekhi kubhāṅti kumati man mākhā.
Bharatu ki rāur pūt na hoṅhī,
ānehu mol besāhi ki mohī.
jo suni saru as lāg tumhāreṅ,
kāhe na bolahu bachanu saṅbhāreṅ.
dehu utaru anu karahu ki nāhīṅ,
satyasaṅdh tumh Raghukul māhīṅ.
den kahehu ab jani baru dehū,
tajahu satya jag apajasu lehū.
satya sarāhi kahehu baru denā,
jānehu leihi māgi chabenā.
sibi dadhīchi bali jo kachhu bhāṣā,
tanu dhanu tajeu bachan panu rākhā.
ati kaṭu bachan kahati Kaikeī,
mānahuṅ lon jare par deī.
114 of 1432
दो०—धरम धुरंधर धीर धरि नयन उघारे रायँ।
सिरु धुनि लीन्हि उसास असि मारेसि मोहि कुठायँ ॥३०॥
dharam dhuraṅdhar dhīr dhari nayan ughāre rāyaṅ,
siru dhuni līnhi usās asi māresi mohi kuṭhāyaṅ. (30)
115 of 1432
आगें दीखि जरत रिस भारी।
मनहुँ रोष तरवारि उघारी॥
मूठि कुबुद्धि धार निठुराई।
धरी कूबरीं सान बनाई॥
लखी महीप कराल कठोरा।
सत्य कि जीवनु लेइहि मोरा॥
बोले राउ कठिन करि छाती।
बानी सबिनय तासु सोहाती॥
प्रिया बचन कस कहसि कुभाँती।
भीर प्रतीति प्रीति करि हाँती॥
मोरें भरतु रामु दुइ आँखी।
सत्य कहउँ करि संकरु साखी॥
अवसि दूतु मैं पठइब प्राता।
ऐहहिं बेगि सुनत दोउ भ्राता॥
सुदिन सोधि सबु साजु सजाई।
देउँ भरत कहुँ राजु बजाई॥
āgeṅ dīkhi jarat ris bhārī,
manahuṅ roṣ taravāri ughārī.
mūṭhi kubuddhi dhār niṭhurāī,
dharī Kūbarīṅ sān banāī.
lakhī mahīp karāl kaṭhorā,
satya ki jīvanu leihi morā.
bole rāu kaṭhin kari chhātī,
bānī sabinay tāsu sohātī.
priyā bachan kas kahasi kubhāṅtī,
bhīr pratīti prīti kari hāṅtī.
moreṅ Bharatu Rāmu dui āṅkhī,
satya kahauṅ kari Saṅkaru sākhī.
avasi dūtu maiṅ paṭhaib prātā,
aihahiṅ begi sunat dou bhrātā.
sudin sodhi sabu sāju sajāī,
deuṅ Bharat kahuṅ rāju bajāī.
116 of 1432
दो०—लोभु न रामहि राजु कर बहुत भरत पर प्रीति।
मैं बड़ छोट बिचारि जियँ करत रहेउँ नृपनीति ॥३१॥
lobhu na Rāmahi rāju kar bahut Bharat par prīti,
maiṅ baṛ chhoṭ bichāri jiyaṅ karat raheuṅ nṛpanīti. (31)
117 of 1432
राम सपथ सत कहउँ सुभाऊ।
राममातु कछु कहेउ न काऊ॥
मैं सबु कीन्ह तोहि बिनु पूँछें।
तेहि तें परेउ मनोरथु छूछें॥
रिस परिहरु अब मंगल साजू।
कछु दिन गएँ भरत जुबराजू॥
एकहि बात मोहि दुखु लागा।
बर दूसर असमंजस मागा॥
अजहूँ हृदउ जरत तेहि आँचा।
रिस परिहास कि साँचेहुँ साँचा॥
कहु तजि रोषु राम अपराधू।
सबु कोउ कहइ रामु सुठि साधू॥
तुहूँ सराहसि करसि सनेहू।
अब सुनि मोहि भयउ संदेहू॥
जासु सुभाउ अरिहि अनुकूला।
सो किमि करिहि मातु प्रतिकूला॥
Rām sapath sat kahauṅ subhāū,
Rāmamātu kachhu kaheu na kāū.
maiṅ sabu kīnh tohi binu pūṅchheṅ,
tehi teṅ pareu manorathu chhūchheṅ.
ris pariharu ab maṅgal sājū,
kachhu din gaeṅ Bharat jubarājū.
ekahi bāt mohi dukhu lāgā,
bar dūsar asamaṅjas māgā.
ajahūṅ hṛdau jarat tehi āṅchā,
ris parihās ki sāṅchehuṅ sāṅchā.
kahu taji roṣu Rām aparādhū,
sabu kou kahai Rāmu suṭhi sādhū.
tuhūṅ sarāhasi karasi sanehū,
ab suni mohi bhayau saṅdehū.
jāsu subhāu arihi anukūlā,
so kimi karihi mātu pratikūlā.
118 of 1432
दो०—प्रिया हास रिस परिहरहि मागु बिचारि बिबेकु।
जेहिं देखौं अब नयन भरि भरत राज अभिषेकु ॥३२॥
priyā hās ris pariharahi māgu bichāri bibeku,
jehiṅ dekhauṅ ab nayan bhari Bharat rāj abhiṣeku. (32)
119 of 1432
जिऐ मीन बरु बारि बिहीना।
मनि बिनु फनिकु जिऐ दुख दीना॥
कहउँ सुभाउ न छलु मन माहीं।
जीवनु मोर राम बिनु नाहीं॥
समुझि देखु जियँ प्रिया प्रबीना।
जीवनु राम दरस आधीना॥
सुनि मृदु बचन कुमति अति जरई।
मनहुँ अनल आहुति घृत परई॥
कहइ करहु किन कोटि उपाया।
इहाँ न लागिहि राउरि माया॥
देहु कि लेहु अजसु करि नाहीं।
मोहि न बहुत प्रपंच सोहाहीं॥
रामु साधु तुम्ह साधु सयाने।
राममातु भलि सब पहिचाने॥
जस कौसिलाँ मोर भल ताका।
तस फलु उन्हहि देउँ करि साका॥
jiai mīn baru bāri bihīnā,
mani binu phaniku jiai dukh dīnā.
kahauṅ subhāu na chhalu man māhīṅ,
jīvanu mor Rām binu nāhīṅ.
samujhi dekhu jiyaṅ priyā prabīnā,
jīvanu Rām daras ādhīnā.
suni mṛdu bachan kumati ati jaraī,
manahuṅ anal āhuti ghṛt paraī.
kahai karahu kin koṭi upāyā,
ihāṅ na lāgihi rāuri māyā.
dehu ki lehu ajasu kari nāhīṅ,
mohi na bahut prapaṅch sohāhīṅ.
Rāmu sādhu tumh sādhu sayāne,
Rāmamātu bhali sab pahichāne.
jas Kausilāṅ mor bhal tākā,
tas phalu unhahi deuṅ kari sākā.
120 of 1432
दो०—होत प्रातु मुनिबेष धरि जौं न रामु बन जाहिं।
मोर मरनु राउर अजस नृप समुझिअ मन माहिं ॥३३॥
hot prātu munibeṣ dhari jauṅ na Rāmu ban jāhiṅ,
mor maranu rāur ajas nṛp samujhi man māhiṅ. (33)
121 of 1432
अस कहि कुटिल भई उठि ठाढ़ी।
मानहुँ रोष तरंगिनि बाढ़ी॥
पाप पहार प्रगट भइ सोई।
भरी क्रोध जल जाइ न जोई॥
asa kahi kuṭila bhaī uṭhi ṭhāṛhī.
mānahu~ roṣa taraṅgini bāṛhī..
pāpa pahāra pragaṭa bhai soī.
bharī krodha jala jāi na joī..
122 of 1432
दोउ बर कूल कठिन हठ धारा।
भवँर कूबरी बचन प्रचारा॥
ढाहत भूपरूप तरु मूला।
चली बिपति बारिधि अनुकूला॥
dou bara kūla kaṭhina haṭha dhārā.
bhava~ra kūbarī bacana pracārā..
ḍhāhata bhūparūpa taru mūlā.
calī bipati bāridhi anukūlā..
123 of 1432
लखी नरेस बात फुरि साँची।
तिय मिस मीचु सीस पर नाची॥
गहि पद बिनय कीन्ह बैठारी।
जनि दिनकर कुल होसि कुठारी॥
lakhī naresa bāta phuri sā~cī.
tiya misa mīcu sīsa para nācī..
gahi pada binaya kīnha baiṭhārī.
jani dinakara kula hosi kuṭhārī..
124 of 1432
मागु माथ अबहीं देउँ तोही।
राम बिरहँ जनि मारसि मोही॥
राखु राम कहुँ जेहि तेहि भाँती।
नाहिं त जरिहि जनम भरि छाती॥
māgu mātha abahī~ deu~ tohī.
rāma birah~ jani mārasi mohī..
rākhu rāma kahu~ jehi tehi bhā~tī.
nāhi~ ta jarihi janama bhari chātī..
125 of 1432
दो०—देखी ब्याधि असाध नृपु परेउ धरनि धुनि माथ।
कहत परम आरत बचन राम राम रघुनाथ ॥३४॥
do0—dekhī byādhi asādha nṛpu pareu dharani dhuni mātha.
kahata parama ārata bacana rāma rāma raghunātha..34..
126 of 1432
ब्याकुल राउ सिथिल सब गाता।
करिनि कलपतरु मनहुँ निपाता॥
कंठु सूख मुख आव न बानी।
जनु पाठीनु दीन बिनु पानी॥
byākula rāu sithila saba gātā.
karini kalapataru manahu~ nipātā..
kaṇṭhu sūkha mukha āva na bānī.
janu pāṭhīnu dīna binu pānī..
127 of 1432
पुनि कह कटु कठोर कैकेई।
मनहुँ घाय महुँ माहुर देई॥
जौं अंतहुँ अस करतबु रहेऊ।
मागु मागु तुम्ह केहिं बल कहेऊ॥
puni kaha kaṭu kaṭhora kaikeī.
manahu~ ghāya mahu~ māhura deī..
jau~ antahu~ asa karatabu raheū.
māgu māgu tumha kehi~ bala kaheū..
128 of 1432
दुइ कि होइ एक समय भुआला।
हँसब ठठाइ फुलाउब गाला॥
दानि कहाउब अरु कृपनाई।
होइ कि खेम कुसल रौताई॥
dui ki hoi eka samaya bhuālā.
ha~saba ṭhaṭhāi phulāuba gālā..
dāni kahāuba aru kṛpanāī.
hoi ki khema kusala rautāī..
129 of 1432
छाड़हु बचनु कि धीरजु धरहू।
जनि अबला जिमि करुना करहू॥
तनु तिय तनय धामु धनु धरनी।
सत्यसंध कहुँ तृन सम बरनी॥
chāṛahu bacanu ki dhīraju dharahū.
jani abalā jimi karunā karahū..
tanu tiya tanaya dhāmu dhanu dharanī.
satyasandha kahu~ tṛna sama baranī..
130 of 1432
दो०—मरम बचन सुनि राउ कह कहु कछु दोषु न तोर।
लागेउ तोहि पिसाच जिमि कालु कहावत मोर ॥३५॥
do0—marama bacana suni rāu kaha kahu kachu doṣu na tora.
lāgeu tohi pisāca jimi kālu kahāvata mora..35..
131 of 1432
चहत न भरत भूपतहि भोरें।
बिधि बस कुमति बसी जिय तोरें॥
सो सबु मोर पाप परिनामू।
भयउ कुठाहर जेहिं बिधि बामू॥
chahata na bharata bhūpatahi bhore~.
bidhi basa kumati basī jiya tore~..
so sabu mora pāpa parināmū.
bhayau kuṭhāhara jehi~ bidhi bāmū..
132 of 1432
सुबस बसिहि फिरि अवध सुहाई।
सब गुन धाम राम प्रभुताई॥
करिहहिं भाइ सकल सेवकाई।
होइहि तिहुँ पुर राम बड़ाई॥
subasa basihi phiri avadha suhāī.
saba guna dhāma rāma prabhutāī..
karihahi~ bhāi sakala sevakāī.
hoihi tihu~ pura rāma baṛāī..
133 of 1432
तोर कलंकु मोर पछिताऊ।
मुएहुँ न मिटिहि न जाइहि काऊ॥
अब तोहि नीक लाग करु सोई।
लोचन ओट बैठु मुहु गोई॥
tora kala~ku mora pachitāū.
mueh~u na miṭihi na jāihi kāū..
aba tohi nīka lāga karu soī.
locana oṭa baiṭhu muhu goī..
134 of 1432
जब लगि जिऔं कहउँ कर जोरी।
तब लगि जनि कछु कहसि बहोरी॥
फिरि पछितैहसि अंत अभागी।
मारसि गाइ नहारू लागी॥
jaba lagi jiau~ kahau~ kara jorī.
taba lagi jani kachu kahasi bahorī..
phiri pachitaihasi anta abhāgī.
mārasi gāi nahārū lāgī..
135 of 1432
दो०—परेउ राउ कहि कोटि बिधि काहे करसि निदानु।
कपट सयानि न कहति कछु जागति मनहुँ मसानु ॥३६॥
do0—pareu rāu kahi koṭi bidhi kāhe karasi nidānu.
kapaṭa sayāni na kahati kachu jāgati manahu~ masānu..36..
136 of 1432
राम राम रट बिकल भुआलू।
जनु बिनु पंख बिहंग बेहालू॥
हृदयँ मनाव भोरु जनि होई।
रामहि जाइ कहै जनि कोई॥
rāma rāma raṭa bikala bhuālū.
janu binu pa~kha biha~ga behālū..
hṛdaya~ manāva bhoru jani hoī.
rāmahi jāi kahai jani koī..
137 of 1432
उदउ करहु जनि रबि रघुकुल गुर।
अवध बिलोकि सूल होइहि उर॥
भूप प्रीति कैकइ कठिनाई।
उभय अवधि बिधि रची बनाई॥
udau karahu jani rabi raghukula gura.
avadha biloki sūla hoihi ura..
bhūpa prīti kaikai kaṭhināī.
ubhaya avadhi bidhi racī banāī..
138 of 1432
बिलपत नृपहि भयउ भिनुसारा।
बीना बेनु संख धुनि द्वारा॥
पढ़हिं भाट गुन गावहिं गायक।
सुनत नृपहि जनु लागहिं सायक॥
bilapata nṛpahi bhayau bhinusārā.
bīnā benu sa~kha dhuni dvārā..
paṛhahi~ bhāṭa guna gāvahi~ gāyaka.
sunata nṛpahi janu lāgahi~ sāyaka..
139 of 1432
मंगल सकल सोहाहिं न कैसें।
सहगामिनिहि बिभूषन जैसें॥
तेहि निसि नीद परी नहिं काहू।
राम दरस लालसा उछाहू॥
ma~gala sakala sohāhi~ na kaise~.
sahagāminihi bibhūṣana jaise~..
tehi nisi nīda parī nahi~ kāhū.
rāma darasa lālasā uchāhū..
140 of 1432
दो०—द्वार भीर सेवक सचिव कहहिं उदित रबि देखि।
जागेउ अजहुँ न अवधपति कारनु कवनु बिसेषि ॥३७॥
do0—dvāra bhīra sevaka saciva kahahi~ udita rabi dekhi.
jāgeu ajahu~ na avadhapati kāranu kavanu biseṣi..37..
141 of 1432
पछिले पहर भूपु नित जागा।
आजु हमहि बड़ अचरजु लागा॥
जाहु सुमंत्र जगावहु जाई।
कीजिअ काजु रजायसु पाई॥
pachile pahara bhūpu nita jāgā.
āju hamahi baṛa acaraju lāgā..
jāhu suma~tra jagāvahu jāī.
kījia kāju rajāyasu pāī..
142 of 1432
गए सुमंत्रु तब राउर माहीं।
देखि भयावन जात डेराहीं॥
धाइ खाइ जनु जाइ न हेरा।
मानहुँ बिपति बिषाद बसेरा॥
gae suma~tru taba rāura māhī~.
dekhi bhayāvana jāta ḍerāhī~..
dhāi khāi janu jāi na herā.
mānahu~ bipati biṣāda baserā..
143 of 1432
पूछें कोउ न ऊतरु देई।
गए जेहिं भवन भूप कैकेई॥
कहि जयजीव बैठ सिरु नाई।
देखि भूप गति गयउ सुखाई॥
pūche~ kou na ūtaru deī.
gae jehi~ bhavana bhūpa kaikeī..
kahi jayajīva baiṭha siru nāī.
dekhi bhūpa gati gayau sukhāī..
144 of 1432
सोच बिकल बिबरन महि परेऊ।
मानहुँ कमल मूलु परिहरेऊ॥
सचिउ सभीत सकइ नहिं पूँछी।
बोली असुभ भरी सुभ छूँछी॥
soca bikala bibarana mahi pareū.
mānahu~ kamala mūlu pariharaū..
saciu sabhīta sakai nahi~ pū~chī.
bolī asubha bharī subha chū~chī..
145 of 1432
दो०—परी न राजहि नीद निसि हेतु जान जगदीसु।
रामु रामु रटि भोरु किय कहइ न मरमु महीसु ॥३८॥
do0—parī na rājahi nīda nisi hetu jāna jagadīsu.
rāmu rāmu raṭi bhoru kiya kahai na maramu mahīsu..38..
146 of 1432
आनहु रामहि बेगि बोलाई।
समाचार तब पूँछेहु आई॥
चलेउ सुमंत्रु राय रुख जानी।
लखी कुचालि कीन्हि कछु रानी॥
ānahu rāmahi begi bolāī.
samācāra taba pū~chehu āī..
caleu suma~tru rāya rukha jānī.
lakhī kucāli kīnhi kachu rānī..
147 of 1432
सोच बिकल मग परइ न पाऊ।
रामहि बोलि कहिहि का राऊ॥
उर धरि धीरजु गयउ दुआरें।
पूँछहिं सकल देखि मनु मारें॥
soca bikala maga parai na pāū.
rāmahi boli kahihi kā rāū..
ura dhari dhīraju gayau duāre~.
pū~chahi~ sakala dekhi manu māre~..
148 of 1432
समाधानु करि सो सबही का।
गयउ जहाँ दिनकर कुल टीका॥
राम सुमंत्रहि आवत देखा।
आदरु कीन्ह पिता सम लेखा॥
samādhānu kari so sabahī kā.
gayau jahā~ dinakara kula ṭīkā..
rāma suma~trahi āvata dekhā.
ādaru kīnha pitā sama lekhā..
149 of 1432
निरखि बदनु कहि भूप रजाई।
रघुकुलदीपहि चलेउ लेवाई॥
रामु कुभाँति सचिव सँग जाहीं।
देखि लोग जहँ तहँ बिलखाहीं॥
nirakhi badanu kahi bhūpa rajāī.
raghukuladīpahi caleu levāī..
rāmu kubhā~ti saciva sa~ga jāhī~.
dekhi loga jaha~ taha~ bilakhāhī~..
150 of 1432
दो०—जाइ दीख रघुबंसमनि नरपति निपट कुसाजु।
सहमि परेउ लखि सिंघिनिहि मनहुँ बृद्ध गजराजु ॥३९॥
do0—jāi dīkha raghuba~samani narapati nipaṭa kusāju.
sahami pareu lakhi si~ghinihi manahu~ bṛddha gajarāju..39..
151 of 1432
सूखहिं अधर जरइ सबु अंगू।
मनहुँ दीन मनिहीन भुअंगू॥
सरुष समीप दीखि कैकेई।
मानहुँ मीचु घरीं गनि लेई॥
sūkhahi~ adhara jarai sabu a~gū.
manahu~ dīna manihīna bhua~gū..
saruṣa samīpa dīkhi kaikeī.
mānahu~ mīcu gharī~ gani leī..
152 of 1432
करुनामय मृदु राम सुभाऊ।
प्रथम दीख दुखु सुना न काऊ॥
तदपि धीर धरि समउ बिचारी।
पूँछी मधुर बचन महतारी॥
karunāmaya mṛdu rāma subhāū.
prathama dīkha dukhu sunā na kāū..
tadapi dhīra dhari samau bicārī.
pū~chī madhura bacana mahatārī..
153 of 1432
मोहि कहु मातु तात दुख कारन।
करिअ जतन जेहिं होइ निवारन॥
सुनहु राम सबु कारनु एहू।
राजहि तुम्ह पर बहुत सनेहू॥
mohi kahu mātu tāta dukha kārana.
karia jatana jehi~ hoi nivārana..
sunahu rāma sabu kāranu ehū.
rājahi tumha para bahuta sanehū..
154 of 1432
देन कहेन्हि मोहि दुइ बरदाना।
मागेउँ जो कछु मोहि सोहाना॥
सो सुनि भयउ भूप उर सोचू।
छाड़ि न सकहिं तुम्हार सँकोचू॥
dena kahenhi mohi dui baradānā.
māgeu~ jo kachu mohi sohānā..
so suni bhayau bhūpa ura socū.
chāṛi na sakahi~ tumhāra sa~kocū..
155 of 1432
दो०—सुत सनेहु इत बचनु उत संकट परेउ नरेसु।
सकहु त आयसु धरहु सिर मेटहु कठिन कलेसु ॥४०॥
do0—suta sanehu ita bacanu uta sa~kaṭa pareu naresu.
sakahu ta āyasu dharahu sira meṭahu kaṭhina kalesu..40..
156 of 1432
निधरक बैठि कहइ कटु बानी।
सुनत कठिनता अति अकुलानी॥
जीभ कमान बचन सर नाना।
मनहुँ महिप मृदु लच्छ समाना॥
nidharaka baiṭhi kahai kaṭu bānī.
sunata kaṭhinatā ati akulānī..
jībha kamāna bacana sara nānā.
manahu~ mahipa mṛdu laccha samānā..
157 of 1432
जनु कठोरपनु धरें सरीरू।
सिखइ धनुषबिद्या बर बीरू॥
सबु प्रसंगु रघुपतिहि सुनाई।
बैठि मनहुँ तनु धरि निठुराई॥
janu kaṭhorapanu dhare~ sarīrū.
sikhai dhanuṣabidyā bara bīrū..
sabu prasa~gu raghupatihi sunāī.
baiṭhi manahu~ tanu dhari niṭhurāī..
158 of 1432
मन मुसुकाइ भानुकुल भानू।
रामु सहज आनंद निधानू॥
बोले बचन बिगत सब दूषन।
मृदु मंजुल जनु बाग बिभूषन॥
mana musukāi bhānukula bhānū.
rāmu sahaja āna~da nidhānū..
bole bacana bigata saba dūṣana.
mṛdu ma~jula janu bāga bibhūṣana..
159 of 1432
सुनु जननी सोइ सुतु बड़भागी।
जो पितु मातु बचन अनुरागी॥
तनय मातु पितु तोषनिहारा।
दुर्लभ जननि सकल संसारा॥
sunu jananī soi sutu baṛabhāgī.
jo pitu mātu bacana anurāgī..
tanaya mātu pitu toṣanihārā.
durlabha janani sakala sa~sārā..
160 of 1432
दो०—मुनिगन मिलनु बिसेषि बन सबहि भाँति हित मोर।
तेहि महँ पितु आयसु बहुरि संमत जननी तोर ॥४१॥
do0—munigana milanu biseṣi bana sabahi bhā~ti hita mora.
tehi maha~ pitu āyasu bahuri sa~mata jananī tora..41..
161 of 1432
भरतु प्रानप्रिय पावहिं राजू।
बिधि सब बिधि मोहि सनमुख आजू॥
जौं न जाउँ बन ऐसेहु काजा।
प्रथम गनिअ मोहि मूढ़ समाजा॥
bharatu prānapriya pāvahi~ rājū.
bidhi saba bidhi mohi sanamukha ājū..
jau~ na jāu~ bana aisehu kājā.
prathama gania mohi mūṛha samājā..
162 of 1432
सेवहिं अरँडु कलपतरु त्यागी।
परिहरि अमृत लेहिं बिषु मागी॥
तेउ न पाइ अस समउ चुकाहीं।
देखु बिचारि मातु मन माहीं॥
sevahi~ ara~ḍu kalapataru tyāgī.
parihari amṛta lehi~ biṣu māgī..
teu na pāi asa samau cukāhī~.
dekhu bicāri mātu mana māhī~..
163 of 1432
अंब एक दुखु मोहि बिसेषी।
निपट बिकल नरनायकु देखी॥
थोरिहिं बात पितहि दुख भारी।
होति प्रतीति न मोहि महतारी॥
a~ba eka dukhu mohi biseṣī.
nipaṭa bikala naranāyaku dekhī..
thorihi~ bāta pitahi dukha bhārī.
hoti pratīti na mohi mahatārī..
164 of 1432
राउ धीर गुन उदधि अगाधू।
भा मोहि तें कछु बड़ अपराधू॥
जातें मोहि न कहत कछु राऊ।
मोरि सपथ तोहि कहु सति भाऊ॥
rāu dhīra guna udadhi agādhū.
bhā mohi te~ kachu baṛa aparādhū..
jāte~ mohi na kahata kachu rāū.
mori sapatha tohi kahu sati bhāū..
165 of 1432
दो०—सहज सरल रघुबर बचन कुमति कुटिल करि जान।
चलइ जोंक जल बक्रगति जद्यपि सलिलु समान ॥४२॥
do0—sahaja sarala raghubara bacana kumati kuṭila kari jāna.
calai jo~ka jala bakragati jadyapi salilu samāna..42..
166 of 1432
रहसी रानि राम रुख पाई।
बोली कपट सनेहु जनाई॥
सपथ तुम्हार भरत कै आना।
हेतु न दूसर मैं कछु जाना॥
rahasī rāni rāma rukha pāī.
bolī kapaṭa sanehu janāī..
sapatha tumhāra bharata kai ānā.
hetu na dūsara mai~ kachu jānā..
167 of 1432
तुम्ह अपराध जोगु नहिं ताता।
जननी जनक बंधु सुखदाता॥
राम सत्य सबु जो कछु कहहू।
तुम्ह पितु मातु बचन रत अहहू॥
tumha aparādha jogu nahi~ tātā.
jananī janaka ba~dhu sukhadātā..
rāma satya sabu jo kachu kahahū.
tumha pitu mātu bacana rata ahahū..
168 of 1432
पितहि बुझाइ कहहु बलि सोई।
चौथेंपन जेहिं अजसु न होई॥
तुम्ह सम सुअन सुकृत जेहिं दीन्हे।
उचित न तासु निरादरु कीन्हे॥
pitahi bujhāi kahahu bali soī.
cauthe~pana jehi~ ajasu na hoī..
tumha sama suana sukṛta jehi~ dīnhe.
ucita na tāsu nirādaru kīnhe..
169 of 1432
लागहिं कुमुख बचन सुभ कैसे।
मगहँ गयादिक तीरथ जैसे॥
रामहि मातु बचन सब भाए।
जिमि सुरसरि गत सलिल सुहाए॥
lāgahi~ kumukha bacana subha kaise.
magaha~ gayādika tīratha jaise..
rāmahi mātu bacana saba bhāe.
jimi surasari gata salila suhāe..
170 of 1432
दो०—गइ मुरुछा रामहि सुमिरि नृप फिरि करवट लीन्ह।
सचिव राम आगमन कहि बिनय समय सम कीन्ह ॥४३॥
do0—gai murucchā rāmahi sumiri nṛpa phiri karavaṭa līnha.
saciva rāma āgamana kahi binaya samaya sama kīnha..43..
171 of 1432
अवनिप अकनि रामु पगु धारे।
धरि धीरजु तब नयन उघारे॥
सचिवँ सँभारि राउ बैठारे।
चरन परत नृप रामु निहारे॥
avanipa akani rāmu pagu dhāre.
dhari dhīraju taba nayana ughāre..
saciva~ sa~bhāri rāu baiṭhāre.
carana parata nṛpa rāmu nihāre..
172 of 1432
लिए सनेह बिकल उर लाई।
गै मनि मनहुँ फनिक फिरि पाई॥
रामहि चितइ रहेउ नरनाहू।
चला बिलोचन बारि प्रबाहू॥
lie saneha bikala ura lāī.
gai mani manahu~ phanika phiri pāī..
rāmahi citai raheu naranāhū.
calā bilocana bāri prabāhū..
173 of 1432
सोक बिबस कछु कहै न पारा।
हृदयँ लगावत बारहि बारा॥
बिधिहि मनाव राउ मन माहीं।
जेहिं रघुनाथ न कानन जाहीं॥
soka bibasa kachu kahai na pārā.
hṛdaya~ lagāvata bārahi bārā..
bidhihi manāva rāu mana māhī~.
jehi~ raghunātha na kānana jāhī~..
174 of 1432
सुमिरि महेसहि कहइ निहोरी।
बिनती सुनहु सदासिव मोरी॥
आसुतोष तुम्ह अवढर दानी।
आरति हरहु दीन जनु जानी॥
sumiri mahesahi kahai nihorī.
binatī sunahu sadāsiva morī..
āsutoṣa tumha avaḍhara dānī.
ārati harahu dīna janu jānī..
175 of 1432
दो०—तुम्ह प्रेरक सब के हृदयँ सो मति रामहि देहु।
बचनु मोर तजि रहहिं घर परिहरि सीलु सनेहु ॥४४॥
do0—tumha preraka saba ke hṛdaya~ so mati rāmahi dehu.
bacanu mora taji rahahi~ ghara parihari sīlu sanehu..44..
176 of 1432
अजसु होउ जग सुजसु नसाऊ।
नरक परौं बरु सुरपुरु जाऊ॥
सब दुख दुसह सहावहु मोही।
लोचन ओट रामु जनि होंही॥
ajasu hou jaga sujasu nasāū.
naraka parau~ baru surapuru jāū..
saba dukha dusaha sahāvahu mohī.
locana oṭa rāmu jani ho~hī..
177 of 1432
अस मन गुनइ राउ नहिं बोला।
पीपर पात सरिस मनु डोला॥
रघुपति पितहि प्रेमबस जानी।
पुनि कछु कहिहि मातु अनुमानी॥
asa mana gunai rāu nahi~ bolā.
pīpara pāta sarisa manu ḍolā..
raghupati pitahi premabasa jānī.
puni kachu kahihi mātu anumānī..
178 of 1432
देस काल अवसर अनुसारी।
बोले बचन बिनीत बिचारी॥
तात कहउँ कछु करउँ ढिठाई।
अनुचितु छमब जानि लरिकाई॥
desa kāla avasara anusārī.
bole bacana binīta bicārī..
tāta kahau~ kachu karau~ ḍhiṭhāī.
anucitu chamaba jāni larikāī..
179 of 1432
अति लघु बात लागि दुखु पावा।
काहुँ न मोहि कहि प्रथम जनावा॥
देखि गोसाइँहि पूँछिउँ माता।
सुनि प्रसंगु भए सीतल गाता॥
ati laghu bāta lāgi dukhu pāvā.
kāhu~ na mohi kahi prathama janāvā..
dekhi gosāi~hi pū~chiu~ mātā.
suni prasa~gu bhae sītala gātā..
180 of 1432
दो०—मंगल समय सनेह बस सोच परिहरिअ तात।
आयसु देइअ हरषि हियँ कहि पुलके प्रभु गात ॥४५॥
do0—ma~gala samaya saneha basa soca pariharia tāta.
āyasu deia haraṣi hiya~ kahi pulake prabhu gāta..45..
181 of 1432
धन्य जनमु जगतीतल तासू।
पितहि प्रमोदु चरित सुनि जासू॥
चारि पदारथ करतल ताकें।
प्रिय पितु मातु प्रान सम जाकें॥
dhanya janamu jagatītala tāsū.
pitahi pramodu carita suni jāsū..
cāri padāratha karatala tāke~.
priya pitu mātu prāna sama jāke~..
182 of 1432
आयसु पालि जनम फलु पाई।
ऐहउँ बेगिहिं होउ रजाई॥
बिदा मातु सन आवउँ मागी।
चलिहउँ बनहि बहुरि पग लागी॥
āyasu pāli janama phalu pāī.
aihau~ begihi~ hou rajāī..
bidā mātu sana āvau~ māgī.
calihau~ banahi bahuri paga lāgī..
183 of 1432
अस कहि राम गवनु तब कीन्हा।
भूप सोक बस उतरु न दीन्हा॥
नगर ब्यापि गइ बात सुतीछी।
छुअत चढ़ी जनु सब तन बीछी॥
asa kahi rāma gavanu taba kīnhā.
bhūpa soka basa utaru na dīnhā..
nagara byāpi gai bāta sutīchī.
chuata caṛhī janu saba tana bīchī..
184 of 1432
सुनि भए बिकल सकल नर नारी।
बेलि बिटप जिमि देखि दवारी॥
जो जहँ सुनइ धुनइ सिरु सोई।
बड़ बिषादु नहिं धीरजु होई॥
suni bhae bikala sakala nara nārī.
beli biṭapa jimi dekhi davārī..
jo jaha~ sunai dhunai siru soī.
baṛa biṣādu nahi~ dhīraju hoī..
185 of 1432
दो०—मुख सुखाहिं लोचन स्रवहिं सोकु न हृदयँ समाइ।
मनहुँ करुन रस कटकई उतरी अवध बजाइ ॥४६॥
do0—mukha sukhāhi~ locana sravahi~ soku na hṛdaya~ samāi.
manahu~ karuna rasa kaṭakaī utarī avadha bajāi..46..
186 of 1432
मिलेहि माझ बिधि बात बेगारी।
जहँ तहँ देहिं कैकइहि गारी॥
एहि पापिनिहि बूझि का परेऊ।
छाइ भवन पर पावकु धरेऊ॥
milehi mājha bidhi bāta begārī.
jaha~ taha~ dehi~ kaikaihi gārī..
ehi pāpinihi būjhi kā pareū.
chāi bhavana para pāvaku dhareū..
187 of 1432
निज कर नयन काढ़ि चह दीखा।
डारि सुधा बिषु चाहत चीखा॥
कुटिल कठोर कुबुद्धि अभागी।
भइ रघुबंस बेनु बन आगी॥
nija kara nayana kāṛhi caha dīkhā.
ḍāri sudhā biṣu cāhata cīkhā..
kuṭila kaṭhora kubuddhi abhāgī.
bhai raghuba~sa benu bana āgī..
188 of 1432
पालव बैठि पेड़ एहिं काटा।
सुख महुँ सोक ठाटु धरि ठाटा॥
सदा रामु एहि प्रान समाना।
कारन कवन कुटिलपनु ठाना॥
pālava baiṭhi peṛa ehi~ kāṭā.
sukha mahu~ soka ṭhāṭu dhari ṭhāṭā..
sadā rāmu ehi prāna samānā.
kārana kavana kuṭilapanu ṭhānā..
189 of 1432
सत्य कहहिं कबि नारि सुभाऊ।
सब बिधि अगहु अगाध दुराऊ॥
निज प्रतिबिंबु बरुकु गहि जाई।
जानि न जाइ नारि गति भाई॥
satya kahahi~ kabi nāri subhāū.
saba bidhi agahu agādha durāū..
nija pratibi~bu baruku gahi jāī.
jāni na jāi nāri gati bhāī..
190 of 1432
दो०—काह न पावकु जारि सक का न समुद्र समाइ।
का न करै अबला प्रबल केहि जग कालु न खाइ ॥४७॥
do0—kāha na pāvaku jāri saka kā na samudra samāi.
kā na karai abalā prabala kehi jaga kālu na khāi..47..
191 of 1432
का सुनाइ बिधि काह सुनावा।
का देखाइ चह काह देखावा॥
एक कहहिं भल भूप न कीन्हा।
बरु बिचारि नहिं कुमतिहि दीन्हा॥
kā sunāi bidhi kāha sunāvā.
kā dekhāi caha kāha dekhāvā..
eka kahahi~ bhala bhūpa na kīnhā.
baru bicāri nahi~ kumatihi dīnhā..
192 of 1432
जो हठि भयउ सकल दुख भाजनु।
अबला बिबस ग्यानु गुनु गा जनु॥
एक धरम परमिति पहिचाने।
नृपहि दोसु नहिं देहिं सयाने॥
jo haṭhi bhayau sakala dukha bhājanu.
abalā bibasa gyānu gunu gā janu..
eka dharama paramiti pahicāne.
nṛpahi dosu nahi~ dehi~ sayāne..
193 of 1432
सिबि दधीचि हरिचंद कहानी।
एक एक सन कहहिं बखानी॥
एक भरत कर संमत कहहीं।
एक उदास भायँ सुनि रहहीं॥
sibi dadhīci haricha~da kahānī.
eka eka sana kahahi~ bakhānī..
eka bharata kara sa~mata kahahī~.
eka udāsa bhāya~ suni rahahī~..
194 of 1432
कान मूदि कर रद गहि जीहा।
एक कहहिं यह बात अलीहा॥
सुकृत जाहिं अस कहत तुम्हारे।
रामु भरत कहुँ प्रानपिआरे॥
kāna mūdi kara rada gahi jīhā.
eka kahahi~ yaha bāta alīhā..
sukṛta jāhi~ asa kahata tumhāre.
rāmu bharata kahu~ prānapiāre..
195 of 1432
दो०—चंदु चवै बरु अनल कन सुधा होइ बिषतूल।
सपनेहुँ कबहुँ न करहिं किछु भरतु राम प्रतिकूल ॥४८॥
do0—ca~du cavai baru anala kana sudhā hoi biṣatūla.
sapanehu~ kabahu~ na karahi~ kichu bharatu rāma pratikūla..48..
196 of 1432
एक बिधातहि दूषनु देहीं।
सुधा देखाइ दीन्ह बिषु जेहीं॥
खरभरु नगर सोचु सब काहू।
दुसह दाहु उर मिटा उछाहू॥
eka bidhātahi dūṣanu dehī~.
sudhā dekhāi dīnha biṣu jehī~..
kharabharu nagara socu saba kāhū.
dusaha dāhu ura miṭā uchāhū..
197 of 1432
बिप्रबधू कुलमान्य जठेरी।
जे प्रिय परम कैकई केरी॥
लगीं देन सिख सीलु सराही।
बचन बानसम लागहिं ताही॥
biprabadhū kulamānya jaṭherī.
je priya parama kaikaī kerī..
lagī~ dena sikha sīlu sarāhī.
bacana bānasama lāgahi~ tāhī..
198 of 1432
भरतु न मोहि प्रिय राम समाना।
सदा कहहु यहु सबु जगु जाना॥
करहु राम पर सहज सनेहू।
केहिं अपराध आजु बनु देहू॥
bharatu na mohi priya rāma samānā.
sadā kahahu yahu sabu jagu jānā..
karahu rāma para sahaja sanehū.
kehi~ aparādha āju banu dehū..
199 of 1432
कबहुँ न कियहु सवति आरेसू।
प्रीति प्रतीति जान सबु देसू॥
कौसल्याँ अब काह बिगारा।
तुम्ह जेहि लागि बज्र पुर पारा॥
kabahu~ na kiyahu savati āresū.
prīti pratīti jāna sabu desū..
kausalyā~ aba kāha bigārā.
tumha jehi lāgi bajra pura pārā..
200 of 1432
दो०—सीय कि पिय सँगु परिहरिहि लखनु कि रहिहहिं धाम।
राजु कि भूँजब भरत पुर नृपु कि जिइहि बिनु राम ॥४९॥
do0—sīya ki piya sa~gu pariharihi lakhanu ki rahihahi~ dhāma.
rāju ki bhū~jaba bharata pura nṛpu ki jiihi binu rāma..49..
201 of 1432
अस बिचारि उर छाड़हु कोहू।
सोक कलंक कोठि जनि होहू॥
भरतहि अवसि देहु जुबराजू।
कानन काह राम कर काजू॥
asa bicāri ura chāṛahu kohū.
soka kala~ka koṭhi jani hohū..
bharatahi avasi dehu jubarājū.
kānana kāha rāma kara kājū..
202 of 1432
नाहिन रामु राज के भूखे।
धरम धुरीन बिषय रस रूखे॥
गुर गृह बसहुँ रामु तजि गेहू।
नृप सन अस बरु दूसर लेहू॥
nāhina rāmu rāja ke bhūkhe.
dharama dhurīna biṣaya rasa rūkhe..
gura gṛha basahu~ rāmu taji gehū.
nṛpa sana asa baru dūsara lehū..
203 of 1432
जौं नहिं लगिहहु कहें हमारे।
नहिं लागिहि कछु हाथ तुम्हारे॥
जौं परिहास कीन्हि कछु होई।
तौ कहि प्रगट जनावहु सोई॥
jau~ nahi~ lagihahu kahe~ hamāre.
nahi~ lāgihi kachu hātha tumhāre..
jau~ parihāsa kīnhi kachu hoī.
tau kahi pragaṭa janāvahu soī..
204 of 1432
राम सरिस सुत कानन जोगू।
काह कहिहि सुनि तुम्ह कहुँ लोगू॥
उठहु बेगि सोइ करहु उपाई।
जेहि बिधि सोकु कलंकु नसाई॥
rāma sarisa suta kānana jogū.
kāha kahihi suni tumha kahu~ logū..
uṭhahu begi soi karahu upāī.
jehi bidhi soku kala~ku nasāī..
205 of 1432
छं०—जेहि भाँति सोकु कलंकु जाइ उपाय करि कुल पालही।
हठि फेरु रामहि जात बन जनि बात दूसरि चालही॥
जिमि भानु बिनु दिनु प्रान बिनु तनु चंद बिनु जिमि जामिनी।
तिमि अवध तुलसीदास प्रभु बिनु समुझि धौं जियँ भामिनी॥
cha0—jehi bhā~ti soku kala~ku jāi upāya kari kula pālahī.
haṭhi pheru rāmahi jāta bana jani bāta dūsari cālahī..
jimi bhānu binu dinu prāna binu tanu ca~da binu jimi jāminī.
timi avadha tulasīdāsa prabhu binu samujhi dhau~ jiya~ bhāminī..
206 of 1432
सो०—सखिन्ह सिखावनु दीन्ह सुनत मधुर परिनाम हित।
तेइँ कछु कान न कीन्ह कुटिल प्रबोधी कूबरी ॥५०॥
so0—sakhinha sikhāvanu dīnha sunata madhura parināma hita.
tei~ kachu kāna na kīnha kuṭila prabodhī kūbarī..50..
207 of 1432
उतरु न देइ दुसह रिस रूखी।
मृगिन्ह चितव जनु बाघिनि भूखी॥
ब्याधि असाधि जानि तिन्ह त्यागी।
चलीं कहत मतिमंद अभागी॥
utaru na dei dusaha risa rūkhī.
mṛginha citava janu bāghini bhūkhī..
byādhi asādhi jāni tinha tyāgī.
calī~ kahata matima~da abhāgī..
208 of 1432
राजु करत यह दैअँ बिगोई।
कीन्हेसि अस जस करइ न कोई॥
एहि बिधि बिलपहिं पुर नर नारीं।
देहिं कुचालिहि कोटिक गारीं॥
rāju karata yaha daia~ bigoī.
kīnhesi asa jasa karai na koī..
ehi bidhi bilapahi~ pura nara nārī~.
dehi~ kucālihi koṭika gārī~..
209 of 1432
जरहिं बिषम जर लेहिं उसासा।
कवनि राम बिनु जीवन आसा॥
बिपुल बियोग प्रजा अकुलानी।
जनु जलचर गन सूखत पानी॥
jarahi~ biṣama jara lehi~ usāsā.
kavani rāma binu jīvana āsā..
bipula biyoga prajā akulānī.
janu jalacara gana sūkhata pānī..
210 of 1432
अति बिषाद बस लोग लोगाईं।
गए मातु पहिं रामु गोसाईं॥
मुख प्रसन्न चित चौगुन चाऊ।
मिटा सोचु जनि राखै राऊ॥
ati biṣāda basa loga logāī~.
gae mātu pahi~ rāmu gosāī~..
mukha prasanna cita caugana cāū.
miṭā socu jani rākhai rāū..
211 of 1432
दो०—नव गयंदु रघुबीर मनु राजु अलान समान।
छूट जानि बन गवनु सुनि उर अनंदु अधिकान ॥५१॥
do0—nava gaya~du raghubīra manu rāju alāna samāna.
chūṭa jāni bana gavanu suni ura ana~du adhikāna..51..
212 of 1432
रघुकुल तिलक जोरि दोउ हाथा।
मुदित मातु पद नायउ माथा॥
दीन्हि असीस लाइ उर लीन्हे।
भूषन बसन निछावरि कीन्हे॥
raghukula tilaka jori dou hāthā.
mudita mātu pada nāyau māthā..
dīnhi asīsa lāi ura līnhe.
bhūṣana basana nichāvari kīnhe..
213 of 1432
बार बार मुख चुंबति माता।
नयन नेह जलु पुलकित गाता॥
गोद राखि पुनि हृदयँ लगाए।
स्रवत प्रेमरस पयद सुहाए॥
bāra bāra mukha cu~bati mātā.
nayana neha jalu pulakita gātā..
goda rākhi puni hṛdaya~ lagāe.
sravata premarasa payada suhāe..
214 of 1432
प्रेमु प्रमोदु न कछु कहि जाई।
रंक धनद पदबी जनु पाई॥
सादर सुंदर बदनु निहारी।
बोली मधुर बचन महतारी॥
premu pramodu na kachu kahi jāī.
ra~ka dhanada padabī janu pāī..
sādara su~dara badanu nihārī.
bolī madhura bacana mahatārī..
215 of 1432
कहहु तात जननी बलिहारी।
कबहिं लगन मुद मंगलकारी॥
सुकृत सील सुख सीवँ सुहाई।
जनम लाभ कइ अवधि अघाई॥
kahahu tāta jananī balihārī.
kabahi~ lagana muda ma~galakārī..
sukṛta sīla sukha sīva~ suhāī.
janama lābha kai avadhi aghāī..
216 of 1432
दो०—जेहि चाहत नर नारि सब अति आरत एहि भाँति।
जिमि चातक चातकि तृषित बृष्टि सरद रितु स्वाति ॥५२॥
do0—jehi cāhata nara nāri saba ati ārata ehi bhā~ti.
jimi cātaka cātaki tṛṣita bṛṣṭi sarada ritu svāti..52..
217 of 1432
तात जाउँ बलि बेगि नहाहू।
जो मन भाव मधुर कछु खाहू॥
पितु समीप तब जाएहु भैआ।
भइ बड़ि बार जाइ बलि मैआ॥
tāta jāu~ bali begi nahāhū.
jo mana bhāva madhura kachu khāhū..
pitu samīpa taba jāehu bhaiā.
bhai baṛi bāra jāi bali maiā..
218 of 1432
मातु बचन सुनि अति अनुकूला।
जनु सनेह सुरतरु के फूला॥
सुख मकरंद भरे श्रियमूला।
निरखि राम मनु भवँरु न भूला॥
mātu bacana suni ati anukūlā.
janu saneha surataru ke phūlā..
sukha makara~da bhare śriyamūlā.
nirakhi rāma manu bhava~ru na bhūlā..
219 of 1432
धरम धुरीन धरम गति जानी।
कहेउ मातु सन अति मृदु बानी॥
पिताँ दीन्ह मोहि कानन राजू।
जहँ सब भाँति मोर बड़ काजू॥
dharama dhurīna dharama gati jānī.
kaheu mātu sana ati mṛdu bānī..
pitā~ dīnha mohi kānana rājū.
jaha~ saba bhā~ti mora baṛa kājū..
220 of 1432
आयसु देहि मुदित मन माता।
जेहिं मुद मंगल कानन जाता॥
जनि सनेह बस डरपसि भोरें।
आनँदु अंब अनुग्रह तोरें॥
āyasu dehi mudita mana mātā.
jehi~ muda ma~gala kānana jātā..
jani saneha basa ḍarapasi bhore~.
āna~du a~ba anugraha tore~..
221 of 1432
दो०—बरष चारिदस बिपिन बसि करि पितु बचन प्रमान।
आइ पाय पुनि देखिहउँ मनु जनि करसि मलान ॥५३॥
do0—baraṣa cāridasa bipina basi kari pitu bacana pramāna.
āi pāya puni dekhihau~ manu jani karasi malāna..53..
222 of 1432
बचन बिनीत मधुर रघुबर के।
सर सम लगे मातु उर करके॥
सहमि सूखि सुनि सीतलि बानी।
जिमि जवास परें पावस पानी॥
bacana binīta madhura raghubara ke.
sara sama lage mātu ura karake..
sahami sūkhi suni sītali bānī.
jimi javāsa pare~ pāvasa pānī..
223 of 1432
कहि न जाइ कछु हृदय बिषादू।
मनहुँ मृगी सुनि केहरि नादू॥
नयन सजल तन थर थर काँपी।
माझहि खाइ मीन जनु मापी॥
kahi na jāi kachu hṛdaya biṣādū.
manahu~ mṛgī suni kehari nādū..
nayana sajala tana thara thara kā~pī.
mājhahi khāi mīna janu māpī..
224 of 1432
धरि धीरजु सुत बदनु निहारी।
गदगद बचन कहति महतारी॥
तात पितहि तुम्ह प्रान पिआरे।
देखि मुदित नित चरित तुम्हारे॥
dhari dhīraju suta badanu nihārī.
gadagada bacana kahati mahatārī..
tāta pitahi tumha prāna piāre.
dekhi mudita nita carita tumhāre..
225 of 1432
राजु देन कहुँ सुभ दिन साधा।
कहेउ जान बन केहिं अपराधा॥
तात सुनावहु मोहि निदानू।
को दिनकर कुल भयउ कृसानू॥
rāju dena kahu~ subha dina sādhā.
kaheu jāna bana kehi~ aparādhā..
tāta sunāvahu mohi nidānū.
ko dinakara kula bhayau kṛsānū..
226 of 1432
दो०—निरखि राम रुख सचिवसुत कारनु कहेउ बुझाइ।
सुनि प्रसंगु रहि मूक जिमि दसा बरनि नहिं जाइ ॥५४॥
do0—nirakhi rāma rukha sacivasuta kāranu kaheu bujhāi.
suni prasa~gu rahi mūka jimi dasā barani nahi~ jāi..54..
227 of 1432
राखि न सकइ न कहि सक जाहू।
दुहूँ भाँति उर दारुन दाहू॥
लिखत सुधाकर गा लिखि राहू।
बिधि गति बाम सदा सब काहू॥
rākhi na sakai na kahi saka jāhū.
duhū~ bhā~ti ura dāruna dāhū..
likhata sudhākara gā likhi rāhū.
bidhi gati bāma sadā saba kāhū..
228 of 1432
धरम सनेह उभयँ मति घेरी।
भइ गति साँप छुछुंदरि केरी॥
राखउँ सुतहि करउँ अनुरोधू।
धरमु जाइ अरु बंधु बिरोधू॥
dharama saneha ubhaya~ mati gherī.
bhai gati sā~pa chuchu~dari kerī..
rākhau~ sutahi karau~ anurodhū.
dharamu jāi aru ba~dhu birodhū..
229 of 1432
कहउँ जान बन तौ बड़ि हानी।
संकट सोच बिबस भइ रानी॥
बहुरि समुझि तिय धरमु सयानी।
रामु भरतु दोउ सुत सम जानी॥
kahau~ jāna bana tau baṛi hānī.
sa~kaṭa soca bibasa bhai rānī..
bahuri samujhi tiya dharamu sayānī.
rāmu bharatu dou suta sama jānī..
230 of 1432
सरल सुभाउ राम महतारी।
बोली बचन धीर धरि भारी॥
तात जाउँ बलि कीन्हेहु नीका।
पितु आयसु सब धरमक टीका॥
sarala subhāu rāma mahatārī.
bolī bacana dhīra dhari bhārī..
tāta jāu~ bali kīnhehu nīkā.
pitu āyasu saba dharamaka ṭīkā..
231 of 1432
दो०—राजु देन कहि दीन्ह बनु मोहि न सो दुख लेसु।
तुम्ह बिनु भरतहि भूपतिहि प्रजहि प्रचंड कलेसु ॥५५॥
do0—rāju dena kahi dīnha banu mohi na so dukha lesu.
tumha binu bharatahi bhūpatihi prajahi praca~ḍa kalesu..55..
232 of 1432
जौं केवल पितु आयसु ताता।
तौ जनि जाहु जानि बड़ि माता॥
जौं पितु मातु कहेउ बन जाना।
तौ कानन सत अवध समाना॥
jau~ kevala pitu āyasu tātā.
tau jani jāhu jāni baṛi mātā..
jau~ pitu mātu kaheu bana jānā.
tau kānana sata avadha samānā..
233 of 1432
पितु बनदेव मातु बनदेवी।
खग मृग चरन सरोरुह सेवी॥
अंतहुँ उचित नृपहि बनबासू।
बय बिलोकि हियँ होइ हराँसू॥
pitu banadeva mātu banadevī.
khaga mṛga carana saroruha sevī..
antahu~ ucita nṛpahi banabāsū.
baya biloki hiya~ hoi harā~sū..
234 of 1432
बड़भागी बनु अवध अभागी।
जो रघुबंसतिलक तुम्ह त्यागी॥
जौं सुत कहौं संग मोहि लेहू।
तुम्हरे हृदयँ होइ संदेहू॥
baṛabhāgī banu avadha abhāgī.
jo raghuba~satilaka tumha tyāgī..
jau~ suta kahau~ sa~ga mohi lehū.
tumhare hṛdaya~ hoi sa~dehū..
235 of 1432
पूत परम प्रिय तुम्ह सबही के।
प्रान प्रान के जीवन जी के॥
ते तुम्ह कहहु मातु बन जाऊँ।
मैं सुनि बचन बैठि पछिताऊँ॥
pūta parama priya tumha sabahī ke.
prāna prāna ke jīvana jī ke..
te tumha kahahu mātu bana jāū~.
mai~ suni bacana baiṭhi pachitāū~..
236 of 1432
दो०—यह बिचारि नहिं करउँ हठ झूठ सनेहु बढ़ाइ।
मानि मातु कर नात बलि सुरति बिसरि जनि जाइ ॥५६॥
do0—yaha bicāri nahi~ karau~ haṭha jhūṭha sanehu baṛhāi.
māni mātu kara nāta bali surati bisari jani jāi..56..
237 of 1432
देव पितर सब तुम्हहि गोसाईं।
राखहुँ पलक नयन की नाईं॥
अवधि अंबु प्रिय परिजन मीना।
तुम्ह करुनाकर धरम धुरीना॥
deva pitara saba tumhahi gosāī~.
rākhahu~ palaka nayana kī nāī~..
avadhi a~bu priya parijana mīnā.
tumha karunākara dharama dhurīnā..
238 of 1432
अस बिचारि सोइ करहु उपाई।
सबहि जिअत जेहिं भेंटहु आई॥
जाहु सुखेन बनहि बलि जाऊँ।
करि अनाथ जन परिजन गाऊँ॥
asa bicāri soi karahu upāī.
sabahi jiata jehi~ bhe~ṭahu āī..
jāhu sukhena banahi bali jāū~.
kari anātha jana parijana gāū~..
239 of 1432
सब कर आजु सुकृत फल बीता।
भयउ कराल कालु बिपरीता॥
बहुबिधि बिलपि चरन लपटानी।
परम अभागिनि आपुहि जानी॥
saba kara āju sukṛta phala bītā.
bhayau karāla kālu biparītā..
bahubidhi bilapi carana lapaṭānī.
parama abhāgini āpuhi jānī..
240 of 1432
दारुन दुसह दाहु उर ब्यापा।
बरनि न जाहिं बिलाप कलापा॥
राम उठाइ मातु उर लाई।
कहि मृदु बचन बहुरि समुझाई॥
dāruna dusaha dāhu ura byāpā.
barani na jāhi~ bilāpa kalāpā..
rāma uṭhāi mātu ura lāī.
kahi mṛdu bacana bahuri samujhāī..
241 of 1432
दो०—समाचार तेहि समय सुनि सीय उठी अकुलाइ।
जाइ सासु पद कमल जुग बंदि बैठि सिरु नाइ ॥५७॥
do0—samācāra tehi samaya suni sīya uṭhī akulāi.
jāi sāsu pada kamala juga ba~di baiṭhi siru nāi..57..
242 of 1432
दीन्हि असीस सासु मृदु बानी।
अति सुकुमारि देखि अकुलानी॥
बैठि नमितमुख सोचति सीता।
रूप रासि पति प्रेम पुनीता॥
Dinhi asisa sasu mridu bani.
Ati sukumari dekhi akulani.
Baithi namitamukha sochati Sita.
Rupa rasi pati prema punita.
243 of 1432
चलन चहत बन जीवननाथू।
केहि सुकृती सन होइहि साथू॥
की तनु प्रान कि केवल प्राना।
बिधि करतबु कछु जाइ न जाना॥
Chalana chahata bana jivananathu.
Kehi sukriti sana hoihi sathu.
Ki tanu prana ki kevala prana.
Bidhi karatabu kachhu jai na jana.
244 of 1432
चारु चरन नख लेखति धरनी।
नूपुर मुखर मधुर कबि बरनी॥
मनहुँ प्रेम बस बिनती करहीं।
हमहि सीय पद जनि परिहरहीं॥
Charu charana nakha lekhati dharani.
Nupura mukhara madhura kabi barani.
Manahu prema basa binati karahi.
Hamahi Siya pada jani pariharahi.
245 of 1432
मंजु बिलोचन मोचति बारी।
बोली देखि राम महतारी॥
तात सुनहु सिय अति सुकुमारी।
सास ससुर परिजनहि पिआरी॥
Manju bilochana mochati bari.
Boli dekhi Rama mahatari.
Tata sunahu Siya ati sukumari.
Sasa sasura parijanahi piari.
246 of 1432
दो०—पिता जनक भूपाल मनि ससुर भानुकुल भानु।
पति रबिकुल कैरव बिपिन बिधु गुन रूप निधानु ॥५८॥
Pita Janaka bhupala mani sasura bhanukula bhanu,
pati rabikula kairava bipina bidhu guna rupa nidhanu. (58)
247 of 1432
मैं पुनि पुत्रबधू प्रिय पाई।
रूप रासि गुन सील सुहाई॥
नयन पुतरि करि प्रीति बढ़ाई।
राखेउँ प्रान जानकिहिं लाई॥
Maim puni putrabadhu priya pai.
Rupa rasi guna sila suhai.
Nayana putari kari priti badhai.
Rakheu prana Jankihim lai.
248 of 1432
कलपबेलि जिमि बहुबिधि लाली।
सींचि सनेह सलिल प्रतिपाली॥
फूलत फलत भयउ बिधि बामा।
जानि न जाइ काह परिनामा॥
Kalapabeli jimi bahubidhi lali.
Sinchi saneha salila pratipali.
Phulata phalata bhayau bidhi bama.
Jani na jai kaha parinama.
249 of 1432
पलँग पीठ तजि गोद हिंडोरा।
सियँ न दीन्ह पगु अवनि कठोरा॥
जिअनमूरि जिमि जोगवत रहऊँ।
दीप बाति नहिं टारन कहऊँ॥
Palanga pitha taji goda hindora.
Siyam na dinha pagu avani kathora.
Jianamuri jimi jogavata rahau.
Dipa bati nahim tarana kahau.
250 of 1432
सोइ सिय चलन चहति बन साथा।
आयसु काह होइ रघुनाथा॥
चंद किरन रस रसिक चकोरी।
रबि रुख नयन सकइ किमि जोरी॥
Soi Siya chalana chahati bana satha.
Ayasu kaha hoi Raghunatha.
Chanda kirana rasa rasika chakori.
Rabi rukha nayana sakai kimi jori.
251 of 1432
दो०—करि केहरि निसिचर चरहिं दुष्ट जंतु बन भूरि।
बिष बाटिकाँ कि सोह सुत सुभग सजीवनि मूरि ॥५९॥
Kari kehari nisichara charahim dushta jantu bana bhuri,
bisha batika ki soha suta subhaga sajivani muri. (59)
252 of 1432
बन हित कोल किरात किसोरी।
रचीं बिरंचि बिषय सुख भोरी॥
पाहनकृमि जिमि कठिन सुभाऊ।
तिन्हहि कलेसु न कानन काऊ॥
Bana hita kola kirata kisori.
Rachim biranchi bishaya sukha bhori.
Pahanakrimi jimi kathina subhau.
Tinhahi kalesu na kanana kau.
253 of 1432
कै तापस तिय कानन जोगू।
जिन्ह तप हेतु तजा सब भोगू॥
सिय बन बसिहि तात केहि भाँती।
चित्रलिखित कपि देखि डेराती॥
Kai tapasa tiya kanana jogu.
Jinha tapa hetu taja saba bhogu.
Siya bana basihi tata kehi bhati.
Chitralikhita kapi dekhi derati.
254 of 1432
सुरसर सुभग बनज बन चारी।
डाबर जोगु कि हंसकुमारी॥
अस बिचारि जस आयसु होई।
मैं सिख देउँ जानकिहि सोई॥
Surasara subhaga banaja bana chari.
Dabara jogu ki hamsakumari.
Asa bichari jasa ayasu hoi.
Maim sikha deu Jankihi soi.
255 of 1432
जौं सिय भवन रहै कह अंबा।
मोहि कहँ होइ बहुत अवलंबा॥
सुनि रघुबीर मातु प्रिय बानी।
सील सनेह सुधाँ जनु सानी॥
Jaum Siya bhavana rahai kaha amba.
Mohi kaham hoi bahuta avalamba.
Suni Raghubira matu priya bani.
Sila saneha sudha janu sani.
256 of 1432
दो०—कहि प्रिय बचन बिबेकमय कीन्हि मातु परितोष।
लगे प्रबोधन जानकिहि प्रगटि बिपिन गुन दोष ॥६०॥
Kahi priya bachana bibekamaya kinhi matu paritosha,
lage prabodhana Jankihi pragati bipina guna dosha. (60)
257 of 1432
मातु समीप कहत सकुचाहीं।
बोले समउ समुझि मन माहीं॥
राजकुमारि सिखावनु सुनहू।
आन भाँति जियँ जनि कछु गुनहू॥
Matu samipa kahata sakuchahi.
Bole samau samujhi mana mahi.
Rajakumari sikhavanu sunahu.
Ana bhati jiya jani kachhu gunahu.
258 of 1432
आपन मोर नीक जौं चहहू।
बचनु हमार मानि गृह रहहू॥
आयसु मोर सासु सेवकाई।
सब बिधि भामिनि भवन भलाई॥
Apana mora nika jaum chahahu.
Bachanu hamara mani griha rahahu.
Ayasu mora sasu sevakai.
Saba bidhi bhamini bhavana bhalai.
259 of 1432
एहि ते अधिक धरमु नहिं दूजा।
सादर सासु ससुर पद पूजा॥
जब जब मातु करिहि सुधि मोरी।
होइहि प्रेम बिकल मति भोरी॥
Ehi te adhika dharamu nahim duja.
Sadara sasu sasura pada puja.
Jaba jaba matu karihi sudhi mori.
Hoihi prema bikala mati bhori.
260 of 1432
तब तब तुम्ह कहि कथा पुरानी।
सुंदरि समुझाएहु मृदु बानी॥
कहउँ सुभायँ सपथ सत मोही।
सुमुखि मातु हित राखउँ तोही॥
Taba taba tumha kahi katha purani.
Sundari samujhaehu mridu bani.
Kahau subhayam sapatha sata mohi.
Sumukhi matu hita rakhau tohi.
261 of 1432
दो०—गुर श्रुति संमत धरम फलु पाइअ बिनहिं कलेस।
हठ बस सब संकट सहे गालव नहुष नरेस ॥६१॥
Gura shruti sammata dharama phalu paia binahim kalesa,
hatha basa saba sankata sahe Galava Nahusha naresa. (61)
262 of 1432
मैं पुनि करि प्रवान पितु बानी।
बेगि फिरब सुनु सुमुखि सयानी॥
दिवस जात नहिं लागिहि बारा।
सुंदरि सिखवनु सुनहु हमारा॥
Maim puni kari pravana pitu bani.
Begi phiraba sunu sumukhi sayani.
Divasa jata nahim lagihi bara.
Sundari sikhavanu sunahu hamara.
263 of 1432
जौं हठ करहु प्रेम बस बामा।
तौ तुम्ह दुखु पाउब परिनामा॥
काननु कठिन भयंकरु भारी।
घोर घामु हिम बारि बयारी॥
Jaum hatha karahu prema basa bama.
Tau tumha dukhu pauba parinama.
Kananu kathina bhayankaru bhari.
Ghora ghamu hima bari bayari.
264 of 1432
कुस कंटक मग काँकर नाना।
चलब पयादेहिं बिनु पदत्राना॥
चरन कमल मृदु मंजु तुम्हारे।
मारग अगम भूमिधर भारे॥
Kusa kantaka maga kankara nana.
Chalaba payadehim binu padatrana.
Charana kamala mridu manju tumhare.
Maraga agama bhumidhara bhare.
265 of 1432
कंदर खोह नदीं नद नारे।
अगम अगाध न जाहिं निहारे॥
भालु बाघ बृक केहरि नागा।
करहिं नाद सुनि धीरजु भागा॥
Kandara khoha nadim nada nare.
Agama agadha na jahim nihare.
Bhalu bagha brika kehari naga.
Karahim nada suni dhiraju bhaga.
266 of 1432
दो०—भूमि सयन बलकल बसन असनु कंद फल मूल।
ते कि सदा सब दिन मिलहिं सबुइ समय अनुकूल ॥६२॥
Bhumi sayana balakala basana asanu kanda phala mula,
te ki sada saba dina milahim sabui samaya anukula. (62)
267 of 1432
नर अहार रजनीचर चरहीं।
कपट बेष बिधि कोटिक करहीं॥
लागइ अति पहार कर पानी।
बिपिन बिपति नहिं जाइ बखानी॥
Nara ahara rajanichara charahi.
Kapata besha bidhi kotika karahi.
Lagai ati pahara kara pani.
Bipina bipati nahim jai bakhani.
268 of 1432
ब्याल कराल बिहग बन घोरा।
निसिचर निकर नारि नर चोरा॥
डरपहिं धीर गहन सुधि आएँ।
मृगलोचनि तुम्ह भीरु सुभाएँ॥
Byala karala bihaga bana ghora.
Nisichara nikara nari nara chora.
Darapahim dhira gahana sudhi aem.
Mrigalochani tumha bhiru subhaem.
269 of 1432
हंसगवनि तुम्ह नहिं बन जोगू।
सुनि अपजसु मोहि देइहि लोगू॥
मानस सलिल सुधाँ प्रतिपाली।
जिअइ कि लवन पयोधि मराली॥
Hamsagavani tumha nahim bana jogu.
Suni apajasu mohi deihi logu.
Manasa salila sudha pratipali.
Jiai ki lavana payodhi marali.
270 of 1432
नव रसाल बन बिहरनसीला।
सोह कि कोकिल बिपिन करीला॥
रहहु भवन अस हृदयँ बिचारी।
चंदबदनि दुखु कानन भारी॥
Nava rasala bana biharanasila.
Soha ki kokila bipina karila.
Rahahu bhavana asa hridayam bichari.
Chandabadani dukhu kanana bhari.
271 of 1432
दो०—सहज सुहृद गुर स्वामि सिख जो न करइ सिर मानि।
सो पछिताइ अघाइ उर अवसि होइ हित हानि ॥६३॥
Sahaja suhrida gura svami sikha jo na karai sira mani,
so pachhitai aghai ura avasi hoi hita hani. (63)
272 of 1432
सुनि मृदु बचन मनोहर पिय के।
लोचन ललित भरे जल सिय के॥
सीतल सिख दाहक भइ कैसें।
चकइहि सरद चंद निसि जैसें॥
Suni mridu bachana manohara piya ke.
Lochana lalita bhare jala Siya ke.
Sitala sikha dahaka bhai kaisem.
Chakaihi sarada chanda nisi jaisem.
273 of 1432
उतरु न आव बिकल बैदेही।
तजन चहत सुचि स्वामि सनेही॥
बरबस रोकि बिलोचन बारी।
धरि धीरजु उर अवनिकुमारी॥
Utaru na ava bikala Baidehi.
Tajana chahata suchi svami sanehi.
Barabasa roki bilochana bari.
Dhari dhiraju ura avanikumari.
274 of 1432
लागि सासु पग कह कर जोरी।
छमबि देबि बड़ि अबिनय मोरी॥
दीन्हि प्रानपति मोहि सिख सोई।
जेहि बिधि मोर परम हित होई॥
Lagi sasu paga kaha kara jori.
Chhamabi debi badi abinaya mori.
Dinhi pranapati mohi sikha soi.
Jehi bidhi mora parama hita hoi.
275 of 1432
मैं पुनि समुझि दीखि मन माहीं।
पिय बियोग सम दुखु जग नाहीं॥
Maim puni samujhi dikhi mana mahi.
Piya biyoga sama dukhu jaga nahi.
276 of 1432
दो०—प्राननाथ करुनायतन सुंदर सुखद सुजान।
तुम्ह बिनु रघुकुल कुमुद बिधु सुरपुर नरक समान ॥६४॥
Prananatha karunayatana sundara sukhada sujana,
tumha binu Raghukula kumuda bidhu surapura naraka samana. (64)
277 of 1432
मातु पिता भगिनी प्रिय भाई।
प्रिय परिवारु सुहृद समुदाई॥
सासु ससुर गुर सजन सहाई।
सुत सुंदर सुसील सुखदाई॥
Matu pita bhagini priya bhai.
Priya parivaru suhrida samudai.
Sasu sasura gura sajana sahai.
Suta sundara susila sukhadai.
278 of 1432
जहँ लगि नाथ नेह अरु नाते।
पिय बिनु तियहि तरनिहु ते ताते॥
तनु धनु धामु धरनि पुर राजू।
पति बिहीन सबु सोक समाजू॥
Jaham lagi natha neha aru nate.
Piya binu tiyahi taranihu te tate.
Tanu dhanu dhamu dharani pura raju.
Pati bihina sabu soka samaju.
279 of 1432
भोग रोगसम भूषन भारू।
जम जातना सरिस संसारू॥
प्राननाथ तुम्ह बिनु जग माहीं।
मो कहुँ सुखद कतहुँ कछु नाहीं॥
Bhoga rogasama bhushana bharu.
Jama jatana sarisa samsaru.
Prananatha tumha binu jaga mahi.
Mo kahum sukhada katahum kachhu nahi.
280 of 1432
जिय बिनु देह नदी बिनु बारी।
तैसिअ नाथ पुरुष बिनु नारी॥
नाथ सकल सुख साथ तुम्हारें।
सरद बिमल बिधु बदनु निहारें॥
Jiya binu deha nadi binu bari.
Taisia natha purusha binu nari.
Natha sakala sukha satha tumhare.
Sarada bimala bidhu badanu nihare.
281 of 1432
दो०—खग मृग परिजन नगरु बनु बलकल बिमल दुकूल।
नाथ साथ सुरसदन सम परनसाल सुख मूल ॥६५॥
Khaga mriga parijana nagaru banu balakala bimala dukula,
natha satha surasadana sama paranasala sukha mula. (65)
282 of 1432
बनदेबीं बनदेव उदारा।
करिहहिं सासु ससुर सम सारा॥
कुस किसलय साथरी सुहाई।
प्रभु सँग मंजु मनोज तुराई॥
Banadebim banadeva udara.
Karihahim sasu sasura sama sara.
Kusa kisalaya satharI suhai.
Prabhu samga manju manoja turai.
283 of 1432
कंद मूल फल अमिअ अहारू।
अवध सौध सत सरिस पहारू॥
छिनु छिनु प्रभु पद कमल बिलोकी।
रहिहउँ मुदित दिवस जिमि कोकी॥
Kanda mula phala amia ahar.
Avadha saudha sata sarisa pahar.
Chhinu chhinu prabhu pada kamala biloki.
Rahihau mudita divasa jimi koki.
284 of 1432
बन दुख नाथ कहे बहुतेरे।
भय बिषाद परिताप घनेरे॥
प्रभु बियोग लवलेस समाना।
सब मिलि होहिं न कृपानिधाना॥
Bana dukha natha kahe bahutere.
Bhaya bishada paritapa ghanere.
Prabhu biyoga lavalesa samana.
Saba mili hohim na kripanidhana.
285 of 1432
अस जियँ जानि सुजान सिरोमनि।
लेइअ संग मोहि छाड़िअ जनि॥
बिनती बहुत करौं का स्वामी।
करुनामय उर अंतरजामी॥
Asa jiyam jani sujana siromani.
Leia samga mohi chhadia jani.
Binati bahuta karau ka svami.
Karunamaya ura antarajami.
286 of 1432
दो०—राखिअ अवध जो अवधि लगि रहत न जनिअहिं प्रान।
दीनबंधु सुंदर सुखद सील सनेह निधान ॥६६॥
Rakhia avadha jo avadhi lagi rahata na janiahim prana,
dinabandhu sundara sukhada sila saneha nidhana. (66)
287 of 1432
मोहि मग चलत न होइहि हारी।
छिनु छिनु चरन सरोज निहारी॥
सबहि भाँति पिय सेवा करिहौं।
मारग जनित सकल श्रम हरिहौं॥
Mohi maga chalata na hoihi hari.
Chhinu chhinu charana saroja nihari.
Sabahi bhati piya seva karihau.
Maraga janita sakala shrama harihau.
288 of 1432
पाय पखारि बैठि तरु छाहीं।
करिहउँ बाउ मुदित मन माहीं॥
श्रम कन सहित स्याम तनु देखें।
कहँ दुख समउ प्रानपति पेखें॥
Paya pakhari baithi taru chhahi.
Karihau bau mudita mana mahi.
Shrama kana sahita syama tanu dekhem.
Kaham dukha samau pranapati pekhem.
289 of 1432
सम महि तृन तरुपल्लव डासी।
पाय पलोटिहि सब निसि दासी॥
बार बार मृदु मूरति जोही।
लागिहि तात बयारि न मोही॥
Sama mahi trina tarupallava dasi.
Paya palotihi saba nisi dasi.
Bara bara mridu murati johi.
Lagihi tata bayari na mohi.
290 of 1432
को प्रभु सँग मोहि चितवनिहारा।
सिंघबधुहि जिमि ससक सिआरा॥
मैं सुकुमारि नाथ बन जोगू।
तुम्हहि उचित तप मो कहुँ भोगू॥
Ko prabhu samga mohi chitavanihara.
Simghabadhuhi jimi sasaka siara.
Maim sukumari natha bana jogu.
Tumhahi uchita tapa mo kahum bhogu.
291 of 1432
दो०—ऐसेउ बचन कठोर सुनि जौं न हृदउ बिलगान।
तौ प्रभु बिषम बियोग दुख सहिहहिं पावँर प्रान ॥६७॥
Aiseu bachana kathora suni jaum na hridau bilagana,
tau prabhu bishama biyoga dukha sahihahim pavara prana. (67)
292 of 1432
अस कहि सीय बिकल भइ भारी।
बचन बियोगु न सकी सँभारी॥
देखि दसा रघुपति जियँ जाना।
हठि राखें नहिं राखिहि प्राना॥
Asa kahi Siya bikala bhai bhari.
Bachana biyogu na saki sambhari.
Dekhi dasa Raghupati jiyam jana.
Hathi rakhem nahim rakhihi prana.
293 of 1432
कहेउ कृपाल भानुकुलनाथा।
परिहरि सोचु चलहु बन साथा॥
नहिं बिषाद कर अवसरु आजू।
बेगि करहु बन गवन समाजू॥
Kaheu kripala bhanukulanatha.
Parihari sochu chalahu bana satha.
Nahim bishada kara avasaru aju.
Begi karahu bana gavana samaju.
294 of 1432
कहि प्रिय बचन प्रिया समुझाई।
लगे मातु पद आसिष पाई॥
बेगि प्रजा दुख मेटब आई।
जननी निठुर बिसरि जनि जाई॥
Kahi priya bachana priya samujhai.
Lage matu pada asisha pai.
Begi praja dukha metaba ai.
Janani nithura bisari jani jai.
295 of 1432
फिरिहि दसा बिधि बहुरि कि मोरी।
देखिहउँ नयन मनोहर जोरी॥
सुदिन सुघरी तात कब होइहि।
जननी जिअत बदन बिधु जोइहि॥
Phirihi dasa bidhi bahuri ki mori.
Dekhihau nayana manohara jori.
Sudina sughari tata kaba hoihi.
Janani jiata badana bidhu joihi.
296 of 1432
दो०—बहुरि बच्छ कहि लालु कहि रघुपति रघुबर तात।
कबहिं बोलाइ लगाइ हियँ हरषि निरखिहउँ गात ॥६८॥
Bahuri bachchha kahi lalu kahi Raghupati Raghubara tata,
kabahim bolai lagai hiyam harashi nirakhihau gata. (68)
297 of 1432
लखि सनेह कातरि महतारी।
बचनु न आव बिकल भइ भारी॥
राम प्रबोधु कीन्ह बिधि नाना।
समउ सनेहु न जाइ बखाना॥
Lakhi saneha katari mahatari.
Bachanu na ava bikala bhai bhari.
Rama prabodhu kinha bidhi nana.
Samau sanehu na jai bakhana.
298 of 1432
तब जानकी सासु पग लागी।
सुनिअ माय मैं परम अभागी॥
सेवा समय दैअँ बनु दीन्हा।
मोर मनोरथु सफल न कीन्हा॥
Taba Janaki sasu paga lagi.
Sunia maya maim parama abhagi.
Seva samaya daiam banu dinha.
Mora manorathu saphala na kinha.
299 of 1432
तजब छोभु जनि छाड़िअ छोहू।
करमु कठिन कछु दोसु न मोहू॥
सुनि सिय बचन सासु अकुलानी।
दसा कवनि बिधि कहौं बखानी॥
Tajaba chhobhu jani chhadia chhohu.
Karamu kathina kachhu dosu na mohu.
Suni Siya bachana sasu akulani.
Dasa kavani bidhi kahaum bakhani.
300 of 1432
बारहिं बार लाइ उर लीन्ही।
धरि धीरजु सिख आसिष दीन्ही॥
अचल होउ अहिवातु तुम्हारा।
जब लगि गंग जमुन जल धारा॥
Barahim bara lai ura linhi.
Dhari dhiraju sikha asisha dinhi.
Achala hou ahivatu tumhara.
Jaba lagi Ganga Jamuna jala dhara.
301 of 1432
दो०—सीतहि सासु असीस सिख दीन्हि अनेक प्रकार।
चली नाइ पद पदुम सिरु अति हित बारहिं बार ॥६९॥
Sitahi sasu asisa sikha dinhi aneka prakara,
chali nai pada paduma siru ati hita barahim bara. (69)
302 of 1432
समाचार जब लछिमन पाए।
ब्याकुल बिलख बदन उठि धाए॥
कंप पुलक तन नयन सनीरा।
गहे चरन अति प्रेम अधीरा॥
Samachara jaba Lachhimana pae.
Byakula bilakha badana uthi dhae.
Kampa pulaka tana nayana sanira.
Gahe charana ati prema adhira.
303 of 1432
कहि न सकत कछु चितवत ठाढ़े।
मीनु दीन जनु जल तें काढ़े॥
सोचु हृदयँ बिधि का होनिहारा।
सबु सुखु सुकृतु सिरान हमारा॥
Kahi na sakata kachhu chitavata thadhe.
Minu dina janu jala tem kadhe.
Sochu hridayam bidhi ka honihara.
Sabu sukhu sukritu sirana hamara.
304 of 1432
मो कहुँ काह कहब रघुनाथा।
रखिहहिं भवन कि लेहहिं साथा॥
राम बिलोकि बंधु कर जोरें।
देह गेह सब सन तृनु तोरें॥
Mo kahum kaha kahaba Raghunatha.
Rakhihahim bhavana ki lehahim satha.
Rama biloki bandhu kara jorem.
Deha geha saba sana trinu torem.
305 of 1432
बोले बचनु राम नय नागर।
सील सनेह सरल सुख सागर॥
तात प्रेम बस जनि कदराहू।
समुझि हृदयँ परिनाम उछाहू॥
Bole bachanu Rama naya nagara.
Sila saneha sarala sukha sagara.
Tata prema basa jani kadarahu.
Samujhi hridayam parinama uchhahu.
306 of 1432
दो०—मातु पिता गुरु स्वामि सिख सिर धरि करहिं सुभायँ।
लहेउ लाभु तिन्ह जनम कर नतरु जनमु जग जायँ ॥७०॥
Matu pita guru svami sikha sira dhari karahim subhayam,
laheu labhu tinha janama kara nataru janamu jaga jayam. (70)
307 of 1432
अस जियँ जानि सुनहु सिख भाई।
करहु मातु पितु पद सेवकाई॥
भवन भरतु रिपुसूदनु नाहीं।
राउ बृद्ध मम दुखु मन माहीं॥
Asa jiyam jani sunahu sikha bhai.
Karahu matu pitu pada sevakai.
Bhavana Bharatu Ripusudanu nahi.
Rau briddha mama dukhu mana mahi.
308 of 1432
मैं बन जाउँ तुम्हहि लेइ साथा।
होइ सबहि बिधि अवध अनाथा॥
गुरु पितु मातु प्रजा परिवारू।
सब कहुँ परइ दुसह दुख भारू॥
Maim bana jau tumhahi lei satha.
Hoi sabahi bidhi Avadha anatha.
Guru pitu matu praja parivaru.
Saba kahum parai dusaha dukha bharu.
309 of 1432
रहहु करहु सब कर परितोषू।
नतरु तात होइहि बड़ दोषू॥
जासु राज प्रिय प्रजा दुखारी।
सो नृपु अवसि नरक अधिकारी॥
Rahahu karahu saba kara paritoshu.
Nataru tata hoihi bada doshu.
Jasu raja priya praja dukhari.
So nripu avasi naraka adhikari.
310 of 1432
रहहु तात असि नीति बिचारी।
सुनत लखनु भए ब्याकुल भारी॥
सिअरें बचन सूखि गए कैसें।
परसत तुहिन तामरसु जैसें॥
Rahahu tata asi niti bichari.
Sunata Lakhanu bhae byakula bhari.
Siarem bachana sukhi gae kaisem.
Parasata tuhina tamarasu jaisem.
311 of 1432
दो०—उतरु न आवत प्रेम बस गहे चरन अकुलाइ।
नाथ दासु मैं स्वामि तुम्ह तजहु त काह बसाइ ॥७१॥
Utaru na avata prema basa gahe charana akulai,
natha dasu maim svami tumha tajahu ta kaha basai. (71)
312 of 1432
दीन्हि मोहि सिख नीकि गोसाईं।
लागि अगम अपनी कदराईं॥
नरबर धीर धरम धुर धारी।
निगम नीति कहुँ ते अधिकारी॥
Dinhi mohi sikha niki gosai.
Lagi agama apani kadarai.
Narabara dhira dharama dhura dhari.
Nigama niti kahum te adhikari.
313 of 1432
मैं सिसु प्रभु सनेहँ प्रतिपाला।
मंदरु मेरु कि लेहिं मराला॥
गुर पितु मातु न जानउँ काहू।
कहउँ सुभाउ नाथ पतिआहू॥
Maim sisu prabhu saneham pratipala.
Mandaru Meru ki lehim marala.
Gura pitu matu na janau kahu.
Kahau subhau natha patiahu.
314 of 1432
जहँ लगि जगत सनेह सगाई।
प्रीति प्रतीति निगम निजु गाई॥
मोरें सबइ एक तुम्ह स्वामी।
दीनबंधु उर अंतरजामी॥
Jaham lagi jagata saneha sagai.
Priti pratiti nigama niju gai.
Morem sabai eka tumha svami.
Dinabandhu ura antarajami.
315 of 1432
धरम नीति उपदेसिअ ताही।
कीरति भूति सुगति प्रिय जाही॥
मन क्रम बचन चरन रत होई।
कृपासिंधु परिहरिअ कि सोई॥
Dharama niti upadesia tahi.
Kirati bhuti sugati priya jahi.
Mana krama bachana charana rata hoi.
Kripasindhu pariharia ki soi.
316 of 1432
दो०—करुनासिंधु सुबंधु के सुनि मृदु बचन बिनीत।
समुझाए उर लाइ प्रभु जानि सनेहँ सभीत ॥७२॥
Karunasindhu subandhu ke suni mridu bachana binita,
samujhae ura lai prabhu jani saneham sabhita. (72)
317 of 1432
मागहु बिदा मातु सन जाई।
आवहु बेगि चलहु बन भाई॥
मुदित भए सुनि रघुबर बानी।
भयउ लाभ बड़ गइ बड़ि हानी॥
Magahu bida matu sana jai.
Avahu begi chalahu bana bhai.
Mudita bhae suni Raghubara bani.
Bhayau labha bada gai badi hani.
318 of 1432
हरषित हृदयँ मातु पहिं आए।
मनहुँ अंध फिरि लोचन पाए॥
जाइ जननि पग नायउ माथा।
मनु रघुनंदन जानकि साथा॥
Harashita hridayam matu pahim ae.
Manahu andha phiri lochana pae.
Jai janani paga nayau matha.
Manu Raghunandana Janaki satha.
319 of 1432
पूँछे मातु मलिन मन देखी।
लखन कही सब कथा बिसेषी॥
गई सहमि सुनि बचन कठोरा।
मृगी देखि दव जनु चहु ओरा॥
Punchhe matu malina mana dekhi.
Lakhana kahi saba katha biseshi.
Gai sahami suni bachana kathora.
Mrigi dekhi dava janu chahu ora.
320 of 1432
लखन लखेउ भा अनरथ आजू।
एहिं सनेह बस करब अकाजू॥
मागत बिदा सभय सकुचाहीं।
जाइ संग बिधि कहिहि कि नाहीं॥
Lakhana lakheu bha anaratha aju.
Ehim saneha basa karaba akaju.
Magata bida sabhaya sakuchahi.
Jai samga bidhi kahihi ki nahi.
321 of 1432
दो०—समुझि सुमित्राँ राम सिय रूपु सुसीलु सुभाउ।
नृप सनेहु लखि धुनेउ सिरु पापिनि दीन्ह कुदाउ ॥७३॥
Samujhi Sumitram Rama Siya rupu susilu subhau,
nripa sanehu lakhi dhuneu siru papini dinha kudau. (73)
322 of 1432
धीरजु धरेउ कुअवसर जानी।
सहज सुहृद बोली मृदु बानी॥
तात तुम्हारि मातु बैदेही।
पिता रामु सब भाँति सनेही॥
Dhiraju dhareu kuavasara jani.
Sahaja suhrida boli mridu bani.
Tata tumhari matu Baidehi.
Pita Ramu saba bhati sanehi.
323 of 1432
अवध तहाँ जहँ राम निवासू।
तहँइ दिवसु जहँ भानु प्रकासू॥
जौं पै सीय रामु बन जाहीं।
अवध तुम्हार काजु कछु नाहीं॥
Avadha taham jaham Rama nivasu.
Tahai divasu jaham bhanu prakasu.
Jaum pai Siya Ramu bana jahi.
Avadha tumhara kaju kachhu nahi.
324 of 1432
गुर पितु मातु बंधु सुर साईं।
सेइअहिं सकल प्रान की नाईं॥
रामु प्रानप्रिय जीवन जी के।
स्वारथ रहित सखा सबही के॥
Gura pitu matu bandhu sura sai.
Seiahim sakala prana ki nai.
Ramu pranapriya jivana ji ke.
Svaratha rahita sakha sabahi ke.
325 of 1432
पूजनीय प्रिय परम जहाँ तें।
सब मानिअहिं राम के नातें॥
अस जियँ जानि संग बन जाहू।
लेहु तात जग जीवन लाहू॥
Pujaniya priya parama jaham tem.
Saba maniahim Rama ke natem.
Asa jiyam jani samga bana jahu.
Lehu tata jaga jivana lahu.
326 of 1432
दो०—भूरि भाग भाजनु भयहु मोहि समेत बलि जाउँ।
जौं तुम्हरें मन छाड़ि छलु कीन्ह राम पद ठाउँ ॥७४॥
Bhuri bhaga bhajanu bhayahu mohi sameta bali jau,
jaum tumharem mana chhadi chhalu kinha Rama pada thau. (74)
327 of 1432
पुत्रवती जुबती जग सोई।
रघुपति भगतु जासु सुतु होई॥
नतरु बाँझ भलि बादि बिआनी।
राम बिमुख सुत तें हित जानी॥
Putravati jubati jaga soi.
Raghupati bhagatu jasu sutu hoi.
Nataru bamjha bhali badi biani.
Rama bimukha suta tem hita jani.
328 of 1432
तुम्हरेहिं भाग रामु बन जाहीं।
दूसर हेतु तात कछु नाहीं॥
सकल सुकृत कर बड़ फलु एहू।
राम सीय पद सहज सनेहू॥
Tumharehim bhaga Ramu bana jahi.
Dusara hetu tata kachhu nahi.
Sakala sukrita kara bada phalu ehu.
Rama Siya pada sahaja sanehu.
329 of 1432
रागु रोषु इरिषा मदु मोहू।
जनि सपनेहुँ इन्ह के बस होहू॥
सकल प्रकार बिकार बिहाई।
मन क्रम बचन करेहु सेवकाई॥
Ragu roshu irisha madu mohu.
Jani sapanehu inha ke basa hohu.
Sakala prakara bikara bihai.
Mana krama bachana karehu sevakai.
330 of 1432
तुम्ह कहुँ बन सब भाँति सुपासू।
सँग पितु मातु रामु सिय जासू॥
जेहिं न रामु बन लहहिं कलेसू।
सुत सोइ करेहु इहइ उपदेसू॥
Tumha kahum bana saba bhati supasu.
Samga pitu matu Ramu Siya jasu.
Jehim na Ramu bana lahahim kalesu.
Suta soi karehu ihai upadesu.
331 of 1432
छं०—उपदेसु यहु जेहिं तात तुम्हरे राम सिय सुख पावहीं।
पितु मातु प्रिय परिवार पुर सुख सुरति बन बिसरावहीं।
तुलसी प्रभुहि सिख देइ आयसु दीन्ह पुनि आसिष दई।
रति होउ अबिरल अमल सिय रघुबीर पद नित नित नई॥
Upadesu yahu jehim tata tumhare Rama Siya sukha pavahi,
pitu matu priya parivara pura sukha surati bana bisaravahi.
Tulasi prabhuhi sikha dei ayasu dinha puni ashisha dai,
rati hou abirala amala Siya Raghubira pada nita nita nai.
332 of 1432
सो०—मातु चरन सिरु नाइ चले तुरत संकित हृदयँ।
बागुर बिषम तोराइ मनहुँ भाग मृगु भाग बस ॥७५॥
Matu charana siru nai chale turata sankita hridayam,
bagura bishama torai manahu bhaga mrigu bhaga basa. (75)
333 of 1432
गए लखनु जहँ जानकिनाथू।
भे मन मुदित पाइ प्रिय साथू॥
बंदि राम सिय चरन सुहाए।
चले संग नृपमंदिर आए॥
Gae Lakhanu jaham Jankinathu.
Bhe mana mudita pai priya sathu.
Bandi Rama Siya charana suhae.
Chale samga nripamandira ae.
334 of 1432
कहहिं परसपर पुर नर नारी।
भलि बनाइ बिधि बात बिगारी॥
तन कृस मन दुखु बदन मलीने।
बिकल मनहुँ माखी मधु छीने॥
Kahahim parasapara pura nara nari.
Bhali banai bidhi bata bigari.
Tana krisa mana dukhu badana maline.
Bikala manahu makhi madhu chhine.
335 of 1432
कर मीजहिं सिरु धुनि पछिताहीं।
जनु बिनु पंख बिहग अकुलाहीं॥
भइ बड़ि भीर भूप दरबारा।
बरनि न जाइ बिषादु अपारा॥
Kara mijahim siru dhuni pachhitahi.
Janu binu pankha bihaga akulahi.
Bhai badi bhira bhupa darabara.
Barani na jai bishadu apara.
336 of 1432
सचिवँ उठाइ राउ बैठारे।
कहि प्रिय बचन रामु पगु धारे॥
सिय समेत दोउ तनय निहारी।
ब्याकुल भयउ भूमिपति भारी॥
sacivam̐ uṭhāi rāu baiṭhāre.
kahi priya bacana rāmu pagu dhāre.
siya sameta dou tanaya nihārī.
byākula bhayau bhūmipati bhārī.
337 of 1432
दो०—सीय सहित सुत सुभग दोउ देखि देखि अकुलाइ।
बारहिं बार सनेह बस राउ लेइ उर लाइ ॥७६॥
do.—sīya sahita suta subhaga dou dekhi dekhi akulāi,
bārahiṃ bāra saneha basa rāu lei ura lāi. (76)
338 of 1432
सकइ न बोलि बिकल नरनाहू।
सोक जनित उर दारुन दाहू॥
नाइ सीसु पद अति अनुरागा।
उठि रघुबीर बिदा तब मागा॥
sakai na boli bikala naranāhū.
soka janita ura dāruna dāhū.
nāi sīsu pada ati anurāgā.
uṭhi raghubīra bidā taba māgā.
339 of 1432
पितु असीस आयसु मोहि दीजै।
हरष समय बिसमउ कत कीजै॥
तात किएँ प्रिय प्रेम प्रमादू।
जसु जग जाइ होइ अपबादू॥
pitu asīsa āyasu mohi dījai.
haraṣa samaya bisamau kata kījai.
tāta kieṃ priya prema pramādū.
jasu jaga jāi hoi apabādū.
340 of 1432
सुनि सनेह बस उठि नरनाहाँ।
बैठारे रघुपति गहि बाहाँ॥
सुनहु तात तुम्ह कहुँ मुनि कहहीं।
रामु चराचर नायक अहहीं॥
suni saneha basa uṭhi naranāhām̐.
baiṭhāre raghupati gahi bāhām̐.
sunahu tāta tumha kahum̐ muni kahahīṃ.
rāmu carācara nāyaka ahahīṃ.
341 of 1432
सुभ अरु असुभ करम अनुहारी।
ईसु देइ फलु हृदयँ बिचारी॥
करइ जो करम पाव फल सोई।
निगम नीति असि कह सबु कोई॥
subha aru asubha karama anuhārī.
īsu dei phalu hṛdayam̐ bicārī.
karai jo karama pāva phala soī.
nigama nīti asi kaha sabu koī.
342 of 1432
दो०—औरु करै अपराधु कोउ और पाव फल भोगु।
अति बिचित्र भगवंत गति को जग जानै जोगु ॥७७॥
do.—auru karai aparādhu kou aura pāva phala bhogu,
ati bicitra bhagavaṃta gati ko jaga jānai jogu. (77)
343 of 1432
रायँ राम राखन हित लागी।
बहुत उपाय किए छलु त्यागी॥
लखी राम रुख रहत न जाने।
धरम धुरंधर धीर सयाने॥
rāyam̐ rāma rākhana hita lāgī.
bahuta upāya kie chalu tyāgī.
lakhī rāma rukha rahata na jāne.
dharama dhuraṃdhara dhīra sayāne.
344 of 1432
तब नृप सीय लाइ उर लीन्ही।
अति हित बहुत भाँति सिख दीन्ही॥
कहि बन के दुख दुसह सुनाए।
सासु ससुर पितु सुख समुझाए॥
taba nṛpa sīya lāi ura līnhī.
ati hita bahuta bhāṃti sikha dīnhī.
kahi bana ke dukha dusaha sunāe.
sāsu sasura pitu sukha samujhāe.
345 of 1432
सिय मनु राम चरन अनुरागा।
घरु न सुगमु बनु बिषमु न लागा॥
औरउ सबहिं सीय समुझाई।
कहि कहि बिपिन बिपति अधिकाई॥
siya manu rāma carana anurāgā.
gharu na sugamu banu biṣamu na lāgā.
aurau sabahiṃ sīya samujhāī.
kahi kahi bipina bipati adhikāī.
346 of 1432
सचिव नारि गुर नारि सयानी।
सहित सनेह कहहिं मृदु बानी॥
तुम्ह कहुँ तौ न दीन्ह बनबासू।
करहु जो कहहिं ससुर गुर सासू॥
saciva nāri gura nāri sayānī.
sahita saneha kahahiṃ mṛdu bānī.
tumha kahum̐ tau na dīnha banabāsū.
karahu jo kahahiṃ sasura gura sāsū.
347 of 1432
दो०—सिख सीतलि हित मधुर मृदु सुनि सीतहि न सोहानि।
सरद चंद चंदिनि लगत जनु चकई अकुलानि ॥७८॥
do.—sikha sītali hita madhura mṛdu suni sītahi na sohāni,
sarada caṃda caṃdini lagata janu cakaī akulāni. (78)
348 of 1432
सीय सकुच बस उतरु न देई।
सो सुनि तमकि उठी कैकेई॥
मुनि पट भूषन भाजन आनी।
आगें धरि बोली मृदु बानी॥
sīya sakuca basa utaru na deī.
so suni tamaki uṭhī kaikeī.
muni paṭa bhūṣana bhājana ānī.
āgeṃ dhari bolī mṛdu bānī.
349 of 1432
नृपहि प्रानप्रिय तुम्ह रघुबीरा।
सील सनेह न छाड़िहि भीरा॥
सुकृतु सुजसु परलोकु नसाऊ।
तुम्हहि जान बन कहिहि न काऊ॥
nṛpahi prānapriya tumha raghubīrā.
sīla saneha na chāṛihi bhīrā.
sukṛtu sujasu paraloku nasāū.
tumhahi jāna bana kahihi na kāū.
350 of 1432
अस बिचारि सोइ करहु जो भावा।
राम जननि सिख सुनि सुखु पावा॥
भूपहि बचन बानसम लागे।
करहिं न प्रान पयान अभागे॥
asa bicāri soi karahu jo bhāvā.
rāma janani sikha suni sukhu pāvā.
bhūpahi bacana bānasama lāge.
karahiṃ na prāna payāna abhāge.
351 of 1432
लोग बिकल मुरुछित नरनाहू।
काह करिअ कछु सूझ न काहू॥
रामु तुरत मुनि बेषु बनाई।
चले जनक जननिहि सिरु नाई॥
loga bikala muruchita naranāhū.
kāha karia kachu sūjha na kāhū.
rāmu turata muni beṣu banāī.
cale janaka jananihi siru nāī.
352 of 1432
दो०—सजि बन साजु समाजु सबु बनिता बंधु समेत।
बंदि बिप्र गुर चरन प्रभु चले करि सबहि अचेत ॥७९॥
do.—saji bana sāju samāju sabu banitā baṃdhu sameta,
baṃdi bipra gura carana prabhu cale kari sabahi aceta. (79)
353 of 1432
निकसि बसिष्ठ द्वार भए ठाढ़े।
देखे लोग बिरह दव दाढ़े॥
कहि प्रिय बचन सकल समुझाए।
बिप्र बृंद रघुबीर बोलाए॥
nikasi basiṣṭha dvāra bhae ṭhāṛhe.
dekhe loga biraha dava dāṛhe.
kahi priya bacana sakala samujhāe.
bipra bṛṃda raghubīra bolāe.
354 of 1432
गुर सन कहि बरषासन दीन्हे।
आदर दान बिनय बस कीन्हे॥
जाचक दान मान संतोषे।
मीत पुनीत प्रेम परितोषे॥
gura sana kahi barṣāsana dīnhe.
ādara dāna binaya basa kīnhe.
jācaka dāna māna saṃtoṣe.
mīta punīta prema paritoṣe.
355 of 1432
दासीं दास बोलाइ बहोरी।
गुरहि सौंपि बोले कर जोरी॥
सब कै सार सँभार गोसाईं।
करबि जनक जननी की नाईं॥
dāsīṃ dāsa bolāi bahorī.
gurahi saum̐pi bole kara jorī.
saba kai sāra sam̐bhāra gosāīṃ.
karabi janaka jananī kī nāīṃ.
356 of 1432
बारहिं बार जोरि जुग पानी।
कहत रामु सब सन मृदु बानी॥
सोइ सब भाँति मोर हितकारी।
जेहि तें रहै भुआल सुखारी॥
bārahiṃ bāra jori juga pānī.
kahata rāmu saba sana mṛdu bānī.
soi saba bhāṃti mora hitakārī.
jehi teṃ rahai bhuāla sukhārī.
357 of 1432
दो०—मातु सकल मोरे बिरहँ जेहिं न होहिं दुख दीन।
सोइ उपाउ तुम्ह करेहु सब पुर जन परम प्रबीन ॥८०॥
do.—mātu sakala more biraham̐ jehiṃ na hohiṃ dukha dīna,
soi upāu tumha karehu saba pura jana parama prabīna. (80)
358 of 1432
एहि बिधि राम सबहि समुझावा।
गुर पद पदुम हरषि सिरु नावा॥
गनपति गौरि गिरीसु मनाई।
चले असीस पाइ रघुराई॥
ehi bidhi rāma sabahi samujhāvā.
gura pada paduma haraṣi siru nāvā.
ganapati gauri girīsu manāī.
cale asīsa pāi raghurāī.
359 of 1432
राम चलत अति भयउ बिषादू।
सुनि न जाइ पुर आरत नादू॥
कुसगुन लंक अवध अति सोकू।
हरष बिषाद बिबस सुरलोकू॥
rāma calata ati bhayau biṣādū.
suni na jāi pura ārata nādū.
kusaguna laṃka avadha ati sokū.
haraṣa biṣāda bibasa suralokū.
360 of 1432
गइ मुरुछा तब भूपति जागे।
बोलि सुमंत्रु कहन अस लागे॥
रामु चले बन प्रान न जाहीं।
केहि सुख लागि रहत तन माहीं॥
gai muruchā taba bhūpati jāge.
boli sumaṃtru kahana asa lāge.
rāmu cale bana prāna na jāhīṃ.
kehi sukha lāgi rahata tana māhīṃ.
361 of 1432
एहि तें कवन ब्यथा बलवाना।
जो दुखु पाइ तजहिं तनु प्राना॥
पुनि धरि धीर कहइ नरनाहू।
लै रथु संग सखा तुम्ह जाहू॥
ehi teṃ kavana byathā balavānā.
jo dukhu pāi tajahiṃ tanu prānā.
puni dhari dhīra kahai naranāhū.
lai rathu saṃga sakhā tumha jāhū.
362 of 1432
दो०—सुठि सुकुमार कुमार दोउ जनकसुता सुकुमारि।
रथ चढ़ाइ देखराइ बनु फिरेहु गएँ दिन चारि ॥८१॥
do.—suṭhi sukumāra kumāra dou janakasutā sukumāri,
ratha caṛhāi dekharāi banu phirehu gaeṃ dina cāri. (81)
363 of 1432
जौं नहिं फिरहिं धीर दोउ भाई।
सत्यसंध दृढ़ब्रत रघुराई॥
तौ तुम्ह बिनय करेहु कर जोरी।
फेरिअ प्रभु मिथिलेसकिसोरी॥
jauṃ nahiṃ phirahiṃ dhīra dou bhāī.
satyasaṃdha dṛṛhabrata raghurāī.
tau tumha binaya karehu kara jorī.
pheria prabhu mithilesakisorī.
364 of 1432
जब सिय कानन देखि डेराई।
कहेहु मोरि सिख अवसरु पाई॥
सासु ससुर अस कहेउ सँदेसू।
पुत्रि फिरिअ बन बहुत कलेसू॥
jaba siya kānana dekhi ḍerāī.
kahehu mori sikha avasaru pāī.
sāsu sasura asa kaheu sam̐desū.
putri phiria bana bahuta kalesū.
365 of 1432
पितुगृह कबहुँ कबहुँ ससुरारी।
रहेहु जहाँ रुचि होइ तुम्हारी॥
एहि बिधि करेहु उपाय कदंबा।
फिरइ त होइ प्रान अवलंबा॥
pitugṛha kabahum̐ kabahum̐ sasurārī.
rahehu jahāṃ ruci hoi tumhārī.
ehi bidhi karehu upāya kadaṃbā.
phirai ta hoi prāna avalaṃbā.
366 of 1432
नाहिं त मोर मरनु परिनामा।
कछु न बसाइ भएँ बिधि बामा॥
अस कहि मुरुछि परा महि राऊ।
रामु लखनु सिय आनि देखाऊ॥
nāhiṃ ta mora maranu parināmā.
kachu na basāi bhaeṃ bidhi bāmā.
asa kahi muruchi parā mahi rāū.
rāmu lakhanu siya āni dekhāū.
367 of 1432
दो०—पाइ रजायसु नाइ सिरु रथु अति बेग बनाइ।
गयउ जहाँ बाहेर नगर सीय सहित दोउ भाइ ॥८२॥
do.—pāi rajāyasu nāi siru rathu ati bega banāi,
gayau jahāṃ bāhera nagara sīya sahita dou bhāi. (82)
368 of 1432
तब सुमंत्र नृप बचन सुनाए।
करि बिनती रथ रामु चढ़ाए॥
चढ़ि रथ सीय सहित दोउ भाई।
चले हृदयँ अवधहि सिरु नाई॥
taba sumaṃtra nṛpa bacana sunāe.
kari binatī ratha rāmu caṛhāe.
caṛhi ratha sīya sahita dou bhāī.
cale hṛdayam̐ avadhahi siru nāī.
369 of 1432
चलत रामु लखि अवध अनाथा।
बिकल लोग सब लागे साथा॥
कृपासिंधु बहुबिधि समुझावहिं।
फिरहिं प्रेम बस पुनि फिरि आवहिं॥
calata rāmu lakhi avadha anāthā.
bikala loga saba lāge sāthā.
kṛpāsiṃdhu bahubidhi samujhāvahiṃ.
phirahiṃ prema basa puni phiri āvahiṃ.
370 of 1432
लागति अवध भयावनि भारी।
मानहुँ कालराति अँधिआरी॥
घोर जंतु सम पुर नर नारी।
डरपहिं एकहि एक निहारी॥
lāgati avadha bhayāvani bhārī.
mānahum̐ kālarāti am̐dhiārī.
ghora jaṃtu sama pura nara nārī.
ḍarapahiṃ ekahi eka nihārī.
371 of 1432
घर मसान परिजन जनु भूता।
सुत हित मीत मनहुँ जमदूता॥
बागन्ह बिटप बेलि कुम्हिलाहीं।
सरित सरोबर देखि न जाहीं॥
ghara masāna parijana janu bhūtā.
suta hita mīta manahum̐ jamadūtā.
bāganha biṭapa beli kumhilāhīṃ.
sarita sarobara dekhi na jāhīṃ.
372 of 1432
दो०—हय गय कोटिन्ह केलिमृग पुरपसु चातक मोर।
पिक रथांग सुक सारिका सारस हंस चकोर ॥८३॥
do.—haya gaya koṭinha kelimṛga purapasu cātaka mora,
pika rathāṃga suka sārikā sārasa haṃsa cakora. (83)
373 of 1432
राम बियोग बिकल सब ठाढ़े।
जहँ तहँ मनहुँ चित्र लिखि काढ़े॥
नगरु सफल बनु गहबर भारी।
खग मृग बिपुल सकल नर नारी॥
rāma biyoga bikala saba ṭhāṛhe.
jaham̐ taham̐ manahum̐ citra likhi kāṛhe.
nagaru saphala banu gahabara bhārī.
khaga mṛga bipula sakala nara nārī.
374 of 1432
बिधि कैकई किरातिनि कीन्ही।
जेहिं दव दुसह दसहुँ दिसि दीन्ही॥
सहि न सके रघुबर बिरहागी।
चले लोग सब ब्याकुल भागी॥
bidhi kaikaī kirātini kīnhī.
jehiṃ dava dusaha dasahum̐ disi dīnhī.
sahi na sake raghubara birahāgī.
cale loga saba byākula bhāgī.
375 of 1432
सबहिं बिचारु कीन्ह मन माहीं।
राम लखन सिय बिनु सुखु नाहीं॥
जहाँ रामु तहँ सबुइ समाजू।
बिनु रघुबीर अवध नहिं काजू॥
sabahiṃ bicāru kīnha mana māhīṃ.
rāma lakhana siya binu sukhu nāhīṃ.
jahāṃ rāmu taham̐ sabui samājū.
binu raghubīra avadha nahiṃ kājū.
376 of 1432
चले साथ अस मंत्रु दृढ़ाई।
सुर दुर्लभ सुख सदन बिहाई॥
राम चरन पंकज प्रिय जिन्हही।
बिषय भोग बस करहिं कि तिन्हही॥
cale sātha asa maṃtru dṛṛhāī.
sura durlabha sukha sadana bihāī.
rāma carana paṃkaja priya jinhahī.
biṣaya bhoga basa karahiṃ ki tinhahī.
377 of 1432
दो०—बालक बृद्ध बिहाइ गृहँ लगे लोग सब साथ।
तमसा तीर निवासु किय प्रथम दिवस रघुनाथ ॥८४॥
do.—bālaka bṛddha bihāi gṛham̐ lage loga saba sātha,
tamasā tīra nivāsu kiya prathama divasa raghunātha. (84)
378 of 1432
रघुपति प्रजा प्रेमबस देखी।
सदय हृदयँ दुखु भयउ बिसेषी॥
करुनामय रघुनाथ गोसाँई।
बेगि पाइअहिं पीर पराई॥
raghupati prajā premabasa dekhī.
sadaya hṛdayam̐ dukhu bhayau biseṣī.
karunāmaya raghunātha gosāṃī.
begi pāiahiṃ pīra parāī.
379 of 1432
कहि सप्रेम मृदु बचन सुहाए।
बहुबिधि राम लोग समुझाए॥
किए धरम उपदेस घनेरे।
लोग प्रेम बस फिरहिं न फेरे॥
kahi saprema mṛdu bacana suhāe.
bahubidhi rāma loga samujhāe.
kie dharama upadesa ghanere.
loga prema basa phirahiṃ na phere.
380 of 1432
सीलु सनेहु छाड़ि नहिं जाई।
असमंजस बस भे रघुराई॥
लोग सोग श्रम बस गए सोई।
कछुक देवमायाँ मति मोई॥
sīlu sanehu chāṛi nahiṃ jāī.
asamañjasa basa bhe raghurāī.
loga soga śrama basa gae soī.
kachuka devamāyāṃ mati moī.
381 of 1432
जबहिं जाम जुग जामिनि बीती।
राम सचिव सन कहेउ सप्रीती॥
खोज मारि रथु हाँकहु ताता।
आन उपायँ बनिहि नहिं बाता॥
jabahiṃ jāma juga jāmini bītī.
rāma saciva sana kaheu saprītī.
khoja māri rathu hām̐kahu tātā.
āna upāyam̐ banihi nahiṃ bātā.
382 of 1432
दो०—राम लखन सिय जान चढ़ि संभु चरन सिरु नाइ।
सचिवँ चलायउ तुरत रथु इत उत खोज दुराइ ॥८५॥
do.—rāma lakhana siya jāna caṛhi saṃbhu carana siru nāi,
sacivam̐ calāyau turata rathu ita uta khoja durāi. (85)
383 of 1432
जागे सकल लोग भएँ भोरू।
गे रघुनाथ भयउ अति सोरू॥
रथ कर खोज कतहुँ नहिं पावहिं।
राम राम कहि चहुँ दिसि धावहिं॥
jāge sakala loga bhaeṃ bhorū.
ge raghunātha bhayau ati sorū.
ratha kara khoja katahum̐ nahiṃ pāvahiṃ.
rāma rāma kahi cahum̐ disi dhāvahiṃ.
384 of 1432
मनहुँ बारिनिधि बूड़ जहाजू।
भयउ बिकल बड़ बनिक समाजू॥
एकहि एक देहिं उपदेसू।
तजे राम हम जानि कलेसू॥
manahum̐ bārinidhi būṛ jahājū.
bhayau bikala baṛa banika samājū.
ekahi eka dehiṃ upadesū.
taje rāma hama jāni kalesū.
385 of 1432
निंदहिं आपु सराहहिं मीना।
धिग जीवनु रघुबीर बिहीना॥
जौं पै प्रिय बियोगु बिधि कीन्हा।
तौ कस मरनु न मागें दीन्हा॥
niṃdahiṃ āpu sarāhahiṃ mīnā.
dhiga jīvanu raghubīra bihīnā.
jauṃ pai priya biyogu bidhi kīnhā.
tau kasa maranu na māgeṃ dīnhā.
386 of 1432
एहि बिधि करत प्रलाप कलापा।
आए अवध भरे परितापा॥
बिषम बियोगु न जाइ बखाना।
अवधि आस सब राखहिं प्राना॥
ehi bidhi karata pralāpa kalāpā.
āe avadha bhare paritāpā.
biṣama biyogu na jāi bakhānā.
avadhi āsa saba rākhahiṃ prānā.
387 of 1432
दो०—राम दरस हित नेम ब्रत लगे करन नर नारि।
मनहुँ कोक कोकी कमल दीन बिहीन तमारि ॥८६॥
do.—rāma darasa hita nema brata lage karana nara nāri,
manahum̐ koka kokī kamala dīna bihīna tamāri. (86)
388 of 1432
सीता सचिव सहित दोउ भाई।
सृंगबेरपुर पहुँचे जाई॥
उतरे राम देवसरि देखी।
कीन्ह दंडवत हरषु बिसेषी॥
sītā saciva sahita dou bhāī.
sṛṃgaberapura pahum̐ce jāī.
utare rāma devasari dekhī.
kīnha daṇḍavata haraṣu biseṣī.
389 of 1432
लखन सचिवँ सियँ किए प्रनामा।
सबहि सहित सुखु पायउ रामा॥
गंग सकल मुद मंगल मूला।
सब सुख करनि हरनि सब सूला॥
lakhana sacivam̐ siyam̐ kie pranāmā.
sabahi sahita sukhu pāyau rāmā.
gaṃga sakala muda maṃgala mūlā.
saba sukha karani harani saba sūlā.
390 of 1432
कहि कहि कोटिक कथा प्रसंगा।
रामु बिलोकहिं गंग तरंगा॥
सचिवहि अनुजहि प्रियहि सुनाई।
बिबुध नदी महिमा अधिकाई॥
kahi kahi koṭika kathā prasaṃgā.
rāmu bilokahiṃ gaṃga taraṃgā.
sacivahi anujahi priyahi sunāī.
bibudha nadī mahimā adhikāī.
391 of 1432
मज्जनु कीन्ह पंथ श्रम गयऊ।
सुचि जलु पिअत मुदित मन भयऊ॥
सुमिरत जाहि मिटइ श्रम भारू।
तेहि श्रम यह लौकिक ब्यवहारू॥
majjanu kīnha paṃtha śrama gayaū.
suci jalu piata mudita mana bhayaū.
sumirata jāhi miṭai śrama bhārū.
tehi śrama yaha laukika byavahārū.
392 of 1432
दो०—सुद्ध सच्चिदानंदमय कंद भानुकुल केतु।
चरित करत नर अनुहरत संसृति सागर सेतु ॥८७॥
do.—suddha saccidānaṃdamaya kaṃda bhānukula ketu,
carita karata nara anuharata saṃsṛti sāgara setu. (87)
393 of 1432
यह सुधि गुहँ निषाद जब पाई।
मुदित लिए प्रिय बंधु बोलाई॥
लिए फल मूल भेंट भरि भारा।
मिलन चलेउ हियँ हरषु अपारा॥
yaha sudhi guham̐ niṣāda jaba pāī.
mudita lie priya baṃdhu bolāī.
lie phala mūla bheṃṭa bhari bhārā.
milana caleu hiyam̐ haraṣu apārā.
394 of 1432
करि दंडवत भेंट धरि आगें।
प्रभुहि बिलोकत अति अनुरागें॥
सहज सनेह बिबस रघुराई।
पूँछी कुसल निकट बैठाई॥
kari daṇḍavata bheṃṭa dhari āgeṃ.
prabhuhi bilokata ati anurāgeṃ.
sahaja saneha bibasa raghurāī.
pūm̐chī kusala nikaṭa baiṭhāī.
395 of 1432
नाथ कुसल पद पंकज देखें।
भयउँ भागभाजन जन लेखें॥
देव धरनि धनु धामु तुम्हारा।
मैं जनु नीचु सहित परिवारा॥
nātha kusala pada paṃkaja dekheṃ.
bhayauṃ bhāgabhājana jana lekheṃ.
deva dharani dhanu dhāmu tumhārā.
maiṃ janu nīcu sahita parivārā.
396 of 1432
कृपा करिअ पुर धारिअ पाऊ।
थापिअ जनु सबु लोगु सिहाऊ॥
कहेहु सत्य सबु सखा सुजाना।
मोहि दीन्ह पितु आयसु आना॥
kṛpā karia pura dhāria pāū.
thāpia janu sabu logu sihāū.
kahehu satya sabu sakhā sujānā.
mohi dīnha pitu āyasu ānā.
397 of 1432
दो०—बरष चारिदस बासु बन मुनि ब्रत बेषु अहारु।
ग्राम बासु नहिं उचित सुनि गुहहि भयउ दुखु भारु ॥८८॥
do.—baraṣa cāridasa bāsu bana muni brata beṣu ahāru,
grāma bāsu nahiṃ ucita suni guhahi bhayau dukhu bhāru. (88)
398 of 1432
राम लखन सिय रूप निहारी।
कहहिं सप्रेम ग्राम नर नारी॥
ते पितु मातु कहहु सखि कैसे।
जिन्ह पठए बन बालक ऐसे॥
rāma lakhana siya rūpa nihārī.
kahahiṃ saprema grāma nara nārī.
te pitu mātu kahahu sakhi kaise.
jinha paṭhae bana bālaka aise.
399 of 1432
एक कहहिं भल भूपति कीन्हा।
लोयन लाहु हमहि बिधि दीन्हा॥
तब निषादपति उर अनुमाना।
तरु सिंसुपा मनोहर जाना॥
eka kahahiṃ bhala bhūpati kīnhā.
loyana lāhu hamahi bidhi dīnhā.
taba niṣādapati ura anumānā.
taru siṃsupā manohara jānā.
400 of 1432
लै रघुनाथहि ठाउँ देखावा।
कहेउ राम सब भाँति सुहावा॥
पुरजन करि जोहारु घर आए।
रघुबर संध्या करन सिधाए॥
lai raghunāthahi ṭhāum̐ dekhāvā.
kaheu rāma saba bhāṃti suhāvā.
purajana kari johāru ghara āe.
raghubara saṃdhyā karana sidhāe.
401 of 1432
गुहँ सँवारि साँथरी डसाई।
कुस किसलयमय मृदुल सुहाई॥
सुचि फल मूल मधुर मृदु जानी।
दोना भरि भरि राखेसि पानी॥
guham̐ sam̐vāri sāṃtharī ḍasāī.
kusa kisalayamaya mṛdula suhāī.
suci phala mūla madhura mṛdu jānī.
donā bhari bhari rākhesi pānī.
402 of 1432
दो०—सिय सुमंत्र भ्राता सहित कंद मूल फल खाइ।
सयन कीन्ह रघुबंसमनि पाय पलोटत भाइ ॥८९॥
do.—siya sumaṃtra bhrātā sahita kaṃda mūla phala khāi,
sayana kīnha raghubaṃsamani pāya paloṭata bhāi. (89)
403 of 1432
उठे लखनु प्रभु सोवत जानी।
कहि सचिवहि सोवन मृदु बानी॥
कछुक दूरि सजि बान सरासन।
जागन लगे बैठि बीरासन॥
uṭhe lakhanu prabhu sovata jānī.
kahi sacivahi sovana mṛdu bānī.
kachuka dūri saji bāna sarāsana.
jāgana lage baiṭhi bīrāsana.
404 of 1432
गुहँ बोलाइ पाहरू प्रतीती।
ठावँ ठावँ राखे अति प्रीती॥
आपु लखन पहिं बैठेउ जाई।
कटि भाथी सर चाप चढ़ाई॥
guham̐ bolāi pāharū pratītī.
ṭhāvam̐ ṭhāvam̐ rākhe ati prītī.
āpu lakhana pahiṃ baiṭheu jāī.
kaṭi bhāthī sara cāpa caṛhāī.
405 of 1432
सोवत प्रभुहि निहारि निषादू।
भयउ प्रेम बस हृदयँ बिषादू॥
तनु पुलकित जलु लोचन बहई।
बचन सप्रेम लखन सन कहई॥
sovata prabhuhi nihāri niṣādū.
bhayau prema basa hṛdayam̐ biṣādū.
tanu pulakita jalu locana bahaī.
bacana saprema lakhana sana kahaī.
406 of 1432
भूपति भवन सुभायँ सुहावा।
सुरपति सदनु न पटतर पावा॥
मनिमय रचित चारु चौबारे।
जनु रतिपति निज हाथ सँवारे॥
bhūpati bhavana subhāyam̐ suhāvā.
surapati sadanu na paṭatara pāvā.
manimaya racita cāru caubāre.
janu ratipati nija hātha sam̐vāre.
407 of 1432
दो०—सुचि सुबिचित्र सुभोगमय सुमन सुगंध सुबास।
पलँग मंजु मनि दीप जहँ सब बिधि सकल सुपास ॥९०॥
do.—suci subicitra subhogamaya sumana sugaṃdha subāsa,
palam̐ga maṃju mani dīpa jaham̐ saba bidhi sakala supāsa. (90)
408 of 1432
बिबिध बसन उपधान तुराईं।
छीर फेन मृदु बिसद सुहाईं॥
तहँ सिय रामु सयन निसि करहीं।
निज छबि रति मनोज मदु हरहीं॥
bibidha basana upadhāna turāīṃ.
chīra phena mṛdu bisada suhāīṃ.
taham̐ siya rāmu sayana nisi karahīṃ.
nija chabi rati manoja madu harahīṃ.
409 of 1432
ते सिय रामु साथरीं सोए।
श्रमित बसन बिनु जाहिं न जोए॥
मातु पिता परिजन पुरबासी।
सखा सुसील दास अरु दासी॥
te siya rāmu sātharīṃ soe.
śramita basana binu jāhiṃ na joe.
mātu pitā parijana purabāsī.
sakhā susīla dāsa aru dāsī.
410 of 1432
जोगवहिं जिन्हहि प्रान की नाईं।
महि सोवत तेइ राम गोसाईं॥
पिता जनक जग बिदित प्रभाऊ।
ससुर सुरेस सखा रघुराऊ॥
jogavahiṃ jinhahi prāna kī nāīṃ.
mahi sovata tei rāma gosāīṃ.
pitā janaka jaga bidita prabhāū.
sasura suresa sakhā raghurāū.
411 of 1432
रामचंदु पति सो बैदेही।
सोवत महि बिधि बाम न केही॥
सिय रघुबीर कि कानन जोगू।
करम प्रधान सत्य कह लोगू॥
rāmacaṃdu pati so baidehī.
sovata mahi bidhi bāma na kehī.
siya raghubīra ki kānana jogū.
karama pradhāna satya kaha logū.
412 of 1432
दो०—कैकयनंदिनि मंदमति कठिन कुटिलपनु कीन्ह।
जेहिं रघुनंदन जानकिहि सुख अवसर दुखु दीन्ह ॥९१॥
do.—kaikayanaṃdini maṃdamati kaṭhina kuṭilapanu kīnha,
jehiṃ raghunaṃdana jānakihi sukha avasara dukhu dīnha. (91)
413 of 1432
भइ दिनकर कुल बिटप कुठारी।
कुमति कीन्ह सब बिस्व दुखारी॥
भयउ बिषादु निषादहि भारी।
राम सीय महि सयन निहारी॥
bhai dinakara kula biṭapa kuṭhārī.
kumati kīnha saba bisva dukhārī.
bhayau biṣādu niṣādahi bhārī.
rāma sīya mahi sayana nihārī.
414 of 1432
बोले लखन मधुर मृदु बानी।
ग्यान बिराग भगति रस सानी॥
काहु न कोउ सुख दुख कर दाता।
निज कृत करम भोग सबु भ्राता॥
bole lakhana madhura mṛdu bānī.
gyāna birāga bhagati rasa sānī.
kāhu na kou sukha dukha kara dātā.
nija kṛta karama bhoga sabu bhrātā.
415 of 1432
जोग बियोग भोग भल मंदा।
हित अनहित मध्यम भ्रम फंदा॥
जनमु मरनु जहँ लगि जग जालू।
संपति बिपति करमु अरु कालू॥
joga biyoga bhoga bhala maṃdā.
hita anahita madhyama bhrama phaṃdā.
janamu maranu jaham̐ lagi jaga jālū.
saṃpati bipati karamu aru kālū.
416 of 1432
धरनि धामु धनु पुर परिवारू।
सरगु नरकु जहँ लगि ब्यवहारू॥
देखिअ सुनिअ गुनिअ मन माहीं।
मोह मूल परमारथु नाहीं॥
dharani dhāmu dhanu pura parivārū.
saragu naraku jaham̐ lagi byavahārū.
dekhia sunia gunia mana māhīṃ.
moha mūla paramārathu nāhīṃ.
417 of 1432
दो०—सपनें होइ भिखारि नृपु रंकु नाकपति होइ।
जागें लाभु न हानि कछु तिमि प्रपंच जियँ जोइ ॥९२॥
do.—sapaneṃ hoi bhikhāri nṛpu raṃku nākapati hoi,
jāgeṃ lābhu na hāni kachu timi prapaṃca jiyam̐ joi. (92)
418 of 1432
अस बिचारि नहिं कीजिअ रोसू।
काहुहि बादि न देइअ दोसू॥
मोह निसाँ सबु सोवनिहारा।
देखिअ सपन अनेक प्रकारा॥
asa bicāri nahiṃ kījia rosū.
kāhuhi bādi na deia dosū.
moha nisāṃ sabu sovanihārā.
dekhia sapana aneka prakārā.
419 of 1432
एहिं जग जामिनि जागहिं जोगी।
परमारथी प्रपंच बियोगी॥
जानिअ तबहिं जीव जग जागा।
जब सब बिषय बिलास बिरागा॥
ehiṃ jaga jāmini jāgahiṃ jogī.
paramārathī prapaṃca biyogī.
jānia tabahiṃ jīva jaga jāgā.
jaba saba biṣaya bilāsa birāgā.
420 of 1432
होइ बिबेकु मोह भ्रम भागा।
तब रघुनाथ चरन अनुरागा॥
सखा परम परमारथु एहू।
मन क्रम बचन राम पद नेहू॥
hoi bibeku moha bhrama bhāgā.
taba raghunātha carana anurāgā.
sakhā parama paramārathu ehū.
mana krama bacana rāma pada nehū.
421 of 1432
राम ब्रह्म परमारथ रूपा।
अबिगत अलख अनादि अनूपा॥
सकल बिकार रहित गतभेदा।
कहि नित नेति निरूपहिं बेदा॥
rāma brahma paramāratha rūpā.
abigata alakha anādi anūpā.
sakala bikāra rahita gatabhedā.
kahi nita neti nirūpahiṃ bedā.
422 of 1432
दो०—भगत भूमि भूसुर सुरभि सुर हित लागि कृपाल।
करत चरित धरि मनुज तनु सुनत मिटहिं जग जाल ॥९३॥
do.—bhagata bhūmi bhūsura surabhi sura hita lāgi kṛpāla,
karata carita dhari manuja tanu sunata miṭahiṃ jaga jāla. (93)
423 of 1432
सखा समुझि अस परिहरि मोहू।
सिय रघुबीर चरन रत होहू॥
कहत राम गुन भा भिनुसारा।
जागे जग मंगल सुखदारा॥
sakhā samujhi asa parihari mohū.
siya raghubīra carana rata hohū.
kahata rāma guna bhā bhinusārā.
jāge jaga maṃgala sukhadārā.
424 of 1432
सकल सौच करि राम नहावा।
सुचि सुजान बट छीर मगावा॥
अनुज सहित सिर जटा बनाए।
देखि सुमंत्र नयन जल छाए॥
sakala sauca kari rāma nahāvā.
suci sujāna baṭa chīra magāvā.
anuja sahita sira jaṭā banāe.
dekhi sumaṃtra nayana jala chāe.
425 of 1432
हृदयँ दाहु अति बदन मलीना।
कह कर जोरि बचन अति दीना॥
नाथ कहेउ अस कोसलनाथा।
लै रथु जाहु राम कें साथा॥
hṛdayam̐ dāhu ati badana malīnā.
kaha kara jori bacana ati dīnā.
nātha kaheu asa kosalanāthā.
lai rathu jāhu rāma keṃ sāthā.
426 of 1432
बनु देखाइ सुरसरि अन्हवाई।
आनेहु फेरि बेगि दोउ भाई॥
लखनु रामु सिय आनेहु फेरी।
संसय सकल सँकोच निबेरी॥
banu dekhāi surasari anhavāī.
ānehu pheri begi dou bhāī.
lakhanu rāmu siya ānehu pherī.
saṃsaya sakala sam̐koca niberī.
427 of 1432
दो०—नृप अस कहेउ गोसाइँ जस कहइ करौं बलि सोइ।
करि बिनती पायन्ह परेउ दीन्ह बाल जिमि रोइ ॥९४॥
do.—nṛpa asa kaheu gosāim̐ jasa kahai karauṃ bali soi,
kari binatī pāyanha pareu dīnha bāla jimi roi. (94)
428 of 1432
तात कृपा करि कीजिअ सोई।
जातें अवध अनाथ न होई॥
मंत्रिहि राम उठाइ प्रबोधा।
तात धरम मतु तुम्ह सबु सोधा॥
tāt kṛpā kari kījia soī.
jātẽ avadh anāth na hoī.
mantrihi rām uṭhāi prabodhā.
tāt dharam matu tumh sabu sodhā.
429 of 1432
सिबि दधीच हरिचंद नरेसा।
सहे धरम हित कोटि कलेसा॥
रंतिदेव बलि भूप सुजाना।
धरमु धरेउ सहि संकट नाना॥
sibi dadhīc hariacand naresā.
sahe dharam hit koṭi kalesā.
rantidev bali bhūp sujānā.
dharamu dhareu sahi sankaṭ nānā.
430 of 1432
धरमु न दूसर सत्य समाना।
आगम निगम पुरान बखाना॥
मैं सोइ धरमु सुलभ करि पावा।
तजें तिहूँ पुर अपजसु छावा॥
dharamu na dūsar satya samānā.
āgam nigam purān bakhānā.
maĩ soi dharamu sulabh kari pāvā.
tajẽ tihũ pur apajasu chhāvā.
431 of 1432
संभावित कहुँ अपजस लाहू।
मरन कोटि सम दारुन दाहू॥
तुम्ह सन तात बहुत का कहऊँ।
दिएँ उतरु फिरि पातकु लहऊँ॥
sambhāvit kahũ apajas lāhū.
maran koṭi sam dārun dāhū.
tumh san tāt bahut kā kahaũ.
diẽ utaru phiri pātaku lahaũ.
432 of 1432
दो०—पितु पद गहि कहि कोटि नति बिनय करब कर जोरि।
चिंता कवनिहु बात कै तात करिअ जनि मोरि ॥९५॥
do.—pitu pad gahi kahi koṭi nati binay karab kar jori.
chintā kavanihu bāt kai tāt karia jani mori. (95)
433 of 1432
तुम्ह पुनि पितु सम अति हित मोरें।
बिनती करउँ तात कर जोरें॥
सब बिधि सोइ करतब्य तुम्हारें।
दुख न पाव पितु सोच हमारें॥
tumh puni pitu sam ati hit morẽ.
binatī karaũ tāt kar jorẽ.
sab bidhi soi kartabya tumhārẽ.
dukh na pāv pitu soch hamārẽ.
434 of 1432
सुनि रघुनाथ सचिव संबादू।
भयउ सपरिजन बिकल निषादू॥
पुनि कछु लखन कही कटु बानी।
प्रभु बरजे बड़ अनुचित जानी॥
suni raghunāth sachiv sambādū.
bhayau saparijan bikal niṣādū.
puni kachhu lakhan kahī kaṭu bānī.
prabhu baraje baḍ anuchit jānī.
435 of 1432
सकुचि राम निज सपथ देवाई।
लखन सँदेसु कहिअ जनि जाई॥
कह सुमंत्रु पुनि भूप सँदेसू।
सहि न सकिहि सिय बिपिन कलेसू॥
sakuchi rām nij sapath devāī.
lakhan sãdesu kahia jani jāī.
kah sumantru puni bhūp sãdesū.
sahi na sakihi siy bipin kalesū.
436 of 1432
जेहि बिधि अवध आव फिरि सीया।
सोइ रघुबरहि तुम्हहि करनीया॥
नतरु निपट अवलंब बिहीना।
मैं न जिअब जिमि जल बिनु मीना॥
jehi bidhi avadh āv phiri sīyā.
soi raghubarahi tumhahi karanīyā.
nataru nipaṭ avalamb bihīnā.
maĩ na jiab jimi jal binu mīnā.
437 of 1432
दो०—मइकें ससुरें सकल सुख जबहिं जहाँ मनु मान।
तहँ तब रहिहि सुखेन सिय जब लगि बिपति बिहान ॥९६॥
do.—maikẽ sasurẽ sakal sukh jabahĩ jahā̃ manu mān.
tahã tab rahihi sukhen siy jab lagi bipati bihān. (96)
438 of 1432
बिनती भूप कीन्ह जेहि भाँती।
आरति प्रीति न सो कहि जाती॥
पितु सँदेसु सुनि कृपानिधाना।
सियहि दीन्ह सिख कोटि बिधाना॥
binatī bhūp kīnh jehi bhā̃tī.
ārati prīti na so kahi jātī.
pitu sãdesu suni kṛpānidhānā.
siyahi dīnh sikh koṭi bidhānā.
439 of 1432
सासु ससुर गुर प्रिय परिवारू।
फिरहु त सब कर मिटै खभारू॥
सुनि पति बचन कहति बैदेही।
सुनहु प्रानपति परम सनेही॥
sāsu sasur gur priya parivārū.
phirahu ta sab kar miṭai khabhārū.
suni pati bachan kahati baidehī.
sunahu prānpati param sanehī.
440 of 1432
प्रभु करुनामय परम बिबेकी।
तनु तजि रहति छाँह किमि छेंकी॥
प्रभा जाइ कहँ भानु बिहाई।
कहँ चंद्रिका चंदु तजि जाई॥
prabhu karunāmay param bibekī.
tanu taji rahati chhā̃h kimi chhẽkī.
prabhā jāi kahã bhānu bihāī.
kahã chandrikā chandu taji jāī.
441 of 1432
पतिहि प्रेममय बिनय सुनाई।
कहति सचिव सन गिरा सुहाई॥
तुम्ह पितु ससुर सरिस हितकारी।
उतरु देउँ फिरि अनुचित भारी॥
patihi premamay binay sunāī.
kahati sachiv san girā suhāī.
tumh pitu sasur saris hitakārī.
utaru deũ phiri anuchit bhārī.
442 of 1432
दो०—आरति बस सनमुख भइउँ बिलगु न मानब तात।
आरजसुत पद कमल बिनु बादि जहाँ लगि नात ॥९७॥
do.—ārati bas sanmukh bhaiũ bilagu na mānab tāt.
ārajsut pad kamal binu bādi jahā̃ lagi nāt. (97)
443 of 1432
पितु बैभव बिलास मैं डीठा।
नृप मनि मुकुट मिलित पद पीठा॥
सुखनिधान अस पितु गृह मोरें।
पिय बिहीन मन भाव न भोरें॥
pitu baibhav bilās maĩ ḍīṭhā.
nṛp mani mukuṭ milit pad pīṭhā.
sukhanidhān as pitu gṛh morẽ.
piy bihīn man bhāv na bhorẽ.
444 of 1432
ससुर चक्कवइ कोसलराऊ।
भुवन चारिदस प्रगट प्रभाऊ॥
आगें होइ जेहि सुरपति लेई।
अरध सिंघासन आसनु देई॥
sasur chakkavai kosalarāū.
bhuvan chāridas pragaṭ prabhāū.
āgẽ hoi jehi surapati leī.
aradh singhāsan āsanu deī.
445 of 1432
ससुर एतादृस अवध निवासू।
प्रिय परिवारु मातु सम सासू॥
बिनु रघुपति पद पदुम परागा।
मोहि केउ सपनेहुँ सुखद न लागा॥
sasur etādṛs avadh nivāsū.
priy parivāru mātu sam sāsū.
binu raghupati pad padum parāgā.
mohi keu sapanehũ sukhad na lāgā.
446 of 1432
अगम पंथ बनभूमि पहारा।
करि केहरि सर सरित अपारा॥
कोल किरात कुरंग बिहंगा।
मोहि सब सुखद प्रानपति संगा॥
agam panth banabhūmi pahārā.
kari kehari sar sarit apārā.
kol kirāt kurang bihangā.
mohi sab sukhad prānpati sangā.
447 of 1432
दो०—सासु ससुर सन मोरि हुँति बिनय करबि परि पायँ।
मोर सोचु जनि करिअ कछु मैं बन सुखी सुभायँ ॥९८॥
do.—sāsu sasur san mori hũti binay karabi pari pāyã.
mor sochu jani karia kachhu maĩ ban sukhī subhāyã. (98)
448 of 1432
प्राननाथ प्रिय देवर साथा।
बीर धुरीन धरें धनु भाथा॥
नहिं मग श्रमु भ्रमु दुख मन मोरें।
मोहि लगि सोचु करिअ जनि भोरें॥
prānnāth priya devar sāthā.
bīr dhurīn dharẽ dhanu bhāthā.
nahĩ mag śramu bhramu dukh man morẽ.
mohi lagi sochu karia jani bhorẽ.
449 of 1432
सुनि सुमंत्रु सिय सीतलि बानी।
भयउ बिकल जनु फनि मनि हानी॥
नयन सूझ नहिं सुनइ न काना।
कहि न सकइ कछु अति अकुलाना॥
suni sumantru siy sītali bānī.
bhayau bikal janu phani mani hānī.
nayan sūjh nahĩ sunai na kānā.
kahi na sakai kachhu ati akulānā.
450 of 1432
राम प्रबोधु कीन्ह बहु भाँती।
तदपि होति नहिं सीतलि छाती॥
जतन अनेक साथ हित कीन्हे।
उचित उतर रघुनंदन दीन्हे॥
rām prabodhu kīnh bahu bhā̃tī.
tadapi hoti nahĩ sītali chhātī.
jatan anek sāth hit kīnhe.
uchit utar raghunandan dīnhe.
451 of 1432
मेटि जाइ नहिं राम रजाई।
कठिन करमगति कछु न बसाई॥
राम लखन सिय पद सिरु नाई।
फिरेउ बनिक जिमि मूर गवाँई॥
meṭi jāi nahĩ rām rajāī.
kaṭhin karamagati kachhu na basāī.
rām lakhan siy pad siru nāī.
phireu banik jimi mūr gavā̃ī.
452 of 1432
दो०—रथु हाँकेउ हय राम तन हेरि हेरि हिहिनाहिं।
देखि निषाद बिषादबस धुनहिं सीस पछिताहिं ॥९९॥
do.—rathu hā̃keu hay rām tan heri heri hihināhĩ.
dekhi niṣād biṣādabas dhunahĩ sīs pachhitāhĩ. (99)
453 of 1432
जासु बियोग बिकल पसु ऐसें।
प्रजा मातु पितु जिइहहिं कैसें॥
बरबस राम सुमंत्रु पठाए।
सुरसरि तीर आपु तब आए॥
jāsu biyog bikal pasu aisẽ.
prajā mātu pitu jiihahĩ kaisẽ.
barabas rām sumantru paṭhāe.
surasari tīr āpu tab āe.
454 of 1432
मागी नाव न केवटु आना।
कहइ तुम्हार मरमु मैं जाना॥
चरन कमल रज कहुँ सबु कहई।
मानुष करनि मूरि कछु अहई॥
māgī nāv na kevaṭu ānā.
kahai tumhār maramu maĩ jānā.
charan kamal raj kahũ sabu kahaī.
mānuṣ karani mūri kachhu ahaī.
455 of 1432
छुअत सिला भइ नारि सुहाई।
पाहन तें न काठ कठिनाई॥
तरनिउ मुनि घरिनी होइ जाई।
बाट परइ मोरि नाव उड़ाई॥
chhuat silā bhai nāri suhāī.
pāhan tẽ na kāṭh kaṭhināī.
taraniu muni gharinī hoi jāī.
bāṭ parai mori nāv uḍāī.
456 of 1432
एहिं प्रतिपालउँ सबु परिवारू।
नहिं जानउँ कछु अउर कबारू॥
जौं प्रभु पार अवसि गा चहहू।
मोहि पद पदुम पखारन कहहू॥
ehĩ pratipālaũ sabu parivārū.
nahĩ jānaũ kachhu aur kabārū.
jaũ prabhu pār avasi gā chahahū.
mohi pad padum pakhāran kahahū.
457 of 1432
छं०—पद कमल धोइ चढ़ाइ नाव न नाथ उतराई चहौं।
मोहि राम राउरि आन दसरथ सपथ सब साची कहौं॥
बरु तीर मारहुँ लखनु पै जब लगि न पाय पखारिहौं।
तब लगि न तुलसीदास नाथ कृपाल पारु उतारिहौं॥
chha.—pad kamal dhoi chaḍhāi nāv na nāth utarāī chahaũ.
mohi rām rāuri ān dasarath sapath sab sāchī kahaũ.
baru tīr mārahũ lakhanu pai jab lagi na pāy pakhārihaũ.
tab lagi na tulasīdās nāth kṛpāl pāru utārihaũ.
458 of 1432
सो०—सुनि केवट के बैन प्रेम लपेटे अटपटे।
बिहसे करुनाऐन चितइ जानकी लखन तन ॥१००॥
so.—suni kevaṭ ke bain prem lapeṭe aṭapaṭe.
bihase karunāain chitai jānakī lakhan tan. (100)
459 of 1432
कृपासिंधु बोले मुसुकाई।
सोइ करु जेहिं तव नाव न जाई॥
बेगि आनु जल पाय पखारू।
होत बिलंबु उतारहि पारू॥
kṛpāsindhu bole musukāī.
soi karu jehĩ tav nāv na jāī.
begi ānu jal pāy pakhārū.
hot bilambu utārahi pārū.
460 of 1432
जासु नाम सुमिरत एक बारा।
उतरहिं नर भवसिंधु अपारा॥
सोइ कृपालु केवटहि निहोरा।
जेहिं जगु किय तिहु पगहु ते थोरा॥
jāsu nām sumirat ek bārā.
utarahĩ nar bhavasindhu apārā.
soi kṛpālu kevaṭahi nihorā.
jehĩ jagu kiy tihu pagahu te thorā.
461 of 1432
पद नख निरखि देवसरि हरषी।
सुनि प्रभु बचन मोहँ मति करषी॥
केवट राम रजायसु पावा।
पानि कठवता भरि लेइ आवा॥
pad nakh nirakhi devasari haraṣī.
suni prabhu bachan mohã mati karaṣī.
kevaṭ rām rajāyasu pāvā.
pāni kaṭhavatā bhari lei āvā.
462 of 1432
अति आनंद उमगि अनुरागा।
चरन सरोज पखारन लागा॥
बरषि सुमन सुर सकल सिहाहीं।
एहि सम पुन्यपुंज कोउ नाहीं॥
ati ānand umagi anurāgā.
charan saroj pakhāran lāgā.
baraṣi suman sur sakal sihāhī̃.
ehi sam punyapunj kou nāhī̃.
463 of 1432
दो०—पद पखारि जलु पान करि आपु सहित परिवार।
पितर पारु करि प्रभुहि पुनि मुदित गयउ लेइ पार ॥१०१॥
do.—pad pakhāri jalu pān kari āpu sahit parivār.
pitar pāru kari prabhuhi puni mudit gayau lei pār. (101)
464 of 1432
उतरि ठाढ़ भए सुरसरि रेता।
सीय रामु गुह लखन समेता॥
केवट उतरि दंडवत कीन्हा।
प्रभुहि सकुच एहि नहिं कछु दीन्हा॥
utari ṭhāḍh bhae surasari retā.
sīy rāmu guh lakhan sametā.
kevaṭ utari dandavat kīnhā.
prabhuhi sakuch ehi nahĩ kachhu dīnhā.
465 of 1432
पिय हिय की सिय जाननिहारी।
मनि मुदरी मन मुदित उतारी॥
कहेउ कृपाल लेहि उतराई।
केवट चरन गहे अकुलाई॥
piy hiy kī siy jāninihārī.
mani mudarī man mudit utārī.
kaheu kṛpāl lehi utarāī.
kevaṭ charan gahe akulāī.
466 of 1432
नाथ आजु मैं काह न पावा।
मिटे दोष दुख दारिद दावा॥
बहुत काल मैं कीन्हि मजूरी।
आजु दीन्ह बिधि बनि भलि भूरी॥
nāth āju maĩ kāh na pāvā.
miṭe doṣ dukh dārid dāvā.
bahut kāl maĩ kīnhi majūrī.
āju dīnh bidhi bani bhali bhūrī.
467 of 1432
अब कछु नाथ न चाहिअ मोरें।
दीनदयाल अनुग्रह तोरें॥
फिरती बार मोहि जो देबा।
सो प्रसादु मैं सिर धरि लेबा॥
ab kachhu nāth na chāhia morẽ.
dīnadayāl anugrah torẽ.
phiratī bār mohi jo debā.
so prasādu maĩ sir dhari lebā.
468 of 1432
दो०—बहुत कीन्ह प्रभु लखन सियँ नहिं कछु केवटु लेइ।
बिदा कीन्ह करुनायतन भगति बिमल बरु देइ ॥१०२॥
do.—bahut kīnh prabhu lakhan siyã nahĩ kachhu kevaṭu lei.
bidā kīnh karunāyatan bhagati bimal baru dei. (102)
469 of 1432
तब मज्जनु करि रघुकुलनाथा।
पूजि पारथिव नायउ माथा॥
सियँ सुरसरिहि कहेउ कर जोरी।
मातु मनोरथ पुरउबि मोरी॥
tab majjanu kari raghukulanāthā.
pūji pārathiv nāyau māthā.
siyã surasarihi kaheu kar jorī.
mātu manorath puraubi morī.
470 of 1432
पति देवर सँग कुसल बहोरी।
आइ करौं जेहिं पूजा तोरी॥
सुनि सिय बिनय प्रेम रस सानी।
भइ तब बिमल बारि बर बानी॥
pati devar sãg kusal bahorī.
āi karaũ jehĩ pūjā torī.
suni siy binay prem ras sānī.
bhai tab bimal bāri bar bānī.
471 of 1432
सुनु रघुबीर प्रिया बैदेही।
तव प्रभाउ जग बिदित न केही॥
लोकप होहिं बिलोकत तोरें।
तोहि सेवहिं सब सिधि कर जोरें॥
sunu raghubīr priyā baidehī.
tav prabhāu jag bidit na kehī.
lokap hohĩ bilokat torẽ.
tohi sevahĩ sab sidhi kar jorẽ.
472 of 1432
तुम्ह जो हमहि बड़ि बिनय सुनाई।
कृपा कीन्हि मोहि दीन्हि बड़ाई॥
तदपि देबि मैं देबि असीसा।
सफल होन हित निज बागीसा॥
tumh jo hamahi baḍi binay sunāī.
kṛpā kīnhi mohi dīnhi baḍāī.
tadapi debi maĩ debi asīsā.
saphal hon hit nij bāgīsā.
473 of 1432
दो०—प्राननाथ देवर सहित कुसल कोसला आइ।
पूजिहि सब मनकामना सुजसु रहिहि जग छाइ ॥१०३॥
do.—prānnāth devar sahit kusal kosalā āi.
pūjihi sab mankāmanā sujasu rahihi jag chhāi. (103)
474 of 1432
गंग बचन सुनि मंगल मूला।
मुदित सीय सुरसरि अनुकूला॥
तब प्रभु गुहहि कहेउ घर जाहू।
सुनत सूख मुखु भा उर दाहू॥
gang bachan suni mangal mūlā.
mudit sīy surasari anukūlā.
tab prabhu guhahi kaheu ghar jāhū.
sunat sūkh mukhu bhā ur dāhū.
475 of 1432
दीन बचन गुह कह कर जोरी।
बिनय सुनहु रघुकुलमनि मोरी॥
नाथ साथ रहि पंथु देखाई।
करि दिन चारि चरन सेवकाई॥
dīn bachan guh kah kar jorī.
binay sunahu raghukulamani morī.
nāth sāth rahi panthu dekhāī.
kari din chāri charan sevakāī.
476 of 1432
जेहिं बन जाइ रहब रघुराई।
परनकुटी मैं करबि सुहाई॥
तब मोहि कहँ जसि देब रजाई।
सोइ करिहउँ रघुबीर दोहाई॥
jehĩ ban jāi rahab raghurāī.
paranakuṭī maĩ karabi suhāī.
tab mohi kahã jasi deb rajāī.
soi karihaũ raghubīr dohāī.
477 of 1432
सहज सनेह राम लखि तासू।
संग लीन्ह गुह हृदयँ हुलासू॥
पुनि गुहँ ग्याति बोलि सब लीन्हे।
करि परितोषु बिदा तब कीन्हे॥
sahaj saneh rām lakhi tāsū.
sang līnh guh hṛdayã hulāsū.
puni guhã gyāti boli sab līnhe.
kari paritoṣu bidā tab kīnhe.
478 of 1432
दो०—तब गनपति सिव सुमिरि प्रभु नाइ सुरसरिहि माथ।
सखा अनुज सिय सहित बन गवनु कीन्ह रघुनाथ ॥१०४॥
do.—tab ganpati siv sumiri prabhu nāi surasarihi māth.
sakhā anuj siy sahit ban gavanu kīnh raghunāth. (104)
479 of 1432
तेहि दिन भयउ बिटप तर बासू।
लखन सखाँ सब कीन्ह सुपासू॥
प्रात प्रातकृत करि रघुराई।
तीरथराजु दीख प्रभु जाई॥
tehi din bhayau biṭap tar bāsū.
lakhan sakhā̃ sab kīnh supāsū.
prāt prātakṛt kari raghurāī.
tīratharāju dīkh prabhu jāī.
480 of 1432
सचिव सत्य श्रद्धा प्रिय नारी।
माधव सरिस मीतु हितकारी॥
चारि पदारथ भरा भँडारू।
पुन्य प्रदेस देस अति चारू॥
sachiv satya śraddhā priya nārī.
mādhav saris mītu hitakārī.
chāri padārath bharā bhãḍārū.
punya prades des ati chārū.
481 of 1432
छेत्रु अगम गढ़ु गाढ़ सुहावा।
सपनेहुँ नहिं प्रतिपच्छिन्ह पावा॥
सेन सकल तीरथ बर बीरा।
कलुष अनीक दलन रनधीरा॥
chhetru agam gaḍhu gāḍh suhāvā.
sapanehũ nahĩ pratipachchhinh pāvā.
sen sakal tīrath bar bīrā.
kaluṣ anīk dalan ranadhīrā.
482 of 1432
संगमु सिंहासनु सुठि सोहा।
छत्रु अखयबटु मुनि मनु मोहा॥
चवँर जमुन अरु गंग तरंगा।
देखि होहिं दुख दारिद भंगा॥
sangamu sinhāsanu suṭhi sohā.
chhatru akhayabaṭu muni manu mohā.
chavãr jamun aru gang tarangā.
dekhi hohĩ dukh dārid bhangā.
483 of 1432
दो०—सेवहिं सुकृती साधु सुचि पावहिं सब मनकाम।
बंदी बेद पुरान गन कहहिं बिमल गुन ग्राम ॥१०५॥
do.—sevahĩ sukṛtī sādhu suchi pāvahĩ sab mankām.
bandī bed purān gan kahahĩ bimal gun grām. (105)
484 of 1432
को कहि सकइ प्रयाग प्रभाऊ।
कलुष पुंज कुंजर मृगराऊ॥
अस तीरथपति देखि सुहावा।
सुख सागर रघुबर सुखु पावा॥
ko kahi sakai prayāg prabhāū.
kaluṣ punj kunjar mṛgarāū.
as tīrathapati dekhi suhāvā.
sukh sāgar raghubar sukhu pāvā.
485 of 1432
कहि सिय लखनहि सखहि सुनाई।
श्रीमुख तीरथराज बड़ाई॥
करि प्रनामु देखत बन बागा।
कहत महातम अति अनुरागा॥
kahi siy lakhanahi sakhahi sunāī.
śrīmukh tīratharāj baḍāī.
kari pranāmu dekhat ban bāgā.
kahat mahātam ati anurāgā.
486 of 1432
एहि बिधि आइ बिलोकी बेनी।
सुमिरत सकल सुमंगल देनी॥
मुदित नहाइ कीन्हि सिव सेवा।
पूजि जथाबिधि तीरथ देवा॥
ehi bidhi āi bilokī benī.
sumirat sakal sumangal denī.
mudit nahāi kīnhi siv sevā.
pūji jathābidhi tīrath devā.
487 of 1432
तब प्रभु भरद्वाज पहिं आए।
करत दंडवत मुनि उर लाए॥
मुनि मन मोद न कछु कहि जाई।
ब्रह्मानंद रासि जनु पाई॥
tab prabhu bharadvāj pahĩ āe.
karat dandavat muni ur lāe.
muni man mod na kachhu kahi jāī.
brahmānand rāsi janu pāī.
488 of 1432
दो०—दीन्हि असीस मुनीस उर अति अनंदु अस जानि।
लोचन गोचर सुकृत फल मनहुँ किए बिधि आनि ॥१०६॥
do.—dīnhi asīs munīs ur ati anandu as jāni.
lochan gochar sukṛt phal manahũ kie bidhi āni. (106)
489 of 1432
कुसल प्रस्न करि आसन दीन्हे।
पूजि प्रेम परिपूरन कीन्हे॥
कंद मूल फल अंकुर नीके।
दिए आनि मुनि मनहुँ अमी के॥
kusal prasn kari āsan dīnhe.
pūji prem paripūran kīnhe.
kand mūl phal ankur nīke.
die āni muni manahũ amī ke.
490 of 1432
सीय लखन जन सहित सुहाए।
अति रुचि राम मूल फल खाए॥
भए बिगतश्रम रामु सुखारे।
भरद्वाज मृदु बचन उचारे॥
sīy lakhan jan sahit suhāe.
ati ruchi rām mūl phal khāe.
bhae bigataśram rāmu sukhāre.
bharadvāj mṛdu bachan uchāre.
491 of 1432
आजु सुफल तपु तीरथ त्यागू।
आजु सुफल जप जोग बिरागू॥
सफल सकल सुभ साधन साजू।
राम तुम्हहि अवलोकत आजू॥
āju suphal tapu tīrath tyāgū.
āju suphal jap jog birāgū.
saphal sakal subh sādhan sājū.
rām tumhahi avalokat ājū.
492 of 1432
लाभ अवधि सुख अवधि न दूजी।
तुम्हरें दरस आस सब पूजी॥
अब करि कृपा देहु बर एहू।
निज पद सरसिज सहज सनेहू॥
lābh avadhi sukh avadhi na dūjī.
tumhrẽ daras ās sab pūjī.
ab kari kṛpā dehu bar ehū.
nij pad sarasij sahaj sanehū.
493 of 1432
दो०—करम बचन मन छाड़ि छलु जब लगि जनु न तुम्हार।
तब लगि सुखु सपनेहुँ नहीं किएँ कोटि उपचार ॥१०७॥
do.—karam bachan man chhāḍi chhalu jab lagi janu na tumhār.
tab lagi sukhu sapanehũ nahī̃ kiẽ koṭi upachār. (107)
494 of 1432
सुनि मुनि बचन रामु सकुचाने।
भाव भगति आनंद अघाने॥
तब रघुबर मुनि सुजसु सुहावा।
कोटि भाँति कहि सबहि सुनावा॥
suni muni bachan rāmu sakuchāne.
bhāv bhagati ānand aghāne.
tab raghubar muni sujasu suhāvā.
koṭi bhā̃ti kahi sabahi sunāvā.
495 of 1432
सो बड़ सो सब गुन गन गेहू।
जेहि मुनीस तुम्ह आदर देहू॥
मुनि रघुबीर परसपर नवहीं।
बचन अगोचर सुखु अनुभवहीं॥
so baḍ so sab gun gan gehū.
jehi munīs tumh ādar dehū.
muni raghubīr parasapar navahī̃.
bachan agochar sukhu anubhavahī̃.
496 of 1432
यह सुधि पाइ प्रयाग निवासी।
बटु तापस मुनि सिद्ध उदासी॥
भरद्वाज आश्रम सब आए।
देखन दसरथ सुअन सुहाए॥
yah sudhi pāi prayāg nivāsī.
baṭu tāpas muni siddh udāsī.
bharadvāj āśram sab āe.
dekhan dasarath suan suhāe.
497 of 1432
राम प्रनाम कीन्ह सब काहू।
मुदित भए लहि लोयन लाहू॥
देहिं असीस परम सुखु पाई।
फिरे सराहत सुंदरताई॥
rām pranām kīnh sab kāhū.
mudit bhae lahi loyan lāhū.
dehĩ asīs param sukhu pāī.
phire sarāhat sundaratāī.
498 of 1432
दो०—राम कीन्ह बिश्राम निसि प्रात प्रयाग नहाइ।
चले सहित सिय लखन जन मुदित मुनिहि सिरु नाइ ॥१०८॥
do.—rām kīnh biśrām nisi prāt prayāg nahāi.
chale sahit siy lakhan jan mudit munihi siru nāi. (108)
499 of 1432
राम सप्रेम कहेउ मुनि पाहीं।
नाथ कहिअ हम केहि मग जाहीं॥
मुनि मन बिहसि राम सन कहहीं।
सुगम सकल मग तुम्ह कहुँ अहहीं॥
rām saprem kaheu muni pāhī̃.
nāth kahia ham kehi mag jāhī̃.
muni man bihasi rām san kahahī̃.
sugam sakal mag tumh kahũ ahahī̃.
500 of 1432
साथ लागि मुनि सिष्य बोलाए।
सुनि मन मुदित पचासक आए॥
सबन्हि राम पर प्रेम अपारा।
सकल कहहिं मगु दीख हमारा॥
sāth lāgi muni siṣya bolāe.
suni man mudit pachāsak āe.
sabanhi rām par prem apārā.
sakal kahahĩ magu dīkh hamārā.
501 of 1432
मुनि बटु चारि संग तब दीन्हे।
जिन्ह बहु जनम सुकृत सब कीन्हे॥
करि प्रनामु रिषि आयसु पाई।
प्रमुदित हृदयँ चले रघुराई॥
muni baṭu chāri sang tab dīnhe.
jinh bahu janam sukṛt sab kīnhe.
kari pranāmu riṣi āyasu pāī.
pramudit hṛdayã chale raghurāī.
502 of 1432
ग्राम निकट जब निकसहिं जाई।
देखहिं दरसु नारि नर धाई॥
होहिं सनाथ जनम फलु पाई।
फिरहिं दुखित मनु संग पठाई॥
grām nikaṭ jab nikasahĩ jāī.
dekhahĩ darasu nāri nar dhāī.
hohĩ sanāth janam phalu pāī.
phirahĩ dukhit manu sang paṭhāī.
503 of 1432
दो०—बिदा किए बटु बिनय करि फिरे पाइ मन काम।
उतरि नहाए जमुन जल जो सरीर सम स्याम ॥१०९॥
do.—bidā kie baṭu binay kari phire pāi man kām.
utari nahāe jamun jal jo sarīr sam syām. (109)
504 of 1432
सुनत तीरबासी नर नारी।
धाए निज निज काज बिसारी॥
लखन राम सिय सुंदरताई।
देखि करहिं निज भाग्य बड़ाई॥
sunat tīrabāsī nar nārī.
dhāe nij nij kāj bisārī.
lakhan rām siy sundaratāī.
dekhi karahĩ nij bhāgya baḍāī.
505 of 1432
अति लालसा बसहिं मन माहीं।
नाउँ गाउँ बूझत सकुचाहीं॥
जे तिन्ह महुँ बयबिरिध सयाने।
तिन्ह करि जुगुति रामु पहिचाने॥
ati lālasā basahĩ man māhī̃.
nāũ gāũ būjhat sakuchāhī̃.
je tinh mahũ bayabiridh sayāne.
tinh kari juguti rāmu pahichāne.
506 of 1432
सकल कथा तिन्ह सबहि सुनाई।
बनहि चले पितु आयसु पाई॥
सुनि सबिषाद सकल पछिताहीं।
रानी रायँ कीन्ह भल नाहीं॥
sakal kathā tinh sabahi sunāī.
banahi chale pitu āyasu pāī.
suni sabiṣād sakal pachhitāhī̃.
rānī rāyã kīnh bhal nāhī̃.
507 of 1432
तेहि अवसर एक तापसु आवा।
तेजपुंज लघुबयस सुहावा॥
कबि अलखित गति बेषु बिरागी।
मन क्रम बचन राम अनुरागी॥
tehi avasar ek tāpasu āvā.
tejapunj laghubayas suhāvā.
kabi alakhit gati beṣu birāgī.
man kram bachan rām anurāgī.
508 of 1432
दो०—सजल नयन तन पुलकि निज इष्टदेउ पहिचानि।
परेउ दंड जिमि धरनितल दसा न जाइ बखानि ॥११०॥
do.—sajal nayan tan pulaki nij iṣṭadeu pahichāni.
pareu dand jimi dharanital dasā na jāi bakhāni. (110)
509 of 1432
राम सप्रेम पुलकि उर लावा।
परम रंकु जनु पारसु पावा॥
मनहुँ प्रेमु परमारथु दोऊ।
मिलत धरें तन कह सबु कोऊ॥
rām saprem pulaki ur lāvā.
param rank janu pārasu pāvā.
manahũ premu paramārathu doū.
milat dharẽ tan kah sabu koū.
510 of 1432
बहुरि लखन पायन्ह सोइ लागा।
लीन्ह उठाइ उमगि अनुरागा॥
पुनि सिय चरन धूरि धरि सीसा।
जननि जानि सिसु दीन्हि असीसा॥
bahuri lakhan pāyanh soi lāgā.
līnh uṭhāi umagi anurāgā.
puni siy charan dhūri dhari sīsā.
janani jāni sisu dīnhi asīsā.
511 of 1432
कीन्ह निषाद दंडवत तेही।
मिलेउ मुदित लखि राम सनेही॥
पिअत नयन पुट रूपु पियूषा।
मुदित सुअसनु पाइ जिमि भूखा॥
kīnh niṣād dandavat tehī.
mileu mudit lakhi rām sanehī.
piat nayan puṭ rūpu piyūṣā.
mudit suasanu pāi jimi bhūkhā.
512 of 1432
ते पितु मातु कहहु सखि कैसे।
जिन्ह पठए बन बालक ऐसे॥
राम लखन सिय रूपु निहारी।
होहिं सनेह बिकल नर नारी॥
te pitu mātu kahahu sakhi kaise.
jinh paṭhae ban bālak aise.
rām lakhan siy rūpu nihārī.
hohĩ saneh bikal nar nārī.
513 of 1432
दो०—तब रघुबीर अनेक बिधि सखहि सिखावनु दीन्ह।
राम रजायसु सीस धरि भवन गवनु तेइँ कीन्ह ॥१११॥
do.—tab raghubīr anek bidhi sakhahi sikhāvanu dīnh.
rām rajāyasu sīs dhari bhavan gavanu teĩ kīnh. (111)
514 of 1432
पुनि सियँ राम लखन कर जोरी।
जमुनहि कीन्ह प्रनामु बहोरी॥
चले ससीय मुदित दोउ भाई।
रबितनुजा कइ करत बड़ाई॥
puni siyã rām lakhan kar jorī.
jamunahi kīnh pranāmu bahorī.
chale sasīy mudit dou bhāī.
rabitanujā kai karat baḍāī.
515 of 1432
पथिक अनेक मिलहिं मग जाता।
कहहिं सप्रेम देखि दोउ भ्राता॥
राज लखन सब अंग तुम्हारें।
देखि सोचु अति हृदय हमारें॥
pathik anek milahĩ mag jātā.
kahahĩ saprem dekhi dou bhrātā.
rāj lakhan sab ang tumhārẽ.
dekhi sochu ati hṛday hamārẽ.
516 of 1432
मारग चलहु पयादेहि पाएँ।
ज्योतिषु झूठ हमारें भाएँ॥
अगमु पंथु गिरि कानन भारी।
तेहि महँ साथ नारि सुकुमारी॥
mārag chalahu payādehi pāẽ.
jyotiṣu jhūṭh hamārẽ bhāẽ.
agamu panthu giri kānan bhārī.
tehi mahã sāth nāri sukumārī.
517 of 1432
करि केहरि बन जाइ न जोई।
हम सँग चलहिं जो आयसु होई॥
जाब जहाँ लगि तहँ पहुँचाई।
फिरब बहोरि तुम्हहि सिरु नाई॥
kari keharī bana jāi na joī.
hama saṅga calahiṃ jo āyasu hoī..
jāba jahāṃ lagi tahaṃ pahuṃcāī.
phiraba bahori tumhahi siru nāī..
518 of 1432
दो०— एहि बिधि पूँछहिं प्रेम बस पुलक गात जलु नैन।
कृपासिंधु फेरहिं तिन्हहि कहि बिनीत मृदु बैन ॥ ११२॥
do.— ehi bidhi pūṃchahiṃ prema basa pulaka gāta jalu naina.
kṛpāsindhu pherahiṃ tinhahi kahi binīta mṛdu baina.. (112)
519 of 1432
जे पुर गाँव बसहिं मग माहीं।
तिन्हहि नाग सुर नगर सिहाहीं॥
केहि सुकृतीं केहि घरीं बसाए।
धन्य पुन्यमय परम सुहाए॥
je pura gāṃva basahiṃ maga māhīṃ.
tinhahi nāga sura nagara sihāhīṃ..
kehi sukṛtīṃ kehi gharīṃ basāe.
dhanya punyamaya parama suhāe..
520 of 1432
जहँ जहँ राम चरन चलि जाहीं।
तिन्ह समान अमरावति नाहीं॥
पुन्यपुंज मग निकट निवासी।
तिन्हहि सराहहिं सुरपुरबासी॥
jahaṃ jahaṃ rāma carana cali jāhīṃ.
tinha samāna amarāvati nāhīṃ..
punyapuṃja maga nikaṭa nivāsī.
tinhahi sarāhahiṃ surapurabāsī..
521 of 1432
जे भरि नयन बिलोकहिं रामहि।
सीता लखन सहित घनस्यामहि॥
जे सर सरित राम अवगाहहिं।
तिन्हहि देव सर सरित सराहहिं॥
je bhari nayana bilokahiṃ rāmahi.
sītā lakhana sahita ghanasyāmahi..
je sara sarita rāma avagāhahiṃ.
tinhahi deva sara sarita sarāhahiṃ..
522 of 1432
जेहि तरु तर प्रभु बैठहिं जाई।
करहिं कलपतरु तासु बड़ाई॥
परसि राम पद पदुम परागा।
मानति भूमि भूरि निज भागा॥
jehi taru tara prabhu baiṭhahiṃ jāī.
karahiṃ kalapataru tāsu baṛāī..
parasi rāma pada paduma parāgā.
mānati bhūmi bhūri nija bhāgā..
523 of 1432
दो०— छाँह करहिं घन बिबुधगन बरषहिं सुमन सिहाहिं।
देखत गिरि बन बिहग मृग रामु चले मग जाहिं ॥ ११३॥
do.— chāṃha karahiṃ ghana bibudhagana baraṣahiṃ sumana sihāhiṃ.
dekhata giri bana bihaga mṛga rāmu cale maga jāhiṃ.. (113)
524 of 1432
सीता लखन सहित रघुराई।
गाँव निकट जब निकसहिं जाई॥
सुनि सब बाल बृद्ध नर नारी।
चलहिं तुरत गृह काजु बिसारी॥
sītā lakhana sahita raghurāī.
gāṃva nikaṭa jaba nikasahiṃ jāī..
suni saba bāla bṛddha nara nārī.
calahiṃ turata gṛha kāju bisārī..
525 of 1432
राम लखन सिय रूप निहारी।
पाइ नयन फलु होहिं सुखारी॥
सजल बिलोचन पुलक सरीरा।
सब भए मगन देखि दोउ बीरा॥
rāma lakhana siya rūpa nihārī.
pāi nayana phalu hohiṃ sukhārī..
sajala bilocana pulaka sarīrā.
saba bhae magana dekhi dou bīrā..
526 of 1432
बरनि न जाइ दसा तिन्ह केरी।
लहि जनु रंकन्ह सुरमनि ढेरी॥
एकन्ह एक बोलि सिख देहीं।
लोचन लाहु लेहु छन एहीं॥
barani na jāi dasā tinha kerī.
lahi janu raṅkanha suramani ḍherī..
ekanha eka boli sikha dehīṃ.
locana lāhu lehu chana ehīṃ..
527 of 1432
रामहि देखि एक अनुरागे।
चितवत चले जाहिं सँग लागे॥
एक नयन मग छबि उर आनी।
होहिं सिथिल तन मन बर बानी॥
rāmahi dekhi eka anurāge.
citavata cale jāhiṃ saṃga lāge..
eka nayana maga chabi ura ānī.
hohiṃ sithila tana mana bara bānī..
528 of 1432
दो०— एक देखि बट छाँह भलि डासि मृदुल तृन पात।
कहहिं गवाँइअ छिनुकु श्रमु गवनब अबहिं कि प्रात ॥ ११४॥
do.— eka dekhi baṭa chāṃha bhali ḍāsi mṛdula tṛna pāta.
kahahiṃ gavāṃia chinuku śramu gavanaba abahiṃ ki prāta.. (114)
529 of 1432
एक कलस भरि आनहिं पानी।
अँचइअ नाथ कहहिं मृदु बानी॥
सुनि प्रिय बचन प्रीति अति देखी।
राम कृपाल सुसील बिसेषी॥
eka kalasa bhari ānahiṃ pānī.
aṃcaia nātha kahahiṃ mṛdu bānī..
suni priya bacana prīti ati dekhī.
rāma kṛpāla susīla biseṣī..
530 of 1432
जानी श्रमित सीय मन माहीं।
घरिक बिलंबु कीन्ह बट छाहीं॥
मुदित नारि नर देखहिं सोभा।
रूप अनूप नयन मनु लोभा॥
jānī śramita sīya mana māhīṃ.
gharika bilaṃbu kīnha baṭa chāhīṃ..
mudita nāri nara dekhahiṃ sobhā.
rūpa anūpa nayana manu lobhā..
531 of 1432
एकटक सब सोहहिं चहुँ ओरा।
रामचंद्र मुख चंद चकोरा॥
तरुन तमाल बरन तनु सोहा।
देखत कोटि मदन मनु मोहा॥
ekaṭaka saba sohahiṃ cahuṃ orā.
rāmacaṃdra mukha caṃda cakorā..
taruna tamāla barana tanu sohā.
dekhata koṭi madana manu mohā..
532 of 1432
दामिनि बरन लखन सुठि नीके।
नख सिख सुभग भावते जी के॥
मुनिपट कटिन्ह कसें तूनीरा।
सोहहिं कर कमलनि धनु तीरा॥
dāmini barana lakhana suṭhi nīke.
nakha sikha subhaga bhāvate jī ke..
munipaṭa kaṭinha kaseṃ tūnīrā.
sohahiṃ kara kamalani dhanu tīrā..
533 of 1432
दो०— जटा मुकुट सीसनि सुभग उर भुज नयन बिसाल।
सरद परब बिधु बदन बर लसत स्वेद कन जाल ॥ ११५॥
do.— jaṭā mukuṭa sīsani subhaga ura bhuja nayana bisāla.
sarada paraba bidhu badana bara lasata sveda kana jāla.. (115)
534 of 1432
बरनि न जाइ मनोहर जोरी।
सोभा बहुत थोरि मति मोरी॥
राम लखन सिय सुंदरताई।
सब चितवहिं चित मन मति लाई॥
barani na jāi manohara jorī.
sobhā bahuta thori mati morī..
rāma lakhana siya suṃdaratāī.
saba citavahiṃ cita mana mati lāī..
535 of 1432
थके नारि नर प्रेम पिआसे।
मनहुँ मृगी मृग देखि दिआ से॥
सीय समीप ग्रामतिय जाहीं।
पूँछत अति सनेहँ सकुचाहीं॥
thake nāri nara prema piāse.
manahuṃ mṛgī mṛga dekhi diā se..
sīya samīpa grāmatiya jāhīṃ.
pūṃchata ati sanehaṃ sakucāhīṃ..
536 of 1432
बार बार सब लागहिं पाएँ।
कहहिं बचन मृदु सरल सुभाएँ॥
राजकुमारि बिनय हम करहीं।
तिय सुभायँ कछु पूँछत डरहीं॥
bāra bāra saba lāgahiṃ pāeṃ.
kahahiṃ bacana mṛdu sarala subhāeṃ..
rājakumāri binaya hama karahīṃ.
tiya subhāyaṃ kachu pūṃchata ḍarahīṃ..
537 of 1432
स्वामिनि अबिनय छमबि हमारी।
बिलगु न मानब जानि गवाँरी॥
राजकुअँर दोउ सहज सलोने।
इन्ह तें लही दुति मरकत सोने॥
svāmini abinaya chamabi hamārī.
bilagu na mānaba jāni gavāṃrī..
rājakuaṃra dou sahaja salone.
inha teṃ lahī duti marakata sone..
538 of 1432
दो०— स्यामल गौर किसोर बर सुंदर सुषमा ऐन।
सरद सर्बरीनाथ मुखु सरद सरोरुह नैन ॥ ११६॥
do.— syāmala gaura kisora bara suṃdara suṣamā aina.
sarada sarbarīnātha mukhu sarada saroruha naina.. (116)
539 of 1432
कोटि मनोज लजावनिहारे।
सुमुखि कहहु को आहिं तुम्हारे॥
सुनि सनेहमय मंजुल बानी।
सकुची सिय मन महुँ मुसुकानी॥
koṭi manoja lajāvanihāre.
sumukhi kahahu ko āhiṃ tumhāre..
suni sanehamaya maṃjula bānī.
sakucī siya mana mahuṃ musukānī..
540 of 1432
तिन्हहि बिलोकि बिलोकति धरनी।
दुहुँ सकोच सकुचति बरबरनी॥
सकुचि सप्रेम बाल मृग नयनी।
बोली मधुर बचन पिकबयनी॥
tinhahi biloki bilokati dharanī.
duhuṃ sakoca sakucati barabaranī..
sakuci saprema bāla mṛga nayanī.
bolī madhura bacana pikabayanī..
541 of 1432
सहज सुभाय सुभग तन गोरे।
नामु लखनु लघु देवर मोरे॥
बहुरि बदनु बिधु अंचल ढाँकी।
पिय तन चितइ भौंह करि बाँकी॥
sahaja subhāya subhaga tana gore.
nāmu lakhanu laghu devara more..
bahuri badanu bidhu aṃcala ḍhāṃkī.
piya tana citai bhauṃha kari bāṃkī..
542 of 1432
खंजन मंजु तिरीछे नयननि।
निज पति कहेउ तिन्हहि सियँ सयननि॥
भई मुदित सब ग्रामबधूटीं।
रंकन्ह राय रासि जनु लूटीं॥
khaṃjana maṃju tirīche nayanani.
nija pati kaheu tinhahi siyaṃ sayanani..
bhaī mudita saba grāmabadhūṭīṃ.
raṅkanha rāya rāsi janu lūṭīṃ..
543 of 1432
दो०— अति सप्रेम सिय पायँ परि बहुबिधि देहिं असीस।
सदा सोहागिनि होहु तुम्ह जब लगि महि अहि सीस ॥ ११७॥
do.— ati saprema siya pāyaṃ pari bahubidhi dehiṃ asīsa.
sadā sohāgini hohu tumha jaba lagi mahi ahi sīsa.. (117)
544 of 1432
पारबती सम पतिप्रिय होहू।
देबि न हम पर छाड़ब छोहू॥
पुनि पुनि बिनय करिअ कर जोरी।
जौं एहि मारग फिरिअ बहोरी॥
pārabatī sama patipriya hohū.
debi na hama para chāṛaba chohū..
puni puni binaya karia kara jorī.
jauṃ ehi māraga phiria bahorī..
545 of 1432
दरसनु देब जानि निज दासी।
लखीं सीयँ सब प्रेम पिआसी॥
मधुर बचन कहि कहि परितोषीं।
जनु कुमुदिनीं कौमुदीं पोषीं॥
darasanu deba jāni nija dāsī.
lakhīṃ sīyaṃ saba prema piāsī..
madhura bacana kahi kahi paritoṣīṃ.
janu kumudinīṃ kaumudīṃ poṣīṃ..
546 of 1432
तबहिं लखन रघुबर रुख जानी।
पूँछेउ मगु लोगन्हि मृदु बानी॥
सुनत नारि नर भए दुखारी।
पुलकित गात बिलोचन बारी॥
tabahiṃ lakhana raghubara rukha jānī.
pūṃcheu magu logan'hi mṛdu bānī..
sunata nāri nara bhae dukhārī.
pulakita gāta bilocana bārī..
547 of 1432
मिटा मोदु मन भए मलीने।
बिधि निधि दीन्ह लेत जनु छीने॥
समुझि करम गति धीरजु कीन्हा।
सोधि सुगम मगु तिन्ह कहि दीन्हा॥
miṭā modu mana bhae malīne.
bidhi nidhi dīnha leta janu chīne..
samujhi karama gati dhīraju kīnhā.
sodhi sugama magu tinha kahi dīnhā..
548 of 1432
दो०—लखन जानकी सहित तब गवनु कीन्ह रघुनाथ।
फेरे सब प्रिय बचन कहि लिए लाइ मन साथ ॥ ११८॥
do.—lakhana jānakī sahita taba gavanu kīnha raghunātha.
phere saba priya bacana kahi lie lāi mana sātha.. (118)
549 of 1432
फिरत नारि नर अति पछिताहीं।
दैअहि दोषु देहिं मन माहीं॥
सहित बिषाद परसपर कहहीं।
बिधि करतब उलटे सब अहहीं॥
phirata nāri nara ati pachitāhīṃ.
daiahi doṣu dehiṃ mana māhīṃ..
sahita biṣāda parasapara kahahīṃ.
bidhi karataba ulaṭe saba ahahīṃ..
550 of 1432
निपट निरंकुस निठुर निसंकू।
जेहिं ससि कीन्ह सरुज सकलंकू॥
रूख कलपतरु सागरु खारा।
तेहिं पठए बन राजकुमारा॥
nipaṭa niraṃkusa niṭhura nisaṃkū.
jehiṃ sasi kīnha saruja sakalaṃkū..
rūkha kalapataru sāgaru khārā.
tehiṃ paṭhae bana rājakumārā..
551 of 1432
जौं पै इन्हहि दीन्ह बनबासू।
कीन्ह बादि बिधि भोग बिलासू॥
ए बिचरहिं मग बिनु पदत्राना।
रचे बादि बिधि बाहन नाना॥
jauṃ pai inhahi dīnha banabāsū.
kīnha bādi bidhi bhoga bilāsū..
e bicarahiṃ maga binu padatrānā.
race bādi bidhi bāhana nānā..
552 of 1432
ए महि परहिं डासि कुस पाता।
सुभग सेज कत सृजत बिधाता॥
तरुबर बास इन्हहि बिधि दीन्हा।
धवल धाम रचि रचि श्रमु कीन्हा॥
e mahi parahiṃ ḍāsi kusa pātā.
subhaga seja kata sṛjata bidhātā..
tarubara bāsa inhahi bidhi dīnhā.
dhavala dhāma raci raci śramu kīnhā..
553 of 1432
दो०— जौं ए मुनि पट धर जटिल सुंदर सुठि सुकुमार।
बिबिध भाँति भूषन बसन बादि किए करतार ॥ ११९॥
do.— jauṃ e muni paṭa dhara jaṭila suṃdara suṭhi sukumāra.
bibidha bhāṃti bhūṣana basana bādi kie karatāra.. (119)
554 of 1432
जौं ए कंद मूल फल खाहीं।
बादि सुधादि असन जग माहीं॥
एक कहहिं ए सहज सुहाए।
आपु प्रगट भए बिधि न बनाए॥
jauṃ e kaṃda mūla phala khāhīṃ.
bādi sudhādi asana jaga māhīṃ..
eka kahahiṃ e sahaja suhāe.
āpu pragaṭa bhae bidhi na banāe..
555 of 1432
जहँ लगि बेद कही बिधि करनी।
श्रवन नयन मन गोचर बरनी॥
देखहु खोजि भुअन दस चारी।
कहँ अस पुरुष कहाँ असि नारी॥
jahaṃ lagi beda kahī bidhi karanī.
śravana nayana mana gocara baranī..
dekhahu khoji bhuana dasa cārī.
kahaṃ asa puruṣa kahāṃ asi nārī..
556 of 1432
इन्हहि देखि बिधि मनु अनुरागा।
पटतर जोग बनावै लागा॥
कीन्ह बहुत श्रम ऐक न आए।
तेहिं इरिषा बन आनि दुराए॥
inhahi dekhi bidhi manu anurāgā.
paṭatara joga banāvai lāgā..
kīnha bahuta śrama aika na āe.
tehiṃ iriṣā bana āni durāe..
557 of 1432
एक कहहिं हम बहुत न जानहिं।
आपुहि परम धन्य करि मानहिं॥
ते पुनि पुन्यपुंज हम लेखे।
जे देखहिं देखिहहिं जिन्ह देखे॥
eka kahahiṃ hama bahuta na jānahiṃ.
āpuhi parama dhanya kari mānahiṃ..
te puni punyapuṃja hama lekhe.
je dekhahiṃ dekhihahiṃ jinha dekhe..
558 of 1432
दो०—एहि बिधि कहि कहि बचन प्रिय लेहिं नयन भरि नीर।
किमि चलिहहिं मारग अगम सुठि सुकुमार सरीर ॥ १२०॥
do.—ehi bidhi kahi kahi bacana priya lehiṃ nayana bhari nīra.
kimi calihahiṃ māraga agama suṭhi sukumāra sarīra.. (120)
559 of 1432
नारि सनेह बिकल बस होहीं।
चकईं साँझ समय जनु सोहीं॥
मृदु पद कमल कठिन मगु जानी।
गहबरि हृदयँ कहहिं बर बानी॥
nāri saneha bikala basa hohīṃ.
cakaīṃ sāṃjha samaya janu sohīṃ..
mṛdu pada kamala kaṭhina magu jānī.
gahabari hṛdayaṃ kahahiṃ bara bānī..
560 of 1432
परसत मृदुल चरन अरुनारे।
सकुचति महि जिमि हृदय हमारे॥
जौं जगदीस इन्हहि बनु दीन्हा।
कस न सुमनमय मारगु कीन्हा॥
parasata mṛdula carana arunāre.
sakucati mahi jimi hṛdaya hamāre..
jauṃ jagadīsa inhahi banu dīnhā.
kasa na sumanamaya māragu kīnhā..
561 of 1432
जौं मागा पाइअ बिधि पाहीं।
ए रखिअहिं सखि आँखिन्ह माहीं॥
जे नर नारि न अवसर आए।
तिन्ह सिय रामु न देखन पाए॥
jauṃ māgā pāia bidhi pāhīṃ.
e rakhiahiṃ sakhi āṃkhinha māhīṃ..
je nara nāri na avasara āe.
tinha siya rāmu na dekhana pāe..
562 of 1432
सुनि सुरूपु बूझहिं अकुलाई।
अब लगि गए कहाँ लगि भाई॥
समरथ धाइ बिलोकहिं जाई।
प्रमुदित फिरहिं जनमफलु पाई॥
suni surūpu būjhahiṃ akulāī.
aba lagi gae kahāṃ lagi bhāī..
samaratha dhāi bilokahiṃ jāī.
pramudita phirahiṃ janamaphalu pāī..
563 of 1432
दो०—अबला बालक बृद्ध जन कर मीजहिं पछिताहिं।
होहिं प्रेमबस लोग इमि रामु जहाँ जहँ जाहिं ॥ १२१॥
do.—abalā bālaka bṛddha jana kara mījahiṃ pachitāhiṃ.
hohiṃ premabasa loga imi rāmu jahāṃ jahaṃ jāhiṃ.. (121)
564 of 1432
गावँ गावँ अस होइ अनंदू।
देखि भानुकुल कैरव चंदू॥
जे कछु समाचार सुनि पावहिं।
ते नृप रानिहि दोसु लगावहिं॥
gāvaṃ gāvaṃ asa hoi anaṃdū.
dekhi bhānukula kairava caṃdū..
je kachu samācāra suni pāvahiṃ.
te nṛpa rānihi dosu lagāvahiṃ..
565 of 1432
कहहिं एक अति भल नरनाहू।
दीन्ह हमहि जोइ लोचन लाहू॥
कहहिं परसपर लोग लोगाई।
बातें सरल सनेह सुहाई॥
kahahiṃ eka ati bhala naranāhū.
dīnha hamahi joi locana lāhū..
kahahiṃ parasapara loga logāī.
bāteṃ sarala saneha suhāī..
566 of 1432
ते पितु मातु धन्य जिन्ह जाए।
धन्य सो नगरु जहाँ तें आए॥
धन्य सो देसु सैलु बन गाऊँ।
जहँ जहँ जाहिं धन्य सोइ ठाऊँ॥
te pitu mātu dhanya jinha jāe.
dhanya so nagaru jahāṃ teṃ āe..
dhanya so desu sailu bana gāūṃ.
jahaṃ jahaṃ jāhiṃ dhanya soi ṭhāūṃ..
567 of 1432
सुखु पायउ बिरंचि रचि तेही।
ए जेहि के सब भाँति सनेही॥
राम लखन पथि कथा सुहाई।
रही सकल मग कानन छाई॥
sukhu pāyau biraṃci raci tehī.
e jehi ke saba bhāṃti sanehī..
rāma lakhana pathi kathā suhāī.
rahī sakala maga kānana chāī..
568 of 1432
दो०— एहि बिधि रघुकुल कमल रबि मग लोगन्ह सुख देत।
जाहिं चले देखत बिपिन सिय सौमित्रि समेत ॥ १२२॥
do.— ehi bidhi raghukula kamala rabi maga logan'ha sukha deta.
jāhiṃ cale dekhata bipina siya saumitri sameta.. (122)
569 of 1432
आगें रामु लखनु बने पाछें।
तापस बेष बिराजत काछें॥
उभय बीच सिय सोहति कैसें।
ब्रह्म जीव बिच माया जैसें॥
āgeṃ rāmu lakhanu bane pācheṃ.
tāpasa beṣa birājata kācheṃ..
ubhaya bīca siya sohati kaiseṃ.
brahma jīva bica māyā jaiseṃ..
570 of 1432
बहुरि कहउँ छबि जसि मन बसई।
जनु मधु मदन मध्य रति लसई॥
उपमा बहुरि कहउँ जियँ जोही।
जनु बुध बिधु बिच रोहिनि सोही॥
bahuri kahauṃ chabi jasi mana basaī.
janu madhu madana madhya rati lasaī..
upamā bahuri kahauṃ jiyaṃ johī.
janu budha bidhu bica rohini sohī..
571 of 1432
प्रभु पद रेख बीच बिच सीता।
धरति चरन मग चलति सभीता॥
सीय राम पद अंक बराएँ।
लखन चलहिं मगु दाहिन लाएँ॥
prabhu pada rekha bīca bica sītā.
dharati carana maga calati sabhītā..
sīya rāma pada aṃka barāeṃ.
lakhana calahiṃ magu dāhina lāeṃ..
572 of 1432
राम लखन सिय प्रीति सुहाई।
बचन अगोचर किमि कहि जाई॥
खग मृग मगन देखि छबि होहीं।
लिए चोरि चित राम बटोहीं॥
rāma lakhana siya prīti suhāī.
bacana agocara kimi kahi jāī..
khaga mṛga magana dekhi chabi hohīṃ.
lie cori cita rāma baṭohīṃ..
573 of 1432
दो०—जिन्ह जिन्ह देखे पथिक प्रिय सिय समेत दोउ भाइ।
भव मगु अगमु अनंदु तेइ बिनु श्रम रहे सिराइ ॥ १२३॥
do.—jinha jinha dekhe pathika priya siya sameta dou bhāi.
bhava magu agamu anaṃdu tei binu śrama rahe sirāi.. (123)
574 of 1432
अजहुँ जासु उर सपनेहुँ काऊ।
बसहुँ लखनु सिय रामु बटाऊ॥
राम धाम पथ पाइहि सोई।
जो पथ पाव कबहुँ मुनि कोई॥
ajahuṃ jāsu ura sapanehuṃ kāū.
basahuṃ lakhanu siya rāmu baṭāū..
rāma dhāma patha pāihi soī.
jo patha pāva kabahuṃ muni koī..
575 of 1432
तब रघुबीर श्रमित सिय जानी।
देखि निकट बटु सीतल पानी॥
तहँ बसि कंद मूल फल खाई।
प्रात नहाइ चले रघुराई॥
taba raghubīra śramita siya jānī.
dekhi nikaṭa baṭu sītala pānī..
tahaṃ basi kaṃda mūla phala khāī.
prāta nahāi cale raghurāī..
576 of 1432
देखत बन सर सैल सुहाए।
बालमीकि आश्रम प्रभु आए॥
राम दीख मुनि बासु सुहावन।
सुंदर गिरि काननु जलु पावन॥
dekhata bana sara saila suhāe.
bālamīki āśrama prabhu āe..
rāma dīkha muni bāsu suhāvana.
suṃdara giri kānanu jalu pāvana..
577 of 1432
सरनि सरोज बिटप बन फूले।
गुंजत मंजु मधुप रस भूले॥
खग मृग बिपुल कोलाहल करहीं।
बिरहित बैर मुदित मन चरहीं॥
sarani saroja biṭapa bana phūle.
guṃjata maṃju madhupa rasa bhūle..
khaga mṛga bipula kolāhala karahīṃ.
birahita baira mudita mana carahīṃ..
578 of 1432
दो०— सुचि सुंदर आश्रमु निरखि हरषे राजिवनेन।
सुनि रघुबर आगमनु मुनि आगें आयउ लेन ॥ १२४॥
do.— suci suṃdara āśramu nirakhi haraṣe rājivanena.
suni raghubara āgamanu muni āgeṃ āyau lena.. (124)
579 of 1432
मुनि कहुँ राम दंडवत कीन्हा।
आसिरबादु बिप्रबर दीन्हा॥
देखि राम छबि नयन जुड़ाने।
करि सनमानु आश्रमहिं आने॥
muni kahuṃ rāma daṃḍavata kīnhā.
āsirabādu biprabara dīnhā..
dekhi rāma chabi nayana juṛāne.
kari sanamānu āśramahiṃ āne..
580 of 1432
मुनिबर अतिथि प्रानप्रिय पाए।
कंद मूल फल मधुर मगाए॥
सिय सौमित्रि राम फल खाए।
तब मुनि आश्रम दिए सुहाए॥
munibara atithi prānapriya pāe.
kaṃda mūla phala madhura magāe..
siya saumitri rāma phala khāe.
taba muni āśrama die suhāe..
581 of 1432
बालमीकि मन आनँदु भारी।
मंगल मूरति नयन निहारी॥
तब कर कमल जोरि रघुराई।
बोले बचन श्रवन सुखदाई॥
bālamīki mana ānaṃdu bhārī.
maṃgala mūrati nayana nihārī..
taba kara kamala jori raghurāī.
bole bacana śravana sukhadāī..
582 of 1432
तुम्ह त्रिकाल दरसी मुनिनाथा।
बिस्व बदर जिमि तुम्हरें हाथा॥
अस कहि प्रभु सब कथा बखानी।
जेहि जेहि भाँति दीन्ह बनु रानी॥
tumha trikāla darasī munināthā.
bisva badara jimi tumhareṃ hāthā..
asa kahi prabhu saba kathā bakhānī.
jehi jehi bhāṃti dīnha banu rānī..
583 of 1432
दो०— तात बचन पुनि मातु हित भाइ भरत अस राउ।
मो कहुँ दरस तुम्हार प्रभु सबु मम पुन्य प्रभाउ ॥ १२५॥
do.— tāta bacana puni mātu hita bhāi bharata asa rāu.
mo kahuṃ darasa tumhāra prabhu sabu mama punya prabhāu.. (125)
584 of 1432
देखि पाय मुनिराय तुम्हारे।
भए सुकृत सब सुफल हमारे॥
अब जहँ राउर आयसु होई।
मुनि उदबेगु न पावै कोई॥
dekhi pāya munirāya tumhāre.
bhae sukṛta saba suphala hamāre..
aba jahaṃ rāura āyasu hoī.
muni udabegu na pāvai koī..
585 of 1432
मुनि तापस जिन्ह तें दुखु लहहीं।
ते नरेस बिनु पावक दहहीं॥
मंगल मूल बिप्र परितोषू।
दहइ कोटि कुल भूसुर रोषू॥
muni tāpasa jinha teṃ dukhu lahahīṃ.
te naresa binu pāvaka dahahīṃ..
maṃgala mūla bipra paritoṣū.
dahai koṭi kula bhūsura roṣū..
586 of 1432
अस जियँ जानि कहिअ सोइ ठाऊँ।
सिय सौमित्रि सहित जहँ जाऊँ॥
तहँ रचि रुचिर परन तृन साला।
बासु करौं कछु काल कृपाला॥
asa jiyaṃ jāni kahia soi ṭhāūṃ.
siya saumitri sahita jahaṃ jāūṃ..
tahaṃ raci rucira parana tṛna sālā.
bāsu karauṃ kachu kāla kṛpālā..
587 of 1432
सहज सरल सुनि रघुबर बानी।
साधु साधु बोले मुनि ग्यानी॥
कस न कहहु अस रघुकुलकेतू।
तुम्ह पालक संतत श्रुति सेतू॥
sahaja sarala suni raghubara bānī.
sādhu sādhu bole muni gyānī..
kasa na kahahu asa raghukulaketū.
tumha pālaka saṃtata śruti setū..
588 of 1432
छं०—श्रुति सेतु पालक राम तुम्ह जगदीस माया जानकी।
जो सृजति जगु पालति हरति रुख पाइ कृपानिधान की॥
जो सहससीसु अहीसु महिधरु लखनु सचराचर धनी।
सुर काज धरि नरराज तनु चले दलन खल निसिचर अनी॥
chaṃ.—śruti setu pālaka rāma tumha jagadīsa māyā jānakī.
jo sṛjati jagu pālati harati rukha pāi kṛpānidhāna kī..
jo sahasasīsu ahīsu mahidharu lakhanu sacarācara dhanī.
sura kāja dhari nararāja tanu cale dalana khala nisicara anī..
589 of 1432
सो०—राम सरूप तुम्हार बचन अगोचर बुद्धिपर।
अबिगत अकथ अपार नेति नेति नित निगम कह ॥ १२६॥
so.—rāma sarūpa tumhāra bacana agocara buddhipara.
abigata akatha apāra neti neti nita nigama kaha.. (126)
590 of 1432
जगु पेखन तुम्ह देखनिहारे।
बिधि हरि संभु नचावनिहारे॥
तेउ न जानहिं मरमु तुम्हारा।
औरु तुम्हहि को जाननिहारा॥
jagu pekhana tumha dekhanihāre.
bidhi hari saṃbhu nacāvanihāre..
teu na jānahiṃ maramu tumhārā.
auru tumhahi ko jānanihārā..
591 of 1432
सोइ जानइ जेहि देहु जनाई।
जानत तुम्हहि तुम्हइ होइ जाई॥
तुम्हरिहि कृपाँ तुम्हहि रघुनंदन।
जानहिं भगत भगत उर चंदन॥
soi jānai jehi dehu janāī.
jānata tumhahi tumhai hoi jāī..
tumharihi kṛpāṃ tumhahi raghunaṃdana.
jānahiṃ bhagata bhagata ura caṃdana..
592 of 1432
चिदानंदमय देह तुम्हारी।
बिगत बिकार जान अधिकारी॥
नर तनु धरेहु संत सुर काजा।
कहहु करहु जस प्राकृत राजा॥
cidānaṃdamaya deha tumhārī.
bigata bikāra jāna adhikārī..
nara tanu dharehu saṃta sura kājā.
kahahu karahu jasa prākṛta rājā..
593 of 1432
राम देखि सुनि चरित तुम्हारे।
जड़ मोहहिं बुध होहिं सुखारे॥
तुम्ह जो कहहु करहु सबु साँचा।
जस काछिअ तस चाहिअ नाचा॥
rāma dekhi suni carita tumhāre.
jaṛa mohahiṃ budha hohiṃ sukhāre..
tumha jo kahahu karahu sabu sāṃcā.
jasa kāchia tasa cāhia nācā..
594 of 1432
दो०— पूँछेहु मोहि कि रहौं कहँ मैं पूँछत सकुचाउँ।
जहँ न होहु तहँ देहु कहि तुम्हहि देखावौं ठाउँ ॥ १२७॥
do.— pūṃchehu mohi ki rahauṃ kahaṃ maiṃ pūṃchata sakucāuṃ.
jahaṃ na hohu tahaṃ dehu kahi tumhahi dekhāvauṃ ṭhāuṃ.. (127)
595 of 1432
सुनि मुनि बचन प्रेम रस साने।
सकुचि राम मन महुँ मुसुकाने॥
बालमीकि हँसि कहहिं बहोरी।
बानी मधुर अमिअ रस बोरी॥
suni muni bacana prema rasa sāne.
sakuci rāma mana mahuṃ musukāne..
bālamīki haṃsi kahahiṃ bahorī.
bānī madhura amia rasa borī..
596 of 1432
सुनहु राम अब कहउँ निकेता।
जहाँ बसहु सिय लखन समेता॥
जिन्ह के श्रवन समुद्र समाना।
कथा तुम्हारि सुभग सरि नाना॥
sunahu rāma aba kahauṃ niketā.
jahāṃ basahu siya lakhana sametā..
jinha ke śravana samudra samānā.
kathā tumhāri subhaga sari nānā..
597 of 1432
भरहिं निरंतर होहिं न पूरे।
तिन्ह के हिय तुम्ह कहुँ गृह रूरे॥
लोचन चातक जिन्ह करि राखे।
रहहिं दरस जलधर अभिलाषे॥
bharahiṃ niraṃtara hohiṃ na pūre.
tinha ke hiya tumha kahuṃ gṛha rūre..
locana cātaka jinha kari rākhe.
rahahiṃ darasa jaladhara abhilāṣe..
598 of 1432
निदरहिं सरित सिंधु सर भारी।
रूप बिंदु जल होहिं सुखारी॥
तिन्ह कें हृदय सदन सुखदायक।
बसहु बंधु सिय सह रघुनायक॥
nidarahiṃ sarita siṃdhu sara bhārī.
rūpa biṃdu jala hohiṃ sukhārī..
tinha keṃ hṛdaya sadana sukhadāyaka.
basahu baṃdhu siya saha raghunāyaka..
599 of 1432
दो०—जसु तुम्हार मानस बिमल हंसिनि जीहा जासु।
मुकताहल गुन गन चुनइ राम बसहु हियँ तासु ॥ १२८॥
do.—jasu tumhāra mānasa bimala haṃsini jīhā jāsu.
muktāhala guna gana cunai rāma basahu hiyaṃ tāsu.. (128)
600 of 1432
प्रभु प्रसाद सुचि सुभग सुबासा।
सादर जासु लहइ नित नासा॥
तुम्हहि निबेदित भोजन करहीं।
प्रभु प्रसाद पट भूषन धरहीं॥
prabhu prasāda suci subhaga subāsā.
sādara jāsu lahai nita nāsā..
tumhahi nibedita bhojana karahīṃ.
prabhu prasāda paṭa bhūṣana dharahīṃ..
601 of 1432
सीस नवहिं सुर गुरु द्विज देखी।
प्रीति सहित करि बिनय बिसेषी॥
कर नित करहिं राम पद पूजा।
राम भरोस हृदयँ नहिं दूजा॥
sīsa navahiṃ sura guru dvija dekhī.
prīti sahita kari binaya biseṣī..
kara nita karahiṃ rāma pada pūjā.
rāma bharosa hṛdayaṃ nahiṃ dūjā..
602 of 1432
चरन राम तीरथ चलि जाहीं।
राम बसहु तिन्ह के मन माहीं॥
मंत्रराजु नित जपहिं तुम्हारा।
पूजहिं तुम्हहि सहित परिवारा॥
carana rāma tīratha cali jāhīṃ.
rāma basahu tinha ke mana māhīṃ..
maṃtrarāju nita japahiṃ tumhārā.
pūjahiṃ tumhahi sahita parivārā..
603 of 1432
तरपन होम करहिं बिधि नाना।
बिप्र जेवाँइ देहिं बहु दाना॥
तुम्ह तें अधिक गुरहि जियँ जानी।
सकल भायँ सेवहिं सनमानी॥
tarapana homa karahiṃ bidhi nānā.
bipra jevāṃi dehiṃ bahu dānā..
tumha teṃ adhika gurahi jiyaṃ jānī.
sakala bhāyaṃ sevahiṃ sanamānī..
604 of 1432
दो०—सबु करि मागहिं एक फलु राम चरन रति होउ।
तिन्ह कें मन मंदिर बसहु सिय रघुनंदन दोउ ॥ १२९॥
do.—sabu kari māgahiṃ eka phalu rāma carana rati hou.
tinha keṃ mana maṃdira basahu siya raghunaṃdana dou.. (129)
605 of 1432
काम कोह मद मान न मोहा।
लोभ न छोभ न राग न द्रोहा॥
जिन्ह कें कपट दंभ नहिं माया।
तिन्ह कें हृदय बसहु रघुराया॥
kāma koha mada māna na mohā,
lobha na chobha na rāga na drohā.
jinha kẽ kapaṭa dambha nahiṃ māyā,
tinha kẽ hṛdaya basahu raghurāyā.
606 of 1432
सब कें प्रिय सब के हितकारी।
दुख सुख सरिस प्रसंसा गारी॥
कहहिं सत्य प्रिय बचन बिचारी।
जागत सोवत सरन तुम्हारी॥
saba kẽ priya saba ke hitakārī,
dukha sukha sarisa prasaṃsā gārī.
kahahiṃ satya priya bachana bichārī,
jāgata sovata sarana tumhārī.
607 of 1432
तुम्हहि छाड़ि गति दूसरि नाहीं।
राम बसहु तिन्ह के मन माहीं॥
जननी सम जानहिं परनारी।
धनु पराव बिष तें बिष भारी॥
tumhahi chāṛi gati dūsari nāhīṃ,
rāma basahu tinha ke mana māhīṃ.
jananī sama jānahiṃ paranārī,
dhanu parāva biṣa tẽ biṣa bhārī.
608 of 1432
जे हरषहिं पर संपति देखी।
दुखित होहिं पर बिपति बिसेषी॥
जिन्हहि राम तुम्ह प्रानपिआरे।
तिन्ह के मन सुभ सदन तुम्हारे॥
je haraṣahiṃ para saṃpati dekhī,
dukhita hohiṃ para bipati biseṣī.
jinhahi rāma tumha prānapiāre,
tinha ke mana subha sadana tumhāre.
609 of 1432
दो०— स्वामि सखा पितु मातु गुर जिन्ह के सब तुम्ह तात।
मन मंदिर तिन्ह कें बसहु सीय सहित दोउ भ्रात ॥ १३०॥
svāmi sakhā pitu mātu gura jinha ke saba tumha tāta,
mana maṃdira tinha kẽ basahu sīya sahita dou bhrāta. (130)
610 of 1432
अवगुन तजि सब के गुन गहहीं।
बिप्र धेनु हित संकट सहहीं॥
नीति निपुन जिन्ह कइ जग लीका।
घर तुम्हार तिन्ह कर मनु नीका॥
avaguna taji saba ke guna gahahīṃ,
bipra dhenu hita saṃkaṭa sahahīṃ.
nīti nipuna jinha kai jaga līkā,
ghara tumhāra tinha kara manu nīkā.
611 of 1432
गुन तुम्हार समुझइ निज दोसा।
जेहि सब भाँति तुम्हार भरोसा॥
राम भगत प्रिय लागहिं जेही।
तेहि उर बसहु सहित बैदेही॥
guna tumhāra samujhai nija dosā,
jehi saba bhāṃti tumhāra bharosā.
rāma bhagata priya lāgahiṃ jehī,
tehi ura basahu sahita baidehī.
612 of 1432
जाति पाँति धनु धरमु बड़ाई।
प्रिय परिवार सदन सुखदाई॥
सब तजि तुम्हहि रहइ उर लाई।
तेहि कें हृदयँ रहहु रघुराई॥
jāti pāṃti dhanu dharamu baṛāī,
priya parivāra sadana sukhadāī.
saba taji tumhahi rahai ura lāī,
tehi kẽ hṛdayã rahahu raghurāī.
613 of 1432
सरगु नरकु अपबरगु समाना।
जहँ तहँ देख धरें धनु बाना॥
करम बचन मन राउर चेरा।
राम करहु तेहि कें उर डेरा॥
saragu naraku apabaragu samānā,
jahã tahã dekha dharẽ dhanu bānā.
karama bachana mana rāura cherā,
rāma karahu tehi kẽ ura ḍerā.
614 of 1432
दो०—जाहि न चाहिअ कबहुँ कछु तुम्ह सन सहज सनेहु।
बसहु निरंतर तासु मन सो राउर निज गेहु ॥ १३१॥
jāhi na chāhia kabahũ kachu tumha sana sahaja sanehu,
basahu niraṃtara tāsu mana so rāura nija gehu. (131)
615 of 1432
एहि बिधि मुनिबर भवन देखाए।
बचन सप्रेम राम मन भाए॥
कह मुनि सुनहु भानुकुलनायक।
आश्रम कहउँ समय सुखदायक॥
ehi bidhi munibara bhavana dekhāe,
bachana saprema rāma mana bhāe.
kaha muni sunahu bhānukulanāyaka,
āśrama kahaũ samaya sukhadāyaka.
616 of 1432
चित्रकूट गिरि करहु निवासू।
तहँ तुम्हार सब भाँति सुपासू॥
सैलु सुहावन कानन चारू।
करि केहरि मृग बिहग बिहारू॥
citrakūṭa giri karahu nivāsū,
tahã tumhāra saba bhāṃti supāsū.
sailu suhāvana kānana cārū,
kari kehari mṛga bihaga bihārū.
617 of 1432
नदी पुनीत पुरान बखानी।
अत्रिप्रिया निज तप बल आनी॥
सुरसरि धार नाउँ मंदाकिनि।
जो सब पातक पोतक डाकिनि॥
nadī punīta purāna bakhānī,
atripriyā nija tapa bala ānī.
surasari dhāra nāũ maṃdākini,
jo saba pātaka potaka ḍākini.
618 of 1432
अत्रि आदि मुनिबर बहु बसहीं।
करहिं जोग जप तप तन कसहीं॥
चलहु सफल श्रम सब कर करहू।
राम देहु गौरव गिरिबरहू॥
atri ādi munibara bahu basahīṃ,
karahiṃ joga japa tapa tana kasahīṃ.
calahu saphala śrama saba kara karahū,
rāma dehu gaurava giribarahū.
619 of 1432
दो०—चित्रकूट महिमा अमित कही महामुनि गाइ।
आइ नहाए सरित बर सिय समेत दोउ भाइ ॥ १३२॥
citrakūṭa mahimā amita kahī mahāmuni gāi,
āi nahāe sarita bara siya sameta dou bhāi. (132)
620 of 1432
रघुबर कहेउ लखन भल घाटू।
करहु कतहुँ अब ठाहर ठाटू॥
लखन दीख पय उतर करारा।
चहुँ दिसि फिरेउ धनुष जिमि नारा॥
raghubara kaheu lakhana bhala ghāṭū,
karahu katahũ aba ṭhāhara ṭhāṭū.
lakhana dīkha paya utara karārā,
cahũ disi phireu dhanuṣa jimi nārā.
621 of 1432
नदी पनच सर सम दम दाना।
सकल कलुष कलि साउज नाना॥
चित्रकूट जनु अचल अहेरी।
चुकइ न घात मार मुठभेरी॥
nadī panaca sara sama dama dānā,
sakala kaluṣa kali sāuja nānā.
citrakūṭa janu acala aherī,
cukai na ghāta māra muṭhabherī.
622 of 1432
अस कहि लखन ठाउँ देखरावा।
थलु बिलोकि रघुबर सुखु पावा॥
रमेउ राम मनु देवन्ह जाना।
चले सहित सुर थपति प्रधाना॥
asa kahi lakhana ṭhāũ dekharāvā,
thalu biloki raghubara sukhu pāvā.
rameu rāma manu devanha jānā,
cale sahita sura thapati pradhānā.
623 of 1432
कोल किरात बेष सब आए।
रचे परन तृन सदन सुहाए॥
बरनि न जाहिं मंजु दुइ साला।
एक ललित लघु एक बिसाला॥
kola kirāta beṣa saba āe,
race parana tṛna sadana suhāe.
barani na jāhiṃ maṃju dui sālā,
eka lalita laghu eka bisālā.
624 of 1432
दो०—लखन जानकी सहित प्रभु राजत रुचिर निकेत।
सोह मदनु मुनि बेष जनु रति रितुराज समेत ॥ १३३॥
lakhana jānakī sahita prabhu rājata rucira niketa,
soha madanu muni beṣa janu rati riturāja sameta. (133)
625 of 1432
अमर नाग किंनर दिसिपाला।
चित्रकूट आए तेहि काला॥
राम प्रनामु कीन्ह सब काहू।
मुदित देव लहि लोचन लाहू॥
amara nāga kiṃnara disipālā,
citrakūṭa āe tehi kālā.
rāma pranāmu kīnha saba kāhū,
mudita deva lahi locana lāhū.
626 of 1432
बरषि सुमन कह देव समाजू।
नाथ सनाथ भए हम आजू॥
करि बिनती दुख दुसह सुनाए।
हरषित निज निज सदन सिधाए॥
baraṣi sumana kaha deva samājū,
nātha sanātha bhae hama ājū.
kari binatī dukha dusaha sunāe,
haraṣita nija nija sadana sidhāe.
627 of 1432
चित्रकूट रघुनंदनु छाए।
समाचार सुनि सुनि मुनि आए॥
आवत देखि मुदित मुनिबृंदा।
कीन्ह दंडवत रघुकुल चंदा॥
citrakūṭa raghunaṃdanu chāe,
samācāra suni suni muni āe.
āvata dekhi mudita munibṛṃdā,
kīnha daṃḍavata raghukula caṃdā.
628 of 1432
मुनि रघुबरहि लाइ उर लेहीं।
सुफल होन हित आसिष देहीं॥
सिय सौमित्रि राम छबि देखहिं।
साधन सकल सफल करि लेखहिं॥
muni raghubarahi lāi ura lehīṃ,
suphala hona hita āsiṣa dehīṃ.
siya saumitri rāma chabi dekhahiṃ,
sādhana sakala saphala kari lekhahiṃ.
629 of 1432
दो०—जथाजोग सनमानि प्रभु बिदा किए मुनिबृंद।
करहिं जोग जप जाग तप निज आश्रमन्हि सुछंद ॥ १३४॥
jathājoga sanamāni prabhu bidā kie munibṛṃda,
karahiṃ joga japa jāga tapa nija āśramanhi suchaṃda. (134)
630 of 1432
यह सुधि कोल किरातन्ह पाई।
हरषे जनु नव निधि घर आई॥
कंद मूल फल भरि भरि दोना।
चले रंक जनु लूटन सोना॥
yaha sudhi kola kirātanha pāī,
haraṣe janu nava nidhi ghara āī.
kaṃda mūla phala bhari bhari donā,
cale raṃka janu lūṭana sonā.
631 of 1432
तिन्ह महँ जिन्ह देखे दोउ भ्राता।
अपर तिन्हहि पूँछहिं मगु जाता॥
कहत सुनत रघुबीर निकाई।
आइ सबन्हि देखे रघुराई॥
tinha mahã jinha dekhe dou bhrātā,
apara tinhahi pūṃchahiṃ magu jātā.
kahata sunata raghubīra nikāī,
āi sabanhi dekhe raghurāī.
632 of 1432
करहिं जोहारु भेंट धरि आगे।
प्रभुहि बिलोकहिं अति अनुरागे॥
चित्र लिखे जनु जहँ तहँ ठाढ़े।
पुलक सरीर नयन जल बाढ़े॥
karahiṃ johāru bheṃṭa dhari āge,
prabhuhi bilokahiṃ ati anurāge.
citra likhe janu jahã tahã ṭhāṛhe,
pulaka sarīra nayana jala bāṛhe.
633 of 1432
राम सनेह मगन सब जाने।
कहि प्रिय बचन सकल सनमाने॥
प्रभुहि जोहारि बहोरि बहोरी।
बचन बिनीत कहहिं कर जोरी॥
rāma saneha magana saba jāne,
kahi priya bachana sakala sanamāne.
prabhuhi johāri bahori bahorī,
bachana binīta kahahiṃ kara jorī.
634 of 1432
दो०—अब हम नाथ सनाथ सब भए देखि प्रभु पाय।
भाग हमारें आगमनु राउर कोसलराय ॥ १३५॥
aba hama nātha sanātha saba bhae dekhi prabhu pāya,
bhāga hamārẽ āgamanu rāura kosalarāya. (135)
635 of 1432
धन्य भूमि बन पंथ पहारा।
जहँ जहँ नाथ पाउ तुम्ह धारा॥
धन्य बिहग मृग काननचारी।
सफल जनम भए तुम्हहि निहारी॥
dhanya bhūmi bana paṃtha pahārā,
jahã jahã nātha pāu tumha dhārā.
dhanya bihaga mṛga kānanacārī,
saphala janama bhae tumhahi nihārī.
636 of 1432
हम सब धन्य सहित परिवारा।
दीख दरसु भरि नयन तुम्हारा॥
कीन्ह बासु भल ठाउँ बिचारी।
इहाँ सकल रितु रहब सुखारी॥
hama saba dhanya sahita parivārā,
dīkha darasu bhari nayana tumhārā.
kīnha bāsu bhala ṭhāũ bicārī,
ihāṃ sakala ritu rahaba sukhārī.
637 of 1432
हम सब भाँति करब सेवकाई।
करि केहरि अहि बाघ बराई॥
बन बेहड़ गिरि कंदर खोहा।
सब हमार प्रभु पग पग जोहा॥
hama saba bhāṃti karaba sevakāī,
kari kehari ahi bāgha barāī.
bana behaṛa giri kaṃdara khohā,
saba hamāra prabhu paga paga johā.
638 of 1432
तहँ तहँ तुम्हहि अहेर खेलाउब।
सर निरझर जलठाउँ देखाउब॥
हम सेवक परिवार समेता।
नाथ न सकुचब आयसु देता॥
tahã tahã tumhahi ahera khelāuba,
sara nirajhara jalaṭhāũ dekhāuba.
hama sevaka parivāra sametā,
nātha na sakucaba āyasu detā.
639 of 1432
दो०—बेद बचन मुनि मन अगम ते प्रभु करुना ऐन।
बचन किरातन्ह के सुनत जिमि पितु बालक बैन ॥ १३६॥
beda bachana muni mana agama te prabhu karunā aina,
bachana kirātanha ke sunata jimi pitu bālaka baina. (136)
640 of 1432
रामहि केवल प्रेमु पिआरा।
जानि लेउ जो जाननिहारा॥
राम सकल बनचर तब तोषे।
कहि मृदु बचन प्रेम परिपोषे॥
rāmahi kevala premu piārā,
jāni leu jo jāananihārā.
rāma sakala banacara taba toṣe,
kahi mṛdu bachana prema paripoṣe.
641 of 1432
बिदा किए सिर नाइ सिधाए।
प्रभु गुन कहत सुनत घर आए॥
एहि बिधि सिय समेत दोउ भाई।
बसहिं बिपिन सुर मुनि सुखदाई॥
bidā kie sira nāi sidhāe,
prabhu guna kahata sunata ghara āe.
ehi bidhi siya sameta dou bhāī,
basahiṃ bipina sura muni sukhadāī.
642 of 1432
जब तें आइ रहे रघुनायकु।
तब तें भयउ बनु मंगलदायकु॥
फूलहिं फलहिं बिटप बिधि नाना।
मंजु बलित बर बेलि बिताना॥
jaba tẽ āi rahe raghunāyaku,
taba tẽ bhayau banu maṃgaladāyaku.
phūlahiṃ phalahiṃ biṭapa bidhi nānā,
maṃju balita bara beli bitānā.
643 of 1432
सुरतरु सरिस सुभायँ सुहाए।
मनहुँ बिबुध बन परिहरि आए॥
गुंज मंजुतर मधुकर श्रेनी।
त्रिबिध बयारि बहइ सुख देनी॥
surataru sarisa subhāyã suhāe,
manahũ bibudha bana parihari āe.
guṃja maṃjutara madhukara śrenī,
tribidha bayāri bahai sukha denī.
644 of 1432
दो०—नीलकंठ कलकंठ सुक चातक चक्क चकोर।
भाँति भाँति बोलहिं बिहग श्रवन सुखद चित चोर ॥ १३७॥
nīlakaṃṭha kalakaṃṭha suka cātaka cakka cakora,
bhāṃti bhāṃti bolahiṃ bihaga śravana sukhada cita cora. (137)
645 of 1432
करि केहरि कपि कोल कुरंगा।
बिगतबैर बिचरहिं सब संगा॥
फिरत अहेर राम छबि देखी।
होहिं मुदित मृगबृंद बिसेषी॥
kari kehari kapi kola kuraṃgā,
bigatabaira bicarahiṃ saba saṃgā.
phirata ahera rāma chabi dekhī,
hohiṃ mudita mṛgabṛṃda biseṣī.
646 of 1432
बिबुध बिपिन जहँ लगि जग माहीं।
देखि रामबनु सकल सिहाहीं॥
सुरसरि सरसइ दिनकर कन्या।
मेकलसुता गोदावरि धन्या॥
bibudha bipina jahã lagi jaga māhīṃ,
dekhi rāmabanu sakala sihāhīṃ.
surasari sarasai dinakara kanyā,
mekalasutā godāvari dhanyā.
647 of 1432
सब सर सिंधु नदीं नद नाना।
मंदाकिनि कर करहिं बखाना॥
उदय अस्त गिरि अरु कैलासू।
मंदर मेरु सकल सुरबासू॥
saba sara siṃdhu nadīṃ nada nānā,
maṃdākini kara karahiṃ bakhānā.
udaya asta giri aru kailāsū,
maṃdara meru sakala surabāsū.
648 of 1432
सैल हिमाचल आदिक जेते।
चित्रकूट जसु गावहिं तेते॥
बिंधि मुदित मन सुख न समाई।
श्रम बिनु बिपुल बड़ाई पाई॥
saila himācala ādika jete,
citrakūṭa jasu gāvahiṃ tete.
biṃdhi mudita mana sukha na samāī,
śrama binu bipula baṛāī pāī.
649 of 1432
दो०—चित्रकूट के बिहग मृग बेलि बिटप तृन जाति।
पुन्य पुंज सब धन्य अस कहहिं देव दिन राति ॥ १३८॥
citrakūṭa ke bihaga mṛga beli biṭapa tṛna jāti,
punya puṃja saba dhanya asa kahahiṃ deva dina rāti. (138)
650 of 1432
नयनवंत रघुबरहि बिलोकी।
पाइ जनम फल होहिं बिसोकी॥
परसि चरन रज अचर सुखारी।
भए परम पद के अधिकारी॥
nayanavaṃta raghubarahi bilokī,
pāi janama phala hohiṃ bisokī.
parasi carana raja acara sukhārī,
bhae parama pada ke adhikārī.
651 of 1432
सो बनु सैलु सुभायँ सुहावन।
मंगलमय अति पावन पावन॥
महिमा कहिअ कवनि बिधि तासू।
सुखसागर जहँ कीन्ह निवासू॥
so banu sailu subhāyã suhāvana,
maṃgalamaya ati pāvana pāvana.
mahimā kahia kavani bidhi tāsū,
sukhasāgara jahã kīnha nivāsū.
652 of 1432
पय पयोधि तजि अवध बिहाई।
जहँ सिय लखनु रामु रहे आई॥
कहि न सकहिं सुषमा जसि कानन।
जौं सत सहस होहिं सहसानन॥
paya payodhi taji avadha bihāī,
jahã siya lakhanu rāmu rahe āī.
kahi na sakahiṃ suṣamā jasi kānana,
jaũ sata sahasa hohiṃ sahasānana.
653 of 1432
सो मैं बरनि कहौं बिधि केहीं।
डाबर कमठ कि मंदर लेहीं॥
सेवहिं लखनु करम मन बानी।
जाइ न सीलु सनेहु बखानी॥
so maĩ barani kahaũ bidhi kehīṃ,
ḍābara kamaṭha ki maṃdara lehīṃ.
sevahiṃ lakhanu karama mana bānī,
jāi na sīlu sanehu bakhānī.
654 of 1432
दो०—छिनु छिनु लखि सिय राम पद जानि आपु पर नेहु।
करत न सपनेहुँ लखनु चितु बंधु मातु पितु गेहु ॥ १३९॥
chinu chinu lakhi siya rāma pada jāni āpu para nehu,
karata na sapanehũ lakhanu citu baṃdhu mātu pitu gehu. (139)
655 of 1432
राम संग सिय रहति सुखारी।
पुर परिजन गृह सुरति बिसारी॥
छिनु छिनु पिय बिधु बदनु निहारी।
प्रमुदित मनहुँ चकोरकुमारी॥
rāma saṃga siya rahati sukhārī,
pura parijana gṛha surati bisārī.
chinu chinu piya bidhu badanu nihārī,
pramudita manahũ cakorakumārī.
656 of 1432
नाह नेहु नित बढ़त बिलोकी।
हरषित रहति दिवस जिमि कोकी॥
सिय मनु राम चरन अनुरागा।
अवध सहस सम बनु प्रिय लागा॥
nāha nehu nita baṛhata bilokī,
haraṣita rahati divasa jimi kokī.
siya manu rāma carana anurāgā,
avadha sahasa sama banu priya lāgā.
657 of 1432
परनकुटी प्रिय प्रियतम संगा।
प्रिय परिवारु कुरंग बिहंगा॥
सासु ससुर सम मुनितिय मुनिबर।
असनु अमिअ सम कंद मूल फर॥
paranakuṭī priya priyatama saṃgā,
priya parivāru kuraṃga bihaṃgā.
sāsu sasura sama munitiya munibara,
asanu amia sama kaṃda mūla phara.
658 of 1432
नाथ साथ साँथरी सुहाई।
मयन सयन सय सम सुखदाई॥
लोकप होहिं बिलोकत जासू।
तेहि कि मोहि सक बिषय बिलासू॥
nātha sātha sāṃtharī suhāī,
mayana sayana saya sama sukhadāī.
lokapa hohiṃ bilokata jāsū,
tehi ki mohi saka biṣaya bilāsū.
659 of 1432
दो०—सुमिरत रामहि तजहिं जन तृन सम बिषय बिलासु।
रामप्रिया जग जननि सिय कछु न आचरजु तासु ॥ १४०॥
sumirata rāmahi tajahiṃ jana tṛna sama biṣaya bilāsu,
rāmapriyā jaga janani siya kachu na ācaraju tāsu. (140)
660 of 1432
सीय लखन जेहि बिधि सुखु लहहीं।
सोइ रघुनाथ करहिं सोइ कहहीं॥
कहहिं पुरातन कथा कहानी।
सुनहिं लखनु सिय अति सुखु मानी॥
sīya lakhana jehi bidhi sukhu lahahīṃ,
soi raghunātha karahiṃ soi kahahīṃ.
kahahiṃ purātana kathā kahānī,
sunahiṃ lakhanu siya ati sukhu mānī.
661 of 1432
जब जब रामु अवध सुधि करहीं।
तब तब बारि बिलोचन भरहीं॥
सुमिरि मातु पितु परिजन भाई।
भरत सनेहु सीलु सेवकाई॥
jaba jaba rāmu avadha sudhi karahīṃ,
taba taba bāri bilocana bharahīṃ.
sumiri mātu pitu parijana bhāī,
bharata sanehu sīlu sevakāī.
662 of 1432
कृपासिंधु प्रभु होहिं दुखारी।
धीरजु धरहिं कुसमउ बिचारी॥
लखि सिय लखनु बिकल होइ जाहीं।
जिमि पुरुषहि अनुसर परिछाहीं॥
kṛpāsiṃdhu prabhu hohiṃ dukhārī,
dhīraju dharahiṃ kusamau bicārī.
lakhi siya lakhanu bikala hoi jāhīṃ,
jimi puruṣahi anusara parichāhīṃ.
663 of 1432
प्रिया बंधु गति लखि रघुनंदनु।
धीर कृपाल भगत उर चंदनु॥
लगे कहन कछु कथा पुनीता।
सुनि सुखु लहहिं लखनु अरु सीता॥
priyā baṃdhu gati lakhi raghunaṃdanu,
dhīra kṛpāla bhagata ura caṃdanu.
lage kahana kachu kathā punītā,
suni sukhu lahahiṃ lakhanu aru sītā.
664 of 1432
दो०—रामु लखन सीता सहित सोहत परन निकेत।
जिमि बासव बस अमरपुर सची जयंत समेत ॥ १४१॥
rāmu lakhana sītā sahita sohata parana niketa,
jimi bāsava basa amarapura sacī jayaṃta sameta. (141)
665 of 1432
जोगवहिं प्रभु सिय लखनहि कैसें।
पलक बिलोचन गोलक जैसें॥
सेवहिं लखनु सीय रघुबीरहि।
जिमि अबिबेकी पुरुष सरीरहि॥
jogavahiṃ prabhu siya lakhanahi kaisẽ,
palaka bilocana golaka jaisẽ.
sevahiṃ lakhanu sīya raghubīrahi,
jimi abibekī puruṣa sarīrahi.
666 of 1432
एहि बिधि प्रभु बन बसहिं सुखारी।
खग मृग सुर तापस हितकारी॥
कहेउँ राम बन गवनु सुहावा।
सुनहु सुमंत्र अवध जिमि आवा॥
ehi bidhi prabhu bana basahiṃ sukhārī,
khaga mṛga sura tāpasa hitakārī.
kaheũ rāma bana gavanu suhāvā,
sunahu sumaṃtra avadha jimi āvā.
667 of 1432
फिरेउ निषादु प्रभुहि पहुँचाई।
सचिव सहित रथ देखेसि आई॥
मंत्री बिकल बिलोकि निषादू।
कहि न जाइ जस भयउ बिषादू॥
phireu niṣādu prabhuhi pahũcāī,
saciva sahita ratha dekhesi āī.
maṃtrī bikala biloki niṣādū,
kahi na jāi jasa bhayau biṣādū.
668 of 1432
राम राम सिय लखन पुकारी।
परेउ धरनितल ब्याकुल भारी॥
देखि दखिन दिसि हय हिहिनाहीं।
जनु बिनु पंख बिहग अकुलाहीं॥
rāma rāma siya lakhana pukārī,
pareu dharanitala byākula bhārī.
dekhi dakhina disi haya hihināhīṃ,
janu binu paṃkha bihaga akulāhīṃ.
669 of 1432
दो०—नहिं तृन चरहिं न पिअहिं जलु मोचहिं लोचन बारि।
ब्याकुल भए निषाद सब रघुबर बाजि निहारि ॥ १४२॥
nahiṃ tṛna carahiṃ na piahiṃ jalu mocahiṃ locana bāri,
byākula bhae niṣāda saba raghubara bāji nihāri. (142)
670 of 1432
धरि धीरजु तब कहइ निषादू।
अब सुमंत्र परिहरहु बिषादू॥
तुम्ह पंडित परमारथ ग्याता।
धरहु धीर लखि बिमुख बिधाता॥
dhari dhīraju taba kahai niṣādū,
aba sumaṃtra pariharahu biṣādū.
tumha paṃḍita paramāratha gyātā,
dharahu dhīra lakhi bimukha bidhātā.
671 of 1432
बिबिधि कथा कहि कहि मृदु बानी।
रथ बैठारेउ बरबस आनी॥
सोक सिथिल रथु सकइ न हाँकी।
रघुबर बिरह पीर उर बाँकी॥
bibidhi kathā kahi kahi mṛdu bānī,
ratha baiṭhāreu barabasa ānī.
soka sithila rathu sakai na hāṃkī,
raghubara biraha pīra ura bāṃkī.
672 of 1432
चरफराहिं मग चलहिं न घोरे।
बन मृग मनहुँ आनि रथ जोरे॥
अढ़ुकि परहिं फिरि हेरहिं पीछें।
राम बियोगि बिकल दुख तीछें॥
carapharāhiṃ maga calahiṃ na ghore,
bana mṛga manahũ āni ratha jore.
aṛhuki parahiṃ phiri herahiṃ pīchẽ,
rāma biyogi bikala dukha tīchẽ.
673 of 1432
जो कह रामु लखनु बैदेही।
हिंकरि हिंकरि हित हेरहिं तेही॥
बाजि बिरह गति कहि किमि जाती।
बिनु मनि फनिक बिकल जेहि भाँती॥
jo kaha rāmu lakhanu baidehī,
hiṃkari hiṃkari hita herahiṃ tehī.
bāji biraha gati kahi kimi jātī,
binu mani phanika bikala jehi bhāṃtī.
674 of 1432
दो०—भयउ निषादु बिषादबस देखत सचिव तुरंग।
बोलि सुसेवक चारि तब दिए सारथी संग ॥ १४३॥
bhayau niṣādu biṣādabasa dekhata saciva turaṃga,
boli susevaka cāri taba die sārathī saṃga. (143)
675 of 1432
गुह सारथिहि फिरेउ पहुँचाई।
बिरहु बिषादु बरनि नहिं जाई॥
चले अवध लेइ रथहि निषादा।
होहिं छनहिं छन मगन बिषादा॥
guha sārathihi phireu pahũcāī,
birahu biṣādu barani nahiṃ jāī.
cale avadha lei rathahi niṣādā,
hohiṃ chanahiṃ chana magana biṣādā.
676 of 1432
सोच सुमंत्र बिकल दुख दीना।
धिग जीवन रघुबीर बिहीना॥
रहिहि न अंतहुँ अधम सरीरू।
जसु न लहेउ बिछुरत रघुबीरू॥
soca sumaṃtra bikala dukha dīnā,
dhiga jīvana raghubīra bihīnā.
rahihi na aṃtahũ adhama sarīrū,
jasu na laheu bichurata raghubīrū.
677 of 1432
भए अजस अघ भाजन प्राना।
कवन हेतु नहिं करत पयाना॥
अहह मंद मनु अवसर चूका।
अजहुँ न हृदय होत दुइ टूका॥
bhae ajasa agha bhājana prānā,
kavana hetu nahiṃ karata payānā.
ahaha maṃda manu avasara cūkā,
ajahũ na hṛdaya hota dui ṭūkā.
678 of 1432
मीजि हाथ सिरु धुनि पछिताई।
मनहुँ कृपन धन रासि गवाँई॥
बिरिद बाँधि बर बीरु कहाई।
चलेउ समर जनु सुभट पराई॥
mīji hātha siru dhuni pachitāī,
manahũ kṛpana dhana rāsi gavāṃī.
birida bāṃdhi bara bīru kahāī,
caleu samara janu subhaṭa parāī.
679 of 1432
दो०—बिप्र बिबेकी बेदबिद संमत साधु सुजाति।
जिमि धोखें मदपान कर सचिव सोच तेहि भाँति ॥ १४४॥
bipra bibekī bedabida saṃmata sādhu sujāti,
jimi dhokhẽ madapāna kara saciva soca tehi bhāṃti. (144)
680 of 1432
जिमि कुलीन तिय साधु सयानी।
पतिदेवता करम मन बानी॥
रहै करम बस परिहरि नाहू।
सचिव हृदयँ तिमि दारुन दाहू॥
jimi kulīna tiya sādhu sayānī,
patidevatā karama mana bānī.
rahai karama basa parihari nāhū,
saciva hṛdayã timi dāruna dāhū.
681 of 1432
लोचन सजल डीठि भइ थोरी।
सुनइ न श्रवन बिकल मति भोरी॥
सूखहिं अधर लागि मुहँ लाटी।
जिउ न जाइ उर अवधि कपाटी॥
locana sajala ḍīṭhi bhai thorī,
sunai na śravana bikala mati bhorī.
sūkhahiṃ adhara lāgi muhã lāṭī,
jiu na jāi ura avadhi kapāṭī.
682 of 1432
बिबरन भयउ न जाइ निहारी।
मारेसि मनहुँ पिता महतारी॥
हानि गलानि बिपुल मन ब्यापी।
जमपुर पंथ सोच जिमि पापी॥
bibarana bhayau na jāi nihārī,
māresi manahũ pitā mahatārī.
hāni galāni bipula mana byāpī,
jamapura paṃtha soca jimi pāpī.
683 of 1432
बचनु न आव हृदयँ पछिताई।
अवध काह मैं देखब जाई॥
राम रहित रथ देखिहि जोई।
सकुचिहि मोहि बिलोकत सोई॥
bachanu na āva hṛdayã pachitāī,
avadha kāha maĩ dekhaba jāī.
rāma rahita ratha dekhihi joī,
sakucihi mohi bilokata soī.
684 of 1432
दो०—धाइ पूँछिहहिं मोहि जब बिकल नगर नर नारि।
उतरु देब मैं सबहि तब हृदयँ बज्रु बैठारि ॥ १४५॥
dhāi pūṃchihahiṃ mohi jaba bikala nagara nara nāri,
utaru deba maĩ sabahi taba hṛdayã bajru baiṭhāri. (145)
685 of 1432
पुछिहहिं दीन दुखित सब माता।
कहब काह मैं तिन्हहि बिधाता॥
पूछिहि जबहिं लखन महतारी।
कहिहउँ कवन सँदेस सुखारी॥
puchihahiṃ dīna dukhita saba mātā,
kahaba kāha maĩ tinhahi bidhātā.
pūchihi jabahiṃ lakhana mahatārī,
kahihaũ kavana sãdesa sukhārī.
686 of 1432
राम जननि जब आइहि धाई।
सुमिरि बच्छु जिमि धेनु लवाई॥
पूँछत उतरु देब मैं तेही।
गे बनु राम लखनु बैदेही॥
rāma janani jaba āihi dhāī,
sumiri bacchu jimi dhenu lavāī.
pūṃchata utaru deba maĩ tehī,
ge banu rāma lakhanu baidehī.
687 of 1432
जोइ पूँछिहि तेहि उतरु देबा।
जाइ अवध अब यहु सुखु लेबा॥
पूँछिहि जबहिं राउ दुख दीना।
जिवनु जासु रघुनाथ अधीना॥
joi pūṃchihi tehi utaru debā,
jāi avadha aba yahu sukhu lebā.
pūṃchihi jabahiṃ rāu dukha dīnā,
jivanu jāsu raghunātha adhīnā.
688 of 1432
देहउँ उतरु कौनु मुहु लाई।
आयउँ कुसल कुअँर पहुँचाई॥
सुनत लखन सिय राम सँदेसू।
तृन जिमि तनु परिहरिहि नरेसू॥
dehaũ utaru kaunu muhu lāī,
āyaũ kusala kuãra pahũcāī.
sunata lakhana siya rāma sãdesū,
tṛna jimi tanu pariharihi naresū.
689 of 1432
दो०—हृदउ न बिदरेउ पंक जिमि बिछुरत प्रीतमु नीरु।
जानत हौं मोहि दीन्ह बिधि यहु जातना सरीरु ॥ १४६॥
hṛdau na bidareu paṃka jimi bichurata prītamu nīru,
jānata hauṃ mohi dīnha bidhi yahu jātanā sarīru. (146)
690 of 1432
एहि बिधि करत पंथ पछितावा।
तमसा तीर तुरत रथु आवा॥
बिदा किए करि बिनय निषादा।
फिरे पायँ परि बिकल बिषादा॥
ehi bidhi karata paṃtha pachitāvā,
tamasā tīra turata rathu āvā.
bidā kie kari binaya niṣādā,
phire pāyã pari bikala biṣādā.
691 of 1432
पैठत नगर सचिव सकुचाई।
जनु मारेसि गुर बाँभन गाई॥
बैठि बिटप तर दिवसु गवाँवा।
साँझ समय तब अवसरु पावा॥
paiṭhata nagara saciva sakucāī,
janu māresi gura bāṃbhana gāī.
baiṭhi biṭapa tara divasu gavāṃvā,
sāṃjha samaya taba avasaru pāvā.
692 of 1432
अवध प्रबेसु कीन्ह अँधिआरें।
पैठ भवन रथु राखि दुआरें॥
जिन्ह जिन्ह समाचार सुनि पाए।
भूप द्वार रथु देखन आए॥
avadha prabesu kīnha ãdhiārẽ,
paiṭha bhavana rathu rākhi duārẽ.
jinha jinha samācāra suni pāe,
bhūpa dvāra rathu dekhana āe.
693 of 1432
रथु पहिचानि बिकल लखि घोरे।
गरहिं गात जिमि आतप ओरे॥
नगर नारि नर ब्याकुल कैसें।
निघटत नीर मीनगन जैसें॥
rathu pahicāni bikala lakhi ghore,
garahiṃ gāta jimi ātapa ore.
nagara nāri nara byākula kaisẽ,
nighaṭata nīra mīnagana jaisẽ.
694 of 1432
दो०—सचिव आगमनु सुनत सबु बिकल भयउ रनिवासु।
भवनु भयंकरु लाग तेहि मानहुँ प्रेत निवासु ॥ १४७॥
saciva āgamanu sunata sabu bikala bhayau ranivāsu,
bhavanu bhayaṃkaru lāga tehi mānahũ preta nivāsu. (147)
695 of 1432
अति आरति सब पूँछहिं रानी।
उतरु न आव बिकल भइ बानी॥
सुनइ न श्रवन नयन नहिं सूझा।
कहहु कहाँ नृपु तेहि तेहि बूझा॥
ati ārati saba pūṃchahiṃ rānī,
utaru na āva bikala bhai bānī.
sunai na śravana nayana nahiṃ sūjhā,
kahahu kahāṃ nṛpu tehi tehi būjhā.
696 of 1432
दासिन्ह दीख सचिव बिकलाई।
कौसल्या गृहँ गई लवाई॥
जाइ सुमंत्र दीख कस राजा।
अमिअ रहित जनु चंदु बिराजा॥
dāsinha dīkha saciva bikalāī,
kausalyā gṛhã gaī lavāī.
jāi sumaṃtra dīkha kasa rājā,
amia rahita janu caṃdu birājā.
697 of 1432
आसन सयन बिभूषन हीना।
परेउ भूमितल निपट मलीना॥
लेइ उसासु सोच एहि भाँती।
सुरपुर तें जनु खँसेउ जजाती॥
āsana sayana bibhūṣana hīnā.
pareu bhūmitala nipaṭa malīnā.
lei usāsu soca ehi bhāntī.
surapura tẽ janu khãseu jajātī.
698 of 1432
लेत सोच भरि छिनु छिनु छाती।
जनु जरि पंख परेउ संपाती॥
राम राम कह राम सनेही।
पुनि कह राम लखन बैदेही॥
leta soca bhari chinu chinu chātī.
janu jari paṅkha pareu sampātī.
rāma rāma kaha rāma sanehī.
puni kaha rāma lakhana baidehī.
699 of 1432
दो०— देखि सचिवँ जय जीव कहि कीन्हेउ दंड प्रनामु।
सुनत उठेउ ब्याकुल नृपति कहु सुमंत्र कहँ रामु ॥ १४८॥
do.—dekhi sacivã jaya jīva kahi kīnheu daṇḍa pranāmu.
sunata uṭheu byākula nṛpati kahu sumantra kahã rāmu. (148)
700 of 1432
भूप सुमंत्रु लीन्ह उर लाई।
बूड़त कछु अधार जनु पाई॥
सहित सनेह निकट बैठारी।
पूँछत राउ नयन भरि बारी॥
bhūpa sumantru līnha ura lāī.
būṛata kachu adhāra janu pāī.
sahita saneha nikaṭa baiṭhārī.
pūnchata rāu nayana bhari bārī.
701 of 1432
राम कुसल कहु सखा सनेही।
कहँ रघुनाथु लखनु बैदेही॥
आने फेरि कि बनहि सिधाए।
सुनत सचिव लोचन जल छाए॥
rāma kusala kahu sakhā sanehī.
kahã raghunāthu lakhanu baidehī.
āne pheri ki banahi sidhāe.
sunata saciva locana jala chāe.
702 of 1432
सोक बिकल पुनि पूँछ नरेसू।
कहु सिय राम लखन संदेसू॥
राम रूप गुन सील सुभाऊ।
सुमिरि सुमिरि उर सोचत राऊ॥
soka bikala puni pūncha naresū.
kahu siya rāma lakhana sandesū.
rāma rūpa guna sīla subhāū.
sumiri sumiri ura socata rāū.
703 of 1432
राउ सुनाइ दीन्ह बनबासू।
सुनि मन भयउ न हरषु हराँसू॥
सो सुत बिछुरत गए न प्राना।
को पापी बड़ मोहि समाना॥
rāu sunāi dīnha banabāsū.
suni mana bhayau na haraṣu harãsū.
so suta bichurata gae na prānā.
ko pāpī baṛa mohi samānā.
704 of 1432
दो०—सखा रामु सिय लखनु जहँ तहाँ मोहि पहुँचाउ।
नाहिं त चाहत चलन अब प्रान कहउँ सतिभाउ ॥ १४९॥
do.—sakhā rāmu siya lakhanu jahã tahā̃ mohi pahũcāu.
nāhĩ ta cāhata calana aba prāna kahau̐ satibhāu. (149)
705 of 1432
पुनि पुनि पूँछत मंत्रिहि राऊ।
प्रियतम सुअन सँदेस सुनाऊ॥
करहि सखा सोइ बेगि उपाऊ।
रामु लखनु सिय नयन देखाऊ॥
puni puni pūnchata mantrihi rāū.
priyatama suana sãdesa sunāū.
karahi sakhā soi begi upāū.
rāmu lakhanu siya nayana dekhāū.
706 of 1432
सचिव धीर धरि कह मृदु बानी।
महाराज तुम्ह पंडित ग्यानी॥
बीर सुधीर धुरंधर देवा।
साधु समाजु सदा तुम्ह सेवा॥
saciva dhīra dhari kaha mṛdu bānī.
mahārāja tumha paṇḍita gyānī.
bīra sudhīra dhurandhara devā.
sādhu samāju sadā tumha sevā.
707 of 1432
जनम मरन सब दुख सुख भोगा।
हानि लाभु प्रिय मिलन बियोगा॥
काल करम बस होहिं गोसाईं।
बरबस राति दिवस की नाईं॥
janama marana saba dukha sukha bhogā.
hāni lābhu priya milana biyogā.
kāla karama basa hohĩ gosāī̃.
barabasa rāti divasa kī nāī̃.
708 of 1432
सुख हरषहिं जड़ दुख बिलखाहीं।
दोउ सम धीर धरहिं मन माहीं॥
धीरज धरहु बिबेकु बिचारी।
छाड़िअ सोच सकल हितकारी॥
sukha haraṣahĩ jaṛa dukha bilakhāhī̃.
dou sama dhīra dharahĩ mana māhī̃.
dhīraja dharahu bibeku bicārī.
chāṛia soca sakala hitakārī.
709 of 1432
दो०— प्रथम बासु तमसा भयउ दूसर सुरसरि तीर।
न्हाइ रहे जलपानु करि सिय समेत दोउ बीर ॥ १५०॥
do.—prathama bāsu tamasā bhayau dūsara surasari tīra.
nhāi rahe jalapānu kari siya sameta dou bīra. (150)
710 of 1432
केवट कीन्हि बहुत सेवकाई।
सो जामिनि सिंगरौर गवाँई॥
होत प्रात बट छीरु मगावा।
जटा मुकुट निज सीस बनावा॥
kevaṭa kīnhi bahuta sevakāī.
so jāmini siṅgaraura gavā̃ī.
hota prāta baṭa chīru magāvā.
jaṭā mukuṭa nija sīsa banāvā.
711 of 1432
राम सखाँ तब नाव मगाई।
प्रिया चढ़ाइ चढ़े रघुराई॥
लखन बान धनु धरे बनाई।
आपु चढ़े प्रभु आयसु पाई॥
rāma sakhā̃ taba nāva magāī.
priyā caṛhāi caṛhe raghurāī.
lakhana bāna dhanu dhare banāī.
āpu caṛhe prabhu āyasu pāī.
712 of 1432
बिकल बिलोकि मोहि रघुबीरा।
बोले मधुर बचन धरि धीरा॥
तात प्रनामु तात सन कहेहू।
बार बार पद पंकज गहेहू॥
bikala biloki mohi raghubīrā.
bole madhura bacana dhari dhīrā.
tāta pranāmu tāta sana kahehū.
bāra bāra pada paṅkaja gahehū.
713 of 1432
करबि पायँ परि बिनय बहोरी।
तात करिअ जनि चिंता मोरी॥
बन मग मंगल कुसल हमारें।
कृपा अनुग्रह पुन्य तुम्हारें॥
karabi pāya̐ pari binaya bahorī.
tāta karia jani cintā morī.
bana maga maṅgala kusala hamārẽ.
kṛpā anugraha punya tumhārẽ.
714 of 1432
छं०—तुम्हरें अनुग्रह तात कानन जात सब सुखु पाइहौं।
प्रतिपालि आयसु कुसल देखन पाय पुनि फिरि आइहौं॥
जननीं सकल परितोषि परि परि पायँ करि बिनती घनी।
तुलसी करेहु सोइ जतनु जेहिं कुसली रहहिं कोसलधनी॥
cha.—tumharẽ anugraha tāta kānana jāta saba sukhu pāihau̐.
pratipāli āyasu kusala dekhana pāya puni phiri āihau̐.
jananī̃ sakala paritoṣi pari pari pāya̐ kari binatī ghanī.
tulasī karehu soi jatanu jehĩ kusalī rahahĩ kosaladhanī.
715 of 1432
सो०—गुर सन कहब सँदेसु बार बार पद पदुम गहि।
करब सोइ उपदेसु जेहिं न सोच मोहि अवधपति ॥ १५१॥
so.—gura sana kahaba sãdesu bāra bāra pada paduma gahi.
karaba soi upadesu jehĩ na soca mohi avadhapati. (151)
716 of 1432
पुरजन परिजन सकल निहोरी।
तात सुनाएहु बिनती मोरी॥
सोइ सब भाँति मोर हितकारी।
जातें रह नरनाहु सुखारी॥
purajana parijana sakala nihorī.
tāta sunāehu binatī morī.
soi saba bhānti mora hitakārī.
jātẽ raha naranāhu sukhārī.
717 of 1432
कहब सँदेसु भरत के आएँ।
नीति न तजिअ राजपदु पाएँ॥
पालेहु प्रजहि करम मन बानी।
सेएहु मातु सकल सम जानी॥
kahaba sãdesu bharata ke āẽ.
nīti na tajia rājapadu pāẽ.
pālehu prajahi karama mana bānī.
seehu mātu sakala sama jānī.
718 of 1432
ओर निबाहेहु भायप भाई।
करि पितु मातु सुजन सेवकाई॥
तात भाँति तेहि राखब राऊ।
सोच मोर जेहिं करै न काऊ॥
ora nibāhehu bhāyapa bhāī.
kari pitu mātu sujana sevakāī.
tāta bhānti tehi rākhaba rāū.
soca mora jehĩ karai na kāū.
719 of 1432
लखन कहे कछु बचन कठोरा।
बरजि राम पुनि मोहि निहोरा॥
बार बार निज सपथ देवाई।
कहबि न तात लखन लरिकाई॥
lakhana kahe kachu bacana kaṭhorā.
baraji rāma puni mohi nihorā.
bāra bāra nija sapatha devāī.
kahabi na tāta lakhana larikāī.
720 of 1432
दो०— कहि प्रनामु कछु कहन लिय सिय भइ सिथिल सनेह।
थकित बचन लोचन सजल पुलक पल्लवित देह ॥ १५२॥
do.—kahi pranāmu kachu kahana liya siya bhai sithila saneha.
thakita bacana locana sajala pulaka pallavita deha. (152)
721 of 1432
तेहि अवसर रघुबर रुख पाई।
केवट पारहि नाव चलाई॥
रघुकुलतिलक चले एहि भाँती।
देखउँ ठाढ़ कुलिस धरि छाती॥
tehi avasara raghubara rukha pāī.
kevaṭa pārahi nāva calāī.
raghukulatilaka cale ehi bhāntī.
dekhau̐ ṭhāṛha kulisa dhari chātī.
722 of 1432
मैं आपन किमि कहौं कलेसू।
जिअत फिरेउँ लेइ राम सँदेसू॥
अस कहि सचिव बचन रहि गयऊ।
हानि गलानि सोच बस भयऊ॥
mai̐ āpana kimi kahau̐ kalesū.
jiata phireu̐ lei rāma sãdesū.
asa kahi saciva bacana rahi gayaū.
hāni galāni soca basa bhayaū.
723 of 1432
सूत बचन सुनतहिं नरनाहू।
परेउ धरनि उर दारुन दाहू॥
तलफत बिषम मोह मन मापा।
माजा मनहुँ मीन कहुँ ब्यापा॥
sūta bacana sunatahĩ naranāhū.
pareu dharani ura dāruna dāhū.
talaphata biṣama moha mana māpā.
mājā manahu̐ mīna kahu̐ byāpā.
724 of 1432
करि बिलाप सब रोवहिं रानी।
महा बिपति किमि जाइ बखानी॥
सुनि बिलाप दुखहू दुखु लागा।
धीरजहू कर धीरजु भागा॥
kari bilāpa saba rovahĩ rānī.
mahā bipati kimi jāi bakhānī.
suni bilāpa dukhahū dukhu lāgā.
dhīrajahū kara dhīraju bhāgā.
725 of 1432
दो०— भयउ कोलाहलु अवध अति सुनि नृप राउर सोरु।
बिपुल बिहग बन परेउ निसि मानहु कुलिस कठोरु ॥ १५३॥
do.—bhayau kolāhalu avadha ati suni nṛpa rāura soru.
bipula bihaga bana pareu nisi mānahu kulisa kaṭhoru. (153)
726 of 1432
प्रान कंठगत भयउ भुआलू।
मनि बिहीन जनु ब्याकुल ब्यालू॥
इंद्रीं सकल बिकल भइँ भारी।
जनु सर सरसिज बनु बिनु बारी॥
prāna kaṇṭhagata bhayau bhuālū.
mani bihīna janu byākula byālū.
indrī̃ sakala bikala bhai̐ bhārī.
janu sara sarasija banu binu bārī.
727 of 1432
कौसल्याँ नृपु दीख मलाना।
रबिकुल रबि अँथयउ जियँ जाना॥
उर धरि धीर राम महतारी।
बोली बचन समय अनुसारी॥
kausalyā̃ nṛpu dīkha malānā.
rabikula rabi ãthayau jiya̐ jānā.
ura dhari dhīra rāma mahatārī.
bolī bacana samaya anusārī.
728 of 1432
नाथ समुझि मन करिअ बिचारू।
राम बियोग पयोधि अपारू॥
करनधार तुम्ह अवध जहाजू।
चढ़ेउ सकल प्रिय पथिक समाजू॥
nātha samujhi mana karia bicārū.
rāma biyoga payodhi apārū.
karanadhāra tumha avadha jahājū.
caṛheu sakala priya pathika samājū.
729 of 1432
धीरजु धरिअ त पाइअ पारू।
नाहिं त बूड़िहि सबु परिवारू॥
जौं जियँ धरिअ बिनय पिय मोरी।
रामु लखनु सिय मिलहिं बहोरी॥
dhīraju dharia ta pāia pārū.
nāhĩ ta būṛihi sabu parivārū.
jau̐ jiya̐ dharia binaya piya morī.
rāmu lakhanu siya milahĩ bahorī.
730 of 1432
दो०—प्रिया बचन मृदु सुनत नृपु चितयउ आँखि उघारि।
तलफत मीन मलीन जनु सींचत सीतल बारि ॥ १५४॥
do.—priyā bacana mṛdu sunata nṛpu citayau ā̃khi ughāri.
talaphata mīna malīna janu sī̃cata sītala bāri. (154)
731 of 1432
धरि धीरजु उठि बैठ भुआलू।
कहु सुमंत्र कहँ राम कृपालू॥
कहाँ लखनु कहँ रामु सनेही।
कहँ प्रिय पुत्रबधू बैदेही॥
dhari dhīraju uṭhi baiṭha bhuālū.
kahu sumantra kahã rāma kṛpālū.
kahā̃ lakhanu kahã rāmu sanehī.
kahã priya putrabadhū baidehī.
732 of 1432
बिलपत राउ बिकल बहु भाँती।
भइ जुग सरिस सिराति न राती॥
तापस अंध साप सुधि आई।
कौसल्यहि सब कथा सुनाई॥
bilapata rāu bikala bahu bhāntī.
bhai juga sarisa sirāti na rātī.
tāpasa andha sāpa sudhi āī.
kausalyahi saba kathā sunāī.
733 of 1432
भयउ बिकल बरनत इतिहासा।
राम रहित धिग जीवन आसा॥
सो तनु राखि करब मैं काहा।
जेहिं न प्रेम पनु मोर निबाहा॥
bhayau bikala baranata itihāsā.
rāma rahita dhiga jīvana āsā.
so tanu rākhi karaba mai̐ kāhā.
jehĩ na prema panu mora nibāhā.
734 of 1432
हा रघुनंदन प्रान पिरीते।
तुम्ह बिनु जिअत बहुत दिन बीते॥
हा जानकी लखन हा रघुबर।
हा पितु हित चित चातक जलधर॥
hā raghunandana prāna pirīte.
tumha binu jiata bahuta dina bīte.
hā jānakī lakhana hā raghubara.
hā pitu hita cita cātaka jaladhara.
735 of 1432
दो०—राम राम कहि राम कहि राम राम कहि राम।
तनु परिहरि रघुबर बिरहँ राउ गयउ सुरधाम ॥ १५५॥
do.—rāma rāma kahi rāma kahi rāma rāma kahi rāma.
tanu parihari raghubara birahã rāu gayau suradhāma. (155)
736 of 1432
जिअन मरन फलु दसरथ पावा।
अंड अनेक अमल जसु छावा॥
जिअत राम बिधु बदनु निहारा।
राम बिरह करि मरनु सँवारा॥
jiana marana phalu dasaratha pāvā.
aṇḍa aneka amala jasu chāvā.
jiata rāma bidhu badanu nihārā.
rāma biraha kari maranu sãvārā.
737 of 1432
सोक बिकल सब रोवहिं रानी।
रूपु सीलु बलु तेजु बखानी॥
करहिं बिलाप अनेक प्रकारा।
परहिं भूमितल बारहिं बारा॥
soka bikala saba rovahĩ rānī.
rūpu sīlu balu teju bakhānī.
karahĩ bilāpa aneka prakārā.
parahĩ bhūmitala bārahĩ bārā.
738 of 1432
बिलपहिं बिकल दास अरु दासी।
घर घर रुदनु करहिं पुरबासी॥
अँथयउ आजु भानुकुल भानू।
धरम अवधि गुन रूप निधानू॥
bilapahĩ bikala dāsa aru dāsī.
ghara ghara rudanu karahĩ purabāsī.
ãthayau āju bhānukula bhānū.
dharama avadhi guna rūpa nidhānū.
739 of 1432
गारीं सकल कैकइहि देहीं।
नयन बिहीन कीन्ह जग जेहीं॥
एहि बिधि बिलपत रैनि बिहानी।
आए सकल महामुनि ग्यानी॥
gārī̃ sakala kaikaihi dehī̃.
nayana bihīna kīnha jaga jehī̃.
ehi bidhi bilapata raini bihānī.
āe sakala mahāmuni gyānī.
740 of 1432
दो०—तब बसिष्ठ मुनि समय सम कहि अनेक इतिहास।
सोक नेवारेउ सबहि कर निज बिग्यान प्रकास ॥ १५६॥
do.—taba basiṣṭha muni samaya sama kahi aneka itihāsa.
soka nevāreu sabahi kara nija bigyāna prakāsa. (156)
741 of 1432
तेल नावँ भरि नृप तनु राखा।
दूत बोलाइ बहुरि अस भाषा॥
धावहु बेगि भरत पहिं जाहू।
नृप सुधि कतहुँ कहहु जनि काहू॥
tela nāva̐ bhari nṛpa tanu rākhā.
dūta bolāi bahuri asa bhāṣā.
dhāvahu begi bharata pahi̐ jāhū.
nṛpa sudhi katahu̐ kahahu jani kāhū.
742 of 1432
एतनेइ कहेहु भरत सन जाई।
गुर बोलाइ पठयउ दोउ भाई॥
सुनि मुनि आयसु धावन धाए।
चले बेग बर बाजि लजाए॥
etanei kahehu bharata sana jāī.
gura bolāi paṭhayau dou bhāī.
suni muni āyasu dhāvana dhāe.
cale bega bara bāji lajāe.
743 of 1432
अनरथु अवध अरंभेउ जब तें।
कुसगुन होहिं भरत कहुँ तब तें॥
देखहिं राति भयानक सपना।
जागि करहिं कटु कोटि कलपना॥
anarathu avadha arambheu jaba tẽ.
kusaguna hohĩ bharata kahu̐ taba tẽ.
dekhahĩ rāti bhayānaka sapanā.
jāgi karahĩ kaṭu koṭi kalapanā.
744 of 1432
बिप्र जेवाँइ देहिं दिन दाना।
सिव अभिषेक करहिं बिधि नाना॥
मागहिं हृदयँ महेस मनाई।
कुसल मातु पितु परिजन भाई॥
bipra jevā̃i dehĩ dina dānā.
siva abhiṣeka karahĩ bidhi nānā.
māgahĩ hṛdaya̐ mahesa manāī.
kusala mātu pitu parijana bhāī.
745 of 1432
दो०— एहि बिधि सोचत भरत मन धावन पहुँचे आइ।
गुर अनुसासन श्रवन सुनि चले गनेसु मनाइ ॥ १५७॥
do.—ehi bidhi socata bharata mana dhāvana pahũce āi.
gura anusāsana śravana suni cale ganesu manāi. (157)
746 of 1432
चले समीर बेग हय हाँके।
नाघत सरित सैल बन बाँके॥
हृदयँ सोचु बड़ कछु न सोहाई।
अस जानहिं जियँ जाउँ उड़ाई॥
cale samīra bega haya hā̃ke.
nāghata sarita saila bana bā̃ke.
hṛdaya̐ socu baṛa kachu na sohāī.
asa jānahĩ jiya̐ jāu̐ uṛāī.
747 of 1432
एक निमेष बरष सम जाई।
एहि बिधि भरत नगर निअराई॥
असगुन होहिं नगर पैठारा।
रटहिं कुभाँति कुखेत करारा॥
eka nimeṣa baraṣa sama jāī.
ehi bidhi bharata nagara niarāī.
asaguna hohĩ nagara paiṭhārā.
raṭahĩ kubhānti kukheta karārā.
748 of 1432
खर सिआर बोलहिं प्रतिकूला।
सुनि सुनि होइ भरत मन सूला॥
श्रीहत सर सरिता बन बागा।
नगरु बिसेषि भयावनु लागा॥
khara siāra bolahĩ pratikūlā.
suni suni hoi bharata mana sūlā.
śrīhata sara saritā bana bāgā.
nagaru biseṣi bhayāvanu lāgā.
749 of 1432
खग मृग हय गय जाहिं न जोए।
राम बियोग कुरोग बिगोए॥
नगर नारि नर निपट दुखारी।
मनहुँ सबन्हि सब संपति हारी॥
khaga mṛga haya gaya jāhĩ na joe.
rāma biyoga kuroga bigoe.
nagara nāri nara nipaṭa dukhārī.
manahu̐ sabanhi saba sampati hārī.
750 of 1432
दो०— पुरजन मिलहिं न कहहिं कछु गवँहिं जोहारहिं जाहिं।
भरत कुसल पूँछि न सकहिं भय बिषाद मन माहिं ॥ १५८॥
do.—purajana milahĩ na kahahĩ kachu gava̐hĩ johārahĩ jāhĩ.
bharata kusala pūnchi na sakahĩ bhaya biṣāda mana māhĩ. (158)
751 of 1432
हाट बाट नहिं जाइ निहारी।
जनु पुर दहँ दिसि लागि दवारी॥
आवत सुत सुनि कैकयनंदिनि।
हरषी रबिकुल जलरुह चंदिनि॥
hāṭa bāṭa nahi̐ jāi nihārī.
janu pura daha̐ disi lāgi davārī.
āvata suta suni kaikayanandini.
haraṣī rabikula jalaruha candini.
752 of 1432
सजि आरती मुदित उठि धाई।
द्वारेहिं भेंटि भवन लेइ आई॥
भरत दुखित परिवारु निहारा।
मानहुँ तुहिन बनज बनु मारा॥
saji āratī mudita uṭhi dhāī.
dvārehĩ bheṇṭi bhavana lei āī.
bharata dukhita parivāru nihārā.
mānahu̐ tuhina banaja banu mārā.
753 of 1432
कैकेई हरषित एहि भाँती।
मनहुँ मुदित दव लाइ किराती॥
सुतहि ससोच देखि मनु मारें।
पूँछति नैहर कुसल हमारें॥
kaikeī haraṣita ehi bhāntī.
manahu̐ mudita dava lāi kirātī.
sutahi sasoca dekhi manu mārẽ.
pūnchati naihara kusala hamārẽ.
754 of 1432
सकल कुसल कहि भरत सुनाई।
पूँछी निज कुल कुसल भलाई॥
कहु कहँ तात कहाँ सब माता।
कहँ सिय राम लखन प्रिय भ्राता॥
sakala kusala kahi bharata sunāī.
pūnchī nija kula kusala bhalāī.
kahu kahã tāta kahā̃ saba mātā.
kahã siya rāma lakhana priya bhrātā.
755 of 1432
दो०—सुनि सुत बचन सनेहमय कपट नीर भरि नैन।
भरत श्रवन मन सूल सम पापिनि बोली बैन ॥ १५९॥
do.—suni suta bacana sanehamaya kapaṭa nīra bhari naina.
bharata śravana mana sūla sama pāpini bolī baina. (159)
756 of 1432
तात बात मैं सकल सँवारी।
भै मंथरा सहाय बिचारी॥
कछुक काज बिधि बीच बिगारेउ।
भूपति सुरपति पुर पगु धारेउ॥
tāta bāta mai̐ sakala sãvārī.
bhai mantharā sahāya bicārī.
kachuka kāja bidhi bīca bigāreu.
bhūpati surapati pura pagu dhāreu.
757 of 1432
सुनत भरतु भए बिबस बिषादा।
जनु सहमेउ करि केहरि नादा॥
तात तात हा तात पुकारी।
परे भूमितल ब्याकुल भारी॥
sunata bharatu bhae bibasa biṣādā.
janu sahameu kari kehari nādā.
tāta tāta hā tāta pukārī.
pare bhūmitala byākula bhārī.
758 of 1432
चलत न देखन पायउँ तोही।
तात न रामहि सौंपेहु मोही॥
बहुरि धीर धरि उठे सँभारी।
कहु पितु मरन हेतु महतारी॥
calata na dekhana pāyau̐ tohī.
tāta na rāmahi saũpehu mohī.
bahuri dhīra dhari uṭhe sãbhārī.
kahu pitu marana hetu mahatārī.
759 of 1432
सुनि सुत बचन कहति कैकेई।
मरमु पाँछि जनु माहुर देई॥
आदिहु तें सब आपनि करनी।
कुटिल कठोर मुदित मन बरनी॥
suni suta bacana kahati kaikeī.
maramu pānchi janu māhura deī.
ādihu tẽ saba āpani karanī.
kuṭila kaṭhora mudita mana baranī.
760 of 1432
दो०—भरतहि बिसरेउ पितु मरन सुनत राम बन गौनु।
हेतु अपनपउ जानि जियँ थकित रहे धरि मौनु ॥ १६०॥
do.—bharatahi bisareu pitu marana sunata rāma bana gaunu.
hetu apanapau jāni jiya̐ thakita rahe dhari maunu. (160)
761 of 1432
बिकल बिलोकि सुतहि समुझावति।
मनहुँ जरे पर लोनु लगावति॥
तात राउ नहिं सोचै जोगू।
बिढ़इ सुकृत जसु कीन्हेउ भोगू॥
bikala biloki sutahi samujhāvati.
manahu̐ jare para lonu lagāvati.
tāta rāu nahi̐ socai jogū.
biṛhai sukṛta jasu kīnheu bhogū.
762 of 1432
जीवत सकल जनम फल पाए।
अंत अमरपति सदन सिधाए॥
अस अनुमानि सोच परिहरहू।
सहित समाज राज पुर करहू॥
jīvata sakala janama phala pāe.
anta amarapati sadana sidhāe.
asa anumāni soca pariharahū.
sahita samāja rāja pura karahū.
763 of 1432
सुनि सुठि सहमेउ राजकुमारू।
पाकें छत जनु लाग अँगारू॥
धीरज धरि भरि लेहिं उसासा।
पापिनि सबहि भाँति कुल नासा॥
suni suṭhi sahameu rājakumārū.
pākẽ chata janu lāga ãgārū.
dhīraja dhari bhari lehĩ usāsā.
pāpini sabahi bhānti kula nāsā.
764 of 1432
जौं पै कुरुचि रही अति तोही।
जनमत काहे न मारे मोही॥
पेड़ काटि तैं पालउ सींचा।
मीन जिअन निति बारि उलीचा॥
jau̐ pai kuruci rahī ati tohī.
janamata kāhe na māre mohī.
peṛa kāṭi tai̐ pālau sī̃cā.
mīna jiana niti bāri ulīcā.
765 of 1432
दो०—हंसबंसु दसरथु जनकु राम लखन से भाइ।
जननी तूँ जननी भई बिधि सन कछु न बसाइ ॥ १६१॥
do.—haṃsabaṃsu dasarathu janaku rāma lakhana se bhāi.
jananī tū̃ jananī bhaī bidhi sana kachu na basāi. (161)
766 of 1432
जब तैं कुमति कुमत जियँ ठयऊ।
खंड खंड होइ हृदउ न गयऊ॥
बर मागत मन भइ नहिं पीरा।
गरि न जीह मुहँ परेउ न कीरा॥
jaba tai̐ kumati kumata jiya̐ ṭhayaū.
khaṇḍa khaṇḍa hoi hṛdau na gayaū.
bara māgata mana bhai nahi̐ pīrā.
gari na jīha muha̐ pareu na kīrā.
767 of 1432
भूपँ प्रतीति तोरि किमि कीन्ही।
मरन काल बिधि मति हरि लीन्ही॥
बिधिहुँ न नारि हृदय गति जानी।
सकल कपट अघ अवगुन खानी॥
bhūpa̐ pratīti tori kimi kīnhī.
marana kāla bidhi mati hari līnhī.
bidhihu̐ na nāri hṛdaya gati jānī.
sakala kapaṭa agha avaguna khānī.
768 of 1432
सरल सुसील धरम रत राऊ।
सो किमि जानै तीय सुभाऊ॥
अस को जीव जंतु जग माहीं।
जेहि रघुनाथ प्रानप्रिय नाहीं॥
sarala susīla dharama rata rāū.
so kimi jānai tīya subhāū.
asa ko jīva jantu jaga māhī̃.
jehi raghunātha prānapriya nāhī̃.
769 of 1432
भे अति अहित रामु तेउ तोही।
को तू अहसि सत्य कहु मोही॥
जो हसि सो हसि मुहँ मसि लाई।
आँखि ओट उठि बैठहि जाई॥
bhe ati ahita rāmu teu tohī.
ko tū ahasi satya kahu mohī.
jo hasi so hasi muha̐ masi lāī.
ā̃khi oṭa uṭhi baiṭhahi jāī.
770 of 1432
दो०—राम बिरोधी हृदय तें प्रगट कीन्ह बिधि मोहि।
मो समान को पातकी बादि कहउँ कछु तोहि ॥ १६२॥
do.—rāma birodhī hṛdaya tẽ pragaṭa kīnha bidhi mohi.
mo samāna ko pātakī bādi kahau̐ kachu tohi. (162)
771 of 1432
सुनि सत्रुघुन मातु कुटिलाई।
जरहिं गात रिस कछु न बसाई॥
तेहि अवसर कुबरी तहँ आई।
बसन बिभूषन बिबिध बनाई॥
suni satrughuna mātu kuṭilāī.
jarahĩ gāta risa kachu na basāī.
tehi avasara kubarī taha̐ āī.
basana bibhūṣana bibidha banāī.
772 of 1432
लखि रिस भरेउ लखन लघु भाई।
बरत अनल घृत आहुति पाई॥
हुमगि लात तकि कूबर मारा।
परि मुह भर महि करत पुकारा॥
lakhi risa bhareu lakhana laghu bhāī.
barata anala ghṛta āhuti pāī.
humagi lāta taki kūbara mārā.
pari muha bhara mahi karata pukārā.
773 of 1432
कूबर टूटेउ फूट कपारू।
दलित दसन मुख रुधिर प्रचारू॥
आह दइअ मैं काह नसावा।
करत नीक फलु अनइस पावा॥
kūbara ṭūṭeu phūṭa kapārū.
dalita dasana mukha rudhira pracārū.
āha daia mai̐ kāha nasāvā.
karata nīka phalu anaisa pāvā.
774 of 1432
सुनि रिपुहन लखि नख सिख खोटी।
लगे घसीटन धरि धरि झोंटी॥
भरत दयानिधि दीन्हि छड़ाई।
कौसल्या पहिं गे दोउ भाई॥
suni ripuhana lakhi nakha sikha khoṭī.
lage ghasīṭana dhari dhari jhoṇṭī.
bharata dayānidhi dīnhi chaṛāī.
kausalyā pahi̐ ge dou bhāī.
775 of 1432
दो०— मलिन बसन बिबरन बिकल कृस सरीर दुख भार।
कनक कलप बर बेलि बन मानहुँ हनी तुसार ॥ १६३॥
do.—malina basana bibarana bikala kṛsa sarīra dukha bhāra.
kanaka kalapa bara beli bana mānahu̐ hanī tusāra. (163)
776 of 1432
भरतहि देखि मातु उठि धाई।
मुरुछित अवनि परी झइँ आई॥
देखत भरतु बिकल भए भारी।
परे चरन तन दसा बिसारी॥
bharatahi dekhi mātu uṭhi dhāī.
murachita avani parī jhai̐ āī.
dekhata bharatu bikala bhae bhārī.
pare carana tana dasā bisārī.
777 of 1432
मातु तात कहँ देहि देखाई।
कहँ सिय रामु लखनु दोउ भाई॥
कैकइ कत जनमी जग माझा।
जौं जनमि त भइ काहे न बाँझा॥
mātu tāta kahã dehi dekhāī.
kahã siya rāmu lakhanu dou bhāī.
kaikai kata janamī jaga mājhā.
jau̐ janami ta bhai kāhe na bā̃jhā.
778 of 1432
कुल कलंकु जेहिं जनमेउ मोही।
अपजस भाजन प्रियजन द्रोही॥
को तिभुवन मोहि सरिस अभागी।
गति असि तोरि मातु जेहि लागी॥
kula kalaṅku jehĩ janameu mohī.
apajasa bhājana priyajana drohī.
ko tibhuvana mohi sarisa abhāgī.
gati asi tori mātu jehi lāgī.
779 of 1432
पितु सुरपुर बन रघुबर केतू।
मैं केवल सब अनरथ हेतू॥
धिग मोहि भयउँ बेनु बन आगी।
दुसह दाह दुख दूषन भागी॥
pitu surapura bana raghubara ketū.
mai̐ kevala saba anaratha hetū.
dhiga mohi bhayau̐ benu bana āgī.
dusaha dāha dukha dūṣana bhāgī.
780 of 1432
दो०— मातु भरत के बचन मृदु सुनि पुनि उठी सँभारि।
लिए उठाइ लगाइ उर लोचन मोचति बारि ॥ १६४॥
do.—mātu bharata ke bacana mṛdu suni puni uṭhī sãbhāri.
lie uṭhāi lagāi ura locana mocati bāri. (164)
781 of 1432
सरल सुभाय मायँ हियँ लाए।
अति हित मनहुँ राम फिरि आए॥
भेंटेउ बहुरि लखन लघु भाई।
सोकु सनेहु न हृदयँ समाई॥
sarala subhāya māya̐ hiya̐ lāe.
ati hita manahu̐ rāma phiri āe.
bheṇṭeu bahuri lakhana laghu bhāī.
soku sanehu na hṛdaya̐ samāī.
782 of 1432
देखि सुभाउ कहत सबु कोई।
राम मातु अस काहे न होई॥
माताँ भरतु गोद बैठारे।
आँसु पोंछि मृदु बचन उचारे॥
dekhi subhāu kahata sabu koī.
rāma mātu asa kāhe na hoī.
mātā̃ bharatu goda baiṭhāre.
ā̃su ponchi mṛdu bacana ucāre.
783 of 1432
अजहुँ बच्छ बलि धीरज धरहू।
कुसमउ समुझि सोक परिहरहू॥
जनि मानहु हियँ हानि गलानी।
काल करम गति अघटित जानी॥
ajahu̐ baccha bali dhīraja dharahū.
kusamau samujhi soka pariharahū.
jani mānahu hiya̐ hāni galānī.
kāla karama gati aghaṭita jānī.
784 of 1432
काहुहि दोसु देहु जनि ताता।
भा मोहि सब बिधि बाम बिधाता॥
जो एतेहुँ दुख मोहि जिआवा।
अजहुँ को जानइ का तेहि भावा॥
kāhuhi dosu dehu jani tātā.
bhā mohi saba bidhi bāma bidhātā.
jo etehu̐ dukha mohi jiāvā.
ajahu̐ ko jānai kā tehi bhāvā.
785 of 1432
दो०—पितु आयस भूषन बसन तात तजे रघुबीर।
बिसमउ हरषु न हृदयँ कछु पहिरे बलकल चीर ॥ १६५॥
do.—pitu āyasa bhūṣana basana tāta taje raghubīra.
bisamau haraṣu na hṛdaya̐ kachu pahire balakala cīra. (165)
786 of 1432
मुख प्रसन्न मन रंग न रोषू।
सब कर सब बिधि करि परितोषू॥
चले बिपिन सुनि सिय सँग लागी।
रहइ न राम चरन अनुरागी॥
mukha prasanna mana raṅga na roṣū.
saba kara saba bidhi kari paritoṣū.
cale bipina suni siya sãga lāgī.
rahai na rāma carana anurāgī.
787 of 1432
सुनतहिं लखनु चले उठि साथा।
रहहिं न जतन किए रघुनाथा॥
तब रघुपति सबही सिरु नाई।
चले संग सिय अरु लघु भाई॥
sunatahĩ lakhanu cale uṭhi sāthā.
rahahĩ na jatana kie raghunāthā.
taba raghupati sabahī siru nāī.
cale saṅga siya aru laghu bhāī.
788 of 1432
रामु लखनु सिय बनहि सिधाए।
गइउँ न संग न प्रान पठाए॥
यहु सबु भा इन्ह आँखिन्ह आगें।
तउ न तजा तनु जीव अभागें॥
rāmu lakhanu siya banahi sidhāe.
gaiu̐ na saṅga na prāna paṭhāe.
yahu sabu bhā inha ā̃khinha āgẽ.
tau na tajā tanu jīva abhāgẽ.
789 of 1432
मोहि न लाज निज नेहु निहारी।
राम सरिस सुत मैं महतारी॥
जिऐ मरै भल भूपति जाना।
मोर हृदय सत कुलिस समाना॥
mohi na lāja nija nehu nihārī.
rāma sarisa suta mai̐ mahatārī.
jiai marai bhala bhūpati jānā.
mora hṛdaya sata kulisa samānā.
790 of 1432
दो०—कौसल्या के बचन सुनि भरत सहित रनिवासु।
ब्याकुल बिलपत राजगृह मानहुँ सोक नेवासु ॥ १६६॥
do.—kausalyā ke bacana suni bharata sahita ranivāsu.
byākula bilapata rājagṛha mānahu̐ soka nevāsu. (166)
791 of 1432
बिलपहिं बिकल भरत दोउ भाई।
कौसल्याँ लिए हृदयँ लगाई॥
भाँति अनेक भरतु समुझाए।
कहि बिबेकमय बचन सुनाए॥
bilapahĩ bikala bharata dou bhāī.
kausalyā̃ lie hṛdaya̐ lagāī.
bhā̃ti aneka bharatu samujhāe.
kahi bibekamaya bacana sunāe.
792 of 1432
भरतहुँ मातु सकल समुझाईं।
कहि पुरान श्रुति कथा सुहाईं॥
छल बिहीन सुचि सरल सुबानी।
बोले भरत जोरि जुग पानी॥
bharatahu̐ mātu sakala samujhāī̃.
kahi purāna śruti kathā suhāī̃.
chala bihīna suci sarala subānī.
bole bharata jori juga pānī.
793 of 1432
जे अघ मातु पिता सुत मारें।
गाइ गोठ महिसुर पुर जारें॥
जे अघ तिय बालक बध कीन्हें।
मीत महीपति माहुर दीन्हें॥
je agha mātu pitā suta mārẽ.
gāi goṭha mahisura pura jārẽ.
je agha tiya bālaka badha kīnhẽ.
mīta mahīpati māhura dīnhẽ.
794 of 1432
जे पातक उपपातक अहहीं।
करम बचन मन भव कबि कहहीं॥
ते पातक मोहि होहुँ बिधाता।
जौं यहु होइ मोर मत माता॥
je pātaka upapātaka ahahī̃.
karama bacana mana bhava kabi kahahī̃.
te pātaka mohi hohu̐ bidhātā.
jau̐ yahu hoi mora mata mātā.
795 of 1432
दो०—जे परिहरि हरि हर चरन भजहिं भूतगन घोर।
तेहि कइ गति मोहि देउ बिधि जौं जननी मत मोर ॥ १६७॥
do.—je parihari hari hara carana bhajahĩ bhūtagana ghora.
tehi kai gati mohi deu bidhi jau̐ jananī mata mora. (167)
796 of 1432
बेचहिं बेदु धरमु दुहि लेहीं।
पिसुन पराय पाप कहि देहीं॥
कपटी कुटिल कलहप्रिय क्रोधी।
बेद बिदूषक बिस्व बिरोधी॥
becahĩ bedu dharamu duhi lehī̃.
pisuna parāya pāpa kahi dehī̃.
kapaṭī kuṭila kalahapriya krodhī.
beda bidūṣaka bisva birodhī.
797 of 1432
लोभी लंपट लोलुपचारा।
जे ताकहिं परधनु परदारा॥
पावौं मैं तिन्ह कै गति घोरा।
जौं जननी यहु संमत मोरा॥
lobhī laṃpaṭa lolupacārā.
je tākahĩ paradhanu paradārā.
pāvau̐ mai̐ tinha kai gati ghorā.
jau̐ jananī yahu saṃmata morā.
798 of 1432
जे नहिं साधुसंग अनुरागे।
परमारथ पथ बिमुख अभागे॥
जे न भजहिं हरि नर तनु पाई।
जिन्हहि न हरि हर सुजसु सोहाई॥
je nahi̐ sādhusaṅga anurāge.
paramāratha patha bimukha abhāge.
je na bhajahĩ hari nara tanu pāī.
jinhahi na hari hara sujasu sohāī.
799 of 1432
तजि श्रुतिपंथु बाम पथ चलहीं।
बंचक बिरचि बेष जगु छलहीं॥
तिन्ह कै गति मोहि संकर देऊ।
जननी जौं यहु जानौं भेऊ॥
taji śrutipaṃthu bāma patha calahī̃.
baṃcaka biraci beṣa jagu chalahī̃.
tinha kai gati mohi saṃkara deū.
jananī jau̐ yahu jānau̐ bheū.
800 of 1432
दो०—मातु भरत के बचन सुनि साँचे सरल सुभायँ।
कहति राम प्रिय तात तुम्ह सदा बचन मन कायँ ॥ १६८॥
do.—mātu bharata ke bacana suni sā̃ce sarala subhāya̐.
kahati rāma priya tāta tumha sadā bacana mana kāya̐. (168)
801 of 1432
राम प्रानहु तें प्रान तुम्हारे।
तुम्ह रघुपतिहि प्रानहु तें प्यारे॥
बिधु बिष चवै स्रवै हिमु आगी।
होइ बारिचर बारि बिरागी॥
rāma prānahu tẽ prāna tumhāre.
tumha raghupatihi prānahu tẽ pyāre.
bidhu biṣa cavai sravai himu āgī.
hoi bāricara bāri birāgī.
802 of 1432
भएँ ग्यानु बरु मिटै न मोहू।
तुम्ह रामहि प्रतिकूल न होहू॥
मत तुम्हार यहु जो जग कहहीं।
सो सपनेहुँ सुख सुगति न लहहीं॥
bhaẽ gyānu baru miṭai na mohū.
tumha rāmahi pratikūla na hohū.
mata tumhāra yahu jo jaga kahahī̃.
so sapanehu̐ sukha sugati na lahahī̃.
803 of 1432
अस कहि मातु भरतु हियँ लाए।
थन पय स्रवहिं नयन जल छाए॥
करत बिलाप बहुत एहि भाँती।
बैठेहिं बीति गई सब राती॥
asa kahi mātu bharatu hiya̐ lāe.
thana paya sravahĩ nayana jala chāe.
karata bilāpa bahuta ehi bhā̃tī.
baiṭhehĩ bīti gaī saba rātī.
804 of 1432
बामदेउ बसिष्ठ तब आए।
सचिव महाजन सकल बोलाए॥
मुनि बहु भाँति भरत उपदेसे।
कहि परमारथ बचन सुदेसे॥
bāmadeu basiṣṭha taba āe.
saciva mahājana sakala bolāe.
muni bahu bhā̃ti bharata upadese.
kahi paramāratha bacana sudese.
805 of 1432
दो०—तात हृदयँ धीरजु धरहु करहु जो अवसर आजु।
उठे भरत गुर बचन सुनि करन कहेउ सबु साजु ॥ १६९॥
do.—tāta hṛdaya̐ dhīraju dharahu karahu jo avasara āju.
uṭhe bharata gura bacana suni karana kaheu sabu sāju. (169)
806 of 1432
नृप तनु बेद बिदित अन्हवावा।
परम बिचित्र बिमानु बनावा॥
गहि पद भरत मातु सब राखी।
रहीं रानि दरसन अभिलाषी॥
nṛpa tanu beda bidita anhavāvā.
parama bicitra bimānu banāvā.
gahi pada bharata mātu saba rākhī.
rahī̃ rāni darasana abhilāṣī.
807 of 1432
चंदन अगर भार बहु आए।
अमित अनेक सुगंध सुहाए॥
सरजु तीर रचि चिता बनाई।
जनु सुरपुर सोपान सुहाई॥
caṃdana agara bhāra bahu āe.
amita aneka sugaṃdha suhāe.
saraju tīra raci citā banāī.
janu surapura sopāna suhāī.
808 of 1432
एहि बिधि दाह क्रिया सब कीन्ही।
बिधिवत न्हाइ तिलांजुलि दीन्ही॥
सोधि सुमृति सब बेद पुराना।
कीन्ह भरत दसगात बिधाना॥
ehi bidhi dāha kriyā saba kīnhī.
bidhivata nhāi tilāṃjuli dīnhī.
sodhi sumṛti saba beda purānā.
kīnha bharata dasagāta bidhānā.
809 of 1432
जहँ जस मुनिबर आयसु दीन्हा।
तहँ तस सहस भाँति सबु कीन्हा॥
भए बिसुद्ध दिए सब दाना।
धेनु बाजि गज बाहन नाना॥
jahã jasa munibara āyasu dīnhā.
tahã tasa sahasa bhā̃ti sabu kīnhā.
bhae bisuddha die saba dānā.
dhenu bāji gaja bāhana nānā.
810 of 1432
दो०—सिंघासन भूषन बसन अन्न धरनि धन धाम।
दिए भरत लहि भूमिसुर भे परिपूरन काम ॥ १७०॥
do.—siṃghāsana bhūṣana basana anna dharani dhana dhāma.
die bharata lahi bhūmisura bhe paripūrana kāma. (170)
811 of 1432
पितु हित भरत कीन्हि जसि करनी।
सो मुख लाख जाइ नहिं बरनी॥
सुदिनु सोधि मुनिबर तब आए।
सचिव महाजन सकल बोलाए॥
pitu hita bharata kīnhi jasi karanī.
so mukha lākha jāi nahi̐ baranī.
sudinu sodhi munibara taba āe.
saciva mahājana sakala bolāe.
812 of 1432
बैठे राजसभाँ सब जाई।
पठए बोलि भरत दोउ भाई॥
भरतु बसिष्ठ निकट बैठारे।
नीति धरममय बचन उचारे॥
baiṭhe rājasabhā̃ saba jāī.
paṭhae boli bharata dou bhāī.
bharatu basiṣṭha nikaṭa baiṭhāre.
nīti dharamamaya bacana ucāre.
813 of 1432
प्रथम कथा सब मुनिबर बरनी।
कैकइ कुटिल कीन्हि जसि करनी॥
भूप धरमब्रतु सत्य सराहा।
जेहिं तनु परिहरि प्रेमु निबाहा॥
prathama kathā saba munibara baranī.
kaikai kuṭila kīnhi jasi karanī.
bhūpa dharamabratu satya sarāhā.
jehĩ tanu parihari premu nibāhā.
814 of 1432
कहत राम गुन सील सुभाऊ।
सजल नयन पुलकेउ मुनिराऊ॥
बहुरि लखन सिय प्रीति बखानी।
सोक सनेह मगन मुनि ग्यानी॥
kahata rāma guna sīla subhāū.
sajala nayana pulakeu munirāū.
bahuri lakhana siya prīti bakhānī.
soka saneha magana muni gyānī.
815 of 1432
दो०—सुनहु भरत भावी प्रबल बिलखि कहेउ मुनिनाथ।
हानि लाभु जीवनु मरनु जसु अपजसु बिधि हाथ ॥ १७१॥
do.—sunahu bharata bhāvī prabala bilakhi kaheu muninātha.
hāni lābhu jīvanu maranu jasu apajasu bidhi hātha. (171)
816 of 1432
अस बिचारि केहि देइअ दोसू।
ब्यरथ काहि पर कीजिअ रोसू॥
तात बिचारु करहु मन माहीं।
सोच जोगु दसरथु नृपु नाहीं॥
asa bicāri kehi deia dosū.
byaratha kāhi para kījia rosū.
tāta bicāru karahu mana māhī̃.
soca jogu dasarathu nṛpu nāhī̃.
817 of 1432
सोचिअ बिप्र जो बेद बिहीना।
तजि निज धरमु बिषय लयलीना॥
सोचिअ नृपति जो नीति न जाना।
जेहि न प्रजा प्रिय प्रान समाना॥
socia bipra jo beda bihīnā.
taji nija dharamu biṣaya layalīnā.
socia nṛpati jo nīti na jānā.
jehi na prajā priya prāna samānā.
818 of 1432
सोचिअ बयसु कृपन धनवानू।
जो न अतिथि सिव भगति सुजानू॥
सोचिअ सूद्रु बिप्र अवमानी।
मुखर मानप्रिय ग्यान गुमानी॥
socia bayasu kṛpana dhanavānū.
jo na atithi siva bhagati sujānū.
socia sūdru bipra avamānī.
mukhara mānapriya gyāna gumānī.
819 of 1432
सोचिअ पुनि पति बंचक नारी।
कुटिल कलहप्रिय इच्छाचारी॥
सोचिअ बटु निज ब्रतु परिहरई।
जो नहिं गुर आयसु अनुसरई॥
socia puni pati baṃcaka nārī.
kuṭila kalahapriya icchācārī.
socia baṭu nija bratu pariharaī.
jo nahi̐ gura āyasu anusaraī.
820 of 1432
दो०—सोचिअ गृही जो मोह बस करइ करम पथ त्याग।
सोचिअ जती प्रपंच रत बिगत बिबेक बिराग ॥ १७२॥
do.—socia gṛhī jo moha basa karai karama patha tyāga.
socia jatī prapaṃca rata bigata bibeka birāga. (172)
821 of 1432
बैखानस सोइ सोचै जोगू।
तपु बिहाइ जेहि भावइ भोगू॥
सोचिअ पिसुन अकारन क्रोधी।
जननि जनक गुर बंधु बिरोधी॥
baikhānasa soi socai jogū.
tapu bihāi jehi bhāvai bhogū.
socia pisuna akārana krodhī.
janani janaka gura baṃdhu birodhī.
822 of 1432
सब बिधि सोचिअ पर अपकारी।
निज तनु पोषक निरदय भारी॥
सोचनीय सबहीं बिधि सोई।
जो न छाड़ि छलु हरि जन होई॥
saba bidhi socia para apakārī.
nija tanu poṣaka niradaya bhārī.
socanīya sabahī̃ bidhi soī.
jo na chāṛi chalu hari jana hoī.
823 of 1432
सोचनीय नहिं कोसलराऊ।
भुवन चारिदस प्रगट प्रभाऊ॥
भयउ न अहइ न अब होनिहारा।
भूप भरत जस पिता तुम्हारा॥
socanīya nahi̐ kosalarāū.
bhuvana cāridasa pragaṭa prabhāū.
bhayau na ahai na aba honihārā.
bhūpa bharata jasa pitā tumhārā.
824 of 1432
बिधि हरि हरु सुरपति दिसिनाथा।
बरनहिं सब दसरथ गुन गाथा॥
bidhi hari haru surapati disināthā.
baranahĩ saba dasaratha guna gāthā.
825 of 1432
दो०—कहहु तात केहि भाँति कोउ करिहि बड़ाई तासु।
राम लखन तुम्ह सत्रुहन सरिस सुअन सुचि जासु ॥ १७३॥
do.—kahahu tāta kehi bhā̃ti kou karihi baṛāī tāsu.
rāma lakhana tumha satruhana sarisa suana suci jāsu. (173)
826 of 1432
सब प्रकार भूपति बड़भागी।
बादि बिषादु करिअ तेहि लागी॥
यह सुनि समुझि सोचु परिहरहू।
सिर धरि राज रजायसु करहू॥
saba prakāra bhūpati baṛabhāgī.
bādi biṣādu karia tehi lāgī.
yaha suni samujhi socu pariharahū.
sira dhari rāja rajāyasu karahū.
827 of 1432
रायँ राजपदु तुम्ह कहुँ दीन्हा।
पिता बचनु फुर चाहिअ कीन्हा॥
तजे रामु जेहिं बचनहि लागी।
तनु परिहरेउ राम बिरहागी॥
rāya̐ rājapadu tumha kahu̐ dīnhā.
pitā bacanu phura cāhia kīnhā.
taje rāmu jehĩ bacanahi lāgī.
tanu parihareu rāma birahāgī.
828 of 1432
नृपहि बचन प्रिय नहिं प्रिय प्राना।
करहु तात पितु बचन प्रवाना॥
करहु सीस धरि भूप रजाई।
हइ तुम्ह कहँ सब भाँति भलाई॥
nṛpahi bacana priya nahi̐ priya prānā.
karahu tāta pitu bacana pravānā.
karahu sīsa dhari bhūpa rajāī.
hai tumha kahã saba bhā̃ti bhalāī.
829 of 1432
परसुराम पितु अग्या राखी।
मारी मातु लोक सब साखी॥
तनय जजातिहि जौबनु दयऊ।
पितु अग्याँ अघ अजसु न भयऊ॥
parasurāma pitu agyā rākhī.
mārī mātu loka saba sākhī.
tanaya jajātihi jaubanu dayaū.
pitu agyā̃ agha ajasu na bhayaū.
830 of 1432
दो०—अनुचित उचित बिचारु तजि जे पालहिं पितु बैन।
ते भाजन सुख सुजस के बसहिं अमरपति ऐन ॥ १७४॥
do.—anucita ucita bicāru taji je pālahĩ pitu baina.
te bhājana sukha sujasa ke basahĩ amarapati aina. (174)
831 of 1432
अवसि नरेस बचन फुर करहू।
पालहु प्रजा सोकु परिहरहू॥
सुरपुर नृपु पाइहि परितोषू।
तुम्ह कहँ सुकृतु सुजसु नहिं दोषू॥
avasi naresa bacana phura karahū.
pālahu prajā soku pariharahū.
surapura nṛpu pāihi paritoṣū.
tumha kahã sukṛtu sujasu nahi̐ doṣū.
832 of 1432
बेद बिदित संमत सबही का।
जेहि पितु देइ सो पावइ टीका॥
करहु राजु परिहरहु गलानी।
मानहु मोर बचन हित जानी॥
beda bidita saṃmata sabahī kā.
jehi pitu dei so pāvai ṭīkā.
karahu rāju pariharahu galānī.
mānahu mora bacana hita jānī.
833 of 1432
सुनि सुखु लहब राम बैदेहीं।
अनुचित कहब न पंडित केहीं॥
कौसल्यादि सकल महतारीं।
तेउ प्रजा सुख होहिं सुखारीं॥
suni sukhu lahaba rāma baidehī̃.
anucita kahaba na paṃḍita kehī̃.
kausalyādi sakala mahatārī̃.
teu prajā sukha hohĩ sukhārī̃.
834 of 1432
परम तुम्हार राम कर जानिहि।
सो सब बिधि तुम्ह सन भल मानिहि॥
सौंपेहु राजु राम के आएँ।
सेवा करेहु सनेह सुहाएँ॥
parama tumhāra rāma kara jānihi.
so saba bidhi tumha sana bhala mānihi.
sau̐pehu rāju rāma ke āẽ.
sevā karehu saneha suhāẽ.
835 of 1432
दो०—कीजिअ गुर आयसु अवसि कहहिं सचिव कर जोरि।
रघुपति आएँ उचित जस तस तब करब बहोरि ॥ १७५॥
do.—kījia gura āyasu avasi kahahĩ saciva kara jori.
raghupati āẽ ucita jasa tasa taba karaba bahori. (175)
836 of 1432
कौसल्या धरि धीरजु कहई।
पूत पथ्य गुर आयसु अहई॥
सो आदरिअ करिअ हित मानी।
तजिअ बिषादु काल गति जानी॥
kausalyā dhari dhīraju kahaī.
pūta pathya gura āyasu ahaī.
so ādaria karia hita mānī.
tajia biṣādu kāla gati jānī.
837 of 1432
बन रघुपति सुरपुर नरनाहू।
तुम्ह एहि भाँति तात कदराहू॥
परिजन प्रजा सचिव सब अंबा।
तुम्हही सुत सब कहँ अवलंबा॥
bana raghupati surapura naranāhū.
tumha ehi bhā̃ti tāta kadarāhū.
parijana prajā saciva saba aṃbā.
tumhahī suta saba kahã avalaṃbā.
838 of 1432
लखि बिधि बाम कालु कठिनाई।
धीरजु धरहु मातु बलि जाई॥
सिर धरि गुर आयसु अनुसरहू।
प्रजा पालि परिजन दुखु हरहू॥
lakhi bidhi bāma kālu kaṭhināī.
dhīraju dharahu mātu bali jāī.
sira dhari gura āyasu anusarahū.
prajā pāli parijana dukhu harahū.
839 of 1432
गुर के बचन सचिव अभिनंदनु।
सुने भरत हिय हित जनु चंदनु॥
सुनी बहोरि मातु मृदु बानी।
सील सनेह सरल रस सानी॥
gura ke bacana saciva abhinaṃdanu.
sune bharata hiya hita janu caṃdanu.
sunī bahori mātu mṛdu bānī.
sīla saneha sarala rasa sānī.
840 of 1432
छं०—सानी सरल रस मातु बानी सुनि भरतु ब्याकुल भए।
लोचन सरोरुह स्रवत सींचत बिरह उर अंकुर नए॥
सो दसा देखत समय तेहि बिसरी सबहि सुधि देह की।
तुलसी सराहत सकल सादर सीवँ सहज सनेह की॥
cha.—sānī sarala rasa mātu bānī suni bharatu byākula bhae.
locana saroruha sravata sī̃cata biraha ura aṃkura nae.
so dasā dekhata samaya tehi bisarī sabahi sudhi deha kī.
tulasī sarāhata sakala sādara sīva̐ sahaja saneha kī.
841 of 1432
सो०—भरतु कमल कर जोरि धीर धुरंधर धीर धरि।
बचन अमिअँ जनु बोरि देत उचित उत्तर सबहि ॥ १७६॥
so.—bharatu kamala kara jori dhīra dhuraṃdhara dhīra dhari.
bacana amia̐ janu bori deta ucita uttara sabahi. (176)
842 of 1432
मोहि उपदेसु दीन्ह गुर नीका।
प्रजा सचिव संमत सबही का॥
मातु उचित धरि आयसु दीन्हा।
अवसि सीस धरि चाहउँ कीन्हा॥
mohi upadesu dīnha gura nīkā.
prajā saciva saṃmata sabahī kā.
mātu ucita dhari āyasu dīnhā.
avasi sīsa dhari cāhau̐ kīnhā.
843 of 1432
गुर पितु मातु स्वामि हित बानी।
सुनि मन मुदित करिअ भलि जानी॥
उचित कि अनुचित किएँ बिचारू।
धरमु जाइ सिर पातक भारू॥
gura pitu mātu svāmi hita bānī.
suni mana mudita karia bhali jānī.
ucita ki anucita kiaẽ bicārū.
dharamu jāi sira pātaka bhārū.
844 of 1432
तुम्ह तौ देहु सरल सिख सोई।
जो आचरत मोर भल होई॥
जद्यपि यह समुझत हउँ नीकें।
तदपि होत परितोषु न जी कें॥
tumha tau dehu sarala sikha soī.
jo ācarata mora bhala hoī.
jadyapi yaha samujhata hau̐ nīkẽ.
tadapi hota paritoṣu na jī kẽ.
845 of 1432
अब तुम्ह बिनय मोरि सुनि लेहू।
मोहि अनुहरत सिखावनु देहू॥
उतरु देउँ छमब अपराधू।
दुखित दोष गुन गनहिं न साधू॥
aba tumha binaya mori suni lehū.
mohi anuharata sikhāvanu dehū.
utaru deu̐ chamaba aparādhū.
dukhita doṣa guna ganahĩ na sādhū.
846 of 1432
दो०—पितु सुरपुर सिय रामु बन करन कहहु मोहि राजु।
एहि तें जानहु मोर हित कै आपन बड़ काजु ॥ १७७॥
do.—pitu surapura siya rāmu bana karana kahahu mohi rāju.
ehi tẽ jānahu mora hita kai āpana baṛa kāju. (177)
847 of 1432
हित हमार सियपति सेवकाई।
सो हरि लीन्ह मातु कुटिलाई॥
मैं अनुमानि दीख मन माहीं।
आन उपायँ मोर हित नाहीं॥
hita hamāra siyapati sevakāī.
so hari līnha mātu kuṭilāī.
mai̐ anumāni dīkha mana māhī̃.
āna upāya̐ mora hita nāhī̃.
848 of 1432
सोक समाजु राजु केहि लेखें।
लखन राम सिय बिनु पद देखें॥
बादि बसन बिनु भूषन भारू।
बादि बिरति बिनु ब्रह्मबिचारू॥
soka samāju rāju kehi lekhẽ.
lakhana rāma siya binu pada dekhẽ.
bādi basana binu bhūṣana bhārū.
bādi birati binu brahmabicārū.
849 of 1432
सरुज सरीर बादि बहु भोगा।
बिनु हरिभगति जायँ जप जोगा॥
जायँ जीव बिनु देह सुहाई।
बादि मोर सबु बिनु रघुराई॥
saruja sarīra bādi bahu bhogā.
binu haribhagati jāya̐ japa jogā.
jāya̐ jīva binu deha suhāī.
bādi mora sabu binu raghurāī.
850 of 1432
जाउँ राम पहिं आयसु देहू।
एकहिं आँक मोर हित एहू॥
मोहि नृप करि भल आपन चहहू।
सोउ सनेह जड़ता बस कहहू॥
jāu̐ rāma pahi̐ āyasu dehū.
ekahi̐ ā̃ka mora hita ehū.
mohi nṛpa kari bhala āpana cahahū.
sou saneha jaṛatā basa kahahū.
851 of 1432
दो०—कैकेई सुअ कुटिलमति राम बिमुख गतलाज।
तुम्ह चाहत सुखु मोहबस मोहि से अधम कें राज ॥ १७८॥
do.—kaikeī sua kuṭilamati rāma bimukha gatalāja.
tumha cāhata sukhu mohabasa mohi se adhama kẽ rāja. (178)
852 of 1432
कहउँ साँचु सब सुनि पतिआहू।
चाहिअ धरमसील नरनाहू॥
मोहि राजु हठि देइहहु जबहीं।
रसा रसातल जाइहि तबहीं॥
kahau̐ sā̃cu saba suni patiāhū.
cāhia dharamasīla naranāhū.
mohi rāju haṭhi deihahu jabahī̃.
rasā rasātala jāihi tabahī̃.
853 of 1432
मोहि समान को पापनिवासू।
जेहि लगि सीय राम बनबासू॥
रायँ राम कहुँ काननु दीन्हा।
बिछुरत गमनु अमरपुर कीन्हा॥
mohi samāna ko pāpanivāsū.
jehi lagi sīya rāma banabāsū.
rāya̐ rāma kahu̐ kānanu dīnhā.
bichurata gamanu amarapura kīnhā.
854 of 1432
मैं सठु सब अनरथ कर हेतू।
बैठ बात सब सुनउँ सचेतू॥
बिनु रघुबीर बिलोकि अबासू।
रहे प्रान सहि जग उपहासू॥
mai̐ saṭhu saba anaratha kara hetū.
baiṭha bāta saba sunau̐ sacetū.
binu raghubīra biloki abāsū.
rahe prāna sahi jaga upahāsū.
855 of 1432
राम पुनीत बिषय रस रूखे।
लोलुप भूमि भोग के भूखे॥
कहँ लगि कहौं हृदय कठिनाई।
निदरि कुलिसु जेहिं लही बड़ाई॥
rāma punīta biṣaya rasa rūkhe.
lolupa bhūmi bhoga ke bhūkhe.
kahã lagi kahau̐ hṛdaya kaṭhināī.
nidari kulisu jehĩ lahī baṛāī.
856 of 1432
दो०—कारन तें कारजु कठिन होइ दोसु नहिं मोर।
कुलिस अस्थि तें उपल तें लोह कराल कठोर ॥ १७९॥
do.—kārana tẽ kāraju kaṭhina hoi dosu nahi̐ mora.
kulisa asthi tẽ upala tẽ loha karāla kaṭhora. (179)
857 of 1432
कैकेई भव तनु अनुरागे।
पावँर प्रान अघाइ अभागे॥
जौं प्रिय बिरहँ प्रान प्रिय लागे।
देखब सुनब बहुत अब आगे॥
kaikeī bhava tanu anurāge.
pāva̐ra prāna aghāi abhāge.
jau̐ priya birahã prāna priya lāge.
dekhaba sunaba bahuta aba āge.
858 of 1432
लखन राम सिय कहुँ बनु दीन्हा।
पठइ अमरपुर पति हित कीन्हा॥
लीन्ह बिधवपन अपजसु आपू।
दीन्हेउ प्रजहि सोकु संतापू॥
lakhana rāma siya kahu̐ banu dīnhā.
paṭhai amarapura pati hita kīnhā.
līnha bidhavapana apajasu āpū.
dīnheu prajahi soku saṃtāpū.
859 of 1432
मोहि दीन्ह सुखु सुजसु सुराजू।
कीन्ह कैकई सब कर काजू॥
एहि तें मोर काह अब नीका।
तेहि पर देन कहहु तुम्ह टीका॥
mohi dīnha sukhu sujasu surājū.
kīnha kaikaī saba kara kājū.
ehi tẽ mora kāha aba nīkā.
tehi para dena kahahu tumha ṭīkā.
860 of 1432
कैकइ जठर जनमि जग माहीं।
यह मोहि कहँ कछु अनुचित नाहीं॥
मोरि बात सब बिधिहिं बनाई।
प्रजा पाँच कत करहु सहाई॥
kaikai jaṭhara janami jaga māhī̃.
yaha mohi kahã kachu anucita nāhī̃.
mori bāta saba bidhihĩ banāī.
prajā pā̃ca kata karahu sahāī.
861 of 1432
दो०—ग्रह ग्रहीत पुनि बात बस तेहि पुनि बीछी मार।
तेहि पिआइअ बारुनी कहहु काह उपचार ॥ १८०॥
do.—graha grahīta puni bāta basa tehi puni bīchī māra.
tehi piāia bārunī kahahu kāha upacāra. (180)
862 of 1432
कैकइ सुअन जोगु जग जोई।
चतुर बिरंचि दीन्ह मोहि सोई॥
दसरथ तनय राम लघु भाई।
दीन्हि मोहि बिधि बादि बड़ाई॥
kaikai suana jogu jaga joī.
catura biraṃci dīnha mohi soī.
dasaratha tanaya rāma laghu bhāī.
dīnhi mohi bidhi bādi baṛāī.
863 of 1432
तुम्ह सब कहहु कढ़ावन टीका।
राय रजायसु सब कहँ नीका॥
उतरु देउँ केहि बिधि केहि केही।
कहहु सुखेन जथा रुचि जेही॥
tumha saba kahahu kaṛhāvana ṭīkā.
rāya rajāyasu saba kahã nīkā.
utaru deu̐ kehi bidhi kehi kehī.
kahahu sukhena jathā ruci jehī.
864 of 1432
मोहि कुमातु समेत बिहाई।
कहहु कहिहि के कीन्ह भलाई॥
मो बिनु को सचराचर माहीं।
जेहि सिय रामु प्रानप्रिय नाहीं॥
mohi kumātu sameta bihāī.
kahahu kahihi ke kīnha bhalāī.
mo binu ko sacarācara māhī̃.
jehi siya rāmu prānapriya nāhī̃.
865 of 1432
परम हानि सब कहँ बड़ लाहू।
अदिनु मोर नहिं दूषन काहू॥
संसय सील प्रेम बस अहहू।
सबुइ उचित सब जो कछु कहहू॥
parama hāni saba kahã baṛa lāhū.
adinu mora nahi̐ dūṣana kāhū.
saṃsaya sīla prema basa ahahū.
sabui ucita saba jo kachu kahahū.
866 of 1432
दो०—राम मातु सुठि सरलचित मो पर प्रेमु बिसेषि।
कहइ सुभाय सनेह बस मोरि दीनता देखि ॥ १८१॥
do.—rāma mātu suṭhi saralacita mo para premu biseṣi.
kahai subhāya saneha basa mori dīnatā dekhi. (181)
867 of 1432
गुर बिबेक सागर जगु जाना।
जिन्हहि बिस्व कर बदर समाना॥
मो कहँ तिलक साज सज सोऊ।
भएँ बिधि बिमुख बिमुख सबु कोऊ॥
gura bibeka sāgara jagu jānā.
jinhahi bisva kara badara samānā.
mo kahã tilaka sāja saja soū.
bhaẽ bidhi bimukha bimukha sabu koū.
868 of 1432
परिहरि रामु सीय जग माहीं।
कोउ न कहिहि मोर मत नाहीं॥
सो मैं सुनब सहब सुखु मानी।
अंतहुँ कीच तहाँ जहँ पानी॥
parihari rāmu sīya jaga māhī̃.
kou na kahihi mora mata nāhī̃.
so mai̐ sunaba sahaba sukhu mānī.
aṃtahu̐ kīca tahā̃ jahã pānī.
869 of 1432
डरु न मोहि जग कहिहि कि पोचू।
परलोकहु कर नाहिन सोचू॥
एकइ उर बस दुसह दवारी।
मोहि लगि भे सिय रामु दुखारी॥
ḍaru na mohi jaga kahihi ki pocū.
paralokahu kara nāhina socū.
ekai ura basa dusaha davārī.
mohi lagi bhe siya rāmu dukhārī.
870 of 1432
जीवन लाहु लखन भल पावा।
सबु तजि राम चरन मनु लावा॥
मोर जनम रघुबर बन लागी।
झूठ काह पछिताउँ अभागी॥
jīvana lāhu lakhana bhala pāvā.
sabu taji rāma carana manu lāvā.
mora janama raghubara bana lāgī.
jhūṭha kāha pachitāu̐ abhāgī.
871 of 1432
दो०—आपनि दारुन दीनता कहउँ सबहि सिरु नाइ।
देखें बिनु रघुनाथ पद जिय कै जरनि न जाइ ॥ १८२॥
do.—āpani dāruna dīnatā kahau̐ sabahi siru nāi.
dekhẽ binu raghunātha pada jiya kai jarani na jāi. (182)
872 of 1432
आन उपाउ मोहि नहिं सूझा।
को जिय कै रघुबर बिनु बूझा॥
एकहिं आँक इहइ मन माहीं।
प्रातकाल चलिहउँ प्रभु पाहीं॥
āna upāu mohi nahi̐ sūjhā.
ko jiya kai raghubara binu būjhā.
ekahi̐ ā̃ka ihai mana māhī̃.
prātakāla calihau̐ prabhu pāhī̃.
873 of 1432
जद्यपि मैं अनभल अपराधी।
भै मोहि कारन सकल उपाधी॥
तदपि सरन सनमुख मोहि देखी।
छमि सब करिहहिं कृपा बिसेषी॥
jadyapi mai̐ anabhala aparādhī.
bhai mohi kārana sakala upādhī.
tadapi sarana sanamukha mohi dekhī.
chami saba karihahĩ kṛpā biseṣī.
874 of 1432
सील सकुच सुठि सरल सुभाऊ।
कृपा सनेह सदन रघुराऊ॥
अरिहुक अनभल कीन्ह न रामा।
मैं सिसु सेवक जद्यपि बामा॥
sīla sakuca suṭhi sarala subhāū.
kṛpā saneha sadana raghurāū.
arihuka anabhala kīnha na rāmā.
mai̐ sisu sevaka jadyapi bāmā.
875 of 1432
तुम्ह पै पाँच मोर भल मानी।
आयसु आसिष देहु सुबानी॥
जेहिं सुनि बिनय मोहि जनु जानी।
आवहिं बहुरि रामु रजधानी॥
tumha pai pā̃ca mora bhala mānī.
āyasu āsiṣa dehu subānī.
jehĩ suni binaya mohi janu jānī.
āvahĩ bahuri rāmu rajadhānī.
876 of 1432
दो०—जद्यपि जनमु कुमातु तें मैं सठु सदा सदोस।
आपन जानि न त्यागिहहिं मोहि रघुबीर भरोस ॥ १८३॥
do.—jadyapi janamu kumātu tẽ mai̐ saṭhu sadā sadosa.
āpana jāni na tyāgihahĩ mohi raghubīra bharosa. (183)
877 of 1432
भरत बचन सब कहँ प्रिय लागे।
राम सनेह सुधाँ जनु पागे॥
लोग बियोग बिषम बिष दागे।
मंत्र सबीज सुनत जनु जागे॥
bharata bacana saba kahã priya lāge.
rāma saneha sudhā̃ janu pāge.
loga biyoga biṣama biṣa dāge.
maṃtra sabīja sunata janu jāge.
878 of 1432
मातु सचिव गुर पुर नर नारी।
सकल सनेहँ बिकल भए भारी॥
भरतहि कहहिं सराहि सराही।
राम प्रेम मूरति तनु आही॥
mātu saciva gura pura nara nārī.
sakala sanehã bikala bhae bhārī.
bharatahi kahahĩ sarāhi sarāhī.
rāma prema mūrati tanu āhī.
879 of 1432
तात भरत अस काहे न कहहू।
प्रान समान राम प्रिय अहहू॥
जो पावँरु अपनी जड़ताईं।
तुम्हहि सुगाइ मातु कुटिलाईं॥
tāta bharata asa kāhe na kahahū.
prāna samāna rāma priya ahahū.
jo pāva̐ru apanī jaṛatāī̃.
tumhahi sugāi mātu kuṭilāī̃.
880 of 1432
सो सठु कोटिक पुरुष समेता।
बसिहि कलप सत नरक निकेता॥
अहि अघ अवगुन नहिं मनि गहई।
हरइ गरल दुख दारिद दहई॥
so saṭhu koṭika puruṣa sametā.
basihi kalapa sata naraka niketā.
ahi agha avaguna nahi̐ mani gahaī.
harai garala dukha dārida dahaī.
881 of 1432
दो०—अवसि चलिअ बन रामु जहँ भरत मंत्रु भल कीन्ह।
सोक सिंधु बूड़त सबहि तुम्ह अवलंबनु दीन्ह ॥ १८४॥
do.—avasi calia bana rāmu jahã bharata maṃtru bhala kīnha.
soka siṃdhu būṛata sabahi tumha avalaṃbanu dīnha. (184)
882 of 1432
भा सब कें मन मोदु न थोरा।
जनु घन धुनि सुनि चातक मोरा॥
चलत प्रात लखि निरनउ नीके।
भरतु प्रानप्रिय भे सबही के॥
bhā saba kẽ mana modu na thorā.
janu ghana dhuni suni cātaka morā.
calata prāta lakhi niranau nīke.
bharatu prānapriya bhe sabahī ke.
883 of 1432
मुनिहि बंदि भरतहि सिरु नाई।
चले सकल घर बिदा कराई॥
धन्य भरत जीवनु जग माहीं।
सीलु सनेहु सराहत जाहीं॥
munihi baṃdi bharatahi siru nāī.
cale sakala ghara bidā karāī.
dhanya bharata jīvanu jaga māhī̃.
sīlu sanehu sarāhata jāhī̃.
884 of 1432
कहहिं परसपर भा बड़ काजू।
सकल चलै कर साजहिं साजू॥
जेहि राखहिं रहु घर रखवारी।
सो जानइ जनु गरदनि मारी॥
kahahiṁ parasapara bhā baṛa kājū.
sakala calai kara sājahiṁ sājū.
jehi rākhahiṁ rahu ghara rakhavārī.
so jānai janu garadani mārī.
885 of 1432
कोउ कह रहन कहिअ नहिं काहू।
को न चहइ जग जीवन लाहू॥
kou kaha rahana kahia nahiṁ kāhū.
ko na cahai jaga jīvana lāhū.
886 of 1432
जरउ सो संपति सदन सुखु सुहृद मातु पितु भाइ।
सनमुख होत जो राम पद करै न सहस सहाइ ॥ १८५॥
jarau so sampati sadana sukhu suhṛda mātu pitu bhāi.
sanamukha hota jo rāma pada karai na sahasa sahāi. (185)
887 of 1432
घर घर साजहिं बाहन नाना।
हरषु हृदयँ परभात पयाना॥
भरत जाइ घर कीन्ह बिचारू।
नगरु बाजि गज भवन भँडारू॥
ghara ghara sājahiṁ bāhana nānā.
haraṣu hṛdayaṁ parabhāta payānā.
bharata jāi ghara kīnha bicārū.
nagaru bāji gaja bhavana bhaṇḍārū.
888 of 1432
संपति सब रघुपति कै आही।
जौं बिनु जतन चलौं तजि ताही॥
तौ परिनाम न मोरि भलाई।
पाप सिरोमनि साईं दोहाई॥
sampati saba raghupati kai āhī.
jauṁ binu jatana calauṁ taji tāhī.
tau parināma na mori bhalāī.
pāpa siromani sāīṁ dohāī.
889 of 1432
करइ स्वामि हित सेवकु सोई।
दूषन कोटि देइ किन कोई॥
अस बिचारि सुचि सेवक बोले।
जे सपनेहुँ निज धरम न डोले॥
karai svāmi hita sevaku soī.
dūṣana koṭi dei kina koī.
asa bicāri suci sevaka bole.
je sapanehuṁ nija dharama na ḍole.
890 of 1432
कहि सबु मरमु धरमु भल भाषा।
जो जेहि लायक सो तेहिं राखा॥
करि सबु जतनु राखि रखवारे।
राम मातु पहिं भरतु सिधारे॥
kahi sabu maramu dharamu bhala bhāṣā.
jo jehi lāyaka so tehiṁ rākhā.
kari sabu jatanu rākhi rakhavāre.
rāma mātu pahiṁ bharatu sidhāre.
891 of 1432
आरत जननी जानि सब भरत सनेह सुजान।
कहेउ बनावन पालकीं सजन सुखासन जान ॥ १८६॥
ārata jananī jāni saba bharata saneha sujāna.
kaheu banāvana pālakīṁ sajana sukhāsana jāna. (186)
892 of 1432
चक्क चक्कि जिमि पुर नर नारी।
चहत प्रात उर आरत भारी॥
जागत सब निसि भयउ बिहाना।
भरत बोलाए सचिव सुजाना॥
cakka cakki jimi pura nara nārī.
cahata prāta ura ārata bhārī.
jāgata saba nisi bhayau bihānā.
bharata bolāe saciva sujānā.
893 of 1432
कहेउ लेहु सबु तिलक समाजू।
बनहिं देब मुनि रामहि राजू॥
बेगि चलहु सुनि सचिव जोहारे।
तुरत तुरग रथ नाग सँवारे॥
kaheu lehu sabu tilaka samājū.
banahiṁ deba muni rāmahi rājū.
begi calahu suni saciva johāre.
turata turaga ratha nāga saṁvāre.
894 of 1432
अरुंधती अरु अगिनि समाऊ।
रथ चढ़ि चले प्रथम मुनिराऊ॥
बिप्र बृंद चढ़ि बाहन नाना।
चले सकल तप तेज निधाना॥
aruṁdhatī aru agini samāū.
ratha caṛhi cale prathama munirāū.
bipra bṛṁda caṛhi bāhana nānā.
cale sakala tapa teja nidhānā.
895 of 1432
नगर लोग सब सजि सजि जाना।
चित्रकूट कहँ कीन्ह पयाना॥
सिबिका सुभग न जाहिं बखानी।
चढ़ि चढ़ि चलत भईं सब रानी॥
nagara loga saba saji saji jānā.
citrakūṭa kahaṁ kīnha payānā.
sibikā subhaga na jāhiṁ bakhānī.
caṛhi caṛhi calata bhaīṁ saba rānī.
896 of 1432
सौंपि नगर सुचि सेवकनि सादर सकल चलाइ।
सुमिरि राम सिय चरन तब चले भरत दोउ भाइ ॥ १८७॥
sauṁpi nagara suci sevakani sādara sakala calāi.
sumiri rāma siya carana taba cale bharata dou bhāi. (187)
897 of 1432
राम दरस बस सब नर नारी।
जनु करि करिनि चले तकि बारी॥
बन सिय रामु समुझि मन माहीं।
सानुज भरत पयादेहिं जाहीं॥
rāma darasa basa saba nara nārī.
janu kari karini cale taki bārī.
bana siya rāmu samujhi mana māhīṁ.
sānuja bharata payādehiṁ jāhīṁ.
898 of 1432
देखि सनेहु लोग अनुरागे।
उतरि चले हय गय रथ त्यागे॥
जाइ समीप राखि निज डोली।
राम मातु मृदु बानी बोली॥
dekhi sanehu loga anurāge.
utari cale haya gaya ratha tyāge.
jāi samīpa rākhi nija ḍolī.
rāma mātu mṛdu bānī bolī.
899 of 1432
तात चढ़हु रथ बलि महतारी।
होइहि प्रिय परिवारु दुखारी॥
तुम्हरें चलत चलिहि सबु लोगू।
सकल सोक कृस नहिं मग जोगू॥
tāta caṛhahu ratha bali mahatārī.
hoihi priya parivāru dukhārī.
tumhareṁ calata calihi sabu logū.
sakala soka kṛsa nahiṁ maga jogū.
900 of 1432
सिर धरि बचन चरन सिरु नाई।
रथ चढ़ि चलत भए दोउ भाई॥
तमसा प्रथम दिवस करि बासू।
दूसर गोमति तीर निवासू॥
sira dhari bacana carana siru nāī.
ratha caṛhi calata bhae dou bhāī.
tamasā prathama divasa kari bāsū.
dūsara gomati tīra nivāsū.
901 of 1432
पय अहार फल असन एक निसि भोजन एक लोग।
करत राम हित नेम ब्रत परिहरि भूषन भोग ॥ १८८॥
paya ahāra phala asana eka nisi bhojana eka loga.
karata rāma hita nema brata parihari bhūṣana bhoga. (188)
902 of 1432
सई तीर बसि चले बिहाने।
सृंगबेरपुर सब निअराने॥
समाचार सब सुने निषादा।
हृदयँ बिचार करइ सबिषादा॥
saī tīra basi cale bihāne.
sṛṁgaberapura saba niarāne.
samācāra saba sune niṣādā.
hṛdayaṁ bicāra karai sabiṣādā.
903 of 1432
कारन कवन भरतु बन जाहीं।
है कछु कपट भाउ मन माहीं॥
जौं पै जियँ न होति कुटिलाई।
तौ कत लीन्ह संग कटकाई॥
kārana kavana bharatu bana jāhīṁ.
hai kachu kapaṭa bhāu mana māhīṁ.
jauṁ pai jiyaṁ na hoti kuṭilāī.
tau kata līnha saṁga kaṭakāī.
904 of 1432
जानहिं सानुज रामहि मारी।
करउँ अकंटक राजु सुखारी॥
भरत न राजनीति उर आनी।
तब कलंकु अब जीवन हानी॥
jānahiṁ sānuja rāmahi mārī.
karauṁ akaṁṭaka rāju sukhārī.
bharata na rājanīti ura ānī.
taba kalaṁku aba jīvana hānī.
905 of 1432
सकल सुरासुर जुरहिं जुझारा।
रामहि समर न जीतनिहारा॥
का आचरजु भरतु अस करहीं।
नहिं बिष बेलि अमिअ फल फरहीं॥
sakala surāsura jurahiṁ jujhārā.
rāmahi samara na jītanihārā.
kā ācaraju bharatu asa karahīṁ.
nahiṁ biṣa beli amia phala pharahīṁ.
906 of 1432
अस बिचारि गुहँ ग्याति सन कहेउ सजग सब होहु।
हथवाँसहु बोरहु तरनि कीजिअ घाटारोहु ॥ १८९॥
asa bicāri guhaṁ gyāti sana kaheu sajaga saba hohu.
hathavāṁsahu borahu tarani kījia ghāṭārohu. (189)
907 of 1432
होहु सँजोइल रोकहु घाटा।
ठाटहु सकल मरै के ठाटा॥
सनमुख लोह भरत सन लेऊँ।
जिअत न सुरसरि उतरन देऊँ॥
hohu saṁjoila rokahu ghāṭā.
ṭhāṭahu sakala marai ke ṭhāṭā.
sanamukha loha bharata sana leūṁ.
jiata na surasari utarana deūṁ.
908 of 1432
समर मरनु पुनि सुरसरि तीरा।
राम काजु छनभंगु सरीरा॥
भरत भाइ नृपु मैं जन नीचू।
बड़ें भाग असि पाइअ मीचू॥
samara maranu puni surasari tīrā.
rāma kāju chanabhaṁgu sarīrā.
bharata bhāi nṛpu maiṁ jana nīcū.
baṛeṁ bhāga asi pāia mīcū.
909 of 1432
स्वामि काज करिहउँ रन रारी।
जस धवलिहउँ भुवन दस चारी॥
तजउँ प्रान रघुनाथ निहोरें।
दुहूँ हाथ मुद मोदक मोरें॥
svāmi kāja karihauṁ rana rārī.
jasa dhavalihauṁ bhuvana dasa cārī.
tajauṁ prāna raghunātha nihoreṁ.
duhūṁ hātha muda modaka moreṁ.
910 of 1432
साधु समाज न जाकर लेखा।
राम भगत महुँ जासु न रेखा॥
जायँ जिअत जग सो महिभारू।
जननी जौबन बिटप कुठारू॥
sādhu samāja na jākara lekhā.
rāma bhagata mahuṁ jāsu na rekhā.
jāyaṁ jiata jaga so mahibhārū.
jananī jaubana biṭapa kuṭhārū.
911 of 1432
बिगत बिषाद निषादपति सबहि बढ़ाइ उछाहु।
सुमिरि राम मागेउ तुरत तरकस धनुष सनाहु ॥ १९०॥
bigata biṣāda niṣādapati sabahi baṛhāi uchāhu.
sumiri rāma māgeu turata tarakasa dhanuṣa sanāhu. (190)
912 of 1432
बेगहु भाइहु सजहु सँजोऊ।
सुनि रजाइ कदराइ न कोऊ॥
भलेहिं नाथ सब कहहिं सहरषा।
एकहिं एक बढ़ावइ करषा॥
begahu bhāihu sajahu saṁjoū.
suni rajāi kadarāi na koū.
bhalehiṁ nātha saba kahahiṁ saharaṣā.
ekahiṁ eka baṛhāvai karaṣā.
913 of 1432
चले निषाद जोहारि जोहारी।
सूर सकल रन रूचइ रारी॥
सुमिरि राम पद पंकज पनहीं।
भाथीं बाँधि चढ़ाइन्हि धनहीं॥
cale niṣāda johāri johārī.
sūra sakala rana rūcai rārī.
sumiri rāma pada paṁkaja panahīṁ.
bhāthīṁ bāṁdhi caṛhāinhi dhanahīṁ.
914 of 1432
अँगरी पहिरि कूँड़ि सिर धरहीं।
फरसा बाँस सेल सम करहीं॥
एक कुसल अति ओड़न खाँड़े।
कूदहिं गगन मनहुँ छिति छाँड़े॥
aṁgarī pahiri kūṁṛi sira dharahīṁ.
pharasā bāṁsa sela sama karahīṁ.
eka kusala ati oṛana khāṁṛe.
kūdahiṁ gagana manahuṁ chiti chāṁṛe.
915 of 1432
निज निज साजु समाजु बनाई।
गुह राउतहि जोहारे जाई॥
देखि सुभट सब लायक जाने।
लै लै नाम सकल सनमाने॥
nija nija sāju samāju banāī.
guha rāutahi johāre jāī.
dekhi subhaṭa saba lāyaka jāne.
lai lai nāma sakala sanamāne.
916 of 1432
भाइहु लावहु धोख जनि आजु काज बड़ मोहि।
सुनि सरोष बोले सुभट बीर अधीर न होहि ॥ १९१॥
bhāihu lāvahu dhokha jani āju kāja baṛa mohi.
suni saroṣa bole subhaṭa bīra adhīra na hohi. (191)
917 of 1432
राम प्रताप नाथ बल तोरे।
करहिं कटकु बिनु भट बिनु घोरे॥
जीवत पाउ न पाछें धरहीं।
रुंड मुंडमय मेदिनि करहीं॥
rāma pratāpa nātha bala tore.
karahiṁ kaṭaku binu bhaṭa binu ghore.
jīvata pāu na pāchehṁ dharahīṁ.
ruṁḍa muṁḍamaya medini karahīṁ.
918 of 1432
दीख निषादनाथ भल टोलू।
कहेउ बजाउ जुझाऊ ढोलू॥
एतना कहत छींक भइ बाएँ।
कहेउ सगुनिअन्ह खेत सुहाए॥
dīkha niṣādanātha bhala ṭolū.
kaheu bajāu jujhāū ḍholū.
etanā kahata chīṁka bhai bāeṁ.
kaheu saguniyanha kheta suhāe.
919 of 1432
बूढ़ु एकु कह सगुन बिचारी।
भरतहि मिलिअ न होइहि रारी॥
रामहि भरतु मनावन जाहीं।
सगुन कहइ अस बिग्रहु नाहीं॥
būṛhu eku kaha saguna bicārī.
bharatahi milia na hoihi rārī.
rāmahi bharatu manāvana jāhīṁ.
saguna kahai asa bigrahu nāhīṁ.
920 of 1432
सुनि गुह कहइ नीक कह बूढ़ा।
सहसा करि पछिताहिं बिमूढ़ा॥
भरत सुभाउ सीलु बिनु बूझें।
बड़ि हित हानि जानि बिनु जूझें॥
suni guha kahai nīka kaha būṛhā.
sahasā kari pachitāhiṁ bimūṛhā.
bharata subhāu sīlu binu būjheṁ.
baṛi hita hāni jāni binu jūjheṁ.
921 of 1432
गहहु घाट भट समिटि सब लेउँ मरम मिलि जाइ।
बूझि मित्र अरि मध्य गति तस तब करिहउँ आइ ॥ १९२॥
gahahu ghāṭa bhaṭa samiṭi saba leuṁ marama mili jāi.
būjhi mitra ari madhya gati tasa taba karihauṁ āi. (192)
922 of 1432
लखब सनेहु सुभायँ सुहाएँ।
बैरु प्रीति नहिं दुरइँ दुराएँ॥
अस कहि भेंट सँजोवन लागे।
कंद मूल फल खग मृग मागे॥
lakhaba sanehu subhāyaṁ suhāeṁ.
bairu prīti nahiṁ duraiṁ durāeṁ.
asa kahi bheṁṭa saṁjovana lāge.
kaṁda mūla phala khaga mṛga māge.
923 of 1432
मीन पीन पाठीन पुराने।
भरि भरि भार कहारन्ह आने॥
मिलन साजु सजि मिलन सिधाए।
मंगल मूल सगुन सुभ पाए॥
mīna pīna pāṭhīna purāne.
bhari bhari bhāra kahāranha āne.
milana sāju saji milana sidhāe.
maṁgala mūla saguna subha pāe.
924 of 1432
देखि दूरि तें कहि निज नामू।
कीन्ह मुनीसहि दंड प्रनामू॥
जानि रामप्रिय दीन्हि असीसा।
भरतहि कहेउ बुझाइ मुनीसा॥
dekhi dūri teṁ kahi nija nāmū.
kīnha munīsahi daṁḍa pranāmū.
jāni rāmapriya dīnhi asīsā.
bharatahi kaheu bujhāi munīsā.
925 of 1432
राम सखा सुनि संदनु त्यागा।
चले उतरि उमगत अनुरागा॥
गाउँ जाति गुहँ नाउँ सुनाई।
कीन्ह जोहारु माथ महि लाई॥
rāma sakhā suni saṁdanu tyāgā.
cale utari umagata anurāgā.
gāuṁ jāti guhaṁ nāuṁ sunāī.
kīnha johāru mātha mahi lāī.
926 of 1432
करत दंडवत देखि तेहि भरत लीन्ह उर लाइ।
मनहुँ लखन सन भेंट भइ प्रेमु न हृदयँ समाइ ॥ १९३॥
karata daṁḍavata dekhi tehi bharata līnha ura lāi.
manahuṁ lakhana sana bheṁṭa bhai premu na hṛdayaṁ samāi. (193)
927 of 1432
भेंटत भरतु ताहि अति प्रीती।
लोग सिहाहिं प्रेम कै रीती॥
धन्य धन्य धुनि मंगल मूला।
सुर सराहि तेहि बरिसहिं फूला॥
bheṁṭata bharatu tāhi ati prītī.
loga sihāhiṁ prema kai rītī.
dhanya dhanya dhuni maṁgala mūlā.
sura sarāhi tehi barisahiṁ phūlā.
928 of 1432
लोक बेद सब भाँतिहिं नीचा।
जासु छाँह छुइ लेइअ सींचा॥
तेहि भरि अंक राम लघु भ्राता।
मिलत पुलक परिपूरित गाता॥
loka beda saba bhāṁtihiṁ nīcā.
jāsu chāṁha chui leia sīṁcā.
tehi bhari aṁka rāma laghu bhrātā.
milata pulaka paripūrita gātā.
929 of 1432
राम राम कहि जे जमुहाहीं।
तिन्हहि न पाप पुंज समुहाहीं॥
यह तौ राम लाइ उर लीन्हा।
कुल समेत जगु पावन कीन्हा॥
rāma rāma kahi je jamuhāhīṁ.
tinhahi na pāpa puṁja samuhāhīṁ.
yaha tau rāma lāi ura līnhā.
kula sameta jagu pāvana kīnhā.
930 of 1432
करमनास जलु सुरसरि परई।
तेहि को कहहु सीस नहिं धरई॥
उलटा नामु जपत जगु जाना।
बालमीकि भए ब्रह्म समाना॥
karamanāsa jalu surasari paraī.
tehi ko kahahu sīsa nahiṁ dharaī.
ulaṭā nāmu japata jagu jānā.
bālamīki bhae brahma samānā.
931 of 1432
स्वपच सबर खस जमन जड़ पावँर कोल किरात।
रामु कहत पावन परम होत भुवन बिख्यात ॥ १९४॥
svapaca sabara khasa jamana jaṛa pāvaṁra kola kirāta.
rāmu kahata pāvana parama hota bhuvana bikhyāta. (194)
932 of 1432
नहि अचिरिजु जुग जुग चलि आई।
केहि न दीन्हि रघुबीर बड़ाई॥
राम नाम महिमा सुर कहहीं।
सुनि सुनि अवध लोग सुखु लहहीं॥
nahi aciriju juga juga cali āī.
kehi na dīnhi raghubīra baṛāī.
rāma nāma mahimā sura kahahīṁ.
suni suni avadha loga sukhu lahahīṁ.
933 of 1432
रामसखहि मिलि भरत सप्रेमा।
पूँछी कुसल सुमंगल खेमा॥
देखि भरत कर सीलु सनेहू।
भा निषाद तेहि समय बिदेहू॥
rāmasakhahi mili bharata sapremā.
pūṁchī kusala sumaṁgala khemā.
dekhi bharata kara sīlu sanehū.
bhā niṣāda tehi samaya bidehū.
934 of 1432
सकुच सनेहु मोदु मन बाढ़ा।
भरतहि चितवत एकटक ठाढ़ा॥
धरि धीरजु पद बंदि बहोरी।
बिनय सप्रेम करत कर जोरी॥
sakuca sanehu modu mana bāṛhā.
bharatahi citavata ekaṭaka ṭhāṛhā.
dhari dhīraju pada baṁdi bahorī.
binaya saprema karata kara jorī.
935 of 1432
कुसल मूल पद पंकज पेखी।
मैं तिहुँ काल कुसल निज लेखी॥
अब प्रभु परम अनुग्रह तोरें।
सहित कोटि कुल मंगल मोरें॥
kusala mūla pada paṁkaja pekhī.
maiṁ tihuṁ kāla kusala nija lekhī.
aba prabhu parama anugraha toreṁ.
sahita koṭi kula maṁgala moreṁ.
936 of 1432
समुझि मोरि करतूति कुलु प्रभु महिमा जियँ जोइ।
जो न भजइ रघुबीर पद जग बिधि बंचित सोइ ॥ १९५॥
samujhi mori karatūti kulu prabhu mahimā jiyaṁ joi.
jo na bhajai raghubīra pada jaga bidhi baṁcita soi. (195)
937 of 1432
कपटी कायर कुमति कुजाती।
लोक बेद बाहेर सब भाँती॥
राम कीन्ह आपन जबही तें।
भयउँ भुवन भूषन तबही तें॥
kapaṭī kāyara kumati kujātī.
loka beda bāhera saba bhāṁtī.
rāma kīnha āpana jabahī teṁ.
bhayauṁ bhuvana bhūṣana tabahī teṁ.
938 of 1432
देखि प्रीति सुनि बिनय सुहाई।
मिलेउ बहोरि भरत लघु भाई॥
कहि निषाद निज नाम सुबानीं।
सादर सकल जोहारीं रानीं॥
dekhi prīti suni binaya suhāī.
mileu bahori bharata laghu bhāī.
kahi niṣāda nija nāma subānīṁ.
sādara sakala johārīṁ rānīṁ.
939 of 1432
जानि लखन सम देहिं असीसा।
जिअहु सुखी सय लाख बरीसा॥
निरखि निषादु नगर नर नारी।
भए सुखी जनु लखनु निहारी॥
jāni lakhana sama dehiṁ asīsā.
jiahu sukhī saya lākha barīsā.
nirakhi niṣādu nagara nara nārī.
bhae sukhī janu lakhanu nihārī.
940 of 1432
कहहिं लहेउ एहिं जीवन लाहू।
भेंटेउ रामभद्र भरि बाहू॥
सुनि निषादु निज भाग बड़ाई।
प्रमुदित मन लइ चलेउ लेवाई॥
kahahiṁ laheu ehiṁ jīvana lāhū.
bheṁṭeu rāmabhadra bhari bāhū.
suni niṣādu nija bhāga baṛāī.
pramudita mana lai caleu levāī.
941 of 1432
सनकारे सेवक सकल चले स्वामि रुख पाइ।
घर तरु तर सर बाग बन बास बनाएन्हि जाइ ॥ १९६॥
sanakāre sevaka sakala cale svāmi rukha pāi.
ghara taru tara sara bāga bana bāsa banāenhi jāi. (196)
942 of 1432
सृंगबेरपुर भरत दीख जब।
भे सनेहँ सब अंग सिथिल तब॥
सोहत दिएँ निषादहि लागू।
जनु तनु धरें बिनय अनुरागू॥
sṛṁgaberapura bharata dīkha jaba.
bhe sanehaṁ saba aṁga sithila taba.
sohata dieṁ niṣādahi lāgū.
janu tanu dhareṁ binaya anurāgū.
943 of 1432
एहि बिधि भरत सेनु सबु संगा।
दीखि जाइ जग पावनि गंगा॥
रामघाट कहँ कीन्ह प्रनामू।
भा मनु मगनु मिले जनु रामू॥
ehi bidhi bharata senu sabu saṁgā.
dīkhi jāi jaga pāvani gaṁgā.
rāmaghāṭa kahaṁ kīnha pranāmū.
bhā manu maganu mile janu rāmū.
944 of 1432
करहिं प्रनाम नगर नर नारी।
मुदित ब्रह्ममय बारि निहारी॥
करि मज्जनु मागहिं कर जोरी।
रामचंद्र पद प्रीति न थोरी॥
karahiṁ pranāma nagara nara nārī.
mudita brahmamaya bāri nihārī.
kari majjanu māgahiṁ kara jorī.
rāmacaṁdra pada prīti na thorī.
945 of 1432
भरत कहेउ सुरसरि तव रेनू।
सकल सुखद सेवक सुरधेनू॥
जोरि पानि बर मागउँ एहू।
सीय राम पद सहज सनेहू॥
bharata kaheu surasari tava renū.
sakala sukhada sevaka suradhenū.
jori pāni bara māgauṁ ehū.
sīya rāma pada sahaja sanehū.
946 of 1432
एहि बिधि मज्जनु भरतु करि गुर अनुसासन पाइ।
मातु नहानीं जानि सब डेरा चले लवाइ ॥ १९७॥
ehi bidhi majjanu bharatu kari gura anusāsana pāi.
mātu nahānīṁ jāni saba ḍerā cale lavāi. (197)
947 of 1432
जहँ तहँ लोगन्ह डेरा कीन्हा।
भरत सोधु सबही कर लीन्हा॥
सुर सेवा करि आयसु पाई।
राम मातु पहिं गे दोउ भाई॥
jahaṁ tahaṁ loganha ḍerā kīnhā.
bharata sodhu sabahī kara līnhā.
sura sevā kari āyasu pāī.
rāma mātu pahiṁ ge dou bhāī.
948 of 1432
चरन चाँपि कहि कहि मृदु बानी।
जननीं सकल भरत सनमानी॥
भाइहि सौंपि मातु सेवकाई।
आपु निषादहि लीन्ह बोलाई॥
carana cāṁpi kahi kahi mṛdu bānī.
jananīṁ sakala bharata sanamānī.
bhāihi sauṁpi mātu sevakāī.
āpu niṣādahi līnha bolāī.
949 of 1432
चले सखा कर सों कर जोरें।
सिथिल सरीरु सनेह न थोरें॥
पूँछत सखहि सो ठाउँ देखाऊ।
नेकु नयन मन जरनि जुड़ाऊ॥
cale sakhā kara sauṁ kara joreṁ.
sithila sarīru saneha na thoreṁ.
pūṁchata sakhahi so ṭhāuṁ dekhāū.
neku nayana mana jarani juṛāū.
950 of 1432
जहँ सिय रामु लखनु निसि सोए।
कहत भरे जल लोचन कोए॥
भरत बचन सुनि भयउ बिषादू।
तुरत तहाँ लइ गयउ निषादू॥
jahaṁ siya rāmu lakhanu nisi soe.
kahata bhare jala locana koe.
bharata bacana suni bhayau biṣādū.
turata tahāṁ lai gayau niṣādū.
951 of 1432
जहँ सिंसुपा पुनीत तर रघुबर किय बिश्रामु।
अति सनेहँ सादर भरत कीन्हेउ दंड प्रनामु ॥ १९८॥
jahaṁ siṁsupā punīta tara raghubara kiya biśrāmu.
ati sanehaṁ sādara bharata kīnheu daṁḍa pranāmu. (198)
952 of 1432
कुस साँथरी निहारि सुहाई।
कीन्ह प्रनामु प्रदच्छिन जाई॥
चरन रेख रज आँखिन्ह लाई।
बनइ न कहत प्रीति अधिकाई॥
kusa sāṁtharī nihāri suhāī.
kīnha pranāmu pradacchina jāī.
carana rekha raja āṁkhinha lāī.
banai na kahata prīti adhikāī.
953 of 1432
कनक बिंदु दुइ चारिक देखे।
राखे सीस सीय सम लेखे॥
सजल बिलोचन हृदयँ गलानी।
कहत सखा सन बचन सुबानी॥
kanaka biṁdu dui cārika dekhe.
rākhe sīsa sīya sama lekhe.
sajala bilocana hṛdayaṁ galānī.
kahata sakhā sana bacana subānī.
954 of 1432
श्रीहत सीय बिरहँ दुतिहीना।
जथा अवध नर नारि बिलीना॥
पिता जनक देउँ पटतर केही।
करतल भोगु जोगु जग जेही॥
śrīhata sīya birahaṁ dutihīnā.
jathā avadha nara nāri bilīnā.
pitā janaka deuṁ paṭatara kehī.
karatala bhogu jogu jaga jehī.
955 of 1432
ससुर भानुकुल भानु भुआलू।
जेहि सिहात अमरावतिपालू॥
प्राननाथु रघुनाथ गोसाईं।
जो बड़ होत सो राम बड़ाई॥
sasura bhānukula bhānu bhuālū.
jehi sihāta amarāvatipālū.
prānanāthu raghunātha gosāīṁ.
jo baṛa hota so rāma baṛāī.
956 of 1432
पति देवता सुतीय मनि सीय साँथरी देखि।
बिहरत हृदउ न हहरि हर पबि तें कठिन बिसेषि ॥ १९९॥
pati devatā sutīya mani sīya sāṁtharī dekhi.
biharata hṛdau na hahari hara pabi teṁ kaṭhina biseṣi. (199)
957 of 1432
लालन जोगु लखन लघु लोने।
भे न भाइ अस अहहिं न होने॥
पुरजन प्रिय पितु मातु दुलारे।
सिय रघुबीरहि प्रानपिआरे॥
lālana jogu lakhana laghu lone.
bhe na bhāi asa ahahiṁ na hone.
purajana priya pitu mātu dulāre.
siya raghubīrahi prānapiāre.
958 of 1432
मृदु मूरति सुकुमार सुभाऊ।
तात बाउ तन लाग न काऊ॥
ते बन सहहिं बिपति सब भाँती।
निदरे कोटि कुलिस एहिं छाती॥
mṛdu mūrati sukumāra subhāū.
tāta bāu tana lāga na kāū.
te bana sahahiṁ bipati saba bhāṁtī.
nidare koṭi kulisa ehiṁ chātī.
959 of 1432
राम जनमि जगु कीन्ह उजागर।
रूप सील सुख सब गुन सागर॥
पुरजन परिजन गुर पितु माता।
राम सुभाउ सबहि सुखदाता॥
rāma janami jagu kīnha ujāgara.
rūpa sīla sukha saba guna sāgara.
purajana parijana gura pitu mātā.
rāma subhāu sabahi sukhadātā.
960 of 1432
बैरिउ राम बड़ाई करहीं।
बोलनि मिलनि बिनय मन हरहीं॥
सारद कोटि कोटि सत सेषा।
करि न सकहिं प्रभु गुन गन लेखा॥
bairiu rāma baṛāī karahīṁ.
bolani milani binaya mana harahīṁ.
sārada koṭi koṭi sata seṣā.
kari na sakahiṁ prabhu guna gana lekhā.
961 of 1432
सुखस्वरूप रघुबंसमनि मंगल मोद निधान।
ते सोवत कुस डासि महि बिधि गति अति बलवान ॥ २००॥
sukhasvarūpa raghubaṁsamani maṁgala moda nidhāna.
te sovata kusa ḍāsi mahi bidhi gati ati balavāna. (200)
962 of 1432
राम सुना दुखु कान न काऊ।
जीवनतरु जिमि जोगवइ राऊ॥
पलक नयन फनि मनि जेहि भाँती।
जोगवहिं जननि सकल दिन राती॥
rāma sunā dukhu kāna na kāū.
jīvanataru jimi jogavai rāū.
palaka nayana phani mani jehi bhāṁtī.
jogavahiṁ janani sakala dina rātī.
963 of 1432
ते अब फिरत बिपिन पदचारी।
कंद मूल फल फूल अहारी॥
धिग कैकई अमंगल मूला।
भइसि प्रान प्रियतम प्रतिकूला॥
te aba phirata bipina padacārī.
kaṁda mūla phala phūla ahārī.
dhiga kaikaī amaṁgala mūlā.
bhaisi prāna priyatama pratikūlā.
964 of 1432
मैं धिग धिग अघ उदधि अभागी।
सबु उतपातु भयउ जेहि लागी॥
कुल कलंकु करि सृजेउ बिधाताँ।
साइँदोह मोहि कीन्ह कुमाताँ॥
maiṁ dhiga dhiga agha udadhi abhāgī.
sabu utapātu bhayau jehi lāgī.
kula kalaṁku kari sṛjeu bidhātāṁ.
sāiṁdoha mohi kīnha kumātāṁ.
965 of 1432
सुनि सप्रेम समुझाव निषादू।
नाथ करिअ कत बादि बिषादू॥
राम तुम्हहि प्रिय तुम्ह प्रिय रामहि।
यह निरजोसु दोसु बिधि बामहि॥
suni saprema samujhāva niṣādū.
nātha karia kata bādi biṣādū.
rāma tumhahi priya tumha priya rāmahi.
yaha nirajosu dosu bidhi bāmahi.
966 of 1432
बिधि बाम की करनी कठिन जेहिं मातु कीन्ही बावरी।
तेहि राति पुनि पुनि करहिं प्रभु सादर सरहना रावरी॥
तुलसी न तुम्ह सो राम प्रीतमु कहतु हौं सौंहें किएँ।
परिनाम मंगल जानि अपने आनिए धीरजु हिएँ॥
bidhi bāma kī karanī kaṭhina jehiṁ mātu kīnhī bāvarī.
tehi rāti puni puni karahiṁ prabhu sādara sarahanā rāvarī.
tulasī na tumha so rāma prītamu kahatu hauṁ sauṁheṁ kieṁ.
parināma maṁgala jāni apane ānie dhīraju hieṁ.
967 of 1432
अंतरजामी रामु सकुच सप्रेम कृपायतन।
चलिअ करिअ बिश्रामु यह बिचारि दृढ़ आनि मन ॥ २०१॥
aṁtarajāmī rāmu sakuca saprema kṛpāyatana.
calia karia biśrāmu yaha bicāri dṛṛha āni mana. (201)
968 of 1432
सखा बचन सुनि उर धरि धीरा।
बास चले सुमिरत रघुबीरा॥
यह सुधि पाइ नगर नर नारी।
चले बिलोकन आरत भारी॥
sakhā bacana suni ura dhari dhīrā.
bāsa cale sumirata raghubīrā.
yaha sudhi pāi nagara nara nārī.
cale bilokana ārata bhārī.
969 of 1432
परदखिना करि करहिं प्रनामा।
देहिं कैकइहि खोरि निकामा॥
भरि भरि बारि बिलोचन लेहीं।
बाम बिधातहि दूषन देहीं॥
paradakhinā kari karahiṁ pranāmā.
dehiṁ kaikaihi khori nikāmā.
bhari bhari bāri bilocana lehīṁ.
bāma bidhātahi dūṣana dehīṁ.
970 of 1432
एक सराहहिं भरत सनेहू।
कोउ कह नृपति निबाहेउ नेहू॥
निंदहिं आपु सराहि निषादहि।
को कहि सकइ बिमोह बिषादहि॥
eka sarāhahiṁ bharata sanehū.
kou kaha nṛpati nibāheu nehū.
niṁdahiṁ āpu sarāhi niṣādahi.
ko kahi sakai bimoha biṣādahi.
971 of 1432
एहि बिधि राति लोगु सबु जागा।
भा भिनुसार गुदारा लागा॥
गुरहि सुनावँ चढ़ाइ सुहाई।
नई नाव सब मातु चढ़ाई॥
ehi bidhi rāti logu sabu jāgā.
bhā bhinusāra gudārā lāgā.
gurahi sunāvaṁ caṛhāi suhāī.
naī nāva saba mātu caṛhāī.
972 of 1432
दंड चारि महँ भा सबु पारा।
उतरि भरत तब सबहि सँभारा॥
daṁḍa cāri mahaṁ bhā sabu pārā.
utari bharata taba sabahi saṁbhārā.
973 of 1432
प्रातक्रिया करि मातु पद बंदि गुरहि सिरु नाइ।
आगें किए निषाद गन दीन्हेउ कटकु चलाइ ॥ २०२॥
prātakriyā kari mātu pada bandi gurahi siru nāi.
āgen kie niṣāda gana dīnheu kaṭaku chalāi॥ (202)
974 of 1432
कियउ निषादनाथु अगुआई।
मातु पालकीं सकल चलाई॥
साथ बोलाइ भाइ लघु दीन्हा।
बिप्रन्ह सहित गवनु गुर कीन्हा॥
kiyau niṣādanāthu aguāī.
mātu pālakīn sakala chalāī॥
sātha bolāi bhāi laghu dīnhā.
biprnha sahita gavanu gura kīnhā॥
975 of 1432
आपु सुरसरिहि कीन्ह प्रनामू।
सुमिरे लखन सहित सिय रामू॥
गवने भरत पयादेहिं पाए।
कोतल संग जाहिं डोरिआए॥
āpu surasarihi kīnha pranāmū.
sumire lakhana sahita siya rāmū॥
gavane bharata payādehin pāe.
kotala saṅga jāhin ḍoriāe॥
976 of 1432
कहहिं सुसेवक बारहिं बारा।
होइअ नाथ अस्व असवारा॥
रामु पयादेहि पायँ सिधाए।
हम कहँ रथ गज बाजि बनाए॥
kahahin susevaka bārahin bārā.
hoia nātha asva asavārā॥
rāmu payādehi pāyan sidhāe.
hama kahan ratha gaja bāji banāe॥
977 of 1432
सिर भर जाउँ उचित अस मोरा।
सब तें सेवक धरमु कठोरा॥
देखि भरत गति सुनि मृदु बानी।
सब सेवक गन गरहिं गलानी॥
sira bhara jāun uchita asa morā.
saba ten sevaka dharamu kaṭhorā॥
dekhi bharata gati suni mr̥du bānī.
saba sevaka gana garahin galānī॥
978 of 1432
भरत तीसरे पहर कहँ कीन्ह प्रबेसु प्रयाग।
कहत राम सिय राम सिय उमगि उमगि अनुराग ॥ २०३॥
bharata tīsare pahara kahan kīnha prabesu prayāga.
kahata rāma siya rāma siya umagi umagi anurāga॥ (203)
979 of 1432
झलका झलकत पायन्ह कैसें।
पंकज कोस ओस कन जैसें॥
भरत पयादेहिं आए आजू।
भयउ दुखित सुनि सकल समाजू॥
jhalakā jhalakata pāyanha kaisen.
paṅkaja kosa osa kana jaisen॥
bharata payādehin āe ājū.
bhayau dukhita suni sakala samājū॥
980 of 1432
खबरि लीन्ह सब लोग नहाए।
कीन्ह प्रनामु त्रिबेनिहिं आए॥
सबिधि सितासित नीर नहाने।
दिए दान महिसुर सनमाने॥
khabari līnha saba loga nahāe.
kīnha pranāmu tribenihin āe॥
sabidhi sitāsita nīra nahāne.
die dāna mahisura sanamāne॥
981 of 1432
देखत स्यामल धवल हलोरे।
पुलकि सरीर भरत कर जोरे॥
सकल कामप्रद तीरथराऊ।
बेद बिदित जग प्रगट प्रभाऊ॥
dekhata syāmala dhavala halore.
pulaki sarīra bharata kara jore॥
sakala kāmaprada tīratharāū.
beda bidita jaga pragaṭa prabhāū॥
982 of 1432
मागउँ भीख त्यागि निज धरमू।
आरत काह न करइ कुकरमू॥
अस जियँ जानि सुजान सुदानी।
सफल करहिं जग जाचक बानी॥
māgaun bhīkha tyāgi nija dharamū.
ārata kāha na karai kukaramū॥
asa jiyan jāni sujāna sudānī.
saphala karahin jaga jāchaka bānī॥
983 of 1432
अरथ न धरम न काम रुचि गति न चहउँ निरबान।
जनम जनम रति राम पद यह बरदानु न आन ॥ २०४॥
aratha na dharama na kāma ruchi gati na chahaun nirabāna.
janama janama rati rāma pada yaha baradānu na āna॥ (204)
984 of 1432
जानहुँ रामु कुटिल करि मोही।
लोग कहउ गुर साहिब द्रोही॥
सीता राम चरन रति मोरें।
अनुदिन बढ़उ अनुग्रह तोरें॥
jānahun rāmu kuṭila kari mohī.
loga kahau gura sāhiba drohī॥
sītā rāma charana rati moren.
anudina baḍhau anugraha toren॥
985 of 1432
जलदु जनम भरि सुरति बिसारउ।
जाचत जलु पबि पाहन डारउ॥
चातकु रटनि घटें घटि जाई।
बढ़ें प्रेमु सब भाँति भलाई॥
jaladu janama bhari surati bisārau.
jāchata jalu pabi pāhana ḍārau॥
chātaku raṭani ghaṭen ghaṭi jāī.
baḍhen premu saba bhānti bhalāī॥
986 of 1432
कनकहिं बान चढ़इ जिमि दाहें।
तिमि प्रियतम पद नेम निबाहें॥
भरत बचन सुनि माझ त्रिबेनी।
भइ मृदु बानि सुमंगल देनी॥
kanakahin bāna chaḍhai jimi dāhen.
timi priyatama pada nema nibāhen॥
bharata bachana suni mājha tribenī.
bhai mr̥du bāni sumaṅgala denī॥
987 of 1432
तात भरत तुम्ह सब बिधि साधू।
राम चरन अनुराग अगाधू॥
बादि गलानि करहु मन माहीं।
तुम्ह सम रामहि कोउ प्रिय नाहीं॥
tāta bharata tumha saba bidhi sādhū.
rāma charana anurāga agādhū॥
bādi galāni karahu mana māhīn.
tumha sama rāmahi kou priya nāhīn॥
988 of 1432
तनु पुलकेउ हियँ हरषु सुनि बेनि बचन अनुकूल।
भरत धन्य कहि धन्य सुर हरषित बरषहिं फूल ॥ २०५॥
tanu pulakeu hiyan haraṣu suni beni bachana anukūla.
bharata dhanya kahi dhanya sura haraṣita baraṣahin phūla॥ (205)
989 of 1432
प्रमुदित तीरथराज निवासी।
बैखानस बटु गृही उदासी॥
कहहिं परसपर मिलि दस पाँचा।
भरत सनेहु सीलु सुचि साँचा॥
pramudita tīratharāja nivāsī.
baikhānasa baṭu gr̥hī udāsī॥
kahahin parasapara mili dasa pānchā.
bharata sanehu sīlu suchi sānchā॥
990 of 1432
सुनत राम गुन ग्राम सुहाए।
भरद्वाज मुनिबर पहिं आए॥
दंड प्रनामु करत मुनि देखे।
मूरतिमंत भाग्य निज लेखे॥
sunata rāma guna grāma suhāe.
bharadvāja munibara pahin āe॥
daṇḍa pranāmu karata muni dekhe.
mūratimanta bhāgya nija lekhe॥
991 of 1432
धाइ उठाइ लाइ उर लीन्हे।
दीन्हि असीस कृतारथ कीन्हे॥
आसनु दीन्ह नाइ सिरु बैठे।
चहत सकुच गृहँ जनु भजि पैठे॥
dhāi uṭhāi lāi ura līnhe.
dīnhi asīsa kr̥tāratha kīnhe॥
āsanu dīnha nāi siru baiṭhe.
chahata sakucha gr̥han janu bhaji paiṭhe॥
992 of 1432
मुनि पूँछब कछु यह बड़ सोचू।
बोले रिषि लखि सीलु सँकोचू॥
सुनहु भरत हम सब सुधि पाई।
बिधि करतब पर किछु न बसाई॥
muni pūnchhaba kachhu yaha baḍa sochū.
bole riṣi lakhi sīlu sankochū॥
sunahu bharata hama saba sudhi pāī.
bidhi karataba para kichhu na basāī॥
993 of 1432
तुम्ह गलानि जियँ जनि करहु समुझि मातु करतूति।
तात कैकइहि दोसु नहिं गई गिरा मति धूति ॥ २०६॥
tumha galāni jiyan jani karahu samujhi mātu karatūti.
tāta kaikaihi dosu nahin gaī girā mati dhūti॥ (206)
994 of 1432
यहउ कहत भल कहिहि न कोऊ।
लोकु बेदु बुध संमत दोऊ॥
तात तुम्हार बिमल जसु गाई।
पाइहि लोकउ बेदु बड़ाई॥
yahau kahata bhala kahihi na koū.
loku bedu budha sanmata doū॥
tāta tumhāra bimala jasu gāī.
pāihi lokau bedu baḍāī॥
995 of 1432
लोक बेद संमत सबु कहई।
जेहि पितु देइ राजु सो लहई॥
राउ सत्यब्रत तुम्हहि बोलाई।
देत राजु सुखु धरमु बड़ाई॥
loka beda sanmata sabu kahaī.
jehi pitu dei rāju so lahaī॥
rāu satyabrata tumhahi bolāī.
deta rāju sukhu dharamu baḍāī॥
996 of 1432
राम गवनु बन अनरथ मूला।
जो सुनि सकल बिस्व भइ सूला॥
सो भावी बस रानि अयानी।
करि कुचालि अंतहुँ पछितानी॥
rāma gavanu bana anaratha mūlā.
jo suni sakala bisva bhai sūlā॥
so bhāvī basa rāni ayānī.
kari kuchāli antahun pachhitānī॥
997 of 1432
तहँउँ तुम्हार अलप अपराधू।
कहै सो अधम अयान असाधू॥
करतेहु राजु त तुम्हहि न दोषू।
रामहि होत सुनत संतोषू॥
tahaun tumhāra alapa aparādhū.
kahai so adhama ayāna asādhū॥
karateha rāju ta tumhahi na doṣū.
rāmahi hota sunata santoṣū॥
998 of 1432
अब अति कीन्हेहु भरत भल तुम्हहि उचित मत एहु।
सकल सुमंगल मूल जग रघुबर चरन सनेहु ॥ २०७॥
aba ati kīnheu bharata bhala tumhahi uchita mata ehu.
sakala sumaṅgala mūla jaga raghubara charana sanehu॥ (207)
999 of 1432
सो तुम्हार धनु जीवनु प्राना।
भूरिभाग को तुम्हहि समाना॥
यह तुम्हार आचरजु न ताता।
दसरथ सुअन राम प्रिय भ्राता॥
so tumhāra dhanu jīvanu prānā.
bhūribhāga ko tumhahi samānā॥
yaha tumhāra ācharaju na tātā.
dasaratha suana rāma priya bhrātā॥
1000 of 1432
सुनहु भरत रघुबर मन माहीं।
पेम पात्रु तुम्ह सम कोउ नाहीं॥
लखन राम सीतहि अति प्रीती।
निसि सब तुम्हहि सराहत बीती॥
sunahu bharata raghubara mana māhīn.
pema pātru tumha sama kou nāhīn॥
lakhana rāma sītahi ati prītī.
nisi saba tumhahi sarāhata bītī॥
1001 of 1432
जाना मरमु नहात प्रयागा।
मगन होहिं तुम्हरें अनुरागा॥
तुम्ह पर अस सनेहु रघुबर कें।
सुख जीवन जग जस जड़ नर कें॥
jānā maramu nahāta prayāgā.
magana hohin tumhaḍren anurāgā॥
tumha para asa sanehu raghubara ken.
sukha jīvana jaga jasa jaḍa nara ken॥
1002 of 1432
यह न अधिक रघुबीर बड़ाई।
प्रनत कुटुंब पाल रघुराई॥
तुम्ह तौ भरत मोर मत एहू।
धरें देह जनु राम सनेहू॥
yaha na adhika raghubīra baḍāī.
pranata kuṭunba pāla raghurāī॥
tumha tau bharata mora mata ehū.
dharen deha janu rāma sanehū॥
1003 of 1432
तुम्ह कहँ भरत कलंक यह हम सब कहँ उपदेसु।
राम भगति रस सिद्धि हित भा यह समउ गनेसु ॥ २०८॥
tumha kahan bharata kalaṅka yaha hama saba kahan upadesu.
rāma bhagati rasa siddhi hita bhā yaha samau ganesu॥ (208)
1004 of 1432
नव बिधु बिमल तात जसु तोरा।
रघुबर किंकर कुमुद चकोरा॥
उदित सदा अँथइहि कबहूँ ना।
घटिहि न जग नभ दिन दिन दूना॥
nava bidhu bimala tāta jasu torā.
raghubara kiṅkara kumuda chakorā॥
udita sadā anthaihi kabahūn nā.
ghaṭihi na jaga nabha dina dina dūnā॥
1005 of 1432
कोक तिलोक प्रीति अति करिही।
प्रभु प्रताप रबि छबिहि न हरिही॥
निसि दिन सुखद सदा सब काहू।
ग्रसिहि न कैकइ करतबु राहू॥
koka tiloka prīti ati karihī.
prabhu pratāpa rabi chhabihi na harihī॥
nisi dina sukhada sadā saba kāhū.
grasihi na kaikai karatabu rāhū॥
1006 of 1432
पूरन राम सुपेम पियूषा।
गुर अवमान दोष नहिं दूषा॥
रामभगत अब अमिअँ अघाहूँ।
कीन्हेहु सुलभ सुधा बसुधाहूँ॥
pūrana rāma supema piyūṣā.
gura avamāna doṣa nahin dūṣā॥
rāmabhagata aba amian aghāhūn.
kīnheu sulabha sudhā basudhāhūn॥
1007 of 1432
भूप भगीरथ सुरसरि आनी।
सुमिरत सकल सुमंगल खानी॥
दसरथ गुन गन बरनि न जाहीं।
अधिकु कहा जेहि सम जग नाहीं॥
bhūpa bhagīratha surasari ānī.
sumirata sakala sumaṅgala khānī॥
dasaratha guna gana barani na jāhīn.
adhiku kahā jehi sama jaga nāhīn॥
1008 of 1432
जासु सनेह सकोच बस राम प्रगट भए आइ।
जे हर हिय नयननि कबहुँ निरखे नहीं अघाइ ॥ २०९॥
jāsu saneha sakocha basa rāma pragaṭa bhae āi.
je hara hiya nayanani kabahun nirakhe nahīn aghāi॥ (209)
1009 of 1432
कीरति बिधु तुम्ह कीन्ह अनूपा।
जहँ बस राम पेम मृगरूपा॥
तात गलानि करहु जियँ जाएँ।
डरहु दरिद्रहि पारसु पाएँ॥
kīrati bidhu tumha kīnha anūpā.
jahan basa rāma pema mr̥garūpā॥
tāta galāni karahu jiyan jāen.
ḍarahu daridrahi pārasu pāen॥
1010 of 1432
सुनहु भरत हम झूठ न कहहीं।
उदासीन तापस बन रहहीं॥
सब साधन कर सुफल सुहावा।
लखन राम सिय दरसनु पावा॥
sunahu bharata hama jhūṭha na kahahīn.
udāsīna tāpasa bana rahahīn॥
saba sādhana kara suphala suhāvā.
lakhana rāma siya darasanu pāvā॥
1011 of 1432
तेहि फल कर फलु दरस तुम्हारा।
सहित पयाग सुभाग हमारा॥
भरत धन्य तुम्ह जसु जगु जयऊ।
कहि अस पेम मगन मुनि भयऊ॥
tehi phala kara phalu darasa tumhārā.
sahita payāga subhāga hamārā॥
bharata dhanya tumha jasu jagu jayaū.
kahi asa pema magana muni bhayaū॥
1012 of 1432
सुनि मुनि बचन सभासद हरषे।
साधु सराहि सुमन सुर बरषे॥
धन्य धन्य धुनि गगन पयागा।
सुनि सुनि भरतु मगन अनुरागा॥
suni muni bachana sabhāsada haraṣe.
sādhu sarāhi sumana sura baraṣe॥
dhanya dhanya dhuni gagana payāgā.
suni suni bharatu magana anurāgā॥
1013 of 1432
पुलक गात हियँ रामु सिय सजल सरोरुह नैन।
करि प्रनामु मुनि मंडलिहि बोले गदगद बैन ॥ २१०॥
pulaka gāta hiyan rāmu siya sajala saroruha naina.
kari pranāmu muni maṇḍalihi bole gadagada baina॥ (210)
1014 of 1432
मुनि समाजु अरु तीरथराजू।
साँचिहुँ सपथ अघाइ अकाजू॥
एहिं थल जौं किछु कहिअ बनाई।
एहि सम अधिक न अघ अधमाई॥
muni samāju aru tīratharājū.
sānchihun sapatha aghāi akājū॥
ehin thala jaun kichhu kahia banāī.
ehi sama adhika na agha adhamāī॥
1015 of 1432
तुम्ह सर्बग्य कहउँ सतिभाऊ।
उर अंतरजामी रघुराऊ॥
मोहि न मातु करतब कर सोचू।
नहिं दुखु जियँ जगु जानिहि पोचू॥
tumha sarbagya kahaun satibhāū.
ura antarajāmī raghurāū॥
mohi na mātu karataba kara sochū.
nahin dukhu jiyan jagu jānihi pochū॥
1016 of 1432
नाहिन डरु बिगरिहि परलोकू।
पितहु मरन कर मोहि न सोकू॥
सुकृत सुजस भरि भुअन सुहाए।
लछिमन राम सरिस सुत पाए॥
nāhina ḍaru bigarihi paralokū.
pitahu marana kara mohi na sokū॥
sukr̥ta sujasa bhari bhuana suhāe.
lachhimana rāma sarisa suta pāe॥
1017 of 1432
राम बिरहँ तजि तनु छनभंगू।
भूप सोच कर कवन प्रसंगू॥
राम लखन सिय बिनु पग पनहीं।
करि मुनि बेष फिरहिं बन बनहीं॥
rāma birahan taji tanu chhanabhaṅgū.
bhūpa socha kara kavana prasaṅgū॥
rāma lakhana siya binu paga panahīn.
kari muni beṣa phirahin bana banahīn॥
1018 of 1432
अजिन बसन फल असन महि सयन डासि कुस पात।
बसि तरु तर नित सहत हिम आतप बरषा बात ॥ २११॥
ajina basana phala asana mahi sayana ḍāsi kusa pāta.
basi taru tara nita sahata hima ātapa baraṣā bāta॥ (211)
1019 of 1432
एहि दुख दाहँ दहइ दिन छाती।
भूख न बासर नीद न राती॥
एहि कुरोग कर औषधु नाहीं।
सोधेउँ सकल बिस्व मन माहीं॥
ehi dukha dāhan dahai dina chhātī.
bhūkha na bāsara nīda na rātī॥
ehi kuroga kara auṣadhu nāhīn.
sodheun sakala bisva mana māhīn॥
1020 of 1432
मातु कुमत बढ़ई अघ मूला।
तेहिं हमार हित कीन्ह बँसूला॥
कलि कुकाठ कर कीन्ह कुजंत्रू।
गाड़ि अवधि पढ़ि कठिन कुमंत्रू॥
mātu kumata baḍhaī agha mūlā.
tehin hamāra hita kīnha bansūlā॥
kali kukāṭha kara kīnha kujantrū.
gāḍi avadhi paḍhi kaṭhina kumantrū॥
1021 of 1432
मोहि लगि यहु कुठाटु तेहिं ठाटा।
घालेसि सब जगु बारहबाटा॥
मिटइ कुजोगु राम फिरि आएँ।
बसइ अवध नहिं आन उपाएँ॥
mohi lagi yahu kuṭhāṭu tehin ṭhāṭā.
ghālesi saba jagu bārahabāṭā॥
miṭai kujogu rāma phiri āen.
basai avadha nahin āna upāen॥
1022 of 1432
भरत बचन सुनि मुनि सुखु पाई।
सबहिं कीन्हि बहु भाँति बड़ाई॥
तात करहु जनि सोचु बिसेषी।
सब दुखु मिटिहि राम पग देखी॥
bharata bachana suni muni sukhu pāī.
sabahin kīnhi bahu bhānti baḍāī॥
tāta karahu jani sochu biseṣī.
saba dukhu miṭihi rāma paga dekhī॥
1023 of 1432
करि प्रबोधु मुनिबर कहेउ अतिथि पेमप्रिय होहु।
कंद मूल फल फूल हम देहिं लेहु करि छोहु ॥ २१२॥
kari prabodhu munibara kaheu atithi pemapriya hohu.
kanda mūla phala phūla hama dehin lehu kari chhohu॥ (212)
1024 of 1432
सुनि मुनि बचन भरत हियँ सोचू।
भयउ कुअवसर कठिन सँकोचू॥
जानि गरुइ गुर गिरा बहोरी।
चरन बंदि बोले कर जोरी॥
suni muni bachana bharata hiyan sochū.
bhayau kuavasara kaṭhina sankochū॥
jāni garui gura girā bahorī.
charana bandi bole kara jorī॥
1025 of 1432
सिर धरि आयसु करिअ तुम्हारा।
परम धरम यहु नाथ हमारा॥
भरत बचन मुनिबर मन भाए।
सुचि सेवक सिष निकट बोलाए॥
sira dhari āyasu karia tumhārā.
parama dharama yahu nātha hamārā॥
bharata bachana munibara mana bhāe.
suchi sevaka siṣa nikaṭa bolāe॥
1026 of 1432
चाहिअ कीन्हि भरत पहुनाई।
कंद मूल फल आनहु जाई॥
भलेहिं नाथ कहि तिन्ह सिर नाए।
प्रमुदित निज निज काज सिधाए॥
chāhia kīnhi bharata pahunāī.
kanda mūla phala ānahu jāī॥
bhalehin nātha kahi tinha sira nāe.
pramudita nija nija kāja sidhāe॥
1027 of 1432
मुनिहि सोच पाहुन बड़ नेवता।
तसि पूजा चाहिअ जस देवता॥
सुनि रिधि सिधि अनिमादिक आईं।
आयसु होइ सो करहिं गोसाईं॥
munihi socha pāhuna baḍa nevatā.
tasi pūjā chāhia jasa devatā॥
suni ridhi sidhi animādika āīn.
āyasu hoi so karahin gosāīn॥
1028 of 1432
राम बिरह ब्याकुल भरतु सानुज सहित समाज।
पहुनाई करि हरहु श्रम कहा मुदित मुनिराज ॥ २१३॥
rāma biraha byākula bharatu sānuja sahita samāja.
pahunāī kari harahu shrama kahā mudita munirāja॥ (213)
1029 of 1432
रिधि सिधि सिर धरि मुनिबर बानी।
बड़भागिनि आपुहि अनुमानी॥
कहहिं परसपर सिधि समुदाई।
अतुलित अतिथि राम लघु भाई॥
ridhi sidhi sira dhari munibara bānī.
baḍabhāgini āpuhi anumānī॥
kahahin parasapara sidhi samudāī.
atulita atithi rāma laghu bhāī॥
1030 of 1432
मुनि पद बंदि करिअ सोइ आजू।
होइ सुखी सब राज समाजू॥
अस कहि रचेउ रुचिर गृह नाना।
जेहि बिलोकि बिलखाहिं बिमाना॥
muni pada bandi karia soi ājū.
hoi sukhī saba rāja samājū॥
asa kahi racheu ruchira gr̥ha nānā.
jehi biloki bilakhāhin bimānā॥
1031 of 1432
भोग बिभूति भूरि भरि राखे।
देखत जिन्हहि अमर अभिलाषे॥
दासीं दास साजु सब लीन्हें।
जोगवत रहहिं मनहि मनु दीन्हें॥
bhoga bibhūti bhūri bhari rākhe.
dekhata jinhahi amara abhilāṣe॥
dāsīn dāsa sāju saba līnhen.
jogavata rahahin manahi manu dīnhen॥
1032 of 1432
सब समाजु सजि सिधि पल माहीं।
जे सुख सुरपुर सपनेहुँ नाहीं॥
प्रथमहिं बास दिए सब केही।
सुंदर सुखद जथा रुचि जेही॥
saba samāju saji sidhi pala māhīn.
je sukha surapura sapanehun nāhīn॥
prathamahin bāsa die saba kehī.
sundara sukhada jathā ruchi jehī॥
1033 of 1432
बहुरि सपरिजन भरत कहुँ रिषि अस आयसु दीन्ह।
बिधि बिसमय दायकु बिभव मुनिबर तपबल कीन्ह ॥ २१४॥
bahuri saparijana bharata kahun riṣi asa āyasu dīnha.
bidhi bisamaya dāyaku bibhava munibara tapabala kīnha॥ (214)
1034 of 1432
मुनि प्रभाउ जब भरत बिलोका।
सब लघु लगे लोकपति लोका॥
सुख समाजु नहिं जाइ बखानी।
देखत बिरति बिसारहिं ग्यानी॥
muni prabhāu jaba bharata bilokā.
saba laghu lage lokapati lokā॥
sukha samāju nahin jāi bakhānī.
dekhata birati bisārahin gyānī॥
1035 of 1432
आसन सयन सुबसन बिताना।
बन बाटिका बिहग मृग नाना॥
सुरभि फूल फल अमिअ समाना।
बिमल जलासय बिबिध बिधाना॥
āsana sayana subasana bitānā.
bana bāṭikā bihaga mr̥ga nānā॥
surabhi phūla phala amia samānā.
bimala jalāsaya bibidha bidhānā॥
1036 of 1432
असन पान सुचि अमिअ अमी से।
देखि लोग सकुचात जमी से॥
सुर सुरभी सुरतरु सबही कें।
लखि अभिलाषु सुरेस सची कें॥
asana pāna suchi amia amī se.
dekhi loga sakuchāta jamī se॥
sura surabhī suratarū sabahī ken.
lakhi abhilāṣu suresa sachī ken॥
1037 of 1432
रितु बसंत बह त्रिबिध बयारी।
सब कहँ सुलभ पदारथ चारी॥
स्रक चंदन बनितादिक भोगा।
देखि हरष बिसमय बस लोगा॥
ritu basanta baha tribidha bayārī.
saba kahan sulabha padāratha chārī॥
sraka chandana banitādika bhogā.
dekhi haraṣa bisamaya basa logā॥
1038 of 1432
संपति चकई भरतु चक मुनि आयस खेलवार।
तेहि निसि आश्रम पिंजराँ राखे भा भिनुसार ॥ २१५॥
sampati chakaī bharatu chaka muni āyasa khelavāra.
tehi nisi āshrama pinjaran rākhe bhā bhinusāra॥ (215)
1039 of 1432
कीन्ह निमज्जनु तीरथराजा।
नाइ मुनिहि सिरु सहित समाजा॥
रिषि आयसु असीस सिर राखी।
करि दंडवत बिनय बहु भाषी॥
kīnha nimajjanu tīratharājā.
nāi munihi siru sahita samājā॥
riṣi āyasu asīsa sira rākhī.
kari daṇḍavata binaya bahu bhāṣī॥
1040 of 1432
पथ गति कुसल साथ सब लीन्हें।
चले चित्रकूटहिं चितु दीन्हें॥
रामसखा कर दीन्हें लागू।
चलत देह धरि जनु अनुरागू॥
patha gati kusala sātha saba līnhen.
chale chitrakūṭahin chitu dīnhen॥
rāmasakhā kara dīnhen lāgū.
chalata deha dhari janu anurāgū॥
1041 of 1432
नहिं पद त्रान सीस नहिं छाया।
पेमु नेमु ब्रतु धरमु अमाया॥
लखन राम सिय पंथ कहानी।
पूँछत सखहि कहत मृदु बानी॥
nahin pada trāna sīsa nahin chhāyā.
pemu nemu bratu dharamu amāyā॥
lakhana rāma siya pantha kahānī.
pūnchhata sakhahi kahata mr̥du bānī॥
1042 of 1432
राम बास थल बिटप बिलोकें।
उर अनुराग रहत नहिं रोकें॥
देखि दसा सुर बरिसहिं फूला।
भइ मृदु महि मगु मंगल मूला॥
rāma bāsa thala biṭapa bilokén.
ura anurāga rahata nahin rokén॥
dekhi dasā sura barisahin phūlā.
bhai mr̥du mahi magu maṅgala mūlā॥
1043 of 1432
किएँ जाहिं छाया जलद सुखद बहइ बर बात।
तस मगु भयउ न राम कहँ जस भा भरतहि जात ॥ २१६॥
kien jāhin chhāyā jalada sukhada bahai bara bāta.
tasa magu bhayau na rāma kahan jasa bhā bharatahi jāta॥ (216)
1044 of 1432
जड़ चेतन मग जीव घनेरे।
जे चितए प्रभु जिन्ह प्रभु हेरे॥
ते सब भए परम पद जोगू।
भरत दरस मेटा भव रोगू॥
jaḍa chetana maga jīva ghanere.
je chitae prabhu jinha prabhu here॥
te saba bhae parama pada jogū.
bharata darasa meṭā bhava rogū॥
1045 of 1432
यह बड़ि बात भरत कइ नाहीं।
सुमिरत जिनहि रामु मन माहीं॥
बारक राम कहत जग जेऊ।
होत तरन तारन नर तेऊ॥
yaha baḍi bāta bharata kai nāhīn.
sumirata jinahi rāmu mana māhīn॥
bāraka rāma kahata jaga jeū.
hota tarana tārana nara teū॥
1046 of 1432
भरतु राम प्रिय पुनि लघु भ्राता।
कस न होइ मगु मंगलदाता॥
सिद्ध साधु मुनिबर अस कहहीं।
भरतहि निरखि हरषु हियँ लहहीं॥
bharatu rāma priya puni laghu bhrātā.
kasa na hoi magu maṅgaladātā॥
siddha sādhu munibara asa kahahīn.
bharatahi nirakhi haraṣu hiyan lahahīn॥
1047 of 1432
देखि प्रभाउ सुरेसहि सोचू।
जगु भल भलेहि पोच कहुँ पोचू॥
गुर सन कहेउ करिअ प्रभु सोई।
रामहि भरतहि भेट न होई॥
dekhi prabhāu suresahi sochū.
jagu bhala bhalehi pocha kahun pochū॥
gura sana kaheu karia prabhu soī.
rāmahi bharatahi bheṭa na hoī॥
1048 of 1432
रामु सँकोची प्रेम बस भरत सपेम पयोधि।
बनी बात बेगरन चहति करिअ जतनु छलु सोधि ॥ २१७॥
rāmu sankochī prema basa bharata sapema payodhi.
banī bāta begarana chahati karia jatanu chhalu sodhi॥ (217)
1049 of 1432
बचन सुनत सुरगुरु मुसुकाने।
सहसनयन बिनु लोचन जाने॥
मायापति सेवक सन माया।
करइ त उलटि परइ सुरराया॥
bachana sunata suraguru musukāne.
sahasanayana binu lochana jāne॥
māyāpati sevaka sana māyā.
karai ta ulaṭi parai surarāyā॥
1050 of 1432
तब किछु कीन्ह राम रुख जानी।
अब कुचालि करि होइहि हानी॥
सुनु सुरेस रघुनाथ सुभाऊ।
निज अपराध रिसाहिं न काऊ॥
taba kichhu kīnha rāma rukha jānī.
aba kuchāli kari hoihi hānī॥
sunu suresa raghunātha subhāū.
nija aparādha risāhin na kāū॥
1051 of 1432
जो अपराधु भगत कर करई।
राम रोष पावक सो जरई॥
लोकहुँ बेद बिदित इतिहासा।
यह महिमा जानहिं दुरबासा॥
jo aparādhu bhagata kara karaī.
rāma roṣa pāvaka so jaraī॥
lokahun beda bidita itihāsā.
yaha mahimā jānahin durabāsā॥
1052 of 1432
भरत सरिस को राम सनेही।
जगु जप राम रामु जप जेही॥
bharata sarisa ko rāma sanehī.
jagu japa rāma rāmu japa jehī॥
1053 of 1432
मनहुँ न आनिअ अमरपति रघुबर भगत अकाजु।
अजसु लोक परलोक दुख दिन दिन सोक समाजु ॥ २१८॥
manahun na ānia amarapati raghubara bhagata akāju.
ajasu loka paraloka dukha dina dina soka samāju॥ (218)
1054 of 1432
सुनु सुरेस उपदेसु हमारा।
रामहि सेवकु परम पिआरा॥
मानत सुखु सेवक सेवकाईं।
सेवक बैर बैरु अधिकाईं॥
sunu suresa upadesu hamārā.
rāmahi sevaku parama piārā॥
mānata sukhu sevaka sevakāīn.
sevaka baira bairu adhikāīn॥
1055 of 1432
जद्यपि सम नहिं राग न रोषू।
गहहिं न पाप पूनु गुन दोषू॥
करम प्रधान बिस्व करि राखा।
जो जस करइ सो तस फलु चाखा॥
jadyapi sama nahin rāga na roṣū.
gahahin na pāpa pūnu guna doṣū॥
karama pradhāna bisva kari rākhā.
jo jasa karai so tasa phalu chākhā॥
1056 of 1432
तदपि करहिं सम बिषम बिहारा।
भगत अभगत हृदय अनुसारा॥
अगुन अलेप अमान एकरस।
रामु सगुन भए भगत पेम बस॥
tadapi karahin sama biṣama bihārā.
bhagata abhagata hr̥daya anusārā॥
aguna alepa amāna ekarasa.
rāmu saguna bhae bhagata pema basa॥
1057 of 1432
राम सदा सेवक रुचि राखी।
बेद पुरान साधु सुर साखी॥
अस जियँ जानि तजहु कुटिलाई।
करहु भरत पद प्रीति सुहाई॥
rāma sadā sevaka ruchi rākhī.
beda purāna sādhu sura sākhī॥
asa jiyan jāni tajahu kuṭilāī.
karahu bharata pada prīti suhāī॥
1058 of 1432
राम भगत परहित निरत पर दुख दुखी दयाल।
भगत सिरोमनि भरत तें जनि डरपहु सुरपाल ॥ २१९॥
rāma bhagata parahita nirata para dukha dukhī dayāla.
bhagata siromani bharata ten jani ḍarapahu surapāla॥ (219)
1059 of 1432
सत्यसंध प्रभु सुर हितकारी।
भरत राम आयस अनुसारी॥
स्वारथ बिबस बिकल तुम्ह होहू।
भरत दोसु नहिं राउर मोहू॥
satyasandha prabhu sura hitakārī.
bharata rāma āyasa anusārī॥
svāratha bibasa bikala tumha hohū.
bharata dosu nahin rāura mohū॥
1060 of 1432
सुनि सुरबर सुरगुर बर बानी।
भा प्रमोदु मन मिटी गलानी॥
बरषि प्रसून हरषि सुरराऊ।
लगे सराहन भरत सुभाऊ॥
suni surabara suragura bara bānī.
bhā pramodu mana miṭī galānī॥
baraṣi prasūna haraṣi surarāū.
lage sarāhana bharata subhāū॥
1061 of 1432
एहि बिधि भरत चले मग जाहीं।
दसा देखि मुनि सिद्ध सिहाहीं॥
जबहिं रामु कहि लेहिं उसासा।
उमगत पेमु मनहुँ चहु पासा॥
ehi bidhi bharata chale maga jāhīn.
dasā dekhi muni siddha sihāhīn॥
jabahin rāmu kahi lehin usāsā.
umagata pemu manahun chahu pāsā॥
1062 of 1432
द्रवहिं बचन सुनि कुलिस पषाना।
पुरजन पेमु न जाइ बखाना॥
बीच बास करि जमुनहिं आए।
निरखि नीरु लोचन जल छाए॥
dravahin bachana suni kulisa paṣānā.
purajana pemu na jāi bakhānā॥
bīcha bāsa kari jamunahin āe.
nirakhi nīru lochana jala chhāe॥
1063 of 1432
दो०—रघुबर बरन बिलोकि बर बारि समेत समाज।
होत मगन बारिधि बिरह चढ़े बिबेक जहाज ॥ २२०॥
do.—raghubara barana biloki bara bāri sameta samāja.
hota magana bāridhi biraha caḍhe bibeka jahāja. (220)
1064 of 1432
जमुन तीर तेहि दिन करि बासू।
भयउ समय सम सबहि सुपासू॥
रातिहिं घाट घाट की तरनी।
आईं अगनित जाहिं न बरनी॥
jamuna tīra tehi dina kari bāsū.
bhayau samaya sama sabahi supāsū.
rātihiṃ ghāṭa ghāṭa kī taranī.
āīṃ aganita jāhiṃ na baranī.
1065 of 1432
प्रात पार भए एकहि खेवाँ।
तोषे रामसखा की सेवाँ॥
चले नहाइ नदिहि सिर नाई।
साथ निषादनाथ दोउ भाई॥
prāta pāra bhae ekahi khevām̐.
toṣe rāmasakhā kī sevām̐.
cale nahāi nadihi sira nāī.
sātha niṣādanātha dou bhāī.
1066 of 1432
आगें मुनिबर बाहन आछें।
राजसमाज जाइ सबु पाछें॥
तेहि पाछें दोउ बंधु पयादें।
भूषन बसन बेष सुठि सादें॥
āgeṃ munibara bāhana āchem̐.
rājasamāja jāi sabu pāchem̐.
tehi pāchem̐ dou bandhu payādem̐.
bhūṣana basana beṣa suṭhi sādem̐.
1067 of 1432
सेवक सुहृद सचिवसुत साथा।
सुमिरत लखनु सीय रघुनाथा॥
जहँ जहँ राम बास बिश्रामा।
तहँ तहँ करहिं सप्रेम प्रनामा॥
sevaka suhṛda sacivasuta sāthā.
sumirata lakhanu sīya raghunāthā.
jaham̐ jaham̐ rāma bāsa biśrāmā.
taham̐ taham̐ karahiṃ saprema pranāmā.
1068 of 1432
दो०—मगबासी नर नारि सुनि धाम काम तजि धाइ।
देखि सरूप सनेह सब मुदित जनम फलु पाइ ॥ २२१॥
do.—magabāsī nara nāri suni dhāma kāma taji dhāi.
dekhi sarūpa saneha saba mudita janama phalu pāi. (221)
1069 of 1432
कहहिं सपेम एक एक पाहीं।
रामु लखनु सखि होहिं कि नाहीं॥
बय बपु बरन रूपु सोइ आली।
सीलु सनेहु सरिस सम चाली॥
kahahiṃ sapema eka eka pāhīṃ.
rāmu lakhanu sakhi hohiṃ ki nāhīṃ.
baya bapu barana rūpu soi ālī.
sīlu sanehu sarisa sama cālī.
1070 of 1432
बेषु न सो सखि सीय न संगा।
आगें अनी चली चतुरंगा॥
नहिं प्रसन्न मुख मानस खेदा।
सखि संदेहु होइ एहिं भेदा॥
beṣu na so sakhi sīya na saṅgā.
āgeṃ anī calī caturaṅgā.
nahiṃ prasanna mukha mānasa khedā.
sakhi sandehu hoi ehiṃ bhedā.
1071 of 1432
तासु तरक तियगन मन मानी।
कहहिं सकल तेहि सम न सयानी॥
तेहि सराहि बानी फुरि पूजी।
बोली मधुर बचन तिय दूजी॥
tāsu taraka tiyagana mana mānī.
kahahiṃ sakala tehi sama na sayānī.
tehi sarāhi bānī phuri pūjī.
bolī madhura bacana tiya dūjī.
1072 of 1432
कहि सपेम सब कथाप्रसंगू।
जेहि बिधि राम राज रस भंगू॥
भरतहि बहुरि सराहन लागी।
सील सनेह सुभाय सुभागी॥
kahi sapema saba kathāprasaṅgū.
jehi bidhi rāma rāja rasa bhaṅgū.
bharatahi bahuri sarāhana lāgī.
sīla saneha subhāya subhāgī.
1073 of 1432
दो०—चलत पयादें खात फल पिता दीन्ह तजि राजु।
जात मनावन रघुबरहि भरत सरिस को आजु ॥ २२२॥
do.—calata payādem̐ khāta phala pitā dīnha taji rāju.
jāta manāvana raghubarahi bharata sarisa ko āju. (222)
1074 of 1432
भायप भगति भरत आचरनू।
कहत सुनत दुख दूषन हरनू॥
जो किछु कहब थोर सखि सोई।
राम बंधु अस काहे न होई॥
bhāyapa bhagati bharata ācaranū.
kahata sunata dukha dūṣana haranū.
jo kichu kahaba thora sakhi soī.
rāma bandhu asa kāhe na hoī.
1075 of 1432
हम सब सानुज भरतहि देखें।
भइन्ह धन्य जुबती जन लेखें॥
सुनि गुन देखि दसा पछिताहीं।
कैकइ जननि जोगु सुतु नाहीं॥
hama saba sānuja bharatahi dekhem̐.
bhainha dhanya jubatī jana lekhem̐.
suni guna dekhi dasā pachitāhīṃ.
kaikai janani jogu sutu nāhīṃ.
1076 of 1432
कोउ कह दूषनु रानिहि नाहिन।
बिधि सबु कीन्ह हमहि जो दाहिन॥
कहँ हम लोक बेद बिधि हीनी।
लघु तिय कुल करतूति मलीनी॥
kou kaha dūṣanu rānihi nāhina.
bidhi sabu kīnha hamahi jo dāhina.
kaham̐ hama loka beda bidhi hīnī.
laghu tiya kula karatūti malīnī.
1077 of 1432
बसहिं कुदेस कुगाँव कुबामा।
कहँ यह दरसु पुन्य परिनामा॥
अस अनंदु अचिरिजु प्रति ग्रामा।
जनु मरुभूमि कलपतरु जामा॥
basahiṃ kudesa kugām̐va kubāmā.
kaham̐ yaha darasu punya parināmā.
asa anandu aciriju prati grāmā.
janu marubhūmi kalapataru jāmā.
1078 of 1432
दो०—भरत दरसु देखत खुलेउ मग लोगन्ह कर भागु।
जनु सिंघलबासिन्ह भयउ बिधि बस सुलभ प्रयागु ॥ २२३॥
do.—bharata darasu dekhata khuleu maga loganha kara bhāgu.
janu siṅghalabāsinha bhayau bidhi basa sulabha prayāgu. (223)
1079 of 1432
निज गुन सहित राम गुन गाथा।
सुनत जाहिं सुमिरत रघुनाथा॥
तीरथ मुनि आश्रम सुरधामा।
निरखि निमज्जहिं करहिं प्रनामा॥
nija guna sahita rāma guna gāthā.
sunata jāhiṃ sumirata raghunāthā.
tīratha muni āśrama suradhāmā.
nirakhi nimajjahiṃ karahiṃ pranāmā.
1080 of 1432
मनहीं मन मागहिं बरु एहू।
सीय राम पद पदुम सनेहू॥
मिलहिं किरात कोल बनबासी।
बैखानस बटु जती उदासी॥
manahīṃ mana māgahiṃ baru ehū.
sīya rāma pada paduma sanehū.
milahiṃ kirāta kola banabāsī.
baikhānasa baṭu jatī udāsī.
1081 of 1432
करि प्रनामु पूँछहिं जेहि तेही।
केहि बन लखनु रामु बैदेही॥
ते प्रभु समाचार सब कहहीं।
भरतहि देखि जनम फलु लहहीं॥
kari pranāmu pūm̐chahiṃ jehi tehī.
kehi bana lakhanu rāmu baidehī.
te prabhu samācāra saba kahahīṃ.
bharatahi dekhi janama phalu lahahīṃ.
1082 of 1432
जे जन कहहिं कुसल हम देखे।
ते प्रिय राम लखन सम लेखे॥
एहि बिधि बूझत सबहि सुबानी।
सुनत राम बनबास कहानी॥
je jana kahahiṃ kusala hama dekhe.
te priya rāma lakhana sama lekhe.
ehi bidhi būjhata sabahi subānī.
sunata rāma banabāsa kahānī.
1083 of 1432
दो०—तेहि बासर बसि प्रातहीं चले सुमिरि रघुनाथ।
राम दरस की लालसा भरत सरिस सब साथ ॥ २२४॥
do.—tehi bāsara basi prātahīṃ cale sumiri raghunātha.
rāma darasa kī lālasā bharata sarisa saba sātha. (224)
1084 of 1432
मंगल सगुन होहिं सब काहू।
फरकहिं सुखद बिलोचन बाहू॥
भरतहि सहित समाज उछाहू।
मिलिहहिं रामु मिटिहि दुख दाहू॥
maṅgala saguna hohiṃ saba kāhū.
pharakahiṃ sukhada bilocana bāhū.
bharatahi sahita samāja uchāhū.
milihahiṃ rāmu miṭihi dukha dāhū.
1085 of 1432
करत मनोरथ जस जियँ जाके।
जाहिं सनेह सुराँ सब छाके॥
सिथिल अंग पग मग डगि डोलहिं।
बिहबल बचन पेम बस बोलहिं॥
karata manoratha jasa jiyam̐ jāke.
jāhiṃ saneha surām̐ saba chāke.
sithila aṅga paga maga ḍagi ḍolahiṃ.
bihabala bacana pema basa bolahiṃ.
1086 of 1432
रामसखाँ तेहि समय देखावा।
सैल सिरोमनि सहज सुहावा॥
जासु समीप सरित पय तीरा।
सीय समेत बसहिं दोउ बीरा॥
rāmasakhām̐ tehi samaya dekhāvā.
saila siromani sahaja suhāvā.
jāsu samīpa sarita paya tīrā.
sīya sameta basahiṃ dou bīrā.
1087 of 1432
देखि करहिं सब दंड प्रनामा।
कहि जय जानकि जीवन रामा॥
प्रेम मगन अस राजसमाजू।
जनु फिरि अवध चले रघुराजू॥
dekhi karahiṃ saba daṇḍa pranāmā.
kahi jaya jānaki jīvana rāmā.
prema magana asa rājasamājū.
janu phiri avadha cale raghurājū.
1088 of 1432
दो०—भरत प्रेमु तेहि समय जस तस कहि सकइ न सेषु।
कबिहि अगम जिमि ब्रह्मसुखु अह मम मलिन जनेषु ॥ २२५॥
do.—bharata premu tehi samaya jasa tasa kahi sakai na seṣu.
kabihi agama jimi brahmasukhu aha mama malina janeṣu. (225)
1089 of 1432
सकल सनेह सिथिल रघुबर कें।
गए कोस दुइ दिनकर ढरकें॥
जलु थलु देखि बसे निसि बीतें।
कीन्ह गवन रघुनाथ पिरीतें॥
sakala saneha sithila raghubara kem̐.
gae kosa dui dinakara ḍharakem̐.
jalu thalu dekhi base nisi bītem̐.
kīnha gavana raghunātha pirītem̐.
1090 of 1432
उहाँ रामु रजनी अवसेषा।
जागे सीयँ सपन अस देखा॥
सहित समाज भरत जनु आए।
नाथ बियोग ताप तन ताए॥
uhām̐ rāmu rajanī avaseṣā.
jāge sīyam̐ sapana asa dekhā.
sahita samāja bharata janu āe.
nātha biyoga tāpa tana tāe.
1091 of 1432
सकल मलिन मन दीन दुखारी।
देखीं सासु आन अनुहारी॥
सुनि सिय सपन भरे जल लोचन।
भए सोचबस सोच बिमोचन॥
sakala malina mana dīna dukhārī.
dekhīṃ sāsu āna anuhārī.
suni siya sapana bhare jala locana.
bhae socabasa soca bimocana.
1092 of 1432
लखन सपन यह नीक न होई।
कठिन कुचाह सुनाइहि कोई॥
अस कहि बंधु समेत नहाने।
पूजि पुरारि साधु सनमाने॥
lakhana sapana yaha nīka na hoī.
kaṭhina kucāha sunāihi koī.
asa kahi bandhu sameta nahāne.
pūji purāri sādhu sanamāne.
1093 of 1432
छं०—सनमानि सुर मुनि बंदि बैठे उतर दिसि देखत भए।
नभ धूरि खग मृग भूरि भागे बिकल प्रभु आश्रम गए॥
तुलसी उठे अवलोकि कारनु काह चित सचकित रहे।
सब समाचार किरात कोलन्हि आइ तेहि अवसर कहे॥
cham̐.—sanamāni sura muni bandi baiṭhe utara disi dekhata bhae.
nabha dhūri khaga mṛga bhūri bhāge bikala prabhu āśrama gae.
tulasī uṭhe avaloki kāranu kāha cita sacakita rahe.
saba samācāra kirāta kolanhi āi tehi avasara kahe.
1094 of 1432
सो०—सुनत सुमंगल बैन मन प्रमोद तन पुलक भर।
सरद सरोरुह नैन तुलसी भरे सनेह जल ॥ २२६॥
so.—sunata sumaṅgala baina mana pramoda tana pulaka bhara.
sarada saroruha naina tulasī bhare saneha jala. (226)
1095 of 1432
बहुरि सोचबस भे सियरवनू।
कारन कवन भरत आगवनू॥
एक आइ अस कहा बहोरी।
सेन संग चतुरंग न थोरी॥
bahuri socabasa bhe siyaravanū.
kārana kavana bharata āgavanū.
eka āi asa kahā bahorī.
sena saṅga caturaṅga na thorī.
1096 of 1432
सो सुनि रामहि भा अति सोचू।
इत पितु बच इत बंधु सकोचू॥
भरत सुभाउ समुझि मन माहीं।
प्रभु चित हित थिति पावत नाहीं॥
so suni rāmahi bhā ati socū.
ita pitu baca ita bandhu sakocū.
bharata subhāu samujhi mana māhīṃ.
prabhu cita hita thiti pāvata nāhīṃ.
1097 of 1432
समाधान तब भा यह जाने।
भरतु कहे महुँ साधु सयाने॥
लखन लखेउ प्रभु हृदयँ खभारू।
कहत समय सम नीति बिचारू॥
samādhāna taba bhā yaha jāne.
bharatu kahe mahum̐ sādhu sayāne.
lakhana lakheu prabhu hṛdayam̐ khabhārū.
kahata samaya sama nīti bicārū.
1098 of 1432
बिनु पूछें कछु कहउँ गोसाईं।
सेवकु समयँ न ढीठ ढिठाई॥
तुम्ह सर्बग्य सिरोमनि स्वामी।
आपनि समुझि कहउँ अनुगामी॥
binu pūchem̐ kachu kahaum̐ gosāīṃ.
sevaku samayam̐ na ḍhīṭha ḍhiṭhāī.
tumha sarbagya siromani svāmī.
āpani samujhi kahaum̐ anugāmī.
1099 of 1432
दो०—नाथ सुहृद सुठि सरल चित सील सनेह निधान।
सब पर प्रीति प्रतीति जियँ जानिअ आपु समान ॥ २२७॥
do.—nātha suhṛda suṭhi sarala cita sīla saneha nidhāna.
saba para prīti pratīti jiyam̐ jānia āpu samāna. (227)
1100 of 1432
बिषई जीव पाइ प्रभुताई।
मूढ़ मोह बस होहिं जनाई॥
भरतु नीति रत साधु सुजाना।
प्रभु पद प्रेमु सकल जगु जाना॥
biṣaī jīva pāi prabhutāī.
mūḍha moha basa hohiṃ janāī.
bharatu nīti rata sādhu sujānā.
prabhu pada premu sakala jagu jānā.
1101 of 1432
तेऊ आजु राम पदु पाई।
चले धरम मरजाद मेटाई॥
कुटिल कुबंधु कुअवसरु ताकी।
जानि राम बनबास एकाकी॥
teū āju rāma padu pāī.
cale dharama marajāda meṭāī.
kuṭila kubandhu kuavasaru tākī.
jāni rāma banabāsa ekākī.
1102 of 1432
करि कुमंत्रु मन साजि समाजू।
आए करै अकंटक राजू॥
कोटि प्रकार कलपि कुटिलाई।
आए दल बटोरि दोउ भाई॥
kari kumantru mana sāji samājū.
āe karai akaṇṭaka rājū.
koṭi prakāra kalapi kuṭilāī.
āe dala baṭori dou bhāī.
1103 of 1432
जौं जियँ होति न कपट कुचाली।
केहि सोहाति रथ बाजि गजाली॥
भरतहि दोसु देइ को जाएँ।
जग बौराइ राज पदु पाएँ॥
jaum̐ jiyam̐ hoti na kapaṭa kucālī.
kehi sohāti ratha bāji gajālī.
bharatahi dosu dei ko jāem̐.
jaga baurāi rāja padu pāem̐.
1104 of 1432
दो०—ससि गुर तिय गामी नघुषु चढ़ेउ भूमिसुर जान।
लोक बेद तें बिमुख भा अधम न बेन समान ॥ २२८॥
do.—sasi gura tiya gāmī naghuṣu caḍheu bhūmisura jāna.
loka beda tem̐ bimukha bhā adhama na bena samāna. (228)
1105 of 1432
सहसबाहु सुरनाथु त्रिसंकू।
केहि न राजमद दीन्ह कलंकू॥
भरत कीन्ह यह उचित उपाऊ।
रिपु रिन रंच न राखब काऊ॥
sahasabāhu suranāthu trisaṅkū.
kehi na rājamada dīnha kalaṅkū.
bharata kīnha yaha ucita upāū.
ripu rina raṃca na rākhaba kāū.
1106 of 1432
एक कीन्हि नहिं भरत भलाई।
निदरे रामु जानि असहाई॥
समुझि परिहि सोउ आजु बिसेषी।
समर सरोष राम मुखु पेखी॥
eka kīnhi nahiṃ bharata bhalāī.
nidare rāmu jāni asahāī.
samujhi parihi sou āju biseṣī.
samara saroṣa rāma mukhu pekhī.
1107 of 1432
एतना कहत नीति रस भूला।
रन रस बिटपु पुलक मिस फूला॥
प्रभु पद बंदि सीस रज राखी।
बोले सत्य सहज बलु भाषी॥
etanā kahata nīti rasa bhūlā.
rana rasa biṭapu pulaka misa phūlā.
prabhu pada bandi sīsa raja rākhī.
bole satya sahaja balu bhāṣī.
1108 of 1432
अनुचित नाथ न मानब मोरा।
भरत हमहि उपचार न थोरा॥
कहँ लगि सहिअ रहिअ मनु मारें।
नाथ साथ धनु हाथ हमारें॥
anucita nātha na mānaba morā.
bharata hamahi upacāra na thorā.
kaham̐ lagi sahia rahia manu mārem̐.
nātha sātha dhanu hātha hamārem̐.
1109 of 1432
दो०—छत्रि जाति रघुकुल जनमु राम अनुग जगु जान।
लातहुँ मारें चढ़ति सिर नीच को धूरि समान ॥ २२९॥
do.—chatri jāti raghukula janamu rāma anuga jagu jāna.
lātahum̐ mārem̐ caḍhati sira nīca ko dhūri samāna. (229)
1110 of 1432
उठि कर जोरि रजायसु मागा।
मनहुँ बीर रस सोवत जागा॥
बाँधि जटा सिर कसि कटि भाथा।
साजि सरासनु सायकु हाथा॥
uṭhi kara jori rajāyasu māgā.
manahum̐ bīra rasa sovata jāgā.
bām̐dhi jaṭā sira kasi kaṭi bhāthā.
sāji sarāsanu sāyaku hāthā.
1111 of 1432
आजु राम सेवक जसु लेऊँ।
भरतहि समर सिखावन देऊँ॥
राम निरादर कर फलु पाई।
सोवहुँ समर सेज दोउ भाई॥
āju rāma sevaka jasu leūm̐.
bharatahi samara sikhāvana deūm̐.
rāma nirādara kara phalu pāī.
sovahum̐ samara seja dou bhāī.
1112 of 1432
आइ बना भल सकल समाजू।
प्रगट करउँ रिस पाछिल आजू॥
जिमि करि निकर दलइ मृगराजू।
लेइ लपेटि लवा जिमि बाजू॥
āi banā bhala sakala samājū.
pragaṭa karaum̐ risa pāchila ājū.
jimi kari nikara dalai mṛgarājū.
lei lapeṭi lavā jimi bājū.
1113 of 1432
तैसेहिं भरतहि सेन समेता।
सानुज निदरि निपातउँ खेता॥
जौं सहाय कर संकरु आई।
तौ मारउँ रन राम दोहाई॥
taisehiṃ bharatahi sena sametā.
sānuja nidari nipātaum̐ khetā.
jaum̐ sahāya kara saṅkaru āī.
tau mārau raṇa rāma dohāī.
1114 of 1432
दो०—अति सरोष माखे लखनु लखि सुनि सपथ प्रवान।
सभय लोक सब लोकपति चाहत भभरि भगान ॥ २३०॥
do.—ati saroṣa mākhe lakhanu lakhi suni sapatha pravāna.
sabhaya loka saba lokapati cāhata bhabhari bhagāna. (230)
1115 of 1432
जगु भय मगन गगन भइ बानी।
लखन बाहुबलु बिपुल बखानी॥
तात प्रताप प्रभाउ तुम्हारा।
को कहि सकइ को जाननिहारा॥
jagu bhaya magana gagana bhai bānī.
lakhana bāhubalu bipula bakhānī.
tāta pratāpa prabhāu tumhārā.
ko kahi sakai ko jānanihārā.
1116 of 1432
अनुचित उचित काजु किछु होऊ।
समुझि करिअ भल कह सबु कोऊ॥
सहसा करि पाछें पछिताहीं।
कहहिं बेद बुध ते बुध नाहीं॥
anucita ucita kāju kichu hoū.
samujhi karia bhala kaha sabu koū.
sahasā kari pāchem̐ pachitāhīṃ.
kahahiṃ beda budha te budha nāhīṃ.
1117 of 1432
सुनि सुर बचन लखन सकुचाने।
राम सीयँ सादर सनमाने॥
कही तात तुम्ह नीति सुहाई।
सब तें कठिन राजमदु भाई॥
suni sura bacana lakhana sakucāne.
rāma sīyam̐ sādara sanamāne.
kahī tāta tumha nīti suhāī.
saba tem̐ kaṭhina rājamadu bhāī.
1118 of 1432
जो अचवँत नृप मातहिं तेई।
नाहिन साधुसभा जेहिं सेई॥
सुनहु लखन भल भरत सरीसा।
बिधि प्रपंच महँ सुना न दीसा॥
jo acavam̐ta nṛpa mātahiṃ teī.
nāhina sādhusabhā jehiṃ seī.
sunahu lakhana bhala bharata sarīsā.
bidhi prapan̄ca maham̐ sunā na dīsā.
1119 of 1432
दो०—भरतहि होइ न राजमदु बिधि हरि हर पद पाइ।
कबहुँ कि काँजी सीकरनि छीरसिंधु बिनसाइ ॥ २३१॥
do.—bharatahi hoi na rājamadu bidhi hari hara pada pāi.
kabahum̐ ki kām̐jī sīkarani chīrasindhu binasāi. (231)
1120 of 1432
तिमिरु तरुन तरनिहि मकु गिलई।
गगनु मगन मकु मेघहिं मिलई॥
गोपद जल बूड़हिं घटजोनी।
सहज छमा बरु छाड़ै छोनी॥
timiru taruna taranihi maku gilaī.
gaganu magana maku meghahiṃ milaī.
gopada jala būḍahiṃ ghaṭajonī.
sahaja chamā baru chāḍai chonī.
1121 of 1432
मसक फूँक मकु मेरु उड़ाई।
होइ न नृपमदु भरतहि भाई॥
लखन तुम्हार सपथ पितु आना।
सुचि सुबंधु नहिं भरत समाना॥
masaka phūm̐ka maku meru uḍāī.
hoi na nṛpamadu bharatahi bhāī.
lakhana tumhāra sapatha pitu ānā.
suci subandhu nahiṃ bharata samānā.
1122 of 1432
सगुनु खीरु अवगुन जलु ताता।
मिलइ रचइ परपंचु बिधाता॥
भरतु हंस रबिबंस तड़ागा।
जनमि कीन्ह गुन दोष बिभागा॥
sagunu khīru avaguna jalu tātā.
milai racai parapan̄cu bidhātā.
bharatu haṃsa rabibaṃsa taḍāgā.
janami kīnha guna doṣa bibhāgā.
1123 of 1432
गहि गुन पय तजि अवगुन बारी।
निज जस जगत कीन्हि उजिआरी॥
कहत भरत गुन सीलु सुभाऊ।
पेम पयोधि मगन रघुराऊ॥
gahi guna paya taji avaguna bārī.
nija jasa jagata kīnhi ujiārī.
kahata bharata guna sīlu subhāū.
pema payodhi magana raghurāū.
1124 of 1432
दो०—सुनि रघुबर बानी बिबुध देखि भरत पर हेतु।
सकल सराहत राम सो प्रभु को कृपानिकेतु ॥ २३२॥
do.—suni raghubara bānī bibudha dekhi bharata para hetu.
sakala sarāhata rāma so prabhu ko kṛpāniketu. (232)
1125 of 1432
जौं न होत जग जनम भरत को।
सकल धरम धुर धरनि धरत को॥
कबि कुल अगम भरत गुन गाथा।
को जानइ तुम्ह बिनु रघुनाथा॥
jaum̐ na hota jaga janama bharata ko.
sakala dharama dhura dharani dharata ko.
kabi kula agama bharata guna gāthā.
ko jānai tumha binu raghunāthā.
1126 of 1432
लखन राम सियँ सुनि सुर बानी।
अति सुखु लहेउ न जाइ बखानी॥
इहाँ भरतु सब सहित सहाए।
मंदाकिनीं पुनीत नहाए॥
lakhana rāma siyam̐ suni sura bānī.
ati sukhu laheu na jāi bakhānī.
ihām̐ bharatu saba sahita sahāe.
mandākinīṃ punīta nahāe.
1127 of 1432
सरित समीप राखि सब लोगा।
मागि मातु गुर सचिव नियोगा॥
चले भरतु जहँ सिय रघुराई।
साथ निषादनाथु लघु भाई॥
sarita samīpa rākhi saba logā.
māgi mātu gura saciva niyogā.
cale bharatu jaham̐ siya raghurāī.
sātha niṣādanāthu laghu bhāī.
1128 of 1432
समुझि मातु करतब सकुचाहीं।
करत कुतरक कोटि मन माहीं॥
रामु लखनु सिय सुनि मम नाऊँ।
उठि जनि अनत जाहिं तजि ठाऊँ॥
samujhi mātu karataba sakucāhīṃ.
karata kutaraka koṭi mana māhīṃ.
rāmu lakhanu siya suni mama nāūm̐.
uṭhi jani anata jāhiṃ taji ṭhāūm̐.
1129 of 1432
दो०—मातु मते महुँ मानि मोहि जो कछु करहिं सो थोर।
अघ अवगुन छमि आदरहिं समुझि आपनी ओर ॥ २३३॥
do.—mātu mate mahum̐ māni mohi jo kachu karahiṃ so thora.
agha avaguna chami ādarahiṃ samujhi āpanī ora. (233)
1130 of 1432
जौं परिहरहिं मलिन मनु जानी।
जौं सनमानहिं सेवकु मानी॥
मोरें सरन रामहि की पनही।
राम सुस्वामि दोसु सब जनही॥
jaum̐ pariharahiṃ malina manu jānī.
jaum̐ sanamānahiṃ sevaku mānī.
morem̐ sarana rāmahi kī panahī.
rāma susvāmi dosu saba janahī.
1131 of 1432
जग जस भाजन चातक मीना।
नेम पेम निज निपुन नबीना॥
अस मन गुनत चले मग जाता।
सकुच सनेहँ सिथिल सब गाता॥
jaga jasa bhājana cātaka mīnā.
nema pema nija nipuna nabīnā.
asa mana gunata cale maga jātā.
sakuca saneham̐ sithila saba gātā.
1132 of 1432
फेरति मनहुँ मातु कृत खोरी।
चलत भगति बल धीरज धोरी॥
जब समुझत रघुनाथ सुभाऊ।
तब पथ परत उताइल पाऊ॥
pherati manahum̐ mātu kṛta khorī.
calata bhagati bala dhīraja dhorī.
jaba samujhata raghunātha subhāū.
taba patha parata utāila pāū.
1133 of 1432
भरत दसा तेहि अवसर कैसी।
जल प्रबाहँ जल अलि गति जैसी॥
देखि भरत कर सोचु सनेहू।
भा निषाद तेहि समयँ बिदेहू॥
bharata dasā tehi avasara kaisī.
jala prabāham̐ jala ali gati jaisī.
dekhi bharata kara socu sanehū.
bhā niṣāda tehi samayam̐ bidehū.
1134 of 1432
दो०—लगे होन मंगल सगुन सुनि गुनि कहत निषादु।
मिटिहि सोचु होइहि हरषु पुनि परिनाम बिषादु ॥ २३४॥
do.—lage hona maṅgala saguna suni guni kahata niṣādu.
miṭihi socu hoihi haraṣu puni parināma biṣādu. (234)
1135 of 1432
सेवक बचन सत्य सब जाने।
आश्रम निकट जाइ निअराने॥
भरत दीख बन सैल समाजू।
मुदित छुधित जनु पाइ सुनाजू॥
sevaka bacana satya saba jāne.
āśrama nikaṭa jāi niarāne.
bharata dīkha bana saila samājū.
mudita chudhita janu pāi sunājū.
1136 of 1432
ईति भीति जनु प्रजा दुखारी।
त्रिबिध ताप पीड़ित ग्रह मारी॥
जाइ सुराज सुदेस सुखारी।
होहिं भरत गति तेहि अनुहारी॥
īti bhīti janu prajā dukhārī.
tribidha tāpa pīḍita graha mārī.
jāi surāja sudesa sukhārī.
hohiṃ bharata gati tehi anuhārī.
1137 of 1432
राम बास बन संपति भ्राजा।
सुखी प्रजा जनु पाइ सुराजा॥
सचिव बिरागु बिबेकु नरेसू।
बिपिन सुहावन पावन देसू॥
rāma bāsa bana sampati bhrājā.
sukhī prajā janu pāi surājā.
saciva birāgu bibeku naresū.
bipina suhāvana pāvana desū.
1138 of 1432
भट जम नियम सैल रजधानी।
सांति सुमति सुचि सुंदर रानी॥
सकल अंग संपन्न सुराऊ।
राम चरन आश्रित चित चाऊ॥
bhaṭa jama niyama saila rajadhānī.
sāṃti sumati suci sundara rānī.
sakala aṅga sampanna surāū.
rāma carana āśrita cita cāū.
1139 of 1432
दो०—जीति मोह महिपालु दल सहित बिबेक भुआलु।
करत अकंटक राजु पुरँ सुख संपदा सुकालु ॥ २३५॥
do.—jīti moha mahipālu dala sahita bibeka bhuālu.
karata akaṇṭaka rāju puram̐ sukha sampadā sukālu. (235)
1140 of 1432
बन प्रदेस मुनि बास घनेरे।
जनु पुर नगर गाउँ गन खेरे॥
बिपुल बिचित्र बिहग मृग नाना।
प्रजा समाजु न जाइ बखाना॥
bana pradesa muni bāsa ghanere.
janu pura nagara gāum̐ gana khere.
bipula bicitra bihaga mṛga nānā.
prajā samāju na jāi bakhānā.
1141 of 1432
खगहा करि हरि बाघ बराहा।
देखि महिष बृष साजु सराहा॥
बयरु बिहाइ चरहिं एक संगा।
जहँ तहँ मनहुँ सेन चतुरंगा॥
khagahā kari hari bāgha barāhā.
dekhi mahiṣa bṛṣa sāju sarāhā.
bayaru bihāi carahiṃ eka saṅgā.
jaham̐ taham̐ manahum̐ sena caturaṅgā.
1142 of 1432
झरना झरहिं मत्त गज गाजहिं।
मनहुँ निसान बिबिधि बिधि बाजहिं॥
चक चकोर चातक सुक पिक गन।
कूजत मंजु मराल मुदित मन॥
jharanā jharahiṃ matta gaja gājahiṃ.
manahum̐ nisāna bibidhi bidhi bājahiṃ.
caka cakora cātaka suka pika gana.
kūjata man̄ju marāla mudita mana.
1143 of 1432
अलिगन गावत नाचत मोरा।
जनु सुराज मंगल चहु ओरा॥
बेलि बिटप तृन सफल सफूला।
सब समाजु मुद मंगल मूला॥
aligana gāvata nācata morā.
janu surāja maṅgala cahu orā.
beli biṭapa tṛna saphala saphūlā.
saba samāju muda maṅgala mūlā.
1144 of 1432
दो०—राम सैल सोभा निरखि भरत हृदयँ अति पेमु।
तापस तप फलु पाइ जिमि सुखी सिरानें नेमु ॥ २३६॥
do.—rāma saila sobhā nirakhi bharata hṛdayam̐ ati pemu.
tāpasa tapa phalu pāi jimi sukhī sirānem̐ nemu. (236)
1145 of 1432
तब केवट ऊँचें चढ़ि धाई।
कहेउ भरत सन भुजा उठाई॥
नाथ देखिअहिं बिटप बिसाला।
पाकरि जंबु रसाल तमाला॥
taba kevaṭa ūm̐cem̐ caḍhi dhāī.
kaheu bharata sana bhujā uṭhāī.
nātha dekhiahiṃ biṭapa bisālā.
pākari jambu rasāla tamālā.
1146 of 1432
जिन्ह तरुबरन्ह मध्य बटु सोहा।
मंजु बिसाल देखि मनु मोहा॥
नील सघन पल्लव फल लाला।
अबिरल छाहँ सुखद सब काला॥
jinha tarubaranha madhya baṭu sohā.
man̄ju bisāla dekhi manu mohā.
nīla saghana pallava phala lālā.
abirala chāham̐ sukhada saba kālā.
1147 of 1432
मानहुँ तिमिर अरुनमय रासी।
बिरची बिधि सँकेलि सुषमा सी॥
ए तरु सरित समीप गोसाँई।
रघुबर परनकुटी जहँ छाई॥
mānahum̐ timira arunamaya rāsī.
biracī bidhi sam̐keli suṣamā sī.
e taru sarita samīpa gosām̐ī.
raghubara paranakuṭī jaham̐ chāī.
1148 of 1432
तुलसी तरुबर बिबिध सुहाए।
कहुँ कहुँ सियँ कहुँ लखन लगाए॥
बट छायाँ बेदिका बनाई।
सियँ निज पानि सरोज सुहाई॥
tulasī tarubara bibidha suhāe.
kahum̐ kahum̐ siyam̐ kahum̐ lakhana lagāe.
baṭa chāyām̐ bedikā banāī.
siyam̐ nija pāni saroja suhāī.
1149 of 1432
दो०—जहाँ बैठि मुनिगन सहित नित सिय रामु सुजान।
सुनहिं कथा इतिहास सब आगम निगम पुरान ॥ २३७॥
do.—jahām̐ baiṭhi munigana sahita nita siya rāmu sujāna.
sunahiṃ kathā itihāsa saba āgama nigama purāna. (237)
1150 of 1432
सखा बचन सुनि बिटप निहारी।
उमगे भरत बिलोचन बारी॥
करत प्रनाम चले दोउ भाई।
कहत प्रीति सारद सकुचाई॥
sakhā bacana suni biṭapa nihārī.
umage bharata bilocana bārī.
karata pranāma cale dou bhāī.
kahata prīti sārada sakucāī.
1151 of 1432
हरषहिं निरखि राम पद अंका।
मानहुँ पारसु पायउ रंका॥
रज सिर धरि हियँ नयनन्हि लावहिं।
रघुबर मिलन सरिस सुख पावहिं॥
haraṣahiṃ nirakhi rāma pada aṅkā.
mānahum̐ pārasu pāyau raṅkā.
raja sira dhari hiyam̐ nayananhi lāvahiṃ.
raghubara milana sarisa sukha pāvahiṃ.
1152 of 1432
देखि भरत गति अकथ अतीवा।
प्रेम मगन मृग खग जड़ जीवा॥
सखहि सनेह बिबस मग भूला।
कहि सुपंथ सुर बरषहिं फूला॥
dekhi bharata gati akatha atīvā,
prema magana mṛga khaga jaṛa jīvā
sakhahi saneha bibasa maga bhūlā,
kahi supantha sura baraṣahiṃ phūlā
1153 of 1432
निरखि सिद्ध साधक अनुरागे।
सहज सनेहु सराहन लागे॥
होत न भूतल भाउ भरत को।
अचर सचर चर अचर करत को॥
nirakhi siddha sādhaka anurāge,
sahaja sanehu sarāhana lāge
hota na bhūtala bhāu bharata ko,
acara sacara cara acara karata ko
1154 of 1432
दो०—पेम अमिअ मंदरु बिरहु भरतु पयोधि गँभीर।
मथि प्रगटेउ सुर साधु हित कृपासिंधु रघुबीर ॥ २३८॥
pema amia mandaru birahu bharatu payodhi gambhīra
mathi pragaṭeu sura sādhu hita kṛpāsindhu raghubīra (238)
1155 of 1432
सखा समेत मनोहर जोटा।
लखेउ न लखन सघन बन ओटा॥
भरत दीख प्रभु आश्रमु पावन।
सकल सुमंगल सदनु सुहावन॥
sakhā sameta manohara joṭā,
lakheu na lakhana saghana bana oṭā
bharata dīkha prabhu āśramu pāvana,
sakala sumaṅgala sadanu suhāvana
1156 of 1432
करत प्रबेस मिटे दुख दावा।
जनु जोगीं परमारथु पावा॥
देखे भरत लखन प्रभु आगे।
पूँछे बचन कहत अनुरागे॥
karata prabesa miṭe dukha dāvā,
janu jogīṃ paramārathu pāvā
dekhe bharata lakhana prabhu āge,
pūñche bacana kahata anurāge
1157 of 1432
सीस जटा कटि मुनि पट बाँधें।
तून कसें कर सरु धनु काँधें॥
बेदी पर मुनि साधु समाजू।
सीय सहित राजत रघुराजू॥
sīsa jaṭā kaṭi muni paṭa bāndhẽ,
tūna kasẽ kara saru dhanu kāndhẽ
bedī para muni sādhu samājū,
sīya sahita rājata raghurājū
1158 of 1432
बलकल बसन जटिल तनु स्यामा।
जनु मुनिबेष कीन्ह रति कामा॥
कर कमलनि धनु सायकु फेरत।
जिय की जरनि हरत हँसि हेरत॥
balakala basana jaṭila tanu syāmā,
janu munibeṣa kīnha rati kāmā
kara kamalani dhanu sāyaku pherata,
jiya kī jarani harata hãsi herata
1159 of 1432
दो०—लसत मंजु मुनि मंडली मध्य सीय रघुचंदु।
ग्यान सभाँ जनु तनु धरें भगति सच्चिदानंदु ॥ २३९॥
lasata mañju muni maṇḍalī madhya sīya raghucandu
gyāna sabhā̃ janu tanu dharẽ bhagati saccidānandu (239)
1160 of 1432
सानुज सखा समेत मगन मन।
बिसरे हरष सोक सुख दुख गन॥
पाहि नाथ कहि पाहि गोसाईं।
भूतल परे लकुट की नाईं॥
sānuja sakhā sameta magana mana,
bisare haraṣa soka sukha dukha gana
pāhi nātha kahi pāhi gosāīṃ,
bhūtala pare lakuṭa kī nāīṃ
1161 of 1432
बचन सपेम लखन पहिचाने।
करत प्रनामु भरत जियँ जाने॥
बंधु सनेह सरस एहि ओरा।
उत साहिब सेवा बस जोरा॥
bacana sapema lakhana pahicāne,
karata pranāmu bharata jiyã jāne
bandhu saneha sarasa ehi orā,
uta sāhiba sevā basa jorā
1162 of 1432
मिलि न जाइ नहिं गुदरत बनई।
सुकबि लखन मन की गति भनई॥
रहे राखि सेवा पर भारू।
चढ़ी चंग जनु खैंच खेलारू॥
mili na jāi nahiṃ gudarata banaī,
sukabi lakhana mana kī gati bhanaī
rahe rākhi sevā para bhārū,
caṛhī caṅga janu khaĩca khelārū
1163 of 1432
कहत सप्रेम नाइ महि माथा।
भरत प्रनाम करत रघुनाथा॥
उठे रामु सुनि पेम अधीरा।
कहुँ पट कहुँ निषंग धनु तीरा॥
kahata saprema nāi mahi māthā,
bharata pranāma karata raghunāthā
uṭhe rāmu suni pema adhīrā,
kahũ paṭa kahũ niṣaṅga dhanu tīrā
1164 of 1432
दो०—बरबस लिए उठाइ उर लाए कृपानिधान।
भरत राम की मिलनि लखि बिसरे सबहि अपान ॥ २४०॥
barabasa lie uṭhāi ura lāe kṛpānidhāna
bharata rāma kī milani lakhi bisare sabahi apāna (240)
1165 of 1432
मिलनि प्रीति किमि जाइ बखानी।
कबिकुल अगम करम मन बानी॥
परम पेम पूरन दोउ भाई।
मन बुधि चित अहमिति बिसराई॥
milani prīti kimi jāi bakhānī,
kabikula agama karama mana bānī
parama pema pūrana dou bhāī,
mana budhi cita ahamiti bisarāī
1166 of 1432
कहहु सुपेम प्रगट को करई।
केहि छाया कबि मति अनुसरई॥
कबिहि अरथ आखर बलु साँचा।
अनुहरि ताल गतिहि नटु नाचा॥
kahahu supema pragaṭa ko karaī,
kehi chāyā kabi mati anusaraī
kabihi aratha ākhara balu sā̃cā,
anuhari tāla gatihi naṭu nācā
1167 of 1432
अगम सनेह भरत रघुबर को।
जहँ न जाइ मनु बिधि हरि हर को॥
सो मैं कुमति कहौं केहि भाँती।
बाज सुराग कि गाँडर ताँती॥
agama saneha bharata raghubara ko,
jahã na jāi manu bidhi hari hara ko
so maĩ kumati kahauṃ kehi bhā̃tī,
bāja surāga ki gā̃ḍara tā̃tī
1168 of 1432
मिलनि बिलोकि भरत रघुबर की।
सुरगन सभय धकधकी धरकी॥
समुझाए सुरगुरु जड़ जागे।
बरषि प्रसून प्रसंसन लागे॥
milani biloki bharata raghubara kī,
suragana sabhaya dhakadhakī dharakī
samujhāe suraguru jaṛa jāge,
baraṣi prasūna prasaṃsana lāge
1169 of 1432
दो०—मिलि सपेम रिपुसूदनहि केवटु भेंटेउ राम।
भूरि भायँ भेंटे भरत लछिमन करत प्रनाम ॥ २४१॥
mili sapema ripusūdanahi kevaṭu bheṇṭeu rāma
bhūri bhāyã bheṇṭe bharata lachimana karata pranāma (241)
1170 of 1432
भेंटेउ लखन ललकि लघु भाई।
बहुरि निषादु लीन्ह उर लाई॥
पुनि मुनिगन दुहुँ भाइन्ह बंदे।
अभिमत आसिष पाइ अनंदे॥
bheṇṭeu lakhana lalaki laghu bhāī,
bahuri niṣādu līnha ura lāī
puni munigana duhũ bhāinha bande,
abhimata āsiṣa pāi anande
1171 of 1432
सानुज भरत उमगि अनुरागा।
धरि सिर सिय पद पदुम परागा॥
पुनि पुनि करत प्रनाम उठाए।
सिर कर कमल परसि बैठाए॥
sānuja bharata umagi anurāgā,
dhari sira siya pada paduma parāgā
puni puni karata pranāma uṭhāe,
sira kara kamala parasi baiṭhāe
1172 of 1432
सीयँ असीस दीन्हि मन माहीं।
मगन सनेहँ देह सुधि नाहीं॥
सब बिधि सानुकूल लखि सीता।
भे निसोच उर अपडर बीता॥
sīyã asīsa dīnhi mana māhīṃ,
magana sanehã deha sudhi nāhīṃ
saba bidhi sānukūla lakhi sītā,
bhe nisoca ura apaḍara bītā
1173 of 1432
कोउ किछु कहइ न कोउ किछु पूँछा।
प्रेम भरा मन निज गति छूँछा॥
तेहि अवसर केवटु धीरजु धरि।
जोरि पानि बिनवत प्रनामु करि॥
kou kichu kahai na kou kichu pūñchā,
prema bharā mana nija gati chūñchā
tehi avasara kevaṭu dhīraju dhari,
jori pāni binavata pranāmu kari
1174 of 1432
दो०—नाथ साथ मुनिनाथ के मातु सकल पुर लोग।
सेवक सेनप सचिव सब आए बिकल बियोग ॥ २४२॥
nātha sātha muninātha ke mātu sakala pura loga
sevaka senapa saciva saba āe bikala biyoga (242)
1175 of 1432
सीलसिंधु सुनि गुर आगवनू।
सिय समीप राखे रिपुदवनू॥
चले सबेग रामु तेहि काला।
धीर धरम धुर दीनदयाला॥
sīlasindhu suni gura āgavanū,
siya samīpa rākhe ripudavanū
cale sabega rāmu tehi kālā,
dhīra dharama dhura dīnadayālā
1176 of 1432
गुरहि देखि सानुज अनुरागे।
दंड प्रनाम करन प्रभु लागे॥
मुनिबर धाइ लिए उर लाई।
प्रेम उमगि भेंटे दोउ भाई॥
gurahi dekhi sānuja anurāge,
daṇḍa pranāma karana prabhu lāge
munibara dhāi lie ura lāī,
prema umagi bheṇṭe dou bhāī
1177 of 1432
प्रेम पुलकि केवट कहि नामू।
कीन्ह दूरि तें दंड प्रनामू॥
रामसखा रिषि बरबस भेंटा।
जनु महि लुठत सनेह समेटा॥
prema pulaki kevaṭa kahi nāmū,
kīnha dūri tẽ daṇḍa pranāmū
rāmasakhā riṣi barabasa bheṇṭā,
janu mahi luṭhata saneha sameṭā
1178 of 1432
रघुपति भगति सुमंगल मूला।
नभ सराहि सुर बरिसहिं फूला॥
एहि सम निपट नीच कोउ नाहीं।
बड़ बसिष्ठ सम को जग माहीं॥
raghupati bhagati sumaṅgala mūlā,
nabha sarāhi sura barisahiṃ phūlā
ehi sama nipaṭa nīca kou nāhīṃ,
baṛa basiṣṭha sama ko jaga māhīṃ
1179 of 1432
दो०—जेहि लखि लखनहु तें अधिक मिले मुदित मुनिराउ।
सो सीतापति भजन को प्रगट प्रताप प्रभाउ ॥ २४३॥
jehi lakhi lakhanahu tẽ adhika mile mudita munirāu
so sītāpati bhajana ko pragaṭa pratāpa prabhāu (243)
1180 of 1432
आरत लोग राम सबु जाना।
करुनाकर सुजान भगवाना॥
जो जेहि भायँ रहा अभिलाषी।
तेहि तेहि कै तसि तसि रुख राखी॥
ārata loga rāma sabu jānā,
karunākara sujāna bhagavānā
jo jehi bhāyã rahā abhilāṣī,
tehi tehi kai tasi tasi rukha rākhī
1181 of 1432
सानुज मिलि पल महुँ सब काहू।
कीन्ह दूरि दुखु दारुन दाहू॥
यह बड़ि बात राम कै नाहीं।
जिमि घट कोटि एक रबि छाहीं॥
sānuja mili pala mahũ saba kāhū,
kīnha dūri dukhu dāruna dāhū
yaha baṛi bāta rāma kai nāhīṃ,
jimi ghaṭa koṭi eka rabi chāhīṃ
1182 of 1432
मिलि केवटहि उमगि अनुरागा।
पुरजन सकल सराहहिं भागा॥
देखीं राम दुखित महतारीं।
जनु सुबेलि अवलीं हिम मारीं॥
mili kevaṭahi umagi anurāgā,
purajana sakala sarāhahiṃ bhāgā
dekhīṃ rāma dukhita mahatārīṃ,
janu subeli avalīṃ hima mārīṃ
1183 of 1432
प्रथम राम भेंटी कैकेई।
सरल सुभायँ भगति मति भेई॥
पग परि कीन्ह प्रबोधु बहोरी।
काल करम बिधि सिर धरि खोरी॥
prathama rāma bheṇṭī kaikeī,
sarala subhāyã bhagati mati bheī
paga pari kīnha prabodhu bahorī,
kāla karama bidhi sira dhari khorī
1184 of 1432
दो०—भेटीं रघुबर मातु सब करि प्रबोधु परितोषु।
अंब ईस आधीन जगु काहु न देइअ दोषु ॥ २४४॥
bheṭīṃ raghubara mātu saba kari prabodhu paritoṣu
amba īsa ādhīna jagu kāhu na deia doṣu (244)
1185 of 1432
गुरतिय पद बंदे दुहु भाईं।
सहित बिप्रतिय जे सँग आईं॥
गंग गौरि सम सब सनमानीं।
देहिं असीस मुदित मृदु बानीं॥
gurativa pada bande duhu bhāīṃ,
sahita bipratiya je sãga āīṃ
gaṃga gauri sama saba sanamānīṃ,
dehiṃ asīsa mudita mṛdu bānīṃ
1186 of 1432
गहि पद लगे सुमित्रा अंका।
जनु भेंटी संपति अति रंका॥
पुनि जननी चरननि दोउ भ्राता।
परे पेम ब्याकुल सब गाता॥
gahi pada lage sumitrā aṅkā,
janu bheṇṭī sampati ati raṅkā
puni jananī caranani dou bhrātā,
pare pema byākula saba gātā
1187 of 1432
अति अनुराग अंब उर लाए।
नयन सनेह सलिल अन्हवाए॥
तेहि अवसर कर हरष बिषादू।
किमि कबि कहै मूक जिमि स्वादू॥
ati anurāga amba ura lāe,
nayana saneha salila anhavāe
tehi avasara kara haraṣa biṣādū,
kimi kabi kahai mūka jimi svādū
1188 of 1432
मिलि जननिहि सानुज रघुराऊ।
गुर सन कहेउ कि धारिअ पाऊ॥
पुरजन पाइ मुनीस नियोगू।
जल थल तकि तकि उतरेउ लोगू॥
mili jananihi sānuja raghurāū,
gura sana kaheu ki dhāria pāū
purajana pāi munīsa niyogū,
jala thala taki taki utareu logū
1189 of 1432
दो०—महिसुर मंत्री मातु गुर गने लोग लिए साथ।
पावन आश्रम गवनु किय भरत लखन रघुनाथ ॥ २४५॥
mahisura mantrī mātu gura gane loga lie sātha
pāvana āśrama gavanu kiya bharata lakhana raghunātha (245)
1190 of 1432
सीय आइ मुनिबर पग लागी।
उचित असीस लही मन मागी॥
गुरपतिनिहि मुनितियन्ह समेता।
मिली पेमु कहि जाइ न जेता॥
sīya āi munibara paga lāgī,
ucita asīsa lahī mana māgī
gurapatinihi munitiyanha sametā,
milī pemu kahi jāi na jetā
1191 of 1432
बंदि बंदि पग सिय सबही के।
आसिरबचन लहे प्रिय जी के॥
सासु सकल जब सीयँ निहारीं।
मूदे नयन सहमि सुकुमारीं॥
bandi bandi paga siya sabahī ke,
āsirabacana lahe priya jī ke
sāsu sakala jaba sīyã nihārīṃ,
mūde nayana sahami sukumārīṃ
1192 of 1432
परीं बधिक बस मनहुँ मरालीं।
काह कीन्ह करतार कुचालीं॥
तिन्ह सिय निरखि निपट दुखु पावा।
सो सबु सहिअ जो दैउ सहावा॥
parīṃ badhika basa manahũ marālīṃ,
kāha kīnha kartāra kucālīṃ
tinha siya nirakhi nipaṭa dukhu pāvā,
so sabu sahia jo daiu sahāvā
1193 of 1432
जनकसुता तब उर धरि धीरा।
नील नलिन लोयन भरि नीरा॥
मिली सकल सासुन्ह सिय जाई।
तेहि अवसर करुना महि छाई॥
janakasutā taba ura dhari dhīrā,
nīla nalina loyana bhari nīrā
milī sakala sāsunha siya jāī,
tehi avasara karunā mahi chāī
1194 of 1432
दो०—लागि लागि पग सबनि सिय भेंटति अति अनुराग।
हृदयँ असीसहिं पेम बस रहिअहु भरी सोहाग ॥ २४६॥
lāgi lāgi paga sabani siya bheṇṭati ati anurāga
hṛdayã asīsahiṃ pema basa rahiahu bharī sohāga (246)
1195 of 1432
बिकल सनेहँ सीय सब रानीं।
बैठन सबहि कहेउ गुर ग्यानीं॥
कहि जग गति मायिक मुनिनाथा।
कहे कछुक परमारथ गाथा॥
bikala sanehã sīya saba rānīṃ,
baiṭhana sabahi kaheu gura gyānīṃ
kahi jaga gati māyika munināthā,
kahe kachuka paramāratha gāthā
1196 of 1432
नृप कर सुरपुर गवनु सुनावा।
सुनि रघुनाथ दुसह दुखु पावा॥
मरन हेतु निज नेहु बिचारी।
भे अति बिकल धीर धुर धारी॥
nṛpa kara surapura gavanu sunāvā,
suni raghunātha dusaha dukhu pāvā
marana hetu nija nehu bicārī,
bhe ati bikala dhīra dhura dhārī
1197 of 1432
कुलिस कठोर सुनत कटु बानी।
बिलपत लखन सीय सब रानी॥
सोक बिकल अति सकल समाजू।
मानहुँ राजु अकाजेउ आजू॥
kulisa kaṭhora sunata kaṭu bānī,
bilapata lakhana sīya saba rānī
soka bikala ati sakala samājū,
mānahũ rāju akājeu ājū
1198 of 1432
मुनिबर बहुरि राम समुझाए।
सहित समाज सुसरित नहाए॥
ब्रतु निरंबु तेहि दिन प्रभु कीन्हा।
मुनिहु कहें जलु काहुँ न लीन्हा॥
munibara bahuri rāma samujhāe,
sahita samāja susarita nahāe
bratu nirambu tehi dina prabhu kīnhā,
munihu kahẽ jalu kāhũ na līnhā
1199 of 1432
दो०—भोरु भएँ रघुनंदनहि जो मुनि आयसु दीन्ह।
श्रद्धा भगति समेत प्रभु सो सबु सादरु कीन्ह ॥ २४७॥
bhoru bhaẽ raghunandanahi jo muni āyasu dīnha
śraddhā bhagati sameta prabhu so sabu sādaru kīnha (247)
1200 of 1432
करि पितु क्रिया बेद जसि बरनी।
भे पुनीत पातक तम तरनी॥
जासु नाम पावक अघ तूला।
सुमिरत सकल सुमंगल मूला॥
kari pitu kriyā beda jasi baranī,
bhe punīta pātaka tama taranī
jāsu nāma pāvaka agha tūlā,
sumirata sakala sumaṅgala mūlā
1201 of 1432
सुद्ध सो भयउ साधु संमत अस।
तीरथ आवाहन सुरसरि जस॥
सुद्ध भएँ दुइ बासर बीते।
बोले गुर सन राम पिरीते॥
suddha so bhayau sādhu saṃmata asa,
tīratha āvāhana surasari jasa
suddha bhaẽ dui bāsara bīte,
bole gura sana rāma pirīte
1202 of 1432
नाथ लोग सब निपट दुखारी।
कंद मूल फल अंबु अहारी॥
सानुज भरतु सचिव सब माता।
देखि मोहि पल जिमि जुग जाता॥
nātha loga saba nipaṭa dukhārī,
kanda mūla phala ambu ahārī
sānuja bharatu saciva saba mātā,
dekhi mohi pala jimi juga jātā
1203 of 1432
सब समेत पुर धारिअ पाऊ।
आपु इहाँ अमरावति राऊ॥
बहुत कहेउँ सब कियउँ ढिठाई।
उचित होइ तस करिअ गोसाँई॥
saba sameta pura dhāria pāū,
āpu ihā̃ amarāvati rāū
bahuta kaheũ saba kiyaũ ḍhiṭhāī,
ucita hoi tasa karia gosāī̃
1204 of 1432
दो०—धर्म सेतु करुनायतन कस न कहहु अस राम।
लोग दुखित दिन दुइ दरस देखि लहहुँ बिश्राम ॥ २४८॥
dharma setu karunāyatana kasa na kahahu asa rāma
loga dukhita dina dui darasa dekhi lahahũ biśrāma (248)
1205 of 1432
राम बचन सुनि सभय समाजू।
जनु जलनिधि महुँ बिकल जहाजू॥
सुनि गुर गिरा सुमंगल मूला।
भयउ मनहुँ मारुत अनुकूला॥
rāma bacana suni sabhaya samājū,
janu jalanidhi mahũ bikala jahājū
suni gura girā sumaṅgala mūlā,
bhayau manahũ māruta anukūlā
1206 of 1432
पावन पयँ तिहुँ काल नहाहीं।
जो बिलोकि अघ ओघ नसाहीं॥
मंगलमूरति लोचन भरि भरि।
निरखहिं हरषि दंडवत करि करि॥
pāvana payã tihũ kāla nahāhīṃ,
jo biloki agha ogha nasāhīṃ
maṅgalamūrati locana bhari bhari,
nirakhahiṃ haraṣi daṇḍavata kari kari
1207 of 1432
राम सैल बन देखन जाहीं।
जहँ सुख सकल सकल दुख नाहीं॥
झरना झरहिं सुधासम बारी।
त्रिबिध तापहर त्रिबिध बयारी॥
rāma saila bana dekhana jāhīṃ,
jahã sukha sakala sakala dukha nāhīṃ
jharanā jharahiṃ sudhāsama bārī,
tribidha tāpahara tribidha bayārī
1208 of 1432
बिटप बेलि तृन अगनित जाती।
फल प्रसून पल्लव बहु भाँती॥
सुंदर सिला सुखद तरु छाहीं।
जाइ बरनि बन छबि केहि पाहीं॥
biṭapa beli tṛna aganita jātī,
phala prasūna pallava bahu bhā̃tī
suṃdara silā sukhada taru chāhīṃ,
jāi barani bana chabi kehi pāhīṃ
1209 of 1432
दो०—सरनि सरोरुह जल बिहग कूजत गुंजत भृंग।
बैर बिगत बिहरत बिपिन मृग बिहंग बहुरंग ॥ २४९॥
sarani saroruha jala bihaga kūjata guṃjata bhṛṅga
baira bigata biharata bipina mṛga bihaṃga bahuraṃga (249)
1210 of 1432
कोल किरात भिल्ल बनबासी।
मधु सुचि सुंदर स्वादु सुधा सी॥
भरि भरि परन पुटीं रचि रूरी।
कंद मूल फल अंकुर जूरी॥
kola kirāta bhilla banabāsī,
madhu suci suṃdara svādu sudhā sī
bhari bhari parana puṭīṃ raci rūrī,
kanda mūla phala aṃkura jūrī
1211 of 1432
सबहि देहिं करि बिनय प्रनामा।
कहि कहि स्वाद भेद गुन नामा॥
देहिं लोग बहु मोल न लेहीं।
फेरत राम दोहाई देहीं॥
sabahi dehiṃ kari binaya pranāmā,
kahi kahi svāda bheda guna nāmā
dehiṃ loga bahu mola na lehīṃ,
pherata rāma dohāī dehīṃ
1212 of 1432
कहहिं सनेह मगन मृदु बानी।
मानत साधु पेम पहिचानी॥
तुम्ह सुकृती हम नीच निषादा।
पावा दरसनु राम प्रसादा॥
kahahiṃ saneha magana mṛdu bānī,
mānata sādhu pema pahicānī
tumha sukṛtī hama nīca niṣādā,
pāvā darasanu rāma prasādā
1213 of 1432
हमहि अगम अति दरसु तुम्हारा।
जस मरु धरनि देवधुनि धारा॥
राम कृपाल निषाद नेवाजा।
परिजन प्रजउ चहिअ जस राजा॥
hamahi agama ati darasu tumhārā,
jasa maru dharani devadhuni dhārā
rāma kṛpāla niṣāda nevājā,
parijana prajau chahia jasa rājā
1214 of 1432
दो०—यह जियँ जानि सँकोचु तजि करिअ छोहु लखि नेहु।
हमहि कृतारथ करन लगि फल तृन अंकुर लेहु ॥ २५०॥
yaha jiyã jāni sãkocu taji karia chohu lakhi nehu
hamahi kṛtāratha karana lagi phala tṛna aṃkura lehu (250)
1215 of 1432
तुम्ह प्रिय पाहुने बन पगु धारे।
सेवा जोगु न भाग हमारे॥
देब काह हम तुम्हहि गोसाँई।
ईंधनु पात किरात मिताई॥
tumha priya pāhune bana pagu dhāre,
sevā jogu na bhāga hamāre
deba kāha hama tumhahi gosāī̃,
īṃdhanu pāta kirāta mitāī
1216 of 1432
यह हमारि अति बड़ि सेवकाई।
लेहिं न बासन बसन चोराई॥
हम जड़ जीव जीव गन घाती।
कुटिल कुचाली कुमति कुजाती॥
yaha hamāri ati baṛi sevakāī,
lehiṃ na bāsana basana corāī
hama jaṛa jīva jīva gana ghātī,
kuṭila kucālī kumati kujātī
1217 of 1432
पाप करत निसि बासर जाहीं।
नहिं पट कटि नहिं पेट अघाहीं॥
सपनेहुँ धरमबुद्धि कस काऊ।
यह रघुनंदन दरस प्रभाऊ॥
pāpa karata nisi bāsara jāhīṃ,
nahiṃ paṭa kaṭi nahiṃ peṭa aghāhīṃ
sapanehũ dharamabuddhi kasa kāū,
yaha raghunandana darasa prabhāū
1218 of 1432
जब तें प्रभु पद पदुम निहारे।
मिटे दुसह दुख दोष हमारे॥
बचन सुनत पुरजन अनुरागे।
तिन्ह के भाग सराहन लागे॥
jaba tẽ prabhu pada paduma nihāre,
miṭe dusaha dukha doṣa hamāre
bacana sunata purajana anurāge,
tinha ke bhāga sarāhana lāge
1219 of 1432
छं०—लागे सराहन भाग सब अनुराग बचन सुनावहीं।
बोलनि मिलनि सिय राम चरन सनेहु लखि सुखु पावहीं॥
नर नारि निदरहिं नेहु निज सुनि कोल भिल्लनि की गिरा।
तुलसी कृपा रघुबंसमनि की लोह लै लौका तिरा॥
lāge sarāhana bhāga saba anurāga bacana sunāvahīṃ
bolani milani siya rāma carana sanehu lakhi sukhu pāvahīṃ
nara nāri nidarahiṃ nehu nija suni kola bhillani kī girā
tulasī kṛpā raghubaṃsamani kī loha lai laukā tirā
1220 of 1432
सो०—बिहरहिं बन चहु ओर प्रतिदिन प्रमुदित लोग सब।
जल ज्यों दादुर मोर भए पीन पावस प्रथम ॥ २५१॥
biharahiṃ bana cahu ora pratidina pramudita loga saba
jala jyõ dādura mora bhae pīna pāvasa prathama (251)
1221 of 1432
पुर जन नारि मगन अति प्रीती।
बासर जाहिं पलक सम बीती॥
सीय सासु प्रति बेष बनाई।
सादर करइ सरिस सेवकाई॥
pura jana nāri magana ati prītī,
bāsara jāhiṃ palaka sama bītī
sīya sāsu prati beṣa banāī,
sādara karai sarisa sevakāī
1222 of 1432
लखा न मरमु राम बिनु काहूँ।
माया सब सिय माया माहूँ॥
सीयँ सासु सेवा बस कीन्हीं।
तिन्ह लहि सुख सिख आसिष दीन्हीं॥
lakhā na maramu rāma binu kāhū̃,
māyā saba siya māyā māhū̃
sīyã sāsu sevā basa kīnhīṃ,
tinha lahi sukha sikha āsiṣa dīnhīṃ
1223 of 1432
लखि सिय सहित सरल दोउ भाई।
कुटिल रानि पछितानि अघाई॥
अवनि जमहि जाचति कैकेई।
महि न बीचु बिधि मीचु न देई॥
lakhi siya sahita sarala dou bhāī,
kuṭila rāni pachitāni aghāī
avani jamahi jācati kaikeī,
mahi na bīcu bidhi mīcu na deī
1224 of 1432
लोकहुँ बेद बिदित कबि कहहीं।
राम बिमुख थलु नरक न लहहीं॥
यहु संसउ सब के मन माहीं।
राम गवनु बिधि अवध कि नाहीं॥
lokahũ beda bidita kabi kahahīṃ,
rāma bimukha thalu naraka na lahahīṃ
yahu saṃsau saba ke mana māhīṃ,
rāma gavanu bidhi avadha ki nāhīṃ
1225 of 1432
दो०—निसि न नीद नहिं भूख दिन भरतु बिकल सुचि सोच।
नीच कीच बिच मगन जस मीनहि सलिल सँकोच ॥ २५२॥
nisi na nīda nahiṃ bhūkha dina bharatu bikala suci soca
nīca kīca bica magana jasa mīnahi salila sãkoca (252)
1226 of 1432
कीन्हि मातु मिस काल कुचाली।
ईति भीति जस पाकत साली॥
केहि बिधि होइ राम अभिषेकू।
मोहि अवकलत उपाउ न एकू॥
kīnhi mātu misa kāla kucālī,
īti bhīti jasa pākata sālī
kehi bidhi hoi rāma abhiṣekū,
mohi avakalata upāu na ekū
1227 of 1432
अवसि फिरहिं गुर आयसु मानी।
मुनि पुनि कहब राम रुचि जानी॥
मातु कहेहुँ बहुरहिं रघुराऊ।
राम जननि हठ करबि कि काऊ॥
avasi phirahiṃ gura āyasu mānī,
muni puni kahaba rāma ruci jānī
mātu kahehũ bahurahiṃ raghurāū,
rāma janani haṭha karabi ki kāū
1228 of 1432
मोहि अनुचर कर केतिक बाता।
तेहि महँ कुसमउ बाम बिधाता॥
जौं हठ करउँ त निपट कुकरमू।
हरगिरि तें गुरु सेवक धरमू॥
mohi anucara kara ketika bātā,
tehi mahã kusamau bāma bidhātā
jaũ haṭha karaũ ta nipaṭa kukaramū,
haragiri tẽ guru sevaka dharamū
1229 of 1432
एकउ जुगुति न मन ठहरानी।
सोचत भरतहि रैनि बिहानी॥
प्रात नहाइ प्रभुहि सिर नाई।
बैठत पठए रिषयँ बोलाई॥
ekau juguti na mana ṭhaharānī,
socata bharatahi raini bihānī
prāta nahāi prabhuhi sira nāī,
baiṭhata paṭhae riṣayã bolāī
1230 of 1432
दो०—गुर पद कमल प्रनामु करि बैठे आयसु पाइ।
बिप्र महाजन सचिव सब जुरे सभासद आइ ॥ २५३॥
gura pada kamala pranāmu kari baiṭhe āyasu pāi
bipra mahājana saciva saba jure sabhāsada āi (253)
1231 of 1432
बोले मुनिबरु समय समाना।
सुनहु सभासद भरत सुजाना॥
धरम धुरीन भानुकुल भानू।
राजा रामु स्वबस भगवानू॥
bole munibaru samaya samānā,
sunahu sabhāsada bharata sujānā
dharama dhurīna bhānukula bhānū,
rājā rāmu svabasa bhagavānū
1232 of 1432
सत्यसंध पालक श्रुति सेतू।
राम जनमु जग मंगल हेतू॥
गुर पितु मातु बचन अनुसारी।
खल दलु दलन देव हितकारी॥
satyasaṃdha pālaka śruti setū,
rāma janamu jaga maṃgala hetū
gura pitu mātu bacana anusārī,
khala dalu dalana deva hitakārī
1233 of 1432
नीति प्रीति परमारथ स्वारथु।
कोउ न राम सम जान जथारथु॥
बिधि हरि हरु ससि रबि दिसिपाला।
माया जीव करम कुलि काला॥
nīti prīti paramāratha svārathu,
kou na rāma sama jāna jathārathu
bidhi hari haru sasi rabi disipālā,
māyā jīva karama kuli kālā
1234 of 1432
अहिप महिप जहँ लगि प्रभुताई।
जोग सिद्धि निगमागम गाई॥
करि बिचार जियँ देखहु नीकें।
राम रजाइ सीस सबही कें॥
ahipa mahipa jahã lagi prabhutāī,
joga siddhi nigamāgama gāī
kari bicāra jiyã dekhahu nīkẽ,
rāma rajāi sīsa sabahī kẽ
1235 of 1432
दो०—राखें राम रजाइ रुख हम सब कर हित होइ।
समुझि सयाने करहु अब सब मिलि संमत सोइ ॥ २५४॥
rākhẽ rāma rajāi rukha hama saba kara hita hoi
samujhi sayāne karahu aba saba mili saṃmata soi (254)
1236 of 1432
सब कहुँ सुखद राम अभिषेकू।
मंगल मोद मूल मग एकू॥
केहि बिधि अवध चलहिं रघुराऊ।
कहहु समुझि सोइ करिअ उपाऊ॥
saba kahũ sukhada rāma abhiṣekū,
maṃgala moda mūla maga ekū
kehi bidhi avadha calahiṃ raghurāū,
kahahu samujhi soi karia upāū
1237 of 1432
सब सादर सुनि मुनिबर बानी।
नय परमारथ स्वारथ सानी॥
उतरु न आव लोग भए भोरे।
तब सिरु नाइ भरत कर जोरे॥
saba sādara suni munibara bānī,
naya paramāratha svāratha sānī
utaru na āva loga bhae bhore,
taba siru nāi bharata kara jore
1238 of 1432
भानुबंस भए भूप घनेरे।
अधिक एक तें एक बड़ेरे॥
जनम हेतु सब कहँ पितु माता।
करम सुभासुभ देइ बिधाता॥
bhānubaṃsa bhae bhūpa ghanere,
adhika eka tẽ eka baṛere
janama hetu saba kahã pitu mātā,
karama subhāsubha dei bidhātā
1239 of 1432
दलि दुख सजइ सकल कल्याना।
अस असीस राउरि जगु जाना॥
सो गोसाईं बिधि गति जेहिं छेंकी।
सकइ को टारि टेक जो टेकी॥
dali dukha sajai sakala kalyānā,
asa asīsa rāuri jagu jānā
so gosāī̃ bidhi gati jehiṃ chẽkī,
sakai ko ṭāri ṭeka jo ṭekī
1240 of 1432
बूझिअ मोहि उपाउ अब सो सब मोर अभागु।
सुनि सनेहमय बचन गुर उर उमगा अनुरागु ॥ २५५॥
būjhia mohi upāu aba so saba mora abhāgu.
suni sanehamaya bacana gura ura umagā anurāgu. (255)
1241 of 1432
तात बात फुरि राम कृपाहीं।
राम बिमुख सिधि सपनेहुँ नाहीं॥
सकुचउँ तात कहत एक बाता।
अरध तजहिं बुध सरबस जाता॥
tāta bāta phuri rāma kṛpāhīṃ.
rāma bimukha sidhi sapanehuṃ nāhīṃ.
sakucauṃ tāta kahata eka bātā.
aradha tajahiṃ budha sarabasa jātā.
1242 of 1432
तुम्ह कानन गवनहु दोउ भाई।
फेरिअहिं लखन सीय रघुराई॥
सुनि सुबचन हरषे दोउ भ्राता।
भे प्रमोद परिपूरन गाता॥
tumha kānana gavanahu dou bhāī.
pheriahiṃ lakhana sīya raghurāī.
suni subacana haraṣe dou bhrātā.
bhe pramoda paripūrana gātā.
1243 of 1432
मन प्रसन्न तन तेजु बिराजा।
जनु जिय राउ रामु भए राजा॥
बहुत लाभ लोगन्ह लघु हानी।
सम दुख सुख सब रोवहिं रानी॥
mana prasanna tana teju birājā.
janu jiya rāu rāmu bhae rājā.
bahuta lābha loganha laghu hānī.
sama dukha sukha saba rovahiṃ rānī.
1244 of 1432
कहहिं भरतु मुनि कहा सो कीन्हे।
फलु जग जीवन्ह अभिमत दीन्हे॥
कानन करउँ जनम भरि बासू।
एहि तें अधिक न मोर सुपासू॥
kahahiṃ bharatu muni kahā so kīnhe.
phalu jaga jīvanha abhimata dīnhe.
kānana karauṃ janama bhari bāsū.
ehi teṃ adhika na mora supāsū.
1245 of 1432
अंतरजामी रामु सिय तुम्ह सरबग्य सुजान।
जौं फुर कहहु त नाथ निज कीजिअ बचनु प्रवान ॥ २५६॥
antarajāmī rāmu siya tumha sarabagya sujāna.
jauṃ phura kahahu ta nātha nija kījia bacanu pravāna. (256)
1246 of 1432
भरत बचन सुनि देखि सनेहू।
सभा सहित मुनि भए बिदेहू॥
भरत महा महिमा जलरासी।
मुनि मति ठाढ़ि तीर अबला सी॥
bharata bacana suni dekhi sanehū.
sabhā sahita muni bhae bidehū.
bharata mahā mahimā jalarāsī.
muni mati ṭhāḍhi tīra abalā sī.
1247 of 1432
गा चह पार जतनु हियँ हेरा।
पावति नाव न बोहितु बेरा॥
औरु करिहि को भरत बड़ाई।
सरसी सीपि कि सिंधु समाई॥
gā caha pāra jatanu hiyaṃ herā.
pāvati nāva na bohitu berā.
auru karihi ko bharata baḍāī.
sarasī sīpi ki siṃdhu samāī.
1248 of 1432
भरतु मुनिहि मन भीतर भाए।
सहित समाज राम पहिं आए॥
प्रभु प्रनामु करि दीन्ह सुआसनु।
बैठे सब सुनि मुनि अनुसासनु॥
bharatu munihi mana bhītara bhāe.
sahita samāja rāma pahiṃ āe.
prabhu pranāmu kari dīnha suāsanu.
baiṭhe saba suni muni anusāsanu.
1249 of 1432
बोले मुनिबरु बचन बिचारी।
देस काल अवसर अनुहारी॥
सुनहु राम सरबग्य सुजाना।
धरम नीति गुन ग्यान निधाना॥
bole munibaru bacana bicārī.
desa kāla avasara anuhārī.
sunahu rāma sarabagya sujānā.
dharama nīti guna gyāna nidhānā.
1250 of 1432
सब के उर अंतर बसहु जानहु भाउ कुभाउ।
पुरजन जननी भरत हित होइ सो कहिअ उपाउ ॥ २५७॥
saba ke ura antara basahu jānahu bhāu kubhāu.
purajana jananī bharata hita hoi so kahia upāu. (257)
1251 of 1432
आरत कहहिं बिचारि न काऊ।
सूझ जुआरिहि आपन दाऊ॥
सुनि मुनि बचन कहत रघुराऊ।
नाथ तुम्हारेहि हाथ उपाऊ॥
ārata kahahiṃ bicāri na kāū.
sūjha juārihi āpana dāū.
suni muni bacana kahata raghurāū.
nātha tumhārehi hātha upāū.
1252 of 1432
सब कर हित रुख राउरि राखें।
आयसु किएँ मुदित फुर भाषें॥
प्रथम जो आयसु मो कहुँ होई।
माथें मानि करौं सिख सोई॥
saba kara hita rukha rāuri rākheṃ.
āyasu kieṃ mudita phura bhāṣeṃ.
prathama jo āyasu mo kahuṃ hoī.
mātheṃ māni karauṃ sikha soī.
1253 of 1432
पुनि जेहि कहँ जस कहब गोसाईं।
सो सब भाँति घटिहि सेवकाई॥
कह मुनि राम सत्य तुम्ह भाषा।
भरत सनेहँ बिचारु न राखा॥
puni jehi kahaṃ jasa kahaba gosāīṃ.
so saba bhāṃti ghaṭihi sevakāī.
kaha muni rāma satya tumha bhāṣā.
bharata sanehaṃ bicāru na rākhā.
1254 of 1432
तेहि तें कहउँ बहोरि बहोरी।
भरत भगति बस भइ मति मोरी॥
मोरें जान भरत रुचि राखी।
जो कीजिअ सो सुभ सिव साखी॥
tehi teṃ kahauṃ bahori bahorī.
bharata bhagati basa bhai mati morī.
moreṃ jāna bharata ruci rākhī.
jo kījia so subha siva sākhī.
1255 of 1432
भरत बिनय सादर सुनिअ करिअ बिचारु बहोरि।
करब साधुमत लोकमत नृपनय निगम निचोरि ॥ २५८॥
bharata binaya sādara sunia karia bicāru bahori.
karaba sādhumata lokamata nṛpanaya nigama nicori. (258)
1256 of 1432
गुर अनुरागु भरत पर देखी।
राम हृदयँ आनंदु बिसेषी॥
भरतहि धरम धुरंधर जानी।
निज सेवक तन मानस बानी॥
gura anurāgu bharata para dekhī.
rāma hṛdayaṃ ānandu biseṣī.
bharatahi dharama dhuraṃdhara jānī.
nija sevaka tana mānasa bānī.
1257 of 1432
बोले गुर आयस अनुकूला।
बचन मंजु मृदु मंगलमूला॥
नाथ सपथ पितु चरन दोहाई।
भयउ न भुअन भरत सम भाई॥
bole gura āyasa anukūlā.
bacana maṃju mṛdu maṃgalamūlā.
nātha sapatha pitu carana dohāī.
bhayau na bhuana bharata sama bhāī.
1258 of 1432
जे गुर पद अंबुज अनुरागी।
ते लोकहुँ बेदहुँ बड़भागी॥
राउर जा पर अस अनुरागू।
को कहि सकइ भरत कर भागू॥
je gura pada aṃbuja anurāgī.
te lokahuṃ bedahuṃ baḍabhāgī.
rāura jā para asa anurāgū.
ko kahi sakai bharata kara bhāgū.
1259 of 1432
लखि लघु बंधु बुद्धि सकुचाई।
करत बदन पर भरत बड़ाई॥
भरतु कहहिं सोइ किएँ भलाई।
अस कहि राम रहे अरगाई॥
lakhi laghu baṃdhu buddhi sakucāī.
karata badana para bharata baḍāī.
bharatu kahahiṃ soi kieṃ bhalāī.
asa kahi rāma rahe aragāī.
1260 of 1432
तब मुनि बोले भरत सन सब सँकोचु तजि तात।
कृपासिंधु प्रिय बंधु सन कहहु हृदय कै बात ॥ २५९॥
taba muni bole bharata sana saba saṃkocu taji tāta.
kṛpāsiṃdhu priya baṃdhu sana kahahu hṛdaya kai bāta. (259)
1261 of 1432
सुनि मुनि बचन राम रुख पाई।
गुर साहिब अनुकूल अघाई॥
लखि अपनें सिर सबु छरु भारू।
कहि न सकहिं कछु करहिं बिचारू॥
suni muni bacana rāma rukha pāī.
gura sāhiba anukūla aghāī.
lakhi apaneṃ sira sabu charu bhārū.
kahi na sakahiṃ kachu karahiṃ bicārū.
1262 of 1432
पुलकि सरीर सभाँ भए ठाढ़े।
नीरज नयन नेह जल बाढ़े॥
कहब मोर मुनिनाथ निबाहा।
एहि तें अधिक कहौं मैं काहा॥
pulaki sarīra sabhāṃ bhae ṭhāḍhe.
nīraja nayana neha jala bāḍhe.
kahaba mora muninātha nibāhā.
ehi teṃ adhika kahauṃ maiṃ kāhā.
1263 of 1432
मैं जानउँ निज नाथ सुभाऊ।
अपराधिहु पर कोह न काऊ॥
मो पर कृपा सनेहु बिसेषी।
खेलत खुनिस न कबहूँ देखी॥
maiṃ jānauṃ nija nātha subhāū.
aparādhihu para koha na kāū.
mo para kṛpā sanehu biseṣī.
khelata khunisa na kabahūṃ dekhī.
1264 of 1432
सिसुपन तें परिहरेउँ न संगू।
कबहुँ न कीन्ह मोर मन भंगू॥
मैं प्रभु कृपा रीति जियँ जोही।
हारेहुँ खेल जितावहिं मोही॥
sisupana teṃ pariharēuṃ na saṃgū.
kabahuṃ na kīnha mora mana bhaṃgū.
maiṃ prabhu kṛpā rīti jiyaṃ johī.
hārehuṃ khela jitāvahiṃ mohī.
1265 of 1432
महूँ सनेह सकोच बस सनमुख कही न बैन।
दरसन तृपित न आजु लगि पेम पिआसे नैन ॥ २६०॥
mahūṃ saneha sakoca basa sanamukha kahī na baina.
darasana tṛpita na āju lagi pema piāse naina. (260)
1266 of 1432
बिधि न सकेउ सहि मोर दुलारा।
नीच बीचु जननी मिस पारा॥
यहउ कहत मोहि आजु न सोभा।
अपनीं समुझि साधु सुचि को भा॥
bidhi na sakeu sahi mora dulārā.
nīca bīcu jananī misa pārā.
yahau kahata mohi āju na sobhā.
apanīṃ samujhi sādhu suci ko bhā.
1267 of 1432
मातु मंदि मैं साधु सुचाली।
उर अस आनत कोटि कुचाली॥
फरइ कि कोदव बालि सुसाली।
मुकता प्रसव कि संबुक काली॥
mātu maṃdi maiṃ sādhu sucālī.
ura asa ānata koṭi kucālī.
pharai ki kodava bāli susālī.
mukatā prasava ki saṃbuka kālī.
1268 of 1432
सपनेहुँ दोसक लेसु न काहू।
मोर अभाग उदधि अवगाहू॥
बिनु समुझें निज अघ परिपाकू।
जारिउँ जायँ जननि कहि काकू॥
sapanehuṃ dosaka lesu na kāhū.
mora abhāga udadhi avagāhū.
binu samujheṃ nija agha paripākū.
jāriuṃ jāyaṃ janani kahi kākū.
1269 of 1432
हृदयँ हेरि हारेउँ सब ओरा।
एकहि भाँति भलेहिं भल मोरा॥
गुर गोसाइँ साहिब सिय रामू।
लागत मोहि नीक परिनामू॥
hṛdayaṃ heri hārēuṃ saba orā.
ekahi bhāṃti bhalehiṃ bhala morā.
gura gosāiṃ sāhiba siya rāmū.
lāgata mohi nīka parināmū.
1270 of 1432
साधु सभाँ गुर प्रभु निकट कहउँ सुथल सतिभाउ।
प्रेम प्रपंचु कि झूठ फुर जानहिं मुनि रघुराउ ॥ २६१॥
sādhu sabhāṃ gura prabhu nikaṭa kahauṃ suthala satibhāu.
prema prapaṃcu ki jhūṭha phura jānahiṃ muni raghurāu. (261)
1271 of 1432
भूपति मरन पेम पनु राखी।
जननी कुमति जगतु सबु साखी॥
देखि न जाहिं बिकल महतारीं।
जरहिं दुसह जर पुर नर नारीं॥
bhūpati marana pema panu rākhī.
jananī kumati jagatu sabu sākhī.
dekhi na jāhiṃ bikala mahatārīṃ.
jarahiṃ dusaha jara pura nara nārīṃ.
1272 of 1432
महीं सकल अनरथ कर मूला।
सो सुनि समुझि सहिउँ सब सूला॥
सुनि बन गवनु कीन्ह रघुनाथा।
करि मुनि बेष लखन सिय साथा॥
बिनु पानहिन्ह पयादेहि पाएँ।
संकरु साखि रहेउँ एहि घाएँ॥
बहुरि निहारि निषाद सनेहू।
कुलिस कठिन उर भयउ न बेहू॥
mahīṃ sakala anaratha kara mūlā.
so suni samujhi sahiuṃ saba sūlā.
suni bana gavanu kīnha raghunāthā.
kari muni beṣa lakhana siya sāthā.
binu pānahinha payādehi pāeṃ.
saṃkaru sākhi rahēuṃ ehi ghāeṃ.
bahuri nihāri niṣāda sanehū.
kulisa kaṭhina ura bhayau na behū.
1273 of 1432
अब सबु आँखिन्ह देखेउँ आई।
जिअत जीव जड़ सबइ सहाई॥
जिन्हहि निरखि मग साँपिनि बीछी।
तजहिं बिषम बिषु तामस तीछी॥
aba sabu āṃkhinha dekhēuṃ āī.
jiata jīva jaḍa sabai sahāī.
jinhahi nirakhi maga sāṃpini bīchī.
tajahiṃ biṣama biṣu tāmasa tīchī.
1274 of 1432
तेइ रघुनंदनु लखनु सिय अनहित लागे जाहि।
तासु तनय तजि दुसह दुख दैउ सहावइ काहि ॥ २६२॥
tei raghunaṃdanu lakhanu siya anahita lāge jāhi.
tāsu tanaya taji dusaha dukha daiu sahāvai kāhi. (262)
1275 of 1432
सुनि अति बिकल भरत बर बानी।
आरति प्रीति बिनय नय सानी॥
सोक मगन सब सभाँ खभारू।
मनहुँ कमल बन परेउ तुसारू॥
suni ati bikala bharata bara bānī.
ārati prīti binaya naya sānī.
soka magana saba sabhāṃ khabhārū.
manahuṃ kamala bana pareu tusārū.
1276 of 1432
कहि अनेक बिधि कथा पुरानी।
भरत प्रबोधु कीन्ह मुनि ग्यानी॥
बोले उचित बचन रघुनंदू।
दिनकर कुल कैरव बन चंदू॥
kahi aneka bidhi kathā purānī.
bharata prabodhu kīnha muni gyānī.
bole ucita bacana raghunaṃdū.
dinakara kula kairava bana caṃdū.
1277 of 1432
तात जायँ जियँ करहु गलानी।
ईस अधीन जीव गति जानी॥
तीनि काल तिभुअन मत मोरें।
पुन्यसिलोक तात तर तोरें॥
tāta jāyaṃ jiyaṃ karahu galānī.
īsa adhīna jīva gati jānī.
tīni kāla tibhuana mata moreṃ.
punyasiloka tāta tara toreṃ.
1278 of 1432
उर आनत तुम्ह पर कुटिलाई।
जाइ लोकु परलोकु नसाई॥
दोसु देहिं जननिहि जड़ तेई।
जिन्ह गुर साधु सभा नहिं सेई॥
ura ānata tumha para kuṭilāī.
jāi loku paraloku nasāī.
dosu dehiṃ jananihi jaḍa teī.
jinha gura sādhu sabhā nahiṃ seī.
1279 of 1432
मिटिहहिं पाप प्रपंच सब अखिल अमंगल भार।
लोक सुजसु परलोक सुखु सुमिरत नामु तुम्हार ॥ २६३॥
miṭihahiṃ pāpa prapaṃca saba akhila amaṃgala bhāra.
loka sujasu paraloka sukhu sumirata nāmu tumhāra. (263)
1280 of 1432
कहउँ सुभाउ सत्य सिव साखी।
भरत भूमि रह राउरि राखी॥
तात कुतरक करहु जनि जाएँ।
बैर पेम नहिं दुरइ दुराएँ॥
kahauṃ subhāu satya siva sākhī.
bharata bhūmi raha rāuri rākhī.
tāta kutaraka karahu jani jāeṃ.
baira pema nahiṃ durai durāeṃ.
1281 of 1432
मुनिगन निकट बिहग मृग जाहीं।
बाधक बधिक बिलोकि पराहीं॥
हित अनहित पसु पच्छिउ जाना।
मानुष तनु गुन ग्यान निधाना॥
munigana nikaṭa bihaga mṛga jāhīṃ.
bādhaka badhika biloki parāhīṃ.
hita anahita pasu pacchiu jānā.
mānuṣa tanu guna gyāna nidhānā.
1282 of 1432
तात तुम्हहि मैं जानउँ नीकें।
करौं काह असमंजस जीकें॥
राखेउ रायँ सत्य मोहि त्यागी।
तनु परिहरेउ पेम पन लागी॥
tāta tumhahi maiṃ jānauṃ nīkeṃ.
karauṃ kāha asamaṃjasa jīkeṃ.
rākheu rāyaṃ satya mohi tyāgī.
tanu parihareu pema pana lāgī.
1283 of 1432
तासु बचन मेटत मन सोचू।
तेहि तें अधिक तुम्हार सँकोचू॥
ता पर गुर मोहि आयसु दीन्हा।
अवसि जो कहहु चहउँ सोइ कीन्हा॥
tāsu bacana meṭata mana socū.
tehi teṃ adhika tumhāra saṃkocū.
tā para gura mohi āyasu dīnhā.
avasi jo kahahu cahauṃ soi kīnhā.
1284 of 1432
मनु प्रसन्न करि सकुच तजि कहहु करौं सोइ आजु।
सत्यसंध रघुबर बचन सुनि भा सुखी समाजु ॥ २६४॥
manu prasanna kari sakuca taji kahahu karauṃ soi āju.
satyasaṃdha raghubara bacana suni bhā sukhī samāju. (264)
1285 of 1432
सुर गन सहित सभय सुरराजू।
सोचहिं चाहत होन अकाजू॥
बनत उपाउ करत कछु नाहीं।
राम सरन सब गे मन माहीं॥
sura gana sahita sabhaya surarājū.
socahiṃ cāhata hona akājū.
banata upāu karata kachu nāhīṃ.
rāma sarana saba ge mana māhīṃ.
1286 of 1432
बहुरि बिचारि परस्पर कहहीं।
रघुपति भगत भगति बस अहहीं॥
सुधि करि अंबरीष दुरबासा।
भे सुर सुरपति निपट निरासा॥
bahuri bicāri paraspara kahahīṃ.
raghupati bhagata bhagati basa ahahīṃ.
sudhi kari aṃbarīṣa durabāsā.
bhe sura surapati nipaṭa nirāsā.
1287 of 1432
सहे सुरन्ह बहु काल बिषादा।
नरहरि किए प्रगट प्रहलादा॥
लगि लगि कान कहहिं धुनि माथा।
अब सुर काज भरत के हाथा॥
sahe suranha bahu kāla biṣādā.
narahari kie pragaṭa prahalādā.
lagi lagi kāna kahahiṃ dhuni māthā.
aba sura kāja bharata ke hāthā.
1288 of 1432
आन उपाउ न देखिअ देवा।
मानत रामु सुसेवक सेवा॥
हियँ सपेम सुमिरहु सब भरतहि।
निज गुन सील राम बस करतहि॥
āna upāu na dekhia devā.
mānata rāmu susevaka sevā.
hiyaṃ sapema sumirahu saba bharatahi.
nija guna sīla rāma basa karatahi.
1289 of 1432
सुनि सुरमत सुरगुर कहेउ भल तुम्हार बड़ भागु।
सकल सुमंगल मूल जग भरत चरन अनुरागु ॥ २६५॥
suni suramata suraguru kaheu bhala tumhāra baḍa bhāgu.
sakala sumaṃgala mūla jaga bharata carana anurāgu. (265)
1290 of 1432
सीतापति सेवक सेवकाई।
कामधेनु सय सरिस सुहाई॥
भरत भगति तुम्हरें मन आई।
तजहु सोचु बिधि बात बनाई॥
sītāpati sevaka sevakāī.
kāmadhenu saya sarisa suhāī.
bharata bhagati tumhareṃ mana āī.
tajahu socu bidhi bāta banāī.
1291 of 1432
देखु देवपति भरत प्रभाऊ।
सहज सुभायँ बिबस रघुराऊ॥
मन थिर करहु देव डरु नाहीं।
भरतहि जानि राम परिछाहीं॥
dekhu devapati bharata prabhāū.
sahaja subhāyaṃ bibasa raghurāū.
mana thira karahu deva ḍaru nāhīṃ.
bharatahi jāni rāma parichāhīṃ.
1292 of 1432
सुनि सुरगुर सुर संमत सोचू।
अंतरजामी प्रभुहि सकोचू॥
निज सिर भारु भरत जियँ जाना।
करत कोटि बिधि उर अनुमाना॥
suni suraguru sura saṃmata socū.
antarajāmī prabhuhi sakocū.
nija sira bhāru bharata jiyaṃ jānā.
karata koṭi bidhi ura anumānā.
1293 of 1432
करि बिचारु मन दीन्ही ठीका।
राम रजायस आपन नीका॥
निज पन तजि राखेउ पनु मोरा।
छोहु सनेहु कीन्ह नहिं थोरा॥
kari bicāru mana dīnhī ṭhīkā.
rāma rajāyasa āpana nīkā.
nija pana taji rākheu panu morā.
chohu sanehu kīnha nahiṃ thorā.
1294 of 1432
कीन्ह अनुग्रह अमित अति सब बिधि सीतानाथ।
करि प्रनामु बोले भरतु जोरि जलज जुग हाथ ॥ २६६॥
kīnha anugraha amita ati saba bidhi sītānātha.
kari pranāmu bole bharatu jori jalaja juga hātha. (266)
1295 of 1432
कहौं कहावौं का अब स्वामी।
कृपा अंबुनिधि अंतरजामी॥
गुर प्रसन्न साहिब अनुकूला।
मिटी मलिन मन कलपित सूला॥
kahauṃ kahāvauṃ kā aba svāmī.
kṛpā aṃbunidhi antarajāmī.
gura prasanna sāhiba anukūlā.
miṭī malina mana kalapita sūlā.
1296 of 1432
अपडर डरेउँ न सोच समूलें।
रबिहि न दोसु देव दिसि भूलें॥
मोर अभागु मातु कुटिलाई।
बिधि गति बिषम काल कठिनाई॥
apaḍara ḍarēuṃ na soca samūleṃ.
rabihi na dosu deva disi bhūleṃ.
mora abhāgu mātu kuṭilāī.
bidhi gati biṣama kāla kaṭhināī.
1297 of 1432
पाउ रोपि सब मिलि मोहि घाला।
प्रनतपाल पन आपन पाला॥
यह नइ रीति न राउरि होई।
लोकहुँ बेद बिदित नहिं गोई॥
pāu ropi saba mili mohi ghālā.
pranatapāla pana āpana pālā.
yaha nai rīti na rāuri hoī.
lokahuṃ beda bidita nahiṃ goī.
1298 of 1432
जगु अनभल भल एकु गोसाईं।
कहिअ होइ भल कासु भलाई॥
देउ देवतरु सरिस सुभाऊ।
सनमुख बिमुख न काहुहि काऊ॥
jagu anabhala bhala eku gosāīṃ.
kahia hoi bhala kāsu bhalāī.
deu devataru sarisa subhāū.
sanamukha bimukha na kāhuhi kāū.
1299 of 1432
जाइ निकट पहिचानि तरु छाहँ समनि सब सोच।
मागत अभिमत पाव जग राउ रंकु भल पोच ॥ २६७॥
jāi nikaṭa pahicāni taru chāhaṃ samani saba soca.
māgata abhimata pāva jaga rāu raṃku bhala poca. (267)
1300 of 1432
लखि सब बिधि गुर स्वामि सनेहू।
मिटेउ छोभु नहिं मन संदेहू॥
अब करुनाकर कीजिअ सोई।
जन हित प्रभु चित छोभु न होई॥
lakhi saba bidhi gura svāmi sanehū.
miṭeu chobhu nahiṃ mana saṃdehū.
aba karunākara kījia soī.
jana hita prabhu cita chobhu na hoī.
1301 of 1432
जो सेवकु साहिबहि सँकोची।
निज हित चहइ तासु मति पोची॥
सेवक हित साहिब सेवकाई।
करै सकल सुख लोभ बिहाई॥
jo sevaku sāhibahi saṃkocī.
nija hita cahai tāsu mati pocī.
sevaka hita sāhiba sevakāī.
karai sakala sukha lobha bihāī.
1302 of 1432
स्वारथु नाथ फिरें सबही का।
किएँ रजाइ कोटि बिधि नीका॥
यह स्वारथ परमारथ सारू।
सकल सुकृत फल सुगति सिंगारू॥
svārathu nātha phireṃ sabahī kā.
kieṃ rajāi koṭi bidhi nīkā.
yaha svāratha paramāratha sārū.
sakala sukṛta phala sugati siṃgārū.
1303 of 1432
देव एक बिनती सुनि मोरी।
उचित होइ तस करब बहोरी॥
तिलक समाजु साजि सबु आना।
करिअ सुफल प्रभु जौं मनु माना॥
deva eka binatī suni morī.
ucita hoi tasa karaba bahorī.
tilaka samāju sāji sabu ānā.
karia suphala prabhu jauṃ manu mānā.
1304 of 1432
सानुज पठइअ मोहि बन कीजिअ सबहि सनाथ।
नतरु फेरिअहिं बंधु दोउ नाथ चलौं मैं साथ ॥ २६८॥
sānuja paṭhaia mohi bana kījia sabahi sanātha.
nataru pheriahiṃ baṃdhu dou nātha calauṃ maiṃ sātha. (268)
1305 of 1432
नतरु जाहिं बन तीनिउ भाई।
बहुरिअ सीय सहित रघुराई॥
जेहि बिधि प्रभु प्रसन्न मन होई।
करुना सागर कीजिअ सोई॥
nataru jāhiṃ bana tīniu bhāī.
bahuria sīya sahita raghurāī.
jehi bidhi prabhu prasanna mana hoī.
karunā sāgara kījia soī.
1306 of 1432
देवँ दीन्ह सबु मोहि अभारू।
मोरें नीति न धरम बिचारू॥
कहउँ बचन सब स्वारथ हेतू।
रहत न आरत कें चित चेतू॥
devaṃ dīnha sabu mohi abhārū.
moreṃ nīti na dharama bicārū.
kahauṃ bacana saba svāratha hetū.
rahata na ārata keṃ cita cetū.
1307 of 1432
उतरु देइ सुनि स्वामि रजाई।
सो सेवकु लखि लाज लजाई॥
अस मैं अवगुन उदधि अगाधू।
स्वामि सनेहँ सराहत साधू॥
utaru dei suni svāmi rajāī.
so sevaku lakhi lāja lajāī.
asa maiṃ avaguna udadhi agādhū.
svāmi sanehaṃ sarāhata sādhū.
1308 of 1432
अब कृपाल मोहि सो मत भावा।
सकुच स्वामि मन जाइँ न पावा॥
प्रभु पद सपथ कहउँ सति भाऊ।
जग मंगल हित एक उपाऊ॥
aba kṛpāla mohi so mata bhāvā.
sakuca svāmi mana jāiṃ na pāvā.
prabhu pada sapatha kahauṃ sati bhāū.
jaga maṃgala hita eka upāū.
1309 of 1432
प्रभु प्रसन्न मन सकुच तजि जो जेहि आयसु देब।
सो सिर धरि धरि करिहि सबु मिटिहि अनट अवरेब ॥ २६९॥
prabhu prasanna mana sakuca taji jo jehi āyasu deba.
so sira dhari dhari karihi sabu miṭihi anaṭa avareba. (269)
1310 of 1432
भरत बचन सुचि सुनि सुर हरषे।
साधु सराहि सुमन सुर बरषे॥
असमंजस बस अवध नेवासी।
प्रमुदित मन तापस बनबासी॥
bharata bacana suci suni sura haraṣe.
sādhu sarāhi sumana sura baraṣe.
asamaṃjasa basa avadha nevāsī.
pramudita mana tāpasa banabāsī.
1311 of 1432
चुपहिं रहे रघुनाथ सँकोची।
प्रभु गति देखि सभा सब सोची॥
जनक दूत तेहि अवसर आए।
मुनि बसिष्ठ सुनि बेगि बोलाए॥
cupahiṃ rahe raghunātha saṃkocī.
prabhu gati dekhi sabhā saba socī.
janaka dūta tehi avasara āe.
muni basiṣṭha suni begi bolāe.
1312 of 1432
करि प्रनाम तिन्ह रामु निहारे।
बेषु देखि भए निपट दुखारे॥
दूतन्ह मुनिबर बूझी बाता।
कहहु बिदेह भूप कुसलाता॥
kari pranāma tinha rāmu nihāre.
beṣu dekhi bhae nipaṭa dukhāre.
dūtanha munibara būjhī bātā.
kahahu bideha bhūpa kusalātā.
1313 of 1432
सुनि सकुचाइ नाइ महि माथा।
बोले चरबर जोरें हाथा॥
बूझब राउर सादर साईं।
कुसल हेतु सो भयउ गोसाईं॥
suni sakucāi nāi mahi māthā.
bole carabara joreṃ hāthā.
būjhaba rāura sādara sāīṃ.
kusala hetu so bhayau gosāīṃ.
1314 of 1432
नाहिं त कोसलनाथ कें साथ कुसल गइ नाथ।
मिथिला अवध बिसेष तें जगु सब भयउ अनाथ ॥ २७०॥
nāhiṃ ta kosalanātha keṃ sātha kusala gai nātha.
mithilā avadha biseṣa teṃ jagu saba bhayau anātha. (270)
1315 of 1432
कोसलपति गति सुनि जनकौरा।
भे सब लोक सोकबस बौरा॥
जेहिं देखे तेहि समय बिदेहू।
नामु सत्य अस लाग न केहू॥
kosalapati gati suni janakaurā.
bhe saba loka sokabasa baurā.
jehiṃ dekhe tehi samaya bidehū.
nāmu satya asa lāga na kehū.
1316 of 1432
रानि कुचालि सुनत नरपालहि।
सूझ न कछु जस मनि बिनु ब्यालहि॥
भरत राज रघुबर बनबासू।
भा मिथिलेसहि हृदयँ हराँसू॥
rāni kucāli sunata narapālahi.
sūjha na kachu jasa mani binu byālahi.
bharata rāja raghubara banabāsū.
bhā mithilesahi hṛdayaṃ harāṃsū.
1317 of 1432
नृप बूझे बुध सचिव समाजू।
कहहु बिचारि उचित का आजू॥
समुझि अवध असमंजस दोऊ।
चलिअ कि रहिअ न कह कछु कोऊ॥
nṛpa būjhe budha saciva samājū.
kahahu bicāri ucita kā ājū.
samujhi avadha asamaṃjasa doū.
calia ki rahia na kaha kachu koū.
1318 of 1432
नृपहिं धीर धरि हृदयँ बिचारी।
पठए अवध चतुर चर चारी॥
बूझि भरत सति भाउ कुभाऊ।
आएहु बेगि न होइ लखाऊ॥
nṛpahiṃ dhīra dhari hṛdayaṃ bicārī.
paṭhae avadha catura cara cārī.
būjhi bharata sati bhāu kubhāū.
āehu begi na hoi lakhāū.
1319 of 1432
गए अवध चर भरत गति बूझि देखि करतूति।
चले चित्रकूटहि भरतु चार चले तेरहूति ॥ २७१॥
gae avadha cara bharata gati būjhi dekhi karatūti.
cale citrakūṭahi bharatu cāra cale terahūti. (271)
1320 of 1432
दूतन्ह आइ भरत कइ करनी।
जनक समाज जथामति बरनी॥
सुनि गुर परिजन सचिव महीपति।
भे सब सोच सनेहँ बिकल अति॥
dūtanha āi bharata kai karanī.
janaka samāja jathāmati baranī.
suni gura parijana saciva mahīpati.
bhe saba soca sanehaṃ bikala ati.
1321 of 1432
धरि धीरजु करि भरत बड़ाई।
लिए सुभट साहनी बोलाई॥
घर पुर देस राखि रखवारे।
हय गय रथ बहु जान सँवारे॥
dhari dhīraju kari bharata baḍāī.
lie subhaṭa sāhanī bolāī.
ghara pura desa rākhi rakhavāre.
haya gaya ratha bahu jāna saṃvāre.
1322 of 1432
दुघरी साधि चले ततकाला।
किए बिश्रामु न मग महिपाला॥
भोरहिं आजु नहाइ प्रयागा।
चले जमुन उतरन सबु लागा॥
dugharī sādhi cale tatakālā.
kie biśrāmu na maga mahipālā.
bhorahiṃ āju nahāi prayāgā.
cale jamuna utarana sabu lāgā.
1323 of 1432
खबरि लेन हम पठए नाथा।
तिन्ह कहि अस महि नायउ माथा॥
साथ किरात छ सातक दीन्हे।
मुनिबर तुरत बिदा चर कीन्हे॥
khabari lena hama paṭhae nāthā.
tinha kahi asa mahi nāyau māthā.
sātha kirāta cha sātaka dīnhe.
munibara turata bidā cara kīnhe.
1324 of 1432
सुनत जनक आगवनु सबु हरषेउ अवध समाजु।
रघुनंदनहि सकोचु बड़ सोच बिबस सुरराजु ॥ २७२॥
sunata janaka āgavanu sabu haraṣeu avadha samāju.
raghunaṃdanahi sakocu baḍa soca bibasa surarāju. (272)
1325 of 1432
गरइ गलानि कुटिल कैकेई।
काहि कहै केहि दूषनु देई॥
अस मन आनि मुदित नर नारी।
भयउ बहोरि रहब दिन चारी॥
garai galāni kuṭila kaikeī.
kāhi kahai kehi dūṣanu deī.
asa mana āni mudita nara nārī.
bhayau bahori rahaba dina cārī.
1326 of 1432
एहि प्रकार गत बासर सोऊ।
प्रात नहान लाग सबु कोऊ॥
करि मज्जनु पूजहिं नर नारी।
गनप गौरि तिपुरारि तमारी॥
ehi prakāra gata bāsara soū.
prāta nahāna lāga sabu koū.
kari majjanu pūjahiṃ nara nārī.
ganapa gauri tipurāri tamārī.
1327 of 1432
रमा रमन पद बंदि बहोरी।
बिनवहिं अंजुलि अंचल जोरी॥
राजा रामु जानकी रानी।
आनँद अवधि अवध रजधानी॥
ramā ramana pada baṃdi bahorī.
binavahiṃ aṃjuli aṃcala jorī.
rājā rāmu jānakī rānī.
ānaṃda avadhi avadha rajadhānī.
1328 of 1432
सुबस बसउ फिरि सहित समाजा।
भरतहि रामु करहुँ जुबराजा॥
एहि सुख सुधाँ सींचि सब काहू।
देव देहु जग जीवन लाहू॥
subasa basau phiri sahita samājā.
bharatahi rāmu karahuṃ jubarājā.
ehi sukha sudhāṃ sīṃci saba kāhū.
deva dehu jaga jīvana lāhū.
1329 of 1432
गुर समाज भाइन्ह सहित राम राजु पुर होउ।
अछत राम राजा अवध मरिअ माग सबु कोउ ॥ २७३॥
gura samāja bhāinha sahita rāma rāju pura hou.
achata rāma rājā avadha maria māga sabu kou. (273)
1330 of 1432
सुनि समेहमय पुरजन बानी।
निंदहिँ जोग विरति मुनि ग्यानी॥
Suni samehmay purjan bani.
Nindahi jog virat muni gyani.
1331 of 1432
एहि विधि नित्यकरम करि पुरजन।
रामहि करहिँ प्रनाम पुलकि तन॥
Ehi bidhi nityakaram kari purjan.
Ramhi karahi pranam pulki tan.
1332 of 1432
ऊँच नीच मध्यम नर नारी।
लहहिँ दरसु निज निज अनुहारी॥
Unch nich madhyam nar nari.
Lahhi darsu nij nij anuhari.
1333 of 1432
सावधान सबही सनमानहिँ।
सकल सराहत कृपानिधानहिँ॥
Savdhan sabhi sanmanahi.
Sakal sarahat krupanidhanhi.
1334 of 1432
लरिकाइहि तैं रचूबर बानी।
पालत नीति प्रीति पहिचानी॥
Larikahi tain rachubar bani.
Palat niti prit pehchani.
1335 of 1432
सील सकोच सिंधु रघुराउ।
सुमुख सुलोचन सरल सुभाउ॥
Sil sakoch sindhu raghurao.
Sumukh sulochan saral subhao.
1336 of 1432
कहत राम गुन गुन अनुरागो।
सब निज भाग सराहन लागो॥
Kahat ram gun gun anurago.
Sab nij bhag sarahan lago.
1337 of 1432
हेम सुम पूज्य पूज जग थोरे।
जिन्हिहि राम जानत करि मोरे॥
Hem sum pujya puj jag thore.
Jinhihi ram janat kari more.
1338 of 1432
दो०—प्रेम मगन तेहि समय सब सुनि आवत मिथिलेसु।
सहित सभा संभम उठेउ रबिकुल कुमल दिनेसु ॥ २७४॥
Prem magan tehi samay sab suni avat mithiles.
Sahit sabha sambham utheu rabikul kumal dines. (274)
1339 of 1432
आश्रम सागर सान्त रस पूरन पावन पाथु।
सेन मनहुँ करुना सरित लिएँ रघुनाथु ॥ २७५॥
Ashram sagar sant ras puran pavan pathu.
Sen manhu karuna sarit lien raghunathu. (275)
1340 of 1432
किए अमित उपदेस जहँ तहँ लोगन्ह मुनिबरह्म।
धीरजु धरिइ नरेस कहेउ बिमिथ विचारि ॥ २७६॥
Kie amit updes jah tah lognh munibar.
Dhirju dharii nares kaheu bimith vichari. (276)
1341 of 1432
बिषई साधक सिद्ध सयाने।
त्रिबिध जीव जग बेद बखाने॥
Bishai sadak siddh sayyane.
Tribidh jiv jag bed bakhane.
1342 of 1432
राम सनेह सरस मन जासु।
साध सभाँ बुड आदर तासु॥
Ram sneh saras man jasu.
Sadh sabhan bud adar tasu.
1343 of 1432
सोह न राम पेम बिनु ग्यानु।
करनधार बिनु जिमि जलजानु॥
Soh na ram pem binu gyanu.
Karndhar binu jimi jaljanu.
1344 of 1432
दो०—सादर सब कहँ रामगुर पठए भरि भरि भार।
पूजन पितर सुर अतिथि गुर लगे करन फरहार ॥ २७९॥
Sadar sab kahn ramgur pathe bhari bhari bhar.
Pujan pitar sur atithi gur lge karn farhar. (279)
1345 of 1432
दो०—दोड समाज निमिराजु रघुराजु नहाने प्रात।
बैठे सब बट बिटप तर मन मलीन कुस गात ॥ २७७॥
Dod samaj nimiraj raghraj nhne prat.
Bithe sab bat bitp tar man mlin kus gat. (277)
1346 of 1432
दो०—एहि सुख जोग न लोग सब कहिहि कहाँ अस भाग।
सहज सुभायँ समाज दुह राम चरन अनुरागु ॥ २८०॥
Ehi sukh jog na log sab kahihi kahn as bhag.
Sahaj subhayan samaj duh ram charan anuragu. (280)
1347 of 1432
एहि बिधि सकुल मनोरथ कहीं।
बचन सप्रेम सुनत लगु लही॥
Ehi bidhi sakul mnorth kahi.
Bachan saprem sunt lgu lahi.
1348 of 1432
सील समेह सम्वत तूड साता।
पल सम होहि न जनिआहँ जाता॥
Sil smeh samvat tud sata.
Pal sam hohi na jniahn jata.
1349 of 1432
दो०—सुनिअ सुधा देखिआहिँ गरल सब करतुति करालु।
जहँ तहँ काँक उलूक बक मानस सकुत मराल ॥ २८१॥
Sunia sudha dekhiahi garal sab karutiti karalu.
Jahn tahn kank uluk bak manas sakut maral. (281)
1350 of 1432
कोसल्या कहु दोसु न काहु।
करम बिबबस दुख सुख लाहु॥
Koslya khu dos na kahu.
Karm bivbvs dukh sukh lahu.
1351 of 1432
कठिन करम गति जान बिधाता।
जो सुभ असुभ सकल फल दाता॥
Kxthin karm gti jan bidhta.
Jo subh asubh sakal phal data.
1352 of 1432
दो०—कोसल्या कह धीर धरि सुनहु देबि मिथिलेसि।
को बिबेकनिध बल्लभ तु्म्ह सकै उपदेसि ॥ २८३॥
Koslya kah dhir dhari sunhu debi mithiles.
Ko bivekindih ballbhih tumh sakai updesi. (283)
1353 of 1432
रानि रय सुन अवसरु पाई।
अपनी भाइ कहब जनकाई॥
Rani ray sun avsru pai.
Apni bhai khab jankai.
1354 of 1432
रखिआहि लखुन भरतु गवनन्ही।
भाइ सचिव गुर पुरजन सन्ही॥
Rkhiahi lakhan bharat gvannh.
Bhai sachiv gur purjan snh.
1355 of 1432
सु उमगोड अंबुधि अनुरागु।
भयउ भूप मन मनहुँ पयागु॥
Su umgod ambdhi anuragu.
Bhyau bhup man manhu payagu.
1356 of 1432
दो०—लखुन राम पिय जाहु बन भल परिनाम न पोच।
गाहबरे हिरें कह कोसिला मोह भरत कर सोच ॥ २८२॥
Lakhan ram piy jahu ban bhal prnm na poch.
Gahbre hire kah kosila moh bhrat kar soch. (282)
1357 of 1432
भरत सचिव गुर पुरजन साथा।
आगे गवन कीन्ध रघुनाथा॥
Bhrat sachiv gur purjan satha.
Age gvan kndh raghunatha.
1358 of 1432
गिरिबर दीख जनकपति जबहीं।
कारि प्रनामु रथ तजि गयहीं॥
Giribr dikh jnkpti jbhi.
Kari prnam rath tji gyhi.
1359 of 1432
दो०—बैग पाडु धारउ थलहि कुह सनेह सतिभाय।
हुमरे तो अब ईस गति के मिथिलेस सहाय ॥ २८४॥
Baig padu dharau thlhi kuh sneh sthbhay.
Humre to ab is gti ke mithiles sahay. (284)
1360 of 1432
तो भल जतनु करब सुबिचारी।
मोरे सोचु भरत कर भारी॥
To bhal jatnu karab subichari.
More sochu bhrat kar bhari.
1361 of 1432
गुड सनेह भरत मन माहीं।
रहे नीक मोहि लागत नाहीं॥
Gud sneh bhrat man mahi.
Rhe nik mohi lagat nahi.
1362 of 1432
लिखि सुभाउ सुनि सुरल सुवानी।
सब भड मगन करुन रस रानी॥
Likhi subhau suni sural subani.
Sab bhad magan karun ras rani.
1363 of 1432
नभ प्रसून झरि धन्य धन्य धुनि।
पिथिल सनेह सिंध जोगु मुनि॥
Nabh prasun jhari dhany dhany dhuni.
Pithil sneh sindh jog muni.
1364 of 1432
सबु रनिवास बिशेकि लविह रहेउ।
तब धरि धीर सुमित्रां कहेउ॥
Sab ranivas bishiki lavih rheu.
Tab dhari dhir sumitraan kheu.
1365 of 1432
देबि परंत भरत रघुबर की।
प्रीति प्रतीति जाइ बिचारि की॥
Debi prant bhrat raghubur ki.
Priti protiti jai bichri ki.
1366 of 1432
भरति सप्रेम भरत अनुभाऊ।
सोचिअ साखि लिखि निज हित हाऊ॥
Bharti saprem bhrat anubhau.
Sochia sakhi likhi nij hit hau.
1367 of 1432
दो०—बार बार पिमलि सिय बिदा कीन्ह सनमानि।
कही समय सिर भरत गति रानि सुबानि सयानि ॥ २८५॥
Bar bar pimli siy bida kinh sanmani.
Kahi samay sir bhrat gti rani subani syani. (285)
1368 of 1432
दो०—सादर सब कहँ रामगुर पठए भरि भरि भार।
पूजन पितर सुर अतिथि गुर लगे करन फरहार ॥ २८६॥
Sadar sab kahn ramgur pathe bhari bhari bhar.
Pujan pitar sur atithi gur lge karn farhar. (286)
1369 of 1432
दो०—सादर सब कहँ रामगुर पठए भरि भरि भार।
पूजन पितर सुर अतिथि गुर लगे करन फरहार ॥ २८७॥
Sadar sab kahn ramgur pathe bhari bhari bhar.
Pujan pitar sur atithi gur lge karn farhar. (287)
1370 of 1432
दो०—निरवाधि गुन निरूपम पुरषु भरतु भरत सम जानि।
कहिअ सुमेल कि सेर सम कवि कुलकुल मति सुकुचानि ॥ २८८॥
Nirvadi gun nirupam pursu bharatu bharat sam jani.
Kahia sumel ki ser sam kavi kulkul mati sukuchani. (288)
1371 of 1432
दो०—प्राण प्राण के जीव के जिव सुख के सुख राम।
तुम्ह तजि तात सोहात गह जिन्हिह तिन्हिह बिधि बाम ॥ २९०॥
Pran pran ke jiv ke jiv sukh ke sukh ram.
Tumh tji tat sohnt gh jindhi bidhi bam. (290)
1372 of 1432
दो०—प्याण निधान सुजान सुचि धरम धीर नरपाल।
तुम्ह बिनु असमंजस समन को समरथ एहि काल ॥२९१॥
do.—pyān nidhān sujān suci dharm dhīr narāl.
tumh binu asamanjis saman ko samarth ehi kāl (291)
1373 of 1432
दो०—तापस मुनि महिसुर सुनि देखी।
भाउ प्रेम बस बिकल बिसेही।
समउ समुझि थरि थोरजु राजा।
चले भरत पहि सहित समाजा ॥२९२॥
do.—tāpas muni mahisur suni dekhī.
bhāu prem bas bikal bisehī.
samau samujhi thari thorju rājā.
chale bharat pahi sahit samājā (292)
1374 of 1432
दो०—नाथ निपट में कोइंहि ठिठाई।
स्वामी समाज सकोच बिहाई।
अबिनय बिनय जथारुचि बानी।
छमिहि देउ अति आरति जानी ॥२९३॥
do.—nāth nipatṭ meṁ koiṁhi ṭhiṭhāī.
svāmī samāj skoch bihāī.
abinay binay jathāruchibanī.
chmihi deu ati ārati jānī (293)
1375 of 1432
दो०—को साहिब सेवकहि नेवाजी।
आप समाज साज सब साजी।
निज करतुति न समुझिउ सपने।
सेवक सकुच सोचु उर अपने ॥२९४॥
do.—ko sāhib sevkahi nevājī.
āp samāj sāj sab sājī.
nij kartuti n samujhiu sapne.
sevak skuch soch ur apne (294)
1376 of 1432
दो०—सुर स्वारथी मलीन मन कोइंह कुमंत्र कुठाड़।
रंचि प्रपंच माया प्रबल भय भ्रम अरति उचाड़ ॥२९५॥
do.—sur svāraṭhī mlīn man koiṁh kumantr kuthāṛ.
ranchi prapanch māyā prabl bhay bhram arati uchāṛ (295)
1377 of 1432
दो०—हिइं सुमिरो सारदा सुहाई।
मानस तें मुख पंकज आई।
बिमल बिबेक धरम नय सालौ।
भरत भरतु मुनि सहित समालौ ॥२९६॥
do.—hiṁ sumiro sārdā suhāī.
mānas tẽ mukh pankaj āī.
biml bibek dharm nay sāloụ.
bhrat bhartụ muni sahit smāloụ (296)
1378 of 1432
दो०—निरखि बिबेक बिलोचनइँ सिथिल सनेह समाजु।
करि प्रनाम बोले भरत सुमिरि सीय रघुराजु ॥२९७॥
do.—nirakhi bibek bilochanaiṁ sithil saneh samāju.
kari pranām bole bhrat sumiri sīy raghuraj (297)
1379 of 1432
दो०—कृपां भलाई आपनी नाथ कोइंह भल मोर।
दूषण भे भूषन सरिस सुजसु चारु चह ओर ॥२९८॥
do.—kripāṁ bhlāī āpnī nāth koiṁh bhal mor.
dūshan bhe bhūshan saris sujas chāru chah or (298)
1380 of 1432
दो०—राउरि रीति सुबानि बुडाई।
जगत बिदित निगमागम गाई।
कूर कृतिल खल कुमति कलेको।
नीच निसील निरीस निसेको ॥२९९॥
do.—rāuri rīti subāni budāī.
jagat bidit nigmāgm gāī.
kūr krtil khal kumti klelko.
nīch nisīl nirīs niseko (299)
1381 of 1432
दो०—सुहद सुजान सुसाहिबिहि बहुत कहब बड़ि खोरि।
आयसु देहउ देव अब सबद सुधारी मोरि ॥३००॥
do.—suhd sujān susāhibibhi bahu kahb baṛi khori.
āysu dehau dev ab sabd sudhārī mori (300)
1382 of 1432
दो०—प्रभु पद पदुम पराग दोहाई।
सत्य सुकृत सुख सीवं सुहाई।
सो कुरि कहै उरि अंकु रखि पानी।
भरत बिनय सुनि देखि सुभाउ ॥३०१॥
do.—prbhu pad pdum parāg dohāī.
satya sukrit sukh sīvaṁ suhāī.
so kuri kahai uri aṁku rakhi pānī.
bhrat binay suni dekhi subhāu (301)
1383 of 1432
दो०—भरतु जनक मुनिजन सचिव साधु सघ्र्येंत बिहाइ।
लाइ देवमाया सबहि जथाजोग जनु पाइ ॥३०२॥
do.—bhartu janak munijan sachiv sādhu saghryent bihāi.
lāi devmāyā sabhi jathājog janu pāi (302)
1384 of 1432
दो०—भरत सुभाउ न सुगम निगमहु।
लघु मति चापलता कबि छमहु।
कहत सुनत मति भाउ भरत को।
सीय राम पद होइ न तको ॥३०३॥
do.—bhrat subhāu n sugam nigmhu.
laghu mti chāpltā kbi chmmhu.
kaht sunt mti bhāu bhrat ko.
sīy rām pad hoi n tko (303)
1385 of 1432
दो०—करम बचन मानप बिमल तुम्ह समान तुम्ह तात।
गुर समाज लेखु बंधु गुन कुसमय किमि काहि जात ॥३०४॥
do.—karm bachan mānup biml tumh samān tumh tāt.
gur samāj lekhu bandhu gun kusmay kimi kāhi jāt (304)
1386 of 1432
दो०—राज काज सब लाज पति धरम धरनि धन थाम।
सुर प्रभाउ पालिहि सबहि भल होइहि परिनाम ॥३०५॥
do.—rāj kāj sab lāj pti dharm dhrani dhan thām.
sur prabhāu pālihi sabhi bhal hoihi prnām (305)
1387 of 1432
दो०—सवक कर पद नयन से मुख सो साहिब होइ।
तुलसी प्रीति कि रीति सुनि सुकबि सराहि सोइ ॥३०६॥
do.—savk kar pad nayn se mukh so sāhib hoi.
tulsi prīti ki rīti suni sukbi srāhi soi (306)
1388 of 1432
दो०—देव देव अभिषेक हित गुर अनुसासन पाइ।
आनेउ सब तीरथ सलिलु तेइंह कहु काह राजाइ ॥३०७॥
do.—dev dev abhishek hit gur anusāsan pāi.
āneu sab tīrath siliu teiṁh kahu kāh rājāi (307)
1389 of 1432
दो०—एकु मनोरथु बड़ मन माही।
सभय सकोच जात कहि नाही।
कहु तात प्रभु आयसु पाई।
बोले बानि समेह सुहाई ॥३०८॥
do.—eku mnoruth baṛ man māhī.
sabhay skoch jāt kahi nāhī.
kahu tāt prbhu āysu pāī.
bole bāni sameh suhāī (308)
1390 of 1432
दो०—देव देव अभिषेक हित गुर अनुसासन पाइ।
आनेउ सब तीरथ सलिलु तेइंह कहु काह राजाइ ॥३०९॥
do.—dev dev abhishek hit gur anusāsan pāi.
āneu sab tīrath siliu teiṁh kahu kāh rājāi (309)
1391 of 1432
अवसि अनि आयसु सिर धरहु।
तात बिगतभय कानन चरहु॥
मुनि प्रसाद बनु मंगल दाता।
पावन परम सुहावन भाता॥
avasi ani āyasu sir dharhu.
tāt bigatbhay kānan charhu.
muni prasād ban mangal dātā.
pāvan param suhāvan bhātā.
1392 of 1432
दो०—अनि कहेउ तब भरत सन सेल समीप सुकूप।
राखिउ तीरथ तोप तह पावेन ओमिउ अनुप ॥३०९॥
do.—ani kaheu tab bharat san sel samīp sukūp.
rākhiu tīrath top tah pāven omiu anup. (309)
1393 of 1432
मति अनुसार सराहन लागे।
सचिव सभासद सब अनुराग।
सुनि सुनि राम भरत गुन भारी।
भए सकल सुख सोच बिहारी॥
mati anusār sārāhan lāge.
sachiv sabhāsad sab anuräg.
suni suni rām bharat gun bhārī.
bhae sakal sukh soch bihārī.
1394 of 1432
दो०—राम माति दुख सुख सम जानी।
कहि गुन राम प्रबोधे रानी॥
एक कहिँ रघुबीर बड़ाई।
एक सरहत भरत भलाई ॥३१०॥
do.—rām māti dukh sukh sam jānī.
kahi gun rām prbothe rānī.
ek kahĩ raghubirīr bṛāī.
ek sarhat bharat bhlāī. (310)
1395 of 1432
भरत कूप महिमा सकल गए जहाँ रघुराड़।
अनि सुनायउ रघुबराहि तीरथ पन्य प्रभाड़॥
bharat kūp mahimā sakal gae jahā̃ raghuräṛ.
ani sunāyu raghubarähi tīrath panyy prabhāṛ.
1396 of 1432
दो०—काहत धरम इतिहास सप्रोती।
भयउ भोरु निसि सो सुख बोती॥
निल्य निबाहि भरत दोड़ भाई।
राम अनि गुर आयसु पाई ॥३११॥
do.—kāhat dharm itihās saprotī.
bhayau bhoru nisi so sukh botī.
nilyy nibāhi bharat doṛ bhāī.
rām ani gur āyasu pāī. (311)
1397 of 1432
पावन पाथ पुन्यथल राखा।
प्रमुदित प्रेम अनि असु भाषा॥
तब सेवकन्द सरस थलु देखा।
कीन्द सुजल हित कृप बिसेषा॥
pāvan pāth punyth ral rākhā.
prmudíт prem ani asu bhāshā.
tab sevaknd sras thal dekhā.
kīnd sujal hit krip biseshā.
1398 of 1432
दो०—विधिवस भयउ बिश्व उपकारु।
सुगम अगम अति धरम बिचारु ॥३१२॥
do.—vidhivas bhayau bisv upkāru.
sugam agam ati dharm bichāru. (312)
1399 of 1432
जोहिँ उपाय पुनि पाय जनु देखे दीन्दयाल।
सो सिख देड़ु अवधि लगि कोसलपाल कृपाल॥
johĩ upāy puni pāy janu dekhe dīndayāl.
so sikh deṛu avadhi lgi kosalāl krpāl.
1400 of 1432
दो०—गुर नूप भरत सभा अवलोकी।
सकुचि राम पिफरि अवनि बिलोकी॥
सोल सराहि सभा सब सोची।
कहु न राम सुम स्वामि सकोची ॥३१३॥
do.—gur nūp bhrat sabhā avlokī.
sakuchi rām pifri avni bilokī.
sol sārāhi sabhā sab sochī.
kahu na rām sum svāmi skochī. (313)
1401 of 1432
भरत सुजान राम रुख देखी।
उठि भेंटि प्रमुदित परिजन सेखी॥
करि दंडवत कहत कर जोरी।
राखीँ नाथ सकल रुचि मोरी॥
bhrat sujān rām rukh dekhī.
uthī bhait prmudít parijn sekhī.
kri dandvat kaht kar jorī.
rākhī̃ nāth sakal ruchi morī.
1402 of 1432
दो०—देश कोसु परिजन परिवारु।
गुर पद रजहिँ लाग छरुभारु॥
तुम्ह मुनि माति सचिव सिख मानी।
पालेहु पहिम प्रजा बिलानी ॥३१४॥
do.—desh kosu parijn pariwāru.
gur pad rajhĩ lāg churubhāru.
tum्ह muni māti schiv sikh mānī.
pālhu pahim prajā bilānī. (314)
1403 of 1432
मोहि लगि सब लोग करत नेम उपबास।
राड़ बंदि पग आसिष देत तजि मान विलास॥
mohi lgi sab log krat nem upbās.
rāṛ bandi pag āsis det tji mān vilās.
1404 of 1432
दो०—मागेड़ बिदा प्रणामु करि राम लिए उर लाई।
लोग उचाटे अमरपति कुटिल कुअवसरु पाई ॥३१५॥
do.—māgeṛ bidā prṇāmu kri rām lie ur lāī.
log uchāte amarpati kutil ku-avsar pāī. (315)
1405 of 1432
साँझ उतरि गोमती नहाए।
चीठ गीस अवधि लगि कोसलपाल कृपाल॥
sā̃jh utri gomtī nhāe.
chīth gīs avdh lgi kosalāl krpāl.
1406 of 1432
दो०—लखनहिँ भैंटि प्रनामु करि सीतह नौ सीत समाई।
कौसल्य बामदेव जाबली परजन परिजन सचाली ॥३१६॥
do.—lknhĩ bhait prnmū kri sītah nau sīt samāī.
kauslyā vāmdev jābli parjan parijan schāli. (316)
1407 of 1432
सानुज सीय समेत प्रभु राजत परन कुटीर।
भगति भ्यानु बैरागय जनु सोहत धीर॥
sānuj sīy samet prabhu rājat parn kutīr.
bhgti bhyān bairägy janu soht dhīr.
1408 of 1432
दो०—गुर गुरतिय पद बंदि प्रभु सीता लखन समेता।
छोटे भाई लक्ष्मणजी सीताजी और सभी साथियोंको ॥३१७॥
do.—gur guratiy pad bandi prabhu sītā lakhan smetā.
chhote bhāī lakṣman-jī sītā-jī aur sabhī sāthion ko. (317)
1409 of 1432
भरत सुजान राम रुख देखी।
उठि भेंटि प्रमुदित परिजन सेखी॥
करि दंडवत कहत कर जोरी।
राखीँ नाथ सकल रुचि मोरी ॥३१८॥
bhrat sujān rām rukh dekhī.
uthī bhait prmudít parijn sekhī.
kri dandvat kaht kar jorī.
rākhī̃ nāth sakal ruchi morī. (318)
1410 of 1432
दो०—सचिव सुसेवक भरत प्रबोधे।
निज निज काज पाड़ सिख ओधे॥
पुनि पुनि भैंटि भरत पर नेहु।
सब सुनि सकल राम प्रिय जानी ॥३१९॥
do.—schiv susvek bhrat prbothe.
nij nij kāj pāṛ sikh odhe.
puni puni bhait bhrat par nehu.
sab suni sakal rām priy jānī. (319)
1411 of 1432
दो०—मुनि मधिसुर गुर भरत भुआल।
राम बिरहें सब लोग करोगा।
मोहि लगि सब लोग करत नेम उपबास ॥३२०॥
do.—muni madhisur gur bhrat bhuāl.
rām birhẽ sab log karogā.
mohi lgi sab log krat nem upbās. (320)
1412 of 1432
पाप पूंज कुंजर मुगराजु।
समन सकल संताप समाजु॥
जन रंजन भंजन भव भास्तु।
राम सनेह सुधाकर सास्तु॥
pāp pūñj kuñjar mugarāju.
saman sakal santāp samāju.
jan rañjan bhañjan bhav bhāstu.
rām saneh sudhākar sāstu.
1413 of 1432
दो०—को हू मोह बस ध्रोह जधपि तेहि कर बध उचित।
प्रभु छादउ करे छोद को कुपाल रघुबोर सम ॥३२१॥
do.—ko hū moh bas dhroha jadhpi tehi kar badh uchit.
prabhu chādau kare chod ko kupāl raghubbor sam. (321)
1414 of 1432
सुनि कृपाल अति आरत बानी।
एकनयन करि सीरा नयनीं॥
रिसिपतिनी मन सुख अधिकाई।
आमिस तेंद निकट बैठाई॥
suni kripāl ati ārat bānī.
ekanayan kri sīrā nyanī.
risipitinī man sukh adhikāī.
āmis tend nikat baiṭāī.
1415 of 1432
दो०—सहज अपावनि नरि पति सेवत सुभ गति लहइ।
जसु गावत श्रुति चारि अजहु तुलसिका हरिदि प्रिय ॥३२२॥
do.—sahaj apāvni nari pti sevat subh gti lahai.
jasu gāvat shruti chāri ajhu tulsiká haridí priy. (322)
1416 of 1432
सुनि जानकी परम सुख पावा।
सादर पूजन प्रेम लगावा॥
चीर पट भीख निज धरनीं आनि।
तब लगि तीन लोक लोचन आनी॥
suni jānkī param sukh pāvā.
sādar pūjan prem lagāvā.
chīr pat bhīkh nij dharnī āni.
tab lgi tīn lok lochan āni.
1417 of 1432
दो०—सीता चरन चोंच हति भागा।
मूद मंदमति काठिन लागा॥
चला रुधिर संघन सै सठगी।
लोचन जल बह पुलक संवगी ॥३२३॥
do.—sītā charn chonch hti bhāgā.
mūd mandmti kāṭhin lāgā.
chālā rudhir sanghan sai sṭhgi.
lochn jal bah pulak sanvgi. (323)
1418 of 1432
नाद देखा बिकल जयता।
लागि देया कोमल चित संता॥
पठवा तुरत राम बहु बिनती।
कहु न राम सुम स्वामि सकोती॥
nād dekhā bikal jaytā.
lāgi deyā komal chit santā.
paṭhvā turat rām bahu binti.
kahu na rām sum svāmi skotī.
1419 of 1432
दो०—निसि निकाय मुनिबर गति देखी।
सुखी भए निज हदय बिसेसी॥
अस्तुति करहि सकल मुनि भंडा।
जयति प्रनत हित करूं कंडा ॥३२४॥
do.—nisi nikāy munibar gti dekhī.
sukhī bhe nij hday biseshī.
astuti krhi sakal muni bhandā.
jayti prnt hit karū kandā. (324)
1420 of 1432
आतुर सभय गहिस पद नाहु।
सकल कीर्ति तजहु अब ठाहु॥
बहु बिध भयभीत करा सीता।
नाह सकल साधन मैं हीता॥
ātur sabhay ghis pad nāhu.
sakal kīrti tjhu ab ṭhāhu.
bahu bidh bhybhīt krā sītā.
nāh sakal sādhan mauṁ hītā.
1421 of 1432
दो०—धर्ति न्यास बयस बेचा दीन पर नेह।
ता सन आड़ कोहिड़ छलु मूरु नरु मुनि देह ॥३२५॥
do.—dhrti nyās bays bechā dīn par neh.
tā san āṛ kohiṛ chlu mūru nru muni deh. (325)
1422 of 1432
सो०—उमा राम गुन गूद पंडित मुनि पावहिँ बिरति।
पावहिँ मोह बिमुद निनिसिचर सकल निसिचर कोटि ॥३२६॥
so.—umā rām gun gūd pandit muni pāvhĩ birti.
pāvhĩ moh bimud nisichir sakal nisichir koti. (326)
1423 of 1432
दो०—अनि कृपाल रघुनायक सदा दीन पर नेह।
ता सन आड़ कोहिड़ छलु मूरु नरु मुनि देह ॥३२७॥
do.—ani kripāl raghnāyak sadā dīn par neh.
tā san āṛ kohiṛ chlu mūru nru muni deh. (327)
1424 of 1432
बिनती करहु सत रिपु के करनी।
ता कर सील कस न असु हरनी॥
जनु सुर सैल छिन्न छिन्न होई।
चलहु भरोस तुलसी अनुभोई॥
binti krhu sat ripu ke krnī.
tā kar sīl kas n asu hrnī.
jnu sur sail chinn chinn hoī.
chlu bhros tulsi anubhoī.
1425 of 1432
दो०—सुनु सीता तव नाम सुमिरि नारि पतिबत करहीँ।
चरन सरोज दुख दारिद्र तजहु अब ठाहु ॥३२८॥
do.—sunu sītā tav nām sumiri nāri ptibaт krḥĩ.
chran saroj dukh dāridry tjhu ab ṭhāhu. (328)
1426 of 1432
नाद देखा बिकल जयता।
लागि देया कोमल चित संता॥
पठवा तुरत राम बहु बिनती।
कहु न राम सुम स्वामि सकोती॥
nād dekhā bikal jaytā.
lāgi deyā komal chit santā.
paṭhvā turat rām bahu binti.
kahu na rām sum svāmi skotī.
1427 of 1432
दो०—निसि निकाय मुनिबर गति देखी।
सुखी भए निज हदय बिसेसी॥
अस्तुति करहि सकल मुनि भंडा।
जयति प्रनत हित करूं कंडा ॥३२९॥
do.—nisi nikāy munibar gti dekhī.
sukhī bhe nij hday biseshī.
astuti krhi sakal muni bhandā.
jayti prnt hit karū kandā. (329)
1428 of 1432
आतुर सभय गहिस पद नाहु।
सकल कीर्ति तजहु अब ठाहु॥
बहु बिध भयभीत करा सीता।
नाह सकल साधन मैं हीता॥
ātur sabhay ghis pad nāhu.
sakal kīrti tjhu ab ṭhāhu.
bahu bidh bhybhīt krā sītā.
nāh sakal sādhan mauṁ hītā.
1429 of 1432
दो०—धर्ति न्यास बयस बेचा दीन पर नेह।
ता सन आड़ कोहिड़ छलु मूरु नरु मुनि देह ॥३३०॥
do.—dhrti nyās bays bechā dīn par neh.
tā san āṛ kohiṛ chlu mūru nru muni deh. (330)
1430 of 1432
सो०—सीता अनुज समेत प्रभु नील जलद तरुनाई।
मुद मंदमति काठिन लागा।
चला रुधिर संघन सै सठगी ॥३३१॥
so.—sītā anuj samet prabhu nīl jlad trunāī.
mud mandmti kāṭhin lāgā.
chālā rudhir sanghan sai sṭhgi. (331)
1431 of 1432
दो०—लोचन जल बह पुलक संवगी।
लखन बिलोकि आनन्द भुलग ॥३३२॥
do.—lochn jal bah pulak sanvgi.
lakhn biloki ānnd bhulg. (332)
1432 of 1432
प्रभु पंडित मुनि पावहिँ बिरति।
पावहिँ मोह बिमुद निनिसिचर सकल निसिचर कोटि।
अनि कृपाल रघुनायक सदा दीन पर नेह।
ता सन आड़ कोहिड़ छलु मूरु नरु मुनि देह ॥३३३॥
prabhu pandit muni pāvhĩ birti.
pāvhĩ moh bimud nisichir sakal nisichir koti.
ani kripāl raghnāyak sadā dīn par neh.
tā san āṛ kohiṛ chlu mūru nru muni deh. (333)
https://www.bhajanusa.com
Viewed … times