ॐ https://www.BhajanUSA.com Hindi bhajans · English transliteration
← All bhajans
Granth

५. सुन्दरकाण्ड · 5. Sundara Kand

Tulsidas's Ramcharitmanas — Book 5, the full text of Hanuman's journey to Lanka, his meeting with Sita, and the burning of the city · Devanagari with English transliteration
हिन्दी
English
1 of 344
॥ श्रीगणेशाय नम: ॥ श्रीजानकीवल्लभो विजयते
Śrī Gaṇeśāya namaḥ. Śrī Jānakīvallabho vijayate.
2 of 344
शान्तं शाश्वतमप्रमेयमनघं निर्वाणशान्तिप्रदं ब्रह्माशम्भुफणीन्द्रसेव्यमनिशं वेदान्तवेद्यं विभुम्। रामाख्यं जगदीश्वरं सुरगुरुं मायामनुष्यं हरिं वन्देऽहं करुणाकरं रघुवरं भूपालचूडामणिम् ॥१॥
Śāntaṃ śāśvatamaprameyamanaghaṃ nirvāṇaśāntipradaṃ brahmāśambhuphaṇīndrasevyamaniśaṃ vedāntavedyaṃ vibhum, rāmākhyaṃ jagadīśvaraṃ suraguruṃ māyāmanuṣyaṃ hariṃ vande'haṃ karuṇākaraṃ raghuvaraṃ bhūpālachūḍāmaṇim. (1)
3 of 344
नान्या स्पृहा रघुपते हृदयेऽस्मदीये सत्यं वदामि च भवानखिलान्तरात्मा। भक्तिं प्रयच्छ रघुपुङ्गव निर्भरां मे कामादिदोषरहितं कुरु मानसं च ॥२॥
Nānyā spṛhā Raghupate hṛdaye'smadīye satyaṃ vadāmi cha bhavānakhilāntarātmā, bhaktiṃ prayachchha Raghupuṅgava nirbharāṃ me kāmādidoṣarahitaṃ kuru mānasaṃ cha. (2)
4 of 344
अतुलितबलधामं हेमशैलाभदेहं दनुजवनकृशानुं ज्ञानिनामग्रगण्यम्। सकलगुणनिधानं वानराणामधीशं रघुपतिप्रियभक्तं वातजातं नमामि ॥३॥
Atulitabaladhāmaṃ hemaśailābhadehaṃ danujavanakṛśānuṃ jñānināmagragaṇyam, sakalaguṇanidhānaṃ vānarāṇāmadhīśaṃ raghupatipriyabhaktaṃ vātajātaṃ namāmi. (3)
5 of 344
जामवंत के बचन सुहाए। सुनि हनुमंत हृदय अति भाए॥ तब लगि मोहि परिखेहु तुम्ह भाई। सहि दुख कंद मूल फल खाई ॥१॥
Jāmavant ke bachan suhāe, suni hanumant hṛday ati bhāe. Tab lagi mohi parikhehu tumh bhāī, sahi dukh kaṅd mūl phal khāī. (1)
6 of 344
जब लगि आवौं सीतहि देखी। होइहि काजु मोहि हरष बिसेषी॥ यह कहि नाइ सबन्हि कहुँ माथा। चलेउ हरषि हियँ धरि रघुनाथा ॥२॥
Jab lagi āvauṅ sītahi dekhī, hoihi kāju mohi haraṣ biseṣī. Yah kahi nāi sabanhi kahuṅ māthā, chaleu haraṣi hiyaṅ dhari Raghunāthā. (2)
7 of 344
सिंधु तीर एक भूधर सुंदर। कौतुक कूदि चढ़ेउ ता ऊपर॥ बार बार रघुबीर सँभारी। तरकेउ पवनतनय बल भारी ॥३॥
Sindhu tīr ek bhūdhar sundar, kautuk kūdi chaḍheu tā ūpar. Bār bār Raghubīr sambhārī, tarakeu pavantanay bal bhārī. (3)
8 of 344
जेहिं गिरि चरन देइ हनुमंता। चलेउ सो गा पाताल तुरंता॥ जिमि अमोघ रघुपति कर बाना। एही भाँति चलेउ हनुमाना ॥४॥
Jehiṅ giri charan dei hanumantā, chaleu so gā pātāl turantā. Jimi amogh Raghupati kar bānā, ehī bhāṅti chaleu Hanumānā. (4)
9 of 344
जलनिधि रघुपति दूत बिचारी। तैं मैनाक होहि श्रमहारी ॥५॥
Jalanidhi Raghupati dūt bichārī, taiṅ Maināk hohi śramahārī. (5)
10 of 344
दो०—हनूमान तेहि परसा कर पुनि कीन्ह प्रनाम। राम काजु कीन्हें बिनु मोहि कहाँ बिश्राम ॥१॥
Do—Hanūmān tehi parasā kar puni kīnh pranām, Rām kāju kīnhen binu mohi kahāṅ biśrām. (1)
11 of 344
जात पवनसुत देवन्ह देखा। जानैं कहुँ बल बुद्धि बिसेषा॥ सुरसा नाम अहिन्ह कै माता। पठइन्हि आइ कही तेहिं बाता ॥१॥
Jāt pavansut devanh dekhā, jānaiṅ kahuṅ bal buddhi biseṣā. Surasā nām ahinh kai mātā, paṭhainhi āi kahī tehiṅ bātā. (1)
12 of 344
आजु सुरन्ह मोहि दीन्ह अहारा। सुनत बचन कह पवनकुमारा॥ राम काजु करि फिरि मैं आवौं। सीता कइ सुधि प्रभुहि सुनावौं ॥२॥
Āju suranh mohi dīnh ahārā, sunat bachan kah pavankumārā. Rām kāju kari phiri maiṅ āvauṅ, Sītā kai sudhi prabhuhi sunāvauṅ. (2)
13 of 344
तब तव बदन पैठिहउँ आई। सत्य कहउँ मोहि जान दे माई॥ कवनेहुँ जतन देइ नहिं जाना। ग्रससि न मोहि कहेउ हनुमाना ॥३॥
Tab tav badan paiṭhihauṅ āī, satya kahauṅ mohi jān de māī. Kavanehuṅ jatan dei nahiṅ jānā, grasasi na mohi kaheu Hanumānā. (3)
14 of 344
जोजन भरि तेहिं बदनु पसारा। कपि तनु कीन्ह दुगुन बिस्तारा॥ सोरह जोजन मुख तेहिं ठयऊ। तुरत पवनसुत बत्तिस भयऊ ॥४॥
Jojan bhari tehiṅ badanu pasārā, kapi tanu kīnh dugun bistārā. Sorah jojan mukh tehiṅ ṭhayaū, turat pavansut battis bhayaū. (4)
15 of 344
जस जस सुरसा बदनु बढ़ावा। तासु दून कपि रूप देखावा॥ सत जोजन तेहिं आनन कीन्हा। अति लघु रूप पवनसुत लीन्हा ॥५॥
Jas jas Surasā badanu baḍhāvā, tāsu dūn kapi rūp dekhāvā. Sat jojan tehiṅ ānan kīnhā, ati laghu rūp pavansut līnhā. (5)
16 of 344
बदन पइठि पुनि बाहेर आवा। मागा बिदा ताहि सिरु नावा॥ मोहि सुरन्ह जेहि लागि पठावा। बुधि बल मरमु तोर मैं पावा ॥६॥
Badan paiṭhi puni bāher āvā, māgā bidā tāhi siru nāvā. Mohi suranh jehi lāgi paṭhāvā, budhi bal maramu tor maiṅ pāvā. (6)
17 of 344
दो०—राम काजु सबु करिहहु तुम्ह बल बुद्धि निधान। आसिष देइ गई सो हरषि चलेउ हनुमान ॥२॥
Do—Rām kāju sabu karihahu tumh bal buddhi nidhān, āsiṣ dei gaī so haraṣi chaleu Hanumān. (2)
18 of 344
निसिचरि एक सिंधु महुँ रहई। करि माया नभु के खग गहई॥ जीव जंतु जे गगन उड़ाहीं। जल बिलोकि तिन्ह कै परिछाहीं ॥१॥
Nisichari ek sindhu mahuṅ rahaī, kari māyā nabhu ke khag gahaī. Jīv jantu je gagan uḍāhīṅ, jal biloki tinh kai parichhāhīṅ. (1)
19 of 344
गहइ छाहँ सक सो न उड़ाई। एहि बिधि सदा गगनचर खाई॥ सोइ छल हनूमान कहँ कीन्हा। तासु कपटु कपि तुरतहिं चीन्हा ॥२॥
Gahai chhāhaṅ sak so na uḍāī, ehi bidhi sadā gaganachar khāī. Soi chhal Hanūmān kahaṅ kīnhā, tāsu kapaṭu kapi turatahiṅ chīnhā. (2)
20 of 344
ताहि मारि मारुतसुत बीरा। बारिधि पार गयउ मतिधीरा॥ तहाँ जाइ देखी बन सोभा। गुंजत चंचरीक मधु लोभा ॥३॥
Tāhi māri Mārutasut bīrā, bāridhi pār gayau matidhīrā. Tahāṅ jāi dekhī ban sobhā, guṅjat chaṅcharīk madhu lobhā. (3)
21 of 344
नाना तरु फल फूल सुहाए। खग मृग बृंद देखि मन भाए॥ सैल बिसाल देखि एक आगें। ता पर धाइ चढ़ेउ भय त्यागें ॥४॥
Nānā taru phal phūl suhāe, khag mṛg bṛand dekhi man bhāe. Sail bisāl dekhi ek āgeṅ, tā par dhāi chaḍheu bhay tyāgeṅ. (4)
22 of 344
उमा न कछु कपि कै अधिकाई। प्रभु प्रताप जो कालहि खाई॥ गिरि पर चढ़ि लंका तेहिं देखी। कहि न जाइ अति दुर्ग बिसेषी ॥५॥
Umā na kachhu kapi kai adhikāī, prabhu pratāp jo kālahi khāī. Giri par chaḍhi Laṅkā tehiṅ dekhī, kahi na jāi ati durga biseṣī. (5)
23 of 344
अति उतंग जलनिधि चहु पासा। कनक कोट कर परम प्रकासा ॥६॥
Ati utaṅg jalanidhi chahu pāsā, kanak koṭ kar param prakāsā. (6)
24 of 344
छं०—कनक कोट बिचित्र मनि कृत सुंदरायतना घना। चउहट्ट हट्ट सुबट्ट बीथीं चारु पुर बहु बिधि बना॥ गज बाजि खच्चर निकर पदचर रथ बरूथन्हि को गनै। बहुरूप निसिचर जूथ अतिबल सेन बरनत नहिं बनै ॥१॥
Chhand—Kanak koṭ bichitra mani kṛt sundarāyatanā ghanā, chauhaṭṭa haṭṭa subaṭṭa bīthīṅ chāru pur bahu bidhi banā. Gaj bāji khachchar nikar padachar rath barūthanhi ko ganai, bahurūp nisichar jūth atibal sen baranat nahiṅ banai. (1)
25 of 344
बन बाग उपबन बाटिका सर कूप बापीं सोहहीं। नर नाग सुर गंधर्ब कन्या रूप मुनि मन मोहहीं॥ कहुँ माल देह बिसाल सैल समान अतिबल गर्जहीं। नाना अखारेन्ह भिरहिं बहुबिधि एक एकन्ह तर्जहीं ॥२॥
Ban bāg upaban bāṭikā sar kūp bāpīṅ sohahīṅ, nar nāg sur gaṅdharb kanyā rūp muni man mohahīṅ. Kahuṅ māl deh bisāl sail samān atibal garjahīṅ, nānā akhārenh bhirahiṅ bahubidhi ek ekanh tarjahīṅ. (2)
26 of 344
करि जतन भट कोटिन्ह बिकट तन नगर चहुँ दिसि रच्छहीं। कहुँ महिष मानुष धेनु खर अज खल निसाचर भच्छहीं॥ एहि लागि तुलसीदास इन्ह की कथा कछु एक है कही। रघुबीर सर तीरथ सरीरन्हि त्यागि गति पैहहिं सही ॥३॥
Kari jatan bhaṭ koṭinh bikaṭ tan nagar chahuṅ disi rachchhahīṅ, kahuṅ mahiṣ mānuṣ dhenu khar aj khal nisāchar bhachchhahīṅ. Ehi lāgi Tulasīdās inh kī kathā kachhu ek hai kahī, Raghubīr sar tīrath sarīranhi tyāgi gati paihahiṅ sahī. (3)
27 of 344
दो०—पुर रखवारे देखि बहु कपि मन कीन्ह बिचार। अति लघु रूप धरौं निसि नगर करौं पइसार ॥३॥
Do—Pur rakhavāre dekhi bahu kapi man kīnh bichār, ati laghu rūp dharauṅ nisi nagar karauṅ paisār. (3)
28 of 344
मसक समान रूप कपि धरी। लंकहि चलेउ सुमिरि नरहरी॥ नाम लंकिनी एक निसिचरी। सो कह चलेसि मोहि निंदरी ॥१॥
Masak samān rūp kapi dharī, laṅkahi chaleu sumiri Naraharī. Nām Laṅkinī ek nisicharī, so kah chalesi mohi nindarī. (1)
29 of 344
जानेहि नहीं मरमु सठ मोरा। मोर अहार जहाँ लगि चोरा॥ मुठिका एक महा कपि हनी। रुधिर बमत धरनीं ढनमनी ॥२॥
Jānehi nahīṅ maramu saṭh morā, mor ahār jahāṅ lagi chorā. Muṭhikā ek mahā kapi hanī, rudhir bamat dharanīṅ ḍhanamanī. (2)
30 of 344
पुनि संभारि उठी सो लंका। जोरि पानि कर बिनय ससंका॥ जब रावनहि ब्रह्म बर दीन्हा। चलत बिरंचि कहा मोहि चीन्हा ॥३॥
Puni sambhāri uṭhī so Laṅkā, jori pāni kar binay sasaṅkā. Jab Rāvanahi Brahma bar dīnhā, chalat biranchi kahā mohi chīnhā. (3)
31 of 344
बिकल होसि तैं कपि कें मारे। तब जानेसु निसिचर संघारे॥ तात मोर अति पुन्य बहूता। देखेउँ नयन राम कर दूता ॥४॥
Bikal hosi taiṅ kapi keṅ māre, tab jānesu nisichar saṅghāre. Tāt mor ati punya bahūtā, dekheuṅ nayan Rām kar dūtā. (4)
32 of 344
दो०—तात स्वर्ग अपबर्ग सुख धरिअ तुला एक अंग। तूल न ताहि सकल मिलि जो सुख लव सतसंग ॥४॥
Do—Tāt swarg apabarg sukh dharia tulā ek aṅg, tūl na tāhi sakal mili jo sukh lav satsaṅg. (4)
33 of 344
प्रबिसि नगर कीजे सब काजा। हृदयँ राखि कोसलपुर राजा॥ गरल सुधा रिपु करहिं मिताई। गोपद सिंधु अनल सितलाई ॥१॥
Prabisi nagar kīje sab kājā, hṛdayaṅ rākhi Kosalapur rājā. Garal sudhā ripu karahiṅ mitāī, gopad sindhu anal sitalāī. (1)
34 of 344
गरुड़ सुमेरु रेनु सम ताही। राम कृपा करि चितवा जाही॥ अति लघु रूप धरेउ हनुमाना। पैठा नगर सुमिरि भगवाना ॥२॥
Garuḍ sumeru renu sam tāhī, Rām kṛpā kari chitavā jāhī. Ati laghu rūp dhareu Hanumānā, paiṭhā nagar sumiri bhagavānā. (2)
35 of 344
मंदिर मंदिर प्रति करि सोधा। देखे जहँ तहँ अगनित जोधा॥ गयउ दसानन मंदिर माहीं। अति बिचित्र कहि जात सो नाहीं ॥३॥
Mandir mandir prati kari sodhā, dekhe jahaṅ tahaṅ aganit jodhā. Gayau Dasānan mandir māhīṅ, ati bichitra kahi jāt so nāhīṅ. (3)
36 of 344
सयन किएँ देखा कपि तेही। मंदिर महुँ न दीखि बैदेही॥ भवन एक पुनि दीख सुहावा। हरि मंदिर तहँ भिन्न बनावा ॥४॥
Sayan kieṅ dekhā kapi tehī, mandir mahuṅ na dīkhi Baidehī. Bhavan ek puni dīkh suhāvā, Hari mandir tahaṅ bhinn banāvā. (4)
37 of 344
दो०—रामायुध अंकित गृह सोभा बरनि न जाइ। नव तुलसिका बृंद तहँ देखि हरष कपिराइ ॥५॥
Do—Rāmāyudh aṅkit gṛh sobhā barani na jāi, nav tulasikā bṛand tahaṅ dekhi haraṣ Kapirāi. (5)
38 of 344
लंका निसिचर निकर निवासा। इहाँ कहाँ सज्जन कर बासा॥ मन महुँ तरक करैं कपि लागा। तेहीं समय बिभीषनु जागा ॥१॥
Laṅkā nisichar nikar nivāsā, ihāṅ kahāṅ sajjan kar bāsā. Man mahuṅ tarak karaiṅ kapi lāgā, tehīṅ samay Bibhīṣanu jāgā. (1)
39 of 344
राम राम तेहिं सुमिरन कीन्हा। हृदयँ हरष कपि सज्जन चीन्हा॥ एहि सन हठि करिहउँ पहिचानी। साधु ते होइ न कारज हानी ॥२॥
Rāma Rāma tehiṃ sumirana kīnhā, hṛdayaṃ haraṣa kapi sajjana cīnhā. Ehi sana haṭhi karihauṃ pahicānī, sādhu te hoi na kāraja hānī. (2)
40 of 344
बिप्र रूप धरि बचन सुनाए। सुनत बिभीषन उठि तहँ आए॥ करि प्रनाम पूँछी कुसलाई। बिप्र कहहु निज कथा बुझाई ॥३॥
Bipra rūpa dhari bacana sunāe, sunata Bibhīṣana uṭhi tahaṃ āe. Kari pranāma pūṃchī kusalāī, bipra kahahu nija kathā bujhāī. (3)
41 of 344
की तुम्ह हरि दासन्ह महँ कोई। मोरें हृदय प्रीति अति होई॥ की तुम्ह रामु दीन अनुरागी। आयहु मोहि करन बड़भागी ॥४॥
Kī tumha hari dāsanha mahaṃ koī, moreṃ hṛdaya prīti ati hoī. Kī tumha Rāmu dīna anurāgī, āyahu mohi karana baṛabhāgī. (4)
42 of 344
दो०—तब हनुमंत कही सब राम कथा निज नाम। सुनत जुगल तन पुलक मन मगन सुमिरि गुन ग्राम ॥६॥
Do—Taba Hanumaṃta kahī saba Rāma kathā nija nāma, sunata jugala tana pulaka mana magana sumiri guna grāma. (6)
43 of 344
सुनहु पवनसुत रहनि हमारी। जिमि दसनन्हि महुँ जीभ बिचारी॥ तात कबहुँ मोहि जानि अनाथा। करिहहिं कृपा भानुकुल नाथा ॥१॥
Sunahu pavanasuta rahani hamārī, jimi Dasananhi mahuṃ jībha bicārī. Tāta kabahuṃ mohi jāni anāthā, karihahiṃ kṛpā bhānukula nāthā. (1)
44 of 344
तामस तनु कछु साधन नाहीं। प्रीति न पद सरोज मन माहीं॥ अब मोहि भा भरोस हनुमंता। बिनु हरिकृपा मिलहिं नहिं संता ॥२॥
Tāmasa tanu kachu sādhana nāhīṃ, prīti na pada saroja mana māhīṃ. Aba mohi bhā bharosa Hanumaṃtā, binu harikṛpā milahiṃ nahiṃ saṃtā. (2)
45 of 344
जौं रघुबीर अनुग्रह कीन्हा। तौ तुम्ह मोहि दरसु हठि दीन्हा॥ सुनहु बिभीषन प्रभु कै रीती। करहिं सदा सेवक पर प्रीती ॥३॥
Jauṃ Raghubīra anugraha kīnhā, tau tumha mohi darasu haṭhi dīnhā. Sunahu Bibhīṣana prabhu kai rītī, karahiṃ sadā sevaka para prītī. (3)
46 of 344
कहहु कवन मैं परम कुलीना। कपि चंचल सबहीं बिधि हीना॥ प्रात लेइ जो नाम हमारा। तेहि दिन ताहि न मिलै अहारा ॥४॥
Kahahu kavana maiṃ parama kulīnā, kapi caṃcala sabahīṃ bidhi hīnā. Prāta lei jo nāma hamārā, tehi dina tāhi na milai ahārā. (4)
47 of 344
दो०—अस मैं अधम सखा सुनु मोहू पर रघुबीर। कीन्ही कृपा सुमिरि गुन भरे बिलोचन नीर ॥७॥
Do—Asa maiṃ adhama sakhā sunu mohū para Raghubīra, kīnhī kṛpā sumiri guna bhare bilocana nīra. (7)
48 of 344
जानतहूँ अस स्वामि बिसारी। फिरहिं ते काहे न होहिं दुखारी॥ एहि बिधि कहत राम गुन ग्रामा। पावा अनिर्बाच्य बिश्रामा ॥१॥
Jānatahūṃ asa svāmi bisārī, phirahiṃ te kāhe na hohiṃ dukhārī. Ehi bidhi kahata Rāma guna grāmā, pāvā anirbācya biśrāmā. (1)
49 of 344
पुनि सब कथा बिभीषन कही। जेहि बिधि जनकसुता तहँ रही॥ तब हनुमंत कहा सुनु भ्राता। देखी चहउँ जानकी माता ॥२॥
Puni saba kathā Bibhīṣana kahī, jehi bidhi Janakasutā tahaṃ rahī. Taba Hanumaṃta kahā sunu bhrātā, dekhī cahauṃ Jānakī mātā. (2)
50 of 344
जुगुति बिभीषन सकल सुनाई। चलेउ पवनसुत बिदा कराई॥ करि सोइ रूप गयउ पुनि तहवाँ। बन असोक सीता रह जहवाँ ॥३॥
Juguti Bibhīṣana sakala sunāī, caleu pavanasuta bidā karāī. Kari soi rūpa gayau puni tahavāṃ, bana asoka sītā raha jahavāṃ. (3)
51 of 344
देखि मनहि महुँ कीन्ह प्रनामा। बैठेहिं बीति जात निसि जामा॥ कृस तनु सीस जटा एक बेनी। जपति हृदयँ रघुपति गुन श्रेनी ॥४॥
Dekhi manahi mahuṃ kīnha pranāmā, baiṭhehiṃ bīti jāta nisi jāmā. Kṛsa tanu sīsa jaṭā eka benī, japati hṛdayaṃ Raghupati guna śrenī. (4)
52 of 344
दो०—निज पद नयन दिएँ मन राम पद कमल लीन। परम दुखी भा पवनसुत देखि जानकी दीन ॥८॥
Do—Nija pada nayana dieṃ mana Rāma pada kamala līna, parama dukhī bhā pavanasuta dekhi Jānakī dīna. (8)
53 of 344
तरु पल्लव महुँ रहा लुकाई। करइ बिचार करौं का भाई॥ तेहि अवसर रावनु तहँ आवा। संग नारि बहु किएँ बनावा ॥१॥
Taru pallava mahuṃ rahā lukāī, karai bicāra karauṃ kā bhāī. Tehi avasara Rāvanu tahaṃ āvā, saṃga nāri bahu kieṃ banāvā. (1)
54 of 344
बहु बिधि खल सीतहि समुझावा। साम दान भय भेद देखावा॥ कह रावनु सुनु सुमुखि सयानी। मंदोदरी आदि सब रानी ॥२॥
Bahu bidhi khala Sītahi samujhāvā, sāma dāna bhaya bheda dekhāvā. Kaha Rāvanu sunu sumukhi sayānī, maṃdodarī ādi saba rānī. (2)
55 of 344
तव अनुचरीं करउँ पन मोरा। एक बार बिलोकु मम ओरा॥ तृन धरि ओट कहति बैदेही। सुमिरि अवधपति परम सनेही ॥३॥
Tava anucarīṃ karauṃ pana morā, eka bāra biloku mama orā. Tṛna dhari oṭa kahati Baidehī, sumiri avadhapati parama sanehī. (3)
56 of 344
सुनु दसमुख खद्योत प्रकासा। कबहुँ कि नलिनी करइ बिकासा॥ अस मन समुझु कहति जानकी। खल सुधि नहिं रघुबीर बान की ॥४॥
Sunu dasamukha khadyota prakāsā, kabahuṃ ki nalinī karai bikāsā. Asa mana samujhu kahati Jānakī, khala sudhi nahiṃ Raghubīra bāna kī. (4)
57 of 344
सठ सूनें हरि आनेहि मोही। अधम निलज्ज लाज नहिं तोही ॥५॥
Saṭha sūneṃ hari ānehi mohī, adhama nilajja lāja nahiṃ tohī. (5)
58 of 344
दो०—आपुहि सुनि खद्योत सम रामहि भानु समान। परुष बचन सुनि काढ़ि असि बोला अति खिसिआन ॥९॥
Do—Āpuhi suni khadyota sama Rāmahi bhānu samāna, paruṣa bacana suni kāḍhi asi bolā ati khisiāna. (9)
59 of 344
सीता तैं मम कृत अपमाना। कटिहउँ तव सिर कठिन कृपाना॥ नाहिं त सपदि मानु मम बानी। सुमुखि होति न त जीवन हानी ॥१॥
Sītā taiṃ mama kṛta apamānā, kaṭihauṃ tava sira kaṭhina kṛpānā. Nāhiṃ ta sapadi mānu mama bānī, sumukhi hoti na ta jīvana hānī. (1)
60 of 344
स्याम सरोज दाम सम सुंदर। प्रभु भुज करि कर सम दसकंधर॥ सो भुज कंठ कि तव असि घोरा। सुनु सठ अस प्रवान पन मोरा ॥२॥
Syāma saroja dāma sama suṃdara, prabhu bhuja kari kara sama dasakaṃdhara. So bhuja kaṃṭha ki tava asi ghorā, sunu saṭha asa pravāna pana morā. (2)
61 of 344
चंद्रहास हरु मम परितापं। रघुपति बिरह अनल संजातं॥ सीतल निसित बहसि बर धारा। कह सीता हरु मम दुख भारा ॥३॥
Caṃdrahāsa haru mama paritāpaṃ, Raghupati biraha anala saṃjātaṃ. Sītala nisita bahasi bara dhārā, kaha sītā haru mama dukha bhārā. (3)
62 of 344
सुनत बचन पुनि मारन धावा। मयतनयाँ कहि नीति बुझावा॥ कहेसि सकल निसिचरिन्ह बोलाई। सीतहि बहु बिधि त्रासहु जाई ॥४॥
Sunata bacana puni mārana dhāvā, mayatanayāṃ kahi nīti bujhāvā. Kahesi sakala nisicarinha bolāī, Sītahi bahu bidhi trāsahu jāī. (4)
63 of 344
मास दिवस महुँ कहा न माना। तौ मैं मारबि काढ़ि कृपाना ॥५॥
Māsa divasa mahuṃ kahā na mānā, tau maiṃ mārabi kāḍhi kṛpānā. (5)
64 of 344
दो०—भवन गयउ दसकंधर इहाँ पिसाचिनि बृंद। सीतहि त्रास देखावहिं धरहिं रूप बहु मंद ॥१०॥
Do—Bhavana gayau dasakaṃdhara ihāṃ piśācini bṛṃda, Sītahi trāsa dekhāvahiṃ dharahiṃ rūpa bahu maṃda. (10)
65 of 344
त्रिजटा नाम राच्छसी एका। राम चरन रति निपुन बिबेका॥ सबन्हौ बोलि सुनाएसि सपना। सीतहि सेइ करहु हित अपना ॥१॥
Trijaṭā nāma rācchasī ekā, Rāma carana rati nipuna bibekā. Sabanhau boli sunāesi sapanā, Sītahi sei karahu hita apanā. (1)
66 of 344
सपनें बानर लंका जारी। जातुधान सेना सब मारी॥ खर आरूढ़ नगन दससीसा। मुंडित सिर खंडित भुज बीसा ॥२॥
Sapaneṃ bānara laṃkā jārī, jātudhāna senā saba mārī. Khara ārūḍha nagana dasasīsā, muṃḍita sira khaṃḍita bhuja bīsā. (2)
67 of 344
एहि बिधि सो दच्छिन दिसि जाई। लंका मनहुँ बिभीषन पाई॥ नगर फिरी रघुबीर दोहाई। तब प्रभु सीता बोलि पठाई ॥३॥
Ehi bidhi so dacchina disi jāī, laṃkā manahuṃ Bibhīṣana pāī. Nagara phirī Raghubīra dohāī, taba prabhu sītā boli paṭhāī. (3)
68 of 344
यह सपना मैं कहउँ पुकारी। होइहि सत्य गएँ दिन चारी॥ तासु बचन सुनि ते सब डरीं। जनकसुता के चरनन्हि परीं ॥४॥
Yaha sapanā maiṃ kahauṃ pukārī, hoihi satya gaeṃ dina cārī. Tāsu bacana suni te saba ḍarīṃ, Janakasutā ke carananhi parīṃ. (4)
69 of 344
दो०—जहँ तहँ गईं सकल तब सीता कर मन सोच। मास दिवस बीतें मोहि मारिहि निसिचर पोच ॥११॥
Do—Jahaṃ tahaṃ gaīṃ sakala taba sītā kara mana soca, māsa divasa bīteṃ mohi mārihi nisicara poca. (11)
70 of 344
त्रिजटा सन बोलीं कर जोरी। मातु बिपति संगिनि तैं मोरी॥ तजौं देह करु बेगि उपाई। दुसह बिरहु अब नहिं सहि जाई ॥१॥
Trijaṭā sana bolīṃ kara jorī, mātu bipati saṃgini taiṃ morī. Tajauṃ deha karu begi upāī, dusaha birahu aba nahiṃ sahi jāī. (1)
71 of 344
आनि काठ रचु चिता बनाई। मातु अनल पुनि देहि लगाई॥ सत्य करहि मम प्रीति सयानी। सुनै को श्रवन सूल सम बानी ॥२॥
Āni kāṭha racu citā banāī, mātu anala puni dehi lagāī. Satya karahi mama prīti sayānī, sunai ko śravana sūla sama bānī. (2)
72 of 344
सुनत बचन पद गहि समुझाएसि। प्रभु प्रताप बल सुजसु सुनाएसि॥ निसि न अनल मिल सुनु सुकुमारी। अस कहि सो निज भवन सिधारी ॥३॥
Sunata bacana pada gahi samujhāesi, prabhu pratāpa bala sujasu sunāesi. Nisi na anala mila sunu sukumārī, asa kahi so nija bhavana sidhārī. (3)
73 of 344
कह सीता बिधि भा प्रतिकूला। मिलिहि न पावक मिटिहि न सूला॥ देखिअत प्रगट गगन अंगारा। अवनि न आवत एकउ तारा ॥४॥
Kaha sītā bidhi bhā pratikūlā, milihi na pāvaka miṭihi na sūlā. Dekhiata pragaṭa gagana aṃgārā, avani na āvata ekau tārā. (4)
74 of 344
पावकमय ससि स्रवत न आगी। मानहुँ मोहि जानि हतभागी॥ सुनहि बिनय मम बिटप असोका। सत्य नाम करु हरु मम सोका ॥५॥
Pāvakamaya sasi sravata na āgī, mānahuṃ mohi jāni hatabhāgī. Sunahi binaya mama biṭapa asokā, satya nāma karu haru mama sokā. (5)
75 of 344
नूतन किसलय अनल समाना। देहि अगिनि जनि करहि निदाना॥ देखि परम बिरहाकुल सीता। सो छन कपिहि कलप सम बीता ॥६॥
Nūtana kisalaya anala samānā, dehi agini jani karahi nidānā. Dekhi parama birahākula sītā, so chana kapihi kalapa sama bītā. (6)
76 of 344
सो०—कपि करि हृदयँ बिचार दीन्हि मुद्रिका डारि तब। जनु असोक अंगार दीन्ह हरषि उठि कर गहेउ ॥१२॥
So—Kapi kari hṛdayaṃ bicāra dīnhi mudrikā ḍāri taba, janu asoka aṃgāra dīnha haraṣi uṭhi kara gaheu. (12)
77 of 344
तब देखी मुद्रिका मनोहर। राम नाम अंकित अति सुंदर॥ चकित चितव मुदरी पहिचानी। हरष बिषाद हृदयँ अकुलानी ॥१॥
Taba dekhī mudrikā manohara, Rāma nāma aṃkita ati suṃdara. Cakita citava mudarī pahicānī, haraṣa biṣāda hṛdayaṃ akulānī. (1)
78 of 344
जीति को सकइ अजय रघुराई। माया तें असि रचि नहिं जाई॥ सीता मन बिचार कर नाना। मधुर बचन बोलेउ हनुमाना ॥२॥
Jīti ko sakai ajaya raghurāī, māyā teṃ asi raci nahiṃ jāī. Sītā mana bicāra kara nānā, madhura bacana boleu Hanumānā. (2)
79 of 344
रामचंद्र गुन बरनैं लागा। सुनतहिं सीता कर दुख भागा॥ लागीं सुनैं श्रवन मन लाई। आदिहु तें सब कथा सुनाई ॥३॥
Rāmacaṃdra guna baranaiṃ lāgā, sunatahiṃ sītā kara dukha bhāgā. Lāgīṃ sunaiṃ śravana mana lāī, ādihu teṃ saba kathā sunāī. (3)
80 of 344
श्रवनामृत जेहिं कथा सुहाई। कही सो प्रगट होति किन भाई॥ तब हनुमंत निकट चलि गयऊ। फिरि बैठीं मन बिसमय भयऊ ॥४॥
Śravanāmṛta jehiṃ kathā suhāī, kahī so pragaṭa hoti kina bhāī. Taba Hanumaṃta nikaṭa cali gayū, phiri baiṭhīṃ mana bisamaya bhayū. (4)
81 of 344
राम दूत मैं मातु जानकी। सत्य सपथ करुनानिधान की॥ यह मुद्रिका मातु मैं आनी। दीन्हि राम तुम्ह कहँ सहिदानी ॥५॥
Rāma dūta maiṃ mātu Jānakī, satya sapatha karunānidhāna kī. Yaha mudrikā mātu maiṃ ānī, dīnhi Rāma tumha kahaṃ sahidānī. (5)
82 of 344
नर बानरहि संग कहु कैसें। कही कथा भइ संगति जैसें ॥६॥
Nara bānarahi saṃga kahu kaiseṃ, kahī kathā bhai saṃgati jaiseṃ. (6)
83 of 344
दो०—कपि के बचन सप्रेम सुनि उपजा मन बिस्वास। जाना मन क्रम बचन यह कृपासिंधु कर दास ॥१३॥
Do—Kapi ke bacana saprema suni upajā mana bisvāsa, jānā mana krama bacana yaha kṛpāsiṃdhu kara dāsa. (13)
84 of 344
हरिजन जानि प्रीति अति गाढ़ी। सजल नयन पुलकावलि बाढ़ी॥ बूड़त बिरह जलधि हनुमाना। भयहु तात मो कहुँ जलजाना ॥१॥
Harijana jāni prīti ati gāḍhī, sajala nayana pulakāvali bāḍhī. Būḍata biraha jaladhi Hanumānā, bhayahu tāta mo kahuṃ jalajānā. (1)
85 of 344
अब कहु कुसल जाउँ बलिहारी। अनुज सहित सुख भवन खरारी॥ कोमलचित कृपाल रघुराई। कपि केहि हेतु धरी निठुराई ॥२॥
Aba kahu kusala jāuṃ balihārī, anuja sahita sukha bhavana Kharārī. Komalacita kṛpāla raghurāī, kapi kehi hetu dharī niṭhurāī. (2)
86 of 344
सहज बानि सेवक सुखदायक। कबहुँक सुरति करत रघुनायक॥ कबहुँ नयन मम सीतल ताता। होइहहिं निरखि स्याम मृदु गाता ॥३॥
Sahaja bāni sevaka sukhadāyaka, kabahuṃka surati karata Raghunāyaka. Kabahuṃ nayana mama sītala tātā, hoihahiṃ nirakhi syāma mṛdu gātā. (3)
87 of 344
बचनु न आव नयन भरे बारी। अहह नाथ हौं निपट बिसारी॥ देखि परम बिरहाकुल सीता। बोला कपि मृदु बचन बिनीता ॥४॥
Bacanu na āva nayana bhare bārī, ahaha nātha hauṃ nipaṭa bisārī. Dekhi parama birahākula sītā, bolā kapi mṛdu bacana binītā. (4)
88 of 344
मातु कुसल प्रभु अनुज समेता। तव दुख दुखी सुकृपा निकेता॥ जनि जननी मानहु जियँ ऊना। तुम्ह ते प्रेमु राम कें दूना ॥५॥
Mātu kusala prabhu anuja sametā, tava dukha dukhī sukṛpā niketā. Jani jananī mānahu jiyaṃ ūnā, tumha te premu Rāma keṃ dūnā. (5)
89 of 344
दो०—रघुपति कर संदेसु अब सुनु जननी धरि धीर। अस कहि कपि गदगद भयउ भरे बिलोचन नीर ॥१४॥
Do—Raghupati kara saṃdesu aba sunu jananī dhari dhīra, asa kahi kapi gadagada bhayau bhare bilocana nīra. (14)
90 of 344
कहेउ राम बियोग तव सीता। मो कहुँ सकल भए बिपरीता॥ नव तरु किसलय मनहुँ कृसानू। कालनिसा सम निसि ससि भानू ॥१॥
Kaheu Rāma biyoga tava sītā, mo kahuṃ sakala bhae biparītā. Nava taru kisalaya manahuṃ kṛsānū, kālanisā sama nisi sasi bhānū. (1)
91 of 344
कुबलय बिपिन कुंतबन सरिसा। बारिद तपत तेल जनु बरिसा॥ जे हित रहे करत तेइ पीरा। उरग स्वास सम त्रिबिध समीरा ॥२॥
Kubalaya bipina kuṃtabana sarisā, bārida tapata tela janu barisā. Je hita rahe karata tei pīrā, uraga svāsa sama tribidha samīrā. (2)
92 of 344
कहेहू तें कछु दुख घटि होई। काहि कहौं यह जान न कोई॥ तत्व प्रेम कर मम अरु तोरा। जानत प्रिया एकु मनु मोरा ॥३॥
Kahehū teṃ kachu dukha ghaṭi hoī, kāhi kahauṃ yaha jāna na koī. Tatva prema kara mama aru torā, jānata priyā eku manu morā. (3)
93 of 344
सो मनु सदा रहत तोहि पाहीं। जानु प्रीति रसु एतनेहि माहीं॥ प्रभु संदेसु सुनत बैदेही। मगन प्रेम तन सुधि नहिं तेही ॥४॥
So manu sadā rahata tohi pāhīṃ, jānu prīti rasu etanehi māhīṃ. Prabhu saṃdesu sunata Baidehī, magana prema tana sudhi nahiṃ tehī. (4)
94 of 344
कह कपि हृदयँ धीर धरु माता। सुमिरु राम सेवक सुखदाता॥ उर आनहु रघुपति प्रभुताई। सुनि मम बचन तजहु कदराई ॥५॥
Kaha kapi hṛdayaṃ dhīra dharu mātā, sumiru Rāma sevaka sukhadātā. Ura ānahu Raghupati prabhutāī, suni mama bacana tajahu kadarāī. (5)
95 of 344
दो०—निसिचर निकर पतंग सम रघुपति बान कृसानु। जननी हृदयँ धीर धरु जरे निसाचर जानु ॥१५॥
Do—Nisicara nikara pataṃga sama Raghupati bāna kṛsānu, jananī hṛdayaṃ dhīra dharu jare nisācara jānu. (15)
96 of 344
जौं रघुबीर होति सुधि पाई। करते नहिं बिलंबु रघुराई॥ राम बान रबि उएँ जानकी। तम बरूथ कहँ जातुधान की ॥१॥
Jauṃ Raghubīra hoti sudhi pāī, karate nahiṃ bilaṃbu raghurāī. Rāma bāna rabi ueṃ Jānakī, tama barūtha kahaṃ jātudhāna kī. (1)
97 of 344
अबहिं मातु मैं जाउँ लवाई। प्रभु आयसु नहिं राम दोहाई॥ कछुक दिवस जननी धरु धीरा। कपिन्ह सहित अइहहिं रघुबीरा ॥२॥
Abahiṃ mātu maiṃ jāuṃ lavāī, prabhu āyasu nahiṃ Rāma dohāī. Kachuka divasa jananī dharu dhīrā, kapinha sahita aihahiṃ Raghubīrā. (2)
98 of 344
निसिचर मारि तोहि लै जैहहिं। तिहुँ पुर नारदादि जसु गैहहिं॥ हैं सुत कपि सब तुम्हहि समाना। जातुधान अति भट बलवाना ॥३॥
Nisicara māri tohi lai jaihahiṃ, tihuṃ pura nāradādi jasu gaihahiṃ. Haiṃ suta kapi saba tumhahi samānā, jātudhāna ati bhaṭa balavānā. (3)
99 of 344
मोरें हृदय परम संदेहा। सुनि कपि प्रगट कीन्हि निज देहा॥ कनक भूधराकार सरीरा। समर भयंकर अतिबल बीरा ॥४॥
Moreṃ hṛdaya parama saṃdehā, suni kapi pragaṭa kīnhi nija dehā. Kanaka bhūdharākāra sarīrā, samara bhayaṃkara atibala bīrā. (4)
100 of 344
सीता मन भरोस तब भयऊ। पुनि लघु रूप पवनसुत लयऊ ॥५॥
Sītā mana bharosa taba bhayū, puni laghu rūpa pavanasuta layū. (5)
101 of 344
दो०—सुनु माता साखामृग नहिं बल बुद्धि बिसाल। प्रभु प्रताप तें गरुड़हि खाइ परम लघु ब्याल ॥१६॥
Do—Sunu mātā sākhāmṛga nahiṃ bala buddhi bisāla, prabhu pratāpa teṃ Garuḍahi khāi parama laghu byāla. (16)
102 of 344
मन संतोष सुनत कपि बानी। भगति प्रताप तेज बल सानी॥ आसिष दीन्हि रामप्रिय जाना। होहु तात बल सील निधाना ॥१॥
Mana saṃtoṣa sunata kapi bānī, bhagati pratāpa teja bala sānī. Āsiṣa dīnhi Rāmapriya jānā, hohu tāta bala sīla nidhānā. (1)
103 of 344
अजर अमर गुननिधि सुत होहू। करहुँ बहुत रघुनायक छोहू॥ करहुँ कृपा प्रभु अस सुनि काना। निर्भर प्रेम मगन हनुमाना ॥२॥
Ajara amara gunanidhi suta hohū, karahuṃ bahuta Raghunāyaka chohū. Karahuṃ kṛpā prabhu asa suni kānā, nirbhara prema magana Hanumānā. (2)
104 of 344
बार बार नाएसि पद सीसा। बोला बचन जोरि कर कीसा॥ अब कृतकृत्य भयउँ मैं माता। आसिष तव अमोघ बिख्याता ॥३॥
Bāra bāra nāesi pada sīsā, bolā bacana jori kara kīsā. Aba kṛtakṛtya bhayauṃ maiṃ mātā, āsiṣa tava amogha bikhyātā. (3)
105 of 344
सुनहु मातु मोहि अतिसय भूखा। लागि देखि सुंदर फल रूखा॥ सुनु सुत करहिं बिपिन रखवारी। परम सुभट रजनीचर भारी ॥४॥
Sunahu mātu mohi atisaya bhūkhā, lāgi dekhi suṃdara phala rūkhā. Sunu suta karahiṃ bipina rakhavārī, parama subhaṭa rajanīcara bhārī. (4)
106 of 344
तिन्ह कर भय माता मोहि नाहीं। जौं तुम्ह सुख मानहु मन माहीं ॥५॥
Tinha kara bhaya mātā mohi nāhīṃ, jauṃ tumha sukha mānahu mana māhīṃ. (5)
107 of 344
दो०—देखि बुद्धि बल निपुन कपि कहेउ जानकीं जाहु। रघुपति चरन हृदयँ धरि तात मधुर फल खाहु ॥१७॥
Do—Dekhi buddhi bala nipuna kapi kaheu jānakīṃ jāhu, Raghupati carana hṛdayaṃ dhari tāta madhura phala khāhu. (17)
108 of 344
चलेउ नाइ सिरु पैठेउ बागा। फल खाएसि तरु तोरैं लागा॥ रहे तहाँ बहु भट रखवारे। कछु मारेसि कछु जाइ पुकारे ॥१॥
Caleu nāi siru paiṭheu bāgā, phala khāesi taru toraiṃ lāgā. Rahe tahāṃ bahu bhaṭa rakhavāre, kachu māresi kachu jāi pukāre. (1)
109 of 344
नाथ एक आवा कपि भारी। तेहिं असोक बाटिका उजारी॥ खाएसि फल अरु बिटप उपारे। रच्छक मर्दि मर्दि महि डारे ॥२॥
Nātha eka āvā kapi bhārī, tehiṃ asoka bāṭikā ujārī. Khāesi phala aru biṭapa upāre, racchaka mardi mardi mahi ḍāre. (2)
110 of 344
सुनि रावन पठए भट नाना। तिन्हहि देखि गर्जेउ हनुमाना॥ सब रजनीचर कपि संघारे। गए पुकारत कछु अधमारे ॥३॥
Suni Rāvana paṭhae bhaṭa nānā, tinhahi dekhi garjeu Hanumānā. Saba rajanīcara kapi saṃghāre, gae pukārata kachu adhamāre. (3)
111 of 344
पुनि पठयउ तेहिं अच्छकुमारा। चला संग लै सुभट अपारा॥ आवत देखि बिटप गहि तर्जा। ताहि निपाति महाधुनि गर्जा ॥४॥
Puni paṭhayau tehiṃ achhakumārā, calā saṃga lai subhaṭa apārā. Āvata dekhi biṭapa gahi tarjā, tāhi nipāti mahādhuni garjā. (4)
112 of 344
दो०—कछु मारेसि कछु मर्देसि कछु मिलएसि धरि धूरि। कछु पुनि जाइ पुकारे प्रभु मर्कट बल भूरि ॥१८॥
Do—Kachu māresi kachu mardesi kachu milaesi dhari dhūri, kachu puni jāi pukāre prabhu markaṭa bala bhūri. (18)
113 of 344
सुनि सुत बध लंकेस रिसाना। पठएसि मेघनाद बलवाना॥ मारसि जनि सुत बाँधेसु ताही। देखिअ कपिहि कहाँ कर आही ॥१॥
Suni suta badha laṃkesa risānā, paṭhaesi Meghanāda balavānā. Mārasi jani suta bāṃdhesu tāhī, dekhia kapihi kahāṃ kara āhī. (1)
114 of 344
चला इंद्रजित अतुलित जोधा। बंधु निधन सुनि उपजा क्रोधा॥ कपि देखा दारुन भट आवा। कटकटाइ गर्जा अरु धावा ॥२॥
Calā iṃdrajita atulita jodhā, baṃdhu nidhana suni upajā krodhā. Kapi dekhā dāruna bhaṭa āvā, kaṭakaṭāi garjā aru dhāvā. (2)
115 of 344
अति बिसाल तरु एक उपारा। बिरथ कीन्ह लंकेस कुमारा॥ रहे महाभट ताके संगा। गहि गहि कपि मर्दइ निज अंगा ॥३॥
Ati bisāla taru eka upārā, biratha kīnha laṃkesa kumārā. Rahe mahābhaṭa tāke saṃgā, gahi gahi kapi mardai nija aṃgā. (3)
116 of 344
तिन्हहि निपाति ताहि सन बाजा। भिरे जुगल मानहुँ गजराजा॥ मुठिका मारि चढ़ा तरु जाई। ताहि एक छन मुरुछा आई ॥४॥
Tinhahi nipāti tāhi sana bājā, bhire jugala mānahuṃ gajarājā. Muṭhikā māri caḍhā taru jāī, tāhi eka chana muruchā āī. (4)
117 of 344
उठि बहोरि कीन्हिसि बहु माया। जीति न जाइ प्रभंजन जाया ॥५॥
Uṭhi bahori kīnhisi bahu māyā, jīti na jāi prabhaṃjana jāyā. (5)
118 of 344
दो०—ब्रह्म अस्त्र तेहि साँधा कपि मन कीन्ह बिचार। जौं न ब्रह्मसर मानउँ महिमा मिटइ अपार ॥१९॥
Do—Brahma astra tehi sāṃdhā kapi mana kīnha bicāra, jauṃ na Brahmasara mānauṃ mahimā miṭai apāra. (19)
119 of 344
ब्रह्मबान कपि कहुँ तेहिं मारा। परतिहुँ बार कटकु संघारा॥ तेहिं देखा कपि मुरुछित भयऊ। नागपास बाँधेसि लै गयऊ ॥१॥
Brahmabāna kapi kahuṃ tehiṃ mārā, paratihuṃ bāra kaṭaku saṃghārā. Tehiṃ dekhā kapi muruchita bhayū, nāgapāsa bāṃdhesi lai gayū. (1)
120 of 344
जासु नाम जपि सुनहु भवानी। भव बंधन काटहिं नर ग्यानी॥ तासु दूत कि बंध तरु आवा। प्रभु कारज लगि कपिहिं बँधावा ॥२॥
Jāsu nāma japi sunahu bhavānī, bhava baṃdhana kāṭahiṃ nara gyānī. Tāsu dūta ki baṃdha taru āvā, prabhu kāraja lagi kapihiṃ baṃdhāvā. (2)
121 of 344
कपि बंधन सुनि निसिचर धाए। कौतुक लागि सभाँ सब आए॥ दसमुख सभा दीखि कपि जाई। कहि न जाइ कछु अति प्रभुताई ॥३॥
Kapi baṃdhana suni nisicara dhāe, kautuka lāgi sabhāṃ saba āe. Dasamukha sabhā dīkhi kapi jāī, kahi na jāi kachu ati prabhutāī. (3)
122 of 344
कर जोरें सुर दिसिप बिनीता। भृकुटि बिलोकत सकल सभीता॥ देखि प्रताप न कपि मन संका। जिमि अहिगन महुँ गरुड़ असंका ॥४॥
Kara joreṃ sura disipa binītā, bhṛkuṭi bilokata sakala sabhītā. Dekhi pratāpa na kapi mana saṃkā, jimi ahigana mahuṃ Garuḍa asaṃkā. (4)
123 of 344
दो०—कपिहि बिलोकि दसानन बिहसा कहि दुर्बाद। सुत बध सुरति कीन्हि पुनि उपजा हृदयँ बिषाद ॥२०॥
Do—Kapihi biloki Dasānana bihasā kahi durbāda, suta badha surati kīnhi puni upajā hṛdayaṃ biṣāda. (20)
124 of 344
कह लंकेस कवन तैं कीसा। केहि कें बल घालेहि बन खीसा॥ की धौं श्रवन सुनेहि नहिं मोही। देखउँ अति असंक सठ तोही ॥१॥
Kaha laṃkesa kavana taiṃ kīsā, kehi keṃ bala ghālehi bana khīsā. Kī dhauṃ śravana sunehi nahiṃ mohī, dekhauṃ ati asaṃka saṭha tohī. (1)
125 of 344
मारे निसिचर केहिं अपराधा। कहु सठ तोहि न प्रान कइ बाधा॥ सुनु रावन ब्रह्मांड निकाया। पाइ जासु बल बिरचति माया ॥२॥
Māre nisicara kehiṃ aparādhā, kahu saṭha tohi na prāna kai bādhā. Sunu Rāvana Brahmāṃḍa nikāyā, pāi jāsu bala biracati māyā. (2)
126 of 344
जाकें बल बिरंचि हरि ईसा। पालत सृजत हरत दससीसा॥ जा बल सीस धरत सहसानन। अंडकोस समेत गिरि कानन ॥३॥
Jākeṃ bala biraṃci hari īsā, pālata sṛjata harata dasasīsā. Jā bala sīsa dharata sahasānana, aṃḍakosa sameta giri kānana. (3)
127 of 344
धरइ जो बिबिध देह सुरत्राता। तुम्ह से सठन्ह सिखावनु दाता॥ हर कोदंड कठिन जेहिं भंजा। तेहि समेत नृप दल मद गंजा ॥४॥
Dharai jo bibidha deha suratrātā, tumha se saṭhanha sikhāvanu dātā. Hara kodaṃḍa kaṭhina jehiṃ bhaṃjā, tehi sameta nṛpa dala mada gaṃjā. (4)
128 of 344
खर दूषन त्रिसिरा अरु बाली। बधे सकल अतुलित बल साली ॥५॥
Khara dūṣana trisirā aru bālī, badhe sakala atulita bala sālī. (5)
129 of 344
दो०—जाके बल लवलेस तें जितेहु चराचर झारि। तासु दूत मैं जा करि हरि आनेहु प्रिय नारि ॥२१॥
Do—Jāke bala lavalesa teṃ jitehu carācara jhāri, tāsu dūta maiṃ jā kari hari ānehu priya nāri. (21)
130 of 344
जानउँ मैं तुम्हारि प्रभुताई। सहसबाहु सन परी लराई॥ समर बालि सन करि जसु पावा। सुनि कपि बचन बिहसि बिहरावा ॥१॥
Jānauṃ maiṃ tumhāri prabhutāī, sahasabāhu sana parī larāī. Samara bāli sana kari jasu pāvā, suni kapi bacana bihasi biharāvā. (1)
131 of 344
खायउँ फल प्रभु लागी भूँखा। कपि सुभाव तें तोरेउँ रूखा॥ सब कें देह परम प्रिय स्वामी। मारहिं मोहि कुमारग गामी ॥२॥
Khāyauṃ phala prabhu lāgī bhūṃkhā, kapi subhāva teṃ toreuṃ rūkhā. Saba keṃ deha parama priya svāmī, mārahiṃ mohi kumāraga gāmī. (2)
132 of 344
जिन्ह मोहि मारा ते मैं मारे। तेहि पर बाँधेउँ तनयँ तुम्हारे॥ मोहि न कछु बाँधे कइ लाजा। कीन्ह चहउँ निज प्रभु कर काजा ॥३॥
Jinha mohi mārā te maiṃ māre, tehi para bāṃdheuṃ tanayaṃ tumhāre. Mohi na kachu bāṃdhe kai lājā, kīnha cahauṃ nija prabhu kara kājā. (3)
133 of 344
बिनती करउँ जोरि कर रावन। सुनहु मान तजि मोर सिखावन॥ देखहु तुम्ह निज कुलहि बिचारी। भ्रम तजि भजहु भगत भय हारी ॥४॥
Binatī karauṃ jori kara Rāvana, sunahu māna taji mora sikhāvana. Dekhahu tumha nija kulahi bicārī, bhrama taji bhajahu bhagata bhaya hārī. (4)
134 of 344
जाकें डर अति काल डेराई। जो सुर असुर चराचर खाई॥ तासों बयरु कबहुँ नहिं कीजै। मोरे कहें जानकी दीजै ॥५॥
Jākeṃ ḍara ati kāla ḍerāī, jo sura asura carācara khāī. Tāsoṃ bayaru kabahuṃ nahiṃ kījai, more kaheṃ Jānakī dījai. (5)
135 of 344
दो०—प्रनतपाल रघुनायक करुना सिंधु खरारि। गएँ सरन प्रभु राखिहैं तव अपराध बिसारि ॥२२॥
Do—Pranatapāla Raghunāyaka karunā sindhu Kharāri, gaeṃ sarana prabhu rākhihaiṃ tava aparādha bisāri. (22)
136 of 344
राम चरन पंकज उर धरहू। लंका अचल राजु तुम्ह करहू॥ रिषि पुलस्ति जसु बिमल मयंका। तेहि ससि महुँ जनि होहु कलंका ॥१॥
Rāma carana paṅkaja ura dharahū, Laṅkā acala rāju tumha karahū. Riṣi pulasti jasu bimala mayaṅkā, tehi sasi mahuṃ jani hohu kalaṅkā. (1)
137 of 344
राम नाम बिनु गिरा न सोहा। देखु बिचारि त्यागि मद मोहा॥ बसन हीन नहिं सोह सुरारी। सब भूषन भूषित बर नारी ॥२॥
Rāma nāma binu girā na sohā, dekhu bicāri tyāgi mada mohā. Basana hīna nahiṃ soha surārī, saba bhūṣana bhūṣita bara nārī. (2)
138 of 344
राम बिमुख संपति प्रभुताई। जाइ रही पाई बिनु पाई॥ सजल मूल जिन्ह सरितन्ह नाहीं। बरषि गएँ पुनि तबहिं सुखाहीं ॥३॥
Rāma bimukha sampati prabhutāī, jāi rahī pāī binu pāī. Sajala mūla jinha saritanha nāhīṃ, baraṣi gaeṃ puni tabahiṃ sukhāhīṃ. (3)
139 of 344
सुनु दसकंठ कहउँ पन रोपी। बिमुख राम त्राता नहिं कोपी॥ संकर सहस बिष्नु अज तोही। सकहिं न राखि राम कर द्रोही ॥४॥
Sunu dasakaṇṭha kahauṃ pana ropī, bimukha Rāma trātā nahiṃ kopī. Saṅkara sahasa biṣnu aja tohī, sakahiṃ na rākhi Rāma kara drohī. (4)
140 of 344
दो०—मोहमूल बहु सूल प्रद त्यागहु तम अभिमान। भजहु राम रघुनायक कृपा सिंधु भगवान ॥२३॥
Do—Mohamūla bahu sūla prada tyāgahu tama abhimāna, bhajahu Rāma Raghunāyaka kṛpā sindhu bhagavāna. (23)
141 of 344
जदपि कही कपि अति हित बानी। भगति बिबेक बिरति नय सानी॥ बोला बिहसि महा अभिमानी। मिला हमहि कपि गुर बड़ ग्यानी ॥१॥
Jadapi kahī kapi ati hita bānī, bhagati bibeka birati naya sānī. Bolā bihasi mahā abhimānī, milā hamahi kapi gura baṛa gyānī. (1)
142 of 344
मृत्यु निकट आई खल तोही। लागेसि अधम सिखावन मोही॥ उलटा होइहि कह हनुमाना। मतिभ्रम तोर प्रगट मैं जाना ॥२॥
Mṛtyu nikaṭa āī khala tohī, lāgesi adhama sikhāvana mohī. Ulaṭā hoihi kaha Hanumānā, matibhrama tora pragaṭa maiṃ jānā. (2)
143 of 344
सुनि कपि बचन बहुत खिसिआना। बेगि न हरहु मूढ़ कर प्राना॥ सुनत निसाचर मारन धाए। सचिवन्ह सहित बिभीषनु आए ॥३॥
Suni kapi bacana bahuta khisiānā, begi na harahu mūṛha kara prānā. Sunata nisācara mārana dhāe, sacivanha sahita Bibhīṣanu āe. (3)
144 of 344
नाइ सीस करि बिनय बहूता। नीति बिरोध न मारिअ दूता॥ आन दंड कछु करिअ गोसाईं। सबहीं कहा मंत्र भल भाई ॥४॥
Nāi sīsa kari binaya bahūtā, nīti birodha na māria dūtā. Āna daṇḍa kachu karia gosāīṃ, sabahīṃ kahā mantra bhala bhāī. (4)
145 of 344
सुनत बिहसि बोला दसकंधर। अंग भंग करि पठइअ बंदर ॥५॥
Sunata bihasi bolā Dasakandhara, aṅga bhaṅga kari paṭhaia bandara. (5)
146 of 344
दो०—कपि कें ममता पूँछ पर सबहि कहउँ समुझाइ। तेल बोरि पट बाँधि पुनि पावक देहु लगाइ ॥२४॥
Do—Kapi keṃ mamatā pūṃcha para sabahi kahauṃ samujhāi, tela bori paṭa bāṃdhi puni pāvaka dehu lagāi. (24)
147 of 344
पूँछहीन बानर तहँ जाइहि। तब सठ निज नाथहि लइ आइहि॥ जिन्ह कै कीन्हिसि बहुत बड़ाई। देखउँ मैं तिन्ह कै प्रभुताई ॥१॥
Pūṃchahīna bānara tahaṃ jāihi, taba saṭha nija nāthahi lai āihi. Jinha kai kīnhisi bahuta baṛāī, dekhauṃ maiṃ tinha kai prabhutāī. (1)
148 of 344
बचन सुनत कपि मन मुसुकाना। भइ सहाय सारद मैं जाना॥ जातुधान सुनि रावन बचना। लागे रचैं मूढ़ सोइ रचना ॥२॥
Bacana sunata kapi mana musukānā, bhai sahāya sārada maiṃ jānā. Jātudhāna suni Rāvana bacanā, lāge racaiṃ mūṛha soi racanā. (2)
149 of 344
रहा न नगर बसन घृत तेला। बाढ़ी पूँछ कीन्ह कपि खेला॥ कौतुक कहँ आए पुरबासी। मारहिं चरन करहिं बहु हाँसी ॥३॥
Rahā na nagara basana ghṛta telā, bāṛhī pūṃcha kīnha kapi khelā. Kautuka kahaṃ āe purabāsī, mārahiṃ carana karahiṃ bahu hāṃsī. (3)
150 of 344
बाजहिं ढोल देहिं सब तारी। नगर फेरि पुनि पूँछ प्रजारी॥ पावक जरत देखि हनुमंता। भयउ परम लघुरूप तुरंता ॥४॥
Bājahiṃ ḍhola dehiṃ saba tārī, nagara pheri puni pūṃcha prajārī. Pāvaka jarata dekhi Hanumantā, bhayau parama laghurūpa turantā. (4)
151 of 344
निबुकि चढ़ेउ कपि कनक अटारीं। भईं सभीत निसाचर नारीं ॥५॥
Nibuki caṛheu kapi kanaka aṭārīṃ, bhaīṃ sabhīta nisācara nārīṃ. (5)
152 of 344
दो०—हरि प्रेरित तेहि अवसर चले मरुत उनचास। अट्टहास करि गर्जा कपि बढ़ि लाग अकास ॥२५॥
Do—Hari prerita tehi avasara cale maruta unacāsa, aṭṭahāsa kari garjā kapi baṛhi lāga akāsa. (25)
153 of 344
देह बिसाल परम हरुआई। मंदिर तें मंदिर चढ़ धाई॥ जरइ नगर भा लोग बिहाला। झपट लपट बहु कोटि कराला ॥१॥
Deha bisāla parama haruāī, mandira teṃ mandira caṛha dhāī. Jarai nagara bhā loga bihālā, jhapaṭa lapaṭa bahu koṭi karālā. (1)
154 of 344
तात मातु हा सुनिअ पुकारा। एहिं अवसर को हमहि उबारा॥ हम जो कहा यह कपि नहिं होई। बानर रूप धरें सुर कोई ॥२॥
Tāta mātu hā sunia pukārā, ehiṃ avasara ko hamahi ubārā. Hama jo kahā yaha kapi nahiṃ hoī, bānara rūpa dhareṃ sura koī. (2)
155 of 344
साधु अवग्या कर फलु ऐसा। जरइ नगर अनाथ कर जैसा॥ जारा नगरु निमिष एक माहीं। एक बिभीषन कर गृह नाहीं ॥३॥
Sādhu avagyā kara phalu aisā, jarai nagara anātha kara jaisā. Jārā nagaru nimiṣa eka māhīṃ, eka Bibhīṣana kara gṛha nāhīṃ. (3)
156 of 344
ता कर दूत अनल जेहिं सिरिजा। जरा न सो तेहि कारन गिरिजा॥ उलटि पलटि लंका सब जारी। कूदि परा पुनि सिंधु मझारी ॥४॥
Tā kara dūta anala jehiṃ sirijā, jarā na so tehi kārana girijā. Ulaṭi palaṭi Laṅkā saba jārī, kūdi parā puni sindhu majhārī. (4)
157 of 344
दो०—पूँछ बुझाइ खोइ श्रम धरि लघु रूप बहोरि। जनकसुता कें आगें ठाढ़ भयउ कर जोरि ॥२६॥
Do—Pūṃcha bujhāi khoi śrama dhari laghu rūpa bahori, Janakasutā keṃ āgeṃ ṭhāṛha bhayau kara jori. (26)
158 of 344
मातु मोहि दीजे कछु चीन्हा। जैसें रघुनायक मोहि दीन्हा॥ चूड़ामनि उतारि तब दयऊ। हरष समेत पवनसुत लयऊ ॥१॥
Mātu mohi dīje kachu cīnhā, jaiseṃ Raghunāyaka mohi dīnhā. Cūṛāmani utāri taba dayaū, haraṣa sameta pavanasuta layaū. (1)
159 of 344
कहेहु तात अस मोर प्रनामा। सब प्रकार प्रभु पूरनकामा॥ दीन दयाल बिरिदु संभारी। हरहु नाथ मम संकट भारी ॥२॥
Kahehu tāta asa mora pranāmā, saba prakāra prabhu pūranakāmā. Dīna dayāla biridu sambhārī, harahu nātha mama saṅkaṭa bhārī. (2)
160 of 344
तात सक्रसुत कथा सुनाएहु। बान प्रताप प्रभुहि समुझाएहु॥ मास दिवस महुँ नाथु न आवा। तौ पुनि मोहि जिअत नहिं पावा ॥३॥
Tāta sakrasuta kathā sunāehu, bāna pratāpa prabhuhi samujhāehu. Māsa divasa mahuṃ nāthu na āvā, tau puni mohi jiata nahiṃ pāvā. (3)
161 of 344
कहु कपि केहि बिधि राखौं प्राना। तुम्हहहू तात कहत अब जाना॥ तोहि देखि सीतलि भइ छाती। पुनि मो कहुँ सोइ दिनु सो राती ॥४॥
Kahu kapi kehi bidhi rākhauṃ prānā, tumhahū tāta kahata aba jānā. Tohi dekhi sītali bhai chātī, puni mo kahuṃ soi dinu so rātī. (4)
162 of 344
दो०—जनकसुतहि समुझाइ करि बहु बिधि धीरजु दीन्ह। चरन कमल सिरु नाइ कपि गवनु राम पहिं कीन्ह ॥२७॥
Do—Janakasutahi samujhāi kari bahu bidhi dhīraju dīnha, carana kamala siru nāi kapi gavanu Rāma pahiṃ kīnha. (27)
163 of 344
चलत महाधुनि गर्जेसि भारी। गर्भ स्रवहिं सुनि निसिचर नारी॥ नाघि सिंधु एहि पारहि आवा। सबद किलिकिला कपिन्ह सुनावा ॥१॥
Calata mahādhuni garjesi bhārī, garbha sravahiṃ suni nisicara nārī. Nāghi sindhu ehi pārahi āvā, sabada kilikilā kapinha sunāvā. (1)
164 of 344
हरषे सब बिलोकि हनुमाना। नूतन जन्म कपिन्ह तब जाना॥ मुख प्रसन्न तन तेज बिराजा। कीन्हेसि रामचंद्र कर काजा ॥२॥
Haraṣe saba biloki Hanumānā, nūtana janma kapinha taba jānā. Mukha prasanna tana teja birājā, kīnhesi Rāmacandra kara kājā. (2)
165 of 344
मिले सकल अति भए सुखारी। तलफत मीन पाव जिमि बारी॥ चले हरषि रघुनायक पासा। पूँछत कहत नवल इतिहासा ॥३॥
Mile sakala ati bhae sukhārī, talaphata mīna pāva jimi bārī. Cale haraṣi Raghunāyaka pāsā, pūṃchata kahata navala itihāsā. (3)
166 of 344
तब मधुबन भीतर सब आए। अंगद संमत मधु फल खाए॥ रखवारे जब बरजन लागे। मुष्टि प्रहार हनत सब भागे ॥४॥
Taba madhubana bhītara saba āe, Aṅgada sammata madhu phala khāe. Rakhavāre jaba barajana lāge, muṣṭi prahāra hanata saba bhāge. (4)
167 of 344
सो०—जाइ पुकारे ते सब बन उजार जुबराज। सुनि सुग्रीव हरष कपि करि आए प्रभु काज ॥२८॥
So—Jāi pukāre te saba bana ujāra jubarāja, suni Sugrīva haraṣa kapi kari āe prabhu kāja. (28)
168 of 344
जौं न होति सीता सुधि पाई। मधुबन के फल सकहिं कि खाई॥ एहि बिधि मन बिचार कर राजा। आइ गए कपि सहित समाजा ॥१॥
Jauṃ na hoti sītā sudhi pāī, madhubana ke phala sakahiṃ ki khāī. Ehi bidhi mana bicāra kara rājā, āi gae kapi sahita samājā. (1)
169 of 344
आइ सबन्हि नावा पद सीसा। मिलेउ सबन्हि अति प्रेम कपीसा॥ पूँछी कुसल कुसल पद देखी। राम कृपाँ भा काजु बिसेषी ॥२॥
Āi sabanhi nāvā pada sīsā, mileu sabanhi ati prema Kapīsā. Pūṃchī kusala kusala pada dekhī, Rāma kṛpāṃ bhā kāju biseṣī. (2)
170 of 344
नाथ काजु कीन्हेउ हनुमाना। राखे सकल कपिन्ह के प्राना॥ सुनि सुग्रीव बहुरि तेहि मिलेऊ। कपिन्ह सहित रघुपति पहिं चलेऊ ॥३॥
Nātha kāju kīnheu Hanumānā, rākhe sakala kapinha ke prānā. Suni Sugrīva bahuri tehi mileū, kapinha sahita Raghupati pahiṃ caleū. (3)
171 of 344
राम कपिन्ह जब आवत देखा। किएँ काजु मन हरष बिसेषा॥ फटिक सिला बैठे द्वौ भाई। परे सकल कपि चरनन्हि जाई ॥४॥
Rāma kapinha jaba āvata dekhā, kieṃ kāju mana haraṣa biseṣā. Phaṭika silā baiṭhe dvau bhāī, pare sakala kapi carananhi jāī. (4)
172 of 344
दो०—प्रीति सहित सब भेटे रघुपति करुना पुंज। पूँछी कुसल नाथ अब कुसल देखि पद कंज ॥२९॥
Do—Prīti sahita saba bheṭe Raghupati karunā puṃja, pūṃchī kusala nātha aba kusala dekhi pada kaṃja. (29)
173 of 344
जामवंत कह सुनु रघुराया। जा पर नाथ करहु तुम्ह दाया॥ ताहि सदा सुभ कुसल निरंतर। सुर नर मुनि प्रसन्न ता ऊपर ॥१॥
Jāmavanta kaha sunu Raghurāyā, jā para nātha karahu tumha dāyā. Tāhi sadā subha kusala nirantara, sura nara muni prasanna tā ūpara. (1)
174 of 344
सोइ बिजई बिनई गुन सागर। तासु सुजसु त्रैलोक उजागर॥ प्रभु कीं कृपा भयउ सबु काजू। जन्म हमार सुफल भा आजू ॥२॥
Soi bijaī binaī guna sāgara, tāsu sujasu trailoka ujāgara. Prabhu kīṃ kṛpā bhayau sabu kājū, janma hamāra suphala bhā ājū. (2)
175 of 344
नाथ पवनसुत कीन्हि जो करनी। सहसहुँ मुख न जाइ सो बरनी॥ पवनतनय के चरित सुहाए। जामवंत रघुपतिहि सुनाए ॥३॥
Nātha pavanasuta kīnhi jo karanī, sahasahuṃ mukha na jāi so baranī. Pavanatanaya ke carita suhāe, Jāmavanta Raghupatihi sunāe. (3)
176 of 344
सुनत कृपानिधि मन अति भाए। पुनि हनुमान हरषि हियँ लाए॥ कहहु तात केहि भाँति जानकी। रहति करति रच्छा स्वप्रान की ॥४॥
Sunata kṛpānidhi mana ati bhāe, puni Hanumāna haraṣi hiyaṃ lāe. Kahahu tāta kehi bhāṃti Jānakī, rahati karati raccā svaprāna kī. (4)
177 of 344
दो०—नाम पाहरू दिवस निसि ध्यान तुम्हार कपाट। लोचन निज पद जंत्रित जाहिं प्रान केहिं बाट ॥३०॥
Do—Nāma pāharū divasa nisi dhyāna tumhāra kapāṭa, locana nija pada jantrita jāhiṃ prāna kehiṃ bāṭa. (30)
178 of 344
चलत मोहि चूड़ामनि दीन्ही। रघुपति हृदयँ लाइ सोइ लीन्ही॥ नाथ जुगल लोचन भरि बारी। बचन कहे कछु जनककुमारी ॥१॥
Calata mohi cūṛāmani dīnhī, Raghupati hṛdayaṃ lāi soi līnhī. Nātha jugala locana bhari bārī, bacana kahe kachu janakakumārī. (1)
179 of 344
अनुज समेत गहेहु प्रभु चरना। दीन बंधु प्रनतारति हरना॥ मन क्रम बचन चरन अनुरागी। केहिं अपराध नाथ हौं त्यागी ॥२॥
Anuja sameta gahehu prabhu caranā, dīna bandhu pranatārati haranā. Mana krama bacana carana anurāgī, kehiṃ aparādha nātha hauṃ tyāgī. (2)
180 of 344
अवगुन एक मोर मैं माना। बिछुरत प्रान न कीन्ह पयाना॥ नाथ सो नयनन्हि को अपराधा। निसरत प्रान करहिं हठि बाधा ॥३॥
Avaguna eka mora maiṃ mānā, bichurata prāna na kīnha payānā. Nātha so nayananhi ko aparādhā, nisarata prāna karahiṃ haṭhi bādhā. (3)
181 of 344
बिरह अगिनि तनु तूल समीरा। स्वास जरइ छन माहिं सरीरा॥ नयन स्रवहिं जलु निज हित लागी। जरैं न पाव देह बिरहागी ॥४॥
Biraha agini tanu tūla samīrā, svāsa jarai chana māhiṃ sarīrā. Nayana sravahiṃ jalu nija hita lāgī, jaraiṃ na pāva deha birahāgī. (4)
182 of 344
सीता कै अति बिपति बिसाला। बिनहिं कहें भलि दीनदयाला ॥५॥
Sītā kai ati bipati bisālā, binahiṃ kaheṃ bhali dīnadayālā. (5)
183 of 344
दो०—निमिष निमिष करुनानिधि जाहिं कलप सम बीति। बेगि चलिअ प्रभु आनिअ भुज बल खल दल जीति ॥३१॥
Do—Nimiṣa nimiṣa karunānidhi jāhiṃ kalapa sama bīti, begi calia prabhu ānia bhuja bala khala dala jīti. (31)
184 of 344
सुनि सीता दुख प्रभु सुख अयना। भरि आए जल राजिव नयना॥ बचन कायँ मन मम गति जाही। सपनेहुँ बूझिअ बिपति कि ताही ॥१॥
Suni sītā dukha prabhu sukha ayanā, bhari āe jala rājiva nayanā. Bacana kāyaṃ mana mama gati jāhī, sapanehuṃ būjhia bipati ki tāhī. (1)
185 of 344
कह हनुमंत बिपति प्रभु सोई। जब तव सुमिरन भजन न होई॥ केतिक बात प्रभु जातुधान की। रिपुहि जीति आनिबी जानकी ॥२॥
Kaha Hanumanta bipati prabhu soī, jaba tava sumirana bhajana na hoī. Ketika bāta prabhu jātudhāna kī, ripuhi jīti ānibī Jānakī. (2)
186 of 344
सुनु कपि तोहि समान उपकारी। नहिं कोउ सुर नर मुनि तनुधारी॥ प्रति उपकार करौं का तोरा। सनमुख होइ न सकत मन मोरा ॥३॥
Sunu kapi tohi samāna upakārī, nahiṃ kou sura nara muni tanudhārī. Prati upakāra karauṃ kā torā, sanamukha hoi na sakata mana morā. (3)
187 of 344
सुनु सुत तोहि उरिन मैं नाहीं। देखेउँ करि बिचार मन माहीं॥ पुनि पुनि कपिहि चितव सुरत्राता। लोचन नीर पुलक अति गाता ॥४॥
Sunu suta tohi urina maiṃ nāhīṃ, dekheuṃ kari bicāra mana māhīṃ. Puni puni kapihi citava suratrātā, locana nīr pulka ati gātā. (4)
188 of 344
दो०—सुनि प्रभु बचन बिलोकि मुख गात हरषि हनुमंत। चरन परेउ प्रेमाकुल त्राहि त्राहि भगवंत ॥३२॥
Do—Suni prabhu bacana biloki mukha gāta haraṣi Hanumanta, carana pareu premākula trāhi trāhi bhagavanta. (32)
189 of 344
बार बार प्रभु चहइ उठावा। प्रेम मगन तेहि उठब न भावा॥ प्रभु कर पंकज कपि कें सीसा। सुमिरि सो दसा मगन गौरीसा ॥१॥
Bāra bāra prabhu cahai uṭhāvā, prema magana tehi uṭhaba na bhāvā. Prabhu kara paṅkaja kapi keṃ sīsā, sumiri so dasā magana gaurīsā. (1)
190 of 344
सावधान मन करि पुनि संकर। लागे कहन कथा अति सुंदर॥ कपि उठाइ प्रभु हृदयँ लगावा। कर गहि परम निकट बैठावा ॥२॥
Sāvadhāna mana kari puni saṅkara, lāge kahana kathā ati sundara. Kapi uṭhāi prabhu hṛdayaṃ lagāvā, kara gahi parama nikaṭa baiṭhāvā. (2)
191 of 344
कहु कपि रावन पालित लंका। केहि बिधि दहेउ दुर्ग अति बंका॥ प्रभु प्रसन्न जाना हनुमाना। बोला बचन बिगत अभिमाना ॥३॥
Kahu kapi Rāvana pālita Laṅkā, kehi bidhi daheu durga ati baṅkā. Prabhu prasanna jānā Hanumānā, bolā bacana bigata abhimānā. (3)
192 of 344
साखामृग कै बड़ि मनुसाई। साखा तें साखा पर जाई॥ नाघि सिंधु हाटकपुर जारा। निसिचर गन बधि बिपिन उजारा ॥४॥
Sākhāmṛga kai baṛi manusāī, sākhā teṃ sākhā para jāī. Nāghi sindhu hāṭakapura jārā, nisicara gana badhi bipina ujārā. (4)
193 of 344
सो सब तव प्रताप रघुराई। नाथ न कछू मोरि प्रभुताई ॥५॥
So saba tava pratāpa raghurāī, nātha na kachū mori prabhutāī. (5)
194 of 344
दो०—ता कहुँ प्रभु कछु अगम नहिं जा पर तुम्ह अनुकूल। तव प्रभावँ बड़वानलहि जारि सकइ खलु तूल ॥३३॥
Do—Tā kahuṃ prabhu kachu agama nahiṃ jā para tumha anukūla, tava prabhāvaṃ baṛavānalahi jāri sakai khalu tūla. (33)
195 of 344
नाथ भगति अति सुखदायनी। देहु कृपा करि अनपायनी॥ सुनि प्रभु परम सरल कपि बानी। एवमस्तु तब कहेउ भवानी ॥१॥
Nātha bhagati ati sukhadāyanī, dehu kṛpā kari anapāyanī. Suni prabhu parama sarala kapi bānī, evamastu taba kaheu bhavānī. (1)
196 of 344
उमा राम सुभाउ जेहिं जाना। ताहि भजनु तजि भाव न आना॥ यह संबाद जासु उर आवा। रघुपति चरन भगति सोइ पावा ॥२॥
Umā Rāma subhāu jehiṃ jānā, tāhi bhajanu taji bhāva na ānā. Yaha sambāda jāsu ura āvā, Raghupati carana bhagati soi pāvā. (2)
197 of 344
सुनि प्रभु बचन कहहिं कपिबृंदा। जय जय जय कृपाल सुखकंदा॥ तब रघुपति कपिपतिहि बोलावा। कहा चलैं कर करहु बनावा ॥३॥
Suni prabhu bacana kahahiṃ kapibṛndā, jaya jaya jaya kṛpāla sukhakandā. Taba Raghupati kapipatihi bolāvā, kahā calaiṃ kara karahu banāvā. (3)
198 of 344
अब बिलंबु केहि कारन कीजे। तुरत कपिन्ह कहुँ आयसु दीजे॥ कौतुक देखि सुमन बहु बरषी। नभ तें भवन चले सुर हरषी ॥४॥
Aba bilambu kehi kārana kīje, turata kapinha kahuṃ āyasu dīje. Kautuka dekhi sumana bahu baraṣī, nabha teṃ bhavana cale sura haraṣī. (4)
199 of 344
सो०—कपिपति बेगि बोलाए आए जूथप जूथ। नाना बरन अतुल बल बानर भालु बरूथ ॥३४॥
So—Kapipati begi bolāe āe jūthapa jūtha, nānā barana atula bala bānara bhālu barūtha. (34)
200 of 344
प्रभु पद पंकज नावहिं सीसा। गर्जहिं भालु महाबल कीसा॥ देखी राम सकल कपि सेना। चितइ कृपा करि राजिव नैना ॥१॥
Prabhu pada paṅkaja nāvahiṃ sīsā, garjahiṃ bhālu mahābala kīsā. Dekhī Rāma sakala kapi senā, citai kṛpā kari rājiva nainā. (1)
201 of 344
राम कृपा बल पाइ कपिंदा। भए पच्छजुत मनहुँ गिरिंदा॥ हरषि राम तब कीन्ह पयाना। सगुन भए सुंदर सुभ नाना ॥२॥
Rāma kṛpā bala pāi kapindā, bhae pacchajuta manahuṃ girindā. Haraṣi Rāma taba kīnha payānā, saguna bhae sundara subha nānā. (2)
202 of 344
जासु सकल मंगलमय कीती। तासु पयान सगुन यह नीती॥ प्रभु पयान जाना बैदेहीं। फरकि बाम अँग जनु कहि देहीं ॥३॥
Jāsu sakala maṅgalamaya kītī, tāsu payāna saguna yaha nītī. Prabhu payāna jānā baidehīṃ, pharaki bāma aṅga janu kahi dehīṃ. (3)
203 of 344
जोइ जोइ सगुन जानकिहि होई। असगुन भयउ रावनहि सोई॥ चला कटकु को बरनैं पारा। गर्जहिं बानर भालु अपारा ॥४॥
Joi joi saguna Jānakihi hoī, asaguna bhayau Rāvanahi soī. Calā kaṭaku ko baranaiṃ pārā, garjahiṃ bānara bhālu apārā. (4)
204 of 344
नख आयुध गिरि पादपधारी। चले गगन महि इच्छाचारी॥ केहरिनाद भालु कपि करहीं। डगमगाहिं दिग्गज चिक्करहीं ॥५॥
Nakha āyudha giri pādapadhārī, cale gagana mahi icchācārī. Keharināda bhālu kapi karahīṃ, ḍagamagāhiṃ diggaja cikkarahīṃ. (5)
205 of 344
छं०—चिक्करहिं दिग्गज डोल महि गिरि लोल सागर खरभरे। मन हरष सभ गंधर्ब सुर मुनि नाग किंनर दुख टरे॥ कटकटहिं मर्कट बिकट भट बहु कोटि कोटिन्ह धावहीं। जय राम प्रबल प्रताप कोसलनाथ गुन गन गावहीं ॥१॥
Chhand—Cikkarahiṃ diggaja ḍola mahi giri lola sāgara kharabhare, mana haraṣa sabha gandharba sura muni nāga kinnara dukha ṭare. Kaṭakaṭahiṃ markaṭa bikaṭa bhaṭa bahu koṭi koṭinha dhāvahiṃ, jaya Rāma prabala pratāpa Kosalanātha guna gana gāvahiṃ. (1)
206 of 344
सहि सक न भार उदार अहिपति बार बारहिं मोहई। गह दसन पुनि पुनि कमठ पृष्ट कठोर सो किमि सोहई॥ रघुबीर रुचिर प्रयान प्रस्थिति जानि परम सुहावनी। जनु कमठ खर्पर सर्पराज सो लिखत अबिचल पावनी ॥२॥
Sahi saka na bhāra udāra ahipati bāra bārahiṃ mohaī, gaha dasana puni puni kamaṭha pṛṣṭha kaṭhora so kimi sohaī. Raghubīra rucira prayāna prasthiti jāni parama suhāvanī, janu kamaṭha kharpara sarparāja so likhata abicala pāvanī. (2)
207 of 344
दो०—एहि बिधि जाइ कृपानिधि उतरे सागर तीर। जहँ तहँ लागे खान फल भालु बिपुल कपि बीर ॥३५॥
Do—Ehi bidhi jāi kṛpānidhi utare sāgara tīra, jahaṃ tahaṃ lāge khāna phala bhālu bipula kapi bīra. (35)
208 of 344
उहाँ निसाचर रहहिं ससंका। जब तें जारि गयउ कपि लंका॥ निज निज गृहँ सब करहिं बिचारा। नहिं निसिचर कुल केर उबारा ॥१॥
Uhāṃ nisācara rahahiṃ sasaṅkā, jaba teṃ jāri gayau kapi Laṅkā. Nija nija gṛhaṃ saba karahiṃ bicārā, nahiṃ nisicara kula kera ubārā. (1)
209 of 344
जासु दूत बल बरनि न जाई। तेहि आएँ पुर कवन भलाई॥ दूतिन्ह सन सुनि पुरजन बानी। मंदोदरी अधिक अकुलानी ॥२॥
Jāsu dūta bala barani na jāī, tehi āeṃ pura kavana bhalāī. Dūtinha sana suni purajana bānī, Mandodarī adhika akulānī. (2)
210 of 344
रहसि जोरि कर पति पग लागी। बोली बचन नीति रस पागी॥ कंत करष हरि सन परिहरहू। मोर कहा अति हित हियँ धरहू ॥३॥
Rahasi jori kara pati paga lāgī, bolī bacana nīti rasa pāgī. Kanta karaṣa hari sana pariharahū, mora kahā ati hita hiyaṃ dharahū. (3)
211 of 344
समुझत जासु दूत कइ करनी। स्रवहिं गर्भ रजनीचर घरनी॥ तासु नारि निज सचिव बोलाई। पठवहु कंत जो चहहु भलाई ॥४॥
Samujhata jāsu dūta kai karanī, sravahiṃ garbha rajanīcara gharanī. Tāsu nāri nija saciva bolāī, paṭhavahu kanta jo chahahu bhalāī. (4)
212 of 344
तव कुल कमल बिपिन दुखदाई। सीता सीत निसा सम आई॥ सुनहु नाथ सीता बिनु दीन्हें। हित न तुम्हार संभु अज कीन्हें ॥५॥
Tava kula kamala bipina dukhadāī, sītā Sīta nisā sama āī. Sunahu nātha sītā binu dīnheṃ, hita na tumhāra Sambhu aja kīnheṃ. (5)
213 of 344
दो०—राम बान अहि गन सरिस निकर निसाचर भेक। जब लगि ग्रसत न तब लगि जतनु करहु तजि टेक ॥३६॥
Do—Rāma bāna ahi gana sarisa nikara nisācara bheka, jaba lagi grasata na taba lagi jatanu karahu taji ṭeka. (36)
214 of 344
श्रवन सुनी सठ ता करि बानी। बिहसा जगत बिदित अभिमानी॥ सभय सुभाउ नारि कर साचा। मंगल महुँ भय मन अति काचा ॥१॥
Śravana sunī saṭha tā kari bānī, bihasā jagata bidita abhimānī. Sabhaya subhāu nāri kara sācā, maṅgala mahuṃ bhaya mana ati kācā. (1)
215 of 344
जौं आवइ मर्कट कटकाई। जिअहिं बिचारे निसिचर खाई॥ कंपहिं लोकप जाकीं त्रासा। तासु नारि सभीत बड़ि हासा ॥२॥
Jauṃ āvai markaṭa kaṭakāī, jiahiṃ bicāre nisicara khāī. Kaṃpahiṃ lokapa jākīṃ trāsā, tāsu nāri sabhīta baṛi hāsā. (2)
216 of 344
अस कहि बिहसि ताहि उर लाई। चलेउ सभाँ ममता अधिकाई॥ मंदोदरी हृदयँ कर चिंता। भयउ कंत पर बिधि बिपरीता ॥३॥
Asa kahi bihasi tāhi ura lāī, caleu sabhāṃ mamatā adhikāī. Mandodarī hṛdayaṃ kara cintā, bhayau kanta para bidhi biparītā. (3)
217 of 344
बैठेउ सभाँ खबरि असि पाई। सिंधु पार सेना सब आई॥ बूझेसि सचिव उचित मत कहहू। ते सब हँसे मष्ट करि रहहू ॥४॥
Baiṭheu sabhāṃ khabari asi pāī, sindhu pāra senā saba āī. Būjhesi saciva ucita mata kahahū, te saba haṃse maṣṭa kari rahahū. (4)
218 of 344
जितेहु सुरासुर तब श्रम नाहीं। नर बानर केहि लेखे माहीं ॥५॥
Jitehu surāsura taba śrama nāhīṃ, nara bānara kehi lekhe māhīṃ. (5)
219 of 344
दो०—सचिव बैद गुर तीनि जौं प्रिय बोलहिं भय आस। राज धर्म तन तीनि कर होइ बेगिहीं नास ॥३७॥
Do—Saciva baida gura tīni jauṃ priya bolahiṃ bhaya āsa, rāja dharma tana tīni kara hoi begihīṃ nāsa. (37)
220 of 344
सोइ रावन कहुँ बनी सहाई। अस्तुति करहिं सुनाइ सुनाई॥ अवसर जानि बिभीषनु आवा। भ्राता चरनँ सीसु तेहिं नावा ॥१॥
Soi Rāvana kahuṃ banī sahāī, astuti karahiṃ sunāi sunāī. Avasara jāni Bibhīṣanu āvā, bhrātā caranaṃ sīsu tehiṃ nāvā. (1)
221 of 344
पुनि सिरु नाइ बैठ निज आसन। बोला बचन पाइ अनुसासन॥ जौ कृपाल पूँछिहु मोहि बाता। मति अनुरूप कहउँ हित ताता ॥२॥
Puni siru nāi baiṭha nija āsana, bolā bacana pāi anusāsana. Jau kṛpāla pūṃchihu mohi bātā, mati anurūpa kahauṃ hita tātā. (2)
222 of 344
जो आपन चाहै कल्याना। सुजसु सुमति सुभ गति सुख नाना॥ सो परनारि लिलार गोसाईं। तजउ चउथि के चंद कि नाईं ॥३॥
Jo āpana cāhai kalyānā, sujasu sumati subha gati sukha nānā. So paranāri lilāra gosāīṃ, tajau cauthi ke canda ki nāīṃ. (3)
223 of 344
चौदह भुवन एक पति होई। भूतद्रोह तिष्टइ नहिं सोई॥ गुन सागर नागर नर जोऊ। अलप लोभ भल कहइ न कोऊ ॥४॥
Caudaha bhuvana eka pati hoī, bhūtadroha tiṣṭai nahiṃ soī. Guna sāgara nāgara nara joū, alapa lobha bhala kahai na koū. (4)
224 of 344
दो०—काम क्रोध मद लोभ सब नाथ नरक के पंथ। सब परिहरि रघुबीरहि भजहु भजहिं जेहि संत ॥३८॥
Do—Kāma krodha mada lobha saba nātha naraka ke pantha, saba parihari Raghubīrahi bhajahu bhajahiṃ jehi santa. (38)
225 of 344
तात राम नहिं नर भूपाला। भुवनेस्वर कालहु कर काला॥ ब्रह्म अनामय अज भगवंता। ब्यापक अजित अनादि अनंता ॥१॥
Tāta Rāma nahiṃ nara bhūpālā, bhuvanesvara kālahu kara kālā. Brahma anāmaya aja bhagavantā, byāpaka ajita anādi anantā. (1)
226 of 344
गो द्विज धेनु देव हितकारी। कृपा सिंधु मानुष तनुधारी॥ जन रंजन भंजन खल ब्राता। बेद धर्म रच्छक सुनु भ्राता ॥२॥
Go dvija dhenu deva hitakārī, kṛpā sindhu mānuṣa tanudhārī. Jana raṃjana bhaṃjana khala brātā, beda dharma racchaka sunu bhrātā. (2)
227 of 344
ताहि बयरु तजि नाइअ माथा। प्रनतारति भंजन रघुनाथा॥ देहु नाथ प्रभु कहुँ बैदेही। भजहु राम बिनु हेतु सनेही ॥३॥
Tāhi bayaru taji nāia māthā, Pranatārati bhaṃjana Raghunāthā. Dehu nātha prabhu kahuṃ Baidehī, Bhajahu Rāma binu hetu sanehī. (3)
228 of 344
सरन गएँ प्रभु ताहु न त्यागा। बिस्व द्रोह कृत अघ जेहि लागा॥ जासु नाम त्रय ताप नसावन। सोइ प्रभु प्रगट समुझु जियँ रावन ॥४॥
Sarana gaeṃ prabhu tāhu na tyāgā, Bisva droha kṛta agha jehi lāgā. Jāsu nāma traya tāpa nasāvana, Soi prabhu pragaṭa samujhu jiyaṃ Rāvana. (4)
229 of 344
दो०—बार बार पद लागउँ बिनय करउँ दससीस। परिहरि मान मोह मद भजहु कोसलाधीस ॥३९(क)॥
Do—Bāra bāra pada lāgauṃ binaya karauṃ dasasīsa, Parihari māna moha mada bhajahu Kosalādhīsa. (39a)
230 of 344
दो०—मुनि पुलस्ति निज सिष्य सन कहि पठई यह बात। तुरत सो मैं प्रभु सन कही पाइ सुअवसरु तात ॥३९(ख)॥
Do—Muni pulasti nija siṣya sana kahi paṭhaī yaha bāta, Turata so maiṃ prabhu sana kahī pāi suavasaru tāta. (39b)
231 of 344
माल्यवंत अति सचिव सयाना। तासु बचन सुनि अति सुख माना॥ तात अनुज तव नीति बिभूषन। सो उर धरहु जो कहत बिभीषन ॥१॥
Mālyavaṃta ati saciva sayānā, Tāsu bacana suni ati sukha mānā. Tāta anuja tava nīti Bibhīṣana, So ura dharahu jo kahata Bibhīṣana. (1)
232 of 344
रिपु उतकरष कहत सठ दोऊ। दूरि न करहु इहाँ हइ कोऊ॥ माल्यवंत गृह गयउ बहोरी। कहइ बिभीषनु पुनि कर जोरी ॥२॥
Ripu utakaraṣa kahata saṭha doū, Dūri na karahu ihāṃ hai koū. Mālyavaṃta gṛha gayau bahorī, Kahai Bibhīṣanu puni kara jorī. (2)
233 of 344
सुमति कुमति सब कें उर रहहीं। नाथ पुरान निगम अस कहहीं॥ जहाँ सुमति तहँ संपति नाना। जहाँ कुमति तहँ बिपति निदाना ॥३॥
Sumati kumati saba keṃ ura rahahīṃ, Nātha purāna nigama asa kahahīṃ. Jahāṃ sumati tahaṃ saṃpati nānā, Jahāṃ kumati tahaṃ bipati nidānā. (3)
234 of 344
तव उर कुमति बसी बिपरीता। हित अनहित मानहु रिपु प्रीता॥ कालराति निसिचर कुल केरी। तेहि सीता पर प्रीति घनेरी ॥४॥
Tava ura kumati basī biparītā, Hita anahita mānahu ripu prītā. Kālarāti nisicara kula kerī, Tehi sītā para prīti ghanerī. (4)
235 of 344
दो०—तात चरन गहि मागउँ राखहु मोर दुलार। सीता देहु राम कहुँ अहित न होइ तुम्हार ॥४०॥
Do—Tāta carana gahi māgauṃ rākhahu mora dulāra, Sītā dehu Rāma kahuṃ ahita na hoi tumhāra. (40)
236 of 344
बुध पुरान श्रुति संमत बानी। कही बिभीषन नीति बखानी॥ सुनत दसानन उठा रिसाई। खल तोहि निकट मृत्यु अब आई ॥१॥
Budha purāna śruti saṃmata bānī, Kahī Bibhīṣana nīti bakhānī. Sunata Dasānana uṭhā risāī, Khala tohi nikaṭa mṛtyu aba āī. (1)
237 of 344
जिअसि सदा सठ मोर जिआवा। रिपु कर पच्छ मूढ़ तोहि भावा॥ कहसि न खल अस को जग माहीं। भुज बल जाहि जिता मैं नाहीं ॥२॥
Jiasi sadā saṭha mora jiāvā, Ripu kara paccha mūṛha tohi bhāvā. Kahasi na khala asa ko jaga māhīṃ, Bhuja bala jāhi jitā maiṃ nāhīṃ. (2)
238 of 344
मम पुर बसि तपसिन्ह पर प्रीती। सठ मिलु जाइ तिन्हहि कहु नीती॥ अस कहि कीन्हेसि चरन प्रहारा। अनुज गहे पद बारहिं बारा ॥३॥
Mama pura basi tapasinha para prītī, Saṭha milu jāi tinhahi kahu nītī. Asa kahi kīnhesi carana prahārā, Anuja gahe pada bārahiṃ bārā. (3)
239 of 344
उमा संत कइ इहइ बड़ाई। मंद करत जो करइ भलाई॥ तुम्ह पितु सरिस भलेहिं मोहि मारा। रामु भजें हित नाथ तुम्हारा ॥४॥
Umā santa kai ihai baṛāī, Manda karata jo karai bhalāī. Tumha pitu sarisa bhalehiṃ mohi mārā, Rāmu bhajeṃ hita nātha tumhārā. (4)
240 of 344
सचिव संग लै नभ पथ गयऊ। सबहि सुनाइ कहत अस भयऊ ॥५॥
Saciva saṃga lai nabha patha gayū, Sabahi sunāi kahata asa bhayū. (5)
241 of 344
दो०—रामु सत्यसंकल्प प्रभु सभा कालबस तोरि। मैं रघुबीर सरन अब जाउँ देहु जनि खोरि ॥४१॥
Do—Rāmu satyasaṃkalpa prabhu sabhā kālabasa tori, Maiṃ Raghubīra sarana aba jāuṃ dehu jani khori. (41)
242 of 344
अस कहि चला बिभीषनु जबहीं। आयूहीन भए सब तबहीं॥ साधु अवग्या तुरत भवानी। कर कल्यान अखिल कै हानी ॥१॥
Asa kahi calā Bibhīṣanu jabahīṃ, Āyūhīna bhae saba tabahīṃ. Sādhu avagyā turata bhavānī, Kara kalyāna akhila kai hānī. (1)
243 of 344
रावन जबहिं बिभीषन त्यागा। भयउ बिभव बिनु तबहिं अभागा॥ चलेउ हरषि रघुनायक पाहीं। करत मनोरथ बहु मन माहीं ॥२॥
Rāvana jabahiṃ Bibhīṣana tyāgā, Bhayau bibhava binu tabahiṃ abhāgā. Caleu haraṣi Raghunāyaka pāhīṃ, Karata manoratha bahu mana māhīṃ. (2)
244 of 344
देखिहउँ जाइ चरन जलजाता। अरुन मृदुल सेवक सुखदाता॥ जे पद परसि तरी रिषिनारी। दंडक कानन पावनकारी ॥३॥
Dekhihauṃ jāi carana jalajātā, Aruna mṛdula sevaka sukhadātā. Je pada parasi tarī riṣinārī, Daṃḍaka kānana pāvanakārī. (3)
245 of 344
जे पद जनकसुताँ उर लाए। कपट कुरंग संग धर धाए॥ हर उर सर सरोज पद जेई। अहोभाग्य मैं देखिहउँ तेई ॥४॥
Je pada janakasutāṃ ura lāe, Kapaṭa kuraṃga saṃga dhara dhāe. Hara ura sara saroja pada jeī, Ahobhāgya maiṃ dekhihauṃ teī. (4)
246 of 344
दो०—जिन्ह पायन्ह के पादुकन्हि भरतु रहे मन लाइ। ते पद आजु बिलोकिहउँ इन्ह नयनन्हि अब जाइ ॥४२॥
Do—Jinha pāyanha ke pādukanhi Bharatu rahe mana lāi, Te pada āju bilokihauṃ inha nayananhi aba jāi. (42)
247 of 344
एहि बिधि करत सप्रेम बिचारा। आयउ सपदि सिंधु एहिं पारा॥ कपिन्ह बिभीषनु आवत देखा। जाना कोउ रिपु दूत बिसेषा ॥१॥
Ehi bidhi karata saprema bicārā, Āyau sapadi siṃdhu ehiṃ pārā. Kapinha Bibhīṣanu āvata dekhā, Jānā kou ripu dūta biseṣā. (1)
248 of 344
ताहि राखि कपीस पहिं आए। समाचार सब ताहि सुनाए॥ कह सुग्रीव सुनहु रघुराई। आवा मिलन दसानन भाई ॥२॥
Tāhi rākhi Kapīsa pahiṃ āe, Samācāra saba tāhi sunāe. Kaha Sugrīva sunahu raghurāī, Āvā milana Dasānana bhāī. (2)
249 of 344
कह प्रभु सखा बूझिऐ काहा। कहइ कपीस सुनहु नरनाहा॥ जानि न जाइ निसाचर माया। कामरूप केहि कारन आया ॥३॥
Kaha prabhu sakhā būjhiai kāhā, Kahai Kapīsa sunahu naranāhā. Jāni na jāi nisācara māyā, Kāmarūpa kehi kārana āyā. (3)
250 of 344
भेद हमार लेन सठ आवा। राखिअ बाँधि मोहि अस भावा॥ सखा नीति तुम्ह नीकि बिचारी। मम पन सरनागत भयहारी ॥४॥
Bheda hamāra lena saṭha āvā, Rākhia bāṃdhi mohi asa bhāvā. Sakhā nīti tumha nīki bicārī, Mama pana saranāgata bhayahārī. (4)
251 of 344
सुनि प्रभु बचन हरष हनुमाना। सरनागत बच्छल भगवाना ॥५॥
Suni prabhu bacana haraṣa Hanumānā, Saranāgata bacchala bhagavānā. (5)
252 of 344
दो०—सरनागत कहुँ जे तजहिं निज अनहित अनुमानि। ते नर पावँर पापमय तिन्हहि बिलोकत हानि ॥४३॥
Do—Saranāgata kahuṃ je tajahiṃ nija anahita anumāni, Te nara pāvaṃra pāpamaya tinhahi bilokata hāni. (43)
253 of 344
कोटि बिप्र बध लागहिं जाहू। आएँ सरन तजउँ नहिं ताहू॥ सनमुख होइ जीव मोहि जबहीं। जन्म कोटि अघ नासहिं तबहीं ॥१॥
Koṭi bipra badha lāgahiṃ jāhū, Āeṃ sarana tajauṃ nahiṃ tāhū. Sanamukha hoi jīva mohi jabahīṃ, Janma koṭi agha nāsahiṃ tabahīṃ. (1)
254 of 344
पापवंत कर सहज सुभाऊ। भजनु मोर तेहि भाव न काऊ॥ जौं पै दुष्ट हृदय सोइ होई। मोरें सनमुख आव कि सोई ॥२॥
Pāpavaṃta kara sahaja subhāū, Bhajanu mora tehi bhāva na kāū. Jauṃ pai duṣṭa hṛdaya soi hoī, Moreṃ sanamukha āva ki soī. (2)
255 of 344
निर्मल मन जन सो मोहि पावा। मोहि कपट छल छिद्र न भावा॥ भेद लेन पठवा दससीसा। तबहुँ न कछु भय हानि कपीसा ॥३॥
Nirmala mana jana so mohi pāvā, Mohi kapaṭa chala chidra na bhāvā. Bheda lena paṭhavā dasasīsā, Tabahuṃ na kachu bhaya hāni Kapīsā. (3)
256 of 344
जग महुँ सखा निसाचर जेते। लछिमनु हनइ निमिष महुँ तेते॥ जौं सभीत आवा सरनाईं। रखिहउँ ताहि प्रान की नाईं ॥४॥
Jaga mahuṃ sakhā nisācara jete, Lachimanu hanai nimiṣa mahuṃ tete. Jauṃ sabhīta āvā saranāīṃ, Rakhihauṃ tāhi prāna kī nāīṃ. (4)
257 of 344
दो०—उभय भाँति तेहि आनहु हँसि कह कृपानिकेत। जय कृपाल कहि कपि चले अंगद हनू समेत ॥४४॥
Do—Ubhaya bhāṃti tehi ānahu haṃsi kaha kṛpāniketa, Jaya kṛpāla kahi kapi cale aṃgada hanū sameta. (44)
258 of 344
सादर तेहि आगें करि बानर। चले जहाँ रघुपति करुनाकर॥ दूरिहि ते देखे द्वौ भ्राता। नयनानंद दान के दाता ॥१॥
Sādara tehi āgeṃ kari bānara, Cale jahāṃ Raghupati karunākara. Dūrihi te dekhe dvau bhrātā, Nayanānaṃda dāna ke dātā. (1)
259 of 344
बहुरि राम छबिधाम बिलोकी। रहेउ ठटुकि एकटक पल रोकी॥ भुज प्रलंब कंजारुन लोचन। स्यामल गात प्रनत भय मोचन ॥२॥
Bahuri Rāma chabidhāma bilokī, Raheu ṭhaṭuki ekaṭaka pala rokī. Bhuja pralaṃba kaṃjāruna locana, Syāmala gāta pranata bhaya mocana. (2)
260 of 344
सिंघ कंध आयत उर सोहा। आनन अमित मदन मन मोहा॥ नयन नीर पुलकित अति गाता। मन धरि धीर कही मृदु बाता ॥३॥
Siṃgha kaṃdha āyata ura sohā, Ānana amita madana mana mohā. Nayana nīr pulkita ati gātā, Mana dhari dhīra kahī mṛdu bātā. (3)
261 of 344
नाथ दसानन कर मैं भ्राता। निसिचर बंस जनम सुरत्राता॥ सहज पापप्रिय तामस देहा। जथा उलूकहि तम पर नेहा ॥४॥
Nātha Dasānana kara maiṃ bhrātā, Nisicara baṃsa janama suratrātā. Sahaja pāpapriya tāmasa dehā, Jathā ulūkahi tama para nehā. (4)
262 of 344
दो०—श्रवन सुजसु सुनि आयउँ प्रभु भंजन भव भीर। त्राहि त्राहि आरति हरन सरन सुखद रघुबीर ॥४५॥
Do—Śravana sujasu suni āyauṃ prabhu bhaṃjana bhava bhīra, Trāhi trāhi ārati harana sarana sukhada Raghubīra. (45)
263 of 344
अस कहि करत दंडवत देखा। तुरत उठे प्रभु हरष बिसेषा॥ दीन बचन सुनि प्रभु मन भावा। भुज बिसाल गहि हृदयँ लगावा ॥१॥
Asa kahi karata daṃḍavata dekhā, Turata uṭhe prabhu haraṣa biseṣā. Dīna bacana suni prabhu mana bhāvā, Bhuja bisāla gahi hṛdayaṃ lagāvā. (1)
264 of 344
अनुज सहित मिलि ढिग बैठारी। बोले बचन भगत भयहारी॥ कहु लंकेस सहित परिवारा। कुसल कुठाहर बास तुम्हारा ॥२॥
Anuja sahita mili ḍhiga baiṭhārī, Bole bacana bhagata bhayahārī. Kahu laṃkesa sahita parivārā, Kusala kuṭhāhara bāsa tumhārā. (2)
265 of 344
खल मंडली बसहु दिनु राती। सखा धरम निबहइ केहि भाँती॥ मैं जानउँ तुम्हारि सब रीती। अति नय निपुन न भाव अनीती ॥३॥
Khala maṃḍalī basahu dinu rātī, Sakhā dharama nibahai kehi bhāṃtī. Maiṃ jānauṃ tumhāri saba rītī, Ati naya nipuna na bhāva anītī. (3)
266 of 344
बरु भल बास नरक कर ताता। दुष्ट संग जनि देइ बिधाता॥ अब पद देखि कुसल रघुराया। जौं तुम्ह कीन्हि जानि जन दाया ॥४॥
Baru bhala bāsa naraka kara tātā, Duṣṭa saṃga jani dei bidhātā. Aba pada dekhi kusala Raghurāyā, Jauṃ tumha kīnhi jāni jana dāyā. (4)
267 of 344
दो०—तब लगि कुसल न जीव कहुँ सपनेहुँ मन बिश्राम। जब लगि भजत न राम कहुँ सोक धाम तजि काम ॥४६॥
Do—Taba lagi kusala na jīva kahuṃ sapanehuṃ mana biśrāma, Jaba lagi bhajata na Rāma kahuṃ soka dhāma taji kāma. (46)
268 of 344
तब लगि हृदयँ बसत खल नाना। लोभ मोह मच्छर मद माना॥ जब लगि उर न बसत रघुनाथा। धरें चाप सायक कटि भाथा ॥१॥
Taba lagi hṛdayaṃ basata khala nānā, Lobha moha macchara mada mānā. Jaba lagi ura na basata Raghunāthā, Dhareṃ cāpa sāyaka kaṭi bhāthā. (1)
269 of 344
ममता तरुन तमी अँधिआरी। राग द्रेष उलूक सुखकारी॥ तब लगि बसति जीव मन माहीं। जब लगि प्रभु प्रताप रबि नाहीं ॥२॥
Mamatā taruna tamī aṃdhiārī, Rāga dreṣa ulūka sukhakārī. Taba lagi basati jīva mana māhīṃ, Jaba lagi prabhu pratāpa rabi nāhīṃ. (2)
270 of 344
अब मैं कुसल मिटे भय भारे। देखि राम पद कमल तुम्हारे॥ तुम्ह कृपाल जा पर अनुकूला। ताहि न ब्याप त्रिबिध भव सूला ॥३॥
Aba maiṃ kusala miṭe bhaya bhāre, Dekhi Rāma pada kamala tumhāre. Tumha kṛpāla jā para anukūlā, Tāhi na byāpa tribidha bhava sūlā. (3)
271 of 344
मैं निसिचर अति अधम सुभाऊ। सुभ आचरनु कीन्ह नहिं काऊ॥ जासु रूप मुनि ध्यान न आवा। तेहिं प्रभु हरषि हृदयँ मोहि लावा ॥४॥
Maiṃ nisicara ati adhama subhāū, Subha ācaranu kīnha nahiṃ kāū. Jāsu rūpa muni dhyāna na āvā, Tehiṃ prabhu haraṣi hṛdayaṃ mohi lāvā. (4)
272 of 344
दो०—अहोभाग्य मम अमित अति राम कृपा सुख पुंज। देखेउँ नयन बिरंचि सिव सेब्य जुगल पद कंज ॥४७॥
Do—Ahobhāgya mama amita ati Rāma kṛpā sukha puṃja, Dekheuṃ nayana biraṃci siva sebya jugala pada kaṃja. (47)
273 of 344
सुनहु सखा निज कहउँ सुभाऊ। जान भुसुंडि संभु गिरिजाऊ॥ जौं नर होइ चराचर द्रोही। आवै सभय सरन तकि मोही ॥१॥
Sunahu sakhā nija kahauṃ subhāū, Jāna bhusuṃḍi saṃbhu girijāū. Jauṃ nara hoi carācara drohī, Āvai sabhaya sarana taki mohī. (1)
274 of 344
तजि मद मोह कपट छल नाना। करउँ सद्य तेहि साधु समाना॥ जननी जनक बंधु सुत दारा। तनु धनु भवन सुहृद परिवारा ॥२॥
Taji mada moha kapaṭa chala nānā, Karauṃ sadya tehi sādhu samānā. Jananī janaka baṃdhu suta dārā, Tanu dhanu bhavana suhṛda parivārā. (2)
275 of 344
सब कै ममता ताग बटोरी। मम पद मनहि बाँध बरि डोरी॥ समदरसी इच्छा कछु नाहीं। हरष सोक भय नहिं मन माहीं ॥३॥
Saba kai mamatā tāga baṭorī, Mama pada manahi bāṃdha bari ḍorī. Samadarasī icchā kachu nāhīṃ, Haraṣa soka bhaya nahiṃ mana māhīṃ. (3)
276 of 344
अस सज्जन मम उर बस कैसें। लोभी हृदयँ बसइ धनु जैसें॥ तुम्ह सारिखे संत प्रिय मोरें। धरउँ देह नहिं आन निहोरें ॥४॥
Asa sajjana mama ura basa kaiseṃ, Lobhī hṛdayaṃ basai dhanu jaiseṃ. Tumha sārikhe saṃta priya moreṃ, Dharauṃ deha nahiṃ āna nihoreṃ. (4)
277 of 344
दो०—सगुन उपासक परहित निरत नीति दृढ़ नेम। ते नर प्रान समान मम जिन्ह कें द्विज पद प्रेम ॥४८॥
Do—Saguna upāsaka parahita nirata nīti dṛṛha nema, Te nara prāna samāna mama jinha keṃ dvija pada prema. (48)
278 of 344
सुनु लंकेस सकल गुन तोरें। तातें तुम्ह अतिसय प्रिय मोरें॥ राम बचन सुनि बानर जूथा। सकल कहहिं जय कृपा बरूथा ॥१॥
Sunu laṃkesa sakala guna toreṃ, Tāteṃ tumha atisaya priya moreṃ. Rāma bacana suni bānara jūthā, Sakala kahahiṃ jaya kṛpā barūthā. (1)
279 of 344
सुनत बिभीषनु प्रभु कै बानी। नहिं अघात श्रवनामृत जानी॥ पद अंबुज गहि बारहिं बारा। हृदयँ समात न प्रेमु अपारा ॥२॥
Sunata Bibhīṣanu prabhu kai bānī, Nahiṃ aghāta śravanāmṛta jānī. Pada aṃbuja gahi bārahiṃ bārā, Hṛdayaṃ samāta na premu apārā. (2)
280 of 344
सुनहु देव सचराचर स्वामी। प्रनतपाल उर अंतरजामी॥ उर कछु प्रथम बासना रही। प्रभु पद प्रीति सरित सो बही ॥३॥
Sunahu deva sacarācara svāmī, Pranatapāla ura aṃtarajāmī. Ura kachu prathama bāsanā rahī, Prabhu pada prīti sarita so bahī. (3)
281 of 344
अब कृपाल निज भगति पावनी। देहु सदा सिव मन भावनी॥ एवमस्तु कहि प्रभु रनधीरा। मागा तुरत सिंधु कर नीरा ॥४॥
Aba kṛpāla nija bhagati pāvanī, Dehu sadā siva mana bhāvanī. Evamastu kahi prabhu ranadhīrā, Māgā turata siṃdhu kara nīrā. (4)
282 of 344
जदपि सखा तव इच्छा नाहीं। मोर दरसु अमोघ जग माहीं॥ अस कहि राम तिलक तेहि सारा। सुमन बृष्टि नभ भई अपारा ॥५॥
Jadapi sakhā tava icchā nāhīṃ, Mora darasu amogha jaga māhīṃ. Asa kahi Rāma tilaka tehi sārā, Sumana bṛṣṭi nabha bhaī apārā. (5)
283 of 344
दो०—रावन क्रोध अनल निज स्वास समीर प्रचंड। जरत बिभीषनु राखेउ दीन्हेउ राजु अखंड ॥४९(क)॥
Do—Rāvana krodha anala nija svāsa samīra pracaṃḍa, Jarata Bibhīṣanu rākheu dīnheu rāju akhaṃḍa. (49a)
284 of 344
दो०—जो संपति सिव रावनहि दीन्हि दिएँ दस माथ। सोइ संपदा बिभीषनहि सकुचि दीन्हि रघुनाथ ॥४९(ख)॥
Do—Jo saṃpati siva Rāvanahi dīnhi dieṃ dasa mātha, Soi saṃpadā Bibhīṣanahi sakuci dīnhi Raghunātha. (49b)
285 of 344
अस प्रभु छाड़ि भजहिं जे आना। ते नर पसु बिनु पूँछ बिषाना॥ निज जन जानि ताहि अपनावा। प्रभु सुभाव कपि कुल मन भावा ॥१॥
Asa prabhu chāṛi bhajahiṃ je ānā, Te nara pasu binu pūṃcha biṣānā. Nija jana jāni tāhi apanāvā, Prabhu subhāva kapi kula mana bhāvā. (1)
286 of 344
पुनि सर्बग्य सर्ब उर बासी। सर्बरूप सब रहित उदासी॥ बोले बचन नीति प्रतिपालक। कारन मनुज दनुज कुल घालक ॥२॥
Puni sarbagya sarba ura bāsī, Sarbarūpa saba rahita udāsī. Bole bacana nīti pratipālaka, Kārana manuja danuja kula ghālaka. (2)
287 of 344
सुनु कपीस लंकापति बीरा। केहि बिधि तरिअ जलधि गंभीरा॥ संकुल मकर उरग झष जाती। अति अगाध दुस्तर सब भाँती ॥३॥
Sunu Kapīsa laṃkāpati bīrā, Kehi bidhi taria jaladhi gaṃbhīrā. Saṃkula makara uraga jhaṣa jātī, Ati agādha dustara saba bhāṃtī. (3)
288 of 344
कह लंकेस सुनहु रघुनायक। कोटि सिंधु सोषक तव सायक॥ जद्यपि तदपि नीति असि गाई। बिनय करिअ सागर सन जाई ॥४॥
Kaha laṃkesa sunahu Raghunāyaka, Koṭi siṃdhu soṣaka tava sāyaka. Jadyapi tadapi nīti asi gāī, Binaya karia sāgara sana jāī. (4)
289 of 344
दो०—प्रभु तुम्हार कुलगुर जलधि कहिहि उपाय बिचारि। बिनु प्रयास सागर तरिहि सकल भालु कपि धारि ॥५०॥
Do—Prabhu tumhāra kulagura jaladhi kahihi upāya bicāri, Binu prayāsa sāgara tarihi sakala bhālu kapi dhāri. (50)
290 of 344
सखा कही तुम्ह नीकि उपाई। करिअ दैव जौं होइ सहाई॥ मंत्र न यह लछिमन मन भावा। राम बचन सुनि अति दुख पावा ॥१॥
Sakhā kahī tumha nīki upāī, Karia daiva jauṃ hoi sahāī. Maṃtra na yaha Lachimana mana bhāvā, Rāma bacana suni ati dukha pāvā. (1)
291 of 344
नाथ दैव कर कवन भरोसा। सोषिअ सिंधु करि मन रोसा॥ कादर मन कहुँ एक अधारा। दैव दैव आलसी पुकारा ॥२॥
Nātha daiva kara kavana bharosā, Soṣia siṃdhu kari mana rosā. Kādara mana kahuṃ eka adhārā, Daiva daiva ālasī pukārā. (2)
292 of 344
सुनत बिहसि बोले रघुबीरा। ऐसेहिं करब धरहु मन धीरा॥ अस कहि प्रभु अनुजहि समुझाई। सिंधु समीप गए रघुराई ॥३॥
Sunata bihasi bole Raghubīrā, Aisehiṃ karaba dharahu mana dhīrā. Asa kahi prabhu anujahi samujhāī, Siṃdhu samīpa gae raghurāī. (3)
293 of 344
प्रथम प्रनाम कीन्ह सिरु नाई। बैठे पुनि तट दर्भ डसाई॥ जबहिं बिभीषन प्रभु पहिं आए। पाछें रावन दूत पठाए ॥४॥
Prathama pranāma kīnha siru nāī, Baiṭhe puni taṭ darbha ḍasāī. Jabahiṃ Bibhīṣana prabhu pahiṃ āe, Pācheṃ Rāvana dūta paṭhāe. (4)
294 of 344
दो०—सकल चरित तिन्ह देखे धरें कपट कपि देह। प्रभु गुन हृदयँ सराहहिं सरनागत पर नेह ॥५१॥
Do—Sakala carita tinha dekhe dhareṃ kapaṭa kapi deha, Prabhu guna hṛdayaṃ sarāhahiṃ saranāgata para neha. (51)
295 of 344
प्रगट बखानहिं राम सुभाऊ। अति सप्रेम गा बिसरि दुराऊ॥ रिपु के दूत कपिन्ह तब जाने। सकल बाँधि कपीस पहिं आने ॥१॥
Pragaṭa bakhānahiṃ Rāma subhāū, Ati saprema gā bisari durāū. Ripu ke dūta kapinha taba jāne, Sakala bāṃdhi Kapīsa pahiṃ āne. (1)
296 of 344
कह सुग्रीव सुनहु सब बानर। अंग भंग करि पठवहु निसिचर॥ सुनि सुग्रीव बचन कपि धाए। बाँधि कटक चहु पास फिराए ॥२॥
Kaha Sugrīva sunahu saba bānara, Aṃga bhaṃga kari paṭhavahu nisicara. Suni Sugrīva bacana kapi dhāe, Bāṃdhi kaṭaka cahu pāsa phirāe. (2)
297 of 344
बहु प्रकार मारन कपि लागे। दीन पुकारत तदपि न त्यागे॥ जो हमार हर नासा काना। तेहि कोसलाधीस कै आना ॥३॥
Bahu prakāra mārana kapi lāge, Dīna pukārata tadapi na tyāge. Jo hamāra hara nāsā kānā, Tehi Kosalādhīsa kai ānā. (3)
298 of 344
सुनि लछिमन सब निकट बोलाए। दया लागि हँसि तुरत छोड़ाए॥ रावन कर दीजहु यह पाती। लछिमन बचन बाचु कुलघाती ॥४॥
Suni Lachimana saba nikaṭ bolāe, Dayā lāgi haṃsi turata choṛāe. Rāvana kara dījahu yaha pātī, Lachimana bacana bācu kulaghātī. (4)
299 of 344
दो०—कहेहु मुखागर मूढ़ सन मम संदेसु उदार। सीता देइ मिलहु न त आवा कालु तुम्हार ॥५२॥
Do—Kahehu mukhāgara mūṛha sana mama saṃdesu udāra, Sītā dei milahu na ta āvā kālu tumhāra. (52)
300 of 344
तुरत नाइ लछिमन पद माथा। चले दूत बरनत गुन गाथा॥ कहत राम जसु लंकाँ आए। रावन चरन सीस तिन्ह नाए ॥१॥
Turata nāi Lachimana pada māthā, Cale dūta baranata guna gāthā. Kahata Rāma jasu laṃkāṃ āe, Rāvana carana sīsa tinha nāe. (1)
301 of 344
बिहसि दसानन पूँछी बाता। कहसि न सुक आपनि कुसलाता॥ पुनि कहु खबरि बिभीषन केरी। जाहि मृत्यु आई अति नेरी ॥२॥
Bihasi Dasānana pūṃchī bātā, Kahasi na suka āpani kusalātā. Puni kahu khabari Bibhīṣana kerī, Jāhi mṛtyu āī ati nerī. (2)
302 of 344
करत राज लंका सठ त्यागी। होइहि जव कर कीट अभागी॥ पुनि कहु भालु कीस कटकाई। कठिन काल प्रेरित चलि आई ॥३॥
Karata rāja laṃkā saṭha tyāgī, Hoihi java kara kīṭa abhāgī. Puni kahu bhālu kīsa kaṭakāī, Kaṭhina kāla prerita cali āī. (3)
303 of 344
जिन्ह के जीवन कर रखवारा। भयउ मृदुल चित सिंधु बिचारा॥ कहु तपसिन्ह कै बात बहोरी। जिन्ह के हृदयँ त्रास अति मोरी ॥४॥
Jinha ke jīvana kara rakhavārā, Bhayau mṛdula cita siṃdhu bicārā. Kahu tapasinha kai bāta bahorī, Jinha ke hṛdayaṃ trāsa ati morī. (4)
304 of 344
दो०—की भइ भेंट कि फिरि गए श्रवन सुजसु सुनि मोर। कहसि न रिपु दल तेज बल बहुत चकित चित तोर ॥५३॥
Do—Kī bhai bheṃṭa ki phiri gae śravana sujasu suni mora, Kahasi na ripu dala teja bala bahuta cakita cita tora. (53)
305 of 344
नाथ कृपा करि पूँछेहु जैसें। मानहु कहा क्रोध तजि तैसें॥ मिला जाइ जब अनुज तुम्हारा। जातहिं राम तिलक तेहि सारा ॥१॥
Nātha kṛpā kari pūṃchehu jaiseṃ, Mānahu kahā krodha taji taiseṃ. Milā jāi jaba anuja tumhārā, Jātahiṃ Rāma tilaka tehi sārā. (1)
306 of 344
रावन दूत हमहि सुनि काना। कपिन्ह बाँधि दीन्हे दुख नाना॥ श्रवन नासिका काटैं लागे। राम सपथ दीन्हें हम त्यागे ॥२॥
Rāvana dūta hamahi suni kānā, Kapinha bāṃdhi dīnhe dukha nānā. Śravana nāsikā kāṭaiṃ lāge, Rāma sapatha dīnheṃ hama tyāge. (2)
307 of 344
पूँछिहु नाथ राम कटकाई। बदन कोटि सत बरनि न जाई॥ नाना बरन भालु कपि धारी। बिकटानन बिसाल भयकारी ॥३॥
Pūṃchihu nātha Rāma kaṭakāī, Badana koṭi sata barani na jāī. Nānā barana bhālu kapi dhārī, Bikaṭānana bisāla bhayakārī. (3)
308 of 344
जेहिं पुर दहेउ हतेउ सुत तोरा। सकल कपिन्ह महँ तेहि बलु थोरा॥ अमित नाम भट कठिन कराला। अमित नाग बल बिपुल बिसाला ॥४॥
Jehiṃ pura daheu hateu suta torā, Sakala kapinha mahaṃ tehi balu thorā. Amita nāma bhaṭ kaṭhina karālā, Amita nāga bala bipula bisālā. (4)
309 of 344
दो०—द्विबिद मयंद नील नल अंगद गद बिकटासि। दधिमुख केहरि निसठ सठ जामवंत बलरासि ॥५४॥
Do—Dvibida mayaṃda nīla nala aṃgada gada bikaṭāsi, Dadhimukha kehari nisaṭha saṭha Jāmavaṃta balarāsi. (54)
310 of 344
ए कपि सब सुग्रीव समाना। इन्ह सम कोटिन्ह गनइ को नाना॥ राम कृपाँ अतुलित बल तिन्हहीं। तृन समान त्रैलोकहि गनहीं ॥१॥
E kapi saba Sugrīva samānā, Inha sama koṭinha ganai ko nānā. Rāma kṛpāṃ atulita bala tinhahīṃ, Tṛna samāna trailokahi ganahīṃ. (1)
311 of 344
अस मैं सुना श्रवन दसकंधर। पदुम अठारह जूथप बंदर॥ नाथ कटक महँ सो कपि नाहीं। जो न तुम्हहि जीतै रन माहीं ॥२॥
Asa maiṃ sunā śravana dasakaṃdhara, Paduma aṭhāraha jūthapa baṃdara. Nātha kaṭaka mahaṃ so kapi nāhīṃ, Jo na tumhahi jītai rana māhīṃ. (2)
312 of 344
परम क्रोध मीजहिं सब हाथा। आयसु पै न देहिं रघुनाथा॥ सोषहिं सिंधु सहित झष ब्याला। पूरहिं न त भरि कुधर बिसाला ॥३॥
Parama krodha mījahiṃ saba hāthā, Āyasu pai na dehiṃ Raghunāthā. Soṣahiṃ siṃdhu sahita jhaṣ byālā, Pūrahiṃ na ta bhari kudhara bisālā. (3)
313 of 344
मर्दि गर्द मिलवहिं दससीसा। ऐसेइ बचन कहहिं सब कीसा॥ गर्जहिं तर्जहिं सहज असंका। मानहुँ ग्रसन चहत हहिं लंका ॥४॥
Mardi garda milavahiṃ dasasīsā, Aisei bacana kahahiṃ saba kīsā. Garjahiṃ tarjahiṃ sahaja asaṃkā, Mānahuṃ grasana cahata hahiṃ laṃkā. (4)
314 of 344
दो०—सहज सूर कपि भालु सब पुनि सिर पर प्रभु राम। रावन काल कोटि कहुँ जीति सकहिं संग्राम ॥५५॥
Do—Sahaja sūra kapi bhālu saba puni sira para prabhu Rāma, Rāvana kāla koṭi kahuṃ jīti sakahiṃ saṃgrāma. (55)
315 of 344
राम तेज बल बुधि बिपुलाई। सेष सहस सत सकहिं न गाई॥ सक सर एक सोषि सत सागर। तव भ्राति पूँछेउ नय नागर ॥१॥
Rāma teja bala budhi bipulāī, Seṣa sahasa sata sakahiṃ na gāī. Saka sara eka soṣi sata sāgara, Tava bhrāti pūṃcheu naya nāgara. (1)
316 of 344
तासु बचन सुनि सागर पाहीं। मागत पंथ कृपा मन माहीं॥ सुनत बचन बिहसा दससीसा। जौं असि मति सहाय कृत कीसा ॥२॥
Tāsu bacana suni sāgara pāhīṃ, Māgata paṃtha kṛpā mana māhīṃ. Sunata bacana bihasā dasasīsā, Jauṃ asi mati sahāya kṛta kīsā. (2)
317 of 344
सहज भीरु कर बचन दृढ़ाई। सागर सन ठानी मचलाई॥ मूढ़ मृषा का करसि बड़ाई। रिपु बल बुद्धि थाह मैं पाई ॥३॥
Sahaja bhīru kara bacana dṛṛhāī, Sāgara sana ṭhānī macalāī. Mūṛha mṛṣā kā karasi baṛāī, Ripu bala buddhi thāha maiṃ pāī. (3)
318 of 344
सचिव सभीत बिभीषन जाकें। बिजय बिभूति कहाँ जग ताकें॥ सुनि खल बचन दूत रिस बाढ़ी। समय बिचारि पत्रिका काढ़ी ॥४॥
Saciva sabhīta Bibhīṣana jākeṃ, Bijaya bibhūti kahāṃ jaga tākeṃ. Suni khala bacana dūta risa bāṛhī, Samaya bicāri patrikā kāṛhī. (4)
319 of 344
रामानुज दीन्ही यह पाती। नाथ बचाइ जुड़ावहु छाती॥ बिहसि बाम कर लीन्ही रावन। सचिव बोलि सठ लाग बचावन ॥५॥
Rāmānuja dīnhī yaha pātī, Nātha bacāi juṛāvahu chātī. Bihasi bāma kara līnhī Rāvana, Saciva boli saṭha lāga bacāvana. (5)
320 of 344
दो०—बातन्ह मनहि रिझाइ सठ जनि घालसि कुल खीस। राम बिरोध न उबरसि सरन बिष्नु अज ईस ॥५६(क)॥
Do—Bātanh manahi rijhāi saṭh jani ghālasi kul khīs, Rām birodh na ubarasi saran Biṣnu Aj Īs. (56a)
321 of 344
की तजि मान अनुज इव प्रभु पद पंकज भृंग। होहि कि राम सरानल खल कुल सहित पतंग ॥५६(ख)॥
Kī taji mān anuj iva prabhu pad paṅkaj bhṛaṅg, hohi ki Rām sarānal khal kul sahit pataṅg. (56b)
322 of 344
सुनत सभय मन मुख मुसुकाई। कहत दसानन सबहि सुनाई॥ भूमि परा कर गहत अकासा। लघु तापस कर बाग बिलासा ॥१॥
Sunat sabhay man mukh musukāī, kahat Dasānan sabahi sunāī. Bhūmi parā kar gahat akāsā, laghu tāpas kar bāg bilāsā. (1)
323 of 344
कह सुक नाथ सत्य सब बानी। समुझहु छाड़ि प्रकृति अभिमानी॥ सुनहु बचन मम परिहरि क्रोधा। नाथ राम सन तजहु बिरोधा ॥२॥
Kah Suk nāth satya sab bānī, samujhahu chhāḍi prakṛti abhimānī. Sunahu bachan mam parihari krodhā, nāth Rām san tajahu birodhā. (2)
324 of 344
अति कोमल रघुबीर सुभाऊ। जद्यपि अखिल लोक कर राऊ॥ मिलत कृपा तुम्ह पर प्रभु करिही। उर अपराध न एकउ धरिही ॥३॥
Ati komal Raghubīr subhāū, jadyapi akhil lok kar rāū. Milat kṛpā tumh par prabhu karihī, ur aparādh na ekau dharihī. (3)
325 of 344
जनकसुता रघुनाथहि दीजे। एतना कहा मोर प्रभु कीजे॥ जब तेहिं कहा देन बैदेही। चरन प्रहार कीन्ह सठ तेही ॥४॥
Janakasutā Raghunāthahi dīje, etanā kahā mor prabhu kīje. Jab tehiṅ kahā den Baidehī, charan prahār kīnh saṭh tehī. (4)
326 of 344
नाइ चरन सिरु चला सो तहाँ। कृपासिंधु रघुनायक जहाँ॥ करि प्रनामु निज कथा सुनाई। राम कृपाँ आपनि गति पाई ॥५॥
Nāi charan siru chalā so tahāṅ, kṛpāsindhu Raghunāyak jahāṅ. Kari pranāmu nij kathā sunāī, Rām kṛpāṅ āpani gati pāī. (5)
327 of 344
रिषि अगस्ति कीं साप भवानी। राछस भयउ रहा मुनि ग्यानी॥ बंदि राम पद बारहिं बारा। मुनि निज आश्रम कहुँ पगु धारा ॥६॥
Riṣi Agasti kīṅ sāp Bhavānī, rāchhas bhayau rahā muni gyānī. Bandi Rām pad bārahiṅ bārā, muni nij āśram kahuṅ pagu dhārā. (6)
328 of 344
दो०—बिनय न मानत जलधि जड़ गए तीनि दिन बीति। बोले राम सकोप तब भय बिनु होइ न प्रीति ॥५७॥
Do—Binay na mānat jaladhi jaṛ gae tīni din bīti, bole Rām sakop tab bhay binu hoi na prīti. (57)
329 of 344
लछिमन बान सरासन आनू। सोषौं बारिधि बिसिख कृसानू॥ सठ सन बिनय कुटिल सन प्रीती। सहज कृपन सन सुंदर नीती ॥१॥
Lachhiman bān sarāsan ānū, soṣauṅ bāridhi bisikh kṛsānū. Saṭh san binay kuṭil san prītī, sahaj kṛpan san sundar nītī. (1)
330 of 344
ममता रत सन ग्यान कहानी। अति लोभी सन बिरति बखानी॥ क्रोधिहि सम कामिहि हरिकथा। ऊसर बीज बएँ फल जथा ॥२॥
Mamatā rat san gyān kahānī, ati lobhī san birati bakhānī. Krodhihi sam kāmihi harikathā, ūsar bīj baeṅ phal jathā. (2)
331 of 344
अस कहि रघुपति चाप चढ़ावा। यह मत लछिमन के मन भावा॥ संधानेउ प्रभु बिसिख कराला। उठी उदधि उर अंतर ज्वाला ॥३॥
As kahi Raghupati chāp chaṛhāvā, yah mat Lachhiman ke man bhāvā. Sandhāneu prabhu bisikh karālā, uṭhī udadhi ur antar jvālā. (3)
332 of 344
मकर उरग झष गन अकुलाने। जरत जंतु जलनिधि जब जाने॥ कनक थार भरि मनि गन नाना। बिप्र रूप आयउ तजि माना ॥४॥
Makar urag jhaṣ gan akulāne, jarat jantu jalanidhi jab jāne. Kanak thār bhari mani gan nānā, bipra rūp āyau taji mānā. (4)
333 of 344
दो०—काटेहिं पइ कदरी फरइ कोटि जतन कोउ सींच। बिनय न मान खगेस सुनु डाटेहिं पइ नव नीच ॥५८॥
Do—Kāṭehiṅ pai kadarī pharai koṭi jatan kou sīṅch, binay na mān khages sunu ḍāṭehiṅ pai nav nīch. (58)
334 of 344
सभय सिंधु गहि पद प्रभु केरे। छमहु नाथ सब अवगुन मेरे॥ गगन समीर अनल जल धरनी। इन्ह कइ नाथ सहज जड़ करनी ॥१॥
Sabhay sindhu gahi pad prabhu kere, chhamahu nāth sab avagun mere. Gagan samīr anal jal dharanī, inh kai nāth sahaj jaṛ karanī. (1)
335 of 344
तव प्रेरित मायाँ उपजाए। सृष्टि हेतु सब ग्रंथनि गाए॥ प्रभु आयसु जेहि कहँ जस अहई। सो तेहि भाँति रहें सुख लहई ॥२॥
Tav prerit māyāṅ upajāe, sṛṣṭi hetu sab granthani gāe. Prabhu āyasu jehi kahaṅ jas ahaī, so tehi bhāṅti raheṅ sukh lahaī. (2)
336 of 344
प्रभु भल कीन्ह मोहि सिख दीन्ही। मरजादा पुनि तुम्हरी कीन्ही॥ ढोल गवाँर सूद्र पसु नारी। सकल ताड़ना के अधिकारी ॥३॥
Prabhu bhal kīnha mohi sikh dīnhī, marajādā puni tumharī kīnhī. Ḍhol gavāṅr sūdra pasu nārī, sakal tāṛanā ke adhikārī. (3)
337 of 344
प्रभु प्रताप मैं जाब सुखाई। उतरिहि कटकु न मोरि बड़ाई॥ प्रभु अग्या अपेल श्रुति गाई। करौं सो बेगि जो तुम्हहि सोहाई ॥४॥
Prabhu pratāp maiṅ jāb sukhāī, utarihi kaṭaku na mori baṛāī. Prabhu agyā apel śruti gāī, karauṅ so begi jo tumhahi sohāī. (4)
338 of 344
दो०—सुनत बिनीत बचन अति कह कृपाल मुसुकाइ। जेहि बिधि उतरै कपि कटकु तात सो कहहु उपाइ ॥५९॥
Do—Sunat binīt bachan ati kah kṛpāl musukāi, jehi bidhi utarai kapi kaṭaku tāt so kahahu upāi. (59)
339 of 344
नाथ नील नल कपि द्रौ भाई। लरिकाईं रिषि आसिष पाई॥ तिन्ह कें परस किएँ गिरि भारे। तरिहहिं जलधि प्रताप तुम्हारे ॥१॥
Nāth Nīl Nal kapi drau bhāī, larikāīṅ riṣi āsiṣ pāī. Tinh keṅ paras kieṅ giri bhāre, tarihahiṅ jaladhi pratāp tumhāre. (1)
340 of 344
मैं पुनि उर धरि प्रभु प्रभुताई। करिहउँ बल अनुमान सहाई॥ एहि बिधि नाथ पयोधि बँधाइअ। जेहिं यह सुजसु लोक तिहुँ गाइअ ॥२॥
Maiṅ puni ur dhari prabhu prabhutāī, karihauṅ bal anumān sahāī. Ehi bidhi nāth payodhi bandhāia, jehiṅ yah sujasu lok tihuṅ gāia. (2)
341 of 344
एहिं सर मम उत्तर तट बासी। हतहु नाथ खल नर अघ रासी॥ सुनि कृपाल सागर मन पीरा। तुरतहिं हरी राम रनधीरा ॥३॥
Ehiṅ sar mam uttar taṭ bāsī, hatahu nāth khal nar agh rāsī. Suni kṛpāl sāgar man pīrā, turatahiṅ harī Rām ranadhīrā. (3)
342 of 344
देखि राम बल पौरुष भारी। हरषि पयोनिधि भयउ सुखारी॥ सकल चरित कहि प्रभुहि सुनावा। चरन बंदि पाथोधि सिधावा ॥४॥
Dekhi Rām bal pauruṣ bhārī, haraṣi payonidhi bhayau sukhārī. Sakal charit kahi prabhuhi sunāvā, charan bandi pāthodhi sidhāvā. (4)
343 of 344
छं०—निज भवन गवनेउ सिंधु श्रीरघुपतिहि यह मत भायऊ। यह चरित कलि मलहर जथामति दास तुलसी गायऊ। सुख भवन संसय समन दवन बिषाद रघुपति गुन गना। तजि सकल आस भरोस गावहि सुनहि संतत सठ मना॥
Chhand—Nij bhavan gavaneu sindhu Śrīraghupatihi yah mat bhāyaū, yah charit kali malahar jathāmati dās Tulasī gāyaū. Sukh bhavan sansay saman davan biṣād Raghupati gun ganā, taji sakal ās bharos gāvahi sunahi santat saṭh manā.
344 of 344
दो०—सकल सुमंगल दायक रघुनायक गुन गान। सादर सुनहिं ते तरहिं भव सिंधु बिना जलजान ॥६०॥
Do—Sakal sumaṅgal dāyak Raghunāyak gun gān, sādar sunahiṅ te tarahiṅ bhav sindhu binā jalajān. (60)
https://www.bhajanusa.com
Viewed … times