← All bhajans
Granth
१. बालकाण्ड · 1. Bala Kand
Tulsidas's Ramcharitmanas — Book 1, the full text from the invocation through Rama's wedding · Devanagari with English transliteration
हिन्दी
English
1 of 1109
॥ श्रीगणेशाय नम: ॥
श्रीजानकीवल्लभो विजयते
Śrī Gaṇeśāya namaḥ.
Śrī Jānakīvallabho vijayate.
2 of 1109
वर्णानामर्थसंघानां रसानां छन्दसामपि।
मङ्गलानां च कर्त्तारौ वन्दे वाणीविनायकौ ॥१॥
Varṇānāmarthasaṅghānāṃ rasānāṃ chhandasāmapi,
maṅgalānāṃ cha karttārau vande vāṇīvināyakau.
3 of 1109
भवानीशङ्करौ वन्दे श्रद्धाविश्वासरूपिणौ।
याभ्यां विना न पश्यन्ति सिद्धाः स्वान्तःस्थमीश्वरम् ॥२॥
Bhavānīśaṅkarau vande śraddhāviśvāsarūpiṇau,
yābhyāṃ vinā na paśyanti siddhāḥ svāntaḥsthamīśvaram.
4 of 1109
वन्दे बोधमयं नित्यं गुरुं शङ्करूपिणम्।
यमाश्रितो हि वक्रोऽपि चन्द्रः सर्वत्र वन्द्यते ॥३॥
Vande bodhamayaṃ nityaṃ guruṃ śaṅkarūpiṇam,
yamāśrito hi vakro'pi chandraḥ sarvatra vandyate.
5 of 1109
सीतारामगुणग्रामपुण्यारण्यविहारिणौ।
वन्दे विशुद्धविज्ञानौ कवीश्वरकपीश्वरौ ॥४॥
Sītārāmaguṇagrāmapuṇyāraṇyavihāriṇau,
vande viśuddhavijñānau kavīśvarakapīśvarau.
6 of 1109
उद्भवस्थितिसंहारकारिणीं क्लेशहारिणीम्।
सर्वश्रेयस्करीं सीतां नतोऽहं रामवल्लभाम् ॥५॥
Udbhavasthitisaṃhārakāriṇīṃ kleśahāriṇīm,
sarvaśreyaskarīṃ sītāṃ nato'haṃ rāmavallabhām.
7 of 1109
यन्मायावशवर्त्ति विश्वमखिलं ब्रह्मादिदेवासुरा
यत्सत्त्वादमृषैव भाति सकलं रज्जौ यथाहेर्भ्रमः।
यत्पादप्लवमेकमेव हि भवाम्भोधेस्तितीर्षावतां
वन्देऽहं तमशेषकारणपरं रामाख्यमीशं हरिम् ॥६॥
Yanmāyāvaśavartti viśvamakhilaṃ brahmādidevāsurā,
yatsattvādamṛṣaiva bhāti sakalaṃ rajjau yathāherbhramaḥ,
yatpādaplavamekameva hi bhavāmbhodhestitīrṣāvatāṃ,
vande'haṃ tamaśeṣakāraṇaparaṃ rāmākhyamīśaṃ harim.
8 of 1109
नानापुराणनिगमागमसम्मतं यद्
रामायणे निगदितं क्वचिदन्यतोऽपि।
स्वान्तःसुखाय तुलसी रघुनाथगाथा-
भाषानिबन्धमतिमञ्जुलमातनोति ॥७॥
Nānāpurāṇanigamāgamasammataṃ yad
Rāmāyaṇe nigaditaṃ kvachidanyato'pi,
svāntaḥsukhāya Tulasī Raghunāthagāthā-
bhāṣānibandhamatimañjulamātanoti.
9 of 1109
सो०—जो सुमिरत सिधि होइ गन नायक करिबर बदन।
करउ अनुग्रह सोइ बुद्धि रासि सुभ गुन सदन ॥१॥
So—Jo sumirat sidhi hoi gan nāyak karibar badan,
karau anugrah soi buddhi rāsi subh gun sadan. (1)
10 of 1109
मूक होइ बाचाल पंगु चढ़इ गिरिबर गहन।
जासु कृपाँ सो दयाल द्रवउ सकल कलि मल दहन ॥२॥
Mūk hoi bāchāl paṅgu chaḍhai giribar gahan,
jāsu kṛpāṅ so dayāl dravau sakal kali mal dahan. (2)
11 of 1109
नील सरोरुह स्याम तरुन अरुन बारिज नयन।
करउ सो मम उर धाम सदा छीरसागर सयन ॥३॥
Nīl saroruh syām tarun arun bārij nayan,
karau so mam ur dhām sadā chhīrsāgar sayan. (3)
12 of 1109
कुंद इंदु सम देह उमा रमन करुना अयन।
जाहि दीन पर नेह करउ कृपा मर्दन मयन ॥४॥
Kuṅd iṅdu sam deh Umā raman karunā ayan,
jāhi dīn par neh karau kṛpā mardan mayan. (4)
13 of 1109
बंदउँ गुरु पद कंज कृपा सिंधु नररूप हरि।
महामोह तम पुंज जासु बचन रबि कर निकर ॥५॥
Bandauṅ guru pad kañj kṛpā sindhu nararūp hari,
mahāmoh tam puñj jāsu bachan rabi kar nikar. (5)
14 of 1109
बंदउँ गुरु पद पदुम परागा।
सुरुचि सुबास सरस अनुरागा॥
अमिअ मूरिमय चूरन चारू।
समन सकल भव रुज परिवारू॥
Bandauṅ guru pad padum parāgā,
suruchi subās saras anurāgā.
Amia mūrimay chūran chārū,
saman sakal bhav ruj parivārū.
15 of 1109
सुकृति संभु तन बिमल बिभूती।
मंजुल मंगल मोद प्रसूती॥
जन मन मंजु मुकुर मल हरनी।
किएँ तिलक गुन गन बस करनी॥
Sukṛti Sambhu tan bimal bibhūtī,
mañjul maṅgal mod prasūtī.
Jan man mañju mukur mal haranī,
kieṅ tilak gun gan bas karanī.
16 of 1109
श्रीगुर पद नख मनि गन जोती।
सुमिरत दिब्य दृष्टि हियँ होती॥
दलन मोह तम सो सप्रकासू।
बड़े भाग उर आवइ जासू॥
Shrīgur pad nakh mani gan jotī,
sumirat dibya dṛṣṭi hiyaṅ hotī.
Dalan moh tam so saprakāsū,
baḍe bhāg ur āvai jāsū.
17 of 1109
उघरहिं बिमल बिलोचन ही के।
मिटहिं दोष दुख भव रजनी के॥
सूझहिं राम चरित मनि मानिक।
गुपुत प्रगट जहँ जो जेहि खानिक॥
Ugharahiṅ bimal bilochan hī ke,
miṭahiṅ doṣ dukh bhav rajanī ke.
Sūjhahiṅ Rām charit mani mānik,
gupat pragaṭ jahaṅ jo jehi khānik.
18 of 1109
दो०—जथा सुअंजन अंजि दृग साधक सिद्ध सुजान।
कौतुक देखत सैल बन भूतल भूरि निधान ॥१॥
Do—Jathā suañjan añji dṛg sādhak siddh sujān,
kautuk dekhat sail ban bhūtal bhūri nidhān. (1)
19 of 1109
गुरु पद रज मृदु मंजुल अंजन।
नयन अमिअ दृग दोष बिभंजन॥
तेहिं करि बिमल बिबेक बिलोचन।
बरनउँ राम चरित भव मोचन॥
Guru pad raj mṛdu mañjul añjan,
nayan amia dṛg doṣ bibhañjan.
Tehiṅ kari bimal bibek bilochan,
baranauṅ Rām charit bhav mochan.
20 of 1109
बंदउँ प्रथम महीसुर चरना।
मोह जनित संसय सब हरना॥
सुजन समाज सकल गुन खानी।
करउँ प्रनाम सप्रेम सुबानी॥
Bandauṅ pratham mahīsur charanā,
moh janit sansay sab haranā.
Sujan samāj sakal gun khānī,
karauṅ pranām saprem subānī.
21 of 1109
साधु चरित सुभ चरित कपासू।
निरस बिसद गुनमय फल जासू॥
जो सहि दुख परछिद्र दुरावा।
बंदनीय जेहिं जग जस पावा॥
Sādhu charit subh charit kapāsū,
niras bisad gunmay phal jāsū.
Jo sahi dukh parachhidra durāvā,
bandanīya jehiṅ jag jas pāvā.
22 of 1109
मुद मंगलमय संत समाजू।
जो जग जंगम तीरथराजू॥
राम भक्ति जहँ सुरसरि धारा।
सरसइ ब्रह्म बिचार प्रचारा॥
Mud maṅgalmay sant samājū,
jo jag jaṅgam tīrathrājū.
Rām bhakti jahaṅ Surasari dhārā,
sarasai brahma bichār prachārā.
23 of 1109
बिधि निषेधमय कलिमल हरनी।
करम कथा रबिनंदनि बरनी॥
हरि हर कथा बिराजति बेनी।
सुनत सकल मुद मंगल देनी॥
Bidhi niṣedhamay kalimal haranī,
karam kathā Rabinandani baranī.
Hari Har kathā birājati benī,
sunat sakal mud maṅgal denī.
24 of 1109
बटु बिस्वास अचल निज धरमा।
तीरथराज समाज सुकरमा॥
सबहि सुलभ सब दिन सब देसा।
सेवत सादर समन कलेसा॥
Baṭu bisvās achal nij dharamā,
tīrathrāj samāj sukaramā.
Sabahi sulabh sab din sab desā,
sevat sādar saman kalesā.
25 of 1109
अकथ अलौकिक तीरथराऊ।
देइ सद्य फल प्रगट प्रभाऊ॥
Akath alaukik tīrathrāū,
dei sadya phal pragaṭ prabhāū.
26 of 1109
दो०—सुनि समुझहिं जन मुदित मन मज्जहिं अति अनुराग।
लहहिं चारि फल अछत तनु साधु समाज प्रयाग ॥२॥
Do—Suni samujhahiṅ jan mudit man majjahiṅ ati anurāg,
lahahiṅ chāri phal achhat tanu sādhu samāj Prayāg. (2)
27 of 1109
मज्जन फल पेखिअ ततकाला।
काक होहिं पिक बकउ मराला॥
सुनि आचरज करै जनि कोई।
सतसंगति महिमा नहिं गोई॥
Majjan phal pekhia tatakālā,
kāk hohiṅ pik bakau marālā.
Suni ācharaj karai jani koī,
satsaṅgati mahimā nahiṅ goī.
28 of 1109
बालमीक नारद घटजोनी।
निज निज मुखनि कही निज होनी॥
जलचर थलचर नभचर नाना।
जे जड़ चेतन जीव जहाना॥
Bālamīk Nārad ghaṭajonī,
nij nij mukhani kahī nij honī.
Jalachar thalachar nabhachar nānā,
je jaḍ chetan jīv jahānā.
29 of 1109
मति कीरति गति भूति भलाई।
जब जेहिं जतन जहाँ जेहिं पाई॥
सो जानब सतसंग प्रभाऊ।
लोकहुँ बेद न आन उपाऊ॥
Mati kīrati gati bhūti bhalāī,
jab jehiṅ jatan jahāṅ jehiṅ pāī.
So jānab satsaṅg prabhāū,
lokahuṅ bed na ān upāū.
30 of 1109
बिनु सतसंग बिबेक न होई।
राम कृपा बिनु सुलभ न सोई॥
सतसंगत मुद मंगल मूला।
सोइ फल सिधि सब साधन फूला॥
Binu satsaṅg bibek na hoī,
Rām kṛpā binu sulabh na soī.
Satsaṅgat mud maṅgal mūlā,
soi phal sidhi sab sādhan phūlā.
31 of 1109
सठ सुधरहिं सतसंगति पाई।
पारस परस कुधात सुहाई॥
बिधि बस सुजन कुसंगत परहीं।
फनि मनि सम निज गुन अनुसरहीं॥
Saṭh sudharahiṅ satsaṅgati pāī,
pāras paras kudhāt suhāī.
Bidhi bas sujan kusaṅgat parahīṅ,
phani mani sam nij gun anusarahīṅ.
32 of 1109
बिधि हरि हर कबि कोबिद बानी।
कहत साधु महिमा सकुचानी॥
सो मो सन कहि जात न कैसें।
साक बनिक मनि गुन गन जैसें॥
Bidhi Hari Har kabi kobid bānī,
kahat sādhu mahimā sakuchānī.
So mo san kahi jāt na kaisen,
sāk banik mani gun gan jaisen.
33 of 1109
दो०—बंदउँ संत समान चित हित अनहित नहिं कोइ।
अंजलि गत सुभ सुमन जिमि सम सुगंध कर दोइ ॥३(क)॥
Do—Bandauṅ sant samān chit hit anahit nahiṅ koi,
añjali gat subh suman jimi sam sugandh kar doi. (3-a)
34 of 1109
संत सरल चित जगत हित जानि सुभाउ सनेहु।
बालबिनय सुनि करि कृपा राम चरन रति देहु ॥३(ख)॥
Sant saral chit jagat hit jāni subhāu sanehu,
bālbinay suni kari kṛpā Rām charan rati dehu. (3-b)
35 of 1109
बहुरि बंदि खल गन सतिभाएँ।
जे बिनु काज दाहिनेहु बाएँ॥
पर हित हानि लाभ जिन्ह केरें।
उजरें हरष बिषाद बसेरें॥
Bahuri bandi khal gan satibhāen,
je binu kāj dāhinehu bāen.
Par hit hāni lābh jinh keren,
ujaren haraṣ biṣād baseren.
36 of 1109
हरि हर जस राकेस राहु से।
पर अकाज भट सहसबाहु से॥
जे पर दोष लखहिं सहसाखी।
पर हित घृत जिन्ह के मन माखी॥
Hari Har jas rākes rāhu se,
par akāj bhaṭ Sahasabāhu se.
Je par doṣ lakhahiṅ sahasākhī,
par hit ghṛt jinh ke man mākhī.
37 of 1109
तेज कृसानु रोष महिषेसा।
अघ अवगुन धन धनी धनेसा॥
उदय केत सम हित सब ही के।
कुंभकरन सम सोवत नीके॥
Tej kṛsānu roṣ mahiṣesā,
agh avagun dhan dhanī dhanesā.
Uday ket sam hit sab hī ke,
Kuṅbhakaran sam sovat nīke.
38 of 1109
पर अकाजु लगि तनु परिहरहीं।
जिमि हिम उपल कृषी दलि गरहीं॥
बंदउँ खल जस सेष सरोषा।
सहस बदन बरनइ पर दोषा॥
Par akāju lagi tanu pariharahīṅ,
jimi him upal kṛṣī dali garahīṅ.
Bandauṅ khal jas Seṣ saroṣā,
sahas badan baranai par doṣā.
39 of 1109
पुनि प्रनवउँ पृथुराज समाना।
पर अघ सुनइ सहस दस काना॥
बहुरि सक्र सम बिनवउँ तेही।
संतत सुरानीक हित जेही॥
Puni pranavauṅ Pṛthurāj samānā,
par agh sunai sahas das kānā.
Bahuri Sakra sam binavauṅ tehī,
santat surānīk hit jehī.
40 of 1109
बचन बज्र जेहि सदा पिआरा।
सहस नयन पर दोष निहारा॥
Bachan bajra jehi sadā piārā,
sahas nayan par doṣ nihārā.
41 of 1109
दो०—उदासीन अरि मीत हित सुनत जरहिं खल रीति।
जानि पानि जुग जोरि जन बिनती करइ सप्रीति ॥४॥
Do—Udāsīn ari mīt hit sunat jarahiṅ khal rīti,
jāni pāni jug jori jan binatī karai saprīti. (4)
42 of 1109
मैं अपनी दिसि कीन्ह निहोरा।
तिन्ह निज ओर न लाउब भोरा॥
बायस पलिअहिं अति अनुरागा।
होहिं निरामिष कबहुँ कि कागा॥
Maiṅ apanī disi kīnha nihorā,
tinh nij or na lāub bhorā.
Bāyas paliahiṅ ati anurāgā,
hohiṅ nirāmiṣ kabahuṅ ki kāgā.
43 of 1109
बंदउँ संत असज्जन चरना।
दुखप्रद उभय बीच कछु बरना॥
बिछुरत एक प्रान हरि लेहीं।
मिलत एक दुख दारुन देहीं॥
Bandauṅ sant asajjan charanā,
dukhaprad ubhay bīch kachhu baranā.
Bichhurat ek prān hari lehīṅ,
milat ek dukh dārun dehīṅ.
44 of 1109
उपजहिं एक संग जग माहीं।
जलज जोंक जिमि गुन बिलगाहीं॥
सुधा सुरा सम साधु असाधू।
जनक एक जग जलधि अगाधू॥
Upajahiṅ ek saṅg jag māhīṅ,
jalaj joṅk jimi gun bilagāhīṅ.
Sudhā surā sam sādhu asādhū,
janak ek jag jaladhi agādhū.
45 of 1109
भल अनभल निज निज करतूती।
लहत सुजस अपलोक बिभूती॥
सुधा सुधाकर सुरसरि साधू।
गरल अनल कलिमल सरि ब्याधू॥
गुन अवगुन जानत सब कोई।
जो जेहि भाव नीक तेहि सोई॥
Bhal anabhal nij nij karatūtī,
lahat sujas apalok bibhūtī.
Sudhā sudhākar Surasari sādhū,
garal anal kalimal sari byādhū.
Gun avagun jānat sab koī,
jo jehi bhāv nīk tehi soī.
46 of 1109
दो०—भलो भलाइहि पै लहइ लहइ निचाइहि नीचु।
सुधा सराहिअ अमरताँ गरल सराहिअ मीचु ॥५॥
Do—Bhalo bhalāihi pai lahai lahai nichāihi nīchu,
sudhā sarāhia amaratāṅ garal sarāhia mīchu. (5)
47 of 1109
खल अघ अगुन साधु गुन गाहा।
उभय अपार उदधि अवगाहा॥
तेहि तें कछु गुन दोष बखाने।
संग्रह त्याग न बिनु पहिचाने॥
Khal agh agun sādhu gun gāhā,
ubhay apār udadhi avagāhā.
Tehi ten kachhu gun doṣ bakhāne,
saṅgrah tyāg na binu pahichāne.
48 of 1109
भलेउ पोच सब बिधि उपजाए।
गनि गुन दोष बेद बिलगाए॥
कहहिं बेद इतिहास पुराना।
बिधि प्रपंचु गुन अवगुन साना॥
Bhaleu poch sab bidhi upajāe,
gani gun doṣ bed bilagāe.
Kahahiṅ bed itihās purānā,
bidhi prapañchu gun avagun sānā.
49 of 1109
दुख सुख पाप पुन्य दिन राती।
साधु असाधु सुजाति कुजाती॥
दानव देव ऊँच अरु नीचू।
अमिअ सुजीवनु माहुरु मीचू॥
माया ब्रह्म जीव जगदीसा।
लच्छि अलच्छि रंक अवनीसा॥
कासी मग सुरसरि क्रमनासा।
मरु मारव महिदेव गवासा॥
सरग नरक अनुराग बिरागा।
निगमागम गुन दोष बिभागा॥
Dukh sukh pāp punya din rātī,
sādhu asādhu sujāti kujātī.
Dānav dev ūṅch aru nīchū,
amia sujīvanu māhuru mīchū.
Māyā Brahma jīv jagadīsā,
lachchhi alachchhi raṅk avanīsā.
Kāsī mag Surasari Kramanāsā,
maru mārav mahidev gavāsā.
Sarag narak anurāg birāgā,
nigamāgam gun doṣ bibhāgā.
50 of 1109
दो०—जड़ चेतन गुन दोषमय बिस्व कीन्ह करतार।
संत हंस गुन गहहिं पय परिहरि बारि बिकार ॥६॥
Do—Jaḍ chetan gun doṣamay bisva kīnha kartār,
sant hans gun gahahiṅ pay parihari bāri bikār. (6)
51 of 1109
अस बिबेक जब देइ बिधाता।
तब तजि दोष गुनहिं मनु राता॥
काल सुभाउ करम बरिआईं।
भलेउ प्रकृति बस चुकइ भलाई॥
As bibek jab dei bidhātā,
tab taji doṣ gunahiṅ manu rātā.
Kāl subhāu karam bariāīṅ,
bhaleu prakṛti bas chukai bhalāī.
52 of 1109
सो सुधारि हरिजन जिमि लेहीं।
दलि दुख दोष बिमल जसु देहीं॥
खलउ करहिं भल पाइ सुसंगू।
मिटइ न मलिन सुभाउ अभंगू॥
So sudhāri harijan jimi lehīṅ,
dali dukh doṣ bimal jasu dehīṅ.
Khalau karahiṅ bhal pāi susaṅgū,
miṭai na malin subhāu abhaṅgū.
53 of 1109
लखि सुबेष जग बंचक जेऊ।
बेष प्रताप पूजिअहिं तेऊ॥
उघरहिं अंत न होइ निबाहू।
कालनेमि जिमि रावन राहू॥
Lakhi subeṣ jag bañchak jeū,
beṣ pratāp pūjiahiṅ teū.
Ugharahiṅ ant na hoi nibāhū,
Kālanemi jimi Rāvan Rāhū.
54 of 1109
किएहुँ कुबेषु साधु सनमानू।
जिमि जग जामवंत हनुमानू॥
हानि कुसंग सुसंगति लाहू।
लोकहुँ बेद बिदित सब काहू॥
Kiehuṅ kubeṣu sādhu sanamānū,
jimi jag Jāmavant Hanumānū.
Hāni kusaṅg susaṅgati lāhū,
lokahuṅ bed bidit sab kāhū.
55 of 1109
गगन चढ़इ रज पवन प्रसंगा।
कीचहिं मिलइ नीच जल संगा॥
साधु असाधु सदन सुक सारीं।
सुमिरहिं राम देहिं गनि गारीं॥
Gagan chaḍhai raj pavan prasaṅgā,
kīchahiṅ milai nīch jal saṅgā.
Sādhu asādhu sadan suk sārīṅ,
sumirahiṅ Rām dehiṅ gani gārīṅ.
56 of 1109
धूम कुसंगति कारिख होई।
लिखिअ पुरान मंजु मसि सोई॥
सोइ जल अनल अनिल संघाता।
होइ जलद जग जीवन दाता॥
Dhūm kusaṅgati kārikh hoī,
likhia purān mañju masi soī.
Soi jal anal anil saṅghātā,
hoi jalad jag jīvan dātā.
57 of 1109
दो०—ग्रह भेषज जल पवन पट पाइ कुजोग सुजोग।
होहिं कुबस्तु सुबस्तु जग लखहिं सुलच्छन लोग ॥७(क)॥
Do—Grah bheṣaj jal pavan paṭ pāi kujog sujog,
hohiṅ kubastu subastu jag lakhahiṅ sulachchhan log. (7-a)
58 of 1109
सम प्रकास तम पाख दुहुँ नाम भेद बिधि कीन्ह।
ससि सोषक पोषक समुझि जग जस अपजस दीन्ह ॥७(ख)॥
Sam prakās tam pākh duhuṅ nām bhed bidhi kīnha,
sasi soṣak poṣak samujhi jag jas apajas dīnha. (7-b)
59 of 1109
जड़ चेतन जग जीव जत सकल राममय जानि।
बंदउँ सब के पद कमल सदा जोरि जुग पानि ॥७(ग)॥
Jaḍ chetan jag jīv jat sakal rāmamay jāni,
bandauṅ sab ke pad kamal sadā jori jug pāni. (7-c)
60 of 1109
देव दनुज नर नाग खग प्रेत पितर गंधर्ब।
बंदउँ किंनर रजनिचर कृपा करहु अब सर्ब ॥७(घ)॥
Dev danuj nar nāg khag pret pitar gandharba,
bandauṅ kiṅnar rajanichar kṛpā karahu ab sarba. (7-d)
61 of 1109
आकर चारि लाख चौरासी।
जाति जीव जल थल नभ बासी॥
सीय राममय सब जग जानी।
करउँ प्रनाम जोरि जुग पानी॥
Ākar chāri lākh chaurāsī,
jāti jīv jal thal nabh bāsī.
Sīya Rāmamay sab jag jānī,
karauṅ pranām jori jug pānī.
62 of 1109
जानि कृपाकर किंकर मोहू।
सब मिलि करहु छाड़ि छल छोहू॥
निज बुधि बल भरोस मोहि नाहीं।
तातें बिनय करउँ सब पाहीं॥
Jāni kṛpākar kiṅkar mohū,
sab mili karahu chhāḍi chhal chhohū.
Nij budhi bal bharos mohi nāhīṅ,
tāten binay karauṅ sab pāhīṅ.
63 of 1109
करन चहउँ रघुपति गुन गाहा।
लघु मति मोरि चरित अवगाहा॥
सूझ न एकउ अंग उपाऊ।
मन मति रंक मनोरथ राऊ॥
Karan chahauṅ Raghupati gun gāhā,
laghu mati mori charit avagāhā.
Sūjh na ekau aṅg upāū,
man mati raṅk manorath rāū.
64 of 1109
मति अति नीच ऊँचि रुचि आछी।
चहिअ अमिअ जग जुरइ न छाछी॥
छमिहहिं सज्जन मोरि ढिठाई।
सुनिहहिं बालबचन मन लाई॥
Mati ati nīch ūṅchi ruchi āchhī,
chahia amia jag jurai na chhāchhī.
Chhamihahiṅ sajjan mori ḍhiṭhāī,
sunihahiṅ bālbachan man lāī.
65 of 1109
जौं बालक कह तोतरि बाता।
सुनहिं मुदित मन पितु अरु माता॥
हँसिहहिं क्रूर कुटिल कुबिचारी।
जे पर दूषन भूषनधारी॥
Jauṅ bālak kah totari bātā,
sunahiṅ mudit man pitu aru mātā.
Haṅsihahiṅ krūr kuṭil kubichārī,
je par dūṣan bhūṣanadhārī.
66 of 1109
निज कबित्त केहि लाग न नीका।
सरस होउ अथवा अति फीका॥
जे पर भनिति सुनत हरषाहीं।
ते बर पुरुष बहुत जग नाहीं॥
Nij kabitta kehi lāg na nīkā,
saras hou athavā ati phīkā.
Je par bhaniti sunat haraṣāhīṅ,
te bar puruṣ bahut jag nāhīṅ.
67 of 1109
जग बहु नर सर सरि सम भाई।
जे निज बाढ़ि बढ़हिं जल पाई॥
सज्जन सकृत सिंधु सम कोई।
देखि पूर बिधु बाढ़इ जोई॥
Jag bahu nar sar sari sam bhāī,
je nij bāḍhi baḍhahiṅ jal pāī.
Sajjan sakṛt sindhu sam koī,
dekhi pūr bidhu bāḍhai joī.
68 of 1109
दो०—भाग छोट अभिलाषु बड़ करउँ एक बिस्वास।
पैहहिं सुख सुनि सुजन सब खल करिहहिं उपहास ॥८॥
Do—Bhāg chhoṭ abhilāṣu baḍ karauṅ ek bisvās,
paihahiṅ sukh suni sujan sab khal karihahiṅ upahās. (8)
69 of 1109
खल परिहास होइ हित मोरा।
काक कहहिं कलकंठ कठोरा॥
हंसहि बक दादुर चातकही।
हँसहिं मलिन खल बिमल बतकही॥
Khal parihās hoi hit morā,
kāk kahahiṅ kalakaṇṭh kaṭhorā.
Hansahi bak dādur chātakahī,
haṅsahiṅ malin khal bimal batakahī.
70 of 1109
कबित रसिक न राम पद नेहू।
तिन्ह कहँ सुखद हास रस एहू॥
भाषा भनिति भोरि मति मोरी।
हँसिबे जोग हँसें नहिं खोरी॥
Kabit rasik na Rām pad nehū,
tinh kahaṅ sukhad hās ras ehū.
Bhāṣā bhaniti bhori mati morī,
haṅsibe jog haṅsen nahiṅ khorī.
71 of 1109
प्रभु पद प्रीति न सामुझि नीकी।
तिन्हहि कथा सुनि लागिहि फीकी॥
हरि हर पद रति मति न कुतरकी।
तिन्ह कहुँ मधुर कथा रघुबर की॥
Prabhu pad prīti na sāmujhi nīkī,
tinhahi kathā suni lāgihi phīkī.
Hari Har pad rati mati na kutarkī,
tinh kahuṅ madhur kathā Raghubar kī.
72 of 1109
राम भगति भूषित जियँ जानी।
सुनिहहिं सुजन सराहि सुबानी॥
कबि न होउँ नहिं बचन प्रबीनू।
सकल कला सब बिद्या हीनू॥
Rām bhagati bhūṣit jiyaṅ jānī,
sunihahiṅ sujan sarāhi subānī.
Kabi na houṅ nahiṅ bachan prabīnū,
sakal kalā sab bidyā hīnū.
73 of 1109
आखर अरथ अलंकृति नाना।
छंद प्रबंध अनेक बिधाना॥
भाव भेद रस भेद अपारा।
कबित दोष गुन बिबिध प्रकारा॥
Ākhar arath alaṅkṛti nānā,
chhaṅd prabaṅdh anek bidhānā.
Bhāv bhed ras bhed apārā,
kabit doṣ gun bibidh prakārā.
74 of 1109
कबित बिबेक एक नहिं मोरें।
सत्य कहउँ लिखि कागद कोरें॥
Kabit bibek ek nahiṅ moren,
satya kahauṅ likhi kāgad koren.
75 of 1109
दो०—भनिति मोरि सब गुन रहित बिस्व बिदित गुन एक।
सो बिचारि सुनिहहिं सुमति जिन्ह के बिमल बिबेक ॥९॥
Do—Bhaniti mori sab gun rahit bisva bidit gun ek,
so bichāri sunihahiṅ sumati jinh ke bimal bibek. (9)
76 of 1109
एहि महँ रघुपति नाम उदारा।
अति पावन पुरान श्रुति सारा॥
मंगल भवन अमंगल हारी।
उमा सहित जेहि जपत पुरारी॥
Ehi mahaṅ Raghupati nām udārā,
ati pāvan purān shruti sārā.
Maṅgal bhavan amaṅgal hārī,
Umā sahit jehi japat purārī.
77 of 1109
भनिति बिचित्र सुकबि कृत जोऊ।
राम नाम बिनु सोह न सोऊ॥
बिधुबदनी सब भाँति सँवारी।
सोह न बसन बिना बर नारी॥
Bhaniti bichitra sukabi kṛt jou,
Rām nām binu soh na sou.
Bidhubadanī sab bhāṅti saṅvārī,
soh na basan binā bar nārī.
78 of 1109
सब गुन रहित कुकबि कृत बानी।
राम नाम जस अंकित जानी॥
सादर कहहिं सुनहिं बुध ताही।
मधुकर सरिस संत गुनग्राही॥
Sab gun rahit kukabi kṛt bānī,
Rām nām jas aṅkit jānī.
Sādar kahahiṅ sunahiṅ budh tāhī,
madhukar saris sant gunagrāhī.
79 of 1109
जदपि कबित रस एकउ नाहीं।
राम प्रताप प्रगट एहि माहीं॥
सोइ भरोस मोरें मन आवा।
केहिं न सुसंग बड़प्पनु पावा॥
Jadapi kabit ras ekau nāhīṅ,
Rām pratāp pragaṭ ehi māhīṅ.
Soi bharos moren man āvā,
kehiṅ na susaṅg baḍappanu pāvā.
80 of 1109
धूमउ तजइ सहज करुआई।
अगरु प्रसंग सुगंध बसाई॥
भनिति भदेस बस्तु भलि बरनी।
राम कथा जग मंगल करनी॥
Dhūmau tajai sahaj karuāī,
agaru prasaṅg sugaṅdh basāī.
Bhaniti bhades bastu bhali baranī,
Rām kathā jag maṅgal karanī.
81 of 1109
छं०—मंगल करनि कलिमलहरनि तुलसी कथा रघुनाथ की।
गति कूर कबिता सरित की ज्यों सरित पावन पाथ की॥
प्रभु सुजस संगति भनिति भलि होइहि सुजन मन भावनी।
भव अंग भूति मसान की सुमिरत सुहावनि पावनी॥
Chhand—Maṅgal karani kalimalaharani Tulasī kathā Raghunāth kī,
gati kūr kabitā sarit kī jyoṅ sarit pāvan pāth kī.
Prabhu sujas saṅgati bhaniti bhali hoihi sujan man bhāvanī,
bhav aṅg bhūti masān kī sumirat suhāvani pāvanī.
82 of 1109
दो०—प्रिय लागिहि अति सबहि मम भनिति राम जस संग।
दारु बिचारु कि करइ कोउ बंदिअ मलय प्रसंग ॥१०(क)॥
Do—Priya lāgihi ati sabahi mam bhaniti Rām jas saṅg,
dāru bichāru ki karai kou baṅdia malay prasaṅg. (10-a)
83 of 1109
स्याम सुरभि पय बिसद अति गुनद करहिं सब पान।
गिरा ग्राम्य सिय राम जस गावहिं सुनहिं सुजान ॥१०(ख)॥
Syām surabhi pay bisad ati gunad karahiṅ sab pān,
girā grāmya Siya Rām jas gāvahiṅ sunahiṅ sujān. (10-b)
84 of 1109
मनि मानिक मुकुता छबि जैसी।
अहि गिरि गज सिर सोह न तैसी॥
नृप किरीट तरुनि तनु पाई।
लहहिं सकल सोभा अधिकाई॥
Mani mānik mukutā chhabi jaisī,
ahi giri gaj sir soh na taisī.
Nṛp kirīṭ taruni tanu pāī,
lahahiṅ sakal sobhā adhikāī.
85 of 1109
तैसेहिं सुकबि कबित बुध कहहीं।
उपजहिं अनत अनत छबि लहहीं॥
भगति हेतु बिधि भवन बिहाई।
सुमिरत सारद आवति धाई॥
Taisehiṅ sukabi kabit budh kahahīṅ,
upajahiṅ anat anat chhabi lahahīṅ.
Bhagati hetu bidhi bhavan bihāī,
sumirat Sārad āvati dhāī.
86 of 1109
राम चरित सर बिनु अन्हवाएँ।
सो श्रम जाइ न कोटि उपाएँ॥
कबि कोबिद अस हृदयँ बिचारी।
गावहिं हरि जस कलि मल हारी॥
Rām charit sar binu anhavāen,
so shram jāi na koṭi upāen.
Kabi kobid as hṛdayaṅ bichārī,
gāvahiṅ Hari jas kali mal hārī.
87 of 1109
कीन्हें प्राकृत जन गुन गाना।
सिर धुनि गिरा लगत पछिताना॥
हृदय सिंधु मति सीप समाना।
स्वाति सारदा कहहिं सुजाना॥
Kīnhen prākṛt jan gun gānā,
sir dhuni girā lagat pachhitānā.
Hṛday sindhu mati sīp samānā,
svāti Sāradā kahahiṅ sujānā.
88 of 1109
जौं बरषइ बर बारि बिचारू।
होहिं कबित मुकुतामनि चारू॥
Jauṅ baraṣai bar bāri bichārū,
hohiṅ kabit mukutāmani chārū.
89 of 1109
दो०—जुगुति बेधि पुनि पोहिअहिं रामचरित बर ताग।
पहिरहिं सज्जन बिमल उर सोभा अति अनुराग ॥११॥
Do—Juguti bedhi puni pohiahiṅ Rāmcharit bar tāg,
pahirahiṅ sajjan bimal ur sobhā ati anurāg. (11)
90 of 1109
जे जनमे कलिकाल कराला।
करतब बायस बेष मराला॥
चलत कुपंथ बेद मग छाँड़े।
कपट कलेवर कलि मल भाँड़े॥
Je janme kalikāl karālā,
karatab bāyas beṣ marālā.
Chalat kupanth bed mag chhāṅḍe,
kapaṭ kalevar kali mal bhāṅḍe.
91 of 1109
बंचक भगत कहाइ राम के।
किंकर कंचन कोह काम के॥
तिन्ह महँ प्रथम रेख जग मोरी।
धींग धरमध्वज धंधक धोरी॥
Bañchak bhagat kahāi Rām ke,
kiṅkar kañchan koh kām ke.
Tinh mahaṅ pratham rekh jag morī,
dhīṅg dharamdhvaj dhandhak dhorī.
92 of 1109
जौं अपने अवगुन सब कहऊँ।
बाढ़इ कथा पार नहिं लहऊँ॥
ताते मैं अति अलप बखाने।
थोरे महुँ जानिहहिं सयाने॥
Jauṅ apane avagun sab kahaūṅ,
bāḍhai kathā pār nahiṅ lahaūṅ.
Tāte maiṅ ati alap bakhāne,
thore mahuṅ jānihahiṅ sayāne.
93 of 1109
समुझि बिबिधि बिधि बिनती मोरी।
कोउ न कथा सुनि देइहि खोरी॥
एतेहु पर करिहहिं जे असंका।
मोहि ते अधिक ते जड़ मति रंका॥
Samujhi bibidhi bidhi binatī morī,
kou na kathā suni deihi khorī.
Etehu par karihahiṅ je asaṅkā,
mohi te adhik te jaḍ mati raṅkā.
94 of 1109
कबि न होउँ नहिं चतुर कहावउँ।
मति अनुरूप राम गुन गावउँ॥
कहँ रघुपति के चरित अपारा।
कहँ मति मोरि निरत संसारा॥
Kabi na houṅ nahiṅ chatur kahāvauṅ,
mati anurūp Rām gun gāvauṅ.
Kahaṅ Raghupati ke charit apārā,
kahaṅ mati mori nirat sansārā.
95 of 1109
जेहिं मारुत गिरि मेरु उड़ाहीं।
कहहु तूल केहि लेखे माहीं॥
समुझत अमित राम प्रभुताई।
करत कथा मन अति कदराई॥
Jehiṅ mārut giri Meru uḍāhīṅ,
kahahu tūl kehi lekhe māhīṅ.
Samujhat amit Rām prabhutāī,
karat kathā man ati kadarāī.
96 of 1109
दो०—सारद सेस महेस बिधि आगम निगम पुरान।
नेति नेति कहि जासु गुन करहिं निरंतर गान ॥१२॥
Do—Sārad Ses Mahes bidhi āgam nigam purān,
neti neti kahi jāsu gun karahiṅ nirantar gān. (12)
97 of 1109
सब जानत प्रभु प्रभुता सोई।
तदपि कहें बिनु रहा न कोई॥
तहाँ बेद अस कारन राखा।
भजन प्रभाउ भाँति बहु भाषा॥
Sab jānat prabhu prabhutā soī,
tadapi kahen binu rahā na koī.
Tahāṅ bed as kāran rākhā,
bhajan prabhāu bhāṅti bahu bhāṣā.
98 of 1109
एक अनीह अरूप अनामा।
अज सच्चिदानंद पर धामा॥
ब्यापक बिस्वरूप भगवाना।
तेहिं धरि देह चरित कृत नाना॥
Ek anīh arūp anāmā,
aj sachchidānand par dhāmā.
Byāpak bisvarūp bhagavānā,
tehiṅ dhari deh charit kṛt nānā.
99 of 1109
सो केवल भगतन हित लागी।
परम कृपाल प्रनत अनुरागी॥
जेहि जन पर ममता अति छोहू।
जेहिं करुना करि कीन्ह न कोहू॥
So keval bhagatan hit lāgī,
param kṛpāl pranat anurāgī.
Jehi jan par mamatā ati chhohū,
jehiṅ karunā kari kīnha na kohū.
100 of 1109
गई बहोर गरीब नेवाजू।
सरल सबल साहिब रघुराजू॥
बुध बरनहिं हरि जस अस जानी।
करहिं पुनीत सुफल निज बानी॥
Gaī bahor garīb nevājū,
saral sabal sāhib Raghurājū.
Budh baranahiṅ Hari jas as jānī,
karahiṅ punīt suphal nij bānī.
101 of 1109
तेहिं बल मैं रघुपति गुन गाथा।
कहिहउँ नाइ राम पद माथा॥
मुनिन्ह प्रथम हरि कीरति गाई।
तेहिं मग चलत सुगम मोहि भाई॥
Tehiṅ bal maiṅ Raghupati gun gāthā,
kahihauṅ nāi Rām pad māthā.
Muninh pratham Hari kīrati gāī,
tehiṅ mag chalat sugam mohi bhāī.
102 of 1109
दो०—अति अपार जे सरित बर जौं नृप सेतु कराहिं।
चढ़ि पिपीलिकउ परम लघु बिनु श्रम पारहि जाहिं ॥१३॥
Do—Ati apār je sarit bar jauṅ nṛp setu karāhiṅ,
chaḍhi pipīlikau param laghu binu shram pārahi jāhiṅ. (13)
103 of 1109
एहि प्रकार बल मनहि देखाई।
करिहउँ रघुपति कथा सुहाई॥
ब्यास आदि कबि पुंगव नाना।
जिन्ह सादर हरि सुजस बखाना॥
Ehi prakār bal manahi dekhāī,
karihauṅ Raghupati kathā suhāī.
Byās ādi kabi puṅgav nānā,
jinh sādar Hari sujas bakhānā.
104 of 1109
चरन कमल बंदउँ तिन्ह केरे।
पुरवहुँ सकल मनोरथ मेरे॥
कलि के कबिन्ह करउँ परनामा।
जिन्ह बरने रघुपति गुन ग्रामा॥
Charan kamal bandauṅ tinh kere,
puravahuṅ sakal manorath mere.
Kali ke kabinh karauṅ paranāmā,
jinh barane Raghupati gun grāmā.
105 of 1109
जे प्राकृत कबि परम सयाने।
भाषाँ जिन्ह हरि चरित बखाने॥
भए जे अहहिं जे होइहहिं आगें।
प्रनवउँ सबहि कपट सब त्यागें॥
Je prākṛt kabi param sayāne,
bhāṣāṅ jinh Hari charit bakhāne.
Bhae je ahahiṅ je hoihahiṅ āgen,
pranavauṅ sabahi kapaṭ sab tyāgen.
106 of 1109
होहु प्रसन्न देहु बरदानू।
साधु समाज भनिति सनमानू॥
जो प्रबंध बुध नहिं आदरहीं।
सो श्रम बादि बाल कबि करहीं॥
Hohu prasanna dehu baradānū,
sādhu samāj bhaniti sanamānū.
Jo prabandh budh nahiṅ ādarahīṅ,
so shram bādi bāl kabi karahīṅ.
107 of 1109
कीरति भनिति भूति भलि सोई।
सुरसरि सम सब कहँ हित होई॥
राम सुकीरति भनिति भदेसा।
असमंजस अस मोहि अँदेसा॥
Kīrati bhaniti bhūti bhali soī,
Surasari sam sab kahaṅ hit hoī.
Rām sukīrati bhaniti bhadesā,
asamañjas as mohi andesā.
108 of 1109
तुम्हरी कृपाँ सुलभ सोउ मोरे।
सिअनि सुहावनि टाट पटोरे॥
Tumharī kṛpāṅ sulabh sou more,
sianī suhāvani ṭāṭ paṭore.
109 of 1109
दो०—सरल कबित कीरति बिमल सोइ आदरहिं सुजान।
सहज बयर बिसराइ रिपु जो सुनि करहिं बखान ॥१४(क)॥
Do—Saral kabit kīrati bimal soi ādarahiṅ sujān,
sahaj bayar bisarāi ripu jo suni karahiṅ bakhān. (14-a)
110 of 1109
सो न होइ बिनु बिमल मति मोहि मति बल अति थोर।
करहु कृपा हरि जस कहउँ पुनि पुनि करउँ निहोर ॥१४(ख)॥
So na hoi binu bimal mati mohi mati bal ati thor,
karahu kṛpā Hari jas kahauṅ puni puni karauṅ nihor. (14-b)
111 of 1109
कबि कोबिद रघुबर चरित मानस मंजु मराल।
बालबिनय सुनि सुरुचि लखि मो पर होहु कृपाल ॥१४(ग)॥
Kabi kobid Raghubar charit mānas mañju marāl,
bālbinay suni suruchi lakhi mo par hohu kṛpāl. (14-c)
112 of 1109
सो०—बंदउँ मुनि पद कंजु रामायन जेहिं निरमयउ।
सखर सुकोमल मंजु दोष रहित दूषन सहित ॥१४(घ)॥
So—Bandauṅ muni pad kañju Rāmāyan jehiṅ niramayau,
sakhar sukomal mañju doṣ rahit dūṣan sahit. (14-d)
113 of 1109
बंदउँ चारिउ बेद भव बारिधि बोहित सरिस।
जिन्हहि न सपनेहुँ खेद बरनत रघुबर बिसद जसु ॥१४(ङ)॥
Bandauṅ chāriu bed bhav bāridhi bohit saris,
jinhahi na sapanehuṅ khed baranat Raghubar bisad jasu. (14-e)
114 of 1109
बंदउँ बिधि पद रेनु भव सागर जेहिं कीन्ह जहँ।
संत सुधा ससि धेनु प्रगटे खल बिष बारुनी ॥१४(च)॥
Bandauṅ bidhi pad renu bhav sāgar jehiṅ kīnha jahaṅ,
sant sudhā sasi dhenu pragaṭe khal biṣ bārunī. (14-f)
115 of 1109
दो०—बिबुध बिप्र बुध ग्रह चरन बंदि कहउँ कर जोरि।
होइ प्रसन्न पुरवहु सकल मंजु मनोरथ मोरि ॥१४(छ)॥
Do—Bibudh bipra budh grah charan bandi kahauṅ kar jori,
hoi prasanna puravahu sakal mañju manorath mori. (14-g)
116 of 1109
पुनि बंदउँ सारद सुरसरिता।
जुगल पुनीत मनोहर चरिता॥
मज्जन पान पाप हर एका।
कहत सुनत एक हर अबिबेका॥
Puni bandauṅ Sārad Surasaritā,
jugal punīt manohar charitā.
Majjan pān pāp har ekā,
kahat sunat ek har abibekā.
117 of 1109
गुर पितु मातु महेस भवानी।
प्रनवउँ दीनबंधु दिन दानी॥
सेवक स्वामि सखा सिय पी के।
हित निरुपधि सब बिधि तुलसी के॥
Gur pitu mātu Mahes Bhavānī,
pranavauṅ dīnbandhu din dānī.
Sevak svāmi sakhā Siya pī ke,
hit nirupadhi sab bidhi Tulasī ke.
118 of 1109
कलि बिलोकि जग हित हर गिरिजा।
साबर मंत्र जाल जिन्ह सिरिजा॥
अनमिल आखर अरथ न जापू।
प्रगट प्रभाउ महेस प्रतापू॥
Kali biloki jag hit Har Girijā,
sābar mantra jāl jinh sirijā.
Anamil ākhar arath na jāpū,
pragaṭ prabhāu Mahes pratāpū.
119 of 1109
सो उमेस मोहि पर अनुकूला।
करिहिं कथा मुद मंगल मूला॥
सुमिरि सिवा सिव पाइ पसाऊ।
बरनउँ रामचरित चित चाऊ॥
So Umes mohi par anukūlā,
karihiṅ kathā mud maṅgal mūlā.
Sumiri Sivā Siv pāi pasāū,
baranauṅ Rāmcharit chit chāū.
120 of 1109
भनिति मोरि सिव कृपाँ बिभाती।
ससि समाज मिलि मनहुँ सुराती॥
जे एहि कथहि सनेह समेता।
कहिहहिं सुनिहहिं समुझि सचेता॥
होइहहिं राम चरन अनुरागी।
कलि मल रहित सुमंगल भागी॥
Bhaniti mori Siv kṛpāṅ bibhātī,
sasi samāj mili manahuṅ surātī.
Je ehi kathahi saneh sametā,
kahihahiṅ sunihahiṅ samujhi sachetā.
Hoihahiṅ Rām charan anurāgī,
kali mal rahit sumaṅgal bhāgī.
121 of 1109
दो०—सपनेहुँ साचेहुँ मोहि पर जौं हर गौरि पसाउ।
तौ फुर होउ जो कहेउँ सब भाषा भनिति प्रभाउ ॥१५॥
Do—Sapanehuṅ sāchehuṅ mohi par jauṅ Har Gauri pasāu,
tau phur hou jo kaheuṅ sab bhāṣā bhaniti prabhāu. (15)
122 of 1109
बंदउँ अवध पुरी अति पावनि।
सरजू सरि कलि कलुष नसावनि॥
प्रनवउँ पुर नर नारि बहोरी।
ममता जिन्ह पर प्रभुहि न थोरी॥
Bandauṅ Avadh purī ati pāvani,
Sarajū sari kali kaluṣ nasāvani.
Pranavauṅ pur nar nāri bahorī,
mamatā jinh par prabhuhi na thorī.
123 of 1109
सिय निंदक अघ ओघ नसाए।
लोक बिसोक बनाइ बसाए॥
बंदउँ कौसल्या दिसि प्राची।
कीरति जासु सकल जग माची॥
Siya niṅdak agh ogh nasāe,
lok bisok banāi basāe.
Bandauṅ Kausalyā disi prāchī,
kīrati jāsu sakal jag māchī.
124 of 1109
प्रगटेउ जहँ रघुपति ससि चारू।
बिस्व सुखद खल कमल तुसारू॥
दसरथ राउ सहित सब रानी।
सुकृत सुमंगल मूरति मानी॥
करउँ प्रनाम करम मन बानी।
करहु कृपा सुत सेवक जानी॥
जिन्हहि बिरचि बड़ भयउ बिधाता।
महिमा अवधि राम पितु माता॥
Pragaṭeu jahaṅ Raghupati sasi chārū,
bisva sukhad khal kamal tusārū.
Dasarath rāu sahit sab rānī,
sukṛt sumaṅgal mūrati mānī.
Karauṅ pranām karam man bānī,
karahu kṛpā sut sevak jānī.
Jinhahi birachi baḍ bhayau bidhātā,
mahimā avadhi Rām pitu mātā.
125 of 1109
सो०—बंदउँ अवध भुआल सत्य प्रेम जेहि राम पद।
बिछुरत दीनदयाल प्रिय तनु तृन इव परिहरेउ ॥१६॥
So—Bandauṅ Avadh bhuāl satya prem jehi Rām pad,
bichhurat dīnadayāl priya tanu tṛn iva pariharau. (16)
126 of 1109
प्रनवउँ परिजन सहित बिदेहू।
जाहि राम पद गूढ़ सनेहू॥
जोग भोग महँ राखेउ गोई।
राम बिलोकत प्रगटेउ सोई॥
Pranavauṅ parijan sahit Bidehū,
jāhi Rām pad gūḍh sanehū.
Jog bhog mahaṅ rākheu goī,
Rām bilokat pragaṭeu soī.
127 of 1109
प्रनवउँ प्रथम भरत के चरना।
जासु नेम ब्रत जाइ न बरना॥
राम चरन पंकज मन जासू।
लुबुध मधुप इव तजइ न पासू॥
Pranavauṅ pratham Bharat ke charanā,
jāsu nem brat jāi na baranā.
Rām charan paṅkaj man jāsū,
lubudh madhup iva tajai na pāsū.
128 of 1109
बंदउँ लछिमन पद जलजाता।
सीतल सुभग भगत सुखदाता॥
रघुपति कीरति बिमल पताका।
दंड समान भयउ जस जाका॥
Bandauṅ Lachhiman pad jalajātā,
sītal subhag bhagat sukhadātā.
Raghupati kīrati bimal patākā,
daṅḍ samān bhayau jas jākā.
129 of 1109
सेष सहस्रसीस जग कारन।
जो अवतरेउ भूमि भय टारन॥
सदा सो सानुकूल रह मो पर।
कृपासिंधु सौमित्रि गुनाकर॥
Seṣ sahasrasīs jag kāran,
jo avatarau bhūmi bhay ṭāran.
Sadā so sānukūl rah mo par,
kṛpāsindhu Saumitri gunākar.
130 of 1109
रिपुसूदन पद कमल नमामी।
सूर सुसील भरत अनुगामी॥
महाबीर बिनवउँ हनुमाना।
राम जासु जस आप बखाना॥
Ripusūdan pad kamal namāmī,
sūr susīl Bharat anugāmī.
Mahābīr binavauṅ Hanumānā,
Rām jāsu jas āp bakhānā.
131 of 1109
सो०—प्रनवउँ पवनकुमार खल बन पावक ग्यान घन।
जासु हृदय आगार बसहिं राम सर चाप धर ॥१७॥
So—Pranavauṅ Pavankumār khal ban pāvak gyān ghan,
jāsu hṛday āgār basahiṅ Rām sar chāp dhar. (17)
132 of 1109
कपिपति रीछ निसाचर राजा।
अंगदादि जे कीस समाजा॥
बंदउँ सब के चरन सुहाए।
अधम सरीर राम जिन्ह पाए॥
Kapipati rīchh nisāchar rājā,
aṅgadādi je kīs samājā.
Bandauṅ sab ke charan suhāe,
adham sarīr Rām jinh pāe.
133 of 1109
रघुपति चरन उपासक जेते।
खग मृग सुर नर असुर समेते॥
बंदउँ पद सरोज सब केरे।
जे बिनु काम राम के चेरे॥
Raghupati charan upāsak jete,
khag mṛg sur nar asur samete.
Bandauṅ pad saroj sab kere,
je binu kām Rām ke chere.
134 of 1109
सुक सनकादि भगत मुनि नारद।
जे मुनिबर बिग्यान बिसारद॥
प्रनवउँ सबहि धरनि धरि सीसा।
करहु कृपा जन जानि मुनीसा॥
Suk Sanakādi bhagat muni Nārad,
je munibar bigyān bisārad.
Pranavauṅ sabahi dharani dhari sīsā,
karahu kṛpā jan jāni munīsā.
135 of 1109
जनकसुता जग जननि जानकी।
अतिसय प्रिय करुनानिधान की॥
ताके जुग पद कमल मनावउँ।
जासु कृपाँ निरमल मति पावउँ॥
Janaksutā jag janani Jānakī,
atisay priya karunānidhān kī.
Tāke jug pad kamal manāvauṅ,
jāsu kṛpāṅ niramal mati pāvauṅ.
136 of 1109
पुनि मन बचन कर्म रघुनायक।
चरन कमल बंदउँ सब लायक॥
राजिवनयन धरें धनु सायक।
भगत बिपति भंजन सुखदायक॥
Puni man bachan karma Raghunāyak,
charan kamal bandauṅ sab lāyak.
Rājivanayan dharen dhanu sāyak,
bhagat bipati bhañjan sukhadāyak.
137 of 1109
दो०—गिरा अरथ जल बीचि सम कहिअत भिन्न न भिन्न।
बंदउँ सीता राम पद जिन्हहि परम प्रिय खिन्न ॥१८॥
Do—Girā arath jal bīchi sam kahiat bhinna na bhinna,
bandauṅ Sītā Rām pad jinhahi param priya khinna. (18)
138 of 1109
बंदउँ नाम राम रघुबर को।
हेतु कृसानु भानु हिमकर को॥
बिधि हरि हरमय बेद प्रान सो।
अगुन अनूपम गुन निधान सो॥
Bandauṅ nām Rām Raghubar ko,
hetu kṛsānu bhānu himakar ko.
Bidhi Hari Haramay bed prān so,
agun anūpam gun nidhān so.
139 of 1109
महामंत्र जोइ जपत महेसू।
कासीं मुकुति हेतु उपदेसू॥
महिमा जासु जान गनराऊ।
प्रथम पूजिअत नाम प्रभाऊ॥
Mahāmantra joi japat Mahesū,
Kāsīṅ mukuti hetu upadesū.
Mahimā jāsu jān ganarāū,
pratham pūjiat nām prabhāū.
140 of 1109
जान आदिकबि नाम प्रतापू।
भयउ सुद्ध करि उलटा जापू॥
सहस नाम सम सुनि सिव बानी।
जपि जेईं पिय संग भवानी॥
Jān ādikabi nām pratāpū,
bhayau suddh kari ulaṭā jāpū.
Sahas nām sam suni Siv bānī,
japi jeīṅ piya saṅg Bhavānī.
141 of 1109
हरषे हेतु हेरि हर ही को।
किय भूषन तिय भूषन ती को॥
नाम प्रभाउ जान सिव नीको।
कालकूट फलु दीन्ह अमी को॥
Haraṣe hetu heri Har hī ko,
kiya bhūṣan tiya bhūṣan tī ko.
Nām prabhāu jān Siv nīko,
kālakūṭ phalu dīnha amī ko.
142 of 1109
दो०—बरषा रितु रघुपति भगति तुलसी सालि सुदास।
राम नाम बर बरन जुग सावन भादव मास ॥१९॥
Do—Barṣā ritu Raghupati bhagati Tulasī sāli sudās,
Rām nām bar baran jug sāvan bhādav mās. (19)
143 of 1109
आखर मधुर मनोहर दोऊ।
बरन बिलोचन जन जिय जोऊ॥
सुमिरत सुलभ सुखद सब काहू।
लोक लाहु परलोक निबाहू॥
Ākhar madhur manohar dou,
baran bilochan jan jiy jou.
Sumirat sulabh sukhad sab kāhū,
lok lāhu paralok nibāhū.
144 of 1109
कहत सुनत सुमिरत सुठि नीके।
राम लखन सम प्रिय तुलसी के॥
बरनत बरन प्रीति बिलगाती।
ब्रह्म जीव सम सहज सँघाती॥
Kahat sunat sumirat suṭhi nīke,
Rām Lakhan sam priya Tulasī ke.
Baranat baran prīti bilagātī,
Brahma jīv sam sahaj saṅghātī.
145 of 1109
नर नारायन सरिस सुभ्राता।
जग पालक बिसेषि जन त्राता॥
भगति सुतिय कल करन बिभूषन।
जग हित हेतु बिमल बिधु पूषन॥
Nar Nārāyan saris subhrātā,
jag pālak biseṣi jan trātā.
Bhagati sutiya kal karan bibhūṣan,
jag hit hetu bimal bidhu pūṣan.
146 of 1109
स्वाद तोष सम सुगति सुधा के।
कमठ सेष सम धर बसुधा के॥
जन मन मंजु कंज मधुकर से।
जीह जसोमति हरि हलधर से॥
Svād toṣ sam sugati sudhā ke,
kamaṭh Seṣ sam dhar basudhā ke.
Jan man mañju kañj madhukar se,
jīh Jasomati Hari Haladhar se.
147 of 1109
दो०—एकु छत्रु एकु मुकुटमनि सब बरननि पर जोउ।
तुलसी रघुबर नाम के बरन बिराजत दोउ ॥२०॥
Do—Eku chhatru eku mukuṭmani sab barani par jou,
Tulasī Raghubar nām ke baran birājat dou. (20)
148 of 1109
समुझत सरिस नाम अरु नामी।
प्रीति परसपर प्रभु अनुगामी॥
नाम रूप दुइ ईस उपाधी।
अकथ अनादि सुसामुझि साधी॥
Samujhat saris nām aru nāmī,
prīti parasapar prabhu anugāmī.
Nām rūp dui īs upādhī,
akath anādi susāmujhi sādhī.
149 of 1109
को बड़ छोट कहत अपराधू।
सुनि गुन भेदु समुझिहहिं साधू॥
देखिअहिं रूप नाम आधीना।
रूप ग्यान नहिं नाम बिहीना॥
Ko baḍ chhoṭ kahat aparādhū,
suni gun bhedu samujhihahiṅ sādhū.
Dekhiahiṅ rūp nām ādhīnā,
rūp gyān nahiṅ nām bihīnā.
150 of 1109
रूप बिसेष नाम बिनु जानें।
करतल गत न परहिं पहिचानें॥
सुमिरिअ नाम रूप बिनु देखें।
आवत हृदयँ सनेह बिसेषें॥
Rūp biseṣ nām binu jānen,
karatal gat na parahiṅ pahichānen.
Sumiria nām rūp binu dekhen,
āvat hṛdayaṅ saneh biseṣen.
151 of 1109
नाम रूप गति अकथ कहानी।
समुझत सुखद न परति बखानी॥
अगुन सगुन बिच नाम सुसाखी।
उभय प्रबोधक चतुर दुभाषी॥
Nām rūp gati akath kahānī,
samujhat sukhad na parati bakhānī.
Agun sagun bich nām susākhī,
ubhay prabodhak chatur dubhāṣī.
152 of 1109
दो०—राम नाम मनिदीप धरु जीह देहरीं द्वार।
तुलसी भीतर बाहेरहुँ जौं चाहसि उजिआर ॥२१॥
Do—Rām nām manidīp dharu jīh deharīṅ dvār,
Tulasī bhītar bāherahuṅ jauṅ chāhasi ujiār. (21)
153 of 1109
नाम जीहँ जपि जागहिं जोगी।
बिरति बिरंचि प्रपंच बियोगी॥
ब्रह्मसुखहि अनुभवहिं अनूपा।
अकथ अनामय नाम न रूपा॥
Nām jīhaṅ japi jāgahiṅ jogī,
birati biraṅchi prapañch biyogī.
Brahmasukhahi anubhavahiṅ anūpā,
akath anāmay nām na rūpā.
154 of 1109
जाना चहहिं गूढ़ गति जेऊ।
नाम जीहँ जपि जानहिं तेऊ॥
साधक नाम जपहिं लय लाएँ।
होहिं सिद्ध अनिमादिक पाएँ॥
Jānā chahahiṅ gūḍh gati jeū,
nām jīhaṅ japi jānahiṅ teū.
Sādhak nām japahiṅ lay lāen,
hohiṅ siddh animādik pāen.
155 of 1109
जपहिं नामु जन आरत भारी।
मिटहिं कुसंकट होहिं सुखारी॥
राम भगत जग चारि प्रकारा।
सुकृती चारिउ अनघ उदारा॥
Japahiṅ nāmu jan ārat bhārī,
miṭahiṅ kusaṅkaṭ hohiṅ sukhārī.
Rām bhagat jag chāri prakārā,
sukṛtī chāriu anagh udārā.
156 of 1109
चहू चतुर कहुँ नाम अधारा।
ग्यानी प्रभुहि बिसेषि पिआरा॥
चहुँ जुग चहुँ श्रुति नाम प्रभाऊ।
कलि बिसेषि नहिं आन उपाऊ॥
Chahū chatur kahuṅ nām adhārā,
gyānī prabhuhi biseṣi piārā.
Chahuṅ jug chahuṅ shruti nām prabhāū,
kali biseṣi nahiṅ ān upāū.
157 of 1109
दो०—सकल कामना हीन जे राम भगति रस लीन।
नाम सुप्रेम पियूष हृद तिन्हहुँ किए मन मीन ॥२२॥
Do—Sakal kāmanā hīn je Rām bhagati ras līn,
nām suprem piyūṣ hṛad tinhahuṅ kie man mīn. (22)
158 of 1109
अगुन सगुन दुइ ब्रह्म सरूपा।
अकथ अगाध अनादि अनूपा॥
मोरें मत बड़ नामु दुहू तें।
किए जेहिं जुग निज बस निज बूतें॥
Agun sagun dui Brahma sarūpā,
akath agādh anādi anūpā.
Moren mat baḍ nāmu duhū ten,
kie jehiṅ jug nij bas nij būten.
159 of 1109
प्रौढ़ि सुजन जनि जानहिं जन की।
कहउँ प्रतीति प्रीति रुचि मन की॥
एकु दारुगत देखिअ एकू।
पावक सम जुग ब्रह्म बिबेकू॥
उभय अगम जुग सुगम नाम तें।
कहेउँ नामु बड़ ब्रह्म राम तें॥
ब्यापकु एकु ब्रह्म अबिनासी।
सत चेतन घन आनँद रासी॥
Prauḍhi sujan jani jānahiṅ jan kī,
kahauṅ pratīti prīti ruchi man kī.
Eku dārugat dekhia ekū,
pāvak sam jug Brahma bibekū.
Ubhay agam jug sugam nām ten,
kaheuṅ nāmu baḍ Brahma Rām ten.
Byāpaku eku Brahma abināsī,
sat chetan ghan ānand rāsī.
160 of 1109
अस प्रभु हृदयँ अछत अबिकारी।
सकल जीव जग दीन दुखारी॥
नाम निरूपन नाम जतन तें।
सोउ प्रगटत जिमि मोल रतन तें॥
As prabhu hṛdayaṅ achhat abikārī,
sakal jīv jag dīn dukhārī.
Nām nirūpan nām jatan ten,
sou pragaṭat jimi mol ratan ten.
161 of 1109
दो०—निरगुन तें एहि भाँति बड़ नाम प्रभाउ अपार।
कहउँ नामु बड़ राम तें निज बिचार अनुसार ॥२३॥
Do—Niragun ten ehi bhāṅti baḍ nām prabhāu apār,
kahauṅ nāmu baḍ Rām ten nij bichār anusār. (23)
162 of 1109
राम भगत हित नर तनु धारी।
सहि संकट किए साधु सुखारी॥
नामु सप्रेम जपत अनयासा।
भगत होहिं मुद मंगल बासा॥
Rām bhagat hit nar tanu dhārī,
sahi saṅkaṭ kie sādhu sukhārī.
Nāmu saprem japat anayāsā,
bhagat hohiṅ mud maṅgal bāsā.
163 of 1109
राम एक तापस तिय तारी।
नाम कोटि खल कुमति सुधारी॥
रिषि हित राम सुकेतुसुता की।
सहित सेन सुत कीन्हि बिबाकी॥
सहित दोष दुख दास दुरासा।
दलइ नामु जिमि रबि निसि नासा॥
भंजेउ राम आपु भव चापू।
भव भय भंजन नाम प्रतापू॥
Rām ek tāpas tiya tārī,
nām koṭi khal kumati sudhārī.
Riṣi hit Rām Suketusutā kī,
sahit sen sut kīnhi bibākī.
Sahit doṣ dukh dās durāsā,
dalai nāmu jimi rabi nisi nāsā.
Bhañjeu Rām āpu bhav chāpū,
bhav bhay bhañjan nām pratāpū.
164 of 1109
दंडक बनु प्रभु कीन्ह सुहावन।
जन मन अमित नाम किए पावन॥
निसिचर निकर दले रघुनंदन।
नामु सकल कलि कलुष निकंदन॥
Daṇḍak banu prabhu kīnha suhāvan,
jan man amit nām kie pāvan.
Nisichar nikar dale Raghunandan,
nāmu sakal kali kaluṣ nikandan.
165 of 1109
दो०—सबरी गीध सुसेवकनि सुगति दीन्हि रघुनाथ।
नाम उधारे अमित खल बेद बिदित गुन गाथ ॥२४॥
Do—Sabarī gīdh susevakani sugati dīnhi Raghunāth,
nām udhāre amit khal bed bidit gun gāth. (24)
166 of 1109
राम सुकंठ बिभीषन दोऊ।
राखे सरन जान सबु कोऊ॥
नाम गरीब अनेक नेवाजे।
लोक बेद बर बिरिद बिराजे॥
Rām Sukaṇṭh Bibhīṣan dou,
rākhe saran jān sabu kou.
Nām garīb anek nevāje,
lok bed bar birid birāje.
167 of 1109
राम भालु कपि कटकु बटोरा।
सेतु हेतु श्रमु कीन्ह न थोरा॥
नामु लेत भवसिंधु सुखाहीं।
करहु बिचारु सुजन मन माहीं॥
Rām bhālu kapi kaṭaku baṭorā,
setu hetu shramu kīnha na thorā.
Nāmu let bhavasindhu sukhāhīṅ,
karahu bichāru sujan man māhīṅ.
168 of 1109
राम सकुल रन रावनु मारा।
सीय सहित निज पुर पगु धारा॥
राजा रामु अवध रजधानी।
गावत गुन सुर मुनि बर बानी॥
सेवक सुमिरत नामु सप्रीती।
बिनु श्रम प्रबल मोह दलु जीती॥
फिरत सनेहँ मगन सुख अपनें।
नाम प्रसाद सोच नहिं सपनें॥
Rām sakul ran rāvanu mārā,
sīya sahit nij pur pagu dhārā.
Rājā rāmu avadh rajadhānī,
gāvat gun sur muni bar bānī.
Sevak sumirat nāmu saprītī,
binu shram prabal moh dalu jītī.
Phirat sanehaṅ magan sukh apaneṅ,
nām prasād soch nahiṅ sapaneṅ.
169 of 1109
दो०—ब्रह्म राम तें नामु बड़ बर दायक बर दानि।
रामचरित सत कोटि महँ लिय महेस जियँ जानि ॥२५॥
Do—Brahma rām teṅ nāmu baḍ bar dāyak bar dāni,
rāmcharit sat koṭi mahaṅ liya mahes jiyaṅ jāni. (25)
170 of 1109
नाम प्रसाद संभु अबिनासी।
साजु अमंगल मंगल रासी॥
सुक सनकादि सिद्ध मुनि जोगी।
नाम प्रसाद ब्रह्मसुख भोगी॥
Nām prasād sambhu abināsī,
sāju amaṅgal maṅgal rāsī.
Suk sanakādi siddh muni jogī,
nām prasād brahmasukh bhogī.
171 of 1109
नारद जानेउ नाम प्रतापू।
जग प्रिय हरि हरि हर प्रिय आपू॥
नामु जपत प्रभु कीन्ह प्रसादू।
भगत सिरोमनि भे प्रहलादू॥
Nārad jāneu nām pratāpū,
jag priya Hari Hari Har priya āpū.
Nāmu japat prabhu kīnha prasādū,
bhagat siromani bhe Prahalādū.
172 of 1109
ध्रुवँ सगलानि जपेउ हरि नाऊँ।
पायउ अचल अनूपम ठाऊँ॥
सुमिरि पवनसुत पावन नामू।
अपने बस करि राखे रामू॥
Dhruvaṅ sagalāni japeu hari nāūṅ,
pāyau achal anūpam ṭhāūṅ.
Sumiri pavansut pāvan nāmū,
apane bas kari rākhe rāmū.
173 of 1109
अपतु अजामिलु गजु गनिकाऊ।
भए मुकुत हरि नाम प्रभाऊ॥
कहौं कहाँ लगि नाम बड़ाई।
रामु न सकहिं नाम गुन गाई॥
Apatu ajāmilu gaju ganikāū,
bhae mukut hari nām prabhāū.
Kahauṅ kahāṅ lagi nām baḍāī,
rāmu na sakahiṅ nām gun gāī.
174 of 1109
दो०—नामु राम को कलपतरु कलि कल्यान निवासु।
जो सुमिरत भयो भाँग तें तुलसी तुलसीदासु ॥२६॥
Do—Nāmu rām ko kalapataru kali kalyān nivāsu,
jo sumirat bhayo bhāṅg teṅ tulasī tulasīdāsu. (26)
175 of 1109
चहुँ जुग तीनि काल तिहुँ लोका।
भए नाम जपि जीव बिसोका॥
बेद पुरान संत मत एहू।
सकल सुकृत फल राम सनेहू॥
Chahuṅ jug tīni kāl tihuṅ lokā,
bhae nām japi jīv bisokā.
Bed purān sant mat ehū,
sakal sukṛt phal rām sanehū.
176 of 1109
ध्यानु प्रथम जुग मखबिधि दूजें।
द्वापर परितोषत प्रभु पूजें॥
कलि केवल मल मूल मलीना।
पाप पयोनिधि जन मन मीना॥
Dhyānu pratham jug makhabidhi dūjeṅ,
dvāpar paritoṣat prabhu pūjeṅ.
Kali keval mal mūl malīnā,
pāp payonidhi jan man mīnā.
177 of 1109
नाम कामतरु काल कराला।
सुमिरत समन सकल जग जाला॥
राम नाम कलि अभिमत दाता।
हित परलोक लोक पितु माता॥
Nām kāmataru kāl karālā,
sumirat saman sakal jag jālā.
Rām nām kali abhimat dātā,
hit paralok lok pitu mātā.
178 of 1109
नहिं कलि करम न भगति बिबेकू।
राम नाम अवलंबन एकू॥
कालनेमि कलि कपट निधानू।
नाम सुमति समरथ हनुमानू॥
Nahiṅ kali karam na bhagati bibekū,
rām nām avalaṅban ekū.
Kālanemi kali kapaṭ nidhānū,
nām sumati samarath Hanumānū.
179 of 1109
दो०—राम नाम नरकेसरी कनककसिपु कलिकाल।
जापक जन प्रहलाद जिमि पालिहि दलि सुरसाल ॥२७॥
Do—Rām nām narakesarī kanakakasipu kalikāl,
jāpak jan Prahalād jimi pālihi dali surasāl. (27)
180 of 1109
भायँ कुभायँ अनख आलसहूँ।
नाम जपत मंगल दिसि दसहूँ॥
सुमिरि सो नाम राम गुन गाथा।
करउँ नाइ रघुनाथहि माथा॥
Bhāyaṅ kubhāyaṅ anakh ālasahūṅ,
nām japat maṅgal disi dasahūṅ.
Sumiri so nām rām gun gāthā,
karauṅ nāi Raghunāthahi māthā.
181 of 1109
मोरि सुधारिहि सो सब भाँती।
जासु कृपा नहिं कृपाँ अघाती॥
राम सुस्वामि कुसेवकु मोसो।
निज दिसि देखि दयानिधि पोसो॥
Mori sudhārihi so sab bhāṅtī,
jāsu kṛpā nahiṅ kṛpāṅ aghātī.
Rām susvāmi kusevaku moso,
nij disi dekhi dayānidhi poso.
182 of 1109
लोकहुँ बेद सुसाहिब रीती।
बिनय सुनत पहिचानत प्रीती॥
गनी गरीब ग्राम नर नागर।
पंडित मूढ़ मलीन उजागर॥
Lokahuṅ bed susāhib rītī,
binay sunat pahichānat prītī.
Ganī garīb grām nar nāgar,
paṇḍit mūḍh malīn ujāgar.
183 of 1109
सुकबि कुकबि निज मति अनुहारी।
नृपहि सराहत सब नर नारी॥
साधु सुजान सुसील नृपाला।
ईस अंस भव परम कृपाला॥
Sukabi kukabi nij mati anuhārī,
nṛpahi sarāhat sab nar nārī.
Sādhu sujān susīl nṛpālā,
īs aṅs bhav param kṛpālā.
184 of 1109
सुनि सनमानहिं सबहि सुबानी।
भनिति भगति नति गति पहिचानी॥
यह प्राकृत महिपाल सुभाऊ।
जान सिरोमनि कोसलराऊ॥
Suni sanamānahiṅ sabahi subānī,
bhaniti bhagati nati gati pahichānī.
Yah prākṛt mahipāl subhāū,
jān siromani Kosalarāū.
185 of 1109
रीझत राम सनेह निसोतें।
को जग मंद मलिनमति मोतें॥
Rījhat rām saneh nisoteṅ,
ko jag mand malinamati moteṅ.
186 of 1109
दो०—सठ सेवक की प्रीति रुचि रखिहहिं राम कृपालु।
उपल किए जलजान जेहिं सचिव सुमति कपि भालु ॥२८(क)॥
Do—Saṭh sevak kī prīti ruchi rakhihahiṅ rām kṛpālu,
upal kie jalajān jehiṅ sachiv sumati kapi bhālu. (28-a)
187 of 1109
हौंहु कहावत सबु कहत राम सहत उपहास।
साहिब सीतानाथ सो सेवक तुलसीदास ॥२८(ख)॥
Hauṅhu kahāvat sabu kahat rām sahat upahās,
sāhib Sītānāth so sevak Tulasīdās. (28-b)
188 of 1109
अति बड़ि मोरि ढिठाई खोरी।
सुनि अघ नरकहुँ नाक सकोरी॥
समुझि सहम मोहि अपडर अपनें।
सो सुधि राम कीन्हि नहिं सपनें॥
Ati baḍi mori ḍhiṭhāī khorī,
suni agh narakahuṅ nāk sakorī.
Samujhi saham mohi apaḍar apaneṅ,
so sudhi rām kīnhi nahiṅ sapaneṅ.
189 of 1109
सुनि अवलोकि सुचित चख चाही।
भगति मोरि मति स्वामि सराही॥
कहत नसाइ होइ हियँ नीकी।
रीझत राम जानि जन जी की॥
Suni avaloki suchit chakh chāhī,
bhagati mori mati svāmi sarāhī.
Kahat nasāi hoi hiyaṅ nīkī,
rījhat rām jāni jan jī kī.
190 of 1109
रहति न प्रभु चित चूक किए की।
करत सुरति सय बार हिए की॥
जेहिं अघ बधेउ ब्याध जिमि बाली।
फिरि सुकंठ सोइ कीन्हि कुचाली॥
Rahati na prabhu chit chūk kie kī,
karat surati say bār hie kī.
Jehiṅ agh badheu byādh jimi Bālī,
phiri sukaṇṭh soi kīnhi kuchālī.
191 of 1109
सोइ करतूति बिभीषन केरी।
सपनेहुँ सो न राम हियँ हेरी॥
ते भरतहि भेंटत सनमाने।
राजसभाँ रघुबीर बखाने॥
Soi karatūti Bibhīṣan kerī,
sapanehuṅ so na rām hiyaṅ herī.
Te Bharatahi bheṅṭat sanamāne,
rājasabhāṅ Raghubīr bakhāne.
192 of 1109
दो०—प्रभु तरु तर कपि डार पर ते किए आपु समान।
तुलसी कहूँ न राम से साहिब सीलनिधान ॥२९(क)॥
Do—Prabhu taru tar kapi ḍār par te kie āpu samān,
Tulasī kahūṅ na rām se sāhib sīlanidhān. (29-a)
193 of 1109
राम निकाई रावरी है सबही को नीक।
जौं यह साँची है सदा तौ नीको तुलसीक ॥२९(ख)॥
Rām nikāī rāvarī hai sabahī ko nīk,
jauṅ yah sāṅchī hai sadā tau nīko Tulasīk. (29-b)
194 of 1109
एहि बिधि निज गुन दोष कहि सबहि बहुरि सिरु नाइ।
बरनउँ रघुबर बिसद जसु सुनि कलि कलुष नसाइ ॥२९(ग)॥
Ehi bidhi nij gun doṣ kahi sabahi bahuri siru nāi,
baranauṅ Raghubar bisad jasu suni kali kaluṣ nasāi. (29-c)
195 of 1109
जागबलिक जो कथा सुहाई।
भरद्वाज मुनिबरहि सुनाई॥
कहिहउँ सोइ संबाद बखानी।
सुनहुँ सकल सज्जन सुखु मानी॥
Jāgabalik jo kathā suhāī,
Bharadvāj munibarahi sunāī.
Kahihauṅ soi sambād bakhānī,
sunahuṅ sakal sajjan sukhu mānī.
196 of 1109
संभु कीन्ह यह चरित सुहावा।
बहुरि कृपा करि उमहि सुनावा॥
सोइ सिव कागभुसुंडिहि दीन्हा।
राम भगत अधिकारी चीन्हा॥
Sambhu kīnha yah charit suhāvā,
bahuri kṛpā kari Umahi sunāvā.
Soi Siv Kāgabhusuṇḍihi dīnhā,
rām bhagat adhikārī chīnhā.
197 of 1109
तेहि सन जागबलिक पुनि पावा।
तिन्ह पुनि भरद्वाज प्रति गावा॥
ते श्रोता बकता समसीला।
सवँदरसी जानहिं हरिलीला॥
Tehi san Jāgabalik puni pāvā,
tinh puni Bharadvāj prati gāvā.
Te shrotā bakatā samasīlā,
savaṅdarasī jānahiṅ harilīlā.
198 of 1109
जानहिं तीनि काल निज ग्याना।
करतल गत आमलक समाना॥
औरउ जे हरिभगत सुजाना।
कहहिं सुनहिं समुझहिं बिधि नाना॥
Jānahiṅ tīni kāl nij gyānā,
karatal gat āmalak samānā.
Aurau je haribhagat sujānā,
kahahiṅ sunahiṅ samujhahiṅ bidhi nānā.
199 of 1109
दो०—मैं पुनि निज गुर सन सुनी कथा सो सूकरखेत।
समुझी नहिं तसि बालपन तब अति रहेउँ अचेत ॥३०(क)॥
Do—Maiṅ puni nij gur san sunī kathā so Sūkarakhet,
samujhī nahiṅ tasi bālapan tab ati raheuṅ achet. (30-a)
200 of 1109
श्रोता बकता ग्याननिधि कथा राम कै गूढ़।
किमि समुझौं मैं जीव जड़ कलि मल ग्रसित बिमूढ़ ॥३०(ख)॥
Shrotā bakatā gyānanidhi kathā rām kai gūḍh,
kimi samujhauṅ maiṅ jīv jaḍ kali mal grasit bimūḍh. (30-b)
201 of 1109
तदपि कही गुर बारहिं बारा।
समुझि परी कछु मति अनुसारा॥
भाषाबद्ध करबि मैं सोई।
मोरें मन प्रबोध जेहिं होई॥
Tadapi kahī gur bārahiṅ bārā,
samujhi parī kachhu mati anusārā.
Bhāṣābaddh karabi maiṅ soī,
moreṅ man prabodh jehiṅ hoī.
202 of 1109
जस कछु बुधि बिबेक बल मेरें।
तस कहिहउँ हियँ हरि के प्रेरें॥
निज संदेह मोह भ्रम हरनी।
करउँ कथा भव सरिता तरनी॥
Jas kachhu budhi bibek bal mereṅ,
tas kahihauṅ hiyaṅ hari ke pereṅ.
Nij sandeh moh bhram haranī,
karauṅ kathā bhav saritā taranī.
203 of 1109
बुध बिश्राम सकल जन रंजनि।
रामकथा कलि कलुष बिभंजनि॥
रामकथा कलि पंनग भरनी।
पुनि बिबेक पावक कहुँ अरनी॥
Budh bishrām sakal jan rañjani,
rāmakathā kali kaluṣ bibhañjani.
Rāmakathā kali pannag bharanī,
puni bibek pāvak kahuṅ aranī.
204 of 1109
रामकथा कलि कामद गाई।
सुजन सजीवनि मूरि सुहाई॥
सोइ बसुधातल सुधा तरंगिनि।
भय भंजनि भ्रम भेक भुअंगिनि॥
Rāmakathā kali kāmad gāī,
sujan sajīvani mūri suhāī.
Soi basudhātal sudhā taraṅgini,
bhay bhañjani bhram bhek bhuaṅgini.
205 of 1109
असुर सेन सम नरक निकंदिनि।
साधु बिबुध कुल हित गिरिनंदिनि॥
संत समाज पयोधि रमा सी।
बिस्व भार भर अचल छमा सी॥
Asur sen sam narak nikandini,
sādhu bibudh kul hit girinandini.
Sant samāj payodhi ramā sī,
bisv bhār bhar achal chhamā sī.
206 of 1109
जम गन मुहँ मसि जग जमुना सी।
जीवन मुकुति हेतु जनु कासी॥
रामहि प्रिय पावनि तुलसी सी।
तुलसिदास हित हियँ हुलसी सी॥
Jam gan muhaṅ masi jag jamunā sī,
jīvan mukuti hetu janu kāsī.
Rāmahi priya pāvani tulasī sī,
Tulasidās hit hiyaṅ hulasī sī.
207 of 1109
सिवप्रिय मेकल सैल सुता सी।
सकल सिद्धि सुख संपति रासी॥
सदगुन सुरगन अंब अदिति सी।
रघुबर भगति प्रेम परमिति सी॥
Sivapriya Mekal sail sutā sī,
sakal siddhi sukh sampati rāsī.
Sadgun suragan amb aditi sī,
Raghubar bhagati prem paramiti sī.
208 of 1109
दो०—रामकथा मंदाकिनी चित्रकूट चित चारु।
तुलसी सुभग सनेह बन सिय रघुबीर बिहारु ॥३१॥
Do—Rāmakathā Mandākinī Chitrakūṭ chit chāru,
Tulasī subhag saneh ban Siya Raghubīr bihāru. (31)
209 of 1109
रामचरित चिंतामनि चारू।
संत सुमति तिय सुभग सिंगारू॥
जग मंगल गुनग्राम राम के।
दानि मुकुति धन धरम धाम के॥
Rāmacharit chiṅtāmani chārū,
sant sumati tiya subhag siṅgārū.
Jag maṅgal gunagrām rām ke,
dāni mukuti dhan dharam dhām ke.
210 of 1109
सदगुर ग्यान बिराग जोग के।
बिबुध बैद भव भीम रोग के॥
जननि जनक सिय राम प्रेम के।
बीज सकल ब्रत धरम नेम के॥
Sadgur gyān birāg jog ke,
bibudh baid bhav bhīm rog ke.
Janani janak Siya Rām prem ke,
bīj sakal brat dharam nem ke.
211 of 1109
समन पाप संताप सोक के।
प्रिय पालक परलोक लोक के॥
सचिव सुभट भूपति बिचार के।
कुंभज लोभ उदधि अपार के॥
Saman pāp santāp sok ke,
priya pālak paralok lok ke.
Sachiv subhaṭ bhūpati bichār ke,
kuṅbhaj lobh udadhi apār ke.
212 of 1109
काम कोह कलिमल करिगन के।
केहरि सावक जन मन बन के॥
अतिथि पूज्य प्रियतम पुरारि के।
कामद घन दारिद दवारि के॥
Kām koh kalimal karigan ke,
kehari sāvak jan man ban ke.
Atithi pūjya priyatam Purāri ke,
kāmad ghan dārid davāri ke.
213 of 1109
मंत्र महामनि बिषय ब्याल के।
मेटत कठिन कुअंक भाल के॥
हरन मोह तम दिनकर कर से।
सेवक सालि पाल जलधर से॥
Mantra mahāmani biṣay byāl ke,
meṭat kaṭhin kuaṅk bhāl ke.
Haran moh tam dinakar kar se,
sevak sāli pāl jaladhar se.
214 of 1109
अभिमत दानि देवतरु बर से।
सेवत सुलभ सुखद हरि हर से॥
सुकबि सरद नभ मन उडगन से।
रामभगत जन जीवन धन से॥
Abhimat dāni devataru bar se,
sevat sulabh sukhad Hari Har se.
Sukabi sarad nabh man uḍagan se,
rāmabhagat jan jīvan dhan se.
215 of 1109
सकल सुकृत फल भूरि भोग से।
जग हित निरुपधि साधु लोग से॥
सेवक मन मानस मराल से।
पावन गंग तरंग माल से॥
Sakal sukṛt phal bhūri bhog se,
jag hit nirupadhi sādhu log se.
Sevak man mānas marāl se,
pāvan gaṅg taraṅg māl se.
216 of 1109
दो०—कुपथ कुतरक कुचालि कलि कपट दंभ पाषंड।
दहन राम गुन ग्राम जिमि इंधन अनल प्रचंड ॥३२(क)॥
Do—Kupath kutarak kuchāli kali kapaṭ daṅbh pāṣaṅḍ,
dahan rām gun grām jimi iṅdhan anal prachaṇḍ. (32-a)
217 of 1109
रामचरित राकेस कर सरिस सुखद सब काहु।
सज्जन कुमुद चकोर चित हित बिसेषि बड़ लाहु ॥३२(ख)॥
Rāmacharit rākes kar saris sukhad sab kāhu,
sajjan kumud chakor chit hit biseṣi baḍ lāhu. (32-b)
218 of 1109
कीन्हि प्रस्न जेहि भाँति भवानी।
जेहि बिधि संकर कहा बखानी॥
सो सब हेतु कहब मैं गाई।
कथा प्रबंध बिचित्र बनाई॥
Kīnhi prasna jehi bhāṅti Bhavānī,
jehi bidhi Saṅkar kahā bakhānī.
So sab hetu kahab maiṅ gāī,
kathā prabaṅdh bichitra banāī.
219 of 1109
जेहिं यह कथा सुनी नहिं होई।
जनि आचरजु करै सुनि सोई॥
कथा अलौकिक सुनहिं जे ग्यानी।
नहिं आचरजु करहिं अस जानी॥
रामकथा कै मिति जग नाहीं।
असि प्रतीति तिन्ह के मन माहीं॥
नाना भाँति राम अवतारा।
रामायन सत कोटि अपारा॥
Jehiṅ yah kathā sunī nahiṅ hoī,
jani ācharaju karai suni soī.
Kathā alaukik sunahiṅ je gyānī,
nahiṅ ācharaju karahiṅ as jānī.
Rāmakathā kai miti jag nāhīṅ,
asi pratīti tinh ke man māhīṅ.
Nānā bhāṅti rām avatārā,
Rāmāyan sat koṭi apārā.
220 of 1109
कलपभेद हरिचरित सुहाए।
भाँति अनेक मुनीसन्ह गाए॥
करिअ न संसय अस उर आनी।
सुनिअ कथा सादर रति मानी॥
Kalapabhed haricharit suhāe,
bhāṅti anek munīsanh gāe.
Karia na sansay as ur ānī,
sunia kathā sādar rati mānī.
221 of 1109
दो०—राम अनंत अनंत गुन अमित कथा बिस्तार।
सुनि आचरजु न मानिहहिं जिन्ह के बिमल बिचार ॥३३॥
Do—Rām anaṅt anaṅt gun amit kathā bistār,
suni ācharaju na mānihahiṅ jinh ke bimal bichār. (33)
222 of 1109
एहि बिधि सब संसय करि दूरी।
सिर धरि गुर पद पंकज धूरी॥
पुनि सबही बिनवउँ कर जोरी।
करत कथा जेहिं लाग न खोरी॥
Ehi bidhi sab sansay kari dūrī,
sir dhari gur pad paṅkaj dhūrī.
Puni sabahī binavauṅ kar jorī,
karat kathā jehiṅ lāg na khorī.
223 of 1109
सादर सिवहि नाइ अब माथा।
बरनउँ बिसद राम गुन गाथा॥
संबत सोरह सै एकतीसा।
करउँ कथा हरि पद धरि सीसा॥
Sādar sivahi nāi ab māthā,
baranauṅ bisad rām gun gāthā.
Sanbat sorah sai ekatīsā,
karauṅ kathā hari pad dhari sīsā.
224 of 1109
नौमी भौम बार मधुमासा।
अवधपुरीं यह चरित प्रकासा॥
जेहि दिन राम जनम श्रुति गावहिं।
तीरथ सकल तहाँ चलि आवहिं॥
Naumī bhaum bār madhumāsā,
Avadhapurīṅ yah charit prakāsā.
Jehi din rām janam shruti gāvahiṅ,
tīrath sakal tahāṅ chali āvahiṅ.
225 of 1109
असुर नाग खग नर मुनि देवा।
आइ करहिं रघुनायक सेवा॥
जन्म महोत्सव रचहिं सुजाना।
करहिं राम कल कीरति गाना॥
Asur nāg khag nar muni devā,
āi karahiṅ Raghunāyak sevā.
Janma mahotsav rachahiṅ sujānā,
karahiṅ rām kal kīrati gānā.
226 of 1109
दो०—मज्जहिं सज्जन बृंद बहु पावन सरजू नीर।
जपहिं राम धरि ध्यान उर सुंदर स्याम सरीर ॥३४॥
Do—Majjahiṅ sajjan bṛnd bahu pāvan Sarajū nīr,
japahiṅ rām dhari dhyān ur suṅdar syām sarīr. (34)
227 of 1109
दरस परस मज्जन अरु पाना।
हरइ पाप कह बेद पुराना॥
नदी पुनीत अमित महिमा अति।
कहि न सकइ सारदा बिमल मति॥
Daras paras majjan aru pānā,
harai pāp kah bed purānā.
Nadī punīt amit mahimā ati,
kahi na sakai Sāradā bimal mati.
228 of 1109
राम धामदा पुरी सुहावनि।
लोक समस्त बिदित अति पावनि॥
चारि खानि जग जीव अपारा।
अवध तजें तनु नहिं संसारा॥
Rām dhāmadā purī suhāvani,
lok samast bidit ati pāvani.
Chāri khāni jag jīv apārā,
Avadh tajeṅ tanu nahiṅ sansārā.
229 of 1109
सब बिधि पुरी मनोहर जानी।
सकल सिद्धिप्रद मंगल खानी॥
बिमल कथा कर कीन्ह अरंभा।
सुनत नसाहिं काम मद दंभा॥
Sab bidhi purī manohar jānī,
sakal siddhiprad maṅgal khānī.
Bimal kathā kar kīnha araṅbhā,
sunat nasāhiṅ kām mad daṅbhā.
230 of 1109
रामचरितमानस एहि नामा।
सुनत श्रवन पाइअ बिश्रामा॥
मन करि बिषय अनल बन जरई।
होइ सुखी जौं एहिं सर परई॥
Rāmacharitamānas ehi nāmā,
sunat shravan pāia bishrāmā.
Man kari biṣay anal ban jaraī,
hoi sukhī jauṅ ehiṅ sar paraī.
231 of 1109
रामचरितमानस मुनि भावन।
बिरचेउ संभु सुहावन पावन॥
त्रिबिध दोष दुख दारिद दावन।
कलि कुचालि कुलि कलुष नसावन॥
Rāmacharitamānas muni bhāvan,
biracheu sambhu suhāvan pāvan.
Tribidh doṣ dukh dārid dāvan,
kali kuchāli kuli kaluṣ nasāvan.
232 of 1109
रचि महेस निज मानस राखा।
पाइ सुसमउ सिवा सन भाषा॥
तातें रामचरितमानस बर।
धरेउ नाम हियँ हेरि हरषि हर॥
Rachi Mahes nij mānas rākhā,
pāi susamau Sivā san bhāṣā.
Tāteṅ Rāmacharitamānas bar,
dhareu nām hiyaṅ heri haraṣi Har.
233 of 1109
कहउँ कथा सोइ सुखद सुहाई।
सादर सुनहु सुजन मन लाई॥
Kahauṅ kathā soi sukhad suhāī,
sādar sunahu sujan man lāī.
234 of 1109
दो०—जस मानस जेहि बिधि भयउ जग प्रचार जेहि हेतु।
अब सोइ कहउँ प्रसंग सब सुमिरि उमा बृषकेतु ॥३५॥
Do—Jas mānas jehi bidhi bhayau jag prachār jehi hetu,
ab soi kahauṅ prasaṅg sab sumiri Umā Bṛṣaketu. (35)
235 of 1109
संभु प्रसाद सुमति हियँ हुलसी।
रामचरितमानस कबि तुलसी॥
करइ मनोहर मति अनुहारी।
सुजन सुचित सुनि लेहु सुधारी॥
Sambhu prasād sumati hiyaṅ hulasī,
Rāmacharitamānas kabi Tulasī.
Karai manohar mati anuhārī,
sujan suchit suni lehu sudhārī.
236 of 1109
सुमति भूमि थल हृदय अगाधू।
बेद पुरान उदधि घन साधू॥
बरषहिं राम सुजस बर बारी।
मधुर मनोहर मंगलकारी॥
Sumati bhūmi thal hṛday agādhū,
bed purān udadhi ghan sādhū.
Baraṣahiṅ rām sujas bar bārī,
madhur manohar maṅgalakārī.
237 of 1109
लीला सगुन जो कहहिं बखानी।
सोइ स्वच्छता करइ मल हानी॥
प्रेम भगति जो बरनि न जाई।
सोइ मधुरता सुसीतलताई॥
Līlā sagun jo kahahiṅ bakhānī,
soi svachchhatā karai mal hānī.
Prem bhagati jo barani na jāī,
soi madhuratā susītalatāī.
238 of 1109
सो जल सुकृत साली हित होई।
राम भगत जन जीवन सोई॥
मेधा महि गत सो जल पावन।
सकिल श्रवन मग चलेउ सुहावन॥
भरेउ सुमानस सुथल थिराना।
सुखद सीत रुचि चारु चिराना॥
So jal sukṛt sālī hit hoī,
rām bhagat jan jīvan soī.
Medhā mahi gat so jal pāvan,
sakil shravan mag chaleu suhāvan.
Bhareu sumānas suthal thirānā,
sukhad sīt ruchi chāru chirānā.
239 of 1109
दो०—सुठि सुंदर संबाद बर बिरचे बुद्धि बिचारि।
तेइ एहि पावन सुभग सर घाट मनोहर चारि ॥३६॥
Do—Suṭhi suṅdar sanbād bar birache buddhi bichāri,
tei ehi pāvan subhag sar ghāṭ manohar chāri. (36)
240 of 1109
सप्त प्रबंध सुभग सोपाना।
ग्यान नयन निरखत मन माना॥
रघुपति महिमा अगुन अबाधा।
बरनब सोइ बर बारि अगाधा॥
Sapt prabaṅdh subhag sopānā,
gyān nayan nirakhat man mānā.
Raghupati mahimā agun abādhā,
baranab soi bar bāri agādhā.
241 of 1109
राम सीय जस सलिल सुधासम।
उपमा बीचि बिलास मनोरम॥
पुरइनि सघन चारु चौपाई।
जुगुति मंजु मनि सीप सुहाई॥
Rām sīya jas salil sudhāsam,
upamā bīchi bilās manoram.
Puraini saghan chāru chaupāī,
juguti mañju mani sīp suhāī.
242 of 1109
छंद सोरठा सुंदर दोहा।
सोइ बहुरंग कमल कुल सोहा॥
अरथ अनूप सुभाव सुभासा।
सोइ पराग मकरंद सुबासा॥
Chhaṅd soraṭhā suṅdar dohā,
soi bahuraṅg kamal kul sohā.
Arath anūp subhāv subhāsā,
soi parāg makaraṅd subāsā.
243 of 1109
सुकृत पुंज मंजुल अलि माला।
ग्यान बिराग बिचार मराला॥
धुनि अवरेब कबित गुन जाती।
मीन मनोहर ते बहुभाँती॥
Sukṛt puñj mañjul ali mālā,
gyān birāg bichār marālā.
Dhuni avareb kabit gun jātī,
mīn manohar te bahubhāṅtī.
244 of 1109
अरथ धरम कामादिक चारी।
कहब ग्यान बिग्यान बिचारी॥
नव रस जप तप जोग बिरागा।
ते सब जलचर चारु तड़ागा॥
Arath dharam kāmādik chārī,
kahab gyān bigyān bichārī.
Nav ras jap tap jog birāgā,
te sab jalachar chāru taḍāgā.
245 of 1109
सुकृती साधु नाम गुन गाना।
ते बिचित्र जलबिहग समाना॥
संतसभा चहुँ दिसि अवँराई।
श्रद्धा रितु बसंत सम गाई॥
Sukṛtī sādhu nām gun gānā,
te bichitra jalabihag samānā.
Santasabhā chahuṅ disi avaṅrāī,
shraddhā ritu basaṅt sam gāī.
246 of 1109
भगति निरूपन बिबिध बिधाना।
छमा दया दम लता बिताना॥
सम जम नियम फूल फल ग्याना।
हरि पद रति रस बेद बखाना॥
Bhagati nirūpan bibidh bidhānā,
chhamā dayā dam latā bitānā.
Sam jam niyam phūl phal gyānā,
hari pad rati ras bed bakhānā.
247 of 1109
औरउ कथा अनेक प्रसंगा।
तेइ सुक पिक बहुबरन बिहंगा॥
Aurau kathā anek prasaṅgā,
tei suk pik bahubaran bihaṅgā.
248 of 1109
दो०—पुलक बाटिका बाग बन सुख सुबिहंग बिहारु।
माली सुमन सनेह जल सींचत लोचन चारु ॥३७॥
Do—Pulak bāṭikā bāg ban sukh subihaṅg bihāru,
mālī suman saneh jal sīṅchat lochan chāru. (37)
249 of 1109
जे गावहिं यह चरित सँभारे।
तेइ एहि ताल चतुर रखवारे॥
सदा सुनहिं सादर नर नारी।
तेइ सुरबर मानस अधिकारी॥
Je gāvahiṅ yah charit sambhāre,
tei ehi tāl chatur rakhavāre.
Sadā sunahiṅ sādar nar nārī,
tei surabar mānas adhikārī.
250 of 1109
अति खल जे बिषई बग कागा।
एहि सर निकट न जाहिं अभागा॥
संबुक भेक सेवार समाना।
इहाँ न बिषय कथा रस नाना॥
Ati khal je biṣaī bag kāgā,
ehi sar nikaṭ na jāhiṅ abhāgā.
Sanbuk bhek sevār samānā,
ihāṅ na biṣay kathā ras nānā.
251 of 1109
तेहि कारन आवत हियँ हारे।
कामी काक बलाक बिचारे॥
आवत एहिं सर अति कठिनाई।
राम कृपा बिनु आइ न जाई॥
Tehi kāran āvat hiyaṅ hāre,
kāmī kāk balāk bichāre.
Āvat ehiṅ sar ati kaṭhināī,
rām kṛpā binu āi na jāī.
252 of 1109
कठिन कुसंग कुपंथ कराला।
तिन्ह के बचन बाघ हरि ब्याला॥
गृह कारज नाना जंजाला।
ते अति दुर्गम सैल बिसाला॥
Kaṭhin kusaṅg kupaṅth karālā,
tinh ke bachan bāgh hari byālā.
Gṛh kāraj nānā jaṅjālā,
te ati durgam sail bisālā.
253 of 1109
बन बहु बिषम मोह मद माना।
नदीं कुतर्क भयंकर नाना॥
Ban bahu biṣam moh mad mānā,
nadīṅ kutark bhayaṅkar nānā.
254 of 1109
दो०—जे श्रद्धा संबल रहित नहिं संतन्ह कर साथ।
तिन्ह कहुँ मानस अगम अति जिन्हहि न प्रिय रघुनाथ ॥३८॥
Do—Je shraddhā sanbal rahit nahiṅ santanh kar sāth,
tinh kahuṅ mānas agam ati jinhahi na priya Raghunāth. (38)
255 of 1109
जौं करि कष्ट जाइ पुनि कोई।
जातहिं नीद जुड़ाई होई॥
जड़ता जाड़ बिषम उर लागा।
गएहुँ न मज्जन पाव अभागा॥
Jauṅ kari kaṣṭ jāi puni koī,
jātahiṅ nīd juḍāī hoī.
Jaḍatā jāḍ biṣam ur lāgā,
gaehuṅ na majjan pāv abhāgā.
256 of 1109
करि न जाइ सर मज्जन पाना ।
फिरि आवइ समेत अभिमाना ॥
जौं बहोरि कोउ पूछन आवा ।
सर निंदा करि ताहि बुझावा ॥
सकल बिघ्न ब्यापहिं नहिं तेही ।
राम सुकृपाँ बिलोकहिं जेही ॥
सोइ सादर सर मज्जनु करई ।
महा घोर त्रयताप न जरई ॥
ते नर यह सर तजहिं न काऊ ।
जिन्ह कें राम चरन भल भाऊ ॥
जो नहाइ चह एहिं सर भाई ।
सो सतसंग करउ मन लाई ॥
अस मानस मानस चख चाही ।
भइ कबि बुद्धि बिमल अवगाही ॥
भयउ हृदयँ आनंद उछाहू ।
उमगेउ प्रेम प्रमोद प्रबाहू ॥
चली सुभग कबिता सरिता सो ।
राम बिमल जस जल भरिता सो ॥
सरजू नाम सुमंगल मूला ।
लोक बेद मत मंजुल कूला ॥
नदी पुनीत सुमानस नंदिनि ।
कलिमल तृन तरु मूल निकंदिनि ॥
श्रोता त्रिबिध समाज पुर ग्राम नगर दुहुँ कूल ।
संतसभा अनुपम अवध सकल सुमंगल मूल ॥३९॥
Kari na jāi sar majjan pānā,
phiri āvai samet abhimānā.
Jauṅ bahori kou pūchhan āvā,
sar nindā kari tāhi bujhāvā.
Sakal bighna byāpahiṅ nahiṅ tehī,
Rām sukṛipāṅ bilokahiṅ jehī.
Soi sādar sar majjanu karaī,
mahā ghor trayatāp na jaraī.
Te nar yah sar tajahiṅ na kāū,
jinh keṅ Rām charan bhal bhāū.
Jo nahāi chah ehiṅ sar bhāī,
so satsaṅg karau man lāī.
As mānas mānas chakh chāhī,
bhai kabi buddhi bimal avagāhī.
Bhayau hṛidayaṅ ānand uchhāhū,
umageu prem pramod prabāhū.
Chalī subhag kabitā saritā so,
Rām bimal jas jal bharitā so.
Sarajū nām sumaṅgal mūlā,
lok bed mat maṅjul kūlā.
Nadī punīt sumānas nandini,
kalimal tṛin taru mūl nikandini.
Shrotā tribidh samāj pur grām nagar duhuṅ kūl,
santasabhā anupam Avadh sakal sumaṅgal mūl. (39)
257 of 1109
रामभगति सुरसरितहि जाई ।
मिली सुकीरति सरजु सुहाई ॥
सानुज राम समर जसु पावन ।
मिलेउ महानदु सोन सुहावन ॥
जुग बिच भगति देवधुनि धारा ।
सोहति सहित सुबिरति बिचारा ॥
त्रिबिध ताप त्रासक तिमुहानी ।
राम सरूप सिंधु समुहानी ॥
मानस मूल मिली सुरसरिही ।
सुनत सुजन मन पावन करिही ॥
बिच बिच कथा बिचित्र बिभागा ।
जनु सरि तीर तीर बन बागा ॥
उमा महेस बिबाह बराती ।
ते जलचर अगनित बहुभाँती ॥
रघुबर जनम अनंद बधाई ।
भवँर तरंग मनोहरताई ॥
बालचरित चहु बंधु के बनज बिपुल बहुरंग ।
नृप रानी परिजन सुकृत मधुकर बारि बिहंग ॥४०॥
Rāmbhagati surasaritahi jāī,
milī sukīrati saraju suhāī.
Sānuj Rām samar jasu pāvan,
mileu mahānadu Son suhāvan.
Jug bich bhagati devadhuni dhārā,
sohati sahit subirati bichārā.
Tribidh tāp trāsak timuhānī,
Rām sarūp sindhu samuhānī.
Mānas mūl milī surasarihī,
sunat sujan man pāvan karihī.
Bich bich kathā bichitra bibhāgā,
janu sari tīr tīr ban bāgā.
Umā Mahes bibāh barātī,
te jalachar aganit bahubhāṅtī.
Raghubar janam anand badhāī,
bhavaṅr taraṅg manoharatāī.
Bālcharit chahu bandhu ke banaj bipul bahuraṅg,
nṛip rānī parijan sukṛit madhukar bāri bihaṅg. (40)
258 of 1109
सीय स्वयंबर कथा सुहाई ।
सरित सुहावनि सो छबि छाई ॥
नदी नाव पटु प्रस्न अनेका ।
केवट कुसल उतर सबिबेका ॥
सुनि अनुकथन परस्पर होई ।
पथिक समाज सोह सरि सोई ॥
घोर धार भृगुनाथ रिसानी ।
घाट सुबद्ध राम बर बानी ॥
सानुज राम बिबाह उछाहू ।
सो सुभ उमग सुखद सब काहू ॥
कहत सुनत हरषहिं पुलकाहीं ।
ते सुकृती मन मुदित नहाहीं ॥
राम तिलक हित मंगल साजा ।
परब जोग जनु जुरे समाजा ॥
काई कुमति केकई केरी ।
परी जासु फल बिपति घनेरी ॥
समन अमित उतपात सब भरतचरित जपजाग ।
कलि अघ खल अवगुन कथन ते जलमल बग काग ॥४१॥
Sīya swayambar kathā suhāī,
sarit suhāvani so chhabi chhāī.
Nadī nāv paṭu prasna anekā,
kevaṭ kusal utar sabibekā.
Suni anukathan paraspar hoī,
pathik samāj soh sari soī.
Ghor dhār Bhṛigunāth risānī,
ghāṭ subaddha Rām bar bānī.
Sānuj Rām bibāh uchhāhū,
so subh umag sukhad sab kāhū.
Kahat sunat haraṣahiṅ pulakāhīṅ,
te sukṛitī man mudit nahāhīṅ.
Rām tilak hit maṅgal sājā,
parab jog janu jure samājā.
Kāī kumati Kekaī kerī,
parī jāsu phal bipati ghanerī.
Saman amit utpāt sab Bharatcharit japajāg,
kali agh khal avagun kathan te jalamal bag kāg. (41)
259 of 1109
कीरति सरित छहूँ रितु रूरी ।
समय सुहावनि पावनि भूरी ॥
हिम हिमसैलसुता सिव ब्याहू ।
सिसिर सुखद प्रभु जनम उछाहू ॥
बरनब राम बिबाह समाजू ।
सो मुद मंगलमय रितुराजू ॥
ग्रीषम दुसह राम बनगवनू ।
पंथकथा खर आतप पवनू ॥
बरषा घोर निसाचर रारी ।
सुरकुल सालि सुमंगलकारी ॥
राम राज सुख बिनय बड़ाई ।
बिसद सुखद सोइ सरद सुहाई ॥
सती सिरोमनि सिय गुन गाथा ।
सोइ गुन अमल अनूपम पाथा ॥
भरत सुभाउ सुसीतलताई ।
सदा एकरस बरनि न जाई ॥
अवलोकनि बोलनि मिलनि प्रीति परसपर हास ।
भायप भलि चहु बंधु की जल माधुरी सुबास ॥४२॥
Kīrati sarit chhahūṅ ritu rūrī,
samay suhāvani pāvani bhūrī.
Him Himasailasutā Siv byāhū,
sisir sukhad prabhu janam uchhāhū.
Baranab Rām bibāh samājū,
so mud maṅgalamay rituarājū.
Grīṣam dusah Rām banagavanū,
panthakathā khar ātap pavanū.
Barṣā ghor nisāchar rārī,
surakul sāli sumaṅgalakārī.
Rām rāj sukh binay baḍāī,
bisad sukhad soi sarad suhāī.
Satī siromani Siya gun gāthā,
soi gun amal anūpam pāthā.
Bharat subhāu susītalatāī,
sadā ekaras barani na jāī.
Avalokani bolani milani prīti paraspar hās,
bhāyap bhali chahu bandhu kī jal mādhurī subās. (42)
260 of 1109
आरति बिनय दीनता मोरी ।
लघुता ललित सुबारि न थोरी ॥
अदभुत सलिल सुनत गुनकारी ।
आस पिआस मनोमल हारी ॥
राम सुप्रेमहि पोषत पानी ।
हरत सकल कलि कलुष गलानी ॥
भव श्रम सोषक तोषक तोषा ।
समन दुरित दुख दारिद दोषा ॥
काम कोह मद मोह नसावन ।
बिमल बिबेक बिराग बढ़ावन ॥
सादर मज्जन पान किए तें ।
मिटहिं पाप परिताप हिए तें ॥
जिन्ह एहिं बारि न मानस धोए ।
ते कायर कलिकाल बिगोए ॥
तृषित निरखि रबि कर भव बारी ।
फिरिहहिं मृग जिमि जीव दुखारी ॥
मति अनुहारि सुबारि गुन गन गनि मन अन्हवाइ ।
सुमिरि भवानी संकरहि कह कबि कथा सुहाइ ॥४३(क)॥
अब रघुपति पद पंकरुह हियँ धरि पाइ प्रसाद ।
कहउँ जुगल मुनिबर्य कर मिलन सुभग संबाद ॥४३(ख)॥
Ārati binay dīnatā morī,
laghutā lalit subāri na thorī.
Adbhut salil sunat gunakārī,
ās piās manomal hārī.
Rām suprem hi poṣat pānī,
harat sakal kali kaluṣ galānī.
Bhav shram soṣak toṣak toṣā,
saman durit dukh dārid doṣā.
Kām koh mad moh nasāvan,
bimal bibek birāg baḍhāvan.
Sādar majjan pān kie teṅ,
miṭahiṅ pāp paritāp hie teṅ.
Jinh ehiṅ bāri na mānas dhoe,
te kāyar kalikāl bigoe.
Tṛiṣit nirakhi rabi kar bhav bārī,
phirihahiṅ mṛig jimi jīv dukhārī.
Mati anuhāri subāri gun gan gani man anhavāi,
sumiri Bhavānī Saṅkarahi kah kabi kathā suhāi. (43a)
Ab Raghupati pad paṅkaruh hiyaṅ dhari pāi prasād,
kahauṅ jugal munibarya kar milan subhag sambād. (43b)
261 of 1109
भरद्वाज मुनि बसहिं प्रयागा ।
तिन्हहि राम पद अति अनुरागा ॥
तापस सम दम दया निधाना ।
परमारथ पथ परम सुजाना ॥
माघ मकरगत रबि जब होई ।
तीरथपतिहिं आव सब कोई ॥
देव दनुज किंनर नर श्रेनीं ।
सादर मज्जहिं सकल त्रिबेनीं ॥
पूजहिं माधव पद जलजाता ।
परसि अखय बटु हरषहिं गाता ॥
भरद्वाज आश्रम अति पावन ।
परम रम्य मुनिबर मन भावन ॥
तहाँ होइ मुनि रिषय समाजा ।
जाहिं जे मज्जन तीरथराजा ॥
मज्जहिं प्रात समेत उछाहा ।
कहहिं परसपर हरि गुन गाहा ॥
ब्रह्म निरूपन धरम बिधि बरनहिं तत्त्व बिभाग ।
कहहिं भगति भगवंत कै संजुत ग्यान बिराग ॥४४॥
Bharadwāj muni basahiṅ Prayāgā,
tinhahi Rām pad ati anurāgā.
Tāpas sam dam dayā nidhānā,
paramārath path param sujānā.
Māgh makaragat rabi jab hoī,
tīrathapatihiṅ āv sab koī.
Dev danuj kinnar nar shrenīṅ,
sādar majjahiṅ sakal tribenīṅ.
Pūjahiṅ Mādhav pad jalajātā,
parasi akhay baṭu haraṣahiṅ gātā.
Bharadwāj āshram ati pāvan,
param ramya munibar man bhāvan.
Tahāṅ hoi muni riṣay samājā,
jāhiṅ je majjan tīratharājā.
Majjahiṅ prāt samet uchhāhā,
kahahiṅ paraspar hari gun gāhā.
Brahma nirūpan dharam bidhi baranahiṅ tattva bibhāg,
kahahiṅ bhagati bhagavant kai sanjut gyān birāg. (44)
262 of 1109
एहि प्रकार भरि माघ नहाहीं ।
पुनि सब निज निज आश्रम जाहीं ॥
प्रति संबत अति होइ अनंदा ।
मकर मज्जि गवनहिं मुनिबृंदा ॥
एक बार भरि मकर नहाए ।
सब मुनीस आश्रमन्ह सिधाए ॥
जागबलिक मुनि परम बिबेकी ।
भरद्वाज राखे पद टेकी ॥
सादर चरन सरोज पखारे ।
अति पुनीत आसन बैठारे ॥
करि पूजा मुनि सुजसु बखानी ।
बोले अति पुनीत मृदु बानी ॥
नाथ एक संसउ बड़ मोरें ।
करगत बेदतत्त्व सबु तोरें ॥
कहत सो मोहि लागत भय लाजा ।
जौं न कहउँ बड़ होइ अकाजा ॥
संत कहहिं असि नीति प्रभु श्रुति पुरान मुनि गाव ।
होइ न बिमल बिबेक उर गुर सन किएँ दुराव ॥४५॥
Ehi prakār bhari Māgh nahāhīṅ,
puni sab nij nij āshram jāhīṅ.
Prati sambat ati hoi anandā,
makar majji gavanahiṅ munibṛindā.
Ek bār bhari makar nahāe,
sab munīs āshramanh sidhāe.
Jāgabalik muni param bibekī,
Bharadwāj rākhe pad ṭekī.
Sādar charan saroj pakhāre,
ati punīt āsan baiṭhāre.
Kari pūjā muni sujasu bakhānī,
bole ati punīt mṛidu bānī.
Nāth ek sansau baḍ moreṅ,
karagat bedatattva sabu toreṅ.
Kahat so mohi lāgat bhay lājā,
jauṅ na kahauṅ baḍ hoi akājā.
Sant kahahiṅ asi nīti prabhu shruti purān muni gāv,
hoi na bimal bibek ur gur san kieṅ durāv. (45)
263 of 1109
अस बिचारि प्रगटउँ निज मोहू ।
हरहु नाथ करि जन पर छोहू ॥
राम नाम कर अमित प्रभावा ।
संत पुरान उपनिषद गावा ॥
संतत जपत संभु अबिनासी ।
सिव भगवान ग्यान गुन रासी ॥
आकर चारि जीव जग अहहीं ।
कासीं मरत परम पद लहहीं ॥
सोपि राम महिमा मुनिराया ।
सिव उपदेसु करत करि दाया ॥
रामु कवन प्रभु पूछउँ तोही ।
कहिअ बुझाइ कृपानिधि मोही ॥
एक राम अवधेस कुमारा ।
तिन्ह कर चरित बिदित संसारा ॥
नारि बिरहँ दुखु लहेउ अपारा ।
भयउ रोषु रन रावनु मारा ॥
प्रभु सोइ राम कि अपर कोउ जाहि जपत त्रिपुरारि ।
सत्यधाम सर्बग्य तुम्ह कहहु बिबेकु बिचारि ॥४६॥
As bichāri pragaṭauṅ nij mohū,
harahu nāth kari jan par chhohū.
Rām nām kar amit prabhāvā,
sant purān upaniṣad gāvā.
Santat japat Sambhu abināsī,
Siv bhagavān gyān gun rāsī.
Ākar chāri jīv jag ahahīṅ,
kāsīṅ marat param pad lahahīṅ.
Sopi Rām mahimā munirāyā,
Siv upadesu karat kari dāyā.
Rāmu kavan prabhu pūchhauṅ tohī,
kahia bujhāi kṛipānidhi mohī.
Ek Rām Avadhes kumārā,
tinh kar charit bidit sansārā.
Nāri birahaṅ dukhu laheu apārā,
bhayau roṣu ran Rāvanu mārā.
Prabhu soi Rām ki apar kou jāhi japat Tripurāri,
satyadhām sarbagya tumh kahahu bibeku bichāri. (46)
264 of 1109
जैसें मिटै मोर भ्रम भारी ।
कहहु सो कथा नाथ बिस्तारी ॥
जागबलिक बोले मुसुकाई ।
तुम्हहि बिदित रघुपति प्रभुताई ॥
रामभगत तुम्ह मन क्रम बानी ।
चतुराई तुम्हारि मैं जानी ॥
चाहहु सुनै राम गुन गूढ़ा ।
कीन्हिहु प्रस्न मनहुँ अति मूढ़ा ॥
तात सुनहु सादर मनु लाई ।
कहउँ राम कै कथा सुहाई ॥
महामोहु महिषेसु बिसाला ।
रामकथा कालिका कराला ॥
रामकथा ससि किरन समाना ।
संत चकोर करहिं जेहि पाना ॥
ऐसेइ संसय कीन्ह भवानी ।
महादेव तब कहा बखानी ॥
कहउँ सो मति अनुहारि अब उमा संभु संबाद ।
भयउ समय जेहि हेतु जेहि सुनु मुनि मिटिहि बिषाद ॥४७॥
Jaiseṅ miṭai mor bhram bhārī,
kahahu so kathā nāth bistārī.
Jāgabalik bole musukāī,
tumhahi bidit Raghupati prabhutāī.
Rāmbhagat tumh man kram bānī,
chaturāī tumhāri maiṅ jānī.
Chāhahu sunai Rām gun gūḍhā,
kīnhihu prasna manahuṅ ati mūḍhā.
Tāt sunahu sādar manu lāī,
kahauṅ Rām kai kathā suhāī.
Mahāmohu Mahiṣesu bisālā,
Rāmkathā Kālikā karālā.
Rāmkathā sasi kiran samānā,
sant chakor karahiṅ jehi pānā.
Aisei sansay kīnha Bhavānī,
Mahādev tab kahā bakhānī.
Kahauṅ so mati anuhāri ab Umā Sambhu sambād,
bhayau samay jehi hetu jehi sunu muni miṭihi biṣād. (47)
265 of 1109
एक बार त्रेता जुग माहीं ।
संभु गए कुंभज रिषि पाहीं ॥
संग सती जगजननि भवानी ।
पूजे रिषि अखिलेस्वर जानी ॥
रामकथा मुनिबर्ज बखानी ।
सुनी महेस परम सुखु मानी ॥
रिषि पूछी हरिभगति सुहाई ।
कही संभु अधिकारी पाई ॥
कहत सुनत रघुपति गुन गाथा ।
कछु दिन तहाँ रहे गिरिनाथा ॥
मुनि सन बिदा मागि त्रिपुरारी ।
चले भवन सँग दच्छकुमारी ॥
तेहि अवसर भंजन महिभारा ।
हरि रघुबंस लीन्ह अवतारा ॥
पिता बचन तजि राजु उदासी ।
दंडक बन बिचरत अबिनासी ॥
हृदयँ बिचारत जात हर केहि बिधि दरसनु होइ ।
गुपुत रूप अवतरेउ प्रभु गएँ जान सबु कोइ ॥४८(क)॥
संकर उर अति छोभु सती न जानहिं मरमु सोइ ।
तुलसी दरसन लोभु मन डरु लोचन लालची ॥४८(ख)॥
Ek bār Tretā jug māhīṅ,
Sambhu gae Kumbhaj riṣi pāhīṅ.
Saṅg Satī jagajanani Bhavānī,
pūje riṣi akhilesvar jānī.
Rāmkathā munibarja bakhānī,
sunī Mahes param sukhu mānī.
Riṣi pūchhī haribhagati suhāī,
kahī Sambhu adhikārī pāī.
Kahat sunat Raghupati gun gāthā,
kachhu din tahāṅ rahe girināthā.
Muni san bidā māgi Tripurārī,
chale bhavan saṅg Dachhakumārī.
Tehi avasar bhanjan mahibhārā,
Hari Raghubans līnha avatārā.
Pitā bachan taji rāju udāsī,
Daṇḍak ban bicharat abināsī.
Hṛidayaṅ bichārat jāt Har kehi bidhi darasanu hoi,
guput rūp avatareu prabhu gaeṅ jān sabu koi. (48a)
Saṅkar ur ati chhobhu Satī na jānahiṅ maramu soi,
Tulasī darasan lobhu man ḍaru lochan lālachī. (48b)
266 of 1109
रावन मरन मनुज कर जाचा ।
प्रभु बिधि बचनु कीन्ह चह साचा ॥
जौं नहिं जाउँ रहइ पछितावा ।
करत बिचारु न बनत बनावा ॥
एहि बिधि भए सोचबस ईसा ।
तेही समय जाइ दससीसा ॥
लीन्ह नीच मारीचहि संगा ।
भयउ तुरत सोइ कपट कुरंगा ॥
करि छलु मूढ़ हरी बैदेही ।
प्रभु प्रभाउ तस बिदित न तेही ॥
मृग बधि बंधु सहित हरि आए ।
आश्रमु देखि नयन जल छाए ॥
बिरह बिकल नर इव रघुराई ।
खोजत बिपिन फिरत दोउ भाई ॥
कबहूँ जोग बियोग न जाकें ।
देखा प्रगट बिरह दुखु ताकें ॥
अति बिचित्र रघुपति चरित जानहिं परम सुजान ।
जे मतिमंद बिमोह बस हृदयँ धरहिं कछु आन ॥४९॥
Rāvan maran manuj kar jāchā,
prabhu bidhi bachanu kīnha chah sāchā.
Jauṅ nahiṅ jāuṅ rahai pachhitāvā,
karat bichāru na banat banāvā.
Ehi bidhi bhae sochabas Īsā,
tehī samay jāi Dasasīsā.
Līnha nīch Mārīchahi saṅgā,
bhayau turat soi kapaṭ kuraṅgā.
Kari chhalu mūḍh harī Baidehī,
prabhu prabhāu tas bidit na tehī.
Mṛig badhi bandhu sahit Hari āe,
āshramu dekhi nayan jal chhāe.
Birah bikal nar iv Raghurāī,
khojat bipin phirat dou bhāī.
Kabahūṅ jog biyog na jākeṅ,
dekhā pragaṭ birah dukhu tākeṅ.
Ati bichitra Raghupati charit jānahiṅ param sujān,
je matimand bimoh bas hṛidayaṅ dharahiṅ kachhu ān. (49)
267 of 1109
संभु समय तेहि रामहि देखा ।
उपजा हियँ अति हरषु बिसेषा ॥
भरि लोचन छबिसिंधु निहारी ।
कुसमय जानि न कीन्हि चिन्हारी ॥
जय सच्चिदानंद जग पावन ।
अस कहि चलेउ मनोज नसावन ॥
चले जात सिव सती समेता ।
पुनि पुनि पुलकत कृपानिकेता ॥
सतीं सो दसा संभु कै देखी ।
उर उपजा संदेहु बिसेषी ॥
संकरु जगतबंद्य जगदीसा ।
सुर नर मुनि सब नावत सीसा ॥
तिन्ह नृपसुतहि कीन्ह परनामा ।
कहि सच्चिदानंद परधामा ॥
भए मगन छबि तासु बिलोकी ।
अजहुँ प्रीति उर रहति न रोकी ॥
ब्रह्म जो ब्यापक बिरज अज अकल अनीह अभेद ।
सो कि देह धरि होइ नर जाहि न जानत बेद ॥५०॥
Sambhu samay tehi Rāmahi dekhā,
upajā hiyaṅ ati haraṣu biseṣā.
Bhari lochan chhabisindhu nihārī,
kusamay jāni na kīnhi chinhārī.
Jay Sachchidānand jag pāvan,
as kahi chaleu Manoj nasāvan.
Chale jāt Siv Satī sametā,
puni puni pulakat kṛipāniketā.
Satīṅ so dasā Sambhu kai dekhī,
ur upajā sandehu biseṣī.
Saṅkaru jagatabandya jagadīsā,
sur nar muni sab nāvat sīsā.
Tinh nṛipasutahi kīnha paranāmā,
kahi Sachchidānand paradhāmā.
Bhae magan chhabi tāsu bilokī,
ajahuṅ prīti ur rahati na rokī.
Brahma jo byāpak biraj aj akal anīh abhed,
so ki deh dhari hoi nar jāhi na jānat bed. (50)
268 of 1109
बिष्नु जो सुर हित नरतनु धारी ।
सोउ सर्बग्य जथा त्रिपुरारी ॥
खोजइ सो कि अग्य इव नारी ।
ग्यानधाम श्रीपति असुरारी ॥
संभुगिरा पुनि मृषा न होई ।
सिव सर्बग्य जान सबु कोई ॥
अस संसय मन भयउ अपारा ।
होइ न हृदयँ प्रबोध प्रचारा ॥
जद्यपि प्रगट न कहेउ भवानी ।
हर अंतरजामी सब जानी ॥
सुनहि सती तव नारि सुभाऊ ।
संसय अस न धरिअ उर काऊ ॥
जासु कथा कुंभज रिषि गाई ।
भगति जासु मैं मुनिहि सुनाई ॥
सोइ मम इष्टदेव रघुबीरा ।
सेवत जाहि सदा मुनि धीरा ॥
मुनि धीर जोगी सिद्ध संतत बिमल मन जेहि ध्यावहीं ।
कहि नेति निगम पुरान आगम जासु कीरति गावहीं ॥
सोइ रामु ब्यापक ब्रह्म भुवन निकाय पति माया धनी ।
अवतरेउ अपने भगत हित निजतंत्र नित रघुकुलमनी ॥
लाग न उर उपदेसु जदपि कहेउ सिवँ बार बहु ।
बोले बिहसि महेसु हरिमाया बलु जानि जियँ ॥५१॥
Biṣnu jo sur hit naratanu dhārī,
sou sarbagya jathā Tripurārī.
Khojai so ki agya iv nārī,
gyānadhām Shrīpati asurārī.
Sambhugirā puni mṛiṣā na hoī,
Siv sarbagya jān sabu koī.
As sansay man bhayau apārā,
hoi na hṛidayaṅ prabodh prachārā.
Jadyapi pragaṭ na kaheu Bhavānī,
Har antarjāmī sab jānī.
Sunahi Satī tav nāri subhāū,
sansay as na dharia ur kāū.
Jāsu kathā Kumbhaj riṣi gāī,
bhagati jāsu maiṅ munihi sunāī.
Soi mam iṣṭadev Raghubīrā,
sevat jāhi sadā muni dhīrā.
Muni dhīr jogī siddha santat bimal man jehi dhyāvahīṅ,
kahi neti nigam purān āgam jāsu kīrati gāvahīṅ.
Soi Rāmu byāpak Brahma bhuvan nikāy pati māyā dhanī,
avatareu apane bhagat hit nijatantra nit Raghukulamanī.
Lāg na ur upadesu jadapi kaheu sivaṅ bār bahu,
bole bihasi Mahesu harimāyā balu jāni jiyaṅ. (51)
269 of 1109
जौं तुम्हरें मन अति संदेहू ।
तौ किन जाइ परीछा लेहू ॥
तब लगि बैठ अहउँ बटछाहीं ।
जब लगि तुम्ह ऐहहु मोहि पाहीं ॥
जैसें जाइ मोह भ्रम भारी ।
करेहु सो जतनु बिबेक बिचारी ॥
चलीं सती सिव आयसु पाई ।
करहिं बिचारु करौं का भाई ॥
इहाँ संभु अस मन अनुमाना ।
दच्छसुता कहुँ नहिं कल्याना ॥
मोरेहु कहें न संसय जाहीं ।
बिधि बिपरीत भलाई नाहीं ॥
होइहि सोइ जो राम रचि राखा ।
को करि तर्कं बढ़ावै साखा ॥
अस कहि लगे जपन हरिनामा ।
गईं सती जहँ प्रभु सुखधामा ॥
पुनि पुनि हृदयँ बिचारु करि धरि सीता कर रूप ।
आगें होइ चलि पंथ तेहिं जेहिं आवत नरभूप ॥५२॥
Jauṅ tumhareṅ man ati sandehū,
tau kin jāi parīchhā lehū.
Tab lagi baiṭh ahauṅ baṭachhāhīṅ,
jab lagi tumh aihahu mohi pāhīṅ.
Jaiseṅ jāi moh bhram bhārī,
karehu so jatanu bibek bichārī.
Chalīṅ Satī Siv āyasu pāī,
karahiṅ bichāru karauṅ kā bhāī.
Ihāṅ Sambhu as man anumānā,
Dachhasutā kahuṅ nahiṅ kalyānā.
Morehu kaheṅ na sansay jāhīṅ,
bidhi biparīt bhalāī nāhīṅ.
Hoihi soi jo Rām rachi rākhā,
ko kari tarkaṅ baḍhāvai sākhā.
As kahi lage japan Harināmā,
gaīṅ Satī jahaṅ prabhu sukhadhāmā.
Puni puni hṛidayaṅ bichāru kari dhari Sītā kar rūp,
āgeṅ hoi chali panth tehiṅ jehiṅ āvat narabhūp. (52)
270 of 1109
लछिमन दीख उमाकृत बेषा ।
चकित भए भ्रम हृदयँ बिसेषा ॥
कहि न सकत कछु अति गंभीरा ।
प्रभु प्रभाउ जानत मतिधीरा ॥
सती कपटु जानेउ सुरस्वामी ।
सबदरसी सब अंतरजामी ॥
सुमिरत जाहि मिटइ अग्याना ।
सोइ सर्बग्य रामु भगवाना ॥
सती कीन्ह चह तहँहुँ दुराऊ ।
देखहु नारि सुभाव प्रभाऊ ॥
निज माया बलु हृदयँ बखानी ।
बोले बिहसि रामु मृदु बानी ॥
जोरि पानि प्रभु कीन्ह प्रनामू ।
पिता समेत लीन्ह निज नामू ॥
कहेउ बहोरि कहाँ बृषकेतू ।
बिपिन अकेलि फिरहु केहि हेतू ॥
राम बचन मृदु गूढ़ सुनि उपजा अति संकोचु ।
सती सभीत महेस पहिं चलीं हृदयँ बड़ सोचु ॥५३॥
Lachhiman dīkh Umākṛit beṣā,
chakit bhae bhram hṛidayaṅ biseṣā.
Kahi na sakat kachhu ati gambhīrā,
prabhu prabhāu jānat matidhīrā.
Satī kapaṭu jāneu Suraswāmī,
sabadarasī sab antarjāmī.
Sumirat jāhi miṭai agyānā,
soi sarbagya Rāmu bhagavānā.
Satī kīnha chah tahaṅhuṅ durāū,
dekhahu nāri subhāv prabhāū.
Nij māyā balu hṛidayaṅ bakhānī,
bole bihasi Rāmu mṛidu bānī.
Jori pāni prabhu kīnha pranāmū,
pitā samet līnha nij nāmū.
Kaheu bahori kahāṅ Bṛiṣaketū,
bipin akeli phirahu kehi hetū.
Rām bachan mṛidu gūḍh suni upajā ati saṅkochu,
Satī sabhīt Mahes pahiṅ chalīṅ hṛidayaṅ baḍ sochu. (53)
271 of 1109
मैं संकर कर कहा न माना ।
निज अग्यानु राम पर आना ॥
जाइ उतरु अब देहउँ काहा ।
उर उपजा अति दारुन दाहा ॥
जाना राम सतीं दुखु पावा ।
निज प्रभाउ कछु प्रगटि जनावा ॥
सतीं दीख कौतुक मग जाता ।
आगें रामु सहित श्री भ्राता ॥
फिरि चितवा पाछें प्रभु देखा ।
सहित बंधु सिय सुंदर बेषा ॥
जहँ चितवहिं तहँ प्रभु आसीना ।
सेवहिं सिद्ध मुनीस प्रबीना ॥
देखे सिव बिधि बिष्नु अनेका ।
अमित प्रभाउ एक तें एका ॥
बंदत चरन करत प्रभु सेवा ।
बिबिध बेष देखे सब देवा ॥
सती बिधात्री इंदिरा देखीं अमित अनूप ।
जेहिं जेहिं बेष अजादि सुर तेहि तेहि तन अनुरूप ॥५४॥
Maiṅ Saṅkar kar kahā na mānā,
nij agyānu Rām par ānā.
Jāi utaru ab dehauṅ kāhā,
ur upajā ati dārun dāhā.
Jānā Rām Satīṅ dukhu pāvā,
nij prabhāu kachhu pragaṭi janāvā.
Satīṅ dīkh kautuk mag jātā,
āgeṅ Rāmu sahit shrī bhrātā.
Phiri chitavā pāchheṅ prabhu dekhā,
sahit bandhu Siya sundar beṣā.
Jahaṅ chitavahiṅ tahaṅ prabhu āsīnā,
sevahiṅ siddha munīs prabīnā.
Dekhe Siv Bidhi Biṣnu anekā,
amit prabhāu ek teṅ ekā.
Bandat charan karat prabhu sevā,
bibidh beṣ dekhe sab devā.
Satī Bidhātrī Indirā dekhīṅ amit anūp,
jehiṅ jehiṅ beṣ ajādi sur tehi tehi tan anurūp. (54)
272 of 1109
देखे जहँ तहँ रघुपति जेते ।
सक्तिन्ह सहित सकल सुर तेते ॥
जीव चराचर जो संसारा ।
देखे सकल अनेक प्रकारा ॥
पूजहिं प्रभुहि देव बहु बेषा ।
राम रूप दूसर नहिं देखा ॥
अवलोके रघुपति बहुतेरे ।
सीता सहित न बेष घनेरे ॥
सोइ रघुबर सोइ लछिमनु सीता ।
देखि सती अति भई सभीता ॥
हृदय कंप तन सुधि कछु नाहीं ।
नयन मूदि बैठीं मग माहीं ॥
बहुरि बिलोकेउ नयन उघारी ।
कछु न दीख तहँ दच्छकुमारी ॥
पुनि पुनि नाइ राम पद सीसा ।
चलीं तहाँ जहँ रहे गिरीसा ॥
गईं समीप महेस तब हँसि पूछी कुसलात ।
लीन्हि परीछा कवन बिधि कहहु सत्य सब बात ॥५५॥
Dekhe jahaṅ tahaṅ Raghupati jete,
saktinh sahit sakal sur tete.
Jīv charāchar jo sansārā,
dekhe sakal anek prakārā.
Pūjahiṅ prabhuhi dev bahu beṣā,
Rām rūp dūsar nahiṅ dekhā.
Avaloke Raghupati bahutere,
Sītā sahit na beṣ ghanere.
Soi Raghubar soi Lachhimanu Sītā,
dekhi Satī ati bhaī sabhītā.
Hṛiday kamp tan sudhi kachhu nāhīṅ,
nayan mūdi baiṭhīṅ mag māhīṅ.
Bahuri bilokeu nayan ughārī,
kachhu na dīkh tahaṅ Dachhakumārī.
Puni puni nāi Rām pad sīsā,
chalīṅ tahāṅ jahaṅ rahe Girīsā.
Gaīṅ samīp Mahes tab haṅsi pūchhī kusalāt,
līnhi parīchhā kavan bidhi kahahu satya sab bāt. (55)
273 of 1109
सतीं समुझि रघुबीर प्रभाऊ ।
भय बस सिव सन कीन्ह दुराऊ ॥
कछु न परीछा लीन्हि गोसाईं ।
कीन्ह प्रनामु तुम्हारिहि नाईं ॥
Satīṅ samujhi Raghubīr prabhāū,
bhay bas Siv san kīnha durāū.
Kachhu na parīchhā līnhi gosāīṅ,
kīnha pranāmu tumhārihi nāīṅ.
274 of 1109
जो तुम्ह कहा सो मृषा न होई।
मोरें मन प्रतीति अति सोई॥
तब संकर देखेउ धरि ध्याना।
सतीं जो कीन्ह चरित सबु जाना॥
बहुरि राममायहि सिरु नावा।
प्रेरि सतिहि जेहिं झूँठ कहावा॥
हरि इच्छा भावी बलवाना।
हृदयँ बिचारत संभु सुजाना॥
सतीं कीन्ह सीता कर बेषा।
सिव उर भयउ बिषाद बिसेषा॥
जौं अब करउँ सती सन प्रीती।
मिटइ भगति पथु होइ अनीती॥
Jo tumh kahā so mṛiṣā na hoī,
moreṅ man pratīti ati soī.
Tab Saṅkar dekheu dhari dhyānā,
satīṅ jo kīnha charit sabu jānā.
Bahuri Rāmamāyahi siru nāvā,
preri satihi jehiṅ jhūṅṭh kahāvā.
Hari ichchhā bhāvī balavānā,
hṛidayaṅ bichārat Sambhu sujānā.
Satīṅ kīnha Sītā kar beṣā,
Siv ur bhayau biṣād biseṣā.
Jauṅ ab karauṅ satī san prītī,
miṭai bhagati pathu hoi anītī.
275 of 1109
दो०—परम पुनीत न जाइ तजि किएँ प्रेम बड़ पापु।
प्रगटि न कहत महेसु कछु हृदयँ अधिक संतापु ॥५६॥
Do—Param punīt na jāi taji kieṅ prem baḍ pāpu,
pragaṭi na kahat Mahesu kachhu hṛidayaṅ adhik santāpu. (56)
276 of 1109
तब संकर प्रभु पद सिरु नावा।
सुमिरत रामु हृदयँ अस आवा॥
एहिं तन सतिहि भेट मोहि नाहीं।
सिव संकल्पु कीन्ह मन माहीं॥
अस बिचारि संकरु मतिधीरा।
चले भवन सुमिरत रघुबीरा॥
चलत गगन भै गिरा सुहाई।
जय महेस भलि भगति दृढ़ाई॥
अस पन तुम्ह बिनु करइ को आना।
रामभगत समरथ भगवाना॥
सुनि नभगिरा सती उर सोचा।
पूछा सिवहि समेत सकोचा॥
Tab Saṅkar prabhu pad siru nāvā,
sumirat Rāmu hṛidayaṅ as āvā.
Ehiṅ tan satihi bheṭ mohi nāhīṅ,
Siv saṅkalpu kīnha man māhīṅ.
As bichāri Saṅkaru matidhīrā,
chale bhavan sumirat Raghubīrā.
Chalat gagan bhai girā suhāī,
jay Mahes bhali bhagati dṛiḍhāī.
As pan tumh binu karai ko ānā,
Rāmabhagat samarath bhagavānā.
Suni nabhagirā satī ur sochā,
pūchhā sivahi samet sakochā.
277 of 1109
कीन्ह कवन पन कहहु कृपाला।
सत्यधाम प्रभु दीनदयाला॥
जदपि सतीं पूछा बहु भाँती।
तदपि न कहेउ त्रिपुर आराती॥
Kīnha kavan pan kahahu kṛipālā,
satyadhām prabhu dīnadayālā.
Jadapi satīṅ pūchhā bahu bhāṅtī,
tadapi na kaheu Tripur ārātī.
278 of 1109
दो०—सतीं हृदयँ अनुमान किय सबु जानेउ सर्बग्य।
कीन्ह कपटु मैं संभु सन नारि सहज जड़ अग्य ॥५७(क)॥
Do—Satīṅ hṛidayaṅ anumān kiy sabu jāneu sarbagya,
kīnha kapaṭu maiṅ Sambhu san nāri sahaj jaḍ agya. (57-a)
279 of 1109
सो०—जलु पय सरिस बिकाइ देखहु प्रीति कि रीति भलि।
बिलग होइ रसु जाइ कपट खटाई परत पुनि ॥५७(ख)॥
So—Jalu pay saris bikāi dekhahu prīti ki rīti bhali,
bilag hoi rasu jāi kapaṭ khaṭāī parat puni. (57-b)
280 of 1109
हृदयँ सोचु समुझत निज करनी।
चिंता अमित जाइ नहिं बरनी॥
कृपासिंधु सिव परम अगाधा।
प्रगट न कहेउ मोर अपराधा॥
संकर रुख अवलोकि भवानी।
प्रभु मोहि तजेउ हृदयँ अकुलानी॥
निज अघ समुझि न कछु कहि जाई।
तपइ अवाँ इव उर अधिकाई॥
सतिहि ससोच जानि बृषकेतू।
कहीं कथा सुंदर सुखहेतू॥
बरनत पंथ बिबिध इतिहासा।
बिस्वनाथ पहुँचे कैलासा॥
Hṛidayaṅ sochu samujhat nij karanī,
chintā amit jāi nahiṅ baranī.
Kṛipāsindhu Siv param agādhā,
pragaṭ na kaheu mor aparādhā.
Saṅkar rukh avaloki Bhavānī,
prabhu mohi tajeu hṛidayaṅ akulānī.
Nij agh samujhi na kachhu kahi jāī,
tapai avāṅ iv ur adhikāī.
Satihi sasoch jāni Bṛiṣaketū,
kahīṅ kathā sundar sukhahetū.
Baranat panth bibidh itihāsā,
Biswanāth pahuṅche Kailāsā.
281 of 1109
तहँ पुनि संभु समुझि पन आपन।
बैठे बटतर करि कमलासन॥
संकर सहज सरूपु सम्हारा।
लागि समाधि अखंड अपारा॥
Tahaṅ puni Sambhu samujhi pan āpan,
baiṭhe baṭatar kari kamalāsan.
Saṅkar sahaj sarūpu samhārā,
lāgi samādhi akhaṅḍ apārā.
282 of 1109
दो०—सती बसहिं कैलास तब अधिक सोचु मन माहिं।
मरमु न कोऊ जान कछु जुग सम दिवस सिराहिं ॥५८॥
Do—Satī basahiṅ Kailās tab adhik sochu man māhiṅ,
maramu na koū jān kachhu jug sam divas sirāhiṅ. (58)
283 of 1109
नित नव सोचु सती उर भारा।
कब जैहउँ दुख सागर पारा॥
मैं जो कीन्ह रघुपति अपमाना।
पुनि पतिबचनु मृषा करि जाना॥
सो फलु मोहि बिधाताँ दीन्हा।
जो कछु उचित रहा सोइ कीन्हा॥
अब बिधि अस बूझिअ नहिं तोही।
संकर बिमुख जिआवसि मोही॥
कहि न जाइ कछु हृदय गलानी।
मन महुँ रामहि सुमिर सयानी॥
जौं प्रभु दीनदयालु कहावा।
आरति हरन बेद जसु गावा॥
तौ मैं बिनय करउँ कर जोरी।
छूटउ बेगि देह यह मोरी॥
जौं मोरें सिव चरन सनेहू।
मन क्रम बचन सत्य ब्रतु एहू॥
Nit nav sochu satī ur bhārā,
kab jaihauṅ dukh sāgar pārā.
Maiṅ jo kīnha Raghupati apamānā,
puni patibachanu mṛiṣā kari jānā.
So phalu mohi bidhātāṅ dīnhā,
jo kachhu uchit rahā soi kīnhā.
Ab bidhi as būjhia nahiṅ tohī,
Saṅkar bimukh jiāvasi mohī.
Kahi na jāi kachhu hṛiday galānī,
man mahuṅ Rāmahi sumir sayānī.
Jauṅ prabhu dīnadayālu kahāvā,
ārati haran bed jasu gāvā.
Tau maiṅ binay karauṅ kar jorī,
chhūṭau begi deh yah morī.
Jauṅ moreṅ Siv charan sanehū,
man kram bachan satya bratu ehū.
284 of 1109
दो०—तौ सबदरसी सुनिअ प्रभु करउ सो बेगि उपाइ।
होइ मरनु जेहिं बिनहिं श्रम दुसह बिपत्ति बिहाइ ॥५९॥
Do—Tau sabadarasī sunia prabhu karau so begi upāi,
hoi maranu jehiṅ binahiṅ shram dusah bipatti bihāi. (59)
285 of 1109
एहि बिधि दुखित प्रजेसकुमारी।
अकथनीय दारुन दुखु भारी॥
बीतें संबत सहस सतासी।
तजी समाधि संभु अबिनासी॥
राम नाम सिव सुमिरन लागे।
जानेउ सतीं जगतपति जागे॥
जाइ संभु पद बंदनु कीन्हा।
सनमुख संकर आसनु दीन्हा॥
लगे कहन हरिकथा रसाला।
दच्छ प्रजेस भए तेहि काला॥
देखा बिधि बिचारि सब लायक।
दच्छहि कीन्ह प्रजापति नायक॥
बड़ अधिकार दच्छ जब पावा।
अति अभिमानु हृदयँ तब आवा॥
नहिं कोउ अस जनमा जग माहीं।
प्रभुता पाइ जाहि मद नाहीं॥
Ehi bidhi dukhit prajeskumārī,
akathanīya dārun dukhu bhārī.
Bīteṅ sambat sahas satāsī,
tajī samādhi Sambhu abināsī.
Rām nām Siv sumiran lāge,
jāneu satīṅ jagatapati jāge.
Jāi Sambhu pad bandanu kīnhā,
sanamukh Saṅkar āsanu dīnhā.
Lage kahan harikathā rasālā,
Dachchha prajes bhae tehi kālā.
Dekhā bidhi bichāri sab lāyak,
Dachchhahi kīnha prajāpati nāyak.
Baḍ adhikār Dachchha jab pāvā,
ati abhimānu hṛidayaṅ tab āvā.
Nahiṅ kou as janamā jag māhīṅ,
prabhutā pāi jāhi mad nāhīṅ.
286 of 1109
दो०—दच्छ लिए मुनि बोलि सब करन लगे बड़ जाग।
नेवते सादर सकल सुर जे पावत मख भाग ॥६०॥
Do—Dachchha lie muni boli sab karan lage baḍ jāg,
nevate sādar sakal sur je pāvat makh bhāg. (60)
287 of 1109
किंनर नाग सिद्ध गंधर्बा।
बधुन्ह समेत चले सुर सर्बा॥
बिष्नु बिरंचि महेसु बिहाई।
चले सकल सुर जान बनाई॥
सतीं बिलोके ब्योम बिमाना।
जात चले सुंदर बिधि नाना॥
सुर सुंदरी करहिं कल गाना।
सुनत श्रवन छूटहिं मुनि ध्याना॥
पूछेउ तब सिवँ कहेउ बखानी।
पिता जग्य सुनि कछु हरषानी॥
जौं महेसु मोहि आयसु देहीं।
कछु दिन जाइ रहौं मिस एहीं॥
पति परित्याग हृदयँ दुखु भारी।
कहइ न निज अपराध बिचारी॥
बोली सती मनोहर बानी।
भय संकोच प्रेम रस सानी॥
Kiṅnar nāg siddh gandharbā,
badhunh samet chale sur sarbā.
Biṣnu Biraṅchi Mahesu bihāī,
chale sakal sur jān banāī.
Satīṅ biloke byom bimānā,
jāt chale sundar bidhi nānā.
Sur sundarī karahiṅ kal gānā,
sunat shravan chhūṭahiṅ muni dhyānā.
Pūchheu tab sivaṅ kaheu bakhānī,
pitā jagya suni kachhu haraṣānī.
Jauṅ Mahesu mohi āyasu dehīṅ,
kachhu din jāi rahauṅ mis ehīṅ.
Pati parityāg hṛidayaṅ dukhu bhārī,
kahai na nij aparādh bichārī.
Bolī satī manohar bānī,
bhay saṅkoch prem ras sānī.
288 of 1109
दो०—पिता भवन उत्सव परम जौं प्रभु आयसु होइ।
तौ मैं जाउँ कृपायतन सादर देखन सोइ ॥६१॥
Do—Pitā bhavan utsav param jauṅ prabhu āyasu hoi,
tau maiṅ jāuṅ kṛipāyatan sādar dekhan soi. (61)
289 of 1109
कहेहु नीक मोरेहुँ मन भावा।
यह अनुचित नहिं नेवत पठावा॥
दच्छ सकल निज सुता बोलाईं।
हमरें बयर तुम्हउ बिसराईं॥
ब्रह्मसभाँ हम सन दुखु माना।
तेहि तें अजहुँ करहिं अपमाना॥
जौं बिनु बोलें जाहु भवानी।
रहइ न सीलु सनेहु न कानी॥
जदपि मित्र प्रभु पितु गुर गेहा।
जाइअ बिनु बोलेहुँ न सँदेहा॥
तदपि बिरोध मान जहँ कोई।
तहाँ गएँ कल्यानु न होई॥
भाँति अनेक संभु समुझावा।
भावी बस न ग्यानु उर आवा॥
कह प्रभु जाहु जो बिनहिं बोलाएँ।
नहिं भलि बात हमारे भाएँ॥
Kahehu nīk morehuṅ man bhāvā,
yah anuchit nahiṅ nevat paṭhāvā.
Dachchha sakal nij sutā bolāīṅ,
hamareṅ bayar tumhau bisarāīṅ.
Brahmasabhāṅ ham san dukhu mānā,
tehi teṅ ajahuṅ karahiṅ apamānā.
Jauṅ binu boleṅ jāhu Bhavānī,
rahai na sīlu sanehu na kānī.
Jadapi mitra prabhu pitu gur gehā,
jāia binu bolehuṅ na saṅdehā.
Tadapi birodh mān jahaṅ koī,
tahāṅ gaeṅ kalyānu na hoī.
Bhāṅti anek Sambhu samujhāvā,
bhāvī bas na gyānu ur āvā.
Kah prabhu jāhu jo binahiṅ bolāeṅ,
nahiṅ bhali bāt hamāre bhāeṅ.
290 of 1109
दो०—कहि देखा हर जतन बहु रहइ न दच्छकुमारि।
दिए मुख्य गन संग तब बिदा कीन्ह त्रिपुरारि ॥६२॥
Do—Kahi dekhā har jatan bahu rahai na Dachchhakumāri,
die mukhya gan saṅg tab bidā kīnha Tripurāri. (62)
291 of 1109
पिता भवन जब गई भवानी।
दच्छ त्रास काहुँ न सनमानी॥
सादर भलेहिं मिली एक माता।
भगिनीं मिलीं बहुत मुसुकाता॥
दच्छ न कछु पूछी कुसलाता।
सतिहि बिलोकि जरे सब गाता॥
सतीं जाइ देखेउ तब जागा।
कतहुँ न दीख संभु कर भागा॥
तब चित चढ़ेउ जो संकर कहेऊ।
प्रभु अपमानु समुझि उर दहेऊ॥
पाछिल दुखु न हृदयँ अस ब्यापा।
जस यह भयउ महा परितापा॥
जद्यपि जग दारुन दुख नाना।
सब तें कठिन जाति अवमाना॥
समुझि सो सतिहि भयउ अति क्रोधा।
बहु बिधि जननीं कीन्ह प्रबोधा॥
Pitā bhavan jab gaī Bhavānī,
Dachchha trās kāhuṅ na sanamānī.
Sādar bhalehiṅ milī ek mātā,
bhaginīṅ milīṅ bahut musukātā.
Dachchha na kachhu pūchhī kusalātā,
satihi biloki jare sab gātā.
Satīṅ jāi dekheu tab jāgā,
katahuṅ na dīkh Sambhu kar bhāgā.
Tab chit chaḍheu jo Saṅkar kaheū,
prabhu apamānu samujhi ur daheū.
Pāchhil dukhu na hṛidayaṅ as byāpā,
jas yah bhayau mahā paritāpā.
Jadyapi jag dārun dukh nānā,
sab teṅ kaṭhin jāti avamānā.
Samujhi so satihi bhayau ati krodhā,
bahu bidhi jananīṅ kīnha prabodhā.
292 of 1109
दो०—सिव अपमानु न जाइ सहि हृदयँ न होइ प्रबोध।
सकल सभहि हठि हटकि तब बोलीं बचन सक्रोध ॥६३॥
Do—Siv apamānu na jāi sahi hṛidayaṅ na hoi prabodh,
sakal sabhahi haṭhi haṭaki tab bolīṅ bachan sakrodh. (63)
293 of 1109
सुनहु सभासद सकल मुनिंदा।
कही सुनी जिन्ह संकर निंदा॥
सो फलु तुरत लहब सब काहूँ।
भली भाँति पछिताब पिताहूँ॥
संत संभु श्रीपति अपबादा।
सुनिअ जहाँ तहँ असि मरजादा॥
काटिअ तासु जीभ जो बसाई।
श्रवन मूदि न त चलिअ पराई॥
जगदातमा महेसु पुरारी।
जगत जनक सब के हितकारी॥
पिता मंदमति निंदत तेही।
दच्छ सुक्र संभव यह देही॥
तजिहउँ तुरत देह तेहि हेतू।
उर धरि चंद्रमौलि बृषकेतू॥
अस कहि जोग अगिनि तनु जारा।
भयउ सकल मख हाहाकारा॥
Sunahu sabhāsad sakal muniṅdā,
kahī sunī jinha Saṅkar niṅdā.
So phalu turat lahab sab kāhūṅ,
bhalī bhāṅti pachhitāb pitāhūṅ.
Sant Sambhu Shrīpati apabādā,
sunia jahāṅ tahaṅ asi marajādā.
Kāṭia tāsu jībh jo basāī,
shravan mūdi na ta chalia parāī.
Jagadātamā Mahesu Purārī,
jagat janak sab ke hitakārī.
Pitā mandamati niṅdat tehī,
Dachchha sukra sambhav yah dehī.
Tajihauṅ turat deh tehi hetū,
ur dhari Chandramauli Bṛiṣaketū.
As kahi jog agini tanu jārā,
bhayau sakal makh hāhākārā.
294 of 1109
दो०—सती मरनु सुनि संभु गन लगे करन मख खीस।
जग्य बिधंस बिलोकि भृगु रच्छा कीन्हि मुनीस ॥६४॥
Do—Satī maranu suni Sambhu gan lage karan makh khīs,
jagya bidhaṅs biloki Bhṛigu rachchhā kīnhi munīs. (64)
295 of 1109
समाचार सब संकर पाए।
बीरभद्रु करि कोप पठाए॥
जग्य बिधंस जाइ तिन्ह कीन्हा।
सकल सुरन्ह बिधिवत फलु दीन्हा॥
भै जगबिदित दच्छ गति सोई।
जसि कछु संभु बिमुख कै होई॥
यह इतिहास सकल जग जानी।
ताते मैं संछेप बखानी॥
सतीं मरत हरि सन बरु मागा।
जनम जनम सिव पद अनुरागा॥
तेहि कारन हिमगिरि गृह जाई।
जनमीं पारबती तनु पाई॥
जब तें उमा सैल गृह जाईं।
सकल सिद्धि संपति तहँ छाईं॥
जहँ तहँ मुनिन्ह सुआश्रम कीन्हे।
उचित बास हिम भूधर दीन्हे॥
Samāchār sab Saṅkar pāe,
Bīrabhadru kari kop paṭhāe.
Jagya bidhaṅs jāi tinha kīnhā,
sakal suranha bidhivat phalu dīnhā.
Bhai jagabidit Dachchha gati soī,
jasi kachhu Sambhu bimukh kai hoī.
Yah itihās sakal jag jānī,
tāte maiṅ saṅchhep bakhānī.
Satīṅ marat Hari san baru māgā,
janam janam Siv pad anurāgā.
Tehi kāran Himagiri gṛih jāī,
janamīṅ Pārbatī tanu pāī.
Jab teṅ Umā sail gṛih jāīṅ,
sakal siddhi sanpati tahaṅ chhāīṅ.
Jahaṅ tahaṅ muninha suāshram kīnhe,
uchit bās him bhūdhar dīnhe.
296 of 1109
दो०—सदा सुमन फल सहित सब द्रुम नव नाना जाति।
प्रगटीं सुंदर सैल पर मनि आकर बहु भाँति ॥६५॥
Do—Sadā suman phal sahit sab drum nav nānā jāti,
pragaṭīṅ sundar sail par mani ākar bahu bhāṅti. (65)
297 of 1109
सरिता सब पुनीत जलु बहहीं।
खग मृग मधुप सुखी सब रहहीं॥
सहज बयरु सब जीवन्ह त्यागा।
गिरि पर सकल करहिं अनुरागा॥
सोह सैल गिरिजा गृह आएँ।
जिमि जनु रामभगति के पाएँ॥
नित नूतन मंगल गृह तासू।
ब्रह्मादिक गावहिं जसु जासू॥
Saritā sab punīt jalu bahahīṅ,
khag mṛig madhup sukhī sab rahahīṅ.
Sahaj bayaru sab jīvanh tyāgā,
giri par sakal karahiṅ anurāgā.
Soh sail Girijā gṛih āeṅ,
jimi janu Rāmabhagati ke pāeṅ.
Nit nūtan maṅgal gṛih tāsū,
Brahmādik gāvahiṅ jasu jāsū.
298 of 1109
नारद समाचार सब पाए।
कौतुकहीं गिरि गेह सिधाए॥
सैलराज बड़ आदर कीन्हा।
पद पखारि बर आसनु दीन्हा॥
नारि सहित मुनि पद सिरु नावा।
चरन सलिल सबु भवनु सिंचावा॥
निज सौभाग्य बहुत गिरि बरना।
सुता बोलि मेली मुनि चरना॥
Nārad samāchār sab pāe,
kautukahīṅ giri geh sidhāe.
Sailarāj baḍ ādar kīnhā,
pad pakhāri bar āsanu dīnhā.
Nāri sahit muni pad siru nāvā,
charan salil sabu bhavanu siṅchāvā.
Nij saubhāgya bahut giri baranā,
sutā boli melī muni charanā.
299 of 1109
दो०—त्रिकालग्य सर्बग्य तुम्ह गति सर्बत्र तुम्हारि।
कहहु सुता के दोष गुन मुनिबर हृदयँ बिचारि ॥६६॥
Do—Trikālagya sarbagya tumh gati sarbatra tumhāri,
kahahu sutā ke doṣ gun munibar hṛidayaṅ bichāri. (66)
300 of 1109
कह मुनि बिहसि गूढ़ मृदु बानी।
सुता तुम्हारि सकल गुन खानी॥
सुंदर सहज सुसील सयानी।
नाम उमा अंबिका भवानी॥
सब लच्छन संपन्न कुमारी।
होइहि संतत पियहि पिआरी॥
सदा अचल एहि कर अहिवाता।
एहि तें जसु पैहहिं पितु माता॥
होइहि पूज्य सकल जग माहीं।
एहि सेवत कछु दुर्लभ नाहीं॥
एहि कर नामु सुमिरि संसारा।
त्रिय चढ़िहहिं पतिब्रत असिधारा॥
सैल सुलच्छन सुता तुम्हारी।
सुनहु जे अब अवगुन दुइ चारी॥
अगुन अमान मातु पितु हीना।
उदासीन सब संसय छीना॥
Kah muni bihasi gūḍh mṛidu bānī,
sutā tumhāri sakal gun khānī.
Sundar sahaj susīl sayānī,
nām Umā Ambikā Bhavānī.
Sab lachchhan sanpanna kumārī,
hoihi santat piyahi piārī.
Sadā achal ehi kar ahivātā,
ehi teṅ jasu paihahiṅ pitu mātā.
Hoihi pūjya sakal jag māhīṅ,
ehi sevat kachhu durlabh nāhīṅ.
Ehi kar nāmu sumiri sansārā,
triya chaḍhihahiṅ patibrat asidhārā.
Sail sulachchhan sutā tumhārī,
sunahu je ab avagun dui chārī.
Agun amān mātu pitu hīnā,
udāsīn sab sansay chhīnā.
301 of 1109
दो०—जोगी जटिल अकाम मन नगन अमंगल बेष।
अस स्वामी एहि कहँ मिलिहि परी हस्त असि रेख ॥६७॥
Do—Jogī jaṭil akām man nagan amaṅgal beṣ,
as swāmī ehi kahaṅ milihi parī hast asi rekh. (67)
302 of 1109
सुनि मुनि गिरा सत्य जियँ जानी।
दुख दंपतिहि उमा हरषानी॥
नारदहूँ यह भेदु न जाना।
दसा एक समुझब बिलगाना॥
सकल सखीं गिरिजा गिरि मैना।
पुलक सरीर भरे जल नैना॥
होइ न मृषा देवरिषि भाषा।
उमा सो बचनु हृदयँ धरि राखा॥
उपजेउ सिव पद कमल सनेहू।
मिलन कठिन मन भा संदेहू॥
जानि कुअवसरु प्रीति दुराई।
सखी उछँग बैठी पुनि जाई॥
झूठि न होइ देवरिषि बानी।
सोचहिं दंपति सखीं सयानी॥
उर धरि धीर कहइ गिरिराऊ।
कहहु नाथ का करिअ उपाऊ॥
Suni muni girā satya jiyaṅ jānī,
dukh dampatihi Umā haraṣānī.
Nāradahūṅ yah bhedu na jānā,
dasā ek samujhab bilagānā.
Sakal sakhīṅ Girijā giri Mainā,
pulak sarīr bhare jal nainā.
Hoi na mṛiṣā devariṣi bhāṣā,
Umā so bachanu hṛidayaṅ dhari rākhā.
Upajeu Siv pad kamal sanehū,
milan kaṭhin man bhā sandehū.
Jāni kuavasaru prīti durāī,
sakhī uchhaṅg baiṭhī puni jāī.
Jhūṭhi na hoi devariṣi bānī,
sochahiṅ dampati sakhīṅ sayānī.
Ur dhari dhīr kahai girirāū,
kahahu nāth kā karia upāū.
303 of 1109
दो०—कह मुनीस हिमवंत सुनु जो बिधि लिखा लिलार।
देव दनुज नर नाग मुनि कोउ न मेटनिहार ॥६८॥
Do—Kah munīs Himavant sunu jo bidhi likhā lilār,
dev danuj nar nāg muni kou na meṭanihār. (68)
304 of 1109
तदपि एक मैं कहउँ उपाई।
होइ करै जौं दैउ सहाई॥
जस बरु मैं बरनेउँ तुम्ह पाहीं।
मिलिहि उमहि तस संसय नाहीं॥
जे जे बर के दोष बखाने।
ते सब सिव पहिं मैं अनुमाने॥
जौं बिबाहु संकर सन होई।
दोषउ गुन सम कह सबु कोई॥
जौं अहि सेज सयन हरि करहीं।
बुध कछु तिन्ह कर दोषु न धरहीं॥
भानु कृसानु सर्ब रस खाहीं।
तिन्ह कहँ मंद कहत कोउ नाहीं॥
सुभ अरु असुभ सलिल सब बहई।
सुरसरि कोउ अपुनीत न कहई॥
समरथ कहुँ नहिं दोषु गोसाईं।
रबि पावक सुरसरि की नाईं॥
Tadapi ek maiṅ kahauṅ upāī,
hoi karai jauṅ daiu sahāī.
Jas baru maiṅ baraneuṅ tumh pāhīṅ,
milihi Umahi tas sansay nāhīṅ.
Je je bar ke doṣ bakhāne,
te sab Siv pahiṅ maiṅ anumāne.
Jauṅ bibāhu Saṅkar san hoī,
doṣau gun sam kah sabu koī.
Jauṅ ahi sej sayan Hari karahīṅ,
budh kachhu tinha kar doṣu na dharahīṅ.
Bhānu kṛisānu sarba ras khāhīṅ,
tinha kahaṅ mand kahat kou nāhīṅ.
Subh aru asubh salil sab bahaī,
surasari kou apunīt na kahaī.
Samarath kahuṅ nahiṅ doṣu gosāīṅ,
rabi pāvak surasari kī nāīṅ.
305 of 1109
दो०—जौं अस हिसिषा करहिं नर जड़ बिबेक अभिमान।
परहिं कलप भरि नरक महुँ जीव कि ईस समान ॥६९॥
Do—Jauṅ as hisiṣā karahiṅ nar jaḍ bibek abhimān,
parahiṅ kalap bhari narak mahuṅ jīv ki īs samān. (69)
306 of 1109
सुरसरि जल कृत बारुनि जाना।
कबहुँ न संत करहिं तेहि पाना॥
सुरसरि मिलें सो पावन जैसें।
ईस अनीसहि अंतरु तैसें॥
संभु सहज समरथ भगवाना।
एहि बिबाहँ सब बिधि कल्याना॥
दुराराध्य पै अहहिं महेसू।
आसुतोष पुनि किएँ कलेसू॥
जौं तपु करै कुमारि तुम्हारी।
भाविउ मेटि सकहिं त्रिपुरारी॥
जद्यपि बर अनेक जग माहीं।
एहि कहँ सिव तजि दूसर नाहीं॥
बर दायक प्रनतारति भंजन।
कृपासिंधु सेवक मन रंजन॥
इच्छित फल बिनु सिव अवराधें।
लहिअ न कोटि जोग जप साधें॥
Surasari jal kṛit bāruni jānā,
kabahuṅ na sant karahiṅ tehi pānā.
Surasari mileṅ so pāvan jaiseṅ,
īs anīsahi antaru taiseṅ.
Sambhu sahaj samarath bhagavānā,
ehi bibāhaṅ sab bidhi kalyānā.
Durārādhya pai ahahiṅ Mahesū,
āsutoṣ puni kieṅ kalesū.
Jauṅ tapu karai kumāri tumhārī,
bhāviu meṭi sakahiṅ Tripurārī.
Jadyapi bar anek jag māhīṅ,
ehi kahaṅ Siv taji dūsar nāhīṅ.
Bar dāyak pranatārati bhaṅjan,
kṛipāsindhu sevak man raṅjan.
Ichchhit phal binu Siv avarādheṅ,
lahia na koṭi jog jap sādheṅ.
307 of 1109
दो०—अस कहि नारद सुमिरि हरि गिरिजहि दीन्हि असीस।
होइहि यह कल्यान अब संसय तजहु गिरीस ॥७०॥
Do—As kahi Nārad sumiri Hari Girijahi dīnhi asīs,
hoihi yah kalyān ab sansay tajahu Girīs. (70)
308 of 1109
कहि अस ब्रह्मभवन मुनि गयऊ।
आगिल चरित सुनहु जस भयऊ॥
पतिहि एकांत पाइ कह मैना।
नाथ न मैं समुझे मुनि बैना॥
जौं घरु बरु कुलु होइ अनूपा।
करिअ बिबाहु सुता अनुरूपा॥
न त कन्या बरु रहउ कुआरी।
कंत उमा मम प्रानपिआरी॥
जौं न मिलिहि बरु गिरिजहि जोगू।
गिरि जड़ सहज कहिहि सबु लोगू॥
सोइ बिचारि पति करेहु बिबाहू।
जेहिं न बहोरि होइ उर दाहू॥
Kahi as Brahmabhavan muni gayū,
āgil charit sunahu jas bhayū.
Patihi ekāṅt pāi kah Mainā,
nāth na maiṅ samujhe muni bainā.
Jauṅ gharu baru kulu hoi anūpā,
karia bibāhu sutā anurūpā.
Na ta kanyā baru rahau kuārī,
kant Umā mam prānapiārī.
Jauṅ na milihi baru Girijahi jogū,
giri jaḍ sahaj kahihi sabu logū.
Soi bichāri pati karehu bibāhū,
jehiṅ na bahori hoi ur dāhū.
309 of 1109
अस कहि परी चरन धरि सीसा।
बोले सहित सनेह गिरीसा॥
बरु पावक प्रगटै ससि माहीं।
नारद बचनु अन्यथा नाहीं॥
As kahi parī charan dhari sīsā,
bole sahit saneh Girīsā.
Baru pāvak pragaṭai sasi māhīṅ,
Nārad bachanu anyathā nāhīṅ.
310 of 1109
दो०—प्रिया सोचु परिहरहु सबु सुमिरहु श्रीभगवान।
पारबतिहि निरमयउ जेहिं सोइ करिहि कल्यान ॥७१॥
Do—Priyā sochu pariharahu sabu sumirahu Shrībhagavān,
Pārbatihi niramayau jehiṅ soi karihi kalyān. (71)
311 of 1109
अब जौं तुम्हहि सुता पर नेहू।
तौ अस जाइ सिखावनु देहू॥
करै सो तपु जेहिं मिलहिं महेसू।
आन उपायँ न मिटिहि कलेसू॥
नारद बचन सगर्भ सहेतू।
सुंदर सब गुन निधि बृषकेतू॥
अस बिचारि तुम्ह तजहु असंका।
सबहि भाँति संकरु अकलंका॥
सुनि पति बचन हरषि मन माहीं।
गई तुरत उठि गिरिजा पाहीं॥
उमहि बिलोकि नयन भरे बारी।
सहित सनेह गोद बैठारी॥
बारहिं बार लेति उर लाई।
गदगद कंठ न कछु कहि जाई॥
जगत मातु सर्बग्य भवानी।
मातु सुखद बोलीं मृदु बानी॥
Ab jauṅ tumhahi sutā par nehū,
tau as jāi sikhāvanu dehū.
Karai so tapu jehiṅ milahiṅ Mahesū,
ān upāyaṅ na miṭihi kalesū.
Nārad bachan sagarbha sahetū,
sundar sab gun nidhi Bṛiṣaketū.
As bichāri tumh tajahu asaṅkā,
sabahi bhāṅti Saṅkaru akalaṅkā.
Suni pati bachan haraṣi man māhīṅ,
gaī turat uṭhi Girijā pāhīṅ.
Umahi biloki nayan bhare bārī,
sahit saneh god baiṭhārī.
Bārahiṅ bār leti ur lāī,
gadgad kaṅṭh na kachhu kahi jāī.
Jagat mātu sarbagya Bhavānī,
mātu sukhad bolīṅ mṛidu bānī.
312 of 1109
दो०—सुनहि मातु मैं दीख अस सपन सुनावउँ तोहि।
सुंदर गौर सुबिप्रबर अस उपदेसेउ मोहि ॥७२॥
Do—Sunahi mātu maiṅ dīkh as sapan sunāvauṅ tohi,
sundar gaur subiprabar as upadeseu mohi. (72)
313 of 1109
करहि जाइ तपु सैलकुमारी।
नारद कहा सो सत्य बिचारी॥
मातु पितहि पुनि यह मत भावा।
तपु सुखप्रद दुख दोष नसावा॥
तपबल रचइ प्रपंचु बिधाता।
तपबल बिष्नु सकल जग त्राता॥
तपबल संभु करहिं संघारा।
तपबल सेषु धरइ महिभारा॥
तप अधार सब सृष्टि भवानी।
करहि जाइ तपु अस जियँ जानी॥
सुनत बचन बिसमित महतारी।
सपन सुनायउ गिरिहि हँकारी॥
मातु पितहि बहुबिधि समुझाई।
चलीं उमा तप हित हरषाई॥
प्रिय परिवार पिता अरु माता।
भए बिकल मुख आव न बाता॥
Karahi jāi tapu sailakumārī,
Nārad kahā so satya bichārī.
Mātu pitahi puni yah mat bhāvā,
tapu sukhaprad dukh doṣ nasāvā.
Tapabal rachai prapaṅchu bidhātā,
tapabal Biṣnu sakal jag trātā.
Tapabal Sambhu karahiṅ saṅghārā,
tapabal Seṣu dharai mahibhārā.
Tap adhār sab sṛiṣṭi Bhavānī,
karahi jāi tapu as jiyaṅ jānī.
Sunat bachan bisamit mahatārī,
sapan sunāyau girihi haṅkārī.
Mātu pitahi bahubidhi samujhāī,
chalīṅ Umā tap hit haraṣāī.
Priya parivār pitā aru mātā,
bhae bikal mukh āv na bātā.
314 of 1109
दो०—बेदसिरा मुनि आइ तब सबहि कहा समुझाइ।
पारबती महिमा सुनत रहे प्रबोधहि पाइ ॥७३॥
Do—Bedasirā muni āi tab sabahi kahā samujhāi,
Pārbatī mahimā sunat rahe prabodhahi pāi. (73)
315 of 1109
उर धरि उमा प्रानपति चरना।
जाइ बिपिन लागीं तपु करना॥
अति सुकुमार न तनु तप जोगू।
पति पद सुमिरि तजेउ सबु भोगू॥
नित नव चरन उपज अनुरागा।
बिसरी देह तपहिं मनु लागा॥
संबत सहस मूल फल खाए।
सागु खाइ सत बरष गवाँए॥
कछु दिन भोजनु बारि बतासा।
किए कठिन कछु दिन उपबासा॥
बेल पाती महि परइ सुखाई।
तीनि सहस संबत सोइ खाई॥
पुनि परिहरे सुखानेउ परना।
उमहि नामु तब भयउ अपरना॥
देखि उमहि तप खीन सरीरा।
ब्रह्मगिरा भै गगन गभीरा॥
Ur dhari Umā prānapati charanā,
jāi bipin lāgīṅ tapu karanā.
Ati sukumār na tanu tap jogū,
pati pad sumiri tajeu sabu bhogū.
Nit nav charan upaj anurāgā,
bisarī deh tapahiṅ manu lāgā.
Sambat sahas mūl phal khāe,
sāgu khāi sat baraṣ gavāṅe.
Kachhu din bhojanu bāri batāsā,
kie kaṭhin kachhu din upabāsā.
Bel pātī mahi parai sukhāī,
tīni sahas sambat soi khāī.
Puni parihare sukhāneu paranā,
umahi nāmu tab bhayau Aparnā.
Dekhi umahi tap khīn sarīrā,
brahmagirā bhai gagan gabhīrā.
316 of 1109
दो०—भयउ मनोरथ सुफल तव सुनु गिरिराजकुमारि।
परिहरु दुसह कलेस सब अब मिलिहहिं त्रिपुरारि ॥७४॥
Do—Bhayau manorath suphal tav sunu Girirājakumāri,
pariharu dusah kales sab ab milihahiṅ Tripurāri. (74)
317 of 1109
अस तपु काहुँ न कीन्ह भवानी।
भए अनेक धीर मुनि ग्यानी॥
अब उर धरहु ब्रह्म बर बानी।
सत्य सदा संतत सुचि जानी॥
आवै पिता बोलावन जबहीं।
हठ परिहरि घर जाएहु तबहीं॥
मिलहिं तुम्हहि जब सप्त रिषीसा।
जानेहु तब प्रमान बागीसा॥
सुनत गिरा बिधि गगन बखानी।
पुलक गात गिरिजा हरषानी॥
उमा चरित सुंदर मैं गावा।
सुनहु संभु कर चरित सुहावा॥
As tapu kāhuṅ na kīnha Bhavānī,
bhae anek dhīr muni gyānī.
Ab ur dharahu Brahma bar bānī,
satya sadā santat suchi jānī.
Āvai pitā bolāvan jabahīṅ,
haṭh parihari ghar jāehu tabahīṅ.
Milahiṅ tumhahi jab sapta riṣīsā,
jānehu tab pramān bāgīsā.
Sunat girā bidhi gagan bakhānī,
pulak gāt Girijā haraṣānī.
Umā charit sundar maiṅ gāvā,
sunahu Sambhu kar charit suhāvā.
318 of 1109
जब तें सतीं जाइ तनु त्यागा ।
तब तें सिव मन भयउ बिरागा ॥
जपहिं सदा रघुनायक नामा ।
जहँ तहँ सुनहिं राम गुन ग्रामा ॥
चिदानंद सुखधाम सिव बिगत मोह मद काम ।
बिचरहिं महि धरि हृदयँ हरि सकल लोक अभिराम ॥ ७५ ॥
Jab teṅ satīṅ jāi tanu tyāgā,
tab teṅ Siv man bhayau birāgā.
Japahiṅ sadā Raghunāyak nāmā,
jahaṅ tahaṅ sunahiṅ Rām gun grāmā.
Chidānand sukhadhām Siv bigat moh mad kām,
bicharahiṅ mahi dhari hṛidayaṅ Hari sakal lok abhirām. (75)
319 of 1109
कतहुँ मुनिन्ह उपदेसहिं ग्याना ।
कतहुँ राम गुन करहिं बखाना ॥
जदपि अकाम तदपि भगवाना ।
भगत बिरह दुख दुखित सुजाना ॥
एहि बिधि गयउ कालु बहु बीती ।
नित नै होइ राम पद प्रीती ॥
नेमु प्रेमु संकर कर देखा ।
अबिचल हृदयँ भगति कै रेखा ॥
प्रगटे रामु कृतग्य कृपाला ।
रूप सील निधि तेज बिसाला ॥
बहु प्रकार संकरहि सराहा ।
तुम्ह बिनु अस ब्रतु को निरबाहा ॥
बहुबिधि राम सिवहि समुझावा ।
पारबती कर जन्मु सुनावा ॥
अति पुनीत गिरिजा कै करनी ।
बिस्तर सहित कृपानिधि बरनी ॥
अब बिनती मम सुनहु सिव जौं मो पर निज नेहु ।
जाइ बिबाहहु सैलजहि यह मोहि मागें देहु ॥ ७६ ॥
Katahuṅ muninha updesahiṅ gyānā,
katahuṅ Rām gun karahiṅ bakhānā.
Jadapi akām tadapi bhagavānā,
bhagat birah dukh dukhit sujānā.
Ehi bidhi gayau kālu bahu bītī,
nit nai hoi Rām pad prītī.
Nemu premu Saṅkar kar dekhā,
abichal hṛidayaṅ bhagati kai rekhā.
Pragaṭe Rāmu kṛitagya kṛipālā,
rūp sīl nidhi tej bisālā.
Bahu prakār Saṅkarahi sarāhā,
tumh binu as bratu ko nirabāhā.
Bahubidhi Rām sivahi samujhāvā,
Pārbatī kar janmu sunāvā.
Ati punīt Girijā kai karanī,
bistar sahit kṛipānidhi baranī.
Ab binatī mam sunahu Siv jauṅ mo par nij nehu,
jāi bibāhahu sailajahi yah mohi māgeṅ dehu. (76)
320 of 1109
कह सिव जदपि उचित अस नाहीं ।
नाथ बचन पुनि मेटि न जाहीं ॥
सिर धरि आयसु करिअ तुम्हारा ।
परम धरमु यह नाथ हमारा ॥
मातु पिता गुर प्रभु कै बानी ।
बिनहिं बिचार करिअ सुभ जानी ॥
तुम्ह सब भाँति परम हितकारी ।
अग्या सिर पर नाथ तुम्हारी ॥
प्रभु तोषेउ सुनि संकर बचना ।
भक्ति बिबेक धर्म जुत रचना ॥
कह प्रभु हर तुम्हार पन रहेऊ ।
अब उर राखेहु जो हम कहेऊ ॥
अंतरधान भए अस भाषी ।
संकर सोइ मूरति उर राखी ॥
तबहिं सप्तरिषि सिव पहिं आए ।
बोले प्रभु अति बचन सुहाए ॥
पारबती पहिं जाइ तुम्ह प्रेम परिच्छा लेहु ।
गिरिहि प्रेरि पठएहु भवन दूरि करेहु संदेहु ॥ ७७ ॥
Kah Siv jadapi uchit as nāhīṅ,
nāth bachan puni meṭi na jāhīṅ.
Sir dhari āyasu karia tumhārā,
param dharamu yah nāth hamārā.
Mātu pitā gur prabhu kai bānī,
binahiṅ bichār karia subh jānī.
Tumh sab bhāṅti param hitakārī,
agyā sir par nāth tumhārī.
Prabhu toṣeu suni Saṅkar bachanā,
bhakti bibek dharma jut rachanā.
Kah prabhu Har tumhār pan raheū,
ab ur rākhehu jo ham kaheū.
Antaradhān bhae as bhāṣī,
Saṅkar soi mūrati ur rākhī.
Tabahiṅ saptariṣi Siv pahiṅ āe,
bole prabhu ati bachan suhāe.
Pārbatī pahiṅ jāi tumh prem parichchhā lehu,
girihi preri paṭhaehu bhavan dūri karehu sandehu. (77)
321 of 1109
रिषिन्ह गौरि देखी तहँ कैसी ।
मूरतिमंत तपस्या जैसी ॥
बोले मुनि सुनु सैलकुमारी ।
करहु कवन कारन तपु भारी ॥
केहि अवराधहु का तुम्ह चहहू ।
हम सन सत्य मरमु किन कहहू ॥
कहत बचन मनु अति सकुचाई ।
हँसिहहु सुनि हमारि जड़ताई ॥
मनु हठ परा न सुनइ सिखावा ।
चहत बारि पर भीति उठावा ॥
नारद कहा सत्य सोइ जाना ।
बिनु पंखन्ह हम चहहिं उड़ाना ॥
देखहु मुनि अबिबेकु हमारा ।
चाहिअ सदा सिवहि भरतारा ॥
सुनत बचन बिहसे रिषय गिरिसंभव तव देह ।
नारद कर उपदेसु सुनि कहहु बसेउ किसु गेह ॥ ७८ ॥
Riṣinha Gauri dekhī tahaṅ kaisī,
mūratimant tapasyā jaisī.
Bole muni sunu Sailakumārī,
karahu kavan kāran tapu bhārī.
Kehi avarādhahu kā tumh chahahū,
ham san satya maramu kin kahahū.
Kahat bachan manu ati sakuchāī,
haṅsihahu suni hamāri jaṛatāī.
Manu haṭh parā na sunai sikhāvā,
chahat bāri par bhīti uṭhāvā.
Nārad kahā satya soi jānā,
binu paṅkhanha ham chahahiṅ uḍānā.
Dekhahu muni abibeku hamārā,
chāhia sadā sivahi bharatārā.
Sunat bachan bihase riṣay Girisambhav tav deh,
Nārad kar updesu suni kahahu baseu kisu geh. (78)
322 of 1109
दच्छसुतन्ह उपदेसेन्हि जाई ।
तिन्ह फिरि भवनु न देखा आई ॥
चित्रकेतु कर घरु उन घाला ।
कनककसिपु कर पुनि अस हाला ॥
नारद सिख जे सुनहिं नर नारी ।
अवसि होहिं तजि भवनु भिखारी ॥
मन कपटी तन सज्जन चीन्हा ।
आपु सरिस सबही चह कीन्हा ॥
तेहि कें बचन मानि बिस्वासा ।
तुम्ह चाहहु पति सहज उदासा ॥
निर्गुन निलज कुबेष कपाली ।
अकुल अगेह दिगंबर ब्याली ॥
कहहु कवन सुखु अस बरु पाएँ ।
भल भूलिहु ठग के बौराएँ ॥
पंच कहें सिवँ सती बिबाही ।
पुनि अवडेरि मराएन्हि ताही ॥
अब सुख सोवत सोचु नहिं भीख मागि भव खाहिं ।
सहज एकाकिन्ह के भवन कबहुँ कि नारि खटाहिं ॥ ७९ ॥
Dachchhasutanha updesenhi jāī,
tinha phiri bhavanu na dekhā āī.
Chitraketu kar gharu un ghālā,
Kanakakasipu kar puni as hālā.
Nārad sikh je sunahiṅ nar nārī,
avasi hohiṅ taji bhavanu bhikhārī.
Man kapaṭī tan sajjan chīnhā,
āpu saris sabahī chah kīnhā.
Tehi keṅ bachan māni bisvāsā,
tumh chāhahu pati sahaj udāsā.
Nirgun nilaj kubeṣ kapālī,
akul ageh digambar byālī.
Kahahu kavan sukhu as baru pāeṅ,
bhal bhūlihu ṭhag ke baurāeṅ.
Paṅch kaheṅ sivaṅ Satī bibāhī,
puni avaḍeri marāenhi tāhī.
Ab sukh sovat sochu nahiṅ bhīkh māgi bhav khāhiṅ,
sahaj ekākinha ke bhavan kabahuṅ ki nāri khaṭāhiṅ. (79)
323 of 1109
अजहूँ मानहु कहा हमारा ।
हम तुम्ह कहुँ बरु नीक बिचारा ॥
अति सुंदर सुचि सुखद सुसीला ।
गावहिं बेद जासु जस लीला ॥
दूषन रहित सकल गुन रासी ।
श्रीपति पुर बैकुंठ निवासी ॥
अस बरु तुम्हहि मिलाउब आनी ।
सुनत बिहसि कह बचन भवानी ॥
सत्य कहेहु गिरिभव तनु एहा ।
हठ न छूट छूटै बरु देहा ॥
कनकउ पुनि पषान तें होई ।
जारेहुँ सहजु न परिहर सोई ॥
नारद बचन न मैं परिहरऊँ ।
बसउ भवनु उजरउ नहिं डरऊँ ॥
गुर कें बचन प्रतीति न जेही ।
सपनेहुँ सुगम न सुख सिधि तेही ॥
महादेव अवगुन भवन बिष्नु सकल गुन धाम ।
जेहि कर मनु रम जाहि सन तेहि तेही सन काम ॥ ८० ॥
Ajahūṅ mānahu kahā hamārā,
ham tumh kahuṅ baru nīk bichārā.
Ati sundar suchi sukhad susīlā,
gāvahiṅ bed jāsu jas līlā.
Dūṣan rahit sakal gun rāsī,
Shrīpati pur Baikuṇṭh nivāsī.
As baru tumhahi milāub ānī,
sunat bihasi kah bachan Bhavānī.
Satya kahehu giribhav tanu ehā,
haṭh na chhūṭ chhūṭai baru dehā.
Kanakau puni paṣān teṅ hoī,
jārehuṅ sahaju na parihar soī.
Nārad bachan na maiṅ pariharaūṅ,
basau bhavanu ujarau nahiṅ ḍaraūṅ.
Gur keṅ bachan pratīti na jehī,
sapanehuṅ sugam na sukh sidhi tehī.
Mahādev avagun bhavan Biṣnu sakal gun dhām,
jehi kar manu ram jāhi san tehi tehī san kām. (80)
324 of 1109
जौं तुम्ह मिलतेहु प्रथम मुनीसा ।
सुनतिउँ सिख तुम्हारि धरि सीसा ॥
अब मैं जन्मु संभु हित हारा ।
को गुन दूषन करै बिचारा ॥
जौं तुम्हरे हठ हृदयँ बिसेषी ।
रहि न जाइ बिनु किएँ बरेषी ॥
तौ कौतुकिअन्ह आलसु नाहीं ।
बर कन्या अनेक जग माहीं ॥
जन्म कोटि लगि रगर हमारी ।
बरउँ संभु न त रहउँ कुआरी ॥
तजउँ न नारद कर उपदेसू ।
आपु कहहिं सत बार महेसू ॥
मैं पा परउँ कहइ जगदंबा ।
तुम्ह गृह गवनहु भयउ बिलंबा ॥
देखि प्रेमु बोले मुनि ग्यानी ।
जय जय जगदंबिके भवानी ॥
तुम्ह माया भगवान सिव सकल जगत पितु मातु ।
नाइ चरन सिर मुनि चले पुनि पुनि हरषत गातु ॥ ८१ ॥
Jauṅ tumh milatehu pratham munīsā,
sunatiuṅ sikh tumhāri dhari sīsā.
Ab maiṅ janmu Sambhu hit hārā,
ko gun dūṣan karai bichārā.
Jauṅ tumhare haṭh hṛidayaṅ biseṣī,
rahi na jāi binu kieṅ bareṣī.
Tau kautukianha ālasu nāhīṅ,
bar kanyā anek jag māhīṅ.
Janma koṭi lagi ragar hamārī,
barauṅ Sambhu na ta rahauṅ kuārī.
Tajauṅ na Nārad kar updesū,
āpu kahahiṅ sat bār Mahesū.
Maiṅ pā parauṅ kahai Jagadambā,
tumh gṛih gavanahu bhayau bilambā.
Dekhi premu bole muni gyānī,
jay jay Jagadambike Bhavānī.
Tumh māyā Bhagavān Siv sakal jagat pitu mātu,
nāi charan sir muni chale puni puni haraṣat gātu. (81)
325 of 1109
जाइ मुनिन्ह हिमवंतु पठाए ।
करि बिनती गिरजहिं गृह ल्याए ॥
बहुरि सप्तरिषि सिव पहिं जाई ।
कथा उमा कै सकल सुनाई ॥
भए मगन सिव सुनत सनेहा ।
हरषि सप्तरिषि गवने गेहा ॥
मनु थिर करि तब संभु सुजाना ।
लगे करन रघुनायक ध्याना ॥
तारकु असुर भयउ तेहि काला ।
भुज प्रताप बल तेज बिसाला ॥
तेहिं सब लोक लोकपति जीते ।
भए देव सुख संपति रीते ॥
अजर अमर सो जीति न जाई ।
हारे सुर करि बिबिध लराई ॥
तब बिरंचि सन जाइ पुकारे ।
देखे बिधि सब देव दुखारे ॥
सब सन कहा बुझाइ बिधि दनुज निधन तब होइ ।
संभु सुक्र संभूत सुत एहि जीतइ रन सोइ ॥ ८२ ॥
Jāi muninha Himavantu paṭhāe,
kari binatī Girijahiṅ gṛih lyāe.
Bahuri saptariṣi Siv pahiṅ jāī,
kathā Umā kai sakal sunāī.
Bhae magan Siv sunat sanehā,
haraṣi saptariṣi gavane gehā.
Manu thir kari tab Sambhu sujānā,
lage karan Raghunāyak dhyānā.
Tāraku asur bhayau tehi kālā,
bhuj pratāp bal tej bisālā.
Tehiṅ sab lok lokapati jīte,
bhae dev sukh sampati rīte.
Ajar amar so jīti na jāī,
hāre sur kari bibidh larāī.
Tab Biraṅchi san jāi pukāre,
dekhe bidhi sab dev dukhāre.
Sab san kahā bujhāi bidhi danuj nidhan tab hoi,
Sambhu sukra sambhūt sut ehi jītai ran soi. (82)
326 of 1109
मोर कहा सुनि करहु उपाई ।
होइहि ईस्वर करिहि सहाई ॥
सतीं जो तजी दच्छ मख देहा ।
जनमी जाइ हिमाचल गेहा ॥
तेहिं तपु कीन्ह संभु पति लागी ।
सिव समाधि बैठे सबु त्यागी ॥
जदपि अहइ असमंजस भारी ।
तदपि बात एक सुनहु हमारी ॥
पठवहु कामु जाइ सिव पाहीं ।
करै छोभु संकर मन माहीं ॥
तब हम जाइ सिवहि सिर नाई ।
करवाउब बिबाहु बरिआई ॥
एहि बिधि भलेहिं देवहित होई ।
मत अति नीक कहइ सबु कोई ॥
अस्तुति सुरन्ह कीन्हि अति हेतू ।
प्रगटेउ बिषमबान झषकेतू ॥
सुरन्ह कही निज बिपति सब सुनि मन कीन्ह बिचार ।
संभु बिरोध न कुसल मोहि बिहसि कहेउ अस मार ॥ ८३ ॥
Mor kahā suni karahu upāī,
hoihi īsvar karihi sahāī.
Satīṅ jo tajī Dachchha makh dehā,
janamī jāi Himāchal gehā.
Tehiṅ tapu kīnha Sambhu pati lāgī,
Siv samādhi baiṭhe sabu tyāgī.
Jadapi ahai asamaṅjas bhārī,
tadapi bāt ek sunahu hamārī.
Paṭhavahu kāmu jāi Siv pāhīṅ,
karai chhobhu Saṅkar man māhīṅ.
Tab ham jāi sivahi sir nāī,
karavāub bibāhu bariāī.
Ehi bidhi bhalehiṅ devahit hoī,
mat ati nīk kahai sabu koī.
Astuti suranha kīnhi ati hetū,
pragaṭeu biṣamabān jhaṣaketū.
Suranha kahī nij bipati sab suni man kīnha bichār,
Sambhu birodh na kusal mohi bihasi kaheu as mār. (83)
327 of 1109
तदपि करब मैं काजु तुम्हारा ।
श्रुति कह परम धरम उपकारा ॥
पर हित लागि तजइ जो देही ।
संतत संत प्रसंसहिं तेही ॥
अस कहि चलेउ सबहि सिरु नाई ।
सुमन धनुष कर सहित सहाई ॥
चलत मार अस हृदयँ बिचारा ।
सिव बिरोध ध्रुव मरनु हमारा ॥
तब आपन प्रभाउ बिस्तारा ।
निज बस कीन्ह सकल संसारा ॥
कोपेउ जबहिं बारिचरकेतू ।
छन महुँ मिटे सकल श्रुति सेतू ॥
ब्रह्मचर्ज ब्रत संजम नाना ।
धीरज धरम ग्यान बिग्याना ॥
सदाचार जप जोग बिरागा ।
सभय बिबेक कटकु सबु भागा ॥
भागेउ बिबेकु सहाय सहित सो सुभट संजुग महि मुरे ।
सद्ग्रंथ पर्बत कंदरन्हि महुँ जाइ तेहि अवसर दुरे ॥
होनिहार का करतार को रखवार जग खरभरु परा ।
दुइ माथ केहि रतिनाथ जेहि कहुँ कोपि कर धनु सरु धरा ॥
जे सजीव जग अचर चर नारि पुरुष अस नाम ।
ते निज निज मरजाद तजि भए सकल बस काम ॥ ८४ ॥
Tadapi karab maiṅ kāju tumhārā,
shruti kah param dharam upakārā.
Par hit lāgi tajai jo dehī,
santat sant prasaṅsahiṅ tehī.
As kahi chaleu sabahi siru nāī,
suman dhanuṣ kar sahit sahāī.
Chalat Mār as hṛidayaṅ bichārā,
Siv birodh dhruv maranu hamārā.
Tab āpan prabhāu bistārā,
nij bas kīnha sakal saṅsārā.
Kopeu jabahiṅ Bārichareketū,
chhan mahuṅ miṭe sakal shruti setū.
Brahmacharja brat sanjam nānā,
dhīraj dharam gyān bigyānā.
Sadāchār jap jog birāgā,
sabhay bibek kaṭaku sabu bhāgā.
Bhāgeu bibeku sahāy sahit so subhaṭ sanjug mahi mure,
sadgraṅth parbat kandaranhi mahuṅ jāi tehi avasar dure.
Honihār kā kartār ko rakhavār jag kharabharu parā,
dui māth kehi Ratināth jehi kahuṅ kopi kar dhanu saru dharā.
Je sajīv jag achar char nāri puruṣ as nām,
te nij nij marajād taji bhae sakal bas kām. (84)
328 of 1109
सब के हृदयँ मदन अभिलाषा ।
लता निहारि नवहिं तरु साखा ॥
नदीं उमगि अंबुधि कहुँ धाईं ।
संगम करहिं तलाव तलाईं ॥
जहँ असि दसा जड़न्ह कै बरनी ।
को कहि सकइ सचेतन करनी ॥
पसु पच्छी नभ जल थल चारी ।
भए कामबस समय बिसारी ॥
मदन अंध ब्याकुल सब लोका ।
निसि दिनु नहिं अवलोकहिं कोका ॥
देव दनुज नर किंनर ब्याला ।
प्रेत पिसाच भूत बेताला ॥
इन्ह कै दसा न कहेउँ बखानी ।
सदा काम के चेरे जानी ॥
सिद्ध बिरक्त महामुनि जोगी ।
तेपि कामबस भए बियोगी ॥
भए कामबस जोगीस तापस पावँरन्हि की को कहै ।
देखहिं चराचर नारिमय जे ब्रह्ममय देखत रहे ॥
अबला बिलोकहिं पुरुषमय जगु पुरुष सब अबलामयं ।
दुइ दंड भरि ब्रह्मांड भीतर कामकृत कौतुक अयं ॥
धरी न काहूँ धीर सब के मन मनसिज हरे ।
जे राखे रघुबीर ते उबरे तेहि काल महुँ ॥ ८५ ॥
Sab ke hṛidayaṅ madan abhilāṣā,
latā nihāri navahiṅ taru sākhā.
Nadīṅ umagi ambudhi kahuṅ dhāīṅ,
saṅgam karahiṅ talāv talāīṅ.
Jahaṅ asi dasā jaṛanha kai baranī,
ko kahi sakai sachetan karanī.
Pasu pachchhī nabh jal thal chārī,
bhae kāmabas samay bisārī.
Madan andh byākul sab lokā,
nisi dinu nahiṅ avalokahiṅ kokā.
Dev danuj nar kiṅnar byālā,
pret pisāch bhūt betālā.
Inha kai dasā na kaheuṅ bakhānī,
sadā kām ke chere jānī.
Siddh birakt mahāmuni jogī,
tepi kāmabas bhae biyogī.
Bhae kāmabas jogīs tāpas pāvaṅranhi kī ko kahai,
dekhahiṅ charāchar nārimay je Brahmamay dekhat rahe.
Abalā bilokahiṅ puruṣamay jagu puruṣ sab abalāmayaṃ,
dui daṇḍ bhari brahmāṇḍ bhītar kāmakṛit kautuk ayaṃ.
Dharī na kāhūṅ dhīr sab ke man manasij hare,
je rākhe Raghubīr te ubare tehi kāl mahuṅ. (85)
329 of 1109
उभय घरी अस कौतुक भयऊ ।
जौ लगि कामु संभु पहिं गयऊ ॥
सिवहि बिलोकि ससंकेउ मारू ।
भयउ जथाथिति सबु संसारू ॥
भए तुरत सब जीव सुखारे ।
जिमि मद उतरि गएँ मतवारे ॥
रुद्रहि देखि मदन भय माना ।
दुराधरष दुर्गम भगवाना ॥
फिरत लाज कछु करि नहिं जाई ।
मरनु ठानि मन रचेसि उपाई ॥
प्रगटेसि तुरत रुचिर रितुराजा ।
कुसुमित नव तरु राजि बिराजा ॥
बन उपबन बापिका तड़ागा ।
परम सुभग सब दिसा बिभागा ॥
जहँ तहँ जनु उमगत अनुरागा ।
देखि मुएहुँ मन मनसिज जागा ॥
जागइ मनोभव मुएहुँ मन बन सुभगता न परै कही ।
सीतल सुगंध सुमंद मारुत मदन अनल सखा सही ॥
बिकसे सरन्हि बहु कंज गुंजत पुंज मंजुल मधुकरा ।
कलहंस पिक सुक सरस रव करि गान नाचहिं अपछरा ॥
सकल कला करि कोटि बिधि हारेउ सेन समेत ।
चली न अचल समाधि सिव कोपेउ हृदयनिकेत ॥ ८६ ॥
Ubhay gharī as kautuk bhayaū,
jau lagi kāmu Sambhu pahiṅ gayaū.
Sivahi biloki sasaṅkeu Mārū,
bhayau jathāthiti sabu saṅsārū.
Bhae turat sab jīv sukhāre,
jimi mad utari gaeṅ matavāre.
Rudrahi dekhi madan bhay mānā,
durādharaṣ durgam Bhagavānā.
Phirat lāj kachhu kari nahiṅ jāī,
maranu ṭhāni man rachesi upāī.
Pragaṭesi turat ruchir Riturājā,
kusumit nav taru rāji birājā.
Ban upaban bāpikā taṛāgā,
param subhag sab disā bibhāgā.
Jahaṅ tahaṅ janu umagat anurāgā,
dekhi muehuṅ man manasij jāgā.
Jāgai manobhav muehuṅ man ban subhagatā na parai kahī,
sītal sugandh sumand mārut madan anal sakhā sahī.
Bikase saranhi bahu kanj guṅjat puṅj manjul madhukarā,
kalahaṅs pik suk saras rav kari gān nāchahiṅ apachharā.
Sakal kalā kari koṭi bidhi hāreu sen samet,
chalī na achal samādhi Siv kopeu hṛidayaniket. (86)
330 of 1109
देखि रसाल बिटप बर साखा ।
तेहि पर चढ़ेउ मदनु मन माखा ॥
सुमन चाप निज सर संधाने ।
अति रिस ताकि श्रवन लगि ताने ॥
छाड़े बिषम बिसिख उर लागे ।
छूटि समाधि संभु तब जागे ॥
भयउ ईस मन छोभु बिसेषी ।
नयन उघारि सकल दिसि देखी ॥
सौरभ पल्लव मदनु बिलोका ।
भयउ कोपु कंपेउ त्रैलोका ॥
तब सिवँ तीसर नयन उघारा ।
चितवत कामु भयउ जरि छारा ॥
हाहाकार भयउ जग भारी ।
डरपे सुर भए असुर सुखारी ॥
समुझि कामसुखु सोचहिं भोगी ।
भए अकंटक साधक जोगी ॥
जोगी अकंटक भए पति गति सुनत रति मुरुछित भई ।
रोदति बदति बहु भाँति करुना करति संकर पहिं गई ॥
अति प्रेम करि बिनती बिबिध बिधि जोरि कर सन्मुख रही ।
प्रभु आसुतोष कृपाल सिव अबला निरखि बोले सही ॥
अब तें रति तव नाथ कर होइहि नामु अनंगु ।
बिनु बपु ब्यापिहि सबहि पुनि सुनु निज मिलन प्रसंगु ॥ ८७ ॥
Dekhi rasāl biṭap bar sākhā,
tehi par chaṛheu madanu man mākhā.
Suman chāp nij sar saṅdhāne,
ati ris tāki shravan lagi tāne.
Chhāṛe biṣam bisikh ur lāge,
chhūṭi samādhi Sambhu tab jāge.
Bhayau īs man chhobhu biseṣī,
nayan ughāri sakal disi dekhī.
Saurabh pallav madanu bilokā,
bhayau kopu kaṅpeu trailokā.
Tab sivaṅ tīsar nayan ughārā,
chitavat kāmu bhayau jari chhārā.
Hāhākār bhayau jag bhārī,
ḍarape sur bhae asur sukhārī.
Samujhi kāmasukhu sochahiṅ bhogī,
bhae akaṇṭak sādhak jogī.
Jogī akaṇṭak bhae pati gati sunat Rati muruchhit bhaī,
rodati badati bahu bhāṅti karunā karati Saṅkar pahiṅ gaī.
Ati prem kari binatī bibidh bidhi jori kar sanmukh rahī,
prabhu āsutoṣ kṛipāl Siv abalā nirakhi bole sahī.
Ab teṅ Rati tav nāth kar hoihi nāmu anaṅgu,
binu bapu byāpihi sabahi puni sunu nij milan prasaṅgu. (87)
331 of 1109
जब जदुबंस कृष्न अवतारा ।
होइहि हरन महा महिभारा ॥
कृष्न तनय होइहि पति तोरा ।
बचनु अन्यथा होइ न मोरा ॥
रति गवनी सुनि संकर बानी ।
कथा अपर अब कहउँ बखानी ॥
देवन्ह समाचार सब पाए ।
ब्रह्मादिक बैकुंठ सिधाए ॥
सब सुर बिष्नु बिरंचि समेता ।
गए जहाँ सिव कृपानिकेता ॥
पृथक पृथक तिन्ह कीन्हि प्रसंसा ।
भए प्रसन्न चंद्र अवतंसा ॥
बोले कृपासिंधु बृषकेतू ।
कहहु अमर आए केहि हेतू ॥
कह बिधि तुम्ह प्रभु अंतरजामी ।
तदपि भगति बस बिनवउँ स्वामी ॥
सकल सुरन्ह के हृदयँ अस संकर परम उछाहु ।
निज नयनन्हि देखा चहहिं नाथ तुम्हार बिबाहु ॥ ८८ ॥
Jab Jadubaṅs Kṛiṣna avatārā,
hoihi haran mahā mahibhārā.
Kṛiṣna tanay hoihi pati torā,
bachanu anyathā hoi na morā.
Rati gavanī suni Saṅkar bānī,
kathā apar ab kahauṅ bakhānī.
Devanha samāchār sab pāe,
Brahmādik Baikuṇṭh sidhāe.
Sab sur Biṣnu Biraṅchi sametā,
gae jahāṅ Siv kṛipāniketā.
Pṛithak pṛithak tinha kīnhi prasaṅsā,
bhae prasanna Chandra avataṅsā.
Bole kṛipāsindhu bṛiṣaketū,
kahahu amar āe kehi hetū.
Kah bidhi tumh prabhu antarajāmī,
tadapi bhagati bas binavauṅ svāmī.
Sakal suranha ke hṛidayaṅ as Saṅkar param uchhāhu,
nij nayananhi dekhā chahahiṅ nāth tumhār bibāhu. (88)
332 of 1109
यह उत्सव देखिअ भरि लोचन ।
सोइ कछु करहु मदन मद मोचन ॥
कामु जारि रति कहुँ बरु दीन्हा ।
कृपासिंधु यह अति भल कीन्हा ॥
सासति करि पुनि करहिं पसाऊ ।
नाथ प्रभुन्ह कर सहज सुभाऊ ॥
पारबतीं तपु कीन्ह अपारा ।
करहु तासु अब अंगीकारा ॥
सुनि बिधि बिनय समुझि प्रभु बानी ।
ऐसेइ होउ कहा सुखु मानी ॥
तब देवन्ह दुंदुभीं बजाई ।
बरषि सुमन जय जय सुर साईं ॥
अवसरु जानि सप्तरिषि आए ।
तुरतहिं बिधि गिरिभवन पठाए ॥
प्रथम गए जहँ रहीं भवानी ।
बोले मधुर बचन छल सानी ॥
कहा हमार न सुनेहु तब नारद कें उपदेस ।
अब भा झूठ तुम्हार पन जारेउ कामु महेस ॥ ८९ ॥
Yah utsav dekhia bhari lochan,
soi kachhu karahu madan mad mochan.
Kāmu jāri Rati kahuṅ baru dīnhā,
kṛipāsindhu yah ati bhal kīnhā.
Sāsati kari puni karahiṅ pasāū,
nāth prabhunha kar sahaj subhāū.
Pārbatīṅ tapu kīnha apārā,
karahu tāsu ab aṅgīkārā.
Suni bidhi binay samujhi prabhu bānī,
aisei hou kahā sukhu mānī.
Tab devanha duṅdubhīṅ bajāī,
baraṣi suman jay jay sur sāīṅ.
Avasaru jāni saptariṣi āe,
turatahiṅ bidhi giribhavan paṭhāe.
Pratham gae jahaṅ rahīṅ Bhavānī,
bole madhur bachan chhal sānī.
Kahā hamār na sunehu tab Nārad keṅ updes,
ab bhā jhūṭh tumhār pan jāreu kāmu Mahes. (89)
333 of 1109
सुनि बोलीं मुसुकाइ भवानी ।
उचित कहेहु मुनिबर बिग्यानी ॥
तुम्हरें जान कामु अब जारा ।
अब लगि संभु रहे सबिकारा ॥
हमरें जान सदा सिव जोगी ।
अज अनवद्य अकाम अभोगी ॥
जौं मैं सिव सेये अस जानी ।
प्रीति समेत करम मन बानी ॥
तौ हमार पन सुनहु मुनीसा ।
करिहहिं सत्य कृपानिधि ईसा ॥
तुम्ह जो कहा हर जारेउ मारा ।
सोइ अति बड़ अबिबेकु तुम्हारा ॥
तात अनल कर सहज सुभाऊ ।
हिम तेहि निकट जाइ नहिं काऊ ॥
गएँ समीप सो अवसि नसाई ।
असि मन्मथ महेस की नाई ॥
हियँ हरषे मुनि बचन सुनि देखि प्रीति बिस्वास ।
चले भवानिहि नाइ सिर गए हिमाचल पास ॥ ९० ॥
Suni bolīṅ musukāi Bhavānī,
uchit kahehu munibar bigyānī.
Tumhareṅ jān kāmu ab jārā,
ab lagi Sambhu rahe sabikārā.
Hamareṅ jān sadā Siv jogī,
aj anavadya akām abhogī.
Jauṅ maiṅ Siv seye as jānī,
prīti samet karam man bānī.
Tau hamār pan sunahu munīsā,
karihahiṅ satya kṛipānidhi Īsā.
Tumh jo kahā Har jāreu mārā,
soi ati baṛ abibeku tumhārā.
Tāt anal kar sahaj subhāū,
him tehi nikaṭ jāi nahiṅ kāū.
Gaeṅ samīp so avasi nasāī,
asi Manmath Mahes kī nāī.
Hiyaṅ haraṣe muni bachan suni dekhi prīti bisvās,
chale Bhavānihi nāi sir gae Himāchal pās. (90)
334 of 1109
सबु प्रसंगु गिरिपतिहि सुनावा ।
मदन दहन सुनि अति दुखु पावा ॥
बहुरि कहेउ रति कर बरदाना ।
सुनि हिमवंत बहुत सुखु माना ॥
हृदयँ बिचारि संभु प्रभुताई ।
सादर मुनिबर लिए बोलाई ॥
सुदिनु सुनखतु सुघरी सोचाई ।
बेगि बेदबिधि लगन धराई ॥
पत्री सप्तरिषिन्ह सोइ दीन्ही ।
गहि पद बिनय हिमाचल कीन्ही ॥
जाइ बिधिहि तिन्ह दीन्हि सो पाती ।
बाचत प्रीति न हृदयँ समाती ॥
लगन बाचि अज सबहि सुनाई ।
हरषे मुनि सब सुर समुदाई ॥
सुमन बृष्टि नभ बाजन बाजे ।
मंगल कलस दसहुँ दिसि साजे ॥
लगे सँवारन सकल सुर बाहन बिबिध बिमान ।
होहिं सगुन मंगल सुभद करहिं अपछरा गान ॥ ९१ ॥
Sabu prasaṅgu giripatihi sunāvā,
madan dahan suni ati dukhu pāvā.
Bahuri kaheu Rati kar baradānā,
suni Himavant bahut sukhu mānā.
Hṛidayaṅ bichāri Sambhu prabhutāī,
sādar munibar lie bolāī.
Sudinu sunakhatu sugharī sochāī,
begi bedbidhi lagan dharāī.
Patrī saptariṣinha soi dīnhī,
gahi pad binay Himāchal kīnhī.
Jāi bidhihi tinha dīnhi so pātī,
bāchat prīti na hṛidayaṅ samātī.
Lagan bāchi Aj sabahi sunāī,
haraṣe muni sab sur samudāī.
Suman bṛiṣṭi nabh bājan bāje,
maṅgal kalas dasahuṅ disi sāje.
Lage saṅvāran sakal sur bāhan bibidh bimān,
hohiṅ sagun maṅgal subhad karahiṅ apachharā gān. (91)
335 of 1109
सिवहि संभु गन करहिं सिंगारा ।
जटा मुकुट अहि मौरु सँवारा ॥
कुंडल कंकन पहिरे ब्याला ।
तन बिभूति पट केहरि छाला ॥
ससि ललाट सुंदर सिर गंगा ।
नयन तीनि उपबीत भुजंगा ॥
गरल कंठ उर नर सिर माला ।
असिव बेष सिवधाम कृपाला ॥
कर त्रिसूल अरु डमरु बिराजा ।
चले बसहँ चढ़ि बाजहिं बाजा ॥
देखि सिवहि सुरत्रिय मुसुकाहीं ।
बर लायक दुलहिनि जग नाहीं ॥
बिष्नु बिरंचि आदि सुरब्राता ।
चढ़ि चढ़ि बाहन चले बराता ॥
सुर समाज सब भाँति अनूपा ।
नहिं बरात दूलह अनुरूपा ॥
बिष्नु कहा अस बिहसि तब बोलि सकल दिसिराज ।
बिलग बिलग होइ चलहु सब निज निज सहित समाज ॥ ९२ ॥
Sivahi Sambhu gan karahiṅ siṅgārā,
jaṭā mukuṭ ahi mauru saṅvārā.
Kuṇḍal kaṅkan pahire byālā,
tan bibhūti paṭ kehari chhālā.
Sasi lalāṭ sundar sir Gaṅgā,
nayan tīni upabīt bhujaṅgā.
Garal kaṇṭh ur nar sir mālā,
asiv beṣ Sivadhām kṛipālā.
Kar trisūl aru ḍamaru birājā,
chale basahaṅ chaṛhi bājahiṅ bājā.
Dekhi sivahi suratriya musukāhīṅ,
bar lāyak dulahini jag nāhīṅ.
Biṣnu Biraṅchi ādi surabrātā,
chaṛhi chaṛhi bāhan chale barātā.
Sur samāj sab bhāṅti anūpā,
nahiṅ barāt dūlah anurūpā.
Biṣnu kahā as bihasi tab boli sakal disirāj,
bilag bilag hoi chalahu sab nij nij sahit samāj. (92)
336 of 1109
बर अनुहारि बरात न भाई ।
हँसी करैहहु पर पुर जाई ॥
बिष्नु बचन सुनि सुर मुसुकाने ।
निज निज सेन सहित बिलगाने ॥
Bar anuhāri barāt na bhāī,
haṅsī karaihahu par pur jāī.
Biṣnu bachan suni sur musukāne,
nij nij sen sahit bilagāne.
337 of 1109
मनहीं मन महेसु मुसकाहीं ।
हरि के बिंग्य बचन नहिं जाहीं ॥
अति प्रिय बचन सुनत प्रिय केरे ।
भृंगिहि प्रेरि सकल गन टेरे ॥
सिव अनुसासन सुनि सब आए ।
प्रभु पद जलज सीस तिन्ह नाए ॥
नाना बाहन नाना बेषा ।
बिहसे सिव समाज निज देखा ॥
कोउ मुखहीन बिपुल मुख काहू ।
बिनु पद कर कोउ बहु पद बाहू ॥
बिपुल नयन कोउ नयन बिहीना ।
रिष्टपुष्ट कोउ अति तनखीना ॥
छं०—तन खीन कोउ अति पीन पावन कोउ अपावन गति धरें ।
भूषन कराल कपाल कर सब सद्य सोनित तन भरें ॥
खर स्वान सुअर सृकाल मुख गन बेष अगनित को गनै ।
बहु जिनस प्रेत पिसाच जोगि जमात बरनत नहिं बनै ॥
सो०—नाचहिं गावहिं गीत परम तरंगी भूत सब ।
देखत अति बिपरीत बोलहिं बचन बिचित्र बिधि ॥ ९३ ॥
Manahīṅ man Mahesu musakāhīṅ,
Hari ke biṅgya bachan nahiṅ jāhīṅ.
Ati priya bachan sunat priya kere,
bhṛiṅgihi preri sakal gan ṭere.
Siv anusāsan suni sab āe,
prabhu pad jalaj sīs tinha nāe.
Nānā bāhan nānā beṣā,
bihase Siv samāj nij dekhā.
Kou mukhahīn bipul mukh kāhū,
binu pad kar kou bahu pad bāhū.
Bipul nayan kou nayan bihīnā,
riṣṭapuṣṭ kou ati tanakhīnā.
Chh.—Tan khīn kou ati pīn pāvan kou apāvan gati dhareṅ,
bhūṣan karāl kapāl kar sab sadya sonit tan bhareṅ.
Khar swān suar sṛikāl mukh gan beṣ aganit ko ganai,
bahu jinas pret pisāch jogi jamāt baranat nahiṅ banai.
So.—Nāchahiṅ gāvahiṅ gīt param taraṅgī bhūt sab,
dekhat ati biparīt bolahiṅ bachan bichitra bidhi. (93)
338 of 1109
जस दूलहु तसि बनी बराता ।
कौतुक बिबिध होहिं मग जाता ॥
इहाँ हिमाचल रचेउ बिताना ।
अति बिचित्र नहिं जाइ बखाना ॥
सैल सकल जहँ लगि जग माहीं ।
लघु बिसाल नहिं बरनि सिराहीं ॥
बन सागर सब नदीं तलावा ।
हिमगिरि सब कहुँ नेवत पठावा ॥
कामरूप सुंदर तन धारी ।
सहित समाज सहित बर नारी ॥
गए सकल तुहिनाचल गेहा ।
गावहिं मंगल सहित सनेहा ॥
प्रथमहिं गिरि बहु गृह सँवराए ।
जथाजोगु तहँ तहँ सब छाए ॥
पुर सोभा अवलोकि सुहाई ।
लागइ लघु बिरंचि निपुनाई ॥
छं०—लघु लाग बिधि की निपुनता अवलोकि पुर सोभा सही ।
बन बाग कूप तड़ाग सरिता सुभग सब सक को कही ॥
मंगल बिपुल तोरन पताका केतु गृह गृह सोहहीं ।
बनिता पुरुष सुंदर चतुर छबि देखि मुनि मन मोहहीं ॥
दो०—जगदंबा जहँ अवतरी सो पुरु बरनि कि जाइ ।
रिद्धि सिद्धि संपत्ति सुख नित नूतन अधिकाइ ॥ ९४ ॥
Jas dūlahu tasi banī barātā,
kautuk bibidh hohiṅ mag jātā.
Ihāṅ Himāchal racheu bitānā,
ati bichitra nahiṅ jāi bakhānā.
Sail sakal jahaṅ lagi jag māhīṅ,
laghu bisāl nahiṅ barani sirāhīṅ.
Ban sāgar sab nadīṅ talāvā,
Himagiri sab kahuṅ nevat paṭhāvā.
Kāmarūp sundar tan dhārī,
sahit samāj sahit bar nārī.
Gae sakal Tuhināchal gehā,
gāvahiṅ maṅgal sahit sanehā.
Prathamahiṅ giri bahu gṛiha saṅvarāe,
jathājogu tahaṅ tahaṅ sab chhāe.
Pur sobhā avaloki suhāī,
lāgai laghu Biraṅchi nipunāī.
Chh.—Laghu lāg bidhi kī nipunatā avaloki pur sobhā sahī,
ban bāg kūp taḍāg saritā subhag sab sak ko kahī.
Maṅgal bipul toran patākā ketu gṛiha gṛiha sohahīṅ,
banitā puruṣ sundar chatur chhabi dekhi muni man mohahīṅ.
Do.—Jagadambā jahaṅ avatarī so puru barani ki jāi,
riddhi siddhi sampatti sukh nit nūtan adhikāi. (94)
339 of 1109
नगर निकट बरात सुनि आई ।
पुर खरभरु सोभा अधिकाई ॥
करि बनाव सजि बाहन नाना ।
चले लेन सादर अगवाना ॥
हियँ हरषे सुर सेन निहारी ।
हरिहि देखि अति भए सुखारी ॥
सिव समाज जब देखन लागे ।
बिडरि चले बाहन सब भागे ॥
धरि धीरजु तहँ रहे सयाने ।
बालक सब लै जीव पराने ॥
गएँ भवन पूछहिं पितु माता ।
कहहिं बचन भय कंपित गाता ॥
कहिअ काह कहि जाइ न बाता ।
जम कर धार किधौं बरिआता ॥
बरु बौराह बसहँ असवारा ।
ब्याल कपाल बिभूषन छारा ॥
छं०—तन छार ब्याल कपाल भूषन नगन जटिल भयंकरा ।
सँग भूत प्रेत पिसाच जोगिनि बिकट मुख रजनीचरा ॥
जो जिअत रहिहि बरात देखत पुन्य बड़ तेहि कर सही ।
देखिहि सो उमा बिबाहु घर घर बात असि लरिकन्ह कही ॥
दो०—समुझि महेस समाज सब जननि जनक मुसुकाहिं ।
बाल बुझाए बिबिध बिधि निडर होहु डरु नाहिं ॥ ९५ ॥
Nagar nikaṭ barāt suni āī,
pur kharabharu sobhā adhikāī.
Kari banāv saji bāhan nānā,
chale len sādar agavānā.
Hiyaṅ haraṣe sur sen nihārī,
Harihi dekhi ati bhae sukhārī.
Siv samāj jab dekhan lāge,
biḍari chale bāhan sab bhāge.
Dhari dhīraju tahaṅ rahe sayāne,
bālak sab lai jīv parāne.
Gaeṅ bhavan pūchhahiṅ pitu mātā,
kahahiṅ bachan bhay kaṅpit gātā.
Kahia kāh kahi jāi na bātā,
jam kar dhār kidhauṅ bariātā.
Baru baurāh basahaṅ asavārā,
byāl kapāl bibhūṣan chhārā.
Chh.—Tan chhār byāl kapāl bhūṣan nagan jaṭil bhayaṅkarā,
saṅg bhūt pret pisāch jogini bikaṭ mukh rajanīcharā.
Jo jiat rahihi barāt dekhat punya baḍ tehi kar sahī,
dekhihi so Umā bibāhu ghar ghar bāt asi larikanha kahī.
Do.—Samujhi Mahes samāj sab janani janak musukāhiṅ,
bāl bujhāe bibidh bidhi niḍar hohu ḍaru nāhiṅ. (95)
340 of 1109
लै अगवान बरातहि आए ।
दिए सबहि जनवास सुहाए ॥
मैनाँ सुभ आरती सँवारी ।
संग सुमंगल गावहिं नारी ॥
कंचन थार सोह बर पानी ।
परिछन चली हरहि हरषानी ॥
बिकट बेष रुद्रहि जब देखा ।
अबलन्ह उर भय भयउ बिसेषा ॥
भागि भवन पैठीं अति त्रासा ।
गए महेसु जहाँ जनवासा ॥
मैना हृदयँ भयउ दुखु भारी ।
लीन्ही बोलि गिरीसकुमारी ॥
अधिक सनेहँ गोद बैठारी ।
स्याम सरोज नयन भरे बारी ॥
जेहिं बिधि तुम्हहि रूपु अस दीन्हा ।
तेहिं जड़ बरु बाउर कस कीन्हा ॥
छं०—कस कीन्ह बरु बौराह बिधि जेहिं तुम्हहि सुंदरता दई ।
जो फलु चहिअ सुरतरुहिं सो बरबस बबूरहिं लागई ॥
तुम्ह सहित गिरि तें गिरौं पावक जरौं जलनिधि महुँ परौं ।
घरु जाउ अपजसु होउ जग जीवत बिबाहु न हौं करौं ॥
दो०—भईं बिकल अबला सकल दुखित देखि गिरिनारि ।
करि बिलापु रोदति बदति सुता सनेहु सँभारि ॥ ९६ ॥
Lai agavān barātahi āe,
die sabahi janavās suhāe.
Maināṅ subh āratī saṅvārī,
saṅg sumaṅgal gāvahiṅ nārī.
Kaṅchan thār soh bar pānī,
parichhan chalī Harahi haraṣānī.
Bikaṭ beṣ Rudrahi jab dekhā,
abalanha ur bhay bhayau biseṣā.
Bhāgi bhavan paiṭhīṅ ati trāsā,
gae Mahesu jahāṅ janavāsā.
Mainā hṛidayaṅ bhayau dukhu bhārī,
līnhī boli girīsakumārī.
Adhik sanehaṅ god baiṭhārī,
syām saroj nayan bhare bārī.
Jehiṅ bidhi tumhahi rūpu as dīnhā,
tehiṅ jaḍ baru bāur kas kīnhā.
Chh.—Kas kīnh baru baurāh bidhi jehiṅ tumhahi sundaratā daī,
jo phalu chahia surataruhiṅ so barabas babūrahiṅ lāgaī.
Tumh sahit giri teṅ girauṅ pāvak jarauṅ jalanidhi mahuṅ parauṅ,
gharu jāu apajasu hou jag jīvat bibāhu na hauṅ karauṅ.
Do.—Bhaīṅ bikal abalā sakal dukhit dekhi girināri,
kari bilāpu rodati badati sutā sanehu sambhāri. (96)
341 of 1109
नारद कर मैं काह बिगारा ।
भवनु मोर जिन्ह बसत उजारा ॥
अस उपदेसु उमहि जिन्ह दीन्हा ।
बौरे बरहि लागि तपु कीन्हा ॥
साचेहुँ उन्ह के मोह न माया ।
उदासीन धनु धामु न जाया ॥
पर घर घालक लाज न भीरा ।
बाँझ कि जान प्रसव कै पीरा ॥
जननिहि बिकल बिलोकि भवानी ।
बोली जुत बिबेक मृदु बानी ॥
अस बिचारि सोचहि मति माता ।
सो न टरइ जो रचइ बिधाता ॥
करम लिखा जौं बाउर नाहू ।
तौ कत दोसु लगाइअ काहू ॥
तुम्ह सन मिटहिं कि बिधि के अंका ।
मातु ब्यर्थ जनि लेहु कलंका ॥
छं०—जनि लेहु मातु कलंकु करुना परिहरहु अवसर नहीं ।
दुखु सुखु जो लिखा लिलार हमरें जाब जहँ पाउब तहीं ॥
सुनि उमा बचन बिनीत कोमल सकल अबला सोचहीं ।
बहु भाँति बिधिहि लगाइ दूषन नयन बारि बिमोचहीं ॥
दो०—तेहि अवसर नारद सहित अरु रिषि सप्त समेत ।
समाचार सुनि तुहिनगिरि गवने तुरत निकेत ॥ ९७ ॥
Nārad kar maiṅ kāh bigārā,
bhavanu mor jinha basat ujārā.
As updesu Umahi jinha dīnhā,
baure barahi lāgi tapu kīnhā.
Sāchehuṅ unha ke moh na māyā,
udāsīn dhanu dhāmu na jāyā.
Par ghar ghālak lāj na bhīrā,
bāṅjh ki jān prasav kai pīrā.
Jananihi bikal biloki Bhavānī,
bolī jut bibek mṛidu bānī.
As bichāri sochahi mati mātā,
so na ṭarai jo rachai bidhātā.
Karam likhā jauṅ bāur nāhū,
tau kat dosu lagāia kāhū.
Tumh san miṭahiṅ ki bidhi ke aṅkā,
mātu byarth jani lehu kalaṅkā.
Chh.—Jani lehu mātu kalaṅku karunā pariharahu avasar nahīṅ,
dukhu sukhu jo likhā lilār hamareṅ jāb jahaṅ pāub tahīṅ.
Suni Umā bachan binīt komal sakal abalā sochahīṅ,
bahu bhāṅti bidhihi lagāi dūṣan nayan bāri bimochahīṅ.
Do.—Tehi avasar Nārad sahit aru riṣi sapt sameta,
samāchār suni Tuhinagiri gavane turat niket. (97)
342 of 1109
तब नारद सबही समुझावा ।
पूरब कथाप्रसंगु सुनावा ॥
मयना सत्य सुनहु मम बानी ।
जगदंबा तव सुता भवानी ॥
अजा अनादि सक्ति अबिनासिनि ।
सदा संभु अरधंग निवासिनि ॥
जग संभव पालन लय कारिनि ।
निज इच्छा लीला बपु धारिनि ॥
जनमीं प्रथम दच्छ गृह जाई ।
नामु सती सुंदर तनु पाई ॥
तहँहुँ सती संकरहि बिबाहीं ।
कथा प्रसिद्ध सकल जग माहीं ॥
एक बार आवत सिव संगा ।
देखेउ रघुकुल कमल पतंगा ॥
भयउ मोहु सिव कहा न कीन्हा ।
भ्रम बस बेषु सीय कर लीन्हा ॥
छं०—सिय बेषु सतीं जो कीन्ह तेहिं अपराध संकर परिहरीं ।
हर बिरहँ जाइ बहोरि पितु कें जग्य जोगानल जरीं ॥
अब जनमि तुम्हरे भवन निज पति लागि दारुन तपु किया ।
अस जानि संसय तजहु गिरिजा सर्बदा संकरप्रिया ॥
दो०—सुनि नारद के बचन तब सब कर मिटा बिषाद ।
छन महुँ ब्यापेउ सकल पुर घर घर यह संबाद ॥ ९८ ॥
Tab Nārad sabahī samujhāvā,
pūrab kathāprasaṅgu sunāvā.
Mainā satya sunahu mam bānī,
jagadambā tav sutā Bhavānī.
Ajā anādi sakti abināsini,
sadā Sambhu ardhaṅg nivāsini.
Jag sambhav pālan lay kārini,
nij ichchhā līlā bapu dhārini.
Janamīṅ pratham Dachchh gṛiha jāī,
nāmu Satī sundar tanu pāī.
Tahaṅhuṅ Satī Saṅkarahi bibāhīṅ,
kathā prasiddh sakal jag māhīṅ.
Ek bār āvat Siv saṅgā,
dekheu Raghukul kamal pataṅgā.
Bhayau mohu Siv kahā na kīnhā,
bhram bas beṣu Sīya kar līnhā.
Chh.—Siya beṣu Satīṅ jo kīnh tehiṅ aparādh Saṅkar pariharīṅ,
Har birahaṅ jāi bahori pitu keṅ jagya jogānal jarīṅ.
Ab janami tumhare bhavan nij pati lāgi dārun tapu kiyā,
as jāni sansay tajahu Girijā sarbadā Saṅkarapriyā.
Do.—Suni Nārad ke bachan tab sab kar miṭā biṣād,
chhan mahuṅ byāpeu sakal pur ghar ghar yah sambād. (98)
343 of 1109
तब मयना हिमवंतु अनंदे ।
पुनि पुनि पारबती पद बंदे ॥
नारि पुरुष सिसु जुबा सयाने ।
नगर लोग सब अति हरषाने ॥
लगे होन पुर मंगल गाना ।
सजे सबहिं हाटक घट नाना ॥
भाँति अनेक भई जेवनारा ।
सूपसास्त्र जस कछु ब्यवहारा ॥
सो जेवनार कि जाइ बखानी ।
बसहिं भवन जेहिं मातु भवानी ॥
सादर बोले सकल बराती ।
बिष्नु बिरंचि देव सब जाती ॥
बिबिधि पाँति बैठी जेवनारा ।
लागे परुसन निपुन सुआरा ॥
नारिबृंद सुर जेवँत जानी ।
लगीं देन गारीं मृदु बानी ॥
छं०—गारीं मधुर स्वर देहिं सुंदरि बिंग्य बचन सुनावहीं ।
भोजनु करहिं सुर अति बिलंबु बिनोदु सुनि सचु पावहीं ॥
जेवँत जो बढ़्यो अनंदु सो मुख कोटिहूँ न परै कह्यो ।
अचवाँइ दीन्हे पान गवने बास जहँ जाको रह्यो ॥
दो०—बहुरि मुनिन्ह हिमवंत कहुँ लगन सुनाई आइ ।
समय बिलोकि बिबाह कर पठए देव बोलाइ ॥ ९९ ॥
Tab Mainā Himavantu anande,
puni puni Pārbatī pad bande.
Nāri puruṣ sisu jubā sayāne,
nagar log sab ati haraṣāne.
Lage hon pur maṅgal gānā,
saje sabahiṅ hāṭak ghaṭ nānā.
Bhāṅti anek bhaī jevanārā,
sūpasāstra jas kachhu byavahārā.
So jevanār ki jāi bakhānī,
basahiṅ bhavan jehiṅ mātu Bhavānī.
Sādar bole sakal barātī,
Biṣnu Biraṅchi dev sab jātī.
Bibidhi pāṅti baiṭhī jevanārā,
lāge parusan nipun suārā.
Nāribṛind sur jevaṅt jānī,
lagīṅ den gārīṅ mṛidu bānī.
Chh.—Gārīṅ madhur swar dehiṅ sundari biṅgya bachan sunāvahīṅ,
bhojanu karahiṅ sur ati bilambu binodu suni sachu pāvahīṅ.
Jevaṅt jo baḍhyo anandu so mukh koṭihūṅ na parai kahyo,
achavāṅi dīnhe pān gavane bās jahaṅ jāko rahyo.
Do.—Bahuri muninha Himavant kahuṅ lagan sunāī āi,
samay biloki bibāh kar paṭhae dev bolāi. (99)
344 of 1109
बोलि सकल सुर सादर लीन्हे ।
सबहि जथोचित आसन दीन्हे ॥
बेदी बेद बिधान सँवारी ।
सुभग सुमंगल गावहिं नारी ॥
सिंघासनु अति दिब्य सुहावा ।
जाइ न बरनि बिरंचि बनावा ॥
बैठे सिव बिप्रन्ह सिरु नाई ।
हृदयँ सुमिरि निज प्रभु रघुराई ॥
बहुरि मुनीसन्ह उमा बोलाईं ।
करि सिंगारु सखीं लै आईं ॥
देखत रूपु सकल सुर मोहे ।
बरनै छबि अस जग कबि को है ॥
जगदंबिका जानि भव भामा ।
सुरन्ह मनहिं मन कीन्ह प्रनामा ॥
सुंदरता मरजाद भवानी ।
जाइ न कोटिहुँ बदन बखानी ॥
छं०—कोटिहुँ बदन नहिं बनै बरनत जग जननि सोभा महा ।
सकुचहिं कहत श्रुति सेष सारद मंदमति तुलसी कहा ॥
छबिखानि मातु भवानि गवनीं मध्य मंडप सिव जहाँ ।
अवलोकि सकहिं न सकुच पति पद कमल मनु मधुकरु तहाँ ॥
दो०—मुनि अनुसासन गनपतिहि पूजेउ संभु भवानि ।
कोउ सुनि संसय करै जनि सुर अनादि जियँ जानि ॥ १०० ॥
Boli sakal sur sādar līnhe,
sabahi jathochit āsan dīnhe.
Bedī bed bidhān saṅvārī,
subhag sumaṅgal gāvahiṅ nārī.
Siṅghāsanu ati dibya suhāvā,
jāi na barani Biraṅchi banāvā.
Baiṭhe Siv bipranha siru nāī,
hṛidayaṅ sumiri nij prabhu Raghurāī.
Bahuri munīsanha Umā bolāīṅ,
kari siṅgāru sakhīṅ lai āīṅ.
Dekhat rūpu sakal sur mohe,
baranai chhabi as jag kabi ko hai.
Jagadambikā jāni Bhav bhāmā,
suranha manahiṅ man kīnh pranāmā.
Sundaratā marajād Bhavānī,
jāi na koṭihuṅ badan bakhānī.
Chh.—Koṭihuṅ badan nahiṅ banai baranat jag janani sobhā mahā,
sakuchahiṅ kahat shruti Seṣ Sārad mandamati Tulasī kahā.
Chhabikhāni mātu Bhavāni gavanīṅ madhya maṇḍap Siv jahāṅ,
avaloki sakahiṅ na sakuch pati pad kamal manu madhukaru tahāṅ.
Do.—Muni anusāsan Ganapatihi pūjeu Sambhu Bhavāni,
kou suni sansay karai jani sur anādi jiyaṅ jāni. (100)
345 of 1109
जसि बिबाह कै बिधि श्रुति गाई ।
महामुनिन्ह सो सब करवाई ॥
गहि गिरीस कुस कन्या पानी ।
भवहि समरपीं जानि भवानी ॥
पानिग्रहन जब कीन्ह महेसा ।
हियँ हरषे तब सकल सुरेसा ॥
बेदमंत्र मुनिबर उच्चरहीं ।
जय जय जय संकर सुर करहीं ॥
बाजहिं बाजन बिबिध बिधाना ।
सुमनबृष्टि नभ भै बिधि नाना ॥
हर गिरिजा कर भयउ बिबाहू ।
सकल भुवन भरि रहा उछाहू ॥
दासीं दास तुरग रथ नागा ।
धेनु बसन मनि बस्तु बिभागा ॥
अन्न कनकभाजन भरि जाना ।
दाइज दीन्ह न जाइ बखाना ॥
छं०—दाइज दियो बहु भाँति पुनि कर जोरि हिमभूधर कह्यो ।
का देउँ पूरनकाम संकर चरन पंकज गहि रह्यो ॥
सिवँ कृपासागर ससुर कर संतोषु सब भाँतिहिं कियो ।
पुनि गहे पद पाथोज मयनाँ प्रेम परिपूरन हियो ॥
दो०—नाथ उमा मम प्रान सम गृहकिंकरी करेहु ।
छमेहु सकल अपराध अब होइ प्रसन्न बरु देहु ॥ १०१ ॥
Jasi bibāh kai bidhi shruti gāī,
mahāmuninha so sab karavāī.
Gahi Girīs kus kanyā pānī,
Bhavahi samarapīṅ jāni Bhavānī.
Pānigrahan jab kīnh Mahesā,
hiyaṅ haraṣe tab sakal Suresā.
Bedmantra munibar uchcharahīṅ,
jay jay jay Saṅkar sur karahīṅ.
Bājahiṅ bājan bibidh bidhānā,
sumanabṛiṣṭi nabh bhai bidhi nānā.
Har Girijā kar bhayau bibāhū,
sakal bhuvan bhari rahā uchhāhū.
Dāsīṅ dās turag rath nāgā,
dhenu basan mani bastu bibhāgā.
Anna kanakabhājan bhari jānā,
dāij dīnh na jāi bakhānā.
Chh.—Dāij diyo bahu bhāṅti puni kar jori Himabhūdhar kahyo,
kā deuṅ pūranakām Saṅkar charan paṅkaj gahi rahyo.
Sivaṅ kṛipāsāgar sasur kar santoṣu sab bhāṅtihiṅ kiyo,
puni gahe pad pāthoj Maināṅ prem paripūran hiyo.
Do.—Nāth Umā mam prān sam gṛihakiṅkarī karehu,
chhamehu sakal aparādh ab hoi prasanna baru dehu. (101)
346 of 1109
बहु बिधि संभु सासु समुझाई ।
गवनी भवन चरन सिरु नाई ॥
जननीं उमा बोलि तब लीन्ही ।
लै उछंग सुंदर सिख दीन्ही ॥
करेहु सदा संकर पद पूजा ।
नारिधरमु पति देउ न दूजा ॥
बचन कहत भरे लोचन बारी ।
बहुरि लाइ उर लीन्हि कुमारी ॥
कत बिधि सृजीं नारि जग माहीं ।
पराधीन सपनेहुँ सुखु नाहीं ॥
भै अति प्रेम बिकल महतारी ।
धीरजु कीन्ह कुसमय बिचारी ॥
पुनि पुनि मिलति परति गहि चरना ।
परम प्रेमु कछु जाइ न बरना ॥
सब नारिन्ह मिलि भेटि भवानी ।
जाइ जननि उर पुनि लपटानी ॥
छं०—जननिहि बहुरि मिलि चली उचित असीस सब काहूँ दई ।
फिरि फिरि बिलोकति मातु तन तब सखीं लै सिव पहिं गई ॥
जाचक सकल संतोषि संकरु उमा सहित भवन चले ।
सब अमर हरषे सुमन बरषि निसान नभ बाजे भले ॥
दो०—चले संग हिमवंतु तब पहुँचावन अति हेतु ।
बिबिध भाँति परितोषु करि बिदा कीन्ह बृषकेतु ॥ १०२ ॥
Bahu bidhi Sambhu sāsu samujhāī,
gavanī bhavan charan siru nāī.
Jananīṅ Umā boli tab līnhī,
lai uchhaṅg sundar sikh dīnhī.
Karehu sadā Saṅkar pad pūjā,
nāridharamu pati deu na dūjā.
Bachan kahat bhare lochan bārī,
bahuri lāi ur līnhi kumārī.
Kat bidhi sṛijīṅ nāri jag māhīṅ,
parādhīn sapanehuṅ sukhu nāhīṅ.
Bhai ati prem bikal mahatārī,
dhīraju kīnh kusamay bichārī.
Puni puni milati parati gahi charanā,
param premu kachhu jāi na baranā.
Sab nārinha mili bheṭi Bhavānī,
jāi janani ur puni lapaṭānī.
Chh.—Jananihi bahuri mili chalī uchit asīs sab kāhūṅ daī,
phiri phiri bilokati mātu tan tab sakhīṅ lai Siv pahiṅ gaī.
Jāchak sakal santoṣi Saṅkaru Umā sahit bhavan chale,
sab amar haraṣe suman baraṣi nisān nabh bāje bhale.
Do.—Chale saṅg Himavantu tab pahuṅchāvan ati hetu,
bibidh bhāṅti paritoṣu kari bidā kīnh Bṛiṣaketu. (102)
347 of 1109
तुरत भवन आए गिरिराई ।
सकल सैल सर लिए बोलाई ॥
आदर दान बिनय बहुमाना ।
सब कर बिदा कीन्ह हिमवाना ॥
जबहिं संभु कैलासहिं आए ।
सुर सब निज निज लोक सिधाए ॥
जगत मातु पितु संभु भवानी ।
तेहिं सिंगारु न कहउँ बखानी ॥
करहिं बिबिध बिधि भोग बिलासा ।
गनन्ह समेत बसहिं कैलासा ॥
हर गिरिजा बिहार नित नयऊ ।
एहि बिधि बिपुल काल चलि गयऊ ॥
तब जनमेउ षटबदन कुमारा ।
तारकु असुरु समर जेहिं मारा ॥
आगम निगम प्रसिद्ध पुराना ।
षन्मुख जन्मु सकल जग जाना ॥
छं०—जगु जान षन्मुख जन्मु करमु प्रतापु पुरुषारथु महा ।
तेहि हेतु मैं बृषकेतु सुत कर चरित संछेपहिं कहा ॥
यह उमा संभु बिबाहु जे नर नारि कहहिं जे गावहीं ।
कल्यान काज बिबाह मंगल सर्बदा सुखु पावहीं ॥
दो०—चरित सिंधु गिरिजा रमन बेद न पावहिं पारु ।
बरनै तुलसीदासु किमि अति मतिमंद गवाँरु ॥ १०३ ॥
Turat bhavan āe Girirāī,
sakal sail sar lie bolāī.
Ādar dān binay bahumānā,
sab kar bidā kīnh Himavānā.
Jabahiṅ Sambhu Kailāsahiṅ āe,
sur sab nij nij lok sidhāe.
Jagat mātu pitu Sambhu Bhavānī,
tehiṅ siṅgāru na kahauṅ bakhānī.
Karahiṅ bibidh bidhi bhog bilāsā,
gananha sameta basahiṅ Kailāsā.
Har Girijā bihār nit nayū,
ehi bidhi bipul kāl chali gayū.
Tab janameu ṣaṭabadan kumārā,
Tāraku asuru samar jehiṅ mārā.
Āgam nigam prasiddh purānā,
Ṣanmukh janmu sakal jag jānā.
Chh.—Jagu jān Ṣanmukh janmu karamu pratāpu puruṣārathu mahā,
tehi hetu maiṅ Bṛiṣaketu sut kar charit sanchhepahiṅ kahā.
Yah Umā Sambhu bibāhu je nar nāri kahahiṅ je gāvahīṅ,
kalyān kāj bibāh maṅgal sarbadā sukhu pāvahīṅ.
Do.—Charit sindhu Girijā raman bed na pāvahiṅ pāru,
baranai Tulasīdāsu kimi ati matimand gavāṅru. (103)
348 of 1109
संभु चरित सुनि सरस सुहावा ।
भरद्वाज मुनि अति सुखु पावा ॥
बहु लालसा कथा पर बाढ़ी ।
नयनन्हि नीरु रोमावलि ठाढ़ी ॥
प्रेम बिबस मुख आव न बानी ।
दसा देखि हरषे मुनि ग्यानी ॥
अहो धन्य तव जन्मु मुनीसा ।
तुम्हहि प्रान सम प्रिय गौरीसा ॥
सिव पद कमल जिन्हहि रति नाहीं ।
रामहि ते सपनेहुँ न सोहाहीं ॥
बिनु छल बिस्वनाथ पद नेहू ।
राम भगत कर लच्छन एहू ॥
सिव सम को रघुपति ब्रतधारी ।
बिनु अघ तजी सती असि नारी ॥
पनु करि रघुपति भगति देखाई ।
को सिव सम रामहि प्रिय भाई ॥
दो०—प्रथमहिं मैं कहि सिव चरित बूझा मरमु तुम्हार ।
सुचि सेवक तुम्ह राम के रहित समस्त बिकार ॥ १०४ ॥
Sambhu charit suni saras suhāvā,
Bharadvāj muni ati sukhu pāvā.
Bahu lālasā kathā par bāḍhī,
nayananhi nīru romāvali ṭhāḍhī.
Prem bibas mukh āv na bānī,
dasā dekhi haraṣe muni gyānī.
Aho dhanya tav janmu munīsā,
tumhahi prān sam priya Gaurīsā.
Siv pad kamal jinhahi rati nāhīṅ,
Rāmahi te sapanehuṅ na sohāhīṅ.
Binu chhal Biswanāth pad nehū,
Rām bhagat kar lachchhan ehū.
Siv sam ko Raghupati bratadhārī,
binu agh tajī Satī asi nārī.
Panu kari Raghupati bhagati dekhāī,
ko Siv sam Rāmahi priya bhāī.
Do.—Prathamahiṅ maiṅ kahi Siv charit būjhā maramu tumhār,
suchi sevak tumh Rām ke rahit samast bikār. (104)
349 of 1109
मैं जाना तुम्हार गुन सीला ।
कहउँ सुनहु अब रघुपति लीला ॥
सुनु मुनि आजु समागम तोरें ।
कहि न जाइ जस सुखु मन मोरें ॥
राम चरित अति अमित मुनीसा ।
कहि न सकहिं सत कोटि अहीसा ॥
तदपि जथाश्रुत कहउँ बखानी ।
सुमिरि गिरापति प्रभु धनुपानी ॥
सारद दारुनारि सम स्वामी ।
रामु सूत्रधर अंतरजामी ॥
जेहि पर कृपा करहिं जनु जानी ।
कबि उर अजिर नचावहिं बानी ॥
प्रनवउँ सोइ कृपाल रघुनाथा ।
बरनउँ बिसद तासु गुन गाथा ॥
परम रम्य गिरिबरु कैलासू ।
सदा जहाँ सिव उमा निवासू ॥
दो०—सिद्ध तपोधन जोगिजन सुर किंनर मुनिबृंद ।
बसहिं तहाँ सुकृती सकल सेवहिं सिव सुखकंद ॥ १०५ ॥
Maiṅ jānā tumhār gun sīlā,
kahauṅ sunahu ab Raghupati līlā.
Sunu muni āju samāgam toreṅ,
kahi na jāi jas sukhu man moreṅ.
Rām charit ati amit munīsā,
kahi na sakahiṅ sat koṭi ahīsā.
Tadapi jathāshrut kahauṅ bakhānī,
sumiri girāpati prabhu dhanupānī.
Sārad dārunāri sam swāmī,
Rāmu sūtradhar antarjāmī.
Jehi par kṛipā karahiṅ janu jānī,
kabi ur ajir nachāvahiṅ bānī.
Pranavauṅ soi kṛipāl Raghunāthā,
baranauṅ bisad tāsu gun gāthā.
Param ramya giribaru Kailāsū,
sadā jahāṅ Siv Umā nivāsū.
Do.—Siddh tapodhan jogijan sur kinnar munibṛind,
basahiṅ tahāṅ sukṛitī sakal sevahiṅ Siv sukhakand. (105)
350 of 1109
हरि हर बिमुख धर्म रति नाहीं ।
ते नर तहँ सपनेहुँ नहिं जाहीं ॥
तेहि गिरि पर बट बिटप बिसाला ।
नित नूतन सुंदर सब काला ॥
त्रिबिध समीर सुसीतलि छाया ।
सिव बिश्राम बिटप श्रुति गाया ॥
एक बार तेहि तर प्रभु गयऊ ।
तरु बिलोकि उर अति सुखु भयऊ ॥
निज कर डासि नागरिपु छाला ।
बैठे सहजहिं संभु कृपाला ॥
कुंद इंदु दर गौर सरीरा ।
भुज प्रलंब परिधन मुनिचीरा ॥
तरुन अरुन अंबुज सम चरना ।
नख दुति भगत हृदय तम हरना ॥
भुजग भूति भूषन त्रिपुरारी ।
आननु सरद चंद छबि हारी ॥
दो०—जटा मुकुट सुरसरित सिर लोचन नलिन बिसाल ।
नीलकंठ लावन्यनिधि सोह बालबिधु भाल ॥ १०६ ॥
Hari Har bimukh dharm rati nāhīṅ,
te nar tahaṅ sapanehuṅ nahiṅ jāhīṅ.
Tehi giri par baṭ biṭap bisālā,
nit nūtan sundar sab kālā.
Tribidh samīr susītali chhāyā,
Siv bishrām biṭap shruti gāyā.
Ek bār tehi tar prabhu gayū,
taru biloki ur ati sukhu bhayū.
Nij kar ḍāsi nāgaripu chhālā,
baiṭhe sahajahiṅ Sambhu kṛipālā.
Kund indu dar gaur sarīrā,
bhuj pralamb paridhan munichīrā.
Tarun arun ambuj sam charanā,
nakh duti bhagat hṛiday tam haranā.
Bhujag bhūti bhūṣan Tripurārī,
ānanu sarad chand chhabi hārī.
Do.—Jaṭā mukuṭ Surasarit sir lochan nalin bisāl,
Nīlakaṇṭh lāvanyanidhi soh bālabidhu bhāl. (106)
351 of 1109
बैठे सोह कामरिपु कैसें ।
धरें सरीरु सांतरसु जैसें ॥
पारबती भल अवसरु जानी ।
गईं संभु पहिं मातु भवानी ॥
जानि प्रिया आदरु अति कीन्हा ।
बाम भाग आसनु हर दीन्हा ॥
बैठीं सिव समीप हरषाई ।
पूरब जन्म कथा चित आई ॥
पति हियँ हेतु अधिक अनुमानी ।
बिहसि उमा बोलीं प्रिय बानी ॥
कथा जो सकल लोक हितकारी ।
सोइ पूछन चह सैलकुमारी ॥
बिस्वनाथ मम नाथ पुरारी ।
त्रिभुवन महिमा बिदित तुम्हारी ॥
चर अरु अचर नाग नर देवा ।
सकल करहिं पद पंकज सेवा ॥
दो०—प्रभु समरथ सर्बग्य सिव सकल कला गुन धाम ।
जोग ग्यान बैराग्य निधि प्रनत कलपतरु नाम ॥ १०७ ॥
Baiṭhe soh Kāmaripu kaiseṅ,
dhareṅ sarīru sāntarasu jaiseṅ.
Pārbatī bhal avasaru jānī,
gaīṅ Sambhu pahiṅ mātu Bhavānī.
Jāni priyā ādaru ati kīnhā,
bām bhāg āsanu Har dīnhā.
Baiṭhīṅ Siv samīp haraṣāī,
pūrab janma kathā chit āī.
Pati hiyaṅ hetu adhik anumānī,
bihasi Umā bolīṅ priya bānī.
Kathā jo sakal lok hitakārī,
soi pūchhan chah sailakumārī.
Biswanāth mam nāth Purārī,
tribhuvan mahimā bidit tumhārī.
Char aru achar nāg nar devā,
sakal karahiṅ pad paṅkaj sevā.
Do.—Prabhu samarath sarbagya Siv sakal kalā gun dhām,
jog gyān bairāgya nidhi pranat kalapataru nām. (107)
352 of 1109
जौं मो पर प्रसन्न सुखरासी ।
जानिअ सत्य मोहि निज दासी ॥
तौ प्रभु हरहु मोर अग्याना ।
कहि रघुनाथ कथा बिधि नाना ॥
Jauṅ mo par prasann sukharāsī,
jānia satya mohi nij dāsī.
Tau prabhu harahu mor agyānā,
kahi Raghunāth kathā bidhi nānā.
353 of 1109
जासु भवनु सुरतरु तर होई ।
सहि कि दरिद्र जनित दुखु सोई ॥
ससिभूषन अस हृदयँ बिचारी ।
हरहु नाथ मम मति भ्रम भारी ॥
प्रभु जे मुनि परमारथबादी ।
कहहिं राम कहुँ ब्रह्म अनादी ॥
सेस सारदा बेद पुराना ।
सकल करहिं रघुपति गुन गाना ॥
तुम्ह पुनि राम राम दिन राती ।
सादर जपहु अनँग आराती ॥
रामु सो अवध नृपति सुत सोई ।
की अज अगुन अलखगति कोई ॥
दो०—जौं नृप तनय त ब्रह्म किमि नारि बिरहँ मति भोरि ।
देखि चरित महिमा सुनत भ्रमति बुद्धि अति मोरि ॥१०८॥
Jāsu bhavanu surataru tar hoī,
sahi ki daridra janit dukhu soī.
Sasibhūṣan as hṛidayaṅ bichārī,
harahu nāth mam mati bhram bhārī.
Prabhu je muni paramārathabādī,
kahahiṅ Rām kahuṅ Brahma anādī.
Ses Sāradā bed purānā,
sakal karahiṅ Raghupati gun gānā.
Tumh puni Rām Rām din rātī,
sādar japahu anaṅg ārātī.
Rāmu so avadh nṛipati sut soī,
kī aj agun alakhagati koī.
Do.—Jauṅ nṛip tanay ta Brahma kimi nāri birahaṅ mati bhori,
dekhi charit mahimā sunat bhramati buddhi ati mori. (108)
354 of 1109
जौं अनीह ब्यापक बिभु कोऊ।
कहहु बुझाइ नाथ मोहि सोऊ॥
अग्य जानि रिस उर जनि धरहू।
जेहि बिधि मोह मिटै सोइ करहू॥
मैं बन दीखि राम प्रभुताई।
अति भय बिकल न तुम्हहि सुनाई॥
तदपि मलिन मन बोधु न आवा।
सो फलु भली भाँति हम पावा॥
अजहूँ कछु संसउ मन मोरें।
करहु कृपा बिनवउँ कर जोरें॥
प्रभु तब मोहि बहु भाँति प्रबोधा।
नाथ सो समुझि करहु जनि क्रोधा॥
तब कर अस बिमोह अब नाहीं।
रामकथा पर रुचि मन माहीं॥
कहहु पुनीत राम गुन गाथा।
भुजगराज भूषन सुरनाथा॥
दो०—बंदउँ पद धरि धरनि सिरु बिनय करउँ कर जोरि।
बरनहु रघुबर बिसद जसु श्रुति सिद्धांत निचोरि ॥१०९॥
Jauṅ anīh byāpak bibhu koū,
kahahu bujhāi nāth mohi soū.
Agya jāni ris ur jani dharahū,
jehi bidhi moh miṭai soi karahū.
Maiṅ ban dīkhi Rām prabhutāī,
ati bhay bikal na tumhahi sunāī.
Tadapi malin man bodhu na āvā,
so phalu bhalī bhāṅti ham pāvā.
Ajahūṅ kachhu saṅsau man moreṅ,
karahu kṛipā binavauṅ kar joreṅ.
Prabhu tab mohi bahu bhāṅti prabodhā,
nāth so samujhi karahu jani krodhā.
Tab kar as bimoh ab nāhīṅ,
Rāmakathā par ruchi man māhīṅ.
Kahahu punīt Rām gun gāthā,
Bhujagarāj bhūṣan suranāthā.
Do.—Bandauṅ pad dhari dharani siru, binay karauṅ kar jori,
baranahu Raghubar bisad jasu, shruti siddhānt nichori. (109)
355 of 1109
जदपि जोषिता नहिं अधिकारी ।
दासी मन क्रम बचन तुम्हारी ॥
गूढ़उ तत्त्व न साधु दुरावहिं ।
आरत अधिकारी जहँ पावहिं ॥
अति आरति पूछउँ सुरराया ।
रघुपति कथा कहहु करि दाया ॥
प्रथम सो कारन कहहु बिचारी ।
निर्गुन ब्रह्म सगुन बपु धारी ॥
पुनि प्रभु कहहु राम अवतारा ।
बालचरित पुनि कहहु उदारा ॥
कहहु जथा जानकी बिबाहीं ।
राज तजा सो दूषन काहीं ॥
बन बसि कीन्हे चरित अपारा ।
कहहु नाथ जिमि रावन मारा ॥
राज बैठि कीन्हीं बहु लीला ।
सकल कहहु संकर सुखसीला ॥
दो०—बहुरि कहहु करुनायतन कीन्ह जो अचरज राम ।
प्रजा सहित रघुबंसमनि किमि गवने निज धाम ॥११०॥
Jadapi joṣitā nahiṅ adhikārī,
dāsī man kram bachan tumhārī.
Gūḍhau tattva na sādhu durāvahiṅ,
ārat adhikārī jahaṅ pāvahiṅ.
Ati ārati pūchhauṅ surarāyā,
Raghupati kathā kahahu kari dāyā.
Pratham so kāran kahahu bichārī,
nirgun Brahma sagun bapu dhārī.
Puni prabhu kahahu Rām avatārā,
bālacharit puni kahahu udārā.
Kahahu jathā Jānakī bibāhīṅ,
rāj tajā so dūṣan kāhīṅ.
Ban basi kīnhe charit apārā,
kahahu nāth jimi Rāvan mārā.
Rāj baiṭhi kīnhīṅ bahu līlā,
sakal kahahu Saṅkar sukhasīlā.
Do.—Bahuri kahahu karunāyatan kīnh jo acharaj Rām,
prajā sahit Raghubaṅsamani kimi gavane nij dhām. (110)
356 of 1109
पुनि प्रभु कहहु सो तत्त्व बखानी ।
जेहिं बिग्यान मगन मुनि ग्यानी ॥
भगति ग्यान बिग्यान बिरागा ।
पुनि सब बरनहु सहित बिभागा ॥
औरउ राम रहस्य अनेका ।
कहहु नाथ अति बिमल बिबेका ॥
जो प्रभु मैं पूछा नहिं होई ।
सोउ दयाल राखहु जनि गोई ॥
तुम्ह त्रिभुवन गुर बेद बखाना ।
आन जीव पाँवर का जाना ॥
प्रस्न उमा कै सहज सुहाई ।
छल बिहीन सुनि सिव मन भाई ॥
हर हियँ रामचरित सब आए ।
प्रेम पुलक लोचन जल छाए ॥
श्रीरघुनाथ रूप उर आवा ।
परमानंद अमित सुख पावा ॥
दो०—मगन ध्यान रस दंड जुग पुनि मन बाहेर कीन्ह ।
रघुपति चरित महेस तब हरषित बरनै लीन्ह ॥१११॥
Puni prabhu kahahu so tattva bakhānī,
jehiṅ bigyān magan muni gyānī.
Bhagati gyān bigyān birāgā,
puni sab baranahu sahit bibhāgā.
Aurau Rām rahasya anekā,
kahahu nāth ati bimal bibekā.
Jo prabhu maiṅ pūchhā nahiṅ hoī,
sou dayāl rākhahu jani goī.
Tumh tribhuvan gur bed bakhānā,
ān jīv pāṅvar kā jānā.
Prasn Umā kai sahaj suhāī,
chhal bihīn suni Siv man bhāī.
Har hiyaṅ Rāmacharit sab āe,
prem pulak lochan jal chhāe.
Shrīraghunāth rūp ur āvā,
paramānand amit sukh pāvā.
Do.—Magan dhyān ras daṇḍ jug puni man bāher kīnh,
Raghupati charit Mahes tab haraṣit baranai līnh. (111)
357 of 1109
झूठेउ सत्य जाहि बिनु जानें ।
जिमि भुजंग बिनु रजु पहिचानें ॥
जेहि जानें जग जाइ हेराई ।
जागें जथा सपन भ्रम जाई ॥
बंदउँ बालरूप सोइ रामू ।
सब सिधि सुलभ जपत जिसु नामू ॥
मंगल भवन अमंगल हारी ।
द्रवउ सो दसरथ अजिर बिहारी ॥
करि प्रनाम रामहि त्रिपुरारी ।
हरषि सुधा सम गिरा उचारी ॥
धन्य धन्य गिरिराजकुमारी ।
तुम्ह समान नहिं कोउ उपकारी ॥
पूँछेहु रघुपति कथा प्रसंगा ।
सकल लोक जग पावनि गंगा ॥
तुम्ह रघुबीर चरन अनुरागी ।
कीन्हिहु प्रस्न जगत हित लागी ॥
दो०—राम कृपा तें पारबति सपनेहुँ तव मन माहिं ।
सोक मोह संदेह भ्रम मम बिचार कछु नाहिं ॥११२॥
Jhūṭheu satya jāhi binu jāneṅ,
jimi bhujaṅg binu raju pahichāneṅ.
Jehi jāneṅ jag jāi herāī,
jāgeṅ jathā sapan bhram jāī.
Bandauṅ bālarūp soi Rāmū,
sab sidhi sulabh japat jisu nāmū.
Maṅgal bhavan amaṅgal hārī,
dravau so Dasarath ajir bihārī.
Kari pranām Rāmahi Tripurārī,
haraṣi sudhā sam girā uchārī.
Dhanya dhanya Girirājakumārī,
tumh samān nahiṅ kou upakārī.
Pūṅchhehu Raghupati kathā prasaṅgā,
sakal lok jag pāvani Gaṅgā.
Tumh Raghubīr charan anurāgī,
kīnhihu prasn jagat hit lāgī.
Do.—Rām kṛipā teṅ Pārbati sapanehuṅ tav man māhiṅ,
sok moh saṅdeh bhram mam bichār kachhu nāhiṅ. (112)
358 of 1109
तदपि असंका कीन्हिहु सोई ।
कहत सुनत सब कर हित होई ॥
जिन्ह हरिकथा सुनी नहिं काना ।
श्रवन रंध्र अहिभवन समाना ॥
नयनन्हि संत दरस नहिं देखा ।
लोचन मोरपंख कर लेखा ॥
ते सिर कटु तुंबरि समतूला ।
जे न नमत हरि गुर पद मूला ॥
जिन्ह हरिभगति हृदयँ नहिं आनी ।
जीवत सव समान तेइ प्रानी ॥
जो नहिं करइ राम गुन गाना ।
जीह सो दादुर जीह समाना ॥
कुलिस कठोर निठुर सोइ छाती ।
सुनि हरिचरित न जो हरषाती ॥
गिरिजा सुनहु राम कै लीला ।
सुर हित दनुज बिमोहनसीला ॥
दो०—रामकथा सुरधेनु सम सेवत सब सुख दानि ।
सतसमाज सुरलोक सब को न सुनै अस जानि ॥११३॥
Tadapi asaṅkā kīnhihu soī,
kahat sunat sab kar hit hoī.
Jinha harikathā sunī nahiṅ kānā,
shravan raṅdhra ahibhavan samānā.
Nayananhi sant daras nahiṅ dekhā,
lochan morapaṅkh kar lekhā.
Te sir kaṭu tuṅbari samatūlā,
je na namat Hari gur pad mūlā.
Jinha haribhagati hṛidayaṅ nahiṅ ānī,
jīvat sav samān tei prānī.
Jo nahiṅ karai Rām gun gānā,
jīh so dādur jīh samānā.
Kulis kaṭhor niṭhur soi chhātī,
suni haricharit na jo haraṣātī.
Girijā sunahu Rām kai līlā,
sur hit danuj bimohanasīlā.
Do.—Rāmakathā suradhenu sam sevat sab sukh dāni,
satasamāj suralok sab ko na sunai as jāni. (113)
359 of 1109
रामकथा सुंदर कर तारी ।
संसय बिहग उड़ावनिहारी ॥
रामकथा कलि बिटप कुठारी ।
सादर सुनु गिरिराजकुमारी ॥
राम नाम गुन चरित सुहाए ।
जनम करम अगनित श्रुति गाए ॥
जथा अनंत राम भगवाना ।
तथा कथा कीरति गुन नाना ॥
तदपि जथा श्रुत जसि मति मोरी ।
कहिहउँ देखि प्रीति अति तोरी ॥
उमा प्रस्न तव सहज सुहाई ।
सुखद संतसंमत मोहि भाई ॥
एक बात नहिं मोहि सोहानी ।
जदपि मोह बस कहेहु भवानी ॥
तुम्ह जो कहा राम कोउ आना ।
जेहि श्रुति गाव धरहिं मुनि ध्याना ॥
दो०—कहहिं सुनहिं अस अधम नर ग्रसे जे मोह पिसाच ।
पाषंडी हरि पद बिमुख जानहिं झूठ न साच ॥११४॥
Rāmakathā sundar kar tārī,
saṅsay bihag uḍāvanihārī.
Rāmakathā kali biṭap kuṭhārī,
sādar sunu Girirājakumārī.
Rām nām gun charit suhāe,
janam karam aganit shruti gāe.
Jathā anaṅt Rām bhagavānā,
tathā kathā kīrati gun nānā.
Tadapi jathā shrut jasi mati morī,
kahihauṅ dekhi prīti ati torī.
Umā prasn tav sahaj suhāī,
sukhad santasaṅmat mohi bhāī.
Ek bāt nahiṅ mohi sohānī,
jadapi moh bas kahehu Bhavānī.
Tumh jo kahā Rām kou ānā,
jehi shruti gāv dharahiṅ muni dhyānā.
Do.—Kahahiṅ sunahiṅ as adham nar grase je moh pisāch,
pāṣaṇḍī Hari pad bimukh jānahiṅ jhūṭh na sāch. (114)
360 of 1109
अग्य अकोबिद अंध अभागी ।
काई बिषय मुकुर मन लागी ॥
लंपट कपटी कुटिल बिसेषी ।
सपनेहुँ संतसभा नहिं देखी ॥
कहहिं ते बेद असंमत बानी ।
जिन्ह कें सूझ लाभु नहिं हानी ॥
मुकुर मलिन अरु नयन बिहीना ।
राम रूप देखहिं किमि दीना ॥
जिन्ह कें अगुन न सगुन बिबेका ।
जल्पहिं कल्पित बचन अनेका ॥
हरिमाया बस जगत भ्रमाहीं ।
तिन्हहि कहत कछु अघटित नाहीं ॥
बातुल भूत बिबस मतवारे ।
ते नहिं बोलहिं बचन बिचारे ॥
जिन्ह कृत महामोह मद पाना ।
तिन्ह कर कहा करिअ नहिं काना ॥
सो०—अस निज हृदयँ बिचारि तजु संसय भजु राम पद ।
सुनु गिरिराज कुमारि भ्रम तम रबि कर बचन मम ॥११५॥
Agya akobid aṅdh abhāgī,
kāī biṣay mukur man lāgī.
Laṅpaṭ kapaṭī kuṭil biseṣī,
sapanehuṅ santasabhā nahiṅ dekhī.
Kahahiṅ te bed asaṅmat bānī,
jinha keṅ sūjh lābhu nahiṅ hānī.
Mukur malin aru nayan bihīnā,
Rām rūp dekhahiṅ kimi dīnā.
Jinha keṅ agun na sagun bibekā,
jalpahiṅ kalpit bachan anekā.
Harimāyā bas jagat bhramāhīṅ,
tinhahi kahat kachhu aghaṭit nāhīṅ.
Bātul bhūt bibas matavāre,
te nahiṅ bolahiṅ bachan bichāre.
Jinha kṛit mahāmoh mad pānā,
tinha kar kahā karia nahiṅ kānā.
So.—As nij hṛidayaṅ bichāri taju saṅsay bhaju Rām pad,
sunu Girirāj kumāri bhram tam rabi kar bachan mam. (115)
361 of 1109
सगुनहि अगुनहि नहिं कछु भेदा ।
गावहिं मुनि पुरान बुध बेदा ॥
अगुन अरूप अलख अज जोई ।
भगत प्रेम बस सगुन सो होई ॥
जो गुन रहित सगुन सोइ कैसें ।
जलु हिम उपल बिलग नहिं जैसें ॥
जासु नाम भ्रम तिमिर पतंगा ।
तेहि किमि कहिअ बिमोह प्रसंगा ॥
राम सच्चिदानंद दिनेसा ।
नहिं तहँ मोह निसा लवलेसा ॥
सहज प्रकासरूप भगवाना ।
नहिं तहँ पुनि बिग्यान बिहाना ॥
हरष बिषाद ग्यान अग्याना ।
जीव धर्म अहमिति अभिमाना ॥
राम ब्रह्म ब्यापक जग जाना ।
परमानंद परेस पुराना ॥
दो०—पुरुष प्रसिद्ध प्रकास निधि प्रगट परावर नाथ ।
रघुकुलमनि मम स्वामि सोइ कहि सिवँ नायउ माथ ॥११६॥
Sagunahi agunahi nahiṅ kachhu bhedā,
gāvahiṅ muni purān budh bedā.
Agun arūp alakh aj joī,
bhagat prem bas sagun so hoī.
Jo gun rahit sagun soi kaiseṅ,
jalu him upal bilag nahiṅ jaiseṅ.
Jāsu nām bhram timir pataṅgā,
tehi kimi kahia bimoh prasaṅgā.
Rām sachchidānand Dinesā,
nahiṅ tahaṅ moh nisā lavalesā.
Sahaj prakāsarūp Bhagavānā,
nahiṅ tahaṅ puni bigyān bihānā.
Haraṣ biṣād gyān agyānā,
jīv dharma ahamiti abhimānā.
Rām Brahma byāpak jag jānā,
paramānand pares purānā.
Do.—Puruṣ prasiddha prakās nidhi pragaṭ parāvar nāth,
Raghukulamani mam swāmi soi kahi Sivaṅ nāyau māth. (116)
362 of 1109
निज भ्रम नहिं समुझहिं अग्यानी ।
प्रभु पर मोह धरहिं जड़ प्रानी ॥
जथा गगन घन पटल निहारी ।
झाँपेउ भानु कहहिं कुबिचारी ॥
चितव जो लोचन अंगुलि लाएँ ।
प्रगट जुगल ससि तेहि के भाएँ ॥
उमा राम बिषइक अस मोहा ।
नभ तम धूम धूरि जिमि सोहा ॥
बिषय करन सुर जीव समेता ।
सकल एक तें एक सचेता ॥
सब कर परम प्रकासक जोई ।
राम अनादि अवधपति सोई ॥
जगत प्रकास्य प्रकासक रामू ।
मायाधीस ग्यान गुन धामू ॥
जासु सत्यता तें जड़ माया ।
भास सत्य इव मोह सहाया ॥
दो०—रजत सीप महुँ भास जिमि जथा भानु कर बारि ।
जदपि मृषा तिहुँ काल सोइ भ्रम न सकइ कोउ टारि ॥११७॥
Nij bhram nahiṅ samujhahiṅ agyānī,
prabhu par moh dharahiṅ jaḍ prānī.
Jathā gagan ghan paṭal nihārī,
jhāṅpeu bhānu kahahiṅ kubichārī.
Chitav jo lochan aṅguli lāeṅ,
pragaṭ jugal sasi tehi ke bhāeṅ.
Umā Rām biṣaik as mohā,
nabh tam dhūm dhūri jimi sohā.
Biṣay karan sur jīv sametā,
sakal ek teṅ ek sachetā.
Sab kar param prakāsak joī,
Rām anādi avadhapati soī.
Jagat prakāsya prakāsak Rāmū,
māyādhīs gyān gun dhāmū.
Jāsu satyatā teṅ jaḍ māyā,
bhās satya iv moh sahāyā.
Do.—Rajat sīp mahuṅ bhās jimi jathā bhānu kar bāri,
jadapi mṛiṣā tihuṅ kāl soi bhram na sakai kou ṭāri. (117)
363 of 1109
एहि बिधि जग हरि आश्रित रहई ।
जदपि असत्य देत दुख अहई ॥
जौं सपनें सिर काटै कोई ।
बिनु जागें न दूरि दुख होई ॥
जासु कृपाँ अस भ्रम मिटि जाई ।
गिरिजा सोइ कृपाल रघुराई ॥
आदि अंत कोउ जासु न पावा ।
मति अनुमानि निगम अस गावा ॥
बिनु पद चलइ सुनइ बिनु काना ।
कर बिनु करम करइ बिधि नाना ॥
आनन रहित सकल रस भोगी ।
बिनु बानी बकता बड़ जोगी ॥
तन बिनु परस नयन बिनु देखा ।
ग्रहइ घ्रान बिनु बास असेषा ॥
असि सब भाँति अलौकिक करनी ।
महिमा जासु जाइ नहिं बरनी ॥
दो०—जेहि इमि गावहिं बेद बुध जाहि धरहिं मुनि ध्यान ।
सोइ दसरथ सुत भगत हित कोसलपति भगवान ॥११८॥
Ehi bidhi jag Hari āshrit rahaī,
jadapi asatya det dukh ahaī.
Jauṅ sapaneṅ sir kāṭai koī,
binu jāgeṅ na dūri dukh hoī.
Jāsu kṛipāṅ as bhram miṭi jāī,
Girijā soi kṛipāl Raghurāī.
Ādi ant kou jāsu na pāvā,
mati anumāni nigam as gāvā.
Binu pad chalai sunai binu kānā,
kar binu karam karai bidhi nānā.
Ānan rahit sakal ras bhogī,
binu bānī bakatā baḍ jogī.
Tan binu paras nayan binu dekhā,
grahai ghrān binu bās aseṣā.
Asi sab bhāṅti alaukik karanī,
mahimā jāsu jāi nahiṅ baranī.
Do.—Jehi imi gāvahiṅ bed budh jāhi dharahiṅ muni dhyān,
soi Dasarath sut bhagat hit Kosalapati Bhagavān. (118)
364 of 1109
कासीं मरत जंतु अवलोकी ।
जासु नाम बल करउँ बिसोकी ॥
सोइ प्रभु मोर चराचर स्वामी ।
रघुबर सब उर अंतरजामी ॥
बिबसहुँ जासु नाम नर कहहीं ।
जनम अनेक रचित अघ दहहीं ॥
सादर सुमिरन जे नर करहीं ।
भव बारिधि गोपद इव तरहीं ॥
राम सो परमातमा भवानी ।
तहँ भ्रम अति अबिहित तव बानी ॥
अस संसय आनत उर माहीं ।
ग्यान बिराग सकल गुन जाहीं ॥
सुनि सिव के भ्रम भंजन बचना ।
मिटि गै सब कुतरक कै रचना ॥
भइ रघुपति पद प्रीति प्रतीती ।
दारुन असंभावना बीती ॥
दो०—पुनि पुनि प्रभु पद कमल गहि जोरि पंकरुह पानि ।
बोलीं गिरिजा बचन बर मनहुँ प्रेम रस सानि ॥११९॥
Kāsīṅ marat jaṅtu avalokī,
jāsu nām bal karauṅ bisokī.
Soi prabhu mor charāchar swāmī,
Raghubar sab ur aṅtarajāmī.
Bibasahuṅ jāsu nām nar kahahīṅ,
janam anek rachit agh dahahīṅ.
Sādar sumiran je nar karahīṅ,
bhav bāridhi gopad iv tarahīṅ.
Rām so paramātamā Bhavānī,
tahaṅ bhram ati abihit tav bānī.
As saṅsay ānat ur māhīṅ,
gyān birāg sakal gun jāhīṅ.
Suni Siv ke bhram bhaṅjan bachanā,
miṭi gai sab kutark kai rachanā.
Bhai Raghupati pad prīti pratītī,
dārun asaṅbhāvanā bītī.
Do.—Puni puni prabhu pad kamal gahi jori paṅkaruh pāni,
bolīṅ Girijā bachan bar manahuṅ prem ras sāni. (119)
365 of 1109
ससि कर सम सुनि गिरा तुम्हारी ।
मिटा मोह सरदातप भारी ॥
तुम्ह कृपाल सबु संसउ हरेऊ ।
राम स्वरूप जानि मोहि परेऊ ॥
नाथ कृपाँ अब गयउ बिषादा ।
सुखी भयउँ प्रभु चरन प्रसादा ॥
अब मोहि आपनि किंकरि जानी ।
जदपि सहज जड़ नारि अयानी ॥
प्रथम जो मैं पूछा सोइ कहहू ।
जौं मो पर प्रसन्न प्रभु अहहू ॥
राम ब्रह्म चिनमय अबिनासी ।
सर्ब रहित सब उर पुर बासी ॥
नाथ धरेउ नरतनु केहि हेतू ।
मोहि समुझाइ कहहु बृषकेतू ॥
उमा बचन सुनि परम बिनीता ।
रामकथा पर प्रीति पुनीता ॥
दो०—हियँ हरषे कामारि तब संकर सहज सुजान ।
बहु बिधि उमहि प्रसंसि पुनि बोले कृपानिधान ॥१२०(क)॥
Sasi kar sam suni girā tumhārī,
miṭā moh saradātap bhārī.
Tumh kṛipāl sabu saṅsau hareū,
Rām swarūp jāni mohi pareū.
Nāth kṛipāṅ ab gayau biṣādā,
sukhī bhayauṅ prabhu charan prasādā.
Ab mohi āpani kiṅkari jānī,
jadapi sahaj jaḍ nāri ayānī.
Pratham jo maiṅ pūchhā soi kahahū,
jauṅ mo par prasanna prabhu ahahū.
Rām Brahma chinamay abināsī,
sarba rahit sab ur pur bāsī.
Nāth dhareu naratanu kehi hetū,
mohi samujhāi kahahu Bṛiṣaketū.
Umā bachan suni param binītā,
Rāmakathā par prīti punītā.
Do.—Hiyaṅ haraṣe Kāmāri tab Saṅkar sahaj sujān,
bahu bidhi Umahi prasaṅsi puni bole kṛipānidhān. (120-ka)
366 of 1109
सो०—सुनु सुभ कथा भवानि रामचरितमानस बिमल ।
कहा भुसुंडि बखानि सुना बिहग नायक गरुड़ ॥१२०(ख)॥
सो संबाद उदार जेहि बिधि भा आगें कहब ।
सुनहु राम अवतार चरित परम सुंदर अनघ ॥१२०(ग)॥
हरि गुन नाम अपार कथा रूप अगनित अमित ।
मैं निज मति अनुसार कहउँ उमा सादर सुनहु ॥१२०(घ)॥
So.—Sunu subh kathā Bhavāni Rāmacharitamānas bimal,
kahā Bhusuṇḍi bakhāni sunā bihag nāyak Garuḍ. (120-kha)
So saṅbād udār jehi bidhi bhā āgeṅ kahab,
sunahu Rām avatār charit param suṅdar anagh. (120-ga)
Hari gun nām apār kathā rūp aganit amit,
maiṅ nij mati anusār kahauṅ Umā sādar sunahu. (120-gha)
367 of 1109
सुनु गिरिजा हरिचरित सुहाए ।
बिपुल बिसद निगमागम गाए ॥
हरि अवतार हेतु जेहिं होई ।
इदमित्थं कहि जाइ न सोई ॥
राम अतर्क्य बुद्धि मन बानी ।
मत हमार अस सुनहि सयानी ॥
तदपि संत मुनि बेद पुराना ।
जस कछु कहहिं स्वमति अनुमाना ॥
तस मैं सुमुखि सुनावउँ तोही ।
समुझि परइ जस कारन मोही ॥
जब जब होइ धरम कै हानी ।
बाढ़हिं असुर अधम अभिमानी ॥
करहिं अनीति जाइ नहिं बरनी ।
सीदहिं बिप्र धेनु सुर धरनी ॥
तब तब प्रभु धरि बिबिध सरीरा ।
हरहिं कृपानिधि सज्जन पीरा ॥
दो०—असुर मारि थापहिं सुरन्ह राखहिं निज श्रुति सेतु ।
जग बिस्तारहिं बिसद जस राम जन्म कर हेतु ॥१२१॥
Sunu Girijā haricharit suhāe,
bipul bisad nigamāgam gāe.
Hari avatār hetu jehiṅ hoī,
idamitthaṃ kahi jāi na soī.
Rām atarkya buddhi man bānī,
mat hamār as sunahi sayānī.
Tadapi sant muni bed purānā,
jas kachhu kahahiṅ swamati anumānā.
Tas maiṅ sumukhi sunāvauṅ tohī,
samujhi parai jas kāran mohī.
Jab jab hoi dharam kai hānī,
bāḍhahiṅ asur adham abhimānī.
Karahiṅ anīti jāi nahiṅ baranī,
sīdahiṅ bipra dhenu sur dharanī.
Tab tab prabhu dhari bibidh sarīrā,
harahiṅ kṛipānidhi sajjan pīrā.
Do.—Asur māri thāpahiṅ suranha rākhahiṅ nij shruti setu,
jag bistārahiṅ bisad jas Rām janma kar hetu. (121)
368 of 1109
सोइ जस गाइ भगत भव तरहीं ।
कृपासिंधु जन हित तनु धरहीं ॥
राम जनम के हेतु अनेका ।
परम बिचित्र एक तें एका ॥
जनम एक दुइ कहउँ बखानी ।
सावधान सुनु सुमति भवानी ॥
द्वारपाल हरि के प्रिय दोऊ ।
जय अरु बिजय जान सब कोऊ ॥
बिप्र श्राप तें दूनउ भाई ।
तामस असुर देह तिन्ह पाई ॥
कनककसिपु अरु हाटकलोचन ।
जगत बिदित सुरपति मद मोचन ॥
बिजई समर बीर बिख्याता ।
धरि बराह बपु एक निपाता ॥
होइ नरहरि दूसर पुनि मारा ।
जन प्रहलाद सुजस बिस्तारा ॥
दो०—भए निसाचर जाइ तेइ महाबीर बलवान ।
कुंभकरन रावन सुभट सुर बिजई जग जान ॥१२२॥
Soi jas gāi bhagat bhav tarahīṅ,
kṛipāsiṅdhu jan hit tanu dharahīṅ.
Rām janam ke hetu anekā,
param bichitra ek teṅ ekā.
Janam ek dui kahauṅ bakhānī,
sāvadhān sunu sumati Bhavānī.
Dvārapāl Hari ke priya doū,
jay aru bijay jān sab koū.
Bipra shrāp teṅ dūnau bhāī,
tāmas asur deh tinha pāī.
Kanakakasipu aru Hāṭakalochan,
jagat bidit surapati mad mochan.
Bijaī samar bīr bikhyātā,
dhari barāh bapu ek nipātā.
Hoi Narahari dūsar puni mārā,
jan Prahlād sujas bistārā.
Do.—Bhae nisāchar jāi tei mahābīr balavān,
Kuṅbhakaran Rāvan subhaṭ sur bijaī jag jān. (122)
369 of 1109
मुकुत न भए हते भगवाना ।
तीनि जनम द्विज बचन प्रवाना ॥
एक बार तिन्ह के हित लागी ।
धरेउ सरीर भगत अनुरागी ॥
कस्यप अदिति तहाँ पितु माता ।
दसरथ कौसल्या बिख्याता ॥
एक कलप एहि बिधि अवतारा ।
चरित पवित्र किए संसारा ॥
एक कलप सुर देखि दुखारे ।
समर जलंधर सन सब हारे ॥
संभु कीन्ह संग्राम अपारा ।
दनुज महाबल मरइ न मारा ॥
परम सती असुराधिप नारी ।
तेहिं बल ताहि न जितहिं पुरारी ॥
दो०—छल करि टारेउ तासु ब्रत प्रभु सुर कारज कीन्ह ।
जब तेहिं जानेउ मरम तब श्राप कोप करि दीन्ह ॥१२३॥
Mukut na bhae hate Bhagavānā,
tīni janam dvij bachan pravānā.
Ek bār tinha ke hit lāgī,
dhareu sarīr bhagat anurāgī.
Kasyap Aditi tahāṅ pitu mātā,
Dasarath Kausalyā bikhyātā.
Ek kalap ehi bidhi avatārā,
charit pavitra kie saṅsārā.
Ek kalap sur dekhi dukhāre,
samar Jalaṅdhar san sab hāre.
Saṅbhu kīnh saṅgrām apārā,
danuj mahābal marai na mārā.
Param satī asurādhip nārī,
tehiṅ bal tāhi na jitahiṅ Purārī.
Do.—Chhal kari ṭāreu tāsu brat prabhu sur kāraj kīnh,
jab tehiṅ jāneu maram tab shrāp kop kari dīnh. (123)
370 of 1109
तासु श्राप हरि दीन्ह प्रमाना ।
कौतुकनिधि कृपाल भगवाना ॥
तहाँ जलंधर रावन भयऊ ।
रन हति राम परम पद दयऊ ॥
एक जनम कर कारन एहा ।
जेहि लगि राम धरी नरदेहा ॥
प्रति अवतार कथा प्रभु केरी ।
सुनु मुनि बरनी कबिन्ह घनेरी ॥
नारद श्राप दीन्ह एक बारा ।
कलप एक तेहि लगि अवतारा ॥
गिरिजा चकित भईं सुनि बानी ।
नारद बिष्नुभगत पुनि ग्यानी ॥
कारन कवन श्राप मुनि दीन्हा ।
का अपराध रमापति कीन्हा ॥
यह प्रसंग मोहि कहहु पुरारी ।
मुनि मन मोह आचरज भारी ॥
दो०—बोले बिहसि महेस तब ग्यानी मूढ़ न कोइ ।
जेहि जस रघुपति करहिं जब सो तस तेहि छन होइ ॥१२४(क)॥
Tāsu shrāp Hari dīnh pramānā,
kautukanidhi kṛipāl Bhagavānā.
Tahāṅ Jalaṅdhar Rāvan bhayū,
ran hati Rām param pad dayū.
Ek janam kar kāran ehā,
jehi lagi Rām dharī naradehā.
Prati avatār kathā prabhu kerī,
sunu muni baranī kabinha ghanerī.
Nārad shrāp dīnh ek bārā,
kalap ek tehi lagi avatārā.
Girijā chakit bhaīṅ suni bānī,
Nārad Biṣnubhagat puni gyānī.
Kāran kavan shrāp muni dīnhā,
kā aparādh Ramāpati kīnhā.
Yah prasaṅg mohi kahahu Purārī,
muni man moh ācharaj bhārī.
Do.—Bole bihasi Mahes tab, gyānī mūḍh na koi,
jehi jas Raghupati karahiṅ jab so tas tehi chhan hoi. (124-ka)
371 of 1109
सो०—कहउँ राम गुन गाथ भरद्वाज सादर सुनहु ।
भव भंजन रघुनाथ भजु तुलसी तजि मान मद ॥१२४(ख)॥
So.—Kahauṅ Rām gun gāth Bharadvāj sādar sunahu,
bhav bhaṅjan Raghunāth bhaju Tulasī taji mān mad. (124-kha)
372 of 1109
हिमगिरि गुहा एक अति पावनि ।
बह समीप सुरसरी सुहावनि ॥
आश्रम परम पुनीत सुहावा ।
देखि देवरिषि मन अति भावा ॥
निरखि सैल सरि बिपिन बिभागा ।
भयउ रमापति पद अनुरागा ॥
सुमिरत हरिहि श्राप गति बाधी ।
सहज बिमल मन लागि समाधी ॥
मुनि गति देखि सुरेस डेराना ।
कामहि बोलि कीन्ह सनमाना ॥
सहित सहाय जाहु मम हेतू ।
चलेउ हरषि हियँ जलचरकेतू ॥
Himagiri guhā ek ati pāvani,
bah samīp Surasarī suhāvani.
Āshram param punīt suhāvā,
dekhi Devariṣi man ati bhāvā.
Nirakhi sail sari bipin bibhāgā,
bhayau Ramāpati pad anurāgā.
Sumirat Harihi shrāp gati bādhī,
sahaj bimal man lāgi samādhī.
Muni gati dekhi Sures ḍerānā,
Kāmahi boli kīnh sanamānā.
Sahit sahāy jāhu mam hetū,
chaleu haraṣi hiyaṅ jalacharaketū.
373 of 1109
सुनासीर मन महुँ असि त्रासा।
चहत देवरिषि मम पुर बासा॥
जे कामी लोलुप जग माहीं।
कुटिल काक इव सबहि डेराहीं॥
Sunāsīr man mahuṅ asi trāsā,
chahat Devariṣi mam pur bāsā.
Je kāmī lolup jag māhīṅ,
kuṭil kāk iva sabahi ḍerāhīṅ.
374 of 1109
दो०—सूख हाड़ लै भाग सठ स्वान निरखि मृगराज।
छीनि लेइ जनि जान जड़ तिमि सुरपतिहि न लाज ॥१२५॥
Do—Sūkh hāḍ lai bhāg saṭh swān nirakhi mṛigarāj,
chhīni lei jani jān jaḍ timi surapatihi na lāj. (125)
375 of 1109
तेहि आश्रमहिं मदन जब गयऊ।
निज मायाँ बसंत निरमयऊ॥
कुसुमित बिबिध बिटप बहुरंगा।
कूजहिं कोकिल गुंजहिं भृंगा॥
चली सुहावनि त्रिबिध बयारी।
काम कृसानु बढ़ावनिहारी॥
रंभादिक सुरनारि नबीना।
सकल असमसर कला प्रबीना॥
करहिं गान बहु तान तरंगा।
बहुबिधि क्रीड़हिं पानि पतंगा॥
देखि सहाय मदन हरषाना।
कीन्हेसि पुनि प्रपंच बिधि नाना॥
काम कला कछु मुनिहि न ब्यापी।
निज भयँ डरेउ मनोभव पापी॥
सीम कि चाँपि सकइ कोउ तासू।
बड़ रखवार रमापति जासू॥
Tehi āshramahiṅ madan jab gayū,
nij māyāṅ basant niramayū.
Kusumit bibidh biṭap bahuraṅgā,
kūjahiṅ kokil guṅjahiṅ bhṛiṅgā.
Chalī suhāvani tribidh bayārī,
kām kṛisānu baḍhāvanihārī.
Rambhādik suranāri nabīnā,
sakal asamasar kalā prabīnā.
Karahiṅ gān bahu tān taraṅgā,
bahubidhi krīḍahiṅ pāni pataṅgā.
Dekhi sahāya madan haraṣānā,
kīnhesi puni prapaṅch bidhi nānā.
Kām kalā kachhu munihi na byāpī,
nij bhayaṅ ḍareu manobhav pāpī.
Sīm ki chāṅpi sakai kou tāsū,
baḍ rakhavār Ramāpati jāsū.
376 of 1109
दो०—सहित सहाय सभीत अति मानि हारि मन मैन।
गहेसि जाइ मुनि चरन तब कहि सुठि आरत बैन ॥१२६॥
Do—Sahit sahāya sabhīt ati māni hāri man main,
gahesi jāi muni charan tab kahi suṭhi ārat bain. (126)
377 of 1109
भयउ न नारद मन कछु रोषा।
कहि प्रिय बचन काम परितोषा॥
नाइ चरन सिरु आयसु पाई।
गयउ मदन तब सहित सहाई॥
मुनि सुसीलता आपनि करनी।
सुरपति सभाँ जाइ सब बरनी॥
सुनि सब कें मन अचरजु आवा।
मुनिहि प्रसंसि हरिहि सिरु नावा॥
तब नारद गवने सिव पाहीं।
जिता काम अहमिति मन माहीं॥
मार चरित संकरहि सुनाए।
अतिप्रिय जानि महेस सिखाए॥
बार बार बिनवउँ मुनि तोही।
जिमि यह कथा सुनायहु मोही॥
तिमि जनि हरिहि सुनावहु कबहूँ।
चलेहुँ प्रसंग दुराएहु तबहूँ॥
Bhayau na Nārad man kachhu roṣā,
kahi priya bachan kām paritoṣā.
Nāi charan siru āyasu pāī,
gayau madan tab sahit sahāī.
Muni susīlatā āpani karanī,
surapati sabhāṅ jāi sab baranī.
Suni sab keṅ man acharaju āvā,
munihi prasansi harihi siru nāvā.
Tab Nārad gavane Siv pāhīṅ,
jitā kām ahamiti man māhīṅ.
Mār charit Saṅkarahi sunāe,
atipriya jāni Mahes sikhāe.
Bār bār binavauṅ muni tohī,
jimi yah kathā sunāyahu mohī.
Timi jani harihi sunāvahu kabahūṅ,
chalehuṅ prasaṅg durāehu tabahūṅ.
378 of 1109
दो०—संभु दीन्ह उपदेस हित नहिं नारदहि सोहान।
भरद्वाज कौतुक सुनहु हरि इच्छा बलवान ॥१२७॥
Do—Sambhu dīnha upades hit nahiṅ Nāradahi sohān,
Bharadvāj kautuk sunahu Hari ichchhā balavān. (127)
379 of 1109
राम कीन्ह चाहहिं सोइ होई।
करै अन्यथा अस नहिं कोई॥
संभु बचन मुनि मन नहिं भाए।
तब बिरंचि के लोक सिधाए॥
एक बार करतल बर बीना।
गावत हरि गुन गान प्रबीना॥
छीरसिंधु गवने मुनिनाथा।
जहँ बस श्रीनिवास श्रुतिमाथा॥
हरषि मिले उठि रमानिकेता।
बैठे आसन रिषिहि समेता॥
बोले बिहसि चराचर राया।
बहुते दिनन कीन्हि मुनि दाया॥
काम चरित नारद सब भाषे।
जद्यपि प्रथम बरजि सिवँ राखे॥
अति प्रचंड रघुपति कै माया।
जेहि न मोह अस को जग जाया॥
Rām kīnha chāhahiṅ soi hoī,
karai anyathā as nahiṅ koī.
Sambhu bachan muni man nahiṅ bhāe,
tab Biraṅchi ke lok sidhāe.
Ek bār kartal bar bīnā,
gāvat Hari gun gān prabīnā.
Chhīrsindhu gavane munināthā,
jahaṅ bas Shrīnivās shrutimāthā.
Haraṣi mile uṭhi Ramāniketā,
baiṭhe āsan riṣihi sametā.
Bole bihasi charāchar rāyā,
bahute dinan kīnhi muni dāyā.
Kām charit Nārad sab bhāṣe,
jadyapi pratham baraji sivaṅ rākhe.
Ati prachaṅḍ Raghupati kai māyā,
jehi na moh as ko jag jāyā.
380 of 1109
दो०—रूख बदन करि बचन मृदु बोले श्रीभगवान।
तुम्हरे सुमिरन तें मिटहिं मोह मार मद मान ॥१२८॥
Do—Rūkh badan kari bachan mṛidu bole Shrībhagavān,
tumhare sumiran teṅ miṭahiṅ moh mār mad mān. (128)
381 of 1109
सुनु मुनि मोह होइ मन ताकें।
ग्यान बिराग हृदय नहिं जाकें॥
ब्रह्मचरज ब्रत रत मतिधीरा।
तुम्हहि कि करइ मनोभव पीरा॥
नारद कहेउ सहित अभिमाना।
कृपा तुम्हारि सकल भगवाना॥
करुनानिधि मन दीख बिचारी।
उर अंकुरेउ गरब तरु भारी॥
बेगि सो मैं डारिहउँ उखारी।
पन हमार सेवक हितकारी॥
मुनि कर हित मम कौतुक होई।
अवसि उपाय करबि मैं सोई॥
तब नारद हरि पद सिर नाई।
चले हृदयँ अहमिति अधिकाई॥
श्रीपति निज माया तब प्रेरी।
सुनहु कठिन करनी तेहि केरी॥
Sunu muni moh hoi man tākeṅ,
gyān birāg hṛiday nahiṅ jākeṅ.
Brahmacharaj brat rat matidhīrā,
tumhahi ki karai manobhav pīrā.
Nārad kaheu sahit abhimānā,
kṛipā tumhāri sakal bhagavānā.
Karunānidhi man dīkh bichārī,
ur aṅkureu garab taru bhārī.
Begi so maiṅ ḍārihauṅ ukhārī,
pan hamār sevak hitakārī.
Muni kar hit mam kautuk hoī,
avasi upāy karabi maiṅ soī.
Tab Nārad Hari pad sir nāī,
chale hṛidayaṅ ahamiti adhikāī.
Shrīpati nij māyā tab prerī,
sunahu kaṭhin karanī tehi kerī.
382 of 1109
दो०—बिरचेउ मग महुँ नगर तेहिं सत जोजन बिस्तार।
श्रीनिवासपुर तें अधिक रचना बिबिध प्रकार ॥१२९॥
Do—Bircheu mag mahuṅ nagar tehiṅ sat jojan bistār,
Shrīnivāsapur teṅ adhik rachanā bibidh prakār. (129)
383 of 1109
बसहिं नगर सुंदर नर नारी।
जनु बहु मनसिज रति तनुधारी॥
तेहिं पुर बसइ सीलनिधि राजा।
अगनित हय गय सेन समाजा॥
सत सुरेस सम बिभव बिलासा।
रूप तेज बल नीति निवासा॥
बिस्वमोहनी तासु कुमारी।
श्री बिमोह जिसु रूपु निहारी॥
सोइ हरिमाया सब गुन खानी।
सोभा तासु कि जाइ बखानी॥
करइ स्वयंबर सो नृपबाला।
आए तहँ अगनित महिपाला॥
मुनि कौतुकी नगर तेहिं गयऊ।
पुरबासिन्ह सब पूछत भयऊ॥
सुनि सब चरित भूपगृहँ आए।
करि पूजा नृप मुनि बैठाए॥
Basahiṅ nagar sundar nar nārī,
janu bahu manasij rati tanudhārī.
Tehiṅ pur basai Sīlanidhi rājā,
aganit hay gay sen samājā.
Sat sures sam bibhav bilāsā,
rūp tej bal nīti nivāsā.
Biswamohanī tāsu kumārī,
Shrī bimoh jisu rūpu nihārī.
Soi harimāyā sab gun khānī,
sobhā tāsu ki jāi bakhānī.
Karai swayambar so nṛipabālā,
āe tahaṅ aganit mahipālā.
Muni kautukī nagar tehiṅ gayū,
purabāsinha sab pūchhat bhayū.
Suni sab charit bhūpagṛihaṅ āe,
kari pūjā nṛip muni baiṭhāe.
384 of 1109
दो०—आनि देखाई नारदहि भूपति राजकुमारि।
कहहु नाथ गुन दोष सब एहि के हृदयँ बिचारि ॥१३०॥
Do—Āni dekhāī Nāradahi bhūpati rājakumāri,
kahahu nāth gun doṣ sab ehi ke hṛidayaṅ bichāri. (130)
385 of 1109
देखि रूप मुनि बिरति बिसारी।
बड़ी बार लगि रहे निहारी॥
लच्छन तासु बिलोकि भुलाने।
हृदयँ हरष नहिं प्रगट बखाने॥
जो एहि बरइ अमर सोइ होई।
समरभूमि तेहि जीत न कोई॥
सेवहिं सकल चराचर ताही।
बरइ सीलनिधि कन्या जाही॥
लच्छन सब बिचारि उर राखे।
कछुक बनाइ भूप सन भाषे॥
सुता सुलच्छन कहि नृप पाहीं।
नारद चले सोच मन माहीं॥
करौं जाइ सोइ जतन बिचारी।
जेहि प्रकार मोहि बरै कुमारी॥
जप तप कछु न होइ तेहि काला।
हे बिधि मिलइ कवन बिधि बाला॥
Dekhi rūp muni birati bisārī,
baḍī bār lagi rahe nihārī.
Lachchhan tāsu biloki bhulāne,
hṛidayaṅ haraṣ nahiṅ pragaṭ bakhāne.
Jo ehi barai amar soi hoī,
samarabhūmi tehi jīt na koī.
Sevahiṅ sakal charāchar tāhī,
barai Sīlanidhi kanyā jāhī.
Lachchhan sab bichāri ur rākhe,
kachhuk banāi bhūp san bhāṣe.
Sutā sulachchhan kahi nṛip pāhīṅ,
Nārad chale soch man māhīṅ.
Karauṅ jāi soi jatan bichārī,
jehi prakār mohi barai kumārī.
Jap tap kachhu na hoi tehi kālā,
he bidhi milai kavan bidhi bālā.
386 of 1109
दो०—एहि अवसर चाहिअ परम सोभा रूप बिसाल।
जो बिलोकि रीझै कुअँरि तब मेलै जयमाल ॥१३१॥
Do—Ehi avasar chāhia param sobhā rūp bisāl,
jo biloki rījhai kuaṅri tab melai jayamāl. (131)
387 of 1109
हरि सन मागौं सुंदरताई।
होइहि जात गहरु अति भाई॥
मोरें हित हरि सम नहिं कोऊ।
एहि अवसर सहाय सोइ होऊ॥
बहुबिधि बिनय कीन्हि तेहि काला।
प्रगटेउ प्रभु कौतुकी कृपाला॥
प्रभु बिलोकि मुनि नयन जुड़ाने।
होइहि काजु हिएँ हरषाने॥
अति आरति कहि कथा सुनाई।
करहु कृपा करि होहु सहाई॥
आपन रूप देहु प्रभु मोही।
आन भाँति नहिं पावौं ओही॥
जेहि बिधि नाथ होइ हित मोरा।
करहु सो बेगि दास मैं तोरा॥
निज माया बल देखि बिसाला।
हियँ हँसि बोले दीनदयाला॥
Hari san māgauṅ sundaratāī,
hoihi jāt gaharu ati bhāī.
Moreṅ hit Hari sam nahiṅ koū,
ehi avasar sahāya soi hoū.
Bahubidhi binay kīnhi tehi kālā,
pragaṭeu prabhu kautukī kṛipālā.
Prabhu biloki muni nayan juḍāne,
hoihi kāju hieṅ haraṣāne.
Ati ārati kahi kathā sunāī,
karahu kṛipā kari hohu sahāī.
Āpan rūp dehu prabhu mohī,
ān bhāṅti nahiṅ pāvauṅ ohī.
Jehi bidhi nāth hoi hit morā,
karahu so begi dās maiṅ torā.
Nij māyā bal dekhi bisālā,
hiyaṅ haṅsi bole dīnadayālā.
388 of 1109
दो०—जेहि बिधि होइहि परम हित नारद सुनहु तुम्हार।
सोइ हम करब न आन कछु बचन न मृषा हमार ॥१३२॥
Do—Jehi bidhi hoihi param hit Nārad sunahu tumhār,
soi ham karab na ān kachhu bachan na mṛiṣā hamār. (132)
389 of 1109
कुपथ माग रुज ब्याकुल रोगी।
बैद न देइ सुनहु मुनि जोगी॥
एहि बिधि हित तुम्हार मैं ठयऊ।
कहि अस अंतरहित प्रभु भयऊ॥
माया बिबस भए मुनि मूढ़ा।
समुझी नहिं हरि गिरा निगूढ़ा॥
गवने तुरत तहाँ रिषिराई।
जहाँ स्वयंबर भूमि बनाई॥
निज निज आसन बैठे राजा।
बहु बनाव करि सहित समाजा॥
मुनि मन हरष रूप अति मोरें।
मोहि तजि आनहि बरिहि न भोरें॥
मुनि हित कारन कृपानिधाना।
दीन्ह कुरूप न जाइ बखाना॥
सो चरित्र लखि काहुँ न पावा।
नारद जानि सबहिं सिर नावा॥
Kupath māg ruj byākul rogī,
baid na dei sunahu muni jogī.
Ehi bidhi hit tumhār maiṅ ṭhayū,
kahi as antarahit prabhu bhayū.
Māyā bibas bhae muni mūḍhā,
samujhī nahiṅ Hari girā nigūḍhā.
Gavane turat tahāṅ riṣirāī,
jahāṅ swayambar bhūmi banāī.
Nij nij āsan baiṭhe rājā,
bahu banāv kari sahit samājā.
Muni man haraṣ rūp ati moreṅ,
mohi taji ānahi barihi na bhoreṅ.
Muni hit kāran kṛipānidhānā,
dīnha kurūp na jāi bakhānā.
So charitra lakhi kāhuṅ na pāvā,
Nārad jāni sabahiṅ sir nāvā.
390 of 1109
दो०—रहे तहाँ दुइ रुद्र गन ते जानहिं सब भेउ।
बिप्रबेष देखत फिरहिं परम कौतुकी तेउ ॥१३३॥
Do—Rahe tahāṅ dui Rudra gan te jānahiṅ sab bheu,
biprabeṣ dekhat phirahiṅ param kautukī teu. (133)
391 of 1109
जेहिं समाज बैठे मुनि जाई।
हृदयँ रूप अहमिति अधिकाई॥
तहँ बैठे महेस गन दोऊ।
बिप्रबेष गति लखइ न कोऊ॥
करहिं कूटि नारदहि सुनाई।
नीकि दीन्हि हरि सुंदरताई॥
रीझिहि राजकुअँरि छबि देखी।
इन्हहि बरिहि हरि जानि बिसेषी॥
मुनिहि मोह मन हाथ पराएँ।
हँसहिं संभु गन अति सचु पाएँ॥
जदपि सुनहिं मुनि अटपटि बानी।
समुझि न परइ बुद्धि भ्रम सानी॥
काहुँ न लखा सो चरित बिसेषा।
सो सरूप नृपकन्याँ देखा॥
मर्कट बदन भयंकर देही।
देखत हृदयँ क्रोध भा तेही॥
Jehiṅ samāj baiṭhe muni jāī,
hṛidayaṅ rūp ahamiti adhikāī.
Tahaṅ baiṭhe Mahes gan doū,
biprabeṣ gati lakhai na koū.
Karahiṅ kūṭi Nāradahi sunāī,
nīki dīnhi Hari sundaratāī.
Rījhihi rājakuaṅri chhabi dekhī,
inhahi barihi Hari jāni biseṣī.
Munihi moh man hāth parāeṅ,
haṅsahiṅ Sambhu gan ati sachu pāeṅ.
Jadapi sunahiṅ muni aṭapaṭi bānī,
samujhi na parai buddhi bhram sānī.
Kāhuṅ na lakhā so charit biseṣā,
so sarūp nṛipakanyāṅ dekhā.
Markaṭ badan bhayaṅkar dehī,
dekhat hṛidayaṅ krodh bhā tehī.
392 of 1109
दो०—सखीं संग लै कुअँरि तब चलि जनु राजमराल।
देखत फिरइ महीप सब कर सरोज जयमाल ॥१३४॥
Do—Sakhīṅ saṅg lai kuaṅri tab chali janu rājamarāl,
dekhat phirai mahīp sab kar saroj jayamāl. (134)
393 of 1109
जेहि दिसि बैठे नारद फूली।
सो दिसि तेहिं न बिलोकी भूली॥
पुनि पुनि मुनि उकसहिं अकुलाहीं।
देखि दसा हर गन मुसुकाहीं॥
धरि नृपतनु तहँ गयउ कृपाला।
कुअँरि हरषि मेलेउ जयमाला॥
दुलहिनि लै गे लच्छिनिवासा।
नृपसमाज सब भयउ निरासा॥
मुनि अति बिकल मोहँ मति नाठी।
मनि गिरि गई छूटि जनु गाँठी॥
तब हर गन बोले मुसुकाई।
निज मुख मुकुर बिलोकहु जाई॥
अस कहि दोउ भागे भयँ भारी।
बदन दीख मुनि बारि निहारी॥
बेषु बिलोकि क्रोध अति बाढ़ा।
तिन्हहि सराप दीन्ह अति गाढ़ा॥
Jehi disi baiṭhe Nārad phūlī,
so disi tehiṅ na bilokī bhūlī.
Puni puni muni ukasahiṅ akulāhīṅ,
dekhi dasā har gan musukāhīṅ.
Dhari nṛipatanu tahaṅ gayau kṛipālā,
kuaṅri haraṣi meleu jayamālā.
Dulahini lai ge Lachchhinivāsā,
nṛipasamāj sab bhayau nirāsā.
Muni ati bikal mohaṅ mati nāṭhī,
mani giri gaī chhūṭi janu gāṅṭhī.
Tab har gan bole musukāī,
nij mukh mukur bilokahu jāī.
As kahi dou bhāge bhayaṅ bhārī,
badan dīkh muni bāri nihārī.
Beṣu biloki krodh ati bāḍhā,
tinhahi sarāp dīnha ati gāḍhā.
394 of 1109
दो०—होहु निसाचर जाइ तुम्ह कपटी पापी दोउ।
हँसेहु हमहि सो लेहु फल बहुरि हँसेहु मुनि कोउ ॥१३५॥
Do—Hohu nisāchar jāi tumh kapaṭī pāpī dou,
haṅsehu hamahi so lehu phal bahuri haṅsehu muni kou. (135)
395 of 1109
पुनि जल दीख रूप निज पावा।
तदपि हृदयँ संतोष न आवा॥
फरकत अधर कोप मन माहीं।
सपदि चले कमलापति पाहीं॥
देहउँ श्राप कि मरिहउँ जाई।
जगत मोरि उपहास कराई॥
बीचहिं पंथ मिले दनुजारी।
संग रमा सोइ राजकुमारी॥
बोले मधुर बचन सुरसाईं।
मुनि कहँ चले बिकल की नाईं॥
सुनत बचन उपजा अति क्रोधा।
माया बस न रहा मन बोधा॥
पर संपदा सकहु नहिं देखी।
तुम्हरें इरिषा कपट बिसेषी॥
मथत सिंधु रुद्रहि बौरायहु।
सुरन्ह प्रेरि बिष पान करायहु॥
Puni jal dīkh rūp nij pāvā,
tadapi hṛidayaṅ santoṣ na āvā.
Pharakat adhar kop man māhīṅ,
sapadi chale Kamalāpati pāhīṅ.
Dehauṅ shrāp ki marihauṅ jāī,
jagat mori upahās karāī.
Bīchahiṅ panth mile Danujārī,
saṅg Ramā soi rājakumārī.
Bole madhur bachan surasāīṅ,
muni kahaṅ chale bikal kī nāīṅ.
Sunat bachan upajā ati krodhā,
māyā bas na rahā man bodhā.
Par sanpadā sakahu nahiṅ dekhī,
tumhareṅ iriṣā kapaṭ biseṣī.
Mathat sindhu Rudrahi baurāyahu,
suranha preri biṣ pān karāyahu.
396 of 1109
दो०—असुर सुरा बिष संकरहि आपु रमा मनि चारु।
स्वारथ साधक कुटिल तुम्ह सदा कपट ब्यवहारु ॥१३६॥
Do—Asur surā biṣ Saṅkarahi āpu Ramā mani chāru,
swārath sādhak kuṭil tumh sadā kapaṭ byavahāru. (136)
397 of 1109
परम स्वतंत्र न सिर पर कोई।
भावइ मनहि करहु तुम्ह सोई॥
भलेहि मंद मंदेहि भल करहू।
बिसमय हरष न हियँ कछु धरहू॥
डहकि डहकि परिचेहु सब काहू।
अति असंक मन सदा उछाहू॥
करम सुभासुभ तुम्हहि न बाधा।
अब लगि तुम्हहि न काहूँ साधा॥
भले भवन अब बायन दीन्हा।
पावहुगे फल आपन कीन्हा॥
बंचेहु मोहि जवनि धरि देहा।
सोइ तनु धरहु श्राप मम एहा॥
कपि आकृति तुम्ह कीन्हि हमारी।
करिहहिं कीस सहाय तुम्हारी॥
मम अपकार कीन्ह तुम्ह भारी।
नारि बिरहँ तुम्ह होब दुखारी॥
Param swatantra na sir par koī,
bhāvai manahi karahu tumh soī.
Bhalehi mand mandehi bhal karahū,
bisamay haraṣ na hiyaṅ kachhu dharahū.
Ḍahaki ḍahaki parichehu sab kāhū,
ati asaṅk man sadā uchhāhū.
Karam subhāsubh tumhahi na bādhā,
ab lagi tumhahi na kāhūṅ sādhā.
Bhale bhavan ab bāyan dīnhā,
pāvahuge phal āpan kīnhā.
Baṅchehu mohi javani dhari dehā,
soi tanu dharahu shrāp mam ehā.
Kapi ākṛiti tumh kīnhi hamārī,
karihahiṅ kīs sahāya tumhārī.
Mam apakār kīnha tumh bhārī,
nāri birahaṅ tumh hob dukhārī.
398 of 1109
दो०—श्राप सीस धरि हरषि हियँ प्रभु बहु बिनती कीन्हि।
निज माया कै प्रबलता करषि कृपानिधि लीन्हि ॥१३७॥
Do—Shrāp sīs dhari haraṣi hiyaṅ prabhu bahu binatī kīnhi,
nij māyā kai prabalatā karaṣi kṛipānidhi līnhi. (137)
399 of 1109
जब हरि माया दूरि निवारी।
नहिं तहँ रमा न राजकुमारी॥
तब मुनि अति सभीत हरि चरना।
गहे पाहि प्रनतारति हरना॥
मृषा होउ मम श्राप कृपाला।
मम इच्छा कह दीनदयाला॥
मैं दुर्बचन कहे बहुतेरे।
कह मुनि पाप मिटिहिं किमि मेरे॥
जपहु जाइ संकर सत नामा।
होइहि हृदयँ तुरत बिश्रामा॥
कोउ नहिं सिव समान प्रिय मोरें।
असि परतीति तजहु जनि भोरें॥
जेहि पर कृपा न करहिं पुरारी।
सो न पाव मुनि भगति हमारी॥
अस उर धरि महि बिचरहु जाई।
अब न तुम्हहि माया निअराई॥
Jab Hari māyā dūri nivārī,
nahiṅ tahaṅ Ramā na rājakumārī.
Tab muni ati sabhīt Hari charanā,
gahe pāhi pranatārati haranā.
Mṛiṣā hou mam shrāp kṛipālā,
mam ichchhā kah dīnadayālā.
Maiṅ durbachan kahe bahutere,
kah muni pāp miṭihiṅ kimi mere.
Japahu jāi Saṅkar sat nāmā,
hoihi hṛidayaṅ turat bishrāmā.
Kou nahiṅ Siv samān priya moreṅ,
asi paratīti tajahu jani bhoreṅ.
Jehi par kṛipā na karahiṅ Purārī,
so na pāv muni bhagati hamārī.
As ur dhari mahi bicharahu jāī,
ab na tumhahi māyā niarāī.
400 of 1109
दो०—बहुबिधि मुनिहि प्रबोधि प्रभु तब भए अंतरधान।
सत्यलोक नारद चले करत राम गुन गान ॥१३८॥
Do—Bahubidhi munihi prabodhi prabhu tab bhae antaradhān,
Satyalok Nārad chale karat Rām gun gān. (138)
401 of 1109
हर गन मुनिहि जात पथ देखी।
बिगत मोह मन हरष बिसेषी॥
अति सभीत नारद पहिं आए।
गहि पद आरत बचन सुनाए॥
हर गन हम न बिप्र मुनिराया।
बड़ अपराध कीन्ह फल पाया॥
श्राप अनुग्रह करहु कृपाला।
बोले नारद दीनदयाला॥
निसिचर जाइ होहु तुम्ह दोऊ।
बैभव बिपुल तेज बल होऊ॥
भुज बल बिस्व जितब तुम्ह जहिआ।
धरिहहिं बिष्नु मनुज तनु तहिआ॥
समर मरन हरि हाथ तुम्हारा।
होइहहु मुकुत न पुनि संसारा॥
चले जुगल मुनि पद सिर नाई।
भए निसाचर कालहि पाई॥
Har gan munihi jāt path dekhī,
bigat moh man haraṣ biseṣī.
Ati sabhīt Nārad pahiṅ āe,
gahi pad ārat bachan sunāe.
Har gan ham na bipra munirāyā,
baḍ aparādh kīnha phal pāyā.
Shrāp anugrah karahu kṛipālā,
bole Nārad dīnadayālā.
Nisichar jāi hohu tumh doū,
baibhav bipul tej bal hoū.
Bhuj bal biswa jitab tumh jahiā,
dharihahiṅ Biṣnu manuj tanu tahiā.
Samar maran Hari hāth tumhārā,
hoihahu mukut na puni sansārā.
Chale jugal muni pad sir nāī,
bhae nisāchar kālahi pāī.
402 of 1109
दो०—एक कलप एहि हेतु प्रभु लीन्ह मनुज अवतार।
सुर रंजन सज्जन सुखद हरि भंजन भुबि भार ॥१३९॥
Do—Ek kalap ehi hetu prabhu līnha manuj avatār,
sur rañjan sajjan sukhad hari bhañjan bhubi bhār. (139)
403 of 1109
एहि बिधि जनम करम हरि केरे।
सुंदर सुखद बिचित्र घनेरे॥
कलप कलप प्रति प्रभु अवतरहीं।
चारु चरित नानाबिधि करहीं॥
तब तब कथा मुनीसन्ह गाई।
परम पुनीत प्रबंध बनाई॥
बिबिध प्रसंग अनूप बखाने।
करहिं न सुनि आचरजु सयाने॥
हरि अनंत हरिकथा अनंता।
कहहिं सुनहिं बहुबिधि सब संता॥
रामचंद्र के चरित सुहाए।
कलप कोटि लगि जाहिं न गाए॥
यह प्रसंग मैं कहा भवानी।
हरिमायाँ मोहहिं मुनि ग्यानी॥
प्रभु कौतुकी प्रनत हितकारी।
सेवत सुलभ सकल दुखहारी॥
Ehi bidhi janam karam Hari kere,
sundar sukhad bichitra ghanere.
Kalap kalap prati prabhu avatarahīṅ,
chāru charit nānābidhi karahīṅ.
Tab tab kathā munīsanha gāī,
param punīt prabandh banāī.
Bibidh prasaṅg anūp bakhāne,
karahiṅ na suni ācharaju sayāne.
Hari anant harikathā anantā,
kahahiṅ sunahiṅ bahubidhi sab santā.
Rāmachandra ke charit suhāe,
kalap koṭi lagi jāhiṅ na gāe.
Yah prasaṅg maiṅ kahā Bhavānī,
harimāyāṅ mohahiṅ muni gyānī.
Prabhu kautukī pranat hitakārī,
sevat sulabh sakal dukhahārī.
404 of 1109
सो०—सुर नर मुनि कोउ नाहिं जेहि न मोह माया प्रबल।
अस बिचारि मन माहिं भजिअ महामाया पतिहि ॥१४०॥
So—Sur nar muni kou nāhiṅ jehi na moh māyā prabal,
as bichāri man māhiṅ bhajia Mahāmāyā patihi. (140)
405 of 1109
अपर हेतु सुनु सैलकुमारी।
कहउँ बिचित्र कथा बिस्तारी॥
जेहि कारन अज अगुन अरूपा।
ब्रह्म भयउ कोसलपुर भूपा॥
जो प्रभु बिपिन फिरत तुम्ह देखा।
बंधु समेत धरें मुनिबेषा॥
जासु चरित अवलोकि भवानी।
सती सरीर रहिहु बौरानी॥
अजहुँ न छाया मिटति तुम्हारी।
तासु चरित सुनु भ्रम रुज हारी॥
लीला कीन्हि जो तेहिं अवतारा।
सो सब कहिहउँ मति अनुसारा॥
भरद्वाज सुनि संकर बानी।
सकुचि सप्रेम उमा मुसुकानी॥
लगे बहुरि बरनै बृषकेतू।
सो अवतार भयउ जेहि हेतू॥
Apar hetu sunu sailakumārī,
kahauṅ bichitra kathā bistārī.
Jehi kāran aj agun arūpā,
Brahma bhayau Kosalapur bhūpā.
Jo prabhu bipin phirat tumh dekhā,
bandhu samet dhareṅ munibeṣā.
Jāsu charit avaloki Bhavānī,
satī sarīr rahihu baurānī.
Ajahuṅ na chhāyā miṭati tumhārī,
tāsu charit sunu bhram ruj hārī.
Līlā kīnhi jo tehiṅ avatārā,
so sab kahihauṅ mati anusārā.
Bharadvāj suni Saṅkar bānī,
sakuchi saprem Umā musukānī.
Lage bahuri baranai Bṛiṣaketū,
so avatār bhayau jehi hetū.
406 of 1109
दो०—सो मैं तुम्ह सन कहउँ सबु सुनु मुनीस मन लाइ।
राम कथा कलि मल हरनि मंगल करनि सुहाइ ॥१४१॥
Do—So maiṅ tumh san kahauṅ sabu sunu munīs man lāi,
Rām kathā kali mal harani maṅgal karani suhāi. (141)
407 of 1109
स्वायंभू मनु अरु सतरूपा।
जिन्ह तें भै नरसृष्टि अनूपा॥
दंपति धरम आचरन नीका।
अजहुँ गाव श्रुति जिन्ह कै लीका॥
नृप उत्तानपाद सुत तासू।
ध्रुव हरिभगत भयउ सुत जासू॥
लघु सुत नाम प्रियब्रत ताही।
बेद पुरान प्रसंसहिं जाही॥
देवहूति पुनि तासु कुमारी।
जो मुनि कर्दम कै प्रिय नारी॥
आदिदेव प्रभु दीनदयाला।
जठर धरेउ जेहिं कपिल कृपाला॥
सांख्य सास्त्र जिन्ह प्रगट बखाना।
तत्त्व बिचार निपुन भगवाना॥
तेहिं मनु राज कीन्ह बहु काला।
प्रभु आयसु सब बिधि प्रतिपाला॥
Swāyambhū manu aru Satarūpā,
jinha teṅ bhai narasṛiṣṭi anūpā.
Dampati dharam ācharan nīkā,
ajahuṅ gāv shruti jinha kai līkā.
Nṛip Uttānapād sut tāsū,
Dhruv haribhagat bhayau sut jāsū.
Laghu sut nām Priyabrat tāhī,
bed purān prasansahiṅ jāhī.
Devahūti puni tāsu kumārī,
jo muni Kardam kai priya nārī.
Ādidev prabhu dīnadayālā,
jaṭhar dhareu jehiṅ Kapil kṛipālā.
Sāṅkhya sāstra jinha pragaṭ bakhānā,
tattva bichār nipun bhagavānā.
Tehiṅ manu rāj kīnha bahu kālā,
prabhu āyasu sab bidhi pratipālā.
408 of 1109
सो०—होइ न बिषय बिराग भवन बसत भा चौथपन।
हृदयँ बहुत दुख लाग जनम गयउ हरिभगति बिनु ॥१४२॥
So—Hoi na biṣay birāg bhavan basat bhā chauthapan,
hṛidayaṅ bahut dukh lāg janam gayau haribhagati binu. (142)
409 of 1109
बरबस राज सुतहि तब दीन्हा।
नारि समेत गवन बन कीन्हा॥
तीरथ बर नैमिष बिख्याता।
अति पुनीत साधक सिधि दाता॥
बसहिं तहाँ मुनि सिद्ध समाजा।
तहँ हियँ हरषि चलेउ मनु राजा॥
पंथ जात सोहहिं मतिधीरा।
ग्यान भगति जनु धरें सरीरा॥
पहुँचे जाइ धेनुमति तीरा।
हरषि नहाने निरमल नीरा॥
आए मिलन सिद्ध मुनि ग्यानी।
धरम धुरंधर नृपरिषि जानी॥
जहँ जहँ तीरथ रहे सुहाए।
मुनिन्ह सकल सादर करवाए॥
कृस सरीर मुनिपट परिधाना।
सत समाज नित सुनहिं पुराना॥
Barabas rāj sutahi tab dīnhā,
nāri samet gavan ban kīnhā.
Tīrath bar Naimiṣ bikhyātā,
ati punīt sādhak sidhi dātā.
Basahiṅ tahāṅ muni siddh samājā,
tahaṅ hiyaṅ haraṣi chaleu manu rājā.
Panth jāt sohahiṅ matidhīrā,
gyān bhagati janu dhareṅ sarīrā.
Pahuṅche jāi Dhenumati tīrā,
haraṣi nahāne niramal nīrā.
Āe milan siddh muni gyānī,
dharam dhurandhar nṛipariṣi jānī.
Jahaṅ jahaṅ tīrath rahe suhāe,
muninha sakal sādar karavāe.
Kṛis sarīr munipaṭ paridhānā,
sat samāj nit sunahiṅ purānā.
410 of 1109
दो०—द्वादस अच्छर मंत्र पुनि जपहिं सहित अनुराग।
बासुदेव पद पंकरुह दंपति मन अति लाग ॥१४३॥
Do—Dwādas achchhar mantra puni japahiṅ sahit anurāg,
Bāsudev pad paṅkaruh dampati man ati lāg. (143)
411 of 1109
करहिं अहार साक फल कंदा।
सुमिरहिं ब्रह्म सच्चिदानंदा॥
पुनि हरि हेतु करन तप लागे।
बारि अधार मूल फल त्यागे॥
Karahiṅ ahār sāk phal kandā,
sumirahiṅ Brahma sachchidānandā.
Puni Hari hetu karan tap lāge,
bāri adhār mūl phal tyāge.
412 of 1109
उर अभिलाष निरंतर होई।
देखिअ नयन परम प्रभु सोई॥
अगुन अखंड अनंत अनादी।
जेहि चिंतहिं परमारथबादी॥
नेति नेति जेहि बेद निरूपा।
निजानंद निरुपाधि अनूपा॥
संभु बिरंचि बिष्नु भगवाना।
उपजहिं जासु अंस तें नाना॥
ऐसेउ प्रभु सेवक बस अहई।
भगत हेतु लीलातनु गहई॥
जौं यह बचन सत्य श्रुति भाषा।
तौ हमार पूजिहि अभिलाषा॥
Ur abhilāṣ nirantar hoī,
dekhia nayan param prabhu soī.
Agun akhaṇḍ anant anādī,
jehi chintahiṅ paramārathabādī.
Neti neti jehi bed nirūpā,
nijānand nirupādhi anūpā.
Sambhu biraṅchi Biṣnu bhagavānā,
upajahiṅ jāsu ans teṅ nānā.
Aiseu prabhu sevak bas ahaī,
bhagat hetu līlātanu gahaī.
Jauṅ yah bachan satya shruti bhāṣā,
tau hamār pūjihi abhilāṣā.
413 of 1109
दो०—एहि बिधि बीते बरष षट सहस बारि आहार।
संबत सप्त सहस्त्र पुनि रहे समीर अधार ॥१४४॥
Do—Ehi bidhi bīte baraṣ ṣaṭ sahas bāri āhār,
sanbat sapt sahastra puni rahe samīr adhār. (144)
414 of 1109
बरष सहस दस त्यागेउ सोऊ।
ठाढ़े रहे एक पद दोऊ॥
बिधि हरि हर तप देखि अपारा।
मनु समीप आए बहु बारा॥
मागहु बर बहु भाँति लोभाए।
परम धीर नहिं चलहिं चलाए॥
अस्थिमात्र होइ रहे सरीरा।
तदपि मनाग मनहिं नहिं पीरा॥
प्रभु सर्बग्य दास निज जानी।
गति अनन्य तापस नृप रानी॥
मागु मागु बरु भै नभ बानी।
परम गभीर कृपामृत सानी॥
मृतक जिआवनि गिरा सुहाई।
श्रवन रंध्र होइ उर जब आई॥
हष्ट पुष्ट तन भए सुहाए।
मानहुँ अबहिं भवन ते आए॥
Baraṣ sahas das tyāgeu soū,
ṭhāḍhe rahe ek pad doū.
Bidhi Hari Har tap dekhi apārā,
manu samīp āe bahu bārā.
Māgahu bar bahu bhāṅti lobhāe,
param dhīr nahiṅ chalahiṅ chalāe.
Asthimātra hoi rahe sarīrā,
tadapi manāg manahiṅ nahiṅ pīrā.
Prabhu sarbagya dās nij jānī,
gati ananya tāpas nṛip rānī.
Māgu māgu baru bhai nabh bānī,
param gabhīr kṛipāmṛit sānī.
Mṛitak jiāvani girā suhāī,
shravan randhra hoi ur jab āī.
Haṣṭ puṣṭ tan bhae suhāe,
mānahuṅ abahiṅ bhavan te āe.
415 of 1109
दो०—श्रवन सुधा सम बचन सुनि पुलक प्रफुल्लित गात।
बोले मनु करि दंडवत प्रेम न हृदयँ समात ॥१४५॥
Do—Shravan sudhā sam bachan suni pulak praphullit gāt,
bole manu kari daṇḍavat prem na hṛidayaṅ samāt. (145)
416 of 1109
सुनु सेवक सुरतरु सुरधेनू।
बिधि हरि हर बंदित पद रेनू॥
सेवत सुलभ सकल सुखदायक।
प्रनतपाल सचराचर नायक॥
जौं अनाथ हित हम पर नेहू।
तौ प्रसन्न होइ यह बर देहू॥
जो सरूप बस सिव मन माहीं।
जेहिं कारन मुनि जतन कराहीं॥
जो भुसुंडि मन मानस हंसा।
सगुन अगुन जेहि निगम प्रसंसा॥
देखहिं हम सो रूप भरि लोचन।
कृपा करहु प्रनतारति मोचन॥
दंपति बचन परम प्रिय लागे।
मृदुल बिनीत प्रेम रस पागे॥
भगत बछल प्रभु कृपानिधाना।
बिस्वबास प्रगटे भगवाना॥
Sunu sevak surataru suradhenū,
bidhi Hari Har bandit pad renū.
Sevat sulabh sakal sukhadāyak,
pranatapāl sacharāchar nāyak.
Jauṅ anāth hit ham par nehū,
tau prasanna hoi yah bar dehū.
Jo sarūp bas Siv man māhīṅ,
jehiṅ kāran muni jatan karāhīṅ.
Jo Bhusuṇḍi man mānas hansā,
sagun agun jehi nigam prasansā.
Dekhahiṅ ham so rūp bhari lochan,
kṛipā karahu pranatārati mochan.
Dampati bachan param priya lāge,
mṛidul binīt prem ras pāge.
Bhagat bachhal prabhu kṛipānidhānā,
biswabās pragaṭe bhagavānā.
417 of 1109
दो०—नील सरोरुह नील मनि नील नीरधर स्याम।
लाजहिं तन सोभा निरखि कोटि कोटि सत काम ॥१४६॥
Do—Nīl saroruh nīl mani nīl nīradhar syām,
lājahiṅ tan sobhā nirakhi koṭi koṭi sat kām. (146)
418 of 1109
सरद मयंक बदन छबि सींवा।
चारु कपोल चिबुक दर ग्रीवा॥
अधर अरुन रद सुंदर नासा।
बिधु कर निकर बिनिंदक हासा॥
नव अंबुज अंबक छबि नीकी।
चितवनि ललित भावँती जी की॥
भृकुटि मनोज चाप छबि हारी।
तिलक ललाट पटल दुतिकारी॥
कुंडल मकर मुकुट सिर भ्राजा।
कुटिल केस जनु मधुप समाजा॥
उर श्रीबत्स रुचिर बनमाला।
पदिक हार भूषन मनिजाला॥
केहरि कंधर चारु जनेऊ।
बाहु बिभूषन सुंदर तेऊ॥
करि कर सरिस सुभग भुजदंडा।
कटि निषंग कर सर कोदंडा॥
Sarad mayank badan chhabi sīṅvā,
chāru kapol chibuk dar grīvā.
Adhar arun rad sundar nāsā,
bidhu kar nikar biniṅdak hāsā.
Nav ambuj ambak chhabi nīkī,
chitavani lalit bhāvaṅtī jī kī.
Bhṛikuṭi manoj chāp chhabi hārī,
tilak lalāṭ paṭal dutikārī.
Kuṇḍal makar mukuṭ sir bhrājā,
kuṭil kes janu madhup samājā.
Ur Shrībats ruchir banamālā,
padik hār bhūṣan manijālā.
Kehari kandhar chāru janeū,
bāhu bibhūṣan sundar teū.
Kari kar saris subhag bhujadaṇḍā,
kaṭi niṣaṅg kar sar kodaṇḍā.
419 of 1109
दो०—तड़ित बिनिंदक पीत पट उदर रेख बर तीनि।
नाभि मनोहर लेति जनु जमुन भवँर छबि छीनि ॥१४७॥
Do—Taḍit biniṅdak pīt paṭ udar rekh bar tīni,
nābhi manohar leti janu Jamun bhavaṅr chhabi chhīni. (147)
420 of 1109
पद राजीव बरनि नहिं जाहीं।
मुनि मन मधुप बसहिं जेन्ह माहीं॥
बाम भाग सोभति अनुकूला।
आदिसक्ति छबिनिधि जगमूला॥
जासु अंस उपजहिं गुनखानी।
अगनित लच्छि उमा ब्रह्मानी॥
भृकुटि बिलास जासु जग होई।
राम बाम दिसि सीता सोई॥
छबिसमुद्र हरि रूप बिलोकी।
एकटक रहे नयन पट रोकी॥
चितवहिं सादर रूप अनूपा।
तृप्ति न मानहिं मनु सतरूपा॥
हरष बिबस तन दसा भुलानी।
परे दंड इव गहि पद पानी॥
सिर परसे प्रभु निज कर कंजा।
तुरत उठाए करुनापुंजा॥
Pad rājīv barani nahiṅ jāhīṅ,
muni man madhup basahiṅ jenha māhīṅ.
Bām bhāg sobhati anukūlā,
ādisakti chhabinidhi jagamūlā.
Jāsu ans upajahiṅ gunakhānī,
aganit lachchhi Umā Brahmānī.
Bhṛikuṭi bilās jāsu jag hoī,
Rām bām disi Sītā soī.
Chhabisamudra Hari rūp bilokī,
ekaṭak rahe nayan paṭ rokī.
Chitavahiṅ sādar rūp anūpā,
tṛipti na mānahiṅ Manu Satarūpā.
Haraṣ bibas tan dasā bhulānī,
pare daṇḍ iva gahi pad pānī.
Sir parase prabhu nij kar kanjā,
turat uṭhāe karunāpuñjā.
421 of 1109
दो०—बोले कृपानिधान पुनि अति प्रसन्न मोहि जानि।
मागहु बर जोइ भाव मन महादानि अनुमानि ॥१४८॥
Do—Bole kṛipānidhān puni ati prasanna mohi jāni,
māgahu bar joi bhāv man mahādāni anumāni. (148)
422 of 1109
सुनि प्रभु बचन जोरि जुग पानी।
धरि धीरजु बोली मृदु बानी॥
नाथ देखि पद कमल तुम्हारे।
अब पूरे सब काम हमारे॥
एक लालसा बड़ि उर माहीं।
सुगम अगम कहि जाति सो नाहीं॥
तुम्हहि देत अति सुगम गोसाईं।
अगम लाग मोहि निज कृपनाई॥
जथा दरिद्र बिबुधतरु पाई।
बहु संपति मागत सकुचाई॥
तासु प्रभाउ जान नहिं सोई।
तथा हृदयँ मम संसय होई॥
सो तुम्ह जानहु अंतरजामी।
पुरवहु मोर मनोरथ स्वामी॥
सकुच बिहाइ मागु नृप मोही।
मोरें नहिं अदेय कछु तोही॥
Suni prabhu bachan jori jug pānī,
dhari dhīraju bolī mṛidu bānī.
Nāth dekhi pad kamal tumhāre,
ab pūre sab kām hamāre.
Ek lālasā baḍi ur māhīṅ,
sugam agam kahi jāti so nāhīṅ.
Tumhahi det ati sugam gosāīṅ,
agam lāg mohi nij kṛipanāī.
Jathā daridra bibudhataru pāī,
bahu sanpati māgat sakuchāī.
Tāsu prabhāu jān nahiṅ soī,
tathā hṛidayaṅ mam sansay hoī.
So tumh jānahu antarajāmī,
puravahu mor manorath svāmī.
Sakuch bihāi māgu nṛip mohī,
moreṅ nahiṅ adey kachhu tohī.
423 of 1109
दो०—दानि सिरोमनि कृपानिधि नाथ कहउँ सतिभाउ।
चाहउँ तुम्हहि समान सुत प्रभु सन कवन दुराउ ॥१४९॥
Do—Dāni siromani kṛipānidhi nāth kahauṅ satibhāu,
chāhauṅ tumhahi samān sut prabhu san kavan durāu. (149)
424 of 1109
देखि प्रीति सुनि बचन अमोले।
एवमस्तु करुनानिधि बोले॥
आपु सरिस खोजौं कहँ जाई।
नृप तव तनय होब मैं आई॥
सतरूपहि बिलोकि कर जोरें।
देबि मागु बरु जो रुचि तोरें॥
जो बरु नाथ चतुर नृप मागा।
सोइ कृपाल मोहि अति प्रिय लागा॥
प्रभु परंतु सुठि होति ढिठाई।
जदपि भगत हित तुम्हहि सोहाई॥
तुम्ह ब्रह्मादि जनक जग स्वामी।
ब्रह्म सकल उर अंतरजामी॥
अस समुझत मन संसय होई।
कहा जो प्रभु प्रवान पुनि सोई॥
जे निज भगत नाथ तव अहहीं।
जो सुख पावहिं जो गति लहहीं॥
Dekhi prīti suni bachan amole,
evamastu karunānidhi bole.
Āpu saris khojauṅ kahaṅ jāī,
nṛip tav tanay hob maiṅ āī.
Satarūpahi biloki kar joreṅ,
debi māgu baru jo ruchi toreṅ.
Jo baru nāth chatur nṛip māgā,
soi kṛipāl mohi ati priya lāgā.
Prabhu parantu suṭhi hoti ḍhiṭhāī,
jadapi bhagat hit tumhahi sohāī.
Tumh Brahmādi janak jag svāmī,
Brahma sakal ur antarajāmī.
As samujhat man sansay hoī,
kahā jo prabhu pravān puni soī.
Je nij bhagat nāth tav ahahīṅ,
jo sukh pāvahiṅ jo gati lahahīṅ.
425 of 1109
दो०—सोइ सुख सोइ गति सोइ भगति सोइ निज चरन सनेहु।
सोइ बिबेक सोइ रहनि प्रभु हमहि कृपा करि देहु ॥१५०॥
Do—Soi sukh soi gati soi bhagati soi nij charan sanehu,
soi bibek soi rahani prabhu hamahi kṛipā kari dehu. (150)
426 of 1109
सुनि मृदु गूढ़ रुचिर बर रचना।
कृपासिंधु बोले मृदु बचना॥
जो कछु रुचि तुम्हरे मन माहीं।
मैं सो दीन्ह सब संसय नाहीं॥
मातु बिबेक अलौकिक तोरें।
कबहुँ न मिटिहि अनुग्रह मोरें॥
बंदि चरन मनु कहेउ बहोरी।
अवर एक बिनती प्रभु मोरी॥
सुत बिषइक तव पद रति होऊ।
मोहि बड़ मूढ़ कहै किन कोऊ॥
मनि बिनु फनि जिमि जल बिनु मीना।
मम जीवन तिमि तुम्हहि अधीना॥
अस बरु मागि चरन गहि रहेऊ।
एवमस्तु करुनानिधि कहेऊ॥
अब तुम्ह मम अनुसासन मानी।
बसहु जाइ सुरपति रजधानी॥
Suni mṛidu gūḍh ruchir bar rachanā,
kṛipāsindhu bole mṛidu bachanā.
Jo kachhu ruchi tumhare man māhīṅ,
maiṅ so dīnha sab sansay nāhīṅ.
Mātu bibek alaukik toreṅ,
kabahuṅ na miṭihi anugrah moreṅ.
Bandi charan manu kaheu bahorī,
avar ek binatī prabhu morī.
Sut biṣaik tav pad rati hoū,
mohi baḍ mūḍh kahai kin koū.
Mani binu phani jimi jal binu mīnā,
mam jīvan timi tumhahi adhīnā.
As baru māgi charan gahi raheū,
evamastu karunānidhi kaheū.
Ab tumh mam anusāsan mānī,
basahu jāi surapati rajadhānī.
427 of 1109
सो०—तहँ करि भोग बिसाल तात गएँ कछु काल पुनि।
होइहहु अवध भुआल तब मैं होब तुम्हार सुत ॥१५१॥
So—Tahaṅ kari bhog bisāl tāt gaeṅ kachhu kāl puni,
hoihahu Avadh bhuāl tab maiṅ hob tumhār sut. (151)
428 of 1109
इच्छामय नरबेष सँवारें।
होइहउँ प्रगट निकेत तुम्हारें॥
अंसन्ह सहित देह धरि ताता।
करिहउँ चरित भगत सुखदाता॥
जे सुनि सादर नर बड़भागी।
भव तरिहहिं ममता मद त्यागी॥
आदिसक्ति जेहिं जग उपजाया।
सोउ अवतरिहि मोरि यह माया॥
पुरउब मैं अभिलाष तुम्हारा।
सत्य सत्य पन सत्य हमारा॥
पुनि पुनि अस कहि कृपानिधाना।
अंतरधान भए भगवाना॥
दंपति उर धरि भगत कृपाला।
तेहिं आश्रम निवसे कछु काला॥
समय पाइ तनु तजि अनयासा।
जाइँ कीन्ह अमरावति बासा॥
Ichchhāmay narabeṣ sãvāreṅ,
hoihauṅ pragaṭ niket tumhāreṅ.
Ansanha sahit deh dhari tātā,
karihauṅ charit bhagat sukhadātā.
Je suni sādar nar baḍbhāgī,
bhav tarihahiṅ mamatā mad tyāgī.
Ādisakti jehiṅ jag upajāyā,
sou avatarihi mori yah māyā.
Purauba maiṅ abhilāṣ tumhārā,
satya satya pan satya hamārā.
Puni puni as kahi kṛipānidhānā,
antaradhān bhae bhagavānā.
Dampati ur dhari bhagat kṛipālā,
tehiṅ āshram nivase kachhu kālā.
Samay pāi tanu taji anayāsā,
jāiṅ kīnha Amarāvati bāsā.
429 of 1109
दो०—यह इतिहास पुनीत अति उमहि कही बृषकेतु।
भरद्वाज सुनु अपर पुनि राम जनम कर हेतु ॥१५२॥
Do—Yah itihās punīt ati Umahi kahī Bṛiṣaketu,
Bharadvāj sunu apar puni Rām janam kar hetu. (152)
430 of 1109
सुनु मुनि कथा पुनीत पुरानी।
जो गिरिजा प्रति संभु बखानी॥
बिस्व बिदित एक कैकय देसू।
सत्यकेतु तहँ बसइ नरेसू॥
धरम धुरंधर नीति निधाना।
तेज प्रताप सील बलवाना॥
तेहि कें भए जुगल सुत बीरा।
सब गुन धाम महा रनधीरा॥
राज धनी जो जेठ सुत आही।
नाम प्रतापभानु अस ताही॥
अपर सुतहि अरिमर्दन नामा।
भुजबल अतुल अचल संग्रामा॥
भाइहि भाइहि परम समीती।
सकल दोष छल बरजित प्रीती॥
जेठे सुतहि राज नृप दीन्हा।
हरि हित आपु गवन बन कीन्हा॥
Sunu muni kathā punīt purānī,
jo Girijā prati Sambhu bakhānī.
Biswa bidit ek Kaikay desū,
Satyaketu tahaṅ basai naresū.
Dharam dhurandhar nīti nidhānā,
tej pratāp sīl balavānā.
Tehi keṅ bhae jugal sut bīrā,
sab gun dhām mahā ranadhīrā.
Rāj dhanī jo jeṭh sut āhī,
nām Pratāpbhānu as tāhī.
Apar sutahi Arimardan nāmā,
bhujabal atul achal sangrāmā.
Bhāihi bhāihi param samītī,
sakal doṣ chhal barajit prītī.
Jeṭhe sutahi rāj nṛip dīnhā,
hari hit āpu gavan ban kīnhā.
431 of 1109
दो०—जब प्रतापरबि भयउ नृप फिरी दोहाई देस।
प्रजा पाल अति बेदबिधि कतहुँ नहीं अघ लेस ॥१५३॥
Do—Jab Pratāparabi bhayau nṛip phirī dohāī des,
prajā pāl ati bedbidhi katahuṅ nahīṅ agh les. (153)
432 of 1109
नृप हितकारक सचिव सयाना।
नाम धरमरुचि सुक्र समाना॥
सचिव सयान बंधु बलबीरा।
आपु प्रतापपुंज रनधीरा॥
सेन संग चतुरंग अपारा।
अमित सुभट सब समर जुझारा॥
सेन बिलोकि राउ हरषाना।
अरु बाजे गहगहे निसाना॥
बिजय हेतु कटकई बनाई।
सुदिन साधि नृप चलेउ बजाई॥
जहँ तहँ परीं अनेक लराई।
जीते सकल भूप बरिआई॥
सप्त दीप भुजबल बस कीन्हे।
लै लै दंड छाड़ि नृप दीन्हे॥
सकल अवनि मंडल तेहि काला।
एक प्रतापभानु महिपाला॥
Nṛip hitakārak sachiv sayānā,
nām Dharamaruchi Sukra samānā.
Sachiv sayān bandhu balabīrā,
āpu pratāpapuñj ranadhīrā.
Sen sang chaturaṅg apārā,
amit subhaṭ sab samar jujhārā.
Sen biloki rāu haraṣānā,
aru bāje gahagahe nisānā.
Bijay hetu kaṭakaī banāī,
sudin sādhi nṛip chaleu bajāī.
Jahaṅ tahaṅ parīṅ anek larāī,
jīte sakal bhūp bariāī.
Sapt dīp bhujabal bas kīnhe,
lai lai daṇḍ chhāḍi nṛip dīnhe.
Sakal avani maṇḍal tehi kālā,
ek Pratāpbhānu mahipālā.
433 of 1109
दो०—स्वबस बिस्व करि बाहुबल निज पुर कीन्ह प्रबेसु।
अरथ धरम कामादि सुख सेवइ समयँ नरेसु ॥१५४॥
Do—Swabas biswa kari bāhubal nij pur kīnha prabesu,
arath dharam kāmādi sukh sevai samayaṅ naresu. (154)
434 of 1109
भूप प्रतापभानु बल पाई।
कामधेनु भै भूमि सुहाई॥
सब दुख बरजित प्रजा सुखारी।
धरमसील सुंदर नर नारी॥
सचिव धरमरुचि हरि पद प्रीती।
नृप हित हेतु सिखव नित नीती॥
गुर सुर संत पितर महिदेवा।
करइ सदा नृप सब कै सेवा॥
भूप धरम जे बेद बखाने।
सकल करइ सादर सुख माने॥
दिन प्रति देइ बिबिध बिधि दाना।
सुनइ सास्त्र बर बेद पुराना॥
नाना बापीं कूप तड़ागा।
सुमन बाटिका सुंदर बागा॥
बिप्रभवन सुरभवन सुहाए।
सब तीरथन्ह बिचित्र बनाए॥
Bhūp Pratāpbhānu bal pāī,
kāmadhenu bhai bhūmi suhāī.
Sab dukh barajit prajā sukhārī,
dharamasīl sundar nar nārī.
Sachiv Dharamaruchi hari pad prītī,
nṛip hit hetu sikhav nit nītī.
Gur sur sant pitar mahidevā,
karai sadā nṛip sab kai sevā.
Bhūp dharam je bed bakhāne,
sakal karai sādar sukh māne.
Din prati dei bibidh bidhi dānā,
sunai sāstra bar bed purānā.
Nānā bāpīṅ kūp taḍāgā,
suman bāṭikā sundar bāgā.
Bipra bhavan surabhavan suhāe,
sab tīrathanha bichitra banāe.
435 of 1109
दो०—जहँ लगि कहे पुरान श्रुति एक एक सब जाग।
बार सहस्त्र सहस्त्र नृप किए सहित अनुराग ॥१५५॥
Do—Jahaṅ lagi kahe purān shruti ek ek sab jāg,
bār sahastra sahastra nṛip kie sahit anurāg. (155)
436 of 1109
हृदयँ न कछु फल अनुसंधाना।
भूप बिबेकी परम सुजाना॥
करइ जे धरम करम मन बानी।
बासुदेव अर्पित नृप ग्यानी॥
चढ़ि बर बाजि बार एक राजा।
मृगया कर सब साजि समाजा॥
बिंध्याचल गभीर बन गयऊ।
मृग पुनीत बहु मारत भयऊ॥
फिरत बिपिन नृप दीख बराहू।
जनु बन दुरेउ ससिहि ग्रसि राहू॥
बड़ बिधु नहिं समात मुख माहीं।
मनहुँ क्रोध बस उगिलत नाहीं॥
कोल कराल दसन छबि गाई।
तनु बिसाल पीवर अधिकाई॥
घुरुघुरात हय आरौ पाएँ।
चकित बिलोकत कान उठाएँ॥
Hṛidayaṅ na kachhu phal anusandhānā,
bhūp bibekī param sujānā.
Karai je dharam karam man bānī,
Bāsudev arpit nṛip gyānī.
Chaḍhi bar bāji bār ek rājā,
mṛigayā kar sab sāji samājā.
Bindhyāchal gabhīr ban gayū,
mṛig punīt bahu mārat bhayū.
Phirat bipin nṛip dīkh barāhū,
janu ban dureu sasihi grasi Rāhū.
Baḍ bidhu nahiṅ samāt mukh māhīṅ,
manahuṅ krodh bas ugilat nāhīṅ.
Kol karāl dasan chhabi gāī,
tanu bisāl pīvar adhikāī.
Ghurughurāt hay ārau pāeṅ,
chakit bilokat kān uṭhāeṅ.
437 of 1109
दो०—नील महीधर सिखर सम देखि बिसाल बराहु।
चपरि चलेउ हय सुटुकि नृप हाँकि न होइ निबाहु ॥१५६॥
Do—Nīl mahīdhar sikhar sam dekhi bisāl barāhu,
chapari chaleu hay suṭuki nṛip hāṅki na hoi nibāhu. (156)
438 of 1109
आवत देखि अधिक रव बाजी।
चलेउ बराह मरुत गति भाजी॥
तुरत कीन्ह नृप सर संधाना।
महि मिलि गयउ बिलोकत बाना॥
तकि तकि तीर महीस चलावा।
करि छल सुअर सरीर बचावा॥
प्रगटत दुरत जाइ मृग भागा।
रिस बस भूप चलेउ सँग लागा॥
गयउ दूरि घन गहन बराहू।
जहँ नाहिन गज बाजि निबाहू॥
अति अकेल बन बिपुल कलेसू।
तदपि न मृग मग तजइ नरेसू॥
कोल बिलोकि भूप बड़ धीरा।
भागि पैठ गिरिगुहाँ गभीरा॥
अगम देखि नृप अति पछिताई।
फिरेउ महाबन परेउ भुलाई॥
Āvat dekhi adhik rav bājī,
chaleu barāh marut gati bhājī.
Turat kīnha nṛip sar sandhānā,
mahi mili gayau bilokat bānā.
Taki taki tīr mahīs chalāvā,
kari chhal suar sarīr bachāvā.
Pragaṭat durat jāi mṛig bhāgā,
ris bas bhūp chaleu saṅg lāgā.
Gayau dūri ghan gahan barāhū,
jahaṅ nāhin gaj bāji nibāhū.
Ati akel ban bipul kalesū,
tadapi na mṛig mag tajai naresū.
Kol biloki bhūp baḍ dhīrā,
bhāgi paiṭh giriguhāṅ gabhīrā.
Agam dekhi nṛip ati pachhitāī,
phireu mahāban pareu bhulāī.
439 of 1109
दो०—खेद खिन्न छुधित तृषित राजा बाजि समेत।
खोजत ब्याकुल सरित सर जल बिनु भयउ अचेत ॥१५७॥
Do—Khed khinna chhudhit tṛiṣit rājā bāji samet,
khojat byākul sarit sar jal binu bhayau achet. (157)
440 of 1109
फिरत बिपिन आश्रम एक देखा।
तहँ बस नृपति कपट मुनिबेषा॥
जासु देस नृप लीन्ह छड़ाई।
समर सेन तजि गयउ पराई॥
समय प्रतापभानु कर जानी।
आपन अति असमय अनुमानी॥
गयउ न गृह मन बहुत गलानी।
मिला न राजहि नृप अभिमानी॥
रिस उर मारि रंक जिमि राजा।
बिपिन बसइ तापस कें साजा॥
तासु समीप गवन नृप कीन्हा।
यह प्रतापरबि तेहिं तब चीन्हा॥
राउ तृषित नहिं सो पहिचाना।
देखि सुबेष महामुनि जाना॥
उतरि तुरग तें कीन्ह प्रनामा।
परम चतुर न कहेउ निज नामा॥
Phirat bipin āshram ek dekhā,
tahaṅ bas nṛipati kapaṭ munibeṣā.
Jāsu des nṛip līnha chhaḍāī,
samar sen taji gayau parāī.
Samay Pratāpbhānu kar jānī,
āpan ati asamay anumānī.
Gayau na gṛih man bahut galānī,
milā na rājahi nṛip abhimānī.
Ris ur māri raṅk jimi rājā,
bipin basai tāpas keṅ sājā.
Tāsu samīp gavan nṛip kīnhā,
yah Pratāparabi tehiṅ tab chīnhā.
Rāu tṛiṣit nahiṅ so pahichānā,
dekhi subeṣ mahāmuni jānā.
Utari turag teṅ kīnha pranāmā,
param chatur na kaheu nij nāmā.
441 of 1109
दो०—भूपति तृषित बिलोकि तेहिं सरबरु दीन्ह देखाइ।
मज्जन पान समेत हय कीन्ह नृपति हरषाइ ॥१५८॥
Do—Bhūpati tṛiṣit biloki tehiṅ sarabaru dīnha dekhāi,
majjan pān samet hay kīnha nṛipati haraṣāi. (158)
442 of 1109
गै श्रम सकल सुखी नृप भयऊ।
निज आश्रम तापस लै गयऊ॥
आसन दीन्ह अस्त रबि जानी।
पुनि तापस बोलेउ मृदु बानी॥
को तुम्ह कस बन फिरहु अकेलें।
सुंदर जुबा जीव परहेलें॥
चक्रबर्ति के लच्छन तोरें।
देखत दया लागि अति मोरें॥
नाम प्रतापभानु अवनीसा।
तासु सचिव मैं सुनहु मुनीसा॥
फिरत अहेरें परेउँ भुलाई।
बड़ें भाग देखेउँ पद आई॥
हम कहँ दुर्लभ दरस तुम्हारा।
जानत हौं कछु भल होनिहारा॥
कह मुनि तात भयउ अँधिआरा।
जोजन सत्तरि नगरु तुम्हारा॥
Gai shram sakal sukhī nṛip bhayū,
nij āshram tāpas lai gayū.
Āsan dīnha ast rabi jānī,
puni tāpas boleu mṛidu bānī.
Ko tumh kas ban phirahu akeleṅ,
sundar jubā jīv parheleṅ.
Chakrabarti ke lachchhan toreṅ,
dekhat dayā lāgi ati moreṅ.
Nām Pratāpbhānu avanīsā,
tāsu sachiv maiṅ sunahu munīsā.
Phirat ahereṅ pareuṅ bhulāī,
baḍeṅ bhāg dekheuṅ pad āī.
Ham kahaṅ durlabh daras tumhārā,
jānat hauṅ kachhu bhal honihārā.
Kah muni tāt bhayau aṅdhiārā,
jojan sattari nagaru tumhārā.
443 of 1109
दो०—निसा घोर गंभीर बन पंथ न सुनहु सुजान।
बसहु आजु अस जानि तुम्ह जाएहु होत बिहान ॥१५९(क)॥
Do—Nisā ghor gambhīr ban panth na sunahu sujān,
basahu āju as jāni tumh jāehu hot bihān. (159-a)
444 of 1109
तुलसी जसि भवतब्यता तैसी मिलइ सहाइ।
आपुनु आवइ ताहि पहिं ताहि तहाँ लै जाइ ॥१५९(ख)॥
Tulsī jasi bhavatabyatā taisī milai sahāi,
āpunu āvai tāhi pahiṅ tāhi tahāṅ lai jāi. (159-b)
445 of 1109
भलेहिं नाथ आयसु धरि सीसा।
बाँधि तुरग तरु बैठ महीसा॥
नृप बहु भाँति प्रसंसेउ ताही।
चरन बंदि निज भाग्य सराही॥
पुनि बोलेउ मृदु गिरा सुहाई।
जानि पिता प्रभु करउँ ढिठाई॥
मोहि मुनीस सुत सेवक जानी।
नाथ नाम निज कहहु बखानी॥
तेहि न जान नृप नृपहि सो जाना।
भूप सुहृद सो कपट सयाना॥
बैरी पुनि छत्री पुनि राजा।
छल बल कीन्ह चहइ निज काजा॥
समुझि राजसुख दुखित अराती।
अवाँ अनल इव सुलगइ छाती॥
सरल बचन नृप के सुनि काना।
बयर सँभारि हृदयँ हरषाना॥
Bhalehiṅ nāth āyasu dhari sīsā,
bāṅdhi turag taru baiṭh mahīsā.
Nṛip bahu bhāṅti prasanseu tāhī,
charan bandi nij bhāgya sarāhī.
Puni boleu mṛidu girā suhāī,
jāni pitā prabhu karauṅ ḍhiṭhāī.
Mohi munīs sut sevak jānī,
nāth nām nij kahahu bakhānī.
Tehi na jān nṛip nṛipahi so jānā,
bhūp suhṛid so kapaṭ sayānā.
Bairī puni chhatrī puni rājā,
chhal bal kīnha chahai nij kājā.
Samujhi rājasukh dukhit arātī,
avāṅ anal iva sulagai chhātī.
Saral bachan nṛip ke suni kānā,
bayar sãbhāri hṛidayaṅ haraṣānā.
446 of 1109
दो०—कपट बोरि बानी मृदुल बोलेउ जुगुति समेत।
नाम हमार भिखारि अब निर्धन रहित निकेत ॥१६०॥
Do—Kapaṭ bori bānī mṛidul boleu juguti samet,
nām hamār bhikhāri ab nirdhan rahit niket. (160)
447 of 1109
कह नृप जे बिग्यान निधाना।
तुम्ह सारिखे गलित अभिमाना॥
सदा रहहिं अपनपौ दुराएँ।
सब बिधि कुसल कुबेष बनाएँ॥
तेहि तें कहहिं संत श्रुति टेरें।
परम अकिंचन प्रिय हरि केरें॥
तुम्ह सम अधन भिखारि अगेहा।
होत बिरंचि सिवहि संदेहा॥
जोसि सोसि तव चरन नमामी।
मो पर कृपा करिअ अब स्वामी॥
सहज प्रीति भूपति कै देखी।
आपु बिषय बिस्वास बिसेषी॥
सब प्रकार राजहि अपनाई।
बोलेउ अधिक सनेह जनाई॥
सुनु सतिभाउ कहउँ महिपाला।
इहाँ बसत बीते बहु काला॥
Kah nṛip je bigyān nidhānā,
tumh sārikhe galit abhimānā.
Sadā rahahiṅ apanapau durāeṅ,
sab bidhi kusal kubeṣ banāeṅ.
Tehi teṅ kahahiṅ sant shruti tereṅ,
param akiñchan priya Hari kereṅ.
Tumh sam adhan bhikhāri agehā,
hot Biraṅchi Sivahi sandehā.
Josi sosi tav charan namāmī,
mo par kṛipā karia ab svāmī.
Sahaj prīti bhūpati kai dekhī,
āpu biṣay biswās biseṣī.
Sab prakār rājahi apanāī,
boleu adhik saneh janāī.
Sunu satibhāu kahauṅ mahipālā,
ihāṅ basat bīte bahu kālā.
448 of 1109
दो०—अब लगि मोहि न मिलेउ कोउ मैं न जनावउँ काहु।
लोकमान्यता अनल सम कर तप कानन दाहु ॥१६१(क)॥
Do—Ab lagi mohi na mileu kou maiṅ na janāvauṅ kāhu,
lokamānyatā anal sam kar tap kānan dāhu. (161-a)
449 of 1109
सो०—तुलसी देखि सुबेषु भूलहिं मूढ़ न चतुर नर।
सुंदर केकिहि पेखु बचन सुधा सम असन अहि ॥१६१(ख)॥
So—Tulsī dekhi subeṣu bhūlahiṅ mūḍh na chatur nar,
sundar kekihi pekhu bachan sudhā sam asan ahi. (161-b)
450 of 1109
तातें गुपुत रहउँ जग माहीं।
हरि तजि किमपि प्रयोजन नाहीं॥
प्रभु जानत सब बिनहिं जनाएँ।
कहहु कवनि सिधि लोक रिझाएँ॥
तुम्ह सुचि सुमति परम प्रिय मोरें।
प्रीति प्रतीति मोहि पर तोरें॥
अब जौं तात दुरावउँ तोही।
दारुन दोष घटइ अति मोही॥
Tāteṅ guput rahauṅ jag māhīṅ,
Hari taji kimapi prayojan nāhīṅ.
Prabhu jānat sab binahiṅ janāeṅ,
kahahu kavani sidhi lok rijhāeṅ.
Tumh suchi sumati param priya moreṅ,
prīti pratīti mohi par toreṅ.
Ab jauṅ tāt durāvauṅ tohī,
dārun doṣ ghaṭai ati mohī.
451 of 1109
जिमि जिमि तापसु कथइ उदासा।
तिमि तिमि नृपहि उपज बिस्वासा॥
देखा स्वबस कर्म मन बानी।
तब बोला तापस बगध्यानी॥
नाम हमार एकतनु भाई।
सुनि नृप बोलेउ पुनि सिरु नाई॥
कहहु नाम कर अरथ बखानी।
मोहि सेवक अति आपन जानी॥
Jimi jimi tāpasu kathai udāsā,
timi timi nṛipahi upaj biswāsā.
Dekhā swabas karma man bānī,
tab bolā tāpas bagadhyānī.
Nām hamār ekatanu bhāī,
suni nṛip boleu puni siru nāī.
Kahahu nām kar arath bakhānī,
mohi sevak ati āpan jānī.
452 of 1109
दो०—आदिसृष्टि उपजी जबहिं तब उतपति भै मोरि।
नाम एकतनु हेतु तेहि देह न धरी बहोरि ॥१६२॥
Do—Ādisṛiṣṭi upajī jabahiṅ tab utapati bhai mori,
nām ekatanu hetu tehi deh na dharī bahori. (162)
453 of 1109
जनि आचरजु करहु मन माहीं।
सुत तप तें दुर्लभ कछु नाहीं॥
तपबल तें जग सृजइ बिधाता।
तपबल बिष्नु भए परित्राता॥
तपबल संभु करहिं संघारा।
तप तें अगम न कछु संसारा॥
भयउ नृपहि सुनि अति अनुरागा।
कथा पुरातन कहै सो लागा॥
करम धरम इतिहास अनेका।
करइ निरूपन बिरति बिबेका॥
उदभव पालन प्रलय कहानी।
कहेसि अमित आचरज बखानी॥
सुनि महीप तापस बस भयऊ।
आपन नाम कहन तब लयऊ॥
कह तापस नृप जानउँ तोही।
कीन्हेहु कपट लाग भल मोही॥
Jani ācharaju karahu man māhīṅ,
sut tap teṅ durlabh kachhu nāhīṅ.
Tapabal teṅ jag sṛijai bidhātā,
tapabal Biṣnu bhae paritrātā.
Tapabal Sambhu karahiṅ saṅghārā,
tap teṅ agam na kachhu sansārā.
Bhayau nṛipahi suni ati anurāgā,
kathā purātan kahai so lāgā.
Karam dharam itihās anekā,
karai nirūpan birati bibekā.
Udbhav pālan pralay kahānī,
kahesi amit ācharaj bakhānī.
Suni mahīp tāpas bas bhayū,
āpan nām kahan tab layū.
Kah tāpas nṛip jānauṅ tohī,
kīnhehu kapaṭ lāg bhal mohī.
454 of 1109
सो०—सुनु महीस असि नीति जहँ तहँ नाम न कहहिं नृप।
मोहि तोहि पर अति प्रीति सोइ चतुरता बिचारि तव ॥१६३॥
So—Sunu mahīs asi nīti jahaṅ tahaṅ nām na kahahiṅ nṛip,
mohi tohi par ati prīti soi chaturatā bichāri tav. (163)
455 of 1109
नाम तुम्हार प्रताप दिनेसा।
सत्यकेतु तव पिता नरेसा॥
गुर प्रसाद सब जानिअ राजा।
कहिअ न आपन जानि अकाजा॥
देखि तात तव सहज सुधाई।
प्रीति प्रतीति नीति निपुनाई॥
उपजि परी ममता मन मोरें।
कहउँ कथा निज पूछे तोरें॥
अब प्रसन्न मैं संसय नाहीं।
मागु जो भूप भाव मन माहीं॥
सुनि सुबचन भूपति हरषाना।
गहि पद बिनय कीन्हि बिधि नाना॥
कृपासिंधु मुनि दरसन तोरें।
चारि पदारथ करतल मोरें॥
प्रभुहि तथापि प्रसन्न बिलोकी।
मागि अगम बर होउँ असोकी॥
Nām tumhār pratāp dinesā,
satyaketu tav pitā naresā.
Gur prasād sab jānia rājā,
kahia na āpan jāni akājā.
Dekhi tāt tav sahaj sudhāī,
prīti pratīti nīti nipunāī.
Upaji parī mamatā man moreṅ,
kahauṅ kathā nij pūchhe toreṅ.
Ab prasanna maiṅ sansay nāhīṅ,
māgu jo bhūp bhāv man māhīṅ.
Suni subachan bhūpati haraṣānā,
gahi pad binay kīnhi bidhi nānā.
Kṛipāsindhu muni darasan toreṅ,
chāri padārath karatal moreṅ.
Prabhuhi tathāpi prasanna bilokī,
māgi agam bar houṅ asokī.
456 of 1109
दो०—जरा मरन दुख रहित तनु समर जितै जनि कोउ।
एकछत्र रिपुहीन महि राज कलप सत होउ ॥१६४॥
Do—Jarā maran dukh rahit tanu samar jitai jani kou,
ekachhatra ripuhīn mahi rāj kalap sat hou. (164)
457 of 1109
कह तापस नृप ऐसेइ होऊ।
कारन एक कठिन सुनु सोऊ॥
कालउ तुअ पद नाइहि सीसा।
एक बिप्रकुल छाड़ि महीसा॥
तपबल बिप्र सदा बरिआरा।
तिन्ह के कोप न कोउ रखवारा॥
जौं बिप्रन्ह बस करहु नरेसा।
तौ तुअ बस बिधि बिष्नु महेसा॥
चल न ब्रह्मकुल सन बरिआई।
सत्य कहउँ दोउ भुजा उठाई॥
बिप्र श्राप बिनु सुनु महिपाला।
तोर नास नहिं कवनेहुँ काला॥
हरषेउ राउ बचन सुनि तासू।
नाथ न होइ मोर अब नासू॥
तव प्रसाद प्रभु कृपानिधाना।
मो कहुँ सर्ब काल कल्याना॥
Kah tāpas nṛip aisei hoū,
kāran ek kaṭhin sunu soū.
Kālau tua pad nāihi sīsā,
ek biprakul chhāḍi mahīsā.
Tapabal bipra sadā bariārā,
tinh ke kop na kou rakhavārā.
Jauṅ biprana bas karahu naresā,
tau tua bas bidhi Biṣnu Mahesā.
Chal na brahmakul san bariāī,
satya kahauṅ dou bhujā uṭhāī.
Bipra shrāp binu sunu mahipālā,
tor nās nahiṅ kavanehuṅ kālā.
Haraṣeu rāu bachan suni tāsū,
nāth na hoi mor ab nāsū.
Tav prasād prabhu kṛipānidhānā,
mo kahuṅ sarb kāl kalyānā.
458 of 1109
दो०—एवमस्तु कहि कपटमुनि बोला कुटिल बहोरि।
मिलब हमार भुलाब निज कहहु त हमहि न खोरि ॥१६५॥
Do—Evamastu kahi kapaṭamuni bolā kuṭil bahori,
milab hamār bhulāb nij kahahu ta hamahi na khori. (165)
459 of 1109
तातें मैं तोहि बरजउँ राजा।
कहें कथा तव परम अकाजा॥
छठें श्रवन यह परत कहानी।
नास तुम्हार सत्य मम बानी॥
यह प्रगटें अथवा द्विजश्रापा।
नास तोर सुनु भानुप्रतापा॥
आन उपायँ निधन तव नाहीं।
जौं हरि हर कोपहिं मन माहीं॥
सत्य नाथ पद गहि नृप भाषा।
द्विज गुर कोप कहहु को राखा॥
राखइ गुर जौं कोप बिधाता।
गुर बिरोध नहिं कोउ जग त्राता॥
जौं न चलब हम कहे तुम्हारें।
होउ नास नहिं सोच हमारें॥
एकहिं डर डरपत मन मोरा।
प्रभु महिदेव श्राप अति घोरा॥
Tāteṅ maiṅ tohi barajauṅ rājā,
kaheṅ kathā tav param akājā.
Chhaṭheṅ shravan yah parat kahānī,
nās tumhār satya mam bānī.
Yah pragaṭeṅ athavā dwijashrāpā,
nās tor sunu Bhānupratāpā.
Ān upāyaṅ nidhan tav nāhīṅ,
jauṅ Hari Har kopahiṅ man māhīṅ.
Satya nāth pad gahi nṛip bhāṣā,
dwij gur kop kahahu ko rākhā.
Rākhai gur jauṅ kop bidhātā,
gur birodh nahiṅ kou jag trātā.
Jauṅ na chalab ham kahe tumhāreṅ,
hou nās nahiṅ soch hamāreṅ.
Ekahiṅ ḍar ḍarapat man morā,
prabhu mahidev shrāp ati ghorā.
460 of 1109
दो०—होहिं बिप्र बस कवन बिधि कहहु कृपा करि सोउ।
तुम्ह तजि दीनदयाल निज हितू न देखउँ कोउ ॥१६६॥
Do—Hohiṅ bipra bas kavan bidhi kahahu kṛipā kari sou,
tumh taji dīnadayāl nij hitū na dekhauṅ kou. (166)
461 of 1109
सुनु नृप बिबिध जतन जग माहीं।
कष्टसाध्य पुनि होहिं कि नाहीं॥
अहइ एक अति सुगम उपाई।
तहाँ परंतु एक कठिनाई॥
मम आधीन जुगुति नृप सोई।
मोर जाब तव नगर न होई॥
आजु लगें अरु जब तें भयऊँ।
काहू के गृह ग्राम न गयऊँ॥
जौं न जाउँ तव होइ अकाजू।
बना आइ असमंजस आजू॥
सुनि महीस बोलेउ मृदु बानी।
नाथ निगम असि नीति बखानी॥
बड़े सनेह लघुन्ह पर करहीं।
गिरि निज सिरनि सदा तृन धरहीं॥
जलधि अगाध मौलि बह फेनू।
संतत धरनि धरत सिर रेनू॥
Sunu nṛip bibidh jatan jag māhīṅ,
kaṣṭasādhya puni hohiṅ ki nāhīṅ.
Ahai ek ati sugam upāī,
tahāṅ parantu ek kaṭhināī.
Mam ādhīn juguti nṛip soī,
mor jāb tav nagar na hoī.
Āju lageṅ aru jab teṅ bhayūṅ,
kāhū ke gṛih grām na gayūṅ.
Jauṅ na jāuṅ tav hoi akājū,
banā āi asamañjas ājū.
Suni mahīs boleu mṛidu bānī,
nāth nigam asi nīti bakhānī.
Baḍe saneh laghunha par karahīṅ,
giri nij sirani sadā tṛin dharahīṅ.
Jaladhi agādh mauli bah phenū,
santat dharani dharat sir renū.
462 of 1109
दो०—अस कहि गहे नरेस पद स्वामी होहु कृपाल।
मोहि लागि दुख सहिअ प्रभु सज्जन दीनदयाल ॥१६७॥
Do—As kahi gahe nares pad swāmī hohu kṛipāl,
mohi lāgi dukh sahia prabhu sajjan dīnadayāl. (167)
463 of 1109
जानि नृपहि आपन आधीना।
बोला तापस कपट प्रबीना॥
सत्य कहउँ भूपति सुनु तोही।
जग नाहिन दुर्लभ कछु मोही॥
अवसि काज मैं करिहउँ तोरा।
मन तन बचन भगत तैं मोरा॥
जोग जुगुति तप मंत्र प्रभाऊ।
फलइ तबहिं जब करिअ दुराऊ॥
जौं नरेस मैं करौं रसोई।
तुम्ह परुसहु मोहि जान न कोई॥
अन्न सो जोइ जोइ भोजन करई।
सोइ सोइ तव आयसु अनुसरई॥
पुनि तिन्ह के गृह जेवँइ जोऊ।
तव बस होइ भूप सुनु सोऊ॥
जाइ उपाय रचहु नृप एहू।
संबत भरि संकलप करेहू॥
Jāni nṛipahi āpan ādhīnā,
bolā tāpas kapaṭ prabīnā.
Satya kahauṅ bhūpati sunu tohī,
jag nāhin durlabh kachhu mohī.
Avasi kāj maiṅ karihauṅ torā,
man tan bachan bhagat taiṅ morā.
Jog juguti tap mantra prabhāū,
phalai tabahiṅ jab karia durāū.
Jauṅ nares maiṅ karauṅ rasoī,
tumh parusahu mohi jān na koī.
Anna so joi joi bhojan karaī,
soi soi tav āyasu anusaraī.
Puni tinh ke gṛih jevaṅi joū,
tav bas hoi bhūp sunu soū.
Jāi upāy rachahu nṛip ehū,
sanbat bhari sankalap karehū.
464 of 1109
दो०—नित नूतन द्विज सहस सत बरेहु सहित परिवार।
मैं तुम्हरे संकलप लगि दिनहिं करबि जेवनार ॥१६८॥
Do—Nit nūtan dwij sahas sat barehu sahit parivār,
maiṅ tumhre sankalap lagi dinahiṅ karabi jevanār. (168)
465 of 1109
एहि बिधि भूप कष्ट अति थोरें।
होइहहिं सकल बिप्र बस तोरें॥
करिहहिं बिप्र होम मख सेवा।
तेहिं प्रसंग सहजेहिं बस देवा॥
और एक तोहि कहउँ लखाऊ।
मैं एहि बेष न आउब काऊ॥
तुम्हरे उपरोहित कहुँ राया।
हरि आनब मैं करि निज माया॥
तपबल तेहि करि आपु समाना।
रखिहउँ इहाँ बरष परवाना॥
मैं धरि तासु बेषु सुनु राजा।
सब बिधि तोर सँवारब काजा॥
गै निसि बहुत सयन अब कीजे।
मोहि तोहि भूप भेंट दिन तीजे॥
मैं तपबल तोहि तुरग समेता।
पहुँचैहउँ सोवतहि निकेता॥
Ehi bidhi bhūp kaṣṭ ati thoreṅ,
hoihahiṅ sakal bipra bas toreṅ.
Karihahiṅ bipra hom makh sevā,
tehiṅ prasaṅg sahajehiṅ bas devā.
Aur ek tohi kahauṅ lakhāū,
maiṅ ehi beṣ na āuba kāū.
Tumhre uparohit kahuṅ rāyā,
Hari ānab maiṅ kari nij māyā.
Tapabal tehi kari āpu samānā,
rakhihauṅ ihāṅ baraṣ paravānā.
Maiṅ dhari tāsu beṣu sunu rājā,
sab bidhi tor saṅvārab kājā.
Gai nisi bahut sayan ab kīje,
mohi tohi bhūp bheṅṭ din tīje.
Maiṅ tapabal tohi turag sametā,
pahuṅchaihauṅ sovatahi niketā.
466 of 1109
दो०—मैं आउब सोइ बेषु धरि पहिचानेहु तब मोहि।
जब एकांत बोलाइ सब कथा सुनावौं तोहि ॥१६९॥
Do—Maiṅ āub soi beṣu dhari pahichānehu tab mohi,
jab ekānt bolāi sab kathā sunāvauṅ tohi. (169)
467 of 1109
सयन कीन्ह नृप आयसु मानी।
आसन जाइ बैठ छलग्यानी॥
श्रमित भूप निद्रा अति आई।
सो किमि सोव सोच अधिकाई॥
कालकेतु निसिचर तहँ आवा।
जेहिं सूकर होइ नृपहि भुलावा॥
परम मित्र तापस नृप केरा।
जानइ सो अति कपट घनेरा॥
तेहि के सत सुत अरु दस भाई।
खल अति अजय देव दुखदाई॥
प्रथमहिं भूप समर सब मारे।
बिप्र संत सुर देखि दुखारे॥
तेहिं खल पाछिल बयरु सँभारा।
तापस नृप मिलि मंत्र बिचारा॥
जेहिं रिपु छय सोइ रचेन्हि उपाऊ।
भावी बस न जान कछु राऊ॥
Sayan kīnha nṛip āyasu mānī,
āsan jāi baiṭh chhalagyānī.
Shramit bhūp nidrā ati āī,
so kimi sov soch adhikāī.
Kālaketu nisichar tahaṅ āvā,
jehiṅ sūkar hoi nṛipahi bhulāvā.
Param mitra tāpas nṛip kerā,
jānai so ati kapaṭ ghanerā.
Tehi ke sat sut aru das bhāī,
khal ati ajay dev dukhadāī.
Prathamahiṅ bhūp samar sab māre,
bipra sant sur dekhi dukhāre.
Tehiṅ khal pāchhil bayaru sambhārā,
tāpas nṛip mili mantra bichārā.
Jehiṅ ripu chhay soi rachenhi upāū,
bhāvī bas na jān kachhu rāū.
468 of 1109
दो०—रिपु तेजसी अकेल अपि लघु करि गनिअ न ताहु।
अजहुँ देत दुख रबि ससिहि सिर अवसेषित राहु ॥१७०॥
Do—Ripu tejasī akel api laghu kari gania na tāhu,
ajahuṅ det dukh rabi sasihi sir avaseṣit Rāhu. (170)
469 of 1109
तापस नृप निज सखहि निहारी।
हरषि मिलेउ उठि भयउ सुखारी॥
मित्रहि कहि सब कथा सुनाई।
जातुधान बोला सुख पाई॥
अब साधेउँ रिपु सुनहु नरेसा।
जौं तुम्ह कीन्ह मोर उपदेसा॥
परिहरि सोच रहहु तुम्ह सोई।
बिनु औषध बिआधि बिधि खोई॥
कुल समेत रिपु मूल बहाई।
चौथें दिवस मिलब मैं आई॥
तापस नृपहि बहुत परितोषी।
चला महाकपटी अतिरोषी॥
भानुप्रतापहि बाजि समेता।
पहुँचाएसि छन माझ निकेता॥
नृपहि नारि पहिं सयन कराई।
हयगृहँ बाँधेसि बाजि बनाई॥
Tāpas nṛip nij sakhahi nihārī,
haraṣi mileu uṭhi bhayau sukhārī.
Mitrahi kahi sab kathā sunāī,
jātudhān bolā sukh pāī.
Ab sādheuṅ ripu sunahu naresā,
jauṅ tumh kīnha mor upadesā.
Parihari soch rahahu tumh soī,
binu auṣadh biādhi bidhi khoī.
Kul samet ripu mūl bahāī,
chautheṅ divas milab maiṅ āī.
Tāpas nṛipahi bahut paritoṣī,
chalā mahākapaṭī atiroṣī.
Bhānupratāpahi bāji sametā,
pahuṅchāesi chhan mājh niketā.
Nṛipahi nāri pahiṅ sayan karāī,
hayagṛihaṅ bāndhesi bāji banāī.
470 of 1109
दो०—राजा के उपरोहितहि हरि लै गयउ बहोरि।
लै राखेसि गिरि खोह महुँ मायाँ करि मति भोरि ॥१७१॥
Do—Rājā ke uparohitahi hari lai gayau bahori,
lai rākhesi giri khoh mahuṅ māyāṅ kari mati bhori. (171)
471 of 1109
आपु बिरचि उपरोहित रूपा।
परेउ जाइ तेहि सेज अनूपा॥
जागेउ नृप अनभएँ बिहाना।
देखि भवन अति अचरजु माना॥
मुनि महिमा मन महुँ अनुमानी।
उठेउ गवँहिं जेहिं जान न रानी॥
कानन गयउ बाजि चढ़ि तेहीं।
पुर नर नारि न जानेउ केहीं॥
गएँ जाम जुग भूपति आवा।
घर घर उत्सव बाज बधावा॥
उपरोहितहि देख जब राजा।
चकित बिलोक सुमिरि सोइ काजा॥
जुग सम नृपहि गए दिन तीनी।
कपटी मुनि पद रह मति लीनी॥
समय जानि उपरोहित आवा।
नृपहि मते सब कहि समुझावा॥
Āpu birachi uparohit rūpā,
pareu jāi tehi sej anūpā.
Jāgeu nṛip anabhaeṅ bihānā,
dekhi bhavan ati acharaju mānā.
Muni mahimā man mahuṅ anumānī,
uṭheu gavaṅhiṅ jehiṅ jān na rānī.
Kānan gayau bāji chaḍhi tehīṅ,
pur nar nāri na jāneu kehīṅ.
Gaeṅ jām jug bhūpati āvā,
ghar ghar utsav bāj badhāvā.
Uparohitahi dekh jab rājā,
chakit bilok sumiri soi kājā.
Jug sam nṛipahi gae din tīnī,
kapaṭī muni pad rah mati līnī.
Samay jāni uparohit āvā,
nṛipahi mate sab kahi samujhāvā.
472 of 1109
दो०—नृप हरषेउ पहिचानि गुरु भ्रम बस रहा न चेत।
बरे तुरत सत सहस बर बिप्र कुटुंब समेत ॥१७२॥
Do—Nṛip haraṣeu pahichāni guru bhram bas rahā na chet,
bare turat sat sahas bar bipra kuṭuṅb samet. (172)
473 of 1109
उपरोहित जेवनार बनाई।
छरस चारि बिधि जसि श्रुति गाई॥
मायामय तेहिं कीन्हि रसोई।
बिंजन बहु गनि सकइ न कोई॥
बिबिध मृगन्ह कर आमिष राँधा।
तेहि महुँ बिप्र माँसु खल साँधा॥
भोजन कहुँ सब बिप्र बोलाए।
पद पखारि सादर बैठाए॥
परुसन जबहिं लाग महिपाला।
भै अकासबानी तेहि काला॥
बिप्रबृंद उठि उठि गृह जाहू।
है बड़ि हानि अन्न जनि खाहू॥
भयउ रसोईं भूसुर माँसू।
सब द्विज उठे मानि बिस्वासू॥
भूप बिकल मति मोहँ भुलानी।
भावी बस न आव मुख बानी॥
Uparohit jevanār banāī,
chharas chāri bidhi jasi shruti gāī.
Māyāmay tehiṅ kīnhi rasoī,
binjan bahu gani sakai na koī.
Bibidh mṛiganha kar āmiṣ rāṅdhā,
tehi mahuṅ bipra māṅsu khal sāṅdhā.
Bhojan kahuṅ sab bipra bolāe,
pad pakhāri sādar baiṭhāe.
Parusan jabahiṅ lāg mahipālā,
bhai akāsabānī tehi kālā.
Bipra-bṛind uṭhi uṭhi gṛih jāhū,
hai baḍi hāni anna jani khāhū.
Bhayau rasoīṅ bhūsur māṅsū,
sab dwij uṭhe māni biswāsū.
Bhūp bikal mati mohaṅ bhulānī,
bhāvī bas na āv mukh bānī.
474 of 1109
दो०—बोले बिप्र सकोप तब नहिं कछु कीन्ह बिचार।
जाइ निसाचर होहु नृप मूढ़ सहित परिवार ॥१७३॥
Do—Bole bipra sakop tab nahiṅ kachhu kīnha bichār,
jāi nisāchar hohu nṛip mūḍh sahit parivār. (173)
475 of 1109
छत्रबंधु तैं बिप्र बोलाई।
घालै लिए सहित समुदाई॥
ईस्वर राखा धरम हमारा।
जैहसि तैं समेत परिवारा॥
संबत मध्य नास तव होऊ।
जलदाता न रहिहि कुल कोऊ॥
नृप सुनि श्राप बिकल अति त्रासा।
भै बहोरि बर गिरा अकासा॥
बिप्रहु श्राप बिचारि न दीन्हा।
नहिं अपराध भूप कछु कीन्हा॥
चकित बिप्र सब सुनि नभबानी।
भूप गयउ जहँ भोजन खानी॥
तहँ न असन नहिं बिप्र सुआरा।
फिरेउ राउ मन सोच अपारा॥
सब प्रसंग महिसुरन्ह सुनाई।
त्रसित परेउ अवनीं अकुलाई॥
Chhatrabandhu taiṅ bipra bolāī,
ghālai lie sahit samudāī.
Īswar rākhā dharam hamārā,
jaihasi taiṅ samet parivārā.
Sanbat madhya nās tav hoū,
jaladātā na rahihi kul koū.
Nṛip suni shrāp bikal ati trāsā,
bhai bahori bar girā akāsā.
Biprahu shrāp bichāri na dīnhā,
nahiṅ aparādh bhūp kachhu kīnhā.
Chakit bipra sab suni nabhabānī,
bhūp gayau jahaṅ bhojan khānī.
Tahaṅ na asan nahiṅ bipra suārā,
phireu rāu man soch apārā.
Sab prasaṅg mahisuranha sunāī,
trasit pareu avanīṅ akulāī.
476 of 1109
दो०—भूपति भावी मिटइ नहिं जदपि न दूषन तोर।
किएँ अन्यथा होइ नहिं बिप्रश्राप अति घोर ॥१७४॥
Do—Bhūpati bhāvī miṭai nahiṅ jadapi na dūṣan tor,
kieṅ anyathā hoi nahiṅ bipra-shrāp ati ghor. (174)
477 of 1109
अस कहि सब महिदेव सिधाए।
समाचार पुरलोगन्ह पाए॥
सोचहिं दूषन दैवहि देहीं।
बिरचत हंस काग किय जेहीं॥
उपरोहितहि भवन पहुँचाई।
असुर तापसहि खबरि जनाई॥
तेहिं खल जहँ तहँ पत्र पठाए।
सजि सजि सेन भूप सब धाए॥
घेरेन्हि नगर निसान बजाई।
बिबिध भाँति नित होइ लराई॥
जूझे सकल सुभट करि करनी।
बंधु समेत परेउ नृप धरनी॥
सत्यकेतु कुल कोउ नहिं बाँचा।
बिप्रश्राप किमि होइ असाँचा॥
रिपु जिति सब नृप नगर बसाई।
निज पुर गवने जय जसु पाई॥
As kahi sab mahidev sidhāe,
samāchār puraloganha pāe.
Sochahiṅ dūṣan daivahi dehīṅ,
birachat hans kāg kiya jehīṅ.
Uparohitahi bhavan pahuṅchāī,
asur tāpasahi khabari janāī.
Tehiṅ khal jahaṅ tahaṅ patra paṭhāe,
saji saji sen bhūp sab dhāe.
Gherenhi nagar nisān bajāī,
bibidh bhāṅti nit hoi larāī.
Jūjhe sakal subhaṭ kari karanī,
bandhu samet pareu nṛip dharanī.
Satyaketu kul kou nahiṅ bāṅchā,
bipra-shrāp kimi hoi asāṅchā.
Ripu jiti sab nṛip nagar basāī,
nij pur gavane jay jasu pāī.
478 of 1109
दो०—भरद्वाज सुनु जाहि जब होइ बिधाता बाम।
धूरि मेरुसम जनक जम ताहि ब्यालसम दाम ॥१७५॥
Do—Bharadvāj sunu jāhi jab hoi bidhātā bām,
dhūri merusam janak jam tāhi byālasam dām. (175)
479 of 1109
काल पाइ मुनि सुनु सोइ राजा।
भयउ निसाचर सहित समाजा॥
दस सिर ताहि बीस भुजदंडा।
रावन नाम बीर बरिबंडा॥
भूप अनुज अरिमर्दन नामा।
भयउ सो कुंभकरन बलधामा॥
सचिव जो रहा धरमरुचि जासू।
भयउ बिमात्र बंधु लघु तासू॥
नाम बिभीषन जेहि जग जाना।
बिष्नुभगत बिग्यान निधाना॥
रहे जे सुत सेवक नृप केरे।
भए निसाचर घोर घनेरे॥
कामरूप खल जिनस अनेका।
कुटिल भयंकर बिगत बिबेका॥
कृपा रहित हिंसक सब पापी।
बरनि न जाहिं बिस्व परितापी॥
Kāl pāi muni sunu soi rājā,
bhayau nisāchar sahit samājā.
Das sir tāhi bīs bhujadaṅḍā,
Rāvan nām bīr baribaṅḍā.
Bhūp anuj Arimardan nāmā,
bhayau so Kuṅbhakaran baladhāmā.
Sachiv jo rahā Dharmaruchi jāsū,
bhayau bimātra bandhu laghu tāsū.
Nām Bibhīṣan jehi jag jānā,
Biṣnubhagat bigyān nidhānā.
Rahe je sut sevak nṛip kere,
bhae nisāchar ghor ghanere.
Kāmarūp khal jinas anekā,
kuṭil bhayaṅkar bigat bibekā.
Kṛipā rahit hiṅsak sab pāpī,
barani na jāhiṅ biswa paritāpī.
480 of 1109
दो०—उपजे जदपि पुलस्त्यकुल पावन अमल अनूप।
तदपि महिसुर श्राप बस भए सकल अघरूप ॥१७६॥
Do—Upaje jadapi Pulastyakul pāvan amal anūp,
tadapi mahisur shrāp bas bhae sakal agharūp. (176)
481 of 1109
कीन्ह बिबिध तप तीनिहुँ भाई।
परम उग्र नहिं बरनि सो जाई॥
गयउ निकट तप देखि बिधाता।
मागहु बर प्रसन्न मैं ताता॥
करि बिनती पद गहि दससीसा।
बोलेउ बचन सुनहु जगदीसा॥
हम काहू के मरहिं न मारें।
बानर मनुज जाति दुइ बारें॥
एवमस्तु तुम्ह बड़ तप कीन्हा।
मैं ब्रह्माँ मिलि तेहि बर दीन्हा॥
पुनि प्रभु कुंभकरन पहिं गयऊ।
तेहि बिलोकि मन बिसमय भयऊ॥
जौं एहिं खल नित करब अहारू।
होइहि सब उजारि संसारू॥
सारद प्रेरि तासु मति फेरी।
मागेसि नीद मास षट केरी॥
Kīnha bibidh tap tīnihuṅ bhāī,
param ugra nahiṅ barani so jāī.
Gayau nikaṭ tap dekhi bidhātā,
māgahu bar prasanna maiṅ tātā.
Kari binatī pad gahi dassīsā,
boleu bachan sunahu jagadīsā.
Ham kāhū ke marahiṅ na māreṅ,
bānar manuj jāti dui bāreṅ.
Evamastu tumh baḍ tap kīnhā,
maiṅ Brahmāṅ mili tehi bar dīnhā.
Puni prabhu Kuṅbhakaran pahiṅ gayū,
tehi biloki man bisamay bhayū.
Jauṅ ehiṅ khal nit karab ahārū,
hoihi sab ujāri sansārū.
Sārad preri tāsu mati pherī,
māgesi nīd mās ṣaṭ kerī.
482 of 1109
दो०—गए बिभीषन पास पुनि कहेउ पुत्र बर मागु।
तेहिं मागेउ भगवंत पद कमल अमल अनुरागु ॥१७७॥
Do—Gae Bibhīṣan pās puni kaheu putra bar māgu,
tehiṅ māgeu bhagavant pad kamal amal anurāgu. (177)
483 of 1109
तिन्हहि देइ बर ब्रह्म सिधाए।
हरषित ते अपने गृह आए॥
मय तनुजा मंदोदरि नामा।
परम सुंदरी नारि ललामा॥
सोइ मयँ दीन्हि रावनहि आनी।
होइहि जातुधानपति जानी॥
हरषित भयउ नारि भलि पाई।
पुनि दोउ बंधु बिआहेसि जाई॥
गिरि त्रिकूट एक सिंधु मझारी।
बिधि निर्मित दुर्गम अति भारी॥
सोइ मय दानवँ बहुरि सँवारा।
कनक रचित मनिभवन अपारा॥
भोगावति जसि अहिकुल बासा।
अमरावति जसि सक्रनिवासा॥
तिन्ह तें अधिक रम्य अति बंका।
जग बिख्यात नाम तेहि लंका॥
Tinhahi dei bar Brahma sidhāe,
haraṣit te apane gṛih āe.
Maya tanujā Mandodari nāmā,
param sundarī nāri lalāmā.
Soi Mayaṅ dīnhi Rāvanahi ānī,
hoihi jātudhānapati jānī.
Haraṣit bhayau nāri bhali pāī,
puni dou bandhu biāhesi jāī.
Giri Trikūṭ ek sindhu majhārī,
bidhi nirmit durgam ati bhārī.
Soi Maya dānavaṅ bahuri saṅvārā,
kanak rachit manibhavan apārā.
Bhogāvati jasi ahikul bāsā,
Amarāvati jasi Sakranivāsā.
Tinh teṅ adhik ramya ati baṅkā,
jag bikhyāt nām tehi Laṅkā.
484 of 1109
दो०—खाईं सिंधु गभीर अति चारिहुँ दिसि फिरि आव।
कनक कोट मनिखचित दृढ़ बरनि न जाइ बनाव ॥१७८(क)॥
Do—Khāīṅ sindhu gabhīr ati chārihuṅ disi phiri āv,
kanak koṭ manikhachit dṛiḍh barani na jāi banāv. (178a)
485 of 1109
हरि प्रेरित जेहिं कलप जोइ जातुधानपति होइ।
सूर प्रतापी अतुलबल दल समेत बस सोइ ॥१७८(ख)॥
Hari prerit jehiṅ kalap joi jātudhānapati hoi,
sūr pratāpī atulabal dal samet bas soi. (178b)
486 of 1109
रहे तहाँ निसिचर भट भारे।
ते सब सुरन्ह समर संघारे॥
अब तहँ रहहिं सक्र के प्रेरे।
रच्छक कोटि जच्छपति केरे॥
दसमुख कतहुँ खबरि असि पाई।
सेन साजि गढ़ घेरेसि जाई॥
देखि बिकट भट बड़ि कटकाई।
जच्छ जीव लै गए पराई॥
फिरि सब नगर दसानन देखा।
गयउ सोच सुख भयउ बिसेषा॥
सुंदर सहज अगम अनुमानी।
कीन्हि तहाँ रावन रजधानी॥
जेहि जस जोग बाँटि गृह दीन्हे।
सुखी सकल रजनीचर कीन्हे॥
एक बार कुबेर पर धावा।
पुष्पक जान जीति लै आवा॥
Rahe tahāṅ nisichar bhaṭ bhāre,
te sab suranha samar saṅghāre.
Ab tahaṅ rahahiṅ Sakra ke prere,
rachchhak koṭi jachchhapati kere.
Dasamukh katahuṅ khabari asi pāī,
sen sāji gaḍh gheresi jāī.
Dekhi bikaṭ bhaṭ baḍi kaṭkāī,
jachchha jīv lai gae parāī.
Phiri sab nagar dasānan dekhā,
gayau soch sukh bhayau biseṣā.
Sundar sahaj agam anumānī,
kīnhi tahāṅ Rāvan rajadhānī.
Jehi jas jog bāṅṭi gṛih dīnhe,
sukhī sakal rajanīchar kīnhe.
Ek bār Kuber par dhāvā,
Puṣpak jān jīti lai āvā.
487 of 1109
दो०—कौतुकहीं कैलास पुनि लीन्हेसि जाइ उठाइ।
मनहुँ तौलि निज बाहुबल चला बहुत सुख पाइ ॥१७९॥
Do—Kautukahīṅ Kailās puni līnhesi jāi uṭhāi,
manahuṅ tauli nij bāhubal chalā bahut sukh pāi. (179)
488 of 1109
सुख संपति सुत सेन सहाई।
जय प्रताप बल बुद्धि बड़ाई॥
नित नूतन सब बाढ़त जाई।
जिमि प्रतिलाभ लोभ अधिकाई॥
अतिबल कुंभकरन अस भ्राता।
जेहि कहुँ नहिं प्रतिभट जग जाता॥
करइ पान सोवइ षट मासा।
जागत होइ तिहूँ पुर त्रासा॥
जौं दिन प्रति अहार कर सोई।
बिस्व बेगि सब चौपट होई॥
समर धीर नहिं जाइ बखाना।
तेहि सम अमित बीर बलवाना॥
बारिदनाद जेठ सुत तासू।
भट महुँ प्रथम लीक जग जासू॥
जेहि न होइ रन सनमुख कोई।
सुरपुर नितहिं परावन होई॥
Sukh sanpati sut sen sahāī,
jay pratāp bal buddhi baḍāī.
Nit nūtan sab bāḍhat jāī,
jimi pratilābh lobh adhikāī.
Atibal Kuṅbhakaran as bhrātā,
jehi kahuṅ nahiṅ pratibhaṭ jag jātā.
Karai pān sovai ṣaṭ māsā,
jāgat hoi tihuṅ pur trāsā.
Jauṅ din prati ahār kar soī,
biswa begi sab chaupaṭ hoī.
Samar dhīr nahiṅ jāi bakhānā,
tehi sam amit bīr balavānā.
Bāridanād jeṭh sut tāsū,
bhaṭ mahuṅ pratham līk jag jāsū.
Jehi na hoi ran sanamukh koī,
surapur nitahiṅ parāvan hoī.
489 of 1109
दो०—कुमुख अकंपन कुलिसरद धूमकेतु अतिकाय।
एक एक जग जीति सक ऐसे सुभट निकाय ॥१८०॥
Do—Kumukh Akaṅpan Kulisarad Dhūmaketu Atikāya,
ek ek jag jīti sak aise subhaṭ nikāya. (180)
490 of 1109
कामरूप जानहिं सब माया।
सपनेहुँ जिन्ह के धरम न दाया॥
दसमुख बैठ सभाँ एक बारा।
देखि अमित आपन परिवारा॥
सुत समूह जन परिजन नाती।
गनै को पार निसाचर जाती॥
सेन बिलोकि सहज अभिमानी।
बोला बचन क्रोध मद सानी॥
सुनहु सकल रजनीचर जूथा।
हमरे बैरी बिबुध बरूथा॥
ते सनमुख नहिं करहिं लराई।
देखि सबल रिपु जाहिं पराई॥
Kāmarūp jānahiṅ sab māyā,
sapanehuṅ jinh ke dharam na dāyā.
Dasamukh baiṭh sabhāṅ ek bārā,
dekhi amit āpan parivārā.
Sut samūh jan parijan nātī,
ganai ko pār nisāchar jātī.
Sen biloki sahaj abhimānī,
bolā bachan krodh mad sānī.
Sunahu sakal rajanīchar jūthā,
hamare bairī bibudh barūthā.
Te sanamukh nahiṅ karahiṅ larāī,
dekhi sabal ripu jāhiṅ parāī.
491 of 1109
तेन्ह कर मरन एक बिधि होई।
कहउँ बुझाइ सुनहु अब सोई॥
द्विजभोजन मख होम सराधा।
सब कै जाइ करहु तुम्ह बाधा॥
Tenh kar maran ek bidhi hoī,
kahauṅ bujhāi sunahu ab soī.
Dwijabhojan makh hom sarādhā,
sab kai jāi karahu tumh bādhā.
492 of 1109
दो०—छुधा छीन बलहीन सुर सहजेहिं मिलिहहिं आइ।
तब मारिहउँ कि छाड़िहउँ भली भाँति अपनाइ ॥१८१॥
Do—Chhudhā chhīn balahīn sur sahajehiṅ milihahiṅ āi,
tab mārihauṅ ki chhāḍihauṅ bhalī bhāṅti apanāi. (181)
493 of 1109
मेघनाद कहुँ पुनि हँकरावा।
दीन्ही सिख बलु बयरु बढ़ावा॥
जे सुर समर धीर बलवाना।
जिन्ह कें लरिबे कर अभिमाना॥
तिन्हहि जीति रन आनेसु बाँधी।
उठि सुत पितु अनुसासन काँधी॥
एहि बिधि सबही अग्या दीन्ही।
आपुनु चलेउ गदा कर लीन्ही॥
चलत दसानन डोलति अवनी।
गर्जत गर्भ स्त्रवहिं सुर रवनी॥
रावन आवत सुनेउ सकोहा।
देवन्ह तके मेरु गिरि खोहा॥
दिगपालन्ह के लोक सुहाए।
सूने सकल दसानन पाए॥
पुनि पुनि सिंघनाद करि भारी।
देइ देवतन्ह गारि पचारी॥
रन मद मत्त फिरइ जग धावा।
प्रतिभट खोजत कतहुँ न पावा॥
रबि ससि पवन बरुन धनधारी।
अगिनि काल जम सब अधिकारी॥
किंनर सिद्ध मनुज सुर नागा।
हठि सबही के पंथहिं लागा॥
ब्रह्मसृष्टि जहँ लगि तनुधारी।
दसमुख बसबर्ती नर नारी॥
आयसु करहिं सकल भयभीता।
नवहिं आइ नित चरन बिनीता॥
Meghanād kahuṅ puni haṅkarāvā,
dīnhī sikh balu bayaru baḍhāvā.
Je sur samar dhīr balavānā,
jinh keṅ laribe kar abhimānā.
Tinhahi jīti ran ānesu bāṅdhī,
uṭhi sut pitu anusāsan kāṅdhī.
Ehi bidhi sabahī agyā dīnhī,
āpunu chaleu gadā kar līnhī.
Chalat dasānan ḍolati avanī,
garjat garbh stravahiṅ sur ravanī.
Rāvan āvat suneu sakohā,
devanha take Meru giri khohā.
Digpālanha ke lok suhāe,
sūne sakal dasānan pāe.
Puni puni singhanād kari bhārī,
dei devatanha gāri pachārī.
Ran mad matt phirai jag dhāvā,
pratibhaṭ khojat katahuṅ na pāvā.
Rabi sasi pavan barun dhanadhārī,
agini kāl jam sab adhikārī.
Kinnar siddh manuj sur nāgā,
haṭhi sabahī ke panthahiṅ lāgā.
Brahmasṛiṣṭi jahaṅ lagi tanudhārī,
dasamukh basabartī nar nārī.
Āyasu karahiṅ sakal bhayabhītā,
navahiṅ āi nit charan binītā.
494 of 1109
दो०—भुजबल बिस्व बस्य करि राखेसि कोउ न सुतंत्र।
मंडलीक मनि रावन राज करइ निज मंत्र ॥१८२(क)॥
Do—Bhujabal biswa basya kari rākhesi kou na sutantra,
maṇḍalīk mani Rāvan rāj karai nij mantra. (182 ka)
495 of 1109
देव जच्छ गंधर्ब नर किंनर नाग कुमारि।
जीति बरीं निज बाहुबल बहु सुंदर बर नारि ॥१८२(ख)॥
Dev jachchh gandharb nar kinnar nāg kumāri,
jīti barīṅ nij bāhubal bahu sundar bar nāri. (182 kha)
496 of 1109
इंद्रजीत सन जो कछु कहेऊ।
सो सब जनु पहिलहिं करि रहेऊ॥
प्रथमहिं जिन्ह कहुँ आयसु दीन्हा।
तिन्ह कर चरित सुनहु जो कीन्हा॥
देखत भीमरूप सब पापी।
निसिचर निकर देव परितापी॥
करहिं उपद्रव असुर निकाया।
नाना रूप धरहिं करि माया॥
जेहि बिधि होइ धर्म निर्मूला।
सो सब करहिं बेद प्रतिकूला॥
जेहिं जेहिं देस धेनु द्विज पावहिं।
नगर गाउँ पुर आगि लगावहिं॥
सुभ आचरन कतहुँ नहिं होई।
देव बिप्र गुरु मान न कोई॥
नहिं हरिभगति जग्य तप ग्याना।
सपनेहुँ सुनिअ न बेद पुराना॥
Indrajīt san jo kachhu kaheū,
so sab janu pahilahiṅ kari raheū.
Prathamahiṅ jinh kahuṅ āyasu dīnhā,
tinh kar charit sunahu jo kīnhā.
Dekhat bhīmarūp sab pāpī,
nisichar nikar dev paritāpī.
Karahiṅ upadrav asur nikāyā,
nānā rūp dharahiṅ kari māyā.
Jehi bidhi hoi dharm nirmūlā,
so sab karahiṅ bed pratikūlā.
Jehiṅ jehiṅ des dhenu dwij pāvahiṅ,
nagar gāuṅ pur āgi lagāvahiṅ.
Subh ācharan katahuṅ nahiṅ hoī,
dev bipra guru mān na koī.
Nahiṅ haribhagati jagya tap gyānā,
sapanehuṅ sunia na bed purānā.
497 of 1109
छं०—जप जोग बिरागा तप मख भागा श्रवन सुनइ दससीसा।
आपुनु उठि धावइ रहै न पावइ धरि सब घालइ खीसा॥
अस भ्रष्ट अचारा भा संसारा धर्म सुनिअ नहिं काना।
तेहि बहुबिधि त्रासइ देस निकासइ जो कह बेद पुराना॥
Chhand—Jap jog birāgā tap makh bhāgā shravan sunai Dassīsā,
āpunu uṭhi dhāvai rahai na pāvai dhari sab ghālai khīsā.
As bhraṣṭa achārā bhā sansārā dharm sunia nahiṅ kānā,
tehi bahubidhi trāsai des nikāsai jo kah bed purānā.
498 of 1109
सो०—बरनि न जाइ अनीति घोर निसाचर जो करहिं।
हिंसा पर अति प्रीति तिन्ह के पापहि कवनि मिति ॥१८३॥
So—Barani na jāi anīti ghor nisāchar jo karahiṅ,
hiṅsā par ati prīti tinh ke pāpahi kavani miti. (183)
499 of 1109
बाढ़े खल बहु चोर जुआरा।
जे लंपट परधन परदारा॥
मानहिं मातु पिता नहिं देवा।
साधुन्ह सन करवावहिं सेवा॥
जिन्ह के यह आचरन भवानी।
ते जानेहु निसिचर सब प्रानी॥
अतिसय देखि धर्म कै ग्लानी।
परम सभीत धरा अकुलानी॥
गिरि सरि सिंधु भार नहिं मोही।
जस मोहि गरुअ एक परद्रोही॥
सकल धर्म देखइ बिपरीता।
कहि न सकइ रावन भय भीता॥
धेनु रूप धरि हृदयँ बिचारी।
गई तहाँ जहँ सुर मुनि झारी॥
निज संताप सुनाएसि रोई।
काहू तें कछु काज न होई॥
Bāḍhe khal bahu chor juārā,
je lampaṭ paradhan paradārā.
Mānahiṅ mātu pitā nahiṅ devā,
sādhunha san karavāvahiṅ sevā.
Jinh ke yah ācharan Bhavānī,
te jānehu nisichar sab prānī.
Atisay dekhi dharm kai glānī,
param sabhīt dharā akulānī.
Giri sari sindhu bhār nahiṅ mohī,
jas mohi garua ek paradrohī.
Sakal dharm dekhai biparītā,
kahi na sakai Rāvan bhay bhītā.
Dhenu rūp dhari hṛidayaṅ bichārī,
gaī tahāṅ jahaṅ sur muni jhārī.
Nij santāp sunāesi roī,
kāhū teṅ kachhu kāj na hoī.
500 of 1109
छं०—सुर मुनि गंधर्बा मिलि करि सर्बा गे बिरंचि के लोका।
सँग गोतनुधारी भूमि बिचारी परम बिकल भय सोका॥
ब्रह्माँ सब जाना मन अनुमाना मोर कछू न बसाई।
जा करि तैं दासी सो अबिनासी हमरेउ तोर सहाई॥
Chhand—Sur muni gandharbā mili kari sarbā ge Biranchi ke lokā,
saṅg gotanudhārī bhūmi bichārī param bikal bhay sokā.
Brahmāṅ sab jānā man anumānā mor kachhū na basāī,
jā kari taiṅ dāsī so abināsī hamareu tor sahāī.
501 of 1109
सो०—धरनि धरहि मन धीर कह बिरंचि हरि पद सुमिरु।
जानत जन की पीर प्रभु भंजिहि दारुन बिपति ॥१८४॥
So—Dharani dharahi man dhīr kah Biranchi Hari pad sumiru,
jānat jan kī pīr prabhu bhañjihi dārun bipati. (184)
502 of 1109
बैठे सुर सब करहिं बिचारा।
कहँ पाइअ प्रभु करिअ पुकारा॥
पुर बैकुंठ जान कह कोई।
कोउ कह पयनिधि बस प्रभु सोई॥
जाके हृदयँ भगति जसि प्रीती।
प्रभु तहँ प्रगट सदा तेहिं रीती॥
तेहिं समाज गिरिजा मैं रहेऊँ।
अवसर पाइ बचन एक कहेऊँ॥
हरि ब्यापक सर्बत्र समाना।
प्रेम तें प्रगट होहिं मैं जाना॥
देस काल दिसि बिदिसिहु माहीं।
कहहु सो कहाँ जहाँ प्रभु नाहीं॥
अग जगमय सब रहित बिरागी।
प्रेम तें प्रभु प्रगटइ जिमि आगी॥
मोर बचन सब के मन माना।
साधु साधु करि ब्रह्म बखाना॥
Baiṭhe sur sab karahiṅ bichārā,
kahaṅ pāia prabhu karia pukārā.
Pur baikuṇṭh jān kah koī,
kou kah payanidhi bas prabhu soī.
Jāke hṛidayaṅ bhagati jasi prītī,
prabhu tahaṅ pragaṭ sadā tehiṅ rītī.
Tehiṅ samāj Girijā maiṅ raheūṅ,
avasar pāi bachan ek kaheūṅ.
Hari byāpak sarbatra samānā,
prem teṅ pragaṭ hohiṅ maiṅ jānā.
Des kāl disi bidisihu māhīṅ,
kahahu so kahāṅ jahāṅ prabhu nāhīṅ.
Ag jagamay sab rahit birāgī,
prem teṅ prabhu pragaṭai jimi āgī.
Mor bachan sab ke man mānā,
sādhu sādhu kari Brahma bakhānā.
503 of 1109
दो०—सुनि बिरंचि मन हरष तन पुलकि नयन बह नीर।
अस्तुति करत जोरि कर सावधान मतिधीर ॥१८५॥
Do—Suni Biranchi man haraṣ tan pulaki nayan bah nīr,
astuti karat jori kar sāvadhān matidhīr. (185)
504 of 1109
छं०—जय जय सुरनायक जन सुखदायक प्रनतपाल भगवंता।
गो द्विज हितकारी जय असुरारी सिंधुसुता प्रिय कंता॥
पालन सुर धरनी अद्भुत करनी मरम न जानइ कोई।
जो सहज कृपाला दीनदयाला करउ अनुग्रह सोई॥
जय जय अबिनासी सब घट बासी ब्यापक परमानंदा।
अबिगत गोतीतं चरित पुनीतं मायारहित मुकुंदा॥
जेहि लागि बिरागी अति अनुरागी बिगत मोह मुनिबृंदा।
निसि बासर ध्यावहिं गुनगन गावहिं जयति सच्चिदानंदा॥
जेहिं सृष्टि उपाई त्रिबिध बनाई संग सहाय न दूजा।
सो करउ अघारी चिंत हमारी जानिअ भगति न पूजा॥
जो भव भय भंजन मुनि मन रंजन गंजन बिपति बरूथा।
मन बच क्रम बानी छाड़ि सयानी सरन सकल सुरजूथा॥
सारद श्रुति सेषा रिषय असेषा जा कहुँ कोउ नहिं जाना।
जेहिं दीन पिआरे बेद पुकारे द्रवउ सो श्रीभगवाना॥
भव बारिधि मंदर सब बिधि सुंदर गुनमंदिर सुखपुंजा।
मुनि सिद्ध सकल सुर परम भयातुर नमत नाथ पद कंजा॥
Chhand—Jay jay suranāyak jan sukhadāyak pranatapāl bhagavantā,
go dwij hitakārī jay asurārī sindhusutā priya kantā.
Pālan sur dharanī adbhut karanī maram na jānai koī,
jo sahaj kṛipālā dīnadayālā karau anugrah soī.
Jay jay abināsī sab ghaṭ bāsī byāpak paramānandā,
abigat gotītaṃ charit punītaṃ māyārahit Mukundā.
Jehi lāgi birāgī ati anurāgī bigat moh munibṛindā,
nisi bāsar dhyāvahiṅ gunagan gāvahiṅ jayati sachchidānandā.
Jehiṅ sṛiṣṭi upāī tribidh banāī sang sahāy na dūjā,
so karau aghārī chint hamārī jānia bhagati na pūjā.
Jo bhav bhay bhañjan muni man rañjan gañjan bipati barūthā,
man bach kram bānī chhāḍi sayānī saran sakal surajūthā.
Sārad shruti seṣā riṣay aseṣā jā kahuṅ kou nahiṅ jānā,
jehiṅ dīn piāre bed pukāre dravau so Shrībhagavānā.
Bhav bāridhi mandar sab bidhi sundar gunamandir sukhapuñjā,
muni siddh sakal sur param bhayātur namat nāth pad kañjā.
505 of 1109
दो०—जानि सभय सुर भूमि सुनि बचन समेत सनेह।
गगनगिरा गंभीर भइ हरनि सोक संदेह ॥१८६॥
Do—Jāni sabhay sur bhūmi suni bachan samet saneh,
gaganagirā gambhīr bhai harani sok sandeh. (186)
506 of 1109
जनि डरपहु मुनि सिद्ध सुरेसा।
तुम्हहि लागि धरिहउँ नर बेसा॥
अंसन्ह सहित मनुज अवतारा।
लेहउँ दिनकर बंस उदारा॥
कस्यप अदिति महातप कीन्हा।
तिन्ह कहुँ मैं पूरब बर दीन्हा॥
ते दसरथ कौसल्या रूपा।
कोसलपुरीं प्रगट नरभूपा॥
तिन्ह के गृह अवतरिहउँ जाई।
रघुकुल तिलक सो चारिउ भाई॥
नारद बचन सत्य सब करिहउँ।
परम सक्ति समेत अवतरिहउँ॥
हरिहउँ सकल भूमि गरुआई।
निर्भय होहु देव समुदाई॥
गगन ब्रह्मबानी सुनि काना।
तुरत फिरे सुर हृदय जुड़ाना॥
तब ब्रह्माँ धरनिहि समुझावा।
अभय भई भरोस जियँ आवा॥
Jani ḍarapahu muni siddh suresā,
tumhahi lāgi dharihauṅ nar besā.
Ansanha sahit manuj avatārā,
lehauṅ dinakar bans udārā.
Kasyap Aditi mahātap kīnhā,
tinh kahuṅ maiṅ pūrab bar dīnhā.
Te Dasrath Kausalyā rūpā,
Kosalapurīṅ pragaṭ narabhūpā.
Tinh ke gṛih avatarihauṅ jāī,
Raghukul tilak so chāriu bhāī.
Nārad bachan satya sab karihauṅ,
param sakti samet avatarihauṅ.
Harihauṅ sakal bhūmi garuāī,
nirbhay hohu dev samudāī.
Gagan Brahmabānī suni kānā,
turat phire sur hṛiday juḍānā.
Tab Brahmāṅ dharanihi samujhāvā,
abhay bhaī bharos jiyaṅ āvā.
507 of 1109
दो०—निज लोकहि बिरंचि गे देवन्ह इहइ सिखाइ।
बानर तनु धरि धरि महि हरि पद सेवहु जाइ ॥१८७॥
Do—Nij lokahi Biranchi ge devanha ihai sikhāi,
bānar tanu dhari dhari mahi Hari pad sevahu jāi. (187)
508 of 1109
गए देव सब निज निज धामा।
भूमि सहित मन कहुँ बिश्रामा॥
जो कछु आयसु ब्रह्माँ दीन्हा।
हरषे देव बिलंब न कीन्हा॥
बनचर देह धरी छिति माहीं।
अतुलित बल प्रताप तिन्ह पाहीं॥
गिरि तरु नख आयुध सब बीरा।
हरि मारग चितवहिं मतिधीरा॥
गिरि कानन जहँ तहँ भरि पूरी।
रहे निज निज अनीक रचि रूरी॥
यह सब रुचिर चरित मैं भाषा।
अब सो सुनहु जो बीचहिं राखा॥
अवधपुरीं रघुकुलमनि राऊ।
बेद बिदित तेहि दसरथ नाऊँ॥
धरम धुरंधर गुननिधि ग्यानी।
हृदयँ भगति मति सारँगपानी॥
Gae dev sab nij nij dhāmā,
bhūmi sahit man kahuṅ bishrāmā.
Jo kachhu āyasu Brahmāṅ dīnhā,
haraṣe dev bilamb na kīnhā.
Banachar deh dharī chhiti māhīṅ,
atulit bal pratāp tinh pāhīṅ.
Giri taru nakh āyudh sab bīrā,
Hari mārag chitavahiṅ matidhīrā.
Giri kānan jahaṅ tahaṅ bhari pūrī,
rahe nij nij anīk rachi rūrī.
Yah sab ruchir charit maiṅ bhāṣā,
ab so sunahu jo bīchahiṅ rākhā.
Avadhapurīṅ Raghukulamani rāū,
bed bidit tehi Dasrath nāūṅ.
Dharam dhurandhar gunanidhi gyānī,
hṛidayaṅ bhagati mati Sāraṅgapānī.
509 of 1109
दो०—कौसल्यादि नारि प्रिय सब आचरन पुनीत।
पति अनुकूल प्रेम दृढ़ हरि पद कमल बिनीत ॥१८८॥
Do—Kausalyādi nāri priya sab ācharan punīt,
pati anukūl prem dṛiḍh Hari pad kamal binīt. (188)
510 of 1109
एक बार भूपति मन माहीं।
भै गलानि मोरें सुत नाहीं॥
गुर गृह गयउ तुरत महिपाला।
चरन लागि करि बिनय बिसाला॥
निज दुख सुख सब गुरहि सुनायउ।
कहि बसिष्ठ बहु बिधि समुझायउ॥
धरहु धीर होइहहिं सुत चारी।
त्रिभुवन बिदित भगत भय हारी॥
सृंगी रिषिहि बसिष्ठ बोलावा।
पुत्रकाम सुभ जग्य करावा॥
भगति सहित मुनि आहुति दीन्हें।
प्रगटे अगिनि चरू कर लीन्हें॥
जो बसिष्ठ कछु हृदयँ बिचारा।
सकल काजु भा सिद्ध तुम्हारा॥
यह हबि बाँटि देहु नृप जाई।
जथा जोग जेहि भाग बनाई॥
Ek bār bhūpati man māhīṅ,
bhai galāni moreṅ sut nāhīṅ.
Gur gṛih gayau turat mahipālā,
charan lāgi kari binay bisālā.
Nij dukh sukh sab gurahi sunāyau,
kahi Basiṣṭh bahu bidhi samujhāyau.
Dharahu dhīr hoihahiṅ sut chārī,
tribhuvan bidit bhagat bhay hārī.
Sṛingī riṣihi Basiṣṭh bolāvā,
putrakām subh jagya karāvā.
Bhagati sahit muni āhuti dīnheṅ,
pragaṭe agini charū kar līnheṅ.
Jo Basiṣṭh kachhu hṛidayaṅ bichārā,
sakal kāju bhā siddh tumhārā.
Yah habi bāṅṭi dehu nṛip jāī,
jathā jog jehi bhāg banāī.
511 of 1109
दो०—तब अदृस्य भए पावक सकल सभहि समुझाइ।
परमानंद मगन नृप हरष न हृदयँ समाइ ॥१८९॥
Do—Tab adṛisya bhae pāvak sakal sabhahi samujhāi,
paramānand magan nṛip haraṣ na hṛidayaṅ samāi. (189)
512 of 1109
तबहिं रायँ प्रिय नारि बोलाईं।
कौसल्यादि तहाँ चलि आईं॥
अर्ध भाग कौसल्यहि दीन्हा।
उभय भाग आधे कर कीन्हा॥
कैकेई कहँ नृप सो दयऊ।
रह्यो सो उभय भाग पुनि भयऊ॥
कौसल्या कैकेई हाथ धरि।
दीन्ह सुमित्रहि मन प्रसन्न करि॥
एहि बिधि गर्भसहित सब नारी।
भईं हृदयँ हरषित सुख भारी॥
जा दिन तें हरि गर्भहिं आए।
सकल लोक सुख संपति छाए॥
मंदिर महँ सब राजहिं रानीं।
सोभा सील तेज की खानीं॥
सुखजुत कछुक काल चलिगयऊ।
जेहिं प्रभु प्रगट सो अवसर भयऊ॥
Tabahiṅ rāyaṅ priya nāri bolāīṅ,
Kausalyādi tahāṅ chali āīṅ.
Ardh bhāg Kausalyahi dīnhā,
ubhay bhāg ādhe kar kīnhā.
Kaikeī kahaṅ nṛip so dayū,
rahyo so ubhay bhāg puni bhayū.
Kausalyā Kaikeī hāth dhari,
dīnha Sumitrahi man prasanna kari.
Ehi bidhi garbhasahit sab nārī,
bhaīṅ hṛidayaṅ haraṣit sukh bhārī.
Jā din teṅ Hari garbhahiṅ āe,
sakal lok sukh sampati chhāe.
Mandir mahaṅ sab rājahiṅ rānīṅ,
sobhā sīl tej kī khānīṅ.
Sukhajut kachhuk kāl chaligayū,
jehiṅ prabhu pragaṭ so avasar bhayū.
513 of 1109
दो०—जोग लगन ग्रह बार तिथि सकल भए अनुकूल।
चर अरु अचर हर्षजुत राम जनम सुखमूल ॥१९०॥
Do—Jog lagan grah bār tithi sakal bhae anukūl,
char aru achar harṣajut Rām janam sukhamūl. (190)
514 of 1109
नौमी तिथि मधु मास पुनीता।
सुकल पच्छ अभिजित हरिप्रीता॥
मध्य दिवस अति सीत न घामा।
पावन काल लोक बिश्रामा॥
सीतल मंद सुरभि बह बाऊ।
हरषित सुर संतन मन चाऊ॥
बन कुसुमित गिरिगन मनिआरा।
स्त्रवहिं सकल सरिताऽमृतधारा॥
सो अवसर बिरंचि जब जाना।
चले सकल सुर साजि बिमाना॥
गगन बिमल संकुल सुर जूथा।
गावहिं गुन गंधर्ब बरूथा॥
बरषहिं सुमन सुअंजुलि साजी।
गहगहि गगन दुंदुभी बाजी॥
अस्तुति करहिं नाग मुनि देवा।
बहुबिधि लावहिं निज निज सेवा॥
Naumī tithi Madhu Mās punītā,
sukal pachchh Abhijit haripritā.
Madhya divas ati sīt na ghāmā,
pāvan kāl lok bishrāmā.
Sītal mand surabhi bah bāū,
haraṣit sur santan man chāū.
Ban kusumit girigan maniārā,
stravahiṅ sakal saritāmṛitadhārā.
So avasar Biranchi jab jānā,
chale sakal sur sāji bimānā.
Gagan bimal sankul sur jūthā,
gāvahiṅ gun gandharb barūthā.
Baraṣahiṅ suman suañjuli sājī,
gahagahi gagan dundubhī bājī.
Astuti karahiṅ nāg muni devā,
bahubidhi lāvahiṅ nij nij sevā.
515 of 1109
दो०—सुर समूह बिनती करि पहुँचे निज निज धाम।
जगनिवास प्रभु प्रगटे अखिल लोक बिश्राम ॥१९१॥
Do—Sur samūh binatī kari pahuṅche nij nij dhām,
jaganivās prabhu pragaṭe akhil lok bishrām. (191)
516 of 1109
छं०—भए प्रगट कृपाला दीनदयाला कौसल्या हितकारी।
हरषित महतारी मुनि मन हारी अद्भुत रूप बिचारी॥
लोचन अभिरामा तनु घनस्यामा निज आयुध भुज चारी।
भूषन बनमाला नयन बिसाला सोभासिंधु खरारी॥
कह दुइ कर जोरी अस्तुति तोरी केहि बिधि करौं अनंता।
माया गुन ग्यानातीत अमाना बेद पुरान भनंता॥
करुना सुख सागर सब गुन आगर जेहि गावहिं श्रुति संता।
सो मम हित लागी जन अनुरागी भयउ प्रगट श्रीकंता॥
ब्रह्मांड निकाया निर्मित माया रोम रोम प्रति बेद कहै।
मम उर सो बासी यह उपहासी सुनत धीर मति थिर न रहै॥
उपजा जब ग्याना प्रभु मुसुकाना चरित बहुत बिधि कीन्ह चहै।
कहि कथा सुहाई मातु बुझाई जेहि प्रकार सुत प्रेम लहै॥
माता पुनि बोली सो मति डोली तजहु तात यह रूपा।
कीजै सिसुलीला अति प्रियसीला यह सुख परम अनूपा॥
सुनि बचन सुजाना रोदन ठाना होइ बालक सुरभूपा।
यह चरित जे गावहिं हरिपद पावहिं ते न परहिं भवकूपा॥
Chhand—Bhae pragaṭ kṛipālā dīnadayālā Kausalyā hitakārī,
haraṣit mahatārī muni man hārī adbhut rūp bichārī.
Lochan abhirāmā tanu ghanasyāmā nij āyudh bhuj chārī,
bhūṣan banamālā nayan bisālā sobhāsindhu Kharārī.
Kah dui kar jorī astuti torī kehi bidhi karauṅ anantā,
māyā gun gyānātīt amānā bed purān bhanantā.
Karunā sukh sāgar sab gun āgar jehi gāvahiṅ shruti santā,
so mam hit lāgī jan anurāgī bhayau pragaṭ Shrīkantā.
Brahmāṇḍ nikāyā nirmit māyā rom rom prati bed kahai,
mam ur so bāsī yah upahāsī sunat dhīr mati thir na rahai.
Upajā jab gyānā prabhu musukānā charit bahut bidhi kīnh chahai,
kahi kathā suhāī mātu bujhāī jehi prakār sut prem lahai.
Mātā puni bolī so mati ḍolī tajahu tāt yah rūpā,
kījai sisulīlā ati priyasīlā yah sukh param anūpā.
Suni bachan sujānā rodan ṭhānā hoi bālak surabhūpā,
yah charit je gāvahiṅ haripad pāvahiṅ te na parahiṅ bhavakūpā.
517 of 1109
दो०—बिप्र धेनु सुर संत हित लीन्ह मनुज अवतार।
निज इच्छा निर्मित तनु माया गुन गो पार ॥१९२॥
Do—Bipra dhenu sur sant hit līnha manuj avatār,
nij ichchhā nirmit tanu māyā gun go pār. (192)
518 of 1109
सुनि सिसु रुदन परम प्रिय बानी।
संभ्रम चलि आईं सब रानी॥
हरषित जहँ तहँ धाईं दासी।
आनँद मगन सकल पुरबासी॥
दसरथ पुत्रजन्म सुनि काना।
मानहुँ ब्रह्मानंद समाना॥
परम प्रेम मन पुलक सरीरा।
चाहत उठन करत मति धीरा॥
जाकर नाम सुनत सुभ होई।
मोरें गृह आवा प्रभु सोई॥
परमानंद पूरि मन राजा।
कहा बोलाइ बजावहु बाजा॥
गुर बसिष्ठ कहँ गयउ हँकारा।
आए द्विजन सहित नृपद्वारा॥
अनुपम बालक देखेन्हि जाई।
रूप रासि गुन कहि न सिराई॥
Suni sisu rudan param priya bānī,
sambhram chali āīṅ sab rānī.
Haraṣit jahaṅ tahaṅ dhāīṅ dāsī,
ānand magan sakal purabāsī.
Dasrath putrajanma suni kānā,
mānahuṅ Brahmānand samānā.
Param prem man pulak sarīrā,
chāhat uṭhan karat mati dhīrā.
Jākar nām sunat subh hoī,
moreṅ gṛih āvā prabhu soī.
Paramānand pūri man rājā,
kahā bolāi bajāvahu bājā.
Gur Basiṣṭh kahaṅ gayau haṅkārā,
āe dwijan sahit nṛipadwārā.
Anupam bālak dekhenhi jāī,
rūp rāsi gun kahi na sirāī.
519 of 1109
दो०—नंदीमुख सराध करि जातकरम सब कीन्ह।
हाटक धेनु बसन मनि नृप बिप्रन्ह कहँ दीन्ह ॥१९३॥
Do—Nandīmukh sarādh kari jātakaram sab kīnha,
hāṭak dhenu basan mani nṛip bipranha kahaṅ dīnha. (193)
520 of 1109
ध्वज पताक तोरन पुर छावा।
कहि न जाइ जेहि भाँति बनावा॥
सुमनबृष्टि अकास तें होई।
ब्रह्मानंद मगन सब लोई॥
बृंद बृंद मिलि चलीं लोगाईं।
सहज सिंगार किएँ उठि धाईं॥
कनक कलस मंगल भरि थारा।
गावत पैठहिं भूप दुआरा॥
करि आरति नेवछावरि करहीं।
बार बार सिसु चरनन्हि परहीं॥
मागध सूत बंदिगन गायक।
पावन गुन गावहिं रघुनायक॥
सर्बस दान दीन्ह सब काहू।
जेहिं पावा राखा नहिं ताहू॥
मृगमद चंदन कुंकुम कीचा।
मची सकल बीथिन्ह बिच बीचा॥
Dhwaj patāk toran pur chhāvā,
kahi na jāi jehi bhāṅti banāvā.
Sumanabṛiṣṭi akās teṅ hoī,
Brahmānand magan sab loī.
Bṛind bṛind mili chalīṅ logāīṅ,
sahaj singār kieṅ uṭhi dhāīṅ.
Kanak kalas mangal bhari thārā,
gāvat paiṭhahiṅ bhūp duārā.
Kari ārati nevachhāvari karahīṅ,
bār bār sisu charananhi parahīṅ.
Māgadh sūt bandigan gāyak,
pāvan gun gāvahiṅ Raghunāyak.
Sarbas dān dīnha sab kāhū,
jehiṅ pāvā rākhā nahiṅ tāhū.
Mṛigamad chandan kunkum kīchā,
machī sakal bīthinha bich bīchā.
521 of 1109
दो०—गृह गृह बाज बधाव सुभ प्रगटे सुषमा कंद।
हरषवंत सब जहँ तहँ नगर नारि नर बृंद ॥१९४॥
Do—Gṛih gṛih bāj badhāv subh pragaṭe suṣamā kand,
haraṣavant sab jahaṅ tahaṅ nagar nāri nar bṛind. (194)
522 of 1109
कैकयसुता सुमित्रा दोऊ।
सुंदर सुत जनमत भैं ओऊ॥
वह सुख संपति समय समाजा।
कहि न सकइ सारद अहिराजा॥
अवधपुरी सोहइ एहि भाँती।
प्रभुहि मिलन आई जनु राती॥
देखि भानु जनु मन सकुचानी।
तदपि बनी संध्या अनुमानी॥
अगर धूप बहु जनु अँधिआरी।
उड़इ अबीर मनहुँ अरुनारी॥
मंदिर मनि समूह जनु तारा।
नृप गृह कलस सो इंदु उदारा॥
भवन बेदधुनि अति मृदु बानी।
जनु खग मुखर समयँ जनु सानी॥
कौतुक देखि पतंग भुलाना।
एक मास तेइँ जात न जाना॥
Kaikayasutā Sumitrā doū,
sundar sut janamat bhaiṅ oū.
Vah sukh sampati samay samājā,
kahi na sakai Sārad ahirājā.
Avadhapurī sohai ehi bhāṅtī,
prabhuhi milan āī janu rātī.
Dekhi bhānu janu man sakuchānī,
tadapi banī sandhyā anumānī.
Agar dhūp bahu janu aṅdhiārī,
uḍai abīr manahuṅ arunārī.
Mandir mani samūh janu tārā,
nṛip gṛih kalas so indu udārā.
Bhavan bedadhuni ati mṛidu bānī,
janu khag mukhar samayaṅ janu sānī.
Kautuk dekhi patang bhulānā,
ek mās teiṅ jāt na jānā.
523 of 1109
दो०—मास दिवस कर दिवस भा मरम न जानइ कोइ।
रथ समेत रबि थाकेउ निसा कवन बिधि होइ ॥१९५॥
Do—Mās divas kar divas bhā maram na jānai koi,
rath samet rabi thākeu nisā kavan bidhi hoi. (195)
524 of 1109
यह रहस्य काहूँ नहिं जाना।
दिनमनि चले करत गुनगाना॥
देखि महोत्सव सुर मुनि नागा।
चले भवन बरनत निज भागा॥
औरउ एक कहउँ निज चोरी।
सुनु गिरिजा अति दृढ़ मति तोरी॥
काकभुसुंडि संग हम दोऊ।
मनुजरूप जानइ नहिं कोऊ॥
परमानंद प्रेम सुख फूले।
बीथिन्ह फिरहिं मगन मन भूले॥
यह सुभ चरित जान पै सोई।
कृपा राम कै जापर होई॥
तेहि अवसर जो जेहि बिधि आवा।
दीन्ह भूप जो जेहि मन भावा॥
गज रथ तुरग हेम गो हीरा।
दीन्हे नृप नानाबिधि चीरा॥
Yah rahasya kāhūṅ nahiṅ jānā,
dinamani chale karat gungānā.
Dekhi mahotsav sur muni nāgā,
chale bhavan baranat nij bhāgā.
Aurau ek kahauṅ nij chorī,
sunu Girijā ati dṛiḍh mati torī.
Kākabhusuṇḍi sang ham doū,
manujarūp jānai nahiṅ koū.
Paramānand prem sukh phūle,
bīthinha phirahiṅ magan man bhūle.
Yah subh charit jān pai soī,
kṛipā Rām kai jāpar hoī.
Tehi avasar jo jehi bidhi āvā,
dīnha bhūp jo jehi man bhāvā.
Gaj rath turag hem go hīrā,
dīnhe nṛip nānābidhi chīrā.
525 of 1109
दो०—मन संतोषे सबन्हि के जहँ तहँ देहिं असीस।
सकल तनय चिर जीवहुँ तुलसिदास के ईस ॥१९६॥
Do—Man santoṣe sabanhi ke jahaṅ tahaṅ dehiṅ asīs,
sakal tanay chir jīvahuṅ Tulsidās ke īs. (196)
526 of 1109
कछुक दिवस बीते एहि भाँती।
जात न जानिअ दिन अरु राती॥
नामकरन कर अवसरु जानी।
भूप बोलि पठए मुनि ग्यानी॥
Kachhuk divas bīte ehi bhāṅtī,
jāt na jānia din aru rātī.
Nāmakaran kar avasaru jānī,
bhūp boli paṭhae muni gyānī.
527 of 1109
करि पूजा भूपति अस भाषा।
धरिअ नाम जो मुनि गुनि राखा॥
इन्ह के नाम अनेक अनूपा।
मैं नृप कहब स्वमति अनुरूपा॥
जो आनंद सिंधु सुखरासी।
सीकर तें त्रैलोक सुपासी॥
सो सुखधाम राम अस नामा।
अखिल लोक दायक बिश्रामा॥
बिस्व भरन पोषन कर जोई।
ताकर नाम भरत अस होई॥
जाके सुमिरन तें रिपु नासा।
नाम सत्रुहन बेद प्रकासा॥
Kari pūjā bhūpati as bhāṣā,
dharia nām jo muni guni rākhā.
Inh ke nām anek anūpā,
maiṅ nṛip kahab swamati anurūpā.
Jo ānand sindhu sukharāsī,
sīkar teṅ trailok supāsī.
So sukhadhām Rām as nāmā,
akhil lok dāyak bishrāmā.
Biswa bharan poṣan kar joī,
tākar nām Bharat as hoī.
Jāke sumiran teṅ ripu nāsā,
nām Satruhan bed prakāsā.
528 of 1109
दो०—लच्छन धाम राम प्रिय सकल जगत आधार।
गुरु बसिष्ट तेहि राखा लछिमन नाम उदार ॥१९७॥
Do—Lachchhan dhām Rām priya sakal jagat ādhār,
guru Basiṣṭ tehi rākhā Lachhiman nām udār. (197)
529 of 1109
धरे नाम गुर हृदयँ बिचारी।
बेद तत्व नृप तव सुत चारी॥
मुनि धन जन सरबस सिव प्राना।
बाल केलि रस तेहिं सुख माना॥
बारेहि ते निज हित पति जानी।
लछिमन राम चरन रति मानी॥
भरत सत्रुहन दूनउ भाई।
प्रभु सेवक जसि प्रीति बड़ाई॥
स्याम गौर सुंदर दोउ जोरी।
निरखहिं छबि जननीं तृन तोरी॥
चारिउ सील रूप गुन धामा।
तदपि अधिक सुखसागर रामा॥
हृदयँ अनुग्रह इंदु प्रकासा।
सूचत किरन मनोहर हासा॥
कबहुँ उछंग कबहुँ बर पलना।
मातु दुलारइ कहि प्रिय ललना॥
Dhare nām gur hṛidayaṅ bichārī,
bed tatva nṛip tav sut chārī.
Muni dhan jan sarabas Siv prānā,
bāl keli ras tehiṅ sukh mānā.
Bārehi te nij hit pati jānī,
Lachhiman Rām charan rati mānī.
Bharat Satruhan dūnau bhāī,
prabhu sevak jasi prīti baḍāī.
Syām gaur sundar dou jorī,
nirakhahiṅ chhabi jananīṅ tṛin torī.
Chāriu sīl rūp gun dhāmā,
tadapi adhik sukhasāgar Rāmā.
Hṛidayaṅ anugrah indu prakāsā,
sūchat kiran manohar hāsā.
Kabahuṅ uchhaṅg kabahuṅ bar palanā,
mātu dulārai kahi priya lalanā.
530 of 1109
दो०—ब्यापक ब्रह्म निरंजन निर्गुन बिगत बिनोद।
सो अज प्रेम भगति बस कौसल्या कें गोद ॥१९८॥
Do—Byāpak Brahma niranjan nirgun bigat binod,
so aj prem bhagati bas Kausalyā keṅ god. (198)
531 of 1109
काम कोटि छबि स्याम सरीरा।
नील कंज बारिद गंभीरा॥
अरुन चरन पंकज नख जोती।
कमल दलन्हि बैठे जनु मोती॥
रेख कुलिस ध्वज अंकुस सोहे।
नूपुर धुनि सुनि मुनि मन मोहे॥
कटि किंकिनी उदर त्रय रेखा।
नाभि गभीर जान जेहिं देखा॥
भुज बिसाल भूषन जुत भूरी।
हियँ हरि नख अति सोभा रूरी॥
उर मनिहार पदिक की सोभा।
बिप्र चरन देखत मन लोभा॥
कंबु कंठ अति चिबुक सुहाई।
आनन अमित मदन छबि छाई॥
दुइ दुइ दसन अधर अरुनारे।
नासा तिलक को बरनै पारे॥
सुंदर श्रवन सुचारु कपोला।
अति प्रिय मधुर तोतरे बोला॥
चिक्कन कच कुंचित गभुआरे।
बहु प्रकार रचि मातु सँवारे॥
पीत झगुलिआ तनु पहिराई।
जानु पानि बिचरनि मोहि भाई॥
रूप सकहिं नहिं कहि श्रुति सेषा।
सो जानइ सपनेहुँ जेहिं देखा॥
Kām koṭi chhabi syām sarīrā,
nīl kanj bārid gambhīrā.
Arun charan pankaj nakh jotī,
kamal dalanhi baiṭhe janu motī.
Rekh kulis dhwaj ankus sohe,
nūpur dhuni suni muni man mohe.
Kaṭi kinkinī udar traya rekhā,
nābhi gabhīr jān jehiṅ dekhā.
Bhuj bisāl bhūṣan jut bhūrī,
hiyaṅ hari nakh ati sobhā rūrī.
Ur manihār padik kī sobhā,
bipra charan dekhat man lobhā.
Kambu kanṭh ati chibuk suhāī,
ānan amit madan chhabi chhāī.
Dui dui dasan adhar arunāre,
nāsā tilak ko baranai pāre.
Sundar shravan suchāru kapolā,
ati priya madhur totare bolā.
Chikkan kach kunchit gabhuāre,
bahu prakār rachi mātu saṅvāre.
Pīt jhaguliā tanu pahirāī,
jānu pāni bicharani mohi bhāī.
Rūp sakahiṅ nahiṅ kahi shruti seṣā,
so jānai sapanehuṅ jehiṅ dekhā.
532 of 1109
दो०—सुख संदोह मोहपर ग्यान गिरा गोतीत।
दंपति परम प्रेम बस कर सिसुचरित पुनीत ॥१९९॥
Do—Sukh sandoh mohapar gyān girā gotīt,
dampati param prem bas kar sisucharit punīt. (199)
533 of 1109
एहि बिधि राम जगत पितु माता।
कोसलपुर बासिन्ह सुखदाता॥
जिन्ह रघुनाथ चरन रति मानी।
तिन्ह की यह गति प्रगट भवानी॥
रघुपति बिमुख जतन कर कोरी।
कवन सकइ भव बंधन छोरी॥
जीव चराचर बस कै राखे।
सो माया प्रभु सों भय भाखे॥
भृकुटि बिलास नचावइ ताही।
अस प्रभु छाड़ि भजिअ कहु काही॥
मन क्रम बचन छाड़ि चतुराई।
भजत कृपा करिहहिं रघुराई॥
एहि बिधि सिसुबिनोद प्रभु कीन्हा।
सकल नगरबासिन्ह सुख दीन्हा॥
लै उछंग कबहुँक हलरावै।
कबहुँ पालने घालि झुलावै॥
Ehi bidhi Rām jagat pitu mātā,
Kosalapur bāsinha sukhadātā.
Jinha Raghunāth charan rati mānī,
tinha kī yah gati pragaṭ Bhavānī.
Raghupati bimukh jatan kar korī,
kavan sakai bhav bandhan chhorī.
Jīv charāchar bas kai rākhe,
so māyā prabhu soṅ bhay bhākhe.
Bhṛikuṭi bilās nachāvai tāhī,
as prabhu chhāḍi bhajia kahu kāhī.
Man kram bachan chhāḍi chaturāī,
bhajat kṛipā karihahiṅ Raghurāī.
Ehi bidhi sisubinod prabhu kīnhā,
sakal nagarabāsinha sukh dīnhā.
Lai uchhaṅg kabahuṅk halarāvai,
kabahuṅ pālane ghāli jhulāvai.
534 of 1109
दो०—प्रेम मगन कौसल्या निसि दिन जात न जान।
सुत सनेह बस माता बालचरित कर गान ॥२००॥
Do—Prem magan Kausalyā nisi din jāt na jān,
sut saneh bas mātā bālacharit kar gān. (200)
535 of 1109
एक बार जननीं अन्हवाए।
करि सिंगार पलनाँ पौढ़ाए॥
निज कुल इष्टदेव भगवाना।
पूजा हेतु कीन्ह अस्नाना॥
करि पूजा नैबेद्य चढ़ावा।
आपु गई जहँ पाक बनावा॥
बहुरि मातु तहवाँ चलि आई।
भोजन करत देख सुत जाई॥
गै जननी सिसु पहिं भयभीता।
देखा बाल तहाँ पुनि सूता॥
बहुरि आइ देखा सुत सोई।
हृदयँ कंप मन धीर न होई॥
इहाँ उहाँ दुइ बालक देखा।
मतिभ्रम मोर कि आन बिसेषा॥
देखि राम जननी अकुलानी।
प्रभु हँसि दीन्ह मधुर मुसुकानी॥
Ek bār jananīṅ anhavāe,
kari singār palanāṅ pauḍhāe.
Nij kul iṣṭadev bhagavānā,
pūjā hetu kīnha asnānā.
Kari pūjā naibedya chaḍhāvā,
āpu gaī jahaṅ pāk banāvā.
Bahuri mātu tahavāṅ chali āī,
bhojan karat dekh sut jāī.
Gai jananī sisu pahiṅ bhayabhītā,
dekhā bāl tahāṅ puni sūtā.
Bahuri āi dekhā sut soī,
hṛidayaṅ kanp man dhīr na hoī.
Ihāṅ uhāṅ dui bālak dekhā,
matibhram mor ki ān biseṣā.
Dekhi Rām jananī akulānī,
prabhu haṅsi dīnha madhur musukānī.
536 of 1109
दो०—देखरावा मातहि निज अद्भुत रूप अखंड।
रोम रोम प्रति लागे कोटि कोटि ब्रह्मंड ॥२०१॥
Do—Dekharāvā mātahi nij adbhut rūp akhaṇḍ,
rom rom prati lāge koṭi koṭi brahmaṇḍ. (201)
537 of 1109
अगनित रबि ससि सिव चतुरानन।
बहु गिरि सरित सिंधु महि कानन॥
काल कर्म गुन ग्यान सुभाऊ।
सोउ देखा जो सुना न काऊ॥
देखी माया सब बिधि गाढ़ी।
अति सभीत जोरें कर ठाढ़ी॥
देखा जीव नचावइ जाही।
देखी भगति जो छोरइ ताही॥
तन पुलकित मुख बचन न आवा।
नयन मूदि चरननि सिरु नावा॥
बिसमयवंत देखि महतारी।
भए बहुरि सिसुरूप खरारी॥
अस्तुति करि न जाइ भय माना।
जगत पिता मैं सुत करि जाना॥
हरि जननी बहुबिधि समुझाई।
यह जनि कतहुँ कहसि सुनु माई॥
Aganit rabi sasi Siv chaturānan,
bahu giri sarit sindhu mahi kānan.
Kāl karma gun gyān subhāū,
sou dekhā jo sunā na kāū.
Dekhī māyā sab bidhi gāḍhī,
ati sabhīt joreṅ kar ṭhāḍhī.
Dekhā jīv nachāvai jāhī,
dekhī bhagati jo chhorai tāhī.
Tan pulakit mukh bachan na āvā,
nayan mūdi charanani siru nāvā.
Bisamayavant dekhi mahatārī,
bhae bahuri sisurūp Kharārī.
Astuti kari na jāi bhay mānā,
jagat pitā maiṅ sut kari jānā.
Hari jananī bahubidhi samujhāī,
yah jani katahuṅ kahasi sunu māī.
538 of 1109
दो०—बार बार कौसल्या बिनय करइ कर जोरि।
अब जनि कबहूँ ब्यापै प्रभु मोहि माया तोरि ॥२०२॥
Do—Bār bār Kausalyā binay karai kar jori,
ab jani kabahūṅ byāpai prabhu mohi māyā tori. (202)
539 of 1109
बालचरित हरि बहुबिधि कीन्हा।
अति अनंद दासन्ह कहँ दीन्हा॥
कछुक काल बीतें सब भाई।
बड़े भए परिजन सुखदाई॥
चूड़ाकरन कीन्ह गुरु जाई।
बिप्रन्ह पुनि दछिना बहु पाई॥
परम मनोहर चरित अपारा।
करत फिरत चारिउ सुकुमारा॥
मन क्रम बचन अगोचर जोई।
दसरथ अजिर बिचर प्रभु सोई॥
भोजन करत बोल जब राजा।
नहिं आवत तजि बाल समाजा॥
कौसल्या जब बोलन जाई।
ठुमुकु ठुमुकु प्रभु चलहिं पराई॥
निगम नेति सिव अंत न पावा।
ताहि धरै जननी हठि धावा॥
धूसर धूरि भरें तनु आए।
भूपति बिहसि गोद बैठाए॥
Bālacharit Hari bahubidhi kīnhā,
ati anand dāsanha kahaṅ dīnhā.
Kachhuk kāl bīteṅ sab bhāī,
baḍe bhae parijan sukhadāī.
Chūḍākaran kīnha guru jāī,
bipranha puni dachhinā bahu pāī.
Param manohar charit apārā,
karat phirat chāriu sukumārā.
Man kram bachan agochar joī,
Dasarath ajir bichar prabhu soī.
Bhojan karat bol jab rājā,
nahiṅ āvat taji bāl samājā.
Kausalyā jab bolan jāī,
ṭhumuku ṭhumuku prabhu chalahiṅ parāī.
Nigam neti Siv ant na pāvā,
tāhi dharai jananī haṭhi dhāvā.
Dhūsar dhūri bhareṅ tanu āe,
bhūpati bihasi god baiṭhāe.
540 of 1109
दो०—भोजन करत चपल चित इत उत अवसरु पाइ।
भाजि चले किलकत मुख दधि ओदन लपटाइ ॥२०३॥
Do—Bhojan karat chapal chit it ut avasaru pāi,
bhāji chale kilakat mukh dadhi odan lapaṭāi. (203)
541 of 1109
बालचरित अति सरल सुहाए।
सारद सेष संभु श्रुति गाए॥
जिन्ह कर मन इन्ह सन नहिं राता।
ते जन बंचित किए बिधाता॥
भए कुमार जबहिं सब भ्राता।
दीन्ह जनेऊ गुरु पितु माता॥
गुरगृहँ गए पढ़न रघुराई।
अलप काल बिद्या सब आई॥
जाकी सहज स्वास श्रुति चारी।
सो हरि पढ़ यह कौतुक भारी॥
बिद्या बिनय निपुन गुन सीला।
खेलहिं खेल सकल नृप लीला॥
करतल बान धनुष अति सोहा।
देखत रूप चराचर मोहा॥
जिन्ह बीथिन्ह बिहरहिं सब भाई।
थकित होहिं सब लोग लुगाई॥
Bālacharit ati saral suhāe,
Sārad Seṣ Sambhu shruti gāe.
Jinha kar man inha san nahiṅ rātā,
te jan banchit kie bidhātā.
Bhae kumār jabahiṅ sab bhrātā,
dīnha janeū guru pitu mātā.
Guragṛihaṅ gae paḍhan Raghurāī,
alap kāl bidyā sab āī.
Jākī sahaj swās shruti chārī,
so Hari paḍh yah kautuk bhārī.
Bidyā binay nipun gun sīlā,
khelahiṅ khel sakal nṛip līlā.
Karatal bān dhanuṣ ati sohā,
dekhat rūp charāchar mohā.
Jinha bīthinha biharahiṅ sab bhāī,
thakit hohiṅ sab log lugāī.
542 of 1109
दो०—कोसलपुर बासी नर नारि बृद्ध अरु बाल।
प्रानहु ते प्रिय लागत सब कहुँ राम कृपाल ॥२०४॥
Do—Kosalapur bāsī nar nāri bṛiddh aru bāl,
prānahu te priya lāgat sab kahuṅ Rām kṛipāl. (204)
543 of 1109
बंधु सखा सँग लेहिं बोलाई।
बन मृगया नित खेलहिं जाई॥
पावन मृग मारहिं जियँ जानी।
दिन प्रति नृपहि देखावहिं आनी॥
जे मृग राम बान के मारे।
ते तनु तजि सुरलोक सिधारे॥
अनुज सखा सँग भोजन करहीं।
मातु पिता अग्या अनुसरहीं॥
जेहि बिधि सुखी होहिं पुर लोगा।
करहिं कृपानिधि सोइ संजोगा॥
बेद पुरान सुनहिं मन लाई।
आपु कहहिं अनुजन्ह समुझाई॥
प्रातकाल उठि कै रघुनाथा।
मातु पिता गुरु नावहिं माथा॥
आयसु मागि करहिं पुर काजा।
देखि चरित हरषइ मन राजा॥
Bandhu sakhā saṅg lehiṅ bolāī,
ban mṛigayā nit khelahiṅ jāī.
Pāvan mṛig mārahiṅ jiyaṅ jānī,
din prati nṛipahi dekhāvahiṅ ānī.
Je mṛig Rām bān ke māre,
te tanu taji suralok sidhāre.
Anuj sakhā saṅg bhojan karahīṅ,
mātu pitā agyā anusarahīṅ.
Jehi bidhi sukhī hohiṅ pur logā,
karahiṅ kṛipānidhi soi sanjogā.
Bed purān sunahiṅ man lāī,
āpu kahahiṅ anujanha samujhāī.
Prātakāl uṭhi kai Raghunāthā,
mātu pitā guru nāvahiṅ māthā.
Āyasu māgi karahiṅ pur kājā,
dekhi charit haraṣai man rājā.
544 of 1109
दो०—ब्यापक अकल अनीह अज निर्गुन नाम न रूप।
भगत हेतु नाना बिधि करत चरित्र अनूप ॥२०५॥
Do—Byāpak akal anīh aj nirgun nām na rūp,
bhagat hetu nānā bidhi karat charitra anūp. (205)
545 of 1109
यह सब चरित कहा मैं गाई।
आगिलि कथा सुनहु मन लाई॥
बिस्वामित्र महामुनि ग्यानी।
बसहिं बिपिन सुभ आश्रम जानी॥
जहँ जप जग्य जोग मुनि करहीं।
अति मारीच सुबाहुहि डरहीं॥
देखत जग्य निसाचर धावहिं।
करहिं उपद्रव मुनि दुख पावहिं॥
गाधितनय मन चिंता ब्यापी।
हरि बिनु मरहिं न निसिचर पापी॥
तब मुनिबर मन कीन्ह बिचारा।
प्रभु अवतरेउ हरन महि भारा॥
एहूँ मिस देखौं पद जाई।
करि बिनती आनौं दोउ भाई॥
ग्यान बिराग सकल गुन अयना।
सो प्रभु मैं देखब भरि नयना॥
Yah sab charit kahā maiṅ gāī,
āgili kathā sunahu man lāī.
Biswāmitra mahāmuni gyānī,
basahiṅ bipin subh āshram jānī.
Jahaṅ jap jagya jog muni karahīṅ,
ati Mārīch Subāhuhi ḍarahīṅ.
Dekhat jagya nisāchar dhāvahiṅ,
karahiṅ upadrav muni dukh pāvahiṅ.
Gādhitanay man chintā byāpī,
Hari binu marahiṅ na nisichar pāpī.
Tab munibar man kīnha bichārā,
prabhu avatareu haran mahi bhārā.
Ehūṅ mis dekhauṅ pad jāī,
kari binatī ānauṅ dou bhāī.
Gyān birāg sakal gun ayanā,
so prabhu maiṅ dekhab bhari nayanā.
546 of 1109
दो०—बहुबिधि करत मनोरथ जात लागि नहिं बार।
करि मज्जन सरऊ जल गए भूप दरबार ॥२०६॥
Do—Bahubidhi karat manorath jāt lāgi nahiṅ bār,
kari majjan sarū jal gae bhūp darabār. (206)
547 of 1109
मुनि आगमन सुना जब राजा।
मिलन गयउ लै बिप्र समाजा॥
करि दंडवत मुनिहि सनमानी।
निज आसन बैठारेन्हि आनी॥
चरन पखारि कीन्हि अति पूजा।
मो सम आजु धन्य नहिं दूजा॥
बिबिध भाँति भोजन करवावा।
मुनिबर हृदयँ हरष अति पावा॥
पुनि चरननि मेले सुत चारी।
राम देखि मुनि देह बिसारी॥
भए मगन देखत मुख सोभा।
जनु चकोर पूरन ससि लोभा॥
तब मन हरषि बचन कह राऊ।
मुनि अस कृपा न कीन्हिहु काऊ॥
केहि कारन आगमन तुम्हारा।
कहहु सो करत न लावउँ बारा॥
असुर समूह सतावहिं मोही।
मैं जाचन आयउँ नृप तोही॥
अनुज समेत देहु रघुनाथा।
निसिचर बध मैं होब सनाथा॥
Muni āgaman sunā jab rājā,
milan gayau lai bipra samājā.
Kari dandavat munihi sanamānī,
nij āsan baiṭhārenhi ānī.
Charan pakhāri kīnhi ati pūjā,
mo sam āju dhanya nahiṅ dūjā.
Bibidh bhāṅti bhojan karavāvā,
munibar hṛidayaṅ haraṣ ati pāvā.
Puni charanani mele sut chārī,
Rām dekhi muni deh bisārī.
Bhae magan dekhat mukh sobhā,
janu chakor pūran sasi lobhā.
Tab man haraṣi bachan kah rāū,
muni as kṛipā na kīnhihu kāū.
Kehi kāran āgaman tumhārā,
kahahu so karat na lāvauṅ bārā.
Asur samūh satāvahiṅ mohī,
maiṅ jāchan āyauṅ nṛip tohī.
Anuj samet dehu Raghunāthā,
nisichar badh maiṅ hob sanāthā.
548 of 1109
दो०—देहु भूप मन हरषित तजहु मोह अग्यान।
धर्म सुजस प्रभु तुम्ह कौं इन्ह कहँ अति कल्यान ॥२०७॥
Do—Dehu bhūp man haraṣit tajahu moh agyān,
dharma sujas prabhu tumh kauṅ inha kahaṅ ati kalyān. (207)
549 of 1109
सुनि राजा अति अप्रिय बानी।
हृदय कंप मुख दुति कुमुलानी॥
चौथेंपन पायउँ सुत चारी।
बिप्र बचन नहिं कहेहु बिचारी॥
मागहु भूमि धेनु धन कोसा।
सर्बस देउँ आजु सहरोसा॥
देह प्रान तें प्रिय कछु नाहीं।
सोउ मुनि देउँ निमिष एक माहीं॥
सब सुत प्रिय मोहि प्रान कि नाईं।
राम देत नहिं बनइ गोसाईं॥
कहँ निसिचर अति घोर कठोरा।
कहँ सुंदर सुत परम किसोरा॥
सुनि नृप गिरा प्रेम रस सानी।
हृदयँ हरष माना मुनि ग्यानी॥
तब बसिष्ठ बहुबिधि समुझावा।
नृप संदेह नास कहँ पावा॥
अति आदर दोउ तनय बोलाए।
हृदयँ लाइ बहु भाँति सिखाए॥
मेरे प्रान नाथ सुत दोऊ।
तुम्ह मुनि पिता आन नहिं कोऊ॥
Suni rājā ati apriya bānī,
hṛiday kanp mukh duti kumulānī.
Chautheṅpan pāyauṅ sut chārī,
bipra bachan nahiṅ kahehu bichārī.
Māgahu bhūmi dhenu dhan kosā,
sarbas deuṅ āju saharosā.
Deh prān teṅ priya kachhu nāhīṅ,
sou muni deuṅ nimiṣ ek māhīṅ.
Sab sut priya mohi prān ki nāīṅ,
Rām det nahiṅ banai gosāīṅ.
Kahaṅ nisichar ati ghor kaṭhorā,
kahaṅ sundar sut param kisorā.
Suni nṛip girā prem ras sānī,
hṛidayaṅ haraṣ mānā muni gyānī.
Tab Basiṣṭh bahubidhi samujhāvā,
nṛip sandeh nās kahaṅ pāvā.
Ati ādar dou tanay bolāe,
hṛidayaṅ lāi bahu bhāṅti sikhāe.
Mere prān nāth sut doū,
tumh muni pitā ān nahiṅ koū.
550 of 1109
दो०—सौंपे भूप रिषिहि सुत बहुबिधि देइ असीस।
जननी भवन गए प्रभु चले नाइ पद सीस ॥२०८(क)॥
Do—Sauṅpe bhūp riṣihi sut bahubidhi dei asīs,
jananī bhavan gae prabhu chale nāi pad sīs. (208a)
551 of 1109
सो०—पुरुषसिंह दोउ बीर हरषि चले मुनि भय हरन।
कृपासिंधु मतिधीर अखिल बिस्व कारन करन ॥२०८(ख)॥
So—Puruṣasinh dou bīr haraṣi chale muni bhay haran,
kṛipāsindhu matidhīr akhil biswa kāran karan. (208b)
552 of 1109
अरुन नयन उर बाहु बिसाला।
नील जलज तनु स्याम तमाला॥
कटि पट पीत कसें बर भाथा।
रुचिर चाप सायक दुहुँ हाथा॥
स्याम गौर सुंदर दोउ भाई।
बिस्वामित्र महानिधि पाई॥
प्रभु ब्रह्मन्यदेव मैं जाना।
मोहि निति पिता तजेउ भगवाना॥
चले जात मुनि दीन्हि देखाई।
सुनि ताड़का क्रोध करि धाई॥
एकहिं बान प्रान हरि लीन्हा।
दीन जानि तेहि निज पद दीन्हा॥
तब रिषि निज नाथहि जियँ चीन्ही।
बिद्यानिधि कहुँ बिद्या दीन्ही॥
जाते लाग न छुधा पिपासा।
अतुलित बल तनु तेज प्रकासा॥
Arun nayan ur bāhu bisālā,
nīl jalaj tanu syām tamālā.
Kaṭi paṭ pīt kaseṅ bar bhāthā,
ruchir chāp sāyak duhuṅ hāthā.
Syām gaur sundar dou bhāī,
Biswāmitra mahānidhi pāī.
Prabhu Brahmanyadev maiṅ jānā,
mohi niti pitā tajeu bhagavānā.
Chale jāt muni dīnhi dekhāī,
suni Tāḍakā krodh kari dhāī.
Ekahiṅ bān prān hari līnhā,
dīn jāni tehi nij pad dīnhā.
Tab riṣi nij nāthahi jiyaṅ chīnhī,
bidyānidhi kahuṅ bidyā dīnhī.
Jāte lāg na chhudhā pipāsā,
atulit bal tanu tej prakāsā.
553 of 1109
दो०—आयुध सर्ब समर्पि कै प्रभु निज आश्रम आनि।
कंद मूल फल भोजन दीन्ह भगति हित जानि ॥२०९॥
Do—Āyudh sarb samarpi kai prabhu nij āshram āni,
kand mūl phal bhojan dīnha bhagati hit jāni. (209)
554 of 1109
प्रात कहा मुनि सन रघुराई।
निर्भय जग्य करहु तुम्ह जाई॥
होम करन लागे मुनि झारी।
आपु रहे मख कीं रखवारी॥
सुनि मारीच निसाचर क्रोही।
लै सहाय धावा मुनिद्रोही॥
बिनु फर बान राम तेहि मारा।
सत जोजन गा सागर पारा॥
पावक सर सुबाहु पुनि मारा।
अनुज निसाचर कटकु सँघारा॥
मारि असुर द्विज निर्भयकारी।
अस्तुति करहिं देव मुनि झारी॥
तहँ पुनि कछुक दिवस रघुराया।
रहे कीन्हि बिप्रन्ह पर दाया॥
भगति हेतु बहु कथा पुराना।
कहे बिप्र जद्यपि प्रभु जाना॥
तब मुनि सादर कहा बुझाई।
चरित एक प्रभु देखिअ जाई॥
धनुषजग्य सुनि रघुकुल नाथा।
हरषि चले मुनिबर के साथा॥
आश्रम एक दीख मग माहीं।
खग मृग जीव जंतु तहँ नाहीं॥
पूछा मुनिहि सिला प्रभु देखी।
सकल कथा मुनि कहा बिसेषी॥
Prāt kahā muni san Raghurāī,
nirbhay jagya karahu tumh jāī.
Hom karan lāge muni jhārī,
āpu rahe makh kīṅ rakhavārī.
Suni Mārīch nisāchar krohī,
lai sahāya dhāvā munidrohī.
Binu phar bān Rām tehi mārā,
sat jojan gā sāgar pārā.
Pāvak sar Subāhu puni mārā,
anuj nisāchar kaṭaku saṅghārā.
Māri asur dwij nirbhayakārī,
astuti karahiṅ dev muni jhārī.
Tahaṅ puni kachhuk divas Raghurāyā,
rahe kīnhi bipranha par dāyā.
Bhagati hetu bahu kathā purānā,
kahe bipra jadyapi prabhu jānā.
Tab muni sādar kahā bujhāī,
charit ek prabhu dekhia jāī.
Dhanuṣajagya suni Raghukul nāthā,
haraṣi chale munibar ke sāthā.
Āshram ek dīkh mag māhīṅ,
khag mṛig jīv jantu tahaṅ nāhīṅ.
Pūchhā munihi silā prabhu dekhī,
sakal kathā muni kahā biseṣī.
555 of 1109
दो०—गौतम नारि श्राप बस उपल देह धरि धीर।
चरन कमल रज चाहति कृपा करहु रघुबीर ॥२१०॥
Do—Gautam nāri shrāp bas upal deh dhari dhīr,
charan kamal raj chāhati kṛipā karahu Raghubīr. (210)
556 of 1109
छं०—परसत पद पावन सोक नसावन प्रगट भई तपपुंज सही।
देखत रघुनायक जन सुखदायक सनमुख होइ कर जोरि रही॥
अति प्रेम अधीरा पुलक सरीरा मुख नहिं आवइ बचन कही।
अतिसय बड़भागी चरनन्हि लागी जुगल नयन जलधार बही॥
धीरजु मन कीन्हा प्रभु कहुँ चीन्हा रघुपति कृपाँ भगति पाई।
अति निर्मल बानी अस्तुति ठानी ग्यानगम्य जय रघुराई॥
मैं नारि अपावन प्रभु जग पावन रावन रिपु जन सुखदाई।
राजीव बिलोचन भव भय मोचन पाहि पाहि सरनहिं आई॥
मुनि श्राप जो दीन्हा अति भल कीन्हा परम अनुग्रह मैं माना।
देखेउँ भरि लोचन हरि भवमोचन इहइ लाभ संकर जाना॥
बिनती प्रभु मोरी मैं मति भोरी नाथ न मागउँ बर आना।
पद कमल परागा रस अनुरागा मम मन मधुप करै पाना॥
जेहिं पद सुरसरिता परम पुनीता प्रगट भई सिव सीस धरी।
सोई पद पंकज जेहि पूजत अज मम सिर धरेउ कृपाल हरी॥
एहि भाँति सिधारी गौतम नारी बार बार हरि चरन परी।
जो अति मन भावा सो बरु पावा गै पति लोक अनंद भरी॥
Chha—Parasat pad pāvan sok nasāvan pragaṭ bhaī tapapunj sahī,
dekhat Raghunāyak jan sukhadāyak sanamukh hoi kar jori rahī.
Ati prem adhīrā pulak sarīrā mukh nahiṅ āvai bachan kahī,
atisay baḍabhāgī charananhi lāgī jugal nayan jaladhār bahī.
Dhīraju man kīnhā prabhu kahuṅ chīnhā Raghupati kṛipāṅ bhagati pāī,
ati nirmal bānī astuti ṭhānī gyānagamya jay Raghurāī.
Maiṅ nāri apāvan prabhu jag pāvan Rāvan ripu jan sukhadāī,
Rājīv bilochan bhav bhay mochan pāhi pāhi saranahiṅ āī.
Muni shrāp jo dīnhā ati bhal kīnhā param anugrah maiṅ mānā,
dekheuṅ bhari lochan Hari bhavamochan ihai lābh Saṅkar jānā.
Binatī prabhu morī maiṅ mati bhorī nāth na māgauṅ bar ānā,
pad kamal parāgā ras anurāgā mam man madhup karai pānā.
Jehiṅ pad surasaritā param punītā pragaṭ bhaī Siv sīs dharī,
soī pad pankaj jehi pūjat aj mam sir dhareu kṛipāl harī.
Ehi bhāṅti sidhārī Gautam nārī bār bār hari charan parī,
jo ati man bhāvā so baru pāvā gai pati lok anand bharī.
557 of 1109
दो०—अस प्रभु दीनबंधु हरि कारन रहित दयाल।
तुलसिदास सठ तेहि भजु छाड़ि कपट जंजाल ॥२११॥
Do—As prabhu dīnabandhu Hari kāran rahit dayāl,
Tulasidās saṭh tehi bhaju chhāḍi kapaṭ janjāl. (211)
558 of 1109
चले राम लछिमन मुनि संगा।
गए जहाँ जग पावनि गंगा॥
गाधिसूनु सब कथा सुनाई।
जेहि प्रकार सुरसरि महि आई॥
तब प्रभु रिषिन्ह समेत नहाए।
बिबिध दान महिदेवन्हि पाए॥
हरषि चले मुनि बृंद सहाया।
बेगि बिदेह नगर निअराया॥
Chale Rām Lachhiman muni saṅgā,
gae jahāṅ jag pāvani Gaṅgā.
Gādhisūnu sab kathā sunāī,
jehi prakār surasari mahi āī.
Tab prabhu riṣinha samet nahāe,
bibidh dān mahidevanhi pāe.
Haraṣi chale muni bṛind sahāyā,
begi Bideh nagar niarāyā.
559 of 1109
पुर रम्यता राम जब देखी।
हरषे अनुज समेत बिसेषी॥
बापीं कूप सरित सर नाना।
सलिल सुधासम मनि सोपाना॥
गुंजत मंजु मत्त रस भृंगा।
कूजत कल बहुबरन बिहंगा॥
बरन बरन बिकसे बनजाता।
त्रिबिध समीर सदा सुखदाता॥
Pur ramyatā Rām jab dekhī,
haraṣe anuj samet biseṣī.
Bāpīṅ kūp sarit sar nānā,
salil sudhāsam mani sopānā.
Gunjat manju matta ras bhṛingā,
kūjat kal bahubaran bihangā.
Baran baran bikase banajātā,
tribidh samīr sadā sukhadātā.
560 of 1109
दो०—सुमन बाटिका बाग बन बिपुल बिहंग निवास।
फूलत फलत सुपल्लवत सोहत पुर चहुँ पास ॥२१२॥
Do—Suman bāṭikā bāg ban bipul bihang nivās,
phūlat phalat supallavat sohat pur chahuṅ pās. (212)
561 of 1109
बनइ न बरनत नगर निकाई।
जहाँ जाइ मन तहँइँ लोभाई॥
चारु बजारु बिचित्र अँबारी।
मनिमय बिधि जनु स्वकर सँवारी॥
धनिक बनिक बर धनद समाना।
बैठे सकल बस्तु लै नाना॥
चौहट सुंदर गलीं सुहाई।
संतत रहहिं सुगंध सिंचाई॥
मंगलमय मंदिर सब केरें।
चित्रित जनु रतिनाथ चितेरें॥
पुर नर नारि सुभग सुचि संता।
धरमसील ग्यानी गुनवंता॥
Banai na baranat nagar nikāī,
jahāṅ jāi man tahaṅiṅ lobhāī.
Chāru bajāru bichitra aṅbārī,
manimay bidhi janu swakar saṅvārī.
Dhanik banik bar Dhanad samānā,
baiṭhe sakal bastu lai nānā.
Chauhaṭ sundar galīṅ suhāī,
santat rahahiṅ sugandh sinchāī.
Maṅgalamay mandir sab kereṅ,
chitrit janu Ratināth chitereṅ.
Pur nar nāri subhag suchi santā,
dharamasīl gyānī gunavantā.
562 of 1109
अति अनूप जहँ जनक निवासू।
बिथकहिं बिबुध बिलोकि बिलासू॥
होत चकित चित कोट बिलोकी।
सकल भुवन सोभा जनु रोकी॥
ati anūpa jahaṁ janaka nivāsū.
bithakahiṁ bibudha biloki bilāsū..
hota cakita cita koṭa bilokī.
sakala bhuvana sobhā janu rokī..
563 of 1109
दो०—धवल धाम मनि पुरट पट सुघटित नाना भाँति।
सिय निवास सुंदर सदन सोभा किमि कहि जाति ॥ २१३॥
do.—dhavala dhāma mani puraṭa paṭa sughaṭita nānā bhāṁti.
siya nivāsa suṁdara sadana sobhā kimi kahi jāti.. 213..
564 of 1109
सुभग द्वार सब कुलिस कपाटा।
भूप भीर नट मागध भाटा॥
बनी बिसाल बाजि गज साला।
हय गय रथ संकुल सब काला॥
subhaga dvāra saba kulisa kapāṭā.
bhūpa bhīra naṭa māgadha bhāṭā..
banī bisāla bāji gaja sālā.
haya gaya ratha saṁkula saba kālā..
565 of 1109
सूर सचिव सेनप बहुतेरे।
नृपगृह सरिस सदन सब केरे॥
पुर बाहेर सर सरित समीपा।
उतरे जहँ तहँ बिपुल महीपा॥
sūra saciva senapa bahutere.
nṛpagṛha sarisa sadana saba kere..
pura bāhera sara sarita samīpā.
utare jahaṁ tahaṁ bipula mahīpā..
566 of 1109
देखि अनूप एक अँवराई।
सब सुपास सब भाँति सुहाई॥
कौसिक कहेउ मोर मनु माना।
इहाँ रहिअ रघुबीर सुजाना॥
dekhi anūpa eka aṁvarāī.
saba supāsa saba bhāṁti suhāī..
kausika kaheu mora manu mānā.
ihāṁ rahia raghubīra sujānā..
567 of 1109
भलेहिं नाथ कहि कृपानिकेता।
उतरे तहँ मुनिबृंद समेता॥
बिस्वामित्र महामुनि आए।
समाचार मिथिलापति पाए॥
bhalehiṁ nātha kahi kṛpāniketā.
utare tahaṁ munibṛṁda sametā..
bisvāmitra mahāmuni āe.
samācāra mithilāpati pāe..
568 of 1109
दो०— संग सचिव सुचि भूरि भट भूसुर बर गुर ग्याति।
चले मिलन मुनिनायकहि मुदित राउ एहि भाँति ॥ २१४॥
do.— saṁga saciva suci bhūri bhaṭa bhūsura bara gura gyāti.
cale milana munināyakahi mudita rāu ehi bhāṁti.. 214..
569 of 1109
कीन्ह प्रनामु चरन धरि माथा।
दीन्हि असीस मुदित मुनिनाथा॥
बिप्रबृंद सब सादर बंदे।
जानि भाग्य बड़ राउ अनंदे॥
kīnha pranāmu carana dhari māthā.
dīnhi asīsa mudita munināthā..
biprabṛṁda saba sādara baṁde.
jāni bhāgya baṛa rāu anaṁde..
570 of 1109
कुसल प्रस्न कहि बारहिं बारा।
बिस्वामित्र नृपहि बैठारा॥
तेहि अवसर आए दोउ भाई।
गए रहे देखन फुलवाई॥
kusala prasna kahi bārahiṁ bārā.
bisvāmitra nṛpahi baiṭhārā..
tehi avasara āe dou bhāī.
gae rahe dekhana phulavāī..
571 of 1109
स्याम गौर मृदु बयस किसोरा।
लोचन सुखद बिस्व चित चोरा॥
उठे सकल जब रघुपति आए।
बिस्वामित्र निकट बैठाए॥
syāma gaura mṛdu bayasa kisorā.
locana sukhada bisva cita corā..
uṭhe sakala jaba raghupati āe.
bisvāmitra nikaṭa baiṭhāe..
572 of 1109
भए सब सुखी देखि दोउ भ्राता।
बारि बिलोचन पुलकित गाता॥
मूरति मधुर मनोहर देखी।
भयउ बिदेहु बिदेहु बिसेषी॥
bhae saba sukhī dekhi dou bhrātā.
bāri bilocana pulakita gātā..
mūrati madhura manohara dekhī.
bhayau bidehu bidehu bisesī..
573 of 1109
दो०—प्रेम मगन मनु जानि नृपु करि बिबेकु धरि धीर।
बोलेउ मुनि पद नाइ सिरु गदगद गिरा गभीर ॥ २१५॥
do.—prema magana manu jāni nṛpu kari bibeku dhari dhīra.
boleu muni pada nāi siru gadagada girā gabhīra.. 215..
574 of 1109
कहहु नाथ सुंदर दोउ बालक।
मुनिकुल तिलक कि नृपकुलपालक॥
ब्रह्म जो निगम नेति कहि गावा।
उभय बेष धरि की सोइ आवा॥
kahahu nātha suṁdara dou bālaka.
munikula tilaka ki nṛpakulapālaka..
brahma jo nigama neti kahi gāvā.
ubhaya beṣa dhari kī soi āvā..
575 of 1109
सहज बिरागरूप मनु मोरा।
थकित होत जिमि चंद चकोरा॥
ताते प्रभु पूछउँ सतिभाऊ।
कहहु नाथ जनि करहु दुराऊ॥
sahaja birāgarūpa manu morā.
thakita hota jimi caṁda cakorā..
tāte prabhu pūchauṁ satibhāū.
kahahu nātha jani karahu durāū..
576 of 1109
इन्हहि बिलोकत अति अनुरागा।
बरबस ब्रह्मसुखहि मन त्यागा॥
कह मुनि बिहसि कहेहु नृप नीका।
बचन तुम्हार न होइ अलीका॥
inhahi bilokata ati anurāgā.
barabasa brahmasukhahi mana tyāgā..
kaha muni bihasi kahehu nṛpa nīkā.
bacana tumhāra na hoi alīkā..
577 of 1109
ये प्रिय सबहि जहाँ लगि प्रानी।
मन मुसुकाहिं रामु सुनि बानी॥
रघुकुल मनि दसरथ के जाए।
मम हित लागि नरेस पठाए॥
ye priya sabahi jahāṁ lagi prānī.
mana musukāhiṁ rāmu suni bānī..
raghukula mani dasaratha ke jāe.
mama hita lāgi naresa paṭhāe..
578 of 1109
दो०— रामु लखनु दोउ बंधुबर रूप सील बल धाम।
मख राखेउ सबु साखि जगु जिते असुर संग्राम ॥ २१६॥
do.— rāmu lakhanu dou baṁdhubara rūpa sīla bala dhāma.
makha rākheu sabu sākhi jagu jite asura saṁgrāma.. 216..
579 of 1109
मुनि तव चरन देखि कह राऊ।
कहि न सकउँ निज पुन्य प्रभाऊ॥
सुंदर स्याम गौर दोउ भ्राता।
आनँदहू के आनँद दाता॥
muni tava carana dekhi kaha rāū.
kahi na sakauṁ nija punya prabhāū..
suṁdara syāma gaura dou bhrātā.
ānaṁdahū ke ānaṁda dātā..
580 of 1109
इन्ह कै प्रीति परसपर पावनि।
कहि न जाइ मन भाव सुहावनि॥
सुनहु नाथ कह मुदित बिदेहू।
ब्रह्म जीव इव सहज सनेहू॥
inha kai prīti parasapara pāvani.
kahi na jāi mana bhāva suhāvani..
sunahu nātha kaha mudita bidehū.
brahma jīva iva sahaja sanehū..
581 of 1109
पुनि पुनि प्रभुहि चितव नरनाहू।
पुलक गात उर अधिक उछाहू॥
मुनिहि प्रसंसि नाइ पद सीसू।
चलेउ लवाइ नगर अवनीसू॥
puni puni prabhuhi citava naranāhū.
pulaka gāta ura adhika uchāhū..
munihi prasaṁsi nāi pada sīsū.
caleu lavāi nagara avanīsū..
582 of 1109
सुंदर सदनु सुखद सब काला।
तहाँ बासु लै दीन्ह भुआला॥
करि पूजा सब बिधि सेवकाई।
गयउ राउ गृह बिदा कराई॥
suṁdara sadanu sukhada saba kālā.
tahāṁ bāsu lai dīnha bhuālā..
kari pūjā saba bidhi sevakāī.
gayau rāu gṛha bidā karāī..
583 of 1109
दो०—रिषय संग रघुबंस मनि करि भोजनु बिश्रामु।
बैठे प्रभु भ्राता सहित दिवसु रहा भरि जामु ॥ २१७॥
do.—riṣaya saṁga raghubaṁsa mani kari bhojanu biśrāmu.
baiṭhe prabhu bhrātā sahita divasu rahā bhari jāmu.. 217..
584 of 1109
लखन हृदयँ लालसा बिसेषी।
जाइ जनकपुर आइअ देखी॥
प्रभु भय बहुरि मुनिहि सकुचाहीं।
प्रगट न कहहिं मनहिं मुसुकाहीं॥
lakhana hṛdayaṁ lālasā biseṣī.
jāi janakapura āia dekhī..
prabhu bhaya bahuri munihi sakucāhīṁ.
pragaṭa na kahahiṁ manahiṁ musukāhīṁ..
585 of 1109
राम अनुज मन की गति जानी।
भगत बछलता हियँ हुलसानी॥
परम बिनीत सकुचि मुसुकाई।
बोले गुर अनुसासन पाई॥
rāma anuja mana kī gati jānī.
bhagata bachalatā hiyaṁ hulasānī..
parama binīta sakuci musukāī.
bole gura anusāsana pāī..
586 of 1109
नाथ लखनु पुरु देखन चहहीं।
प्रभु सकोच डर प्रगट न कहहीं॥
जौं राउर आयसु मैं पावौं।
नगर देखाइ तुरत लै आवौं॥
nātha lakhanu puru dekhana cahahīṁ.
prabhu sakoca ḍara pragaṭa na kahahīṁ..
jauṁ rāura āyasu maiṁ pāvauṁ.
nagara dekhāi turata lai āvauṁ..
587 of 1109
सुनि मुनीसु कह बचन सप्रीती।
कस न राम तुम्ह राखहु नीती॥
धरम सेतु पालक तुम्ह ताता।
प्रेम बिबस सेवक सुखदाता॥
suni munīsu kaha bacana saprītī.
kasa na rāma tumha rākhahu nītī..
dharama setu pālaka tumha tātā.
prema bibasa sevaka sukhadātā..
588 of 1109
दो०— जाइ देखि आवहु नगरु सुख निधान दोउ भाइ।
करहु सुफल सब के नयन सुंदर बदन देखाइ ॥ २१८॥
do.— jāi dekhi āvahu nagaru sukha nidhāna dou bhāi.
karahu suphala saba ke nayana suṁdara badana dekhāi.. 218..
589 of 1109
मुनि पद कमल बंदि दोउ भ्राता।
चले लोक लोचन सुख दाता॥
बालक बृंद देखि अति सोभा।
लगे संग लोचन मनु लोभा॥
muni pada kamala baṁdi dou bhrātā.
cale loka locana sukha dātā..
bālaka bṛṁda dekhi ati sobhā.
lage saṁga locana manu lobhā..
590 of 1109
पीत बसन परिकर कटि भाथा।
चारु चाप सर सोहत हाथा॥
तन अनुहरत सुचंदन खोरी।
स्यामल गौर मनोहर जोरी॥
pīta basana parikara kaṭi bhāthā.
cāru cāpa sara sohata hāthā..
tana anuharata sucaṁdana khorī.
syāmala gaura manohara jorī..
591 of 1109
केहरि कंधर बाहु बिसाला।
उर अति रुचिर नागमनि माला॥
सुभग सोन सरसीरुह लोचन।
बदन मयंक तापत्रय मोचन॥
kehari kaṁdhara bāhu bisālā.
ura ati rucira nāgamani mālā..
subhaga sona sarasīruha locana.
badana mayaṁka tāpatraya mocana..
592 of 1109
कानन्हि कनक फूल छबि देहीं।
चितवत चितहि चोरि जनु लेहीं॥
चितवनि चारु भृकुटि बर बाँकी।
तिलक रेख सोभा जनु चाँकी॥
kānanhi kanaka phūla chabi dehīṁ.
citavata citahi cori janu lehīṁ..
citavani cāru bhṛkuṭi bara bāṁkī.
tilaka rekha sobhā janu cāṁkī..
593 of 1109
दो०—रुचिर चौतनीं सुभग सिर मेचक कुंचित केस।
नख सिख सुंदर बंधु दोउ सोभा सकल सुदेस ॥ २१९॥
do.—rucira cautanīṁ subhaga sira mecaka kuṁcita kesa.
nakha sikha suṁdara baṁdhu dou sobhā sakala sudesa.. 219..
594 of 1109
देखन नगर भूपसुत आए।
समाचार पुरबासिन्ह पाए॥
धाए धाम काम सब त्यागी।
मनहुँ रंक निधि लूटन लागी॥
dekhana nagara bhūpasuta āe.
samācāra purabāsinha pāe..
dhāe dhāma kāma saba tyāgī.
manahuṁ raṁka nidhi lūṭana lāgī..
595 of 1109
निरखि सहज सुंदर दोउ भाई।
होहिं सुखी लोचन फल पाई॥
जुबतीं भवन झरोखन्हि लागीं।
निरखहिं राम रूप अनुरागीं॥
nirakhi sahaja suṁdara dou bhāī.
hohiṁ sukhī locana phala pāī..
jubatīṁ bhavana jharokhanhi lāgīṁ.
nirakhahiṁ rāma rūpa anurāgīṁ..
596 of 1109
कहहिं परसपर बचन सप्रीती।
सखि इन्ह कोटि काम छबि जीती॥
सुर नर असुर नाग मुनि माहीं।
सोभा असि कहुँ सुनिअति नाहीं॥
kahahiṁ parasapara bacana saprītī.
sakhi inha koṭi kāma chabi jītī..
sura nara asura nāga muni māhīṁ.
sobhā asi kahuṁ suniati nāhīṁ..
597 of 1109
बिष्नु चारि भुज बिधि मुख चारी।
बिकट बेष मुख पंच पुरारी॥
अपर देउ अस कोउ न आही।
यह छबि सखी पटतरिअ जाही॥
biṣnu cāri bhuja bidhi mukha cārī.
bikaṭa beṣa mukha paṁca purārī..
apara deu asa kou na āhī.
yaha chabi sakhī paṭatariā jāhī..
598 of 1109
दो०—बय किसोर सुषमा सदन स्याम गौर सुख धाम।
अंग अंग पर वारिअहिं कोटि कोटि सत काम ॥ २२०॥
do.—baya kisora suṣamā sadana syāma gaura sukha dhāma.
aṁga aṁga para vāriahiṁ koṭi koṭi sata kāma.. 220..
599 of 1109
कहहु सखी अस को तनुधारी।
जो न मोह यह रूप निहारी॥
कोउ सप्रेम बोली मृदु बानी।
जो मैं सुना सो सुनहु सयानी॥
kahahu sakhī asa ko tanudhārī.
jo na moha yaha rūpa nihārī..
kou saprema bolī mṛdu bānī.
jo maiṁ sunā so sunahu sayānī..
600 of 1109
ए दोऊ दसरथ के ढोटा।
बाल मरालन्हि के कल जोटा॥
मुनि कौसिक मख के रखवारे।
जिन्ह रन अजिर निसाचर मारे॥
e dou dasaratha ke ḍhoṭā.
bāla marālanhi ke kala joṭā..
muni kausika makha ke rakhavāre.
jinha rana ajira nisācara māre..
601 of 1109
स्याम गात कल कंज बिलोचन।
जो मारीच सुभुज मदु मोचन॥
कौसल्या सुत सो सुख खानी।
नामु रामु धनु सायक पानी॥
syāma gāta kala kaṁja bilocana.
jo mārīca subhuja madu mocana..
kausalyā suta so sukha khānī.
nāmu rāmu dhanu sāyaka pānī..
602 of 1109
गौर किसोर बेषु बर काछें।
कर सर चाप राम के पाछें॥
लछिमनु नामु राम लघु भ्राता।
सुनु सखि तासु सुमित्रा माता॥
gaura kisora beṣu bara kāchen.
kara sara cāpa rāma ke pāchen..
lachimanu nāmu rāma laghu bhrātā.
sunu sakhi tāsu sumitrā mātā..
603 of 1109
दो०—बिप्रकाजु करि बंधु दोउ मग मुनिबधू उधारि।
आए देखन चापमख सुनि हरषीं सब नारि ॥ २२१॥
do.—biprakāju kari baṁdhu dou maga munibadhū udhāri.
āe dekhana cāpamakha suni haraṣīṁ saba nāri.. 221..
604 of 1109
देखि राम छबि कोउ एक कहई।
जोगु जानकिहि यह बरु अहई॥
जौं सखि इन्हहि देख नरनाहू।
पन परिहरि हठि करइ बिबाहू॥
dekhi rāma chabi kou eka kahaī.
jogu jānakihi yaha baru ahaī..
jauṁ sakhi inhahi dekha naranāhū.
pana parihari haṭhi karai bibāhū..
605 of 1109
कोउ कह ए भूपति पहिचाने।
मुनि समेत सादर सनमाने॥
सखि परंतु पनु राउ न तजई।
बिधि बस हठि अबिबेकहि भजई॥
kou kaha e bhūpati pahicāne.
muni sameta sādara sanamāne..
sakhi paraṁtu panu rāu na tajaī.
bidhi basa haṭhi abibekahi bhajaī..
606 of 1109
कोउ कह जौं भल अहइ बिधाता।
सब कहँ सुनिअ उचित फलदाता॥
तौ जानकिहि मिलिहि बरु एहू।
नाहिन आलि इहाँ संदेहू॥
kou kaha jauṁ bhala ahai bidhātā.
saba kahaṁ sunia ucita phaladātā..
tau jānakihi milihi baru ehū.
nāhina āli ihāṁ saṁdehū..
607 of 1109
जौं बिधि बस अस बनै सँजोगू।
तौ कृतकृत्य होइ सब लोगू॥
सखि हमरें आरति अति तातें।
कबहुँक ए आवहिं एहि नातें॥
jauṁ bidhi basa asa banai saṁjogū.
tau kṛtakṛtya hoi saba logū..
sakhi hamareṁ ārati ati tāteṁ.
kabahuṁka e āvahiṁ ehi nāteṁ..
608 of 1109
दो०—नाहिं त हम कहुँ सुनहु सखि इन्ह कर दरसनु दूरि।
यह संघटु तब होइ जब पुन्य पुराकृत भूरि ॥ २२२॥
do.—nāhiṁ ta hama kahuṁ sunahu sakhi inha kara darasanu dūri.
yaha saṁghaṭu taba hoi jaba punya purākṛta bhūri.. 222..
609 of 1109
बोली अपर कहेहु सखि नीका।
एहिं बिआह अति हित सबही का॥
कोउ कह संकर चाप कठोरा।
ए स्यामल मृदु गात किसोरा॥
bolī apara kahehu sakhi nīkā.
ehiṁ biāha ati hita sabahī kā..
kou kaha saṁkara cāpa kaṭhorā.
e syāmala mṛdu gāta kisorā..
610 of 1109
सबु असमंजस अहइ सयानी।
यह सुनि अपर कहइ मृदु बानी॥
सखि इन्ह कहँ कोउ कोउ अस कहहीं।
बड़ प्रभाउ देखत लघु अहहीं॥
sabu asamaṁjasa ahai sayānī.
yaha suni apara kahai mṛdu bānī..
sakhi inha kahaṁ kou kou asa kahahīṁ.
baṛa prabhāu dekhata laghu ahahīṁ..
611 of 1109
परसि जासु पद पंकज धूरी।
तरी अहल्या कृत अघ भूरी॥
सो कि रहिहि बिनु सिव धनु तोरें।
यह प्रतीति परिहरिअ न भोरें॥
parasi jāsu pada paṁkaja dhūrī.
tarī ahalyā kṛta agha bhūrī..
so ki rahihi binu siva dhanu toreṁ.
yaha pratīti pariharia na bhoreṁ..
612 of 1109
जेहिं बिरंचि रचि सीय सँवारी।
तेहिं स्यामल बरु रचेउ बिचारी॥
तासु बचन सुनि सब हरषानीं।
ऐसेइ होउ कहहिं मृदु बानीं॥
jehiṁ biraṁci raci sīya sam̐vārī.
tehiṁ syāmala baru raceu bicārī..
tāsu bacana suni saba haraṣānīṁ.
aisei hou kahahiṁ mṛdu bānīṁ..
613 of 1109
दो०—हियँ हरषहिं बरषहिं सुमन सुमुखि सुलोचनि बृंद।
जाहिं जहाँ जहँ बंधु दोउ तहँ तहँ परमानंद ॥ २२३॥
do.—hiyaṁ haraṣahiṁ baraṣahiṁ sumana sumukhi sulocani bṛṁda.
jāhiṁ jahāṁ jahaṁ baṁdhu dou tahaṁ tahaṁ paramānaṁda.. 223..
614 of 1109
पुर पूरब दिसि गे दोउ भाई।
जहँ धनुमख हित भूमि बनाई॥
अति बिस्तार चारु गच ढारी।
बिमल बेदिका रुचिर सँवारी॥
pura pūraba disi ge dou bhāī.
jahaṁ dhanumakha hita bhūmi banāī..
ati bistāra cāru gaca ḍhārī.
bimala bedikā rucira sam̐vārī..
615 of 1109
चहुँ दिसि कंचन मंच बिसाला।
रचे जहाँ बैठहिं महिपाला॥
तेहि पाछें समीप चहुँ पासा।
अपर मंच मंडली बिलासा॥
cahuṁ disi kaṁcana maṁca bisālā.
race jahāṁ baiṭhahiṁ mahipālā..
tehi pāchen samīpa cahuṁ pāsā.
apara maṁca maṁḍalī bilāsā..
616 of 1109
कछुक ऊँचि सब भाँति सुहाई।
बैठहिं नगर लोग जहँ जाई॥
तिन्ह के निकट बिसाल सुहाए।
धवल धाम बहुबरन बनाए॥
kachuka ūṁci saba bhāṁti suhāī.
baiṭhahiṁ nagara loga jahaṁ jāī..
tinha ke nikaṭa bisāla suhāe.
dhavala dhāma bahubarana banāe..
617 of 1109
जहँ बैठें देखहिं सब नारी।
जथाजोगु निज कुल अनुहारी॥
पुर बालक कहि कहि मृदु बचना।
सादर प्रभुहि देखावहिं रचना॥
jahaṁ baiṭheṁ dekhahiṁ saba nārī.
jathājogu nija kula anuhārī..
pura bālaka kahi kahi mṛdu bacanā.
sādara prabhuhi dekhāvahiṁ racanā..
618 of 1109
दो०—सब सिसु एहि मिस प्रेमबस परसि मनोहर गात।
तन पुलकहिं अति हरषु हियँ देखि देखि दोउ भ्रात ॥ २२४॥
do.—saba sisu ehi misa premabasa parasi manohara gāta.
tana pulakahiṁ ati haraṣu hiyaṁ dekhi dekhi dou bhrāta.. 224..
619 of 1109
सिसु सब राम प्रेमबस जाने।
प्रीति समेत निकेत बखाने॥
निज निज रुचि सब लेहिं बोलाई।
सहित सनेह जाहिं दोउ भाई॥
sisu saba rāma premabasa jāne.
prīti sameta niketa bakhāne..
nija nija ruci saba lehiṁ bolāī.
sahita saneha jāhiṁ dou bhāī..
620 of 1109
राम देखावहिं अनुजहि रचना।
कहि मृदु मधुर मनोहर बचना॥
लव निमेष महुँ भुवन निकाया।
रचइ जासु अनुसासन माया॥
rāma dekhāvahiṁ anujahi racanā.
kahi mṛdu madhura manohara bacanā..
lava nimeṣa mahuṁ bhuvana nikāyā.
racai jāsu anusāsana māyā..
621 of 1109
भगति हेतु सोइ दीनदयाला।
चितवत चकित धनुष मखसाला॥
कौतुक देखि चले गुरु पाहीं।
जानि बिलंबु त्रास मन माहीं॥
bhagati hetu soi dīnadayālā.
citavata cakita dhanuṣa makhasālā..
kautuka dekhi cale guru pāhīṁ.
jāni bilaṁbu trāsa mana māhīṁ..
622 of 1109
जासु त्रास डर कहुँ डर होई।
भजन प्रभाउ देखावत सोई॥
कहि बातें मृदु मधुर सुहाई।
किए बिदा बालक बरिआई॥
jāsu trāsa ḍara kahuṁ ḍara hoī.
bhajana prabhāu dekhāvata soī..
kahi bāteṁ mṛdu madhura suhāī.
kie bidā bālaka bariāī..
623 of 1109
दो०—सभय सप्रेम बिनीत अति सकुच सहित दोउ भाइ।
गुर पद पंकज नाइ सिर बैठे आयसु पाइ ॥ २२५॥
do.—sabhaya saprema binīta ati sakuca sahita dou bhāi.
gura pada paṁkaja nāi sira baiṭhe āyasu pāi.. 225..
624 of 1109
निसि प्रबेस मुनि आयसु दीन्हा।
सबहीं संध्याबंदनु कीन्हा॥
कहत कथा इतिहास पुरानी।
रुचिर रजनि जुग जाम सिरानी॥
nisi prabesa muni āyasu dīnhā.
sabahīṁ saṁdhyābaṁdanu kīnhā..
kahata kathā itihāsa purānī.
rucira rajani juga jāma sirānī..
625 of 1109
मुनिबर सयन कीन्हि तब जाई।
लगे चरन चापन दोउ भाई॥
जिन्ह के चरन सरोरुह लागी।
करत बिबिध जप जोग बिरागी॥
munibara sayana kīnhi taba jāī.
lage carana cāpana dou bhāī..
jinha ke carana saroruha lāgī.
karata bibidha japa joga birāgī..
626 of 1109
तेइ दोउ बंधु प्रेम जनु जीते।
गुर पद कमल पलोटत प्रीते॥
बार बार मुनि अग्या दीन्ही।
रघुबर जाइ सयन तब कीन्ही॥
tei dou baṁdhu prema janu jīte.
gura pada kamala paloṭata prīte..
bāra bāra muni agyā dīnhī.
raghubara jāi sayana taba kīnhī..
627 of 1109
चापत चरन लखनु उर लाएँ।
सभय सप्रेम परम सचु पाएँ॥
पुनि पुनि प्रभु कह सोवहु ताता।
पौढ़े धरि उर पद जलजाता॥
cāpata carana lakhanu ura lāen.
sabhaya saprema parama sacu pāen..
puni puni prabhu kaha sovahu tātā.
pauṛhe dhari ura pada jalajātā..
628 of 1109
दो०—उठे लखनु निसि बिगत सुनि अरुनसिखा धुनि कान।
गुर तें पहिलेहिं जगतपति जागे रामु सुजान ॥ २२६॥
do.—uṭhe lakhanu nisi bigata suni arunasikhā dhuni kāna.
gura teṁ pahilehiṁ jagatapati jāge rāmu sujāna.. 226..
629 of 1109
सकल सौच करि जाइ नहाए।
नित्य निबाहि मुनिहि सिर नाए॥
समय जानि गुर आयसु पाई।
लेन प्रसून चले दोउ भाई॥
sakala saucha kari jāi nahāe.
nitya nibāhi munihi sira nāe..
samaya jāni gura āyasu pāī.
lena prasūna cale dou bhāī..
630 of 1109
भूप बागु बर देखेउ जाई।
जहँ बसंत रितु रही लोभाई॥
लागे बिटप मनोहर नाना।
बरन बरन बर बेलि बिताना॥
bhūpa bāgu bara dekheu jāī.
jahaṁ basaṁta ritu rahī lobhāī..
lāge biṭapa manohara nānā.
barana barana bara beli bitānā..
631 of 1109
नव पल्लव फल सुमन सुहाए।
निज संपति सुर रूख लजाए॥
चातक कोकिल कीर चकोरा।
कूजत बिहग नटत कल मोरा॥
nava pallava phala sumana suhāe.
nija saṁpati sura rūkha lajāe..
cātaka kokila kīra cakorā.
kūjata bihaga naṭata kala morā..
632 of 1109
मध्य बाग सरु सोह सुहावा।
मनि सोपान बिचित्र बनावा॥
बिमल सलिलु सरसिज बहुरंगा।
जलखग कूजत गुंजत भृंगा॥
madhya bāga saru soha suhāvā.
mani sopāna bicitra banāvā..
bimala salilu sarasija bahuraṁgā.
jalakhaga kūjata guṁjata bhṛṁgā..
633 of 1109
दो०—बागु तड़ागु बिलोकि प्रभु हरषे बंधु समेत।
परम रम्य आरामु यहु जो रामहि सुख देत ॥ २२७॥
do.—bāgu taṛāgu biloki prabhu haraṣe baṁdhu sameta.
parama ramya ārāmu yahu jo rāmahi sukha deta.. 227..
634 of 1109
चहुँ दिसि चितइ पूँछि मालीगन।
लगे लेन दल फूल मुदित मन॥
तेहि अवसर सीता तहँ आई।
गिरिजा पूजन जननि पठाई॥
cahuṁ disi citai pūṁchi mālīgana.
lage lena dala phūla mudita mana..
tehi avasara sītā tahaṁ āī.
girijā pūjana janani paṭhāī..
635 of 1109
संग सखीं सब सुभग सयानीं।
गावहिं गीत मनोहर बानीं॥
सर समीप गिरिजा गृह सोहा।
बरनि न जाइ देखि मनु मोहा॥
saṁga sakhīṁ saba subhaga sayānīṁ.
gāvahiṁ gīta manohara bānīṁ..
sara samīpa girijā gṛha sohā.
barani na jāi dekhi manu mohā..
636 of 1109
मज्जनु करि सर सखिन्ह समेता।
गई मुदित मन गौरि निकेता॥
पूजा कीन्हि अधिक अनुरागा।
निज अनुरूप सुभग बरु मागा॥
majjanu kari sara sakhinha sametā.
gaī mudita mana gauri niketā..
pūjā kīnhi adhika anurāgā.
nija anurūpa subhaga baru māgā..
637 of 1109
एक सखी सिय संगु बिहाई।
गई रही देखन फुलवाई॥
तेहिं दोउ बंधु बिलोके जाई।
प्रेम बिबस सीता पहिं आई॥
eka sakhī siya saṁgu bihāī.
gaī rahī dekhana phulavāī..
tehiṁ dou baṁdhu biloke jāī.
prema bibasa sītā pahiṁ āī..
638 of 1109
दो०—तासु दसा देखी सखिन्ह पुलक गात जलु नैन।
कहु कारनु निज हरष कर पूछहिं सब मृदु बैन ॥ २२८॥
do.—tāsu dasā dekhī sakhinha pulaka gāta jalu naina.
kahu kāranu nija haraṣa kara pūchahiṁ saba mṛdu baina.. 228..
639 of 1109
देखन बागु कुअँर दुइ आए।
बय किसोर सब भाँति सुहाए॥
स्याम गौर किमि कहौं बखानी।
गिरा अनयन नयन बिनु बानी॥
dekhana bāgu kuaṁr dui āe.
baya kisora saba bhāṁti suhāe..
syāma gaura kimi kahauṁ bakhānī.
girā anayana nayana binu bānī..
640 of 1109
सुनि हरषीं सब सखीं सयानी।
सिय हियँ अति उतकंठा जानी॥
एक कहइ नृपसुत तेइ आली।
सुने जे मुनि सँग आए काली॥
suni haraṣīṁ saba sakhīṁ sayānī.
siya hiyaṁ ati utakaṁṭhā jānī..
eka kahai nṛpasuta tei ālī.
sune je muni saṁga āe kālī..
641 of 1109
जिन्ह निज रूप मोहनी डारी।
कीन्हे स्वबस नगर नर नारी॥
बरनत छबि जहँ तहँ सब लोगू।
अवसि देखिअहिं देखन जोगू॥
jinha nija rūpa mohanī ḍārī.
kīnhe svabasa nagara nara nārī..
baranata chabi jahaṁ tahaṁ saba logū.
avasi dekhiahiṁ dekhana jogū..
642 of 1109
तासु बचन अति सियहि सोहाने।
दरस लागि लोचन अकुलाने॥
चली अग्र करि प्रिय सखि सोई।
प्रीति पुरातन लखइ न कोई॥
tāsu bacana ati siyahi sohāne.
darasa lāgi locana akulāne..
calī agra kari priya sakhi soī.
prīti purātana lakhai na koī..
643 of 1109
दो०—सुमिरि सीय नारद बचन उपजी प्रीति पुनीत।
चकित बिलोकति सकल दिसि जनु सिसु मृगी सभीत ॥ २२९॥
do.—sumiri sīya nārada bacana upajī prīti punīta.
cakita bilokati sakala disi janu sisu mṛgī sabhīta.. 229..
644 of 1109
कंकन किंकिनि नूपुर धुनि सुनि।
कहत लखन सन रामु हृदयँ गुनि॥
मानहुँ मदन दुंदुभी दीन्ही।
मनसा बिस्व बिजय कहँ कीन्ही॥
kaṁkana kiṁkini nūpura dhuni suni.
kahata lakhana sana rāmu hṛdayaṁ guni..
mānahuṁ madana duṁdubhī dīnhī.
manasā bisva bijaya kahaṁ kīnhī..
645 of 1109
अस कहि फिरि चितए तेहि ओरा।
सिय मुख ससि भए नयन चकोरा॥
भए बिलोचन चारु अचंचल।
मनहुँ सकुचि निमि तजे दिगंचल॥
asa kahi phiri citae tehi orā.
siya mukha sasi bhae nayana cakorā..
bhae bilocana cāru acaṁcala.
manahuṁ sakuci nimi taje digaṁcala..
646 of 1109
देखि सीय सोभा सुखु पावा।
हृदयँ सराहत बचनु न आवा॥
जनु बिरंचि सब निज निपुनाई।
बिरचि बिस्व कहँ प्रगटि देखाई॥
dekhi sīya sobhā sukhu pāvā.
hṛdayaṁ sarāhata bacanu na āvā..
janu biraṁci saba nija nipunāī.
biraci bisva kahaṁ pragaṭi dekhāī..
647 of 1109
सुंदरता कहुँ सुंदर करई।
छबिगृहँ दीपसिखा जनु बरई॥
सब उपमा कबि रहे जुठारी।
केहिं पटतरौं बिदेहकुमारी॥
suṁdaratā kahuṁ suṁdara karaī.
chabigṛhaṁ dīpasikhā janu baraī..
saba upamā kabi rahe juṭhārī.
kehiṁ paṭatarauṁ bidehakumārī..
648 of 1109
दो०—सिय सोभा हियँ बरनि प्रभु आपनि दसा बिचारि।
बोले सुचि मन अनुज सन बचन समय अनुहारि ॥ २३०॥
do.—siya sobhā hiyaṁ barani prabhu āpani dasā bicāri.
bole suci mana anuja sana bacana samaya anuhāri.. 230..
649 of 1109
तात जनकतनया यह सोई।
धनुषजग्य जेहि कारन होई॥
पूजन गौरि सखीं लै आई।
करत प्रकासु फिरइ फुलवाई॥
tāta janakatanayā yaha soī.
dhanuṣajagya jehi kārana hoī..
pūjana gauri sakhīṁ lai āī.
karata prakāsu phirai phulavāī..
650 of 1109
जासु बिलोकि अलौकिक सोभा।
सहज पुनीत मोर मनु छोभा॥
सो सबु कारन जान बिधाता।
फरकहिं सुभद अंग सुनु भ्राता॥
jāsu biloki alaukika sobhā.
sahaja punīta mora manu chobhā..
so sabu kārana jāna bidhātā.
pharakahiṁ subhada aṁga sunu bhrātā..
651 of 1109
रघुबंसिन्ह कर सहज सुभाऊ।
मनु कुपंथ पगु धरइ न काऊ॥
मोहि अतिसय प्रतीति मन केरी।
जेहिं सपनेहुँ परनारि न हेरी॥
raghubaṁsinha kara sahaja subhāū.
manu kupaṁtha pagu dharai na kāū..
mohi atisaya pratīti mana kerī.
jehiṁ sapanehuṁ paranāri na herī..
652 of 1109
जिन्ह कै लहहिं न रिपु रन पीठी।
नहिं पावहिं परतिय मनु डीठी॥
मंगन लहहिं न जिन्ह कै नाहीं।
ते नरबर थोरे जग माहीं॥
jinha kai lahahiṁ na ripu rana pīṭhī.
nahiṁ pāvahiṁ paratiya manu ḍīṭhī..
maṁgana lahahiṁ na jinha kai nāhīṁ.
te narabara thore jaga māhīṁ..
653 of 1109
दो०—करत बतकही अनुज सन मन सिय रूप लोभान।
मुख सरोज मकरंद छबि करइ मधुप इव पान ॥२३१॥
Do—Karat batakahī anuj san man siya rūp lobhān,
mukh saroj makarand chhabi karai madhup iva pān. (231)
654 of 1109
चितवति चकित चहूँ दिसि सीता।
कहँ गए नृपकिसोर मनु चिंता॥
जहँ बिलोक मृग सावक नैनी।
जनु तहँ बरिस कमल सित श्रेनी॥
Chitavati chakit chahūṅ disi Sītā,
kahaṅ gae nṛipakisor manu chintā.
Jahaṅ bilok mṛig sāvak nainī,
janu tahaṅ baris kamal sit shrenī.
655 of 1109
लता ओट तब सखिन्ह लखाए।
स्यामल गौर किसोर सुहाए॥
देखि रूप लोचन ललचाने।
हरषे जनु निज निधि पहिचाने॥
Latā oṭ tab sakhinha lakhāe,
syāmal gaur kisor suhāe.
Dekhi rūp lochan lalachāne,
haraṣe janu nij nidhi pahichāne.
656 of 1109
थके नयन रघुपति छबि देखें।
पलकन्हिहूँ परिहरीं निमेषें॥
अधिक सनेहँ देह भै भोरी।
सरद ससिहि जनु चितव चकोरी॥
Thake nayan Raghupati chhabi dekheṅ,
palakanhihūṅ pariharīṅ nimeṣeṅ.
Adhik sanehaṅ deh bhai bhorī,
sarad sasihi janu chitav chakorī.
657 of 1109
लोचन मग रामहि उर आनी।
दीन्हे पलक कपाट सयानी॥
जब सिय सखिन्ह प्रेमबस जानी।
कहि न सकहिं कछु मन सकुचानी॥
Lochan mag Rāmahi ur ānī,
dīnhe palak kapāṭ sayānī.
Jab siya sakhinha premabas jānī,
kahi na sakahiṅ kachhu man sakuchānī.
658 of 1109
दो०—लताभवन तें प्रगट भे तेहि अवसर दोउ भाइ।
निकसे जनु जुग बिमल बिधु जलद पटल बिलगाइ ॥२३२॥
Do—Latābhavan teṅ pragaṭ bhe tehi avasar dou bhāi,
nikase janu jug bimal bidhu jalad paṭal bilagāi. (232)
659 of 1109
सोभा सीवँ सुभग दोउ बीरा।
नील पीत जलजाभ सरीरा॥
मोरपंख सिर सोहत नीके।
गुच्छ बीच बिच कुसुम कली के॥
Sobhā sīvaṅ subhag dou bīrā,
nīl pīt jalajābh sarīrā.
Morapankh sir sohat nīke,
guchchha bīch bich kusum kalī ke.
660 of 1109
भाल तिलक श्रमबिंदु सुहाए।
श्रवन सुभग भूषन छबि छाए॥
बिकट भृकुटि कच घूघरवारे।
नव सरोज लोचन रतनारे॥
Bhāl tilak shramabindu suhāe,
shravan subhag bhūṣan chhabi chhāe.
Bikaṭ bhṛikuṭi kach ghūgharavāre,
nav saroj lochan ratanāre.
661 of 1109
चारु चिबुक नासिका कपोला।
हास बिलास लेत मनु मोला॥
मुखछबि कहि न जाइ मोहि पाहीं।
जो बिलोकि बहु काम लजाहीं॥
Chāru chibuk nāsikā kapolā,
hās bilās let manu molā.
Mukhachhabi kahi na jāi mohi pāhīṅ,
jo bilok bahu kām lajāhīṅ.
662 of 1109
उर मनि माल कंबु कल गीवा।
काम कलभ कर भुज बलसींवा॥
सुमन समेत बाम कर दोना।
सावँर कुअँर सखी सुठि लोना॥
Ur mani māl kambu kal gīvā,
kām kalabh kar bhuj balasīṅvā.
Suman samet bām kar donā,
sāvaṅr kuaṅr sakhī suṭhi lonā.
663 of 1109
दो०—केहरि कटि पट पीत धर सुषमा सील निधान।
देखि भानुकुलभूषनहि बिसरा सखिन्ह अपान ॥२३३॥
Do—Kehari kaṭi paṭ pīt dhar suṣamā sīl nidhān,
dekhi Bhānukulabhūṣanahi bisarā sakhinha apān. (233)
664 of 1109
धरि धीरजु एक आलि सयानी।
सीता सन बोली गहि पानी॥
बहुरि गौरि कर ध्यान करेहू।
भूपकिसोर देखि किन लेहू॥
Dhari dhīraju ek āli sayānī,
Sītā san bolī gahi pānī.
Bahuri Gauri kar dhyān karehū,
bhūpakisor dekhi kin lehū.
665 of 1109
सकुचि सीयँ तब नयन उघारे।
सनमुख दोउ रघुसिंघ निहारे॥
नख सिख देखि राम कै सोभा।
सुमिरि पिता पनु मनु अति छोभा॥
Sakuchi sīyaṅ tab nayan ughāre,
sanamukh dou Raghusiṅgh nihāre.
Nakh sikh dekhi Rām kai sobhā,
sumiri pitā panu manu ati chhobhā.
666 of 1109
परबस सखिन्ह लखी जब सीता।
भयउ गहरु सब कहहिं सभीता॥
पुनि आउब एहि बेरिआँ काली।
अस कहि मन बिहसी एक आली॥
Parabas sakhinha lakhī jab Sītā,
bhayau gaharu sab kahahiṅ sabhītā.
Puni āub ehi beriāṅ kālī,
as kahi man bihasī ek ālī.
667 of 1109
गूढ़ गिरा सुनि सिय सकुचानी।
भयउ बिलंबु मातु भय मानी॥
धरि बड़ि धीर रामु उर आने।
फिरी अपनपउ पितुबस जाने॥
Gūḍh girā suni siya sakuchānī,
bhayau bilambu mātu bhay mānī.
Dhari baḍi dhīr Rāmu ur āne,
phirī apanapau pitubas jāne.
668 of 1109
दो०—देखन मिस मृग बिहग तरु फिरइ बहोरि बहोरि।
निरखि निरखि रघुबीर छबि बाढ़इ प्रीति न थोरि ॥२३४॥
Do—Dekhan mis mṛig bihag taru phirai bahori bahori,
nirakhi nirakhi Raghubīr chhabi bāḍhai prīti na thori. (234)
669 of 1109
जानि कठिन सिवचाप बिसूरति।
चली राखि उर स्यामल मूरति॥
प्रभु जब जात जानकी जानी।
सुख सनेह सोभा गुन खानी॥
Jāni kaṭhin sivachāp bisūrati,
chalī rākhi ur syāmal mūrati.
Prabhu jab jāt Jānakī jānī,
sukh saneh sobhā gun khānī.
670 of 1109
परम प्रेममय मृदु मसि कीन्ही।
चारु चित्त भीतीं लिखि लीन्ही॥
गई भवानी भवन बहोरी।
बंदि चरन बोली कर जोरी॥
Param premamay mṛidu masi kīnhī,
chāru chitta bhītīṅ likhi līnhī.
Gaī Bhavānī bhavan bahorī,
bandi charan bolī kar jorī.
671 of 1109
जय जय गिरिबरराज किसोरी।
जय महेस मुख चंद चकोरी॥
जय गजबदन षडानन माता।
जगत जननि दामिनि दुति गाता॥
Jay jay giribararāj kisorī,
jay Mahes mukh chand chakorī.
Jay gajabadan ṣaḍānan mātā,
jagat janani dāmini duti gātā.
672 of 1109
नहिं तव आदि मध्य अवसाना।
अमित प्रभाउ बेदु नहिं जाना॥
भव भव बिभव पराभव कारिनि।
बिस्व बिमोहनि स्वबस बिहारिनि॥
Nahiṅ tav ādi madhya avasānā,
amit prabhāu bedu nahiṅ jānā.
Bhav bhav bibhav parābhav kārini,
bisva bimohani swabas bihārini.
673 of 1109
दो०—पतिदेवता सुतीय महुँ मातु प्रथम तव रेख।
महिमा अमित न सकहिं कहि सहस सारदा सेष ॥२३५॥
Do—Patidevatā sutīya mahuṅ mātu pratham tav rekh,
mahimā amit na sakahiṅ kahi sahas Sāradā Seṣ. (235)
674 of 1109
सेवत तोहि सुलभ फल चारी।
बरदायनी पुरारि पिआरी॥
देबि पूजि पद कमल तुम्हारे।
सुर नर मुनि सब होहिं सुखारे॥
Sevat tohi sulabh phal chārī,
baradāyanī Purāri piārī.
Debi pūji pad kamal tumhāre,
sur nar muni sab hohiṅ sukhāre.
675 of 1109
मोर मनोरथु जानहु नीकें।
बसहु सदा उर पुर सबही कें॥
कीन्हेउँ प्रगट न कारन तेहीं।
अस कहि चरन गहे बैदेहीं॥
Mor manorathu jānahu nīkeṅ,
basahu sadā ur pur sabahī keṅ.
Kīnheuṅ pragaṭ na kāran tehīṅ,
as kahi charan gahe Baidehīṅ.
676 of 1109
बिनय प्रेम बस भई भवानी।
खसी माल मूरति मुसुकानी॥
सादर सियँ प्रसादु सिर धरेऊ।
बोली गौरि हरषु हियँ भरेऊ॥
Binay prem bas bhaī Bhavānī,
khasī māl mūrati musukānī.
Sādar siyaṅ prasādu sir dhareū,
bolī Gauri haraṣu hiyaṅ bhareū.
677 of 1109
सुनु सिय सत्य असीस हमारी।
पूजिहि मन कामना तुम्हारी॥
नारद बचन सदा सुचि साचा।
सो बरु मिलिहि जाहिं मनु राचा॥
Sunu siya satya asīs hamārī,
pūjihi man kāmanā tumhārī.
Nārad bachan sadā suchi sāchā,
so baru milihi jāhiṅ manu rāchā.
678 of 1109
छं०—मनु जाहिं राचेउ मिलिहि सो बरु सहज सुंदर साँवरो।
करुना निधान सुजान सीलु सनेहु जानत रावरो॥
एहि भाँति गौरि असीस सुनि सिय सहित हियँ हरषीं अली।
तुलसी भवानिहि पूजि पुनि पुनि मुदित मन मंदिर चली॥
Chha—Manu jāhiṅ rācheu milihi so baru sahaj sundar sāṅvaro,
karunā nidhān sujān sīlu sanehu jānat rāvaro.
Ehi bhāṅti Gauri asīs suni siya sahit hiyaṅ haraṣīṅ alī,
Tulasī Bhavānihi pūji puni puni mudit man mandir chalī.
679 of 1109
सो०—जानि गौरि अनुकूल सिय हिय हरषु न जाइ कहि।
मंजुल मंगल मूल बाम अंग फरकन लगे ॥२३६॥
So—Jāni Gauri anukūl siya hiy haraṣu na jāi kahi,
manjul mangal mūl bām ang pharakan lage. (236)
680 of 1109
हृदयँ सराहत सीय लोनाई।
गुर समीप गवने दोउ भाई॥
राम कहा सबु कौसिक पाहीं।
सरल सुभाउ छुअत छल नाहीं॥
Hṛidayaṅ sarāhat sīya lonāī,
gur samīp gavane dou bhāī.
Rām kahā sabu Kausik pāhīṅ,
saral subhāu chhuat chhal nāhīṅ.
681 of 1109
सुमन पाइ मुनि पूजा कीन्ही।
पुनि असीस दुहु भाइन्ह दीन्ही॥
सुफल मनोरथ होहु तुम्हारे।
रामु लखनु सुनि भए सुखारे॥
Suman pāi muni pūjā kīnhī,
puni asīs duhu bhāinha dīnhī.
Suphal manorath hohu tumhāre,
Rāmu Lakhanu suni bhae sukhāre.
682 of 1109
करि भोजनु मुनिबर बिग्यानी।
लगे कहन कछु कथा पुरानी॥
बिगत दिवसु गुरु आयसु पाई।
संध्या करन चले दोउ भाई॥
Kari bhojanu munibar bigyānī,
lage kahan kachhu kathā purānī.
Bigat divasu guru āyasu pāī,
sandhyā karan chale dou bhāī.
683 of 1109
प्राची दिसि ससि उयउ सुहावा।
सिय मुख सरिस देखि सुखु पावा॥
बहुरि बिचारु कीन्ह मन माहीं।
सीय बदन सम हिमकर नाहीं॥
Prāchī disi sasi uyau suhāvā,
siya mukh saris dekhi sukhu pāvā.
Bahuri bichāru kīnha man māhīṅ,
sīya badan sam himakar nāhīṅ.
684 of 1109
दो०—जनमु सिंधु पुनि बंधु बिषु दिन मलीन सकलंक।
सिय मुख समता पाव किमि चंदु बापुरो रंक ॥२३७॥
Do—Janamu sindhu puni bandhu biṣu din malīn sakalank,
siya mukh samatā pāv kimi chandu bāpuro rank. (237)
685 of 1109
घटइ बढ़इ बिरहिनि दुखदाई।
ग्रसइ राहु निज संधिहिं पाई॥
कोक सोकप्रद पंकज द्रोही।
अवगुन बहुत चंद्रमा तोही॥
Ghaṭai baḍhai birahini dukhadāī,
grasai Rāhu nij sandhihiṅ pāī.
Kok sokaprad pankaj drohī,
avagun bahut Chandramā tohī.
686 of 1109
बैदेही मुख पटतर दीन्हे।
होइ दोषु बड़ अनुचित कीन्हे॥
सिय मुखछबि बिधु ब्याज बखानी।
गुर पहिं चले निसा बड़ि जानी॥
Baidehī mukh paṭatar dīnhe,
hoi doṣu baḍ anuchit kīnhe.
Siya mukhachhabi bidhu byāj bakhānī,
gur pahiṅ chale nisā baḍi jānī.
687 of 1109
करि मुनि चरन सरोज प्रनामा।
आयसु पाइ कीन्ह बिश्रामा॥
बिगत निसा रघुनायक जागे।
बंधु बिलोकि कहन अस लागे॥
Kari muni charan saroj pranāmā,
āyasu pāi kīnha bishrāmā.
Bigat nisā Raghunāyak jāge,
bandhu bilok kahan as lāge.
688 of 1109
उयउ अरुन अवलोकहु ताता।
पंकज कोक लोक सुखदाता॥
बोले लखनु जोरि जुग पानी।
प्रभु प्रभाउ सूचक मृदु बानी॥
Uyau arun avalokahu tātā,
pankaj kok lok sukhadātā.
Bole Lakhanu jori jug pānī,
prabhu prabhāu sūchak mṛidu bānī.
689 of 1109
दो०—अरुनोदयँ सकुचे कुमुद उडगन जोति मलीन।
जिमि तुम्हार आगमन सुनि भए नृपति बलहीन ॥२३८॥
Do—Arunodayaṅ sakuche kumud uḍagan joti malīn,
jimi tumhār āgaman suni bhae nṛipati balahīn. (238)
690 of 1109
नृप सब नखत करहिं उजिआरी।
टारि न सकहिं चाप तम भारी॥
कमल कोक मधुकर खग नाना।
हरषे सकल निसा अवसाना॥
Nṛip sab nakhat karahiṅ ujiārī,
ṭāri na sakahiṅ chāp tam bhārī.
Kamal kok madhukar khag nānā,
haraṣe sakal nisā avasānā.
691 of 1109
ऐसेहिं प्रभु सब भगत तुम्हारे।
होइहहिं टूटें धनुष सुखारे॥
उयउ भानु बिनु श्रम तम नासा।
दुरे नखत जग तेजु प्रकासा॥
Aisehiṅ prabhu sab bhagat tumhāre,
hoihahiṅ ṭūṭeṅ dhanuṣ sukhāre.
Uyau bhānu binu shram tam nāsā,
dure nakhat jag teju prakāsā.
692 of 1109
रबि निज उदय ब्याज रघुराया।
प्रभु प्रतापु सब नृपन्ह दिखाया॥
तव भुज बल महिमा उदघाटी।
प्रगटी धनु बिघटन परिपाटी॥
Rabi nij uday byāj Raghurāyā,
prabhu pratāpu sab nṛipanha dikhāyā.
Tav bhuj bal mahimā udaghāṭī,
pragaṭī dhanu bighaṭan paripāṭī.
693 of 1109
बंधु बचन सुनि प्रभु मुसुकाने।
होइ सुचि सहज पुनीत नहाने॥
नित्यक्रिया करि गुरु पहिं आए।
चरन सरोज सुभग सिर नाए॥
Bandhu bachan suni prabhu musukāne,
hoi suchi sahaj punīt nahāne.
Nityakriyā kari guru pahiṅ āe,
charan saroj subhag sir nāe.
694 of 1109
सतानंदु तब जनक बोलाए।
कौसिक मुनि पहिं तुरत पठाए॥
जनक बिनय तिन्ह आइ सुनाई।
हरषे बोलि लिए दोउ भाई॥
Satānandu tab Janak bolāe,
Kausik muni pahiṅ turat paṭhāe.
Janak binay tinha āi sunāī,
haraṣe boli lie dou bhāī.
695 of 1109
दो०—सतानंद पद बंदि प्रभु बैठे गुर पहिं जाइ।
चलहु तात मुनि कहेउ तब पठवा जनक बोलाइ ॥२३९॥
Do—Satānand pad bandi prabhu baiṭhe gur pahiṅ jāi,
chalahu tāt muni kaheu tab paṭhavā Janak bolāi. (239)
696 of 1109
सीय स्वयंबरु देखिअ जाई।
ईसु काहि धौं देइ बड़ाई॥
लखन कहा जस भाजनु सोई।
नाथ कृपा तव जापर होई॥
Sīya swayaṃbaru dekhia jāī,
Īsu kāhi dhauṅ dei baḍāī.
Lakhan kahā jas bhājanu soī,
nāth kṛipā tav jāpar hoī.
697 of 1109
हरषे मुनि सब सुनि बर बानी।
दीन्हि असीस सबहिं सुखु मानी॥
पुनि मुनिबृंद समेत कृपाला।
देखन चले धनुषमख साला॥
Haraṣe muni sab suni bar bānī,
dīnhi asīs sabahiṅ sukhu mānī.
Puni munibṛind samet kṛipālā,
dekhan chale dhanuṣamakh sālā.
698 of 1109
रंगभूमि आए दोउ भाई।
असि सुधि सब पुरबासिन्ह पाई॥
चले सकल गृह काज बिसारी।
बाल जुबान जरठ नर नारी॥
Rangabhūmi āe dou bhāī,
asi sudhi sab purabāsinha pāī.
Chale sakal gṛih kāj bisārī,
bāl jubān jaraṭh nar nārī.
699 of 1109
देखी जनक भीर भै भारी।
सुचि सेवक सब लिए हँकारी॥
तुरत सकल लोगन्ह पहिं जाहू।
आसन उचित देहु सब काहू॥
Dekhī Janak bhīr bhai bhārī,
suchi sevak sab lie haṅkārī.
Turat sakal loganha pahiṅ jāhū,
āsan uchit dehu sab kāhū.
700 of 1109
दो०—कहि मृदु बचन बिनीत तिन्ह बैठारे नर नारि।
उत्तम मध्यम नीच लघु निज निज थल अनुहारि ॥२४०॥
Do—Kahi mṛidu bachan binīt tinha baiṭhāre nar nāri,
uttam madhyam nīch laghu nij nij thal anuhāri. (240)
701 of 1109
राजकुअँर तेहि अवसर आए।
मनहुँ मनोहरता तन छाए॥
गुन सागर नागर बर बीरा।
सुंदर स्यामल गौर सरीरा॥
Rājakuaṅr tehi avasar āe,
manahuṅ manoharatā tan chhāe.
Gun sāgar nāgar bar bīrā,
sundar syāmal gaur sarīrā.
702 of 1109
राज समाज बिराजत रूरे।
उडगन महुँ जनु जुग बिधु पूरे॥
जिन्ह कें रही भावना जैसी।
प्रभु मूरति तिन्ह देखी तैसी॥
Rāj samāj birājat rūre,
uḍagan mahuṅ janu jug bidhu pūre.
Jinha keṅ rahī bhāvanā jaisī,
prabhu mūrati tinha dekhī taisī.
703 of 1109
देखहिं रूप महा रनधीरा।
मनहुँ बीर रसु धरें सरीरा॥
डरे कुटिल नृप प्रभुहि निहारी।
मनहुँ भयानक मूरति भारी॥
Dekhahiṅ rūp mahā ranadhīrā,
manahuṅ bīr rasu dhareṅ sarīrā.
Ḍare kuṭil nṛip prabhuhi nihārī,
manahuṅ bhayānak mūrati bhārī.
704 of 1109
रहे असुर छल छोनिप बेषा।
तिन्ह प्रभु प्रगट काल सम देखा॥
पुरबासिन्ह देखे दोउ भाई।
नरभूषन लोचन सुखदाई॥
Rahe asur chhal chhonip beṣā,
tinha prabhu pragaṭ kāl sam dekhā.
Purabāsinha dekhe dou bhāī,
narabhūṣan lochan sukhadāī.
705 of 1109
दो०—नारि बिलोकहिं हरषि हियँ निज निज रुचि अनुरूप।
जनु सोहत सिंगार धरि मूरति परम अनूप ॥२४१॥
Do—Nāri bilokahiṅ haraṣi hiyaṅ nij nij ruchi anurūp,
janu sohat singār dhari mūrati param anūp. (241)
706 of 1109
बिदुषन्ह प्रभु बिराटमय दीसा।
बहु मुख कर पग लोचन सीसा॥
जनक जाति अवलोकहिं कैसें।
सजन सगे प्रिय लागहिं जैसें॥
Biduṣanha prabhu birāṭamay dīsā,
bahu mukh kar pag lochan sīsā.
Janak jāti avalokahiṅ kaiseṅ,
sajan sage priya lāgahiṅ jaiseṅ.
707 of 1109
सहित बिदेह बिलोकहिं रानी।
सिसु सम प्रीति न जाति बखानी॥
जोगिन्ह परम तत्त्वमय भासा।
सांत सुद्ध सम सहज प्रकासा॥
Sahit Bideh bilokahiṅ rānī,
sisu sam prīti na jāti bakhānī.
Joginha param tattvamay bhāsā,
sānt suddh sam sahaj prakāsā.
708 of 1109
हरिभगतन्ह देखे दोउ भ्राता।
इष्टदेव इव सब सुख दाता॥
रामहि चितव भायँ जेहि सीया।
सो सनेहु सुखु नहिं कथनीया॥
Haribhagatanha dekhe dou bhrātā,
iṣṭadev iva sab sukh dātā.
Rāmahi chitav bhāyaṅ jehi Sīyā,
so sanehu sukhu nahiṅ kathanīyā.
709 of 1109
उर अनुभवति न कहि सक सोऊ।
कवन प्रकार कहै कबि कोऊ॥
एहि बिधि रहा जाहि जस भाऊ।
तेहिं तस देखेउ कोसलराऊ॥
Ur anubhavati na kahi sak soū,
kavan prakār kahai kabi koū.
Ehi bidhi rahā jāhi jas bhāū,
tehiṅ tas dekheu Kosalarāū.
710 of 1109
दो०—राजत राज समाज महुँ कोसलराज किसोर।
सुंदर स्यामल गौर तन बिस्व बिलोचन चोर ॥२४२॥
Do—Rājat rāj samāj mahuṅ Kosalarāj kisor,
sundar syāmal gaur tan bisva bilochan chor. (242)
711 of 1109
सहज मनोहर मूरति दोऊ।
कोटि काम उपमा लघु सोऊ॥
सरद चंद निंदक मुख नीके।
नीरज नयन भावते जी के॥
Sahaj manohar mūrati doū,
koṭi kām upamā laghu soū.
Sarad chand nindak mukh nīke,
nīraj nayan bhāvate jī ke.
712 of 1109
चितवनि चारु मार मनु हरनी।
भावति हृदय जाति नहिं बरनी॥
कल कपोल श्रुति कुंडल लोला।
चिबुक अधर सुंदर मृदु बोला॥
Chitavani chāru mār manu haranī,
bhāvati hṛiday jāti nahiṅ baranī.
Kal kapol shruti kuṇḍal lolā,
chibuk adhar sundar mṛidu bolā.
713 of 1109
कुमुदबंधु कर निंदक हाँसा।
भृकुटी बिकट मनोहर नासा॥
भाल बिसाल तिलक झलकाहीं।
कच बिलोकि अलि अवलि लजाहीं॥
Kumudabandhu kar nindak hāṅsā,
bhṛikuṭī bikaṭ manohar nāsā.
Bhāl bisāl tilak jhalakāhīṅ,
kach bilok ali avali lajāhīṅ.
714 of 1109
पीत चौतनीं सिरन्हि सुहाईं।
कुसुम कलीं बिच बीच बनाईं॥
रेखें रुचिर कंबु कल गीवाँ।
जनु त्रिभुवन सुषमा की सीवाँ॥
Pīt chautanīṅ siranhi suhāīṅ,
kusum kalīṅ bich bīch banāīṅ.
Rekheṅ ruchir kambu kal gīvāṅ,
janu tribhuvan suṣamā kī sīvāṅ.
715 of 1109
दो०—कुंजर मनि कंठा कलित उरन्हि तुलसिका माल।
बृषभ कंध केहरि ठवनि बल निधि बाहु बिसाल ॥२४३॥
Do—Kunjar mani kaṇṭhā kalit uranhi tulasikā māl,
bṛiṣabh kandh kehari ṭhavani bal nidhi bāhu bisāl. (243)
716 of 1109
कटि तूनीर पीत पट बाँधें।
कर सर धनुष बाम बर काँधें॥
पीत जग्य उपबीत सुहाए।
नख सिख मंजु महाछबि छाए॥
Kaṭi tūnīr pīt paṭ bāṅdheṅ,
kar sar dhanuṣ bām bar kāṅdheṅ.
Pīt jagya upabīt suhāe,
nakh sikh manju mahāchhabi chhāe.
717 of 1109
देखि लोग सब भए सुखारे।
एकटक लोचन चलत न तारे॥
हरषे जनकु देखि दोउ भाई।
मुनि पद कमल गहे तब जाई॥
Dekhi log sab bhae sukhāre,
ekaṭak lochan chalat na tāre.
Haraṣe Janaku dekhi dou bhāī,
muni pad kamal gahe tab jāī.
718 of 1109
करि बिनती निज कथा सुनाई।
रंग अवनि सब मुनिहि देखाई॥
जहँ जहँ जाहिं कुअँर बर दोऊ।
तहँ तहँ चकित चितव सबु कोऊ॥
Kari binatī nij kathā sunāī,
rang avani sab munihi dekhāī.
Jahaṅ jahaṅ jāhiṅ kuaṅr bar doū,
tahaṅ tahaṅ chakit chitav sabu koū.
719 of 1109
निज निज रुख रामहि सबु देखा।
कोउ न जान कछु मरमु बिसेषा॥
भलि रचना मुनि नृप सन कहेऊ।
राजाँ मुदित महासुख लहेऊ॥
Nij nij rukh Rāmahi sabu dekhā,
kou na jān kachhu maramu biseṣā.
Bhali rachanā muni nṛip san kaheū,
rājāṅ mudit mahāsukh laheū.
720 of 1109
दो०—सब मंचन्ह तें मंचु एक सुंदर बिसद बिसाल।
मुनि समेत दोउ बंधु तहँ बैठारे महिपाल ॥२४४॥
Do—Sab manchanha teṅ manchu ek sundar bisad bisāl,
muni samet dou bandhu tahaṅ baiṭhāre mahipāl. (244)
721 of 1109
प्रभुहि देखि सब नृप हियँ हारे।
जनु राकेस उदय भएँ तारे॥
असि प्रतीति सब के मन माहीं।
राम चाप तोरब सक नाहीं॥
Prabhuhi dekhi sab nṛip hiyaṅ hāre,
janu rākes uday bhaeṅ tāre.
Asi pratīti sab ke man māhīṅ,
Rām chāp torab sak nāhīṅ.
722 of 1109
बिनु भंजेहुँ भव धनुषु बिसाला।
मेलिहि सीय राम उर माला॥
अस बिचारि गवनहु घर भाई।
जसु प्रतापु बलु तेजु गवाँई॥
Binu bhanjehuṅ bhav dhanuṣu bisālā,
melihi sīya Rām ur mālā.
As bichāri gavanahu ghar bhāī,
jasu pratāpu balu teju gavāṅī.
723 of 1109
बिहसे अपर भूप सुनि बानी।
जे अबिबेक अंध अभिमानी॥
तोरेहुँ धनुषु ब्याहु अवगाहा।
बिनु तोरें को कुअँरि बिआहा॥
Bihase apar bhūp suni bānī,
je abibek andh abhimānī.
Toreh dhanuṣu byāhu avagāhā,
binu toreṅ ko kuaṅri biāhā.
724 of 1109
एक बार कालउ किन होऊ।
सिय हित समर जितब हम सोऊ॥
यह सुनि अवर महिप मुसुकाने।
धरमसील हरिभगत सयाने॥
Ek bār kālau kin hoū,
siya hit samar jitab ham soū.
Yah suni avar mahip musukāne,
dharamasīl haribhagat sayāne.
725 of 1109
सो०—सीय बिआहबि राम गरब दूरि करि नृपन्ह के।
जीति को सक संग्राम दसरथ के रन बाँकुरे ॥२४५॥
So—Sīya biāhabi Rām garab dūri kari nṛipanha ke,
jīti ko sak sangrām Dasarath ke ran bāṅkure. (245)
726 of 1109
ब्यर्थ मरहु जनि गाल बजाई।
मन मोदकन्हि कि भूख बुताई॥
सिख हमारि सुनि परम पुनीता।
जगदंबा जानहु जियँ सीता॥
Byarth marahu jani gāl bajāī,
man modakanhi ki bhūkh butāī.
Sikh hamāri suni param punītā,
jagadambā jānahu jiyaṅ Sītā.
727 of 1109
जगत पिता रघुपतिहि बिचारी।
भरि लोचन छबि लेहु निहारी॥
सुंदर सुखद सकल गुन रासी।
ए दोउ बंधु संभु उर बासी॥
Jagat pitā Raghupatihi bichārī,
bhari lochan chhabi lehu nihārī.
Sundar sukhad sakal gun rāsī,
e dou bandhu Sambhu ur bāsī.
728 of 1109
सुधा समुद्र समीप बिहाई।
मृगजलु निरखि मरहु कत धाई॥
करहु जाइ जा कहुँ जोइ भावा।
हम तौ आजु जनम फलु पावा॥
Sudhā samudra samīp bihāī,
mṛigajalu nirakhi marahu kat dhāī.
Karahu jāi jā kahuṅ joi bhāvā,
ham tau āju janam phalu pāvā.
729 of 1109
अस कहि भले भूप अनुरागे।
रूप अनूप बिलोकन लागे॥
देखहिं सुर नभ चढ़े बिमाना।
बरषहिं सुमन करहिं कल गाना॥
As kahi bhale bhūp anurāge,
rūp anūp bilokan lāge.
Dekhahiṅ sur nabh chaḍhe bimānā,
baraṣahiṅ suman karahiṅ kal gānā.
730 of 1109
दो०—जानि सुअवसरु सीय तब पठई जनक बोलाइ।
चतुर सखीं सुंदर सकल सादर चलीं लवाइ ॥२४६॥
Do—Jāni suavasaru Sīya tab paṭhaī Janak bolāi,
chatur sakhīṅ sundar sakal sādar chalīṅ lavāi. (246)
731 of 1109
सिय सोभा नहिं जाइ बखानी।
जगदंबिका रूप गुन खानी॥
उपमा सकल मोहि लघु लागीं।
प्राकृत नारि अंग अनुरागीं॥
Siya sobhā nahiṅ jāi bakhānī,
jagadambikā rūp gun khānī.
Upamā sakal mohi laghu lāgīṅ,
prākṛit nāri ang anurāgīṅ.
732 of 1109
सिय बरनिअ तेइ उपमा देई।
कुकबि कहाइ अजसु को लेई॥
जौं पटतरिअ तीय सम सीया।
जग असि जुबति कहाँ कमनीया॥
Siya barania tei upamā deī,
kukabi kahāi ajasu ko leī.
Jauṅ paṭataria tīya sam Sīyā,
jag asi jubati kahāṅ kamanīyā.
733 of 1109
गिरा मुखर तन अरध भवानी।
रति अति दुखित अतनु पति जानी॥
बिष बारुनी बंधु प्रिय जेही।
कहिअ रमासम किमि बैदेही॥
Girā mukhar tan aradh Bhavānī,
rati ati dukhit atanu pati jānī.
Biṣ bāruni bandhu priya jehī,
kahia Ramāsam kimi Baidehī.
734 of 1109
जौं छबि सुधा पयोनिधि होई।
परम रूपमय कच्छपु सोई॥
सोभा रजु मंदरु सिंगारू।
मथै पानि पंकज निज मारू॥
Jauṅ chhabi sudhā payonidhi hoī,
param rūpamay kachchhapu soī.
Sobhā raju mandaru siṅgārū,
mathai pāni pankaj nij mārū.
735 of 1109
दो०—एहि बिधि उपजै लच्छि जब सुंदरता सुख मूल।
तदपि सकोच समेत कबि कहहिं सीय समतूल ॥२४७॥
Do—Ehi bidhi upajai lachchhi jab sundaratā sukh mūl,
tadapi sakoch samet kabi kahahiṅ Sīya samatūl. (247)
736 of 1109
चलीं संग लै सखीं सयानी।
गावत गीत मनोहर बानी॥
सोह नवल तनु सुंदर सारी।
जगत जननि अतुलित छबि भारी॥
Chalīṅ sang lai sakhīṅ sayānī,
gāvat gīt manohar bānī.
Soh naval tanu sundar sārī,
jagat janani atulit chhabi bhārī.
737 of 1109
भूषन सकल सुदेस सुहाए।
अंग अंग रचि सखिन्ह बनाए॥
रंगभूमि जब सिय पगु धारी।
देखि रूप मोहे नर नारी॥
हरषि सुरन्ह दुंदुभीं बजाईं।
बरषि प्रसून अपछरा गाईं॥
पानि सरोज सोह जयमाला।
अवचट चितए सकल भुआला॥
सीय चकित चित रामहि चाहा।
भए मोहबस सब नरनाहा॥
मुनि समीप देखे दोउ भाई।
लगे ललकि लोचन निधि पाई॥
Bhūṣan sakal sudes suhāe,
aṅg aṅg rachi sakhinh banāe.
Raṅgabhūmi jab Siy pagu dhārī,
dekhi rūp mohe nar nārī.
Haraṣi suranh dundubhīṅ bajāīṅ,
baraṣi prasūn apachharā gāīṅ.
Pāni saroj soh jayamālā,
avachaṭ chitae sakal bhuālā.
Sīy chakit chit Rāmahi chāhā,
bhae mohabas sab naranāhā.
Muni samīp dekhe dou bhāī,
lage lalaki lochan nidhi pāī.
738 of 1109
दो०—गुरजन लाज समाजु बड़ देखि सीय सकुचानि।
लागि बिलोकन सखिन्ह तन रघुबीरहि उर आनि ॥ २४८॥
Do—Gurajan lāj samāju baṛ dekhi Sīy sakuchāni,
lāgi bilokan sakhinh tan Raghubīrahi ur āni. (248)
739 of 1109
राम रूपु अरु सिय छबि देखें।
नर नारिन्ह परिहरीं निमेषें॥
सोचहिं सकल कहत सकुचाहीं।
बिधि सन बिनय करहिं मन माहीं॥
हरु बिधि बेगि जनक जड़ताई।
मति हमारि असि देहि सुहाई॥
बिनु बिचार पनु तजि नरनाहू।
सीय राम कर करै बिबाहू॥
जगु भल कहिहि भाव सब काहू।
हठ कीन्हें अंतहुँ उर दाहू॥
एहिं लालसाँ मगन सब लोगू।
बरु साँवरो जानकी जोगू॥
तब बंदीजन जनक बोलाए।
बिरिदावली कहत चलि आए॥
कह नृपु जाइ कहहु पन मोरा।
चले भाट हियँ हरषु न थोरा॥
Rām rūpu aru Siy chhabi dekheṅ,
nar nārinh parihariṅ nimeṣeṅ.
Sochahiṅ sakal kahat sakuchāhīṅ,
Bidhi san binay karahiṅ man māhīṅ.
Haru Bidhi begi Janak jaṛatāī,
mati hamāri asi dehi suhāī.
Binu bichār panu taji naranāhū,
Sīy Rām kar karai bibāhū.
Jagu bhal kahihi bhāv sab kāhū,
haṭh kīnheṅ antahuṅ ur dāhū.
Ehiṅ lālasāṅ magan sab logū,
baru sāṅvaro Jānakī jogū.
Tab bandījan Janak bolāe,
biridāvalī kahat chali āe.
Kah nṛipu jāi kahahu pan morā,
chale bhāṭ hiyaṅ haraṣu na thorā.
740 of 1109
दो०—बोले बंदी बचन बर सुनहु सकल महिपाल।
पन बिदेह कर कहहिं हम भुजा उठाइ बिसाल ॥ २४९॥
Do—Bole bandī bachan bar sunahu sakal mahipāl,
pan Bideh kar kahahiṅ ham bhujā uṭhāi bisāl. (249)
741 of 1109
नृप भुजबलु बिधु सिवधनु राहू।
गरुअ कठोर बिदित सब काहू॥
रावनु बानु महाभट भारे।
देखि सरासन गवँहिं सिधारे॥
सोइ पुरारि कोदंडु कठोरा।
राज समाज आजु जोइ तोरा॥
त्रिभुवन जय समेत बैदेही।
बिनहिं बिचार बरइ हठि तेही॥
सुनि पन सकल भूप अभिलाषे।
भटमानी अतिसय मन माखे॥
परिकर बाँधि उठे अकुलाई।
चले इष्टदेवन्ह सिर नाई॥
तमकि ताकि तकि सिवधनु धरहीं।
उठइ न कोटि भाँति बलु करहीं॥
जिन्ह के कछु बिचारु मन माहीं।
चाप समीप महीप न जाहीं॥
Nṛip bhujabalu bidhu Sivadhanu Rāhū,
garua kaṭhor bidit sab kāhū.
Rāvanu Bānu mahābhaṭ bhāre,
dekhi sarāsan gavaṅhiṅ sidhāre.
Soi Purāri kodanḍu kaṭhorā,
rāj samāj āju joi torā.
Tribhuvan jay samet Baidehī,
binahiṅ bichār barai haṭhi tehī.
Suni pan sakal bhūp abhilāṣe,
bhaṭamānī atisay man mākhe.
Parikar bāṅdhi uṭhe akulāī,
chale iṣṭadevanh sir nāī.
Tamaki tāki taki Sivadhanu dharahīṅ,
uṭhai na koṭi bhāṅti balu karahīṅ.
Jinh ke kachhu bichāru man māhīṅ,
chāp samīp mahīp na jāhīṅ.
742 of 1109
दो०—तमकि धरहिं धनु मूढ़ नृप उठइ न चलहिं लजाइ।
मनहुँ पाइ भट बाहुबलु अधिकु अधिकु गरुआइ ॥ २५०॥
Do—Tamaki dharahiṅ dhanu mūṛh nṛip uṭhai na chalahiṅ lajāi,
manahuṅ pāi bhaṭ bāhubalu adhiku adhiku garuāi. (250)
743 of 1109
भूप सहस दस एकहि बारा।
लगे उठावन टरइ न टारा॥
डगइ न संभु सरासनु कैसें।
कामी बचन सती मनु जैसें॥
सब नृप भए जोगु उपहासी।
जैसें बिनु बिराग संन्यासी॥
कीरति बिजय बीरता भारी।
चले चाप कर बरबस हारी॥
श्रीहत भए हारि हियँ राजा।
बैठे निज निज जाइ समाजा॥
नृपन्ह बिलोकि जनकु अकुलाने।
बोले बचन रोष जनु साने॥
दीप दीप के भूपति नाना।
आए सुनि हम जो पनु ठाना॥
देव दनुज धरि मनुज सरीरा।
बिपुल बीर आए रनधीरा॥
Bhūp sahas das ekahi bārā,
lage uṭhāvan ṭarai na ṭārā.
Ḍagai na Sambhu sarāsanu kaiseṅ,
kāmī bachan satī manu jaiseṅ.
Sab nṛip bhae jogu upahāsī,
jaiseṅ binu birāg sannyāsī.
Kīrati bijay bīratā bhārī,
chale chāp kar barabas hārī.
Shrīhat bhae hāri hiyaṅ rājā,
baiṭhe nij nij jāi samājā.
Nṛipanh biloki Janaku akulāne,
bole bachan roṣ janu sāne.
Dīp dīp ke bhūpati nānā,
āe suni ham jo panu ṭhānā.
Dev danuj dhari manuj sarīrā,
bipul bīr āe ranadhīrā.
744 of 1109
दो०—कुअँरि मनोहर बिजय बड़ि कीरति अति कमनीय।
पावनिहार बिरंचि जनु रचेउ न धनु दमनीय ॥ २५१॥
Do—Kuaṅri manohar bijay baṛi kīrati ati kamanīya,
pāvanihār biraṅchi janu racheu na dhanu damanīya. (251)
745 of 1109
कहहु काहि यहु लाभु न भावा।
काहुँ न संकर चाप चढ़ावा॥
रहउ चढ़ाउब तोरब भाई।
तिलु भरि भूमि न सके छड़ाई॥
अब जनि कोउ माखै भट मानी।
बीर बिहीन मही मैं जानी॥
तजहु आस निज निज गृह जाहू।
लिखा न बिधि बैदेहि बिबाहू॥
सुकृतु जाइ जौं पनु परिहरऊँ।
कुअँरि कुआरि रहउ का करऊँ॥
जौं जनतेउँ बिनु भट भुबि भाई।
तौ पनु करि होतेउँ न हँसाई॥
जनक बचन सुनि सब नर नारी।
देखि जानकिहि भए दुखारी॥
माखे लखनु कुटिल भइँ भौंहें।
रदपट फरकत नयन रिसौंहें॥
Kahahu kāhi yahu lābhu na bhāvā,
kāhuṅ na Saṅkar chāp chaṛhāvā.
Rahau chaṛhāub torab bhāī,
tilu bhari bhūmi na sake chhaṛāī.
Ab jani kou mākhai bhaṭ mānī,
bīr bihīn mahī maiṅ jānī.
Tajahu ās nij nij gṛih jāhū,
likhā na Bidhi Baidehi bibāhū.
Sukṛitu jāi jauṅ panu pariharauṅ,
kuaṅri kuāri rahau kā karauṅ.
Jauṅ janateuṅ binu bhaṭ bhubi bhāī,
tau panu kari hoteuṅ na haṅsāī.
Janak bachan suni sab nar nārī,
dekhi Jānakihi bhae dukhārī.
Mākhe Lakhanu kuṭil bhaiṅ bhauṅheṅ,
radapaṭ pharakat nayan risauṅheṅ.
746 of 1109
दो०—कहि न सकत रघुबीर डर लगे बचन जनु बान।
नाइ राम पद कमल सिरु बोले गिरा प्रमान ॥ २५२॥
Do—Kahi na sakat Raghubīr ḍar lage bachan janu bān,
nāi Rām pad kamal siru bole girā pramān. (252)
747 of 1109
रघुबंसिन्ह महुँ जहँ कोउ होई।
तेहिं समाज अस कहइ न कोई॥
कही जनक जसि अनुचित बानी।
बिद्यमान रघुकुलमनि जानी॥
सुनहु भानुकुल पंकज भानू।
कहउँ सुभाउ न कछु अभिमानू॥
जौं तुम्हारि अनुसासन पावौं।
कंदुक इव ब्रह्मांड उठावौं॥
काचे घट जिमि डारौं फोरी।
सकउँ मेरु मूलक जिमि तोरी॥
तव प्रताप महिमा भगवाना।
को बापुरो पिनाक पुराना॥
नाथ जानि अस आयसु होऊ।
कौतुक करौं बिलोकिअ सोऊ॥
कमल नाल जिमि चाप चढ़ावौं।
जोजन सत प्रमान लै धावौं॥
Raghubansinh mahuṅ jahaṅ kou hoī,
tehiṅ samāj as kahai na koī.
Kahī Janak jasi anuchit bānī,
bidyamān Raghukulamani jānī.
Sunahu Bhānukul paṅkaj Bhānū,
kahauṅ subhāu na kachhu abhimānū.
Jauṅ tumhāri anusāsan pāvauṅ,
kanduk iva brahmāṇḍ uṭhāvauṅ.
Kāche ghaṭ jimi ḍārauṅ phorī,
sakauṅ Meru mūlak jimi torī.
Tav pratāp mahimā bhagavānā,
ko bāpuro Pināk purānā.
Nāth jāni as āyasu hoū,
kautuku karauṅ biloki'a soū.
Kamal nāl jimi chāp chaṛhāvauṅ,
jojan sat pramān lai dhāvauṅ.
748 of 1109
दो०—तोरौं छत्रक दंड जिमि तव प्रताप बल नाथ।
जौं न करौं प्रभु पद सपथ कर न धरौं धनु भाथ ॥ २५३॥
Do—Torauṅ chhatrak danḍ jimi tav pratāp bal nāth,
jauṅ na karauṅ prabhu pad sapath kar na dharauṅ dhanu bhāth. (253)
749 of 1109
लखन सकोप बचन जे बोले।
डगमगानि महि दिग्गज डोले॥
सकल लोग सब भूप डेराने।
सिय हियँ हरषु जनकु सकुचाने॥
गुर रघुपति सब मुनि मन माहीं।
मुदित भए पुनि पुनि पुलकाहीं॥
सयनहिं रघुपति लखनु नेवारे।
प्रेम समेत निकट बैठारे॥
बिस्वामित्र समय सुभ जानी।
बोले अति सनेहमय बानी॥
उठहु राम भंजहु भवचापा।
मेटहु तात जनक परितापा॥
सुनि गुर बचन चरन सिरु नावा।
हरषु बिषादु न कछु उर आवा॥
ठाढ़े भए उठि सहज सुभाएँ।
ठवनि जुबा मृगराजु लजाएँ॥
Lakhan sakop bachan je bole,
ḍagamagāni mahi diggaj ḍole.
Sakal log sab bhūp ḍerāne,
Siy hiyaṅ haraṣu Janaku sakuchāne.
Gur Raghupati sab muni man māhīṅ,
mudit bhae puni puni pulakāhīṅ.
Sayanahiṅ Raghupati Lakhanu nevāre,
prem samet nikaṭ baiṭhāre.
Biswāmitra samay subh jānī,
bole ati sanehamay bānī.
Uṭhahu Rām bhaṅjahu bhavachāpā,
meṭahu tāt Janak paritāpā.
Suni gur bachan charan siru nāvā,
haraṣu biṣādu na kachhu ur āvā.
Ṭhāṛhe bhae uṭhi sahaj subhāeṅ,
ṭhavani jubā mṛigarāju lajāeṅ.
750 of 1109
दो०—उदित उदयगिरि मंच पर रघुबर बालपतंग।
बिकसे संत सरोज सब हरषे लोचन भृंग ॥ २५४॥
Do—Udit udayagiri mañch par Raghubar bālapataṅg,
bikase sant saroj sab haraṣe lochan bhṛiṅg. (254)
751 of 1109
नृपन्ह केरि आसा निसि नासी।
बचन नखत अवली न प्रकासी॥
मानी महिप कुमुद सकुचाने।
कपटी भूप उलूक लुकाने॥
भए बिसोक कोक मुनि देवा।
बरिसहिं सुमन जनावहिं सेवा॥
गुर पद बंदि सहित अनुरागा।
राम मुनिन्ह सन आयसु मागा॥
सहजहिं चले सकल जग स्वामी।
मत्त मंजु बर कुंजर गामी॥
चलत राम सब पुर नर नारी।
पुलक पूरि तन भए सुखारी॥
बंदि पितर सुर सुकृत सँभारे।
जौं कछु पुन्य प्रभाउ हमारे॥
तौ सिवधनु मृनाल की नाईं।
तोरहुँ रामु गनेस गोसाईं॥
Nṛipanh keri āsā nisi nāsī,
bachan nakhat avalī na prakāsī.
Mānī mahip kumud sakuchāne,
kapaṭī bhūp ulūk lukāne.
Bhae bisok kok muni devā,
barisahiṅ suman janāvahiṅ sevā.
Gur pad bandi sahit anurāgā,
Rām muninh san āyasu māgā.
Sahajahiṅ chale sakal jag swāmī,
matt mañju bar kuñjar gāmī.
Chalat Rām sab pur nar nārī,
pulak pūri tan bhae sukhārī.
Bandi pitar sur sukṛit saṅbhāre,
jauṅ kachhu punya prabhāu hamāre.
Tau Sivadhanu mṛināl kī nāīṅ,
torahuṅ Rāmu Ganes gosāīṅ.
752 of 1109
दो०—रामहि प्रेम समेत लखि सखिन्ह समीप बोलाइ।
सीता मातु सनेह बस बचन कहइ बिलखाइ ॥ २५५॥
Do—Rāmahi prem samet lakhi sakhinh samīp bolāi,
Sītā mātu saneh bas bachan kahai bilakhāi. (255)
753 of 1109
सखि सब कौतुक देखनिहारे।
जेउ कहावत हितू हमारे॥
कोउ न बुझाइ कहइ गुर पाहीं।
ए बालक असि हठ भलि नाहीं॥
रावन बान छुआ नहिं चापा।
हारे सकल भूप करि दापा॥
सो धनु राजकुअँर कर देहीं।
बाल मराल कि मंदर लेहीं॥
भूप सयानप सकल सिरानी।
सखि बिधि गति कछु जाति न जानी॥
बोली चतुर सखी मृदु बानी।
तेजवंत लघु गनिअ न रानी॥
कहँ कुंभज कहँ सिंधु अपारा।
सोषेउ सुजसु सकल संसारा॥
रबि मंडल देखत लघु लागा।
उदयँ तासु तिभुवन तम भागा॥
Sakhi sab kautuku dekhanihāre,
jeu kahāvat hitū hamāre.
Kou na bujhāi kahai gur pāhīṅ,
e bālak asi haṭh bhali nāhīṅ.
Rāvan bān chhuā nahiṅ chāpā,
hāre sakal bhūp kari dāpā.
So dhanu rājakuaṅr kar dehīṅ,
bāl marāl ki mandar lehīṅ.
Bhūp sayānap sakal sirānī,
sakhi bidhi gati kachhu jāti na jānī.
Bolī chatur sakhī mṛidu bānī,
tejavant laghu gania na rānī.
Kahaṅ Kumbhaj kahaṅ sindhu apārā,
soṣeu sujasu sakal saṅsārā.
Rabi maṇḍal dekhat laghu lāgā,
udayaṅ tāsu tibhuvan tam bhāgā.
754 of 1109
दो०—मंत्र परम लघु जासु बस बिधि हरि हर सुर सर्ब।
महामत्त गजराज कहुँ बस कर अंकुस खर्ब ॥ २५६॥
Do—Mantra param laghu jāsu bas Bidhi Hari Har sur sarb,
mahāmatt gajarāj kahuṅ bas kar aṅkus kharb. (256)
755 of 1109
काम कुसुम धनु सायक लीन्हे।
सकल भुवन अपने बस कीन्हे॥
देबि तजिअ संसउ अस जानी।
भंजब धनुषु राम सुनु रानी॥
सखी बचन सुनि भै परतीती।
मिटा बिषादु बढ़ी अति प्रीती॥
तब रामहि बिलोकि बैदेही।
सभय हृदयँ बिनवति जेहि तेही॥
मनहीं मन मनाव अकुलानी।
होहु प्रसन्न महेस भवानी॥
करहु सफल आपनि सेवकाई।
करि हितु हरहु चाप गरुआई॥
गननायक बरदायक देवा।
आजु लगें कीन्हिउँ तुअ सेवा॥
बार बार बिनती सुनि मोरी।
करहु चाप गुरुता अति थोरी॥
Kām kusum dhanu sāyak līnhe,
sakal bhuvan apane bas kīnhe.
Debi tajia sansau as jānī,
bhaṅjab dhanuṣu Rām sunu rānī.
Sakhī bachan suni bhai paratītī,
miṭā biṣādu baṛhī ati prītī.
Tab Rāmahi biloki Baidehī,
sabhay hṛidayaṅ binavati jehi tehī.
Manahīṅ man manāv akulānī,
hohu prasanna Mahes Bhavānī.
Karahu saphal āpani sevakāī,
kari hitu harahu chāp garuāī.
Gananāyak baradāyak devā,
āju lageṅ kīnhiuṅ tua sevā.
Bār bār binatī suni morī,
karahu chāp gurutā ati thorī.
756 of 1109
दो०—देखि देखि रघुबीर तन सुर मनाव धरि धीर।
भरे बिलोचन प्रेम जल पुलकावली सरीर ॥ २५७॥
Do—Dekhi dekhi Raghubīr tan sur manāv dhari dhīr,
bhare bilochan prem jal pulakāvalī sarīr. (257)
757 of 1109
नीकें निरखि नयन भरि सोभा।
पितु पनु सुमिरि बहुरि मनु छोभा॥
अहह तात दारुनि हठ ठानी।
समुझत नहिं कछु लाभु न हानी॥
सचिव सभय सिख देइ न कोई।
बुध समाज बड़ अनुचित होई॥
कहँ धनु कुलिसहु चाहि कठोरा।
कहँ स्यामल मृदुगात किसोरा॥
बिधि केहि भाँति धरौं उर धीरा।
सिरस सुमन कन बेधिअ हीरा॥
सकल सभा कै मति भै भोरी।
अब मोहि संभुचाप गति तोरी॥
निज जड़ता लोगन्ह पर डारी।
होहि हरुअ रघुपतिहि निहारी॥
अति परिताप सीय मन माहीं।
लव निमेष जुग सय सम जाहीं॥
Nīkeṅ nirakhi nayan bhari sobhā,
pitu panu sumiri bahuri manu chhobhā.
Ahaha tāt dāruni haṭh ṭhānī,
samujhat nahiṅ kachhu lābhu na hānī.
Sachiv sabhay sikh dei na koī,
budh samāj baṛ anuchit hoī.
Kahaṅ dhanu kulisahu chāhi kaṭhorā,
kahaṅ syāmal mṛidugāt kisorā.
Bidhi kehi bhāṅti dharauṅ ur dhīrā,
siras suman kan bedhia hīrā.
Sakal sabhā kai mati bhai bhorī,
ab mohi Sambhuchāp gati torī.
Nij jaṛatā logaṅnha par ḍārī,
hohi harua Raghupatihi nihārī.
Ati paritāp Sīy man māhīṅ,
lav nimeṣ jug say sam jāhīṅ.
758 of 1109
दो०—प्रभुहि चितइ पुनि चितव महि राजत लोचन लोल।
खेलत मनसिज मीन जुग जनु बिधु मंडल डोल ॥ २५८॥
Do—Prabhuhi chitai puni chitav mahi rājat lochan lol,
khelat manasij mīn jug janu bidhu maṇḍal ḍol. (258)
759 of 1109
गिरा अलिनि मुख पंकज रोकी।
प्रगट न लाज निसा अवलोकी॥
लोचन जलु रह लोचन कोना।
जैसें परम कृपन कर सोना॥
सकुची ब्याकुलता बड़ि जानी।
धरि धीरजु प्रतीति उर आनी॥
तन मन बचन मोर पनु साचा।
रघुपति पद सरोज चितु राचा॥
तौ भगवानु सकल उर बासी।
करिहि मोहि रघुबर कै दासी॥
जेहि कें जेहि पर सत्य सनेहू।
सो तेहि मिलइ न कछु संदेहू॥
प्रभु तन चितइ प्रेम तन ठाना।
कृपानिधान राम सबु जाना॥
सियहि बिलोकि तकेउ धनु कैसें।
चितव गरुरु लघु ब्यालहि जैसें॥
Girā alini mukh paṅkaj rokī,
pragaṭ na lāj nisā avalokī.
Lochan jalu rah lochan konā,
jaiseṅ param kṛipan kar sonā.
Sakuchī byākulatā baṛi jānī,
dhari dhīraju pratīti ur ānī.
Tan man bachan mor panu sāchā,
Raghupati pad saroj chitu rāchā.
Tau Bhagavānu sakal ur bāsī,
karihi mohi Raghubar kai dāsī.
Jehi keṅ jehi par satya sanehū,
so tehi milai na kachhu sandehū.
Prabhu tan chitai prem tan ṭhānā,
kṛipānidhān Rām sabu jānā.
Siyahi biloki takeu dhanu kaiseṅ,
chitav garuru laghu byālahi jaiseṅ.
760 of 1109
दो०—लखन लखेउ रघुबंसमनि ताकेउ हर कोदंडु।
पुलकि गात बोले बचन चरन चापि ब्रह्मांडु ॥ २५९॥
Do—Lakhan lakheu Raghubansamani tākeu Har kodanḍu,
pulaki gāt bole bachan charan chāpi brahmāṇḍu. (259)
761 of 1109
दिसिकुंजरहु कमठ अहि कोला।
धरहु धरनि धरि धीर न डोला॥
रामु चहहिं संकर धनु तोरा।
होहु सजग सुनि आयसु मोरा॥
चाप समीप रामु जब आए।
नर नारिन्ह सुर सुकृत मनाए॥
सब कर संसउ अरु अग्यानू।
मंद महीपन्ह कर अभिमानू॥
भृगुपति केरि गरब गरुआई।
सुर मुनिबरन्ह केरि कदराई॥
सिय कर सोचु जनक पछितावा।
रानिन्ह कर दारुन दुख दावा॥
संभुचाप बड़ बोहितु पाई।
चढ़े जाइ सब संगु बनाई॥
राम बाहुबल सिंधु अपारू।
चहत पारु नहिं कोउ कड़हारू॥
Disikuñjarahu kamaṭh ahi kolā,
dharahu dharani dhari dhīr na ḍolā.
Rāmu chahahiṅ Saṅkar dhanu torā,
hohu sajag suni āyasu morā.
Chāp samīp Rāmu jab āe,
nar nārinh sur sukṛit manāe.
Sab kar saṅsau aru agyānū,
mand mahīpanh kar abhimānū.
Bhṛigupati keri garab garuāī,
sur munibaranh keri kadarāī.
Siy kar sochu Janak pachhitāvā,
rāninh kar dārun dukh dāvā.
Sambhuchāp baṛ bohitu pāī,
chaṛhe jāi sab saṅgu banāī.
Rām bāhubal sindhu apārū,
chahat pāru nahiṅ kou kaṛahārū.
762 of 1109
दो०—राम बिलोके लोग सब चित्र लिखे से देखि।
चितई सीय कृपायतन जानी बिकल बिसेषि ॥ २६०॥
Do—Rām biloke log sab chitra likhe se dekhi,
chitaī Sīy kṛipāyatan jānī bikal biseṣi. (260)
763 of 1109
देखी बिपुल बिकल बैदेही।
निमिष बिहात कलप सम तेही॥
तृषित बारि बिनु जो तनु त्यागा।
मुएँ करइ का सुधा तड़ागा॥
का बरषा सब कृषी सुखानें।
समय चुकें पुनि का पछितानें॥
अस जियँ जानि जानकी देखी।
प्रभु पुलके लखि प्रीति बिसेषी॥
गुरहि प्रनामु मनहिं मन कीन्हा।
अति लाघवँ उठाइ धनु लीन्हा॥
दमकेउ दामिनि जिमि जब लयऊ।
पुनि नभ धनु मंडल सम भयऊ॥
लेत चढ़ावत खैंचत गाढ़ें।
काहुँ न लखा देख सबु ठाढ़ें॥
तेहि छन राम मध्य धनु तोरा।
भरे भुवन धुनि घोर कठोरा॥
Dekhī bipul bikal Baidehī,
nimiṣ bihāt kalap sam tehī.
Tṛiṣit bāri binu jo tanu tyāgā,
mueṅ karai kā sudhā taṛāgā.
Kā barṣā sab kṛiṣī sukhāneṅ,
samay chukeṅ puni kā pachhitāneṅ.
As jiyaṅ jāni Jānakī dekhī,
prabhu pulake lakhi prīti biseṣī.
Gurahi pranāmu manahiṅ man kīnhā,
ati lāghavaṅ uṭhāi dhanu līnhā.
Damakeu dāmini jimi jab layū,
puni nabh dhanu maṇḍal sam bhayū.
Let chaṛhāvat khaiṅchat gāṛheṅ,
kāhuṅ na lakhā dekh sabu ṭhāṛheṅ.
Tehi chhan Rām madhya dhanu torā,
bhare bhuvan dhuni ghor kaṭhorā.
764 of 1109
छं०—भरे भुवन घोर कठोर रव रबि बाजि तजि मारगु चले।
चिक्करहिं दिग्गज डोल महि अहि कोल कूरुम कलमले॥
सुर असुर मुनि कर कान दीन्हें सकल बिकल बिचारहीं।
कोदंड खंडेउ राम तुलसी जयति बचन उचारहीं॥
Chha.—Bhare bhuvan ghor kaṭhor rav rabi bāji taji māragu chale,
chikkarahiṅ diggaj ḍol mahi ahi kol kūrum kalamale.
Sur asur muni kar kān dīnheṅ sakal bikal bichārahīṅ,
kodanḍ khanḍeu Rām Tulasī jayati bachan uchārahīṅ.
765 of 1109
सो०—संकर चापु जहाजु सागरु रघुबर बाहुबलु।
बूड़ सो सकल समाजु चढ़ा जो प्रथमहिं मोह बस ॥ २६१॥
So—Saṅkar chāpu jahāju sāgaru Raghubar bāhubalu,
būṛ so sakal samāju chaṛhā jo prathamahiṅ moh bas. (261)
766 of 1109
प्रभु दोउ चापखंड महि डारे।
देखि लोग सब भए सुखारे॥
कौसिकरूप पयोनिधि पावन।
प्रेम बारि अवगाहु सुहावन॥
रामरूप राकेसु निहारी।
बढ़त बीचि पुलकावलि भारी॥
बाजे नभ गहगहे निसाना।
देवबधू नाचहिं करि गाना॥
ब्रह्मादिक सुर सिद्ध मुनीसा।
प्रभुहि प्रसंसहिं देहिं असीसा॥
बरिसहिं सुमन रंग बहु माला।
गावहिं किंनर गीत रसाला॥
रही भुवन भरि जय जय बानी।
धनुषभंग धुनि जात न जानी॥
मुदित कहहिं जहँ तहँ नर नारी।
भंजेउ राम संभुधनु भारी॥
Prabhu dou chāpakhanḍ mahi ḍāre,
dekhi log sab bhae sukhāre.
Kausikarūp payonidhi pāvan,
prem bāri avagāhu suhāvan.
Rāmarūp Rākesu nihārī,
baṛhat bīchi pulakāvali bhārī.
Bāje nabh gahagahe nisānā,
devabadhū nāchahiṅ kari gānā.
Brahmādik sur siddh munīsā,
prabhuhi prasansahiṅ dehiṅ asīsā.
Barisahiṅ suman raṅg bahu mālā,
gāvahiṅ kiṅnar gīt rasālā.
Rahī bhuvan bhari jay jay bānī,
dhanuṣabhaṅg dhuni jāt na jānī.
Mudit kahahiṅ jahaṅ tahaṅ nar nārī,
bhaṅjeu Rām Sambhudhanu bhārī.
767 of 1109
दो०—बंदी मागध सूतगन बिरुद बदहिं मतिधीर।
करहिं निछावरि लोग सब हय गय धन मनि चीर ॥ २६२॥
Do—Bandī māgadh sūtagan birud badahiṅ matidhīr,
karahiṅ nichhāvari log sab hay gay dhan mani chīr. (262)
768 of 1109
झाँझि मृदंग संख सहनाई।
भेरि ढोल दुंदुभी सुहाई॥
बाजहिं बहु बाजने सुहाए।
जहँ तहँ जुबतिन्ह मंगल गाए॥
सखिन्ह सहित हरषी अति रानी।
सूखत धान परा जनु पानी॥
जनक लहेउ सुखु सोचु बिहाई।
पैरत थकें थाह जनु पाई॥
श्रीहत भए भूप धनु टूटे।
जैसें दिवस दीप छबि छूटे॥
सीय सुखहि बरनिअ केहि भाँती।
जनु चातकी पाइ जलु स्वाती॥
रामहि लखनु बिलोकत कैसें।
ससिहि चकोर किसोरकु जैसें॥
सतानंद तब आयसु दीन्हा।
सीताँ गमनु राम पहिं कीन्हा॥
Jhāṅjhi mṛidaṅg saṅkh sahanāī,
bheri ḍhol dundubhī suhāī.
Bājahiṅ bahu bājane suhāe,
jahaṅ tahaṅ jubatinh maṅgal gāe.
Sakhinh sahit haraṣī ati rānī,
sūkhat dhān parā janu pānī.
Janak laheu sukhu sochu bihāī,
pairat thakeṅ thāh janu pāī.
Shrīhat bhae bhūp dhanu ṭūṭe,
jaiseṅ divas dīp chhabi chhūṭe.
Sīy sukhahi barania kehi bhāṅtī,
janu chātakī pāi jalu swātī.
Rāmahi Lakhanu bilokat kaiseṅ,
sasihi chakor kisoraku jaiseṅ.
Satānand tab āyasu dīnhā,
Sītāṅ gamanu Rām pahiṅ kīnhā.
769 of 1109
दो०—संग सखीं सुंदर चतुर गावहिं मंगलचार।
गवनी बाल मराल गति सुषमा अंग अपार ॥ २६३॥
Do—Saṅg sakhīṅ sundar chatur gāvahiṅ maṅgalachār,
gavanī bāl marāl gati suṣamā aṅg apār. (263)
770 of 1109
सखिन्ह मध्य सिय सोहति कैसें।
छबिगन मध्य महाछबि जैसें॥
कर सरोज जयमाल सुहाई।
बिस्व बिजय सोभा जेहिं छाई॥
तन सकोचु मन परम उछाहू।
गूढ़ प्रेमु लखि परइ न काहू॥
जाइ समीप राम छबि देखी।
रहि जनु कुअँरि चित्र अवरेखी॥
चतुर सखीं लखि कहा बुझाई।
पहिरावहु जयमाल सुहाई॥
सुनत जुगल कर माल उठाई।
प्रेम बिबस पहिराइ न जाई॥
सोहत जनु जुग जलज सनाला।
ससिहि सभीत देत जयमाला॥
गावहिं छबि अवलोकि सहेली।
सियँ जयमाल राम उर मेली॥
Sakhinh madhya Siy sohati kaiseṅ,
chhabigan madhya mahāchhabi jaiseṅ.
Kar saroj jayamāl suhāī,
biswa bijay sobhā jehiṅ chhāī.
Tan sakochu man param uchhāhū,
gūṛh premu lakhi parai na kāhū.
Jāi samīp Rām chhabi dekhī,
rahi janu kuaṅri chitra avarekhī.
Chatur sakhīṅ lakhi kahā bujhāī,
pahirāvahu jayamāl suhāī.
Sunat jugal kar māl uṭhāī,
prem bibas pahirāi na jāī.
Sohat janu jug jalaj sanālā,
sasihi sabhīt det jayamālā.
Gāvahiṅ chhabi avaloki sahelī,
siyaṅ jayamāl Rām ur melī.
771 of 1109
सो०—रघुबर उर जयमाल देखि देव बरिसहिं सुमन।
सकुचे सकल भुआल जनु बिलोकि रबि कुमुदगन ॥ २६४॥
So—Raghubar ur jayamāl dekhi dev barisahiṅ suman,
sakuche sakal bhuāl janu biloki rabi kumudagan. (264)
772 of 1109
पुर अरु ब्योम बाजने बाजे।
खल भए मलिन साधु सब राजे॥
सुर किंनर नर नाग मुनीसा।
जय जय जय कहि देहिं असीसा॥
नाचहिं गावहिं बिबुध बधूटीं।
बार बार कुसुमांजलि छूटीं॥
जहँ तहँ बिप्र बेदधुनि करहीं।
बंदी बिरिदावलि उच्चरहीं॥
महि पाताल नाक जसु ब्यापा।
राम बरी सिय भंजेउ चापा॥
करहिं आरती पुर नर नारी।
देहिं निछावरि बित्त बिसारी॥
सोहति सीय राम कै जोरी।
छबि सिंगारु मनहुँ एक ठोरी॥
सखीं कहहिं प्रभुपद गहु सीता।
करति न चरन परस अति भीता॥
Pur aru byom bājane bāje,
khal bhae malin sādhu sab rāje.
Sur kiṅnar nar nāg munīsā,
jay jay jay kahi dehiṅ asīsā.
Nāchahiṅ gāvahiṅ bibudh badhūṭīṅ,
bār bār kusumāñjali chhūṭīṅ.
Jahaṅ tahaṅ bipra bedadhuni karahīṅ,
bandī biridāvali uchcharahīṅ.
Mahi pātāl nāk jasu byāpā,
Rām barī Siy bhaṅjeu chāpā.
Karahiṅ āratī pur nar nārī,
dehiṅ nichhāvari bitt bisārī.
Sohati Sīy Rām kai jorī,
chhabi siṅgāru manahuṅ ek ṭhorī.
Sakhīṅ kahahiṅ prabhupad gahu Sītā,
karati na charan paras ati bhītā.
773 of 1109
दो०—गौतम तिय गति सुरति करि नहिं परसति पग पानि।
मन बिहसे रघुबंसमनि प्रीति अलौकिक जानि ॥ २६५॥
Do—Gautam tiya gati surati kari nahiṅ parasati pag pāni,
man bihase Raghubansamani prīti alaukik jāni. (265)
774 of 1109
तब सिय देखि भूप अभिलाषे।
कूर कपूत मूढ़ मन माखे॥
उठि उठि पहिरि सनाह अभागे।
जहँ तहँ गाल बजावन लागे॥
लेहु छड़ाइ सीय कह कोऊ।
धरि बाँधहु नृप बालक दोऊ॥
तोरें धनुषु चाड़ नहिं सरई।
जीवत हमहि कुअँरि को बरई॥
जौं बिदेहु कछु करै सहाई।
जीतहु समर सहित दोउ भाई॥
साधु भूप बोले सुनि बानी।
राजसमाजहि लाज लजानी॥
Tab Siy dekhi bhūp abhilāṣe,
kūr kapūt mūṛh man mākhe.
Uṭhi uṭhi pahiri sanāh abhāge,
jahaṅ tahaṅ gāl bajāvan lāge.
Lehu chhaṛāi Sīy kah koū,
dhari bāṅdhahu nṛip bālak dou.
Toreṅ dhanuṣu chāṛ nahiṅ saraī,
jīvat hamahi kuaṅri ko baraī.
Jauṅ Bidehu kachhu karai sahāī,
jītahu samar sahit dou bhāī.
Sādhu bhūp bole suni bānī,
rājasamājahi lāj lajānī.
775 of 1109
बलु प्रतापु बीरता बड़ाई।
नाक पिनाकहि संग सिधाई॥
सोइ सूरता कि अब कहुँ पाई।
असि बुधि तौ बिधि मुहँ मसि लाई॥
Balu pratāpu bīratā baṛāī,
nāka pinākahi saṅga sidhāī.
Soi sūratā ki aba kahuṅ pāī,
asi budhi tau bidhi muhaṅ masi lāī.
776 of 1109
दो०— देखहु रामहि नयन भरि तजि इरिषा मदु कोहु।
लखन रोषु पावकु प्रबल जानि सलभ जनि होहु ॥ २६६॥
Do—Dekhahu Rāmahi nayana bhari taji iriṣā madu kohu,
Lakhana roṣu pāvaku prabala jāni salabha jani hohu. (266)
777 of 1109
बैनतेय बलि जिमि चह कागू।
जिमि ससु चहै नाग अरि भागू॥
जिमि चह कुसल अकारन कोही।
सब संपदा चहै सिवद्रोही॥
लोभी लोलुप कल कीरति चहई।
अकलंकता कि कामी लहई॥
हरि पद बिमुख परम गति चाहा।
तस तुम्हार लालचु नरनाहा॥
कोलाहलु सुनि सीय सकानी।
सखीं लवाइ गईं जहँ रानी॥
रामु सुभायँ चले गुरु पाहीं।
सिय सनेहु बरनत मन माहीं॥
रानिन्ह सहित सोचबस सीया।
अब धौं बिधिहि काह करनीया॥
भूप बचन सुनि इत उत तकहीं।
लखनु राम डर बोलि न सकहीं॥
Bainateya bali jimi chaha kāgū,
jimi sasu chahai nāga ari bhāgū.
Jimi chaha kusala akārana kohī,
saba saṅpadā chahai sivadrohī.
Lobhī lolupa kala kīrati chahaī,
akalaṅkatā ki kāmī lahaī.
Hari pada bimukha parama gati chāhā,
tasa tumhāra lālachu naranāhā.
Kolāhalu suni sīya sakānī,
sakhīṅ lavāi gaīṅ jahaṅ rānī.
Rāmu subhāyaṅ chale guru pāhīṅ,
siya sanehu baranata mana māhīṅ.
Rāninha sahita sochabasa sīyā,
aba dhauṅ bidhihi kāha karanīyā.
Bhūpa bachana suni ita uta takahīṅ,
lakhanu Rāma ḍara boli na sakahīṅ.
778 of 1109
दो०— अरुन नयन भृकुटी कुटिल चितवत नृपन्ह सकोप।
मनहुँ मत्त गजगन निरखि सिंघकिसोरहि चोप ॥ २६७॥
Do—Aruna nayana bhṛkuṭī kuṭila chitavata nṛpanha sakopa,
manahuṅ matta gajagana nirakhi siṅghakisorahi chopa. (267)
779 of 1109
खरभरु देखि बिकल पुर नारीं।
सब मिलि देहिं महीपन्ह गारीं॥
तेहिं अवसर सुनि सिवधनु भंगा।
आयउ भृगुकुल कमल पतंगा॥
देखि महीप सकल सकुचाने।
बाज झपट जनु लवा लुकाने॥
गौरि सरीर भूति भल भ्राजा।
भाल बिसाल त्रिपुंड बिराजा॥
सीस जटा ससिबदनु सुहावा।
रिसबस कछुक अरुन होइ आवा॥
भृकुटी कुटिल नयन रिस राते।
सहजहुँ चितवत मनहुँ रिसाते॥
बृषभ कंध उर बाहु बिसाला।
चारु जनेउ माल मृगछाला॥
कटि मुनिबसन तून दुइ बाँधें।
धनु सर कर कुठारु कल काँधें॥
Kharabharu dekhi bikala pura nārīṅ,
saba mili dehiṅ mahīpanha gārīṅ.
Tehiṅ avasara suni sivadhanu bhaṅgā,
āyau bhṛgukula kamala pataṅgā.
Dekhi mahīpa sakala sakuchāne,
bāja jhapaṭa janu lavā lukāne.
Gauri sarīra bhūti bhala bhrājā,
bhāla bisāla tripuṅḍa birājā.
Sīsa jaṭā sasibadanu suhāvā,
risabasa kachuka aruna hoi āvā.
Bhṛkuṭī kuṭila nayana risa rāte,
sahajahuṅ chitavata manahuṅ risāte.
Bṛṣabha kaṅdha ura bāhu bisālā,
chāru janeu māla mṛgachhālā.
Kaṭi munibasana tūna dui bāṅdheṅ,
dhanu sara kara kuṭhāru kala kāṅdheṅ.
780 of 1109
दो०— सांत बेषु करनी कठिन बरनि न जाइ सरूप।
धरि मुनितनु जनु बीर रसु आयउ जहँ सब भूप ॥ २६८॥
Do—Sāṅta beṣu karanī kaṭhina barani na jāi sarūpa,
dhari munitanu janu bīra rasu āyau jahaṅ saba bhūpa. (268)
781 of 1109
देखत भृगुपति बेषु कराला।
उठे सकल भय बिकल भुआला॥
पितु समेत कहि कहि निज नामा।
लगे करन सब दंड प्रनामा॥
जेहि सुभायँ चितवहिं हितु जानी।
सो जानइ जनु आइ खुटानी॥
जनक बहोरि आइ सिरु नावा।
सीय बोलाइ प्रनामु करावा॥
आसिष दीन्हि सखीं हरषानीं।
निज समाज लै गईं सयानीं॥
बिस्वामित्रु मिले पुनि आई।
पद सरोज मेले दोउ भाई॥
रामु लखनु दसरथ के ढोटा।
दीन्हि असीस देखि भल जोटा॥
रामहि चितइ रहे थकि लोचन।
रूप अपार मार मद मोचन॥
Dekhata bhṛgupati beṣu karālā,
uṭhe sakala bhaya bikala bhuālā.
Pitu sameta kahi kahi nija nāmā,
lage karana saba daṅḍa pranāmā.
Jehi subhāyaṅ chitavahiṅ hitu jānī,
so jānai janu āi khuṭānī.
Janaka bahori āi siru nāvā,
sīya bolāi pranāmu karāvā.
Āsiṣa dīnhi sakhīṅ haraṣānīṅ,
nija samāja lai gaīṅ sayānīṅ.
Biswāmitru mile puni āī,
pada saroja mele dou bhāī.
Rāmu Lakhanu Dasaratha ke ḍhoṭā,
dīnhi asīsa dekhi bhala joṭā.
Rāmahi chitai rahe thaki lochana,
rūpa apāra māra mada mochana.
782 of 1109
दो०— बहुरि बिलोकि बिदेह सन कहहु काह अति भीर।
पूँछत जानि अजान जिमि ब्यापेउ कोपु सरीर ॥ २६९॥
Do—Bahuri biloki Bideha sana kahahu kāha ati bhīra,
pūṅchhata jāni ajāna jimi byāpeu kopu sarīra. (269)
783 of 1109
समाचार कहि जनक सुनाए।
जेहि कारन महीप सब आए॥
सुनत बचन फिरि अनत निहारे।
देखे चापखंड महि डारे॥
अति रिस बोले बचन कठोरा।
कहु जड़ जनक धनुष कै तोरा॥
बेगि देखाउ मूढ़ न त आजू।
उलटउँ महि जहँ लहि तव राजू॥
अति डरु उतरु देत नृपु नाहीं।
कुटिल भूप हरषे मन माहीं॥
सुर मुनि नाग नगर नर नारी।
सोचहिं सकल त्रास उर भारी॥
मन पछिताति सीय महतारी।
बिधि अब सँवरी बात बिगारी॥
भृगुपति कर सुभाउ सुनि सीता।
अरध निमेष कलप सम बीता॥
Samāchāra kahi janaka sunāe,
jehi kārana mahīpa saba āe.
Sunata bachana phiri anata nihāre,
dekhe chāpakhaṅḍa mahi ḍāre.
Ati risa bole bachana kaṭhorā,
kahu jaṛa janaka dhanuṣa kai torā.
Begi dekhāu mūṛha na ta ājū,
ulaṭauṅ mahi jahaṅ lahi tava rājū.
Ati ḍaru utaru deta nṛpu nāhīṅ,
kuṭila bhūpa haraṣe mana māhīṅ.
Sura muni nāga nagara nara nārī,
sochahiṅ sakala trāsa ura bhārī.
Mana pachhitāti sīya mahatārī,
bidhi aba saṅvarī bāta bigārī.
Bhṛgupati kara subhāu suni Sītā,
aradha nimeṣa kalapa sama bītā.
784 of 1109
दो०— सभय बिलोके लोग सब जानि जानकी भीरु।
हृदयँ न हरषु बिषादु कछु बोले श्रीरघुबीरु ॥ २७०॥
Do—Sabhaya biloke loga saba jāni Jānakī bhīru,
hṛdayaṅ na haraṣu biṣādu kachhu bole Śrī Raghubīru. (270)
785 of 1109
नाथ संभुधनु भंजनिहारा।
होइहि केउ एक दास तुम्हारा॥
आयसु काह कहिअ किन मोही।
सुनि रिसाइ बोले मुनि कोही॥
सेवकु सो जो करै सेवकाई।
अरि करनी करि करिअ लराई॥
सुनहु राम जेहिं सिवधनु तोरा।
सहसबाहु सम सो रिपु मोरा॥
सो बिलगाउ बिहाइ समाजा।
न त मारे जैहहिं सब राजा॥
सुनि मुनि बचन लखन मुसुकाने।
बोले परसुधरहि अपमाने॥
बहु धनुहीं तोरीं लरिकाई।
कबहुँ न असि रिस कीन्हि गोसाई॥
एहि धनु पर ममता केहि हेतू।
सुनि रिसाइ कह भृगुकुलकेतू॥
Nātha Saṅbhudhanu bhaṅjanihārā,
hoihi keu eka dāsa tumhārā.
Āyasu kāha kahia kina mohī,
suni risāi bole muni kohī.
Sevaku so jo karai sevakāī,
ari karanī kari karia larāī.
Sunahu Rāma jehiṅ sivadhanu torā,
sahasabāhu sama so ripu morā.
So bilagāu bihāi samājā,
na ta māre jaihahiṅ saba rājā.
Suni muni bachana Lakhana musukāne,
bole parasudharahi apamāne.
Bahu dhanuhīṅ torīṅ larikāī,
kabahuṅ na asi risa kīnhi gosāī.
Ehi dhanu para mamatā kehi hetū,
suni risāi kaha bhṛgukulaketū.
786 of 1109
दो०— रे नृप बालक काल बस बोलत तोहि न सँभार।
धनुही सम तिपुरारि धनु बिदित सकल संसार ॥ २७१॥
Do—Re nṛpa bālaka kāla basa bolata tohi na saṅbhāra,
dhanuhī sama Tipurāri dhanu bidita sakala saṅsāra. (271)
787 of 1109
लखन कहा हँसि हमरें जाना।
सुनहु देव सब धनुष समाना॥
का छति लाभु जून धनु तोरें।
देखा राम नयन के भोरें॥
छुअत टूट रघुपतिहु न दोसू।
मुनि बिनु काज करिअ कत रोसू॥
बोले चितइ परसु की ओरा।
रे सठ सुनेहि सुभाउ न मोरा॥
बालकु बोलि बधउँ नहिं तोही।
केवल मुनि जड़ जानहि मोही॥
बाल ब्रह्मचारी अति कोही।
बिस्व बिदित छत्रियकुल द्रोही॥
भुजबल भूमि भूप बिनु कीन्ही।
बिपुल बार महिदेवन्हि दीन्ही॥
सहसबाहु भुज छेदनिहारा।
परसु बिलोकु महीपकुमारा॥
Lakhana kahā haṅsi hamareṅ jānā,
sunahu deva saba dhanuṣa samānā.
Kā chhati lābhu jūna dhanu toreṅ,
dekhā Rāma nayana ke bhoreṅ.
Chhuata ṭūṭa Raghupatihu na dosū,
muni binu kāja karia kata rosū.
Bole chitai parasu kī orā,
re saṭha sunehi subhāu na morā.
Bālaku boli badhauṅ nahiṅ tohī,
kevala muni jaṛa jānahi mohī.
Bāla brahmachārī ati kohī,
biswa bidita chhatriyakula drohī.
Bhujabala bhūmi bhūpa binu kīnhī,
bipula bāra mahidevanhi dīnhī.
Sahasabāhu bhuja chhedanihārā,
parasu biloku mahīpakumārā.
788 of 1109
दो०— मातु पितहि जनि सोचबस करसि महीसकिसोर।
गर्भन्ह के अर्भक दलन परसु मोर अति घोर ॥ २७२॥
Do—Mātu pitahi jani sochabasa karasi mahīsakisora,
garbhanha ke arbhaka dalana parasu mora ati ghora. (272)
789 of 1109
बिहसि लखनु बोले मृदु बानी।
अहो मुनीसु महा भटमानी॥
पुनि पुनि मोहि देखाव कुठारू।
चहत उड़ावन फूँकि पहारू॥
इहाँ कुम्हड़बतिया कोउ नाहीं।
जे तरजनी देखि मरि जाहीं॥
देखि कुठारु सरासन बाना।
मैं कछु कहा सहित अभिमाना॥
भृगुसुत समुझि जनेउ बिलोकी।
जो कछु कहहु सहउँ रिस रोकी॥
सुर महिसुर हरिजन अरु गाई।
हमरें कुल इन्ह पर न सुराई॥
बधें पापु अपकीरति हारें।
मारतहूँ पा परिअ तुम्हारें॥
कोटि कुलिस सम बचनु तुम्हारा।
ब्यर्थ धरहु धनु बान कुठारा॥
Bihasi Lakhanu bole mṛdu bānī,
aho munīsu mahā bhaṭamānī.
Puni puni mohi dekhāva kuṭhārū,
chahata uṛāvana phūṅki pahārū.
Ihāṅ kumhaṛabatiyā kou nāhīṅ,
je tarajanī dekhi mari jāhīṅ.
Dekhi kuṭhāru sarāsana bānā,
maiṅ kachhu kahā sahita abhimānā.
Bhṛgusuta samujhi janeu bilokī,
jo kachhu kahahu sahauṅ risa rokī.
Sura mahisura harijana aru gāī,
hamareṅ kula inha para na surāī.
Badheṅ pāpu apakīrati hāreṅ,
māratahūṅ pā paria tumhāreṅ.
Koṭi kulisa sama bachanu tumhārā,
byartha dharahu dhanu bāna kuṭhārā.
790 of 1109
दो०— जो बिलोकि अनुचित कहेउँ छमहु महामुनि धीर।
सुनि सरोष भृगुबंसमनि बोले गिरा गभीर ॥ २७३॥
Do—Jo biloki anuchita kaheuṅ chhamahu mahāmuni dhīra,
suni saroṣa bhṛgubaṅsamani bole girā gabhīra. (273)
791 of 1109
कौसिक सुनहु मंद यहु बालकु।
कुटिलकालबस निज कुल घालकु॥
भानु बंस राकेस कलंकू।
निपट निरंकुस अबुध असंकू॥
काल कवलु होइहि छन माहीं।
कहउँ पुकारि खोरि मोहि नाहीं॥
तुम्ह हटकहु जौं चहहु उबारा।
कहि प्रतापु बलु रोषु हमारा॥
लखन कहेउ मुनि सुजसु तुम्हारा।
तुम्हहि अछत को बरनै पारा॥
अपने मुँह तुम्ह आपनि करनी।
बार अनेक भाँति बहु बरनी॥
नहिं संतोषु त पुनि कछु कहहू।
जनि रिस रोकि दुसह दुख सहहू॥
बीरब्रती तुम्ह धीर अछोभा।
गारी देत न पावहु सोभा॥
Kausika sunahu maṅda yahu bālaku,
kuṭilakālabasa nija kula ghālaku.
Bhānu baṅsa rākesa kalaṅkū,
nipaṭa niraṅkusa abudha asaṅkū.
Kāla kavalu hoihi chhana māhīṅ,
kahauṅ pukāri khori mohi nāhīṅ.
Tumha haṭakahu jauṅ chahahu ubārā,
kahi pratāpu balu roṣu hamārā.
Lakhana kaheu muni sujasu tumhārā,
tumhahi achhata ko baranai pārā.
Apane muṅha tumha āpani karanī,
bāra aneka bhāṅti bahu baranī.
Nahiṅ santoṣu ta puni kachhu kahahū,
jani risa roki dusaha dukha sahahū.
Bīrabratī tumha dhīra achhobhā,
gārī deta na pāvahu sobhā.
792 of 1109
दो०— सूर समर करनी करहिं कहि न जनावहिं आपु।
बिद्यमान रन पाइ रिपु कायर कथहिं प्रतापु ॥ २७४॥
Do—Sūra samara karanī karahiṅ kahi na janāvahiṅ āpu,
bidyamāna rana pāi ripu kāyara kathahiṅ pratāpu. (274)
793 of 1109
तुम्ह तौ कालु हाँक जनु लावा।
बार बार मोहि लागि बोलावा॥
सुनत लखन के बचन कठोरा।
परसु सुधारि धरेउ कर घोरा॥
अब जनि देइ दोसु मोहि लोगू।
कटुबादी बालकु बधजोगू॥
बाल बिलोकि बहुत मैं बाँचा।
अब यहु मरनिहार भा साँचा॥
कौसिक कहा छमिअ अपराधू।
बाल दोष गुन गनहिं न साधू॥
खर कुठार मैं अकरुन कोही।
आगें अपराधी गुरुद्रोही॥
उतर देत छोड़उँ बिनु मारें।
केवल कौसिक सील तुम्हारें॥
न त एहि काटि कुठार कठोरें।
गुरहि उरिन होतेउँ श्रम थोरें॥
Tumha tau kālu hāṅka janu lāvā,
bāra bāra mohi lāgi bolāvā.
Sunata Lakhana ke bachana kaṭhorā,
parasu sudhāri dhareu kara ghorā.
Aba jani dei dosu mohi logū,
kaṭubādī bālaku badhajogū.
Bāla biloki bahuta maiṅ bāṅchā,
aba yahu maranihāra bhā sāṅchā.
Kausika kahā chhamia aparādhū,
bāla doṣa guna ganahiṅ na sādhū.
Khara kuṭhāra maiṅ akaruna kohī,
āgeṅ aparādhī gurudrohī.
Utara deta chhoṛauṅ binu māreṅ,
kevala Kausika sīla tumhāreṅ.
Na ta ehi kāṭi kuṭhāra kaṭhoreṅ,
gurahi urina hoteuṅ śrama thoreṅ.
794 of 1109
दो०— गाधिसूनु कह हृदयँ हँसि मुनिहि हरिअरइ सूझ।
अयमय खाँड़ न ऊखमय अजहुँ न बूझ अबूझ ॥ २७५॥
Do—Gādhisūnu kaha hṛdayaṅ haṅsi munihi hariarai sūjha,
ayamaya khāṅḍa na ūkhamaya ajahuṅ na būjha abūjha. (275)
795 of 1109
कहेउ लखन मुनि सीलु तुम्हारा।
को नहिं जान बिदित संसारा॥
माता पितहि उरिन भए नीकें।
गुर रिनु रहा सोचु बड़ जी कें॥
सो जनु हमरेहि माथे काढ़ा।
दिन चलि गए ब्याज बड़ बाढ़ा॥
अब आनिअ ब्यवहरिआ बोली।
तुरत देउँ मैं थैली खोली॥
सुनि कटु बचन कुठार सुधारा।
हाय हाय सब सभा पुकारा॥
भृगुबर परसु देखावहु मोही।
बिप्र बिचारि बचउँ नृपद्रोही॥
मिले न कबहुँ सुभट रन गाढ़े।
द्विज देवता घरहि के बाढ़े॥
अनुचित कहि सब लोग पुकारे।
रघुपति सयनहिं लखनु नेवारे॥
Kaheu Lakhana muni sīlu tumhārā,
ko nahiṅ jāna bidita saṅsārā.
Mātā pitahi urina bhae nīkeṅ,
gura rinu rahā sochu baṛa jī keṅ.
So janu hamarehi māthe kāṛhā,
dina chali gae byāja baṛa bāṛhā.
Aba ānia byavaharia bolī,
turata deuṅ maiṅ thailī kholī.
Suni kaṭu bachana kuṭhāra sudhārā,
hāya hāya saba sabhā pukārā.
Bhṛgubara parasu dekhāvahu mohī,
bipra bichāri bachauṅ nṛpadrohī.
Mile na kabahuṅ subhaṭa rana gāṛhe,
dwija devatā gharahi ke bāṛhe.
Anuchita kahi saba loga pukāre,
Raghupati sayanahiṅ Lakhanu nevāre.
796 of 1109
दो०— लखन उतर आहुति सरिस भृगुबर कोपु कृसानु।
बढ़त देखि जल सम बचन बोले रघुकुलभानु ॥ २७६॥
Do—Lakhana utara āhuti sarisa bhṛgubara kopu kṛsānu,
baṛhata dekhi jala sama bachana bole raghukulabhānu. (276)
797 of 1109
नाथ करहु बालक पर छोहू।
सूध दूधमुख करिअ न कोहू॥
जौं पै प्रभु प्रभाउ कछु जाना।
तौ कि बराबरि करत अयाना॥
जौं लरिका कछु अचगरि करहीं।
गुर पितु मातु मोद मन भरहीं॥
करिअ कृपा सिसु सेवक जानी।
तुम्ह सम सील धीर मुनि ग्यानी॥
राम बचन सुनि कछुक जुड़ाने।
कहि कछु लखनु बहुरि मुसुकाने॥
हँसत देखि नख सिख रिस ब्यापी।
राम तोर भ्राता बड़ पापी॥
गौर सरीर स्याम मन माहीं।
कालकूटमुख पयमुख नाहीं॥
सहज टेढ़ अनुहरइ न तोही।
नीचु मीचु सम देख न मोही॥
Nātha karahu bālaka para chhohū,
sūdha dūdhamukha karia na kohū.
Jauṅ pai prabhu prabhāu kachhu jānā,
tau ki barābari karata ayānā.
Jauṅ larikā kachhu achagari karahīṅ,
gura pitu mātu moda mana bharahīṅ.
Karia kṛpā sisu sevaka jānī,
tumha sama sīla dhīra muni gyānī.
Rāma bachana suni kachhuka juṛāne,
kahi kachhu Lakhanu bahuri musukāne.
Haṅsata dekhi nakha sikha risa byāpī,
Rāma tora bhrātā baṛa pāpī.
Gaura sarīra syāma mana māhīṅ,
kālakūṭamukha payamukha nāhīṅ.
Sahaja teṛha anuharai na tohī,
nīchu mīchu sama dekha na mohī.
798 of 1109
दो०— लखन कहेउ हँसि सुनहु मुनि क्रोधु पाप कर मूल।
जेहि बस जन अनुचित करहिं चरहिं बिस्व प्रतिकूल ॥ २७७॥
Do—Lakhana kaheu haṅsi sunahu muni krodhu pāpa kara mūla,
jehi basa jana anuchita karahiṅ charahiṅ biswa pratikūla. (277)
799 of 1109
मैं तुम्हार अनुचर मुनिराया।
परिहरि कोपु करिअ अब दाया॥
टूट चाप नहिं जुरिहि रिसाने।
बैठिअ होइहिं पाय पिराने॥
जौं अति प्रिय तौ करिअ उपाई।
जोरिअ कोउ बड़ गुनी बोलाई॥
बोलत लखनहिं जनकु डेराहीं।
मष्ट करहु अनुचित भल नाहीं॥
थर थर काँपहिं पुर नर नारी।
छोट कुमार खोट बड़ भारी॥
भृगुपति सुनि सुनि निरभय बानी।
रिस तन जरइ होइ बल हानी॥
बोले रामहि देइ निहोरा।
बचउँ बिचारि बंधु लघु तोरा॥
मनु मलीन तनु सुंदर कैसें।
बिष रस भरा कनक घटु जैसें॥
Maiṅ tumhāra anuchara munirāyā,
parihari kopu karia aba dāyā.
Ṭūṭa chāpa nahiṅ jurihi risāne,
baiṭhia hoihiṅ pāya pirāne.
Jauṅ ati priya tau karia upāī,
joria kou baṛa gunī bolāī.
Bolata Lakhanahiṅ janaku ḍerāhīṅ,
maṣṭa karahu anuchita bhala nāhīṅ.
Thara thara kāṅpahiṅ pura nara nārī,
chhoṭa kumāra khoṭa baṛa bhārī.
Bhṛgupati suni suni nirabhaya bānī,
risa tana jarai hoi bala hānī.
Bole Rāmahi dei nihorā,
bachauṅ bichāri baṅdhu laghu torā.
Manu malīna tanu suṅdara kaiseṅ,
biṣa rasa bharā kanaka ghaṭu jaiseṅ.
800 of 1109
दो०— सुनि लछिमन बिहसे बहुरि नयन तरेरे राम।
गुर समीप गवने सकुचि परिहरि बानी बाम ॥ २७८॥
Do—Suni Lachhimana bihase bahuri nayana tarere Rāma,
gura samīpa gavane sakuchi parihari bānī bāma. (278)
801 of 1109
अति बिनीत मृदु सीतल बानी।
बोले रामु जोरि जुग पानी॥
सुनहु नाथ तुम्ह सहज सुजाना।
बालक बचनु करिअ नहिं काना॥
बरैं बालकु एकु सुभाऊ।
इन्हहि न संत बिदूषहिं काऊ॥
तेहिं नाहीं कछु काज बिगारा।
अपराधी मैं नाथ तुम्हारा॥
कृपा कोपु बधु बँधब गोसाईं।
मो पर करिअ दास की नाईं॥
कहिअ बेगि जेहि बिधि रिस जाई।
मुनिनायक सोइ करौं उपाई॥
कह मुनि राम जाइ रिस कैसें।
अजहुँ अनुज तव चितव अनैसें॥
एहि कें कंठ कुठारु न दीन्हा।
तौ मैं काह कोपु करि कीन्हा॥
Ati binīta mṛdu sītala bānī,
bole Rāmu jori juga pānī.
Sunahu nātha tumha sahaja sujānā,
bālaka bachanu karia nahiṅ kānā.
Baraiṅ bālaku eku subhāū,
inhahi na saṅta bidūṣahiṅ kāū.
Tehiṅ nāhīṅ kachhu kāja bigārā,
aparādhī maiṅ nātha tumhārā.
Kṛpā kopu badhu baṅdhaba gosāīṅ,
mo para karia dāsa kī nāīṅ.
Kahia begi jehi bidhi risa jāī,
munināyaka soi karauṅ upāī.
Kaha muni Rāma jāi risa kaiseṅ,
ajahuṅ anuja tava chitava anaiseṅ.
Ehi keṅ kaṅṭha kuṭhāru na dīnhā,
tau maiṅ kāha kopu kari kīnhā.
802 of 1109
दो०— गर्भ स्रवहिं अवनिप रवनि सुनि कुठार गति घोर।
परसु अछत देखउँ जिअत बैरी भूपकिसोर ॥ २७९॥
Do—Garbha sravahiṅ avanipa ravani suni kuṭhāra gati ghora,
parasu achhata dekhauṅ jiata bairī bhūpakisora. (279)
803 of 1109
बहइ न हाथु दहइ रिस छाती।
भा कुठारु कुंठित नृपघाती॥
भयउ बाम बिधि फिरेउ सुभाऊ।
मोरे हृदयँ कृपा कसि काऊ॥
आजु दया दुखु दुसह सहावा।
सुनि सौमित्रि बिहसि सिरु नावा॥
बाउ कृपा मूरति अनुकूला।
बोलत बचन झरत जनु फूला॥
जौं पै कृपाँ जरिहिं मुनि गाता।
क्रोध भएँ तनु राख बिधाता॥
देखु जनक हठि बालकु एहू।
कीन्ह चहत जड़ जमपुर गेहू॥
बेगि करहु किन आँखिन्ह ओटा।
देखत छोट खोट नृपु ढोटा॥
बिहसे लखनु कहा मन माहीं।
मूदें आँखि कतहुँ कोउ नाहीं॥
Bahai na hāthu dahai risa chhātī,
bhā kuṭhāru kuṅṭhita nṛpaghātī.
Bhayau bāma bidhi phireu subhāū,
more hṛdayaṅ kṛpā kasi kāū.
Āju dayā dukhu dusaha sahāvā,
suni Saumitri bihasi siru nāvā.
Bāu kṛpā mūrati anukūlā,
bolata bachana jharata janu phūlā.
Jauṅ pai kṛpāṅ jarihiṅ muni gātā,
krodha bhaeṅ tanu rākha bidhātā.
Dekhu Janaka haṭhi bālaku ehū,
kīnha chahata jaṛa jamapura gehū.
Begi karahu kina āṅkhinha oṭā,
dekhata chhoṭa khoṭa nṛpu ḍhoṭā.
Bihase Lakhanu kahā mana māhīṅ,
mūdeṅ āṅkhi katahuṅ kou nāhīṅ.
804 of 1109
दो०— परसुरामु तब राम प्रति बोले उर अति क्रोधु।
संभु सरासनु तोरि सठ करसि हमार प्रबोधु ॥ २८०॥
Do—Parasurāmu taba Rāma prati bole ura ati krodhu,
Saṅbhu sarāsanu tori saṭha karasi hamāra prabodhu. (280)
805 of 1109
बंधु कहइ कटु संमत तोरें।
तू छल बिनय करसि कर जोरें॥
करु परितोषु मोर संग्रामा।
नाहिं त छाड़ कहाउब रामा॥
छलु तजि करहि समरु सिवद्रोही।
बंधु सहित न त मारउँ तोही॥
भृगुपति बकहिं कुठार उठाएँ।
मन मुसुकाहिं रामु सिर नाएँ॥
गुनह लखन कर हम पर रोषू।
कतहुँ सुधाइहु ते बड़ दोषू॥
टेढ़ जानि सब बंदइ काहू।
बक्र चंद्रमहि ग्रसइ न राहू॥
राम कहेउ रिस तजिअ मुनीसा।
कर कुठारु आगें यह सीसा॥
जेहिं रिस जाइ करिअ सोइ स्वामी।
मोहि जानिअ आपन अनुगामी॥
Baṅdhu kahai kaṭu saṅmata toreṅ,
tū chhala binaya karasi kara joreṅ.
Karu paritoṣu mora saṅgrāmā,
nāhiṅ ta chhāṛa kahāuba Rāmā.
Chhalu taji karahi samaru sivadrohī,
baṅdhu sahita na ta mārauṅ tohī.
Bhṛgupati bakahiṅ kuṭhāra uṭhāeṅ,
mana musukāhiṅ Rāmu sira nāeṅ.
Gunaha Lakhana kara hama para roṣū,
katahuṅ sudhāihu te baṛa doṣū.
Teṛha jāni saba baṅdai kāhū,
bakra chaṅdramahi grasai na Rāhū.
Rāma kaheu risa tajia munīsā,
kara kuṭhāru āgeṅ yaha sīsā.
Jehiṅ risa jāi karia soi swāmī,
mohi jānia āpana anugāmī.
806 of 1109
दो०— प्रभुहि सेवकहि समरु कस तजहु बिप्रबर रोसु।
बेषु बिलोकें कहेसि कछु बालकहू नहिं दोसु ॥ २८१॥
Do—Prabhuhi sevakahi samaru kasa tajahu biprabara rosu,
beṣu bilokeṅ kahesi kachhu bālakahū nahiṅ dosu. (281)
807 of 1109
देखि कुठार बान धनु धारी।
भै लरिकहि रिस बीरु बिचारी॥
नामु जान पै तुम्हहि न चीन्हा।
बंस सुभायँ उतरु तेहिं दीन्हा॥
जौं तुम्ह औतेहु मुनि की नाईं।
पद रज सिर सिसु धरत गोसाईं॥
छमहु चूक अनजानत केरी।
चहिअ बिप्र उर कृपा घनेरी॥
हमहि तुम्हहि सरिबरि कसि नाथा।
कहहु न कहाँ चरन कहँ माथा॥
राम मात्र लघु नाम हमारा।
परसु सहित बड़ नाम तोहारा॥
देव एकु गुनु धनुष हमारें।
नव गुन परम पुनीत तुम्हारें॥
सब प्रकार हम तुम्ह सन हारे।
छमहु बिप्र अपराध हमारे॥
Dekhi kuṭhāra bāna dhanu dhārī,
bhai larikahi risa bīru bichārī.
Nāmu jāna pai tumhahi na chīnhā,
baṅsa subhāyaṅ utaru tehiṅ dīnhā.
Jauṅ tumha autehu muni kī nāīṅ,
pada raja sira sisu dharata gosāīṅ.
Chhamahu chūka anajānata kerī,
chahia bipra ura kṛpā ghanerī.
Hamahi tumhahi saribari kasi nāthā,
kahahu na kahāṅ charana kahaṅ māthā.
Rāma mātra laghu nāma hamārā,
parasu sahita baṛa nāma tohārā.
Deva eku gunu dhanuṣa hamāreṅ,
nava guna parama punīta tumhāreṅ.
Saba prakāra hama tumha sana hāre,
chhamahu bipra aparādha hamāre.
808 of 1109
दो०— बार बार मुनि बिप्रबर कहा राम सन राम।
बोले भृगुपति सरुष हसि तहूँ बंधु सम बाम ॥ २८२॥
Do—Bāra bāra muni biprabara kahā Rāma sana Rāma,
bole bhṛgupati saruṣa hasi tahūṅ baṅdhu sama bāma. (282)
809 of 1109
निपटहिं द्विज करि जानहि मोही।
मैं जस बिप्र सुनावउँ तोही॥
चाप स्रुवा सर आहुति जानू।
कोपु मोर अति घोर कृसानू॥
समिधि सेन चतुरंग सुहाई।
महा महीप भए पसु आई॥
मैं एहिं परसु काटि बलि दीन्हे।
समर जग्य जप कोटिन्ह कीन्हे॥
मोर प्रभाउ बिदित नहिं तोरें।
बोलसि निदरि बिप्र के भोरें॥
भंजेउ चापु दापु बड़ बाढ़ा।
अहमिति मनहुँ जीति जगु ठाढ़ा॥
राम कहा मुनि कहहु बिचारी।
रिस अति बड़ि लघु चूक हमारी॥
छुअतहिं टूट पिनाक पुराना।
मैं केहि हेतु करौं अभिमाना॥
Nipaṭahiṅ dwija kari jānahi mohī,
maiṅ jasa bipra sunāvauṅ tohī.
Chāpa sruvā sara āhuti jānū,
kopu mora ati ghora kṛsānū.
Samidhi sena chaturaṅga suhāī,
mahā mahīpa bhae pasu āī.
Maiṅ ehiṅ parasu kāṭi bali dīnhe,
samara jagya japa koṭinha kīnhe.
Mora prabhāu bidita nahiṅ toreṅ,
bolasi nidari bipra ke bhoreṅ.
Bhaṅjeu chāpu dāpu baṛa bāṛhā,
ahamiti manahuṅ jīti jagu ṭhāṛhā.
Rāma kahā muni kahahu bichārī,
risa ati baṛi laghu chūka hamārī.
Chhuatahiṅ ṭūṭa pināka purānā,
maiṅ kehi hetu karauṅ abhimānā.
810 of 1109
दो०— जौं हम निदरहिं बिप्र बदि सत्य सुनहु भृगुनाथ।
तौ अस को जग सुभटु जेहि भय बस नावहिं माथ ॥ २८३॥
Do—Jauṅ hama nidarahiṅ bipra badi satya sunahu bhṛgunātha,
tau asa ko jaga subhaṭu jehi bhaya basa nāvahiṅ mātha. (283)
811 of 1109
देव दनुज भूपति भट नाना।
समबल अधिक होउ बलवाना॥
जौं रन हमहि पचारै कोऊ।
लरहिं सुखेन कालु किन होऊ॥
छत्रिय तनु धरि समर सकाना।
कुल कलंकु तेहिं पावँर आना॥
कहउँ सुभाउ न कुलहि प्रसंसी।
कालहु डरहिं न रन रघुबंसी॥
बिप्रबंस कै असि प्रभुताई।
अभय होइ जो तुम्हहि डेराई॥
सुनि मृदु गूढ़ बचन रघुपति के।
उघरे पटल परसुधर मति के॥
राम रमापति कर धनु लेहू।
खैंचहु मिटै मोर संदेहू॥
देत चापु आपुहिं चलि गयऊ।
परसुराम मन बिसमय भयऊ॥
Deva danuja bhūpati bhaṭa nānā,
samabala adhika hou balavānā.
Jauṅ rana hamahi pachārai koū,
larahiṅ sukhena kālu kina hoū.
Chhatriya tanu dhari samara sakānā,
kula kalaṅku tehiṅ pāvaṅra ānā.
Kahauṅ subhāu na kulahi prasaṅsī,
kālahu ḍarahiṅ na rana raghubaṅsī.
Biprabaṅsa kai asi prabhutāī,
abhaya hoi jo tumhahi ḍerāī.
Suni mṛdu gūṛha bachana raghupati ke,
ugharē paṭala parasudhara mati ke.
Rāma Ramāpati kara dhanu lehū,
khaiṅchahu miṭai mora saṅdehū.
Deta chāpu āpuhiṅ chali gayaū,
Parasurāma mana bisamaya bhayaū.
812 of 1109
दो०— जाना राम प्रभाउ तब पुलक प्रफुल्लित गात।
जोरि पानि बोले बचन हृदयँ न प्रेमु अमात ॥ २८४॥
Do—Jānā Rāma prabhāu taba pulaka praphullita gāta,
jori pāni bole bachana hṛdayaṅ na premu amāta. (284)
813 of 1109
जय रघुबंस बनज बन भानू।
गहन दनुज कुल दहन कृसानू॥
जय सुर बिप्र धेनु हितकारी।
जय मद मोह कोह भ्रम हारी॥
बिनय सील करुना गुन सागर।
जयति बचन रचना अति नागर॥
सेवक सुखद सुभग सब अंगा।
जय सरीर छबि कोटि अनंगा॥
Jaya raghubaṅsa banaja bana bhānū,
gahana danuja kula dahana kṛsānū.
Jaya sura bipra dhenu hitakārī,
jaya mada moha koha bhrama hārī.
Binaya sīla karunā guna sāgara,
jayati bachana rachanā ati nāgara.
Sevaka sukhada subhaga saba aṅgā,
jaya sarīra chhabi koṭi anaṅgā.
814 of 1109
करौं काह मुख एक प्रसंसा।
जय महेस मन मानस हंसा॥
अनुचित बहुत कहेउँ अग्याता।
छमहु छमामंदिर दोउ भ्राता॥
karauṁ kāha mukha eka prasaṁsā |
jaya mahesa mana mānasa haṁsā ||
anucita bahuta kaheuṁ agyātā |
chamahu chamāmandira dou bhrātā ||
815 of 1109
कहि जय जय जय रघुकुलकेतू।
भृगुपति गए बनहि तप हेतू॥
अपभयँ कुटिल महीप डेराने।
जहँ तहँ कायर गवँहिं पराने॥
kahi jaya jaya jaya raghukulaketū |
bhṛgupati gae banahi tapa hetū ||
apabhayaṁ kuṭila mahīpa ḍerāne |
jahaṁ tahaṁ kāyara gavaṁhiṁ parāne ||
816 of 1109
दो०—देवन्ह दीन्हीं दुंदुभीं प्रभु पर बरषहिं फूल।
हरषे पुर नर नारि सब मिटी मोहमय सूल ॥२८५॥
do.—devanha dīnhīṁ duṁdubhīṁ prabhu para baraṣahiṁ phūla |
haraṣe pura nara nāri saba miṭī mohamaya sūla ||285||
817 of 1109
अति गहगहे बाजने बाजे।
सबहिं मनोहर मंगल साजे॥
जूथ जूथ मिलि सुमुखि सुनयनीं।
करहिं गान कल कोकिलबयनीं॥
ati gahagahe bājane bāje |
sabahiṁ manohara maṁgala sāje ||
jūtha jūtha mili sumukhi sunayanīṁ |
karahiṁ gāna kala kokilabayanīṁ ||
818 of 1109
सुखु बिदेह कर बरनि न जाई।
जन्मदरिद्र मनहुँ निधि पाई॥
बिगत त्रास भइ सीय सुखारी।
जनु बिधु उदयँ चकोरकुमारी॥
sukhu bideha kara barani na jāī |
janmadaridra manahuṁ nidhi pāī ||
bigata trāsa bhai sīya sukhārī |
janu bidhu udayaṁ cakorakumārī ||
819 of 1109
जनक कीन्ह कौसिकहि प्रनामा।
प्रभु प्रसाद धनु भंजेउ रामा॥
मोहि कृतकृत्य कीन्ह दुहुँ भाई।
अब जो उचित सो कहिअ गोसाईं॥
janaka kīnha kausikahi pranāmā |
prabhu prasāda dhanu bhaṁjeu rāmā ||
mohi kṛtakṛtya kīnha duhuṁ bhāī |
aba jo ucita so kahia gosāīṁ ||
820 of 1109
कह मुनि सुनु नरनाथ प्रबीना।
रहा बिबाहु चाप आधीना॥
टूटतहीं धनु भयउ बिबाहू।
सुर नर नाग बिदित सब काहू॥
kaha muni sunu naranātha prabīnā |
rahā bibāhu cāpa ādhīnā ||
ṭūṭatahīṁ dhanu bhayau bibāhū |
sura nara nāga bidita saba kāhū ||
821 of 1109
दो०—तदपि जाइ तुम्ह करहु अब जथा बंस ब्यवहारु।
बूझि बिप्र कुलबृद्ध गुर बेद बिदित आचारु ॥२८६॥
do.—tadapi jāi tumha karahu aba jathā baṁsa byavahāru |
būjhi bipra kulabṛddha gura beda bidita ācāru ||286||
822 of 1109
दूत अवधपुर पठवहु जाई।
आनहिं नृप दसरथहि बोलाई॥
मुदित राउ कहि भलेहिं कृपाला।
पठए दूत बोलि तेहि काला॥
dūta avadhapura paṭhavahu jāī |
ānahiṁ nṛpa dasarathahi bolāī ||
mudita rāu kahi bhalehiṁ kṛpālā |
paṭhae dūta boli tehi kālā ||
823 of 1109
बहुरि महाजन सकल बोलाए।
आइ सबन्हि सादर सिर नाए॥
हाट बाट मंदिर सुरबासा।
नगरु सँवारहु चारिहुँ पासा॥
bahuri mahājana sakala bolāe |
āi sabanhi sādara sira nāe ||
hāṭa bāṭa maṁdira surabāsā |
nagaru saṁvārahu cārihuṁ pāsā ||
824 of 1109
हरषि चले निज निज गृह आए।
पुनि परिचारक बोलि पठाए॥
रचहु बिचित्र बितान बनाई।
सिर धरि बचन चले सचु पाई॥
haraṣi cale nija nija gṛha āe |
puni paricāraka boli paṭhāe ||
racahu bicitra bitāna banāī |
sira dhari bacana cale sacu pāī ||
825 of 1109
पठए बोलि गुनी तिन्ह नाना।
जे बितान बिधि कुसल सुजाना॥
बिधिहि बंदि तिन्ह कीन्ह अरंभा।
बिरचे कनक कदलि के खंभा॥
paṭhae boli gunī tinha nānā |
je bitāna bidhi kusala sujānā ||
bidhihi baṁdi tinha kīnha araṁbhā |
birace kanaka kadali ke khaṁbhā ||
826 of 1109
दो०—हरित मनिन्ह के पत्र फल पदुमराग के फूल।
रचना देखि बिचित्र अति मनु बिरंचि कर भूल ॥२८७॥
do.—harita maninha ke patra phala padumarāga ke phūla |
racanā dekhi bicitra ati manu biraṁci kara bhūla ||287||
827 of 1109
बेनु हरित मनिमय सब कीन्हे।
सरल सपरब परहिं नहिं चीन्हे॥
कनक कलित अहिबेलि बनाई।
लखि नहिं परइ सपरन सुहाई॥
benu harita manimaya saba kīnhe |
sarala saparaba parahiṁ nahiṁ cīnhe ||
kanaka kalita ahibeli banāī |
lakhi nahiṁ parai saparana suhāī ||
828 of 1109
तेहि के रचि पचि बंध बनाए।
बिच बिच मुकुता दाम सुहाए॥
मानिक मरकत कुलिस पिरोजा।
चीरि कोरि पचि रचे सरोजा॥
tehi ke raci paci baṁdha banāe |
bica bica mukutā dāma suhāe ||
mānika marakata kulisa pirojā |
cīri kori paci race sarojā ||
829 of 1109
किए भृंग बहुरंग बिहंगा।
गुंजहिं कूजहिं पवन प्रसंगा॥
सुर प्रतिमा खंभन गढ़ि काढ़ीं।
मंगल द्रब्य लिएँ सब ठाढ़ीं॥
kie bhṛṁga bahuraṁga bihaṁgā |
guṁjahiṁ kūjahiṁ pavana prasaṁgā ||
sura pratimā khaṁbhana gaḍhi kāḍhīṁ |
maṁgala drabya lieṁ saba ṭhāḍhīṁ ||
830 of 1109
चौकें भाँति अनेक पुराई।
सिंधुर मनिमय सहज सुहाई॥
cauke bhāṁti aneka purāī |
siṁdhura manimaya sahaja suhāī ||
831 of 1109
दो०—सौरभ पल्लव सुभग सुठि किए नीलमनि कोरि।
हेम बौर मरकत घवरि लसत पाटमय डोरि ॥२८८॥
do.—saurabha pallava subhaga suṭhi kie nīlamani kori |
hema baura marakata ghavari lasata pāṭamaya ḍori ||288||
832 of 1109
रचे रुचिर बर बंदनिवारे।
मनहुँ मनोभवँ फंद सँवारे॥
मंगल कलस अनेक बनाए।
ध्वज पताक पट चमर सुहाए॥
race rucira bara baṁdanivāre |
manahuṁ manobhavaṁ phaṁda saṁvāre ||
maṁgala kalasa aneka banāe |
dhvaja patāka paṭa camara suhāe ||
833 of 1109
दीप मनोहर मनिमय नाना।
जाइ न बरनि बिचित्र बिताना॥
जेहिं मंडप दुलहिनि बैदेही।
सो बरनै असि मति कबि केही॥
dīpa manohara manimaya nānā |
jāi na barani bicitra bitānā ||
jehiṁ maṁḍapa dulahini baidehī |
so baranai asi mati kabi kehī ||
834 of 1109
दूलहु रामु रूप गुन सागर।
सो बितानु तिहुँ लोक उजागर॥
जनक भवन कै सोभा जैसी।
गृह गृह प्रति पुर देखिअ तैसी॥
dūlahu rāmu rūpa guna sāgara |
so bitānu tihuṁ loka ujāgara ||
janaka bhavana kai sobhā jaisī |
gṛha gṛha prati pura dekhia taisī ||
835 of 1109
जेहिं तेरहुति तेहि समय निहारी।
तेहि लघु लगहिं भुवन दस चारी॥
जो संपदा नीच गृह सोहा।
सो बिलोकि सुरनायक मोहा॥
jehiṁ terahuti tehi samaya nihārī |
tehi laghu lagahiṁ bhuvana dasa cārī ||
jo saṁpadā nīca gṛha sohā |
so biloki suranāyaka mohā ||
836 of 1109
दो०—बसइ नगर जेहिं लच्छि करि कपट नारि बर बेषु।
तेहि पुर कै सोभा कहत सकुचहिं सारद सेषु ॥२८९॥
do.—basai nagara jehiṁ lacchi kari kapaṭa nāri bara beṣu |
tehi pura kai sobhā kahata sakucahiṁ sārada seṣu ||289||
837 of 1109
पहुँचे दूत राम पुर पावन।
हरषे नगर बिलोकि सुहावन॥
भूप द्वार तिन्ह खबरि जनाई।
दसरथ नृप सुनि लिए बोलाई॥
pahuṁce dūta rāma pura pāvana |
haraṣe nagara biloki suhāvana ||
bhūpa dvāra tinha khabari janāī |
dasaratha nṛpa suni lie bolāī ||
838 of 1109
करि प्रनामु तिन्ह पाती दीन्ही।
मुदित महीप आपु उठि लीन्ही॥
बारि बिलोचन बाँचत पाती।
पुलक गात आई भरि छाती॥
kari pranāmu tinha pātī dīnhī |
mudita mahīpa āpu uṭhi līnhī ||
bāri bilocana bāṁcata pātī |
pulaka gāta āī bhari chātī ||
839 of 1109
रामु लखनु उर कर बर चीठी।
रहि गए कहत न खाटी मीठी॥
पुनि धरि धीर पत्रिका बाँची।
हरषी सभा बात सुनि साँची॥
rāmu lakhanu ura kara bara cīṭhī |
rahi gae kahata na khāṭī mīṭhī ||
puni dhari dhīra patrikā bāṁcī |
haraṣī sabhā bāta suni sāṁcī ||
840 of 1109
खेलत रहे तहाँ सुधि पाई।
आए भरतु सहित हित भाई॥
पूछत अति सनेहँ सकुचाई।
तात कहाँ तें पाती आई॥
khelata rahe tahāṁ sudhi pāī |
āe bharatu sahita hita bhāī ||
pūchata ati sanehaṁ sakucāī |
tāta kahāṁ teṁ pātī āī ||
841 of 1109
दो०—कुसल प्रानप्रिय बंधु दोउ अहहिं कहहु केहिं देस।
सुनि सनेह साने बचन बाची बहुरि नरेस ॥२९०॥
do.—kusala prānapriya baṁdhu dou ahahiṁ kahahu kehiṁ desa |
suni saneha sāne bacana bācī bahuri naresa ||290||
842 of 1109
सुनि पाती पुलके दोउ भ्राता।
अधिक सनेहु समात न गाता॥
प्रीति पुनीत भरत कै देखी।
सकल सभाँ सुखु लहेउ बिसेषी॥
suni pātī pulake dou bhrātā |
adhika sanehu samāta na gātā ||
prīti punīta bharata kai dekhī |
sakala sabhāṁ sukhu laheu biseṣī ||
843 of 1109
तब नृप दूत निकट बैठारे।
मधुर मनोहर बचन उचारे॥
भैआ कहहु कुसल दोउ बारे।
तुम्ह नीकें निज नयन निहारे॥
taba nṛpa dūta nikaṭa baiṭhāre |
madhura manohara bacana ucāre ||
bhaiā kahahu kusala dou bāre |
tumha nīkeṁ nija nayana nihāre ||
844 of 1109
स्यामल गौर धरें धनु भाथा।
बय किसोर कौसिक मुनि साथा॥
पहिचानहु तुम्ह कहहु सुभाऊ।
प्रेम बिबस पुनि पुनि कह राऊ॥
syāmala gaura dhareṁ dhanu bhāthā |
baya kisora kausika muni sāthā ||
pahicānahu tumha kahahu subhāū |
prema bibasa puni puni kaha rāū ||
845 of 1109
जा दिन तें मुनि गए लवाई।
तब तें आजु साँचि सुधि पाई॥
कहहु बिदेह कवन बिधि जाने।
सुनि प्रिय बचन दूत मुसुकाने॥
jā dina teṁ muni gae lavāī |
taba teṁ āju sāṁci sudhi pāī ||
kahahu bideha kavana bidhi jāne |
suni priya bacana dūta musukāne ||
846 of 1109
दो०—सुनहु महीपति मुकुट मनि तुम्ह सम धन्य न कोउ।
रामु लखनु जिन्ह के तनय बिस्व बिभूषन दोउ ॥२९१॥
do.—sunahu mahīpati mukuṭa mani tumha sama dhanya na kou |
rāmu lakhanu jinha ke tanaya bisva bibhūṣana dou ||291||
847 of 1109
पूछन जोगु न तनय तुम्हारे।
पुरुषसिंघ तिहु पुर उजिआरे॥
जिन्ह के जस प्रताप कें आगे।
ससि मलीन रबि सीतल लागे॥
pūchana jogu na tanaya tumhāre |
puruṣasiṁgha tihu pura ujiāre ||
jinha ke jasa pratāpa keṁ āge |
sasi malīna rabi sītala lāge ||
848 of 1109
तिन्ह कहँ कहिअ नाथ किमि चीन्हे।
देखिअ रबि कि दीप कर लीन्हे॥
सीय स्वयंबर भूप अनेका।
समिटे सुभट एक तें एका॥
tinha kahaṁ kahia nātha kimi cīnhe |
dekhia rabi ki dīpa kara līnhe ||
sīya svayaṁbara bhūpa anekā |
samiṭe subhaṭa eka teṁ ekā ||
849 of 1109
संभु सरासनु काहुँ न टारा।
हारे सकल बीर बरिआरा॥
तीनि लोक महँ जे भटमानी।
सभ कै सकति संभु धनु भानी॥
saṁbhu sarāsanu kāhuṁ na ṭārā |
hāre sakala bīra bariārā ||
tīni loka mahaṁ je bhaṭamānī |
sabha kai sakati saṁbhu dhanu bhānī ||
850 of 1109
सकइ उठाइ सरासुर मेरू।
सोउ हियँ हारि गयउ करि फेरू॥
जेहिं कौतुक सिवसैलु उठावा।
सोउ तेहि सभाँ पराभउ पावा॥
sakai uṭhāi sarāsura merū |
sou hiyaṁ hāri gayau kari pherū ||
jehiṁ kautuka sivasailu uṭhāvā |
sou tehi sabhāṁ parābhau pāvā ||
851 of 1109
दो०—तहाँ राम रघुबंसमनि सुनिअ महा महिपाल।
भंजेउ चाप प्रयास बिनु जिमि गज पंकज नाल ॥२९२॥
do.—tahāṁ rāma raghubaṁsamani sunia mahā mahipāla |
bhaṁjeu cāpa prayāsa binu jimi gaja paṁkaja nāla ||292||
852 of 1109
सुनि सरोष भृगुनायकु आए।
बहुत भाँति तिन्ह आँखि देखाए॥
देखि राम बलु निज धनु दीन्हा।
करि बहु बिनय गवनु बन कीन्हा॥
suni saroṣa bhṛgunāyaku āe |
bahuta bhāṁti tinha āṁkhi dekhāe ||
dekhi rāma balu nija dhanu dīnhā |
kari bahu binaya gavanu bana kīnhā ||
853 of 1109
राजन रामु अतुलबल जैसें।
तेज निधान लखनु पुनि तैसें॥
कंपहिं भूप बिलोकत जाकें।
जिमि गज हरि किसोर के ताकें॥
rājana rāmu atulabala jaiseṁ |
teja nidhāna lakhanu puni taiseṁ ||
kaṁpahiṁ bhūpa bilokata jākeṁ |
jimi gaja hari kisora ke tākeṁ ||
854 of 1109
देव देखि तव बालक दोऊ।
अब न आँखि तर आवत कोऊ॥
दूत बचन रचना प्रिय लागी।
प्रेम प्रताप बीर रस पागी॥
deva dekhi tava bālaka doū |
aba na āṁkhi tara āvata koū ||
dūta bacana racanā priya lāgī |
prema pratāpa bīra rasa pāgī ||
855 of 1109
सभा समेत राउ अनुरागे।
दूतन्ह देन निछावरि लागे॥
कहि अनीति ते मूदहिं काना।
धरमु बिचारि सबहिं सुखु माना॥
sabhā sameta rāu anurāge |
dūtanha dena nichāvari lāge ||
kahi anīti te mūdahiṁ kānā |
dharamu bicāri sabahiṁ sukhu mānā ||
856 of 1109
दो०—तब उठि भूप बसिष्ठ कहुँ दीन्हि पत्रिका जाइ।
कथा सुनाई गुरहि सब सादर दूत बोलाइ ॥२९३॥
do.—taba uṭhi bhūpa basiṣṭha kahuṁ dīnhi patrikā jāi |
kathā sunāī gurahi saba sādara dūta bolāi ||293||
857 of 1109
सुनि बोले गुर अति सुखु पाई।
पुन्य पुरुष कहुँ महि सुख छाई॥
जिमि सरिता सागर महुँ जाहीं।
जद्यपि ताहि कामना नाहीं॥
suni bole gura ati sukhu pāī |
punya puruṣa kahuṁ mahi sukha chāī ||
jimi saritā sāgara mahuṁ jāhīṁ |
jadyapi tāhi kāmanā nāhīṁ ||
858 of 1109
तिमि सुख संपति बिनहिं बोलाएँ।
धरमसील पहिं जाहिं सुभाएँ॥
तुम्ह गुर बिप्र धेनु सुर सेबी।
तसि पुनीत कौसल्या देबी॥
timi sukha saṁpati binahiṁ bolāeṁ |
dharamasīla pahiṁ jāhiṁ subhāeṁ ||
tumha gura bipra dhenu sura sebī |
tasi punīta kausalyā debī ||
859 of 1109
सुकृती तुम्ह समान जग माहीं।
भयउ न है कोउ होनेउ नाहीं॥
तुम्ह ते अधिक पुन्य बड़ काकें।
राजन राम सरिस सुत जाकें॥
sukṛtī tumha samāna jaga māhīṁ |
bhayau na hai kou honeu nāhīṁ ||
tumha te adhika punya baḍa kākeṁ |
rājana rāma sarisa suta jākeṁ ||
860 of 1109
बीर बिनीत धरम ब्रत धारी।
गुन सागर बर बालक चारी॥
तुम्ह कहुँ सर्ब काल कल्याना।
सजहु बरात बजाइ निसाना॥
bīra binīta dharama brata dhārī |
guna sāgara bara bālaka cārī ||
tumha kahuṁ sarba kāla kalyānā |
sajahu barāta bajāi nisānā ||
861 of 1109
दो०—चलहु बेगि सुनि गुर बचन भलेहिं नाथ सिरु नाइ।
भूपति गवने भवन तब दूतन्ह बासु देवाइ ॥२९४॥
do.—calahu begi suni gura bacana bhalehiṁ nātha siru nāi |
bhūpati gavane bhavana taba dūtanha bāsu devāi ||294||
862 of 1109
राजा सबु रनिवास बोलाई।
जनक पत्रिका बाचि सुनाई॥
सुनि संदेसु सकल हरषानीं।
अपर कथा सब भूप बखानीं॥
rājā sabu ranivāsa bolāī |
janaka patrikā bāci sunāī ||
suni saṁdesu sakala haraṣānīṁ |
apara kathā saba bhūpa bakhānīṁ ||
863 of 1109
प्रेम प्रफुल्लित राजहिं रानी।
मनहुँ सिखिनि सुनि बारिद बानी॥
मुदित असीस देहिं गुर नारीं।
अति आनंद मगन महतारीं॥
prema praphullita rājahiṁ rānī |
manahuṁ sikhini suni bārida bānī ||
mudita asīsa dehiṁ gura nārīṁ |
ati ānaṁda magana mahatārīṁ ||
864 of 1109
लेहिं परस्पर अति प्रिय पाती।
हृदयँ लगाइ जुड़ावहिं छाती॥
राम लखन कै कीरति करनी।
बारहिं बार भूपबर बरनी॥
lehiṁ paraspara ati priya pātī |
hṛdayaṁ lagāi juḍāvahiṁ chātī ||
rāma lakhana kai kīrati karanī |
bārahiṁ bāra bhūpabara baranī ||
865 of 1109
मुनि प्रसादु कहि द्वार सिधाए।
रानिन्ह तब महिदेव बोलाए॥
दिए दान आनंद समेता।
चले बिप्रबर आसिष देता॥
muni prasādu kahi dvāra sidhāe |
rāninha taba mahideva bolāe ||
die dāna ānaṁda sametā |
cale biprabara āsiṣa detā ||
866 of 1109
सो०—जाचक लिए हँकारि दीन्हि निछावरि कोटि बिधि।
चिरु जीवहुँ सुत चारि चक्रबर्ति दसरत्थ के ॥२९५॥
so.—jācaka lie haṁkāri dīnhi nichāvari koṭi bidhi |
ciru jīvahuṁ suta cāri cakrabarti dasaratth ke ||295||
867 of 1109
कहत चले पहिरें पट नाना।
हरषि हने गहगहे निसाना॥
समाचार सब लोगन्ह पाए।
लागे घर घर होन बधाए॥
kahata cale pahireṁ paṭa nānā |
haraṣi hane gahagahe nisānā ||
samācāra saba loganha pāe |
lāge ghara ghara hona badhāe ||
868 of 1109
भुवन चारि दस भरा उछाहू।
जनकसुता रघुबीर बिआहू॥
सुनि सुभ कथा लोग अनुरागे।
मग गृह गलीं सँवारन लागे॥
bhuvana cāri dasa bharā uchāhū |
janakasutā raghubīra biāhū ||
suni subha kathā loga anurāge |
maga gṛha galīṁ saṁvārana lāge ||
869 of 1109
जद्यपि अवध सदैव सुहावनि।
राम पुरी मंगलमय पावनि॥
तदपि प्रीति कै प्रीति सुहाई।
मंगल रचना रची बनाई॥
jadyapi avadha sadaiva suhāvani |
rāma purī maṁgalamaya pāvani ||
tadapi prīti kai prīti suhāī |
maṁgala racanā racī banāī ||
870 of 1109
ध्वज पताक पट चामर चारू।
छावा परम बिचित्र बजारू॥
कनक कलस तोरन मनि जाला।
हरद दूब दधि अच्छत माला॥
dhvaja patāka paṭa cāmara cārū |
chāvā parama bicitra bajārū ||
kanaka kalasa torana mani jālā |
harada dūba dadhi acchata mālā ||
871 of 1109
दो०—मंगलमय निज निज भवन लोगन्ह रचे बनाइ।
बीथीं सींचीं चतुरसम चौकें चारु पुराइ ॥२९६॥
do.—maṁgalamaya nija nija bhavana loganha race banāi |
bīthīṁ sīṁcīṁ caturasama cauke cāru purāi ||296||
872 of 1109
जहँ तहँ जूथ जूथ मिलि भामिनि।
सजि नवसप्त सकल दुति दामिनि॥
बिधुबदनीं मृग सावक लोचनि।
निज सरूप रति मानु बिमोचनि॥
jahaṁ tahaṁ jūtha jūtha mili bhāmini |
saji navasapta sakala duti dāmini ||
bidhubadanīṁ mṛga sāvaka locani |
nija sarūpa rati mānu bimocani ||
873 of 1109
गावहिं मंगल मंजुल बानीं।
सुनि कलरव कलकंठि लजानीं॥
भूप भवन किमि जाइ बखाना।
बिस्व बिमोहन रचेउ बिताना॥
gāvahiṁ maṁgala maṁjula bānīṁ |
suni kalarava kalakaṁṭhi lajānīṁ ||
bhūpa bhavana kimi jāi bakhānā |
bisva bimohana raceu bitānā ||
874 of 1109
मंगल द्रब्य मनोहर नाना।
राजत बाजत बिपुल निसाना॥
कतहुँ बिरिद बंदी उच्चरहीं।
कतहुँ बेद धुनि भूसुर करहीं॥
maṁgala drabya manohara nānā |
rājata bājata bipula nisānā ||
katahuṁ birida baṁdī uccarahīṁ |
katahuṁ beda dhuni bhūsura karahīṁ ||
875 of 1109
गावहिं सुंदरि मंगल गीता।
लै लै नामु रामु अरु सीता॥
बहुत उछाहु भवनु अति थोरा।
मानहुँ उमगि चला चहु ओरा॥
gāvahiṁ suṁdari maṁgala gītā |
lai lai nāmu rāmu aru sītā ||
bahuta uchāhu bhavanu ati thorā |
mānahuṁ umagi calā cahu orā ||
876 of 1109
दो०—सोभा दसरथ भवन कइ को कबि बरनै पार।
जहाँ सकल सुर सीस मनि राम लीन्ह अवतार ॥२९७॥
do.—sobhā dasaratha bhavana kai ko kabi baranai pāra |
jahāṁ sakala sura sīsa mani rāma līnha avatāra ||297||
877 of 1109
भूप भरत पुनि लिए बोलाई।
हय गय स्यंदन साजहु जाई॥
चलहु बेगि रघुबीर बराता।
सुनत पुलक पूरे दोउ भ्राता॥
bhūpa bharata puni lie bolāī |
haya gaya syaṁdana sājahu jāī ||
calahu begi raghubīra barātā |
sunata pulaka pūre dou bhrātā ||
878 of 1109
भरत सकल साहनी बोलाए।
आयसु दीन्ह मुदित उठि धाए॥
रचि रुचि जीन तुरग तिन्ह साजे।
बरन बरन बर बाजि बिराजे॥
bharata sakala sāhanī bolāe |
āyasu dīnha mudita uṭhi dhāe ||
raci ruci jīna turaga tinha sāje |
barana barana bara bāji birāje ||
879 of 1109
सुभग सकल सुठि चंचल करनी।
अय इव जरत धरत पग धरनी॥
नाना जाति न जाहिं बखाने।
निदरि पवनु जनु चहत उड़ाने॥
subhaga sakala suṭhi caṁcala karanī |
aya iva jarata dharata paga dharanī ||
nānā jāti na jāhiṁ bakhāne |
nidari pavanu janu cahata uḍāne ||
880 of 1109
तिन्ह सब छयल भए असवारा।
भरत सरिस बय राजकुमारा॥
सब सुंदर सब भूषनधारी।
कर सर चाप तून कटि भारी॥
tinha saba chayala bhae asavārā |
bharata sarisa baya rājakumārā ||
saba suṁdara saba bhūṣanadhārī |
kara sara cāpa tūna kaṭi bhārī ||
881 of 1109
दो०—छरे छबीले छयल सब सूर सुजान नबीन।
जुग पदचर असवार प्रति जे असिकला प्रबीन ॥२९८॥
do.—chare chabīle chayala saba sūra sujāna nabīna |
juga padacara asavāra prati je asikalā prabīna ||298||
882 of 1109
बाँधें बिरद बीर रन गाढ़े।
निकसि भए पुर बाहेर ठाढ़े॥
फेरहिं चतुर तुरग गति नाना।
हरषहिं सुनि सुनि पनव निसाना॥
bāṁdheṁ birada bīra rana gāḍhe |
nikasi bhae pura bāhera ṭhāḍhe ||
pherahiṁ catura turaga gati nānā |
haraṣahiṁ suni suni panava nisānā ||
883 of 1109
रथ सारथिन्ह बिचित्र बनाए।
ध्वज पताक मनि भूषन लाए॥
चवँर चारु किंकिनि धुनि करहीं।
भानु जान सोभा अपहरहीं॥
ratha sārathinha bicitra banāe |
dhvaja patāka mani bhūṣana lāe ||
cavaṁra cāru kiṁkini dhuni karahīṁ |
bhānu jāna sobhā apaharahīṁ ||
884 of 1109
सावँकरन अगनित हय होते।
ते तिन्ह रथन्ह सारथिन्ह जोते॥
सुंदर सकल अलंकृत सोहे।
जिन्हहि बिलोकत मुनि मन मोहे॥
sāvaṁkarana aganita haya hote |
te tinha rathanha sārathinha jote ||
suṁdara sakala alaṁkṛta sohe |
jinhahi bilokata muni mana mohe ||
885 of 1109
जे जल चलहिं थलहि की नाईं।
टाप न बूड़ बेग अधिकाईं॥
अस्त्र सस्त्र सबु साजु बनाई।
रथी सारथिन्ह लिए बोलाई॥
je jala calahiṁ thalahi kī nāīṁ |
ṭāpa na būḍa bega adhikāīṁ ||
astra sastra sabu sāju banāī |
rathī sārathinha lie bolāī ||
886 of 1109
दो०—चढ़ि चढ़ि रथ बाहेर नगर लागी जुरन बरात।
होत सगुन सुंदर सबहि जो जेहि कारज जात ॥२९९॥
do.—caḍhi caḍhi ratha bāhera nagara lāgī jurana barāta |
hota saguna suṁdara sabahi jo jehi kāraja jāta ||299||
887 of 1109
कलित करिबरन्हि परीं अँबारीं।
कहि न जाहिं जेहि भाँति सँवारीं॥
चले मत्त गज घंट बिराजी।
मनहुँ सुभग सावन घन राजी॥
kalita karibaranhi parīṁ aṁbārīṁ |
kahi na jāhiṁ jehi bhāṁti saṁvārīṁ ||
cale matta gaja ghaṁṭa birājī |
manahuṁ subhaga sāvana ghana rājī ||
888 of 1109
बाहन अपर अनेक बिधाना।
सिबिका सुभग सुखासन जाना॥
तिन्ह चढ़ि चले बिप्रबर बृंदा।
जनु तनु धरें सकल श्रुति छंदा॥
bāhana apara aneka bidhānā |
sibikā subhaga sukhāsana jānā ||
tinha caḍhi cale biprabara bṛṁdā |
janu tanu dhareṁ sakala śruti chaṁdā ||
889 of 1109
मागध सूत बंदि गुनगायक।
चले जान चढ़ि जो जेहि लायक॥
बेसर ऊँट बृषभ बहु जाती।
चले बस्तु भरि अगनित भाँती॥
māgadha sūta baṁdi gunagāyaka |
cale jāna caḍhi jo jehi lāyaka ||
besara ūṁṭa bṛṣabha bahu jātī |
cale bastu bhari aganita bhāṁtī ||
890 of 1109
कोटिन्ह काँवरि चले कहारा।
बिबिध बस्तु को बरनै पारा॥
चले सकल सेवक समुदाई।
निज निज साजु समाजु बनाई॥
koṭinha kāṁvari cale kahārā |
bibidha bastu ko baranai pārā ||
cale sakala sevaka samudāī |
nija nija sāju samāju banāī ||
891 of 1109
दो०—सब कें उर निर्भर हरषु पूरित पुलक सरीर।
कबहिं देखिबे नयन भरि रामु लखनु दोउ बीर ॥३००॥
do.—saba keṁ ura nirbhara haraṣu pūrita pulaka sarīra |
kabahiṁ dekhibe nayana bhari rāmu lakhanu dou bīra ||300||
892 of 1109
गरजहिं गज घंटा धुनि घोरा।
रथ रव बाजि हिंस चहु ओरा॥
निदरि घनहि घुर्मरहिं निसाना।
निज पराइ कछु सुनिअ न काना॥
garajahiṁ gaja ghaṁṭā dhuni ghorā |
ratha rava bāji hiṁsa cahu orā ||
nidari ghanahi ghurmarahiṁ nisānā |
nija parāi kachu sunia na kānā ||
893 of 1109
महा भीर भूपति के द्वारें।
रज होइ जाइ पषान पबारें॥
चढ़ी अटारिन्ह देखहिं नारीं।
लिएँ आरती मंगल थारीं॥
mahā bhīra bhūpati ke dvāreṁ |
raja hoi jāi paṣāna pabāreṁ ||
caḍhī aṭārinha dekhahiṁ nārīṁ |
lieṁ āratī maṁgala thārīṁ ||
894 of 1109
गावहिं गीत मनोहर नाना।
अति आनंदु न जाइ बखाना॥
तब सुमंत्र दुइ स्यंदन साजी।
जोते रबि हय निंदक बाजी॥
gāvahiṁ gīta manohara nānā |
ati ānaṁdu na jāi bakhānā ||
taba sumaṁtra dui syaṁdana sājī |
jote rabi haya niṁdaka bājī ||
895 of 1109
दोउ रथ रुचिर भूप पहिं आने।
नहिं सारद पहिं जाहिं बखाने॥
राज समाजु एक रथ साजा।
दूसर तेज पुंज अति भ्राजा॥
dou ratha rucira bhūpa pahiṁ āne |
nahiṁ sārada pahiṁ jāhiṁ bakhāne ||
rāja samāju eka ratha sājā |
dūsara teja puṁja ati bhrājā ||
896 of 1109
दो०—तेहिं रथ रुचिर बसिष्ठ कहुँ हरषि चढ़ाइ नरेसु।
आपु चढ़ेउ स्यंदन सुमिरि हर गुर गौरि गनेसु ॥३०१॥
do.—tehiṁ ratha rucira basiṣṭha kahuṁ haraṣi caḍhāi naresu |
āpu caḍheu syaṁdana sumiri hara gura gauri ganesu ||301||
897 of 1109
सहित बसिष्ठ सोह नृप कैसें।
सुर गुर संग पुरंदर जैसें॥
करि कुल रीति बेद बिधि राऊ।
देखि सबहि सब भाँति बनाऊ॥
sahita basiṣṭha soha nṛpa kaiseṁ |
sura gura saṁga puraṁdara jaiseṁ ||
kari kula rīti beda bidhi rāū |
dekhi sabahi saba bhāṁti banāū ||
898 of 1109
सुमिरि रामु गुर आयसु पाई।
चले महीपति संख बजाई॥
हरषे बिबुध बिलोकि बराता।
बरषहिं सुमन सुमंगल दाता॥
sumiri rāmu gura āyasu pāī |
cale mahīpati saṁkha bajāī ||
haraṣe bibudha biloki barātā |
baraṣahiṁ sumana sumaṁgala dātā ||
899 of 1109
भयउ कोलाहल हय गय गाजे।
ब्योम बरात बाजने बाजे॥
सुर नर नारि सुमंगल गाईं।
सरस राग बाजहिं सहनाईं॥
bhayau kolāhala haya gaya gāje |
byoma barāta bājane bāje ||
sura nara nāri sumaṁgala gāīṁ |
sarasa rāga bājahiṁ sahanāīṁ ||
900 of 1109
घंट घंटि धुनि बरनि न जाहीं।
सरव करहिं पाइक फहराहीं॥
करहिं बिदूषक कौतुक नाना।
हास कुसल कल गान सुजाना॥
ghaṁṭa ghaṁṭi dhuni barani na jāhīṁ |
sarava karahiṁ pāika phaharāhīṁ ||
karahiṁ bidūṣaka kautuka nānā |
hāsa kusala kala gāna sujānā ||
901 of 1109
दो०—तुरग नचावहिं कुअँर बर अकनि मृदंग निसान।
नागर नट चितवहिं चकित डगहिं न ताल बँधान ॥३०२॥
do.—turaga nacāvahiṁ kuaṁra bara akani mṛdaṁga nisāna |
nāgara naṭa citavahiṁ cakita ḍagahiṁ na tāla baṁdhāna ||302||
902 of 1109
बनइ न बरनत बनी बराता।
होहिं सगुन सुंदर सुभदाता॥
चारा चाषु बाम दिसि लेई।
मनहुँ सकल मंगल कहि देई॥
banai na baranata banī barātā |
hohiṁ saguna suṁdara subhadātā ||
cārā cāṣu bāma disi leī |
manahuṁ sakala maṁgala kahi deī ||
903 of 1109
दाहिन काग सुखेत सुहावा।
नकुल दरसु सब काहूँ पावा॥
सानुकूल बह त्रिबिध बयारी।
सघट सबाल आव बर नारी॥
dāhina kāga sukheta suhāvā |
nakula darasu saba kāhūṁ pāvā ||
sānukūla baha tribidha bayārī |
saghaṭa sabāla āva bara nārī ||
904 of 1109
लोवा फिरि फिरि दरसु देखावा।
सुरभी सनमुख सिसुहि पिआवा॥
मृगमाला फिरि दाहिनि आई।
मंगल गन जनु दीन्हि देखाई॥
lovā phiri phiri darasu dekhāvā |
surabhī sanamukha sisuhi piāvā ||
mṛgamālā phiri dāhini āī |
maṁgala gana janu dīnhi dekhāī ||
905 of 1109
छेमकरी कह छेम बिसेषी।
स्यामा बाम सुतरु पर देखी॥
सनमुख आयउ दधि अरु मीना।
कर पुस्तक दुइ बिप्र प्रबीना॥
chemakarī kaha chema biseṣī |
syāmā bāma sutaru para dekhī ||
sanamukha āyau dadhi aru mīnā |
kara pustaka dui bipra prabīnā ||
906 of 1109
दो०—मंगलमय कल्यानमय अभिमत फल दातार।
जनु सब साचे होन हित भए सगुन एक बार ॥३०३॥
do.—maṁgalamaya kalyānamaya abhimata phala dātāra |
janu saba sāce hona hita bhae saguna eka bāra ||303||
907 of 1109
मंगल सगुन सुगम सब ताकें।
सगुन ब्रह्म सुंदर सुत जाकें॥
राम सरिस बरु दुलहिनि सीता।
समधी दसरथु जनकु पुनीता॥
maṁgala saguna sugama saba tākeṁ |
saguna brahma suṁdara suta jākeṁ ||
rāma sarisa baru dulahini sītā |
samadhī dasarathu janaku punītā ||
908 of 1109
सुनि अस ब्याहु सगुन सब नाचे।
अब कीन्हे बिरंचि हम साँचे॥
एहि बिधि कीन्ह बरात पयाना।
हय गय गाजहिं हने निसाना॥
आवत जानि भानुकुल केतू।
सरितन्हि जनक बँधाए सेतू॥
बीच बीच बर बास बनाए।
सुरपुर सरिस संपदा छाए॥
असन सयन बर बसन सुहाए।
पावहिं सब निज निज मन भाए॥
नित नूतन सुख लखि अनुकूले।
सकल बरातिन्ह मंदिर भूले॥
Suni as byāhu sagun sab nāche,
ab kīnhe biranchi ham sāṅche.
Ehi bidhi kīnh barāt payānā,
hay gay gājahiṅ hane nisānā.
Āvat jāni Bhānukul ketū,
saritanhi Janak baṅdhāe setū.
Bīch bīch bar bās banāe,
surapur saris sanpadā chhāe.
Asan sayan bar basan suhāe,
pāvahiṅ sab nij nij man bhāe.
Nit nūtan sukh lakhi anukūle,
sakal barātinh mandir bhūle.
909 of 1109
दो०—आवत जानि बरात बर सुनि गहगहे निसान।
सजि गज रथ पदचर तुरग लेन चले अगवान ॥३०४॥
Do—Āvat jāni barāt bar suni gahagahe nisān,
saji gaj rath padachar turag len chale agavān. (304)
910 of 1109
कनक कलस भरि कोपर थारा।
भाजन ललित अनेक प्रकारा॥
भरे सुधासम सब पकवाने।
नाना भाँति न जाहिं बखाने॥
फल अनेक बर बस्तु सुहाईं।
हरषि भेंट हित भूप पठाईं॥
भूषन बसन महामनि नाना।
खग मृग हय गय बहु बिधि जाना॥
मंगल सगुन सुगंध सुहाए।
बहुत भाँति महिपाल पठाए॥
दधि चिउरा उपहार अपारा।
भरि भरि काँवरि चले कहारा॥
अगवानन्ह जब दीखि बराता।
उर आनंदु पुलक भर गाता॥
देखि बनाव सहित अगवाना।
मुदित बरातिन्ह हने निसाना॥
Kanak kalas bhari kopar thārā,
bhājan lalit anek prakārā.
Bhare sudhāsam sab pakavāne,
nānā bhāṅti na jāhiṅ bakhāne.
Phal anek bar bastu suhāīṅ,
haraṣi bheṅṭ hit bhūp paṭhāīṅ.
Bhūṣan basan mahāmani nānā,
khag mṛig hay gay bahu bidhi jānā.
Maṅgal sagun sugandh suhāe,
bahut bhāṅti mahipāl paṭhāe.
Dadhi chiurā upahār apārā,
bhari bhari kāṅvari chale kahārā.
Agavānanh jab dīkhi barātā,
ur ānandu pulak bhar gātā.
Dekhi banāv sahit agavānā,
mudit barātinh hane nisānā.
911 of 1109
दो०—हरषि परसपर मिलन हित कछुक चले बगमेल।
जनु आनंद समुद्र दुइ मिलत बिहाइ सुबेल ॥३०५॥
Do—Haraṣi parasapar milan hit kachhuk chale bagamel,
janu ānand samudra dui milat bihāi subel. (305)
912 of 1109
बरषि सुमन सुर सुंदरि गावहिं।
मुदित देव दुंदुभीं बजावहिं॥
बस्तु सकल राखीं नृप आगें।
बिनय कीन्हि तिन्ह अति अनुरागें॥
प्रेम समेत रायँ सबु लीन्हा।
भै बकसीस जाचकन्हि दीन्हा॥
करि पूजा मान्यता बड़ाई।
जनवासे कहुँ चले लवाई॥
बसन बिचित्र पाँवड़े परहीं।
देखि धनदु धन मदु परिहरहीं॥
अति सुंदर दीन्हेउ जनवासा।
जहँ सब कहुँ सब भाँति सुपासा॥
जानी सियँ बरात पुर आई।
कछु निज महिमा प्रगटि जनाई॥
हृदयँ सुमिरि सब सिद्धि बोलाई।
भूप पहुनई करन पठाई॥
Baraṣi suman sur suṅdari gāvahiṅ,
mudit dev dundubhīṅ bajāvahiṅ.
Bastu sakal rākhīṅ nṛip āgeṅ,
binay kīnhi tinh ati anurāgeṅ.
Prem samet rāyaṅ sabu līnhā,
bhai bakasīs jāchakanhi dīnhā.
Kari pūjā mānyatā baḍāī,
janavāse kahuṅ chale lavāī.
Basan bichitra pāṅvaḍe parahīṅ,
dekhi Dhanadu dhan madu pariharahīṅ.
Ati sundar dīnheu janavāsā,
jahaṅ sab kahuṅ sab bhāṅti supāsā.
Jānī Siyaṅ barāt pur āī,
kachhu nij mahimā pragaṭi janāī.
Hṛidayaṅ sumiri sab siddhi bolāī,
bhūp pahunaī karan paṭhāī.
913 of 1109
दो०—सिधि सब सिय आयसु अकनि गईं जहाँ जनवास।
लिएँ संपदा सकल सुख सुरपुर भोग बिलास ॥३०६॥
Do—Sidhi sab Siy āyasu akani gaīṅ jahāṅ janavās,
lieṅ sanpadā sakal sukh surapur bhog bilās. (306)
914 of 1109
निज निज बास बिलोकि बराती।
सुरसुख सकल सुलभ सब भाँती॥
बिभव भेद कछु कोउ न जाना।
सकल जनक कर करहिं बखाना॥
सिय महिमा रघुनायक जानी।
हरषे हृदयँ हेतु पहिचानी॥
पितु आगमनु सुनत दोउ भाई।
हृदयँ न अति आनंदु अमाई॥
सकुचन्ह कहि न सकत गुरु पाहीं।
पितु दरसन लालचु मन माहीं॥
बिस्वामित्र बिनय बड़ि देखी।
उपजा उर संतोषु बिसेषी॥
हरषि बंधु दोउ हृदयँ लगाए।
पुलक अंग अंबक जल छाए॥
चले जहाँ दसरथु जनवासे।
मनहुँ सरोबर तकेउ पिआसे॥
Nij nij bās biloki barātī,
surasukh sakal sulabh sab bhāṅtī.
Bibhav bhed kachhu kou na jānā,
sakal Janak kar karahiṅ bakhānā.
Siy mahimā Raghunāyak jānī,
haraṣe hṛidayaṅ hetu pahichānī.
Pitu āgamanu sunat dou bhāī,
hṛidayaṅ na ati ānandu amāī.
Sakuchanh kahi na sakat guru pāhīṅ,
pitu darasan lālachu man māhīṅ.
Biswāmitra binay baḍi dekhī,
upajā ur santoṣu biseṣī.
Haraṣi bandhu dou hṛidayaṅ lagāe,
pulak aṅg aṅbak jal chhāe.
Chale jahāṅ Dasarathu janavāse,
manahuṅ sarobar takeu piāse.
915 of 1109
दो०—भूप बिलोके जबहिं मुनि आवत सुतन्ह समेत।
उठे हरषि सुखसिंधु महुँ चले थाह सी लेत ॥३०७॥
Do—Bhūp biloke jabahiṅ muni āvat sutanh samet,
uṭhe haraṣi sukhasindhu mahuṅ chale thāh sī let. (307)
916 of 1109
मुनिहि दंडवत कीन्ह महीसा।
बार बार पद रज धरि सीसा॥
कौसिक राउ लिए उर लाई।
कहि असीस पूछी कुसलाई॥
पुनि दंडवत करत दोउ भाई।
देखि नृपति उर सुखु न समाई॥
सुत हियँ लाइ दुसह दुख मेटे।
मृतक सरीर प्रान जनु भेंटे॥
पुनि बसिष्ठ पद सिर तिन्ह नाए।
प्रेम मुदित मुनिबर उर लाए॥
बिप्र बृंद बंदे दुहुँ भाई।
मनभावती असीसें पाई॥
भरत सहानुज कीन्ह प्रनामा।
लिए उठाइ लाइ उर रामा॥
हरषे लखन देखि दोउ भ्राता।
मिले प्रेम परिपूरित गाता॥
Munihi daṇḍavat kīnh mahīsā,
bār bār pad raj dhari sīsā.
Kausik rāu lie ur lāī,
kahi asīs pūchhī kusalāī.
Puni daṇḍavat karat dou bhāī,
dekhi nṛipati ur sukhu na samāī.
Sut hiyaṅ lāi dusah dukh meṭe,
mṛitak sarīr prān janu bheṅṭe.
Puni Basiṣṭha pad sir tinh nāe,
prem mudit munibar ur lāe.
Bipra bṛind baṅde duhuṅ bhāī,
manabhāvatī asīseṅ pāī.
Bharat sahānuj kīnh pranāmā,
lie uṭhāi lāi ur Rāmā.
Haraṣe Lakhan dekhi dou bhrātā,
mile prem paripūrit gātā.
917 of 1109
दो०—पुरजन परिजन जातिजन जाचक मंत्री मीत।
मिले जथाबिधि सबहि प्रभु परम कृपाल बिनीत ॥३०८॥
Do—Purajan parijan jātijan jāchak mantrī mīt,
mile jathābidhi sabahi prabhu param kṛipāl binīt. (308)
918 of 1109
रामहि देखि बरात जुड़ानी।
प्रीति कि रीति न जाति बखानी॥
नृप समीप सोहहिं सुत चारी।
जनु धन धरमादिक तनुधारी॥
सुतन्ह समेत दसरथहि देखी।
मुदित नगर नर नारि बिसेषी॥
सुमन बरिसि सुर हनहिं निसाना।
नाकनटीं नाचहिं करि गाना॥
सतानंद अरु बिप्र सचिव गन।
मागध सूत बिदुष बंदीजन॥
सहित बरात राउ सनमाना।
आयसु मागि फिरे अगवाना॥
प्रथम बरात लगन तें आई।
तातें पुर प्रमोदु अधिकाई॥
ब्रह्मानंदु लोग सब लहहीं।
बढ़हुँ दिवस निसि बिधि सन कहहीं॥
Rāmahi dekhi barāt juḍānī,
prīti ki rīti na jāti bakhānī.
Nṛip samīp sohahiṅ sut chārī,
janu dhan dharamādik tanudhārī.
Sutanh samet Dasarathahi dekhī,
mudit nagar nar nāri biseṣī.
Suman barisi sur hanahiṅ nisānā,
nākanaṭīṅ nāchahiṅ kari gānā.
Sātānand aru bipra sachiv gan,
māgadh sūt biduṣ bandījan.
Sahit barāt rāu sanamānā,
āyasu māgi phire agavānā.
Pratham barāt lagan teṅ āī,
tāteṅ pur pramodu adhikāī.
Brahmānandu log sab lahahīṅ,
baḍhahuṅ divas nisi bidhi san kahahīṅ.
919 of 1109
दो०—रामु सीय सोभा अवधि सुकृत अवधि दोउ राज।
जहँ तहँ पुरजन कहहिं अस मिलि नर नारि समाज ॥३०९॥
Do—Rāmu Sīy sobhā avadhi sukṛit avadhi dou rāj,
jahaṅ tahaṅ purajan kahahiṅ as mili nar nāri samāj. (309)
920 of 1109
जनक सुकृत मूरति बैदेही।
दसरथ सुकृत रामु धरें देही॥
इन्ह सम काहुँ न सिव अवराधे।
काहुँ न इन्ह समान फल लाधे॥
इन्ह सम कोउ न भयउ जग माहीं।
है नहिं कतहूँ होनेउ नाहीं॥
हम सब सकल सुकृत कै रासी।
भए जग जनमि जनकपुर बासी॥
जिन्ह जानकी राम छबि देखी।
को सुकृती हम सरिस बिसेषी॥
पुनि देखब रघुबीर बिआहू।
लेब भली बिधि लोचन लाहू॥
कहहिं परसपर कोकिलबयनीं।
एहि बिआहँ बड़ लाभु सुनयनीं॥
बड़ें भाग बिधि बात बनाई।
नयन अतिथि होइहहिं दोउ भाई॥
Janak sukṛit mūrati Baidehī,
Dasarath sukṛit Rāmu dhareṅ dehī.
Inh sam kāhuṅ na Siv avarādhe,
kāhuṅ na inh samān phal lādhe.
Inh sam kou na bhayau jag māhīṅ,
hai nahiṅ katahūṅ honeu nāhīṅ.
Ham sab sakal sukṛit kai rāsī,
bhae jag janami Janakapur bāsī.
Jinh Jānakī Rām chhabi dekhī,
ko sukṛitī ham saris biseṣī.
Puni dekhab Raghubīr biāhū,
leb bhalī bidhi lochan lāhū.
Kahahiṅ parasapar kokilabayanīṅ,
ehi biāhaṅ baḍ lābhu sunayanīṅ.
Baḍeṅ bhāg bidhi bāt banāī,
nayan atithi hoihahiṅ dou bhāī.
921 of 1109
दो०—बारहिं बार सनेह बस जनक बोलाउब सीय।
लेन आइहहिं बंधु दोउ कोटि काम कमनीय ॥३१०॥
Do—Bārahiṅ bār saneh bas Janak bolāub Sīy,
len āihahiṅ bandhu dou koṭi Kām kamanīy. (310)
922 of 1109
बिबिध भाँति होइहि पहुनाई।
प्रिय न काहि अस सासुर माई॥
तब तब राम लखनहि निहारी।
होइहहिं सब पुर लोग सुखारी॥
सखि जस राम लखन कर जोटा।
तैसेइ भूप संग दुइ ढोटा॥
स्याम गौर सब अंग सुहाए।
ते सब कहहिं देखि जे आए॥
कहा एक मैं आजु निहारे।
जनु बिरंचि निज हाथ सँवारे॥
भरतु रामही की अनुहारी।
सहसा लखि न सकहिं नर नारी॥
लखनु सत्रुसूदनु एकरूपा।
नख सिख ते सब अंग अनूपा॥
मन भावहिं मुख बरनि न जाहीं।
उपमा कहुँ त्रिभुवन कोउ नाहीं॥
Bibidh bhāṅti hoihi pahunāī,
priy na kāhi as sāsur māī.
Tab tab Rām Lakhanahi nihārī,
hoihahiṅ sab pur log sukhārī.
Sakhi jas Rām Lakhan kar joṭā,
taisei bhūp saṅg dui ḍhoṭā.
Syām gaur sab aṅg suhāe,
te sab kahahiṅ dekhi je āe.
Kahā ek maiṅ āju nihāre,
janu biranchi nij hāth saṅvāre.
Bharatu Rāmahī kī anuhārī,
sahasā lakhi na sakahiṅ nar nārī.
Lakhanu Satrusūdanu ekarūpā,
nakh sikh te sab aṅg anūpā.
Man bhāvahiṅ mukh barani na jāhīṅ,
upamā kahuṅ tribhuvan kou nāhīṅ.
923 of 1109
छं०—उपमा न कोउ कह दास तुलसी कतहुँ कबि कोबिद कहैं।
बल बिनय बिद्या सील सोभा सिंधु इन्ह से एइ अहैं॥
पुर नारि सकल पसारि अंचल बिधिहि बचन सुनावहीं।
ब्याहिअहुँ चारिउ भाइ एहिं पुर हम सुमंगल गावहीं॥
Chhand—Upamā na kou kah dās Tulasī katahuṅ kabi kobid kahaiṅ,
bal binay bidyā sīl sobhā sindhu inh se ei ahaiṅ.
Pur nāri sakal pasāri aṅchal bidhihi bachan sunāvahīṅ,
byāhiahuṅ chāriu bhāi ehiṅ pur ham sumaṅgal gāvahīṅ.
924 of 1109
सो०—कहहिं परस्पर नारि बारि बिलोचन पुलक तन।
सखि सबु करब पुरारि पुन्य पयोनिधि भूप दोउ ॥३११॥
So—Kahahiṅ paraspar nāri bāri bilochan pulak tan,
sakhi sabu karab Purāri punya payonidhi bhūp dou. (311)
925 of 1109
एहि बिधि सकल मनोरथ करहीं।
आनँद उमगि उमगि उर भरहीं॥
जे नृप सीय स्वयंबर आए।
देखि बंधु सब तिन्ह सुख पाए॥
कहत राम जसु बिसद बिसाला।
निज निज भवन गए महिपाला॥
गए बीति कछु दिन एहि भाँती।
प्रमुदित पुरजन सकल बराती॥
मंगल मूल लगन दिनु आवा।
हिम रितु अगहनु मासु सुहावा॥
ग्रह तिथि नखतु जोगु बर बारू।
लगन सोधि बिधि कीन्ह बिचारू॥
पठै दीन्हि नारद सन सोई।
गनी जनक के गनकन्ह जोई॥
सुनी सकल लोगन्ह यह बाता।
कहहिं जोतिषी आहिं बिधाता॥
Ehi bidhi sakal manorath karahīṅ,
ānaṅd umagi umagi ur bharahīṅ.
Je nṛip Sīy swayanbar āe,
dekhi bandhu sab tinh sukh pāe.
Kahat Rām jasu bisad bisālā,
nij nij bhavan gae mahipālā.
Gae bīti kachhu din ehi bhāṅtī,
pramudit purajan sakal barātī.
Maṅgal mūl lagan dinu āvā,
him ritu agahanu māsu suhāvā.
Grah tithi nakhatu jogu bar bārū,
lagan sodhi bidhi kīnh bichārū.
Paṭhai dīnhi Nārad san soī,
ganī Janak ke ganakanh joī.
Sunī sakal loganh yah bātā,
kahahiṅ jotiṣī āhiṅ Bidhātā.
926 of 1109
दो०—धेनुधूरि बेला बिमल सकल सुमंगल मूल।
बिप्रन्ह कहेउ बिदेह सन जानि सगुन अनुकूल ॥३१२॥
Do—Dhenudhūri belā bimal sakal sumaṅgal mūl,
bipranh kaheu Bideh san jāni sagun anukūl. (312)
927 of 1109
उपरोहितहि कहेउ नरनाहा।
अब बिलंब कर कारनु काहा॥
सतानंद तब सचिव बोलाए।
मंगल सकल साजि सब ल्याए॥
संख निसान पनव बहु बाजे।
मंगल कलस सगुन सुभ साजे॥
सुभग सुआसिनि गावहिं गीता।
करहिं बेद धुनि बिप्र पुनीता॥
लेन चले सादर एहि भाँती।
गए जहाँ जनवास बराती॥
कोसलपति कर देखि समाजू।
अति लघु लाग तिन्हहि सुरराजू॥
भयउ समउ अब धारिअ पाऊ।
यह सुनि परा निसानहिं घाऊ॥
गुरहि पूछि करि कुल बिधि राजा।
चले संग मुनि साधु समाजा॥
Uparohitahi kaheu naranāhā,
ab bilaṅb kar kāranu kāhā.
Sātānand tab sachiv bolāe,
maṅgal sakal sāji sab lyāe.
Saṅkh nisān panav bahu bāje,
maṅgal kalas sagun subh sāje.
Subhag suāsini gāvahiṅ gītā,
karahiṅ bed dhuni bipra punītā.
Len chale sādar ehi bhāṅtī,
gae jahāṅ janavās barātī.
Kosalapati kar dekhi samājū,
ati laghu lāg tinhahi surarājū.
Bhayau samau ab dhāria pāū,
yah suni parā nisānahiṅ ghāū.
Gurahi pūchhi kari kul bidhi rājā,
chale saṅg muni sādhu samājā.
928 of 1109
दो०—भाग्य बिभव अवधेस कर देखि देव ब्रह्मादि।
लगे सराहन सहस मुख जानि जनम निज बादि ॥३१३॥
Do—Bhāgya bibhav avadhes kar dekhi dev Brahmādi,
lage sarāhan sahas mukh jāni janam nij bādi. (313)
929 of 1109
सुरन्ह सुमंगल अवसरु जाना।
बरषहिं सुमन बजाइ निसाना॥
सिव ब्रह्मादिक बिबुध बरूथा।
चढ़े बिमानन्हि नाना जूथा॥
प्रेम पुलक तन हृदयँ उछाहू।
चले बिलोकन राम बिआहू॥
देखि जनकपुरु सुर अनुरागे।
निज निज लोक सबहिं लघु लागे॥
चितवहिं चकित बिचित्र बिताना।
रचना सकल अलौकिक नाना॥
नगर नारि नर रूप निधाना।
सुघर सुधरम सुसील सुजाना॥
तिन्हहि देखि सब सुर सुरनारीं।
भए नखत जनु बिधु उजिआरीं॥
बिधिहि भयउ आचरजु बिसेषी।
निज करनी कछु कतहुँ न देखी॥
Suranh sumaṅgal avasaru jānā,
baraṣahiṅ suman bajāi nisānā.
Siv Brahmādik bibudh barūthā,
chaḍhe bimānanhi nānā jūthā.
Prem pulak tan hṛidayaṅ uchhāhū,
chale bilokan Rām biāhū.
Dekhi Janakapuru sur anurāge,
nij nij lok sabahiṅ laghu lāge.
Chitavahiṅ chakit bichitra bitānā,
rachanā sakal alaukik nānā.
Nagar nāri nar rūp nidhānā,
sughar sudharam susīl sujānā.
Tinhahi dekhi sab sur suranārīṅ,
bhae nakhat janu bidhu ujiārīṅ.
Bidhihi bhayau ācharaju biseṣī,
nij karanī kachhu katahuṅ na dekhī.
930 of 1109
दो०—सिवँ समुझाए देव सब जनि आचरज भुलाहु।
हृदयँ बिचारहु धीर धरि सिय रघुबीर बिआहु ॥३१४॥
Do—Sivaṅ samujhāe dev sab jani ācharaj bhulāhu,
hṛidayaṅ bichārahu dhīr dhari Siy Raghubīr biāhu. (314)
931 of 1109
जिन्ह कर नामु लेत जग माहीं।
सकल अमंगल मूल नसाहीं॥
करतल होहिं पदारथ चारी।
तेइ सिय रामु कहेउ कामारी॥
एहि बिधि संभु सुरन्ह समुझावा।
पुनि आगें बर बसह चलावा॥
देवन्ह देखे दसरथु जाता।
महामोद मन पुलकित गाता॥
साधु समाज संग महिदेवा।
जनु तनु धरें करहिं सुख सेवा॥
सोहत साथ सुभग सुत चारी।
जनु अपबरग सकल तनुधारी॥
मरकत कनक बरन बर जोरी।
देखि सुरन्ह भै प्रीति न थोरी॥
पुनि रामहि बिलोकि हियँ हरषे।
नृपहि सराहि सुमन तिन्ह बरषे॥
Jinh kar nāmu let jag māhīṅ,
sakal amaṅgal mūl nasāhīṅ.
Karatal hohiṅ padārath chārī,
tei Siy Rāmu kaheu Kāmārī.
Ehi bidhi Sambhu suranh samujhāvā,
puni āgeṅ bar basah chalāvā.
Devanh dekhe Dasarathu jātā,
mahāmod man pulakit gātā.
Sādhu samāj saṅg mahidevā,
janu tanu dhareṅ karahiṅ sukh sevā.
Sohat sāth subhag sut chārī,
janu apabarag sakal tanudhārī.
Marakat kanak baran bar jorī,
dekhi suranh bhai prīti na thorī.
Puni Rāmahi biloki hiyaṅ haraṣe,
nṛipahi sarāhi suman tinh baraṣe.
932 of 1109
दो०—राम रूपु नख सिख सुभग बारहिं बार निहारि।
पुलक गात लोचन सजल उमा समेत पुरारि ॥३१५॥
Do—Rām rūpu nakh sikh subhag bārahiṅ bār nihāri,
pulak gāt lochan sajal Umā samet Purāri. (315)
933 of 1109
केकि कंठ दुति स्यामल अंगा।
तड़ित बिनिंदक बसन सुरंगा॥
ब्याह बिभूषन बिबिध बनाए।
मंगल सब सब भाँति सुहाए॥
सरद बिमल बिधु बदनु सुहावन।
नयन नवल राजीव लजावन॥
सकल अलौकिक सुंदरताई।
कहि न जाइ मनहीं मन भाई॥
बंधु मनोहर सोहहिं संगा।
जात नचावत चपल तुरंगा॥
राजकुअँर बर बाजि देखावहिं।
बंस प्रसंसक बिरिद सुनावहिं॥
जेहि तुरंग पर रामु बिराजे।
गति बिलोकि खगनायकु लाजे॥
कहि न जाइ सब भाँति सुहावा।
बाजि बेषु जनु काम बनावा॥
Keki kaṅṭh duti syāmal aṅgā,
taḍit binindak basan suraṅgā.
Byāh bibhūṣan bibidh banāe,
maṅgal sab sab bhāṅti suhāe.
Sarad bimal bidhu badanu suhāvan,
nayan naval rājīv lajāvan.
Sakal alaukik sundaratāī,
kahi na jāi manahīṅ man bhāī.
Bandhu manohar sohahiṅ saṅgā,
jāt nachāvat chapal turaṅgā.
Rājakuaṅr bar bāji dekhāvahiṅ,
bans prasansak birid sunāvahiṅ.
Jehi turaṅg par Rāmu birāje,
gati biloki khaganāyaku lāje.
Kahi na jāi sab bhāṅti suhāvā,
bāji beṣu janu Kām banāvā.
934 of 1109
छं०—जनु बाजि बेषु बनाइ मनसिजु राम हित अति सोहई।
आपनें बय बल रूप गुन गति सकल भुवन बिमोहई॥
जगमगत जीनु जराव जोति सुमोति मनि मानिक लगे।
किंकिनि ललाम लगामु ललित बिलोकि सुर नर मुनि ठगे॥
Chhand—Janu bāji beṣu banāi manasiju Rām hit ati sohaī,
āpaneṅ bay bal rūp gun gati sakal bhuvan bimohaī.
Jagamagat jīnu jarāv joti sumoti mani mānik lage,
kiṅkini lalām lagāmu lalit biloki sur nar muni ṭhage.
935 of 1109
दो०—प्रभु मनसहिं लयलीन मनु चलत बाजि छबि पाव।
भूषित उड़गन तड़ित घनु जनु बर बरहि नचाव ॥३१६॥
Do—Prabhu manasahiṅ layalīn manu chalat bāji chhabi pāv,
bhūṣit uḍgan taḍit ghanu janu bar barahi nachāv. (316)
936 of 1109
जेहिं बर बाजि रामु असवारा।
तेहि सारदउ न बरनै पारा॥
संकरु राम रूप अनुरागे।
नयन पंचदस अति प्रिय लागे॥
हरि हित सहित रामु जब जोहे।
रमा समेत रमापति मोहे॥
निरखि राम छबि बिधि हरषाने।
आठइ नयन जानि पछिताने॥
सुर सेनप उर बहुत उछाहू।
बिधि ते डेवढ़ लोचन लाहू॥
रामहि चितव सुरेस सुजाना।
गौतम श्रापु परम हित माना॥
देव सकल सुरपतिहि सिहाहीं।
आजु पुरंदर सम कोउ नाहीं॥
मुदित देवगन रामहि देखी।
नृपसमाज दुहुँ हरषु बिसेषी॥
Jehiṅ bar bāji Rāmu asavārā,
tehi Sāradau na baranai pārā.
Saṅkaru Rām rūp anurāge,
nayan panchadas ati priy lāge.
Hari hit sahit Rāmu jab johe,
Ramā samet Ramāpati mohe.
Nirakhi Rām chhabi bidhi haraṣāne,
āṭhai nayan jāni pachhitāne.
Sur senap ur bahut uchhāhū,
bidhi te ḍevaḍh lochan lāhū.
Rāmahi chitav Sures sujānā,
Gautam shrāpu param hit mānā.
Dev sakal surapatihi sihāhīṅ,
āju Purandar sam kou nāhīṅ.
Mudit devagan Rāmahi dekhī,
nṛipasamāj duhuṅ haraṣu biseṣī.
937 of 1109
छं०—अति हरषु राजसमाज दुहु दिसि दुंदुभीं बाजहिं घनी।
बरषहिं सुमन सुर हरषि कहि जय जयति जय रघुकुलमनी॥
एहि भाँति जानि बरात आवत बाजने बहु बाजहीं।
रानी सुआसिनि बोलि परिछनि हेतु मंगल साजहीं॥
Chhand—Ati haraṣu rājasamāj duhu disi dundubhīṅ bājahiṅ ghanī,
baraṣahiṅ suman sur haraṣi kahi jay jayati jay Raghukulamanī.
Ehi bhāṅti jāni barāt āvat bājane bahu bājahīṅ,
rānī suāsini boli parichhani hetu maṅgal sājahīṅ.
938 of 1109
दो०—सजि आरती अनेक बिधि मंगल सकल सँवारि।
चलीं मुदित परिछनि करन गजगामिनि बर नारि ॥३१७॥
Do—Saji ārtī anek bidhi maṅgal sakal saṅvāri,
chalīṅ mudit parichhani karan gajagāmini bar nāri. (317)
939 of 1109
बिधुबदनीं सब सब मृगलोचनि।
सब निज तन छबि रति मदु मोचनि॥
पहिरें बरन बरन बर चीरा।
सकल बिभूषन सजें सरीरा॥
सकल सुमंगल अंग बनाएँ।
करहिं गान कलकंठि लजाएँ॥
कंकन किंकिनि नूपुर बाजहिं।
चालि बिलोकि काम गज लाजहिं॥
बाजहिं बाजने बिबिध प्रकारा।
नभ अरु नगर सुमंगलचारा॥
सची सारदा रमा भवानी।
जे सुरतिय सुचि सहज सयानी॥
कपट नारि बर बेष बनाई।
मिलीं सकल रनिवासहिं जाई॥
करहिं गान कल मंगल बानीं।
हरष बिबस सब काहुँ न जानीं॥
Bidhubadanīṅ sab sab mṛigalochani,
sab nij tan chhabi rati madu mochani.
Pahireṅ baran baran bar chīrā,
sakal bibhūṣan sajeṅ sarīrā.
Sakal sumaṅgal aṅg banāeṅ,
karahiṅ gān kalakaṅṭhi lajāeṅ.
Kaṅkan kiṅkini nūpur bājahiṅ,
chāli biloki kām gaj lājahiṅ.
Bājahiṅ bājane bibidh prakārā,
nabh aru nagar sumaṅgalachārā.
Sachī Sāradā Ramā Bhavānī,
je suratiy suchi sahaj sayānī.
Kapaṭ nāri bar beṣ banāī,
milīṅ sakal ranivāsahiṅ jāī.
Karahiṅ gān kal maṅgal bānīṅ,
haraṣ bibas sab kāhuṅ na jānīṅ.
940 of 1109
छं०—को जान केहि आनंद बस सब ब्रह्रु बर परिछन चली।
कल गान मधुर निसान बरषहिं सुमन सुर सोभा भली॥
आनंदकंदु बिलोकि दूलहु सकल हियँ हरषित भई।
अंभोज अंबक अंबु उमगि सुअंग पुलकावलि छई॥
Chhand—Ko jān kehi ānand bas sab brahru bar parichhan chalī,
kal gān madhur nisān baraṣahiṅ suman sur sobhā bhalī.
Ānandakandu biloki dūlahu sakal hiyaṅ haraṣit bhaī,
aṅbhoj aṅbak aṅbu umagi suaṅg pulakāvali chhaī.
941 of 1109
दो०—जो सुखु भा सिय मातु मन देखि राम बर बेषु।
सो न सकहिं कहि कलप सत सहस सारदा सेषु ॥३१८॥
Do—Jo sukhu bhā Siy mātu man dekhi Rām bar beṣu,
so na sakahiṅ kahi kalap sat sahas Sāradā Seṣu. (318)
942 of 1109
नयन नीरु हटि मंगल जानी।
परिछनि करहिं मुदित मन रानी॥
बेद बिहित अरु कुल आचारू।
कीन्ह भली बिधि सब ब्यवहारू॥
पंच सबद धुनि मंगल गाना।
पट पाँवड़े परहिं बिधि नाना॥
करि आरती अरघु तिन्ह दीन्हा।
राम गमनु मंडप तब कीन्हा॥
दसरथु सहित समाज बिराजे।
बिभव बिलोकि लोकपति लाजे॥
समयँ समयँ सुर बरषहिं फूला।
सांति पढ़हिं महिसुर अनुकूला॥
नभ अरु नगर कोलाहल होई।
आपनि पर कछु सुनइ न कोई॥
एहि बिधि रामु मंडपहिं आए।
अरघु देइ आसन बैठाए॥
Nayan nīru haṭi maṅgal jānī,
parichhani karahiṅ mudit man rānī.
Bed bihit aru kul āchārū,
kīnh bhalī bidhi sab byavahārū.
Panch sabad dhuni maṅgal gānā,
paṭ pāṅvaḍe parahiṅ bidhi nānā.
Kari ārtī arghu tinh dīnhā,
Rām gamanu maṇḍap tab kīnhā.
Dasarathu sahit samāj birāje,
bibhav biloki lokapati lāje.
Samayaṅ samayaṅ sur baraṣahiṅ phūlā,
sāṅti paḍhahiṅ mahisur anukūlā.
Nabh aru nagar kolāhal hoī,
āpani par kachhu sunai na koī.
Ehi bidhi Rāmu maṇḍapahiṅ āe,
arghu dei āsan baiṭhāe.
943 of 1109
छं०—बैठारि आसन आरती करि निरखि बरु सुखु पावहीं।
मनि बसन भूषन भूरि वारहिं नारि मंगल गावहीं॥
ब्रह्मादि सुरबर बिप्र बेष बनाइ कौतुक देखहीं।
अवलोकि रघुकुल कमल रबि छबि सुफल जीवन लेखहीं॥
Chhand—Baiṭhāri āsan ārtī kari nirakhi baru sukhu pāvahīṅ,
mani basan bhūṣan bhūri vārahiṅ nāri maṅgal gāvahīṅ.
Brahmādi surabar bipra beṣ banāi kautuk dekhahīṅ,
avaloki Raghukul kamal rabi chhabi suphal jīvan lekhahīṅ.
944 of 1109
दो०—नाऊ बारी भाट नट राम निछावरि पाइ।
मुदित असीसहिं नाइ सिर हरषु न हृदयँ समाइ ॥३१९॥
Do—Nāū bārī bhāṭ naṭ Rām nichhāvari pāi,
mudit asīsahiṅ nāi sir haraṣu na hṛidayaṅ samāi. (319)
945 of 1109
मिले जनकु दसरथु अति प्रीतीं।
करि बैदिक लौकिक सब रीतीं॥
मिलत महा दोउ राज बिराजे।
उपमा खोजि खोजि कबि लाजे॥
लही न कतहुँ हारि हियँ मानी।
इन्ह सम एइ उपमा उर आनी॥
सामध देखि देव अनुरागे।
सुमन बरषि जसु गावन लागे॥
जगु बिरंचि उपजावा जब तें।
देखे सुने ब्याह बहु तब तें॥
सकल भाँति सम साजु समाजू।
सम समधी देखे हम आजू॥
देव गिरा सुनि सुंदर साँची।
प्रीति अलौकिक दुहु दिसि माची॥
देत पाँवड़े अरघु सुहाए।
सादर जनकु मंडपहिं ल्याए॥
Mile Janaku Dasarathu ati prītīṅ,
kari baidik laukik sab rītīṅ.
Milat mahā dou rāj birāje,
upamā khoji khoji kabi lāje.
Lahī na katahuṅ hāri hiyaṅ mānī,
inh sam ei upamā ur ānī.
Sāmadh dekhi dev anurāge,
suman baraṣi jasu gāvan lāge.
Jagu biranchi upajāvā jab teṅ,
dekhe sune byāh bahu tab teṅ.
Sakal bhāṅti sam sāju samājū,
sam samadhī dekhe ham ājū.
Dev girā suni sundar sāṅchī,
prīti alaukik duhu disi māchī.
Det pāṅvaḍe arghu suhāe,
sādar Janaku maṇḍapahiṅ lyāe.
946 of 1109
छं०—मंडपु बिलोकि बिचित्र रचनाँ रुचिरताँ मुनि मन हरे।
निज पानि जनक सुजान सब कहुँ आनि सिंघासन धरे॥
कुल इष्ट सरिस बसिष्ठ पूजे बिनय करि आसिष लही।
कौसिकहि पूजत परम प्रीति कि रीति तौ न परै कही॥
Chhand—Maṇḍapu biloki bichitra rachanāṅ ruchiratāṅ muni man hare,
nij pāni Janak sujān sab kahuṅ āni singhāsan dhare.
Kul iṣṭa saris Basiṣṭha pūje binay kari āsiṣ lahī,
Kausikahi pūjat param prīti ki rīti tau na parai kahī.
947 of 1109
बामदेव आदिक रिषय पूजे मुदित महीस।
दिए दिब्य आसन सबहि सब सन लही असीस ॥३२०॥
Bāmadeva ādika riṣaya pūje mudita mahīsa.
Die dibya āsana sabahi saba sana lahī asīsa. (320)
948 of 1109
बहुरि कीन्हि कोसलपति पूजा।
जानि ईस सम भाउ न दूजा॥
कीन्हि जोरि कर बिनय बड़ाई।
कहि निज भाग्य बिभव बहुताई॥
Bahuri kīnhi kosalapati pūjā,
jāni īsa sama bhāu na dūjā.
Kīnhi jori kara binaya baṛāī,
kahi nija bhāgya bibhava bahutāī.
949 of 1109
पूजे भूपति सकल बराती।
समधी सम सादर सब भाँती॥
आसन उचित दिए सब काहू।
कहौं काह मुख एक उछाहू॥
Pūje bhūpati sakala barātī,
samadhī sama sādara saba bhām̐tī.
Āsana ucita die saba kāhū,
kahauṃ kāha mukha eka uchāhū.
950 of 1109
सकल बरात जनक सनमानी।
दान मान बिनती बर बानी॥
बिधि हरि हरु दिसिपति दिनराऊ।
जे जानहिं रघुबीर प्रभाऊ॥
Sakala barāta janaka sanamānī,
dāna māna binatī bara bānī.
Bidhi hari haru disipati dinarāū,
je jānahiṃ raghubīra prabhāū.
951 of 1109
कपट बिप्र बर बेष बनाएँ।
कौतुक देखहिं अति सचु पाएँ॥
पूजे जनक देव सम जानें।
दिए सुआसन बिनु पहिचानें॥
Kapaṭa bipra bara beṣa banāem̐,
kautuka dekhahiṃ ati sacu pāem̐.
Pūje janaka deva sama jānem̐,
die suāsana binu pahicānem̐.
952 of 1109
पहिचान को केहि जान सबहि अपान सुधि भोरी भई।
आनंद कंदु बिलोकि दूलहु उभय दिसि आनँदमई॥
सुर लखे राम सुजान पूजे मानसिक आसन दए।
अवलोकि सीलु सुभाउ प्रभु को बिबुध मन प्रमुदित भए॥
Pahicāna ko kehi jāna sabahi apāna sudhi bhorī bhaī.
Ānanda kandu biloki dūlahu ubhaya disi ānam̐damaī.
Sura lakhe rāma sujāna pūje mānasika āsana dae.
Avaloki sīlu subhāu prabhu ko bibudha mana pramudita bhae.
953 of 1109
रामचंद्र मुख चंद्र छबि लोचन चारु चकोर।
करत पान सादर सकल प्रेमु प्रमोदु न थोर ॥३२१॥
Rāmacandra mukha candra chabi locana cāru cakora.
Karata pāna sādara sakala premu pramodu na thora. (321)
954 of 1109
समउ बिलोकि बसिष्ठ बोलाए।
सादर सतानंदु सुनि आए॥
बेगि कुअँरि अब आनहु जाई।
चले मुदित मुनि आयसु पाई॥
Samau biloki basiṣṭha bolāe,
sādara satānandu suni āe.
Begi kuam̐ri aba ānahu jāī,
cale mudita muni āyasu pāī.
955 of 1109
रानी सुनि उपरोहित बानी।
प्रमुदित सखिन्ह समेत सयानी॥
बिप्र बधू कुल बृद्ध बोलाईं।
करि कुलरीति सुमंगल गाईं॥
Rānī suni uparohita bānī,
pramudita sakhinha sameta sayānī.
Bipra badhū kula bṛddha bolāīṃ,
kari kularīti sumaṅgala gāīṃ.
956 of 1109
नारि बेष जे सुर बर बामा।
सकल सुभायँ सुंदरी स्यामा॥
तिन्हहि देखि सुखु पावहिं नारीं।
बिनु पहिचानि प्रानहु ते प्यारीं॥
Nāri beṣa je sura bara bāmā,
sakala subhāyam̐ sundarī syāmā.
Tinhahi dekhi sukhu pāvahiṃ nārīṃ,
binu pahicāni prānahu te pyārīṃ.
957 of 1109
बार बार सनमानहिं रानी।
उमा रमा सारद सम जानी॥
सीय सँवारि समाजु बनाई।
मुदित मंडपहिं चलीं लवाई॥
Bāra bāra sanamānahiṃ rānī,
umā ramā sārada sama jānī.
Sīya sam̐vāri samāju banāī,
mudita maṇḍapahiṃ calīṃ lavāī.
958 of 1109
चलि ल्याइ सीतहि सखीं सादर सजि सुमंगल भामिनी।
नवसप्त साजे सुंदरीं सब मत्त कुंजर गामिनी॥
कल गान सुनि मुनि ध्यान त्यागहिं काम कोकिल लाजहीं।
मंजीर नूपुर कलित कंकन ताल गति बर बाजहीं॥
Cali lyāi sītahi sakhīṃ sādara saji sumaṅgala bhāminī.
Navasapta sāje sundarīṃ saba matta kuñjara gāminī.
Kala gāna suni muni dhyāna tyāgahiṃ kāma kokila lājahīṃ.
Mañjīra nūpura kalita kaṅkana tāla gati bara bājahīṃ.
959 of 1109
सोहति बनिता बृंद महुँ सहज सुहावनि सीय।
छबि ललना गन मध्य जनु सुषमा तिय कमनीय ॥३२२॥
Sohati banitā bṛnda mahum̐ sahaja suhāvani sīya.
Chabi lalanā gana madhya janu suṣamā tiya kamanīya. (322)
960 of 1109
सिय सुंदरता बरनि न जाई।
लघु मति बहुत मनोहरताई॥
आवत दीखि बरातिन्ह सीता।
रूप रासि सब भाँति पुनीता॥
Siya sundaratā barani na jāī,
laghu mati bahuta manoharatāī.
Āvata dīkhi bārātinha sītā,
rūpa rāsi saba bhām̐ti punītā.
961 of 1109
सबहि मनहिं मन किए प्रनामा।
देखि राम भए पूरनकामा॥
हरषे दसरथ सुतन्ह समेता।
कहि न जाइ उर आनँदु जेता॥
Sabahi manahiṃ mana kie pranāmā,
dekhi rāma bhae pūranakāmā.
Haraṣe dasaratha sutanha sametā,
kahi na jāi ura ānam̐du jetā.
962 of 1109
सुर प्रनामु करि बरिसहिं फूला।
मुनि असीस धुनि मंगल मूला॥
गान निसान कोलाहलु भारी।
प्रेम प्रमोद मगन नर नारी॥
Sura pranāmu kari barisahiṃ phūlā,
muni asīsa dhuni maṅgala mūlā.
Gāna nisāna kolāhalu bhārī,
prema pramoda magana nara nārī.
963 of 1109
एहि बिधि सीय मंडपहिं आई।
प्रमुदित सांति पढ़हिं मुनिराई॥
तेहि अवसर कर बिधि ब्यवहारू।
दुहुँ कुलगुर सब कीन्ह अचारू॥
Ehi bidhi sīya maṇḍapahiṃ āī,
pramudita sāṃti paṛhahiṃ munirāī.
Tehi avasara kara bidhi byavahārū,
duhum̐ kulagura saba kīnha acārū.
964 of 1109
आचारु करि गुर गौरि गनपति मुदित बिप्र पुजावहीं।
सुर प्रगटि पूजा लेहिं देहिं असीस अति सुखु पावहीं॥
मधुपर्क मंगल द्रब्य जो जेहि समय मुनि मन महुँ चहैं।
भरे कनक कोपर कलस सो तब लिएहिं परिचारक रहैं॥
कुल रीति प्रीति समेत रबि कहि देत सबु सादर कियो।
एहि भाँति देव पुजाइ सीतहि सुभग सिंघासनु दियो॥
सिय राम अवलोकनि परसपर प्रेमु काहु न लखि परै।
मन बुद्धि बर बानी अगोचर प्रगट कबि कैसें करै॥
Ācāru kari gura gauri ganapati mudita bipra pujāvahīṃ.
Sura pragaṭi pūjā lehiṃ dehiṃ asīsa ati sukhu pāvahīṃ.
Madhuparka maṅgala drabya jo jehi samaya muni mana mahum̐ cahaiṃ.
Bhare kanaka kopara kalasa so taba liehiṃ paricāraka rahaiṃ.
Kula rīti prīti sameta rabi kahi deta sabu sādara kiyo.
Ehi bhām̐ti deva pujāi sītahi subhaga siṅghāsanu diyo.
Siya rāma avalokani parasapara premu kāhu na lakhi parai.
Mana buddhi bara bānī agocara pragaṭa kabi kaisem̐ karai.
965 of 1109
होम समय तनु धरि अनलु अति सुख आहुति लेहिं।
बिप्र बेष धरि बेद सब कहि बिबाह बिधि देहिं ॥३२३॥
Homa samaya tanu dhari analu ati sukha āhuti lehiṃ.
Bipra beṣa dhari beda saba kahi bibāha bidhi dehiṃ. (323)
966 of 1109
जनक पाटमहिषी जग जानी।
सीय मातु किमि जाइ बखानी॥
सुजसु सुकृत सुख सुंदरताई।
सब समेटि बिधि रची बनाई॥
Janaka pāṭamahiṣī jaga jānī,
sīya mātu kimi jāi bakhānī.
Sujasu sukṛta sukha sundaratāī,
saba sameṭi bidhi racī banāī.
967 of 1109
समउ जानि मुनिबरन्ह बोलाई।
सुनत सुआसिनि सादर ल्याई॥
जनक बाम दिसि सोह सुनयना।
हिमगिरि संग बनी जनु मयना॥
Samau jāni munibaranha bolāī,
sunata suāsini sādara lyāī.
Janaka bāma disi soha sunayanā,
himagiri saṅga banī janu mayanā.
968 of 1109
कनक कलस मनि कोपर रूरे।
सुचि सुगंध मंगल जल पूरे॥
निज कर मुदित रायँ अरु रानी।
धरे राम के आगें आनी॥
Kanaka kalasa mani kopara rūre,
suci sugandha maṅgala jala pūre.
Nija kara mudita rāyam̐ aru rānī,
dhare rāma ke āgeṃ ānī.
969 of 1109
पढ़हिं बेद मुनि मंगल बानी।
गगन सुमन झरि अवसरु जानी॥
बरु बिलोकि दंपति अनुरागे।
पाय पुनीत पखारन लागे॥
Paṛhahiṃ beda muni maṅgala bānī,
gagana sumana jhari avasaru jānī.
Baru biloki dampati anurāge,
pāya punīta pakhārana lāge.
970 of 1109
लागे पखारन पाय पंकज प्रेम तन पुलकावली।
नभ नगर गान निसान जय धुनि उमगि जनु चहुँ दिसि चली॥
जे पद सरोज मनोज अरि उर सर सदैव बिराजहीं।
जे सकृत सुमिरत बिमलता मन सकल कलि मल भाजहीं॥
जे परसि मुनिबनिता लही गति रही जो पातकमई।
मकरंदु जिन्ह को संभु सिर सुचिता अवधि सुर बरनई॥
करि मधुप मन मुनि जोगिजन जे सेइ अभिमत गति लहैं।
ते पद पखारत भाग्यभाजनु जनकु जय जय सब कहैं॥
बर कुअँरि करतल जोरि साखोचारु दोउ कुलगुर करैं।
भयो पानिगहनु बिलोकि बिधि सुर मनुज मुनि आनँद भरैं॥
सुखमूल दूलहु देखि दंपति पुलक तन हुलस्यो हियो।
करि लोक बेद बिधानु कन्यादानु नृपभूषन कियो॥
हिमवंत जिमि गिरिजा महेसहि हरिहि श्री सागर दई।
तिमि जनक रामहि सिय समरपी बिस्व कल कीरति नई॥
क्यों करै बिनय बिदेहु कियो बिदेहु मूरति साँवँरीं।
करि होमु बिधिवत गाँठि जोरी होन लागीं भावँरीं॥
Lāge pakhārana pāya paṅkaja prema tana pulakāvalī.
Nabha nagara gāna nisāna jaya dhuni umagi janu cahum̐ disi calī.
Je pada saroja manoja ari ura sara sadaiva birājahīṃ.
Je sakṛta sumirata bimalatā mana sakala kali mala bhājahīṃ.
Je parasi munibanitā lahī gati rahī jo pātakamaī.
Makarandu jinha ko sambhu sira sucitā avadhi sura baranaī.
Kari madhupa mana muni jogijana je sei abhimata gati lahaiṃ.
Te pada pakhārata bhāgyabhājanu janaku jaya jaya saba kahaiṃ.
Bara kuam̐ri karatala jori sākhocāru dou kulagura karaiṃ.
Bhayo pānigahanu biloki bidhi sura manuja muni ānam̐da bharaiṃ.
Sukhamūla dūlahu dekhi dampati pulaka tana hulasyo hiyo.
Kari loka beda bidhānu kanyādānu nṛpabhūṣana kiyo.
Himavanta jimi girijā mahesahi harihi śrī sāgara daī.
Timi janaka rāmahi siya samarapī bisva kala kīrati naī.
Kyoṃ karai binaya bidehu kiyo bidehu mūrati sām̐vam̐rīṃ.
Kari homu bidhivata gām̐ṭhi jorī hona lāgīṃ bhāvam̐rīṃ.
971 of 1109
जय धुनि बंदी बेद धुनि मंगल गान निसान।
सुनि हरषहिं बरषहिं बिबुध सुरतरु सुमन सुजान ॥३२४॥
Jaya dhuni bandī beda dhuni maṅgala gāna nisāna.
Suni haraṣahiṃ baraṣahiṃ bibudha surataru sumana sujāna. (324)
972 of 1109
कुअँरु कुअँरि कल भावँरि देहीं।
नयन लाभु सब सादर लेहीं॥
जाइ न बरनि मनोहर जोरी।
जो उपमा कछु कहौं सो थोरी॥
Kuam̐ru kuam̐ri kala bhāvam̐ri dehīṃ,
nayana lābhu saba sādara lehīṃ.
Jāi na barani manohara jorī,
jo upamā kachu kahauṃ so thorī.
973 of 1109
राम सीय सुंदर प्रतिछाहीं।
जगमगात मनि खंभन माहीं॥
मनहुँ मदन रति धरि बहु रूपा।
देखत राम बिआहु अनूपा॥
Rāma sīya sundara pratichāhīṃ,
jagamagāta mani khambhana māhīṃ.
Manahum̐ madana rati dhari bahu rūpā,
dekhata rāma biāhu anūpā.
974 of 1109
दरस लालसा सकुच न थोरी।
प्रगटत दुरत बहोरि बहोरी॥
भए मगन सब देखनिहारे।
जनक समान अपान बिसारे॥
Darasa lālasā sakuca na thorī,
pragaṭata durata bahori bahorī.
Bhae magana saba dekhanihāre,
janaka samāna apāna bisāre.
975 of 1109
प्रमुदित मुनिन्ह भावँरीं फेरीं।
नेगसहित सब रीति निबेरीं॥
राम सीय सिर सेंदुर देहीं।
सोभा कहि न जाति बिधि केहीं॥
Pramudita muninha bhāvam̐rīṃ pherīṃ,
negasahita saba rīti niberīṃ.
Rāma sīya sira sendura dehīṃ,
sobhā kahi na jāti bidhi kehīṃ.
976 of 1109
अरुन पराग जलजु भरि नीकें।
ससिहि भूष अहि लोभ अमी कें॥
बहुरि बसिष्ठ दीन्हि अनुसासन।
बरु दुलहिनि बैठे एक आसन॥
Aruna parāga jalaju bhari nīkeṃ,
sasihi bhūṣa ahi lobha amī keṃ.
Bahuri basiṣṭha dīnhi anusāsana,
baru dulahini baiṭhe eka āsana.
977 of 1109
बैठे बरासन रामु जानकि मुदित मन दसरथु भए।
तनु पुलक पुनि पुनि देखि अपनें सुकृत सुरतरु फल नए॥
भरि भुवन रहा उछाहु राम बिबाहु भा सबहीं कहा।
केहि भाँति बरनि सिरात रसना एक यहु मंगलु महा॥
तब जनक पाइ बसिष्ठ आयसु ब्याह साज सँवारि कै।
मांडवी श्रुतकीरति उरमिला कुअँरि लई हँकारि कै॥
कुसकेतु कन्या प्रथम जो गुन सील सुख सोभामई।
सब रीति प्रीति समेत करि सो ब्याहि नृप भरतहि दई॥
जानकी लघु भगिनी सकल सुंदरि सिरोमनि जानि कै।
सो तनय दीन्ही ब्याहि लखनहि सकल बिधि सनमानि कै॥
जेहि नामु श्रुतकीरति सुलोचनि सुमुखि सब गुन आगरी।
सो दई रिपुसूदनहि भूपति रूप सील उजागरी॥
अनुरूप बर दुलहिनि परस्पर लखि सकुच हियँ हरषहीं।
सब मुदित सुंदरता सराहहिं सुमन सुर गन बरषहीं॥
सुंदरीं सुंदर बरन्ह सह सब एक मंडप राजहीं।
जनु जीव उर चारिउ अवस्था बिभुन सहित बिराजहीं॥
Baiṭhe barāsana rāmu jānaki mudita mana dasarathu bhae.
Tanu pulaka puni puni dekhi apaneṃ sukṛta surataru phala nae.
Bhari bhuvana rahā uchāhu rāma bibāhu bhā sabahīṃ kahā.
Kehi bhām̐ti barani sirāta rasanā eka yahu maṅgalu mahā.
Taba janaka pāi basiṣṭha āyasu byāha sāja sam̐vāri kai.
Māṇḍavī śrutakīrati uramilā kuam̐ri laī ham̐kāri kai.
Kusaketu kanyā prathama jo guna sīla sukha sobhāmaī.
Saba rīti prīti sameta kari so byāhi nṛpa bharatahi daī.
Jānakī laghu bhaginī sakala sundari siromani jāni kai.
So tanaya dīnhī byāhi lakhanahi sakala bidhi sanamāni kai.
Jehi nāmu śrutakīrati sulocani sumukhi saba guna āgarī.
So daī ripusūdanahi bhūpati rūpa sīla ujāgarī.
Anurūpa bara dulahini paraspara lakhi sakuca hiyam̐ haraṣahīṃ.
Saba mudita sundaratā sarāhahiṃ sumana sura gana baraṣahīṃ.
Sundarīṃ sundara baranha saha saba eka maṇḍapa rājahīṃ.
Janu jīva ura cāriu avasthā bibhuna sahita birājahīṃ.
978 of 1109
मुदित अवधपति सकल सुत बधुन्ह समेत निहारि।
जनु पाए महिपाल मनि क्रियन्ह सहित फल चारि ॥३२५॥
Mudita avadhapati sakala suta badhunha sameta nihāri.
Janu pāe mahipāla mani kriyanha sahita phala cāri. (325)
979 of 1109
जसि रघुबीर ब्याह बिधि बरनी।
सकल कुअँर ब्याहे तेहिं करनी॥
कहि न जाइ कछु दाइज भूरी।
रहा कनक मनि मंडपु पूरी॥
Jasi raghubīra byāha bidhi baranī,
sakala kuam̐ra byāhe tehiṃ karanī.
Kahi na jāi kachu dāija bhūrī,
rahā kanaka mani maṇḍapu pūrī.
980 of 1109
कंबल बसन बिचित्र पटोरे।
भाँति भाँति बहु मोल न थोरे॥
गज रथ तुरग दास अरु दासी।
धेनु अलंकृत कामदुहा सी॥
Kambala basana bicitra paṭore,
bhām̐ti bhām̐ti bahu mola na thore.
Gaja ratha turaga dāsa aru dāsī,
dhenu alaṅkṛta kāmaduhā sī.
981 of 1109
बस्तु अनेक करिअ किमि लेखा।
कहि न जाइ जानहिं जिन्ह देखा॥
लोकपाल अवलोकि सिहाने।
लीन्ह अवधपति सबु सुखु माने॥
Bastu aneka karia kimi lekhā,
kahi na jāi jānahiṃ jinha dekhā.
Lokapāla avaloki sihāne,
līnha avadhapati sabu sukhu māne.
982 of 1109
दीन्ह जाचकन्हि जो जेहि भावा।
उबरा सो जनवासेहिं आवा॥
तब कर जोरि जनकु मृदु बानी।
बोले सब बरात सनमानी॥
Dīnha jācakanhi jo jehi bhāvā,
ubarā so janavāsehiṃ āvā.
Taba kara jori janaku mṛdu bānī,
bole saba barāta sanamānī.
983 of 1109
सनमानि सकल बरात आदर दान बिनय बड़ाइ कै।
प्रमुदित महा मुनि बृंद बंदे पूजि प्रेम लड़ाइ कै॥
सिरु नाइ देव मनाइ सब सन कहत कर संपुट किएँ।
सुर साधु चाहत भाउ सिंधु कि तोष जल अंजलि दिएँ॥
कर जोरि जनकु बहोरि बंधु समेत कोसलराय सों।
बोले मनोहर बयन सानि सनेह सील सुभाय सों॥
संबंध राजन रावरें हम बड़े अब सब बिधि भए।
एहि राज साज समेत सेवक जानिबे बिनु गथ लए॥
ए दारिका परिचारिका करि पालिबीं करुना नई।
अपराधु छमिबो बोलि पठए बहुत हौं ढीट्यो कई॥
पुनि भानुकुलभूषन सकल सनमान निधि समधी किए।
कहि जाति नहिं बिनती परस्पर प्रेम परिपूरन हिए॥
बृंदारका गन सुमन बरिसहिं राउ जनवासेहि चले।
दुंदुभी जय धुनि बेद धुनि नभ नगर कौतूहल भले॥
तब सखीं मंगल गान करत मुनीस आयसु पाइ कै।
दूलह दुलहिनिन्ह सहित सुंदरि चलीं कोहबर ल्याइ कै॥
Sanamāni sakala barāta ādara dāna binaya baṛāi kai.
Pramudita mahā muni bṛnda bande pūji prema laṛāi kai.
Siru nāi deva manāi saba sana kahata kara sampuṭa kiem̐.
Sura sādhu cāhata bhāu sindhu ki toṣa jala añjali diem̐.
Kara jori janaku bahori bandhu sameta kosalarāya soṃ.
Bole manohara bayana sāni saneha sīla subhāya soṃ.
Sambandha rājana rāvareṃ hama baṛe aba saba bidhi bhae.
Ehi rāja sāja sameta sevaka jānibe binu gatha lae.
E dārikā paricārikā kari pālibīṃ karunā naī.
Aparādhu chamibo boli paṭhae bahuta hauṃ ḍhīṭyo kaī.
Puni bhānukulabhūṣana sakala sanamāna nidhi samadhī kie.
Kahi jāti nahiṃ binatī paraspara prema paripūrana hie.
Bṛndārakā gana sumana barisahiṃ rāu janavāsehi cale.
Dundubhī jaya dhuni beda dhuni nabha nagara kautūhala bhale.
Taba sakhīṃ maṅgala gāna karata munīsa āyasu pāi kai.
Dūlaha dulahininha sahita sundari calīṃ kohabara lyāi kai.
984 of 1109
पुनि पुनि रामहि चितव सिय सकुचति मनु सकुचै न।
हरत मनोहर मीन छबि प्रेम पिआसे नैन ॥३२६॥
Puni puni rāmahi citava siya sakucati manu sakucai na.
Harata manohara mīna chabi prema piāse naina. (326)
985 of 1109
स्याम सरीरु सुभायँ सुहावन।
सोभा कोटि मनोज लजावन॥
जावक जुत पद कमल सुहाए।
मुनि मन मधुप रहत जिन्ह छाए॥
Syāma sarīru subhāyam̐ suhāvana,
sobhā koṭi manoja lajāvana.
Jāvaka juta pada kamala suhāe,
muni mana madhupa rahata jinha chāe.
986 of 1109
पीत पुनीत मनोहर धोती।
हरति बाल रबि दामिनि जोती॥
कल किंकिनि कटि सूत्र मनोहर।
बाहु बिसाल बिभूषन सुंदर॥
Pīta punīta manohara dhotī,
harati bāla rabi dāmini jotī.
Kala kiṅkini kaṭi sūtra manohara,
bāhu bisāla bibhūṣana sundara.
987 of 1109
पीत जनेउ महाछबि देई।
कर मुद्रिका चोरि चितु लेई॥
सोहत ब्याह साज सब साजे।
उर आयत उरभूषन राजे॥
Pīta janeu mahāchabi deī,
kara mudrikā cori citu leī.
Sohata byāha sāja saba sāje,
ura āyata urabhūṣana rāje.
988 of 1109
पिअर उपरना काखासोती।
दुहुँ आँचरन्हि लगे मनि मोती॥
नयन कमल कल कुंडल काना।
बदनु सकल सौंदर्ज निधाना॥
Piara uparanā kākhāsotī,
duhum̐ ām̐caranhi lage mani motī.
Nayana kamala kala kuṇḍala kānā,
badanu sakala saundarja nidhānā.
989 of 1109
सुंदर भृकुटि मनोहर नासा।
भाल तिलकु रुचिरता निवासा॥
सोहत मौरु मनोहर माथे।
मंगलमय मुकुता मनि गाथे॥
Sundara bhṛkuṭi manohara nāsā,
bhāla tilaku ruciratā nivāsā.
Sohata mauru manohara māthe,
maṅgalamaya mukutā mani gāthe.
990 of 1109
गाथे महामनि मौर मंजुल अंग सब चित चोरहीं।
पुर नारि सुर सुंदरीं बरहि बिलोकि सब तिन तोरहीं॥
मनि बसन भूषन वारि आरति करहिं मंगल गावहीं।
सुर सुमन बरिसहिं सूत मागध बंदि सुजसु सुनावहीं॥
कोहबरहिं आने कुअँर कुअँरि सुआसिनिन्ह सुख पाइ कै।
अति प्रीति लौकिक रीति लागीं करन मंगल गाइ कै॥
लहकौरि गौरि सिखाव रामहि सीय सन सारद कहैं।
रनिवासु हास बिलास रस बस जन्म को फलु सब लहैं॥
निज पानि मनि महुँ देखिअति मूरति सुरूपनिधान की।
चालति न भुजबल्ली बिलोकनि बिरह भय बस जानकी॥
कौतुक बिनोद प्रमोदु प्रेमु न जाइ कहि जानहिं अलीं।
बर कुअँरि सुंदर सकल सखीं लवाइ जनवासेहि चलीं॥
तेहि समय सुनिअ असीस जहँ तहँ नगर नभ आनँदु महा।
चिरु जिअहुँ जोरीं चारु चार्यो मुदित मन सबहीं कहा॥
जोगींद्र सिद्ध मुनीस देव बिलोकि प्रभु दुंदुभि हनी।
चले हरषि बरषि प्रसून निज निज लोक जय जय जय भनी॥
Gāthe mahāmani maura mañjula aṅga saba cita corahīṃ.
Pura nāri sura sundarīṃ barahi biloki saba tina torahīṃ.
Mani basana bhūṣana vāri ārati karahiṃ maṅgala gāvahīṃ.
Sura sumana barisahiṃ sūta māgadha bandi sujasu sunāvahīṃ.
Kohabarahiṃ āne kuam̐ra kuam̐ri suāsininha sukha pāi kai.
Ati prīti laukika rīti lāgīṃ karana maṅgala gāi kai.
Lahakauri gauri sikhāva rāmahi sīya sana sārada kahaiṃ.
Ranivāsu hāsa bilāsa rasa basa janma ko phalu saba lahaiṃ.
Nija pāni mani mahum̐ dekhiati mūrati surūpanidhāna kī.
Cālati na bhujaballī bilokani biraha bhaya basa jānakī.
Kautuka binoda pramodu premu na jāi kahi jānahiṃ alīṃ.
Bara kuam̐ri sundara sakala sakhīṃ lavāi janavāsehi calīṃ.
Tehi samaya sunia asīsa jaham̐ taham̐ nagara nabha ānam̐du mahā.
Ciru jiahum̐ jorīṃ cāru cāryo mudita mana sabahīṃ kahā.
Jogīndra siddha munīsa deva biloki prabhu dundubhi hanī.
Cale haraṣi baraṣi prasūna nija nija loka jaya jaya jaya bhanī.
991 of 1109
सहित बधूटिन्ह कुअँर सब तब आए पितु पास।
सोभा मंगल मोद भरि उमगेउ जनु जनवास ॥३२७॥
Sahita badhūṭinha kuam̐ra saba taba āe pitu pāsa.
Sobhā maṅgala moda bhari umageu janu janavāsa. (327)
992 of 1109
पुनि जेवनार भई बहु भाँती।
पठए जनक बोलाइ बराती॥
परत पाँवड़े बसन अनूपा।
सुतन्ह समेत गवन कियो भूपा॥
Puni jevanāra bhaī bahu bhām̐tī,
paṭhae janaka bolāi barātī.
Parata pām̐vaṛe basana anūpā,
sutanha sameta gavana kiyo bhūpā.
993 of 1109
सादर सब कें पाय पखारे।
जथाजोगु पीढ़न्ह बैठारे॥
धोए जनक अवधपति चरना।
सीलु सनेहु जाइ नहिं बरना॥
Sādara saba keṃ pāya pakhāre,
jathājogu pīṛhanha baiṭhāre.
Dhoe janaka avadhapati caranā,
sīlu sanehu jāi nahiṃ baranā.
994 of 1109
बहुरि राम पद पंकज धोए।
जे हर हृदय कमल महुँ गोए॥
तीनिउ भाइ राम सम जानी।
धोए चरन जनक निज पानी॥
Bahuri rāma pada paṅkaja dhoe,
je hara hṛdaya kamala mahum̐ goe.
Tīniu bhāi rāma sama jānī,
dhoe carana janaka nija pānī.
995 of 1109
आसन उचित सबहि नृप दीन्हे।
बोलि सूपकारी सब लीन्हे॥
सादर लगे परन पनवारे।
कनक कील मनि पान सँवारे॥
Āsana ucita sabahi nṛpa dīnhe,
boli sūpakārī saba līnhe.
Sādara lage parana panavāre,
kanaka kīla mani pāna sam̐vāre.
996 of 1109
सूपोदन सुरभी सरपि सुंदर स्वादु पुनीत।
छन महुँ सब कें परुसि गे चतुर सुआर बिनीत ॥३२८॥
Sūpodana surabhī sarapi sundara svādu punīta.
Chana mahum̐ saba keṃ parusi ge catura suāra binīta. (328)
997 of 1109
पंच कवल करि जेवन लागे।
गारि गान सुनि अति अनुरागे॥
भाँति अनेक परे पकवाने।
सुधा सरिस नहिं जाहिं बखाने॥
Pañca kavala kari jevana lāge,
gāri gāna suni ati anurāge.
Bhām̐ti aneka pare pakavāne,
sudhā sarisa nahiṃ jāhiṃ bakhāne.
998 of 1109
परुसन लगे सुआर सुजाना।
बिंजन बिबिध नाम को जाना॥
चारि भाँति भोजन बिधि गाई।
एक एक बिधि बरनि न जाई॥
Parusana lage suāra sujānā,
biñjana bibidha nāma ko jānā.
Cāri bhām̐ti bhojana bidhi gāī,
eka eka bidhi barani na jāī.
999 of 1109
छरस रुचिर बिंजन बहु जाती।
एक एक रस अगनित भाँती॥
जेवँत देहिं मधुर धुनि गारी।
लै लै नाम पुरुष अरु नारी॥
Chrasa rucira biñjana bahu jātī,
eka eka rasa aganita bhām̐tī.
Jevam̐ta dehiṃ madhura dhuni gārī,
lai lai nāma puruṣa aru nārī.
1000 of 1109
समय सुहावनि गारि बिराजा।
हँसत राउ सुनि सहित समाजा॥
एहि बिधि सबहीं भोजनु कीन्हा।
आदर सहित आचमनु दीन्हा॥
Samaya suhāvani gāri birājā,
ham̐sata rāu suni sahita samājā.
Ehi bidhi sabahīṃ bhojanu kīnhā,
ādara sahita ācamanu dīnhā.
1001 of 1109
देइ पान पूजे जनक दसरथु सहित समाज।
जनवासेहि गवने मुदित सकल भूप सिरताज ॥३२९॥
Dei pāna pūje janaka dasarathu sahita samāja.
Janavāsehi gavane mudita sakala bhūpa siratāja. (329)
1002 of 1109
नित नूतन मंगल पुर माहीं।
निमिष सरिस दिन जामिनि जाहीं॥
बड़े भोर भूपतिमनि जागे।
जाचक गुन गन गावन लागे॥
Nita nūtana maṅgala pura māhīṃ,
nimiṣa sarisa dina jāmini jāhīṃ.
Baṛe bhora bhūpatimani jāge,
jācaka guna gana gāvana lāge.
1003 of 1109
देखि कुअँर बर बधुन्ह समेता।
किमि कहि जात मोदु मन जेता॥
प्रातक्रिया करि गे गुरु पाहीं।
महा प्रमोदु प्रेमु मन माहीं॥
Dekhi kuam̐ra bara badhunha sametā,
kimi kahi jāta modu mana jetā.
Prātakriyā kari ge guru pāhīṃ,
mahā pramodu premu mana māhīṃ.
1004 of 1109
करि प्रनामु पूजा कर जोरी।
बोले गिरा अमिअँ जनु बोरी॥
तुम्हरी कृपाँ सुनहु मुनिराजा।
भयउँ आजु मैं पूरनकाजा॥
Kari pranāmu pūjā kara jorī,
bole girā amiam̐ janu borī.
Tumharī kṛpām̐ sunahu munirājā,
bhayaum̐ āju maiṃ pūranakājā.
1005 of 1109
अब सब बिप्र बोलाइ गोसाईं।
देहु धेनु सब भाँति बनाई॥
सुनि गुर करि महिपाल बड़ाई।
पुनि पठए मुनिबृंद बोलाई॥
Aba saba bipra bolāi gosāīṃ,
dehu dhenu saba bhām̐ti banāī.
Suni gura kari mahipāla baṛāī,
puni paṭhae munibṛnda bolāī.
1006 of 1109
बामदेउ अरु देवरिषि बालमीकि जाबालि।
आए मुनिबर निकर तब कौसिकादि तपसालि ॥३३०॥
Bāmadeu aru devariṣi bālamīki jābāli.
Āe munibara nikara taba kausikādi tapasāli. (330)
1007 of 1109
दंड प्रनाम सबहि नृप कीन्हे।
पूजि सप्रेम बरासन दीन्हे॥
चारि लच्छ बर धेनु मगाईं।
काम सुरभि सम सील सुहाईं॥
Daṇḍa pranāma sabahi nṛpa kīnhe,
pūji saprema barāsana dīnhe.
Cāri laccha bara dhenu magāīṃ,
kāma surabhi sama sīla suhāīṃ.
1008 of 1109
सब बिधि सकल अलंकृत कीन्ही।
मुदित महिप महिदेवन्ह दीन्ही॥
करत बिनय बहु बिधि नरनाहू।
लहेउँ आजु जगजीवन लाहू॥
Saba bidhi sakala alaṅkṛta kīnhī,
mudita mahipa mahidevanha dīnhī.
Karata binaya bahu bidhi naranāhū,
laheum̐ āju jagajīvana lāhū.
1009 of 1109
पाइ असीस महीसु अनंदा।
लिए बोलि पुनि जाचक बृंदा॥
कनक बसन मनि हय गय स्यंदन।
दिए बूझि रुचि रबिकुलनंदन॥
Pāi asīsa mahīsu anandā,
lie boli puni jācaka bṛndā.
Kanaka basana mani haya gaya syandana,
die būjhi ruci rabikulanandana.
1010 of 1109
चले पढ़त गावत गुन गाथा।
जय जय जय दिनकर कुल नाथा॥
एहि बिधि राम बिआह उछाहू।
सकइ न बरनि सहस मुख जाहू॥
Cale paṛhata gāvata guna gāthā,
jaya jaya jaya dinakara kula nāthā.
Ehi bidhi rāma biāha uchāhū,
sakai na barani sahasa mukha jāhū.
1011 of 1109
बार बार कौसिक चरन सीसु नाइ कह राउ।
यह सबु सुखु मुनिराज तव कृपा कटाच्छ पसाउ ॥ ३३१॥
Bār bār Kausik charan sīsu nāi kah rāu,
yah sabu sukhu munirāj tav kṛipā kaṭāchchh pasāu. (331)
1012 of 1109
जनक सनेहु सीलु करतूती।
नृपु सब भाँति सराह बिभूती॥
दिन उठि बिदा अवधपति मागा।
राखहिं जनकु सहित अनुरागा॥
नित नूतन आदरु अधिकाई।
दिन प्रति सहस भाँति पहुनाई॥
नित नव नगर अनंद उछाहू।
दसरथ गवनु सोहाइ न काहू॥
बहुत दिवस बीते एहि भाँती।
जनु सनेह रजु बँधे बराती॥
कौसिक सतानंद तब जाई।
कहा बिदेह नृपहि समुझाई॥
अब दसरथ कहँ आयसु देहू।
जद्यपि छाड़ि न सकहु सनेहू॥
भलेहिं नाथ कहि सचिव बोलाए।
कहि जय जीव सीस तिन्ह नाए॥
Janak sanehu sīlu karatūtī,
nṛipu sab bhāṅti sarāh bibhūtī.
Din uṭhi bidā avadhapati māgā,
rākhahiṅ Janaku sahit anurāgā.
Nit nūtan ādaru adhikāī,
din prati sahas bhāṅti pahunāī.
Nit nav nagar anand uchhāhū,
Dasarath gavanu sohāi na kāhū.
Bahut divas bīte ehi bhāṅtī,
janu saneh raju baṅdhe barātī.
Kausik Satānand tab jāī,
kahā Bideh nṛipahi samujhāī.
Ab Dasarath kahaṅ āyasu dehū,
jadyapi chhāḍi na sakahu sanehū.
Bhalehiṅ nāth kahi sachiv bolāe,
kahi jay jīv sīs tinha nāe.
1013 of 1109
अवधनाथु चाहत चलन भीतर करहु जनाउ।
भए प्रेमबस सचिव सुनि बिप्र सभासद राउ ॥ ३३२॥
Avadhanāthu chāhat chalan bhītar karahu janāu,
bhae premabas sachiv suni bipra sabhāsad rāu. (332)
1014 of 1109
पुरबासी सुनि चलिहि बराता।
बूझत बिकल परस्पर बाता॥
सत्य गवनु सुनि सब बिलखाने।
मनहुँ साँझ सरसिज सकुचाने॥
जहँ जहँ आवत बसे बराती।
तहँ तहँ सिद्ध चला बहु भाँती॥
बिबिध भाँति मेवा पकवाना।
भोजन साजु न जाइ बखाना॥
भरि भरि बसहँ अपार कहारा।
पठईं जनक अनेक सुसारा॥
तुरग लाख रथ सहस पचीसा।
सकल सँवारे नख अरु सीसा॥
मत्त सहस दस सिंधुर साजे।
जिन्हहि देखि दिसिकुंजर लाजे॥
कनक बसन मनि भरि भरि जाना।
महिषीं धेनु बस्तु बिधि नाना॥
Purabāsī suni chalihi barātā,
būjhat bikal paraspar bātā.
Satya gavanu suni sab bilakhāne,
manahuṅ sāṅjh sarasij sakuchāne.
Jahaṅ jahaṅ āvat base barātī,
tahaṅ tahaṅ siddh chalā bahu bhāṅtī.
Bibidh bhāṅti mevā pakavānā,
bhojan sāju na jāi bakhānā.
Bhari bhari basahaṅ apār kahārā,
paṭhaīṅ Janak anek susārā.
Turag lākh rath sahas pachīsā,
sakal saṅvāre nakh aru sīsā.
Matt sahas das sindhur sāje,
jinhahi dekhi disikuṅjar lāje.
Kanak basan mani bhari bhari jānā,
mahiṣīṅ dhenu bastu bidhi nānā.
1015 of 1109
दाइज अमित न सकिअ कहि दीन्ह बिदेहँ बहोरि।
जो अवलोकत लोकपति लोक संपदा थोरि ॥ ३३३॥
Dāij amit na sakia kahi dīnha Bidehaṅ bahori,
jo avalokat lokapati lok sanpadā thori. (333)
1016 of 1109
सबु समाजु एहि भाँति बनाई।
जनक अवधपुर दीन्ह पठाई॥
चलिहि बरात सुनत सब रानीं।
बिकल मीनगन जनु लघु पानीं॥
पुनि पुनि सीय गोद करि लेहीं।
देइ असीस सिखावनु देहीं॥
होएहु संतत पियहि पिआरी।
चिरु अहिबात असीस हमारी॥
सासु ससुर गुर सेवा करेहू।
पति रुख लखि आयसु अनुसरेहू॥
अति सनेह बस सखीं सयानी।
नारि धरम सिखवहिं मृदु बानी॥
सादर सकल कुअँरि समुझाईं।
रानिन्ह बार बार उर लाईं॥
बहुरि बहुरि भेटहिं महतारीं।
कहहिं बिरंचि रचीं कत नारीं॥
Sabu samāju ehi bhāṅti banāī,
Janak avadhapur dīnha paṭhāī.
Chalihi barāt sunat sab rānīṅ,
bikal mīnagan janu laghu pānīṅ.
Puni puni Sīya god kari lehīṅ,
dei asīs sikhāvanu dehīṅ.
Hoehu santat piyahi piārī,
chiru ahibāt asīs hamārī.
Sāsu sasur gur sevā karehū,
pati rukh lakhi āyasu anusarehū.
Ati saneh bas sakhīṅ sayānī,
nāri dharam sikhavahiṅ mṛidu bānī.
Sādar sakal kuaṅri samujhāīṅ,
rāninha bār bār ur lāīṅ.
Bahuri bahuri bheṭahiṅ mahatārīṅ,
kahahiṅ biranchi rachīṅ kat nārīṅ.
1017 of 1109
तेहि अवसर भाइन्ह सहित रामु भानु कुल केतु।
चले जनक मंदिर मुदित बिदा करावन हेतु ॥ ३३४॥
Tehi avasar bhāinha sahit Rāmu Bhānu kul ketu,
chale Janak mandir mudit bidā karāvan hetu. (334)
1018 of 1109
चारिउ भाइ सुभायँ सुहाए।
नगर नारि नर देखन धाए॥
कोउ कह चलन चहत हहिं आजू।
कीन्ह बिदेह बिदा कर साजू॥
लेहु नयन भरि रूप निहारी।
प्रिय पाहुने भूप सुत चारी॥
को जानै केहिं सुकृत सयानी।
नयन अतिथि कीन्हे बिधि आनी॥
मरनसीलु जिमि पाव पिऊषा।
सुरतरु लहै जनम कर भूखा॥
पाव नारकी हरिपदु जैसें।
इन्ह कर दरसनु हम कहँ तैसें॥
निरखि राम सोभा उर धरहू।
निज मन फनि मूरति मनि करहू॥
एहि बिधि सबहि नयन फलु देता।
गए कुअँर सब राज निकेता॥
Chāriu bhāi subhāyaṅ suhāe,
nagar nāri nar dekhan dhāe.
Kou kah chalan chahat hahiṅ ājū,
kīnha Bideh bidā kar sājū.
Lehu nayan bhari rūp nihārī,
priya pāhune bhūp sut chārī.
Ko jānai kehiṅ sukṛit sayānī,
nayan atithi kīnhe bidhi ānī.
Maranasīlu jimi pāv piūṣā,
surataru lahai janam kar bhūkhā.
Pāv nārakī haripadu jaiseṅ,
inha kar darasanu ham kahaṅ taiseṅ.
Nirakhi Rām sobhā ur dharahū,
nij man fani mūrati mani karahū.
Ehi bidhi sabahi nayan phalu detā,
gae kuaṅr sab rāj niketā.
1019 of 1109
रूप सिंधु सब बंधु लखि हरषि उठा रनिवासु।
करहिं निछावरि आरती महा मुदित मन सासु ॥ ३३५॥
Rūp sindhu sab bandhu lakhi haraṣi uṭhā ranivāsu,
karahiṅ nichhāvari āratī mahā mudit man sāsu. (335)
1020 of 1109
देखि राम छबि अति अनुरागीं।
प्रेमबिबस पुनि पुनि पद लागीं॥
रही न लाज प्रीति उर छाई।
सहज सनेहु बरनि किमि जाई॥
भाइन्ह सहित उबटि अन्हवाए।
छरस असन अति हेतु जेवाँए॥
बोले रामु सुअवसरु जानी।
सील सनेह सकुचमय बानी॥
राउ अवधपुर चहत सिधाए।
बिदा होन हम इहाँ पठाए॥
मातु मुदित मन आयसु देहू।
बालक जानि करब नित नेहू॥
सुनत बचन बिलखेउ रनिवासू।
बोलि न सकहिं प्रेमबस सासू॥
हृदयँ लगाइ कुअँरि सब लीन्ही।
पतिन्ह सौंपि बिनती अति कीन्ही॥
Dekhi Rām chhabi ati anurāgīṅ,
premabibas puni puni pad lāgīṅ.
Rahī na lāj prīti ur chhāī,
sahaj sanehu barani kimi jāī.
Bhāinha sahit ubaṭi anhavāe,
chharas asan ati hetu jevāṅe.
Bole Rāmu suavasaru jānī,
sīl saneh sakuchamay bānī.
Rāu avadhapur chahat sidhāe,
bidā hon ham ihāṅ paṭhāe.
Mātu mudit man āyasu dehū,
bālak jāni karab nit nehū.
Sunat bachan bilakheu ranivāsū,
boli na sakahiṅ premabas sāsū.
Hṛidayaṅ lagāi kuaṅri sab līnhī,
patinha sauṅpi binatī ati kīnhī.
1021 of 1109
करि बिनय सिय रामहि समरपी जोरि कर पुनि पुनि कहै।
बलि जाउँ तात सुजान तुम्ह कहुँ बिदित गति सब की अहै।
परिवार पुरजन मोहि राजहि प्रानप्रिय सिय जानिबी।
तुलसीस सीलु सनेहु लखि निज किंकरी करि मानिबी॥
Kari binay Siya Rāmahi samarapī jori kar puni puni kahai,
bali jāuṅ tāt sujān tumh kahuṅ bidit gati sab kī ahai.
Parivār purajan mohi rājahi prānapriya Siya jānibī,
Tulasīs sīlu sanehu lakhi nij kiṅkarī kari mānibī.
1022 of 1109
तुम्ह परिपूरन काम जान सिरोमनि भावप्रिय।
जन गुन गाहक राम दोष दलन करुनायतन ॥ ३३६॥
Tumh paripūran kām jān siromani bhāvapriya,
jan gun gāhak Rām doṣ dalan karunāyatan. (336)
1023 of 1109
अस कहि रही चरन गहि रानी।
प्रेम पंक जनु गिरा समानी॥
सुनि सनेहसानी बर बानी।
बहुबिधि राम सासु सनमानी॥
राम बिदा मागत कर जोरी।
कीन्ह प्रनामु बहोरि बहोरी॥
पाइ असीस बहुरि सिरु नाई।
भाइन्ह सहित चले रघुराई॥
मंजु मधुर मूरति उर आनी।
भईं सनेह सिथिल सब रानी॥
पुनि धीरजु धरि कुअँरि हँकारीं।
बार बार भेटहिं महतारीं॥
पहुँचावहिं फिरि मिलहिं बहोरी।
बढ़ी परस्पर प्रीति न थोरी॥
पुनि पुनि मिलत सखिन्ह बिलगाई।
बाल बच्छ जिमि धेनु लवाई॥
As kahi rahī charan gahi rānī,
prem paṅk janu girā samānī.
Suni sanehasānī bar bānī,
bahubidhi Rām sāsu sanamānī.
Rām bidā māgat kar jorī,
kīnha pranāmu bahori bahorī.
Pāi asīs bahuri siru nāī,
bhāinha sahit chale Raghurāī.
Manju madhur mūrati ur ānī,
bhaīṅ saneh sithil sab rānī.
Puni dhīraju dhari kuaṅri haṅkārīṅ,
bār bār bheṭahiṅ mahatārīṅ.
Pahuṅchāvahiṅ phiri milahiṅ bahorī,
baḍhī paraspar prīti na thorī.
Puni puni milat sakhinha bilagāī,
bāl bachchh jimi dhenu lavāī.
1024 of 1109
प्रेमबिबस नर नारि सब सखिन्ह सहित रनिवासु।
मानहुँ कीन्ह बिदेहपुर करुनाँ बिरहँ निवासु ॥ ३३७॥
Premabibas nar nāri sab sakhinha sahit ranivāsu,
mānahuṅ kīnha Bidehapur karunāṅ birahaṅ nivāsu. (337)
1025 of 1109
सुक सारिका जानकी ज्याए।
कनक पिंजरन्हि राखि पढ़ाए॥
ब्याकुल कहहिं कहाँ बैदेही।
सुनि धीरजु परिहरइ न केही॥
भए बिकल खग मृग एहि भाँती।
मनुज दसा कैसें कहि जाती॥
बंधु समेत जनकु तब आए।
प्रेम उमगि लोचन जल छाए॥
सीय बिलोकि धीरता भागी।
रहे कहावत परम बिरागी॥
लीन्हि रायँ उर लाइ जानकी।
मिटी महामरजाद ग्यान की॥
समुझावत सब सचिव सयाने।
कीन्ह बिचारु न अवसर जाने॥
बारहिं बार सुता उर लाई।
सजि सुंदर पालकीं मगाई॥
Suk sārikā Jānakī jyāe,
kanak piṅjaranhi rākhi paḍhāe.
Byākul kahahiṅ kahāṅ Baidehī,
suni dhīraju pariharai na kehī.
Bhae bikal khag mṛig ehi bhāṅtī,
manuj dasā kaiseṅ kahi jātī.
Bandhu samet Janaku tab āe,
prem umagi lochan jal chhāe.
Sīya biloki dhīratā bhāgī,
rahe kahāvat param birāgī.
Līnhi rāyaṅ ur lāi Jānakī,
miṭī mahāmarajād gyān kī.
Samujhāvat sab sachiv sayāne,
kīnha bichāru na avasar jāne.
Bārahiṅ bār sutā ur lāī,
saji sundar pālakīṅ magāī.
1026 of 1109
प्रेमबिबस परिवारु सबु जानि सुलगन नरेस।
कुअँरि चढ़ाई पालकिन्ह सुमिरे सिद्धि गनेस ॥ ३३८॥
Premabibas parivāru sabu jāni sulagan nares,
kuaṅri chaḍhāī pālakinha sumire siddhi Ganes. (338)
1027 of 1109
बहुबिधि भूप सुता समुझाईं।
नारिधरमु कुलरीति सिखाई॥
दासीं दास दिए बहुतेरे।
सुचि सेवक जे प्रिय सिय केरे॥
सीय चलत ब्याकुल पुरबासी।
होहिं सगुन सुभ मंगल रासी॥
भूसुर सचिव समेत समाजा।
संग चले पहुँचावन राजा॥
समय बिलोकि बाजने बाजे।
रथ गज बाजि बरातिन्ह साजे॥
दसरथ बिप्र बोलि सब लीन्हे।
दान मान परिपूरन कीन्हे॥
चरन सरोज धूरि धरि सीसा।
मुदित महीपति पाइ असीसा॥
सुमिरि गजाननु कीन्ह पयाना।
मंगलमूल सगुन भए नाना॥
Bahubidhi bhūp sutā samujhāīṅ,
nāridharamu kularīti sikhāī.
Dāsīṅ dās die bahutere,
suchi sevak je priya Siya kere.
Sīya chalat byākul purabāsī,
hohiṅ sagun subh maṅgal rāsī.
Bhūsur sachiv samet samājā,
saṅg chale pahuṅchāvan rājā.
Samay biloki bājane bāje,
rath gaj bāji barātinha sāje.
Dasarath bipra boli sab līnhe,
dān mān paripūran kīnhe.
Charan saroj dhūri dhari sīsā,
mudit mahīpati pāi asīsā.
Sumiri Gajānanu kīnha payānā,
maṅgalamūl sagun bhae nānā.
1028 of 1109
सुर प्रसून बरषहिं हरषि करहिं अपछरा गान।
चले अवधपति अवधपुर मुदित बजाइ निसान ॥ ३३९॥
Sur prasūn baraṣahiṅ haraṣi karahiṅ apachharā gān,
chale avadhapati avadhapur mudit bajāi nisān. (339)
1029 of 1109
नृप करि बिनय महाजन फेरे।
सादर सकल मागने टेरे॥
भूषन बसन बाजि गज दीन्हे।
प्रेम पोषि ठाढ़े सब कीन्हे॥
बार बार बिरिदावलि भाषी।
फिरे सकल रामहि उर राखी॥
बहुरि बहुरि कोसलपति कहहीं।
जनकु प्रेमबस फिरै न चहहीं॥
पुनि कह भूपति बचन सुहाए।
फिरिअ महीस दूरि बड़ि आए॥
राउ बहोरि उतरि भए ठाढ़े।
प्रेम प्रबाह बिलोचन बाढ़े॥
तब बिदेह बोले कर जोरी।
बचन सनेह सुधाँ जनु बोरी॥
करौं कवन बिधि बिनय बनाई।
महाराज मोहि दीन्हि बड़ाई॥
Nṛip kari binay mahājan phere,
sādar sakal māgane ṭere.
Bhūṣan basan bāji gaj dīnhe,
prem poṣi ṭhāḍhe sab kīnhe.
Bār bār biridāvali bhāṣī,
phire sakal Rāmahi ur rākhī.
Bahuri bahuri kosalapati kahahīṅ,
Janaku premabas phirai na chahahīṅ.
Puni kah bhūpati bachan suhāe,
phiria mahīs dūri baḍi āe.
Rāu bahori utari bhae ṭhāḍhe,
prem prabāh bilochan bāḍhe.
Tab Bideh bole kar jorī,
bachan saneh sudhāṅ janu borī.
Karauṅ kavan bidhi binay banāī,
mahārāj mohi dīnhi baḍāī.
1030 of 1109
कोसलपति समधी सजन सनमाने सब भाँति।
मिलनि परसपर बिनय अति प्रीति न हृदयँ समाति ॥ ३४०॥
Kosalapati samadhī sajan sanamāne sab bhāṅti,
milani parasapar binay ati prīti na hṛidayaṅ samāti. (340)
1031 of 1109
मुनि मंडलिहि जनक सिरु नावा।
आसिरबादु सबहि सन पावा॥
सादर पुनि भेंटे जामाता।
रूप सील गुन निधि सब भ्राता॥
जोरि पंकरुह पानि सुहाए।
बोले बचन प्रेम जनु जाए॥
राम करौं केहि भाँति प्रसंसा।
मुनि महेस मन मानस हंसा॥
करहिं जोग जोगी जेहि लागी।
कोहु मोहु ममता मदु त्यागी॥
ब्यापकु ब्रह्मु अलखु अबिनासी।
चिदानंदु निरगुन गुनरासी॥
मन समेत जेहि जान न बानी।
तरकि न सकहिं सकल अनुमानी॥
महिमा निगमु नेति कहि कहई।
जो तिहुँ काल एकरस रहई॥
Muni maṅḍalihi Janak siru nāvā,
āsirabādu sabahi san pāvā.
Sādar puni bheṅṭe jāmātā,
rūp sīl gun nidhi sab bhrātā.
Jori paṅkaruh pāni suhāe,
bole bachan prem janu jāe.
Rām karauṅ kehi bhāṅti prasansā,
muni Mahes man mānas haṅsā.
Karahiṅ jog jogī jehi lāgī,
kohu mohu mamatā madu tyāgī.
Byāpaku Brahmu alakhu abināsī,
chidānandu niragun gunarāsī.
Man samet jehi jān na bānī,
taraki na sakahiṅ sakal anumānī.
Mahimā nigamu neti kahi kahaī,
jo tihuṅ kāl ekaras rahaī.
1032 of 1109
नयन बिषय मो कहुँ भयउ सो समस्त सुख मूल।
सबइ लाभु जग जीव कहँ भएँ ईसु अनुकूल ॥ ३४१॥
Nayan biṣay mo kahuṅ bhayau so samast sukh mūl,
sabai lābhu jag jīv kahaṅ bhaeṅ īsu anukūl. (341)
1033 of 1109
सबहि भाँति मोहि दीन्हि बड़ाई।
निज जन जानि लीन्ह अपनाई॥
होहिं सहस दस सारद सेषा।
करहिं कलप कोटिक भरि लेखा॥
मोर भाग्य राउर गुन गाथा।
कहि न सिराहिं सुनहु रघुनाथा॥
मैं कछु कहउँ एक बल मोरें।
तुम्ह रीझहु सनेह सुठि थोरें॥
बार बार मागउँ कर जोरें।
मनु परिहरै चरन जनि भोरें॥
सुनि बर बचन प्रेम जनु पोषे।
पूरनकाम रामु परितोषे॥
करि बर बिनय ससुर सनमाने।
पितु कौसिक बसिष्ठ सम जाने॥
बिनती बहुरि भरत सन कीन्ही।
मिलि सप्रेम पुनि आसिष दीन्ही॥
Sabahi bhāṅti mohi dīnhi baḍāī,
nij jan jāni līnha apanāī.
Hohiṅ sahas das Sārad Seṣā,
karahiṅ kalap koṭik bhari lekhā.
Mor bhāgya rāur gun gāthā,
kahi na sirāhiṅ sunahu Raghunāthā.
Maiṅ kachhu kahauṅ ek bal moreṅ,
tumh rījhahu saneh suṭhi thoreṅ.
Bār bār māgauṅ kar joreṅ,
manu pariharai charan jani bhoreṅ.
Suni bar bachan prem janu poṣe,
pūranakām Rāmu paritoṣe.
Kari bar binay sasur sanamāne,
pitu Kausik Basiṣṭh sam jāne.
Binatī bahuri Bharat san kīnhī,
mili saprem puni āsiṣ dīnhī.
1034 of 1109
मिले लखन रिपुसूदनहि दीन्हि असीस महीस।
भए परसपर प्रेमबस फिरि फिरि नावहिं सीस ॥ ३४२॥
Mile Lakhan Ripusūdanahi dīnhi asīs mahīs,
bhae parasapar premabas phiri phiri nāvahiṅ sīs. (342)
1035 of 1109
बार बार करि बिनय बड़ाई।
रघुपति चले संग सब भाई॥
जनक गहे कौसिक पद जाई।
चरन रेनु सिर नयनन्ह लाई॥
सुनु मुनीस बर दरसन तोरें।
अगमु न कछु प्रतीति मन मोरें॥
जो सुखु सुजसु लोकपति चहहीं।
करत मनोरथ सकुचत अहहीं॥
सो सुखु सुजसु सुलभ मोहि स्वामी।
सब सिधि तव दरसन अनुगामी॥
कीन्हि बिनय पुनि पुनि सिरु नाई।
फिरे महीसु आसिषा पाई॥
चली बरात निसान बजाई।
मुदित छोट बड़ सब समुदाई॥
रामहि निरखि ग्राम नर नारी।
पाइ नयन फलु होहिं सुखारी॥
Bār bār kari binay baḍāī,
Raghupati chale saṅg sab bhāī.
Janak gahe Kausik pad jāī,
charan renu sir nayananha lāī.
Sunu munīs bar darasan toreṅ,
agamu na kachhu pratīti man moreṅ.
Jo sukhu sujasu lokapati chahahīṅ,
karat manorath sakuchat ahahīṅ.
So sukhu sujasu sulabh mohi swāmī,
sab sidhi tav darasan anugāmī.
Kīnhi binay puni puni siru nāī,
phire mahīsu āsiṣā pāī.
Chalī barāt nisān bajāī,
mudit chhoṭ baḍ sab samudāī.
Rāmahi nirakhi grām nar nārī,
pāi nayan phalu hohiṅ sukhārī.
1036 of 1109
बीच बीच बर बास करि मग लोगन्ह सुख देत।
अवध समीप पुनीत दिन पहुँची आइ जनेत ॥ ३४३॥
Bīch bīch bar bās kari mag loganha sukh det,
avadh samīp punīt din pahuṅchī āi janet. (343)
1037 of 1109
हने निसान पनव बर बाजे।
भेरि संख धुनि हय गय गाजे॥
झाँझि बिरव डिंडिमी सुहाई।
सरस राग बाजहिं सहनाई॥
पुर जन आवत अकनि बराता।
मुदित सकल पुलकावलि गाता॥
निज निज सुंदर सदन सँवारे।
हाट बाट चौहट पुर द्वारे॥
गलीं सकल अरगजाँ सिंचाईं।
जहँ तहँ चौकें चारु पुराईं॥
बना बजारु न जाइ बखाना।
तोरन केतु पताक बिताना॥
सफल पूगफल कदलि रसाला।
रोपे बकुल कदंब तमाला॥
लगे सुभग तरु परसत धरनी।
मनिमय आलबाल कल करनी॥
Hane nisān panav bar bāje,
bheri saṅkh dhuni hay gay gāje.
Jhāṅjhi biraw ḍiṅḍimī suhāī,
saras rāg bājahiṅ sahanāī.
Pur jan āvat akani barātā,
mudit sakal pulakāvali gātā.
Nij nij sundar sadan saṅvāre,
hāṭ bāṭ chauhaṭ pur dwāre.
Galīṅ sakal aragajāṅ siṅchāīṅ,
jahaṅ tahaṅ chaukeṅ chāru purāīṅ.
Banā bajāru na jāi bakhānā,
toran ketu patāk bitānā.
Saphal pūgaphal kadali rasālā,
rope bakul kadanb tamālā.
Lage subhag taru parasat dharanī,
manimay ālabāl kal karanī.
1038 of 1109
बिबिध भाँति मंगल कलस गृह गृह रचे सँवारि।
सुर ब्रह्मादि सिहाहिं सब रघुबर पुरी निहारि ॥ ३४४॥
Bibidh bhāṅti maṅgal kalas gṛih gṛih rache saṅvāri,
sur Brahmādi sihāhiṅ sab Raghubar purī nihāri. (344)
1039 of 1109
भूप भवनु तेहि अवसर सोहा।
रचना देखि मदन मनु मोहा॥
मंगल सगुन मनोहरताई।
रिधि सिधि सुख संपदा सुहाई॥
जनु उछाह सब सहज सुहाए।
तनु धरि धरि दसरथ गृहँ छाए॥
देखन हेतु राम बैदेही।
कहहु लालसा होइ न केही॥
जूथ जूथ मिलि चलीं सुआसिनि।
निज छबि निंदरहिं मदन बिलासिनि॥
सकल सुमंगल सजें आरती।
गावहिं जनु बहु बेष भारती॥
भूपति भवन कोलाहलु होई।
जाइ न बरनि समउ सुखु सोई॥
कौसल्यादि राम महतारीं।
प्रेमबिबस तन दसा बिसारीं॥
Bhūp bhavanu tehi avasar sohā,
rachanā dekhi madan manu mohā.
Maṅgal sagun manoharatāī,
ridhi sidhi sukh sanpadā suhāī.
Janu uchhāh sab sahaj suhāe,
tanu dhari dhari Dasarath gṛihaṅ chhāe.
Dekhan hetu Rām Baidehī,
kahahu lālasā hoi na kehī.
Jūth jūth mili chalīṅ suāsini,
nij chhabi nindarahiṅ madan bilāsini.
Sakal sumaṅgal sajeṅ āratī,
gāvahiṅ janu bahu beṣ Bhāratī.
Bhūpati bhavan kolāhalu hoī,
jāi na barani samau sukhu soī.
Kausalyādi Rām mahatārīṅ,
premabibas tan dasā bisārīṅ.
1040 of 1109
दिए दान बिप्रन्ह बिपुल पूजि गनेस पुरारि।
प्रमुदित परम दरिद्र जनु पाइ पदारथ चारि ॥ ३४५॥
Die dān bipranha bipul pūji Ganes Purāri,
pramudit param daridra janu pāi padārath chāri. (345)
1041 of 1109
मोद प्रमोद बिबस सब माता।
चलहिं न चरन सिथिल भए गाता॥
राम दरस हित अति अनुरागीं।
परिछनि साजु सजन सब लागीं॥
बिबिध बिधान बाजने बाजे।
मंगल मुदित सुमित्राँ साजे॥
हरद दूब दधि पल्लव फूला।
पान पूगफल मंगल मूला॥
अच्छत अंकुर लोचन लाजा।
मंजुल मंजरि तुलसि बिराजा॥
छुहे पुरट घट सहज सुहाए।
मदन सकुन जनु नीड़ बनाए॥
सगुन सुगंध न जाहिं बखानी।
मंगल सकल सजहिं सब रानी॥
रचीं आरतीं बहुत बिधाना।
मुदित करहिं कल मंगल गाना॥
Mod pramod bibas sab mātā,
chalahiṅ na charan sithil bhae gātā.
Rām daras hit ati anurāgīṅ,
parichhani sāju sajan sab lāgīṅ.
Bibidh bidhān bājane bāje,
maṅgal mudit Sumitrāṅ sāje.
Harad dūb dadhi pallav phūlā,
pān pūgaphal maṅgal mūlā.
Achhat aṅkur lochan lājā,
manjul manjari tulasi birājā.
Chhuhe puraṭ ghaṭ sahaj suhāe,
madan sakun janu nīḍ banāe.
Sagun sugandh na jāhiṅ bakhānī,
maṅgal sakal sajahiṅ sab rānī.
Rachīṅ āratīṅ bahut bidhānā,
mudit karahiṅ kal maṅgal gānā.
1042 of 1109
कनक थार भरि मंगलन्हि कमल करन्हि लिएँ मात।
चलीं मुदित परिछनि करन पुलक पल्लवित गात ॥ ३४६॥
Kanak thār bhari maṅgalanhi kamal karanhi lieṅ māt,
chalīṅ mudit parichhani karan pulak pallavit gāt. (346)
1043 of 1109
धूप धूम नभु मेचक भयऊ।
सावन घन घमंडु जनु ठयऊ॥
सुरतरु सुमन माल सुर बरषहिं।
मनहुँ बलाक अवलि मनु करषहिं॥
मंजुल मनिमय बंदनिवारे।
मनहुँ पाकरिपु चाप सँवारे॥
प्रगटहिं दुरहिं अट्न्ह पर भामिनि।
चारु चपल जनु दमकहिं दामिनि॥
दुंदुभि धुनि घन गरजनि घोरा।
जाचक चातक दादुर मोरा॥
सुर सुगंध सुचि बरषहिं बारी।
सुखी सकल ससि पुर नर नारी॥
समउ जानि गुर आयसु दीन्हा।
पुर प्रबेसु रघुकुलमनि कीन्हा॥
सुमिरि संभु गिरिजा गनराजा।
मुदित महीपति सहित समाजा॥
Dhūp dhūm nabhu mechak bhayaū,
sāvan ghan ghamaṇḍu janu ṭhayaū.
Surataru suman māl sur baraṣahiṅ,
manahuṅ balāk avali manu karaṣahiṅ.
Manjul manimay bandanivāre,
manahuṅ Pākaripu chāp saṅvāre.
Pragaṭahiṅ durahiṅ aṭanha par bhāmini,
chāru chapal janu damakahiṅ dāmini.
Dundubhi dhuni ghan garajani ghorā,
jāchak chātak dādur morā.
Sur sugandh suchi baraṣahiṅ bārī,
sukhī sakal sasi pur nar nārī.
Samau jāni gur āyasu dīnhā,
pur prabesu Raghukulamani kīnhā.
Sumiri Sambhu Girijā Ganarājā,
mudit mahīpati sahit samājā.
1044 of 1109
होहिं सगुन बरषहिं सुमन सुर दुंदुभीं बजाइ।
बिबुध बधू नाचहिं मुदित मंजुल मंगल गाइ ॥ ३४७॥
Hohiṅ sagun baraṣahiṅ suman sur dundubhīṅ bajāi,
bibudh badhū nāchahiṅ mudit manjul maṅgal gāi. (347)
1045 of 1109
मागध सूत बंदि नट नागर।
गावहिं जसु तिहु लोक उजागर॥
जय धुनि बिमल बेद बर बानी।
दस दिसि सुनिअ सुमंगल सानी॥
बिपुल बाजने बाजन लागे।
नभ सुर नगर लोग अनुरागे॥
बने बराती बरनि न जाहीं।
महा मुदित मन सुख न समाहीं॥
पुरबासिन्ह तब राय जोहारे।
देखत रामहि भए सुखारे॥
करहिं निछावरि मनिगन चीरा।
बारि बिलोचन पुलक सरीरा॥
आरति करहिं मुदित पुर नारी।
हरषहिं निरखि कुअँर बर चारी॥
सिबिका सुभग ओहार उघारी।
देखि दुलहिनिन्ह होहिं सुखारी॥
Māgadh sūt bandi naṭ nāgar,
gāvahiṅ jasu tihu lok ujāgar.
Jay dhuni bimal bed bar bānī,
das disi sunia sumaṅgal sānī.
Bipul bājane bājan lāge,
nabh sur nagar log anurāge.
Bane barātī barani na jāhīṅ,
mahā mudit man sukh na samāhīṅ.
Purabāsinha tab rāy johāre,
dekhat Rāmahi bhae sukhāre.
Karahiṅ nichhāvari manigan chīrā,
bāri bilochan pulak sarīrā.
Ārati karahiṅ mudit pur nārī,
haraṣahiṅ nirakhi kuaṅr bar chārī.
Sibikā subhag ohār ughārī,
dekhi dulahininha hohiṅ sukhārī.
1046 of 1109
एहि बिधि सबही देत सुखु आए राजदुआर।
मुदित मातु परिछनि करहिं बधुन्ह समेत कुमार ॥ ३४८॥
Ehi bidhi sabahī det sukhu āe rājaduār,
mudit mātu parichhani karahiṅ badhunha samet kumār. (348)
1047 of 1109
करहिं आरती बारहिं बारा।
प्रेमु प्रमोदु कहै को पारा॥
भूषन मनि पट नाना जाती।
करहिं निछावरि अगनित भाँती॥
बधुन्ह समेत देखि सुत चारी।
परमानंद मगन महतारी॥
पुनि पुनि सीय राम छबि देखी।
मुदित सफल जग जीवन लेखी॥
सखीं सीय मुख पुनि पुनि चाही।
गान करहिं निज सुकृत सराही॥
बरषहिं सुमन छनहिं छन देवा।
नाचहिं गावहिं लावहिं सेवा॥
देखि मनोहर चारिउ जोरीं।
सारद उपमा सकल ढँढोरीं॥
देत न बनहिं निपट लघु लागीं।
एकटक रहीं रूप अनुरागीं॥
Karahiṅ āratī bārahiṅ bārā,
premu pramodu kahai ko pārā.
Bhūṣan mani paṭ nānā jātī,
karahiṅ nichhāvari aganit bhāṅtī.
Badhunha samet dekhi sut chārī,
paramānand magan mahatārī.
Puni puni Sīya Rām chhabi dekhī,
mudit saphal jag jīvan lekhī.
Sakhīṅ Sīya mukh puni puni chāhī,
gān karahiṅ nij sukṛit sarāhī.
Baraṣahiṅ suman chhanahiṅ chhan devā,
nāchahiṅ gāvahiṅ lāvahiṅ sevā.
Dekhi manohar chāriu jorīṅ,
Sārad upamā sakal ḍhaṅḍhorīṅ.
Det na banahiṅ nipaṭ laghu lāgīṅ,
ekaṭak rahīṅ rūp anurāgīṅ.
1048 of 1109
निगम नीति कुल रीति करि अरघ पाँवड़े देत।
बधुन्ह सहित सुत परिछि सब चलीं लवाइ निकेत ॥ ३४९॥
Nigam nīti kul rīti kari aragh pāṅvaḍe det,
badhunha sahit sut parichhi sab chalīṅ lavāi niket. (349)
1049 of 1109
चारि सिंघासन सहज सुहाए।
जनु मनोज निज हाथ बनाए॥
तिन्ह पर कुअँरि कुअँर बैठारे।
सादर पाय पुनीत पखारे॥
धूप दीप नैबेद बेद बिधि।
पूजे बर दुलहिनि मंगलनिधि॥
बारहिं बार आरती करहीं।
ब्यजन चारु चामर सिर ढरहीं॥
बस्तु अनेक निछावरि होहीं।
भरीं प्रमोद मातु सब सोहीं॥
पावा परम तत्व जनु जोगीं।
अमृतु लहेउ जनु संतत रोगीं॥
जनम रंक जनु पारस पावा।
अंधहि लोचन लाभु सुहावा।
मूक बदन जनु सारद छाई।
मानहुँ समर सूर जय पाई॥
Chāri siṅghāsan sahaj suhāe,
janu Manoj nij hāth banāe.
Tinha par kuaṅri kuaṅr baiṭhāre,
sādar pāy punīt pakhāre.
Dhūp dīp naibed bed bidhi,
pūje bar dulahini maṅgalanidhi.
Bārahiṅ bār āratī karahīṅ,
byajan chāru chāmar sir ḍharahīṅ.
Bastu anek nichhāvari hohīṅ,
bharīṅ pramod mātu sab sohīṅ.
Pāvā param tatva janu jogīṅ,
amṛitu laheu janu santat rogīṅ.
Janam raṅk janu pāras pāvā,
andhahi lochan lābhu suhāvā.
Mūk badan janu Sārad chhāī,
mānahuṅ samar sūr jay pāī.
1050 of 1109
एहि सुख ते सत कोटि गुन पावहिं मातु अनंदु।
भाइन्ह सहित बिआहि घर आए रघुकुलचंदु ॥ ३५०(क)॥
Ehi sukha te sata koṭi guna pāvahiṃ mātu anaṃdu.
Bhāinha sahita biāhi ghara āe raghukulacaṃdu. 350(a).
1051 of 1109
लोक रीति जननीं करहिं बर दुलहिनि सकुचाहिं।
मोदु बिनोदु बिलोकि बड़ रामु मनहिं मुसकाहिं ॥ ३५०(ख)॥
Loka rīti jananīṃ karahiṃ bara dulahini sakucāhiṃ.
Modu binodu biloki baṛa rāmu manahiṃ musakāhiṃ. 350(kha).
1052 of 1109
देव पितर पूजे बिधि नीकी।
पूजीं सकल बासना जी की॥
सबहि बंदि मागहिं बरदाना।
भाइन्ह सहित राम कल्याना॥
Deva pitara pūje bidhi nīkī.
Pūjīṃ sakala bāsanā jī kī.
Sabahi baṃdi māgahiṃ baradānā.
Bhāinha sahita rāma kalyānā.
1053 of 1109
अंतरहित सुर आसिष देहीं।
मुदित मातु अंचल भरि लेहीं॥
भूपति बोलि बराती लीन्हे।
जान बसन मनि भूषन दीन्हे॥
Aṃtarahita sura āsiṣa dehīṃ.
Mudita mātu aṃcala bhari lehīṃ.
Bhūpati boli barātī līnhe.
Jāna basana mani bhūṣana dīnhe.
1054 of 1109
आयसु पाइ राखि उर रामहि।
मुदित गए सब निज निज धामहि॥
पुर नर नारि सकल पहिराए।
घर घर बाजन लगे बधाए॥
Āyasu pāi rākhi ura rāmahi.
Mudita gae saba nija nija dhāmahi.
Pura nara nāri sakala pahirāe.
Ghara ghara bājana lage badhāe.
1055 of 1109
जाचक जन जाचहिं जोइ जोई।
प्रमुदित राउ देहिं सोइ सोई॥
सेवक सकल बजनिआ नाना।
पूरन किए दान सनमाना॥
Jācaka jana jācahiṃ joi joī.
Pramudita rāu dehiṃ soi soī.
Sevaka sakala bajaniā nānā.
Pūrana kie dāna sanamānā.
1056 of 1109
देहिं असीस जोहारि सब गावहिं गुन गन गाथ।
तब गुर भूसुर सहित गृहँ गवनु कीन्ह नरनाथ ॥ ३५१॥
Dehiṃ asīsa johāri saba gāvahiṃ guna gana gātha.
Taba gura bhūsura sahita gṛhaṃ gavanu kīnha naranātha. 351.
1057 of 1109
जो बसिष्ठ अनुसासन दीन्ही।
लोक बेद बिधि सादर कीन्ही॥
भूसुर भीर देखि सब रानी।
सादर उठीं भाग्य बड़ जानी॥
Jo basiṣṭha anusāsana dīnhī.
Loka beda bidhi sādara kīnhī.
Bhūsura bhīra dekhi saba rānī.
Sādara uṭhīṃ bhāgya baṛa jānī.
1058 of 1109
पाय पखारि सकल अन्हवाए।
पूजि भली बिधि भूप जेवाँए॥
आदर दान प्रेम परिपोषे।
देत असीस चले मन तोषे॥
Pāya pakhāri sakala anhavāe.
Pūji bhalī bidhi bhūpa jevāṃe.
Ādara dāna prema paripoṣe.
Deta asīsa cale mana toṣe.
1059 of 1109
बहु बिधि कीन्हि गाधिसुत पूजा।
नाथ मोहि सम धन्य न दूजा॥
कीन्हि प्रसंसा भूपति भूरी।
रानिन्ह सहित लीन्हि पग धूरी॥
Bahu bidhi kīnhi gādhisuta pūjā.
Nātha mohi sama dhanya na dūjā.
Kīnhi prasaṃsā bhūpati bhūrī.
Rāninha sahita līnhi paga dhūrī.
1060 of 1109
भीतर भवन दीन्ह बर बासू।
मन जोगवत रह नृपु रनिवासू॥
पूजे गुर पद कमल बहोरी।
कीन्हि बिनय उर प्रीति न थोरी॥
Bhītara bhavana dīnha bara bāsū.
Mana jogavata raha nṛpu ranivāsū.
Pūje gura pada kamala bahorī.
Kīnhi binaya ura prīti na thorī.
1061 of 1109
बधुन्ह समेत कुमार सब रानिन्ह सहित महीसु।
पुनि पुनि बंदत गुर चरन देत असीस मुनीसु ॥ ३५२॥
Badhunha sameta kumāra saba rāninha sahita mahīsu.
Puni puni baṃdata gura carana deta asīsa munīsu. 352.
1062 of 1109
बिनय कीन्हि उर अति अनुरागें।
सुत संपदा राखि सब आगें॥
नेगु मागि मुनिनायक लीन्हा।
आसिरबादु बहुत बिधि दीन्हा॥
Binaya kīnhi ura ati anurāgeṃ.
Suta saṃpadā rākhi saba āgeṃ.
Negu māgi munināyaka līnhā.
Āsirabādu bahuta bidhi dīnhā.
1063 of 1109
उर धरि रामहि सीय समेता।
हरषि कीन्ह गुर गवनु निकेता॥
बिप्रबधू सब भूप बोलाई।
चैल चारु भूषन पहिराई॥
Ura dhari rāmahi sīya sametā.
Haraṣi kīnha gura gavanu niketā.
Biprabadhū saba bhūpa bolāī.
Caila cāru bhūṣana pahirāī.
1064 of 1109
बहुरि बोलाइ सुआसिनि लीन्हीं।
रुचि बिचारि पहिरावनि दीन्हीं॥
नेगी नेग जोग सब लेहीं।
रुचि अनुरूप भूपमनि देहीं॥
Bahuri bolāi suāsini līnhīṃ.
Ruci bicāri pahirāvani dīnhīṃ.
Negī nega joga saba lehīṃ.
Ruci anurūpa bhūpamani dehīṃ.
1065 of 1109
प्रिय पाहुने पूज्य जे जाने।
भूपति भली भाँति सनमाने॥
देव देखि रघुबीर बिबाहू।
बरषि प्रसून प्रसंसि उछाहू॥
Priya pāhune pūjya je jāne.
Bhūpati bhalī bhāṃti sanamāne.
Deva dekhi raghubīra bibāhū.
Baraṣi prasūna prasaṃsi uchāhū.
1066 of 1109
चले निसान बजाइ सुर निज निज पुर सुख पाइ।
कहत परसपर राम जसु प्रेम न हृदयँ समाइ ॥ ३५३॥
Cale nisāna bajāi sura nija nija pura sukha pāi.
Kahata parasapara rāma jasu prema na hṛdayaṃ samāi. 353.
1067 of 1109
सब बिधि सबहि समदि नरनाहू।
रहा हृदयँ भरि पूरि उछाहू॥
जहँ रनिवासु तहाँ पगु धारे।
सहित बहूटिन्ह कुअँर निहारे॥
Saba bidhi sabahi samadi naranāhū.
Rahā hṛdayaṃ bhari pūri uchāhū.
Jahaṃ ranivāsu tahāṃ pagu dhāre.
Sahita bahūṭinha kuaṃra nihāre.
1068 of 1109
लिए गोद करि मोद समेता।
को कहि सकइ भयउ सुखु जेता॥
बधू सप्रेम गोद बैठारीं।
बार बार हियँ हरषि दुलारीं॥
Lie goda kari moda sametā.
Ko kahi sakai bhayau sukhu jetā.
Badhū saprema goda baiṭhārīṃ.
Bāra bāra hiyaṃ haraṣi dulārīṃ.
1069 of 1109
देखि समाजु मुदित रनिवासू।
सब कें उर अनंद कियो बासू॥
कहेउ भूप जिमि भयउ बिबाहू।
सुनि सुनि हरषु होत सब काहू॥
Dekhi samāju mudita ranivāsū.
Saba keṃ ura anaṃda kiyo bāsū.
Kaheu bhūpa jimi bhayau bibāhū.
Suni suni haraṣu hota saba kāhū.
1070 of 1109
जनक राज गुन सीलु बड़ाई।
प्रीति रीति संपदा सुहाई॥
बहुबिधि भूप भाट जिमि बरनी।
रानी सब प्रमुदित सुनि करनी॥
Janaka rāja guna sīlu baṛāī.
Prīti rīti saṃpadā suhāī.
Bahubidhi bhūpa bhāṭa jimi baranī.
Rānī saba pramudita suni karanī.
1071 of 1109
सुतन्ह समेत नहाइ नृप बोलि बिप्र गुर ग्याति।
भोजन कीन्ह अनेक बिधि घरी पंच गइ राति ॥ ३५४॥
Sutanha sameta nahāi nṛpa boli bipra gura gyāti.
Bhojana kīnha aneka bidhi gharī paṃca gai rāti. 354.
1072 of 1109
मंगलगान करहिं बर भामिनि।
भै सुखमूल मनोहर जामिनि॥
अँचइ पान सब काहूँ पाए।
स्रग सुगंध भूषित छबि छाए॥
Maṃgalagāna karahiṃ bara bhāmini.
Bhai sukhamūla manohara jāmini.
Aṃcai pāna saba kāhūṃ pāe.
Sraga sugaṃdha bhūṣita chabi chāe.
1073 of 1109
रामहि देखि रजायसु पाई।
निज निज भवन चले सिर नाई॥
प्रेम प्रमोदु बिनोदु बड़ाई।
समउ समाजु मनोहरताई॥
Rāmahi dekhi rajāyasu pāī.
Nija nija bhavana cale sira nāī.
Prema pramodu binodu baṛāī.
Samau samāju manoharatāī.
1074 of 1109
कहि न सकहिं सत सारद सेसू।
बेद बिरंचि महेस गनेसू॥
सो मैं कहौं कवन बिधि बरनी।
भूमिनागु सिर धरइ कि धरनी॥
Kahi na sakahiṃ sata sārada sesū.
Beda biraṃci mahesa ganesū.
So maiṃ kahauṃ kavana bidhi baranī.
Bhūmināgu sira dharai ki dharanī.
1075 of 1109
नृप सब भाँति सबहि सनमानी।
कहि मृदु बचन बोलाई रानी॥
बधू लरिकनीं पर घर आईं।
राखेहु नयन पलक की नाईं॥
Nṛpa saba bhāṃti sabahi sanamānī.
Kahi mṛdu bacana bolāī rānī.
Badhū larikanīṃ para ghara āīṃ.
Rākhehu nayana palaka kī nāīṃ.
1076 of 1109
लरिका श्रमित उनीद बस सयन करावहु जाइ।
अस कहि गे बिश्रामगृहँ राम चरन चितु लाइ ॥ ३५५॥
Larikā śramita unīda basa sayana karāvahu jāi.
Asa kahi ge biśrāmagṛhaṃ rāma carana citu lāi. 355.
1077 of 1109
भूप बचन सुनि सहज सुहाए।
जरित कनक मनि पलँग डसाए॥
सुभग सुरभि पय फेन समाना।
कोमल कलित सुपेतीं नाना॥
Bhūpa bacana suni sahaja suhāe.
Jarita kanaka mani palaṃga ḍasāe.
Subhaga surabhi paya phena samānā.
Komala kalita supetīṃ nānā.
1078 of 1109
उपबरहन बर बरनि न जाहीं।
स्रग सुगंध मनिमंदिर माहीं॥
रतनदीप सुठि चारु चँदोवा।
कहत न बनइ जान जेहिं जोवा॥
Upabarahana bara barani na jāhīṃ.
Sraga sugaṃdha manimaṃdira māhīṃ.
Ratanadīpa suṭhi cāru caṃdovā.
Kahata na banai jāna jehiṃ jovā.
1079 of 1109
सेज रुचिर रचि रामु उठाए।
प्रेम समेत पलँग पौढ़ाए॥
अग्या पुनि पुनि भाइन्ह दीन्ही।
निज निज सेज सयन तिन्ह कीन्ही॥
Seja rucira raci rāmu uṭhāe.
Prema sameta palaṃga pauḍhāe.
Agyā puni puni bhāinha dīnhī.
Nija nija seja sayana tinha kīnhī.
1080 of 1109
देखि स्याम मृदु मंजुल गाता।
कहहिं सप्रेम बचन सब माता॥
मारग जात भयावनि भारी।
केहि बिधि तात ताड़का मारी॥
Dekhi syāma mṛdu maṃjula gātā.
Kahahiṃ saprema bacana saba mātā.
Māraga jāta bhayāvani bhārī.
Kehi bidhi tāta tāḍakā mārī.
1081 of 1109
घोर निसाचर बिकट भट समर गनहिं नहिं काहु।
मारे सहित सहाय किमि खल मारीच सुबाहु ॥ ३५६॥
Ghora nisācara bikaṭa bhaṭa samara ganahiṃ nahiṃ kāhu.
Māre sahita sahāya kimi khala mārīca subāhu. 356.
1082 of 1109
मुनि प्रसाद बलि तात तुम्हारी।
ईस अनेक करवरें टारी॥
मख रखवारी करि दुहुँ भाई।
गुर प्रसाद सब बिद्या पाई॥
Muni prasāda bali tāta tumhārī.
Īsa aneka karavareṃ ṭārī.
Makha rakhavārī kari duhuṃ bhāī.
Gura prasāda saba bidyā pāī.
1083 of 1109
मुनितिय तरी लगत पग धूरी।
कीरति रही भुवन भरि पूरी॥
कमठ पीठि पबि कूट कठोरा।
नृप समाज महुँ सिव धनु तोरा॥
Munitiya tarī lagata paga dhūrī.
Kīrati rahī bhuvana bhari pūrī.
Kamaṭha pīṭhi pabi kūṭa kaṭhorā.
Nṛpa samāja mahuṃ siva dhanu torā.
1084 of 1109
बिस्व बिजय जसु जानकि पाई।
आए भवन ब्याहि सब भाई॥
सकल अमानुष करम तुम्हारे।
केवल कौसिक कृपाँ सुधारे॥
Bisva bijaya jasu jānaki pāī.
Āe bhavana byāhi saba bhāī.
Sakala amānuṣa karama tumhāre.
Kevala kausika kṛpāṃ sudhāre.
1085 of 1109
आजु सुफल जग जनमु हमारा।
देखि तात बिधुबदन तुम्हारा॥
जे दिन गए तुम्हहि बिनु देखें।
ते बिरंचि जनि पारहिं लेखें॥
Āju suphala jaga janamu hamārā.
Dekhi tāta bidhubadana tumhārā.
Je dina gae tumhahi binu dekheṃ.
Te biraṃci jani pārahiṃ lekheṃ.
1086 of 1109
राम प्रतोर्षीं मातु सब कहि बिनीत बर बैन।
सुमिरि संभु गुर बिप्र पद किए नीदबस नैन ॥ ३५७॥
Rāma pratorṣīṃ mātu saba kahi binīta bara baina.
Sumiri saṃbhu gura bipra pada kie nīdabasa naina. 357.
1087 of 1109
नीदउँ बदन सोह सुठि लोना।
मनहुँ साँझ सरसिरुह सोना॥
घर घर करहिं जागरन नारीं।
देहिं परसपर मंगल गारीं॥
Nīdauṃ badana soha suṭhi lonā.
Manahuṃ sāṃjha sarasiruha sonā.
Ghara ghara karahiṃ jāgarana nārīṃ.
Dehiṃ parasapara maṃgala gārīṃ.
1088 of 1109
पुरी बिराजति राजति रजनी।
रानीं कहहिं बिलोकहु सजनी॥
सुंदर बधुन्ह सासु लै सोईं।
फनिकन्ह जनु सिरमनि उर गोईं॥
Purī birājati rājati rajanī.
Rānīṃ kahahiṃ bilokahu sajanī.
Suṃdara badhunha sāsu lai soīṃ.
Phanikanha janu siramani ura goīṃ.
1089 of 1109
प्रात पुनीत काल प्रभु जागे।
अरुनचूड़ बर बोलन लागे॥
बंदि मागधन्हि गुनगन गाए।
पुरजन द्वार जोहारन आए॥
Prāta punīta kāla prabhu jāge.
Arunacūṛa bara bolana lāge.
Baṃdi māgadhanhi gunagana gāe.
Purajana dvāra johārana āe.
1090 of 1109
बंदि बिप्र सुर गुर पितु माता।
पाइ असीस मुदित सब भ्राता॥
जननिन्ह सादर बदन निहारे।
भूपति संग द्वार पगु धारे॥
Baṃdi bipra sura gura pitu mātā.
Pāi asīsa mudita saba bhrātā.
Jananinha sādara badana nihāre.
Bhūpati saṃga dvāra pagu dhāre.
1091 of 1109
कीन्हि सौच सब सहज सुचि सरित पुनीत नहाइ।
प्रातक्रिया करि तात पहिं आए चारिउ भाइ ॥ ३५८॥
Kīnhi sauca saba sahaja suci sarita punīta nahāi.
Prātakriyā kari tāta pahiṃ āe cāriu bhāi. 358.
1092 of 1109
भूप बिलोकि लिए उर लाई।
बैठे हरषि रजायसु पाई॥
देखि रामु सब सभा जुड़ानी।
लोचन लाभ अवधि अनुमानी॥
Bhūpa biloki lie ura lāī.
Baiṭhe haraṣi rajāyasu pāī.
Dekhi rāmu saba sabhā juṛānī.
Locana lābha avadhi anumānī.
1093 of 1109
पुनि बसिष्टु मुनि कौसिकु आए।
सुभग आसनन्हि मुनि बैठाए॥
सुतन्ह समेत पूजि पद लागे।
निरखि रामु दोउ गुर अनुरागे॥
Puni basiṣṭu muni kausiku āe.
Subhaga āsananhi muni baiṭhāe.
Sutanha sameta pūji pada lāge.
Nirakhi rāmu dou gura anurāge.
1094 of 1109
कहहिं बसिष्टु धरम इतिहासा।
सुनहिं महीसु सहित रनिवासा॥
मुनि मन अगम गाधिसुत करनी।
मुदित बसिष्ट बिपुल बिधि बरनी॥
Kahahiṃ basiṣṭu dharama itihāsā.
Sunahiṃ mahīsu sahita ranivāsā.
Muni mana agama gādhisuta karanī.
Mudita basiṣṭa bipula bidhi baranī.
1095 of 1109
बोले बामदेउ सब साँची।
कीरति कलित लोक तिहुँ माची॥
सुनि आनंदु भयउ सब काहू।
राम लखन उर अधिक उछाहू॥
Bole bāmadeu saba sāṃcī.
Kīrati kalita loka tihuṃ mācī.
Suni ānaṃdu bhayau saba kāhū.
Rāma lakhana ura adhika uchāhū.
1096 of 1109
मंगल मोद उछाह नित जाहिं दिवस एहि भाँति।
उमगी अवध अनंद भरि अधिक अधिक अधिकाति ॥ ३५९॥
Maṃgala moda uchāha nita jāhiṃ divasa ehi bhāṃti.
Umagī avadha anaṃda bhari adhika adhika adhikāti. 359.
1097 of 1109
सुदिन सोधि कल कंकन छोरे।
मंगल मोद बिनोद न थोरे॥
नित नव सुखु सुर देखि सिहाहीं।
अवध जन्म जाचहिं बिधि पाहीं॥
Sudina sodhi kala kaṃkana chore.
Maṃgala moda binoda na thore.
Nita nava sukhu sura dekhi sihāhīṃ.
Avadha janma jācahiṃ bidhi pāhīṃ.
1098 of 1109
बिस्वामित्रु चलन नित चहहीं।
राम सप्रेम बिनय बस रहहीं॥
दिन दिन सयगुन भूपति भाऊ।
देखि सराह महामुनिराऊ॥
Bisvāmitru calana nita cahahīṃ.
Rāma saprema binaya basa rahahīṃ.
Dina dina sayaguna bhūpati bhāū.
Dekhi sarāha mahāmunirāū.
1099 of 1109
मागत बिदा राउ अनुरागे।
सुतन्ह समेत ठाढ़ भे आगे॥
नाथ सकल संपदा तुम्हारी।
मैं सेवकु समेत सुत नारी॥
Māgata bidā rāu anurāge.
Sutanha sameta ṭhāṛha bhe āge.
Nātha sakala saṃpadā tumhārī.
Maiṃ sevaku sameta suta nārī.
1100 of 1109
करब सदा लरिकन्ह पर छोहू।
दरसनु देत रहब मुनि मोहू॥
अस कहि राउ सहित सुत रानी।
परेउ चरन मुख आव न बानी॥
Karaba sadā larikanha para chohū.
Darasanu deta rahaba muni mohū.
Asa kahi rāu sahita suta rānī.
Pareu carana mukha āva na bānī.
1101 of 1109
दीन्हि असीस बिप्र बहु भाँती।
चले न प्रीति रीति कहि जाती॥
रामु सप्रेम संग सब भाई।
आयसु पाइ फिरे पहुँचाई॥
Dīnhi asīsa bipra bahu bhāṃtī.
Cale na prīti rīti kahi jātī.
Rāmu saprema saṃga saba bhāī.
Āyasu pāi phire pahuṃcāī.
1102 of 1109
राम रूपु भूपति भगति ब्याहु उछाहु अनंदु।
जात सराहत मनहिं मन मुदित गाधिकुलचंदु ॥ ३६०॥
Rāma rūpu bhūpati bhagati byāhu uchāhu anaṃdu.
Jāta sarāhata manahiṃ mana mudita gādhikulacaṃdu. 360.
1103 of 1109
बामदेव रघुकुल गुर ग्यानी।
बहुरि गाधिसुत कथा बखानी॥
सुनि मुनि सुजसु मनहिं मन राऊ।
बरनत आपन पुन्य प्रभाऊ॥
Bāmadeva raghukula gura gyānī.
Bahuri gādhisuta kathā bakhānī.
Suni muni sujasu manahiṃ mana rāū.
Baranata āpana punya prabhāū.
1104 of 1109
बहुरे लोग रजायसु भयऊ।
सुतन्ह समेत नृपति गृहँ गयऊ॥
जहँ तहँ राम ब्याहु सबु गावा।
सुजसु पुनीत लोक तिहुँ छावा॥
Bahure loga rajāyasu bhayaū.
Sutanha sameta nṛpati gṛhaṃ gayaū.
Jahaṃ tahaṃ rāma byāhu sabu gāvā.
Sujasu punīta loka tihuṃ chāvā.
1105 of 1109
आए ब्याहि रामु घर जब तें।
बसइ अनंद अवध सब तब तें॥
प्रभु बिबाहँ जस भयउ उछाहू।
सकहिं न बरनि गिरा अहिनाहू॥
Āe byāhi rāmu ghara jaba teṃ.
Basai anaṃda avadha saba taba teṃ.
Prabhu bibāhaṃ jasa bhayau uchāhū.
Sakahiṃ na barani girā ahināhū.
1106 of 1109
कबिकुल जीवनु पावन जानी।
राम सीय जसु मंगल खानी॥
तेहि ते मैं कछु कहा बखानी।
करन पुनीत हेतु निज बानी॥
Kabikula jīvanu pāvana jānī.
Rāma sīya jasu maṃgala khānī.
Tehi te maiṃ kachu kahā bakhānī.
Karana punīta hetu nija bānī.
1107 of 1109
छं०—निज गिरा पावनि करन कारन राम जसु तुलसीं कह्यो।
रघुबीर चरित अपार बारिधि पारु कबि कौनें लह्यो॥
उपबीत ब्याह उछाह मंगल सुनि जे सादर गावहीं।
बैदेहि राम प्रसाद ते जन सर्बदा सुखु पावहीं॥
Chaṃ.—Nija girā pāvani karana kārana rāma jasu tulasīṃ kahyo.
Raghubīra carita apāra bāridhi pāru kabi kauneṃ lahyo.
Upabīta byāha uchāha maṃgala suni je sādara gāvahīṃ.
Baidehi rāma prasāda te jana sarbadā sukhu pāvahīṃ.
1108 of 1109
सो०—सिय रघुबीर बिबाहु जे सप्रेम गावहिं सुनहिं।
तिन्ह कहुँ सदा उछाहु मंगलायतन राम जसु ॥ ३६१॥
So.—Siya raghubīra bibāhu je saprema gāvahiṃ sunahiṃ.
Tinha kahuṃ sadā uchāhu maṃgalāyatana rāma jasu. 361.
1109 of 1109
इति श्रीमद्रामचरितमानसे सकलकलिकलुषविध्वंसने प्रथमः सोपानः समाप्तः।
( बालकाण्ड समाप्त )
Iti śrīmadrāmacaritamānase sakalakalikaluṣavidhvaṃsane prathamaḥ sopānaḥ samāptaḥ.
(Bālakāṇḍa samāpta)
https://www.bhajanusa.com
Viewed … times