Granth

६. युद्धकाण्ड · 6. Yuddha Kand

Tulsidas's Ramcharitmanas — Book 6, the full text of the war in Lanka, Rama's victory over Ravana, and Sita's return · Devanagari with English transliteration

हिन्दी

English

1 of 789

तुरत बिभीषन पाछें मेला। सन्मुख राम सहेउ सोइ सेला॥

Turat Bibhīṣan pāchheṅ melā, sanmukh Rām saheu soi selā.

2 of 789

रामं कामारिसेव्यं भवभयहरणं कालमत्तेभसिंहं योगीन्द्रं ज्ञानगम्यं गुणनिधिमजितं निर्गुणं निर्विकारम्। मायातीतं सुरेशं खलवधनिरतं ब्रह्मवृन्दैकदेवं वन्दे कन्दावदातं सरसिजनयनं देवमुर्वीशरूपम् ॥१॥

Rāmaṃ kāmārisevyaṃ bhavabhayaharaṇaṃ kālamattebhasiṃhaṃ yogīndraṃ jñānagamyaṃ guṇanidhimajitaṃ nirguṇaṃ nirvikāram. Māyātītaṃ sureśaṃ khalavadhanirataṃ brahmavṛndaikadevaṃ vande kandāvadātaṃ sarasijanayanaṃ devamurvīśarūpam.

3 of 789

शङ्खेन्द्वाभमतीवसुन्दरतनुं शार्दूलचर्माम्बरं कालव्यालकरालभूषणधरं गङ्गाशशाङ्कप्रियम्। काशीशं कलिकल्मषौघशमनं कल्याणकल्पद्रुमं नौमीड्यं गिरिजापतिं गुणनिधिं कन्दर्पहं शङ्करम् ॥२॥

Śaṅkhendvābhamatīvasundaratanuṃ śārdūlacharmāmbaraṃ kālavyālakarālabhūṣaṇadharaṃ gaṅgāśaśāṅkapriyam. Kāśīśaṃ kalikalmaṣaughaśamanaṃ kalyāṇakalpadrumaṃ naumīḍyaṃ girijāpatiṃ guṇanidhiṃ kandarpahaṃ śaṅkaram.

4 of 789

यो ददाति सतां शम्भुः कैवल्यमपि दुर्लभम्। खलानां दण्डकृद्योऽसौ शङ्करः शं तनोतु मे ॥३॥

Yo dadāti satāṃ śambhuḥ kaivalyamapi durlabham, khalānāṃ daṇḍakṛdyo'sau śaṅkaraḥ śaṃ tanotu me.

5 of 789

दो०—लव निमेष परमानु जुग बरष कलप सर चंड। भजसि न मन तेहि राम को कालु जासु कोदंड॥

Do—Lav nimeṣ paramānu jug baraṣ kalap sar chaṇḍ, bhajasi na man tehi Rām ko kālu jāsu kodaṇḍ.

6 of 789

सो०—सिंधु बचन सुनि राम सचिव बोलि प्रभु अस कहेउ। अब बिलंबु केहि काम करहु सेतु उतरै कटकु॥

So—Sindhu bachan suni Rām sachiv boli prabhu as kaheu, ab bilambu kehi kām karahu setu utarai kaṭaku.

7 of 789

सुनहु भानुकुल केतु जामवंत कर जोरि कह। नाथ नाम तव सेतु नर चढ़ि भव सागर तरहिं॥

Sunahu bhānukul ketu Jāmavant kar jori kah, nāth nām tav setu nar chaṛhi bhav sāgar tarahiṅ.

8 of 789

यह लघु जलधि तरत कति बारा। अस सुनि पुनि कह पवनकुमारा॥ प्रभु प्रताप बड़वानल भारी। सोषेउ प्रथम पयोनिधि बारी ॥१॥

Yah laghu jaladhi tarat kati bārā, as suni puni kah Pavanakumārā. Prabhu pratāp baṛavānal bhārī, soṣeu pratham payonidhi bārī. (1)

9 of 789

तव रिपु नारि रुदन जल धारा। भरेउ बहोरि भयउ तेहिं खारा॥ सुनि अति उकुति पवनसुत केरी। हरषे कपि रघुपति तन हेरी ॥२॥

Tav ripu nāri rudan jal dhārā, bhareu bahori bhayau tehiṅ khārā. Suni ati ukuti pavanasut kerī, haraṣe kapi Raghupati tan herī. (2)

10 of 789

जामवंत बोले दोउ भाई। नल नीलहि सब कथा सुनाई॥ राम प्रताप सुमिरि मन माहीं। करहु सेतु प्रयास कछु नाहीं ॥३॥

Jāmavant bole dou bhāī, Nal Nīlahi sab kathā sunāī. Rām pratāp sumiri man māhīṅ, karahu setu prayās kachhu nāhīṅ. (3)

11 of 789

बोलि लिए कपि निकर बहोरी। सकल सुनहु बिनती कछु मोरी॥ राम चरन पंकज उर धरहू। कौतुक एक भालु कपि करहू ॥४॥

Boli lie kapi nikar bahorī, sakal sunahu binatī kachhu morī. Rām charan paṅkaj ur dharahū, kautuk ek bhālu kapi karahū. (4)

12 of 789

धावहु मर्कट बिकट बरूथा। आनहु बिटप गिरिन्ह के जूथा॥ सुनि कपि भालु चले करि हूहा। जय रघुबीर प्रताप समूहा ॥५॥

Dhāvahu markaṭ bikaṭ barūthā, ānahu biṭap girinh ke jūthā. Suni kapi bhālu chale kari hūhā, jay Raghubīr pratāp samūhā. (5)

13 of 789

दो०—अति उतंग गिरि पादप लीलहिं लेहिं उठाइ। आनि देहिं नल नीलहि रचहिं ते सेतु बनाइ ॥१॥

Do—Ati utaṅg giri pādap līlahiṅ lehiṅ uṭhāi, āni dehiṅ Nal Nīlahi rachahiṅ te setu banāi. (1)

14 of 789

सैल बिसाल आनि कपि देहीं। कंदुक इव नल नील ते लेहीं॥ देखि सेतु अति सुंदर रचना। बिहसि कृपानिधि बोले बचना ॥१॥

Sail bisāl āni kapi dehīṅ, kanduk iva Nal Nīl te lehīṅ. Dekhi setu ati sundar rachanā, bihasi kṛpānidhi bole bachanā. (1)

15 of 789

परम रम्य उत्तम यह धरनी। महिमा अमित जाइ नहिं बरनी॥ करिहउँ इहाँ संभु थापना। मोरे हृदयँ परम कलपना ॥२॥

Param ramya uttam yah dharanī, mahimā amit jāi nahiṅ baranī. Karihauṅ ihāṅ Sambhu thāpanā, more hṛdayaṅ param kalapanā. (2)

16 of 789

सुनि कपीस बहु दूत पठाए। मुनिबर सकल बोलि लै आए॥ लिंग थापि बिधिवत करि पूजा। सिव समान प्रिय मोहि न दूजा ॥३॥

Suni kapīs bahu dūt paṭhāe, munibar sakal boli lai āe. Liṅg thāpi bidhivat kari pūjā, Siv samān priya mohi na dūjā. (3)

17 of 789

सिव द्रोही मम भगत कहावा। सो नर सपनेहुँ मोहि न पावा॥ संकर बिमुख भगति चह मोरी। सो नारकी मूढ़ मति थोरी ॥४॥

Siv drohī mam bhagat kahāvā, so nar sapanehuṅ mohi na pāvā. Saṅkar bimukh bhagati chah morī, so nārakī mūṛh mati thorī. (4)

18 of 789

दो०—संकरप्रिय मम द्रोही सिव द्रोही मम दास। ते नर करहिं कलप भरि घोर नरक महुँ बास ॥२॥

Do—Saṅkarapriya mam drohī Siv drohī mam dās, te nar karahiṅ kalap bhari ghor narak mahuṅ bās. (2)

19 of 789

जे रामेस्वर दरसनु करिहहिं। ते तनु तजि मम लोक सिधरिहहिं॥ जो गंगाजलु आनि चढ़ाइहि। सो साजुज्य मुक्ति नर पाइहि ॥१॥

Je Rāmesvar darasanu karihahiṅ, te tanu taji mam lok sidharihahiṅ. Jo gaṅgājalu āni chaṛhāihi, so sājujya mukti nar pāihi. (1)

20 of 789

होइ अकाम जो छल तजि सेइहि। भगति मोरि तेहि संकर देइहि॥ मम कृत सेतु जो दरसनु करिही। सो बिनु श्रम भवसागर तरिही ॥२॥

Hoi akām jo chhal taji seihi, bhagati mori tehi Saṅkar deihi. Mam kṛt setu jo darasanu karihī, so binu śram bhavasāgar tarihī. (2)

21 of 789

राम बचन सब के जिय भाए। मुनिबर निज निज आश्रम आए॥ गिरिजा रघुपति कै यह रीती। संतत करहिं प्रनत पर प्रीती ॥३॥

Rām bachan sab ke jiya bhāe, munibar nij nij āśram āe. Girijā Raghupati kai yah rītī, santat karahiṅ pranat par prītī. (3)

22 of 789

बाँधा सेतु नील नल नागर। राम कृपाँ जसु भयउ उजागर॥ बूड़हिं आनहि बोरहिं जेई। भए उपल बोहित सम तेई ॥४॥

Bāndhā setu Nīl Nal nāgar, Rām kṛpāṅ jasu bhayau ujāgar. Būṛahiṅ ānahi borahiṅ jeī, bhae upal bohit sam teī. (4)

23 of 789

महिमा यह न जलधि कइ बरनी। पाहन गुन न कपिन्ह कइ करनी ॥५॥

Mahimā yah na jaladhi kai baranī, pāhan gun na kapinh kai karanī. (5)

24 of 789

दो०—श्री रघुबीर प्रताप ते सिंधु तरे पाषान। ते मतिमंद जे राम तजि भजहिं जाइ प्रभु आन ॥३॥

Do—Śrī Raghubīr pratāp te sindhu tare pāṣān, te matimand je Rām taji bhajahiṅ jāi prabhu ān. (3)

25 of 789

बाँधि सेतु अति सुदृढ़ बनावा। देखि कृपानिधि के मन भावा॥ चली सेन कछु बरनि न जाई। गर्जहिं मर्कट भट समुदाई ॥१॥

Bāndhi setu ati sudṛṛh banāvā, dekhi kṛpānidhi ke man bhāvā. Chalī sen kachhu barani na jāī, garjahiṅ markaṭ bhaṭ samudāī. (1)

26 of 789

सेतुबंध ढिग चढ़ि रघुराई। चितव कृपाल सिंधु बहुताई॥ देखन कहुँ प्रभु करुना कंदा। प्रगट भए सब जलचर बृंदा ॥२॥

Setubandh ḍhig chaṛhi Raghurāī, chitav kṛpāl sindhu bahutāī. Dekhan kahuṅ prabhu karunā kandā, pragaṭ bhae sab jalachar bṛndā. (2)

27 of 789

मकर नक्र नाना झष ब्याला। सत जोजन तन परम बिसाला॥ अइसेउ एक तिन्हहि जे खाहीं। एकन्ह के डर तेपि डेराहीं ॥३॥

Makar nakra nānā jhaṣ byālā, sat jojan tan param bisālā. Aiseu ek tinhahi je khāhīṅ, ekanh ke ḍar tepi ḍerāhīṅ. (3)

28 of 789

प्रभुहि बिलोकहिं टरहिं न टारे। मन हरषित सब भए सुखारे॥ तिन्ह कीं ओट न देखिअ बारी। मगन भए हरि रूप निहारी ॥४॥

Prabhuhi bilokahiṅ ṭarahiṅ na ṭāre, man haraṣit sab bhae sukhāre. Tinh kīṅ oṭ na dekhia bārī, magan bhae Hari rūp nihārī. (4)

29 of 789

चला कटकु प्रभु आयसु पाई। को कहि सक कपि दल बिपुलाई ॥५॥

Chalā kaṭaku prabhu āyasu pāī, ko kahi sak kapi dal bipulāī. (5)

30 of 789

दो०—सेतुबंध भइ भीर अति कपि नभ पंथ उड़ाहिं। अपर जलचरन्हि ऊपर चढ़ि चढ़ि पारहि जाहिं ॥४॥

Do—Setubandh bhai bhīr ati kapi nabh panth uṛāhiṅ, apar jalacharanhi ūpar chaṛhi chaṛhi pārahi jāhiṅ. (4)

31 of 789

अस कौतुक बिलोकि द्वौ भाई। बिहँसि चले कृपाल रघुराई॥ सेन सहित उतरे रघुबीरा। कहि न जाइ कपि जूथप भीरा ॥१॥

As kautuk biloki dvau bhāī, bihaṅsi chale kṛpāl Raghurāī. Sen sahit utare Raghubīrā, kahi na jāi kapi jūthap bhīrā. (1)

32 of 789

सिंधु पार प्रभु डेरा कीन्हा। सकल कपिन्ह कहुँ आयसु दीन्हा॥ खाहु जाइ फल मूल सुहाए। सुनत भालु कपि जहँ तहँ धाए ॥२॥

Sindhu pār prabhu ḍerā kīnhā, sakal kapinh kahuṅ āyasu dīnhā. Khāhu jāi phal mūl suhāe, sunat bhālu kapi jahaṅ tahaṅ dhāe. (2)

33 of 789

सब तरु फरे राम हित लागी। रितु अरु कुरितु काल गति त्यागी॥ खाहिं मधुर फल बिटप हलावहिं। लंका सन्मुख सिखर चलावहिं ॥३॥

Sab taru phare Rām hit lāgī, ritu aru kuritu kāl gati tyāgī. Khāhiṅ madhur phal biṭap halāvahiṅ, Laṅkā sanmukh sikhar chalāvahiṅ. (3)

34 of 789

जहँ कहुँ फिरत निसाचर पावहिं। घेरि सकल बहु नाच नचावहिं॥ दसनन्हि काटि नासिका काना। कहि प्रभु सुजसु देहिं तब जाना ॥४॥

Jahaṅ kahuṅ phirat nisāchar pāvahiṅ, gheri sakal bahu nāch nachāvahiṅ. Dasananhi kāṭi nāsikā kānā, kahi prabhu sujasu dehiṅ tab jānā. (4)

35 of 789

जिन्ह कर नासा कान निपाता। तिन्ह रावनहि कही सब बाता॥ सुनत श्रवन बारिधि बंधाना। दस मुख बोलि उठा अकुलाना ॥५॥

Jinh kar nāsā kān nipātā, tinh Rāvanahi kahī sab bātā. Sunat śravan bāridhi bandhānā, das mukh boli uṭhā akulānā. (5)

36 of 789

दो०—बाँध्यो बननिधि नीरनिधि जलधि सिंधु बारीस। सत्य तोयनिधि कंपति उदधि पयोधि नदीस ॥५॥

Do—Bāṅdhyo bananidhi nīranidhi jaladhi sindhu bārīs, satya toyanidhi kaṅpati udadhi payodhi nadīs. (5)

37 of 789

निज बिकलता बिचारि बहोरी। बिहँसि गयउ गृह करि भय भोरी॥ मंदोदरीं सुन्यो प्रभु आयो। कौतुकहीं पाथोधि बँधायो ॥१॥

Nij bikalatā bichāri bahorī, bihaṅsi gayau gṛh kari bhay bhorī. Mandodarīṅ sunyo prabhu āyo, kautukahīṅ pāthodhi bandhāyo. (1)

38 of 789

कर गहि पतिहि भवन निज आनी। बोली परम मनोहर बानी॥ चरन नाइ सिरु अंचलु रोपा। सुनहु बचन पिय परिहरि कोपा ॥२॥

Kar gahi patihi bhavan nij ānī, bolī param manohar bānī. Charan nāi siru añchalu ropā, sunahu bachan piya parihari kopā. (2)

39 of 789

नाथ बयरु कीजे ताही सों। बुधि बल सकिअ जीति जाही सों॥ तुम्हहि रघुपतिहि अंतर कैसा। खलु खद्योत दिनकरहि जैसा ॥३॥

Nāth bayaru kīje tāhī soṅ, budhi bal sakia jīti jāhī soṅ. Tumhahi Raghupatihi antar kaisā, khalu khadyot dinakarahi jaisā. (3)

40 of 789

अति बल मधु कैटभ जेहिं मारे। महाबीर दितिसुत संघारे॥ जेहिं बलि बाँधि सहसभुज मारा। सोइ अवतरेउ हरन महि भारा ॥४॥

Ati bal Madhu Kaiṭabh jehiṅ māre, mahābīr ditisut saṅghāre. Jehiṅ Bali bāndhi Sahasabhuj mārā, soi avatareu haran mahi bhārā. (4)

41 of 789

तासु बिरोध न कीजिअ नाथा। काल करम जिव जाकें हाथा ॥५॥

Tāsu birodh na kījia nāthā, kāl karam jiv jākeṅ hāthā. (5)

42 of 789

दो०—रामहि सौंपि जानकी नाइ कमल पद माथ। सुत कहुँ राज समर्पि बन जाइ भजिअ रघुनाथ ॥६॥

Do—Rāmahi sauṅpi Jānakī nāi kamal pad māth, sut kahuṅ rāj samarpi ban jāi bhajia Raghunāth. (6)

43 of 789

नाथ दीनदयाल रघुराई। बाघउ सनमुख गएँ न खाई॥ चाहिअ करन सो सब करि बीते। तुम्ह सुर असुर चराचर जीते ॥१॥

Nāth dīnadayāl Raghurāī, bāghau sanamukh gaeṅ na khāī. Chāhia karan so sab kari bīte, tumh sur asur charāchar jīte. (1)

44 of 789

संत कहहिं असि नीति दसानन। चौथेंपन जाइहि नृप कानन॥ तासु भजनु कीजिअ तहँ भर्ता। जो कर्ता पालक संहर्ता ॥२॥

Sant kahahiṅ asi nīti Dasānan, chauthempan jāihi nṛp kānan. Tāsu bhajanu kījia tahaṅ bhartā, jo kartā pālak sanhartā. (2)

45 of 789

सोइ रघुबीर प्रनत अनुरागी। भजहु नाथ ममता सब त्यागी॥ मुनिबर जतनु करहिं जेहि लागी। भूप राजु तजि होहिं बिरागी ॥३॥

Soi Raghubīr pranat anurāgī, bhajahu nāth mamatā sab tyāgī. Munibar jatanu karahiṅ jehi lāgī, bhūp rāju taji hohiṅ birāgī. (3)

46 of 789

सोइ कोसलाधीस रघुराया। आयउ करन तोहि पर दाया॥ जौं पिय मानहु मोर सिखावन। सुजसु होइ तिहुँ पुर अति पावन ॥४॥

Soi Kosalādhīs Raghurāyā, āyau karan tohi par dāyā. Jauṅ piya mānahu mor sikhāvan, sujasu hoi tihuṅ pur ati pāvan. (4)

47 of 789

दो०—अस कहि नयन नीर भरि गहि पद कंपित गात। नाथ भजहु रघुनाथहि अचल होइ अहिवात ॥७॥

Do—As kahi nayan nīr bhari gahi pad kampit gāt, nāth bhajahu Raghunāthahi achal hoi ahivāt. (7)

48 of 789

तब रावन मयसुता उठाई। कहै लाग खल निज प्रभुताई॥ सुनु तैं प्रिया बृथा भय माना। जग जोधा को मोहि समाना ॥१॥

Tab Rāvan Mayasutā uṭhāī, kahai lāg khal nij prabhutāī. Sunu taiṅ priyā bṛthā bhay mānā, jag jodhā ko mohi samānā. (1)

49 of 789

बरुन कुबेर पवन जम काला। भुजबल जितेउँ सकल दिगपाला॥ देव दनुज नर सब बस मोरें। कवन हेतु उपजा भय तोरें ॥२॥

Barun Kuber pavan Jam kālā, bhujabal jiteuṅ sakal digapālā. Dev danuj nar sab bas moreṅ, kavan hetu upajā bhay toreṅ. (2)

50 of 789

नाना बिधि तेहि कहेसि बुझाई। सभाँ बहोरि बैठ सो जाई॥ मंदोदरीं हृदयँ अस जाना। काल बस्य उपजा अभिमाना ॥३॥

Nānā bidhi tehi kahesi bujhāī, sabhāṅ bahori baiṭh so jāī. Mandodarīṅ hṛdayaṅ as jānā, kāl basya upajā abhimānā. (3)

51 of 789

सभाँ आइ मंत्रिन्ह तेहिं बूझा। करब कवन बिधि रिपु सैं जूझा॥ कहहिं सचिव सुनु निसिचर नाहा। बार बार प्रभु पूछहु काहा ॥४॥

Sabhāṅ āi mantrinh tehiṅ būjhā, karab kavan bidhi ripu saiṅ jūjhā. Kahahiṅ sachiv sunu nisichar nāhā, bār bār prabhu pūchhahu kāhā. (4)

52 of 789

कहहु कवन भय करिअ बिचारा। नर कपि भालु अहार हमारा ॥५॥

Kahahu kavan bhay karia bichārā, nar kapi bhālu ahār hamārā. (5)

53 of 789

दो०—सब के बचन श्रवन सुनि कह प्रहस्त कर जोरि। नीति बिरोध न करिअ प्रभु मंत्रिन्ह मति अति थोरि ॥८॥

Do—Sab ke bachan śravan suni kah Prahast kar jori, nīti birodh na karia prabhu mantrinh mati ati thori. (8)

54 of 789

कहहिं सचिव सठ ठकुरसोहाती। नाथ न पूर आव एहि भाँती॥ बारिधि नाघि एक कपि आवा। तासु चरित मन महुँ सबु गावा ॥१॥

Kahahiṅ sachiv saṭh ṭhakurasohātī, nāth na pūr āv ehi bhāṅtī. Bāridhi nāghi ek kapi āvā, tāsu charit man mahuṅ sabu gāvā. (1)

55 of 789

छुधा न रही तुम्हहि तब काहू। जारत नगरु कस न धरि खाहू॥ सुनत नीक आगें दुख पावा। सचिवन अस मत प्रभुहि सुनावा ॥२॥

Chhudhā na rahī tumhahi tab kāhū, jārat nagaru kas na dhari khāhū. Sunat nīk āgeṅ dukh pāvā, sachivan as mat prabhuhi sunāvā. (2)

56 of 789

जेहिं बारीस बँधायउ हेला। उतरेउ सेन समेत सुबेला॥ सो भनु मनुज खाब हम भाई। बचन कहहिं सब गाल फुलाई ॥३॥

Jehiṅ bārīs bandhāyau helā, utareu sen samet Subelā. So bhanu manuj khāb ham bhāī, bachan kahahiṅ sab gāl phulāī. (3)

57 of 789

तात बचन मम सुनु अति आदर। जनि मन गुनहु मोहि करि कादर॥ प्रिय बानी जे सुनहिं जे कहहीं। ऐसे नर निकाय जग अहहीं ॥४॥

Tāt bachan mam sunu ati ādar, jani man gunahu mohi kari kādar. Priya bānī je sunahiṅ je kahahīṅ, aise nar nikāy jag ahahīṅ. (4)

58 of 789

बचन परम हित सुनत कठोरे। सुनहिं जे कहहिं ते नर प्रभु थोरे॥ प्रथम बसीठ पठउ सुनु नीती। सीता देइ करहु पुनि प्रीती ॥५॥

Bachan param hit sunat kaṭhore, sunahiṅ je kahahiṅ te nar prabhu thore. Pratham basīṭh paṭhau sunu nītī, Sītā dei karahu puni prītī. (5)

59 of 789

दो०—नारि पाइ फिरि जाहिं जौं तौ न बढ़ाइअ रारि। नाहिं त सन्मुख समर महि तात करिअ हठि मारि ॥९॥

Do—Nāri pāi phiri jāhiṅ jauṅ tau na baṛhāia rāri, nāhiṅ ta sanmukh samar mahi tāt karia haṭhi māri. (9)

60 of 789

यह मत जौं मानहु प्रभु मोरा। उभय प्रकार सुजसु जग तोरा॥ सुत सन कह दसकंठ रिसाई। असि मति सठ केहिं तोहि सिखाई ॥१॥

Yah mat jauṅ mānahu prabhu morā, ubhay prakār sujasu jag torā. Sut san kah Dasakaṅṭh risāī, asi mati saṭh kehiṅ tohi sikhāī. (1)

61 of 789

अबहीं ते उर संसय होई। बेनुमूल सुत भयहु घमोई॥ सुनि पितु गिरा परुष अति घोरा। चला भवन कहि बचन कठोरा ॥२॥

Abahīṅ te ur sansay hoī, benumūl sut bhayahu ghamoī. Suni pitu girā paruṣ ati ghorā, chalā bhavan kahi bachan kaṭhorā. (2)

62 of 789

हित मत तोहि न लागत कैसें। काल बिबस कहुँ भेषज जैसें॥ संध्या समय जानि दससीसा। भवन चलेउ निरखत भुज बीसा ॥३॥

Hit mat tohi na lāgat kaiseṅ, kāl bibas kahuṅ bheṣaj jaiseṅ. Sandhyā samay jāni Dasasīsā, bhavan chaleu nirakhat bhuj bīsā. (3)

63 of 789

लंका सिखर उपर आगारा। अति बिचित्र तहँ होइ अखारा॥ बैठ जाइ तेहिं मंदिर रावन। लागे किंनर गुन गन गावन ॥४॥

Laṅkā sikhar upar āgārā, ati bichitra tahaṅ hoi akhārā. Baiṭh jāi tehiṅ mandir Rāvan, lāge kiṅnar gun gan gāvan. (4)

64 of 789

बाजहिं ताल पखाउज बीना। नृत्य करहिं अपछरा प्रबीना ॥५॥

Bājahiṅ tāl pakhāuj bīnā, nṛtya karahiṅ apachharā prabīnā. (5)

65 of 789

दो०—सुनासीर सत सरिस सो संतत करइ बिलास। परम प्रबल रिपु सीस पर तद्यपि सोच न त्रास ॥१०॥

Do—Sunāsīr sat saris so santat karai bilās, param prabal ripu sīs par tadyapi soch na trās. (10)

66 of 789

इहाँ सुबेल सैल रघुबीरा। उतरे सेन सहित अति भीरा॥ सिखर एक उतंग अति देखी। परम रम्य सम सुभ बिसेषी ॥१॥

Ihāṅ Subel sail Raghubīrā, utare sen sahit ati bhīrā. Sikhar ek utaṅg ati dekhī, param ramya sam subh biseṣī. (1)

67 of 789

तहँ तरु किसलय सुमन सुहाए। लछिमन रचि निज हाथ डसाए॥ ता पर रुचिर मृदुल मृगछाला। तेहि आसन आसीन कृपाला ॥२॥

Tahaṅ taru kisalay suman suhāe, Lachhiman rachi nij hāth ḍasāe. Tā par ruchir mṛdul mṛgachhālā, tehi āsan āsīn kṛpālā. (2)

68 of 789

प्रभु कृत सीस कपीस उछंगा। बाम दहिन दिसि चाप निषंगा॥ दुहुँ कर कमल सुधारत बाना। कह लंकेस मंत्र लगि काना ॥३॥

Prabhu kṛt sīs Kapīs uchhaṅgā, bām dahin disi chāp niṣaṅgā. Duhuṅ kar kamal sudhārat bānā, kah Laṅkes mantra lagi kānā. (3)

69 of 789

बड़भागी अंगद हनुमाना। चरन कमल चापत बिधि नाना॥ प्रभु पाछें लछिमन बीरासन। कटि निषंग कर बान सरासन ॥४॥

Baṛabhāgī Aṅgad Hanumānā, charan kamal chāpat bidhi nānā. Prabhu pāchheṅ Lachhiman bīrāsan, kaṭi niṣaṅg kar bān sarāsan. (4)

70 of 789

दो०—एहि बिधि कृपा रूप गुन धाम रामु आसीन। धन्य ते नर एहिं ध्यान जे रहत सदा लयलीन ॥११(क)॥

Do—Ehi bidhi kṛpā rūp gun dhām Rāmu āsīn, dhanya te nar ehiṅ dhyān je rahat sadā layalīn. (11 ka)

71 of 789

पूरब दिसा बिलोकि प्रभु देखा उदित मयंक। कहत सबहि देखहु ससिहि मृगपति सरिस असंक ॥११(ख)॥

Pūrab disā biloki prabhu dekhā udit mayaṅk, kahat sabahi dekhahu sasihi mṛgapati saris asaṅk. (11 kha)

72 of 789

पूरब दिसि गिरिगुहा निवासी। परम प्रताप तेज बल रासी॥ मत्त नाग तम कुंभ बिदारी। ससि केसरी गगन बन चारी ॥१॥

Pūrab disi giriguhā nivāsī, param pratāp tej bal rāsī. Matta nāg tam kumbh bidārī, sasi kesarī gagan ban chārī. (1)

73 of 789

बिथुरे नभ मुकुताहल तारा। निसि सुंदरी केर सिंगारा॥ कह प्रभु ससि महुँ मेचकताई। कहहु काह निज निज मति भाई ॥२॥

Bithure nabh mukutāhal tārā, nisi sundarī ker siṅgārā. Kah prabhu sasi mahuṅ mechakatāī, kahahu kāh nij nij mati bhāī. (2)

74 of 789

कह सुग्रीव सुनहु रघुराई। ससि महुँ प्रगट भूमि कै झाँई॥ मारेउ राहु ससिहि कह कोई। उर महँ परी स्यामता सोई ॥३॥

Kah Sugrīv sunahu Raghurāī, sasi mahuṅ pragaṭ bhūmi kai jhāṅī. Māreu Rāhu sasihi kah koī, ur mahaṅ parī syāmatā soī. (3)

75 of 789

कोउ कह जब बिधि रति मुख कीन्हा। सार भाग ससि कर हरि लीन्हा॥ छिद्र सो प्रगट इंदु उर माहीं। तेहि मग देखिअ नभ परिछाहीं ॥४॥

Kou kah jab bidhi Rati mukh kīnhā, sār bhāg sasi kar hari līnhā. Chhidra so pragaṭ indu ur māhīṅ, tehi mag dekhia nabh parichhāhīṅ. (4)

76 of 789

प्रभु कह गरल बंधु ससि केरा। अति प्रिय निज उर दीन्ह बसेरा॥ बिष संजुत कर निकर पसारी। जारत बिरहवंत नर नारी ॥५॥

Prabhu kah garal bandhu sasi kerā, ati priya nij ur dīnh baserā. Biṣ sanjut kar nikar pasārī, jārat birahavant nar nārī. (5)

77 of 789

दो०—कह हनुमंत सुनहु प्रभु ससि तुम्हार प्रिय दास। तव मूरति बिधु उर बसति सोइ स्यामता अभास ॥१२(क)॥

Do—Kah Hanumant sunahu prabhu sasi tumhār priya dās, tav mūrati bidhu ur basati soi syāmatā abhās. (12 ka)

78 of 789

पवन तनय के बचन सुनि बिहँसे रामु सुजान। दच्छिन दिसि अवलोकि प्रभु बोले कृपा निधान ॥१२(ख)॥

Pavan tanay ke bachan suni bihaṅse Rāmu sujān, dachhin disi avaloki prabhu bole kṛpā nidhān. (12 kha)

79 of 789

देखु बिभीषन दच्छिन आसा। घन घमंड दामिनी बिलासा॥ मधुर मधुर गरजइ घन घोरा। होइ बृष्टि जनि उपल कठोरा ॥१॥

Dekhu Bibhīṣan dachhin āsā, ghan ghamaṇḍ dāminī bilāsā. Madhur madhur garajai ghan ghorā, hoi bṛṣṭi jani upal kaṭhorā. (1)

80 of 789

कहत बिभीषन सुनहु कृपाला। होइ न तड़ित न बारिद माला॥ लंका सिखर उपर आगारा। तहँ दसकंधर देख अखारा ॥२॥

Kahat Bibhīṣan sunahu kṛpālā, hoi na taṛit na bārid mālā. Laṅkā sikhar upar āgārā, tahaṅ Dasakandhar dekh akhārā. (2)

81 of 789

छत्र मेघडंबर सिर धारी। सोइ जनु जलद घटा अति कारी॥ मंदोदरी श्रवन ताटंका। सोइ प्रभु जनु दामिनी दमंका ॥३॥

Chhatra meghaḍambar sir dhārī, soi janu jalad ghaṭā ati kārī. Mandodarī śravan tāṭaṅkā, soi prabhu janu dāminī damaṅkā. (3)

82 of 789

बाजहिं ताल मृदंग अनूपा। सोइ रव मधुर सुनहु सुरभूपा॥ प्रभु मुसुकान समुझि अभिमाना। चाप चढ़ाइ बान संधाना ॥४॥

Bājahiṅ tāl mṛdaṅg anūpā, soi rav madhur sunahu surabhūpā. Prabhu musukān samujhi abhimānā, chāp chaṛhāi bān sandhānā. (4)

83 of 789

दो०—छत्र मुकुट ताटंक तब हते एकहीं बान। सब कें देखत महि परे मरमु न कोऊ जान ॥१३(क)॥

Do—Chhatra mukuṭ tāṭaṅk tab hate ekahīṅ bān, sab keṅ dekhat mahi pare maramu na koū jān. (13 ka)

84 of 789

अस कौतुक करि राम सर प्रबिसेउ आइ निषंग। रावन सभा ससंक सब देखि महा रसभंग ॥१३(ख)॥

As kautuk kari Rām sar prabiseu āi niṣaṅg, Rāvan sabhā sasaṅk sab dekhi mahā rasabhaṅg. (13 kha)

85 of 789

कंप न भूमि न मरुत बिसेषा। अस्त्र सस्त्र कछु नयन न देखा॥ सोचहिं सब निज हृदय मझारी। असगुन भयउ भयंकर भारी ॥१॥

Kamp na bhūmi na marut biseṣā, astra sastra kachhu nayan na dekhā. Sochahiṅ sab nij hṛday majhārī, asagun bhayau bhayaṅkar bhārī. (1)

86 of 789

दसमुख देखि सभा भय पाई। बिहसि बचन कह जुगुति बनाई॥ सिरउ गिरे संतत सुभ जाही। मुकुट परे कस असगुन ताही ॥२॥

Dasamukh dekhi sabhā bhay pāī, bihasi bachan kah jugati banāī. Sirau gire santat subh jāhī, mukuṭ pare kas asagun tāhī. (2)

87 of 789

सयन करहु निज निज गृह जाई। गवने भवन सकल सिर नाई॥ मंदोदरी सोच उर बसेऊ। जब ते श्रवनपूर महि खसेऊ ॥३॥

Sayan karahu nij nij gṛh jāī, gavane bhavan sakal sir nāī. Mandodarī soch ur baseū, jab te śravanapūr mahi khaseū. (3)

88 of 789

सजल नयन कह जुग कर जोरी। सुनहु प्रानपति बिनती मोरी॥ कंत राम बिरोध परिहरहू। जानि मनुज जनि हठ मन धरहू ॥४॥

Sajal nayan kah jug kar jorī, sunahu prānapati binatī morī. Kant Rām birodh pariharahū, jāni manuj jani haṭh man dharahū. (4)

89 of 789

दो०—बिस्वरूप रघुबंस मनि करहु बचन बिस्वासु। लोक कल्पना बेद कर अंग अंग प्रति जासु ॥१४॥

Do—Bisvarūp Raghubans mani karahu bachan bisvāsu, lok kalpanā bed kar aṅg aṅg prati jāsu. (14)

90 of 789

पद पाताल सीस अज धामा। अपर लोक अँग अँग बिश्रामा॥ भृकुटि बिलास भयंकर काला। नयन दिवाकर कच घन माला ॥१॥

Pad pātāl sīs aj dhāmā, apar lok aṅg aṅg biśrāmā. Bhṛkuṭi bilās bhayaṅkar kālā, nayan divākar kach ghan mālā. (1)

91 of 789

जासु घ्रान अस्विनीकुमारा। निसि अरु दिवस निमेष अपारा॥ श्रवन दिसा दस बेद बखानी। मारुत स्वास निगम निज बानी ॥२॥

Jāsu ghrān asvinīkumārā, nisi aru divas nimeṣ apārā. Śravan disā das bed bakhānī, mārut swās nigam nij bānī. (2)

92 of 789

अधर लोभ जम दसन कराला। माया हास बाहु दिगपाला॥ आनन अनल अंबुपति जीहा। उतपति पालन प्रलय समीहा ॥३॥

Adhar lobh Jam dasan karālā, māyā hās bāhu digapālā. Ānan anal ambupati jīhā, utapati pālan pralay samīhā. (3)

93 of 789

रोम राजि अष्टादस भारा। अस्थि सैल सरिता नस जारा॥ उदर उदधि अधगो जातना। जगमय प्रभु का बहु कलपना ॥४॥

Rom rāji aṣṭādas bhārā, asthi sail saritā nas jārā. Udar udadhi adhago jātanā, jagamay prabhu kā bahu kalapanā. (4)

94 of 789

दो०—अहंकार सिव बुद्धि अज मन ससि चित्त महान। मनुज बास सचराचर रूप राम भगवान ॥१५(क)॥

Do—Ahaṅkār Siv buddhi aj man sasi chitta mahān, manuj bās sacharāchar rūp Rām bhagavān. (15 ka)

95 of 789

अस बिचारि सुनु प्रानपति प्रभु सन बयरु बिहाइ। प्रीति करहु रघुबीर पद मम अहिवात न जाइ ॥१५(ख)॥

As bichāri sunu prānapati prabhu san bayaru bihāi, prīti karahu Raghubīr pad mam ahivāt na jāi. (15 kha)

96 of 789

बिहँसा नारि बचन सुनि काना। अहो मोह महिमा बलवाना॥ नारि सुभाउ सत्य सब कहहीं। अवगुन आठ सदा उर रहहीं ॥१॥

Bihaṅsā nāri bachan suni kānā, aho moh mahimā balavānā. Nāri subhāu satya sab kahahīṅ, avagun āṭh sadā ur rahahīṅ. (1)

97 of 789

साहस अनृत चपलता माया। भय अबिबेक असौच अदाया॥ रिपु कर रूप सकल तैं गावा। अति बिसाल भय मोहि सुनावा ॥२॥

Sāhas anṛt chapalatā māyā, bhay abibek asauch adāyā. Ripu kar rūp sakal taiṅ gāvā, ati bisāl bhay mohi sunāvā. (2)

98 of 789

सो सब प्रिया सहज बस मोरें। समुझि परा प्रसाद अब तोरें॥ जानिउँ प्रिया तोरि चतुराई। एहि बिधि कहहु मोरि प्रभुताई ॥३॥

So sab priyā sahaj bas moreṅ, samujhi parā prasād ab toreṅ. Jāniuṅ priyā tori chaturāī, ehi bidhi kahahu mori prabhutāī. (3)

99 of 789

तव बतकही गूढ़ मृगलोचनि। समुझत सुखद सुनत भय मोचनि॥ मंदोदरि मन महुँ अस ठयऊ। पियहि काल बस मतिभ्रम भयऊ ॥४॥

Tav batakahī gūṛh mṛgalochani, samujhat sukhad sunat bhay mochani. Mandodari man mahuṅ as ṭhayaū, piyahi kāl bas matibhram bhayaū. (4)

100 of 789

दो०—एहि बिधि करत बिनोद बहु प्रात प्रगट दसकंध। सहज असंक लंकपति सभाँ गयउ मद अंध ॥१६(क)॥

Do—Ehi bidhi karat binod bahu prāt pragaṭ Dasakandh, sahaj asaṅk Laṅkapati sabhāṅ gayau mad andh. (16 ka)

101 of 789

सो०—फूलइ फरइ न बेत जदपि सुधा बरषहिं जलद। मूरुख हृदयँ न चेत जौं गुर मिलहिं बिरंचि सम ॥१६(ख)॥

So—Phūlai pharai na bet jadapi sudhā baraṣahiṅ jalad, mūrukh hṛdayaṅ na chet jauṅ gur milahiṅ biranchi sam. (16 kha)

102 of 789

इहाँ प्रात जागे रघुराई। पूछा मत सब सचिव बोलाई॥ कहहु बेगि का करिअ उपाई। जामवंत कह पद सिरु नाई ॥१॥

Ihāṅ prāt jāge Raghurāī, pūchhā mat sab sachiv bolāī. Kahahu begi kā karia upāī, Jāmavant kah pad siru nāī. (1)

103 of 789

सुनु सर्बग्य सकल उर बासी। बुधि बल तेज धर्म गुन रासी॥ मंत्र कहउँ निज मति अनुसारा। दूत पठाइअ बालिकुमारा ॥२॥

Sunu sarbagya sakal ur bāsī, budhi bal tej dharma gun rāsī. Mantra kahauṅ nij mati anusārā, dūt paṭhāia Bālikumārā. (2)

104 of 789

नीक मंत्र सब कें मन माना। अंगद सन कह कृपानिधाना॥ बालितनय बुधि बल गुन धामा। लंका जाहु तात मम कामा ॥३॥

Nīk mantra sab keṅ man mānā, Aṅgad san kah kṛpānidhānā. Bālitanay budhi bal gun dhāmā, Laṅkā jāhu tāt mam kāmā. (3)

105 of 789

बहुत बुझाइ तुम्हहि का कहऊँ। परम चतुर मैं जानत अहऊँ॥ काजु हमार तासु हित होई। रिपु सन करेहु बतकही सोई ॥४॥

Bahut bujhāi tumhahi kā kahaūṅ, param chatur maiṅ jānat ahaūṅ. Kāju hamār tāsu hit hoī, ripu san karehu batakahī soī. (4)

106 of 789

सो०—प्रभु अग्या धरि सीस चरन बंदि अंगद उठेउ। सोइ गुन सागर ईस राम कृपा जा पर करहु ॥१७(क)॥

So—Prabhu agyā dhari sīs charan bandi Aṅgad uṭheu, soi gun sāgar īs Rām kṛpā jā par karahu. (17 ka)

107 of 789

स्वयंसिद्ध सब काज नाथ मोहि आदरु दियउ। अस बिचारि जुबराज तन पुलकित हरषित हियउ ॥१७(ख)॥

Svayaṅsiddha sab kāj nāth mohi ādaru diyau, as bichāri jubarāj tan pulakit haraṣit hiyau. (17 kha)

108 of 789

बंदि चरन उर धरि प्रभुताई। अंगद चलेउ सबहि सिरु नाई॥ प्रभु प्रताप उर सहज असंका। रन बाँकुरा बालिसुत बंका ॥१॥

Bandi charan ur dhari prabhutāī, Aṅgad chaleu sabahi siru nāī. Prabhu pratāp ur sahaj asaṅkā, ran bāṅkurā Bālisut baṅkā. (1)

109 of 789

पुर पैठत रावन कर बेटा। खेलत रहा सो होइ गै भेटा॥ बातहिं बात करष बढ़ि आई। जुगल अतुल बल पुनि तरुनाई ॥२॥

Pur paiṭhat Rāvan kar beṭā, khelat rahā so hoi gai bheṭā. Bātahiṅ bāt karaṣ baṛhi āī, jugal atul bal puni tarunāī. (2)

110 of 789

तेहिं अंगद कहुँ लात उठाई। गहि पद पटकेउ भूमि भवाँई॥ निसिचर निकर देखि भट भारी। जहँ तहँ चले न सकहिं पुकारी ॥३॥

Tehiṅ Aṅgad kahuṅ lāt uṭhāī, gahi pad paṭakeu bhūmi bhavāṅī. Nisichar nikar dekhi bhaṭ bhārī, jahaṅ tahaṅ chale na sakahiṅ pukārī. (3)

111 of 789

एक एक सन मरमु न कहहीं। समुझि तासु बध चुप करि रहहीं॥ भयउ कोलाहल नगर मझारी। आवा कपि लंका जेहिं जारी ॥४॥

Ek ek san maramu na kahahīṅ, samujhi tāsu badh chup kari rahahīṅ. Bhayau kolāhal nagar majhārī, āvā kapi Laṅkā jehiṅ jārī. (4)

112 of 789

अब धौं कहा करिहि करतारा। अति सभीत सब करहिं बिचारा॥ बिनु पूछें मगु देहिं दिखाई। जेहि बिलोक सोइ जाइ सुखाई ॥५॥

Ab dhau kahā karihi kartārā, ati sabhīt sab karahiṅ bichārā. Binu pūchheṅ magu dehiṅ dikhāī, jehi bilok soi jāi sukhāī. (5)

113 of 789

दो०—गयउ सभा दरबार तब सुमिरि राम पद कंज। सिंह ठवनि इत उत चितव धीर बीर बल पुंज ॥१८॥

Do—Gayau sabhā darbār tab sumiri Rām pad kanj, siṅh ṭhavani it ut chitav dhīr bīr bal puṅj. (18)

114 of 789

तुरत निसाचर एक पठावा। समाचार रावनहि जनावा॥ सुनत बिहँसि बोला दससीसा। आनहु बोलि कहाँ कर कीसा ॥१॥

Turat nisāchar ek paṭhāvā, samāchār Rāvanahi janāvā. Sunat bihaṅsi bolā Dasasīsā, ānahu boli kahāṅ kar kīsā. (1)

115 of 789

आयसु पाइ दूत बहु धाए। कपिकुंजरहि बोलि लै आए॥ अंगद दीख दसानन बैसें। सहित प्रान कज्जलगिरि जैसें ॥२॥

Āyasu pāi dūt bahu dhāe, kapikuṅjarahi boli lai āe. Aṅgad dīkh Dasānan baiseṅ, sahit prān kajjalagiri jaiseṅ. (2)

116 of 789

भुजा बिटप सिर सृंग समाना। रोमावली लता जनु नाना॥ मुख नासिका नयन अरु काना। गिरि कंदरा खोह अनुमाना ॥३॥

Bhujā biṭap sir sṛṅg samānā, romāvalī latā janu nānā. Mukh nāsikā nayan aru kānā, giri kandarā khoh anumānā. (3)

117 of 789

गयउ सभाँ मन नेकु न मुरा। बालितनय अतिबल बाँकुरा॥ उठे सभासद कपि कहुँ देखी। रावन उर भा क्रोध बिसेषी ॥४॥

Gayau sabhāṅ man neku na murā, Bālitanay atibal bāṅkurā. Uṭhe sabhāsad kapi kahuṅ dekhī, Rāvan ur bhā krodh biseṣī. (4)

118 of 789

दो०—जथा मत्त गज जूथ महुँ पंचानन चलि जाइ। राम प्रताप सुमिरि मन बैठ सभाँ सिरु नाइ ॥१९॥

Do—Jathā matta gaj jūth mahuṅ panchānan chali jāi, Rām pratāp sumiri man baiṭh sabhāṅ siru nāi. (19)

119 of 789

कह दसकंठ कवन तैं बंदर। मैं रघुबीर दूत दसकंधर॥ मम जनकहि तोहि रही मिताई। तव हित कारन आयउँ भाई ॥१॥

Kah Dasakaṅṭh kavan taiṅ bandar, maiṅ Raghubīr dūt Dasakandhar. Mam janakahi tohi rahī mitāī, tav hit kāran āyauṅ bhāī. (1)

120 of 789

उत्तम कुल पुलस्ति कर नाती। सिव बिरंचि पूजेहु बहु भाँती॥ बर पायहु कीन्हेहु सब काजा। जीतेहु लोकपाल सब राजा ॥२॥

Uttam kul Pulasti kar nātī, Siv Biranchi pūjehu bahu bhāṅtī. Bar pāyahu kīnhehu sab kājā, jītehu lokapāl sab rājā. (2)

121 of 789

नृप अभिमान मोह बस किंबा। हरि आनिहु सीता जगदंबा॥ अब सुभ कहा सुनहु तुम्ह मोरा। सब अपराध छमिहि प्रभु तोरा ॥३॥

Nṛp abhimān moh bas kiṅbā, hari ānihu Sītā jagadambā. Ab subh kahā sunahu tumh morā, sab aparādh chhamihi prabhu torā. (3)

122 of 789

दसन गहहु तृन कंठ कुठारी। परिजन सहित संग निज नारी॥ सादर जनकसुता करि आगें। एहि बिधि चलहु सकल भय त्यागें ॥४॥

Dasan gahahu tṛn kaṇṭh kuṭhārī, parijan sahit saṅg nij nārī. Sādar Janakasutā kari āgeṅ, ehi bidhi chalahu sakal bhay tyāgeṅ. (4)

123 of 789

दो०—प्रनतपाल रघुबंसमनि त्राहि त्राहि अब मोहि। आरत गिरा सुनत प्रभु अभय करैगो तोहि ॥२०॥

Do—Pranatapāl Raghubansamani trāhi trāhi ab mohi, ārat girā sunat prabhu abhay karaigo tohi. (20)

124 of 789

रे कपिपोत बोलु संभारी। मूढ़ न जानेहि मोहि सुरारी॥ कहु निज नाम जनक कर भाई। केहि नातें मानिऐ मिताई ॥१॥

Re kapipot bolu sambhārī, mūṛh na jānehi mohi surārī. Kahu nij nām janak kar bhāī, kehi nāteṅ māniai mitāī. (1)

125 of 789

अंगद नाम बालि कर बेटा। तासों कबहुँ भई ही भेटा॥ अंगद बचन सुनत सकुचाना। रहा बालि बानर मैं जाना ॥२॥

Aṅgad nām Bāli kar beṭā, tāsoṅ kabahuṅ bhaī hī bheṭā. Aṅgad bachan sunat sakuchānā, rahā Bāli bānar maiṅ jānā. (2)

126 of 789

अंगद तहीं बालि कर बालक। उपजेहु बंस अनल कुल घालक॥ गर्भ न गयहु ब्यर्थ तुम्ह जायहु। निज मुख तापस दूत कहायहु ॥३॥

Aṅgad tahīṅ Bāli kar bālak, upajehu bans anal kul ghālak. Garbha na gayahu byarth tumh jāyahu, nij mukh tāpas dūt kahāyahu. (3)

127 of 789

अब कहु कुसल बालि कहँ अहई। बिहँसि बचन तब अंगद कहई॥ दिन दस गएँ बालि पहिं जाई। बूझेहु कुसल सखा उर लाई ॥४॥

Ab kahu kusal Bāli kahaṅ ahaī, bihaṅsi bachan tab Aṅgad kahaī. Din das gaeṅ Bāli pahiṅ jāī, būjhehu kusal sakhā ur lāī. (4)

128 of 789

राम बिरोध कुसल जसि होई। सो सब तोहि सुनाइहि सोई॥ सुनु सठ भेद होइ मन ताकें। श्रीरघुबीर हृदय नहिं जाकें ॥५॥

Rām birodh kusal jasi hoī, so sab tohi sunāihi soī. Sunu saṭh bhed hoi man tākeṅ, Śrīraghubīr hṛday nahiṅ jākeṅ. (5)

129 of 789

दो०—हम कुल घालक सत्य तुम्ह कुल पालक दससीस। अंधउ बधिर न अस कहहिं नयन कान तव बीस ॥२१॥

Do—Ham kul ghālak satya tumh kul pālak Dasasīs, andhau badhir na as kahahiṅ nayan kān tav bīs. (21)

130 of 789

सिव बिरंचि सुर मुनि समुदाई। चाहत जासु चरन सेवकाई॥ तासु दूत होइ हम कुल बोरा। अइसिहुँ मति उर बिहर न तोरा ॥१॥

Siv Biranchi sur muni samudāī, chāhat jāsu charan sevakāī. Tāsu dūt hoi ham kul borā, aisihuṅ mati ur bihar na torā. (1)

131 of 789

सुनि कठोर बानी कपि केरी। कहत दसानन नयन तरेरी॥ खल तव कठिन बचन सब सहऊँ। नीति धर्म मैं जानत अहऊँ ॥२॥

Suni kaṭhor bānī kapi kerī, kahat Dasānan nayan tarerī. Khal tav kaṭhin bachan sab sahaūṅ, nīti dharma maiṅ jānat ahaūṅ. (2)

132 of 789

कह कपि धर्मसीलता तोरी। हमहुँ सुनी कृत पर त्रिय चोरी॥ देखी नयन दूत रखवारी। बूड़ि न मरहु धर्म ब्रतधारी ॥३॥

Kah kapi dharmasīlatā torī, hamahuṅ sunī kṛt par triya chorī. Dekhī nayan dūt rakhavārī, būṛi na marahu dharma bratadhārī. (3)

133 of 789

कान नाक बिनु भगिनि निहारी। छमा कीन्हि तुम्ह धर्म बिचारी॥ धर्मसीलता तव जग जागी। पावा दरसु हमहुँ बड़भागी ॥४॥

Kān nāk binu bhagini nihārī, chhamā kīnhi tumh dharma bichārī. Dharmasīlatā tav jag jāgī, pāvā darasu hamahuṅ baṛabhāgī. (4)

134 of 789

दो०—जनि जल्पसि जड़ जंतु कपि सठ बिलोकु मम बाहु। लोकपाल बल बिपुल ससि ग्रसन हेतु सब राहु ॥२२(क)॥

Do—Jani jalpasi jaṛ jantu kapi saṭh biloku mam bāhu, lokapāl bal bipul sasi grasan hetu sab Rāhu. (22 ka)

135 of 789

पुनि नभ सर मम कर निकर कमलन्हि पर करि बास। सोभत भयउ मराल इव संभु सहित कैलास ॥२२(ख)॥

Puni nabh sar mam kar nikar kamalanhi par kari bās, sobhat bhayau marāl iva Sambhu sahit Kailās. (22 kha)

136 of 789

तुम्हरे कटक माझ सुनु अंगद। मो सन भिरिहि कवन जोधा बद॥ तव प्रभु नारि बिरहँ बलहीना। अनुज तासु दुख दुखी मलीना ॥१॥

Tumhare kaṭak mājh sunu Aṅgad, mo san bhirihi kavan jodhā bad. Tav prabhu nāri birahaṅ balahīnā, anuj tāsu dukh dukhī malīnā. (1)

137 of 789

तुम्ह सुग्रीव कूलद्रुम दोऊ। अनुज हमार भीरु अति सोऊ॥ जामवंत मंत्री अति बूढ़ा। सो कि होइ अब समरारूढ़ा ॥२॥

Tumh Sugrīv kūladrum doū, anuj hamār bhīru ati soū. Jāmavant mantrī ati būṛhā, so ki hoi ab samarārūṛhā. (2)

138 of 789

सिल्पिकर्म जानहिं नल नीला। है कपि एक महा बलसीला॥ आवा प्रथम नगरु जेहिं जारा। सुनत बचन कह बालिकुमारा ॥३॥

Silpikarma jānahiṅ Nal Nīlā, hai kapi ek mahā balasīlā. Āvā pratham nagaru jehiṅ jārā, sunat bachan kah Bālikumārā. (3)

139 of 789

सत्य बचन कहु निसिचर नाहा। साँचेहुँ कीस कीन्ह पुर दाहा॥ रावन नगर अल्प कपि दहई। सुनि अस बचन सत्य को कहई ॥४॥

Satya bachan kahu nisichar nāhā, sāṅchehuṅ kīs kīnha pur dāhā. Rāvan nagar alpa kapi dahaī, suni as bachan satya ko kahaī. (4)

140 of 789

जो अति सुभट सराहेहु रावन। सो सुग्रीव केर लघु धावन॥ चलइ बहुत सो बीर न होई। पठवा खबरि लेन हम सोई ॥५॥

Jo ati subhaṭ sarāhehu Rāvan, so Sugrīv ker laghu dhāvan. Chalai bahut so bīr na hoī, paṭhavā khabari len ham soī. (5)

141 of 789

दो०—सत्य नगरु कपि जारेउ बिनु प्रभु आयसु पाइ। फिरि न गयउ सुग्रीव पहिं तेहिं भय रहा लुकाइ ॥२३(क)॥

Do—Satya nagaru kapi jāreu binu prabhu āyasu pāi, phiri na gayau Sugrīv pahiṅ tehiṅ bhay rahā lukāi. (23 ka)

142 of 789

सत्य कहहि दसकंठ सब मोहि न सुनि कछु कोह। कोउ न हमारें कटक अस तो सन लरत जो सोह ॥२३(ख)॥

Satya kahahi Dasakaṅṭh sab mohi na suni kachhu koh, kou na hamāreṅ kaṭak as to san larat jo soh. (23 kha)

143 of 789

प्रीति बिरोध समान सन करिअ नीति असि आहि। जौं मृगपति बध मेडुकन्हि भल कि कहइ कोउ ताहि ॥२३(ग)॥

Prīti birodh samān san karia nīti asi āhi, jauṅ mṛgapati badh meḍukanhi bhal ki kahai kou tāhi. (23 ga)

144 of 789

जद्यपि लघुता राम कहुँ तोहि बधें बड़ दोष। तदपि कठिन दसकंठ सुनु छत्र जाति कर रोष ॥२३(घ)॥

Jadyapi laghutā Rām kahuṅ tohi badheṅ baṛ doṣ, tadapi kaṭhin Dasakaṅṭh sunu chhatra jāti kar roṣ. (23 gha)

145 of 789

बक्र उक्ति धनु बचन सर हृदय दहेउ रिपु कीस। प्रतिउत्तर सड़सिन्ह मनहुँ काढ़त भट दससीस ॥२३(ङ)॥

Bakra ukti dhanu bachan sar hṛday daheu ripu kīs, pratiuttar saṛasinh manahuṅ kāṛhat bhaṭ Dasasīs. (23 ṅa)

146 of 789

हँसि बोलेउ दसमौलि तब कपि कर बड़ गुन एक। जो प्रतिपालइ तासु हित करइ उपाय अनेक ॥२३(च)॥

Haṅsi boleu dasamauli tab kapi kar baṛ gun ek, jo pratipālai tāsu hit karai upāy anek. (23 cha)

147 of 789

धन्य कीस जो निज प्रभु काजा। जहँ तहँ नाचइ परिहरि लाजा॥ नाचि कूदि करि लोग रिझाई। पति हित करइ धर्म निपुनाई ॥१॥

Dhanya kīs jo nij prabhu kājā, jahaṅ tahaṅ nāchai parihari lājā. Nāchi kūdi kari log rijhāī, pati hit karai dharma nipunāī. (1)

148 of 789

अंगद स्वामिभक्त तव जाती। प्रभु गुन कस न कहसि एहि भाँती॥ मैं गुन गाहक परम सुजाना। तव कटु रटनि करउँ नहिं काना ॥२॥

Aṅgad svāmibhakta tav jātī, prabhu gun kas na kahasi ehi bhāṅtī. Maiṅ gun gāhak param sujānā, tav kaṭu raṭani karauṅ nahiṅ kānā. (2)

149 of 789

कह कपि तव गुन गाहकताई। सत्य पवनसुत मोहि सुनाई॥ बन बिधंसि सुत बधि पुर जारा। तदपि न तेहिं कछु कृत अपकारा ॥३॥

Kah kapi tav gun gāhakatāī, satya pavanasut mohi sunāī. Ban bidhaṅsi sut badhi pur jārā, tadapi na tehiṅ kachhu kṛt apakārā. (3)

150 of 789

सोइ बिचारि तव प्रकृति सुहाई। दसकंधर मैं कीन्हि ढिठाई॥ देखेउँ आइ जो कछु कपि भाषा। तुम्हरें लाज न रोष न माखा ॥४॥

Soi bichāri tav prakṛti suhāī, Dasakandhar maiṅ kīnhi ḍhiṭhāī. Dekheuṅ āi jo kachhu kapi bhāṣā, tumhareṅ lāj na roṣ na mākhā. (4)

151 of 789

जौं असि मति पितु खाए कीसा। कहि अस बचन हँसा दससीसा॥ पितहि खाइ खातेउँ पुनि तोही। अबहीं समुझि परा कछु मोही ॥५॥

Jauṅ asi mati pitu khāe kīsā, kahi as bachan haṅsā Dasasīsā. Pitahi khāi khāteuṅ puni tohī, abahīṅ samujhi parā kachhu mohī. (5)

152 of 789

बालि बिमल जस भाजन जानी। हतउँ न तोहि अधम अभिमानी॥ कहु रावन रावन जग केते। मैं निज श्रवन सुने सुनु जेते ॥६॥

Bāli bimal jas bhājan jānī, hatauṅ na tohi adham abhimānī. Kahu Rāvan Rāvan jag kete, maiṅ nij śravan sune sunu jete. (6)

153 of 789

बलिहि जितन एक गयउ पताला। राखेउ बाँधि सिसुन्ह हयसाला॥ खेलहिं बालक मारहिं जाई। दया लागि बलि दीन्ह छोड़ाई ॥७॥

Balihi jitan ek gayau patālā, rākheu bāṅdhi sisunh hayasālā. Khelahiṅ bālak mārahiṅ jāī, dayā lāgi Bali dīnh chhoṛāī. (7)

154 of 789

एक बहोरि सहसभुज देखा। धाइ धरा जिमि जंतु बिसेषा॥ कौतुक लागि भवन लै आवा। सो पुलस्ति मुनि जाइ छोड़ावा॥

Ek bahori sahasabhuj dekhā, dhāi dharā jimi jantu biseṣā. Kautuk lāgi bhavan lai āvā, so Pulasti muni jāi chhoṛāvā.

155 of 789

दो०—एक कहत मोहि सकुच अति रहा बालि कीं काँख। इन्ह महुँ रावन तैं कवन सत्य बदहि तजि माख ॥२४॥

Do—Ek kahat mohi sakuch ati rahā Bāli kīṅ kāṅkh, inh mahuṅ Rāvan taiṅ kavan satya badahi taji mākh. (24)

156 of 789

सुनु सठ सोइ रावन बलसीला। हरगिरि जान जासु भुज लीला॥ जान उमापति जासु सुराई। पूजेउँ जेहि सिर सुमन चढ़ाई ॥१॥

Sunu saṭh soi Rāvan balasīlā, Hargiri jān jāsu bhuja līlā. Jān Umāpati jāsu surāī, pūjeuṅ jehi sir suman chaṛhāī. (1)

157 of 789

सिर सरोज निज करन्हि उतारी। पूजेउँ अमित बार त्रिपुरारी॥ भुज बिक्रम जानहिं दिगपाला। सठ अजहूँ जिन्ह कें उर साला ॥२॥

Sir saroj nij karanhi utārī, pūjeuṅ amit bār Tripurārī. Bhuj bikram jānahiṅ Digapālā, saṭh ajahūṅ jinh keṅ ur sālā. (2)

158 of 789

जानहिं दिगज उर कठिनाई। जब जब भिरउँ जाइ बरिआई॥ जिन्ह के दसन कराल न फूटे। उर लागत मूलक इव टूटे ॥३॥

Jānahiṅ digaj ur kaṭhināī, jab jab bhirauṅ jāi bariāī. Jinh ke dasan karāl na phūṭe, ur lāgat mūlak iv ṭūṭe. (3)

159 of 789

जासु चलत डोलति इमि धरनी। चढ़त मत्त गज जिमि लघु तरनी॥ सोइ रावन जग बिदित प्रतापी। सुनेहि न श्रवन अलीक प्रलापी ॥४॥

Jāsu chalat ḍolati imi dharanī, chaṛhat matt gaj jimi laghu taranī. Soi Rāvan jag bidit pratāpī, sunehi na śravan alīk pralāpī. (4)

160 of 789

दो०—तेहि रावन कहँ लघु कहसि नरं कर करसि बखान। रे कपि बर्बर खर्ब खल अब जाना तव ग्यान ॥२५॥

Do—Tehi Rāvan kahaṅ laghu kahasi naraṅ kar karasi bakhān, re kapi barbar kharb khal ab jānā tav gyān. (25)

161 of 789

सुनि अंगद सकोप कह बानी। बोलु सँभारि अधम अभिमानी॥ सहसबाहु भुज गहन अपारा। दहन अनल सम जासु कुठारा ॥१॥

Suni Aṅgad sakop kah bānī, bolu sambhāri adham abhimānī. Sahasabāhu bhuj gahan aparā, dahan anal sam jāsu kuṭhārā. (1)

162 of 789

जासु परसु सागर खर धारा। बूड़े नृप अगनित बहु बारा॥ तासु गर्ब जेहि देखत भागा। सो नर क्यों दससीस अभागा ॥२॥

Jāsu parasu sāgar khar dhārā, būṛe nṛp aganit bahu bārā. Tāsu garb jehi dekhat bhāgā, so nar kyoṅ Dasasīs abhāgā. (2)

163 of 789

राम मनुज कस रे सठ बंगा। धन्वी कामु नदी पुनि गंगा॥ पसु सुरधेनु कल्पतरु रूखा। अन्न दान अरु रस पीयूषा ॥३॥

Rām manuj kas re saṭh baṅgā, dhanvī kāmu nadī puni Gaṅgā. Pasu suradhenu kalpataru rūkhā, anna dān aru ras pīyūṣā. (3)

164 of 789

बैनतेय खग अहि सहसानन। चिंतामनि पुनि उपल दसानन॥ सुनु मतिमंद लोक बैकुंठा। लाभ कि रघुपति भगति अकुंठा ॥४॥

Bainatey khag ahi sahasānan, chintāmani puni upal Dasānan. Sunu matimand lok Baikuṅṭhā, lābh ki Raghupati bhagati akuṅṭhā. (4)

165 of 789

दो०—सेन सहित तव मान मथि बन उजारि पुर जारि। कस रे सठ हनुमान कपि गयउ जो तव सुत मारि ॥२६॥

Do—Sen sahit tav mān mathi ban ujāri pur jāri, kas re saṭh Hanumān kapi gayau jo tav sut māri. (26)

166 of 789

सुनु रावन परिहरि चतुराई। भजसि न कृपासिंधु रघुराई॥ जौं खल भएसि राम कर द्रोही। ब्रह्म रुद्र सक राखि न तोही ॥१॥

Sunu Rāvan parihari chaturāī, bhajasi na kṛpāsindhu Raghurāī. Jauṅ khal bhaesi Rām kar drohī, Brahma Rudra sak rākhi na tohī. (1)

167 of 789

मूढ़ बृथा जनि मारसि गाला। राम बयर अस होइहि हाला॥ तव सिर निकर कपिन्ह के आगें। परिहहिं धरनि राम सर लागें ॥२॥

Mūṛh bṛthā jani mārasi gālā, Rām bayar as hoihi hālā. Tav sir nikar kapinh ke āgeṅ, parihahiṅ dharani Rām sar lāgeṅ. (2)

168 of 789

ते तव सिर कंदुक सम नाना। खेलिहहिं भालु कीस चौगाना॥ जबहिं समर कोपिहि रघुनायक। छुटिहहिं अति कराल बहु सायक ॥३॥

Te tav sir kanduk sam nānā, khelihahiṅ bhālu kīs chaugānā. Jabahiṅ samar kopihi Raghunāyak, chhuṭihahiṅ ati karāl bahu sāyak. (3)

169 of 789

तब कि चलिहि अस गाल तुम्हारा। अस बिचारि भजु राम उदारा॥ सुनत बचन रावन परजरा। जरत महानल जनु घृत परा ॥४॥

Tab ki chalihi as gāl tumhārā, as bichāri bhaju Rām udārā. Sunat bachan Rāvan parajarā, jarat mahānal janu ghṛt parā. (4)

170 of 789

दो०—कुंभकरन अस बंधु मम सुत प्रसिद्ध सक्रारि। मोर पराक्रम नहिं सुनेहि जितेउँ चराचर झारि ॥२७॥

Do—Kumbhakaran as bandhu mam sut prasiddh Sakrāri, mor parākram nahiṅ sunehi jiteuṅ charāchar jhāri. (27)

171 of 789

सठ साखामृग जोरि सहाई। बाँधा सिंधु इहइ प्रभुताई॥ नाघहिं खग अनेक बारीसा। सूर न होहिं ते सुनु सब कीसा ॥१॥

Saṭh sākhāmṛg jori sahāī, bāndhā sindhu ihai prabhutāī. Nāghahiṅ khag anek bārīsā, sūr na hohiṅ te sunu sab kīsā. (1)

172 of 789

मम भुज सागर बल जल पूरा। जहँ बूड़े बहु सुर नर सूरा॥ बीस पयोधि अगाध अपारा। को अस बीर जो पाइहि पारा ॥२॥

Mam bhuj sāgar bal jal pūrā, jahaṅ būṛe bahu sur nar sūrā. Bīs payodhi agādh apārā, ko as bīr jo pāihi pārā. (2)

173 of 789

दिगपालन्ह मैं नीर भरावा। भूप सुजस खल मोहि सुनावा॥ जौं पै समर सुभट तव नाथा। पुनि पुनि कहसि जासु गुन गाथा ॥३॥

Digapālanh maiṅ nīr bharāvā, bhūp sujas khal mohi sunāvā. Jauṅ pai samar subhaṭ tav nāthā, puni puni kahasi jāsu gun gāthā. (3)

174 of 789

तौ बसीठ पठवत केहि काजा। रिपु सन प्रीति करत नहिं लाजा॥ हरगिरि मथन निरखु मम बाहू। पुनि सठ कपि निज प्रभुहि सराहू ॥४॥

Tau basīṭh paṭhavat kehi kājā, ripu san prīti karat nahiṅ lājā. Hargiri mathan nirakhu mam bāhū, puni saṭh kapi nij prabhuhi sarāhū. (4)

175 of 789

दो०—सूर कवन रावन सरिस स्वकर काटि जेहिं सीस। हुने अनल अति हरष बहु बार साखि गौरीस ॥२८॥

Do—Sūr kavan Rāvan saris svakar kāṭi jehiṅ sīs, hune anal ati haraṣ bahu bār sākhi Gaurīs. (28)

176 of 789

जरत बिलोकेउँ जबहिं कपाला। बिधि के लिखे अंक निज भाला॥ नर कें कर आपन बध बाँची। हसेउँ जानि बिधि गिरा असाँची ॥१॥

Jarat bilokeuṅ jabahiṅ kapālā, bidhi ke likhe aṅk nij bhālā. Nar keṅ kar āpan badh bāṅchī, haseuṅ jāni bidhi girā asāṅchī. (1)

177 of 789

सोउ मन समुझि त्रास नहिं मोरें। लिखा बिरंचि जरठ मति भोरें॥ आन बीर बल सठ मम आगें। पुनि पुनि कहसि लाज पति त्यागें ॥२॥

Sou man samujhi trās nahiṅ moreṅ, likhā Biranchi jaraṭh mati bhoreṅ. Ān bīr bal saṭh mam āgeṅ, puni puni kahasi lāj pati tyāgeṅ. (2)

178 of 789

कह अंगद सलज्ज जग माहीं। रावन तोहि समान कोउ नाहीं॥ लाजवंत तव सहज सुभाऊ। निज मुख निज गुन कहसि न काऊ ॥३॥

Kah Aṅgad salajja jag māhīṅ, Rāvan tohi samān kou nāhīṅ. Lājavant tav sahaj subhāū, nij mukh nij gun kahasi na kāū. (3)

179 of 789

सिर अरु सैल कथा चित रही। ताते बार बीस तैं कही॥ सो भुजबल राखेहु उर घाली। जीतेहु सहसबाहु बलि बाली ॥४॥

Sir aru sail kathā chit rahī, tāte bār bīs taiṅ kahī. So bhujabal rākhehu ur ghālī, jītehu Sahasabāhu Bali Bālī. (4)

180 of 789

सुनु मतिमंद देहि अब पूरा। काटें सीस कि होइअ सूरा॥ इंद्रजालि कहुँ कहिअ न बीरा। काटइ निज कर सकल सरीरा ॥५॥

Sunu matimand dehi ab pūrā, kāṭeṅ sīs ki hoia sūrā. Indrajāli kahuṅ kahia na bīrā, kāṭai nij kar sakal sarīrā. (5)

181 of 789

दो०—जरहिं पतंग मोह बस भार बहहिं खर बृंद। ते नहिं सूर कहावहिं समुझि देखु मतिमंद ॥२९॥

Do—Jarahiṅ pataṅg moh bas bhār bahahiṅ khar bṛnd, te nahiṅ sūr kahāvahiṅ samujhi dekhu matimand. (29)

182 of 789

अब जनि बतबढ़ाव खल करही। सुनु मम बचन मान परिहरही॥ दसमुख मैं न बसीठीं आयउँ। अस बिचारि रघुबीर पठायउँ ॥१॥

Ab jani batabaṛhāv khal karahī, sunu mam bachan mān pariharahī. Dasamukh maiṅ na basīṭhīṅ āyauṅ, as bichāri Raghubīr paṭhāyauṅ. (1)

183 of 789

बार बार अस कहइ कृपाला। नहिं गजारि जसु बधें सृकाला॥ मन महुँ समुझि बचन प्रभु केरे। सहेउँ कठोर बचन सठ तेरे ॥२॥

Bār bār as kahai kṛpālā, nahiṅ gajāri jasu badheṅ sṛkālā. Man mahuṅ samujhi bachan prabhu kere, saheuṅ kaṭhor bachan saṭh tere. (2)

184 of 789

नाहिं त करि मुख भंजन तोरा। लै जातेउँ सीतहि बरजोरा॥ जानेउँ तव बल अधम सुरारी। सूनें हरि आनिहि परनारी ॥३॥

Nāhiṅ ta kari mukh bhanjan torā, lai jāteuṅ Sītahi barajorā. Jāneuṅ tav bal adham surārī, sūneṅ hari ānihi paranārī. (3)

185 of 789

तैं निसिचरपति गर्ब बहूता। मैं रघुपति सेवक कर दूता॥ जौं न राम अपमानहि डरऊँ। तोहि देखत अस कौतुक करऊँ ॥४॥

Taiṅ nisicharpati garb bahūtā, maiṅ Raghupati sevak kar dūtā. Jauṅ na Rām apamānahi ḍarauṅ, tohi dekhat as kautuk karauṅ. (4)

186 of 789

दो०—तोहि पटकि महि सेन हति चौपट करि तव गाउँ। तव जुबतिन्ह समेत सठ जनकसुतहि लै जाउँ ॥३०॥

Do—Tohi paṭaki mahi sen hati chaupaṭ kari tav gāuṅ, tav jubatinh samet saṭh Janakasutahi lai jāuṅ. (30)

187 of 789

जौं अस करौं तदपि न बड़ाई। मुएहि बधें नहिं कछु मनुसाई॥ कौल कामबस कृपिन बिमूढ़ा। अति दरिद्र अजसी अति बूढ़ा ॥१॥

Jauṅ as karauṅ tadapi na baṛāī, mueh badheṅ nahiṅ kachhu manusāī. Kaul kāmabas kṛpin bimūṛhā, ati daridra ajasī ati būṛhā. (1)

188 of 789

सदा रोगबस संतत क्रोधी। बिष्नु बिमुख श्रुति संत बिरोधी॥ तनु पोषक निंदक अघ खानी। जीवत सव सम चौदह प्रानी ॥२॥

Sadā rogabas santat krodhī, Biṣnu bimukh śruti sant birodhī. Tanu poṣak nindak agh khānī, jīvat sav sam chaudah prānī. (2)

189 of 789

अस बिचारि खल बधउँ न तोही। अब जनि रिस उपजावसि मोही॥ सुनि सकोप कह निसिचर नाथा। अधर दसन दसि मीजत हाथा ॥३॥

As bichāri khal badhauṅ na tohī, ab jani ris upajāvasi mohī. Suni sakop kah nisichar nāthā, adhar dasan dasi mījat hāthā. (3)

190 of 789

रे कपि अधम मरन अब चहसी। छोटे बदन बात बड़ि कहसी॥ कटु जल्पसि जड़ कपि बल जाकें। बल प्रताप बुधि तेज न ताकें ॥४॥

Re kapi adham maran ab chahasī, chhoṭe badan bāt baṛi kahasī. Kaṭu jalpasi jaṛ kapi bal jākeṅ, bal pratāp budhi tej na tākeṅ. (4)

191 of 789

दो०—अगुन अमान जानि तेहि दीन्ह पिता बनबास। सो दुख अरु जुबती बिरह पुनि निसि दिन मम त्रास ॥३१(क)॥

Do—Agun amān jāni tehi dīnh pitā banabās, so dukh aru jubatī birah puni nisi din mam trās. (31 ka)

192 of 789

जिन्ह के बल कर गर्ब तोहि अइसे मनुज अनेक। खाहिं निसाचर दिवस निसि मूढ़ समुझु तजि टेक ॥३१(ख)॥

Jinh ke bal kar garb tohi aise manuj anek, khāhiṅ nisāchar divas nisi mūṛh samujhu taji ṭek. (31 kha)

193 of 789

जब तेहिं कीन्हि राम कै निंदा। क्रोधवंत अति भयउ कपिंदा॥ हरि हर निंदा सुनइ जो काना। होइ पाप गोघात समाना ॥१॥

Jab tehiṅ kīnhi Rām kai nindā, krodhavant ati bhayau kapindā. Hari Har nindā sunai jo kānā, hoi pāp goghāt samānā. (1)

194 of 789

कटकटान कपिकुंजर भारी। दुहु भुजदंड तमकि महि मारी॥ डोलत धरनि सभासद खसे। चले भाजि भय मारुत ग्रसे ॥२॥

Kaṭakaṭān kapikunjar bhārī, duhu bhujadand tamaki mahi mārī. Ḍolat dharani sabhāsad khase, chale bhāji bhay mārut grase. (2)

195 of 789

गिरत सँभारि उठा दसकंधर। भूतल परे मुकुट अति सुंदर॥ कछु तेहिं लै निज सिरन्हि सँवारे। कछु अंगद प्रभु पास पबारे ॥३॥

Girat sambhāri uṭhā Dasakandhar, bhūtal pare mukuṭ ati sundar. Kachhu tehiṅ lai nij siranhi sanvāre, kachhu Aṅgad prabhu pās pabāre. (3)

196 of 789

आवत मुकुट देखि कपि भागे। दिनहीं लूक परन बिधि लागे॥ की रावन करि कोप चलाए। कुलिस चारि आवत अति धाए ॥४॥

Āvat mukuṭ dekhi kapi bhāge, dinahīṅ lūk paran bidhi lāge. Kī Rāvan kari kop chalāe, kulis chāri āvat ati dhāe. (4)

197 of 789

कह प्रभु हँसि जनि हृदयँ डेराहू। लूक न असनि केतु नहिं राहू॥ ए किरीट दसकंधर केरे। आवत बालितनय के प्रेरे ॥५॥

Kah prabhu haṅsi jani hṛdayaṅ ḍerāhū, lūk na asani ketu nahiṅ rāhū. E kirīṭ Dasakandhar kere, āvat Bālitanay ke prere. (5)

198 of 789

दो०—तरकि पवनसुत कर गहे आनि धरे प्रभु पास। कौतुक देखहिं भालु कपि दिनकर सरिस प्रकास ॥३२(क)॥

Do—Taraki Pavansut kar gahe āni dhare prabhu pās, kautuk dekhahiṅ bhālu kapi dinakar saris prakās. (32 ka)

199 of 789

उहाँ सकोपि दसानन सब सन कहत रिसाइ। धरहु कपिहि धरि मारहु सुनि अंगद मुसुकाइ ॥३२(ख)॥

Uhāṅ sakopi Dasānan sab san kahat risāi, dharahu kapihi dhari mārahu suni Aṅgad musukāi. (32 kha)

200 of 789

एहि बधि बेगि सुभट सब धावहु। खाहु भालु कपि जहँ जहँ पावहु॥ मर्कटहीन करहु महि जाई। जिअत धरहु तापस द्रौ भाई ॥१॥

Ehi badhi begi subhaṭ sab dhāvahu, khāhu bhālu kapi jahaṅ jahaṅ pāvahu. Markaṭahīn karahu mahi jāī, jiat dharahu tāpas drau bhāī. (1)

201 of 789

पुनि सकोप बोलेउ जुबराजा। गाल बजावत तोहि न लाजा॥ मरु गर काटि निलज कुलघाती। बल बिलोकि बिहरति नहिं छाती ॥२॥

Puni sakop boleu jubarājā, gāl bajāvat tohi na lājā. Maru gar kāṭi nilaj kulaghātī, bal biloki biharati nahiṅ chhātī. (2)

202 of 789

रे त्रिय चोर कुमारग गामी। खल मल रासि मंदमति कामी॥ सन्यपात जल्पसि दुर्बादा। भएसि कालबस खल मनुजादा ॥३॥

Re triya chor kumārag gāmī, khal mal rāsi mandamati kāmī. Sanyapāt jalpasi durbādā, bhaesi kālabas khal manujādā. (3)

203 of 789

याको फलु पावहिगो आगें। बानर भालु चपेटन्हि लागें॥ रामु मनुज बोलत असि बानी। गिरहिं न तव रसना अभिमानी ॥४॥

Yāko phalu pāvahigo āgeṅ, bānar bhālu chapeṭanhi lāgeṅ. Rāmu manuj bolat asi bānī, girahiṅ na tav rasanā abhimānī. (4)

204 of 789

गिरिहहिं रसना संसय नाहीं। सिरन्हि समेत समर महि माहीं ॥५॥

Girihahiṅ rasanā sansay nāhīṅ, siranhi samet samar mahi māhīṅ. (5)

205 of 789

सो०—सो नर क्यों दसकंध बालि बध्यो जेहिं एक सर। बीसहुँ लोचन अंध धिग तव जन्म कुजाति जड़ ॥३३(क)॥

So—So nar kyoṅ Dasakandh Bāli badhyo jehiṅ ek sar, bīsahuṅ lochan andh dhig tav janm kujāti jaṛ. (33 ka)

206 of 789

तव सोनित कीं प्यास तृषित राम सायक निकर। तजउँ तोहि तेहि त्रास कटु जल्पक निसिचर अधम ॥३३(ख)॥

Tav sonit kīṅ pyās tṛṣit Rām sāyak nikar, tajauṅ tohi tehi trās kaṭu jalpak nisichar adham. (33 kha)

207 of 789

मैं तव दसन तोरिबे लायक। आयसु मोहि न दीन्ह रघुनायक॥ असि रिस होति दसउ मुख तोरौं। लंका गहि समुद्र महँ बोरौं ॥१॥

Maiṅ tav dasan toribe lāyak, āyasu mohi na dīnh Raghunāyak. Asi ris hoti dasau mukh torauṅ, Lankā gahi samudra mahaṅ borauṅ. (1)

208 of 789

गूलरि फल समान तव लंका। बसहु मध्य तुम्ह जंतु असंका॥ मैं बानर फल खात न बारा। आयसु दीन्ह न राम उदारा ॥२॥

Gūlari phal samān tav Lankā, basahu madhya tumh jantu asankā. Maiṅ bānar phal khāt na bārā, āyasu dīnh na Rām udārā. (2)

209 of 789

जुगुति सुनत रावन मुसुकाई। मूढ़ सिखिहि कहँ बहुत झुठाई॥ बालि न कबहुँ गाल अस मारा। मिलि तपसिन्ह तैं भएसि लबारा ॥३॥

Juguti sunat Rāvan musukāī, mūṛh sikhihi kahaṅ bahut jhuṭhāī. Bāli na kabahuṅ gāl as mārā, mili tapasinh taiṅ bhaesi labārā. (3)

210 of 789

साँचेहुँ मैं लबार भुज बीहा। जौं न उपारिउँ तव दस जीहा॥ समुझि राम प्रताप कपि कोपा। सभा माझ पन करि पद रोपा ॥४॥

Sāṅchehuṅ maiṅ labār bhuj bīhā, jauṅ na upāriuṅ tav das jīhā. Samujhi Rām pratāp kapi kopā, sabhā mājh pan kari pad ropā. (4)

211 of 789

जौं मम चरन सकसि सठ टारी। फिरहिं रामु सीता मैं हारी॥ सुनहु सुभट सब कह दससीसा। पद गहि धरनि पछारहु कीसा ॥५॥

Jauṅ mam charan sakasi saṭh ṭārī, phirahiṅ Rāmu Sītā maiṅ hārī. Sunahu subhaṭ sab kah Dasasīsā, pad gahi dharani pachhārahu kīsā. (5)

212 of 789

इंद्रजीत आदिक बलवाना। हरषि उठे जहँ तहँ भट नाना॥ झपटहिं करि बल बिपुल उपाई। पद न टरइ बैठहिं सिरु नाई ॥६॥

Indrajīt ādik balavānā, haraṣi uṭhe jahaṅ tahaṅ bhaṭ nānā. Jhapaṭahiṅ kari bal bipul upāī, pad na ṭarai baiṭhahiṅ siru nāī. (6)

213 of 789

पुनि उठि झपटहिं सुर आराती। टरइ न कीस चरन एहि भाँती॥ पुरुष कुजोगी जिमि उरगारी। मोह बिटप नहिं सकहिं उपारी ॥७॥

Puni uṭhi jhapaṭahiṅ sur ārātī, ṭarai na kīs charan ehi bhāṅtī. Puruṣ kujogī jimi uragārī, moh biṭap nahiṅ sakahiṅ upārī. (7)

214 of 789

दो०—कोटिन्ह मेघनाद सम सुभट उठे हरषाइ। झपटहिं टरै न कपि चरन पुनि बैठहिं सिर नाइ ॥३४(क)॥

Do—Koṭinh Meghanād sam subhaṭ uṭhe haraṣāi, jhapaṭahiṅ ṭarai na kapi charan puni baiṭhahiṅ sir nāi. (34 ka)

215 of 789

भूमि न छाँड़त कपि चरन देखत रिपु मद भाग। कोटि बिघ्न ते संत कर मन जिमि नीति न त्याग ॥३४(ख)॥

Bhūmi na chhāṅṛat kapi charan dekhat ripu mad bhāg, koṭi bighna te sant kar man jimi nīti na tyāg. (34 kha)

216 of 789

कपि बल देखि सकल हियँ हारे। उठा आपु कपि कें परचारे॥ गहत चरन कह बालिकुमारा। मम पद गहें न तोर उबारा ॥१॥

Kapi bal dekhi sakal hiyaṅ hāre, uṭhā āpu kapi keṅ paracāre. Gahat charan kah Bālikumārā, mam pad gaheṅ na tor ubārā. (1)

217 of 789

गहसि न राम चरन सठ जाई। सुनत फिरा मन अति सकुचाई॥ भयउ तेजहत श्री सब गई। मध्य दिवस जिमि ससि सोहई ॥२॥

Gahasi na Rām charan saṭh jāī, sunat phirā man ati sakuchāī. Bhayau tejahat śrī sab gaī, madhya divas jimi sasi sohaī. (2)

218 of 789

सिंघासन बैठेउ सिर नाई। मानहुँ संपति सकल गँवाई॥ जगदातमा प्रानपति रामा। तासु बिमुख किमि लह बिश्रामा ॥३॥

Singhāsan baiṭheu sir nāī, mānahuṅ sanpati sakal gaṅvāī. Jagadātamā prānapati Rāmā, tāsu bimukh kimi lah biśrāmā. (3)

219 of 789

उमा राम की भृकुटि बिलासा। होइ बिस्व पुनि पावइ नासा॥ तृन ते कुलिस कुलिस तृन करई। तासु दूत पन कहु किमि टरई ॥४॥

Umā Rām kī bhṛkuṭi bilāsā, hoi bisva puni pāvai nāsā. Tṛn te kulis kulis tṛn karaī, tāsu dūt pan kahu kimi ṭaraī. (4)

220 of 789

पुनि कपि कही नीति बिधि नाना। मान न ताहि कालु निअराना॥ रिपु मद मथि प्रभु सुजसु सुनायो। यह कहि चल्यो बालि नृप जायो ॥५॥

Puni kapi kahī nīti bidhi nānā, mān na tāhi kālu niarānā. Ripu mad mathi prabhu sujasu sunāyo, yah kahi chalyo Bāli nṛp jāyo. (5)

221 of 789

हतौं न खेत खेलाइ खेलाई। तोहि अबहिं का करौं बड़ाई॥ प्रथमहिं तासु तनय कपि मारा। सो सुनि रावन भयउ दुखारा ॥६॥

Hatauṅ na khet khelāi khelāī, tohi abahiṅ kā karauṅ baṛāī. Prathamahiṅ tāsu tanay kapi mārā, so suni Rāvan bhayau dukhārā. (6)

222 of 789

जातुधान अंगद पन देखी। भय ब्याकुल सब भए बिसेषी ॥७॥

Jātudhān Aṅgad pan dekhī, bhay byākul sab bhae biseṣī. (7)

223 of 789

दो०—रिपु बल धरषि हरषि कपि बालितनय बल पुंज। पुलक सरीर नयन जल गहे राम पद कंज ॥३५(क)॥

Do—Ripu bal dharaṣi haraṣi kapi Bālitanay bal punj, pulak sarīr nayan jal gahe Rām pad kanj. (35 ka)

224 of 789

साँझ जानि दसकंधर भवन गयउ बिलखाइ। मंदोदरीं रावनहि बहुरि कहा समुझाइ ॥३५(ख)॥

Sāṅjh jāni Dasakandhar bhavan gayau bilakhāi, Mandodarīṅ Rāvanahi bahuri kahā samujhāi. (35 kha)

225 of 789

कंत समुझि मन तजहु कुमतिही। सोह न समर तुम्हहि रघुपतिही॥ रामानुज लघु रेख खचाई। सोउ नहिं नाघेहु असि मनुसाई ॥१॥

Kant samujhi man tajahu kumatihī, soh na samar tumhahi Raghupatihī. Rāmānuj laghu rekh khachāī, sou nahiṅ nāghehu asi manusāī. (1)

226 of 789

पिय तुम्ह ताहि जितब संग्रामा। जाके दूत केर यह कामा॥ कौतुक सिंधु नाघि तव लंका। आयउ कपि केहरी असंका ॥२॥

Piy tumh tāhi jitab sangrāmā, jāke dūt ker yah kāmā. Kautuk sindhu nāghi tav Lankā, āyau kapi keharī asankā. (2)

227 of 789

रखवारे हति बिपिन उजारा। देखत तोहि अच्छ तेहिं मारा॥ जारि सकल पुर कीन्हेसि छारा। कहाँ रहा बल गर्ब तुम्हारा ॥३॥

Rakhavāre hati bipin ujārā, dekhat tohi Achha tehiṅ mārā. Jāri sakal pur kīnhesi chhārā, kahāṅ rahā bal garb tumhārā. (3)

228 of 789

अब पति मृषा गाल जनि मारहु। मोर कहा कछु हृदयँ बिचारहु॥ पति रघुपतिहि नृपति जनि मानहु। अग जग नाथ अतुलबल जानहु ॥४॥

Ab pati mṛṣā gāl jani mārahu, mor kahā kachhu hṛdayaṅ bichārahu. Pati Raghupatihi nṛpati jani mānahu, ag jag nāth atulabal jānahu. (4)

229 of 789

बान प्रताप जान मारीचा। तासु कहा नहिं मानेहि नीचा॥ जनक सभाँ अगनित भूपाला। रहे तुम्हउ बल अतुल बिसाला ॥५॥

Bān pratāp jān Mārīchā, tāsu kahā nahiṅ mānehi nīchā. Janak sabhāṅ aganit bhūpālā, rahe tumhau bal atul bisālā. (5)

230 of 789

भंजि धनुष जानकी बिआही। तब संग्राम जितेहु किन ताही॥ सुरपति सुत जानइ बल थोरा। राखा जिअत आँखि गहि फोरा ॥६॥

Bhanji dhanuṣ Jānakī biāhī, tab sangrām jitehu kin tāhī. Surapati sut jānai bal thorā, rākhā jiat āṅkhi gahi phorā. (6)

231 of 789

सूपनखा कै गति तुम्ह देखी। तदपि हृदयँ नहिं लाज बिसेषी ॥७॥

Sūpanakhā kai gati tumh dekhī, tadapi hṛdayaṅ nahiṅ lāj biseṣī. (7)

232 of 789

दो०—बधि बिराध खर दूषनहि लीलाँ हत्यो कबंध। बालि एक सर मार्यो तेहि जानहु दसकंध ॥३६॥

Do—Badhi Birādh Khar Dūṣanahi līlāṅ hatyo Kabandh, Bāli ek sar māryo tehi jānahu Dasakandh. (36)

233 of 789

जेहिं जलनाथ बँधायउ हेला। उतरे प्रभु दल सहित सुबेला॥ कारुनीक दिनकर कुल केतू। दूत पठायउ तव हित हेतू ॥१॥

Jehiṅ jalanāth bandhāyau helā, utare prabhu dal sahit Subelā. Kārunīk dinakar kul ketū, dūt paṭhāyau tav hit hetū. (1)

234 of 789

सभा माझ जेहिं तव बल मथा। करि बरूथ महुँ मृगपति जथा॥ अंगद हनुमत अनुचर जाके। रन बाँकुरे बीर अति बाँके ॥२॥

Sabhā mājh jehiṅ tav bal mathā, kari barūth mahuṅ mṛgapati jathā. Aṅgad Hanumat anuchar jāke, ran bāṅkure bīr ati bāṅke. (2)

235 of 789

तेहि कहँ पिय पुनि पुनि नर कहहू। मुधा मान ममता मद बहहू॥ अहह कंत कृत राम बिरोधा। काल बिबस मन उपज न बोधा ॥३॥

Tehi kahaṅ piy puni puni nar kahahū, mudhā mān mamatā mad bahahū. Ahah kant kṛt Rām birodhā, kāl bibas man upaj na bodhā. (3)

236 of 789

काल दंड गहि काहु न मारा। हरइ धर्म बल बुद्धि बिचारा॥ निकट काल जेहि आवत साईं। तेहि भ्रम होइ तुम्हारिहि नाईं ॥४॥

Kāl dand gahi kāhu na mārā, harai dharm bal buddhi bichārā. Nikaṭ kāl jehi āvat sāīṅ, tehi bhram hoi tumhārihi nāīṅ. (4)

237 of 789

दो०—दुइ सुत मरे दहेउ पुर अजहुँ पूर पिय देहु। कृपासिंधु रघुनाथ भजि नाथ बिमल जसु लेहु ॥३७॥

Do—Dui sut mare daheu pur ajahuṅ pūr piy dehu, kṛpāsindhu Raghunāth bhaji nāth bimal jasu lehu. (37)

238 of 789

नारि बचन सुनि बिसिख समाना। सभाँ गयउ उठि होत बिहाना॥ बैठ जाइ सिंघासन फूली। अति अभिमान त्रास सब भूली ॥१॥

Nāri bachan suni bisikh samānā, sabhāṅ gayau uṭhi hot bihānā. Baiṭh jāi singhāsan phūlī, ati abhimān trās sab bhūlī. (1)

239 of 789

इहाँ राम अंगदहि बोलावा। आइ चरन पंकज सिरु नावा॥ अति आदर समीप बैठारी। बोले बिहँसि कृपाल खरारी ॥२॥

Ihāṅ Rām Aṅgadahi bolāvā, āi charan paṅkaj siru nāvā. Ati ādar samīp baiṭhārī, bole bihaṅsi kṛpāl Kharārī. (2)

240 of 789

बालितनय कौतुक अति मोही। तात सत्य कहु पूछउँ तोही॥ रावनु जातुधान कुल टीका। भुज बल अतुल जासु जग लीका ॥३॥

Bālitanay kautuk ati mohī, tāt satya kahu pūchhauṅ tohī. Rāvanu jātudhān kul ṭīkā, bhuj bal atul jāsu jag līkā. (3)

241 of 789

तासु मुकुट तुम्ह चारि चलाए। कहहु तात कवनी बिधि पाए॥ सुनु सर्बग्य प्रनत सुखकारी। मुकुट न होहिं भूप गुन चारी ॥४॥

Tāsu mukuṭ tumh chāri chalāe, kahahu tāt kavanī bidhi pāe. Sunu sarbagya pranat sukhakārī, mukuṭ na hohiṅ bhūp gun chārī. (4)

242 of 789

साम दान अरु दंड बिभेदा। नृप उर बसहिं नाथ कह बेदा॥ नीति धर्म के चरन सुहाए। अस जियँ जानि नाथ पहिं आए ॥५॥

Sām dān aru dand bibhedā, nṛp ur basahiṅ nāth kah bedā. Nīti dharm ke charan suhāe, as jiyaṅ jāni nāth pahiṅ āe. (5)

243 of 789

दो०—धर्महीन प्रभु पद बिमुख काल बिबस दससीस। तेहि परिहरि गुन आए सुनहु कोसलाधीस ॥३८(क)॥

Do—Dharmahīn prabhu pad bimukh kāl bibas Dasasīs, tehi parihari gun āe sunahu Kosalādhīs. (38 ka)

244 of 789

परम चतुरता श्रवन सुनि बिहँसे रामु उदार। समाचार पुनि सब कहे गढ़ के बालिकुमार ॥३८(ख)॥

Param chaturatā śravan suni bihaṅse Rāmu udār, samāchār puni sab kahe gaṛh ke Bālikumār. (38 kha)

245 of 789

रिपु के समाचार जब पाए। राम सचिव सब निकट बोलाए॥ लंका बाँके चारि दुआरा। केहि बिधि लागिअ करहु बिचारा ॥१॥

Ripu ke samāchār jab pāe, Rām sachiv sab nikaṭ bolāe. Lankā bāṅke chāri duārā, kehi bidhi lāgia karahu bichārā. (1)

246 of 789

तब कपीस रिच्छेस बिभीषन। सुमिरि हृदयँ दिनकर कुल भूषन॥ करि बिचार तिन्ह मंत्र दृढ़ावा। चारि अनी कपि कटकु बनावा ॥२॥

Tab Kapīs Richhes Bibhīṣan, sumiri hṛdayaṅ dinakar kul bhūṣan. Kari bichār tinh mantra dṛṛhāvā, chāri anī kapi kaṭaku banāvā. (2)

247 of 789

जथाजोग सेनापति कीन्हे। जूथप सकल बोलि तब लीन्हे॥ प्रभु प्रताप कहि सब समुझाए। सुनि कपि सिंघनाद करि धाए ॥३॥

Jathājog senāpati kīnhe, jūthap sakal boli tab līnhe. Prabhu pratāp kahi sab samujhāe, suni kapi singhanād kari dhāe. (3)

248 of 789

हरषित राम चरन सिर नावहिं। गहि गिरि सिखर बीर सब धावहिं॥ गर्जहिं तर्जहिं भालु कपीसा। जय रघुबीर कोसलाधीसा ॥४॥

Haraṣit Rām charan sir nāvahiṅ, gahi giri sikhar bīr sab dhāvahiṅ. Garjahiṅ tarjahiṅ bhālu Kapīsā, jay Raghubīr Kosalādhīsā. (4)

249 of 789

जानत परम दुर्ग अति लंका। प्रभु प्रताप कपि चले असंका॥ घटाटोप करि चहुँ दिसि घेरी। मुखहिं निसान बजावहिं भेरी ॥५॥

Jānat param durga ati Laṅkā, prabhu pratāp kapi chale asaṅkā. Ghaṭāṭop kari chahuṅ disi gherī, mukhahiṅ nisān bajāvahiṅ bherī. (5)

250 of 789

दो०—जयति राम जय लछिमन जय कपीस सुग्रीव। गर्जहिं सिंहनाद कपि भालु महा बल सींव ॥३९॥

Do—Jayati Rām jaya Lachhiman jaya Kapīs Sugrīv, garjahiṅ siṅhanād kapi bhālu mahā bal sīṅv. (39)

251 of 789

लंकाँ भयउ कोलाहल भारी। सुना दसानन अति अहँकारी॥ देखहु बनरन्ह केरि ढिठाई। बिहँसि निसाचर सेन बोलाई ॥१॥

Laṅkāṅ bhayau kolāhal bhārī, sunā Dasānan ati ahaṅkārī. Dekhahu banaranha keri ḍhiṭhāī, bihaṅsi nisāchar sen bolāī. (1)

252 of 789

आए कीस काल के प्रेरे। छुधावंत सब निसिचर मेरे॥ अस कहि अट्टहास सठ कीन्हा। गृह बैठें अहार बिधि दीन्हा ॥२॥

Āe kīs kāl ke prere, chhudhāvant sab nisichar mere. As kahi aṭṭahās saṭh kīnhā, gṛh baiṭheṅ ahār bidhi dīnhā. (2)

253 of 789

सुभट सकल चारिहुँ दिसि जाहू। धरि धरि भालु कीस सब खाहू॥ उमा रावनहि अस अभिमाना। जिमि टिट्टिभ खग सूत उताना ॥३॥

Subhaṭ sakal chārihuṅ disi jāhū, dhari dhari bhālu kīs sab khāhū. Umā Rāvanahi as abhimānā, jimi ṭiṭṭibh khag sūt utānā. (3)

254 of 789

चले निसाचर आयसु मागी। गहि कर भिंडिपाल बर साँगी॥ तोमर मुद्गर परसु प्रचंडा। सूल कृपान परिघ गिरिखंडा ॥४॥

Chale nisāchar āyasu māgī, gahi kar bhiṇḍipāl bar sāṅgī. Tomar mudgar parasu prachaṇḍā, sūl kṛpān parigh girikhaṇḍā. (4)

255 of 789

जिमि अरुनोपल निकर निहारी। धावहिं सठ खग मांस अहारी॥ चोंच भंग दुख तिन्हहि न सूझा। तिमि धाए मनुजाद अबूझा ॥५॥

Jimi arunopal nikar nihārī, dhāvahiṅ saṭh khag māṅs ahārī. Choñch bhaṅg dukh tinhahi na sūjhā, timi dhāe manujād abūjhā. (5)

256 of 789

दो०—नानायुध सर चाप धर जातुधान बल बीर। कोट कँगूरन्हि चढ़ि गए कोटि कोटि रनधीर ॥४०॥

Do—Nānāyudh sar chāp dhar jātudhān bal bīr, koṭ kaṅgūranhi chaṛhi gae koṭi koṭi ranadhīr. (40)

257 of 789

कोट कँगूरन्हि सोहहिं कैसे। मेरु के सृंगनि जनु घन बैसे॥ बाजहिं ढोल निसान जुझाऊ। सुनि धुनि होइ भटन्हि मन चाऊ ॥१॥

Koṭ kaṅgūranhi sohahiṅ kaise, meru ke sṛṅgani janu ghan baise. Bājahiṅ ḍhol nisān jujhāū, suni dhuni hoi bhaṭanhi man chāū. (1)

258 of 789

बाजहिं भेरि नफीरि अपारा। सुनि कादर उर जाहिं दरारा॥ देखिन्ह जाइ कपिन्ह के ठट्टा। अति बिसाल तनु भालु सुभट्टा ॥२॥

Bājahiṅ bheri naphīri apārā, suni kādar ur jāhiṅ darārā. Dekhinh jāi kapinh ke ṭhaṭṭā, ati bisāl tanu bhālu subhaṭṭā. (2)

259 of 789

धावहिं गनहिं न अवघट घाटा। पर्बत फोरि करहिं गहि बाटा॥ कटकटाहिं कोटिन्ह भट गर्जहिं। दसन ओठ काटहिं अति तर्जहिं ॥३॥

Dhāvahiṅ ganahiṅ na avaghaṭ ghāṭā, parbat phori karahiṅ gahi bāṭā. Kaṭakaṭāhiṅ koṭinh bhaṭ garjahiṅ, dasan oṭh kāṭahiṅ ati tarjahiṅ. (3)

260 of 789

उत रावन इत राम दोहाई। जयति जयति जय परी लराई॥ निसिचर सिखर समूह ढहावहिं। कूदि धरहिं कपि फेरि चलावहिं ॥४॥

Ut Rāvan it Rām dohāī, jayati jayati jaya parī larāī. Nisichar sikhar samūh ḍhahāvahiṅ, kūdi dharahiṅ kapi pheri chalāvahiṅ. (4)

261 of 789

छं०—धरि कुधर खंड प्रचंड मर्कट भालु गढ़ पर डारहीं। झपटहिं चरन गहि पटकि महि भजि चलत बहुरि पचारहीं॥ अति तरल तरुन प्रताप तरपहिं तमकि गढ़ चढ़ि चढ़ि गए। कपि भालु चढ़ि मंदिरन्ह जहँ तहँ राम जसु गावत भए॥

Chhand—Dhari kudhar khaṇḍ prachaṇḍ markaṭ bhālu gaṛh par ḍārahīṅ, jhapaṭahiṅ charan gahi paṭaki mahi bhaji chalat bahuri pachārahīṅ. Ati taral tarun pratāp tarapahiṅ tamaki gaṛh chaṛhi chaṛhi gae, kapi bhālu chaṛhi mandiranh jahaṅ tahaṅ Rām jasu gāvat bhae.

262 of 789

दो०—एकु एकु निसिचर गहि पुनि कपि चले पराइ। ऊपर आपु हेठ भट गिरहिं धरनि पर आइ ॥४१॥

Do—Eku eku nisichar gahi puni kapi chale parāi, ūpar āpu heṭh bhaṭ girahiṅ dharani par āi. (41)

263 of 789

राम प्रताप प्रबल कपिजूथा। मर्दहिं निसिचर सुभट बरूथा॥ चढ़े दुर्ग पुनि जहँ तहँ बानर। जय रघुबीर प्रताप दिवाकर ॥१॥

Rām pratāp prabal kapijūthā, mardahiṅ nisichar subhaṭ barūthā. Chaṛhe durg puni jahaṅ tahaṅ bānar, jaya Raghubīr pratāp divākar. (1)

264 of 789

चले निसाचर निकर पराई। प्रबल पवन जिमि घन समुदाई॥ हाहाकार भयउ पुर भारी। रोवहिं बालक आतुर नारी ॥२॥

Chale nisāchar nikar parāī, prabal pavan jimi ghan samudāī. Hāhākār bhayau pur bhārī, rovahiṅ bālak ātur nārī. (2)

265 of 789

सब मिलि देहिं रावनहि गारी। राज करत एहिं मृत्यु हँकारी॥ निज दल बिचल सुनी तेहिं काना। फेरि सुभट लंकेस रिसाना ॥३॥

Sab mili dehiṅ Rāvanahi gārī, rāj karat ehiṅ mṛtyu haṅkārī. Nij dal bichal sunī tehiṅ kānā, pheri subhaṭ Laṅkes risānā. (3)

266 of 789

जो रन बिमुख सुना मैं काना। सो मैं हतब कराल कृपाना॥ सर्बसु खाइ भोग करि नाना। समर भूमि भए बल्लभ प्राना ॥४॥

Jo ran bimukh sunā maiṅ kānā, so maiṅ hatab karāl kṛpānā. Sarbasu khāi bhog kari nānā, samar bhūmi bhae ballabh prānā. (4)

267 of 789

उग्र बचन सुनि सकल डेराने। चले क्रोध करि सुभट लजाने॥ सन्मुख मरन बीर कै सोभा। तब तिन्ह तजा प्रान कर लोभा ॥५॥

Ugra bachan suni sakal ḍerāne, chale krodh kari subhaṭ lajāne. Sanmukh maran bīr kai sobhā, tab tinh tajā prān kar lobhā. (5)

268 of 789

दो०—बहु आयुध धर सुभट सब भिरहिं पचारि पचारि। ब्याकुल किए भालु कपि परिघ त्रिसूलन्हि मारि ॥४२॥

Do—Bahu āyudh dhar subhaṭ sab bhirahiṅ pachāri pachāri, byākul kie bhālu kapi parigh trisūlanhi māri. (42)

269 of 789

भय आतुर कपि भागन लागे। जद्यपि उमा जीतिहहिं आगे॥ कोउ कह कहँ अंगद हनुमंता। कहँ नल नील दुबिद बलवंता ॥१॥

Bhay ātur kapi bhāgan lāge, jadyapi Umā jītihahiṅ āge. Kou kah kahaṅ Aṅgad Hanumantā, kahaṅ Nal Nīl Dubid balavantā. (1)

270 of 789

निज दल बिकल सुना हनुमाना। पच्छिम द्वार रहा बलवाना॥ मेघनाद तहँ करइ लराई। टूट न द्वार परम कठिनाई ॥२॥

Nij dal bikal sunā Hanumānā, pachchhim dvār rahā balavānā. Meghanād tahaṅ karai larāī, ṭūṭ na dvār param kaṭhināī. (2)

271 of 789

पवनतनय मन भा अति क्रोधा। गर्जेउ प्रबल काल सम जोधा॥ कूदि लंक गढ़ ऊपर आवा। गहि गिरि मेघनाद कहुँ धावा ॥३॥

Pavanatanay man bhā ati krodhā, garjeu prabal kāl sam jodhā. Kūdi Laṅk gaṛh ūpar āvā, gahi giri Meghanād kahuṅ dhāvā. (3)

272 of 789

भंजेउ रथ सारथी निपाता। ताहि हृदय महुँ मारेसि लाता॥ दुसरें सूत बिकल तेहि जाना। स्यंदन घालि तुरत गृह आना ॥४॥

Bhañjeu rath sārathī nipātā, tāhi hṛday mahuṅ māresi lātā. Dusareṅ sūt bikal tehi jānā, syandan ghāli turat gṛh ānā. (4)

273 of 789

दो०—अंगद सुना पवनसुत गढ़ पर गयउ अकेल। रन बाँकुरा बालिसुत तरकि चढ़ेउ कपि खेल ॥४३॥

Do—Aṅgad sunā pavanasut gaṛh par gayau akel, ran bāṅkurā Bālisut taraki chaṛheu kapi khel. (43)

274 of 789

जुद्ध बिरुद्ध क्रुद्ध द्वौ बंदर। राम प्रताप सुमिरि उर अंतर॥ रावन भवन चढ़े द्वौ धाई। करहिं कोसलाधीस दोहाई ॥१॥

Juddh biruddh kruddh dvau bandar, Rām pratāp sumiri ur antar. Rāvan bhavan chaṛhe dvau dhāī, karahiṅ Kosalādhīs dohāī. (1)

275 of 789

कलस सहित गहि भवनु ढहावा। देखि निसाचरपति भय पावा॥ नारि बृंद कर पीटहिं छाती। अब दुइ कपि आए उतपाती ॥२॥

Kalas sahit gahi bhavanu ḍhahāvā, dekhi nisācharapati bhay pāvā. Nāri bṛnd kar pīṭahiṅ chhātī, ab dui kapi āe utapātī. (2)

276 of 789

कपिलीला करि तिन्हहि डेरावहिं। रामचंद्र कर सुजसु सुनावहिं॥ पुनि कर गहि कंचन के खंभा। कहेन्हि करिअ उतपात अरंभा ॥३॥

Kapilīlā kari tinhahi ḍerāvahiṅ, Rāmachandra kar sujasu sunāvahiṅ. Puni kar gahi kañchan ke khambhā, kahenhi karia utapāt arambhā. (3)

277 of 789

गर्जि परे रिपु कटक मझारी। लागे मर्दै भुज बल भारी॥ काहुहि लात चपेटन्हि केहू। भजहु न रामहि सो फल लेहू ॥४॥

Garji pare ripu kaṭak majhārī, lāge mardai bhuj bal bhārī. Kāhuhi lāt chapeṭanhi kehū, bhajahu na Rāmahi so phal lehū. (4)

278 of 789

दो०—एक एक सों मर्दहिं तोरि चलावहिं मुंड। रावन आगें परहिं ते जनु फूटहिं दधि कुंड ॥४४॥

Do—Ek ek soṅ mardahiṅ tori chalāvahiṅ muṇḍ, Rāvan āgeṅ parahiṅ te janu phūṭahiṅ dadhi kuṇḍ. (44)

279 of 789

महा महा मुखिआ जे पावहिं। ते पद गहि प्रभु पास चलावहिं॥ कहइ बिभीषनु तिन्ह के नामा। देहिं राम तिन्हहू निज धामा ॥१॥

Mahā mahā mukhiā je pāvahiṅ, te pad gahi prabhu pās chalāvahiṅ. Kahai Bibhīṣanu tinh ke nāmā, dehiṅ Rām tinhahū nij dhāmā. (1)

280 of 789

खल मनुजाद द्विजामिष भोगी। पावहिं गति जो जाचत जोगी॥ उमा राम मृदुचित करुनाकर। बयर भाव सुमिरत मोहि निसिचर ॥२॥

Khal manujād dvijāmiṣ bhogī, pāvahiṅ gati jo jāchat jogī. Umā Rām mṛduchit karunākar, bayar bhāv sumirat mohi nisichar. (2)

281 of 789

देहिं परम गति सो जियँ जानी। अस कृपाल को कहहु भवानी॥ अस प्रभु सुनि न भजहिं भ्रम त्यागी। नर मतिमंद ते परम अभागी ॥३॥

Dehiṅ param gati so jiyaṅ jānī, as kṛpāl ko kahahu Bhavānī. As prabhu suni na bhajahiṅ bhram tyāgī, nar matimand te param abhāgī. (3)

282 of 789

अंगद अरु हनुमंत प्रबेसा। कीन्ह दुर्ग अस कह अवधेसा॥ लंका द्वौ कपि सोहहिं कैसें। मथहिं सिंधु दुइ मंदर जैसें ॥४॥

Aṅgad aru Hanumant prabesā, kīnh durg as kah avadhesā. Laṅkā dvau kapi sohahiṅ kaiseṅ, mathahiṅ sindhu dui mandar jaiseṅ. (4)

283 of 789

दो०—भुज बल रिपु दल दलमलि देखि दिवस कर अंत। कूदे जुगल बिगत श्रम आए जहँ भगवंत ॥४५॥

Do—Bhuj bal ripu dal dalamali dekhi divas kar ant, kūde jugal bigat śram āe jahaṅ bhagavant. (45)

284 of 789

प्रभु पद कमल सीस तिन्ह नाए। देखि सुभट रघुपति मन भाए॥ राम कृपा करि जुगल निहारे। भए बिगतश्रम परम सुखारे ॥१॥

Prabhu pad kamal sīs tinh nāe, dekhi subhaṭ Raghupati man bhāe. Rām kṛpā kari jugal nihāre, bhae bigataśram param sukhāre. (1)

285 of 789

गए जानि अंगद हनुमाना। फिरे भालु मर्कट भट नाना॥ जातुधान प्रदोष बल पाई। धाए करि दससीस दोहाई ॥२॥

Gae jāni Aṅgad Hanumānā, phire bhālu markaṭ bhaṭ nānā. Jātudhān pradoṣ bal pāī, dhāe kari Dasasīs dohāī. (2)

286 of 789

निसिचर अनी देखि कपि फिरे। जहँ तहँ कटकटाइ भट भिरे॥ द्वौ दल प्रबल पचारि पचारी। लरत सुभट नहिं मानहिं हारी ॥३॥

Nisichar anī dekhi kapi phire, jahaṅ tahaṅ kaṭakaṭāi bhaṭ bhire. Dvau dal prabal pachāri pachārī, larat subhaṭ nahiṅ mānahiṅ hārī. (3)

287 of 789

महाबीर निसिचर सब कारे। नाना बरन बलीमुख भारे॥ सबल जुगल दल समबल जोधा। कौतुक करत लरत करि क्रोधा ॥४॥

Mahābīr nisichar sab kāre, nānā baran balīmukh bhāre. Sabal jugal dal samabal jodhā, kautuk karat larat kari krodhā. (4)

288 of 789

प्राबिट सरद पयोद घनेरे। लरत मनहु मारुत के प्रेरे॥ अनिप अकंपन अरु अतिकाया। बिचलत सेन कीन्हि इन्ह माया ॥५॥

Prābiṭ sarad payod ghanere, larat manahu mārut ke prere. Anip akampan aru atikāyā, bichalat sen kīnhi inh māyā. (5)

289 of 789

भयउ निमिष महँ अति अँधिआरा। बृष्टि होइ रुधिरोपल छारा ॥६॥

Bhayau nimiṣ mahaṅ ati andhiārā, bṛṣṭi hoi rudhiropal chhārā. (6)

290 of 789

दो०—देखि निबिड़ तम दसहुँ दिसि कपिदल भयउ खभार। एकहि एक न देखई जहँ तहँ करहिं पुकार ॥४६॥

Do—Dekhi nibiṛ tam dasahuṅ disi kapidal bhayau khabhār, ekahi ek na dekhaī jahaṅ tahaṅ karahiṅ pukār. (46)

291 of 789

सकल मरमु रघुनायक जाना। लिए बोलि अंगद हनुमाना॥ समाचार सब कहि समुझाए। सुनत कोपि कपिकुंजर धाए ॥१॥

Sakal maramu Raghunāyak jānā, lie boli Aṅgad Hanumānā. Samāchār sab kahi samujhāe, sunat kopi kapikuñjar dhāe. (1)

292 of 789

पुनि कृपाल हँसि चाप चढ़ावा। पावक सायक सपदि चलावा॥ भयउ प्रकास कतहुँ तम नाहीं। ग्यान उदयँ जिमि संसय जाहीं ॥२॥

Puni kṛpāl haṅsi chāp chaṛhāvā, pāvak sāyak sapadi chalāvā. Bhayau prakās katahuṅ tam nāhīṅ, gyān udayaṅ jimi saṅsay jāhīṅ. (2)

293 of 789

भालु बलीमुख पाइ प्रकासा। धाए हरष बिगत श्रम त्रासा॥ हनूमान अंगद रन गाजे। हाँक सुनत रजनीचर भाजे ॥३॥

Bhālu balīmukh pāi prakāsā, dhāe haraṣ bigat śram trāsā. Hanūmān Aṅgad ran gāje, hāṅk sunat rajanīchar bhāje. (3)

294 of 789

भागत भट पटकहिं धरि धरनी। करहिं भालु कपि अद्भुत करनी॥ गहि पद डारहिं सागर माहीं। मकर उरग झष धरि धरि खाहीं ॥४॥

Bhāgat bhaṭ paṭakahiṅ dhari dharanī, karahiṅ bhālu kapi adbhut karanī. Gahi pad ḍārahiṅ sāgar māhīṅ, makar urag jhaṣ dhari dhari khāhīṅ. (4)

295 of 789

दो०—कछु मारे कछु घायल कछु गढ़ चढ़े पराइ। गर्जहिं भालु बलीमुख रिपु दल बल बिचलाइ ॥४७॥

Do—Kachhu māre kachhu ghāyal kachhu gaṛh chaṛhe parāi, garjahiṅ bhālu balīmukh ripu dal bal bichalāi. (47)

296 of 789

निसा जानि कपि चारिउ अनी। आए जहाँ कोसला धनी॥ राम कृपा करि चितवा सबही। भए बिगतश्रम बानर तबही ॥१॥

Nisā jāni kapi chāriu anī, āe jahāṅ Kosalā dhanī. Rām kṛpā kari chitavā sabahī, bhae bigataśram bānar tabahī. (1)

297 of 789

उहाँ दसानन सचिव हँकारे। सब सन कहेसि सुभट जे मारे॥ आधा कटकु कपिन्ह संघारा। कहहु बेगि का करिअ बिचारा ॥२॥

Uhāṅ Dasānan sachiv haṅkāre, sab san kahesi subhaṭ je māre. Ādhā kaṭaku kapinh saṅghārā, kahahu begi kā karia bichārā. (2)

298 of 789

माल्यवंत अति जरठ निसाचर। रावन मातु पिता मंत्री बर॥ बोला बचन नीति अति पावन। सुनहु तात कछु मोर सिखावन ॥३॥

Mālyavant ati jaraṭh nisāchar, Rāvan mātu pitā mantrī bar. Bolā bachan nīti ati pāvan, sunahu tāt kachhu mor sikhāvan. (3)

299 of 789

जब ते तुम्ह सीता हरि आनी। असगुन होहिं न जाहिं बखानी॥ बेद पुरान जासु जसु गायो। राम बिमुख काहुँ न सुख पायो ॥४॥

Jab te tumh Sītā hari ānī, asagun hohiṅ na jāhiṅ bakhānī. Bed purān jāsu jasu gāyo, Rām bimukh kāhuṅ na sukh pāyo. (4)

300 of 789

दो०—हिरन्याच्छ भ्राता सहित मधु कैटभ बलवान। जेहिं मारे सोइ अवतरेउ कृपासिंधु भगवान ॥४८(क)॥

Do—Hiranyāchchh bhrātā sahit Madhu Kaiṭabh balavān, jehiṅ māre soi avatareu kṛpāsindhu bhagavān. (48 ka)

301 of 789

दो०—कालरूप खल बन दहन गुनागार घनबोध। सिव बिरंचि जेहि सेवहिं तासों कवन बिरोध ॥४८(ख)॥

Do—Kālarūp khal ban dahan gunāgār ghanabodh, Siv Birañchi jehi sevahiṅ tāsoṅ kavan birodh. (48 kha)

302 of 789

परिहरि बयरु देहु बैदेही। भजहु कृपानिधि परम सनेही॥ ताके बचन बान सम लागे। करिअ मुह करि जाहि अभागे ॥१॥

Parihari bayaru dehu Baidehī, bhajahu kṛpānidhi param sanehī. Tāke bachan bān sam lāge, karia muh kari jāhi abhāge. (1)

303 of 789

बूढ़ भएसि न त मरतेउँ तोही। अब जनि नयन देखावसि मोही॥ तेहिं अपने मन अस अनुमाना। बध्यो चहत एहि कृपानिधाना ॥२॥

Būṛh bhaesi na ta marateuṅ tohī, ab jani nayan dekhāvasi mohī. Tehiṅ apane man as anumānā, badhyo chahat ehi kṛpānidhānā. (2)

304 of 789

सो उठि गयउ कहत दुर्बादा। तब सकोप बोलेउ घननादा॥ कौतुक प्रात देखिअहु मोरा। करिहउँ बहुत कहौं का थोरा ॥३॥

So uṭhi gayau kahat durbādā, tab sakop boleu ghananādā. Kautuk prāt dekhiahu morā, karihauṅ bahut kahauṅ kā thorā. (3)

305 of 789

सुनि सुत बचन भरोसा आवा। प्रीति समेत अंक बैठावा॥ करत बिचार भयउ भिनुसारा। लागे कपि पुनि चहूँ दुआरा ॥४॥

Suni sut bachan bharosā āvā, prīti samet aṅk baiṭhāvā. Karat bichār bhayau bhinusārā, lāge kapi puni chahūṅ duārā. (4)

306 of 789

कोपि कपिन्ह दुर्घट गढ़ु घेरा। नगर कोलाहलु भयउ घनेरा॥ बिबिधायुध धर निसिचर धाए। गढ़ ते पर्बत सिखर ढहाए ॥५॥

Kopi kapinh durghaṭ gaṛhu gherā, nagar kolāhalu bhayau ghanerā. Bibidhāyudh dhar nisichar dhāe, gaṛh te parbat sikhar ḍhahāe. (5)

307 of 789

छं०—ढाहे महीधर सिखर कोटिन्ह बिबिध बिधि गोला चले। घहरात जिमि पबिपात गर्जत जनु प्रलय के बादले॥ मर्कट बिकट भट जुटत कटत न लटत तन जर्जर भए। गहि सैल तेहि गढ़ पर चलावहिं जहँ सो तहँ निसिचर हए॥

Chhand—Ḍhāhe mahīdhar sikhar koṭinh bibidh bidhi golā chale, ghaharāt jimi pabipāt garjat janu pralay ke bādale. Markaṭ bikaṭ bhaṭ juṭat kaṭat na laṭat tan jarjar bhae, gahi sail tehi gaṛh par chalāvahiṅ jahaṅ so tahaṅ nisichar hae.

308 of 789

दो०—मेघनाद सुनि श्रवन अस गढ़ु पुनि छेंका आइ। उतर्यो बीर दुर्ग तें सन्मुख चल्यो बजाइ ॥४९॥

Do—Meghanād suni śravan as gaṛhu puni chheṅkā āi, utaryo bīr durg teṅ sanmukh chalyo bajāi. (49)

309 of 789

कहँ कोसलाधीस द्वौ भ्राता। धन्वी सकल लोक बिख्याता॥ कहँ नल नील दुबिद सुग्रीवा। अंगद हनूमंत बल सींवा ॥१॥

Kahaṅ Kosalādhīs dvau bhrātā, dhanvī sakal lok bikhyātā. Kahaṅ Nal Nīl Dubid Sugrīvā, Aṅgad Hanūmant bal sīṅvā. (1)

310 of 789

कहाँ बिभीषनु भ्राताद्रोही। आजु सबहि हठि मारउँ ओही॥ अस कहि कठिन बान संधाने। अतिसय क्रोध श्रवन लगि ताने ॥२॥

Kahāṅ Bibhīṣanu bhrātādrohī, āju sabahi haṭhi mārauṅ ohī. As kahi kaṭhin bān sandhāne, atisay krodh śravan lagi tāne. (2)

311 of 789

सर समूह सो छाड़ै लागा। जनु सपच्छ धावहिं बहु नागा॥ जहँ तहँ परत देखिअहिं बानर। सन्मुख होइ न सके तेहि अवसर ॥३॥

Sar samūh so chhāṛai lāgā, janu sapachchh dhāvahiṅ bahu nāgā. Jahaṅ tahaṅ parat dekhiahiṅ bānar, sanmukh hoi na sake tehi avasar. (3)

312 of 789

जहँ तहँ भागि चले कपि रीछा। बिसरी सबहि जुद्ध कै ईछा॥ सो कपि भालु न रन महँ देखा। कीन्हेसि जेहि न प्रान अवसेषा ॥४॥

Jahaṅ tahaṅ bhāgi chale kapi rīchhā, bisarī sabahi juddh kai īchhā. So kapi bhālu na ran mahaṅ dekhā, kīnhesi jehi na prān avaseṣā. (4)

313 of 789

दो०—दस दस सर सब मारेसि परे भूमि कपि बीर। सिंहनाद करि गर्जा मेघनाद बल धीर ॥५०॥

Do—Das das sar sab māresi pare bhūmi kapi bīr, siṅhanād kari garjā Meghanād bal dhīr. (50)

314 of 789

देखि पवनसुत कटक बिहाला। क्रोधवंत जनु धायउ काला॥ महासैल एक तुरत उपारा। अति रिस मेघनाद पर डारा ॥१॥

Dekhi pavanasut kaṭak bihālā, krodhavant janu dhāyau kālā. Mahāsail ek turat upārā, ati ris Meghanād par ḍārā. (1)

315 of 789

आवत देखि गयउ नभ सोई। रथ सारथी तुरग सब खोई॥ बार बार पचार हनुमाना। निकट न आव मरमु सो जाना ॥२॥

Āvat dekhi gayau nabh soī, rath sārathī turag sab khoī. Bār bār pachār Hanumānā, nikaṭ na āv maramu so jānā. (2)

316 of 789

रघुपति निकट गयउ घननादा। नाना भाँति करेसि दुर्बादा॥ अस्त्र सस्त्र आयुध सब डारे। कौतुकहीं प्रभु काटि निवारे ॥३॥

Raghupati nikaṭ gayau ghananādā, nānā bhānti karesi durbādā. Astra sastra āyudh sab ḍāre, kautukahīṅ prabhu kāṭi nivāre. (3)

317 of 789

देखि प्रताप मूढ़ खिसिआना। करै लाग माया बिधि नाना॥ जिमि कोउ करै गरुड़ सैं खेला। डरपावै गहि स्वल्प सपेला ॥४॥

Dekhi pratāp mūṛh khisiānā, karai lāg māyā bidhi nānā. Jimi kou karai garuṛ saiṅ khelā, ḍarapāvai gahi svalp sapelā. (4)

318 of 789

दो०—जासु प्रबल माया बस सिव बिरंचि बड़ छोट। ताहि दिखावइ निसिचर निज माया मति खोट ॥५१॥

Do—Jāsu prabal māyā bas Siv Birañchi baṛ chhoṭ, tāhi dikhāvai nisichar nij māyā mati khoṭ. (51)

319 of 789

नभ चढ़ि बरष बिपुल अंगारा। महि ते प्रगट होहिं जलधारा॥ नाना भाँति पिसाच पिसाची। मारु काटु धुनि बोलहिं नाची ॥१॥

Nabh chaṛhi baraṣ bipul aṅgārā, mahi te pragaṭ hohiṅ jaladhārā. Nānā bhānti pisāch pisāchī, māru kāṭu dhuni bolahiṅ nāchī. (1)

320 of 789

बिष्टा पूय रुधिर कच हाड़ा। बरषइ कबहुँ उपल बहु छाड़ा॥ बरषि धूरि कीन्हेसि अँधिआरा। सूझ न आपन हाथ पसारा ॥२॥

Biṣṭā pūy rudhir kach hāṛā, baraṣai kabahuṅ upal bahu chhāṛā. Baraṣi dhūri kīnhesi andhiārā, sūjh na āpan hāth pasārā. (2)

321 of 789

कपि अकुलाने माया देखें। सब कर मरन बना एहि लेखें॥ कौतुक देखि राम मुसुकाने। भए सभीत सकल कपि जाने ॥३॥

Kapi akulāne māyā dekheṅ, sab kar maran banā ehi lekheṅ. Kautuk dekhi Rām musukāne, bhae sabhīt sakal kapi jāne. (3)

322 of 789

एक बान काटी सब माया। जिमि दिनकर हर तिमिर निकाया॥ कृपादृष्टि कपि भालु बिलोके। भए प्रबल रन रहहिं न रोके ॥४॥

Ek bān kāṭī sab māyā, jimi dinakar har timir nikāyā. Kṛpādṛṣṭi kapi bhālu biloke, bhae prabal ran rahahiṅ na roke. (4)

323 of 789

दो०—आयसु मागि राम पहिं अंगदादि कपि साथ। लछिमन चले क्रुद्ध होइ बान सरासन हाथ ॥५२॥

Do—Āyasu māgi Rām pahiṅ aṅgadādi kapi sāth, Lachhiman chale kruddh hoi bān sarāsan hāth. (52)

324 of 789

छतज नयन उर बाहु बिसाला। हिमगिरि निभ तनु कछु एक लाला॥ इहाँ दसानन सुभट पठाए। नाना अस्त्र सस्त्र गहि धाए ॥१॥

Chhataj nayan ur bāhu bisālā, himagiri nibh tanu kachhu ek lālā. Ihāṅ Dasānan subhaṭ paṭhāe, nānā astra sastra gahi dhāe. (1)

325 of 789

भूधर नख बिटपायुध धारी। धाए कपि जय राम पुकारी॥ भिरे सकल जोरिहि सन जोरी। इत उत जय इच्छा नहिं थोरी ॥२॥

Bhūdhar nakh biṭapāyudh dhārī, dhāe kapi jaya Rām pukārī. Bhire sakal jorihi san jorī, it ut jaya ichchhā nahiṅ thorī. (2)

326 of 789

मुठिकन्ह लातन्ह दातन्ह काटहिं। कपि जयसील मारि पुनि डाटहिं॥ मारु मारु धरु धरु धरु मारू। सीस तोरि गहि भुजा उपारू ॥३॥

Muṭhikanh lātanh dātanh kāṭahiṅ, kapi jayasīl māri puni ḍāṭahiṅ. Māru māru dharu dharu dharu mārū, sīs tori gahi bhujā upārū. (3)

327 of 789

असि रव पूरि रही नव खंडा। धावहिं जहँ तहँ रुंड प्रचंडा॥ देखहिं कौतुक नभ सुर बृंदा। कबहुँक बिसमय कबहुँ अनंदा ॥४॥

Asi rav pūri rahī nav khaṇḍā, dhāvahiṅ jahaṅ tahaṅ ruṇḍ prachaṇḍā. Dekhahiṅ kautuk nabh sur bṛndā, kabahuṅk bisamay kabahuṅ anandā. (4)

328 of 789

दो०—रुधिर गाड़ भरि भरि जम्यो ऊपर धूरि उड़ाइ। जनु अँगार रासिन्ह पर मृतक धूम रह्यो छाइ ॥५३॥

Do—Rudhir gāṛ bhari bhari jamyo ūpar dhūri uṛāi, janu aṅgār rāsinh par mṛtak dhūm rahyo chhāi. (53)

329 of 789

घायल बीर बिराजहिं कैसे। कुसुमित किंसुक के तरु जैसे॥ लछिमन मेघनाद द्वौ जोधा। भिरहिं परसपर करि अति क्रोधा ॥१॥

Ghāyal bīr birājahiṅ kaise, kusumit kiṅsuk ke taru jaise. Lachhiman Meghanād dvau jodhā, bhirahiṅ parasapar kari ati krodhā. (1)

330 of 789

एकहि एक सकइ नहिं जीती। निसिचर छल बल करइ अनीती॥ क्रोधवंत तब भयउ अनंता। भंजेउ रथ सारथी तुरंता ॥२॥

Ekahi ek sakai nahiṅ jītī, nisichar chhal bal karai anītī. Krodhavant tab bhayau Anantā, bhañjeu rath sārathī turantā. (2)

331 of 789

नाना बिधि प्रहार कर सेषा। राच्छस भयउ प्रान अवसेषा॥ रावन सुत निज मन अनुमाना। संकठ भयउ हरिहि मम प्राना ॥३॥

Nānā bidhi prahār kar Seṣā, rāchchhas bhayau prān avaseṣā. Rāvan sut nij man anumānā, saṅkaṭh bhayau harihi mam prānā. (3)

332 of 789

बीरघातिनी छाड़िसि साँगी। तेजपुंज लछिमन उर लागी॥ मुरुछा भई सक्ति के लागें। तब चलि गयउ निकट भय त्यागें ॥४॥

Bīraghātinī chhāṛisi sāṅgī, tejapuñj Lachhiman ur lāgī. Muruchhā bhaī sakti ke lāgeṅ, tab chali gayau nikaṭ bhay tyāgeṅ. (4)

333 of 789

दो०—मेघनाद सम कोटि सत जोधा रहे उठाइ। जगदाधार सेष किमि उठै चले खिसिआइ ॥५४॥

Do—Meghanād sam koṭi sat jodhā rahe uṭhāi, jagadādhār Seṣ kimi uṭhai chale khisiāi. (54)

334 of 789

सुनु गिरिजा क्रोधानल जासू। जारइ भुवन चारिदस आसू॥ सक संग्राम जीति को ताही। सेवहिं सुर नर अग जग जाही ॥१॥

Sunu Girijā krodhānal jāsū, jārai bhuvan chāridas āsū. Sak saṅgrām jīti ko tāhī, sevahiṅ sur nar ag jag jāhī. (1)

335 of 789

यह कौतूहल जानइ सोई। जा पर कृपा राम कै होई॥ संध्या भइ फिरि द्वौ बाहनी। लगे सँभारन निज निज अनी ॥२॥

Yah kautūhal jānai soī, jā par kṛpā Rām kai hoī. Sandhyā bhai phiri dvau bāhanī, lage sambhāran nij nij anī. (2)

336 of 789

ब्यापक ब्रह्म अजित भुवनेस्वर। लछिमन कहाँ बूझ करुनाकर॥ तब लगि लै आयउ हनुमाना। अनुज देखि प्रभु अति दुख माना ॥३॥

Byāpak Brahm ajit bhuvanesvar, Lachhiman kahāṅ būjh karunākar. Tab lagi lai āyau Hanumānā, anuj dekhi prabhu ati dukh mānā. (3)

337 of 789

जामवंत कह बैद सुषेना। लंकाँ रहइ को पठई लेना॥ धरि लघु रूप गयउ हनुमंता। आनेउ भवन समेत तुरंता ॥४॥

Jāmavant kah baid Suṣenā, laṅkāṅ rahai ko paṭhaī lenā. Dhari laghu rūp gayau Hanumantā, āneu bhavan samet turantā. (4)

338 of 789

दो०—राम पदारबिंद सिर नायउ आइ सुषेन। कहा नाम गिरि औषधी जाहु पवनसुत लेन ॥५५॥

Do—Rām padārabind sir nāyau āi Suṣen, kahā nām giri auṣadhī jāhu pavanasut len. (55)

339 of 789

राम चरन सरसिज उर राखी। चला प्रभंजनसुत बल भाषी॥ उहाँ दूत एक मरमु जनावा। रावनु कालनेमि गृह आवा ॥१॥

Rām charan sarasij ur rākhī, chalā prabhañjanasut bal bhāṣī. Uhāṅ dūt ek maramu janāvā, Rāvanu Kālanemi gṛh āvā. (1)

340 of 789

दसमुख कहा मरमु तेहिं सुना। पुनि पुनि कालनेमि सिरु धुना॥ देखत तुम्हहि नगरु जेहिं जारा। तासु पंथ को रोकन पारा॥

Dasamukh kahā maramu tehiṅ sunā, puni puni Kālanemi siru dhunā. Dekhat tumhahi nagaru jehiṅ jārā, tāsu panth ko rokan pārā.

341 of 789

भजु रघुपति करु हित आपना। छाँड़हु नाथ मृषा जल्पना॥ नील कंज तनु सुंदर स्यामा। हृदयँ राखु लोचनाभिरामा ॥३॥

Bhaju raghupati karu hit āpanā, chhāṅṛahu nāth mṛṣā jalpanā. Nīl kañj tanu sundar syāmā, hṛdayaṅ rākhu lochanābhirāmā. (3)

342 of 789

मैं तैं मोर मूढ़ता त्यागू। महा मोह निसि सूतत जागू॥ काल ब्याल कर भच्छक जोई। सपनेहुँ समर कि जीतिअ सोई ॥४॥

Maiṅ taiṅ mor mūṛhatā tyāgū, mahā moh nisi sūtat jāgū. Kāl byāl kar bhachchhak joī, sapanehuṅ samar ki jītia soī. (4)

343 of 789

दो०—सुनि दसकंठ रिसान अति तेहिं मन कीन्ह बिचार। राम दूत कर मरौं बरु यह खल रत मल भार ॥५६॥

Do—Suni Dasakaṇṭh risān ati tehiṅ man kīnh bichār, Rām dūt kar marauṅ baru yah khal rat mal bhār. (56)

344 of 789

अस कहि चला रचिसि मग माया। सर मंदिर बर बाग बनाया॥ मारुतसुत देखा सुभ आश्रम। मुनिहि बूझि जल पियौं जाइ श्रम ॥१॥

As kahi chalā rachisi mag māyā, sar mandir bar bāg banāyā. Mārutasut dekhā subh āśram, munihi būjhi jal piyauṅ jāi śram. (1)

345 of 789

राच्छस कपट बेष तहँ सोहा। मायापति दूतहि चह मोहा॥ जाइ पवनसुत नायउ माथा। लाग सो कहै राम गुन गाथा ॥२॥

Rāchchhas kapaṭ beṣ tahaṅ sohā, Māyāpati dūtahi chah mohā. Jāi Pavanasut nāyau māthā, lāg so kahai Rām gun gāthā. (2)

346 of 789

होत महा रन रावन रामहिं। जितिहहिं राम न संसय या महिं॥ इहाँ भएँ मैं देखउँ भाई। ग्यानदृष्टि बल मोहि अधिकाई॥

Hot mahā ran Rāvan Rāmahiṅ, jitihahiṅ Rām na sansay yā mahiṅ. Ihāṅ bhaeṅ maiṅ dekhauṅ bhāī, gyānadṛṣṭi bal mohi adhikāī.

347 of 789

मागा जल तेहिं दीन्ह कमंडल। कह कपि नहिं अघाउँ थोरें जल॥ सर मज्जन करि आतुर आवहु। दिच्छा देउँ ग्यान जेहिं पावहु ॥४॥

Māgā jal tehiṅ dīnh kamaṇḍal, kah kapi nahiṅ aghāuṅ thoreṅ jal. Sar majjan kari ātur āvahu, dichchhā deuṅ gyān jehiṅ pāvahu. (4)

348 of 789

दो०—सर पैठत कपि पद गहा मकरीं तब अकुलान। मारी सो धरि दिब्य तनु चली गगन चढ़ि जान ॥५७॥

Do—Sar paiṭhat kapi pad gahā makarīṅ tab akulān, mārī so dhari dibya tanu chalī gagan chaṛhi jān. (57)

349 of 789

कपि तव दरस भइउँ निष्पापा। मिटा तात मुनिबर कर सापा॥ मुनि न होइ यह निसिचर घोरा। मानहु सत्य बचन कपि मोरा ॥१॥

Kapi tav daras bhaiuṅ niṣpāpā, miṭā tāt munibar kar sāpā. Muni na hoi yah nisichar ghorā, mānahu satya bachan kapi morā. (1)

350 of 789

अस कहि गई अपछरा जबहीं। निसिचर निकट गयउ कपि तबहीं॥ कह कपि मुनि गुरदछिना लेहू। पाछें हमहिं मंत्र तुम्ह देहू ॥२॥

As kahi gaī apachharā jabahīṅ, nisichar nikaṭ gayau kapi tabahīṅ. Kah kapi muni guradachhinā lehū, pāchheṅ hamahiṅ mantra tumh dehū. (2)

351 of 789

सिर लंगूर लपेटि पछारा। निज तनु प्रगटेसि मरती बारा॥ राम राम कहि छाड़ेसि प्राना। सुनि मन हरषि चलेउ हनुमाना ॥३॥

Sir laṅgūr lapeṭi pachhārā, nij tanu pragaṭesi maratī bārā. Rām Rām kahi chhāṛesi prānā, suni man haraṣi chaleu Hanumānā. (3)

352 of 789

देखा सैल न औषध चीन्हा। सहसा कपि उपारि गिरि लीन्हा॥ गहि गिरि निसि नभ धावत भयऊ। अवधपुरी ऊपर कपि गयऊ॥

Dekhā sail na auṣadh chīnhā, sahasā kapi upāri giri līnhā. Gahi giri nisi nabh dhāvat bhayaū, Avadhapurī ūpar kapi gayaū.

353 of 789

दो०—देखा भरत बिसाल अति निसिचर मन अनुमानि। बिनु फर सायक मारेउ चाप श्रवन लगि तानि ॥५८॥

Do—Dekhā Bharat bisāl ati nisichar man anumāni, binu phar sāyak māreu chāp śravan lagi tāni. (58)

354 of 789

परेउ मुरुछि महि लागत सायक। सुमिरत राम राम रघुनायक॥ सुनि प्रिय बचन भरत तब धाए। कपि समीप अति आतुर आए ॥१॥

Pareu muruchhi mahi lāgat sāyak, sumirat Rām Rām Raghunāyak. Suni priya bachan Bharat tab dhāe, kapi samīp ati ātur āe. (1)

355 of 789

बिकल बिलोकि कीस उर लावा। जागत नहिं बहु भाँति जगावा॥ मुख मलीन मन भए दुखारी। कहत बचन भरि लोचन बारी ॥२॥

Bikal biloki kīs ur lāvā, jāgat nahiṅ bahu bhāṅti jagāvā. Mukh malīn man bhae dukhārī, kahat bachan bhari lochan bārī. (2)

356 of 789

जेहिं बिधि राम बिमुख मोहि कीन्हा। तेहिं पुनि यह दारुन दुख दीन्हा॥ जौं मोरें मन बच अरु काया। प्रीति राम पद कमल अमाया ॥३॥

Jehiṅ bidhi Rām bimukh mohi kīnhā, tehiṅ puni yah dārun dukh dīnhā. Jauṅ moreṅ man bach aru kāyā, prīti Rām pad kamal amāyā. (3)

357 of 789

तौ कपि होउ बिगत श्रम सूला। जौं मो पर रघुपति अनुकूला॥ सुनत बचन उठि बैठ कपीसा। कहि जय जयति कोसलाधीसा ॥४॥

Tau kapi hou bigat śram sūlā, jauṅ mo par Raghupati anukūlā. Sunat bachan uṭhi baiṭh Kapīsā, kahi jaya jayati Kosalādhīsā. (4)

358 of 789

सो०—लीन्ह कपिहि उर लाइ पुलकित तनु लोचन सजल। प्रीति न हृदयँ समाइ सुमिरि राम रघुकुल तिलक ॥५९॥

So—Līnh kapihi ur lāi pulakit tanu lochan sajal, prīti na hṛdayaṅ samāi sumiri Rām Raghukul tilak. (59)

359 of 789

तात कुसल कहु सुखनिधान की। सहित अनुज अरु मातु जानकी॥ कपि सब चरित समास बखाने। भए दुखी मन महुँ पछिताने ॥१॥

Tāt kusal kahu Sukhanidhān kī, sahit anuj aru mātu Jānakī. Kapi sab charit samās bakhāne, bhae dukhī man mahuṅ pachhitāne. (1)

360 of 789

अहह दैव मैं कत जग जायउँ। प्रभु के एकहु काज न आयउँ॥ जानि कुअवसरु मन धरि धीरा। पुनि कपि सन बोले बलबीरा ॥२॥

Ahah daiv maiṅ kat jag jāyauṅ, prabhu ke ekahu kāj na āyauṅ. Jāni kuavasaru man dhari dhīrā, puni kapi san bole balabīrā. (2)

361 of 789

तात गहरु होइहि तोहि जाता। काजु नसाइहि होत प्रभाता॥ चढ़ु मम सायक सैल समेता। पठवौं तोहि जहँ कृपानिकेता ॥३॥

Tāt gaharu hoihi tohi jātā, kāju nasāihi hot prabhātā. Chaṛhu mam sāyak sail sametā, paṭhavauṅ tohi jahaṅ kṛpāniketā. (3)

362 of 789

सुनि कपि मन उपजा अभिमाना। मोरें भार चलिहि किमि बाना॥ राम प्रभाव बिचारि बहोरी। बंदि चरन कह कपि कर जोरी ॥४॥

Suni kapi man upajā abhimānā, moreṅ bhār chalihi kimi bānā. Rām prabhāv bichāri bahorī, bandi charan kah kapi kar jorī. (4)

363 of 789

दो०—तव प्रताप उर राखि प्रभु जैहउँ नाथ तुरंत। अस कहि आयसु पाइ पद बंदि चलेउ हनुमंत ॥६०(क)॥

Do—Tav pratāp ur rākhi prabhu jaihauṅ nāth turant, as kahi āyasu pāi pad bandi chaleu Hanumant. (60 ka)

364 of 789

भरत बाहुबल सील गुन प्रभु पद प्रीति अपार। मन महुँ जात सराहत पुनि पुनि पवनकुमार ॥६०(ख)॥

Bharat bāhubal sīl gun prabhu pad prīti apār, man mahuṅ jāt sarāhat puni puni Pavanakumār. (60 kha)

365 of 789

उहाँ राम लछिमनहि निहारी। बोले बचन मनुज अनुसारी॥ अर्ध राति गइ कपि नहिं आयउ। राम उठाइ अनुज उर लायउ॥

Uhāṅ Rām Lachhimanahi nihārī, bole bachan manuj anusārī. Ardh rāti gai kapi nahiṅ āyau, Rām uṭhāi anuj ur lāyau.

366 of 789

सकहु न दुखित देखि मोहि काऊ। बंधु सदा तव मृदुल सुभाऊ॥ मम हित लागि तजेहु पितु माता। सहेहु बिपिन हिम आतप बाता ॥२॥

Sakahu na dukhit dekhi mohi kāū, bandhu sadā tav mṛdul subhāū. Mam hit lāgi tajehu pitu mātā, sahehu bipin him ātap bātā. (2)

367 of 789

सो अनुराग कहाँ अब भाई। उठहु न सुनि मम बच बिकलाई॥ जौं जनतेउँ बन बंधु बिछोहू। पिता बचन मनतेउँ नहिं ओहू ॥३॥

So anurāg kahāṅ ab bhāī, uṭhahu na suni mam bach bikalāī. Jauṅ janateuṅ ban bandhu bichhohū, pitā bachan manateuṅ nahiṅ ohū. (3)

368 of 789

सुत बित नारि भवन परिवारा। होहिं जाहिं जग बारहिं बारा॥ अस बिचारि जियँ जागहु ताता। मिलइ न जगत सहोदर भ्राता ॥४॥

Sut bit nāri bhavan parivārā, hohiṅ jāhiṅ jag bārahiṅ bārā. As bichāri jiyaṅ jāgahu tātā, milai na jagat sahodar bhrātā. (4)

369 of 789

जथा पंख बिनु खग अति दीना। मनि बिनु फनि करिबर कर हीना॥ अस मम जिवन बंधु बिनु तोही। जौं जड़ दैव जिआवै मोही ॥५॥

Jathā paṅkh binu khag ati dīnā, mani binu phani karibar kar hīnā. As mam jivan bandhu binu tohī, jauṅ jaṛ daiv jiāvai mohī. (5)

370 of 789

जैहउँ अवध कवन मुहु लाई। नारि हेतु प्रिय भाइ गँवाई॥ बरु अपजस सहतेउँ जग माहीं। नारि हानि बिसेष छति नाहीं ॥६॥

Jaihauṅ Avadh kavan muhu lāī, nāri hetu priya bhāi gaṅvāī. Baru apajas sahateuṅ jag māhīṅ, nāri hāni biseṣ chhati nāhīṅ. (6)

371 of 789

अब अपलोकु सोकु सुत तोरा। सहिहि निठुर कठोर उर मोरा॥ निज जननी के एक कुमारा। तात तासु तुम्ह प्रान अधारा॥

Ab apaloku soku sut torā, sahihi niṭhur kaṭhor ur morā. Nij jananī ke ek kumārā, tāt tāsu tumh prān adhārā.

372 of 789

सौंपेसि मोहि तुम्हहि गहि पानी। सब बिधि सुखद परम हित जानी॥ उतरु काह दैहउँ तेहि जाई। उठि किन मोहि सिखावहु भाई ॥८॥

Sauṅpesi mohi tumhahi gahi pānī, sab bidhi sukhad param hit jānī. Utaru kāh daihauṅ tehi jāī, uṭhi kin mohi sikhāvahu bhāī. (8)

373 of 789

बहु बिधि सोचत सोच बिमोचन। स्रवत सलिल राजिव दल लोचन॥ उमा एक अखंड रघुराई। नर गति भगत कृपाल देखाई ॥९॥

Bahu bidhi sochat soch bimochan, sravat salil rājiv dal lochan. Umā ek akhaṇḍ Raghurāī, nar gati bhagat kṛpāl dekhāī. (9)

374 of 789

सो०—प्रभु प्रलाप सुनि कान बिकल भए बानर निकर। आइ गयउ हनुमान जिमि करुना महँ बीर रस ॥६१॥

So—Prabhu pralāp suni kān bikal bhae bānar nikar, āi gayau Hanumān jimi karunā mahaṅ bīr ras. (61)

375 of 789

हरषि राम भेटेउ हनुमाना। अति कृतग्य प्रभु परम सुजाना॥ तुरत बैद तब कीन्हि उपाई। उठि बैठे लछिमन हरषाई ॥१॥

Haraṣi Rām bheṭeu Hanumānā, ati kṛtagya prabhu param sujānā. Turat baid tab kīnhi upāī, uṭhi baiṭhe Lachhiman haraṣāī. (1)

376 of 789

हृदयँ लाइ प्रभु भेंटेउ भ्राता। हरषे सकल भालु कपि ब्राता॥ कपि पुनि बैद तहाँ पहुँचावा। जेहि बिधि तबहिं ताहि लइ आवा ॥२॥

Hṛdayaṅ lāi prabhu bheṇṭeu bhrātā, haraṣe sakal bhālu kapi brātā. Kapi puni baid tahāṅ pahuṅchāvā, jehi bidhi tabahiṅ tāhi lai āvā. (2)

377 of 789

यह बृत्तांत दसानन सुनेऊ। अति बिषाद पुनि पुनि सिर धुनेऊ॥ ब्याकुल कुंभकरन पहिं आवा। बिबिध जतन करि ताहि जगावा ॥३॥

Yah bṛttāṅt Dasānan suneū, ati biṣād puni puni sir dhuneū. Byākul Kumbhakaran pahiṅ āvā, bibidh jatan kari tāhi jagāvā. (3)

378 of 789

जागा निसिचर देखिअ कैसा। मानहुँ कालु देह धरि बैसा॥ कुंभकरन बूझा कहु भाई। काहे तव मुख रहे सुखाई ॥४॥

Jāgā nisichar dekhia kaisā, mānahuṅ kālu deh dhari baisā. Kumbhakaran būjhā kahu bhāī, kāhe tav mukh rahe sukhāī. (4)

379 of 789

कथा कही सब तेहिं अभिमानी। जेहि प्रकार सीता हरि आनी॥ तात कपिन्ह सब निसिचर मारे। महा महा जोधा संघारे ॥५॥

Kathā kahī sab tehiṅ abhimānī, jehi prakār Sītā hari ānī. Tāt kapinh sab nisichar māre, mahā mahā jodhā saṅghāre. (5)

380 of 789

दुर्मुख सुरिपु मनुज अहारी। भट अतिकाय अकंपन भारी॥ अपर महोदर आदिक बीरा। परे समर महि सब रनधीरा ॥६॥

Durmukh suripu manuj ahārī, bhaṭ Atikāy Akampan bhārī. Apar Mahodar ādik bīrā, pare samar mahi sab ranadhīrā. (6)

381 of 789

दो०—सुनि दसकंधर बचन तब कुंभकरन बिलखान। जगदंबा हरि आनि अब सठ चाहत कल्यान ॥६२॥

Do—Suni Dasakandhar bachan tab Kumbhakaran bilakhān, Jagadambā hari āni ab saṭh chāhat kalyān. (62)

382 of 789

भल न कीन्ह तैं निसिचर नाहा। अब मोहि आइ जगाएहि काहा॥ अजहूँ तात त्यागि अभिमाना। भजहु राम होइहि कल्याना ॥१॥

Bhal na kīnh taiṅ nisichar nāhā, ab mohi āi jagāehi kāhā. Ajahūṅ tāt tyāgi abhimānā, bhajahu Rām hoihi kalyānā. (1)

383 of 789

हैं दससीस मनुज रघुनायक। जाके हनूमान से पायक॥ अहह बंधु तैं कीन्हि खोटाई। प्रथमहिं मोहि न सुनाएहि आई ॥२॥

Haiṅ Dasasīs manuj Raghunāyak, jāke Hanūmān se pāyak. Ahah bandhu taiṅ kīnhi khoṭāī, prathamahiṅ mohi na sunāehi āī. (2)

384 of 789

कीन्हेहु प्रभु बिरोध तेहि देवक। सिव बिरंचि सुर जाके सेवक॥ नारद मुनि मोहि ग्यान जो कहा। कहतेउँ तोहि समय निरबहा ॥३॥

Kīnhehu prabhu birodh tehi devak, Siv Biranchi sur jāke sevak. Nārad muni mohi gyān jo kahā, kahateuṅ tohi samay nirabahā. (3)

385 of 789

अब भरि अंक भेंटु मोहि भाई। लोचन सुफल करौं मैं जाई॥ स्याम गात सरसीरुह लोचन। देखौं जाइ ताप त्रय मोचन ॥४॥

Ab bhari aṅk bheṇṭu mohi bhāī, lochan suphal karauṅ maiṅ jāī. Syām gāt sarasīruh lochan, dekhauṅ jāi tāp tray mochan. (4)

386 of 789

दो०—राम रूप गुन सुमिरत मगन भयउ छन एक। रावन मागेउ कोटि घट मद अरु महिष अनेक ॥६३॥

Do—Rām rūp gun sumirat magan bhayau chhan ek, Rāvan māgeu koṭi ghaṭ mad aru mahiṣ anek. (63)

387 of 789

महिष खाइ करि मदिरा पाना। गर्जा बज्राघात समाना॥ कुंभकरन दुर्मद रन रंगा। चला दुर्ग तजि सेन न संगा ॥१॥

Mahiṣ khāi kari madirā pānā, garjā bajrāghāt samānā. Kumbhakaran durmad ran raṅgā, chalā durg taji sen na saṅgā. (1)

388 of 789

देखि बिभीषनु आगें आयउ। परेउ चरन निज नाम सुनायउ॥ अनुज उठाइ हृदयँ तेहि लायो। रघुपति भक्त जानि मन भायो ॥२॥

Dekhi Bibhīṣanu āgeṅ āyau, pareu charan nij nām sunāyau. Anuj uṭhāi hṛdayaṅ tehi lāyo, Raghupati bhakt jāni man bhāyo. (2)

389 of 789

तात लात रावन मोहि मारा। कहत परम हित मंत्र बिचारा॥ तेहिं गलानि रघुपति पहिं आयउँ। देखि दीन प्रभु के मन भायउँ ॥३॥

Tāt lāt Rāvan mohi mārā, kahat param hit mantra bichārā. Tehiṅ galāni Raghupati pahiṅ āyauṅ, dekhi dīn prabhu ke man bhāyauṅ. (3)

390 of 789

सुनु सुत भयउ कालबस रावन। सो कि मान अब परम सिखावन॥ धन्य धन्य तैं धन्य बिभीषन। भयहु तात निसिचर कुल भूषन ॥४॥

Sunu sut bhayau kālabas Rāvan, so ki mān ab param sikhāvan. Dhanya dhanya taiṅ dhanya Bibhīṣan, bhayahu tāt nisichar kul bhūṣan. (4)

391 of 789

बंधु बंस तैं कीन्ह उजागर। भजेहु राम सोभा सुख सागर ॥५॥

Bandhu bans taiṅ kīnh ujāgar, bhajehu Rām sobhā sukh sāgar. (5)

392 of 789

दो०—बचन कर्म मन कपट तजि भजेहु राम रनधीर। जाहु न निज पर सूझ मोहि भयउँ कालबस बीर ॥६४॥

Do—Bachan karma man kapaṭ taji bhajehu Rām ranadhīr, jāhu na nij par sūjh mohi bhayauṅ kālabas bīr. (64)

393 of 789

बंधु बचन सुनि चला बिभीषन। आयउ जहँ त्रैलोक बिभूषन॥ नाथ भूधराकार सरीरा। कुंभकरन आवत रनधीरा ॥१॥

Bandhu bachan suni chalā Bibhīṣan, āyau jahaṅ trailok bibhūṣan. Nāth bhūdharākār sarīrā, Kumbhakaran āvat ranadhīrā. (1)

394 of 789

एतना कपिन्ह सुना जब काना। किलकिलाइ धाए बलवाना॥ लिए उठाइ बिटप अरु भूधर। कटकटाइ डारहिं ता ऊपर ॥२॥

Etanā kapinh sunā jab kānā, kilakilāi dhāe balavānā. Lie uṭhāi biṭap aru bhūdhar, kaṭakaṭāi ḍārahiṅ tā ūpar. (2)

395 of 789

कोटि कोटि गिरि सिखर प्रहारा। करहिं भालु कपि एक एक बारा॥ मुर्यो न मनु तनु टस्यो न टार्यो। जिमि गज अर्क फलनि को मार्यो ॥३॥

Koṭi koṭi giri sikhar prahārā, karahiṅ bhālu kapi ek ek bārā. Muryo na manu tanu tasyo na ṭāryo, jimi gaj ark phalani ko māryo. (3)

396 of 789

तब मारुतसुत मुठिका हन्यो। परयो धरनि ब्याकुल सिर धुन्यो॥ पुनि उठि तेहिं मारेउ हनुमंता। घुर्मित भूतल परेउ तुरंता॥

Tab Mārutasut muṭhikā hanyo, parayo dharani byākul sir dhunyo. Puni uṭhi tehiṅ māreu Hanumantā, ghurmit bhūtal pareu turantā.

397 of 789

पुनि नल नीलहि अवनि पछारेसि। जहँ तहँ पटकि पटकि भट डारेसि॥ चली बलीमुख सेन पराई। अति भय त्रसित न कोउ समुहाई ॥५॥

Puni Nal Nīlahi avani pachhāresi, jahaṅ tahaṅ paṭaki paṭaki bhaṭ ḍāresi. Chalī balīmukh sen parāī, ati bhay trasit na kou samuhāī. (5)

398 of 789

दो०—अंगदादि कपि मुरुछित करि समेत सुग्रीव। काँख दाबि कपिराज कहुँ चला अमित बल सींव ॥६५॥

Do—Aṅgadādi kapi muruchhit kari samet Sugrīv, kāṅkh dābi kapirāj kahuṅ chalā amit bal sīṅv. (65)

399 of 789

उमा करत रघुपति नरलीला। खेल गरुड़ जिमि अहिगन मीला॥ भृकुटि भंग जो कालहि खाई। ताहि कि सोहइ ऐसि लराई ॥१॥

Umā karat Raghupati naralīlā, khel garuṛ jimi ahigan mīlā. Bhṛkuṭi bhaṅg jo kālahi khāī, tāhi ki sohai aisi larāī. (1)

400 of 789

जग पावनि कीरति बिस्तरिहहिं। गाइ गाइ भवनिधि नर तरिहहिं॥ मुरुछा गइ मारुतसुत जागा। सुग्रीवहि तब खोजन लागा ॥२॥

Jag pāvani kīrati bistarihahiṅ, gāi gāi bhavanidhi nar tarihahiṅ. Muruchhā gai Mārutasut jāgā, Sugrīvahi tab khojan lāgā. (2)

401 of 789

सुग्रीवहु कै मुरुछा बीती। निबुकि गयउ तेहि मृतक प्रतीती॥ काटेसि दसन नासिका काना। गरजि अकास चलेउ तेहिं जाना ॥३॥

Sugrīvahu kai muruchhā bītī, nibuki gayau tehi mṛtak pratītī. Kāṭesi dasan nāsikā kānā, garaji akās chaleu tehiṅ jānā. (3)

402 of 789

गहेउ चरन गहि भूमि पछारा। अति लाघवँ उठि पुनि तेहि मारा॥ पुनि आयउ प्रभु पहिं बलवाना। जयति जयति जय कृपानिधाना ॥४॥

Gaheu charan gahi bhūmi pachhārā, ati lāghavaṅ uṭhi puni tehi mārā. Puni āyau prabhu pahiṅ balavānā, jayati jayati jaya kṛpānidhānā. (4)

403 of 789

नाक कान काटे जियँ जानी। फिरा क्रोध करि भइ मन ग्लानी॥ सहज भीम पुनि बिनु श्रुति नासा। देखत कपि दल उपजी त्रासा ॥५॥

Nāk kān kāṭe jiyaṅ jānī, phirā krodh kari bhai man glānī. Sahaj bhīm puni binu śruti nāsā, dekhat kapi dal upajī trāsā. (5)

404 of 789

दो०—जय जय जय रघुबंस मनि धाए कपि दै हूह। एकहि बार तासु पर छाड़ेन्हि गिरि तरु जूह ॥६६॥

Do—Jaya jaya jaya Raghubans mani dhāe kapi dai hūh, ekahi bār tāsu par chhāṛenhi giri taru jūh. (66)

405 of 789

कुंभकरन रन रंग बिरुद्धा। सन्मुख चला काल जनु क्रुद्धा॥ कोटि कोटि कपि धरि धरि खाई। जनु टीड़ी गिरि गुहाँ समाई ॥१॥

Kumbhakaran ran raṅg biruddhā, sanmukh chalā kāl janu kruddhā. Koṭi koṭi kapi dhari dhari khāī, janu ṭīṛī giri guhāṅ samāī. (1)

406 of 789

कोटिन्ह गहि सरीर सन मर्दा। कोटिन्ह मीजि मिलव महि गर्दा॥ मुख नासा श्रवनन्हि कीं बाटा। निसरि पराहिं भालु कपि ठाटा ॥२॥

Koṭinh gahi sarīr san mardā, koṭinh mīji milav mahi gardā. Mukh nāsā śravananhi kīṅ bāṭā, nisari parāhiṅ bhālu kapi ṭhāṭā. (2)

407 of 789

रन मद मत्त निसाचर दर्पा। बिस्व ग्रसिहि जनु एहि बिधि अर्पा॥ मुरे सुभट सब फिरहिं न फेरे। सूझ न नयन सुनहिं नहिं टेरे ॥३॥

Ran mad matt nisāchar darpā, bisva grasihi janu ehi bidhi arpā. Mure subhaṭ sab phirahiṅ na phere, sūjh na nayan sunahiṅ nahiṅ ṭere. (3)

408 of 789

कुंभकरन कपि फौज बिडारी। सुनि धाई रजनीचर धारी॥ देखी राम बिकल कटकाई। रिपु अनीक नाना बिधि आई॥

Kumbhakaran kapi phauj biḍārī, suni dhāī rajanīchar dhārī. Dekhī Rām bikal kaṭakāī, ripu anīk nānā bidhi āī.

409 of 789

दो०—सुनु सुग्रीव बिभीषन अनुज सँभारेहु सैन। मैं देखउँ खल बल दलहि बोले राजिवनैन ॥६७॥

Do—Sunu Sugrīv Bibhīṣan anuj saṅbhārehu sain, maiṅ dekhauṅ khal bal dalahi bole rājivanain. (67)

410 of 789

कर सारंग साजि कटि भाथा। अरि दल दलन चले रघुनाथा॥ प्रथम कीन्हि प्रभु धनुष टँकोरा। रिपु दल बधिर भयउ सुनि सोरा ॥१॥

Kar sāraṅg sāji kaṭi bhāthā, ari dal dalan chale Raghunāthā. Pratham kīnhi prabhu dhanuṣ ṭaṅkorā, ripu dal badhir bhayau suni sorā. (1)

411 of 789

सत्यसंध छाँड़े सर लच्छा। कालसर्प जनु चले सपच्छा॥ जहँ तहँ चले बिपुल नाराचा। लगे कटन भट बिकट पिसाचा ॥२॥

Satyasandh chhāṅṛe sar lachchhā, kālasarp janu chale sapachchhā. Jahaṅ tahaṅ chale bipul nārāchā, lage kaṭan bhaṭ bikaṭ pisāchā. (2)

412 of 789

कटहिं चरन उर सिर भुजदंडा। बहुतक बीर होहिं सत खंडा॥ घुर्मि घुर्मि घायल महि परहीं। उठि संभारि सुभट पुनि लरहीं ॥३॥

Kaṭahiṅ charan ur sir bhujadaṇḍā, bahutak bīr hohiṅ sat khaṇḍā. Ghurmi ghurmi ghāyal mahi parahīṅ, uṭhi sanbhāri subhaṭ puni larahīṅ. (3)

413 of 789

लागत बान जलद जिमि गाजहिं। बहुतक देखि कठिन सर भाजहिं॥ रुंड प्रचंड मुंड बिनु धावहिं। धरु धरु मारु मारु धुनि गावहिं ॥४॥

Lāgat bān jalad jimi gājahiṅ, bahutak dekhi kaṭhin sar bhājahiṅ. Ruṇḍ prachaṇḍ muṇḍ binu dhāvahiṅ, dharu dharu māru māru dhuni gāvahiṅ. (4)

414 of 789

दो०—छन महुँ प्रभु के सायकन्हि काटे बिकट पिसाच। पुनि रघुबीर निषंग महुँ प्रबिसे सब नाराच ॥६८॥

Do—Chhan mahuṅ prabhu ke sāyakanhi kāṭe bikaṭ pisāch, puni Raghubīr niṣaṅg mahuṅ prabise sab nārāch. (68)

415 of 789

कुंभकरन मन दीख बिचारी। हति छन माझ निसाचर धारी॥ भा अति क्रुद्ध महाबल बीरा। कियो मृगनायक नाद गँभीरा ॥१॥

Kumbhakaran man dīkh bichārī, hati chhan mājh nisāchar dhārī. Bhā ati kruddh mahābal bīrā, kiyo mṛganāyak nād gaṅbhīrā. (1)

416 of 789

कोपि महीधर लेइ उपारी। डारइ जहँ मर्कट भट भारी॥ आवत देखि सैल प्रभु भारे। सरन्हि काटि रज सम करि डारे ॥२॥

Kopi mahīdhar lei upārī, ḍārai jahaṅ markaṭ bhaṭ bhārī. Āvat dekhi sail prabhu bhāre, saranhi kāṭi raj sam kari ḍāre. (2)

417 of 789

पुनि धनु तानि कोपि रघुनायक। छाँड़े अति कराल बहु सायक॥ तनु महुँ प्रबिसि निसरि सर जाहीं। जिमि दामिनि घन माझ समाहीं ॥३॥

Puni dhanu tāni kopi Raghunāyak, chhāṅṛe ati karāl bahu sāyak. Tanu mahuṅ prabisi nisari sar jāhīṅ, jimi dāmini ghan mājh samāhīṅ. (3)

418 of 789

सोनित स्रवत सोह तन कारे। जनु कज्जल गिरि गेरु पनारे॥ बिकल बिलोकि भालु कपि धाए। बिहँसा जबहिं निकट कपि आए ॥४॥

Sonit sravat soh tan kāre, janu kajjal giri geru panāre. Bikal biloki bhālu kapi dhāe, bihaṅsā jabahiṅ nikaṭ kapi āe. (4)

419 of 789

दो०—महानाद करि गर्जा कोटि कोटि गहि कीस। महि पटकइ गजराज इव सपथ करइ दससीस ॥६९॥

Do—Mahānād kari garjā koṭi koṭi gahi kīs, mahi paṭakai gajarāj iva sapath karai Dasasīs. (69)

420 of 789

भागे भालु बलीमुख जूथा। बृकु बिलोकि जिमि मेष बरूथा॥ चले भागि कपि भालु भवानी। बिकल पुकारत आरत बानी ॥१॥

Bhāge bhālu balīmukh jūthā, bṛku biloki jimi meṣ barūthā. Chale bhāgi kapi bhālu Bhavānī, bikal pukārat ārat bānī. (1)

421 of 789

यह निसिचर दुकाल सम अहई। कपिकुल देस परन अब चहई॥ कृपा बारिधर राम खरारी। पाहि पाहि प्रनतारति हारी॥

Yah nisichar dukāl sam ahaī, kapikul des paran ab chahaī. Kṛpā bāridhar Rām Kharārī, pāhi pāhi pranatārati hārī.

422 of 789

सकरुन बचन सुनत भगवाना। चले सुधारि सरासन बाना॥ राम सेन निज पाछें घाली। चले सकोप महा बलसाली ॥३॥

Sakarun bachan sunat bhagavānā, chale sudhāri sarāsan bānā. Rām sen nij pāchheṅ ghālī, chale sakop mahā balasālī. (3)

423 of 789

खैंचि धनुष सर सत संधाने। छूटे तीर सरीर समाने॥ लागत सर धावा रिस भरा। कुधर डगमगत डोलति धरा ॥४॥

Khaiṅchi dhanuṣ sar sat sandhāne, chhūṭe tīr sarīr samāne. Lāgat sar dhāvā ris bharā, kudhar ḍagamagat ḍolati dharā. (4)

424 of 789

लीन्ह एक तेहिं सैल उपाटी। रघुकुलतिलक भुजा सोइ काटी॥ धावा बाम बाहु गिरि धारी। प्रभु सोउ भुजा काटि महि पारी ॥५॥

Līnh ek tehiṅ sail upāṭī, Raghukulatilak bhujā soi kāṭī. Dhāvā bām bāhu giri dhārī, prabhu sou bhujā kāṭi mahi pārī. (5)

425 of 789

काटें भुजा सोह खल कैसा। पच्छहीन मंदर गिरि जैसा॥ उग्र बिलोकनि प्रभुहि बिलोका। ग्रसन चहत मानहुँ त्रैलोका ॥६॥

Kāṭeṅ bhujā soh khal kaisā, pachhahīn Mandar giri jaisā. Ugra bilokani prabhuhi bilokā, grasan chahat mānahuṅ trailokā. (6)

426 of 789

दो०—करि चिक्कार घोर अति धावा बदनु पसारि। गगन सिद्ध सुर त्रासित हा हा हेति पुकारि ॥७०॥

Do—Kari chikkār ghor ati dhāvā badanu pasāri, gagan siddh sur trāsit hā hā heti pukāri. (70)

427 of 789

सभय देव करुनानिधि जान्यो। श्रवन प्रजंत सरासनु तान्यो॥ बिसिख निकर निसिचर मुख भरेऊ। तदपि महाबल भूमि न परेऊ ॥१॥

Sabhay dev karunānidhi jānyo, śravan prajant sarāsanu tānyo. Bisikh nikar nisichar mukh bhareū, tadapi mahābal bhūmi na pareū. (1)

428 of 789

सरन्हि भरा मुख सन्मुख धावा। काल त्रोन सजीव जनु आवा॥ तब प्रभु कोपि तीव्र सर लीन्हा। धर ते भिन्न तासु सिर कीन्हा ॥२॥

Saranhi bharā mukh sanmukh dhāvā, kāl tron sajīv janu āvā. Tab prabhu kopi tīvra sar līnhā, dhar te bhinn tāsu sir kīnhā. (2)

429 of 789

सो सिर परेउ दसानन आगें। बिकल भयउ जिमि फनि मनि त्यागें॥ धरनि धसइ धर धाव प्रचंडा। तब प्रभु काटि कीन्ह दुइ खंडा ॥३॥

So sir pareu Dasānan āgeṅ, bikal bhayau jimi phani mani tyāgeṅ. Dharani dhasai dhar dhāv prachaṇḍā, tab prabhu kāṭi kīnh dui khaṇḍā. (3)

430 of 789

परे भूमि जिमि नभ तें भूधर। हेठ दाबि कपि भालु निसाचर॥ तासु तेज प्रभु बदन समाना। सुर मुनि सबहिं अचंभव माना ॥४॥

Pare bhūmi jimi nabh teṅ bhūdhar, heṭh dābi kapi bhālu nisāchar. Tāsu tej prabhu badan samānā, sur muni sabahiṅ achaṅbhav mānā. (4)

431 of 789

सुर दुंदुभीं बजावहिं हरषहिं। अस्तुति करहिं सुमन बहु बरषहिं॥ करि बिनती सुर सकल सिधाए। तेही समय देवरिषि आए ॥५॥

Sur dundubhīṅ bajāvahiṅ haraṣahiṅ, astuti karahiṅ suman bahu baraṣahiṅ. Kari binatī sur sakal sidhāe, tehī samay Devariṣi āe. (5)

432 of 789

गगनोपरि हरि गुन गन गाए। रुचिर बीररस प्रभु मन भाए॥ बेगि हतहु खल कहि मुनि गए। राम समर महि सोभत भए ॥६॥

Gaganopari hari gun gan gāe, ruchir bīraras prabhu man bhāe. Begi hatahu khal kahi muni gae, Rām samar mahi sobhat bhae. (6)

433 of 789

छं०—संग्राम भूमि बिराज रघुपति अतुल बल कोसल धनी। श्रम बिंदु मुख राजीव लोचन अरुन तन सोनित कनी॥ भुज जुगल फेरत सर सरासन भालु कपि चहु दिसि बने। कह दास तुलसी कहि न सक छबि सेष जेहि आनन घने॥

Chhand—Saṅgrām bhūmi birāj Raghupati atul bal Kosal dhanī, śram bindu mukh rājīv lochan arun tan sonit kanī. Bhuj jugal pherat sar sarāsan bhālu kapi chahu disi bane, kah dās Tulasī kahi na sak chhabi Seṣ jehi ānan ghane.

434 of 789

दो०—निसिचर अधम मलाकर ताहि दीन्ह निज धाम। गिरिजा ते नर मंदमति जे न भजहिं श्रीराम ॥७१॥

Do—Nisichar adham malākar tāhi dīnh nij dhām, Girijā te nar mandamati je na bhajahiṅ Śrīrām. (71)

435 of 789

दिन के अंत फिरीं द्वौ अनी। समर भई सुभटन्ह श्रम घनी॥ राम कृपाँ कपि दल बल बाढ़ा। जिमि तृन पाइ लाग अति डाढ़ा ॥१॥

Din ke ant phirīṅ dvau anī, samar bhaī subhaṭanh śram ghanī. Rām kṛpāṅ kapi dal bal bāṛhā, jimi tṛn pāi lāg ati ḍāṛhā. (1)

436 of 789

छीजहिं निसिचर दिनु अरु राती। निज मुख कहें सुकृत जेहि भाँती॥ बहु बिलाप दसकंधर करई। बंधु सीस पुनि पुनि उर धरई ॥२॥

Chhījahiṅ nisichar dinu aru rātī, nij mukh kaheṅ sukṛt jehi bhāṅtī. Bahu bilāp Dasakandhar karaī, bandhu sīs puni puni ur dharaī. (2)

437 of 789

रोवहिं नारि हृदय हति पानी। तासु तेज बल बिपुल बखानी॥ मेघनाद तेहि अवसर आयउ। कहि बहु कथा पिता समुझायउ ॥३॥

Rovahiṅ nāri hṛday hati pānī, tāsu tej bal bipul bakhānī. Meghanād tehi avasar āyau, kahi bahu kathā pitā samujhāyau. (3)

438 of 789

देखेहु काल मोरि मनुसाई। अबहिं बहुत का करौं बड़ाई॥ इष्टदेव सैं बल रथ पायउँ। सो बल तात न तोहि देखायउँ ॥४॥

Dekhehu kāl mori manusāī, abahiṅ bahut kā karauṅ baṛāī. Iṣṭadev saiṅ bal rath pāyauṅ, so bal tāt na tohi dekhāyauṅ. (4)

439 of 789

एहि बिधि जल्पत भयउ बिहाना। चहुँ दुआर लागे कपि नाना॥ इत कपि भालु काल सम बीरा। उत रजनीचर अति रनधीरा ॥५॥

Ehi bidhi jalpat bhayau bihānā, chahuṅ duār lāge kapi nānā. It kapi bhālu kāl sam bīrā, ut rajanīchar ati ranadhīrā. (5)

440 of 789

लरहिं सुभट निज निज जय हेतू। बरनि न जाइ समर खगकेतू ॥६॥

Larahiṅ subhaṭ nij nij jay hetū, barani na jāi samar khagaketū. (6)

441 of 789

दो०—मेघनाद मायामय रथ चढ़ि गयउ अकास। गर्जेउ अट्टहास करि भइ कपि कटकहि त्रास ॥७२॥

Do—Meghanād māyāmay rath chaṛhi gayau akās, garjeu aṭṭahās kari bhai kapi kaṭakahi trās. (72)

442 of 789

सक्ति सूल तरवारि कृपाना। अस्त्र सस्त्र कुलिसायुध नाना॥ डारइ परसु परिघ पाषाना। लागेउ बृष्टि करै बहु बाना ॥१॥

Sakti sūl taravāri kṛpānā, astra sastra kulisāyudh nānā. Ḍārai parasu parigh pāṣānā, lāgeu bṛṣṭi karai bahu bānā. (1)

443 of 789

दस दिसि रहे बान नभ छाई। मानहुँ मघा मेघ झरि लाई॥ धरु धरु मारु सुनिअ धुनि काना। जो मारइ तेहि कोउ न जाना ॥२॥

Das disi rahe bān nabh chhāī, mānahuṅ maghā megh jhari lāī. Dharu dharu māru sunia dhuni kānā, jo mārai tehi kou na jānā. (2)

444 of 789

गहि गिरि तरु अकास कपि धावहिं। देखहिं तेहि न दुखित फिरि आवहिं॥ अवघट घाट बाट गिरि कंदर। माया बल कीन्हेसि सर पंजर ॥३॥

Gahi giri taru akās kapi dhāvahiṅ, dekhahiṅ tehi na dukhit phiri āvahiṅ. Avaghaṭ ghāṭ bāṭ giri kandar, māyā bal kīnhesi sar pañjar. (3)

445 of 789

जाहिं कहाँ ब्याकुल भए बंदर। सुरपति बंदि परे जनु मंदर॥ मारुतसुत अंगद नल नीला। कीन्हेसि बिकल सकल बलसीला ॥४॥

Jāhiṅ kahāṅ byākul bhae bandar, Surapati bandi pare janu Mandar. Mārutasut Aṅgad Nal Nīlā, kīnhesi bikal sakal balasīlā. (4)

446 of 789

पुनि लछिमन सुग्रीव बिभीषन। सरन्हि मारि कीन्हेसि जर्जर तन॥ पुनि रघुपति सैं जूझै लागा। सर छाँड़इ होइ लागहिं नागा ॥५॥

Puni Lachhiman Sugrīv Bibhīṣan, saranhi māri kīnhesi jarjar tan. Puni Raghupati saiṅ jūjhai lāgā, sar chhāṅṛai hoi lāgahiṅ nāgā. (5)

447 of 789

ब्याल पास बस भए खरारी। स्वबस अनंत एक अबिकारी॥ नट इव कपट चरित कर नाना। सदा स्वतंत्र एक भगवाना ॥६॥

Byāl pās bas bhae Kharārī, svabas anant ek abikārī. Naṭ iv kapaṭ charit kar nānā, sadā svatantra ek bhagavānā. (6)

448 of 789

रन सोभा लगि प्रभुहिं बँधायो। नागपास देवन्ह भय पायो ॥७॥

Ran sobhā lagi prabhuhiṅ baṅdhāyo, nāgapās devanh bhay pāyo. (7)

449 of 789

दो०—गिरिजा जासु नाम जपि मुनि काटहिं भव पास। सो कि बंध तर आवइ ब्यापक बिस्व निवास ॥७३॥

Do—Girijā jāsu nām japi muni kāṭahiṅ bhav pās, so ki bandh tar āvai byāpak bisva nivās. (73)

450 of 789

चरित राम के सगुन भवानी। तर्कि न जाहिं बुद्धि बल बानी॥ अस बिचारि जे तग्य बिरागी। रामहि भजहिं तर्क सब त्यागी ॥१॥

Charit Rām ke sagun Bhavānī, tarki na jāhiṅ buddhi bal bānī. As bichāri je tagy birāgī, Rāmahi bhajahiṅ tark sab tyāgī. (1)

451 of 789

ब्याकुल कटकु कीन्ह घननादा। पुनि भा प्रगट कहइ दुर्बादा॥ जामवंत कह खल रहु ठाढ़ा। सुनि करि ताहि क्रोध अति बाढ़ा ॥२॥

Byākul kaṭaku kīnh Ghananādā, puni bhā pragaṭ kahai durbādā. Jāmavant kah khal rahu ṭhāḍhā, suni kari tāhi krodh ati bāḍhā. (2)

452 of 789

बूढ़ जानि सठ छाँड़ेउँ तोही। लागेसि अधम पचारै मोही॥ अस कहि तरल त्रिसूल चलायो। जामवंत कर गहि सोइ धायो ॥३॥

Būṛh jāni saṭh chhāṅṛeuṅ tohī, lāgesi adham pachārai mohī. As kahi taral trisūl chalāyo, Jāmavant kar gahi soi dhāyo. (3)

453 of 789

मारिसि मेघनाद कै छाती। परा भूमि घुर्मित सुरघाती॥ पुनि रिसान गहि चरन फिरायो। महि पछारि निज बल देखरायो ॥४॥

Mārisi Meghanād kai chhātī, parā bhūmi ghurmit suraghātī. Puni risān gahi charan phirāyo, mahi pachhāri nij bal dekharāyo. (4)

454 of 789

बर प्रसाद सो मरइ न मारा। तब गहि पद लंका पर डारा॥ इहाँ देवरिषि गरुड़ पठायो। राम समीप सपदि सो आयो ॥५॥

Bar prasād so marai na mārā, tab gahi pad Laṅkā par ḍārā. Ihāṅ Devariṣi Garuḍ paṭhāyo, Rām samīp sapadi so āyo. (5)

455 of 789

दो०—खगपति सब धरि खाए माया नाग बरूथ। माया बिगत भए सब हरषे बानर जूथ ॥७४(क)॥

Do—Khagapati sab dhari khāe māyā nāg barūth, māyā bigat bhae sab haraṣe bānar jūth. (74 ka)

456 of 789

गहि गिरि पादप उपल नख धाए कीस रिसाइ। चले तमीचर बिकलतर गढ़ पर चढ़े पराइ ॥७४(ख)॥

Gahi giri pādap upal nakh dhāe kīs risāi, chale tamīchar bikalatar gaṛh par chaṛhe parāi. (74 kha)

457 of 789

मेघनाद कै मुरछा जागी। पितहि बिलोकि लाज अति लागी॥ तुरत गयउ गिरिबर कंदरा। करौं अजय मख अस मन धरा ॥१॥

Meghanād kai murachhā jāgī, pitahi biloki lāj ati lāgī. Turat gayau giribar kandarā, karauṅ ajay makh as man dharā. (1)

458 of 789

इहाँ बिभीषन मंत्र बिचारा। सुनहु नाथ बल अतुल उदारा॥ मेघनाद मख करइ अपावन। खल मायावी देव सतावन ॥२॥

Ihāṅ Bibhīṣan mantra bichārā, sunahu nāth bal atul udārā. Meghanād makh karai apāvan, khal māyāvī dev satāvan. (2)

459 of 789

जौं प्रभु सिद्ध होइ सो पाइहि। नाथ बेगि पुनि जीति न जाइहि॥ सुनि रघुपति अतिसय सुख माना। बोले अंगदादि कपि नाना ॥३॥

Jauṅ prabhu siddh hoi so pāihi, nāth begi puni jīti na jāihi. Suni Raghupati atisay sukh mānā, bole Aṅgadādi kapi nānā. (3)

460 of 789

लछिमन संग जाहु सब भाई। करहु बिधंस जग्य कर जाई॥ तुम्ह लछिमन मारेहु रन ओही। देखि सभय सुर दुख अति मोही ॥४॥

Lachhiman saṅg jāhu sab bhāī, karahu bidhans jagy kar jāī. Tumh Lachhiman mārehu ran ohī, dekhi sabhay sur dukh ati mohī. (4)

461 of 789

मारेहु तेहि बल बुद्धि उपाई। जेहिं छीजै निसिचर सुनु भाई॥ जामवंत सुग्रीव बिभीषन। सेन समेत रहेहु तीनिउ जन ॥५॥

Mārehu tehi bal buddhi upāī, jehiṅ chhījai nisichar sunu bhāī. Jāmavant Sugrīv Bibhīṣan, sen samet rahehu tīniu jan. (5)

462 of 789

जब रघुबीर दीन्हि अनुसासन। कटि निषंग कसि साजि सरासन॥ प्रभु प्रताप उर धरि रनधीरा। बोले घन इव गिरा गँभीरा ॥६॥

Jab Raghubīr dīnhi anusāsan, kaṭi niṣaṅg kasi sāji sarāsan. Prabhu pratāp ur dhari ranadhīrā, bole ghan iv girā gaṅbhīrā. (6)

463 of 789

जौं तेहि आजु बधें बिनु आवौं। तौ रघुपति सेवक न कहावौं॥ जौं सत संकर करहिं सहाई। तदपि हतउँ रघुबीर दोहाई ॥७॥

Jauṅ tehi āju badheṅ binu āvauṅ, tau Raghupati sevak na kahāvauṅ. Jauṅ sat Saṅkar karahiṅ sahāī, tadapi hatauṅ Raghubīr dohāī. (7)

464 of 789

दो०—रघुपति चरन नाइ सिरु चलेउ तुरंत अनंत। अंगद नील मयंद नल संग सुभट हनुमंत ॥७५॥

Do—Raghupati charan nāi siru chaleu turant Anant, Aṅgad Nīl Mayand Nal saṅg subhaṭ Hanumant. (75)

465 of 789

जाइ कपिन्ह सो देखा बैसा। आहुति देत रुधिर अरु भैंसा॥ कीन्ह कपिन्ह सब जग्य बिधंसा। जब न उठइ तब करहिं प्रसंसा ॥१॥

Jāi kapinh so dekhā baisā, āhuti det rudhir aru bhaiṅsā. Kīnh kapinh sab jagy bidhansā, jab na uṭhai tab karahiṅ prasansā. (1)

466 of 789

तदपि न उठइ धरेन्हि कच जाई। लातन्हि हति हति चले पराई॥ लै त्रिसूल धावा कपि भागे। आए जहँ रामानुज आगे ॥२॥

Tadapi na uṭhai dharenhi kach jāī, lātanhi hati hati chale parāī. Lai trisūl dhāvā kapi bhāge, āe jahaṅ Rāmānuj āge. (2)

467 of 789

आवा परम क्रोध कर मारा। गर्ज घोर रव बारहिं बारा॥ कोपि मरुतसुत अंगद धाए। हति त्रिसूल उर धरनि गिराए ॥३॥

Āvā param krodh kar mārā, garj ghor rav bārahiṅ bārā. Kopi Marutasut Aṅgad dhāe, hati trisūl ur dharani girāe. (3)

468 of 789

प्रभु कहँ छाँड़ेसि सूल प्रचंडा। सर हति कृत अनंत जुग खंडा॥ उठि बहोरि मारुति जुबराजा। हतहिं कोपि तेहि घाउ न बाजा ॥४॥

Prabhu kahaṅ chhāṅṛesi sūl prachaṇḍā, sar hati kṛt Anant jug khaṇḍā. Uṭhi bahori Māruti jubarājā, hatahiṅ kopi tehi ghāu na bājā. (4)

469 of 789

फिरे बीर रिपु मरइ न मारा। तब धावा करि घोर चिकारा॥ आवत देखि क्रुद्ध जनु काला। लछिमन छाड़े बिसिख कराला ॥५॥

Phire bīr ripu marai na mārā, tab dhāvā kari ghor chikārā. Āvat dekhi kruddh janu kālā, Lachhiman chhāḍe bisikh karālā. (5)

470 of 789

देखेसि आवत पबि सम बाना। तुरत भयउ खल अंतरधाना॥ बिबिध बेष धरि करइ लराई। कबहुँक प्रगट कबहुँ दुरि जाई ॥६॥

Dekhesi āvat pabi sam bānā, turat bhayau khal antaradhānā. Bibidh beṣ dhari karai larāī, kabahuṅk pragaṭ kabahuṅ duri jāī. (6)

471 of 789

देखि अजय रिपु डरपे कीसा। परम क्रुद्ध तब भयउ अहीसा॥ लछिमन मन अस मंत्र दृढ़ावा। एहि पापिहि मैं बहुत खेलावा ॥७॥

Dekhi ajay ripu ḍarape kīsā, param kruddh tab bhayau Ahīsā. Lachhiman man as mantra dṛṛhāvā, ehi pāpihi maiṅ bahut khelāvā. (7)

472 of 789

सुमिरि कोसलाधीस प्रतापा। सर संधान कीन्ह करि दापा॥ छाड़ा बान माझ उर लागा। मरती बार कपटु सब त्यागा ॥८॥

Sumiri Kosalādhīs pratāpā, sar sandhān kīnh kari dāpā. Chhāṛā bān mājh ur lāgā, maratī bār kapaṭu sab tyāgā. (8)

473 of 789

दो०—रामानुज कहँ रामु कहँ अस कहि छाँड़ेसि प्रान। धन्य धन्य तव जननि कह अंगद हनुमान ॥७६॥

Do—Rāmānuj kahaṅ Rāmu kahaṅ as kahi chhāṅṛesi prān, dhanya dhanya tav janani kah Aṅgad Hanumān. (76)

474 of 789

बिनु प्रयास हनुमान उठायो। लंका द्वार राखि पुनि आयो॥ तासु मरन सुनि सुर गंधर्बा। चढ़ि बिमान आए नभ सर्बा ॥१॥

Binu prayās Hanumān uṭhāyo, Laṅkā dvār rākhi puni āyo. Tāsu maran suni sur Gandharbā, chaṛhi bimān āe nabh sarbā. (1)

475 of 789

बरषि सुमन दुंदुभीं बजावहिं। श्रीरघुनाथ बिमल जसु गावहिं॥ जय अनंत जय जगदाधारा। तुम्ह प्रभु सब देवन्हि निस्तारा ॥२॥

Baraṣi suman dundubhīṅ bajāvahiṅ, Śrīraghunāth bimal jasu gāvahiṅ. Jay anant jay jagadādhārā, tumh prabhu sab devanhi nistārā. (2)

476 of 789

अस्तुति करि सुर सिद्ध सिधाए। लछिमन कृपासिंधु पहिं आए॥ सुत बध सुना दसानन जबहीं। मुरुछित भयउ परेउ महि तबहीं ॥३॥

Astuti kari sur siddh sidhāe, Lachhiman kṛpāsindhu pahiṅ āe. Sut badh sunā Dasānan jabahīṅ, murachhit bhayau pareu mahi tabahīṅ. (3)

477 of 789

मंदोदरी रुदन कर भारी। उर ताड़न बहु भाँति पुकारी॥ नगर लोग सब ब्याकुल सोचा। सकल कहहिं दसकंधर पोचा ॥४॥

Mandodarī rudan kar bhārī, ur tāṛan bahu bhāṅti pukārī. Nagar log sab byākul sochā, sakal kahahiṅ Dasakandhar pochā. (4)

478 of 789

दो०—तब दसकंठ बिबिधि बिधि समुझाईं सब नारि। नस्वर रूप जगत सब देखहु हृदयँ बिचारि ॥७७॥

Do—Tab Dasakaṇṭh bibidhi bidhi samujhāīṅ sab nāri, nasvar rūp jagat sab dekhahu hṛdayaṅ bichāri. (77)

479 of 789

तिन्हहि ग्यान उपदेसा रावन। आपुन मंद कथा सुभ पावन॥ पर उपदेस कुसल बहुतेरे। जे आचरहिं ते नर न घनेरे ॥१॥

Tinhahi gyān upadesā Rāvan, āpun mand kathā subh pāvan. Par upades kusal bahutere, je ācharahiṅ te nar na ghanere. (1)

480 of 789

निसा सिरानि भयउ भिनुसारा। लगे भालु कपि चारिहुँ द्वारा॥ सुभट बोलाइ दसानन बोला। रन सन्मुख जा कर मन डोला ॥२॥

Nisā sirāni bhayau bhinusārā, lage bhālu kapi chārihuṅ dvārā. Subhaṭ bolāi Dasānan bolā, ran sanmukh jā kar man ḍolā. (2)

481 of 789

सो अबहीं बरु जाउ पराई। संजुग बिमुख भएँ न भलाई॥ निज भुज बल मैं बयरु बढ़ावा। देहउँ उतरु जो रिपु चढ़ि आवा ॥३॥

So abahīṅ baru jāu parāī, sañjug bimukh bhaeṅ na bhalāī. Nij bhuj bal maiṅ bayaru baṛhāvā, dehauṅ utaru jo ripu chaṛhi āvā. (3)

482 of 789

अस कहि मरुत बेग रथ साजा। बाजे सकल जुझाऊ बाजा॥ चले बीर सब अतुलित बली। जनु कज्जल कै आँधी चली ॥४॥

As kahi marut beg rath sājā, bāje sakal jujhāū bājā. Chale bīr sab atulit balī, janu kajjal kai āṅdhī chalī. (4)

483 of 789

असगुन अमित होहिं तेहि काला। गनइ न भुज बल गर्ब बिसाला ॥५॥

Asagun amit hohiṅ tehi kālā, ganai na bhuj bal garb bisālā. (5)

484 of 789

छं०—अति गर्ब गनइ न सगुन असगुन स्रवहिं आयुध हाथ ते। भट गिरत रथ ते बाजि गज चिक्करत भाजहिं साथ ते॥ गोमाय गीध कराल खर रव स्वान बोलहिं अति घने। जनु कालदूत उलूक बोलहिं बचन परम भयावने॥

Chhand—Ati garb ganai na sagun asagun sravahiṅ āyudh hāth te, bhaṭ girat rath te bāji gaj chikkarat bhājahiṅ sāth te. Gomāy gīdh karāl khar rav svān bolahiṅ ati ghane, janu kāladūt ulūk bolahiṅ bachan param bhayāvane.

485 of 789

दो०—ताहि कि संपति सगुन सुभ सपनेहुँ मन बिश्राम। भूत द्रोह रत मोहबस राम बिमुख रति काम ॥७८॥

Do—Tāhi ki sampati sagun subh sapanehuṅ man biśrām, bhūt droh rat mohabas Rām bimukh rati kām. (78)

486 of 789

चलेउ निसाचर कटकु अपारा। चतुरंगिनी अनी बहु धारा॥ बिबिधि भाँति बाहन रथ जाना। बिपुल बरन पताक ध्वज नाना ॥१॥

Chaleu nisāchar kaṭaku apārā, chaturaṅginī anī bahu dhārā. Bibidhi bhāṅti bāhan rath jānā, bipul baran patāk dhvaj nānā. (1)

487 of 789

चले मत्त गज जूथ घनेरे। प्राबिट जलद मरुत जनु प्रेरे॥ बरन बरन बिरदैत निकाया। समर सूर जानहिं बहु माया ॥२॥

Chale matt gaj jūth ghanere, prābiṭ jalad marut janu prere. Baran baran biradait nikāyā, samar sūr jānahiṅ bahu māyā. (2)

488 of 789

अति बिचित्र बाहिनी बिराजी। बीर बसंत सेन जनु साजी॥ चलत कटक दिगसिंधुर डगहीं। छुभित पयोधि कुधर डगमगहीं ॥३॥

Ati bichitra bāhinī birājī, bīr Basant sen janu sājī. Chalat kaṭak digasindhur ḍagahīṅ, chhubhit payodhi kudhar ḍagamagahīṅ. (3)

489 of 789

उठी रेनु रबि गयउ छपाई। मरुत थकित बसुधा अकुलाई॥ पनव निसान घोर रव बाजहिं। प्रलय समय के घन जनु गाजहिं ॥४॥

Uṭhī renu rabi gayau chhapāī, marut thakit basudhā akulāī. Panav nisān ghor rav bājahiṅ, pralay samay ke ghan janu gājahiṅ. (4)

490 of 789

भेरि नफीरि बाज सहनाई। मारू राग सुभट सुखदाई॥ केहरि नाद बीर सब करहीं। निज निज बल पौरुष उच्चरहीं ॥५॥

Bheri naphīri bāj sahanāī, mārū rāg subhaṭ sukhadāī. Kehari nād bīr sab karahīṅ, nij nij bal pauruṣ uchcharahīṅ. (5)

491 of 789

कहइ दसानन सुनहु सुभट्टा। मर्दहु भालु कपिन्ह के ठट्टा॥ हौं मारिहउँ भूप द्वौ भाई। अस कहि सन्मुख फौज रेंगाई ॥६॥

Kahai Dasānan sunahu subhaṭṭā, mardahu bhālu kapinh ke ṭhaṭṭā. Hauṅ mārihauṅ bhūp dvau bhāī, as kahi sanmukh phauj reṅgāī. (6)

492 of 789

यह सुधि सकल कपिन्ह जब पाई। धाए करि रघुबीर दोहाई ॥७॥

Yah sudhi sakal kapinh jab pāī, dhāe kari Raghubīr dohāī. (7)

493 of 789

छं०—धाए बिसाल कराल मर्कट भालु काल समान ते। मानहुँ सपच्छ उड़ाहिं भूधर बृंद नाना बान ते॥ नख दसन सैल महाद्रुमायुध सबल संक न मानहीं। जय राम रावन मत्त गज मृगराज सुजसु बखानहीं॥

Chhand—Dhāe bisāl karāl markaṭ bhālu kāl samān te, mānahuṅ sapachchh uṛāhiṅ bhūdhar bṛnd nānā bān te. Nakh dasan sail mahādrumāyudh sabal saṅk na mānahīṅ, jay Rām Rāvan matt gaj mṛgarāj sujasu bakhānahīṅ.

494 of 789

दो०—दुहु दिसि जय जयकार करि निज निज जोरी जानि। भिरे बीर इत रामहि उत रावनहि बखानि ॥७९॥

Do—Duhu disi jay jayakār kari nij nij jorī jāni, bhire bīr it Rāmahi ut Rāvanahi bakhāni. (79)

495 of 789

रावनु रथी बिरथ रघुबीरा। देखि बिभीषन भयउ अधीरा॥ अधिक प्रीति मन भा संदेहा। बंदि चरन कह सहित सनेहा ॥१॥

Rāvanu rathī birath Raghubīrā, dekhi Bibhīṣan bhayau adhīrā. Adhik prīti man bhā sandehā, bandi charan kah sahit sanehā. (1)

496 of 789

नाथ न रथ नहिं तन पद त्राना। केहि बिधि जितब बीर बलवाना॥ सुनहु सखा कह कृपानिधाना। जेहिं जय होइ सो स्यंदन आना ॥२॥

Nāth na rath nahiṅ tan pad trānā, kehi bidhi jitab bīr balavānā. Sunahu sakhā kah Kṛpānidhānā, jehiṅ jay hoi so syandan ānā. (2)

497 of 789

सौरज धीरज तेहि रथ चाका। सत्य सील दृढ़ ध्वजा पताका॥ बल बिबेक दम परहित घोरे। छमा कृपा समता रजु जोरे ॥३॥

Saurja dhīraj tehi rath chākā, satya sīl dṛṛh dhvajā patākā. Bal bibek dam parahit ghore, chhamā kṛpā samatā raju jore. (3)

498 of 789

ईस भजनु सारथी सुजाना। बिरति चर्म संतोष कृपाना॥ दान परसु बुधि सक्ति प्रचंडा। बर बिग्यान कठिन कोदंडा ॥४॥

Īs bhajanu sārathī sujānā, birati charm santoṣ kṛpānā. Dān parasu budhi sakti prachaṇḍā, bar bigyān kaṭhin kodaṇḍā. (4)

499 of 789

अमल अचल मन त्रोन समाना। सम जम नियम सिलीमुख नाना॥ कवच अभेद बिप्र गुर पूजा। एहि सम बिजय उपाय न दूजा ॥५॥

Amal achal man tron samānā, sam jam niyam silīmukh nānā. Kavach abhed bipra gur pūjā, ehi sam bijay upāy na dūjā. (5)

500 of 789

सखा धर्ममय अस रथ जाकें। जीतन कहँ न कतहुँ रिपु ताकें ॥६॥

Sakhā dharmamay as rath jākeṅ, jītan kahaṅ na katahuṅ ripu tākeṅ. (6)

501 of 789

दो०—महा अजय संसार रिपु जीति सकइ सो बीर। जाकें अस रथ होइ दृढ़ सुनहु सखा मतिधीर ॥८०(क)॥

Do—Mahā ajay sansār ripu jīti sakai so bīr, jākeṅ as rath hoi dṛṛh sunahu sakhā matidhīr. (80 ka)

502 of 789

सुनि प्रभु बचन बिभीषन हरषि गहे पद कंज। एहि मिस मोहि उपदेसहु राम कृपा सुख पुंज ॥८०(ख)॥

Suni prabhu bachan Bibhīṣan haraṣi gahe pad kañj, ehi mis mohi upadesahu Rām kṛpā sukh puñj. (80 kha)

503 of 789

उत पचार दसकंधर इत अंगद हनुमान। लरत निसाचर भालु कपि करि निज निज प्रभु आन ॥८०(ग)॥

Ut pachār Dasakandhar it Aṅgad Hanumān, larat nisāchar bhālu kapi kari nij nij prabhu ān. (80 ga)

504 of 789

सुर ब्रह्मादि सिद्ध मुनि नाना। देखत रन नभ चढ़े बिमाना॥ हमहू उमा रहे तेहिं संगा। देखत राम चरित रन रंगा ॥१॥

Sur Brahmādi siddh muni nānā, dekhat ran nabh chaṛhe bimānā. Hamahū Umā rahe tehiṅ saṅgā, dekhat Rām charit ran raṅgā. (1)

505 of 789

सुभट समर रस दुहु दिसि माते। कपि जयसील राम बल ताते॥ एक एक सन भिरहिं पचारहिं। एकन्ह एक मर्दि महि पारहिं ॥२॥

Subhaṭ samar ras duhu disi māte, kapi jayasīl Rām bal tāte. Ek ek san bhirahiṅ pachārahiṅ, ekanh ek mardi mahi pārahiṅ. (2)

506 of 789

मारहिं काटहिं धरहिं पछारहिं। सीस तोरि सीसन्ह सन मारहिं॥ उदर बिदारहिं भुजा उपारहिं। गहि पद अवनि पटकि भट डारहिं ॥३॥

Mārahiṅ kāṭahiṅ dharahiṅ pachārahiṅ, sīs tori sīsanh san mārahiṅ. Udar bidārahiṅ bhujā upārahiṅ, gahi pad avani paṭaki bhaṭ ḍārahiṅ. (3)

507 of 789

निसिचर भट महि गाड़हिं भालू। ऊपर ढारि देहिं बहु बालू॥ बीर बलीमुख जुद्ध बिरुद्धे। देखिअत बिपुल काल जनु क्रुद्धे ॥४॥

Nisichar bhaṭ mahi gāṛahiṅ bhālū, ūpar ḍhāri dehiṅ bahu bālū. Bīr balīmukh judh biruddhe, dekhiat bipul kāl janu kruddhe. (4)

508 of 789

छं०—क्रुद्धे कृतांत समान कपि तन स्रवत सोनित राजहीं। मर्दहिं निसाचर कटक भट बलवंत घन जिमि गाजहीं॥ मारहिं चपेटन्हि डाटि दातन्ह काटि लातन्ह मीजहीं। चिक्करहिं मर्कट भालु छल बल करहिं जेहिं खल छीजहीं ॥१॥

Chhand—Kruddhe kṛtānt samān kapi tan sravat sonit rājahīṅ, mardahiṅ nisāchar kaṭak bhaṭ balavant ghan jimi gājahīṅ. Mārahiṅ chapeṭanhi ḍāti dātanh kāti lātanh mījahīṅ, chikkarahiṅ markaṭ bhālu chhal bal karahiṅ jehiṅ khal chhījahīṅ. (1)

509 of 789

धरि गाल फारहिं उर बिदारहिं गल अँतावरि मेलहीं। प्रह्लादपति जनु बिबिध तनु धरि समर अंगन खेलहीं॥ धरु मारु काटु पछारु घोर गिरा गगन महि भरि रही। जय राम जो तृन ते कुलिस कर कुलिस ते कर तृन सही ॥२॥

Dhari gāl phārahiṅ ur bidārahiṅ gal aṅtāvari melahīṅ, Prahlādapati janu bibidh tanu dhari samar aṅgan khelahīṅ. Dharu māru kāṭu pachhāru ghor girā gagan mahi bhari rahī, jay Rām jo tṛn te kulis kar kulis te kar tṛn sahī. (2)

510 of 789

दो०—निज दल बिचलत देखेसि बीस भुजाँ दस चाप। रथ चढ़ि चलेउ दसानन फिरहु फिरहु करि दाप ॥८१॥

Do—Nij dal bichalat dekhesi bīs bhujāṅ das chāp, rath chaṛhi chaleu Dasānan phirahu phirahu kari dāp. (81)

511 of 789

धायउ परम क्रुद्ध दसकंधर। सन्मुख चले हूह दै बंदर॥ गहि कर पादप उपल पहारा। डारेन्हि ता पर एकहिं बारा ॥१॥

Dhāyau param kruddh Dasakandhar, sanmukh chale hūh dai bandar. Gahi kar pādap upal pahārā, ḍārenhi tā par ekahiṅ bārā. (1)

512 of 789

लागहिं सैल बज्र तन तासू। खंड खंड होइ फूटहिं आसू॥ चला न अचल रहा रथ रोपी। रन दुर्मद रावन अति कोपी ॥२॥

Lāgahiṅ sail bajra tan tāsū, khaṇḍ khaṇḍ hoi phūṭahiṅ āsū. Chalā na achal rahā rath ropī, ran durmad Rāvan ati kopī. (2)

513 of 789

इत उत झपटि दपटि कपि जोधा। मर्दै लाग भयउ अति क्रोधा॥ चले पराइ भालु कपि नाना। त्राहि त्राहि अंगद हनुमाना ॥३॥

It ut jhapaṭi dapaṭi kapi jodhā, mardai lāg bhayau ati krodhā. Chale parāi bhālu kapi nānā, trāhi trāhi Aṅgad Hanumānā. (3)

514 of 789

पाहि पाहि रघुबीर गोसाईं। यह खल खाइ काल की नाईं॥ तेहिं देखे कपि सकल पराने। दसहुँ चाप सायक संधाने ॥४॥

Pāhi pāhi Raghubīr gosāīṅ, yah khal khāi kāl kī nāīṅ. Tehiṅ dekhe kapi sakal parāne, dasahuṅ chāp sāyak sandhāne. (4)

515 of 789

छं०—संधानि धनु सर निकर छाड़ेसि उरग जिमि उड़ि लागहीं। रहे पूरि सर धरनी गगन दिसि बिदिसि कहँ कपि भागहीं॥ भयो अति कोलाहल बिकल कपि दल भालु बोलहिं आतुरे। रघुबीर करुना सिंधु आरत बंधु जन रच्छक हरे॥

Chhand—Sandhāni dhanu sar nikar chhāḍesi urag jimi uṛi lāgahīṅ, rahe pūri sar dharanī gagan disi bidisi kahaṅ kapi bhāgahīṅ. Bhayo ati kolāhal bikal kapi dal bhālu bolahiṅ āture, Raghubīr karunā sindhu ārat bandhu jan rachchhak hare.

516 of 789

दो०—निज दल बिकल देखि कटि कसि निषंग धनु हाथ। लछिमन चले क्रुद्ध होइ नाइ राम पद माथ ॥८२॥

Do—Nij dal bikal dekhi kaṭi kasi niṣaṅg dhanu hāth, Lachhiman chale kruddh hoi nāi Rām pad māth. (82)

517 of 789

रे खल का मारसि कपि भालू। मोहि बिलोकु तोर मैं कालू॥ खोजत रहेउँ तोहि सुतघाती। आजु निपाति जुड़ावउँ छाती ॥१॥

Re khal kā mārasi kapi bhālū, mohi biloku tor maiṅ kālū. Khojat raheuṅ tohi sutaghātī, āju nipāti juṛāvauṅ chhātī. (1)

518 of 789

अस कहि छाड़ेसि बान प्रचंडा। लछिमन किए सकल सत खंडा॥ कोटिन्ह आयुध रावन डारे। तिल प्रवान करि काटि निवारे ॥२॥

As kahi chhāḍesi bān prachaṇḍā, Lachhiman kie sakal sat khaṇḍā. Koṭinh āyudh Rāvan ḍāre, til pravān kari kāṭi nivāre. (2)

519 of 789

पुनि निज बानन्ह कीन्ह प्रहारा। स्यंदनु भंजि सारथी मारा॥ सत सत सर मारे दस भाला। गिरि सृंगन्ह जनु प्रबिसहिं ब्याला ॥३॥

Puni nij bānanh kīnh prahārā, syandanu bhañji sārathī mārā. Sat sat sar māre das bhālā, giri sṛṅganh janu prabisahiṅ byālā. (3)

520 of 789

पुनि सत सर मारा उर माहीं। परेउ धरनि तल सुधि कछु नाहीं॥ उठा प्रबल पुनि मुरुछा जागी। छाड़िसि ब्रह्म दीन्हि जो साँगी ॥४॥

Puni sat sar mārā ur māhīṅ, pareu dharani tal sudhi kachhu nāhīṅ. Uṭhā prabal puni muruchhā jāgī, chhāḍisi Brahma dīnhi jo sāṅgī. (4)

521 of 789

छं०—सो ब्रह्म दत्त प्रचंड सक्ति अनंत उर लागी सही। पर्यो बीर बिकल उठाव दसमुख अतुल बल महिमा रही॥ ब्रह्मांड भवन बिराज जाकें एक सिर जिमि रज कनी। तेहि चह उठावन मूढ़ रावन जान नहिं त्रिभुअन धनी॥

Chhand—So Brahma datta prachaṇḍa sakti anant ur lāgī sahī, paryo bīr bikal uṭhāv dasamukh atul bal mahimā rahī. Brahmāṇḍa bhavan birāj jākeṃ ek sir jimi raj kanī, tehi chah uṭhāvan mūḍh Rāvan jān nahiṅ tribhuan dhanī.

522 of 789

दो०—देखि पवनसुत धायउ बोलत बचन कठोर। आवत कपिहि हन्यो तेहिं मुष्टि प्रहार प्रघोर ॥८३॥

Do—Dekhi pavanasut dhāyau bolat bachan kaṭhor, āvat kapihi hanyo tehiṅ muṣṭi prahār praghor. (83)

523 of 789

जानु टेकि कपि भूमि न गिरा। उठा सँभारि बहुत रिस भरा॥ मुठिका एक ताहि कपि मारा। परेउ सैल जनु बज्र प्रहारा ॥१॥

Jānu ṭeki kapi bhūmi na girā, uṭhā sambhāri bahut ris bharā. Muṭhikā ek tāhi kapi mārā, pareu sail janu bajra prahārā. (1)

524 of 789

मुरुछा गै बहोरि सो जागा। कपि बल बिपुल सराहन लागा॥ धिग धिग मम पौरुष धिग मोही। जौं तैं जिअत रहेसि सुरद्रोही ॥२॥

Muruchhā gai bahori so jāgā, kapi bal bipul sarāhan lāgā. Dhig dhig mam pauruṣ dhig mohī, jauṅ taiṅ jiat rahesi suradrohī. (2)

525 of 789

अस कहि लछिमन कहुँ कपि ल्यायो। देखि दसानन बिसमय पायो॥ कह रघुबीर समुझु जियँ भ्राता। तुम्ह कृतांत भच्छक सुर त्राता ॥३॥

As kahi Lachhiman kahuṅ kapi lyāyo, dekhi Dasānan bisamay pāyo. Kah Raghubīr samujhu jiyaṅ bhrātā, tumh kṛtānt bhachchhak sur trātā. (3)

526 of 789

सुनत बचन उठि बैठ कृपाला। गई गगन सो सकति कराला॥ पुनि कोदंड बान गहि धाए। रिपु सन्मुख अति आतुर आए ॥४॥

Sunat bachan uṭhi baiṭh kṛpālā, gaī gagan so sakati karālā. Puni kodaṇḍ bān gahi dhāe, ripu sanmukh ati ātur āe. (4)

527 of 789

छं०—आतुर बहोरि बिभंजि स्यंदन सूत हति ब्याकुल कियो। गिर्यो धरनि दसकंधर बिकलतर बान सत बेध्यो हियो॥ सारथी दूसर घालि रथ तेहि तुरत लंका लै गयो। रघुबीर बंधु प्रताप पुंज बहोरि प्रभु चरनन्हि नयो॥

Chhand—Ātur bahori bibhaṅji syandan sūt hati byākul kiyo, giryo dharani Dasakandhar bikalatar bān sat bedhyo hiyo. Sārathī dūsar ghāli rath tehi turat Laṅkā lai gayo, Raghubīr bandhu pratāp puṅj bahori prabhu charananhi nayo.

528 of 789

दो०—उहाँ दसानन जागि करि करै लाग कछु जग्य। राम बिरोध बिजय चह सठ हठ बस अति अग्य ॥८४॥

Do—Uhāṅ Dasānan jāgi kari karai lāg kachhu jagya, Rām birodh bijay chah saṭh haṭh bas ati agya. (84)

529 of 789

इहाँ बिभीषन सब सुधि पाई। सपदि जाइ रघुपतिहि सुनाई॥ नाथ करइ रावन एक जागा। सिद्ध भएँ नहिं मरिहि अभागा ॥१॥

Ihāṅ Bibhīṣan sab sudhi pāī, sapadi jāi Raghupatihi sunāī. Nāth karai Rāvan ek jāgā, siddh bhaeṅ nahiṅ marihi abhāgā. (1)

530 of 789

पठवहु नाथ बेगि भट बंदर। करहिं बिधंस आव दसकंधर॥ प्रात होत प्रभु सुभट पठाए। हनुमदादि अंगद सब धाए ॥२॥

Paṭhavahu nāth begi bhaṭ bandar, karahiṅ bidhans āv Dasakandhar. Prāt hot prabhu subhaṭ paṭhāe, Hanumadādi Aṅgad sab dhāe. (2)

531 of 789

कौतुक कूदि चढ़े कपि लंका। पैठे रावन भवन असंका॥ जग्य करत जबहीं सो देखा। सकल कपिन्ह भा क्रोध बिसेषा ॥३॥

Kautuk kūdi chaṛhe kapi Laṅkā, paiṭhe Rāvan bhavan asaṅkā. Jagya karat jabahīṅ so dekhā, sakal kapinh bhā krodh biseṣā. (3)

532 of 789

रन ते निलज भाजि गृह आवा। इहाँ आइ बक ध्यान लगावा॥ अस कहि अंगद मारा लाता। चितव न सठ स्वारथ मन राता ॥४॥

Ran te nilaj bhāji gṛh āvā, ihāṅ āi bak dhyān lagāvā. As kahi Aṅgad mārā lātā, chitav na saṭh svārath man rātā. (4)

533 of 789

छं०—नहिं चितव जब करि कोप कपि गहि दसन लातन्ह मारहीं। धरि केस नारि निकारि बाहेर तेऽतिदीन पुकारहीं॥ तब उठेउ क्रुद्ध कृतांत सम गहि चरन बानर डारई। एहि बीच कपिन्ह बिधंस कृत मख देखि मन महुँ हारई॥

Chhand—Nahiṅ chitav jab kari kop kapi gahi dasan lātanh mārahīṅ, dhari kes nāri nikāri bāher te'tidīn pukārahīṅ. Tab uṭheu kruddh kṛtānt sam gahi charan bānar ḍāraī, ehi bīch kapinh bidhans kṛt makh dekhi man mahuṅ hāraī.

534 of 789

दो०—जग्य बिधंसि कुसल कपि आए रघुपति पास। चलेउ निसाचर क्रुद्ध होइ त्यागि जिवन कै आस ॥८५॥

Do—Jagya bidhansi kusal kapi āe Raghupati pās, chaleu nisāchar kruddh hoi tyāgi jivan kai ās. (85)

535 of 789

चलत होहिं अति असुभ भयंकर। बैठहिं गीध उड़ाइ सिरन्ह पर॥ भयउ कालबस काहु न माना। कहेसि बजावहु जुद्ध निसाना ॥१॥

Chalat hohiṅ ati asubh bhayaṅkar, baiṭhahiṅ gīdh uṛāi siranh par. Bhayau kālabas kāhu na mānā, kahesi bajāvahu juddh nisānā. (1)

536 of 789

चली तमीचर अनी अपारा। बहु गज रथ पदाति असवारा॥ प्रभु सन्मुख धाए खल कैसें। सलभ समूह अनल कहँ जैसें ॥२॥

Chalī tamīchar anī apārā, bahu gaj rath padāti asavārā. Prabhu sanmukh dhāe khal kaiseṅ, salabh samūh anal kahaṅ jaiseṅ. (2)

537 of 789

इहाँ देवतन्ह अस्तुति कीन्ही। दारुन बिपति हमहि एहिं दीन्ही॥ अब जनि राम खेलावहु एही। अतिसय दुखित होति बैदेही ॥३॥

Ihāṅ devatanh astuti kīnhī, dārun bipati hamahi ehiṅ dīnhī. Ab jani Rām khelāvahu ehī, atisay dukhit hoti Baidehī. (3)

538 of 789

देव बचन सुनि प्रभु मुसुकाना। उठि रघुबीर सुधारे बाना॥ जटा जूट दृढ़ बाँधें माथे। सोहहिं सुमन बीच बिच गाथे ॥४॥

Dev bachan suni prabhu musukānā, uṭhi Raghubīr sudhāre bānā. Jaṭā jūṭ dṛṛh bāṅdheṅ māthe, sohahiṅ suman bīch bich gāthe. (4)

539 of 789

अरुन नयन बारिद तनु स्यामा। अखिल लोक लोचनाभिरामा॥ कटितट परिकर कस्यो निषंगा। कर कोदंड कठिन सारंगा ॥५॥

Arun nayan bārid tanu syāmā, akhil lok lochanābhirāmā. Kaṭitaṭ parikar kasyo niṣaṅgā, kar kodaṇḍ kaṭhin sāraṅgā. (5)

540 of 789

छं०—सारंग कर सुंदर निषंग सिलीमुखाकर कटि कस्यो। भुजदंड पीन मनोहरायत उर धरासुर पद लस्यो॥ कह दास तुलसी जबहिं प्रभु सर चाप कर फेरन लगे। ब्रह्मांड दिग्गज कमठ अहि महि सिंधु भूधर डगमगे॥

Chhand—Sāraṅg kar sundar niṣaṅg silīmukhākar kaṭi kasyo, bhujadaṇḍ pīn manoharāyat ur dharāsur pad lasyo. Kah dās Tulasī jabahiṅ prabhu sar chāp kar pheran lage, Brahmāṇḍ diggaj kamaṭh ahi mahi sindhu bhūdhar ḍagamage.

541 of 789

दो०—सोभा देखि हरषि सुर बरषहिं सुमन अपार। जय जय जय करुनानिधि छबि बल गुन आगार ॥८६॥

Do—Sobhā dekhi haraṣi sur baraṣahiṅ suman apār, jay jay jay karunānidhi chhabi bal gun āgār. (86)

542 of 789

एहीं बीच निसाचर अनी। कसमसात आई अति घनी॥ देखि चले सन्मुख कपि भट्टा। प्रलयकाल के जनु घन घट्टा ॥१॥

Ehīṅ bīch nisāchar anī, kasamasāt āī ati ghanī. Dekhi chale sanmukh kapi bhaṭṭā, pralayakāl ke janu ghan ghaṭṭā. (1)

543 of 789

बहु कृपान तरवारि चमंकहिं। जनु दहँ दिसि दामिनी दमंकहिं॥ गज रथ तुरग चिकार कठोरा। गर्जहिं मनहुँ बलाहक घोरा ॥२॥

Bahu kṛpān taravāri chamaṅkahiṅ, janu dahaṅ disi dāminī damaṅkahiṅ. Gaj rath turag chikār kaṭhorā, garjahiṅ manahuṅ balāhak ghorā. (2)

544 of 789

कपि लंगूर बिपुल नभ छाए। मनहुँ इंद्रधनु उए सुहाए॥ उठइ धूरि मानहुँ जलधारा। बान बुंद भै बृष्टि अपारा ॥३॥

Kapi laṅgūr bipul nabh chhāe, manahuṅ indradhanu ue suhāe. Uṭhai dhūri mānahuṅ jaladhārā, bān bund bhai bṛṣṭi apārā. (3)

545 of 789

दुहुँ दिसि पर्बत करहिं प्रहारा। बज्रपात जनु बारहिं बारा॥ रघुपति कोपि बान झरि लाई। घायल भै निसिचर समुदाई ॥४॥

Duhuṅ disi parbat karahiṅ prahārā, bajrapāt janu bārahiṅ bārā. Raghupati kopi bān jhari lāī, ghāyal bhai nisichar samudāī. (4)

546 of 789

लागत बान बीर चिक्करहीं। घुर्मि घुर्मि जहँ तहँ महि परहीं॥ स्रवहिं सैल जनु निर्झर भारी। सोनित सरि कादर भयकारी ॥५॥

Lāgat bān bīr chikkarahīṅ, ghurmi ghurmi jahaṅ tahaṅ mahi parahīṅ. Sravahiṅ sail janu nirjhar bhārī, sonit sari kādar bhayakārī. (5)

547 of 789

छं०—कादर भयंकर रुधिर सरिता चली परम अपावनी। दोउ कूल दल रथ रेत चक्र अबर्त बहति भयावनी॥ जलजंतु गज पदचर तुरग खर बिबिध बाहन को गने। सर सक्ति तोमर सर्प चाप तरंग चर्म कमठ घने॥

Chhand—Kādar bhayaṅkar rudhir saritā chalī param apāvanī, dou kūl dal rath ret chakra abart bahati bhayāvanī. Jalajantu gaj padachar turag khar bibidh bāhan ko gane, sar sakti tomar sarpa chāp taraṅg charma kamaṭh ghane.

548 of 789

दो०—बीर परहिं जनु तीर तरु मज्जा बहु बह फेन। कादर देखि डरहिं तहँ सुभटन्ह के मन चेन ॥८७॥

Do—Bīr parahiṅ janu tīr taru majjā bahu bah phen, kādar dekhi ḍarahiṅ tahaṅ subhaṭanh ke man chen. (87)

549 of 789

मज्जहिं भूत पिसाच बेताला। प्रमथ महा झोटिंग कराला॥ काक कंक लै भुजा उड़ाहीं। एक ते छीनि एक लै खाहीं ॥१॥

Majjahiṅ bhūt pisāch betālā, pramath mahā jhoṭiṅg karālā. Kāk kaṅk lai bhujā uṛāhīṅ, ek te chhīni ek lai khāhīṅ. (1)

550 of 789

एक कहहिं ऐसिउ सौंघाई। सठहु तुम्हार दरिद्र न जाई॥ कहँरत भट घायल तट गिरे। जहँ तहँ मनहुँ अर्धजल परे ॥२॥

Ek kahahiṅ aisiu sauṅghāī, saṭhahu tumhār daridra na jāī. Kahaṅrat bhaṭ ghāyal taṭ gire, jahaṅ tahaṅ manahuṅ ardhajal pare. (2)

551 of 789

खैंचहिं गीध आँत तट भए। जनु बंसी खेलत चित दए॥ बहु भट बहहिं चढ़े खग जाहीं। जनु नावरि खेलहिं सरि माहीं ॥३॥

Khaiṅchahiṅ gīdh āṅt taṭ bhae, janu baṅsī khelat chit dae. Bahu bhaṭ bahahiṅ chaṛhe khag jāhīṅ, janu nāvari khelahiṅ sari māhīṅ. (3)

552 of 789

जोगिनि भरि भरि खप्पर संचहिं। भूत पिसाच बधू नभ नंचहिं॥ भट कपाल करताल बजावहिं। चामुंडा नाना बिधि गावहिं ॥४॥

Jogini bhari bhari khappar sanchahiṅ, bhūt pisāch badhū nabh nanchahiṅ. Bhaṭ kapāl kartāl bajāvahiṅ, Chāmuṇḍā nānā bidhi gāvahiṅ. (4)

553 of 789

जंबुक निकर कटक्कट कड़हिं। खाहिं हुआहिं अघाहिं दपड़हिं॥ कोटिन्ह रुंड मुंड बिनु डोल्लहिं। सीस परे महि जय जय बोल्लहिं ॥५॥

Jambuk nikar kaṭakkaṭ kaṛahiṅ, khāhiṅ huāhiṅ aghāhiṅ dapaṛahiṅ. Koṭinh ruṇḍ muṇḍ binu ḍollahiṅ, sīs pare mahi jay jay bollahiṅ. (5)

554 of 789

छं०—बोल्लहिं जो जय जय मुंड रुंड प्रचंड सिर बिनु धावहीं। खप्परिन्ह खग्ग अलुज्झ जुज्झहिं सुभट भटन्ह ढहावहीं॥ बानर निसाचर निकर मर्दहिं राम बल दर्पित भए। संग्राम अंगन सुभट सोवहिं राम सर निकरन्हि हए॥

Chhand—Bollahiṅ jo jay jay muṇḍ ruṇḍ prachaṇḍ sir binu dhāvahīṅ, khapparinh khagga alujjha jujjhahiṅ subhaṭ bhaṭanh ḍhahāvahīṅ. Bānar nisāchar nikar mardahiṅ Rām bal darpit bhae, saṅgrām aṅgan subhaṭ sovahiṅ Rām sar nikaranhi hae.

555 of 789

दो०—रावन हृदयँ बिचारा भा निसिचर संघार। मैं अकेल कपि भालु बहु माया करौं अपार ॥८८॥

Do—Rāvan hṛdayaṅ bichārā bhā nisichar saṅghār, maiṅ akel kapi bhālu bahu māyā karauṅ apār. (88)

556 of 789

देवन्ह प्रभुहि पयादें देखा। उपजा उर अति छोभ बिसेषा॥ सुरपति निज रथ तुरत पठावा। हरष सहित मातलि लै आवा ॥१॥

Devanh prabhuhi payādeṅ dekhā, upajā ur ati chhobh biseṣā. Surapati nij rath turat paṭhāvā, haraṣ sahit Mātali lai āvā. (1)

557 of 789

तेज पुंज रथ दिब्य अनूपा। हरषि चढ़े कोसलपुर भूपा॥ चंचल तुरग मनोहर चारी। अजर अमर मन सम गतिकारी ॥२॥

Tej puṅj rath dibya anūpā, haraṣi chaṛhe Kosalapur bhūpā. Chañchal turag manohar chārī, ajar amar man sam gatikārī. (2)

558 of 789

रथारूढ़ रघुनाथहि देखी। धाए कपि बलु पाइ बिसेषी॥ सही न जाइ कपिन्ह कै मारी। तब रावन माया बिस्तारी ॥३॥

Rathārūṛh Raghunāthahi dekhī, dhāe kapi balu pāi biseṣī. Sahī na jāi kapinh kai mārī, tab Rāvan māyā bistārī. (3)

559 of 789

सो माया रघुबीरहि बाँची। लछिमन कपिन्ह सो मानी साँची॥ देखी कपिन्ह निसाचर अनी। अनुज सहित बहु कोसलधनी ॥४॥

So māyā Raghubīrahi bāṅchī, Lachhiman kapinh so mānī sāṅchī. Dekhī kapinh nisāchar anī, anuj sahit bahu Kosaladhanī. (4)

560 of 789

छं०—बहु राम लछिमन देखि मर्कट भालु मन अति अपडरे। जनु चित्र लिखित समेत लछिमन जहँ सो तहँ चितवहिं खरे॥ निज सेन चकित बिलोकि हँसि सर चाप सजि कोसलधनी। माया हरी हरि निमिष महुँ हरषी सकल मर्कट अनी॥

Chhand—Bahu Rām Lachhiman dekhi markaṭ bhālu man ati apaḍare, janu chitra likhit samet Lachhiman jahaṅ so tahaṅ chitavahiṅ khare. Nij sen chakit biloki haṅsi sar chāp saji Kosaladhanī, māyā harī hari nimiṣ mahuṅ haraṣī sakal markaṭ anī.

561 of 789

दो०—बहुरि राम सब तन चितइ बोले बचन गँभीर। द्वंदजुद्ध देखहु सकल श्रमित भए अति बीर ॥८९॥

Do—Bahuri Rām sab tan chitai bole bachan gaṅbhīr, dvandajuddh dekhahu sakal śramit bhae ati bīr. (89)

562 of 789

अस कहि रथ रघुनाथ चलावा। बिप्र चरन पंकज सिरु नावा॥ तब लंकेस क्रोध उर छावा। गर्जत तर्जत सन्मुख धावा ॥१॥

As kahi rath Raghunāth chalāvā, bipra charan paṅkaj siru nāvā. Tab Laṅkes krodh ur chhāvā, garjat tarjat sanmukh dhāvā. (1)

563 of 789

जीतेहु जे भट संजुग माहीं। सुनु तापस मैं तिन्ह सम नाहीं॥ रावन नाम जगत जस जाना। लोकप जाकें बंदीखाना ॥२॥

Jītehu je bhaṭ sanjug māhīṅ, sunu tāpas maiṅ tinh sam nāhīṅ. Rāvan nām jagat jas jānā, lokap jākeṅ bandīkhānā. (2)

564 of 789

खर दूषन बिराध तुम्ह मारा। बधेहु ब्याध इव बालि बिचारा॥ निसिचर निकर सुभट संघारेहु। कुंभकरन घननादहि मारेहु ॥३॥

Khar Dūṣan Birādh tumh mārā, badhehu byādh iv Bāli bichārā. Nisichar nikar subhaṭ saṅghārehu, Kuṁbhakaran Ghananādahi mārehu. (3)

565 of 789

आजु बयरु सबु लेउँ निबाही। जौं रन भूप भाजि नहिं जाही॥ आजु करउँ खलु काल हवाले। परेहु कठिन रावन के पाले ॥४॥

Āju bayaru sabu leuṅ nibāhī, jauṅ ran bhūp bhāji nahiṅ jāhī. Āju karauṅ khalu kāl havāle, parehu kaṭhin Rāvan ke pāle. (4)

566 of 789

सुनि दुर्बचन कालबस जाना। बिहँसि बचन कह कृपानिधाना॥ सत्य सत्य सब तव प्रभुताई। जल्पसि जनि देखाउ मनुसाई ॥५॥

Suni durbachan kālabas jānā, bihaṅsi bachan kah kṛpānidhānā. Satya satya sab tav prabhutāī, jalpasi jani dekhāu manusāī. (5)

567 of 789

छं०—जनि जल्पना करि सुजसु नासहि नीति सुनहि करहि छमा। संसार महँ पूरुष त्रिबिध पाटल रसाल पनस समा॥ एक सुमनप्रद एक सुमन फल एक फलइ केवल लागहीं। एक कहहिं कहहिं करहिं अपर एक करहिं कहत न बागहीं॥

Chhand—Jani jalpanā kari sujasu nāsahi nīti sunahi karahi chhamā, saṅsār mahaṅ pūruṣ tribidh pāṭal rasāl panas samā. Ek sumanaprad ek suman phal ek phalai keval lāgahīṅ, ek kahahiṅ kahahiṅ karahiṅ apar ek karahiṅ kahat na bāgahīṅ.

568 of 789

दो०—राम बचन सुनि बिहँसा मोहि सिखावत ग्यान। बयरु करत नहिं तब डरे अब लागे प्रिय प्रान ॥९०॥

Do—Rām bachan suni bihaṅsā mohi sikhāvat gyān, bayaru karat nahiṅ tab ḍare ab lāge priya prān. (90)

569 of 789

कहि दुर्बचन क्रुद्ध दसकंधर। कुलिस समान लाग छाँड़ै सर॥ नानाकार सिलीमुख धाए। दिसि अरु बिदिसि गगन महि छाए ॥१॥

Kahi durbachan kruddh Dasakandhar, kulis samān lāg chhāṅḍai sar. Nānākār silīmukh dhāe, disi aru bidisi gagan mahi chhāe. (1)

570 of 789

पावक सर छाँड़ेउ रघुबीरा। छन महुँ जरे निसाचर तीरा॥ छाड़िसि तीब्र सक्ति खिसिआई। बान संग प्रभु फेरि चलाई ॥२॥

Pāvak sar chhāṅḍeu Raghubīrā, chhan mahuṅ jare nisāchar tīrā. Chhāḍisi tībra sakti khisiāī, bān saṅg prabhu pheri chalāī. (2)

571 of 789

कोटिन्ह चक्र त्रिसूल पबारै। बिनु प्रयास प्रभु काटि निवारै॥ निफल होहिं रावन सर कैसें। खल के सकल मनोरथ जैसें ॥३॥

Koṭinh chakra trisūl pabārai, binu prayās prabhu kāṭi nivārai. Niphal hohiṅ Rāvan sar kaiseṅ, khal ke sakal manorath jaiseṅ. (3)

572 of 789

तब सत बान सारथी मारेसि। परेउ भूमि जय राम पुकारेसि॥ राम कृपा करि सूत उठावा। तब प्रभु परम क्रोध कहुँ पावा ॥४॥

Tab sat bān sārathī māresi, pareu bhūmi jay Rām pukāresi. Rām kṛpā kari sūt uṭhāvā, tab prabhu param krodh kahuṅ pāvā. (4)

573 of 789

छं०—भए क्रुद्ध जुद्ध बिरुद्ध रघुपति त्रोन सायक कसमसे। कोदंड धुनि अति चंड सुनि मनुजाद सब मारुत ग्रसे॥ मंदोदरी उर कंप कंपति कमठ भू भूधर त्रसे। चिक्करहिं दिग्गज दसन गहि महि देखि कौतुक सुर हँसे॥

Chhand—Bhae kruddh juddh biruddh Raghupati tron sāyak kasamase, kodaṇḍ dhuni ati chaṇḍ suni manujād sab mārut grase. Mandodarī ur kaṁp kaṁpati kamaṭh bhū bhūdhar trase, chikkarahiṅ diggaj dasan gahi mahi dekhi kautuk sur haṅse.

574 of 789

दो०—तानेउ चाप श्रवन लगि छाँड़े बिसिख कराल। राम मारगन गन चले लहलहात जनु ब्याल ॥९१॥

Do—Tāneu chāp śravan lagi chhāṅḍe bisikh karāl, Rām māragan gan chale lahalahāt janu byāl. (91)

575 of 789

चले बान सपच्छ जनु उरगा। प्रथमहिं हतेउ सारथी तुरगा॥ रथ बिभंजि हति केतु पताका। गर्जा अति अंतर बल थाका ॥१॥

Chale bān sapachchha janu uragā, prathamahiṅ hateu sārathī turagā. Rath bibhañji hati ketu patākā, garjā ati antar bal thākā. (1)

576 of 789

तुरत आन रथ चढ़ि खिसिआना। अस्त्र सस्त्र छाँड़ेसि बिधि नाना॥ बिफल होहिं सब उद्यम ताके। जिमि परद्रोह निरत मनसा के ॥२॥

Turat ān rath chaṛhi khisiānā, astra sastra chhāṅḍesi bidhi nānā. Biphal hohiṅ sab udyam tāke, jimi paradroh nirat manasā ke. (2)

577 of 789

तब रावन दस सूल चलावा। बाजि चारि महि मारि गिरावा॥ तुरग उठाइ कोपि रघुनायक। खैंचि सरासन छाँड़े सायक ॥३॥

Tab Rāvan das sūl chalāvā, bāji chāri mahi māri girāvā. Turag uṭhāi kopi Raghunāyak, khaiṅchi sarāsan chhāṅḍe sāyak. (3)

578 of 789

रावन सिर सरोज बनचारी। चलि रघुबीर सिलीमुख धारी॥ दस दस बान भाल दस मारे। निसरि गए चले रुधिर पनारे ॥४॥

Rāvan sir saroj banachārī, chali Raghubīr silīmukh dhārī. Das das bān bhāl das māre, nisari gae chale rudhir panāre. (4)

579 of 789

स्रवत रुधिर धायउ बलवाना। प्रभु पुनि कृत धनु सर संधाना॥ तीस तीर रघुबीर पबारे। भुजन्हि समेत सीस महि पारे ॥५॥

Sravat rudhir dhāyau balavānā, prabhu puni kṛt dhanu sar sandhānā. Tīs tīr Raghubīr pabāre, bhujanhi samet sīs mahi pāre. (5)

580 of 789

काटतहीं पुनि भए नबीने। राम बहोरि भुजा सिर छीने॥ प्रभु बहु बार बाहु सिर हए। कटत झटिति पुनि नूतन भए ॥६॥

Kāṭatahīṅ puni bhae nabīne, Rām bahori bhujā sir chhīne. Prabhu bahu bār bāhu sir hae, kaṭat jhaṭiti puni nūtan bhae. (6)

581 of 789

पुनि पुनि प्रभु काटत भुज सीसा। अति कौतुकी कोसलाधीसा॥ रहे छाइ नभ सिर अरु बाहू। मानहुँ अमित केतु अरु राहू ॥७॥

Puni puni prabhu kāṭat bhuj sīsā, ati kautukī Kosalādhīsā. Rahe chhāi nabh sir aru bāhū, mānahuṅ amit ketu aru rāhū. (7)

582 of 789

छं०—जनु राहु केतु अनेक नभ पथ स्त्रवत सोनित धावहीं। रघुबीर तीर प्रचंड लागहिं भूमि गिरन न पावहीं॥ एक एक सर सिर निकर छेदे नभ उड़त इमि सोहहीं। जनु कोपि दिनकर कर निकर जहँ तहँ बिधुंतुद पोहहीं॥

Chhand—Janu rāhu ketu anek nabh path stravat sonit dhāvahīṅ, Raghubīr tīr prachaṇḍ lāgahiṅ bhūmi giran na pāvahīṅ. Ek ek sar sir nikar chhede nabh uṛat imi sohahīṅ, janu kopi dinakar kar nikar jahaṅ tahaṅ bidhuṅtud pohahīṅ.

583 of 789

दो०—जिमि जिमि प्रभु हर तासु सिर तिमि तिमि होहिं अपार। सेवत बिषय बिबर्ध जिमि नित नित नूतन मार ॥९२॥

Do—Jimi jimi prabhu har tāsu sir timi timi hohiṅ apār, sevat biṣay bibardh jimi nit nit nūtan mār. (92)

584 of 789

दसमुख देखि सिरन्ह कै बाढ़ी। बिसरा मरन भई रिस गाढ़ी॥ गर्जेउ मूढ़ महा अभिमानी। धायउ दसहु सरासन तानी ॥१॥

Dasamukh dekhi siranh kai bāṛhī, bisarā maran bhaī ris gāṛhī. Garjeu mūṛh mahā abhimānī, dhāyau dasahu sarāsan tānī. (1)

585 of 789

समर भूमि दसकंधर कोप्यो। बरषि बान रघुपति रथ तोप्यो॥ दंड एक रथ देखि न परेऊ। जनु निहार महुँ दिनकर दुरेऊ ॥२॥

Samar bhūmi Dasakandhar kopyo, baraṣi bān Raghupati rath topyo. Daṇḍ ek rath dekhi na pareū, janu nihār mahuṅ dinakar dureū. (2)

586 of 789

हाहाकार सुरन्ह जब कीन्हा। तब प्रभु कोपि कारमुक लीन्हा॥ सर निवारि रिपु के सिर काटे। ते दिसि बिदिसि गगन महि पाटे ॥३॥

Hāhākār suranh jab kīnhā, tab prabhu kopi kāramuk līnhā. Sar nivāri ripu ke sir kāṭe, te disi bidisi gagan mahi pāṭe. (3)

587 of 789

काटे सिर नभ मारग धावहिं। जय जय धुनि करि भय उपजावहिं॥ कहँ लछिमन सुग्रीव कपीसा। कहँ रघुबीर कोसलाधीसा ॥४॥

Kāṭe sir nabh mārag dhāvahiṅ, jay jay dhuni kari bhay upajāvahiṅ. Kahaṅ Lachhiman Sugrīv Kapīsā, kahaṅ Raghubīr Kosalādhīsā. (4)

588 of 789

छं०—कहँ रामु कहि सिर निकर धाए देखि मर्कट भजि चले। संधानि धनु रघुबंसमनि हँसि सरन्हि सिर बेधे भले॥ सिर मालिका कर कालिका गहि बृंद बृंदन्हि बहु मिलीं। करि रुधिर सरि मज्जनु मनहुँ संग्राम बट पूजन चलीं॥

Chhand—Kahaṅ Rāmu kahi sir nikar dhāe dekhi markaṭ bhaji chale, sandhāni dhanu Raghubansamani haṅsi saranhi sir bedhe bhale. Sir mālikā kar kālikā gahi bṛnd bṛndanhi bahu milīṅ, kari rudhir sari majjanu manahuṅ saṅgrām baṭ pūjan chalīṅ.

589 of 789

दो०—पुनि दसकंठ क्रुद्ध होइ छाँड़ी सक्ति प्रचंड। चली बिभीषन सन्मुख मनहुँ काल कर दंड ॥९३॥

Do—Puni Dasakaṇṭh kruddh hoi chhāṅḍī sakti prachaṇḍ, chalī Bibhīṣan sanmukh manahuṅ kāl kar daṇḍ. (93)

590 of 789

आवत देखि सक्ति अति घोरा। प्रनतारति भंजन पन मोरा॥ तुरत बिभीषन पाछें मेला। सन्मुख राम सहेउ सोइ सेला ॥१॥

Āvat dekhi sakti ati ghorā, pranatārati bhañjan pan morā. Turat Bibhīṣan pāchheṅ melā, sanmukh Rām saheu soi selā. (1)

591 of 789

लागि सक्ति मुरुछा कछु भई। प्रभु कृत खेल सुरन्ह बिकलई॥ देखि बिभीषन प्रभु श्रम पायो। गहि कर गदा क्रुद्ध होइ धायो ॥२॥

Lāgi sakti muruchhā kachhu bhaī, prabhu kṛt khel suranh bikalaī. Dekhi Bibhīṣan prabhu śram pāyo, gahi kar gadā kruddh hoi dhāyo. (2)

592 of 789

रे कुभाग्य सठ मंद कुबुद्धे। तैं सुर नर मुनि नाग बिरुद्धे॥ सादर सिव कहुँ सीस चढ़ाए। एक एक के कोटिन्ह पाए ॥३॥

Re kubhāgya saṭh mand kubuddhe, taiṅ sur nar muni nāg biruddhe. Sādar Siv kahuṅ sīs chaṛhāe, ek ek ke koṭinh pāe. (3)

593 of 789

तेहि कारन खल अब लगि बाँच्यो। अब तव कालु सीस पर नाच्यो॥ राम बिमुख सठ चहसि संपदा। अस कहि हनेसि माझ उर गदा ॥४॥

Tehi kāran khal ab lagi bāṅchyo, ab tav kālu sīs par nāchyo. Rām bimukh saṭh chahasi sampadā, as kahi hanesi mājh ur gadā. (4)

594 of 789

छं०—उर माझ गदा प्रहार घोर कठोर लागत महि पर्यो। दस बदन सोनित स्रवत पुनि संभारि धायो रिस भर्यो॥ द्वौ भिरे अतिबल मल्लजुद्ध बिरुद्ध एकु एकहि हनै। रघुबीर बल दर्पित बिभीषनु घालि नहिं ता कहुँ गनै॥

Chhand—Ur mājh gadā prahār ghor kaṭhor lāgat mahi paryo, das badan sonit sravat puni sambhāri dhāyo ris bharyo. Dvau bhire atibal malljuddh biruddh eku ekahi hanai, Raghubīr bal darpit Bibhīṣanu ghāli nahiṅ tā kahuṅ ganai.

595 of 789

दो०—उमा बिभीषनु रावनहि सन्मुख चितव कि काउ। सो अब भिरत काल ज्यों श्रीरघुबीर प्रभाउ ॥९४॥

Do—Umā Bibhīṣanu Rāvanahi sanmukh chitav ki kāu, so ab bhirat kāl jyoṅ Śrī Raghubīr prabhāu. (94)

596 of 789

देखा श्रमित बिभीषनु भारी। धायउ हनूमान गिरि धारी॥ रथ तुरंग सारथी निपाता। हृदय माझ तेहि मारेसि लाता ॥१॥

Dekhā śramit Bibhīṣanu bhārī, dhāyau Hanūmān giri dhārī. Rath turaṅg sārathī nipātā, hṛday mājh tehi māresi lātā. (1)

597 of 789

ठाढ़ रहा अति कंपित गाता। गयउ बिभीषनु जहँ जनत्राता॥ पुनि रावन कपि हतेउ पचारी। चलेउ गगन कपि पूँछ पसारी ॥२॥

Ṭhāṛh rahā ati kaṁpit gātā, gayau Bibhīṣanu jahaṅ Janatrātā. Puni Rāvan kapi hateu pachārī, chaleu gagan kapi pūṅchh pasārī. (2)

598 of 789

गहिसि पूँछ कपि सहित उड़ाना। पुनि फिरि भिरेउ प्रबल हनुमाना॥ लरत अकास जुगल सम जोधा। एकहि एकु हनत करि क्रोधा ॥३॥

Gahisi pūṅchh kapi sahit uṛānā, puni phiri bhireu prabal Hanumānā. Larat akās jugal sam jodhā, ekahi eku hanat kari krodhā. (3)

599 of 789

सोहहिं नभ छल बल बहु करहीं। कज्जलगिरि सुमेरु जनु लरहीं॥ बुधि बल निसिचर परइ न पार्यो। तब मारुतसुत प्रभु संभार्यो ॥४॥

Sohahiṅ nabh chhal bal bahu karahīṅ, kajjalagiri Sumeru janu larahīṅ. Budhi bal nisichar parai na pāryo, tab Mārutasut prabhu sambhāryo. (4)

600 of 789

छं०—संभारि श्रीरघुबीर धीर पचारि कपि रावनु हन्यो। महि परत पुनि उठि लरत देवन्ह जुगल कहुँ जय जय भन्यो॥ हनुमंत संकट देखि मर्कट भालु क्रोधातुर चले। रन मत्त रावन सकल सुभट प्रचंड भुज बल दलमले॥

Chhand—Sambhāri Śrīraghubīr dhīr pachāri kapi Rāvanu hanyo, mahi parat puni uṭhi larat devanh jugal kahuṅ jay jay bhanyo. Hanumant saṅkaṭ dekhi markaṭ bhālu krodhātur chale, ran matt Rāvan sakal subhaṭ prachaṇḍ bhuj bal dalamale.

601 of 789

दो०—तब रघुबीर पचारे धाए कीस प्रचंड। कपि बल प्रबल देखि तेहिं कीन्ह प्रगट पाषंड ॥९५॥

Do—Tab Raghubīr pachāre dhāe kīs prachaṇḍ, kapi bal prabal dekhi tehiṅ kīnh pragaṭ pāṣaṇḍ. (95)

602 of 789

अंतरधान भयउ छन एका। पुनि प्रगटे खल रूप अनेका॥ रघुपति कटक भालु कपि जेते। जहँ तहँ प्रगट दसानन तेते ॥१॥

Antaradhān bhayau chhan ekā, puni pragaṭe khal rūp anekā. Raghupati kaṭak bhālu kapi jete, jahaṅ tahaṅ pragaṭ Dasānan tete. (1)

603 of 789

देखे कपिन्ह अमित दससीसा। जहँ तहँ भजे भालु अरु कीसा॥ भागे बानर धरहिं न धीरा। त्राहि त्राहि लछिमन रघुबीरा ॥२॥

Dekhe kapinh amit dassīsā, jahaṅ tahaṅ bhaje bhālu aru kīsā. Bhāge bānar dharahiṅ na dhīrā, trāhi trāhi Lachhiman Raghubīrā. (2)

604 of 789

दहँ दिसि धावहिं कोटिन्ह रावन। गर्जहिं घोर कठोर भयावन॥ डरे सकल सुर चले पराई। जय कै आस तजहु अब भाई ॥३॥

Dahaṅ disi dhāvahiṅ koṭinh Rāvan, garjahiṅ ghor kaṭhor bhayāvan. Ḍare sakal sur chale parāī, jay kai ās tajahu ab bhāī. (3)

605 of 789

सब सुर जिते एक दसकंधर। अब बहु भए तकहु गिरि कंदर॥ रहे बिरंचि संभु मुनि ग्यानी। जिन्ह जिन्ह प्रभु महिमा कछु जानी ॥४॥

Sab sur jite ek Dasakandhar, ab bahu bhae takahu giri kandar. Rahe Biranchi Sambhu muni gyānī, jinh jinh prabhu mahimā kachhu jānī. (4)

606 of 789

छं०—जाना प्रताप ते रहे निर्भय कपिन्ह रिपु माने फुरे। चले बिचलि मर्कट भालु सकल कृपाल पाहि भयातुरे॥ हनुमंत अंगद नील नल अतिबल लरत रन बाँकुरे। मर्दहिं दसानन कोटि कोटिन्ह कपट भू भट अंकुरे॥

Chhand—Jānā pratāp te rahe nirbhay kapinh ripu māne phure, chale bichali markaṭ bhālu sakal kṛpāl pāhi bhayāture. Hanumant Aṅgad Nīl Nal atibal larat ran bāṅkure, mardahiṅ Dasānan koṭi koṭinh kapaṭ bhū bhaṭ aṅkure.

607 of 789

दो०—सुर बानर देखे बिकल हँस्यो कोसलाधीस। सजि सारंग एक सर हते सकल दससीस ॥९६॥

Do—Sur bānar dekhe bikal haṅsyo Kosalādhīs, saji sāraṅg ek sar hate sakal dassīs. (96)

608 of 789

प्रभु छन महुँ माया सब काटी। जिमि रबि उएँ जाहिं तम फाटी॥ रावनु एकु देखि सुर हरषे। फिरे सुमन बहु प्रभु पर बरषे ॥१॥

Prabhu chhan mahuṅ māyā sab kāṭī, jimi rabi ueṅ jāhiṅ tam phāṭī. Rāvanu eku dekhi sur haraṣe, phire suman bahu prabhu par baraṣe. (1)

609 of 789

भुज उठाइ रघुपति कपि फेरे। फिरे एक एकन्ह तब टेरे॥ प्रभु बलु पाइ भालु कपि धाए। तरल तमकि संजुग महि आए ॥२॥

Bhuj uṭhāi Raghupati kapi phere, phire ek ekanh tab ṭere. Prabhu balu pāi bhālu kapi dhāe, taral tamaki sañjug mahi āe. (2)

610 of 789

अस्तुति करत देवतन्हि देखें। भयउँ एक मैं इन्ह के लेखें॥ सठहु सदा तुम्ह मोर मरायल। अस कहि कोपि गगन पर धायल ॥३॥

Astuti karat devatanhi dekheṅ, bhayauṅ ek maiṅ inh ke lekheṅ. Saṭhahu sadā tumh mor marāyal, as kahi kopi gagan par dhāyal. (3)

611 of 789

हाहाकार करत सुर भागे। खलहु जाहु कहँ मोरें आगे॥ देखि बिकल सुर अंगद धायो। कूदि चरन गहि भूमि गिरायो ॥४॥

Hāhākār karat sur bhāge, khalahu jāhu kahaṅ moreṅ āge. Dekhi bikal sur Aṅgad dhāyo, kūdi charan gahi bhūmi girāyo. (4)

612 of 789

छं०—गहि भूमि पार्यो लात मार्यो बालिसुत प्रभु पहिं गयो। संभारि उठि दसकंठ घोर कठोर रव गर्जत भयो॥ करि दाप चाप चढ़ाइ दस संधानि सर बहु बरषई। किए सकल भट घायल भयाकुल देखि निज बल हरषई॥

Chhand—Gahi bhūmi pāryo lāt māryo Bālisut prabhu pahiṅ gayo, sambhāri uṭhi Dasakaṇṭh ghor kaṭhor rav garjat bhayo. Kari dāp chāp chaṛhāi das sandhāni sar bahu baraṣaī, kie sakal bhaṭ ghāyal bhayākul dekhi nij bal haraṣaī.

613 of 789

दो०—तब रघुपति रावन के सीस भुजा सर चाप। काटे बहुत बढ़े पुनि जिमि तीरथ कर पाप ॥९७॥

Do—Tab Raghupati Rāvan ke sīs bhujā sar chāp, kāṭe bahut baṛhe puni jimi tīrath kar pāp. (97)

614 of 789

सिर भुज बाढ़ि देखि रिपु केरी। भालु कपिन्ह रिस भई घनेरी॥ मरत न मूढ़ कटेहुँ भुज सीसा। धाए कोपि भालु भट कीसा ॥१॥

Sir bhuj bāṛhi dekhi ripu kerī, bhālu kapinh ris bhaī ghanerī. Marat na mūṛh kaṭehuṅ bhuj sīsā, dhāe kopi bhālu bhaṭ kīsā. (1)

615 of 789

बालितनय मारुति नल नीला। बानरराज दुबिद बलसीला॥ बिटप महीधर करहिं प्रहारा। सोइ गिरि तरु गहि कपिन्ह सो मारा ॥२॥

Bālitanay Māruti Nal Nīlā, bānararāj Dubid balasīlā. Biṭap mahīdhar karahiṅ prahārā, soi giri taru gahi kapinh so mārā. (2)

616 of 789

एक नखन्हि रिपु बपुष बिदारी। भागि चलहिं एक लातन्ह मारी॥ तब नल नील सिरन्हि चढ़ि गयऊ। नखन्हि लिलार बिदारत भयऊ ॥३॥

Ek nakhanhi ripu bapuṣ bidārī, bhāgi chalahiṅ ek lātanh mārī. Tab Nal Nīl siranhi chaṛhi gayaū, nakhanhi lilār bidārat bhayaū. (3)

617 of 789

रुधिर देखि बिषाद उर भारी। तिन्हहि धरन कहुँ भुजा पसारी॥ गहे न जाहिं करन्हि पर फिरहीं। जनु जुग मधुप कमल बन चरहीं ॥४॥

Rudhir dekhi biṣād ur bhārī, tinhahi dharan kahuṅ bhujā pasārī. Gahe na jāhiṅ karanhi par phirahīṅ, janu jug madhup kamal ban charahīṅ. (4)

618 of 789

कोपि कूदि द्वौ धरेसि बहोरी। महि पटकत भजे भुजा मरोरी॥ पुनि सकोप दस धनु कर लीन्हे। सरन्हि मारि घायल कपि कीन्हे ॥५॥

Kopi kūdi dvau dharesi bahorī, mahi paṭakat bhaje bhujā marorī. Puni sakop das dhanu kar līnhe, saranhi māri ghāyal kapi kīnhe. (5)

619 of 789

हनुमदादि मुरुछित करि बंदर। पाइ प्रदोष हरष दसकंधर॥ मुरुछित देखि सकल कपि बीरा। जामवंत धायउ रनधीरा ॥६॥

Hanumadādi muruchhit kari bandar, pāi pradoṣ haraṣ Dasakandhar. Muruchhit dekhi sakal kapi bīrā, Jāmavant dhāyau ranadhīrā. (6)

620 of 789

संग भालु भूधर तरु धारी। मारन लगे पचारि पचारी॥ भयउ क्रुद्ध रावन बलवाना। गहि पद महि पटकइ भट नाना ॥७॥

Saṅg bhālu bhūdhar taru dhārī, māran lage pachāri pachāri. Bhayau kruddh Rāvan balavānā, gahi pad mahi paṭakai bhaṭ nānā. (7)

621 of 789

देखि भालुपति निज दल घाता। कोपि माझ उर मारेसि लाता ॥८॥

Dekhi bhālupati nij dal ghātā, kopi mājh ur māresi lātā. (8)

622 of 789

छं०—उर लात घात प्रचंड लागत बिकल रथ ते महि परा। गहि भालु बीसहुँ कर मनहुँ कमलन्हि बसे निसि मधुकरा॥ मुरुछित बिलोकि बहोरि पद हति भालुपति प्रभु पहिं गयो। निसि जानि स्यंदन घालि तेहि तब सूत जतनु करत भयो॥

Chhand—Ur lāt ghāt prachaṇḍ lāgat bikal rath te mahi parā, gahi bhālu bīsahuṅ kar manahuṅ kamalanhi base nisi madhukarā. Muruchhit biloki bahori pad hati bhālupati prabhu pahiṅ gayo, nisi jāni syandan ghāli tehi tab sūt jatanu karat bhayo.

623 of 789

दो०—मुरुछा बिगत भालु कपि सब आए प्रभु पास। निसिचर सकल रावनहि घेरि रहे अति त्रास ॥९८॥

Do—Muruchhā bigat bhālu kapi sab āe prabhu pās, nisichar sakal Rāvanahi gheri rahe ati trās. (98)

624 of 789

तेही निसि सीता पहिं जाई। त्रिजटा कहि सब कथा सुनाई॥ सिर भुज बाढ़ि सुनत रिपु केरी। सीता उर भइ त्रास घनेरी ॥१॥

Tehī nisi Sītā pahiṅ jāī, Trijaṭā kahi sab kathā sunāī. Sir bhuj bāṛhi sunat ripu kerī, Sītā ur bhai trās ghanerī. (1)

625 of 789

मुख मलीन उपजी मन चिंता। त्रिजटा सन बोली तब सीता॥ होइहि कहा कहसि किन माता। केहि बिधि मरिहि बिस्व दुखदाता ॥२॥

Mukh malīn upajī man chintā, Trijaṭā san bolī tab Sītā. Hoihi kahā kahasi kin mātā, kehi bidhi marihi bisv dukhadātā. (2)

626 of 789

रघुपति सर सिर कटेहुँ न मरई। बिधि बिपरीत चरित सब करई॥ मोर अभाग्य जिआवत ओही। जेहिं हौं हरि पद कमल बिछोही ॥३॥

Raghupati sar sir kaṭehuṅ na maraī, bidhi biparīt charit sab karaī. Mor abhāgya jiāvat ohī, jehiṅ hauṅ Hari pad kamal bichhohī. (3)

627 of 789

जेहिं कृत कपट कनक मृग झूठा। अजहुँ सो दैव मोहि पर रूठा॥ जेहिं बिधि मोहि दुख दुसह सहाए। लछिमन कहुँ कटु बचन कहाए ॥४॥

Jehiṅ kṛt kapaṭ kanak mṛg jhūṭhā, ajahuṅ so daiv mohi par rūṭhā. Jehiṅ bidhi mohi dukh dusah sahāe, Lachhiman kahuṅ kaṭu bachan kahāe. (4)

628 of 789

रघुपति बिरह सबिष सर भारी। तकि तकि मार बार बहु मारी॥ ऐसेहुँ दुख जो राख मम प्राना। सोइ बिधि ताहि जिआव न आना ॥५॥

Raghupati birah sabiṣ sar bhārī, taki taki mār bār bahu mārī. Aisehuṅ dukh jo rākh mam prānā, soi bidhi tāhi jiāv na ānā. (5)

629 of 789

बहु बिधि कर बिलाप जानकी। करि करि सुरति कृपानिधान की॥ कह त्रिजटा सुनु राजकुमारी। उर सर लागत मरइ सुरारी ॥६॥

Bahu bidhi kar bilāp Jānakī, kari kari surati kṛpānidhān kī. Kah Trijaṭā sunu rājakumārī, ur sar lāgat marai surārī. (6)

630 of 789

प्रभु ताते उर हतइ न तेही। एहि के हृदयँ बसति बैदेही ॥७॥

Prabhu tāte ur hatai na tehī, ehi ke hṛdayaṅ basati Baidehī. (7)

631 of 789

छं०—एहि के हृदयँ बस जानकी जानकी उर मम बास है। मम उदर भुअन अनेक लागत बान सब कर नास है॥ सुनि बचन हरष बिषाद मन अति देखि पुनि त्रिजटाँ कहा। अब मरिहि रिपु एहि बिधि सुनहि सुंदरि तजहि संसय महा॥

Chhand—Ehi ke hṛdayaṅ bas Jānakī Jānakī ur mam bās hai, mam udar bhuan anek lāgat bān sab kar nās hai. Suni bachan haraṣ biṣād man ati dekhi puni Trijaṭāṅ kahā, ab marihi ripu ehi bidhi sunahi sundari tajahi saṃsay mahā.

632 of 789

दो०—काटत सिर होइहि बिकल छुटि जाइहि तव ध्यान। तब रावनहि हृदय महुँ मरिहहिं रामु सुजान ॥९९॥

Do—Kāṭat sir hoihi bikal chhuṭi jāihi tav dhyān, tab Rāvanahi hṛday mahuṅ marihahiṅ Rāmu sujān. (99)

633 of 789

अस कहि बहुत भाँति समुझाई। पुनि त्रिजटा निज भवन सिधाई॥ राम सुभाउ सुमिरि बैदेही। उपजी बिरह बिथा अति तेही ॥१॥

As kahi bahut bhāṅti samujhāī, puni Trijaṭā nij bhavan sidhāī. Rām subhāu sumiri Baidehī, upajī birah bithā ati tehī. (1)

634 of 789

निसिहि ससिहि निंदति बहु भाँती। जुग सम भई सिराति न राती॥ करति बिलाप मनहिं मन भारी। राम बिरहँ जानकी दुखारी ॥२॥

Nisihi sasihi nindati bahu bhāṅtī, jug sam bhaī sirāti na rātī. Karati bilāp manahiṅ man bhārī, Rām birahaṅ Jānakī dukhārī. (2)

635 of 789

जब अति भयउ बिरह उर दाहू। फरकेउ बाम नयन अरु बाहू॥ सगुन बिचारि धरी मन धीरा। अब मिलिहहिं कृपाल रघुबीरा ॥३॥

Jab ati bhayau birah ur dāhū, pharakeu bām nayan aru bāhū. Sagun bichāri dharī man dhīrā, ab milihahiṅ kṛpāl Raghubīrā. (3)

636 of 789

इहाँ अर्धनिसि रावनु जागा। निज सारथि सन खीझन लागा॥ सठ रनभूमि छड़ाइसि मोही। धिग धिग अधम मंदमति तोही ॥४॥

Ihāṅ ardhanisi Rāvanu jāgā, nij sārathi san khījhan lāgā. Saṭh ranabhūmi chhaṛāisi mohī, dhig dhig adham mandamati tohī. (4)

637 of 789

तेहिं पद गहि बहु बिधि समुझावा। भोरु भएँ रथ चढ़ि पुनि धावा॥ सुनि आगवनु दसानन केरा। कपि दल खरभर भयउ घनेरा ॥५॥

Tehiṅ pad gahi bahu bidhi samujhāvā, bhoru bhaeṅ rath chaṛhi puni dhāvā. Suni āgavanu Dasānan kerā, kapi dal kharabhar bhayau ghanerā. (5)

638 of 789

जहँ तहँ भूधर बिटप उपारी। धाए कटकटाइ भट भारी ॥६॥

Jahaṅ tahaṅ bhūdhar biṭap upārī, dhāe kaṭakaṭāi bhaṭ bhārī. (6)

639 of 789

छं०—धाए जो मर्कट बिकट भालु कराल कर भूधर धरा। अति कोप करहिं प्रहार मारत भजि चले रजनीचरा॥ बिचलाइ दल बलवंत कीसन्ह घेरि पुनि रावनु लियो। चहुँ दिसि चपेटन्हि मारि नखन्हि बिदारि तनु ब्याकुल कियो॥

Chhand—Dhāe jo markaṭ bikaṭ bhālu karāl kar bhūdhar dharā, ati kop karahiṅ prahār mārat bhaji chale rajanīcharā. Bichalāi dal balavant kīsanh gheri puni Rāvanu liyo, chahuṅ disi chapeṭanhi māri nakhanhi bidāri tanu byākul kiyo.

640 of 789

दो०—देखि महा मर्कट प्रबल रावन कीन्ह बिचार। अंतरहित होइ निमिष महुँ कृत माया बिस्तार ॥१००॥

Do—Dekhi mahā markaṭ prabal Rāvan kīnh bichār, antarahit hoi nimiṣ mahuṅ kṛt māyā bistār. (100)

641 of 789

छं०—जब कीन्ह तेहिं पाषंड। भए प्रगट जंतु प्रचंड॥ बेताल भूत पिसाच। कर धरें धनु नाराच ॥१॥

Chhand—Jab kīnh tehiṅ pāṣaṇḍ, bhae pragaṭ jantu prachaṇḍ, betāl bhūt pisāch, kar dhareṅ dhanu nārāch. (1)

642 of 789

जोगिनि गहें करबाल। एक हाथ मनुज कपाल॥ करि सद्य सोनित पान। नाचहिं करहिं बहु गान ॥२॥

Jogini gaheṅ karabāl, ek hāth manuj kapāl, kari sadya sonit pān, nāchahiṅ karahiṅ bahu gān. (2)

643 of 789

धरु मारु बोलहिं घोर। रहि पूरि धुनि चहुँ ओर॥ मुख बाइ धावहिं खान। तब लगे कीस परान ॥३॥

Dharu māru bolahiṅ ghor, rahi pūri dhuni chahuṅ or, mukh bāi dhāvahiṅ khān, tab lage kīs parān. (3)

644 of 789

जहँ जाहिं मर्कट भागि। तहँ बरत देखहिं आगि॥ भए बिकल बानर भालु। पुनि लाग बरषै बालु ॥४॥

Jahaṅ jāhiṅ markaṭ bhāgi, tahaṅ barat dekhahiṅ āgi, bhae bikal bānar bhālu, puni lāg baraṣai bālu. (4)

645 of 789

जहँ तहँ थकित करि कीस। गर्जेउ बहुरि दससीस॥ लछिमन कपीस समेत। भए सकल बीर अचेत ॥५॥

Jahaṅ tahaṅ thakit kari kīs, garjeu bahuri dasasīs, Lachhiman Kapīs samet, bhae sakal bīr achet. (5)

646 of 789

हा राम हा रघुनाथ। कहि सुभट मीजहिं हाथ॥ एहि बिधि सकल बल तोरि। तेहिं कीन्ह कपट बहोरि ॥६॥

Hā Rām hā Raghunāth, kahi subhaṭ mījahiṅ hāth, ehi bidhi sakal bal tori, tehiṅ kīnh kapaṭ bahori. (6)

647 of 789

प्रगटेसि बिपुल हनुमान। धाए गहे पाषान॥ तिन्ह रामु घेरे जाइ। चहुँ दिसि बरूथ बनाइ ॥७॥

Pragaṭesi bipul Hanumān, dhāe gahe pāṣān, tinh Rāmu ghere jāi, chahuṅ disi barūth banāi. (7)

648 of 789

मारहु धरहु जनि जाइ। कटकटहिं पूँछ उठाइ॥ दहुँ दिसि लँगूर बिराज। तेहिं मध्य कोसलराज ॥८॥

Mārahu dharahu jani jāi, kaṭakaṭahiṅ pūṅchh uṭhāi, dahuṅ disi laṅgūr birāj, tehiṅ madhya Kosalarāj. (8)

649 of 789

छं०—तेहिं मध्य कोसलराज सुंदर स्याम तन सोभा लही। जनु इंद्रधनुष अनेक की बर बारि तुंग तमालही॥ प्रभु देखि हरष बिषाद उर सुर बदत जय जय जय करी। रघुबीर एकहिं तीर कोपि निमेष महुँ माया हरी ॥१॥

Chhand—Tehiṅ madhya Kosalarāj sundar syām tan sobhā lahī, janu indradhanuṣ anek kī bar bāri tuṅg tamālahī. Prabhu dekhi haraṣ biṣād ur sur badat jay jay jay karī, Raghubīr ekahiṅ tīr kopi nimeṣ mahuṅ māyā harī. (1)

650 of 789

माया बिगत कपि भालु हरषे बिटप गिरि गहि सब फिरे। सर निकर छाड़े राम रावन बाहु सिर पुनि महि गिरे॥ श्रीराम रावन समर चरित अनेक कल्प जो गावहीं। सत सेष सारद निगम कबि तेउ तदपि पार न पावहीं ॥२॥

Māyā bigat kapi bhālu haraṣe biṭap giri gahi sab phire, sar nikar chhāṛe Rām Rāvan bāhu sir puni mahi gire. Śrīrām Rāvan samar charit anek kalp jo gāvahīṅ, sat Seṣ Sārad nigam kabi teu tadapi pār na pāvahīṅ. (2)

651 of 789

दो०—ताके गुन गन कछु कहे जड़मति तुलसीदास। जिमि निज बल अनुरूप ते माछी उड़इ अकास॥ १०१ क॥

Do—Tāke gun gan kachh kahe jaṛamati Tulasīdās, jimi nij bal anurūp te māchhī uṛai akās. (101 ka)

652 of 789

काटे सिर भुज बार बहु मरत न भट लंकेस। प्रभु क्रीड़त सुर सिद्ध मुनि ब्याकुल देखि कलेस॥ १०१ ख॥

Kāṭe sir bhuj bār bahu marat na bhaṭ Laṅkes, prabhu krīṛat sur siddh muni byākul dekhi kales. (101 kha)

653 of 789

काटत बढ़हिं सीस समुदाई। जिमि प्रति लाभ लोभ अधिकाई॥ मरइ न रिपु श्रम भयउ बिसेषा। राम बिभीषन तन तब देखा ॥१॥

Kāṭat baṛhahiṅ sīs samudāī, jimi prati lābh lobh adhikāī. Marai na ripu śram bhayau biseṣā, Rām Bibhīṣan tan tab dekhā. (1)

654 of 789

उमा काल मर जाकीं ईछा। सो प्रभु जन कर प्रीति परीछा॥ सुनु सरबग्य चराचर नायक। प्रनतपाल सुर मुनि सुखदायक ॥२॥

Umā kāl mar jākīṅ īchhā, so prabhu jan kar prīti parīchhā. Sunu sarabagya charāchar nāyak, pranatapāl sur muni sukhadāyak. (2)

655 of 789

नाभिकुंड पियूष बस याकें। नाथ जिअत रावनु बल ताकें॥ सुनत बिभीषन बचन कृपाला। हरषि गहे कर बान कराला ॥३॥

Nābhikuṇḍ piyūṣ bas yākeṅ, nāth jiat Rāvanu bal tākeṅ. Sunat Bibhīṣan bachan kṛpālā, haraṣi gahe kar bān karālā. (3)

656 of 789

असुभ होन लागे तब नाना। रोवहिं खर सृकाल बहु स्वाना॥ बोलहिं खग जग आरति हेतू। प्रगट भए नभ जहँ तहँ केतू ॥४॥

Asubh hon lāge tab nānā, rovahiṅ khar sṛkāl bahu svānā. Bolahiṅ khag jag ārati hetū, pragaṭ bhae nabh jahaṅ tahaṅ ketū. (4)

657 of 789

दस दिसि दाह होन अति लागा। भयउ परब बिनु रबि उपरागा॥ मंदोदरि उर कंपति भारी। प्रतिमा स्रवहिं नयन मग बारी ॥५॥

Das disi dāh hon ati lāgā, bhayau parab binu rabi uparāgā. Mandodari ur kampati bhārī, pratimā sravahiṅ nayan mag bārī. (5)

658 of 789

छं०—प्रतिमा रुदहिं पबिपात नभ अति बात बह डोलति मही। बरषहिं बलाहक रुधिर कच रज असुभ अति सक को कही॥ उतपात अमित बिलोकि नभ सुर बिकल बोलहिं जय जए। सुर सभय जानि कृपाल रघुपति चाप सर जोरत भए॥

Chhand—Pratimā rudahiṅ pabipāt nabh ati bāt bah ḍolati mahī, baraṣahiṅ balāhak rudhir kach raj asubh ati sak ko kahī. Utapāt amit biloki nabh sur bikal bolahiṅ jay jae, sur sabhay jāni kṛpāl Raghupati chāp sar jorat bhae.

659 of 789

दो०—खैंचि सरासन श्रवन लगि छाड़े सर एकतीस। रघुनायक सायक चले मानहुँ काल फनीस ॥१०२॥

Do—Khaiṅchi sarāsan śravan lagi chhāṛe sar ekatīs, Raghunāyak sāyak chale mānahuṅ kāl phanīs. (102)

660 of 789

सायक एक नाभि सर सोषा। अपर लगे भुज सिर करि रोषा॥ लै सिर बाहु चले नाराचा। सिर भुज हीन रुंड महि नाचा ॥१॥

Sāyak ek nābhi sar soṣā, apar lage bhuj sir kari roṣā. Lai sir bāhu chale nārāchā, sir bhuj hīn ruṇḍ mahi nāchā. (1)

661 of 789

धरनि धसइ धर धाव प्रचंडा। तब सर हति प्रभु कृत दुइ खंडा॥ गर्जेउ मरत घोर रव भारी। कहाँ रामु रन हतौं पचारी ॥२॥

Dharani dhasai dhar dhāv prachaṇḍā, tab sar hati prabhu kṛt dui khaṇḍā. Garjeu marat ghor rav bhārī, kahāṅ Rāmu ran hatauṅ pachārī. (2)

662 of 789

डोली भूमि गिरत दसकंधर। छुभित सिंधु सरि दिग्गज भूधर॥ धरनि परेउ द्वौ खंड बढ़ाई। चापि भालु मर्कट समुदाई ॥३॥

Ḍolī bhūmi girat Dasakandhar, chhubhit sindhu sari diggaj bhūdhar. Dharani pareu dvau khaṇḍ baṛhāī, chāpi bhālu markaṭ samudāī. (3)

663 of 789

मंदोदरि आगें भुज सीसा। धरि सर चले जहाँ जगदीसा॥ प्रबिसे सब निषंग महुँ जाई। देखि सुरन्ह दुंदुभीं बजाई ॥४॥

Mandodari āgeṅ bhuj sīsā, dhari sar chale jahāṅ Jagadīsā. Prabise sab niṣaṅg mahuṅ jāī, dekhi suranh dundubhīṅ bajāī. (4)

664 of 789

तासु तेज समान प्रभु आनन। हरषे देखि संभु चतुरानन॥ जय जय धुनि पूरी ब्रह्मंडा। जय रघुबीर प्रबल भुजदंडा ॥५॥

Tāsu tej samān prabhu ānan, haraṣe dekhi Sambhu Chaturānan. Jay jay dhuni pūrī Brahmaṇḍā, jay Raghubīr prabal bhujadaṇḍā. (5)

665 of 789

बरषहिं सुमन देव मुनि बृंदा। जय कृपाल जय जयति मुकुंदा ॥६॥

Baraṣahiṅ suman dev muni bṛndā, jay kṛpāl jay jayati Mukundā. (6)

666 of 789

छं०—जय कृपा कंद मुकुंद द्वंद हरन सरन सुखप्रद प्रभो। खल दल बिदारन परम कारन कारुनीक सदा बिभो॥ सुर सुमन बरषहिं हरष संकुल बाज दुंदुभि गहगही। संग्राम अंगन राम अंग अनंग बहु सोभा लही ॥१॥

Chhand—Jay kṛpā kand Mukund dvand haran saran sukhaprad prabho, khal dal bidāran param kāran kārunīk sadā bibho. Sur suman baraṣahiṅ haraṣ saṅkul bāj dundubhi gahagahī, saṅgrām aṅgan Rām aṅg anaṅg bahu sobhā lahī. (1)

667 of 789

सिर जटा मुकुट प्रसून बिच बिच अति मनोहर राजहीं। जनु नीलगिरि पर तड़ित पटल समेत उडुगन भ्राजहीं॥ भुजदंड सर कोदंड फेरत रुधिर कन तन अति बने। जनु रायमुनीं तमाल पर बैठीं बिपुल सुख आपने ॥२॥

Sir jaṭā mukuṭ prasūn bich bich ati manohar rājahīṅ, janu nīlagiri par taṛit paṭal samet uḍugan bhrājahīṅ. Bhujadaṇḍ sar kodaṇḍ pherat rudhir kan tan ati bane, janu rāyamunīṅ tamāl par baiṭhīṅ bipul sukh āpane. (2)

668 of 789

दो०—कृपादृष्टि करि बृष्टि प्रभु अभय किए सुर बृंद। भालु कीस सब हरषे जय सुख धाम मुकुंद ॥१०३॥

Do—Kṛpādṛṣṭi kari bṛṣṭi prabhu abhay kie sur bṛnd, bhālu kīs sab haraṣe jay sukh dhām Mukund. (103)

669 of 789

पति सिर देखत मंदोदरी। मुरुछित बिकल धरनि खसि परी॥ जुबति बृंद रोवत उठि धाईं। तेहि उठाइ रावन पहिं आईं ॥१॥

Pati sir dekhat Mandodarī, muruchhit bikal dharani khasi parī. Jubati bṛnd rovat uṭhi dhāīṅ, tehi uṭhāi Rāvan pahiṅ āīṅ. (1)

670 of 789

पति गति देखि ते करहिं पुकारा। छूटे कच नहिं बपुष सँभारा॥ उर ताड़ना करहिं बिधि नाना। रोवत करहिं प्रताप बखाना ॥२॥

Pati gati dekhi te karahiṅ pukārā, chhūṭe kach nahiṅ bapuṣ saṅbhārā. Ur tāṛanā karahiṅ bidhi nānā, rovat karahiṅ pratāp bakhānā. (2)

671 of 789

तव बल नाथ डोल नित धरनी। तेज हीन पावक ससि तरनी॥ सेष कमठ सहि सकहिं न भारा। सो तनु भूमि परेउ भरि छारा ॥३॥

Tav bal nāth ḍol nit dharanī, tej hīn pāvak sasi taranī. Seṣ kamaṭh sahi sakahiṅ na bhārā, so tanu bhūmi pareu bhari chhārā. (3)

672 of 789

बरुन कुबेर सुरेस समीरा। रन सन्मुख धरि काहुँ न धीरा॥ भुजबल जितेहु काल जम साई। आजु परेहु अनाथ की नाई ॥४॥

Barun Kuber Sures Samīrā, ran sanmukh dhari kāhuṅ na dhīrā. Bhujabal jitehu kāl Jam sāī, āju pareu anāth kī nāī. (4)

673 of 789

जगत बिदित तुम्हारि प्रभुताई। सुत परिजन बल बरनि न जाई॥ राम बिमुख अस हाल तुम्हारा। रहा न कोउ कुल रोवनिहारा ॥५॥

Jagat bidit tumhāri prabhutāī, sut parijan bal barani na jāī. Rām bimukh as hāl tumhārā, rahā na kou kul rovanihārā. (5)

674 of 789

तव बस बिधि प्रपंच सब नाथा। सभय दिसिप नित नावहिं माथा॥ अब तव सिर भुज जंबुक खाहीं। राम बिमुख यह अनुचित नाहीं ॥६॥

Tav bas bidhi prapañch sab nāthā, sabhay disip nit nāvahiṅ māthā. Ab tav sir bhuj jambuk khāhīṅ, Rām bimukh yah anuchit nāhīṅ. (6)

675 of 789

काल बिबस पति कहा न माना। अग जग नाथु मनुज करि जाना ॥७॥

Kāl bibas pati kahā na mānā, ag jag nāthu manuj kari jānā. (7)

676 of 789

छं०—जान्यो मनुज करि दनुज कानन दहन पावक हरि स्वयं। जेहि नमत सिव ब्रह्मादि सुर पिय भजेहु नहिं करुनामयं॥ आजन्म ते परद्रोह रत पापौघमय तव तनु अयं। तुम्हहू दियो निज धाम राम नमामि ब्रह्म निरामयं॥

Chhand—Jānyo manuj kari danuj kānan dahan pāvak Hari svayaṅ, jehi namat Siv Brahmādi sur piy bhajehu nahiṅ karunāmayaṅ. Ājanm te paradroh rat pāpaughamay tav tanu ayaṅ, tumhahū diyo nij dhām Rām namāmi Brahma nirāmayaṅ.

677 of 789

दो०—अहह नाथ रघुनाथ सम कृपासिंधु नहिं आन। जोगि बृंद दुर्लभ गति तोहि दीन्हि भगवान ॥१०४॥

Do—Ahah nāth Raghunāth sam kṛpāsindhu nahiṅ ān, jogi bṛnd durlabh gati tohi dīnhi bhagavān. (104)

678 of 789

मंदोदरी बचन सुनि काना। सुर मुनि सिद्ध सबन्हि सुख माना॥ अज महेस नारद सनकादी। जे मुनिबर परमारथबादी ॥१॥

Mandodarī bachan suni kānā, sur muni siddh sabanhi sukh mānā. Aj Mahes Nārad Sanakādī, je munibar paramārathabādī. (1)

679 of 789

भरि लोचन रघुपतिहि निहारी। प्रेम मगन सब भए सुखारी॥ रुदन करत देखीं सब नारी। गयउ बिभीषनु मन दुख भारी ॥२॥

Bhari lochan Raghupatihi nihārī, prem magan sab bhae sukhārī. Rudan karat dekhīṅ sab nārī, gayau Bibhīṣanu man dukh bhārī. (2)

680 of 789

बंधु दसा बिलोकि दुख कीन्हा। तब प्रभु अनुजहि आयसु दीन्हा॥ लछिमन तेहि बहु बिधि समुझायो। बहुरि बिभीषन प्रभु पहिं आयो ॥३॥

Bandhu dasā biloki dukh kīnhā, tab prabhu anujahi āyasu dīnhā. Lachhiman tehi bahu bidhi samujhāyo, bahuri Bibhīṣan prabhu pahiṅ āyo. (3)

681 of 789

कृपादृष्टि प्रभु ताहि बिलोका। करहु क्रिया परिहरि सब सोका॥ कीन्हि क्रिया प्रभु आयसु मानी। बिधिवत देस काल जियँ जानी ॥४॥

Kṛpādṛṣṭi prabhu tāhi bilokā, karahu kriyā parihari sab sokā. Kīnhi kriyā prabhu āyasu mānī, bidhivat des kāl jiyaṅ jānī. (4)

682 of 789

दो०—मंदोदरी आदि सब देइ तिलांजलि ताहि। भवन गई रघुपति गुन गन बरनत मन माहि ॥१०५॥

Do—Mandodarī ādi sab dei tilāñjali tāhi, bhavan gaī Raghupati gun gan baranat man māhi. (105)

683 of 789

आइ बिभीषन पुनि सिरु नायो। कृपासिंधु तब अनुज बोलायो॥ तुम्ह कपीस अंगद नल नीला। जामवंत मारुति नयसीला ॥१॥

Āi Bibhīṣan puni siru nāyo, kṛpāsindhu tab anuj bolāyo. Tumh Kapīs Aṅgad Nal Nīlā, Jāmavant Māruti nayasīlā. (1)

684 of 789

सब मिलि जाहु बिभीषन साथा। सारेहु तिलक कहेउ रघुनाथा॥ पिता बचन मैं नगर न आवउँ। आपु सरिस कपि अनुज पठावउँ ॥२॥

Sab mili jāhu Bibhīṣan sāthā, sārehu tilak kaheu Raghunāthā. Pitā bachan maiṅ nagar na āvauṅ, āpu saris kapi anuj paṭhāvauṅ. (2)

685 of 789

तुरत चले कपि सुनि प्रभु बचना। कीन्ही जाइ तिलक की रचना॥ सादर सिंहासन बैठारी। तिलक सारि अस्तुति अनुसारी ॥३॥

Turat chale kapi suni prabhu bachanā, kīnhī jāi tilak kī rachanā. Sādar sinhāsan baiṭhārī, tilak sāri astuti anusārī. (3)

686 of 789

जोरि पानि सबहीं सिर नाए। सहित बिभीषन प्रभु पहिं आए॥ तब रघुबीर बोलि कपि लीन्हे। कहि प्रिय बचन सुखी सब कीन्हे ॥४॥

Jori pāni sabahīṅ sir nāe, sahit Bibhīṣan prabhu pahiṅ āe. Tab Raghubīr boli kapi līnhe, kahi priy bachan sukhī sab kīnhe. (4)

687 of 789

छं०—किए सुखी कहि बानी सुधा सम बल तुम्हारें रिपु हयो। पायो बिभीषन राज तिहुँ पुर जसु तुम्हारो नित नयो॥ मोहि सहित सुभ कीरति तुम्हारी परम प्रीति जो गाइहैं। संसार सिंधु अपार पार प्रयास बिनु नर पाइहैं॥

Chhand—Kie sukhī kahi bānī sudhā sam bal tumhāreṅ ripu hayo, pāyo Bibhīṣan rāj tihuṅ pur jasu tumhāro nit nayo. Mohi sahit subh kīrati tumhārī param prīti jo gāihaiṅ, saṃsār sindhu apār pār prayās binu nar pāihaiṅ.

688 of 789

दो०—प्रभु के बचन श्रवन सुनि नहिं अघाहिं कपि पुंज। बार बार सिर नावहिं गहहिं सकल पद कंज ॥१०६॥

Do—Prabhu ke bachan śravan suni nahiṅ aghāhiṅ kapi puñj, bār bār sir nāvahiṅ gahahiṅ sakal pad kañj. (106)

689 of 789

पुनि प्रभु बोलि लियउ हनुमाना। लंका जाहु कहेउ भगवाना॥ समाचार जानकिहि सुनावहु। तासु कुसल लै तुम्ह चलि आवहु ॥१॥

Puni prabhu boli liyau Hanumānā, Laṅkā jāhu kaheu bhagavānā. Samāchār Jānakihi sunāvahu, tāsu kusal lai tumh chali āvahu. (1)

690 of 789

तब हनुमंत नगर महुँ आए। सुनि निसिचरी निसाचर धाए॥ बहु प्रकार तिन्ह पूजा कीन्ही। जनकसुता देखाइ पुनि दीन्ही ॥२॥

Tab hanumant nagar mahuṅ āe, suni nisicharī nisāchar dhāe. Bahu prakār tinh pūjā kīnhī, Janakasutā dekhāi puni dīnhī. (2)

691 of 789

दूरिहि ते प्रनाम कपि कीन्हा। रघुपति दूत जानकी चीन्हा॥ कहहु तात प्रभु कृपानिकेता। कुसल अनुज कपि सेन समेता ॥३॥

Dūrihi te pranām kapi kīnhā, Raghupati dūt Jānakī chīnhā. Kahahu tāt prabhu kṛpāniketā, kusal anuj kapi sen sametā. (3)

692 of 789

सब बिधि कुसल कोसलाधीसा। मातु समर जीत्यो दससीसा॥ अबिचल राजु बिभीषन पायो। सुनि कपि बचन हरष उर छायो ॥४॥

Sab bidhi kusal Kosalādhīsā, mātu samar jītyo dasasīsā. Abichal rāju Bibhīṣan pāyo, suni kapi bachan haraṣ ur chhāyo. (4)

693 of 789

छं०—अति हरष मन तन पुलक लोचन सजल कह पुनि पुनि रमा। का देउँ तोहि त्रैलोक महुँ कपि किमपि नहिं बानी सम॥ सुनु मातु मैं पायो अखिल जग राजु आजु न संसयं। रन जीति रिपुदल बंधु जुत पस्यामि राममनामयं॥

Chhand—Ati haraṣ man tan pulak lochan sajal kah puni puni Ramā, kā deuṅ tohi trailok mahuṅ kapi kimapi nahiṅ bānī sam. Sunu mātu maiṅ pāyo akhil jag rāju āju na saṃsayaṅ, ran jīti ripudal bandhu jut pasyāmi Rāmamanāmayaṅ.

694 of 789

दो०—सुनु सुत सदगुन सकल तव हृदयँ बसहुँ हनुमंत। सानुकूल कोसलपति रहहुँ समेत अनंत ॥१०७॥

Do—Sunu sut sadgun sakal tav hṛdayaṅ basahuṅ Hanumant, sānukūl Kosalapati rahahuṅ samet anant. (107)

695 of 789

अब सोइ जतन करहु तुम्ह ताता। देखौं नयन स्याम मृदु गाता॥ तब हनुमान राम पहिं जाई। जनकसुता कै कुसल सुनाई ॥१॥

Ab soi jatan karahu tumh tātā, dekhauṅ nayan syām mṛdu gātā. Tab Hanumān Rām pahiṅ jāī, Janakasutā kai kusal sunāī. (1)

696 of 789

सुनि संदेसु भानुकुलभूषन। बोलि लिए जुबराज बिभीषन॥ मारुतसुत के संग सिधावहु। सादर जनकसुतहि लै आवहु ॥२॥

Suni sandesu Bhānukulabhūṣan, boli lie jubarāj Bibhīṣan. Mārutasut ke sang sidhāvahu, sādar Janakasutahi lai āvahu. (2)

697 of 789

तुरतहिं सकल गए जहँ सीता। सेवहिं सब निसिचरीं बिनीता॥ बेगि बिभीषन तिन्हहि सिखायो। तिन्ह बहु बिधि मज्जन करवायो ॥३॥

Turatahiṅ sakal gae jahaṅ Sītā, sevahiṅ sab nisicharīṅ binītā. Begi Bibhīṣan tinhahi sikhāyo, tinh bahu bidhi majjan karavāyo. (3)

698 of 789

बहु प्रकार भूषन पहिराए। सिबिका रुचिर साजि पुनि ल्याए॥ ता पर हरषि चढ़ी बैदेही। सुमिरि राम सुखधाम सनेही ॥४॥

Bahu prakār bhūṣan pahirāe, sibikā ruchir sāji puni lyāe. Tā par haraṣi chaṛhī Baidehī, sumiri Rām sukhadhām sanehī. (4)

699 of 789

बेतपानि रच्छक चहु पासा। चले सकल मन परम हुलासा॥ देखन भालु कीस सब आए। रच्छक कोपि निवारन धाए ॥५॥

Betapāni rachchhak chahu pāsā, chale sakal man param hulāsā. Dekhan bhālu kīs sab āe, rachchhak kopi nivāran dhāe. (5)

700 of 789

कह रघुबीर कहा मम मानहु। सीतहि सखा पयादें आनहु॥ देखहुँ कपि जननी की नाईं। बिहसि कहा रघुनाथ गोसाईं ॥६॥

Kah Raghubīr kahā mam mānahu, Sītahi sakhā payādeṅ ānahu. Dekhahuṅ kapi jananī kī nāīṅ, bihasi kahā Raghunāth gosāīṅ. (6)

701 of 789

सुनि प्रभु बचन भालु कपि हरषे। नभ ते सुरन्ह सुमन बहु बरषे॥ सीता प्रथम अनल महुँ राखी। प्रगट कीन्हि चह अंतर साखी ॥७॥

Suni prabhu bachan bhālu kapi haraṣe, nabh te suranh suman bahu baraṣe. Sītā pratham anal mahuṅ rākhī, pragaṭ kīnhi chah antar sākhī. (7)

702 of 789

दो०—तेहि कारन करुनानिधि कहे कछुक दुर्बाद। सुनत जातुधानीं सब लागीं करै बिषाद ॥१०८॥

Do—Tehi kāran karunānidhi kahe kachuk durbād, sunat jātudhānīṅ sab lāgīṅ karai biṣād. (108)

703 of 789

प्रभु के बचन सीस धरि सीता। बोली मन क्रम बचन पुनीता॥ लछिमन होहु धरम के नेगी। पावक प्रगट करहु तुम्ह बेगी ॥१॥

Prabhu ke bachan sīs dhari Sītā, bolī man kram bachan punītā. Lachhiman hohu dharam ke negī, pāvak pragaṭ karahu tumh begī. (1)

704 of 789

सुनि लछिमन सीता कै बानी। बिरह बिबेक धरम निति सानी॥ लोचन सजल जोरि कर दोऊ। प्रभु सन कछु कहि सकत न ओऊ ॥२॥

Suni Lachhiman Sītā kai bānī, birah bibek dharam niti sānī. Lochan sajal jori kar doū, prabhu san kachu kahi sakat na oū. (2)

705 of 789

देखि राम रुख लछिमन धाए। पावक प्रगटि काठ बहु लाए॥ पावक प्रबल देखि बैदेही। हृदयँ हरष नहिं भय कछु तेही ॥३॥

Dekhi Rām rukh Lachhiman dhāe, pāvak pragaṭi kāṭh bahu lāe. Pāvak prabal dekhi Baidehī, hṛdayaṅ haraṣ nahiṅ bhay kachu tehī. (3)

706 of 789

जौं मन बच क्रम मम उर माहीं। तजि रघुबीर आन गति नाहीं॥ तौ कृसानु सब कै गति जाना। मो कहुँ होउ श्रीखंड समाना ॥४॥

Jauṅ man bach kram mam ur māhīṅ, taji Raghubīr ān gati nāhīṅ. Tau kṛsānu sab kai gati jānā, mo kahuṅ hou śrīkhaṇḍ samānā. (4)

707 of 789

छं०— श्रीखंड सम पावक प्रबेस कियो सुमिरि प्रभु मैथिली। जय कोसलेस महेस बंदित चरन रति अति निर्मली॥ प्रतिबिंब अरु लौकिक कलंक प्रचंड पावक महुँ जरे। प्रभु चरित काहुँ न लखे नभ सुर सिद्ध मुनि देखहिं खरे ॥१॥

Chhand—Śrīkhaṇḍ sam pāvak prabes kiyo sumiri prabhu Maithilī, jay Kosales Mahes bandit charan rati ati nirmalī. Pratibimb aru laukik kalaṅk prachaṇḍ pāvak mahuṅ jare, prabhu charit kāhuṅ na lakhe nabh sur siddh muni dekhahiṅ khare. (1)

708 of 789

धरि रूप पावक पानि गहि श्री सत्य श्रुति जग बिदित जो। जिमि छीरसागर इंदिरा रामहि समर्पी आनि सो॥ सो राम बाम बिभाग राजति रुचिर अति सोभा भली। नव नील नीरज निकट मानहुँ कनक पंकज की कली ॥२॥

Dhari rūp pāvak pāni gahi śrī satya śruti jag bidit jo, jimi Chhīrsāgar Indirā Rāmahi samarpī āni so. So Rām bām bibhāg rājati ruchir ati sobhā bhalī, nav nīl nīraj nikaṭ mānahuṅ kanak paṅkaj kī kalī. (2)

709 of 789

दो०—बरषहिं सुमन हरषि सुर बाजहिं गगन निसान। गावहिं किंनर सुरबधू नाचहिं चढ़ीं बिमान ॥१०९(क)॥

Do—Baraṣahiṅ suman haraṣi sur bājahiṅ gagan nisān, gāvahiṅ kinnar surabadhū nāchahiṅ chaṛhīṅ bimān. (109 ka)

710 of 789

जनकसुता समेत प्रभु सोभा अमित अपार। देखि भालु कपि हरषे जय रघुपति सुख सार ॥१०९(ख)॥

Janakasutā samet prabhu sobhā amit apār, dekhi bhālu kapi haraṣe jay Raghupati sukh sār. (109 kha)

711 of 789

तब रघुपति अनुसासन पाई। मातलि चलेउ चरन सिरु नाई॥ आए देव सदा स्वारथी। बचन कहहिं जनु परमारथी ॥१॥

Tab Raghupati anusāsan pāī, Mātali chaleu charan siru nāī. Āe dev sadā svārathī, bachan kahahiṅ janu paramārathī. (1)

712 of 789

दीन बंधु दयाल रघुराया। देव कीन्हि देवन्ह पर दाया॥ बिस्व द्रोह रत यह खल कामी। निज अघ गयउ कुमारगगामी ॥२॥

Dīn bandhu dayāl Raghurāyā, dev kīnhi devanh par dāyā. Bisva droh rat yah khal kāmī, nij agh gayau kumāragagāmī. (2)

713 of 789

तुम्ह समरूप ब्रह्म अबिनासी। सदा एकरस सहज उदासी॥ अकल अगुन अज अनघ अनामय। अजित अमोघसक्ति करुनामय ॥३॥

Tumh samarūp brahma abināsī, sadā ekaras sahaj udāsī. Akal agun aj anagh anāmay, ajit amoghasakti karunāmay. (3)

714 of 789

मीन कमठ सूकर नरहरी। बामन परसुराम बपु धरी॥ जब जब नाथ सुरन्ह दुखु पायो। नाना तनु धरि तुम्हइँ नसायो ॥४॥

Mīn kamaṭh sūkar naraharī, bāman Parasurām bapu dharī. Jab jab nāth suranh dukhu pāyo, nānā tanu dhari tumhaiṅ nasāyo. (4)

715 of 789

यह खल मलिन सदा सुरद्रोही। काम लोभ मद रत अति कोही॥ अधम सिरोमनि तव पद पावा। यह हमरें मन बिसमय आवा ॥५॥

Yah khal malin sadā suradrohī, kām lobh mad rat ati kohī. Adham siromani tav pad pāvā, yah hamareṅ man bisamay āvā. (5)

716 of 789

हम देवता परम अधिकारी। स्वारथ रत प्रभु भगति बिसारी॥ भव प्रबाहँ संतत हम परे। अब प्रभु पाहि सरन अनुसरे ॥६॥

Ham devatā param adhikārī, svārath rat prabhu bhagati bisārī. Bhav prabāhaṅ santat ham pare, ab prabhu pāhi saran anusare. (6)

717 of 789

दो०—करि बिनती सुर सिद्ध सब रहे जहँ तहँ कर जोरि। अति सप्रेम तन पुलकि बिधि अस्तुति करत बहोरि ॥११०॥

Do—Kari binatī sur siddh sab rahe jahaṅ tahaṅ kar jori, ati saprem tan pulaki bidhi astuti karat bahori. (110)

718 of 789

छं०— जय राम सदा सुखधाम हरे। रघुनायक सायक चाप धरे॥ भव बारन दारन सिंह प्रभो। गुन सागर नागर नाथ बिभो ॥१॥

Chhand—Jay Rām sadā sukhadhām hare, Raghunāyak sāyak chāp dhare. Bhav bāran dāran sinh prabho, gun sāgar nāgar nāth bibho. (1)

719 of 789

तन काम अनेक अनूप छबी। गुन गावत सिद्ध मुनींद्र कबी॥ जसु पावन रावन नाग महा। खगनाथ जथा करि कोप गहा ॥२॥

Tan kām anek anūp chhabī, gun gāvat siddh munīndra kabī. Jasu pāvan Rāvan nāg mahā, khaganāth jathā kari kop gahā. (2)

720 of 789

जन रंजन भंजन सोक भयं। गतक्रोध सदा प्रभु बोधमयं॥ अवतार उदार अपार गुनं। महि भार बिभंजन ग्यानघनं ॥३॥

Jan rañjan bhañjan sok bhayaṅ, gatakrodh sadā prabhu bodhamayaṅ. Avatār udār apār gunaṅ, mahi bhār bibhañjan gyānaghanaṅ. (3)

721 of 789

अज ब्यापकमेकमनादि सदा। करुनाकर राम नमामि मुदा॥ रघुबंस बिभूषन दूषन हा। कृत भूप बिभीषन दीन रहा ॥४॥

Aj byāpakamekamanādi sadā, karunākar Rām namāmi mudā. Raghubans bibhūṣan Dūṣan hā, kṛt bhūp Bibhīṣan dīn rahā. (4)

722 of 789

गुनग्याननिधान अमान अजं। नित राम नमामि बिभुं बिरजं॥ भुजदंड प्रचंड प्रताप बलं। खल बृंद निकंद महा कुसलं ॥५॥

Gunagyānanidhān amān ajaṅ, nit Rām namāmi bibhuṅ birajaṅ. Bhujadaṇḍ prachaṇḍ pratāp balaṅ, khal bṛnd nikand mahā kusalaṅ. (5)

723 of 789

बिनु कारन दीन दयाल हितं। छबि धाम नमामि रमा सहितं॥ भव तारन कारन काज परं। मन संभव दारुन दोष हरं ॥६॥

Binu kāran dīn dayāl hitaṅ, chhabi dhām namāmi Ramā sahitaṅ. Bhav tāran kāran kāj paraṅ, man sambhav dārun doṣ haraṅ. (6)

724 of 789

सर चाप मनोहर त्रोन धरं। जलजारुन लोचन भूपबरं॥ सुख मंदिर सुंदर श्रीरमनं। मद मार मुधा ममता समनं ॥७॥

Sar chāp manohar tron dharaṅ, jalajārun lochan bhūpabaraṅ. Sukh mandir sundar śrīramanaṅ, mad mār mudhā mamatā samanaṅ. (7)

725 of 789

अनवद्य अखंड न गोचर गो। सब रूप सदा सब होइ न गो॥ इति बेद बदंति न दंतकथा। रबि आतप भिन्नमभिन्न जथा ॥८॥

Anavadya akhaṇḍ na gochar go, sab rūp sadā sab hoi na go. Iti bed badanti na dantakathā, rabi ātap bhinnamabhinna jathā. (8)

726 of 789

कृतकृत्य बिभो सब बानर ए। निरखंति तवानन सादर ए॥ धिग जीवन देव सरीर हरे। तव भक्ति बिना भव भूलि परे ॥९॥

Kṛtakṛtya bibho sab bānar e, nirakhanti tavānan sādar e. Dhig jīvan dev sarīr hare, tav bhakti binā bhav bhūli pare. (9)

727 of 789

अब दीनदयाल दया करिऐ। मति मोरि बिभेदकरी हरिऐ॥ जेहि ते बिपरीत क्रिया करिऐ। दुख सो सुख मानि सुखी चरिऐ ॥१०॥

Ab dīnadayāl dayā kariai, mati mori bibhedakarī hariai. Jehi te biparīt kriyā kariai, dukh so sukh māni sukhī chariai. (10)

728 of 789

खल खंडन मंडन रम्य छमा। पद पंकज सेवित संभु उमा॥ नृप नायक दे बरदानमिदं। चरनांबुज प्रेमु सदा सुभदं ॥११॥

Khal khaṇḍan maṇḍan ramya chhamā, pad paṅkaj sevit Sambhu Umā. Nṛp nāyak de baradānamidaṅ, charanāmbuj premu sadā subhadaṅ. (11)

729 of 789

दो०—बिनय कीन्हि चतुरानन प्रेम पुलक अति गात। सोभासिंधु बिलोकत लोचन नहीं अघात ॥१११॥

Do—Binay kīnhi Chaturānan prem pulak ati gāt, sobhāsindhu bilokat lochan nahīṅ aghāt. (111)

730 of 789

तेहि अवसर दसरथ तहँ आए। तनय बिलोकि नयन जल छाए॥ अनुज सहित प्रभु बंदन कीन्हा। आसिरबाद पिताँ तब दीन्हा ॥१॥

Tehi avasar Dasarath tahaṅ āe, tanay biloki nayan jal chhāe. Anuj sahit prabhu bandan kīnhā, āsirabād pitāṅ tab dīnhā. (1)

731 of 789

तात सकल तव पुन्य प्रभाऊ। जीत्यों अजय निसाचर राऊ॥ सुनि सुत बचन प्रीति अति बाढ़ी। नयन सलिल रोमावलि ठाढ़ी ॥२॥

Tāt sakal tav punya prabhāū, jītyoṅ ajay nisāchar rāū. Suni sut bachan prīti ati bāṛhī, nayan salil romāvali ṭhāṛhī. (2)

732 of 789

रघुपति प्रथम प्रेम अनुमाना। चितइ पितहि दीन्हेउ दूढ़ ग्याना॥ ताते उमा मोच्छ नहिं पायो। दसरथ भेद भगति मन लायो ॥३॥

Raghupati pratham prem anumānā, chitai pitahi dīnheu dūṛh gyānā. Tāte Umā mochchh nahiṅ pāyo, Dasarath bhed bhagati man lāyo. (3)

733 of 789

सगुनोपासक मोच्छ न लेहीं। तिन्ह कहुँ राम भगति निज देहीं॥ बार बार करि प्रभुहि प्रनामा। दसरथ हरषि गए सुरधामा ॥४॥

Sagunopāsak mochchh na lehīṅ, tinh kahuṅ Rām bhagati nij dehīṅ. Bār bār kari prabhuhi pranāmā, Dasarath haraṣi gae suradhāmā. (4)

734 of 789

दो०—अनुज जानकी सहित प्रभु कुसल कोसलाधीस। सोभा देखि हरषि मन अस्तुति कर सुर ईस ॥११२॥

Do—Anuj Jānakī sahit prabhu kusal Kosalādhīs, sobhā dekhi haraṣi man astuti kar sur īs. (112)

735 of 789

छं०—जय राम सोभा धाम। दायक प्रनत बिश्राम॥ धृत त्रोन बर सर चाप। भुजदंड प्रबल प्रताप ॥१॥

Chhand—Jay Rām sobhā dhām, dāyak pranat biśrām. Dhṛt tron bar sar chāp, bhujadaṇḍ prabal pratāp. (1)

736 of 789

जय दूषनारि खरारि। मर्दन निसाचर धारि॥ यह दुष्ट मारेउ नाथ। भए देव सकल सनाथ ॥२॥

Jay Dūṣanāri Kharāri, mardan nisāchar dhāri. Yah duṣṭ māreu nāth, bhae dev sakal sanāth. (2)

737 of 789

जय हरन धरनी भार। महिमा उदार अपार॥ जय रावनारि कृपाल। किए जातुधान बिहाल ॥३॥

Jay haran dharanī bhār, mahimā udār apār. Jay Rāvanāri kṛpāl, kie jātudhān bihāl. (3)

738 of 789

लंकेस अति बल गर्ब। किए बस्य सुर गंधर्ब॥ मुनि सिद्ध नर खग नाग। हठि पंथ सब कें लाग ॥४॥

Laṅkes ati bal garb, kie basya sur gandharb. Muni siddh nar khag nāg, haṭhi panth sab keṅ lāg. (4)

739 of 789

परद्रोह रत अति दुष्ट। पायो सो फलु पापिष्ट॥ अब सुनहु दीन दयाल। राजीव नयन बिसाल ॥५॥

Paradroh rat ati duṣṭ, pāyo so phalu pāpiṣṭ. Ab sunahu dīn dayāl, rājīv nayan bisāl. (5)

740 of 789

मोहि रहा अति अभिमान। नहिं कोउ मोहि समान॥ अब देखि प्रभु पद कंज। गत मान प्रद दुख पुंज ॥६॥

Mohi rahā ati abhimān, nahiṅ kou mohi samān. Ab dekhi prabhu pad kañj, gat mān prad dukh puñj. (6)

741 of 789

कोउ ब्रह्म निर्गुन ध्याव। अब्यक्त जेहि श्रुति गाव॥ मोहि भाव कोसल भूप। श्रीराम सगुन सरूप ॥७॥

Kou brahma nirgun dhyāv, abyakt jehi śruti gāv. Mohi bhāv Kosal bhūp, Śrī Rām sagun sarūp. (7)

742 of 789

बैदेहि अनुज समेत। मम हृदयँ करहु निकेत॥ मोहि जानिऐ निज दास। दे भक्ति रमानिवास ॥८॥

Baidehi anuj samet, mam hṛdayaṅ karahu niket. Mohi jāniai nij dās, de bhakti Ramānivās. (8)

743 of 789

छं०—दे भक्ति रमानिवास त्रास हरन सरन सुखदायकं। सुख धाम राम नमामि काम अनेक छबि रघुनायकं॥ सुर बृंद रंजन द्वंद भंजन मनुजतनु अतुलितबलं। ब्रह्मादि संकर सेब्य राम नमामि करुना कोमलं॥

Chhand—De bhakti Ramānivās trās haran saran sukhadāyakaṅ, sukh dhām Rām namāmi kām anek chhabi Raghunāyakaṅ. Sur bṛnd rañjan dvand bhañjan manujatanu atulitabalaṅ, Brahmādi Saṅkar sebya Rām namāmi karunā komalaṅ.

744 of 789

दो०—अब करि कृपा बिलोकि मोहि आयसु देहु कृपाल। काह करौं सुनि प्रिय बचन बोले दीनदयाल ॥११३॥

Do—Ab kari kṛpā biloki mohi āyasu dehu kṛpāl, kāh karauṅ suni priya bachan bole dīnadayāl. (113)

745 of 789

सुनु सुरपति कपि भालु हमारे। परे भूमि निसिचरन्हि जे मारे॥ मम हित लागि तजे इन्ह प्राना। सकल जिआउ सुरेस सुजाना ॥१॥

Sunu Surapati kapi bhālu hamāre, pare bhūmi nisicharanhi je māre. Mam hit lāgi taje inh prānā, sakal jiāu Sures sujānā. (1)

746 of 789

सुनु खगेस प्रभु कै यह बानी। अति अगाध जानहिं मुनि ग्यानी॥ प्रभु सक त्रिभुअन मारि जिआई। केवल सक्रहि दीन्हि बड़ाई ॥२॥

Sunu Khages prabhu kai yah bānī, ati agādh jānahiṅ muni gyānī. Prabhu sak tribhuan māri jiāī, keval Sakrahi dīnhi baṛāī. (2)

747 of 789

सुधा बरषि कपि भालु जिआए। हरषि उठे सब प्रभु पहिं आए॥ सुधाबृष्टि भै दुहु दल ऊपर। जिए भालु कपि नहिं रजनीचर ॥३॥

Sudhā baraṣi kapi bhālu jiāe, haraṣi uṭhe sab prabhu pahiṅ āe. Sudhābṛṣṭi bhai duhu dal ūpar, jie bhālu kapi nahiṅ rajanīchar. (3)

748 of 789

रामाकार भए तिन्ह के मन। मुक्त भए छूटे भव बंधन॥ सुर अंसिक सब कपि अरु रीछा। जिए सकल रघुपति कीं ईछा ॥४॥

Rāmākār bhae tinh ke man, mukt bhae chhūṭe bhav bandhan. Sur ansik sab kapi aru rīchhā, jie sakal Raghupati kīṅ īchhā. (4)

749 of 789

राम सरिस को दीन हितकारी। कीन्हे मुकुत निसाचर झारी॥ खल मल धाम कामरत रावन। गति पाई जो मुनिबर पाव न ॥५॥

Rām saris ko dīn hitakārī, kīnhe mukut nisāchar jhārī. Khal mal dhām kāmarat Rāvan, gati pāī jo munibar pāv na. (5)

750 of 789

दो०—सुमन बरषि सब सुर चले चढ़ि चढ़ि रुचिर बिमान। देखि सुअवसर प्रभु पहिं आयउ संभु सुजान ॥११४(क)॥

Do—Suman baraṣi sab sur chale chaṛhi chaṛhi ruchir bimān, dekhi suavasar prabhu pahiṅ āyau Sambhu sujān. (114 ka)

751 of 789

परम प्रीति कर जोरि जुग नलिन नयन भरि बारि। पुलकित तन गदगद गिराँ बिनय करत त्रिपुरारि ॥११४(ख)॥

Param prīti kar jori jug nalin nayan bhari bāri, pulakit tan gadgad girāṅ binay karat Tripurāri. (114 kha)

752 of 789

छं०—मामभिरक्षय रघुकुल नायक। धृत बर चाप रुचिर कर सायक॥ मोह महा घन पटल प्रभंजन। संसय बिपिन अनल सुर रंजन ॥१॥

Chhand—Māmabhirakṣay Raghukul Nāyak, dhṛt bar chāp ruchir kar sāyak. Moh mahā ghan paṭal prabhañjan, sansay bipin anal sur rañjan. (1)

753 of 789

अगुन सगुन गुन मंदिर सुंदर। भ्रम तम प्रबल प्रताप दिवाकर॥ काम क्रोध मद गज पंचानन। बसहु निरंतर जन मन कानन ॥२॥

Agun sagun gun mandir sundar, bhram tam prabal pratāp divākar. Kām krodh mad gaj panchānan, basahu nirantar jan man kānan. (2)

754 of 789

बिषय मनोरथ पुंज कंज बन। प्रबल तुषार उदार पार मन॥ भव बारिधि मंदर परमं दर। बारय तारय संसृति दुस्तर ॥३॥

Biṣay manorath puñj kañj ban, prabal tuṣār udār pār man. Bhav bāridhi mandar paramaṅ dar, bāray tāray sansṛti dustar. (3)

755 of 789

स्याम गात राजीव बिलोचन। दीन बंधु प्रनतारति मोचन ॥४॥

Syām gāt rājīv bilochan, dīn bandhu pranatārati mochan. (4)

756 of 789

अनुज जानकी सहित निरंतर। बसहु राम नृप मम उर अंतर॥ मुनि रंजन महि मंडल मंडन। तुलसिदास प्रभु त्रास बिखंडन ॥५॥

Anuj Jānakī sahit nirantar, basahu Rām nṛp mam ur antar. Muni rañjan mahi maṇḍal maṇḍan, Tulsidās prabhu trās bikhaṇḍan. (5)

757 of 789

दो०—नाथ जबहिं कोसलपुरीं होइहि तिलक तुम्हार। कृपासिंधु मैं आउब देखन चरित उदार ॥११५॥

Do—Nāth jabahiṅ Kosalapurīṅ hoihi tilak tumhār, kṛpāsindhu maiṅ āub dekhan charit udār. (115)

758 of 789

करि बिनती जब संभु सिधाए। तब प्रभु निकट बिभीषनु आए॥ नाइ चरन सिरु कह मृदु बानी। बिनय सुनहु प्रभु सारँगपानी ॥१॥

Kari binatī jab Sambhu sidhāe, tab prabhu nikaṭ Bibhīṣanu āe. Nāi charan siru kah mṛdu bānī, binay sunahu prabhu Sāraṅgapānī. (1)

759 of 789

सकुल सदल प्रभु रावन मार्यो। पावन जस त्रिभुवन बिस्तार्यो॥ दीन मलीन हीन मति जाती। मो पर कृपा कीन्हि बहु भाँती ॥२॥

Sakul sadal prabhu Rāvan māryo, pāvan jas tribhuvan bistāryo. Dīn malīn hīn mati jātī, mo par kṛpā kīnhi bahu bhāṅtī. (2)

760 of 789

अब जन गृह पुनीत प्रभु कीजे। मज्जनु करिअ समर श्रम छीजे॥ देखि कोस मंदिर संपदा। देहु कृपाल कपिन्ह कहुँ मुदा ॥३॥

Ab jan gṛh punīt prabhu kīje, majjanu karia samar śram chhīje. Dekhi kos mandir sampadā, dehu kṛpāl kapinh kahuṅ mudā. (3)

761 of 789

सब बिधि नाथ मोहि अपनाइअ। पुनि मोहि सहित अवधपुर जाइअ॥ सुनत बचन मृदु दीनदयाला। सजल भए द्वौ नयन बिसाला ॥४॥

Sab bidhi nāth mohi apanāia, puni mohi sahit Avadhapur jāia. Sunat bachan mṛdu dīnadayālā, sajal bhae dvau nayan bisālā. (4)

762 of 789

दो०—तोर कोस गृह मोर सब सत्य बचन सुनु भ्रात। भरत दसा सुमिरत मोहि निमिष कल्प सम जात ॥११६(क)॥

Do—Tor kos gṛh mor sab satya bachan sunu bhrāt, Bharat dasā sumirat mohi nimiṣ kalpa sam jāt. (116 ka)

763 of 789

तापस बेष गात कृस जपत निरंतर मोहि। देखौं बेगि सो जतनु करु सखा निहोरउँ तोहि ॥११६(ख)॥

Tāpas beṣ gāt kṛs japat nirantar mohi, dekhauṅ begi so jatanu karu sakhā nihorauṅ tohi. (116 kha)

764 of 789

बीतें अवधि जाउँ जौं जिअत न पावउँ बीर। सुमिरत अनुज प्रीति प्रभु पुनि पुनि पुलक सरीर ॥११६(ग)॥

Bīteṅ avadhi jāuṅ jauṅ jiat na pāvauṅ bīr, sumirat anuj prīti prabhu puni puni pulak sarīr. (116 ga)

765 of 789

करेहु कल्प भरि राजु तुम्ह मोहि सुमिरेहु मन माहिं। पुनि मम धाम पाइहहु जहाँ संत सब जाहिं ॥११६(घ)॥

Karehu kalpa bhari rāju tumh mohi sumirehu man māhiṅ, puni mam dhām pāihahu jahāṅ sant sab jāhiṅ. (116 gha)

766 of 789

सुनत बिभीषन बचन राम के। हरषि गहे पद कृपाधाम के॥ बानर भालु सकल हरषाने। गहि प्रभु पद गुन बिमल बखाने ॥१॥

Sunat Bibhīṣan bachan Rām ke, haraṣi gahe pad kṛpādhām ke. Bānar bhālu sakal haraṣāne, gahi prabhu pad gun bimal bakhāne. (1)

767 of 789

बहुरि बिभीषन भवन सिधायो। मनि गन बसन बिमान भरायो॥ लै पुष्पक प्रभु आगें राखा। हँसि करि कृपासिंधु तब भाषा ॥२॥

Bahuri Bibhīṣan bhavan sidhāyo, mani gan basan bimān bharāyo. Lai Puṣpak prabhu āgeṅ rākhā, haṅsi kari kṛpāsindhu tab bhāṣā. (2)

768 of 789

चढ़ि बिमान सुनु सखा बिभीषन। गगन जाइ बरषहु पट भूषन॥ नभ पर जाइ बिभीषन तबही। बरषि दिए मनि अंबर सबही ॥३॥

Chaṛhi bimān sunu sakhā Bibhīṣan, gagan jāi baraṣahu paṭ bhūṣan. Nabh par jāi Bibhīṣan tabahī, baraṣi die mani ambar sabahī. (3)

769 of 789

जोइ जोइ मन भावइ सोइ लेहीं। मनि मुख मेलि डारि कपि देहीं॥ हँसे रामु श्री अनुज समेता। परम कौतुकी कृपा निकेता ॥४॥

Joi joi man bhāvai soi lehīṅ, mani mukh meli ḍāri kapi dehīṅ. Haṅse Rāmu Śrī anuj sametā, param kautukī kṛpā niketā. (4)

770 of 789

दो०—मुनि जेहि ध्यान न पावहिं नेति नेति कह बेद। कृपासिंधु सोइ कपिन्ह सन करत अनेक बिनोद ॥११७(क)॥

Do—Muni jehi dhyān na pāvahiṅ neti neti kah bed, kṛpāsindhu soi kapinh san karat anek binod. (117 ka)

771 of 789

उमा जोग जप दान तप नाना मख ब्रत नेम। राम कृपा नहिं करहिं तसि जसि निष्केवल प्रेम ॥११७(ख)॥

Umā jog jap dān tap nānā makh brat nem, Rām kṛpā nahiṅ karahiṅ tasi jasi niṣkeval prem. (117 kha)

772 of 789

भालु कपिन्ह पट भूषन पाए। पहिरि पहिरि रघुपति पहिं आए॥ नाना जिनस देखि सब कीसा। पुनि पुनि हँसत कोसलाधीसा ॥१॥

Bhālu kapinh paṭ bhūṣan pāe, pahiri pahiri Raghupati pahiṅ āe. Nānā jinas dekhi sab kīsā, puni puni haṅsat Kosalādhīsā. (1)

773 of 789

चितइ सबन्हि पर कीन्ही दाया। बोले मृदुल बचन रघुराया॥ तुम्हरें बल मैं रावनु मार्यो। तिलक बिभीषन कहँ पुनि सार्यो ॥२॥

Chitai sabanhi par kīnhī dāyā, bole mṛdul bachan Raghurāyā. Tumhareṅ bal maiṅ Rāvanu māryo, tilak Bibhīṣan kahaṅ puni sāṛyo. (2)

774 of 789

निज निज गृह अब तुम्ह सब जाहू। सुमिरेहु मोहि डरपहु जनि काहू॥ सुनत बचन प्रेमाकुल बानर। जोरि पानि बोले सब सादर ॥३॥

Nij nij gṛh ab tumh sab jāhū, sumirehu mohi ḍarapahu jani kāhū. Sunat bachan premākul bānar, jori pāni bole sab sādar. (3)

775 of 789

प्रभु जोइ कहहु तुम्हहि सब सोहा। हमरें होत बचन सुनि मोहा॥ दीन जानि कपि किए सनाथा। तुम्ह त्रैलोक ईस रघुनाथा ॥४॥

Prabhu joi kahahu tumhahi sab sohā, hamareṅ hot bachan suni mohā. Dīn jāni kapi kie sanāthā, tumh trailok īs Raghunāthā. (4)

776 of 789

सुनि प्रभु बचन लाज हम मरहीं। मसक कहूँ खगपति हित करहीं॥ देखि राम रुख बानर रीछा। प्रेम मगन नहिं गृह कै ईछा ॥५॥

Suni prabhu bachan lāj ham marahīṅ, masak kahūṅ Khagapati hit karahīṅ. Dekhi Rām rukh bānar rīchhā, prem magan nahiṅ gṛh kai īchhā. (5)

777 of 789

दो०—प्रभु प्रेरित कपि भालु सब राम रूप उर राखि। हरष बिषाद सहित चले बिनय बिबिध बिधि भाषि ॥११८(क)॥

Do—Prabhu prerit kapi bhālu sab Rām rūp ur rākhi, haraṣ biṣād sahit chale binay bibidh bidhi bhāṣi. (118 ka)

778 of 789

कपिपति नील रीछपति अंगद नल हनुमान। सहित बिभीषन अपर जे जूथप कपि बलवान ॥११८(ख)॥

Kapipati Nīl Rīchhapati Aṅgad Nal Hanumān, sahit Bibhīṣan apar je jūthap kapi balavān. (118 kha)

779 of 789

कहि न सकहिं कछु प्रेम बस भरि भरि लोचन बारि। सन्मुख चितवहिं राम तन नयन निमेष निवारि ॥११८(ग)॥

Kahi na sakahiṅ kachu prem bas bhari bhari lochan bāri, sanmukh chitavahiṅ Rām tan nayan nimeṣ nivāri. (118 ga)

780 of 789

अतिसय प्रीति देखि रघुराई। लीन्हे सकल बिमान चढ़ाई॥ मन महुँ बिप्र चरन सिरु नायो। उत्तर दिसिहि बिमान चलायो ॥१॥

Atisay prīti dekhi Raghurāī, līnhe sakal bimān chaṛhāī. Man mahuṅ bipra charan siru nāyo, uttar disihi bimān chalāyo. (1)

781 of 789

चलत बिमान कोलाहल होई। जय रघुबीर कहइ सबु कोई॥ सिंहासन अति उच्य मनोहर। श्री समेत प्रभु बैठे ता पर ॥२॥

Chalat bimān kolāhal hoī, jay Raghubīr kahai sabu koī. Sinhāsan ati uchya manohar, Śrī samet prabhu baiṭhe tā par. (2)

782 of 789

राजत रामु सहित भामिनी। मेरु सृंग जनु घन दामिनी॥ रुचिर बिमानु चलेउ अति आतुर। कीन्ही सुमन बृष्टि हरषे सुर ॥३॥

Rājat Rāmu sahit bhāminī, meru sṛṅg janu ghan dāminī. Ruchir bimānu chaleu ati ātur, kīnhī suman bṛṣṭi haraṣe sur. (3)

783 of 789

परम सुखद चलि त्रिबिध बयारी। सागर सर सरि निर्मल बारी॥ सगुन होहिं सुंदर चहुँ पासा। मन प्रसन्न निर्मल नभ आसा ॥४॥

Param sukhad chali tribidh bayārī, sāgar sar sari nirmal bārī. Sagun hohiṅ sundar chahuṅ pāsā, man prasann nirmal nabh āsā. (4)

784 of 789

कह रघुबीर देखु रन सीता। लछिमन इहाँ हत्यो इंद्रजीता॥ हनूमान अंगद के मारे। रन महि परे निसाचर भारे ॥५॥

Kah Raghubīr dekhu ran Sītā, Lachhiman ihāṅ hatyo Indrajītā. Hanūmān Aṅgad ke māre, ran mahi pare nisāchar bhāre. (5)

785 of 789

कुंभकरन रावन द्वौ भाई। इहाँ हते सुर मुनि दुखदाई ॥६॥

Kumbhakaran Rāvan dvau bhāī, ihāṅ hate sur muni dukhadāī. (6)

786 of 789

दो०—इहाँ सेतु बाँध्यों अरु थापेउँ सिव सुख धाम। सीता सहित कृपानिधि संभुहि कीन्ह प्रनाम ॥११९(क)॥

Do—Ihāṅ setu bāndhyoṅ aru thāpeuṅ Siv sukh dhām, Sītā sahit kṛpānidhi Sambhuhi kīnh pranām. (119 ka)

787 of 789

जहँ जहँ कृपासिंधु बन कीन्ह बास बिश्राम। सकल देखाए जानकिहि कहे सबन्हि के नाम ॥११९(ख)॥

Jahaṅ jahaṅ kṛpāsindhu ban kīnh bās biśrām, sakal dekhāe Jānakihi kahe sabanhi ke nām. (119 kha)

788 of 789

तुरत बिमान तहाँ चलि आवा। दंडक बन जहँ परम सुहावा॥ कुंभजादि मुनिनायक नाना। गए रामु सब कें अस्थाना ॥१॥

Turat bimān tahāṅ chali āvā, Daṇḍak ban jahaṅ param suhāvā. Kumbhajādi munināyak nānā, gae Rāmu sab keṅ asthānā. (1)

789 of 789

सकल रिषिन्ह सन पाइ असीसा। चित्रकूट आए जगदीसा॥ तहँ करि मुनिन्ह केर संतोषा। चला बिमानु तहाँ ते चोखा ॥२॥

Sakal riṣinh san pāi asīsā, Chitrakūṭ āe jagadīsā. Tahaṅ kari muninh ker santoṣā, chalā bimānu tahāṅ te chokhā. (2)

https://www.bhajanusa.com

Viewed … times

← Previous ५. सुन्दरकाण्ड · 5. Sundara Kand Next → ७. उत्तरकाण्ड · 7. Uttara Kand